༈ གསོལ་འདེབས་ཀུན་བཟང་རྡོར་སེམས།
ཨོཾ་སྭཱསྟི། གདོད་ནས་རྣམ་དག་རྒྱལ་བ་ཀུན་ཏུ་བཟང་། །རིགས་དྲུག་འདུས་པའི་སྤྱི་དཔལ་རྡོ་རྗེ་སེམས། །རྨད་བྱུང་ཕྲིན་ལས་མངའ་བདག་པདྨ་འབྱུང་། །སྐུ་གསུམ་ཀུན་འདུས་ངོ་བོ་ནམ་མཁའ་སྙིང་། །ཐུགས་ཀྱི་སྒྱུ་འཕྲུལ་ཚེ་དབང་ནོར་བུའི་སྡེ། །རྩ་བའི་བླ་མར་བརྩེ་གཅིག་གསོལ་འདེབས་ན། །བདག་ནི་ཚེ་རབས་ཚེ་རྒྱུད་ཐམས་ཅད་དུ། །མགོན་པོ་ཁྱོད་ཀྱི་རྗེས་སུ་གཟུང་གྱུར་ཅིག །དམ་ཚིག་སེལ་མེད་ཐུགས་ཀྱི་དགྱེས་དགུ་བསྒྲུབ། །འཕྲིན་ལས་སྤེལ་ལ་རབ་ཏུ་བརྩོན་བྱེད་ཅིང་། །རྡོ་རྗེ་ཐེག་པའི་ས་ལམ་ཡོན་ཏན་རྫོགས། །ཚོམ་བུ་གཅིག་ཏུ་སངས་རྒྱས་འགྲུབ་པར་ཤོག །
ཅེས་སྙེ་མོ་ཨ་ཐ་གླིང་པའི་རྗེ་བཙུན་པདྨ་བདེ་ཆེན་མཚོ་སྒྲོན་དཔོན་གཡོག་གིས་གསོལ་བ་བཏབ་པའི་ངོར། རིག་པ་འཛིན་པ་ཚེ་དབང་ནོར་བུས་སྨྲས་པ་དགེ་ལེགས་སུ་གྱུར་ཅིག །སརྦ་མངྒ་ལཾ།