༈ གསོལ་འདེབས་འཛམ་གླིང་མ།

ཨོཾ་སྭཱསྟི། འཛམ་གླིང་འདི་ན་གྲུབ་པ་ཀུན་གྱི་གཙོ། །རྒྱལ་བ་ཤཱཀྱའི་རྒྱལ་ཚབ་པདྨ་འབྱུང་། །གང་གི་ཕོ་ཉ་གནུབ་ཆེན་ནམ་སྙིང་གི །ཤེས་རྒྱུད་བྱིན་གྱིས་བརླབསནས་སྤྲུལ་པའི་སྐུར། །གྲགས་པས་གངས་རི་འཛིན་མ་ཡོངས་ཁེངས་ཤིང་། །ལྐོག་འགྱུར་གཞན་མེད་རང་གཞན་དོན་གཉིས་མཆོག །བསྒྲུབ་ལ་ཚེས་བརྩོན་ཚེ་དབང་ནོར་བུ་ཞེས། །བསྐལ་བརྒྱར་འཚོ་བཞེས་ཞབས་པད་བརྟན་གསོལ་འདེབས། །ཁྱོད་ལ་འདོད་དོན་གསོལ་བ་བཏབ་འདིའི་མཐུས། །རེ་བ་ཇི་བཞིན་འགྲུབ་ཅིང་གང་ཁྱོད་ཀྱིས། །བྱང་ཆུབ་མཆོག་ཐུགས་བསྐྱེད་ནས་ཐེག་ཆེན་གྱིས། །སྨོན་ལམ་བཏབ་ཀུན་བདག་གི་འགྲུབ་པར་ཤོག །

ཅེས་རྩ་བའི་བླ་མ་རྫོང་ཕུ་སྤྲུལ་པའི་སྐུའི་བཀའ་རྩལ་ཐོད་དུ་བཅིང་ནས་བྱ་བྲལ་རིག་པ་འཛིན་པ་ཚེ་དབང་ནོར་བུས་སྨྲས་པའི་ཡིག་རིག་མཁས་མཆོག་དམ་པ་འཕྲིན་ལས་བསྟན་འཛིན་ནོ། །