༈ གསོལ་འདེབས་རྒྱལ་བའི་འཕྲིན་ལས།

རབ་འབྱམས་རྒྱལ་བའི་འཕྲིན་ལས་གཅིག་བསྡུས་པ། །པདྨ་ཐོད་འཕྲེང་ཐུགས་དང་དབྱེར་མེད་པ། །གྲུབ་མཆོག་གནུབ་ཆེན་ནམ་མཁའི་སྙིང་པོ་ཡི། །སྤྲུལ་པའི་ཟློས་གར་སྙིགས་དུས་འགྲོ་བའི་དོན། །སྣང་བ་རིག་པ་འཛིན་གྲགས་མདོ་ཁམས་པ། །ཚེ་དབང་ནོར་བུ་ཞེས་ལ་གསོལ་བ་འདེབས། །འདི་ཕྱིར་བར་དོ་དུས་ཀུན་མགོན་ཁྱོད་ཀྱིས། །རྗེས་བཟུང་བྱང་ཆེན་སར་འདྲེན་བྱིན་གྱིས་རློབས། །

ཞེས་གཙང་ལ་སྟོད་ཅུང་རི་བོ་ཆེ་ཡི་ཕྱག་མཛོད་ཨོ་རྒྱན་ལྷུན་གྲུབ་ཀྱིས་གསོལ་བ་བཏབ་ངོར་ལྷ་གདོང་དུ་སྨྲས།