༈ གསོལ་འདེབས་གཟི་བརྗིད་འོད་དཔག་མེད།

ཨོཾ་སྭཱསྟི། གཟི་བརྗིད་འོད་དཔག་མེད་མགོན་པདྨ་འབྱུང་། །བརྟུལ་ཞུགས་གྲུབ་པ་ཡོངས་གཙོ་ཀཧྣ། །མཚུངས་མེད་འཁོར་ལོའི་མགོན་པོ་བདེ་བ་ཆེ། །རྩ་བའི་བླ་མའི་ངོ་བོར་གསོལ་བ་འདེབས། །བདག་ནི་ཚེ་རབས་ཚེ་རྒྱུད་ཐམས་ཅད་དུ། །མཐོ་རིས་ཡོན་ཏན་འཕགས་ནོར་བདུན་གྱིས་ཕྱུག །བཤེས་གཉེན་མཆོག་གིས་རྗེས་བཟུང་བསླབ་གསུམ་དག །རིང་མིན་རྡོ་རྗེ་འཆང་འབྲས་མྱུར་འགྲུབ་ཤོག །

ཅེས་ཡུལ་ཀསྨི་ར་ཡི་མཚོ་ལ་དྭགས་རྒྱལ་པོའི་བློན་པོ་དད་པ་ཅན་དགེ་སློང་ཆོས་འབྲུག་བརྒྱས་དང་། བླ་མ་རྒྱ་མཚོ་མཆེད་ཀྱི་ངོར་དཔལ་རིག་པ་འཛིན་པ་ཚེ་དབང་ནོར་བུས་སྨྲས་པ་དགེའོ། །