༈ དཔའ་བོ་རིན་པོ་ཆེས་ས་ཕག་ཟླ་༦ཚེས་༢༨ལ་རིག་འཛིན་རྗེའི་ཡང་སྲིད་ངོས་འཛིན་བྱས་པའི་ལུང་བསྟན། །
དྲན་མཆོག་མགོན་པོའི་སྒྱུ་འཕྲུལ། །ཚེ་རིང་བཀྲ་ཤིས་དོན་འགྲུབ། །བློ་ལྡན་ཤེས་རབ་དབང་བོ། །རྟ་གདོང་དཀར་མོ་གནས་པའི། །ཡུལ་སྨད་ལྟེ་བ་ཙམ་ལ། །སྔགས་འཆང་ཤེས་རབ་མིང་ཅན། །སྲས་པོ་ཆིག་བརྒྱུད་བདག་པོ། །སྒོ་ནི་བྱང་དུ་བསྟན་པ། །གཡས་ལ་མཐོང་ཆུང་ཡོད་ཅིང་། །མདུན་དུ་རྫིང་བུ་འཁྱོལ་བ། །གཟུང་མ་ཚེ་རིང་མིང་ཅན། །བདེ་བའི་དཔལ་གྱི་མཚོ་མོ། །ད་ལྟ་རིག་འཛིན་རྣམས་ཀྱིས། །ཚོགས་འཁོར་གྲངས་མེད་གཏོང་འདུག །དངོས་གྲུབ་ཆེ་བའི་རྐྱེན་གྱིས། །མ་ནི་ལྷ་ཡུལ་གཤེགས་འདྲ། །རིག་འཛིན་ས་ལ་འཁོད་འདུག །མི་ཡི་མཐོང་ཚུལ་ཀུན་ལ། །བཟའ་བ་ཚོགས་འཁོར་དཀོན་འདུག །རིག་པ་སྐྱེ་མེད་དབྱིངས་སུ། །བྱིས་པས་ལྟ་གདེངས་གནང་འདུག །ས་དཀར་བཀྲ་ཤིས་གོང་ལ། །བཀྲ་ཤིས་རྟེན་འབྲེལ་འགྲིག་འདུག །དམར་པོ་ཝ་ལ་ཅོག་དགའ། །བཀྲ་ཤིས་ཚེ་འཕེལ་དོན་གྲུབ། །ཅེས་སོ། །རིག་འཛིན་རྗེའི་སྔར་གྱི་ལུང་བསྟན་སྐོར་ཁག་བཅོ་ལྔ་ཙམ་འདུག་མོད་ཕལ་ཆེར་བསྡུས་པ་ཤ་སྟག་ཡིན་ཐོར་བུ་ཅི་རིགས་འདི་རུ་བསྡུས་པའོ།