༈ མེ་ལུག་ལོར་སྐྱིད་གྲོང་འཕགས་པ་ཝ་ཏིའི་སྐུ་མདུན་ནས་ཆོས་རྗེ་བློ་གྲོས་ཆོས་འཕེལ་ལ་ཕུལ་བ།
སྔོན་བསགས་བསོད་ནམས་ཤིང་རྟ་ལས་དྲངས་པའི། །ལེགས་བྱས་མཁའ་ལ་མེ་ཡེ་གཡི་དཔུང་ཅན། །དྲི་མེད་སྙིང་རྗེའི་རང་གཟུགས་ཀྱིས་སྤྲས་པ། །སྐལ་ལྡན་ཀུ་མུད་གཉེན་གྱུར་དེ་ཡི་དྲུང་། །ལགས། དེང་དུས་རིམ་གཉིས་གང་འཕེལ་བཞུགས་ནས་ཀྱང་། །གཞན་དོན་སྐྱོང་བར་ཐོས་པས་རྗེས་ཡི་རང་། །འཚམས་ཞུ། ཕྱག་བྲིས་རྟེན་ལྡན་འབེལ་མཆིད་འདིར་འབྱོར་སྤྲོ། །བདག་གི་སྐྱེ་ཡུལ་ཆོས་ལུགས་གང་ཡིན་ཞེས། །དྲི་རྨད་མཛད་ཅིང་སྦ་འཕྲི་མེད་དགོས་ཞེས། །རྩལ་ཡང་རང་ཉིད་ཡོན་ཏན་ལྡན་བཞིན་དུ། །སྦས་ཚུལ་སྤྱོད་པ་ཞིག་ནི་མ་ལགས་ཤིང་། །ཐོས་བསམ་བསྒོམ་པས་དབེན་པའི་སྙོམས་ལས་མཁན། །ཕྱོགས་མེད་རྒྱལ་ཁམས་གནས་བསྐོར་པ་གཅིག་ལགས། །འོན་རང་སྐྱེ་ཡུལ་མདོ་ཁམས་སྣང་གསུམ་དབུས། །བུ་འབོར་སྒང་དབུས་ཀཿཐོག་ལྷོ་ཡི་ཕྱོགས། །ཨོ་རྒྱན་སྦས་གནས་རེ་ཁེ་ལྗོངས་གནས་ཡིན། །ཆོས་ལུགས་པདྨའི་རྗེས་འཇུག་རྫོགས་ཆེན་ཡིན། །ད་ལམ་དུར་ཁྲོད་བརྒྱ་རྩ་འགྲིམ་འདོད་ལགས། །ཁར་སིང་ཞུས་ལྟར་ཡང་དགོན་རི་ཆོས་སྐོར། །ཞུ་མོས་མཆིས་རུང་དེ་ཀར་ཐུགས་བྲལ་གྱིས། །ལོང་ཁྱབ་ཡོད་མེད་བཀའ་མཆིད་སྩལ་བ་དང་། །འབར་རའི་བཀའ་འབུམ་དཀར་ཆག་ལེ་ཚན་དང་། །ཕྱག་ཆེན་རྣལ་འབྱོར་བཞི་ཁྲིད་མཛད་ཁ་ཞུ། །ཆུད་ཟོས་མེད་པར་འཕྲལ་དུ་འབུལ་ལམ་ཞུ། །དེ་སྐད་རྟེན་བཅས་རིག་སྔགས་འཛིན་པས་ཕུལ། །དགེའོ། །
བོད་ཆེན་འབྲི་རྒྱུད་རེ་ཁེ་ལྗོངས་སུ་དྲན་མཆོག་རྩ་བའི་བླ་མ་གདན་སར་མངོན་པར་མཐོ་བའི་གཟེངས་བསྟོད་ཕྱིར་དུ་ཀྲོབ་འཇའ་ཐམ་ཁ་མཚལ་ཆུའི་བྱུགས་པ་རྩ་བའི་བླ་མའི་འཕྲིན་ལས་ལ་དམིགས་ནས་སྙིང་ཐག་པ་ཡིས་གནང་བ་ཡང་དག་པ་དཔལ་རིག་པ་འཛིན་པ་ཚེ་དབང་ནོར་བུ་འཕྲིན་ལས་འགྲོ་འདུལ་གྱིས་མངའ་རིས་གུང་ཐང་དང་ཉེ་བ་ནས་བསྐུར་བ་མཀྵ་ར་ས་ཏཾ་སརྦ་མངྒ་ལཾ།