༈ གསོལ་འདེབས་བསྡུས་པ།

ཨོཾ་སྭཱསྟི། བསྐལ་བཟང་རྫོགས་པའི་སངས་རྒྱས་རབ་གསལ་ཞབས། །སྔོན་ནས་བྱང་ཆུབ་རིན་ཆེན་ཏོགས་ཞེས་བྱ། །ད་ལྟའང་མངོན་དགའི་ཞིང་ན་མི་འཁྲུགས་མགོན། །ཞིང་འདིར་རྒྱལ་སྲས་བུ་སྟོན་སྤྲུལ་པའི་འདུད། །རིས་མེད་འགྲོ་ལ་བུ་ལྟར་བརྩེ་ཆེན་གཏེར། །སྟོན་པའི་རྒྱལ་ཚབ་རིན་ཆེན་བསྟན་པའི་བདག །མཁས་གྲུབ་ཡོངས་ཀྱི་སྤྱི་དཔལ་ཐམས་ཅད་མཁྱེན། །བུ་སྟོན་རིན་ཆེན་གྲུབ་ལ་གསོལ་བ་འདེབས། །མདོ་རྒྱུད་བསྟན་པ་ཀུན་གྱི་མིག་གཅིག་པུ། །རྒྱལ་དགོངས་འདྲེན་པའི་ཤིང་རྟ་མཆོག་ཁྱེད་ལ། །གསོལ་བ་བཏབ་མཐུས་ཁྱོད་བསྟན་དར་རྒྱས་ཤིང་། །བདག་ཀྱང་འགྲོ་ཕན་སངས་རྒྱས་མྱུར་འགྲུབ་ཤོག །

ཞེས་ཕྱོགས་མེད་རིས་མེད་ཀྱི་རྣལ་འབྱོར་པ་འཇམ་དབྱངས་རྒྱ་མཚོས་གུས་པ་ཆེན་པོ་གཙང་རུ་ལག་བརྒྱན་བྱང་ཆུབ་དགོན་གནས་སུ་སྲིན་པོ་སྣྲོན་ཟླའི་ཤེར་ཕྱོགས་ཚེ་ལྔ་ལ་བྲིས་པ་སརྦ་མངྒ་ལཾ།