སྙིང་ཏིག་ཡང་རྫོང་མའི་བླ་བརྒྱུད་ཁ་སྐོང་།

༈ སྙིང་ཏིག་ཡང་རྫོང་མའི་བླ་བརྒྱུད་ཁ་སྐོང་ནི།

གར་གྱི་དབང་ཕྱུག་དགོས་འདོད་རེ་བ་བསྐོང་། །མཆོག་བརྙེས་དམ་པ་གསུམ་ལ་གསོལ་བ་འདེབས། །ཡ་ཏི་དྷ་ཚ་མཁྱེན་བརྩེ་ནུས་པའི་གཏེར། །མི་འགྱུར་དབང་རྒྱལ་ཟབ་དོན་གསལ་བའི་དཔལ། །ཀུན་བཟང་རྣམ་རྒྱལ་རྫོགས་ཆེན་བསྟན་པའི་སྲོག །སྐྱེས་མཆོག་རིན་ཆེན་གསུམ་ལ༴ འབྲུག་སྒྲ་བཟང་པོ་སྨིན་གྲོལ་ཆུ་ཁུར་ཅན། །བསྟན་པའི་ཉི་མ་སྦས་པའི་སངས་རྒྱས་དངོས། །འཇིགས་བྲལ་ནམ་མཁའ་རྫོགས་ཆེན་རྣལ་འབྱོར་བ། །བསྟན་འཛིན་དམ་པ་གསུམ་ལ༴ རིན་ཆེན་བཟང་པོ་ཆོས་ཀྱི་རྒྱལ་མཚན་པར། །ཚེ་དབང་ནོར་བུ་གཞན་ཕན་འཕྲིན་ལས་སྤྱོད། །རྩ་བའི་བླ་མ་རྒྱལ་ཀུན་འདུས་པའི་ཞལ། །མཆོག་ཐུན་དངོས་གྲུབ་སྩོལ་བ་གསོལ་བ་འདེབས། །གར་གྱིས་དབང་ཕྱུག་མན་ཆད་ཀྱི་ཁ་བསྐང་རིག་འཛིན་ཚེ་དབང་ནོར་བུའི་ཆོས་འདིའི་ཁྲིད་ལུང་རྣམས་རྫོགས་པར་ཐོབ་པའི་དུས་སུ་སྦྱར་བའོ། །སརྦ་མངྒ་ལཾ།