མཇུག་གི་དོན།
སྨྲས་པ། མཁས་པའི་གཞུང་དང་གྲུབ་པའི་མན་ངག་སྟེ། །ཟབ་དང་རྒྱ་ཆེའི་ལེགས་བཤད་ཆུ་བོའི་གཏེར། །ལུང་རིགས་བྱེ་བའི་རླབས་ཕྲེང་གཡོ་བ་ཅན། །བློ་དམན་ཡིད་ཀྱིས་གཏིང་དཔོག་ནུས་མིན་ཀྱང་། །རང་དང་སྐལ་མཉམ་འགའ་ལ་ཕན་འདོད་ཀྱིས། །དམ་པའི་ཞལ་ལུང་བདུད་རྩིའི་ཟེག་མ་ཙམ། །མོས་ཤིང་དད་པ་ཕྱོགས་སུ་བསྡུས་པ་ལ། །ནོངས་པར་གྱུར་གང་བརྒྱུད་གསུམ་བླ་མར་བཤགས། །འདིར་འབད་དགེ་ཚོགས་ཡིད་བཞིན་དབང་པོའི་སྤྲིན། །མ་ལུས་སྐྱེ་དགུའི་བླ་ན་རྟག་འཆར་ཞིང་། །ཕན་བདེའི་གྲུ་ཆར་རྒྱུན་མི་ཆད་འབྱུང་པའི་དོན་གཉིས་འབྲས་བུ་ཕུན་ཚོགས་འགྲུབ་གྱུར་ཅིག ཅེས་པའང་དོན་གཉེར་ཅན་འགའ་ཞིག་གིས་བསྐུལ་ངོར། རང་འདྲའི་བློ་དམན་རྣམས་ལ་ཕན་འདོད་ཀྱི་བསམ་པས་ཀུན་ནས་བསླང་སྟེ། རྩོད་བྲལ་གྱི་མཁས་གྲུབ་དུ་མས་མཛད་པའི་བསྙེན་ཡིག་འགའ་ཞིག་དང་རྗེ་བཙུན་བླ་མ་མཆོག་གི་ཞལ་ལུང་དང་བཅས་ཕྱོགས་གཅིག་ཏུ་བསྡུས་ཏེ། རྨོངས་རྟུལ་སྤྲུལ་མིང་བ་ཀུན་མཁྱེན་བསྟན་པའི་ཉི་མས་རང་གནས་བསམ་གཏན་གྱི་ཁང་པ་ངེས་པ་དོན་གྱི་དགའ་ཚལ་ཆོས་འཁོར་རྣམ་རྒྱལ་གླིང་དུ་ཟིན་བྲིས་སུ་བཏབ་པ་སུ་ཤྲི་ཡནྟུ། དེ་ལྟར་བསྐྱེད་རྫོགས་ཟབ་མོའི་ཟིན་བྲིས་མཆོག །སྤར་དུ་བསྒྲུབས་པའི་དགེ་འབྲས་ཅི་མཆིས་པ། །མ་ལུས་འགྲོ་བའི་ཚོགས་ལ་ཡོངས་བསྔོས་པས། །ཀུན་མཁྱེན་རྒྱལ་བའི་གོང་འཕང་ཐོབ་པར་ཤོག ཅེས་པ་འདི་ཡང་རྣམ་དཀར་སྒྲུབ་པ་པོ་མཁན་ཟུར་ཐུབ་བསྟན་སྙན་གྲགས་ཀྱིས་སྤར་བྱང་སྨོན་ཚིག་ཏུ་སྦྱར་བ་དགེ། སརྦ་མངྒ་ལམ། །