རྒྱུན་བཤགས་ཉེ་བར་བསྡུས་པ།
༈ རྒྱུན་བཤགས་ཉེ་བར་བསྡུས་པ་བཞུགས།
ཧཱུྂཿཧཱུྂཿཧཱུྂཿ མཁའ་ཁྱབ་སེམས་ཅན་ཐམས་ཅད་ཀྱི། །སྤྱི་བོར་བླ་མ་རྡོ་རྗེ་སེམས། །དཀར་གསལ་རྡོར་དྲིལ་རོལ་སྟབས་བཞུགས། །ཞི་འཛུམ་ལོངས་སྐུའི་རྒྱན་གྱིས་བརྒྱན། །རབ་འབྱམས་ཞི་ཁྲོ་འདུས་པའི་བདག །བྱིན་རླབས་དངོས་གྲུབ་ཀུན་གྱི་གཏེར། །མཁྱེན་བརྩེ་ནུས་པའི་བདག་ཉིད་དུ། །བཞུགས་པའི་སྤྱན་སྔར་གསོལ་བ་ནི། །བདག་སོགས་སྒོ་གསུམ་བག་མེད་པས། །ཐོག་མེད་དུས་དང་མ་འོངས་པར། །བྱས་དང་གསོག་པར་འགྱུར་བའི་ལས། །སྡིག་སྒྲིབ་མ་ལུས་འཐོལ་ཞིང་བཤགས། །ཁྱད་པར་སོ་ཐར་བྱང་སེམས་དང༌། །གསང་སྔགས་སྡོམ་དང་དམ་ཚིག་ལ། །ཉམས་ཆག་ཉེས་ལྟུང་ཅི་མཆིས་པ། །སྟོབས་བཞིས་བཤགས་ན་དག་པར་མཛོད། ། ཅི་ནུས་བཟླ། །དམ་ཚིག་བསྔོ་ཞིང་བགྲང་བ་དང༌། །ལུས་ཀྱི་ཕྱག་འཚལ་ངག་གི་སྔགས། །ཡིད་ཀྱིས་འགྱོད་ཚང་ལྡན་པས་སྡོམ། །དོན་དམ་ལྟ་བའི་ཀློང་བཤགས་བྱ། །ཅེས་པའང་སྔགས་སྐྱེས་མ་ཀུན་དགའ་ཡེ་ཤེས་མཚོས་བསྐུལ་ངོར་རིག་པ་འཛིན་པ་ཚེ་དབང་ནོར་བུས་བལ་ཡུལ་ས་ཡི་ཚངས་པའི་ཕོ་བྲང་གི་བསྐྱེད་ཚལ་དུ་བཀོད་པའོ། །