སྤྱི་དོན་གཉིས་པ། རྒྱལ་བ་སྐུ་གསུམ་གྱི་བསྟན་པ་བྱུང་ཚུལ།
སྤྱོ་དོན་གཉིས་པ་སྐུ་གསུམ་གྱི་བསྟན་པ་བྱུང་ཚུལ་ལ་གཉིས་ཏེ། མདོར་བསྟན་པ་དང་རྒྱས་པར་བཤད་པའོ། །མདོར་བསྟན་པ། མདོར་བསྟན་པ་ནི། གནས་ལུགས་ཇི་བཞིན་པའི་ངོ་བོ་དེ་ཉིད། ཞིང་ཁམས་དང་སྟོན་པ་རུ་སྣང་ནས་འགྲོ་བའི་དོན་མཛད་ཚུལ་ནི། ཁམས་གསུམ་གྱི་སེམས་ཅན་རྣམས་ཀྱི་གནས་ལུགས་དེ་ལྟར་མ་རྟོགས་ཏེ། མ་རིག་པ་རྣམ་གཉིས་ཀྱིས་འཁྲུལ་པའི་དབང་གིས་ལས་དང་ཉོན་མོངས་པའི་རྒྱུ་ལ་བརྟེན་ནས་འབྲས་བུ་སྡུག་བསྔལ་གྱི་བྱེ་བྲག་སྣ་ཚོགས་པ་ཉམས་སུ་མྱོང་ཞིང། ཉམས་ཐག་པ་དེ་ལ་ཡང་དག་པར་རྫོགས་པའི་སངས་རྒྱས་རྣམས་ཀྱིས་ཐམས་ཅད་མཁྱེན་པའི་སྤྱན་གྱིས་གཟིགས་ཤིང། གཟིགས་ནས་ཀྱང་མས་བུ་གཅིག་པ་ལ་བརྩེ་བ་ལྟ་བུས། ཐུགས་རྗེ་ཆེན་པོའི་སྒོ་ནས། རྟེན་སྐུ་བརྟེན་པ་ཡེ་ཤེས། མཛད་པ་འཕྲིན་ལས་དང་བཅས་པས་སེམས་ཅན་གྱི་དོན་མཛད་ཚུལ་ནི། མདོ་རྒྱུད་ལས། མཐའ་ཡས་སེམས་ཅན་མ་ལུས་ཐམས་ཅད་ཀྱིས། །བླ་མེད་བྱང་ཆུབ་གོ་འཕང་ཐོབ་བྱའི་ཕྱིར། །བདེ་གཤེགས་ཐུགས་རྗེ་ཆེ་ལ་ཐབས་མཁས་པས། །ཐེག་པ་རིམ་དགུ་སྐུ་གསུམ་
སོ་སོར་གསུངས། །ཆོས་སྐུ་ཀུན་བཟང་ཆོས་དབྱིངས་ཕོ་བྲང་དུ། །སྤྲོས་པ་མེད་དེ་དུས་གསུམ་བདེ་གཤེགས་ལ། ནང་རྒྱུད་སྡེ་གསུམ་བྱིན་གྱིས་བརླབས་ཏེ་བཤད། །ཅེས་དང། དགོངས་པ་འདུས་པ་ལས། བདེ་གཤེགས་ཡེ་ཤེས་ཐུགས་རྗེས་འདུལ་བ་སྟེ། དགོངས་པ་འདུས་པ་ལས། བདེ་གཤེགས་ཡེ་ཤེས་ཐུགས་རྗེས་འདུལ་བ་སྟེ། །སྐུ་གསུམ་སྨོན་ལམ་སོ་སོར་ཁྱབ་པ་ལས། །རྒྱལ་བའི་ཞིང་ཁམས་གསུམ་དུ་གྲུབ་པ་ལ། །ཆོས་སྐུའི་ཞིང་ཁམས་ནམ་མཁའི་མཐའ་དང་མཉམ། །ཞིང་ཁམས་མཚན་ནི་ཁྱབ་གདལ་ཆེན་པོ་སྟེ། །སྟོན་པའི་མཚན་ནི་ཀུན་ཏུ་བཟང་པོ་ཡིས། །སྤྲོས་མེད་སྐུ་དང་ནང་རྒྱུད་གསུམ་གྱིས་འདུལ། །ཞེས་གསུངས་པ་དང། ཡང་རྒྱུད་ལས། ལོངས་སྐུ་རྣམ་སྣང་འོག་མིན་ཕོ་བྲང་དུ། །རྒྱལ་པོ་ལྟར་ཏེ་བྱང་ཆུབ་སེམས་དཔའ་ལ། །ཀྲྀ་ཡ་ཨུ་པ་ཡོ་ག་རྣམ་པ་གསུམ། །ཕྱི་རྒྱུད་སྡེ་གསུམ་སྐུ་ཡི་བརྡ་ཡིས་བཤད། །ཅེས་པ་དང། ཕལ་པོ་ཆེ་ལས། ལོངས་སྐུའི་ཞིང་ཁམས་སྟོང་གསུམ་བྱེ་བྲག་བརྒྱ། །ཞིང་དེའི་མཚན་ནི་གཞི་སྙིང་མེ་ཏོག་རྒྱན། །སྟོན་པའི་མཚན་ནི་རྣམ་པར་སྣང་མཛད་ཀྱིས། །རྒྱལ་བའི་སྐུ་དང་ཕྱི་རྒྱུད་གསུམ་གྱིས་འདུལ། །ཞེས་དང། ཡང་རྒྱུད་ལས། སྤྲུལ་སྐུ་ཤཱཀ་ཐུབ་ལྷོ་ཡི་འཛམ་གླིང་དུ། །ཉན་ཐོས་ལྟར་ཏེ་སྣང་ཚོགས་གང་ཟག་ལ། །འདུལ་བ་མདོ་སྡེ་མངོན་པ་རྣམ་པ་གསུམ། །མཚན་ཉིད་སྡེ་གསུམ་གསུང་གིས་སྦྱངས་ཏེ་བཤད། ཅེས་དང། རྒྱ་ཆེ་རོལ་པ་ལས། སྤྲུལ་སྐུའི་ཞིང་ཁམས་གླིང་བཞི་བྱེ་བྲག་བརྒྱ། །ཞིང་ཁམས་མཚན་ནི་མི་མཇེད་འཇིག་རྟེན་ཁམས། །སྟོན་པའི་མཚན་ནི་ཤཱཀྱ་ཐུབ་པ་ཡིས། །ཉན་ཐོས་སྐུ་དང་མཚན་ཉིད་གསུང་གིས་འདུལ། །ཞེས་སོགས་གསུངས་པའོ།
རྒྱས་པར་བཤད་པ། གཉིས་པ་རྒྱས་པར་བཤད་པ་ལ་གསུམ་སྟེ། ཆོས་སྐུ་དང། ལོངས་སྐུ་དང། སྤྲུལ་སྐུའོ། །དང་པོ་ཆོས་སྐུ་བསྟན་པ། ཆོས་སྐུ་ལ་ལྔ་སྟེ། གནས་ཕུན་སུམ་ཚོགས་པ། སྟོན་པ་ཕུན་སུམ་ཚོགས་པ། འཁོར་ཕུན་སུམ་ཚོགས་པ། བསྟན་པ་ཕུན་སུམ་ཚོགས་པ། དུས་ཕུན་སུམ་ཚོགས་པའོ། །གནས་ཕུན་སུམ་ཚོགས་པ། དང་པོ་གནས་སམ་ཞིང་ཁམས་ནི། ཀུན་བྱེད་ལས། སྟོན་པ་ཆོས་སྐུའི་གནས་ནི་འདི་ལྟ་སྟེ། །འོག་མིན་ཆོས་ཀྱི་དབྱིངས་ཀྱི་ཕོ་བྲང་སྟེ། །ཡང་དག་དོན་གྱི་འོག་མིན་དེ་རུ་བཤད། །ཅེས་དང། བཤད་རྒྱུད་ལས། ནམ་མཁའི་མཐའ་ཀླས་ཆོས་ཀྱི་དབྱིངས། །མཐའ་དང་དབུས་མེད་གནས་ཀྱི་མཆོག །སྤྲོས་མེད་གནས་ཀྱིས་ཀུན་ལ་ཁྱབ། །ཀུན་བཟང་ཆོས་སྐུའི་གནས་ཆེན་པོ། །ཞེས་པས། སེམས་ཉིད་ལྷན་ཅིག་སྐྱེས་པ་ཡེ་ཤེས་ཀྱི་འོན་མིན་ཡིན་ཏེ། ཡེ་ཤེས་བླ་ན་མེད་པའི་རྒྱུད་ལས། སེམས་ཉིད་བདེ་སྟོང་ལྷན་ཅིག་སྐྱེས། །འོག་མིན་གཙང་མའི་གནས་མཆོག་གོ །ཞེས་གསུངས་པས། དགུལ་བྱའི་དོན་སྣང་བའི་སྟོན་པ་གསུམ་ལས། སྐྱེ་བ་མེད་པའི་ཆོས་ཀྱི་སྐུའི་བཞུགས་གནས། དོན་གྱི་འོག་མིན་ཡིན་པ་འདི་ལྟ་སྟེ། དོན་གང་གི་ཡང་འོག་ཏུ་མ་གྱུར་པས་འོག་མིན་ཏེ་ཆོས་ཉིད་སྤྲོས་པ་
དང་བྲལ་ཞིང། མུ་མཐའ་མེད་པའི་བྱིངས་ཀུན་ཏུ་བཟང་པོ། རྟེན་དང་བརྟེན་ཅན་ཐ་མི་དད་པར་བཞུགས་པའི་ཕོ་བྲང་སྟེ། མ་ནོར་ཞིང་མི་བསླུ་བས་ཡང་དག་པ་ཆོས་དབྱིངས་དོན་གྱི་འོག་མིན་ཞེས་བྱའོ། །ཞིང་ཁམས་ནི་ཀུན་བྱེད་ལས། སྟོན་པོ་ཆོས་སྐུས་འདུལ་བའི་ཞིང་ཁམས་ནི། །ཆོས་ཀྱི་དབྱིངས་ཀྱི་མཐའ་ཡིས་ཀླས་པ་དང། །ནམ་མཁའི་ཁམས་ཀྱིས་ཇི་ལྟར་ཁྱབ་པ་དེ། །ཆོས་ཀྱི་སྐུ་ཡིས་འདུལ་བའི་ཁམས་ཡིན། །ཞེས་གསུངས་པས། ནམ་མཁའི་མཐའ་ཁྱབ་ཚད་དེ། སྟོན་པ་ཆོས་སྐུས་གདུལ་བའི་ཞིང་ཁམས་འདི་ཚོད་ཅིག་ཡིན་ཞེས་ཚད་བཟུང་དུ་མེད་དེ། དགེ་བའི་རྩ་བ་ཡོངས་སུ་འཛིན་པའི་མདོ་ལས། ཆོས་ཀྱི་སྐུའི་ཞིང་ཁམས་དེ་ཡི་ཚད་དམ་གྲངས་མདོ་ཙམ་ཞིག་བརྗོད་ན། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ཏིལ་གྱི་འབྲས་བུས་ཕྱུར་བུར་བཀང་སྟེ། དེ་ནས་ཏིལ་འབྲུ་རེ་རེ་ཕྱུང་ཞིང་ཤར་ཕྱོགས་ཀྱི་སངས་རྒྱས་ཀྱི་ཞིང་ཁམས་རེ་རེའི་སྟེང་དུ། ཏིལ་འབྲུག་རེ་རེ་བཞག་པས། ཏིལ་འབྲུས་སྟོང་གསུམ་གང་བ་དེ་ཤར་ཕྱོགས་ཀྱི་སངས་རྒྱས་ཀྱི་ཞིང་དུ་ཟད་པར་འགྱུར་བ་དེ་བཞིན་དུ་ཕྱོགས་བཅུའི་ཕྱོགས་རེ་རེར་ཡང། ཏིལ་འབྲུ་དེ་བཞིན་དུ་ཟད་པར་གྱུར་པ་དེ། སྟོང་ཆེན་པོ་རབ་འབྱམས་ཀྱི་སངས་རྒྱ་ཀྱི་ཞིང་ཞེས་བྱ་སྟེ། ཆོས་ཀྱི་སྐུས་འདུལ་བའི་ཞིང་ཁམས་སོ། །སྟོན་པ་ཕུན་སུམ་ཚོགས་པ། གཉིས་པ་སྟོན་པ་ཆོས་ཀྱི་སྐུ་ནི། ཆོས་ཀྱི་དབྱིངས་རྣམ་པར་དག་པ་དང། མེ་ལོང་ལྟ་བུའི་ཡེ་ཤེས་དབྱིངས་དང། ཡེ་ཤེས་དབྱེར་མེད་པ་ལ་བྱའོ། །
དེའི་སྟོབས་དང་མི་འཇིགས་པ་ལ་སོགས་པའི་་རྟེན་བྱེད་པའི་ཕྱིར་ན། སྐུ་ཞེས་བྱ་སྟེ། ཀུན་བྱེད་ལས། ཆོས་ཀྱི་སྐུ་ཡི་རང་བཞིན་བསྟན་པ་ནི། །མ་སྐྱེས་གཟུང་འཛིན་བྲལ་བའི་རང་བཞིན་ལས། །ཞེས་པ་དང། ཡང་དེ་ཉིད་ལས། མི་རྟོག་མཉམ་པ་ཉིད་དུ་གནས་པ་དེ། སྤྲོས་བྲལ་ཆོས་ཀྱི་སྐུ་ཡི་ངོ་བོ་ཡིན། །ཞེས་པ་དང། ཡང་དེ་ཉིད་ཀྱི་ལེའུ་བཅོ་ལྔ་པ་ལས། སངས་རྒྱས་བྱ་བ་གཞན་མེད་རང་སེམས་ཏེ། །རང་སེམས་མ་བཅོས་ཆོས་ཀྱི་སྐུ་རུ་བཤད། །ཅེས་དང། མདོ་བཅུ་ལས། ཀུན་བཟང་རྒྱལ་བ་མཆོག་གི་ལྷ། །བྱ་ཆུབ་མཆོག་གི་སྙིང་པོ་ཡིན། །ཀུན་གྱི་སྟོན་པ་བྱང་ཆུབ་སེམས། །ཞེས་དང། རང་བཞིན་དོན་གྱི་སྟོན་པ་ཀུན་ཏུ་བཟང་པོ་ནི། གདུལ་བྱའི་ངོ་བོར་སྣང་བའི་ཀུན་ཏུ་བཟང་པོ་ནི། སངས་རྒྱས་སྤྱིའི་གཟུགས་ཅན་སྐུ་ལྔ་ལྷུན་གྱིས་གྲུབ་པའི་རྡོ་རྗེ་འཆང་ཆེན་པོ་སྟེ། གཞི་རང་བཞིན་གྱི་རྣམ་པར་དག་པ་དང། སྤང་བྱ་གློ་བུར་གྱི་དྲི་མ་རྣམ་པར་དག་པ་སྟེ། དག་པ་གཉིས་ལྡན་དེ་ཆོས་ཀྱི་སྐུའི་མཚན་ཉིད་དོ། །འཁོར་ཕུན་སུམ་ཚོགས་པ། གསུམ་པ་འཁོར་ནི། ཀུན་བྱེད་ལས། སྟོན་པ་ཆོས་ཀྱི་སྐུ་ཡི་འཁོར་བསྟན་པ། །ང་ཡིས་པའ་འཁོར་རྣམས་ཐམས་ཅད་ཀུན། །ང་ཡི་རང་བཞིན་ཆོས་སྐུའི་འཁོར་ཡིན་པས། །སངས་རྒྱས་སེམས་ཅན་སྣང་སྲིད་
སྣོད་བཅུད་ཀུན། །སྟོན་པ་ཆོས་སྐུའི་འཁོར་དུ་མ་འདུས་མེད། །ཅེས་པས། སྟོན་པ་ཆོས་སྐུའི་འཁོར་ནི། དུས་གསུམ་གྱི་སངས་རྒྱས་ཐམས་ཅད་དང། ཁམས་གསུམ་རྒྱུད་དྲུག་གི་སེམས་ཅན་ཐམས་ཅད་ཡིན་ཏེ། མདོ་བཅུ་ལས། སྟོན་པ་ཆོས་སྐུའི་འཁོར་བསྟན་པ། །དུས་གསུམ་སངས་རྒྱས་བཞུགས་པ་དང། །ཁམས་གསུམ་རྒྱུད་དྲུག་སེམས་ཅན་ལ། །འབྲེལ་པ་ཕུན་སུམ་ཚོགས་པར་བཤད། །ཅེས་པས་རག་བཞིན་དོན་གྱི་འཁོར་རང་བྱུང་ཡེ་ཤེས་རིལ་པ་སྣང་བ་སྣ་ཚོགས་སུ་ཤར་བ་ཉིད་ལས་མི་ཞན་པའོ། །གདུལ་བྱའི་ངོར་སྣང་བའི་འཁོར་ནི། གཞི་ལམ་འབྲས་བུའི་འཁོར་རྣམ་པ་གསུམ་མོ་ཞེས་སོ། །བསྟནཔ་ཕུན་སུམ་ཚོགས་པ། བཞི་པ་བསྟན་པ་ནི། ཀུན་བྱེད་ལས། སྟོན་པ་ཆོས་སྐུའི་བསྟན་པ་འདི་ལྟ་སྟེ། གསང་བ་བསྐྱེད་དང་གསང་བ་རྫོགས་པ་དང། གསང་བ་རྫོགས་པ་ཆེན་པོའི་རང་བཞིན་གསུམ། །ཀུན་གྱི་སྤྱོད་ཡུལ་མ་ཡིན་གསང་བར་བཤད། །ཅེས་གསུངས་པས། དོན་གྱི་བསྟནཔ་རང་བྱུང་ཡེ་ཤེས་ཀྱི་རང་བཞིན་མ་བཅོས་པའི་དོན་རང་ཤར་བ་ལས། གཞན་བཤད་པ་མེད་ཀྱང། གདུལ་བྱའི་ངོར་བྱུང་བ་ནི། མ་ཧཱ་ཡོ་ག་ཐབས་ཕའི་རྒྱུད། ཨ་ནུ་ཡོ་ག་ཤེས་རབ་མའི་རྒྱུད། ཨ་ཏི་ཡོ་ག་དབྱེར་མེད་ཀྱི་རྒྱུད་དང། ཐབས་ཤེས་རབ་གཉིས་མེད་ཀྱི་རྒྱུད་གསུམ་དུ་གྲགས་པ་ནི་ཆོས་ཆོས་སྐུའི་བསྟན་པའོ། །བསྟན་པ་དེ་གསུམ་ཆོས་སྐུས་ཇི་ལྟར་བཤད་ན། འདུན་མདོ་ནས། ཆོས་སྐུའི་བྱིན་གྱིས་བརླབས་ཀྱིས་བཤད་པ་ནི། །རང་བཞི་
ཆོས་དབྱིངས་གཞལ་ཡས་ནས། །སྟོན་པ་ཀུན་ཏུ་བཟང་པོ་ནི། །མཚན་མའི་སྐུ་གསུང་མི་མངའ་བར། །ཆོས་ཉིད་སྐྱེ་བ་མེད་པ་དེས། །བཟང་ངན་བླང་དོར་མེད་པ་རུ། །ཀུན་བཟང་ཉིད་དུ་བྱིན་བརླབས་ནས། །རྡོ་རྗེ་སེམས་པའི་ཐུགས་ལ་བརྒྱུད། །བྱིན་གྱིས་བརླབས་ཀྱིས་བཤད་ཅེས་བྱ། །ཞེས་པ་དང། བང་མཛོད་ལས། ཆོས་ཀྱི་སྐུ་ཡི་བཤད་ལུགས་ནི། །ངེས་པའི་དོན་ལ་དགོངས་ནས་ནི། །མི་རྟོག་ཐུགས་ཀྱི་སྒོ་ནས་ནི། །བྱིན་གྱིས་བརླབས་ཀྱིས་བཤད་པ་ཡིན། ཞེས་པ་དང། གསང་བ་སྙིང་པོ་ལས། ཇི་ལྟར་གསུང་རབ་ཀུན་བརྗོད་ཀྱང། །དེ་བཞིན་ཉིད་ཀྱིས་གསུངས་པ་མེད། །ཡེ་གེ་མེད་དང་རིག་པའི་གསུང། །ལྗགས་ཀྱི་རྩེ་མོར་མ་བྱུང་ཡང། །ཐུགས་རྗེ་གསུང་གི་བྱིན་བརླབས་ཀྱིས། །འགྲོ་དོན་སྣ་ཚོགས་སོ་སོར་གསལ། གསལ་ཉིད་གསུང་གི་རྡོ་རྗེ་མཆོག །དེ་བཞིན་གསུང་གི་འགྲོ་དོན་རྣམས། དེ་བཞིན་ངང་ལས་མ་གཡོས་ཀྱང། །དཔེར་ན་བྲག་ཆའི་སྒྲ་བཞིན་ནོ། །ཞེས་གསུངས་པས། ཇི་ལྟར་སྒྲའམ་བརྡའི་སྒོ་ནས་གསུང་རབ་ཀྱི་དོན་ཀུན་ཚིག་ཡུ་བརྗོད་པ་ཐམས་ཅད་ཀྱང་བསྡུ་ན་གསུང་གི་རྣམ་གྲངས་ལྔའམ་དྲུག་ཏུ་འདུས་ཏེ། དེ་བཞིན་ཉིད་ཀྱི་དོན་བརྗོད་དུ་མེད་པའི་ཕྱིར། ཚིག་ཡུ་གསུངས་པ་མེད་པ་ནི། ཆོས་སྐུ་སྐྱེ་མེད་དོན་གྱི་གསུང་ངོ་། །དེ་ཉིད་མཚོན་བྱེད་ཀྱི་ཡི་གེ་མེད་པ་དང། ལྗགས་ཀྱི་རྩེ་མོར་སྒྲ་ཚོག་ཏུ་མ་བྱུང་ཡང། བརྡ་དོན་འཇལ་བར་བྱེད་པས་ན་ལོངས་སྐུ་དགོངས་པ་བརྡ་ཡི་གསུང་ངོ་། །དེ་ཉིད་ཀྱང་རང་རིག་པ་ཁོ་ནའི་ཕྱིར་རིག་པ་ཡེ་ཤེས་ཀྱི་གསུང་དེ་ནི་སྤྲོས་པ་དང་བྲལ་ཡང། བརྩེ་བ་ཆེན་པོས་ཐམས་ཅད་ལ་ཁྱབ་
པའི་ཐུགས་རྗེས་ཆོས་ཐམས་ཅད་དང་སྒྲ་ཐམས་ཅད་ཆོས་ཉིད་ཀྱི་ངང་དུ་ལྷུན་གྱིས་གྲུབ་པའི་གསུང་གི་བྱིན་རླབས་ཅིར་ཡང་མི་འགག་པ་ནི་རིག་པ་བྱིན་གྱིས་བརླབས་ཀྱི་གསུང་ངོ་། །འགྲོ་དོན་སྣ་ཚོགས་གདུལ་བྱའི་བསམ་པ་དང་མཐུན་པར་སོ་སོར་བརྡའི་དོན་དུས་གཅིག་ཏུ་གསལ་བར་སྟོན་པ་ནི་སྤྲུལ་སྐུ་བརྗོད་པ་ཚིག་གི་གསུང་ངོ་། །གསུང་ལྔ་ཡང་མ་འགག་པར་གསལ་བའི་དུས་ཉིད་ནའང་རང་བཞིན་ལས་གཡོས་པ་མེད་པར་གསུང་གི་མཆོག་དེ་ནི་དབྱེར་མེད་པ་རྡོ་རྗེའི་གསུང་ངོ་། །དེ་བཞིན་ཚིག་ཏུ་མ་བརྗོད་པར་གསལ་བར་གོ་བ་ལ་སོགས་པའི་གསུང་གི་སྒོ་ནས་འགྲོ་བ་སེམས་ཅན་གྱི་དོན་རྣམས་ཀྱང་དེ་བཞིན་ཉིད་ཀྱི་ངང་ལས་མ་གཡོས་པར་སྒྲའི་ཕྱེ་བྲག་ཐ་དད་པ་སྣ་ཚོགས་སུ་གྲགས་ཀྱང་དཔེར་ན་བྲག་གིས་མ་སྨྲས་བཞིན་དུ་བྲག་ཆའི་སྒྲ་སྐ་གོ་བ་ལ་སོགས་པ་ངག་གིས་ཇི་ལྟ་བརྗོད་པ་ལྟར་འབྱུང་བ་བཞིན་ནོ། །ཞེས་གསུང་གི་རྣམ་གྲངས་ལྔ་བྱུང་ཡང། འདིར་ཆོས་སྐུ་སྐྱེ་མེད་དོན་གྱི་གསུང་དང། བྱིན་གྱིས་བརླབས་ཀྱི་གསུང་དང། རྡོ་རྗེའི་གསུང་དུ་ངོས་བཟུང་ན་འཐད་པར་སེམས་སོ། །དུས་ཕུན་སུམ་ཚོགས་པ། ལྔ་པ་ཆོས་སྐུས་འདུལ་བའི་དུས་ནི། སྔ་མ་དང། ཕྱི་མ་དང། ད་ལྟར་གསུམ་བྱ་བ་མེད་དེ་དུས་གསུམ་དུ་སྟོན་པར་མཛད་པ་ལས། དེ་ཡང་མདོ་བཅུ་ལས། སྔ་མ་ཕྱི་མ་ད་ལྟར་གསུམ། །ཁྱད་པར་མེད་པ་དོན་འདིས་བསྟན། །དུས་གསུམ་མེད་དེ་ཁྱད་པར་གཅིག །ཀུན་བཟང་ཡེ་ཤེས་མཆོག་ཐུགས་ལ། །སྔ་མ་མི་འགག་ཕྱི་མི་འགྲིབ། །ཅེས་པས།
དོན་གྱི་དུས། དུས་གསུམ་རིགས་མེད་ཡིན་གྱི། གདུལ་བྱ་ལ་སྣང་བའི་དུས་ནི། ཕུན་སུམ་ཚོགས་པ་ལྔ་ལྡན་གྱི་དུས་སོ། །སྡུད་པ་པོ་ནི། དོན་གྱི་སྡུད་པ་པོའོ། །རང་རིག་ཡེ་ཤེས་ཆོས་སྐུར་ཆོས་རྣམས་ངང་གིས་བསྡུ་བའོ། །གདུལ་བྱ་ལ་སྣང་བ་ནི། སེམས་དཔའ་རྡོ་རྗེ་དང། དགའ་རབ་རྡོ་རྗེ་ལ་སོགས་ཏེ། དེ་ཡང་བསྟན་པ་དེ་དག་སེམས་དཔའ་རྡོ་རྗེས་བསྡུས་ཏེ། དོན་མངོན་པར་རྟོགས་པའི་རིམ་པ་བློ་ལ་སྣང་བར་བྱས་ནི་དོན་གྱི་སྡུད་པ་པོ་ཡིན་ལ། དེ་ཉིད་དགའ་རབ་རྡོ་རྗེས་ཚིག་དང་ཡི་གེར་བཏབ་སྟེ། པོ་ཏི་དང་གླེགས་བམ་དུ་བྲིས་ཏེ་ལེགས་པར་བཀོད་པ་ནི་ཚིག་བསྡུད་པ་པོའོ། །གཉིས་པ་ལོངས་སྐུ་བསྟན་པ། གཉིས་པ་ལོངས་སྐུའི་བསྟན་པ་ལ་ཡང། ཕུན་སུམ་ཚོགས་པ་ལྔའམ། ངེས་པ་ལྔ་སྟེ། གནས་ཕུན་སུམ་ཚོགས་པ། སྟོན་པ་ཕུན་སུམ་ཚོགས་པ། འཁོར་ཕུན་སུམ་ཚོགས་པ། བསྟན་པ་ཕུན་སུམ་ཚོགས་པ། དུས་ཕུན་སུམ་ཚོགས་པའོ། །གནས་ཕུན་སུམ་ཚོགས་པ། དང་པོ་གནས་སམ་ཞིང་ཁམས་ནི། ཕལ་པོ་ཆེ་ལས། སྤྱིར་ཡང་ཆོས་རྣམས་མ་བྱུང་མ་སྐྱེས་ཏེ། །ཆིས་ཉིད་ནམ་མཁའ་སྟོང་པའི་ཁམས་དང་མཚུངས། །ཆོས་ཉིད་རྣམས་པར་དག་པའི་ངང་ཉིད་ལས། །ཆོས་ཅན་རྟེན་ཅིང་འབྲེལ་བའི་མཚན་ཉིད་ནི། །སྒྱུ་མ་ལྟ་བུ་བསམ་གྱིས་མི་ཁྱབ་པ།
བདེ་བར་གཤེགས་པའི་ཐུགས་རྗེའི་བྱིན་རླབས་དང། །སེམས་ཅན་རྣམས་ཀྱི་སྤྱི་མཐུན་ལས་དབང་གིས། གདུལ་བྱ་གཉེན་པོའི་ཚུལ་དུ་བྱུང་བ་ནི། །ཕྱི་ནང་སྣོད་བཅུད་རྣམ་པ་གཉིས་སུ་བྱུང། །དེ་ཡང་དག་དང་མ་དག་གཉིས་སུ་སྣང། །དེ་ལ་ཕྱོགས་བཅུའི་སྣོད་ཀྱི་འཇིག་རྟེན་ཁམས། །རྒྱ་ཆེ་གྲངས་མང་མཐའ་ཡས་བསམ་མི་ཁྱབ། །བརྗོད་ཀྱིས་མི་ལངས་སངས་རྒྱས་སྤྱོད་ཡུལ་ལོ། །ཞེས་པས། དག་པའི་སྲིད་པ་ལོངས་སྤྱོད་རྫོགས་སྐུའི་གནས་བསྟན་པ། །འཇིག་རྟེན་མཚན་མ་ཀུན་གྱི་སྟེང་གྱུར་པ། གནས་ཀྱི་འོག་མིན་ཁང་བུ་བརྩེགས་པ་ཡི། གཞལ་ཡང་ཁང་དེ་གནས་ཀྱི་འོག་མིན་བཤད། །ཅེས་དང། བཤད་རྒྱུད་ལས། སྟོན་པ་ལོངས་སྤྱོད་རྫོགས་པའི་གནས་བསྟན་པ། །འོག་མིན་འོག་མིན་གནས་འོག་མིན། །རིན་ཆེན་གཞལ་ཡས་བཀོད་པ་ན། །རིན་ཆེན་ཁང་བུ་བརྩེགས་གནས་སོ། །ཞེས་པས། སྤྱིར་འོག་མིན་ཞེས་བྱ་བ་ནི། གོང་གང་གིས་ཀྱང་མ་ཆོད་པ་ཞིག་ལ་བྱ་སྟེ། བྱེ་བྲག་ཏུ་དབྱེ་ན། འོག་མིན་ལ་རྣམ་གྲངས་བདུན་ནམ་གསུམ་དུ་གསུངས་ཏེ། དང་པོ། རང་རིག་པའི་གོང་གང་གིས་ཀྱང་མ་ཆོད་པ་ནི་རིག་པའི་འོག་མིན། གཉིས་པ། དོན་ཆོས་ཉིད་ཀྱི་གོང་གང་གིས་ཀྱང་མ་ཆོད་པ་ནི་དོན་གྱི་འོག་མིན། གསུམ་པ། ལྟ་རྟོག་དབྱེར་མེད་ཀྱི་གོང་གང་གིས་ཀྱང་མ་ཆོད་པ་ནི་རྟོགས་པའི་འོག་མིན། བཞི་པ། ཡུལ་གྱི་མཁའི་བདེ་བ་གོང་གང་གིས་ཀྱང་མ་ཆོད་པ་ནི་གསང་བའི་འོག་མིན། ལྔ་པ། ཡོད་མིན་མེད་མིན་སྐྱེ་མཆེད་ནི་གྲངས་ཀྱི་འོག་མིན། དྲུག་པ། གཟུགས་ཁམས་ཀྱི་རྩེ་མོ་ནི། འཇིག
རྟེན་གནས་ཀྱི་འོག་མིན། བདུན་པ། ལོངས་སྤྱོད་ཆེན་པོའི་འོག་མིན་དང་བཅས་བདུན་ནོ། །ཡང་འོག་མིན་གསུམ་དུ་གསུངས་པ་ནི། དོན་གྱི་འོག་མིན། རྟགས་ཀྱི་འོག་མིན། འོག་མིན་ཆེན་པོའོ། །དོན་གྱི་འོག་མིན་ནི། ཆོས་ཀྱི་དབྱིངས་སྤྲོས་པའི་མཚན་མ་ཐམས་ཅད་དང་བྲལ་བ། བློའི་སྤྱོད་ཡུལ་ལས་འདས་པ་སྟེ། སྤྱིར་ཀུན་ལ་ཁྱབ་ཀྱང་ཆོས་སྐུའི་གནས་སོ། །རྟད་ས་ཀྱི་འོག་མིན་ནི། གནས་ཀྱི་འོག་མིན་ཡིན་ཏེ། སྟོན་པ་ལོངས་སྤྱོད་རྫོགས་པའི་སྐུ་བཞུགས་པའི་གནས་ཡིན་ཏེ། འཇིག་རྟེན་གྱི་ཁམས་འདི་བས་གཙང་མ་རིགས་ཀྱི་འོག་མིན་ཇི་ཙམ་དཔགས་སམ་གྲངས་སམ། ཡོན་ཏན་ཉིས་འགྱུར་གྱི་དཔགས་པའི་སྟེང་ན། གནས་ཀྱི་འོག་མིན་ཞེས་བྱ་སྟེ། ལང་ཀར་གཤེགས་པ་ལས། རིན་ཆེན་སྣ་ཚོད་ས་མཛེས་པ་ཡི། །འོག་མིན་གནས་ནི་ཉམས་དགའ་བར། གཙང་མའི་གནས་ཀྱི་སྟེང་བཞུགས་ནས། །ཡང་དག་རྫོགས་སངས་དེར་སངས་རྒྱས། སྤྲུལ་པ་པོ་ཞིག་འདིར་འཚང་རྒྱ། །ཞེས་པས། དེ་ལྟ་བུའི་འོག་མིན་ནི་ཀུན་རིག་རྣམ་པར་སྣང་མཛད་ཀྱི་བཞུགས་པའི་གནས་ཡིན་ཏེ། རིང་བའི་རྒྱུ་སངས་རྒྱས་དང་བྱང་ཆུབ་སེམས་དཔའ་རྣམས་ཀྱིས་སྨོན་ལམ་གྱི་མཐུ་ལས་གྲུབ་པ། ཉེ་བའི་རྒྱུ་རིན་པོ་ཆེ་སྣ་ལྔ་ལས་གྲུབ་པའི་གཞལ་མེད་ཁང་བརྩེགས་པ། ཀ་བ་བྱེ་བ་བདུན་འབུམ་དགུ་ཁྲིས་བཏེགས། སངས་རྒྱས་ལོངས་སྤྱོད་རྫོགས་པའི་སྐུ་བསམ་གྱིས་མི་ཁྱབ་པ་བཞུགས་པའི་གནས་སོ། །ཞིང་དེ་ཡང་ཡོན་ཏན་གྱི་རྣམ་པ་ཐམས་ཅད་མ་ཚང་བ་མེད་པ། སྐྱོན་གྱི་རྣམ་པ་ཐམས་ཅད་མ་
སྤངས་པ་མེད་པ། མདོར་ན་སྣོད་ལ་ཆགས་འཇིག་མེད་ཅིང། བཅུད་ལ་སྐྱེ་འཆི་མེད་པས་སངས་རྒྱས་ཀྱི་དེ་ལ་དག་པའི་སྲིད་པ་ཞེས་བྱའོ། །ལོངས་སྤྱོད་རྫོགས་པའི་སྐུས་གདུལ་བའི་ཞིང་ཁམས་གཞི་དང་སྙིང་པོ་མེ་ཏོག་གི་བརྒྱན་པ་ཞེས་བྱ་བ་དེ་ལ། གནས་ལུགས་སམ། རྒྱའི་གྲངས་ཇི་ཙམ་ཞིག་ཡོད་ཅེ་ན། མདོ་ཁལ་པོ་ཆེའི་ལེའུ་ལྔ་པ་ལས། ཀྱི་རྒྱལ་བའི་སྲས་དག་འཇིག་རྟེན་གྱི་ཁམས་གཞི་དང་སྙིང་པོ་མེ་ཏོག་གི་བརྒྱན་པ་འདི་ཡང། རྒྱུ་རིན་པོ་ཆེ་སྣ་ཚོཊ་ཀྱི་དཀྱིལ་འཁོར་རི་རབ་ཀྱི་རྡུལ་ཕྲ་རབ་ཇེ་སྙེད་ཀྱིས་ཡོངས་སུ་བཟུང་སྟེ། རླུང་གི་དཀྱིལ་འཁོར་ཀུན་གྱི་འོག་ཐག་མ་ནི་གཞི་སྙིང་ཀུན་ཏུ་སྟོན་པ་ཞེས་བྱའོ། །སྟེ་ཐག་མ་ནི་གཟི་བརྗིད་དཔལ་གྱི་སྙིང་པོ་ཞེས་བྱ་བའི་པདྨ་ཆེན་པོ་ཞིག་བྱུང། པདྨ་དེ་ཡི་སྟེང་ན་འཇིག་རྟེན་གྱི་ཁམས་གཞི་དང་སྙིང་པོ་མེ་ཏོག་གིས་བརྒྱན་པ་ཞེས་བྱ་བ་སྟེ། ཕྱི་ཡི་ལྕགས་རི་གྲུ་བཞི་ཆེན་པོ་གཅིག་གིས་བསྐོར་བའི་ནང་ན། གླིང་བཞི་རི་རབ་རྒྱ་མཚོ་དང་བཅས་པ་རི་རབ་ཀྱི་རྡུལ་ཕྲ་རབ་ཇི་སྙེད་ཅིག་ཡོད་པའི་གྲངས་དང་མཉམ་པ་ཡོད་དེ། འདི་སྐད་དུ། དེ་སྟེང་རྡུལ་ཕྲན་སངས་རྒྱས་སྙེད་པ་ཡང། །འཇིག་རྟེན་རྡུལ་སྙེད་གྲུབ་པ་དེ་ཡི་ཚུལ། །ཡས་མས་འཕངས་སུ་རྒྱ་དེབ་བརྩེགས་པ་འདྲ། །ཕན་ཚུན་རྒྱ་ནི་ཟ་འོག་བེར་ཁྱིམ་འདྲ། །ཀུན་ནས་གྲུབ་བཞི་དག་ཤིན་ཏུ་མཛེས། །ཕན་ཚུན་རྒྱ་ནི་ཟ་འོག་བེར་ཁྱིམ་འདྲ། །ཀུན་ནས་གྲུབ་བཞི་རྣམ་དག་ཤིན་ཏུ་མཛེས། །རིན་ཆེན་ནོར་བུའི་རྒྱལ་སལ་གྲུབ་པ་ཡིས། །སྲ་བརྟན་མི་ཤིགས་རྡོ་རྗེའི་རཱ་བས་བསྐོར། །རྣམ་སྣང་གངས་ཆེན་མཚོ་ཡི་ཞིང་ཁམས་ལགས། །ཞེས་པ་དང་ཀྱི་རྒྱལ་
བའི་སྲས་དག་འཇིག་རྟེན་གྱི་ཁམས་དེའི་འདབ་ཆགས་པ་ན། འཇིག་རྟེན་གྱི་ཁམས་འདི་སྐད་ཅེས་བྱ་བ་ཡོད་དེ། དེ་ཡི་ཡང་འདབ་ཆགས་ན་འདི་སྐད་ཅེས་བྱ་བ་ཡོད་དེ། དེ་ཡི་འདབ་ཆགས་ན་འདི་སྐད་ཅེས་བྱ་བའང་ཡོད་དོ། །ཞེས་ལེའུ་བརྒྱད་པ་ལས་གསུངས་པ་ལྟར་ཡིན་ནོ། །ཡང་ཕལ་པོ་ཆེའི་ལེའུ་དགུ་པ་ལས། དེ་ལྟར་རྒྱལ་བའི་ཞིང་ཁམས་བསམ་ཡས་ཀྱང། །དེ་དག་ཀུན་གྱི་དབུས་ན་གནས་པ་ནི། །ཟེ་བ་ཡིད་དུ་འོང་བའི་འཇིག་རྟེན་ཁམས། །འོད་ཟེར་མཐའ་ཡས་བྱ་བའི་འཇིག་རྟེན་ན། །ནོར་བུའི་རྒྱལ་མཚན་བྱང་ཆུབ་སེམས་པའི་ལུས། གཞི་སྙིང་སྤོས་དང་ནོར་བུའི་རྒྱལ་པོ་ཡིས། །བརྒྱན་པའི་རྒྱན་ཞེས་བྱ་བའི་པདྨ་བྱུང། པདྨ་དེ་ཡི་སྟེང་ན་འཇིག་རྟེན་ཁམས། །ཕྱོགས་བཅུ་ཀུན་ནས་རིན་ཆེན་འབར་བའི་འོད། །སྣང་བ་ཅན་ཞེས་བྱ་བའི་འཇིག་རྟེན་ལ། །རིན་ཆེན་ཀུན་འབར་བའི་འོད། །སྣང་བ་ཅན་ཞེས་བྱ་བའི་འཇིག་རྟེན་ལ། །རིན་ཆེན་ཀུན་གྱིས་མཛེས་པའི་རྒྱན་དུ་སྤྲས། །ཕྱོགས་བཅུ་བརྗོད་དུ་མེད་པའི་ཞིང་གིས་བསྐོར། །དེ་རྣམས་ལོངས་སྤྱོད་རྫོགས་པའི་ཞིང་ཁམས་ཡིན། །ཞེས་གསུངས་པས། གཞི་དང་སྙིང་པོ་མེ་ཏོག་གིས་བརྒྱན་པའི་ཞིང་ཁམས་དེ་ཉིད། ལོངས་སྤྱོད་རྫོགས་པའི་སྐུས་གདུལ་བའི་ཞིང་ཁམས་ཏེ། དེ་ཡང་གླིང་བཞི་ཉི་ཟླ་རི་རབ་དང་འབྱམས་ཀྱི་མཚམས་སྦྱོར་གཅིག དེ་བྱེ་བ་ཕྲག་བརྒྱ་ལ་རབ་འབྱམས་ཀྱི་རྒྱུད་གཅིག དེ་བྱེ་བ་ཕྲག་བརྒྱ་ལ་རབ་འབྱམས་ཀྱི་རྒྱུད་བར་མ་གཅིག །དེ་བྱེ་ཕྲག་བརྒྱ་ནི་གཞི་དང་སྙིང་པོ་མེ་ཏོག་གིས་རྒྱན་བཀོད་པ་སྟེ། ལོངས་སྐུ་ཉག་གཅིག་གིས་འདུལ་བའི་ཞིང་ཁམས་ཀྱི་ཚད་དོ། །འོག་མིན་ཆེན་པོ་ནི། དེ་གཉིས་ཐ་དད་མེད་
པའི་སེམས་ཉིད། རང་བྱུང་གི་དབྱིངས་དང་ཡེ་ཤེས་འདུ་འབྲལ་མེད་པའི་དོན། གདུལ་བྱ་སུ་ཡི་ཡང་བློའི་ཉམས་འོག་མ་ཚུད་པ་དེའོ། །དེ་ཀ་ལ་འོག་མིན་གྱི་གནས་ཞེས་ཀྱང་བྱ་སྟེ། དོན་དེ་ཡོན་ཏན་གྱིས་མངོན་པར་མཐོ་སྟེ། མཚན་མའི་མཐའ་གང་གི་ཡང་འོག་ཏུ་མ་གྱུར་པ་དང། འཁོར་འདས་ཀྱི་ཆོས་ཐམས་ཅད་དེ་བཞིན་གཤེགས་པ་རྣམས། རྟེན་དང་བརྟེན་ཅན་དབྱེར་མེད་པའི་ཚུལ་གྱིས་བཞུགས་པའི་ཕྱིར་རོ། །དེ་ནི་ངེས་པ་ལྔ་དང་སྦྱར་ན་གནས་ངེས་པ་འོག་མིན་གྱི་གནས་སོ། །སྟོན་པ་ཕུན་སུམ་ཚོགས་པ། གཉིས་པ་སྟོན་པ་ལ་ལོངས་སྤྱོད་རྫོགས་པའི་སྐུ་ནི། དེ་ཡང་ཡིད་ཀྱི་རྣམ་པར་ཤེས་པ་གནས་གྱུར་པ། སོ་སོར་རྟོག་པའི་ཡེ་ཤེ་དང་ཉོན་ཡིད་གནས་གྱུར་པ་མཉམ་པ་ཉིད་ཀྱི་ཡེ་ཤེས་སོ། །དེའི་འཁོར་ན་གནས་ཀྱི་བྱང་ཆུབ་སེམས་དཔའ་རྣམས་དང། ཐེག་པ་ཆེན་པོའི་ཆོས་ལ་རྫོགས་པར་ལོངས་སྤྱོད་པས། ལོངས་སྤྱོད་རྫོགས་པའི་སྐུ་ཞེས་བྱ་སྟེ། མཚན་བཟང་པོ་སུམ་ཅུ་རྩ་གཉིས་དང། དཔེ་བྱད་བཟང་པོ་བརྒྱད་ཅུས་སྤྲས་པ་སྟེ། དེ་ལའང་གཉིས་ཏེ། ཐུན་མོང་གི་མཚན་དཔེ་དང། ཐུན་མོང་མ་ཡིན་པའི་མཚན་དཔེའོ། །ཐུན་མོང་གི་མཚན་དཔེ། དང་པོ་ཐུན་མོང་གི་མཚན་སུམ་ཅུ་རྩ་གཉིས་ནི། མངོན་རྟོགས་རྒྱན་ལས། ཕྱག་ཞབས་འཁོར་ལོས་མཚན་དང་རུས་སྦལ་ཞབས། །ཕྱག་
དང་ཞབས་སོར་དྲྭ་བས་འབྲེལ་བ་དང། །ཕྱག་དང་ཞབས་བཅས་འཇམ་ཞིང་གཞོན་ཤ་ཆགས། །འདི་ཡི་སྐུ་ནི་བདུན་དག་མཐོ་བ་དང། །སོར་མོ་རིང་དང་རྟིང་ཡང་སྐུ་ཚེ་དྲང། ཞབས་འབུར་མི་མངོན་སྤུ་ནི་གྱེན་དུ་ཕྱོགས། །བྱིན་པ་ཨེ་ན་ཡ་འདྲ་ཕྱག་རིང་མཛེས། །འདོམས་ཀྱི་སྦ་བ་སྦུབས་སུ་ནུབ་པའི་མཆོག །པགས་པ་གསེར་མདོག་པགས་པ་སྲབ་པ་དང། །སྤུ་ན་རེ་རེ་ནས་ཀྱང་གཡས་ལེགས་འཁྲུངས། ཞལ་མཛོད་སྤུས་བརྒྱན་རོ་སྟོད་སེང་གེ་འདྲ། །འདི་ཡི་དཔུང་པའི་མགོ་ཟླམ་ཐལ་གོང་རྒྱས། །འདི་ལ་རོ་མི་ཞིམ་པ་རོ་མཆོག་སྣང། །སྐུ་ནི་ནྱཱ་གྲོ་དྷ་ལྟར་ཆུ་ཞེང་གབ། གཙུག་ཏོར་ཡར་འཕགས་ལྗགས་རིང་མཛེས་པ་དང། །ཚངས་དབྱངས་འགྲམ་པ་སེང་གེ་འདྲ་དང་ཚེམས། །ཤིན་ཏུ་དཀར་དང་ཚད་མཉམ་ཐགས་བཟང་དང། གྲངས་ནི་བཞི་བཅུ་ཐམ་པ་ཚང་བ་དང། །སྦྱན་ནི་མཐོན་མཐིང་སྤྱན་རྫི་བ་མཆོག་གི། །འདྲ་བ་འདི་དག་སུམ་ཅུ་རྩ་གཉིས་མཚན། ཞེས་དང། དཔེ་བྱད་བཟང་པོ་བརྒྱད་ཅུ་ཡང། དེ་ཉིད་ལས། ཐུབ་པའི་སོན་མོ་ཟང་མདོག་དང། །མདོག་སྣུམ་མཐོ་དང་མདུད་པ་མེད། །ལོང་བུ་མི་མངོན་ཞབས་མཉམ་དང། །སེང་གེ་གླང་ཆེན་བྱ་དང་ནི། །ཁྱུ་མཆོག་སྟབས་གཤེགས་གཡས་ཕྱོགས་དང། །མཛེས་གཤེགས་དྲང་དང་འཁྲིལ་བག་ཆགས། །བྱི་དོར་བྱས་འདྲ་རིམ་པར་འཚམས། གཙང་དང་འཇམ་དག་དག་པའི་སྐུ། །སྐུ་ཡི་ཁོ་ལག་ཡངས་ཤིང་བཟང། གོམ་སྙོམས་པ་དང་སྤྱན་གཉིས་ནི། །དག་དང་གཞོན་ཤ་ཅན་ཉིད་དང། །སྐུ་ཞུམ་མེད་དང་རྒྱས་པ་དང། །ཤིན་ཏུ་གྲིམས་པའི་
སྐུ་ཉིད་དང། །ཡན་ལག་ཤིན་ཏུ་རྣམ་འབྱེས་དང། གཟིགས་པ་དྲི་མེད་དག་པ་དང། །སྐུ་ཟླུམ་སྐབས་ཕྱིན་མ་སྙོངས་དང། །ཕྱ་ལེ་བ་དང་ལྟོ་བ་དག །ཟབ་དང་གཡས་ཕྱོགས་འཁྱིལ་བ་དང། །ཀུན་ནས་ལྷ་ན་སྡུག་པ་དང། །ཀུན་སྤྱོད་གཙང་དང་སྐུ་ལ་ནི། །སྨེ་རིང་མདངས་ཡོད་ཟབ་རིང་དང། །ཞ་ནི་ཧ་ཅང་མི་རིང་པ་དང། །མཆུ་ནི་བིམ་མདངས་ཡོད་ཟབ་རིང་དང། །ཞལ་ནི་ཧ་ཅང་མི་རིང་དང། །དམར་དང་འབྲུག་གི་སྒྲ་ཉིད་དང། གསུང་སྙན་འཇམ་དང་མཆེ་བ་ཟླུམ། །རྣོ་དང་དཀར་དང་མཉམ་པ་དང། སྤྱན་ཡངས་པ་དང་རྫི་མ་སྟུག །པདྨའི་འདབ་མ་འདྲ་བ་དང། །སྨིན་ཚུགས་རིང་དང་འཇམ་དང། ཉམས་པ་རྣམ་པར་ཡངས་པ་དང། །དཔྲལ་བ་ལེགས་པར་དབྱེས་པ་དང། །དབྱེས་ཆེ་བ་དང་དབུ་རྒྱས་དང། །དབུ་སྐྲ་བུང་བ་ལྟར་གནག་དང། །སྟུག་དང་འཇམ་དང་མ་འཛིངས་དང། །མི་གཤོར་དྲི་ཞིམ་སྐྱེས་བུ་ཡི། །ཡིད་ནི་འཕྲོག་པར་བྱེད་པ་དང། །དཔལ་བེའུ་དང་ནི་བཀྲ་ཤིས་ནི། གཡུང་དྲུང་འཁྱིལ་བས་བརྒྱན་པ་རྣམས། །སངས་རྒྱས་དཔེ་བྱད་བཟང་པོར་བཞེད། ཅེས་སོ། །འདི་རྣམས་ལ་ཐུན་མོང་གི་མཚན་དཔེར་འཇོན་པའི་རྒྱུ་མཚན་ནི། སྟོན་པ་སྤྲུལ་པའི་སྐུ་དང། སྟོང་འཁོར་ལོས་བསྒྱུར་བའི་རྒྱལ་པོ་ལ་ཡང་ཡོད་ལ། ཐ་མལ་པའི་སེམས་ཅན་རྣམས་ལའང་སྣ་རེ་ཙམ་ཡོད་པའི་ཕྱིར་རོ། །
ཐུན་མོང་མ་ཡིན་པའི་མཚན་དཔེ། ཐུན་མོང་མ་ཡིན་པའི་མཚན་དཔེ་ནི་གསུམ་སྟེ། ཕྱི་ཡི་མཚན་དཔེ་ནི་དཀྱིལ་འཁོར་གྱི་གཙོ་བོ་ཡབ་ཡུམ་གྱི་ཐུགས་རིག་པ་རང་བྱུང་གི་ཡེ་ཤེས་ཐབས་ཀྱི་སྣང་ཆ་ལས་སེམས་དཔའ་བཅུ་དྲུག་སྟེ་དབྱིངས་དང། རྣམ་པར་དག་པ་ཤེས་རབ་ཀྱི་སྣང་ཆ་ལས་སེམས་མ་བཅུ་དྲུག་སྟེ། དེ་ལྟར་སུམ་ཅུ་རྩ་གཉིས་ནི་མཚན་བཟང་པོ་སུམ་ཅུ་རྩ་གཉིས་སོ། །འོ་ན་སེམས་དཔའ་བརྒྱད། སེམས་མ་བརྒྱད་དེ། བཅུ་དྲུག་ཏུ་བཤད་པ་དང་འགལ་ལོ་ཞེ་ན། དེ་ནི་རྒྱུ་བསྐལ་བཟང་གི་སེམས་དཔའ་བཅུ་དྲུག་དང་སེམས་མ་བཅུ་དྲུག་ཡིན་ལ། འདིར་འབྲས་བུ་དཔེ་བྲལ་གྱི་སེམས་དཔའ་ཡབ་བཅུ་དྲུག་ཡུམ་བཅུ་དྲུག་སྟེ་སུམ་ཅུ་རྩ་གཉིས་སོ། །དེ་ལྟར་འབྲས་བུའི་སེམས་དཔའ་ཡབ་ཡུམ་བཅུ་དྲུག་པོ་རེ་རེ་ལའང་དབུ་རྒྱན་གྱི་ལྷ་ལྔ་ལྔ་སྟེ་ལྷ་བརྒྱད་ཅུ་ནི་དཔེ་བྱད་བཟང་པོ་བརྒྱད་ཅུའོ། །དེ་ཡང་སྤྱི་མདོ་ལས། མཚན་གྱི་མེ་ཏོག་ལ་དཔེ་ཀུན་ནས་རྒྱས་པའོ། །ཞེས་དང། གསང་སྙིང་གི་ལེའུ་དྲུག་པ་ལས། མཚན་དཔེ་བྱད་ཐམས་ཅད་རྫོགས། གསང་སྙིང་གི་ལེའུ་དྲུག་པ་ལས། །ཞེས་གསུངས་པས་སོ། །འོ་ན་དེ་ལྟར་སེམས་དཔའ་སེམས་མ་སུམ་ཅུ་རྩ་གཉིས་པོ་དེ་འཁོར་དུ་འདུག་པ་ལ། རྒྱན་དུ་ཅིར་འགྱུར་ཞེ་ན། རྒྱན་གྱི་དོན་ནི་མཛེས་པར་བྱེད་པ་ཡིན་ལ། འདིར་ལོངས་སྤྱོད་རྫོགས་པའི་སྐུ་མཛེས་པར་བྱེད་པ་སེམས་དཔའ་སེམས་མ། དེ་མཛེས་པར་བྱེད་པ་དབུ་རྒྱན་ཏེ། དཔེར་ན་སློབ་དཔོན་མཛེས་པར་བྱེད་པ་གྲཱ་པ། གྲཱ་
མཛེས་པར་བྱེད་པ་ཐང་ཞུ་ལྟ་བུ་ཡིན་ཞེས་བླ་མ་གོང་མ་རྣམས་ཀྱིས་གསུངས་སོ། །ནང་གི་མཚན་དཔེ་ནི། སྤྱི་བོ་བདེ་བ་ཆེན་པོའི་འཁོར་ལོ་ལ་རྩ་འདབ་སུམ་ཅུ་རྩ་གཉིས་ནི་མཚན་སུམ་ཅུ་རྩ་གཉིས་དང་ལྟེ་བ་སྤྲུལ་པའི་འཁོར་ལོ་རྩ་འདབ་དྲུག་ཅུ་རྩ་བཞི། མགྲིན་པ་ལོངས་སྤྱོད་འཁོར་ལོ་རྩ་འདབ་བཅུ་དྲུག་སྟེ། བརྒྱད་ཅུ་ནི་དཔེ་བྱད་བཟང་པོ་བརྒྱད་ཅུའོ། །གསང་བའི་མཚན་དཔེ་ནི། སྟོན་པ་ཡབ་ཡུམ་གཉིས་རོལ་བའི་དུས་ན། ཡབ་ཀྱི་དགའ་བ་བཅུ་དྲུག་དང། ཡུམ་གྱི་དགའ་བ་བཅུ་དྲུག་སྟེ། སུམ་ཅུ་རྩ་གཉིས་ནི་མཚན་བཟང་པོ་སུམ་ཅུ་རྩ་གཉིས་སོ། །འོ་ན་དགའ་བ་བཞིར་གསུངས་པ་ལ་བཅུ་དྲུག་ཏུ་ཇི་ལྟར་འགྱུར་ཞེ་ན། བླ་མ་གོང་མ་རྣམས་ནི། དགའ་པའི་དགའ་བ། དགའ་བའི་མཆོག་དགའ། དགའ་བའི་དགའ་བྲལ། དགའ་བའི་ལྷན་ཅིག་སྐྱེས་དགའ་ལ་སོགས་པ། དགའ་བའི་དགའ་བྲལ། དགའ་བའི་ལྷན་ཅིག་སྐྱེས་དགའ་ལ་སོགས་པ། དགའ་བ་རེ་རེ་ལའང་བཞི་བཞི་སྟེ་བཅུ་དྲུག་ཏུ་བཞེད་དོ། །དུས་ཀྱི་འཁོར་ལོའི་འགྲེལ་པ་དྲི་མ་མེད་པའི་འོད་ལས། སྒུ་གསུང་ཐུགས་ཡེ་ཤེས་བཞི་རེ་རེ་ལའག་དགའ་བ་བཞི་བཞི་སྟེ་བཅུ་དྲུག་ཡུ་བཤད་དོ། །དེ་ལ་ཐབས་ཤེས་གཉིས་ཀྱིས་ཕྱེ་བས་མཚན་སོ་གཉིས་སོ། །དགའ་བ་བཅུ་དྲུག་པ་རེ་རེ་ལའང་ཡེ་ཤེས་ལྔ་ལྔའི་རོ་དང་ལྡན་པས། ཡེ་ཤེས་བརྒྱད་ཅུ་ནི་དཔེ་བྱད་བརྒྱད་ཅུའོ། །འོ་ན་ནང་དང་གསང་བའི་མཚན་དཔེ་རྩ་དང་ཁམས་ཀྱི་རང་བཞིན་དུ་འདུག་པ་ལ། རྒྱན་དུ་ཅིར་འགྱུར་ཞེ་ན། ལོངས་སྤྱོད་རྫོགས་པའི་སྐུ་ལ་རྩ་ཁམས་རྣམ་པར་དག་པ་བདེ་བ་ཆེན་པོའི་རང་བཞིན་དུ་རོ་མཉམ་པ་ནི། མཛེས་པའི་ནག་ནས་མཛེས་པ་ཆེན་པོ་སྟེ། རྒྱན་གྱི་
ནང་ནས་མཆོག་ཡིན་ནོ། །དེ་དག་ནི་སྐུ་ངེས་པ་མཚན་དཔེས་བརྒྱན་པའོ། །འཁོར་ཕུན་སུམ་ཚོགས་པ། གསུམ་པ་འཁོར་ནི་ས་བཅུའི་བྱང་ཆུབ་སེམས་དཔལ་སྟེ། ཀུན་བྱེད་ལས། སྟོན་པ་ལོངས་སྤྱོད་རྫོགས་པའི་འཁོར་བསྟན་པ། །མོས་སྤྱོད་བཞི་ཡི་ས་ལས་འདས་པ་སྟེ། །དང་པོ་རབ་ཏུ་དགའ་བའི་ས་ནོན་ནས། །ས་བཅུ་ཆོས་ཀྱི་སྤྲིན་གྱི་ས་པ་རྣམས། །སྟོན་པ་ལོངས་སྤྱོད་རྫོགས་པའི་འཁོར་དུ་བསྟན། །ཅེས་དང། མདོ་བཅུ་ལས། སྟོན་པ་ལོངས་སྤྱོད་རྫོགས་སྐུའི་འཁོར། །མི་རྟོག་ཏིང་འཛིན་བཅུ་སྦྱོང་བའི། །ས་གནས་པའི་བྱང་ཆུབ་སེམས། །ཉོན་མོངས་མི་གནས་ཤེས་བྱ་སྦྱོང། །ཡེ་ཤེས་ཆོགས་དང་ཐུགས་རྗེར་འབྲེལ། །ཞེས་པས། རྒྱུ་བསྐལ་བཟང་གི་སེམས་དཔའ་ཡབ་ཡུམ་བཅུ་དྲུག་དང། འབྲས་བུ་དཔེ་བྲལ་གྱི་སེམས་དཔའ་ཡབ་ཡུམ་བཅུ་དྲུག་སྟེ། སོ་གཉིས་སོ། །དེ་ཡང་རྒྱུ་བསྐལ་བཟང་གི་སེམས་དཔའ་བཅུ་དྲུག་ནི། སའི་སྙིང་པོ། ནམ་མཁའི་སྙིང་པོ། སྤྱན་རས་གཟིགས། ཕྱན་ན་རྡོ་རྗེ། བྱམས་པ། སྒྲིབ་པ་རྣམ་སེལ། ཀུན་བཟང། འཇམ་དཔལ་རྣམས་དང། ལཱ་སྱེ། མཱ་ལྱེ། གཱི་རྟི། ནཱི་རྟི། རྷཱུ་པེ། པུཥེ། ཨཱ་ལོ་ཀེ། གདྡྷེ་མའོ། །འབྲས་བུ་དཔེ་བྲལ་གྱི་སེམས་དཔའ་ནི། རྡོ་རྗེ་སེམས་དཔའ། རྡོ་རྗེ་རྒྱལ་པོ། རྡོ་རྗེ་ཆགས་པ། རྡོ་རྗེ་ལེགས་པ། རྡོ་རྗེ་རིན་ཆེན། རྡོ་རྗེ་
གཟི་བརྗིད། རྡོ་རྗེ་རྒྱལ་པོ། རྡོ་རྗེ་བཞད་པ། རྡོ་རྗེ་ཆོས། རྡོ་རྗེ་རྣོན་པོ། རྡོ་རྗེ་འཁོར་ལོ། །རྡོ་རྗེ་སྨྲ་བ། རྡོ་རྗེ་ལས། རྡོ་རྗེ་སྲུང་བ། རྡོ་རྗེ་གནོད་སྦྱིན། རྡོ་རྗེ་ཁུ་ཚུར་རྣམས་དང། རྡོ་རྗེ་སྒེག་མོ་མ། དྷུ་པེ་མ། ལྕགས་ཀྱུ་མ། སྒྲོལ་མ། རྡོ་རྗེ་ཕྲེང་མ། མེ་ཏོག་མ། ཞགས་པ་མ། བདེ་བྱེད་མ། རྡོ་རྗེ་དབྱངས་མ། སྒྲོན་མེ་མ། ལྕགས་སྒྲོག་མ། གསལ་བཀྲ་མ། རྡོ་རྗེ་གར་བསྒྱུར་མ། དྲི་ཆབ་མ། དྲིལ་འཁྲོལ་མ། འབེབས་བྱེད་མའོ། །དེ་ལ་སོགས་ཏེ། ས་ཆེན་པོ་ལ་རབ་ཏུ་གནས་པ་རྣམས་ནི། འཁོར་ངེས་པ་ས་བཅུའི་བྱང་ཆུབ་སེམས་པའོ། །བསྟན་པ་ཕུན་སུམ་ཚོགས་པ། བཞི་པ་བསྟནཔ་ནི། ཀུན་བྱེད་ལས། སྟོན་པ་ལོངས་སྤྱོད་རྫོགས་སྐུའི་བསྟན་པ་ནི། །བྱ་བ་བྱེད་པའ་ཕྱི་རྒྱུད་སྡེ་གསུམ་སྟེ། །ཞེས་པ་དང། བཤད་རྒྱུད་ལས། ཀྲྀ་ཡ་ཨུ་པ་ཡོ་ག་གསུམ། །ལོངས་སྤྱོད་རྫོགས་སྐུའི་གསུང་དུ་གྲགས། ཞེས་པས། སྔགས་ཀྱི་ཕྱི་རྒྱུད་སྡེ་གསུམ་པོ་འདི་ལོངས་སྤྱོད་རྫོགས་སྐུའི་སྐུ་གསུང་ཐུགས་ཏེ། བཤད་རྒྱུད་ལས། ལོངས་སྤྱོད་རྫོགས་སྐུའི་རང་བཞིན་ནི། གཟའ་སྐར་དུས་ཚེས་བཟང་སྒོ་ནས། །དག་པ་གསུམ་སྤྱོད་རིགས་གསུམ་སྒྲུབ། །རྒྱན་དང་ཆ་ལུགས་རྡོ་རྗེ་འཛིན། །ལོངས་སྤྱོད་རྫོགས་སྐུའི་རང་བཞིན་ནོ། །ཞེས་པ་དང། གསུང་ནི་ཨུ་པ་ཡ་སྟེ། བཤད་རྒྱུད་ལས། ལོངས་སྤྱོད་གསུང་གི་རང་བཞིན་ནི། །ཀྲྀ་ཡ་ཡོ་ག་བྱི་ནང་གསུམ། །དམ་ཚིག་སྒྲུབ་དང་གྲུབ་པ་ཡིས། །ཏནྣཱ་སྡེ་གསུམ་གསུངས་པ་ཡང། ལོངས་སྤྱོད་གསུང་གི་རང་བཞིན་ནོ། །ཞེས་པ་དང༌།
ཐུགས་ནི་ཡོ་གའི་རང་བཞིན་ཏེ། བཤད་རྒྱུད་ལས། ལོངས་སྤྱོད་ཐུགས་ཀྱི་རང་བཞིན་ནི། །མཚན་མེད་སྒོ་ནས་སྟུག་པོ་བཀོད། །ཕྱག་རྒྱ་བཞི་ལྡན་དཔལ་བེ་འུ། །ལོངས་སྤྱོད་ཐུགས་ཀྱི་རང་བཞིན་ནོ། །ཞེས་སོ། །ལོངས་སྐུའི་བསྟན་པ། གངས་སྔགས་ཕྱི་རྒྱུད་སྡེ་གསུམ་པོ་འདི་དག་ཚུལ་ཇི་ལྟར་བཤད་ན། བང་མཛོད་ལས། ལོངས་སྤྱོད་རྫོགས་སྐུའི་བཤད་ལུགས་ནི། །རང་གི་ངོ་བོ་བཤད་པས་ཏེ། །ལྡེམ་དགོངས་དོན་ལ་དགོངས་ནས་ནི། །མཚན་དང་ལྡན་པ་སྐུའི་སྒོ་ནས། །དེ་བཞིན་གསུང་མཆོག་མི་སྨྲ་སྟེ། །སྐུ་ཡི་ཆོས་རྣམས་མཇལ་བར་སྟོན། །ཞེས་པ་དང། གསང་སྙིང་ལས། འོག་མིན་བླ་མེད་གནས་མཆོག་ཏུ། །སྐུ་ནི་རྣམ་པར་སྣང་མཛད་ཚུལ། །བྱང་ཆུབ་སེམས་པའི་འཁོར་རྣམས་ལ། །དེ་བཞིན་གསུང་མཆོག་མི་སྨྲ་སྟེ། །སྐུ་ཡི་ཆོས་རྣམས་མཇལ་བར་སྟོན། །ཞེས་གསུངས་པས། འོག་མིན་ཆེན་པོ་བླ་ན་མེད་པའི་གནས་མཆོག་ཏུ། སྐུ་ནི་ལོངས་སྤྱོད་རྫོགས་པའི་སྐུ་རྣམ་པར་སྣང་མཛད་ཀྱི་ཚུལ་དུ། ས་ལ་གནས་པའི་བྱང་ཆུབ་སེམས་དཔའི་འཁོར་རྣམས་ལ་ཆོས་སྟོན་ཚུལ་ནི། སྤྲུལ་སྐུས་ཚིག་ཏུ་གསུངས་པ་དེ་བཞིན་དུ། །ལོངས་སྐུ་ནི། གསུང་མཆོག་ཚིག་ཏུ་ནི་མི་སྨྲའོ། །འོ་ན་ཆོས་ཇི་ལྟར་སྟོན་ཅེ་ན། སྐུའི་བརྡའི་ཆོས། ཞལ་འཛུམ་པ་དང། སྨིན་མ་གཡོ་བ་དང། སྤྱན་འགྱུ་བ་དང། སྐུ་གཟེངས་བསྟོད་པ་དང། ཕྱག་སྐྱོང་བ་དང། འོད་དང་སྤྲུལ་པ་འགྱེད་པ་སྟེ། དགྱེས་པའི་ཚུལ་དྲུག་གི་སྒོ་ནས། འཁོར་གྱི་བློ་ལ་མཇལ་བར་སྟོན་པའོ། །སྡུད་པ་པོ་རིགས་གསུམ་མགོན་པོས་བསྡུས། ཞེས་འབྱུང་ངོ་། །བསྟན་པ་ངེས་པ་ནི་ཐེག་ཆེན་ཁོ་ན་གསུངས་པའོ། །
དུས་ཕུན་སུམ་ཚོགས་པ་ལྔ་པ་ནི། ཀུན་བྱེད་ལས། གདུལ་བའི་དུས་ལ་སྔ་ཕྱིར་ཕྱེ་བ་མེད། ཅེས་པ་དང། མདོ་བཅུ་ལས། སྔ་མ་ཕྱི་མ་ད་ལྟར་གསུམ། །ཁྱད་པར་མེད་པའི་དོན་འདི་བཤད། །དུས་གསུམ་མེད་དེ་ཁྱད་པར་གཅིག །ཅེས་པས། སྟོན་པ་ལོངས་སྤྱོད་རྫོགས་སྐུས་གདུལ་བའི་དུས་ལ་ཡང། སྔ་མ་ཕྱི་མ་ད་ལྟར་གསུམ་བྱ་བ་མེད་དེ། ཐེག་པ་ཆེན་པོ་རྒྱུན་མི་ཆད་པར་གསུངས་པའོ། །དེ་ནི་དུས་ངེས་པ་རྒྱུན་མ་ཆད་པའོ། །གསུམ་པ་སྤྲུལ་སྐུའི་བསྟན་པ་བྱུང་ཚུལ། གསུམ་པ་སྤྲུལ་སྐུའི་བསྟན་པ་བྱུང་ཚུལ་ལྔ་སྟེ། གནས་ཕུན་སུམ་ཚོགས་པ། སྟོན་པ་ཕུན་སུམ་ཚོགས་པ། འཁོར་ཕུན་སུམ་ཚོགས་པ། བསྟནཔ་ཕུན་སུམ་ཚོགས་པ། འཁོར་ཕུན་སུམ་ཚོགས་པ། བསྟན་པ་ཕུན་སུམ་ཚོགས་པ། དུས་ཕུན་སུམ་ཚོགས་པའོ། །གནས་ཕུན་སུམ་ཚོགས་པ། དང་པོ་ལ་བཞི་སྟེ། སྣོད་ཀྱི་འཇིག་རྟེན་ཆགས་ཚུལ། དེ་དག་གི་ཚད་དང་དུས་ཀྱི་ཕྲ་རགས་བསྟན་པ། སྟོང་གསུམ་གྱི་འདོད་ཚུལ། བཅུད་ཀྱི་སེམས་ཅན་ད་ནས་ཚུལ་ལོ། །སྣོད་ཀྱི་འཇིག་རྟེན་ཆགས་ཚུལ། དང་པོ་ནི། སྤྱིར་ནས་མཁས་གར་ཁྱབ་ཚད་ཐམས་ཅད་ན་འཇིག་རྟེན་གྱི་ཁམས་ཀྱིས་ཁྱབ་པར་གནས་ཏེ། མདོ་ལས། དཔེར་ན་བར་སྣང།
ལ་འཆར་གྱི་རྒྱུན་འབབ་པའི་ཚེ། བར་མཚམས་མི་མངོན་པ་བཞིན་དུ། ཕྱོགས་བཅུའི་ནམ་མཁའ་མཐའ་མེད་པ་ཐམས་ཅད་ན། འཇིག་རྟེན་གྱི་ཁམས་ཀྱིས་རབ་ཏུ་གང་བའོ། །དེ་ཡང་དཔེར་ན། ཆར་ལ་ལ་རྣམས་འབབ་པའི་འགོ་ཚུགས། ལ་ལ་བར་སྣང་ནས་འབབ། འཇིག་རྟེན་གྱི་ཁམས་ལ་ལ་ནི་ཆགས་པའི་འགོ་ཚུགས། ལ་ལ་ནི་ཆགས་ནས་གནས། ལ་ལ་ནི་འཇིག་ལ་ལ་ནི་སྟོངས་པ་བར་མ་ཆད་པའོ། །དེ་དག་ལ་ལ་ན་སངས་རྒྱས་བཞུགས་པ་འོད་ཀྱི་བསྐལ་པ་ཡོད། ལ་ལ་ན་སངས་རྒྱས་མི་བཞུགས་པ་མུན་པའི་བསྐལ་པ་ཡོད་དོ། །ཁྱད་པར་འཇིག་རྟེན་གྱི་ཀམས་འདིའི་ཆགས་ཚུལ་གྱི་དབང་དུ་བྱས་ན། ལོངས་སྤྱོད་རྫོགས་པའི་སྐུ་དེ་བཞིན་གཤེགས་པ་རྣམ་པར་སྣང་མཛད་གངས་ཅན་མཚོ་ཕྱག་མཉམ་བཞག་གི་པྱག་རྒྱ་མཛད་པའི་སྟེང་ན། པདྨ་ཞིག་ཡོད་པའི་ཟེ་འབྲུ་ལས། ནོར་བུ་རིནཔ་ཆེ་ཞིག་ཡོད་པའི་ནང་ན་སྟོང་གསུམ་འཇིག་རྟེན་གྱི་ཁམས་ཉིས་ཤུ་རྩ་ལྔ་བརྩེགས་ནས་ཡོད་པའི། བཅུ་གཉིས་ཡར་བོར། བཅུ་གཉིས་མར་བོར་བའི། བར་བཅུ་གསུམ་པ་དེ་ལ་མི་མཇེད་འཇིག་རེན་གྱི་ཁམས་ཞེས་བྱ་སྟེ། འཇིག་རྟེན་གྱི་ཁམས་འདི་ལ་མི་བཇེད་འཇིག་རྟེན་གྱི་ཁམས་ཞེས་བྱ་སྟེ། འཇིག་རྟེན་གྱི་ཁམས་འདི་ལ་མི་བཇེད་ཅེས་ཅིའི་ཕྱིར་ཞེ་ན། འདིར་སྐྱེས་པའི་སེམས་ཅན་རྣམས་ཀྱི་རྒྱུད་ལ་ཉོན་མོངས་པའི་སྐབས་མི་མཇེད་པ་ལྡན་པའམ། ཉོན་མོངས་པ་དེ་དག་གཉེན་པོས་དབྱེ་བར་དཀའ་བ་ལ་མི་མཇེད་ཅེས་བཏགས་སོ། །འཇིག་རྟེན་གྱི་ཁམས་དེ་རྣམས་ཀྱང། བྲ་སའི་ཐང་ཡངས་པ་ལ། སོས་ཀ་ཁུག་ཆོས་ཀྱི་མེ་ཏོག་སྐྱེས་པ་ལྟར་འདབ་མ་དང། མེ་ཏོག་དང། ཟེའུ་འབྲུག་རྣམས་ཕན་ཚུན་འགྲན་པའི་ཚུལ་དུ་
སྐྱེས་ནས། གཅིག་ལ་གཅིག་ངོ་མི་ཤེས་པ་འདུག་པ་དེ་བཞིན་དུ་ཆགས་ནས་ཡོད་དོ། །འཇིག་རྟེན་གྱི་ཁམས་དེ་རྣམས་ཀྱི་ཚུལ་ལམ་གནས་ལུགས་ནི། སྤྱན་རྣམ་པར་དག་པས་གཟིགས་པ་ལས་མ་གཏོགས་པ། འོ་ཀོལ་བློ་གྲོས་དམན། སོ་སོ་སྐྱེ་བོ་ཐ་མལ་པ་བདག་འཇིག་རྟེན་རྟག་པར་ལྟ་བའི་འདུ་ཤེས་ཅན་རྣམས་ཀྱི་ཚིག་གིས་བརྗོད་བྱ་ཙམ་ལས། ཤེས་པའམ། རྟོགས་པའམ། མཐོང་བར་མི་འགྱུར་ཏེ། ཡུམ་རྒྱས་པ་ལས། རབ་འབྱོར་ངས་ཀྱང་སངས་རྒྱས་ཀྱི་སྤྱན་རྣམ་པར་དག་པ་མི་ལས་འདས་པ་འདི་ཉིད་ཀྱིས། འཇིག་རྟེན་གྱི་ཁམས་ལ་རྣམ་པར་གཟིགས་ནས། ཞེས་གསུངས་སོ། །དེ་ལས་ཀྱང་ཁྱད་པར་འཇིག་རྟེནའ་དིའི་ཆགས་ཚུལ་གྱི་དབང་དུ་བྱས་ན། འདི་ཡི་ནམ་མཁའ་སྟོང་པ་ལ། ཐོག་མར་སེམས་ཅན་སྤྱི་མཐུན་གྱི་ལས་ཀྱིས། ཕྱོགས་བཞི་རླུང་དལ་བུས་ལངས་ཏེ། ཇི་ཆེར་སོང་བ་འཁྲིགས་པ་ལས། རླུང་གི་དཀྱིལ་འཁོར་ཆེན་པོ་ཆགས་ཏེ། དེ་ཡི་རྔམས་སུ་ནི་དཔག་ཚད་ས་ཡ་གཅིག་དང་དྲུག་འབུམ་ཡོད་དོ། །དེ་ཡི་རྒྱར་ནི་གྲངས་ཀྱི་གནས་གཞན་དྲུག་ཅུ་རྫོགས་པའི་གྲངས་མེད་གཅིག་ཡོད་དོ། །དེ་ཡི་སྟེང་ན་ཆུ་དང་གསེར་གྱི་ས་གཞི་ཆགས་པ་ལ། དེ་ཡང་ཐོག་མར་སེམས་ཅན་སྤྱི་མཐུན་གྱི་ལས་ཀྱི་མཐུ་དང། རླུང་གི་སྟོབས་ཀྱིས་ནམ་མཁའ་ལ་སྤྲིན་གསེར་གྱི་སྙིང་པོ་ཅན་འཁྲིགས་པ་ལས། ཆར་གྱི་རྒྱུན་གཉའ་ཤིང་ཙམ་བར་མཚམས་མེད་པ་ཡུན་རིང་པོར་བབས་པས། ཆུའི་དཀྱིལ་འཁོར་ཆེན་པོ་ཆ་ས་ཏེ། དེ་ལ་འོག་གི་རླུང་གིས་ཆུའི་དཀྱིལ་འཁོར་རྙོགས་པས།
སྙིང་པོ་སྟེང་དུ་གསེར་གྱི་ས་གཞི་ཆགས་པའོ། །ཆུ་དང་གསེར་གྱི་ས་གཞིའི་ཚད་ནི། ཆུའི་རྔམས་སུ་དཔག་འབུམ་ཕྲག་བརྒྱད་དོ། །གསེར་གྱི་ས་གཞིའི་རྔམས་སུ་དཔག་ཚད་གསུམ་འབུམ་ཉིས་ཁྲོའོ། །རླུང་དང་ཆུ་དང་གསེར་གྱི་ས་གཞི་རྣམས། དབྱིབས་ཟླུམ་པོ་རྒྱ་ཆེ་ཆུང་མཉམ་པ་སྟེ། དེ་ཡི་སྟེང་ན་ཡང་ཆུའི་དཀྱིལ་འཁོར་ཆེན་པོ་ཡོད་དེ། དེ་ཡང་ཐོག་མར་སེམས་ཅན་གྱི་ལས་ཀྱི་མཐུས། ནམ་མཁའ་སྤྲིན་རིན་པོ་ཆེ་སྣ་ཚོགས་ཀྱི་སྙིང་པོ་ཅན་འཁྲིགས་པ་ལས། ཆར་གྱི་རྒྱུན་གཉའ་ཤིང་ཙམ་བབས་པ་ལས་ཆགས་སོ། །ཆུ་དེ་ལ་ལས་རླུང་གྲུ་བཞི་པ་བྱེ་བ་ཕྲག་བརྒྱ་ལངས་ཏེ་དཀྲུགས་པས། བཅུད་དང་པོ་ལ་ནང་ནས་རིན་ཆེན་བཞི་ལས། ཤར་དངུལ་དཀར་པོ། ལྷོ་བཻཌཱུརྱ། ནུབ་པདྨ་རཱ་ག་བྱང་གསེར་ལས་གྲུབ་པའི་རི་རབ་ལྷུན་པོ། དབྱིབས་གྲུ་བཞི་པ། ཆོ་ལོང་ཉིས་བརྩེགས་ལྟ་བུའི་ཚད་ནི། གྱེན་དུ་དཔག་ཚད་བརྒྱད་ཁྲི། ཆུ་མཚམས་མན་ཆད་ཐུར་དུ་དཔག་ཚད་བརྒྱད་ཁྲི་སྟེ། གསེར་གྱི་ས་གཞི་ལ་ཐུག་པའོ། །ཞེང་དུའང་དཔག་ཚད་བརྒྱད་ཁྲི་ཡོད་པའི་རི་རབ་བྱེ་བ་ཕྲག་བརྒྱ་ཆགས་ནས་གནས་སོ། །རི་བར་དེ་དག་ལ་ཆུ་མཚམས་ཡན་ཆད་ནས། རྐེད་པ་མན་ཆད་ན་བང་རིམ་བཞི་ཡོད། བང་རིམ་བཞི་པོའི་བར་ཐག་དཔག་ཚད་ཁྲིའོ། །དེ་ཡང་རི་རབ་ཀྱི་ངོ་བོ་ཆོ་ལོང་ལྟ་བུ་གྲུ་གཞིར་གནས་པ་ལ། བང་རིམ་བཞི་པོ་གློ་སྐྱེས་སུ་ཡོད་དེ། འོག་མ་ཕྱིར་འཕྱང་བ་ལ་དཔག་ཚད་སྟོང་ཕྲག་བཅུ་དྲུག་གློ་སྐྱེས་སུ་གནས་ཤིང། དེ་ཡི་གོང་མ་དཔག་ཚད་སྟོང་ཕྲག་བཅུ་དྲུག་གློ་སུ་གནས་ཤིང། དེ་ཡི་གོང་མ་ལ་དཔག་ཚད་སྟོང་ཕྲག་བརྒྱད་དང། དེ་ཡི་གོང་མ་ལ་བཞི་དང། སྟེང་མ་ལ་དཔག་ཚད་སྟོང་ཕྲག་གཉིས་གློ་སྐྱེས་སུ་བ་ཡོད་པའོ། །དེ་ལྟར་རི་
རབ་བྱེ་བ་ཕྲག་བརྒྱ་པོ་རེ་རེའི་ཕྱི་ལ། ལས་ཀྱི་རླུང་གིས་དཀྲུགས་པའི་བཅུད་བར་པ་ལ་གསེར་གྱི་རི་བདུན་གྱིས་གྲུ་བཞིར་བསྐོར་ཏེ་རིང་བདུན་པོའི་ནང་མས་ཉི་མའི་ཤིང་རྟའི་གཉའ་ཤིང་འཛིན་ནུས་པ་ལྟར། ཐད་ཀར་ཡོད་པས་གཉའ་ཤིང་འཛིན་དང། དེ་བས་ཕྱེད་ཀྱིས་དམའ་བས་གཤོལ་མདའ་འཛིན་ནུས་པ་ལྟར་ཡོད་པས་གཤོལ་མདའ་འཛིན་དང། རི་དེ་ཡི་རྩེ་མོ་ན་སེང་ལྡེང་གི་ནགས་ཡོད་པས་སེང་ལྡེང་ཅན་དང། རྩེ་མོ་དབྱིབས་བ་ཡོད་པས་རྟ་རྣ་དང། རྩེ་མོ་ཅུང་ཟད་ནང་དུ་འདུད་པར་ཡོད་པས་རྣམ་འདུད་དང། དེ་དག་གི་ཕྱི་ན་མུ་ཁྱུད་ཀྱི་ཚུལ་དུ་གནས་པས་མུ་ཁྱུད་འཛིན་རྣམས་གནས་སོ། །རི་དེ་དག་ཆུ་མཚམས་ཡན་ཆད་གྱེན་དུ། ནང་མ་དཔག་ཚད་བཞི་ཁྲི་སྟེ་རི་རབ་ཀྱི་ཕྱེད་སླེབས་སོ། །དེ་ཡི་ཕྱི་མ་དྲུག་པོ་ནི་དཔངས་སུ་དཔག་ཚད་ཕྱེད་ཕྱེད་བྲི་སྟེ། གཤོལ་མདའ་འཛིན་ལ་དཔག་ཚད་ཉིས་ཁྲི། སེང་ལྡེ་ཅན་ལ་ཁྲི། གཤོལ་མདའ་འཛིན་ལ་དཔག་ཚད་ཉིས་ཁྲི། སེང་ལྡེང་ཅན་ཁྲི། ལྟ་ན་སྡུག་ལ་ལྔ་སྟོང། རྟ་རྣ་ཉིས་སྟོང་ལྔ་བརྒྱ། རྣམ་འདུད་སྟོང་ཕྱེད་དང་སུམ་བརྒྱ། མུ་ཁྱུད་འཛིན་ལ་དྲུག་བརྒྱ་ཉིས་ཤུ་རྩ་ལྔའོ། །དེ་དག་གི་ཞེང་དུ། ཆུ་མཚམས་ཡན་ཆད་ཀྱི་རང་རང་གི་དཔངས་དང་མཉམ་པའོ། །ཐོག་མར་ལས་ཀྱི་རླུང་གིས་དཀྲུགས་པའི་བཅུད་ཐ་མ་ལ། རི་རབ་རི་བདུན་དང་བཅས་པ་དེ་དག་ཀུན་གྱི་ཕྱོགས་བཞི་ན། གླིང་ཆེན་པོ་བཞི། གླིང་ཕྲན་བརྒྱད་པོ་རྣམས་ཆངས་ཏེ་གནས་ཤིང། དེ་དག་དང་དུས་མཉམ་དུ་གླིང་བཞི་རི་རབ་དང་བཅས་པ་ཐམས་ཅད་ལ། ཕྱི་རོལ་ལྕགས་རི་མུ་ཁྱུད་ཀྱིས་བསྐོར་བའོ། །གླིང་རྣམས་གྱེན་དུ་མཚོ་བས་ཅུང་ཟད་མཐོ་བ། རྒྱ་
མཚོ་གླིང་ཐོག་ཏུ་མི་ལུད་པ་ཙམ་མོ། །ལྕགས་རི་གྱེན་དུ་མུ་ཁྱུད་འཛིན་གྱི་ཕྱེད་འཕབས་ཏེ། དཔག་ཚད་སུམ་བརྒྱ་དང་ཕྱེད་དང་བཅུ་གསུམ་མོ། །རི་རབ། གསེར་གྱི་རི་བདུན། གླིང་བཞི། གླིང་ཕྲན། ལྕགས་རི་དེ་དག་ཆུ་མཚམས་མན་ཆད། ཐུར་དུ་དཔག་ཚད་བརྒྱད་ཁྲི་གསེར་གྱི་ས་གཞི་ལ་ཐུག་པའོ། །གླིང་རྣམས་ཀྱི་དབྱིབས་དང་ཚད་ནི། ལྷོའི་འཛམ་བུའི་གླིང་ནི་ཤིང་འཛམ་བུ་ཡོད་པ་ལས་ཐོགས་སོ། །འདིའི་དབྱིབས་སོག་ཁའི་ངོས་གསུམ་ལ་དཔག་ཚད་སྟོང་ཕྲག་གཉིས་གཉིས། ལྕགས་རིའི་ངོས་ཀྱི་ཡུ་བའི་ངོས་ལ་དཔག་ཚད་བརྒྱ་ཕྲག་ཕྱེད་དང་བཞི། དེ་དག་བསྡོམས་པས་མཐའ་སྐོར་དུ་དཔག་ཚད་དྲུག་སྟོང་དང་ཕྱེད་དང་བཞི་བརྒྱའོ། །ཤར་གྱི་གླིང་དེ་ན་གནས་པའི་མི་རྣམས། འཛམ་བུ་གླིང་གི་མི་ལས་ལུས་ཉིས་གྱུར་ཀྱིས་འཕགས་པས། ལུས་འཕགས་པོའི་གླིང་ཞེས་བྱའོ། །དེ་ཡི་དབྱིབས་ཟླ་གམ་གཞུ་འདྲ་བར་ཡོད་པའི་ངོས་གསུམ་ལ་དཔག་ཚད་སྟོང་ཕྲག་གཉིས་གཉིས་ཏེ། རྒྱབ་སྒུར་པོའི་དཀྱིལ་འཆང་པ་ལྟ་བུ་པདག་ཚད་སུམ་བརྒྱ་ལྔ་བཅུའོ། །མཐའ་སྐོར་དུ་དཔག་ཚད་དྲུག་སྟོང་སུམ་བརྒྱ་ལྔ་བཅུའོ། །ནུབ་ཀྱི་གླིང་ན་གནས་པའི་མི་རྣམས་བ་ལང་ལོངས་སྤྱོད་པས། བ་ལང་སྤྱོད་ཅེས་བྱ་སྟེ། དབྱིབས་ནི། ཟླུམ་པོ་མཐའ་སྐོར་དུ་དཔག་ཚད་སྟོང་ཕྲག་བདུན་དང་ལྔ་བརྒྱའོ། །བྱང་གི་གླིང་ན་གནས་པའི་མི་རྣམས་འཆི་བའི་ཚེ། ཁྱོད་ད་སྟེ་ཞག་བདུན་ན་འཆིའོ་ཞེས་པའི་སྒྲ་མི་སྙན་པ་འབྱུང་བས་སམ། ཡང་ན་དེ་དག་འདྲེའི་སྐད་དུ་སྨྲ་བས། སྒྲ་མི་སྙན་གྱི་གླིང་ཞེས་བྱ་སྟེ། དེའི་དབྱིབས་ནི་གྲུ་བཞིའི་ངོས་རེ་ལ་དཔག་ཚད་
སྟོང་ཕྲག་གཉིས་གཉིས། མཐའ་སྐོར་དུ་དཔག་ཚད་སྟོང་ཕྲག་བརྒྱད་ཡོད་དོ། །དེ་དག་གི་བར་གྱི་གླིང་ཕྲན་བརྒྱད་པོ་ནི། བྱང་ངོས་ན་ལུས་འཕགས་རྣམ་གཉིས་སོ། །བྱང་གི་གླིང་ཕྲན་གཉིས་ལས། བྱང་གི་ཤར་ན་སྒྲ་མི་སྙན། བྱང་གི་ནུབ་ན་སྒྲ་མི་སྨན་གྱི་ཟླ། ནུབ་ཀྱི་གླིང་ཕྲན་ལྷོ་ངོས་ན་གཡོ་ལྡན་དང། ནུབ་ཀྱི་བྱང་ན་ལམ་མཆོག་འགྲོ། ལྷོའི་ཤར་ན་རྔ་ཡབ་གཞན། གླིང་ཕྲན་བརྒྱད་པོ་དེ་དག་གི་དབྱིབས་ནི། གླིང་ཆེན་བཞི་དང་འདྲ་ལ། ཚད་ནི་གླིང་ཆེན་དག་གི་ཕྱེད་ཕྱེད་དོ། །གསེར་རི་བདུན་གྱི་བར་གྱེ་ཆུ་ནི་རོལ་མཚོ་བདུན་ཏེ། དེ་ཡང་རི་རབ་ཀྱི་སྟེང་ནས་བལྟས་ན། རོལ་ཆུས་བཀང་བ་འདྲ་བས་སོ། །ཆུ་དེ་རྣམས་ཡན་ལག་བརྒྱད་དང་ལྡན་ཏེ། །བསིལ་ཞིང་ཡང་དག་འཇམ་པ་དང། གསལ་དང་དྭངས་དང་གཙང་པ་དང། །དྲི་མ་མེད་ཅིང་འཐུངས་པ་ན། །ལྟོ་ལ་མི་གནོད་མགྲིན་པ་བདེ། །ཡན་ལག་བརྒྱད་དུ་དེ་བཤད་དོ། །ཞེས་སོ། །རི་རབ་དང་གཉའི་ཤིང་འཛིན་གྱི་བར། རོལ་མཆོ་ནང་མའི་ཁ་ཞེང་དཔག་ཚད་བརྒྱད་ཁྲིའོ། །དེ་ཡི་ནང་ངོས་ལ་དཔག་ཚད་བརྒྱད་ཁྲི་བ་དེ་ཉིད་སུམ་འགྱུར་རོ། །རོལ་མཚོ་བཞན་གྱི་ཁ་ཞེང་ཕྱེད་ཕྱེད་བྲི་བས་ཏེ། གོ་སླའོ། །དེའི་ཕྱི་རོལ་གྱི་ཆུ་ནི་རྒྱ་མཚོ་བ་ཚྭ་ཅན་ཞེས་བྱ་སྟེ། ཆུ་མི་ཟད་པ་དང་དེ་ཡི་ནང་ན་གཟའ་སྐར་ལ་སོགས་པའི་གཟུགས་བརྙན་རྒྱ་ཡི་འབུར་ལྟར་སྣང་བས་རྒྱ་མཚོའོ། །ཆུ་དེ་ཡན་ལག་བརྒྱད་དང་མི་ལྡན་ཞིང། བ་ཚཱའི་རོ་བྲོ་བས་ན་བ་ཚཱ་ཅན་ནོ། །དེའི་ཕྱོགས་བཞིར་དཔག་
ཚད་སུམ་འབུམ་ཉིས་ཁྲིས་དང། དཔག་ཚད་སྟོང་ཕྲག་གཉིས་ཡོད་དོ། །ཁྱད་པར་འཛམ་བུའི་གླིང་གི་བྱེ་བྲག་བསྟན་པ་ནི། གླིང་གཞན་དུ་སངས་རྒྱས་མི་འབྱོན་ལ། གླིང་འདིར་སྤྲུལ་སྐུའི་འབྱོན་གནས་ཡིན་པས། གླིང་གཞན་པས་མཆོག་ཏུ་གྱུར་པ་འཛམ་བུའི་གླིང་མཆོག་འདི་ན། གླིང་གཞན་ན་མེད་པའི་ངོ་མཚར་བའི་བསྒྲག་ཏུ་རུང་བ་དུ་མ་ཡོད་དེ། དུས་གསུམ་གྱི་སངས་རྒྱས་མངོན་པར་རྫོགས་པར་འཚང་རྒྱ་བའི་གནས་དང། ཅཆོས་ཀྱི་འཁཽར་བའི་གནས་བྱིན་རླབས་ཅན། དུས་མཐའི་མེ་བདུན་ཆུ་གཅིག་གིས་ཀྱང་མི་འཇིག་པའི་རྡོ་རྗེ་གདན་དང། བྱ་རྒོད་སྤུངས་པའི་རི་ཡོད། པོ་ཊ་ལ་གྲུ་འཛིན་ལ་སོགས་པའི་རིགས་གསུམ་བཞུགས་ནས་ཡོད་དེ། འཛམ་བུའི་གླིང་གི་ལྷོ་ཕྱོགས་ན་འཕགས་པ་སྤྱན་རས་གཟིགས་བཞུགས་པའི་གནས་རི་བོ་པོ་ཊ་ལ་དང། འཛམ་བུའི་གླིང་གི་བྱང་ཤར་ན་འཕགས་པ་འཇམ་དཔལ་བྱི་བཟུགས་གནས་ལྕང་ལོ་ཅན་གྱི་གནས་ཡོད་དོ། །འཛམ་བུའི་གླིང་གི་དབུས་ན་གངས་རི་རང་བྱུང་ཤེལ་གྱི་མཆོད་རྟེན་ཡོད་ལ། གངས་རིའི་བྱང་ཕྱོགས་ན་སྨན་གྱི་ནགས་ཚལ་ཅན་སྤོ་ངད་ལྡན་པའི་རི་ཡོད་ལ། དེ་གཉིས་ཀྱི་བར་ན་ཆུ་ལག་བརྒྱད་དང་ལྡན་པའི་རི་ཡོད་ལ། དེ་གཉིས་ཀྱི་བར་ན་ཆུ་ཡན་ལག་བརྒྱད་དང་ཞིང་བསིལ་བས་མ་དྲོས་ཞེས་བྱ་བའི་མཚོ་ཡོད་དོ། །དེ་ཡི་ཆུ་ཞེང་དུ་དཔག་ཚད་ལྔ་བཅུ་ལྔ་བཅུ་ཡོད་པའི་གྲུ་བཞི་ཡོད། མཚོ་དེ་ཡི་ཕྱོགས་བཞི་བྲག་གླང་པོ་ཆེ་དང། ཁྱུ་མཆོག་དང། སེང་གེ་དང། རྟའི་མགོ་འདྲ་བའི་ཁ་ནས་ཆུ་པོ་ཆེན་
པོ་བཞི་འབབ་སྟེ། གཱངྒ་གླང་པོའི་ཁ་ནས་ཤར། །སིནྡྷུ་ཁྱུ་མཆོག་ཁ་ནས་ལྷོ། །སི་ཏ་སེང་གེའི་ཀ་ནས་ནུབ། །པཀྵུ་རྟའི་ཁ་ནས་བྱུང། །མ་འདྲེས་གཡས་ཕྱོགས་ལན་གསུམ་བསྐོར། །རེ་རེ་གཡོག་ལྔ་བརྒྱར་བཅས། །རང་རང་ཕྱོགས་སུ་རྒྱ་མཚོར་འབབ། །ཅེས་སོ། །དེ་དང་ཉེ་བའི་བྱང་ཤར་ན་ཤིང་འཛམ་བུ་ཏྲིཀྵ་ཡོད་དེ། ཤིང་དེའི་ཤིང་ཐོག་ཁྱེའུ་དང་བུ་མོའི་གཟུགས་སུ་བྱུང་ནས། འཛམ་བུ་འཛམ་བུ་ཞེས་བྱ་བའི་སྒྲ་འབྱིན་ཏོ། །མཚོ་མ་དྲོས་པ་དེ་ནས་བྱང་དུ་དཔག་ཚད་ཉིས་ཤུ་ན། གསེར་བྲག་བྱ་སྐྱིབས་ཅན་ཞེས་བྱ་བ་དབྱིབས་གྲུ་བཞི་དཔངས་སུ་དཔག་ཚད་ཕྱེད་དང་བཞི། མཐའ་སྐོར་དུ་དཔག་ཚད་ལྔ་བཅུ་རྩ་ལྔ་ཡོད་པ། དེ་ཡི་ཉེ་འཁོར་ན་བྲག་ཕྲན་སྟོང་གིས་བསྐོར་བ་ཡོད་དོ། །དེ་ནས་དཔག་ཚད་ཉིས་ཤུ་ན་ཤིང་མཆོག་སཱ་ལའི་རྒྱལ་པོ་རབ་བརྟན་པ་ཞེས་བྱ་བ་ཡོད་དེ། གྱེན་དུ་དཔག་ཚད་བཅུ་བཞི། ཡལ་ག་མཐོ་དམན་རིམ་པ་བདུན་ཡོད་པ། དེ་ཡི་ཐོ་ཕྱི་ན་ཤིང་ཕྲན་སྟོང་གིས་བསྐོར་བའོ། །དེ་ནས་བྱང་ཤར་དུ་དཔག་ཚད་ཉིས་ཤུ་ན། མཚེའུ་དལ་གྱིས་འབབ་པ་ཞེས་བྱ་བ་སྦྲང་རྩིའི་རོ་བྲོ་བ་ཡོད་དེ། མཚོ་དེ་ཡི་ཆུ་ཞེང་དུ་དཔག་ཚད་ལྔ་བཅུ་ཡོད་ལ། དེ་ན་མེ་ཏོག་པདྨ་ཤིང་རྟའི་འཕང་ལོ་ཙམ། ལོ་འདབ་བ་གླང་གི་ཀོ་བ་ཙམ་ཡོད་དོ། །དེ་ཡི་ཉེ་འཁོར་ན་མཚེའུ་བརྒྱད་སྟོང་གིས་བསྐོར་བའོ། །ད་ནི་ངན་སོང་གི་གནས་བསྟན་པ་ནི། འཛམ་བུའི་གླིང་འདིའི་འོག་དཔག་ཚད་ཉིས་ཁྲི་ན། མནར་མེད་པའི་དམྱལ་བའི་གནས་ཀྱི་སྟེང་འོག་ཡོད་དེ། དེ་ཡི་སྟེང་འོག་ཕྱོགས་བཞིར་དཔག་ཚད་ཉིས་ཁྲི་ཉིས་ཁྲིའོ། །མཐའ་སྐོར་དུ་དཔག་ཚད་བརྒྱད་ཁྲི་ཡོད་དོ། །འཛམ་བུ་གླིང་འདི་ནི་
འབྲུ་ཡི་ཕུང་པོ་ལྟར་ཞབས་ཆེ་བར་ཡོད་དོ། །དེའི་སྟེང་ན་ཡང་སོལ་ལ་སོགས་པའི་དམྱལ་བ་རིམ་པ་བདུན་ཡོད་དེ། དེ་དག་གི་བྱང་ཕྱོགས་ན་ཆུ་བུར་ཅན་ལ་སོགས་པ་གྲང་བའི་དམྱལ་བའི་གནས་བརྒྱད་ཡོད་དོ། །དམྱལ་བ་དེ་དག་གི་སྟེང་ན་ག་དྷ་དབུས་འགྱུར་འཆང་ནས་དཔག་ཚད་ལྔ་བརྒྱའི་འོག་ན་གཤིན་རྗེའི་འཇིག་རྟེན་ཡོད་དོ། །ད་ནི་ཉི་ཟླ་གཟའ་སྐར་གྱི་ཚད་ལ་སོགས་པ་བསྟན་པ་ནི། ཉི་ཟླ་གཟའ་སྐར་རི་རབ་ལྷུན་པོའི་ཕྱེད། ས་སྟེང་འདི་ནས་དཔག་ཚད་བཞི་ཁྲིའི་སྟེང་ནས་ཉི་ཟླ་གཟའ་སྐར་རྣམས་རྒྱུའོ། །ཉི་མའི་རྒྱུ་ནི་མེ་ཤེལ་སེམས་ཅན་སྤྱི་མཐུན་གྱི་ལས་གྲུབ་པའོ། །ཁ་ཞེང་ཆེ་ལ་དཔག་ཚད་ལྔ་བཅུ་རྩ་གཅིག་ཉི་མ་ལ་རྟ་རླུང་གི་འཁོར་ལོ་དྲུག་ཡོད་དེ། འདེགས་བྱེད་ཀྱི་རླུང་དང། གནོན་བྱེད་དང། སྦོ་གཉིས་ནས་སྐྱོར་བྱེད་གཉིས་དང། སྣ་འདྲེན་དང། མཇུག་བསྐུལ་དང་དྲུག་གོ །ཟླ་བའི་རྒྱུ་ནི་ཆུ་ཤེལ་ལོ། །ཁ་ཞེང་ལ་དཔག་ཚད་ལྔ་བཅུའོ། །ཟླ་བ་ལ་སྦོ་གཡས་གཡོན་གཉིས་ནས་སྐྱོར་བའི་རླུང་མེད་པས། རླུང་གི་རྟ་བཞིའོ། །ཉི་ཟླ་གཉིས་ཀའི་མཐུག་རྔམས་ནི། དཔག་ཚད་དྲུག་དང་དཔག་ཚད་གཅིག་གི་བཅོ་བརྒྱད་ཀྱི་ཆ་གཅིག་གོ །སྐར་མའི་རྒྱུ་ནི་ཤེལ་ཕལ་པའོ། །ཚད་ནི་སྐར་མ་ཆེ་བ་ལ་རྒྱང་གྲགས་བཅོ་བརྒྱད། འབྲིང་པོ་ལ་རྒྱང་གྲགས་བཅུ་གཅིག །ཆུང་བ་ལ་རྒྱང་གྲགས་གསུམ་ཡོད་དོ། །འོ་ན་གླིང་བཞིའི་ཉི་མའི་འཆར་ནུབ་ཀྱི་དུས་ཚོད་ཇི་ལྟར་ཡོད་ཅེ་ན། བྱང་སྒྲ་མི་སྙན་གྱི་ནམ་ཕྱེད་པ་དང། ཤར་ལུས་འཕགས་པོའི་ཉི་མ་ནུབ་པ་དང། ལྷོ་འཛམ་བུ་གླིང་པའི་ཉི་མ་ཕྱེད་པ་དང། ནུབ་བ་
གླང་སྤྱོད་ཀྱི་ཉི་མ་འཆར་བ་དེ་དག་དུས་གཅིག་པས། ཉི་མའི་འོད་ཀྱིས་གླིང་གཉིས་ལ་ཁྱབ་བོ། །དེ་བཞིན་དུ་ཕྱོགས་བཞི་ཀུན་ཏུ་བསྐོར་བའོ། །ཉི་མ་རིང་ཐུང་འོང་བ་ཅི་ལས་བྱུང་ཞེ་ན། འཕུལ་བྱེད་རླུང་གི་དྲག་ཞན་གྱིས་ཉི་མ་ལྷོ་བྱང་དུ་མཚོན་ཆའི་འཁོར་ལོ་བཞིན་དུ་རྒྱུ་སྟེ། འཁོར་ལོའི་རྩེ་མོ་གཉིས་ནས་རླུང་གིས་འཕུལ་དྲག་པས་ཉི་མ་མགྱོགས་ལ། ལོགས་གཉིས་ནས་རླུང་གིས་འཕུལ་ཞན་པས་ཉི་མ་བུལ་བར་བྱུང་བས་ཉི་མ་ལ་རིང་ཐུང་དུ་སྣང་བའོ། །ཟླ་བ་ལ་འཕེལ་གྲིབ་འོང་བ་ཇི་ལྟར་ཡིན་ཞེ་ན། ཟླ་བ་ཉི་མ་དང་ཉེ་རིང་གིས་རང་གི་གྲིབ་མའི་འཕེལ་འགྲིབ་ཆེ་ཆུང་སྣང་བས་ཏེ། དཔེར་ན། ཀ་བ་ལ་སོགས་པ་མར་མེ་དང་ཉེ་ཞིང་གྲིབ་མ་ཆེ་ལ། མར་མེ་དང་རིང་གིན་གྲིབ་མ་ཆུང་བ་ལྟ་བུའོ། །འོད་ཡོད་ཀྱང་ཉི་མའི་འོད་སྟོབས་ལྡན་ཕོག་པས་གྲིབ་མ་འབྱུང་སྟེ། དཔེར་ན་ནོར་བུ་འོད་ཅན་ནམ་སྲིན་བུ་མེ་ཁྱེར་ལ། མཚན་མོ་འོད་ཡོད་ཀྱང། ཉི་མ་ཕོག་ན་ཕྱོགས་གཅིག་ཏུ་གྲིབ་མ་འབྱུང་བ་ལྟ་བུའོ། །ཟླ་བ་ལ་རླུང་གི་འཁོར་ལོ་བཞི་ལས་མེད་ཅིང་རླུང་ཤུགས་ཆུང་བས། ཉི་མ་དང་སྐར་མ་ལས་བུལ་ཞིང། ལྷོ་བྱང་གི་རྒྱུ་སྐར་རྣམས་གང་ནས་གར་འགྲོ་དང་སྦྲགས་ནས་མཚོན་ཆའི་འཁོར་ལོ་ལྟ་བུར་རྒྱུ་བས། ཡར་ལྡོག་མར་ལྡོག་གཉིས་གཉིས་བྱེད་པའོ། །ད་ནི་རི་རབ་ཀྱི་རྩེ་མོའི་ལྷ་གནས་བསྟན་པ་ནི། ལྷུན་པོའི་རྩེ་མོ་ན་སུམ་ཅུ་རྩ་གསུམ་གྱི་ལྷ་གནས་ཡོད་དེ། དེ་ལ་སུམ་ཅུ་རྩ་གསུམ་ཞེས་རྒྱུ་མཚན་ཅིའི་ཕྱིར་ཞེ་ན། དེ་ན་གནས་གཞན་དང་ལོངས་སྤྱོད་མི་འདྲ་
སུམ་ཅུ་རྩ་གསུམ་ཡོད་པའི་ཕྱིར་ན། སུམ་ཅུ་རྩ་གསུམ་ཞེས་བྱ་སྟེ་དེ་ལ་གནས་གཞན་མི་འདྲ་བ་ནི། ཚལ་ཆེན་པོ་བཞི་དང། ས་ཆེན་པོ་བཞི་དང། ཆོས་བཟང་ལྷའི་འདུན་ས་དང། ཤིང་ཡོངས་འདུ་ས་བརྟོལ་དང། མེ་ཏོག་འབྲས་བུས་གཏམས་པའི་གནས་དང། སྐྱེད་མོས་ཚལ་ལ་སོགས་པའི་གནས། ཕན་ཚུན་འགྲན་པ་ལྟ་བུ་བཅུ་དྲུག་ཡོད་དེ། དེ་ན་ལོངས་སྤྱོད་མི་འདྲ་བ་ནི། མ་བཏབ་པའི་ལོ་ཏོག་དང། གླང་པོ་ཆེ་ས་སྲུང་པ་དང། རབ་བརྟན་དང། བདུད་རྩི་ལ་སོགས་པ་ལོངས་སྤྱོད་ཀྱི་བྱེ་བྲག་མི་འདྲ་བ་བཅུ་དྲུག་ཡོད། གྲོང་ཁྱེར་ཆེན་པོ་ལྟ་ན་སྡུག་དང་སུམ་ཅུ་རྩ་གསུམ་ཡོད་པས་ན། སུམ་ཅུ་རྩ་གསུམ་མོ། །ཡང་ལྷའི་དབང་པོ་ལ་འཁོར་ཉེ་བའི་བའི་བློན་པོ་སུམ་ཅུ་རྩ་གཉིས། བརྒྱ་བྱིན་དང་སུམ་ཅུ་རྩ་གསུམ་ཡོད་པས་སོ། །ཡང་གླང་པོ་ཆེ་ས་སྲུང་དང། རབ་བརྟན་གཉིས་ཀ་ལ་སྤྲུལ་པའི་མགོ་བོ་སུམ་ཅུ་རྩ་གཉིས་གཉུག་མར་གནས་པའི་མགོ་བོ་དང་སུམ་ཅུ་རྩ་གསུམ་ཡོད་པས་སོ། །རི་རབ་ཀྱི་རྩེ་མོ་དེའི་མཚམས་བཞིའི་ཟུར་ན་ལྕོག་ཆེན་པོ་བཞི་ཡོད་དེ། རྒྱུ་ལྕགས་ལས་གྲུབ་པ་དབྱིབས་གྲུ་བཞི་དཔག་ཚད་ཕྱེད་དང་ལྔ་བརྒྱ། ངོས་རེ་ལ་དཔག་ཚད་བརྒྱ་ཉིས་ཤུ་རྩ་ལྔ་རེ་ཡོད་དོ། །སུམ་ཅུ་རྩ་གསུམ་གྱི་དབུས་ན་གྲོང་ཁྱེར་ཆེན་པོ་ལྟ་ན་སྡུག་ཅེས་བྱ་བ་ཕྱོགས་བཞི་རི་རབ་དང་འདྲ་བར་རིན་པོ་ཆེ་བཞི་ལས་གྲུབ་པ་སྟེ། དེའི་ངོས་རེ་ལ་དཔག་ཚད་ཉིས་སྟོང་ལྔ་བརྒྱ། དཔངས་སུ་དཔག་ཚད་ཉིས་སྟོང་ལྔ་བརྒྱའོ། །དེའི་འོག་གཞི་གསེར་གྱིས་བྱས་པ་ལ། རིན་པོ་ཆེ་
སྣ་ཚོགས་པས་སྤྲས་ཤིང་རྐང་པ་མནན་ན་ནེམ་ཞིང། བཏེག་ན་འཕར་བའི་མཉེན་པའོ། །གྲོང་ཁྱེར་དེའི་ཕྱོགས་བཞི་དག་ན་ལམ་སྲང་ཆེན་པོ་བཞི་ཡོད་དེ། ལམ་སྲང་གི་ཁ་ཞེང་ལ་དཔག་ཚད་བཅུ་གཉིས། དཀྱུས་ལ་དཔག་ཚད་ཉིས་སྟོང་བརྒྱ་ཉིས་ཤུ་རྩ་ལྔའོ། །ལམ་སྲང་དེ་དག་གི་འོག་གཞི་གསེར་གྱི་བྱེ་བ་བརྡལ་བས་བྱས་པ་དེ་དག་གི་གཡས་གཡོན་གྱི་ཉེ་འཁོར་ན་ཡན་ལག་བརྒྱད་དང་ལྡན་ཞིང་སྦྲང་རྩིའོ་རོ་བྲོ་བའི་རྫིང་བུ་པདྨ་ལ་སོགས་པ་མེ་ཏོག་སྣ་ཚོགས་གྱིས་བརྒྱན་པ་དང། དེ་ཡི་ཉེ་འཁོར་ཐམས་ཅད་ན་དཔག་བསམ་ཤིང་ལ་བྱ་སྐད་སྙན་པར་སྒྲོག་པ་མང་པོ་དོ། །ལྷ་རྣམས་ཀྱི་བསོད་ནམས་ཀྱིས་དུས་སུ་རླུང་ལངས་པས་མེ་ཏོག་རྙིང་པ་ཐམས་ཅད་འཐོར་ཞིང་མེ་ཏོག་གསར་པ་རྣམས་ནི་འགྲེམས་པར་བྱེད་དོ། །གྲོང་ཁྱེར་དེའི་ཕྱི་རོལ་ན་གསེར་གྱི་འཁོར་ཡུགས་དཔངས་སུ་དཔག་ཚད་ཕྱེད་ཡོད་པའི་བསྐོར་པའོ། །དེའི་ཕྱི་རོལ་འོབས་ཀྱི་ནང་ན་ཅུ་བསིལ་ཞིང་དྭངས་པ་སྦྲང་རྩིའི་རོ་བྲོ་བ་ཡིད་དུ་འོང་བའི་ཆུས་གང་བ་རིམ་པ་བདུན་གྱིས་བསྐོར་བ་དེ་ལ། ཕྱོགས་བཞི་ན་རིན་པོ་ཆེའི་ཟམ་པ་བཙུགས་པ་ཡོད་དོ། །གྲོང་ཁྱེར་དེ་ལ་སྒོ་སྟོང་དུ་གཅིག་གིས་མ་ཚང་བ་ཡོད་དོ། །སྒོ་རེ་སྒོ་སྲུང་པ་ལྔ་བརྒྱ་ཡོད་དོ། །གྲོང་ཁྱེར་དེ་ཡི་དབུས་ན་རྣམ་པར་རྒྱལ་བའི་ཁང་བཟང། རྒྱུ་རིམ་པོ་ཆེ་སྣ་བཞི་ལས་བྱས་པ། འོག་གཞི་གསེར་ལ་རིན་པོ་ཆེ་སྣ་ཚོགས་ཀྱིས་སྤྲད་པ་ཡོད། དེ་ཡི་ངོས་རེ་ལ་དཔག་ཚད་ཉིས་བརྒྱ་ལྔ་བཅུ། མཐའ་སྐོར་དུ་དཔག་ཚད་སྟོང་ཡོད་ལ། དཔངས་སུ་གྲོང་ཁྱེར་གཞན་པས་དཔག་ཚད་ཕྱེད་དང་ལྔར་གྱེན་དུ་འཕགས་པའོ། །
དེ་ལ་བ་གམ་བརྒྱ་རྩ་གཅིག་ཡོད་དེ། བ་གམ་རེ་རེའི་ནང་ན་ཁང་བུ་བརྩེཊ་པ་བདུན་བདུན་ནོ། །གྲོང་ཁྱེར་ལྟ་ན་སྡུག་གི་ཕྱི་རོལ་ཤར་ཕྱོགས་ན། ཤིང་སྣ་སྣ་ཚོགས་གྱི་ཚལ་ཡོད། ལྷོ་ན་རྩུབ་འགྱུར་གྱི་ཚལ། ནུབ་ན་འདྲེས་པའི་ཚལ། བྱང་ན་དགའ་བའི་ཚལ་གྱིས་བརྒྱན་པའོ། །ཚལ་བཞི་པོ་རེ་རེའི་མཐའ་སྐོར་དུ་དཔག་ཚད་སྟོང་སྟོང་ཡོད་པ་དེ་ལ་གསེར་གྱི་རྭ་བས་བསྐོར་བའོ། །དེ་ན་རྫིང་བུ་དང། དཔག་བསམ་གྱི་ཤིང་དང། མེ་ཏོག་སྣ་ཚོགས་དང། བྱ་སྣ་ཚོགས་པས་བརྒྱན་པ་ཡོད་དོ། །དེ་དག་གི་ཕྱོགས་བཞིའི་དཔག་ཚད་ཉིས་ཤུ་ན། ཤར་ན་ཚོགས་པས་བརྒྱན་པ་ཡོད་དོ། །དེ་དག་གི་ཕྱོགས་བཞིའི་དཔག་ཚད་ཉིས་ཤུ་ན། ཤར་ན་ཤིང་རྟ་སྣ་ཚོགས་ཀྱི་ས་ལ་སོགས་པ་ས་གཞི་བཟང་པོ་བཞི། ཚད་ཚལ་བཞི་དང་འདྲའོ། །གྲོང་ཁྱེར་ལྟ་ན་སྡུག་གི་བྱང་ཤར་གྱི་མཚམས་ན། ཤིང་ཡོངས་འདུ་ས་བརྟོལ་ཡོད་དེ། རྩ་བ་ཐུར་དུ་དཔག་ཚད་ལྔ་བཅུ་ཟུག་པ། གྱེན་དུ་དཔག་ཚད་ལྔ་བརྒྱ་འཕཊ་པ། མཐའ་སྐོར་དུ་དཔག་ཚད་སུམ་བརྒྱ་ཡོད་པ། དེ་ལས་འདོད་པའི་ཡོན་ཏན་ཐམས་ཅད་འབྱུང་བ་ཡོད་དོ། །གྲོང་ཁྱེར་ལྟ་ན་སྡུག་གི་ལྷོ་ནུབ་མཚམས་ན་ཆོས་བཟང་ལྷ་ཡི་མདུན་ས་ཡོད་དེ། དེའི་དབྱིབས་ཟླུམ་པོ། །དེ་ཡི་སྟེང་གི་ཐོག་དང་འོག་གི་གཞི་མ་དང་ཀ་གདུང་ཐམས་ཅད་གཞི་ཤེལ་ལས་བྱས་པ། དེའི་ཚད་ནི་གྱེན་དུ་དཔག་ཚད་སུམ་བརྒྱ། ཐད་ཀར་དཔག་ཚད་སུམ་བརྒྱ། མཐའ་སྐོར་དུ་དཔག་ཚད་སུམ་བརྒྱ། མཐའ་སྐོར་དུ་དཔག་ཚད་དགུ་བརྒྱ་ཡོད་དོ། །དེ་ཡི་ནང་ན་རྡོ་ཨ་མོ་ལི་ཀ་ཞེས་བྱ་བ། དབྱིབས་གྲུ་བཞིའི་ངོས་རེ་ལ་དཔག་ཚད་ལྔ་བཅུ། རིན་པོ་ཆེའི་ཚོན་སྣ་མི་འདྲ་བ་བརྒྱ་རྩ་གཅིག་གིས་མིག་མངས་རིས་སུ་བྲིས་པ་སྟེ། དེ་ཡང་ཤིང་བལ་གྱི་འདབ་མ་ལྟར་རེག་ན་འཇམ་ཞིང། རྐང་པས་མནན་ན་
ནེམ་པ་བཏེག་ན་འཕར་བ་ལྟ་བུ་དེའི་དབུས་ན། ལྷའི་དབང་པོས་ལྷ་རྣམས་ལ་དུས་སུ་ཆོས་འཆད་པའི་གསེར་གྱི་ཁྲི་ཡོད་པ་དེ་ན། མེ་ཏོག་ལ་སོགས་པ་སྔར་དང་འདྲ་བ་ཡོད་དོ། །ད་ནི་ནམ་མཁའ་ལ་གནས་པའི་ལྷའི་གནས་བསྟན་པ་ནི། སུམ་ཅུ་རྩ་གསུམ་དེའི་སྟེང་ན་ཡར་ནམ་མཁའ་ལྷའི་གནས་བསྟན་པ་ནི། སུམ་ཅུ་རྩ་གསུམ་དེའི་སྟེང་ན་ཡར་ནམ་མཁའ་ལ་བ་རྟེན་པའི་ལྷ་གནས་ཉིས་ཤུ་རྩ་གཅིག་ཡོད་དེ། འདོད་ཁམས་ཀྱི་ལྷ་གནས་བཞི། གཟུགས་ཁམས་ཀྱི་ལྷ་གནས་བཅུ་བདུན་ནོ། །དེ་དག་ནམ་མཁའ་ལ་རླུང་གིས་བཏེག་ནས་རིམ་གྱིས་གནས་སོ། །དེ་ངག་གི་ཚད་ནི་འཐབ་བྲལ་གྱི་ལྷ་གནས་རི་རབ་ཀྱི་རྩེ་མོ་དང་མཉམ་པའོ། །དགའ་ལྡན། འཕྲུལ་དགའ་གཞན་འཕྲུལ་དབང་བྱེད་གསུམ་པོ་ཉིས་འགྱུར་ཉིས་འགྱུར་གྱིས་གོང་མ་གོང་མ་ཆེ་བའོ། །དེ་ནས་བསམ་གཏན་དང་པོའི་གནས་ནི་གླིང་བཞིའི་རྒྱ་དང་མཉམ། བསམ་གཏན་གཉིས་པ་སྟོང་སྤྱི་ཕུད་ཀྱི་འཇིག་རྟེན་དང་མཉམ། བསམ་གཏན་གསུམ་པ་ནི་སྟོང་གཉིས་པ་བར་མའི་འཇིག་རྟེན་དང་མཉམ། བསམ་གཏན་བཞི་པ་སྟོང་གསུམ་གྱི་རྒྱ་དང་མཉམ་མོ། །འོ་ན་ལྷ་གནས་དེ་དག་ལ་བར་ཐག་ཇི་ཙམ་ཡོད་ཅེ་ན། ལྷ་གནས་དེ་དག་གི་སྟེང་འོག་གི་བར་ཐག་ནི། རི་རབ་ཀྱི་རྩེ་མོ་ནས་མི་ཡུལ་གྱི་གླིང་བཞི་ལ་བར་ཐག་དང་དཔག་ཚད་བརྒྱད་ཁྲི་ཡོད་པ་དེ་ལྟར་འཐབ་བྲལ་གྱི་པར་ལ་ཡང་དེ་སྲིད་ཡོད་དོ། །འཐབ་བྲལ་གྱི་གནས་ནས་མི་ཡུལ་གྱི་གླིང་བཞི་ལ་བར་ཐག་དང་དཔག་ཚད་བརྒྱད་ཁྲི་ཡོད་པ་དེ་ལྟར་འཐབ་བྲལ་གྱི་པར་ལ་ཡང་དེ་སྲིད་ཡོད་དོ། །འཐབ་བྲལ་གྱི་གནས་ནས་མི་ཡུལ་གྱི་གླིང་བཞི་ལ་བར་ཐག་དཔག་ཚད་ཆིག་འབུམ་དྲུག་ཁྲི་ཇི་སྲིད་ཡོད་པ། བཞིན་དུ་འཕྲུལ་དགའ་ལ་སོགས་པའི་གནས་ནས། གནས་འོག་མ་གླིང་
བཞིའི་བར་ཇི་སྲིད་ཡོད་པ་དེ་ཡི་གོང་མ་ལའང། བར་ཐག་དེ་སྲིད་ཡོད་པ་ཀུན་འདྲ་སྟེ། དེ་ལྟར་རྩིས་པས་ཤིན་ཏུ་མཐོང་གི་ལྷ་གནས་ནས། མི་ཡུལ་ལ་བར་ཐག་ཇི་ཙམ་ཡོད་པ་དེ་སྲིད་ཅིག་ཤིན་ཏུ་མཐོང་ནས་འོག་མིན་གྱི་བར་ལ་ཡོད་དོ། །འོ་ན་ལྷ་གནས་དེ་དག་འོག་མས་གོང་མར་ཕྱིན་ཅིང། ལྟར་མཐོང་ངམ་མི་མཐོང་ཞེ་ན། རང་གི་རྫུ་འཕྲུལ་ཡོད་པའམ། གཞཉ་གྱི་རྫུ་འཕྲུལ་ལ་བརེན་ནས་མཐོང་བ་མ་གཏོགས་པ། དེ་དག་འོག་མས་གོང་མ་མཐོང་བ་མེད་དོ། །སེམས་ཅན་སྤྱི་མཐུན་གྱི་ལས་ཀྱི་མཐུས་དང་པོ་ལ་སྣོད་ཆགས་ཏེ། དེ་ཡང་དང་པོ་ནམ་མཁའི་མཐུན་གྱི་ལས་ཀྱི་མཐུས་དང་པོ་ལ་སྣོད་ཆགས་ཏེ། དེ་ཡང་དང་པོ་ནམ་མཁའི་ལྷ་གནས་ཚངས་པ་ཆེན་པོ་ནས་འཐབ་བྲལ་ཡན་ཆད་ཀྱི་གཞལ་མེད་ཁང་རྣམས་རླུང་ལ་བརྟེན་ནས་ཡར་མར་རིམ་གྱིས་ཆགས་སོ། །དེ་ནས་ས་ལ་བརྟེན་པའི་སྣོད་རྣམས་མས་ནས་ཡར་རིམ་གྱིས་ཆགས་སོ། །དེ་ནས་ས་ལ་བརྟེན་པའི་སྣོད་རྣམས་མས་ནས་ཡར་རིམ་གྱིས་ཆགས་ཏེ། གོང་དུ་རྒྱས་པར་བཤད་པ་བཞིན་ནོ། །དེ་ལྟར་སྣོད་ཆགས་པའི་ཡུན་བར་གྱི་བསྐལ་པ་གཅིག་འདི་རྫོགས་པའོ། །སྣོད་དེ་དག་གི་ཚད་དང་དུས་ཀྱི་ཕྲ་རགས་བསྟན་པ། གཉིས་པ་དེ་དག་གི་ཚད་གཞལ་བའི་དཔག་ཚད་དང། ལོ་ཟླ་བ་བསྐལ་པ་ལ་སོགས་པའི་རྒྱུའི་ཕྲ་རགས་བསྟན་པ་ལས། དང་པོ་གཟུགས་ཀྱི་ཕྲ་རགས་བསྟན་པ་ནི། གཟུགས་ཀྱི་མཐའ་རྡུལ་ཕྲ་རབ་ནི། ཉི་ཟེར་གྱི་རྡུལ་འབྲིང་པོ་གཅིག་ལ་བཞི་བཅུ་ཞེ་དགུར་བགོས་པའི་ཆ་གཅིག་ལ་འདོད་དོ། །རྡུལ་ཕྲ་རབ་ལ་རྡུལ་ཕྲན་གཅིག་ཡིན་ཏེ། དེ་བཞིན་བདུན་འགྱུར་དུ་བྱས་པས། རྡུལ་ཕྲན་བདུན་ལ་ལྕགས་རྡུལ་གཅིག་དེ་
བདུན་ལ་ཆུ་རྡུལ་གཅིག །དེ་བདུན་ལ་རེ་བོང་གི་སྤུ་རྩེའི་རྡུལ་བཅིག་དེ་བདུན་ལ་ལུག་གི་སྤུ་རྩེའི་རྡུལ་གཅིག དེ་བདུན་ལ་གླང་གི་སྤུ་རྩེའི་རྡུལ་གཅིག དེ་བདུན་ལ་ཉི་ཟེར་གྱི་རྡུལ་གཅིག དེ་བདུན་ལ་སྲོ་མ་གཅིག་སྲོ་མ་བདུན་ལ་ཤིག་གཅིག ཤིག་བདུན་ལ་ནས་གཅིག ནས་བདུན་ལ་སོར་ཚོགས་གཅིག །ཤིག་བདུན་ལ་ནས་གཅིག ནས་བདུན་ལ་སོར་ཚོགས་གཅིག སོར་མོ་ཉིས་ཤུ་རྩ་བཞི་ལ་ཁྲུ་གང། ཁྲུ་བཞི་ལ་འདོམ་གང། འདོམ་དེ་ཉིད་ལྔ་བརྒྱ་ལ་རྒྱང་གྲགས་གཅིག རྒྱང་གྲགས་དེ་བརྒྱད་ལ་དཔག་ཚད་གཅིག་ཅེས་བྱའོ། །དུས་ཀྱི་ཕྲ་རགས་བསྟན་པ་ནི། དུས་ཀྱི་མཐའ་སྐད་ཅིག་ལ་ཐུབ་སྟེ། དེ་ཡང་ཕྲ་བའི་སྐད་ཅིག་གི་ཚད་ནེ། སེ་གོལ་གཏོག་པ་གཅིག་བརྒྱ་ཉིས་ཤུར་བགོས་པའི་ཆ་གཅིག་ལ་འདོད་དོ། །ཕྲ་བའི་སྐད་ཅིག་མ་བརྒྱ་ཉིས་ཤུ་ལ་རགས་པའི་སྐད་ཅིག་མའོ། །རགས་པའི་སྐད་ཅིག་མ་དྲུག་ཅུ་ལ་ཐང་ཅིག་གོ །དེ་ཉིད་སུམ་ཅུ་ལ་ཡུད་ཙམ་གཅིག་དེ་སུམ་ཅུ་ལ་ཉིན་ཞག་གཅིག་ཞག་སུམ་ཅུ་ལ་ཟླ་བ་གཅིག་ཟླ་བ་བཅུ་གཉིས་ལ་ལོ་གཅིག་ལོ་དེ་བསགས་པས་མི་ལོ་ཐེར་འབུམ་ཉིས་ཤུ་ལ་བར་བསྐལ་གཅིག་ཡ་ཐོག་རིང་པོ། མ་ཐོག་རིང་པོ་གཉིས། བར་གྱི་ཁུག་པ་བཅོ་བརྒྱད། །དེ་ལ་བར་གྱི་བསྐལ་པ་ཉིས་ཤུ། ཉིས་ཤུའི་ཡུན་དུ་འཇིག །ཉིས་ཤུའི་ཡུན་དུ་ཆགས། ཉིས་ཤུའི་ཡུན་དུ་སྟོངས། ཉིས་ཤུའི་ཡུན་དུ་གནས་པའི་ཕྱིར་རོ། །དེ་ལྟར་བར་བསྐལ་བརྒྱད་ཅུ་ལ་བསྐལ་པ་ཆེན་པོ་གཅིག་གོ །སྟོང་གསུམ་གྱི་འདོད་ཚུལ། གསུམ་པ་སྟོང་གསུམ་གྱི་འདོད་ཚུལ་བསྟན་པ་ནི། གླིང་བཞི་
དང། ཉི་ཟླ་དང། རི་རབ་དང། རི་བདུན་དང། འདོད་ལྷ་དྲུག་དང། ཚངས་པའི་འཇིག་རྟེན་དང་བཅས་པ་སྟོང་ལ་ནི། སྟོང་སྤྱི་ཕུད་ཀྱི་འཇིག་རྟེན་གྱི་ཁམས་ཞེས་བྱ་སྟེ། དེ་ལ་ལྕགས་རི་གཅིག་གིས་བསྐོར་བའོ། །སྟོང་སྤྱི་ཕུད་དེ་ཉིད་གཅིག་ནས་གཉིས་སུ་བགྲངས་པ་དེ་སྟོང་ལ་ནི། །སྟོང་གཉིས་པ་བར་མའི་འཇིག་རྟེན་གྱི་ཁམས་ཞེས་བྱ་སྟེ། དེ་ལ་ལྕགས་རི་གཅིག་གིས་བསྐོར་བའོ། །སྟོང་གཉིས་པ་བར་མའི་འཇིག་རྟེན་དེ་གཅིག་ནས་གཉིས་སུ་བགྲངས་པ་དེ་སྟོང་ལ་ནི། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཞེས་བྱ་སྟེ། དེ་ན་གླིང་བཞི་ལ་སོགས་པ་བྱེ་བ་ཕྲག་བརྒྱ་ཡོད་ལ། དེ་ལ་ལྕགས་རི་གཅིག་གིས་བསྐོར་ཞིང། ལྕགས་རི་དེས་ཚངས་པའི་འཇིག་རྟེན་དུ་སླེབས་པར་བཤད་དོ། །དེ་དག་ཆགས་པ་དང། གནས་པ་དང། འཇིག་པ་དང། སྟོངས་པ་རྣམས་དུས་མཉམ་མོ། །དེ་ཡན་ཆད་ཀྱིས་ཕྱི་སྣོད་ཀྱི་འཇིག་རྟེན་གྱི་གནས་ཚུལ་བཤད་དོ། །བཅུད་ཀྱི་སེམས་ཅན་གནས་ཚུལ། བཞི་པ་དེ་ལས་ཞར་ལ་འཕྲོས་པ་བཅུད་ཀྱི་སེམས་ཅན་དན་གནས་ཚུལ་བསྟན་པ་ནི། དེ་སྟར་སྣོད་ཀྱི་འཇིག་རྟེན་དེ་དག་ན། བཅུད་ཀྱི་སེམས་ཅན་གནས་ཚུལ་ནི། དེ་ལ་སྤྱིར་ཁམས་ནི་རྣམ་པ། སུམ། ས་ནི་རྣམ་པ་དགུ འགྲོ་བ་རིགས་ལྔའམ་དྲུག་སྐྱེ་གནས་རྣམ་པ་གཞིའོ། །དེ་ལ་དང་པོ་ཁམས་གསུམ་ནི། འདོད་ཁམས་དང། གཟུགས་ཁམས་དང། གཟུགས་མེད་པའི་ཁམས་དང་གསུམ་མོ། །གདོད་པའི་ཁམས་ནི་གནས་རིག་གཉིས་ཤུ་སྟེང། གང་ཞེ་ན་ངན་སོང་གི་གནས་བཅུ་དང། མཐོ་རིས་ཀྱི་
གནས་བཅུའོ། །ངན་སོང་གི་གནས་བཅུ་ནི། དམྱལ་བ་ཚ་གྲང་བརྒྱད་བརྒྱད་པོ། ཚེ་ཚད་དང་སྡུག་བསྔལ་ཞེ་ལ་མཉམ་པས། ཡང་སོས་དང་ཆུ་བུར་ཅན་གཉིས་ཟུང་དུ་བྱས་པ་ལ་གཅིག་ཏུ་བགྲངས་པ་ལ་སོགས་པ་བརྒྱད། ཡི་དྭགས་དུད་འགྲོ་གཉིས་ཏེ་ངན་སོང་བཅུའོ། །མཐོ་རིས་ཀྱི་གནས་བཅུ་ནི། མི་ཡུལ་གླིང་བཞི་སོ་སོར་བགྲངས་ཏེ། ཚེ་ཚད་དང་ལུང་ཚད་མི་འདྲ་བས་སོ། །རྒྱལ་ཆེན་བཞི་གཅིག་ཡུ་བགྲངས་ཏེ་ཚེ་ཚད་ལུས་ཚད་འདྲ་སྟེ་ལྔ། དེ་ཡན་ཆད་ལྷ་མ་ཡིན་དང་འཐབ་པ་དང་བྲལ་མ་ཡིན་དང་འཐབ་ལ། དེ་ཡན་ཆད་ལྷ་མ་ཡིན་དང་འཐབ་པ་དང་བྲལ་བས་འཐབ་བྲལ་ལོ། །སྐྱེ་བ་གཅིག་གིས་ཐོགས་པའི་བྱང་ཆུབ་སེམས་དཔའ་བཞུགས་པའི་གནས་སུ་གྱུར་ཅིང། ཐེག་ཆེན་གྱི་ཆོས་ཀྱི་དགའ་བ་དང་ལྡན་པས་འཕྲུལ་དགའོ། །འདོད་ཡོན་གཞན་གྱིས་སྤྲུལ་པ་ལ་སྤྱོད་པས་གཞན་འཕྲུལ་དབང་བྱེད་དང་ལྔ་སྟེ་བཅུའོ། །གཟུགས་ཁམས་དག་ན་གནས་རིགས་བཅུ་བདུན་ཏེ། བསམ་གཏན་དང་པོ་དག་ན་ལྷ་གནས་གསུམ་སྟེ། བསམ་གཏན་དང་པོ་ཡན་ཆད་སྡིག་པ་མི་དགེ་བ་ལས་ཚངས་ཤིང་དེའི་རིགས་སུ་གཏོག་པས་ན་ཚངས་རིགས་དང། གཅིག་གི་མདུན་ན་གཅིག་བསམ་གཏན་གྱི་སྨྲང་འདོན་པས། ཚངས་པ་མདུན་ན་འདོན་དང། བསམ་གཏན་ཁྱད་པར་ཅན་བསྒོམས་པས་ཚངས་པ་གཞན་ལས་ཁྱད་པར་འཕགས་པས་ན་ཚངས་ཆེན་ནོ། །བསམ་གཏན་གཉིས་པ་དག་ན་ལྷ་གནས་གསུམ་སྟེ། ལྷ་གོང་མ་ལ་ལྟོས་ན་འོད་ཀྱི་རྒྱུ་ཆུང་ཞིང་མི་གསལ་བས་འོད་ཆུང་དང། དེ་བས་འོད་རྒྱ་ཆེ་ཞིང་གསལ་
བས་ཚད་མེད་འོད་དང། དེ་བས་ཀྱང་རྒྱ་ཆེ་ཞིང་གསལ་བས་ན་འོད་གསལ་ལོ། །འོ་ན་ལྷ་ཐམས་ཅད་ཀྱི་ལུས་ལ་འོད་ཡོད་པ་མཉམ་མོ་ཞེ་ན། བསམ་གཏན་དང་པོ་མན་ཆད་ན། ལུས་ཀྱི་ཕྱི་འོད་ཀྱི་རང་བཞིན་ཙམ་མོ། །བསམ་གཏན་གཉིས་པ་ཡན་ཆད་ན། ལུས་ཀྱི་ཕྱི་ནང་གཉིས་ཀ་འོད་ཀྱི་རང་བཞིན་དུ་ཡོད་ལ། དེ་དག་གི་དང་པོར་འདུག་པས་འོད་ཀྱི་མིང་བཏགས་པའོ། །དེ་དག་གི་གོང་བསམ་གཏན་གསུམ་ན། ལྷ་རིགས་གསུམ་ཡོད་དེ། དེ་དག་ནི་དགའ་བ་ཡོད་པའི་བདེ་བ་དང་ལྡན་པས། འབྲས་བུ་བདེ་བ་ལ་རྒྱུ་དགེ་བའི་མིང་བཏགས་ཏེ། དེ་ཡག་ཡིད་ཀྱི་བདེ་བ་ཆུག་དུ་དང་ལྡན་པས་དགེ་ཆུང་དང། བདེ་བ་ཚད་མེད་པ་དང་ལྡན་པས་ཚད་མེད་དགེ་དང། བདེ་བས་རྒྱུ་གང་ཞིང་རྒྱས་པས་དགེ་རྒྱས་སོ། །དེའི་གོང་བསམ་གཏན་བཞི་པ་ན་ལྷ་རིགས་གསུམ་ཡོད་དེ། བསམ་གཏན་གཉིས་པ་ནས་དགེ་རྒྱས་མན་ཆད་ན། འོག་གཞི་སྤྲིན་ལྟ་བུ་ཧྲིབ་ཧྲིབ་པོ་ཞིག་ཡོད་ལ། དེ་ཡན་ཆད་ན་འོག་གཞི་སྤྲིན་དང་འདྲ་བ་དེ་ཡང་མེད་པས་སྤྲིན་མེད་དང། ཚད་མེད་པ་བཞི་ཕུལ་དུ་བྱུང་བ་བསྒོམས་པའི་བསོད་ནསམ་ལས་སྐྱེས་པས་བསོད་ནམས་ལས་སྐྱེས་དང། ཟག་བཅས་ཀྱི་གནས་གཞན་རྣམས་ཀྱི་ནང་ནས་འབྲས་བུ་ཆེ་བའི་མཆོག་ཏུ་གྱུར་པས་འབྲས་བུ་ཆེ་དང། དེ་ཡི་སྟེང་ན་འཕགས་པའི་གནས་གཞན་གཙང་བའི་ལྷ་ལྔ་ནི། ཟག་བཅས་ཟག་མེད་ཀྱི་བསམ་གཏན་སྤེལ་མར་བསྒོམས་པ་ཆུང་དུ་ལས་བྱུང་བས་མི་ཆེ་བ་དང། ལུས་སེམས་ལ་འགྱོད་པའི་གདུང་གྱ་ནོམ་སྣང་བ་དང། ལྟ་བ་རྣམ་པར་དག་པ་མཐོང་བས་ཤིན་ཏུ་མཐོང་
དང། གནས་གཞན་རྣམས་ཀྱི་འོག་ཏུ་མ་གྱུར་པས་འོག་མིན་གྱི་གནས་སོ། །དེ་དག་གི་སྟེང་ན་སངས་རྒྱས་ལོངས་སྐུའི་ཞིང་ཁམས་ཡོད་པར་བཤད་དོ། །གཟུགས་མེད་ཀྱི་ཁམས་ནི་སྐྱེ་མཆེད་མུ་བཞི་སྟེ། ནམ་མཁའ་ཡང་མེད་པའི་སྐྱེ་མཆེད་དག ཡོད་མིན་མེད་མིན་གྱི་སྐྱེ་མཆེད་དོ། །དེའང་གཟུགས་མེད་པའི་ཕྱིར་ན། གནས་གཞན་དང་ལུས་ཚད་མེད་དོ། །ཁམས་གསུམ་གྱི་ངེས་ཚིག་ནི། ཅིའི་ཕྱིར་འདོད་ཁམས་ཞེ་ན། །ཕྱི་རོལ་གྱི་འདོད་ཡོན་ལྔ་ལ་ཆགས་པའི་ཕྱིར་ན་འདོད་ཁམས་སོ། །གཟུགས་ཁམས་གནས་རིགས་བཅུ་བདུན་པོ་དེ་དག་ལ། གཟུགས་ཁམས་ཞེས་ཅིའི་ཕྱིར་ཞེ་ན། ཕྱིའི་གཟུགས་ལ་སོགས་པ་ལ་འདོད་ཆགས་དང་བྲལ་ཡང་ནང་རོལ་གཟུགས་ཀྱི་ཕུང་པོ་ལ་ཆགས་པའི་སྲེད་པ་ཡོད་པས་གཟུགས་ཁམས་སོ། །སྐྱེ་མཆེད་མུ་བཞི་ལ་ཅིའི་ཕྱིར་གཟུགས་མེད་ཟེར་ན་ནང་གི་གཟུགས་ཕུང་ལ་ཆགས་པ་མེད་ཀྱང། ཚོར་བ་ལ་སོགས་པ་མིང་གཞིའི་ཕུང་པོ་ཙམ་ལ་ཞེན་པས་ན་གཟུགས་མེད་དོ། །ཁམས་གསུམ་པོ་དེ་དག་ཀྱང་ས་རྣམ་པར་དགུར་བྱེད་ན། འདོད་ཁམས་པ་ལ་ལུས་པོ་བའི་ཟས་འདོད། མཐུན་པོའི་གྲོགས་འདོད། བརྟེན་པའི་གནས་འདོད་པ་ཙམ་དུ་མཐུན་པས་ས་གཅིག་གོ གཟུཊ་ཁམས་བསམ་གཏན་བཞི་རྣམས། ཁམས་གཅིག་ཀྱང་དགའ་བདེའི་བསམ་པ་མི་འདྲ་བས་དེ་དག་ལ་ས་རེ་རེ་སྟེ་བཞིའོ། །གཟུགས་མེད་སྐྱེ་མཆེད་མུ་བཞི་འདྲ་བས། དེ་དག་ལ་ས་རེ་རེ་སྟེ་བཞིའོ། །གཟུགས་མེད་སྐྱེ་མཆེད་མུ་བཞི་རྣམས་ལ། སྙོམས་འཇུག་གི་རིམ་པ་ཁྱད་པར་མི་འདྲ་བས་ས་བཞི་སྟེ་དགུའོ། །དེ་དག་འགྲོ་བ་ནི་རིགས་ལྔའམ་དྲུག་ཡིན་ཏེ། ལྷ་དང། ལྷ་མིན་
མི་དང། ངན་སོང་གསུམ་སྟེ་དྲུག །ལྷ་མིན་ལྷ་ལ་བསྡུས་ན་ལྔའོ་དེ་དག་སྐྱེ་གནས་ནི་རྣམ་པ་བཞི་ལས་སྐྱེས་ཡེ། ལྷ་རྣམས་དང༌། དམྱལ་བ་དང། བར་དོ་རྣམས་རྫུས་སྐྱེས་སོ། །ཡི་དྭགས་ཕལ་ཆེར་རྫུས་སྐྱེས་ཡིན་ལ། མངལ་ལས་སྐྱེས་པའང་ཡོད་དོ། །དུད་འགྲོ་རྣམས་ལ་སྐྱེ་གནས་རྣམ་པ་བཞི་ཀ་ཚང། མི་རྣམས་ལའང་སྐྱེ་གནས་བཞི་ཚང་སྟེ། སྲིད་པ་དང་པོའི་མི་ཐམས་ཅད་རྫུས་སྐྱེས་སོ། །ཡི་དྭགས་ཕལ་ཆེར་རྫུས་སྐྱེས་ཡིན་ལ། མངལ་སལ་སྐྱེས་པའང་ཡོད་དོ། །དུད་འགྲོ་རྣ་ལ་སྐྱེ་གནས་རྣམ་པ་བཞི་ཀ་ཚང། མི་རྣམས་ལའང་སྐྱེ་གནས་བཞི་ཚང་སྟེ། སྲིད་པ་དང་པོའི་མི་ཐམས་ཅད་རྫུས་སྐྱེས་སོ། །བུད་མེད་ལྷ་མཚམས་མའི་བུ་སུམ་ཅུ་རྩ་གཉིས་ལ་སོགས་པ་སྒོ་ང་ལས་སྐྱེས་པའོ། །རྒྱལ་པོ་སྤྱི་བོ་སྐྱེས་ལ་སོགས་པ་དྲོད་གཤེར་ལས་སྐྱེས་པའོ། །མངལ་སྐྱེས་དངོས་སུ་གྲུབ་བོ། །འགྲོ་བ་རིགས་དྲུག་གི་སེམས་ཅན་དེ་རྣམས། གནས་གཞན་གང་ན་གནས་བསྟན་པ་ནི། འགྲོ་བ་མི་ནི་གླིང་ཆེན་པོ་བཞི་ན་གནས་སོ། །དེ་ཡང་ཤར་ལུས་འཕགས་པོ་ན། འབྲུ་སྣ་ལྔ་དང་རིན་པོ་ཆེ་ལྔ་ལ་ལོངས་སྤྱོད་དེ། འཛམ་བུ་གླིང་བ་བས་ཀྱང་མངའ་ཐང་ཆེའོ། །དེ་བས་ཀྱང་ནུབ་བ་ལང་སྤྱོད་མངའ་ཐང་སྟེ། དེ་ན་བ་ལང་དང་རིན་པོ་ཆེ་ལ་ལོངས་སྤྱོད་དོ། །དེ་བས་གླིང་པ་བས་ཀྱང་མངའ་ཐང་ཆེའོ། །དེ་བས་ཀྱང་ནུབ་བ་ལང་སྤྱོད་མངའ་ཐང་ཆེ་སྟེ། དེ་ན་བ་ལང་དང་རིན་པོ་ཆེ་ལ་ལོངས་སྤྱོད་དོ། །དེ་བས་བྱང་སྒྲ་མི་སྙན་མངའ་ཐང་ཆེ་སྟེ། དཔག་བསམ་གྱི་ཤིང་ལ་ལོངས་སྤྱོད་དོ། །གླིང་ཕྲན་བརྒྱད་ན་མིའམ་ལྷ་སྲིན་སྡེ་བརྒྱད་གནས་པར་བཤད་དོ། །རི་རབ་ཀྱི་བང་རིམ་བཞི་ལ་གནོད་སྦྱིན་གཞོང་ཐོགས་དང། ཕྲེང་ཐོགས་དང། རྟག་མྱོས་དང། རྒྱལ་ཆེན་རིགས་བཞི་གནས་ཏེ། ཤར་དྲི་ཟའི་རིགས་རྒྱལ་པོ་ཡུལ་འཁོར་སྲུང་དང། ལྷོ་ན་གྲུལ་བུམ་གྱི་རིགས་རྒྱལ་པོ་འཕགས་སྐྱེས་པོ་དང། ནུབ་ན་གླུ་དབང་གི་རིགས་རྒྱལ་པོ་སྤྱན་མི་བཟང་དང། བྱང་ན་གནོད་
སྦྱིན་གྱི་རིགས་རྒྱལ་པ་རྣམ་ཐོས་སྲས་འཁོར་དང་བཅས་པ་གནས་སོ། །རི་བདུན་པོ་གཞན་དག་གི་ཁ་ལའང། རྒྱལ་ཆེན་རིགས་བཞིའི་ལྷའི་རིགས་གནས་སོ། །ཉི་ཟླ་སྐར་མའི་སྟེང་ནའང། ལྷའི་གྲོང་ཁྱེར་བཀོད་པ་ཕུན་སུམ་ཚོགས་པ་ཡོད་དེ། དེ་དག་ཀྱང་རྒྱལ་ཆེན་བཞིའི་རིགས་སུ་གཏོཊ་སོ། །རོལ་མཚོ་བརྒྱད་ལ་ཀླུ་ཆེན་པོ་བརྒྱད་གནས་སོ། །རྒྱ་མཚོ་བ་ཚཱ་ཅན་ལ་དུད་འགྲོའི་ཚོགས་ཅན་ཆང་གི་སྦང་མ་ལྟ་བུར་གནས་སོ། །གཤིན་རྗེའི་འཇིག་རྟེན་དག་ན་ཡི་དྭགས་ཀྱི་རྒྱལ་པོ་གཤིན་རྗེ་ཆོས་ཀྱི་རྒྱལ་པོ། ཡི་དྭགས་ཕལ་པོ་ཆེ་དང་བཅས་པ་གནས་སོ། །དམྱལ་བའི་གནས་གཞན་རྣམས་ལ་དམྱལ་བའི་སེམས་ཅན་སའི་རྡུལ་ཕྲ་རབ་ཀྱི་གྲངས་དང་མཉམ་པར་གནས་སོ། །དེ་ཡི་དབུས་ཀྱི་རྣམ་པར་རྒྱལ་བའི་ཁང་བཟང་ན། ལྷའི་དབང་པོ་བརྒྱ་བྱིན་ཉེ་དབང་སུམ་ཅུ་རྩ་གཉིས་དང་བཅས་པ་གནས་སོ། །དེ་དག་ལ་ལྷ་ཕྲན་སྟོང་ཕྲག་དུ་མའི་འཁོར་གྱིས་བསྐོར་ནས། འདོད་པ་ལ་རྩེ་དགའ་ཡོངས་སུ་སྐྱོད་དོ། །དུས་དུས་སུ་ཆོས་བཟང་ལྷའི་འདུན་སར། ལྷ་རྣམས་ལྷའི་དབང་པོ་ལས་ཆོས་ཉན་ནོ། །ལྕོག་བཞི་ལ་གནོད་སྦྱིན་ལག་ན་རྡོ་རྗེ་འཁོར་བཅས་གནས་སོ། །གླང་པོ་ཆེ་ས་སྲུང་དང། །རབ་བརྟན་ཁ་དོག་གངས་རི་ལྟར་དཀར་བ། དཔངས་སུ་དཔག་ཚད་ཕྱེད་དང་གསུམ། ཞེང་དུ་ཕྱེད་དང་གཉིས། མཐའ་སྐོར་དུ་དཔག་ཚད་བདུན་ཡོད་པ། འཁོར་གླང་ཕྲན་སྟོང་གིས་བསྐོར་བ། མངོན་ཤེས་དང་རྫུ་
འཕྲུལ་ཅན། འཛམ་གླིང་གསེར་བྲག་དང་ཤིང་མཆོག་སཱ་ལ་དང། མཚེའུ་དལ་གྱིས་འབབ་པར་སྡོད་དོ། །ལྷ་མ་ཡིན་རྣམས་ནི་རི་རབ་ཀྱི་ཁོང་གསེང་གྱི་གཞིའི་སྟེང་ན་ཡོད་དོ། །དེའི་ལོངས་སྤྱོད་ནི་སུམ་ཅུ་རྩ་གསུམ་པའི་ལྷ་དང་མཐུན་པར་ཡོད་དོ། །འགྲོ་བ་རིཊ་དྲུག་སེམས་ཅན་དེ་དག་གི་ལུས་ཚད་དང་ཚེ་ཚད་བསྟན་པ་ནི། འཛམ་བུ་གླིང་པའི་མི་རྣམས་ཀྱི་ལུས་ཚད་ནི་ཁྲུ་བཞི་པ། ཚེ་ཚད་ནི་ངེས་པ་མེད་དེ། སྲིད་པ་དང་པོའི་མི་རྣམས་ནི་ཚེ་ལོ་དཔག་ཏུ་མེད་པ་ཐུབ་པ་བྱུང། དེ་ནས་བརྒྱད་ཁྲི་ལ་སོགས་པ་རིམ་གྱིས་མར་བྲི་བས། ཚེ་ལོ་བཅུ་ལས་མི་ཐུན་པའོ། །ཤར་ལུས་འཕགས་པོའི་ལུས་ཚད་ནི་འཛམ་བུ་གླིང་པའི་ཁྲུ་བརྒྱད། ཚེ་ཚད་ནི་ཉིས་བརྒྱ་ལྔ་བཅུ་ཐུབ། བ་ལང་སྤྱོད་པའི་ལུས་ཚད་ནི་ཁྲུ་བཅུ་དྲུག་གོ །ཚེ་ཚད་ནི་ལོ་ལྔ་བརྒྱའོ། །སྒྲ་མི་སྙན་པ་ཁྲུ་སུམ་ཅུ་རྩ་གཉིས། ཚེ་ཚད་ན་ལོ་སྟོང་ཐུབ། རྒྱལ་ཆེན་སྙན་པ་ཁྲུ་སུམ་ཅུ་རྩ་གཉིས། ཚེ་ཚད་ནི་ལོ་སྟོང་ཐུབ། རྒྱལ་ཆེན་རིགས་བཞིའི་ལྷ་རྣམས་ཀྱི་ལུས་ཚད་ནི། འཛམ་བུ་གླིང་པའི་ཚེ་ལོ་བརྒྱད་པའི་འདོམ་བརྒྱ་ཉིས་ཤུ་རྩ་ལྔ། ཚེ་ཚད་ནི་མི་ལོ་ལྔ་བཅུ་ལ། རྒྱལ་ཆེན་རིགས་ཀྱི་ལྷའི་ཉིན་ཞག་གཅིག་ཏུ་བྱས་པའི། རང་ལོ་ལྔ་བརྒྱ་ཐུབ་བོ། །སུམ་ཅུ་རྩ་གསུམ་པའི་ལུས་ཚད། འདོམ་ཕྱེད་སུམ་བརྒྱ། ཚེ་ཚད་ནི་མི་ལོ་བརྒྱ་ལ་ཞག་གཅིག་ཏུ་རྩིས་པའི་རང་ལོ་སྟོང་ཐུབ། འཐབ་བྲལ་བའི་ལུས་ཚད་འདོམ་སུམ་བརྒྱ་བདུན་ཅུ་རྩ་ལྔ། ཚེ་ཚད་ནི་མི་ལོ་ཉིས་ལུས་ཚད་འདོམ་སུམ་བརྒྱ་བདུན་ཅུ་རྩ་ལྔ། ཚེ་ཚད་ནི་མི་ལོ་ཉིས་བརྒྱ་ལ་ཞག་གཅིག་ཏུ་རྩིས་པའི་རང་ལོ་ཉིས་སྟོང་ཐུབ། དགའ་ལྡན་པའི་ལུས་ཚད་འདོམ་ལྔ་བརྒྱ། ཚེ་ཚད་ནི་མི་ལོ་བཞི་བརྒྱ་ལ་ཞག་
གཅིག་ཏུ་རྩིས་པའི་རང་ལོ་བཞི་སྟོང་ཐུབ། འཕྲུལ་དགའི་ལུས་ཚད་འདོམ་དྲུག་བརྒྱ་ཉིས་ཤུ་རྩ་ལྔ། ཚེ་ཚད་ནི་མི་ལོ་བརྒྱད་བརྒྱ་ལ་ཞག་གཅིག་ཏུ་རྩིས་པའི་རང་ལོ་བརྒྱད་སྟོང་ཐུབ། གཞན་འཕྲུལ་དབང་བྱེད་ལུས་ཚད་འདོམ་བདུན་བརྒྱ་ཉིས་ཤུ། ཚེ་ཚད་མི་ལོ་སྟོང་དྲུག་བརྒྱ་ལ་ཞག་གཅིག་ཏུ་རྩིས་པའི་རང་ལོ་ཁྲི་དྲུག་སྟོང་ཐུབ་བོ། །གཟུགས་ཁམས་ཀྱི་དང་པོ་ཚངས་རིས་ཀྱི་ལུས་ཚད་དཔག་ཚད་ཕྱེད་ཚེ་ཚད་བར་གྱི་བསྐལ་པ་ཕྱེད་ཐུབ། ཚངས་པ་མདུན་ན་འདོན་ལུས་དཔག་ཚད་གཅིག །ཚེ་ཚད་བར་གྱི་བསྐལ་པ་ཕྱེད་དང་གཉིས་ཐུབ་བོ། །འོད་ཆུང་གི་ལུས་དཔག་ཚད་གཉིས། ཚེ་ཚད་བསྐལ་པ་ཆེན་པ་གཉིས་ཐུབ། ཚད་མེད་འོད་ཀྱི་ལུས་དཔག་ཚད་བཞི། ཆེ་ཚད་བསྐལ་པ་ཆེན་པོ་བཞི་ཐུབ། དགེ་ཆུང་གི་ལུས་དཔག་ཚད་བཅུ་དྲུག་ཚེ་ཚད་བསྐལ་པ་ཆེན་པོ་བཅུ་དྲུག་ཐུབ། ཚད་མེད་དགེ་བའི་ལུས་དཔག་ཚད་སུམ་ཅུ་རྩ་གཉིས། ཚེ་ཚད་བསྐལ་པ་ཆེན་པོ་སུམ་ཅུ་རྩ་གཉིས་ཐུབ། དགེ་རྒྱས་ཀྱི་ལུས་དཔག་ཚད་དྲུག་ཅུ་རྩ་བཞི། ཚེ་ཚད་བསྐལ་པ་ཆེན་པོ་དྲུག་ཅུ་རྩ་བཞི། སྤྲིན་མེད་ཀྱི་ལུས་དཔག་ཚད་བརྒྱ་ཉེར་ལྔ། ཚེ་ཚད་བསྐལ་པ་ཆེན་པོ་བརྒྱ་ཉེར་ལྔ་ཐུབ། བསོད་ནམས་སྐྱེས་ལུས་དཔག་ཚད་ཉིས་བརྒྱ་ལྔ་བཅུ། ཚེ་ཚད་བསྐལ་ཆེན་ཉིས་བརྒྱ་ལྔ་བཅུ་ཐུབ་བོ། །འབྲས་བུ་ཆེན་བའི་ལུས་དཔག་ཚད་ལྔ་བརྒྱ། ཚེ་བསྐལ་བ་ཆེན་པོ་སྟོང་ཐུབ་བོ། །མི་གདུང་བའི་ལུས་དཔག་ཆད་ཉིས་སྟོང། ཚེ་
ཚད་བསྐལ་པ་ཆེན་པོ་ཉིས་སྟོང་ཐུབ། ཤིན་ཏུ་མཐོང་བའི་ལུས་དཔག་ཚད་བཞི་སྟོང། ཚེ་ཚད་བསྐལ་པ་ཆེན་པོ་བཞི་སྟོང་ཐུབ། གྱ་ནོམ་སྣང་བའི་ལུས་དཔག་ཚད་བརྒྱད་སྟོང། ཚེ་ཚད་བསྐལ་པ་ཆེན་པོ་བརྒྱད་སྟོང་ཐུབ། འོག་མིན་གྱི་ལུས་དཔག་ཚད་ཁྲི་དྲུག་སྟོང། ཚེ་བསྐལ་པ་ཆེན་པོ་ཁྲི་དྲུག་སྟོང་ཐུབ་བོ། །གཟུགས་མེད་ཁམས་ཀྱི་སྐྱེ་མཆེད་མུ་བཞི་ལ་ལུས་ཚད་གཞལ་དུ་མེད། ནམ་མཁའ་མཐའ་ཡས་སྐྱེ་མཆེད་ཀྱིས་བསྐལ་པ་ཆེན་པ་ཉིས་ཁྲི་ཐུབ། རྣམ་ཤེས་མཐའ་ཡས་སྐྱེ་མཆེད་ཀྱིས་བསྐལ་པ་ཆེན་པོ་ཉིས་ཁྲི་ཐུབ། རྣམ་ཤེས་མཐའ་ཡས་སྐྱེ་མཆེད་ཀྱིས་བསྐལ་པ་ཆེན་པོ་དྲུག་ཁྲི་ཐུབ། ཡོད་མིན་ངན་སོང་གསུམ་གྱི་ལུས་ཚད་ནི། ངེས་པ་མེད་དེ། དམྱལ་བའི་ལུས་ཚད་ནི་རྣམ་སྨིན་སྟོབས་ཆེ་ཆུང་གིས་ལུས་ཆེ་ཆུང་དུ་མ་ཡོད་དོ། །ཡི་དྭགས་ཀྱང་དེ་དང་མཚུངས་སོ། །དུད་འགྲོ་ནི་ཆེད་དགའ་བོ་དང། ཉེ་དགའ་བོ་གནསི་ཀྱི་ལུས་ཀྱིས་རི་རབ་ལ་ལན་གསུམ་དཀྲིས་ནས་ཡོད་པར་བཤད་དོ། །དུད་འགྲོ་ཆུང་བ་ལ་མིག་གིས་མི་བཟོད་པ་ཡོད་པས་ངེས་པ་མེད་དོ། །ཚེ་ཚད་ནི་འདོད་ཁམས་ཀྱི་ལྷ་དྲུག་གི་ཚེ་ཚད། ཡང་སོས་ལ་སོགས་པའི་དམྱལ་བ་དྲུག་གི་ཞག་མཉམ་པས། རྒྱལ་ཆེན་བཞིའི་ཚེ་ལོ་ལྔ་བརྒྱ་ལ། དམྱལ་བ་ཡང་སོས་ཀྱི་ཞག་གཅིག་ཏུ་རྩིས་པའི་རང་ལོ་ལྔ་བརྒྱ་ཐུབ་བོ། །དེ་བཞིན་གོང་འོག་ཉིས་འགྱུར་ཉིས་འགྱུར་ཏེ། སུམ་ཅུ་རྩ་གསུམ་པའི་ལོང་སྟོང་ལ་དམྱལ་བ་ཐིག་ནག་གི་ཞག་གཅིག་ཏུ་བྱས་པའི་རང་ལོ་སྟོང་ཐུབ་བོ། །འཐབ་བྲལ་གྱི་ལོ་ཉིས་སྟོང་ལ། བསྡུས་འཇོམས་ཀྱི་ཞག་
གཅིག་ཏུ་བྱས་པའི་རང་ལོ་ཉིས་སྟོང་ཐུབ་བོ། །དགའ་ལྡན་པའི་ལོ་བཞི་སྟོང་ལ། ངུ་འབོད་ཀྱི་ཞག་གཅིག་ཏུ་བྱས་པའི་རང་ལོ་བཞི་སྟོང་ཏུ་བྱས་པའི་རང་ལོ་བརྒྱད་སྟོང་ཐུབ་བོ། །གཞན་འཕྲུལ་དབང་བྱེད་ཀྱི་ལོ་ཁྲི་དྲུག་སྟོང་ལ་ཚ་བའི་ཞག་གཅིག་ཏུ་བྱས་པའི་རང་ལོ་ཁྲི་དྲུག་སྟོང། ཐུབ་པོ། །རབ་ཏུ་ཚ་བས་ནི་བར་བསྐལ་ཕྱེད་ཐུབ་བོ། །མནར་མེད་ཀྱི་ཚེ་ནི་བར་གྱི་བསྐལ་པ་གཅིག་ཐུབ་པ། གྲངས་དམྱལ་གྱི་ཚེ་ཚད་ནི་ཏུལ་འབྲུ་མ་ག་དྷའི་བྲེའི་ཁལ་ཉིས་ཤུ་འགྲོ་བའི་སྣོད་གཅིག་བཀང་ནས། སྐྱེས་བུ་ཞིག་གིས་ལོ་བརྒྱ་བརྒྱ་བཞིན་ཏིལ་རེ་རེ་ཕྱུང་པས་ཏིལ་སྦྱངས་ཟད་པར་གྱུར་པ་དེ། དམྱལ་བ་ཆུ་བུར་ཅན་གྱི་ཚེ་ཚད་ཡིན་ཏེ། དམྱལ་བ་འོག་མ་རྣམས་ཉིས་ཤུ་ཉིས་ཤུའི་འགྱུར་གྱིས་མང་བར་འགྱུར་བའོ། །དུད་འགྲོའི་ཚེ་ཚད་ནི་ཀླུ་ཆེན་པོ་བརྒྱད་ཀྱིས་བར་གྱི་བསྐལ་པ་མང་པོ་ཐུབ། དུད་འགྲོ་ཕལ་པའི་ཚེ་ལ་ངེས་པ་མེད་དོ། །གཤིན་རྗེའི་འཇིག་རྟེན་ན་གནས་པའི་ཡི་དྭགས་རྣམས་ཀྱི་ཚེ་ཚད་ནི་མིའི་ཟླ་བ་གཅིག་ལ་ཡི་དྭགས་ཀྱི་ཞག་གཅིག་ཏུ་བྱས་པའི་རང་ལོ་ལྔ་བརྒྱ་ཐུབ། ཁ་འཐོར་བའི་ཡི་དྭགས་ཀྱི་ཚེ་ལ་ངེས་པ་མེད་དོ། །སྦྱིར་འདོད་ཁམས་ཀྱི་ཚེ་ཚད་དེ་ལྟར་ཡིན་མོད་ཀྱང། སྒྲ་མི་སྙན་པ་མ་གཏོཊ་པ་འདོད་ཁམས་ཀྱི་སེམས་ཅན་གཞན་དུས་མིན་དུ་འཆི་བ་མང་པོ་ཡོད་དོ། །ཁམས་གོང་མ་གཉིས་འཇིག་རྟེན་རིང་པའི་རྒྱུ། སེམས་ཅན་རྣམས་ཀྱི་སྤྱི་མཐུན་གྱི་ལས་ལས་གྲུབ་པ་ཉེ་བའི་རྒྱུ་འབྱུང་བ་ཆེན་པོ་བཞི་ལས་ཆགས་པས་སྣོད་ལ་འཇིག་ཆགས་ཡོད་ཅིང། བཅུད་ལ་སྐྱེ་འཆི་ཡོད་པས་མ་དག
པའི་སྲིད་པ་ཞེས་བྱའོ། །དེ་ལྟར་ཁམས་གསུམ་སྣོད་བཅུད་སྲིད་པ་དེ་རྣམས་ཡི་ནང་ནས། སྟོན་པ་སྤྲུལ་པའི་སྐུ་འབྱོན་པའི་གནས་ནི། སྤྱིར་འདོད་ཁམས་མིའི་ཡུལ་དང། ཁྱད་པར་གླིང་བཞི་པའི་ནང་ནས་མཆོག་ཏུ་གྱུར་པའི་འཛམ་བུའི་གླིང་གི་རྡོ་རྗེ་གདན་དང། དེ་ལས་ཀྱང་ཁྱད་པར་དུ་གྱུར་པ། བྱ་རྒོད་ཕུང་པོའི་གནས་ཏེ། ཀུན་བྱེད་ལས། གནས་ནི་བྱ་རྒོད་ཕུང་པོའི་གནས་བསྟན་ཏེ། །ཞེས་པ་ཆོས་གསུང་པའི་གནས་ནི་གཙོ་བོར་བྱ་རྒོད་ཕུང་པོའི་རི་སྟེ། དེ་ལ་ཅིའི་ཕྱིར་བྱ་རྒོད་ཕུང་པོའི་རི་བོ་ཞེས་བྱ་ཞེ་ན། རི་དེའི་ཤར་ལྷོ་ནི་རིའི་དབྱིབས་བྱ་རྒོད་ལྟ་བུར་ཆུ་ཞེང་གབ་པར་ཡོད་ཅིང། དེ་ན་ཕུང་པོ་གསུམ་ཡོད་པས་ཕུང་པོ་ཞེས་བྱ་སྟེ། གསུམ་ནི་སྨན་དང་མེ་ཏོག་གི་ཕུང་པོ་དང། ཆུ་ཡོན་ཏན་ཅན་དང། རླུང་ཡོན་ཏན་ཅན་ནོ། །དང་པོ་ནི་སྨན་སྣ་ཚོགས་དང། མེ་ཏོག་སྣ་ཚོགས་པ་ཡོད་པའོ། །གཉིས་པ་ནི། ཆུ་གྲང་དྲོ་རན་པ་རོ་མཆོག་བརྒྱད་དང་ལྡན་པ་ནད་ཐམས་ཅད་ལ་ཕན་པའི་ཆུ་བོ་ཡོད་པའོ། །གསུམ་པ་ནི་ངད་ལྡང་བའི་བསེར་བུ་གསུམ་ཡོད་དེ། ཁམས་བདེ་བའི་བསེར་བུ་དང། །དང་པོ་ནི་སྨན་གྱི་དྲི་ངད་ཡོད་པ་དང། ས་ཕྱོགས་ཚ་གྲང་སྙོམས་པས་གཞན་པས་ཁམས་བདེ་བའོ། །གཉིས་པ་ནི་ཚད་པའི་ནད་ཅན་ལ་བསིལ་ནུས། གྲང་ནད་ཅན་ལ་དྲོད་སྐྱེད་ནུས་པའི་བསེར་བུ་ཡོད་པས་ནད་ཚ་གྲང་མི་ལྡང་བར་འབྱུང་བ་སྙོམས་པའོ། །གསུམ་པ་ནི་རི་དེ་ལ་བཅོམ་ལྡན་འདས་ཀྱིས་ཆོས་གསུངས་པ་ཐམས་ཅད་འཁོར་རྣམས་ཀྱིས་ཐོས། ཐོས་པ་ཐབས་ཅད་ཟིན། ཟིན་པ་ཐམས་ཅད་
མི་བརྗེད། མ་བརྗེད་པ་ཐམས་ཅད་རྒྱུད་ལ་སྐྱེ་བའོ། །ཡང་ན། རྒྱ་གར་སྐད་དུ། ཀྲི་ཏ་ཀུ་ཏ། ཞེས་བྱ་སྟེ། ཀྲི་ཏ་ནི་ཡོན་ཏན། ཀུ་ཏ་ནི་བརྩེགས་པ་སྟེ། ཡོན་ཏན་བརྩེགས་པའི་རི་བོ་ཞེས་བྱའོ། །དེ་ནི་གཙོ་བོའི་ངོས་ནས་སྨོས་སུ་ཟད་ཀྱི། ཡང་དག་ཐུགས་རྗེ་སྤྲུལ་པ་ངེས་མེད་གནས་ཞེས་པ། ཡང་དག་པར་ན་ཐུགས་རྗེ་ཅིར་ཡང་སྤྲུལ་པའི་སྐུ་ལ་ངེས་པ་ཕྱོགས་གཅིག་པ་མེད་པས་ན། བཞུགས་པའི་གནས་ལའང་ངེས་ཕ་མེད་ཡངས་པ་ཅན་ལ་སོགས་པར་ཡང་གསུངས་སོ། །བཞུགས་པའི་གནས་ལའང་པའི་སྐུ་ལ་ངེས་པ་མེད་དེ། རེས་འགའ་ནི་ཝ་ར་ཎཱ་སི། རེས་འགའ་ནི་སེར་སྐྱ། རེས་དགའ་ཡངས་པ་ཅན་ལ་སོགས་པར་ཡང་གསུངས་སོ། །གདུལ་བའི་ཞིང་ཁམས་ནི་ཀུན་བྱེད་ལས། འཛམ་བུའི་གླིང་ནི་བྱེ་བ་ཕྲག་བརྒྱ་ལས། །རང་བྱུང་ཡེ་ཤེས་ཐུགས་རྗེས་རྒྱུད་དྲུག་འདུལ། །ཞེས་པ་འཛམ་བུའི་གླིང་བྱེ་བ་ཕྲག་བརྒྱ་ནི། ཤཱཀྱ་ཐུབ་པ་དང་མཐུན་པའི་བྱེ་བྲག་ཏུ་བསྟན་པ་ཡིན་ཏེ། དེའང་ཤཱཀྱ་ཐུབ་པ་ཆེན་པོ་གཅིག་ལས་ཤཱཀྱ་ཐུབ་པ་བྱེ་བ་བྲག་བརྒྱར་སྤྲུལ་ནས་འགྲོ་དོན་མཛད་དོ། །དེས་ན་དེ་ནི་མཐུན་པའི་བྱེ་བྲག་བསྟན་པ་ཞེས་སོ། །རག་བྱུང་ཡེ་ཤེས་ཀྱི་སྤྲུལ་པའི་སྐུས་ཐུབ་པ་དྲུག་ཏུ་སྣང་ནས་རྒྱུད་དྲུག་གི་སེམས་ཅན་འདུལ་བའོ། །དེ་ཡང་བཤད་རྒྱུད་ལས། སྟོན་པ་སྤྲུལ་སྐུར་བཞུགས་ཙ་ན། །སེམས་ཅན་འདོད་པའི་རང་བཞིན་གྱིས། །ཇི་ལྟར་འདོད་པའི་ཐུགས་རྗེ་བྱུང། །སེམས་ཅན་འདོད་པའི་རང་བཞིན་གྱིས། །ཇི་ལྟར་འདོད་པའི་ཐུགས་རྗེ་བྱུང། །སྐབ་ཆགས་ལྔ་ཡི་རྣམ་སྨིན་ཏེ། །རྒྱུད་དྲུག་གནས་སུ་ངེས་པར་བསྟན། །ལྷ་དང་ལྷ་མིན་གནས་རིགས་སུ། །ཆེ་བ་ང་རྒྱལ་འཛོམས་པར་བསྟན། །ཤེས་པ་མི་ཡི་གནས་རིགས་སུ། །དགེ་སྡིག་རྒྱུ་འབྲས་སྡེ་སྣོད་བཤད། གཏི་མུག་བྱོལ་སོང་གནས་རིགས་སུ། །རིག་པ་ཤེས་པའི་ཆོས་ཀྱང་བཤད། །སེར་སྣ་
ཡི་དྭགས་གནས་རིགས་སུ། །མ་ཆགས་ཚིམ་པའི་ཆོས་ཀྱང་སྟོན། །སྡུག་བསྔལ་དམྱལ་བའི་གནས་རིགས་སུ། །སྔ་ཕྱིར་དྲན་པས་ཞེན་པ་བཟློག །ཇི་ལྟར་མོས་པ་འདོད་པ་བཞིན། །ཞེས་སོ། །སྟོན་པ་ཕུན་སུམ་ཚོགས་པ། གཉིས་པ་སྟོན་པ་ཕུན་སུམ་ཚོགས་པ་ལ་གསུམ་སྟེ། སྤྱིར་འདོད་ཁམས་ཀྱི་ལྷ་དང། གླིང་བཞིར་འགྲོ་བ་མི་ལ་སོགས་པ་རྣམས་བྱུང་ཚུལ་བསྟན་པ་དང། ཁྱད་པར་བསྐལ་པ་བཟང་པོ་འདི་ལ་སངས་རྒྱས་སྟོང་ངམ། རབས་མདུན་འབྱོན་ཚུལལ་དང། དེ་ལས་ཀྱང་ཁྱད་པར་དུ་སྙིགས་མ་ལྔའི་དུས་འདིར་སངས་རྒྱས་ཤཱཀྱ་ཐུབ་པ་ཇི་ལྟར་བྱོན་ཚུལ་ལོ། །སྤྱིར་འདོད་ཁམས་ཀྱི་ལྷ་དང་གླིང་བཞིར། འགྲོ་བ་མི་ལ་སོགས་པའི་བྱུང་ཚུལ། དང་པོ་ནི། དེ་ནས་བཅུད་ཀྱི་སེམས་ཅན་ཡང་མར་རིམ་གྱིས་ཆགས་ཏེ། བསམ་གཏན་གཉིས་པའི་ལྷ་ཞིག་བསམ་གཏན་དང་པོ་ཚངས་ཆེན་གྱི་གཞལ་མེད་ཁང་སྟོང་པར་བབས་ཏེ། དེ་ནས་འདོད་ལྷ་དྲུག་དང། མི་ཡུལ་གྱི་གླིང་བཞིར་རིམ་གྱིས་བབས་ནས། དེ་ཡི་ཚེ་འོད་གསལ་གྱི་ལྷ་ལས་ཟད་པ། ཚེ་ཟད་པ། བསོད་ནམས་ཟད་པ་ཞིག་འཛམ་བུ་གླིང་དུ་ལྷུང་སྟེ། དེ་ནི་ལྷའི་བུ་ཤེད་བུ་ཞེས་བྱའོ། །དེའི་གྲོགས་སུ་གྱུར་པའང་མང་དུ་བྱུང་སྟེ། དེ་རྣམས་ལ་ནི་ཤེད་ལྷ་གྲོགས་ཞེས་བྱ་སྟེ། དུས་དེ་ནས་མི་འགའ་འཕེལ་ལོ། །དེ་ཡང་དང་པོ་སྲིད་པ་ཆགས་པ་ཡ་ཐོག་གི་མི་
རྣམས་ལྷ་དང་འདྲ་སྟེ། ཐམས་ཅད་རྫུས་ནས་སྐྱེ་བ། ལུས་ལ་འོད་ཡོད་པ། ནམ་མཁའ་ལ་འགྲོ་བ། ཏིང་ངེ་འཛིན་གྱིས་འཚོ་བ། དེ་ཡི་དུས་ན་ཉི་ཟླ་གཟའ་སྐར་མེད་པས་དུས་ཚིགས་ཀྱི་ལོ་ཟླ་ཉིན་མཚན་མེད། ཕོ་མོ་དང། རྗེ་བྲན་མེད་དོ། །དེ་ཡི་དུས་ན་ཚེ་ལོ་དཔག་ཏུ་མེད་པ་ཐུབ་པའོ་དེ་ཡི་ཚེ་ས་ཆེན་པོ་འདི་ཡི་བཅུད་ཐམས་ཅད་སྟེང་ན་སྤྲིས་མའི་ཚུལ་དུ་ཆགས་ཏེ། བདུད་རྩི་ས་ཡི་བཅུད་ཅེས་བྱ་བ་བ་ཁ་དོག་དཀར་བ། རོ་སྦྲང་རྩི་ལྟར་མངར་བ། ཁོང་དུ་སོང་ན་བདེ་བ་སྐྱེད་པ་ཡོད་པས། དེ་ལ་ལྷ་ཞིག་གིས་མྱངས་པས། ཧ་ཅང་སྡེད་ཆགས་ཆགས་ཆེས་པས་དེ་ཡང་རིམ་གྱིས་ནུབ་པ་དང་ཀྱེ་མ་བདུད་རྩི་སའི་བཅུད་ཅེས་སྨྲ་ཞིང་མྱ་ངན་བྱེད་དོ། །དེ་ནས་བདུད་རྩི་སའི་ཞག་ཅེས་བྱ་བ། རོ་དང་ཁ་དོག་སྔར་འདྲ་བ་ཞིག་བྱུང་སྟེ། དེ་ལ་སྔར་བཞིན་དུ་མྱངས་པས་དེ་ལ་ཐམས་ཅད་སྲེད་ཆགས་ཆེར་གྱུར་པའི་དབང་གིས་དེ་ཡང་རིམ་གྱིས་ནུབ་སྟེ། ཀྱེ་མ་བདུད་རྩི་སའི་ཞག་ཅེས་མྱ་ངན་བྱེད་དོ། །དེ་ཡི་འོག་ཏུ་ལྡུམ་བུའི་ཚལ་ཞེས་བྱ་བ་རོ་དང་ཁ་དོག་གོང་དང་འདྲ་རུ་ཉེ་བ་ཞིག་བྱུང་བ་དང། དེ་ལ་མྱངས་པ་དང་འགྲིབས་པས་མྱ་ངན་བྱེད་པ་སྔར་དང་འདྲའོ། །དེ་ཡི་འོག་ཏུ་མ་བཏབ་པའི་འབྲས་ས་ལུ་ཞེས་བྱ་བའི་འབྲུ། ཕུབ་ཤུན་མེད་པ་ཞིག་བྱུང་བ་ལ་མི་རྣམས་ཀྱིས་རིམ་གྱིས་སྤྱད་པས། དེ་ཉིད་ཁམས་ཀྱི་ཟས་རགས་པར་སོང་ནས། ལུས་ཀྱི་རྫུ་འཕྲུལ་ཉམས་ཤིང། འོད་འགྲིབས་ཏེ་མུན་ནག་ཏུ་གྱུར་པ་ལས་སེམས་ཅན་སྦྱི་མཐུན་གྱི་བསོད་ནམས་ལྔར་གྱི་ལུས་ཀྱི་འོད་ལས་ཉིས་འགྱུར་གྱིས་གསལ་བའི་ཉི་མ་བྱུང། དེ་ཉིད་ནུབ་པས་དེའི་ཟླ་བོ་ཟླ་བ་བྱུང།
ཡང་ནངས་པར་ཉི་མ་ཤར་ཞིང་ནུབ་པས་ཉིན་ནུབ་གཉིས་བྱུང་ངོ་། །དེར་ལུས་ཀྱི་མདོག་གཟུགས་ངན་དུ་སོང་ཞིང། ཁམས་ཀྱི་ཟས་ཀྱི་རྒྱུ་མཐུན་གྱི་འབྲས་བུས། ཟག་བཅས་ཀྱི་སྒོ་དོད་པས་ཕོ་མོའི་མཚན་མ་བྱུང་སྟེ། ཕོ་མོའི་དབང་པོ་གཉིས་སྤྲས་པས་བདེ་བ་བྱུང་བས་འཁྲིག་ཆགས་བྱུང་སྟེ། ཕོ་མོའི་དབང་པོ་གཉིས་སྤྲས་པས་བདེ་བ་བྱུང་བས་འཁྲིག་ཆགས་བྱུང་སྟེ། དེས་རྐྱེན་བྱས་ནས་ཆགས་སྡང་ལངས་སོ། །དེ་ནས་ཆགས་སྡང་དབང་གིས་འབྲས་ས་ལུ་དེ་ཡང་ནུབ་ནས། དེ་ནས་འབྲས་ཐོ་ཚེ་ཞེས་བྱ་བ། ས་ཕྱོགས་གར་ཐོད་ཐོད་དུ་མི་སྐྱེ་བར་ཚོམ་བུར་སྐྱེ་བ་ཕུབ་སོག་དང་བཅས་པ་ཞིག་བྱུང་སྟེ། དེ་ལ་ལོངས་སྤྱོད་དོ། །དེ་ནས་དུས་ཤིག་གི་ཚེ་མི་ལེ་ལོ་ཅན་ཞིག་གིས་ནངས་པར་ཟ་བའི་འབྲས་དོ་ནུབ་བླངས་པས། དེར་ཐམས་ཅད་ཀྱིས་དེ་ལྟར་བྱས་ཏེ་གསོག་འཇོག་བྱས་པས་འབྲས་མང་ཉུང་ལ་མ་མཐུན་ནས། འབྲས་ཀྱི་ཞིང་རྣམས་བགོས་ཏེ་སོ་སོར་བདག་ཏུ་བཟུང་ངོ༌། །ཁ་ཅིག་ན་རེ། ཡོངས་སུ་འཛིན་པ་ནི་ནད་པ་དང་འདྲའོ་ཞེས་ཟེར་ནས། སྐལ་བར་མི་ལེན་པར་ནགས་སུ་སོང་ནས་ཁྲུས་དང་གཙང་སྦྲ་བྱེད་པ་བྱུང་བས་བྲམ་ཟེ་ཞེས་བཏགས་ཏེ། རིགས་ལ་ལྔ་བ་བྲམ་ཟེ་ཡིན་ནོ། །གཞན་རྣམས་བདག་འཛིན་ཆགས་སྡང་གི་དབང་གིས་གཅིག་ལ་གཅིག་གིས་རྐུ་འཕྲོག་དང། རྫུན་ལ་སོགས་པའི་མི་དགེ་བའི་ལས་དང་རྩོད་པ་ཆུང་དུ་སྤྱད་པས། དེས་མཚམས་སྦྱར་ཏེ་དུད་འགྲོར་སྐྱེས། མི་དགེ་བ་འབྲིང་དུ་སྤྱད་པས་ཡི་དྭགས་སུ་སྐྱེས། མི་དགེ་བ་ཆེར་སྤྱད་པས་དམྱལ་བར་སྐྱེས། ཐ་མ་ཉོན་མོངས་པའི་ལས་དབང་གིས་རིགས་དྲུག་ཏུ་ཁ་ཚང་པར་ཆགས་སོ། །དེ་དག་བར་བསྐལ་བཅུ་དགུའི་ཡུན་ནོ། །དེར་མི་ཤེས་ལྡན་རྣམས་ཀྱིས་གྲོས་བྱས་ནས། དེའི་ཚེ་ཞིང་དཔོན་ཞིག་
བསྐོས་ཏེ། དེ་རྣམས་ཀྱི་ནང་ཤེས་རབ་ཆེ་བ། ཚུལ་བཟང་བ། སྟོབས་ཆེ་བ། གཟུཊ་བཟང་བ་གཅིག་རྒྱལ་པོར་བསྐོས་ཏེ། དེས་ཐམས་ཅད་ཀྱི་ཁ་སོ་སྙོམས་ཤིང། དེ་ལ་གཞན་གྱི་ཞིང་ཐོག་གི་བཅའ་རེ་བསྡུས་སོ། །དེའི་མིང་ནི་མང་པོས་བཀུར་བའི་རྒྱལ་པོ་ཞེས་གྲགས་སོ། །འཛམ་བུའི་གླིང་རྒྱལ་པོ་ལ་སྔ་བ་དེ་ཡིན་ནོ། །དེ་ཡི་རྒྱུད་ལ་འཁོར་ལོས་བསྒྱུར་བའི་རྒྱལ་པོ་མང་དུ་བྱུང་སྟེ། དེའི་བུ་འོད་མཛེས། དེའི་བུ་དགེ་བ། དེའི་བུ་དགེ་མཆོག །དེའི་བུ་གསོ་སྦྱོང་འཕགས། དེའི་བུ་སྤྱི་བོ་སྐྱེས་ཏེ། དེ་རྣམས་ནི་བསྐལ་པ་དང་པོའི་རྒྱལ་པོ་སྡེ་ལྔ་བྱ་བ་ལགས་སོ། །དེའི་བུ་མཛེས་དེའི་བུ་ཉེ་བ་མཛེས། དེའི་བུ་མཛེས་ལྡན། དེའི་བུ་ཉེ་མཛེས་པ། དེའི་བུ་ཉེ་བ་མཛེས། དེའི་བུ་མཛེས་ལྡན། དེའི་བུ་ཉེ་མཛེས་ལྡན། དེའི་བུ་རྒྱས་བྱེད། དེའི་བུ་ཉེ་དེད། དེའི་བུ་གཏང་པ། དེའི་བུ་གཏང་གཟུངས། དེའི་བུ་ལུས་ཐུབ། དེའི་བུ་ཤེས་ལྡན། དེའི་བུ་ངན་སྤོང། དེའི་བུ་ཤིང་རྟ་གདུག་གུ་ཅན། དེའི་བུ་ཤ་གུ་ནི་ཆེན་པོ། དེའི་བུ་ཀུ་ཤི། དེའི་བུ་ཉེ་བའི་ཀུ་ཤི། །དེའི་བུ་ཀུ་ཤི་ཆེན་པོ། དེའི་བུ་རྒྱས་བྱེ། དེའི་བུ་རྒྱས་བྱེད་ཆེན་པོ། དེའི་བུ་ལེགས་མཐོང། དེའི་བུ་ལེགས་མཐོང་ཆེན་པོ། དེའི་བུ་གནོད་སེལ། དེའི་བུ་ཉེ་བའི་གནོད་སེལ། དེའི་བུ་རྒྱ་བྱ། དེའི་བུ་ངེས་འགྲོ། དེའི་བུ་བདེ་བྱེད། དེའི་བུ་རབ་འདུལ། དེའི་བུ་རབ་ཏུ་སྒྲ་གྲགས། དེའི་བུ་གདུང་ལྡན། དེའི་བུ་འོད་བྱེད། དེའི་བུ་ལྷུན་པོ། དེའི་བུ་རི་རབ། དེའི་བུ་ལྷུན་པོ་ལྡན། དེའི་བུ་མེ་ལྕེ། དེའི་བུ་འཕྲེང་བ། དེའི་བུ་མེ་ལྕེ་ལྡན། དེའི་བུ་ཚ་བོ་ཡང་ཚ་ནས་རིམ་གྱིས་བརྒྱུད་པའི་རྒྱལ་པོ་འབུམ་གྱིས་གྲོང་ཁྱེར་གྲུ་འཛིན་དུ་མངའ་མཛད་
དོ། །དེའི་འོག་ཏུ་རྒྱལ་པོ་དགྲ་འདུལ་ཞེས་བྱ་བ་བྱུང། དེའི་བུ་ཚ་བོ་ཡང་ཚ་ནས་བརྒྱུད་པའི་རྒྱལ་པོ་ལྔ་ཁརི་བཞི་སྟོང་གིས་གྲོང་ཁྱེར་མཐའ་མེད་དུ་མཐའ་མཛད་དོ། །དེའི་འོག་ཏུ་རྒྱལ་པོ་མ་ཕེབས་པ་བྱུང། དེའི་བུའང་ཚ་བོ་ཡང་ཚ་ནས་བརྒྱུད་པའི་རལ་པོ་དྲུག་ཁྲི་གསུམ་སྟོང་གིས་གྲོང་ཁྱེར་ལྦཱ་ར་ཎཱ་སིར་མངའ་མཛད་དོ། །དེའི་འོག་ཏུ་རྒྱལ་པོ་བཟོད་དཀའ་བྱུང། དེའི་བུ་ཚ་བོ་ཡང་ཚ་ནས་རིམ་གྱིས་བརྒྱུད་པའི་རྒྱལ་པོ་བརྒྱ་ཁྲི་བཞི་སྟོང་གིས་གྲོང་ཁྱེར་དར་འཛིན་དུ་རྒྱལ་སྲིད་བཟུང་ངོ་། །དེའི་འོག་ཏུ་རྒྱལ་པོ་ཚངས་བྱིན་བྱུང། དེའི་བུ་ཚ་བོ་ཡང་ཚ་ནས་རིམ་གྱིས་བརྒྱུད་པའི་རྒྱལ་པོ་སུམ་ཁྲི་ཉིས་སྟོང་གིས་གྲོང་ཁྱེར་ཨ་ཤོ་ཀར་མྱ་ངན་མེད་རྒྱལ་སྲིད་བཟུང་ངོ་། །དེའི་འོག་ཏུ་རྒྱལ་པོ་སུམ་ཁྲི་ཉིས་སྟོང་གིས་གྲོང་ཁྱེར་མ་ཕེབས་པར་རྒྱལ་སྲིད་བཟུང་ངོ་། །དེའི་འོག་ཏུ་རྒྱལ་པོ་ཀླུ་ལྷ་བྱུང། དེའི་བུ་ཚ་བོ་ཡང་ཚ་ནས་བརྒྱུད་པའི་རྒྱལ་པོ་ཉིས་ཁྲི་ལྔ་སྟོང་གིས་ཏ་མ་ལི་ཏའི་གྲོང་ཁྱེར་དུ་མངའ་མཛད་དོ། །དེའི་འོག་ཏུ་རྒྱལ་པོ་མིའི་ལྷ་བྱ་བ་བྱུང། དེའི་བུ་ཚ་བོ་ཡང་ཚ་ནས་རིམ་གྱིས་བརྒྱུད་
པའི་རྒྱལ་པོ་ཁྲི་ཉིས་སྟོང་གིས་ཏ་མ་ལི་ཏའི་གྲོང་ཁྱེར་དུ་རྒྱལ་སྤིད་བཟུང་ངོ༌། །དེའི་འོག་ཏུ་རྒྱལ་པོ་དུག་ཅན་སའི་ལྷ་བྱུང། དེའི་བུ་ཚ་བོ་ཡ་ཚ་ནས་རིམ་གྱིས་བརྒྱུད་པའི་རྒྱལ་པོ་ཁྲི་བརྒྱད་སྟོང་གིས་གྲོང་ཁྲེར་སྤོས་ལྡན་དུ་རྒྱལ་སྲིད་བཟུང་ངོ་། །དེའི་འོག་ཏུ་རྒྱལ་པོ་བློ་བཟང་བྱུང་སྟེ། དེ་ལྟ་གོང་བཞིན་རིམ་གྱིས་བརྒྱུད་པའི་རྒྱལ་པོ་ཁྲི་ཆིག་སྟོང་གིས་གྲོང་ཁྱེར་རྒྱལ་པོའི་ཁབ་རཱ་ཛཱ་གྲྀ་ཧར་དུ་རྒྱལ་སྲིད་བཟུང་ངོ་། །དེའི་འོག་ཏུ་རྒྱལ་པོ་མུན་སེལ་བྱུང། དེ་ནས་རིམ་གྱིས་རྒྱལ་པོ་བརྒྱ་ཐམ་པས་ལྦཱ་ར་ར་ནཱ་སིར་རྒྱལ་སྲིད་བཟུང་ངོ་། །དེའི་འོག་ཏུ་རྒྱལ་པོ་གླང་ཆེན་གོང་བྱུང། དེ་ནས་རྒྱལ་པོ་བརྒྱད་ཁྲི་བཞི་སྟོང་གིས་ཡུལ་དེ་ཧར་རྒྱལ་སྲིད་བཟུང་ངོ་། །དེ་ནས་རྒྱལ་པོ་རྒྱ་མཚོ་ལྷ་བྱ་བ་བྱུང། དེ་ནས་རྒྱལ་པོ་སྟོང་གི་གྲོང་ཁྱེར་ཀུ་ཤི་ལྡ་དུ་རྒྱལ་སྲིད་བཟུང་ངོ་། །དེའི་འོག་ཏུ་རྒྱལ་པོ་དཀའ་ཐུབ་སྐྱོད་བྱུང། དེ་ནས་རྒྱལ་པོ་སྟོང་གིས་གྲོང་ཁྱེར་མཐའ་མེད་དུ་རྒྱལ་སྲིད་བཟུང་ངོ་། །དེའི་འོག་ཏུ་རྒྱལ་པོ་ས་ཞེས་པ་བྱུང། དེ་ནས་རྒྱལ་པོ་ཁྲི་བཞི་སྟོང་གིས་གྲོང་ཁྱེར་འདྲེས་པའི་ཚལ་དུ་རྒྱལ་སྲིད་བཟུང་ངོ་། །དེའི་འོག་ཏུ་རྒྱལ་པོ་ལྷ་ཆེན་པོ་བྱུང། དེ་ནས་རྒྱལ་པོ་བརྒྱད་ཁྲི་བཞི་སྟོང་གིས་གྲོང་ཁྱེར་ཡང་འདྲེས་སུ་རྒྱལ་སྲིད་བཟུང་ངོ་། །དེའི་འོག་ཏུ་རྒྱལ་པོ་ངེས་ཐུབ་བྱུང། །དེ་ནས་རྒྱལ་པོ་ཁྲི་བདུན་སྟོང་གིས་གྲོང་ཁྱེར་ལེགས་པར་སྣང་དུ་རྒྱལ་སྲིད་བཟུང་ངོ་། །དེའི་འོག་ཏུ་རྒྱལ་པོ་ནམ་མཁའི་བདག་པོ་བྱུང།
དེ་ནས་རྒྱལ་པོ་བརྒྱ་ཐམ་པས་གྲོང་ཁྱེར་ལྦཱ་ར་ནཱ་སིར་རྒྱལ་སྲིད་བཟུང་ངོ༌། །དེ་ཡི་འོག་ཏུ་འཁོར་ལོས་བསྒྱུར་བའི་་རྒྱལ་པོ་ཀྲྀ་ཀྲྀ་བྱ་བ་བྱུང། དེ་ཡི་དུས་སུ་སངས་རྒྱས་འོད་སྲུང་འཇིག་རྟེན་དུ་བྱོན་ནོ། །དེའི་བུ་ལེགས་པ་སྐྱེས། དེ་ནས་རྒྱལ་པོ་བརྒྱས་གྲོང་ཁྱེར་གྲུ་འཛིན་དུ་རྒྱལ་སྲིད་བཟུང་ངོ་། །དེའི་འོག་ཏུ་རྒྱལ་པོ་རྣ་བ་ཅན་བྱུང། དེ་ལ་སྲས་བྷ་ར་དྷ་ཛ་དང་གའུ་ཏ་མི་གཉིས་བྱུང་བ་ལ། བྷ་ར་དྷ་ཛ་རྒྱལ་སྲིད་དུ་དབང་བསྐུར། གོའུ་ཏ་མ་དྲང་སྲོང་མདོག་ནག་པོའི་དྲུང་དུ་རབ་ཏུ་བྱུང། དྲང་སྲོང་གཞན་ཚོ་ཆུས་འཚོ་བ་ཡིན་པ་ལ། གོའུ་ཏ་མ་དེས་འཚོ་བར་མ་ནུས་ཏེ། གྲོང་ཁྱེར་གྲུ་འཚོ་བ་ཡིན་པ་ལ། གོའུ་ཏ་མ་དེས་འཚོ་བར་མ་ནུས་ཏེ། གྲོང་ཁྱེར་གྲུ་འཛིན་དུ་བསོད་སྙོམས་བླངས་ཀྱིན་ཐག་མི་རིང་པ་ཞིག་ན་སྤྱིལ་བུ་བྱས་ནས་སྒོམ་མོ། །དེའི་ཚེ་གྲུ་འཛིན་ན་ཚོགས་ཆེན་མ་རབ་ཏུ་བཟང་མོ་བྱ་བའི་སྨད་འཚོང་མ་ཞིག་ཡོད་པ་ལ། སྐྱེས་བུ་གཡོ་ཅན་པདྨ་མ་རྩ་ལག་གིས་གོས་དང་རྒྱན་བྱིན་ཏེ། ཉོས་པས་མོས་ཁས་བླངས་ཏེ། དེའི་རྗེས་ལ་ཚོང་པ་གཅིག་གིས་ཀྱང་ཀར་ཤ་པ་ཎི་ལྔ་མོ་ལ་བྱིན་ཏེ་ཉོས་པས། དང་པོ་ཚོང་པའི་དྲུང་དུ་ཕྱིན་པས། དེ་ལ་པདྨའི་རྩ་ལག་ཁྲོས་ཏེ། སྐྱེས་མོས་ཚལ་དེར་རབ་ཏུ་བཟང་མོའི་སྐེ་རལ་གྲིས་བཅད་པ་དང། གཡོག་མོས་ཇོ་མོ་བསད་དོ་ཞེས་བྱས་པ་དང། གྲོང་ཁྱེར་གྱི་རམ་ཟླ་བ་རྣམས་ཀྱིས་དེད་པས་པད་མའི་རྩ་ལག་བྲོས་པའི་ལམ་ཁ་ན། གོའུ་ཏ་མ་སྒོམ་ཞིང་འདུག་པའི་མདུན་དུ་རལ་གྲི་ཕྲག་ཙ་ར་བོར་ཕྱིན་པས། རྗེས་གཅོད་ཀྱི་འདེད་མི་རྣམས་ན་རེ། དགེ་སྦྱོང་དེས་དང་པོ་བུད་མེད་དེ་ཉོས་ནས་བསད་དོ་ཟེར། ངས་ནི་དེ་ལྟ་བུ་བྱས་པ་མེད་དོ་ཞེས་བརྗོད་པས། སླར་རྫུན་ལན་གསུམ་དུ་སྨྲ་བ་འདི་ལ་ཆད་པ་བཅད་པར་རིགས་སོ་ཞེས་བརྗོད་པས། སླར་རྫུན་ལན་གསུམ་དུ་སྨྲ་བ་འདི་ལ་ཆད་པ་བཅད་པར་རིགས་སོ་ཞེས་ཟེར་ནས། རྒྱལ་བུ་ལ་བསྙད་
པས་བདག་ལ་ནི་ཉེས་པ་དེ་ལྟ་བུ་གང་ཡང་མེད་དོ་ཟེར་བ་ལ། འོ་ན་དབང་པོ་སུ་ཡོད་ཅེས་སྨྲས་པ་དང། ང་ལ་ཉེས་པ་མེད་ན་མཁན་པོའི་མདོག་དེ་གསེར་ལྟ་བུར་གྱུར་ཅིག་ཅེས་བརྗོད་པ་དང། གསེར་གྱི་མདོག་ཏུ་གྱུར་ཏེ། མཚན་ཡང་གསེར་མདོག་ཏུ་གྲགས་སོ། །གོའུ་ཏ་མས་བདག་གར་སྐྱེ་ཞེས་དྲིས་པས། མཁན་པོ་ན་རེ་ཁྱོད་ལ་བུ་སྨད་མེད་པས་གར་ཡང་མི་སྐྱེས་སྟེ། རིགས་རྒྱུད་མེད་པ་ལ་བྱུང་ཆུབ་སེམས་ཀྱང་མེད་དོ། །ཁྱོད་ཀྱིས་རིགས་རྒྱུད་བཞག་ན་སྐྱེ་བ་ཡོད་ཅེས་སྨྲས་པ་དང། བདག་ནི་ཚད་པས་གདུངས་ཏེ་ནུས་པ་མེད་དོ་ཟེར། དེར་མཁན་པོས་སྤྲིན་བསྡུས་ཏེ་ཆར་ཟིམ་བུ་ཕབ། ཚད་པ་ཞི་བར་བྱས་ཏེ། ཚུལ་བཞིན་མ་ཡིན་པ་ཡིན་ལ་བྱས་པས། ཁུ་བ་ཁྲག་དང་འདྲེས་པ་ཐིགས་པ་གཉིས་བྱུང་བ་ལས། དྲང་སྲོང་གིས་ཁྱེར་ནས། བུ་རམ་ཤིང་གི་གསེབ་ཏུ་བཞག་ནས་ཉི་མ་ལ་སྨིན་དུ་བཅུག་པས། ནམ་ཞིག་ན་སྨིན་ཏེ་ཁྱེའུ་གཉིས་བྱུང་པས། ཉི་མས་སྨིན་པ་གཅིག་ལ་ནི་ཉི་མའི་གཉེན་ཞེས་བྱའོ། །བུ་རམ་ཤིང་གི་གསེབ་ཏུ་བཅུག་པས་ན་བུ་རམ་ཤིང་པ་ཞེས་བྱའོ། །སྐབས་དེར་རྒྱལ་པོ་བྷ་ར་དྷ་ཛ་གྲོངས་ཏེ། བུ་མེད་པས་འབངས་རྣམས་ཀྱིས་གྲོས་བྱས་ཏེ། གཅུང་པོ་གོའུ་ཏ་མ་རབ་ཏུ་བྱུང་བ་དེ་ཁྱིམ་ཐབ་ཏུ་ཕབ་རྒྱལ་ཚབ་ཏུ་དབང་བསྐུར་རོ་ཞེས་ཟེར་ནས། དྲང་སྲོག་མདོག་ནག་པོའི་དྲུང་དུ་ཚབ་ཏུ་དབང་བསྐུར་རོ་ཞེས་ཟེར་ནས། དྲང་སྲོག་མདོག་ནག་པོའི་དྲུང་དུ་འོངས་ཏེ། གོའུ་ཏ་མ་བདག་ཅག་ལོ་སྩོལ་ཅིག་བྱས་པས། ཁྱེད་རང་གིས་བསད་དོ་ཟེར། དེ་ནི་མི་དྲན་ནོ་སྨྲས་པས། ཉེས་པ་གསལ་ཤིང་ལ་སྐྱོན་པ་དེའོ། །སྨྲས་པབ། པས་འོ་ན་ཁྱེའུ་འདི་གཉིས་ངེད་ལ་སྩོལ་ཅིག་ཟེར་ནས། ཉི་མའི་གཉེན་
རྒྱལ་ཚབ་ཏུ་དབག་བསྐུར་བས་བུ་མེད་པར་འདས་སོ། །དེའི་རྒྱལ་ཚབ་ཏུ་བུ་རམ་ཤིག་པ་དབང་བསྐུར་རོ། །བུ་རམ་ཤིང་པའི་བུ་ཚ་བོ་ཡང་ཚ་ནས་རིམ་གྱིས་བརྒྱུད་པའི་རྒྱལ་པོ་བརྒྱ་ཐམ་པས་གྲོང་ཁྱེར་གྲུ་འཛིན་དུ་རྒྱལ་སྲིད་བཟུང་ངོ་། །དེ་རྣམས་ཀྱི་ཐ་མ་ལ་རྒྱལ་པོ་འཕཊ་སྐྱེས་པོ་བྱུང། དེ་ལ་སྲས་གསུམ་བྱུང་སྟེ། དེ་ཡི་ཚེ་བཙུན་མོ་འདས་ནས། རྒྱལ་པོ་མྱ་ངན་དེ་ཙམ་ཅིའི་ཕྱིར་མཛད། ཡང་གསོལ་པས། བཙུན་མོ་ད་དུང་བླངས་པས་ཆོག་གོ་ཞུས་པས། དེ་སྟེར་བ་མེད་དོ་གསུངས་པས། སྔོན་སྟེར་བ་ལ་ད་མི་སྟེར་བ་ཅི་ལགས་ཞུས་པས། ད་ང་ལ་བུ་གསུམ་ཡོད་པས། ད་བུ་སྐྱེས་ཀྱང་རྒྱལ་སྲིད་མི་ཐོབ་པས་མི་སྟེར་རོ། །སྨྲས་པ། བཙུན་མོ་བླང་ངོ་། །དེ་ལག་ཏེ་བུ་མི་ཡོང་བའང་སྲིད། བྱུང་ཡང་མི་སོས་པའང་སྲིད། གལ་ཏེ་བྱུང་ཡང་རྒྱལ་སྲིད་ཁས་བླང་པར་བྱའོ། །ཞེས་ཞུས་ནས། ཉི་འོག་གི་རྒྱལ་པོའི་བུ་མོ་བླངས་པས། ཁྱོད་ཀྱི་རྒྱལ་པོ་ལ་སྲས་གསུམ་ཡོད་པས། ངའི་བུ་མོ་ལ་བུ་བྱུང་ཡང་རྒྱལ་སྲིད་མི་ཐོབ་པས་མི་སྟེང་ཟེར་རོ། །སྨྲས་པ། ཁྱོད་ཀྱི་བུ་མོ་ལ་བུ་བྱུང་ན་རྒྱལ་སྲིད་སྦྱིན་པར་བྱ་ཡི་བུ་མོ་བྱིན་ཅིག །རྒྱལ་པོས་སྨྲས་པ། ང་ཡི་བུ་མོ་ལ་བུ་མི་ཡང་པའང་སྲིད། བྱུང་ཡང་མི་སོས་པའང་སྲིད། གལ་ཏེ་བྱུང་ཞིང་སོས་ནས། རྒྱལ་སྲིད་མི་སྟེར་ན་དམག་འདྲེན་ནོ་ཞེས་གལ་ཡང་རྒྱལ་སྲིད་དགར་བཏགས་སོ། །དེ་ལ་རྒྱལ་སྲིད་མ་བྱིན་ན་དམག་དྲངས་
ཀྱིས་དོགས་ནས། རྒྱལ་སྲིད་དུ་དབང་བསྐུར་རོ། །རྒྱལ་པོ་སྔར་ཚར་གསུམ་པོ་ལ་རྟཊ་བཏབ་ནས་ལྦཱ་ར་ཎཱ་སིར་སྤྱུཊ་སོ། །དེ་རྣམས་ལ་སྲིང་མོ་གསུམ་ཡོད་པ་ན་རེ། བུ་སྤྱུགས་པའི་ཕ་ཁྱིམ་དུ་བུ་མོ་འདུག་པར་མི་རིགས་སོ། །དེ་བས་མིང་པོའི་གཡོག་བྱ་བར་རིགས་ཟེར་ནས། མིག་པོའི་ཕྱི་ལ་སོང་ངོ་། །དེ་ནས་རེ་ཞིག་ཞིག་ན་རྒྱལ་སྲིད་དགའ་ཤི་ནས། བུ་སྤྱུགས་པ་གསུམ་པོ་འབོད་མི་བཏང་བས། ཀོ་ལོང་བྱས་ནས་མ་བྱུང་པས། ཡབ་ཀྱིས་འབོད་ལ་ངའི་བུ་རྣམས་ཅི་འདྲ་བར་འདུག་སྨྲས་པས། སྲས་གསུམ་ནི་བུ་དང་བཅས་བདེ་བར་གདའོ། །ངའི་བུ་སྤུང་དུ་བཏང་བ་ལ་བཙུན་མོ་སྟེར་བ་སུ་ཞིག་ཡོད། གསོལ་པ། སྲས་པོ་གསུམ་དང། སྲབ་མོ་གསུམ་བཟའ་མི་བྱས་གདའོ། །དེ་ལ་ཡབ་རྒྱལ་པོ་ཧ་ལས་ལག་པ་བརྐྱང་ནས་ཤཱཀྱ་ཤཱཀྱ་ཟེར་རོ། །དེ་ལས་སྲས་ཆེ་བའི་བརྒྱུད་པ་ནི། ཤཱཀྱ་ཆེན་པོ་ཟེར་རོ། །འབྲིང་པོའི་བརྒྱུད་པ་ནི། ཤཱཀྱ་ལི་ཙ་ཞེས་བྱའོ། །ཆུང་བའི་བརྒྱུད་པ་ནི་ཤཱཀྱ་རི་བྲག་པ་ཞེས་བྱའོ། །ཤཱཀྱ་ཆེན་པོའི་བུ་ཤཱཀྱ་གནས་འཇོག །དེའི་བུ་རྒྱུད་ལྔ་ཁྲི་ལྔ་སྟོང་གྲོང་ཁྱེར་སེར་སྐྱར་བྱུང་ངོ་། །དེ་རྣམས་ཀྱི་ཐོགས་མ་ཤཱཀྱ་གནས་འཇོག་གི་སྲས་ཤཱཀྱ་གཞུ་བརྟན། དེ་ལ་སྲས་སེདྒེ་འགྲམ་དང། སེདྒེ་སྒྲ་གཉིས་བྱུང། སེདྒེ་འགྲམ་ལ་སྲས་བཞི་སྟེ། ཟས་གཙང་དང། ཟས་དཀར་དང། བྲེའོ་ཟས་དང། བདུད་རྩི་ཟས་སོ། །སྲས་མོ་བཞི་ལ། གཙང་མ་དང། དཀར་མོ་དང། བྲེ་མོ་དང། བདུད་རྩི་མ་ཡང་ཟེར། ཚད་མེད་མ་དང་བཞིའོ། །ཟས་གཙང་ལ་སྲས་གཉིས་ཏེ། རྒྱལ་བུ་དོན་གྲུབ་དང། གཅུང་དགའ་བའོ། །ཟས་དཀར་ལ་ཚེ་དང་ལྡན་པ་བཟང་རྒྱལ་དང། བཟང་ལྡན་ནོ། །བྲེའོ་ཟས་ལ། མིང་ཆེན་དང། མ་འགགས་
པའོ། །བདུད་རྩི་ཟས་ལ་ལྷས་སྦྱིན་དང། ཀུན་དགའ་བོ་གཉིས་སོ། །རྒྱལ་བུ་དོན་གྲུབ་ལ། སྲས་སྒྲ་གཅན་འཛིན་བྱུང་སྟེ། དེ་རབ་ཏུ་བྱུང་ནས་རྒྱལ་པོ་ཕོ་རྒྱུད་ཀྱི་ཞབས་ཆད་དོ། །ཤཱཀྱ་ལི་ཙ་བྱི་ཡི་རྡྱུད་པ་ནི། རྒྱལ་པོའི་ཁབ་དང་ཡངས་པ་ཅན་ན་གནས་སོ། །ཤཱཀཡརི་བྲག་པའི་རྒྱུད་པ་ལས། བོད་ཀྱི་རྒྱལ་པོ་རྣམས་ཅད་པར་འདོད་དོ། །བསྐལ་པ་བཟང་པོ་འདི་ལ་སངས་རྒྱས་སྟོང་རྩ་གཉིས་དང་རབས་བདུན་བྱོན་ཚུལ། གཉིས་པ་བསྐལ་པ་བཟང་པོའི་སངས་རྒྱས་སྟོང་བྱོན་ཚུལ་ནི། སྤྱིར་བྱང་སེམས་ཚོགས་སམ་སྨོན་ལམ་རྫོགས་པ་དང། སངས་རྒྱས་ཀྱི་ཞིང་དག་པ་དང། གདུལ་བྱ་དགེ་བའི་རྩ་བ་སྨིན་པ་ན་སངས་རྒྱས་འབྱུང་བ་ཡིན་ཞིང། དེས་དམ་པའི་ཆོས་སྟོན་པ་ཡིན་ལ། ཁྱད་པར་དུ་སེམས་ཅན་གྱི་ཚེ་དང་བསོད་ནམས་མར་འགྲིབ་ཀྱི་དུས་ན་སེམས་ཅན་རྣམས་སྐྱོ་ཤལ་ཆེ་བས་དེའི་དུས་སུ་འབྱོན་པའོ། །སྤྱིར་འཇིག་རྟེན་གྱི་བསྐལ་པ་གཉིས་ཏེ། སངས་རྒྱས་མི་འབྱུང་བ་མུན་པའི་བསྐལ་པ་དང། སངས་རྒྱས་འབྱུང་བ་སྒྲོན་མེའི་བསྐལ་པའོ། །དེ་གཉིས་གང་མང་ཞེ་ན། མུན་པའི་བསྐལ་པ་མང་ཞིང། སྒྲོན་མེའི་བསྐལ་པ་ཤིན་ཏུ་ཉུང་སྟེ། བསྐལ་པ་བཟང་པོའི་མདོ་ལས། བསྐལ་པ་བཟང་པོ་འདིའི་གོང་དུ་མུན་པའི་བསྐལ་པ་བཞི་བཅུ་བྱུང་ངོ་། །དེ་ནས་བསྐལ་པ་བཟང་པོའདི་བྱུང་ངོ་། །ཞེས་པས། སྒྲོན་བསྐལ་བསྐལ་པ་བཟང་པོ་འདི་ལས་སངས་རྒྱས་འབྱོན་པའི་དབང་བྱས། །མདོ་སྙིང་རྗེ་པདྨ་དཀར་པོའི་རྗེས་སུ་འབྲངས་པའི་སངས་རྒྱས་སྟོང་དང།
ལྔ་འབྱོན་ཚུལ་དང། གསང་བ་བསམ་གྱིས་མྀཁྱབ་པའི་རྗེས་སུ་འབྲངས་ཏེ། སངས་རྒྱས་སྟོང་རྩ་གཉིས་འབྱོན་ཚུལ་ལས། འདིར་གསང་བ་བསམ་གྱིས་མི་ཁྱབ་པའི་རྗེས་སུ་འབྲངས་ཏེ་སྟོང་རྩ་གཉིས་འབྱོན་ཚུལ་ལོ། །དེ་ནི་དེ་བཞིན་གཤེགས་པ་གསང་བ་བསམ་གྱིས་མི་ཁྱབ་པའི་མདོ་ལས་གསུངས་ཏེ། ཞི་བའི་བློ་གྲོས། སྔོན་འདས་པའི་དུས་བསྐལ་པ་གྲངས་མེད་པའི་ཡང་གྲངས་མེད་པའི་ཕ་རོལ་ན། བསྐལ་པ་མཛེས་པར་སྣང་བ་ཞེས་བྱ་བ། འཇིག་རྟེན་གྱི་ཁམས་རྣམ་པར་བརྒྱན་པ་ཞེས་བྱ་བར། དེ་བཞིན་གཤེགས་པ་ཡོན་ཏན་མཐའ་ཡས་རིན་ཆེན་སྣ་ཚོགས་བཀོད་པའི་རྒྱལ་པོ་ཞེས་བྱ་བ་བྱུང་སྟེ། ལོ་ཀའི་འཇིག་རྟེན་ཁམས་དེ་ཡང་སྣོད་རྣམ་པར་བརྒྱན་པ་ལ། སེམས་ཅན་དེར་གནས་པ་ཡང། ཉོན་མོངས་པ་ཤས་ཆུང་བ། ཟབ་མོ་རྟོགས་པའི་མཐུ་དང་ལྡན་པ་ཤ་སྟག་གོ །སངས་རྒྱས་དེའི་འཁོར་ཉན་ཐོས་ནི་ཕྲག་ཁྲིག་གཉིས་ཡོད་ལ། བྱང་ཆུབ་སེམས་པའི་འཁོར་ཡང་འབུམ་ཕྲག་སུམ་ཅུ་ཡོད་དོ། །སངས་རྒྱས་དེ་སྐུ་ཚེའི་ཚད་ལོ་བྱེ་བ་ཕྲག་སུམ་ཅུ་རྩུ་དྲུག་ཐུབ་བོ། །དེར་སྐྱེས་པའི་མི་རྣམས་ཀྱང་དུས་མ་ཡིན་པའི་འཆི་བ་མེད་དོ། །ལོ་ཀའི་འཇིག་རྟེན་ཁམས་དེའི་གླིང་བཞི་བ་རེ་རེར་ཞེས་ཡང་དཔག་ཚད་བརྒྱད་ཁྲི་བཞི་སྟོང་ཡོད་དོ། །དེའི་ནང་ན་ཕོ་བྲང་གི་གྲོང་ཁྱེར་རྣམ་པར་དག་པ་ཅན་ཞེས་བྱ་བ་ཡོད་དོ། །དེའི་ནང་ན་ཕོ་བྲང་གི་གྲོང་ཁྱེར་རྣམ་པར་དག་པ་ཅན་ཞེས་བྱ་བ་ཡོད་དོ། །ཡངས་ཤིང་རྒྱ་ཆེ་བ། བྱང་དང་ལྷོར་ནི་དཔག་ཚད་དྲུག་ཅུ་རྩ་བཞི་ཡོད་ལ། ཤར་ནུབ་ཏུ་ནི་བཞི་བཅུ་རྩ་གཉིས་ཡོད་པ། སྐྱེད་མོས་ཚལ་བཞི་ཁྲིས་བརྒྱན་པ་ཡོད་དོ། །ཕོ་བྲང་དེ་ན་རྒྱལ་པོ་ཡུལ་འཁོར་སྲུང་ཞེས་བྱ་བ། རིན་ཆེན་སྣ་བདུན་ལ་དབང་བ། གླིང་བཞི་ལ་དབང་བ། སངས་རྒྱས་མང་པོ་ལ་
ཚོགས་བསགས་པ། བསོད་ནམས་ཆེ་བ། གཟི་བརྗིད་ཆེ་བ་དང་ལྡན་པ་ཞིག་ཡོད་ལ། འདི་ཕོ་བྲང་གི་དབུས་ན་ཁང་པ་བརྩེགས་པ། མཆུ་ཞེང་དཔག་ཚད་དྲུག་ཅུ་ཡོད་པ། རཏྣ་བདུན་གྱིས་རྭ་བ་རིམ་པ་བདུན་དང་ལྡན་པར་བརྩིགས་པ། རཱ་བའི་ནང་ན་སྐྱེད་མོས་ཚལ་ཆེན་པོ་བཞི་ཡོད་དེ། མེ་ཏོག་སྣ་ཚོགས་ཀྱི་ཚལ་དང། ཡོན་ཏན་དགའ་བ་དང། རྨ་བྱས་མངོན་པར་དགའ་བ་དང། དུས་ཀྱིས་བདེ་བ་ཞེས་བྱ་བ་ཡོད་དོ། །རྒྱལ་པོ་དེ་ལ་བཙུན་མོའི་འཁོར་བདུན་འབུམ་ཡོད་དེ། ཐམས་ཅད་ཀྱང་མཚན་དང་ལྡན་པའོ། །དེ་དག་ལ་བུ་སྟོང་དུ་ཚང་བ་ཡོད་དེ། དཔའ་ལ་བརྟུལ་ཕོད་ཆེ་བ། མཚན་བཟང་པོ་སུམ་ཅུ་རྩ་གཉིས་དང་ལྡན་པ་ཡོད་དོ། །དེའི་ཚེ་སངས་རྒྱས་ཡོན་མཐའ་ཡས་རིན་ཆེན་སྣ་ཚོགས་བཀོད་པའི་རྒྱལ་པོ་འཁོར་དང་བཅས་པ་ལ། རྒྱལ་པོ་ཡུལ་འཁོར་སྲུང་དང་བཅས་པས། ལོ་བྱེ་བར་བསྙེན་བཀུར་དཔག་མེད་པ་བྱས་སོ། །དེ་ཚེ་རྒྱལ་བུ་དེ་དག་ཀྱང་འདོད་པའི་ཡོན་ཏན་དོན་དུ་མི་གཉེར་ལ། ཆོས་ཉན་ཞིང་ཞིང་བག་ཡོད་པ་གྱུར་ཏོ། །རིང་པོར་མ་ལོན་པར་མངོན་ཤེས་ལྔ་དང་ལྡན་པར་གྱུར་ཏོ། །དེ་དག་གི་རྫུ་འཕྲུལ་དུ་མ་ཀུན་ཏུ་བརྒྱུད་ནས། ཚིགས་བཅད་དག་གསུངས་པ། སངས་རྒྱས་འབྱུང་བ་རྒྱ་ལ་རྙེད་པར་དཀའ། །མིར་སྐྱེ་བ་ཡང་ཤིན་ཏུ་རྙེད་པར་དཀའ། །གྲོགས་པོ་དག་ནི་དད་དང་ཆོས་མཉན་པ། །འདི་འདྲ་བསྐལ་པ་བརྒྱར་ཡང་རྙེད་པར་དཀའ། །མི་དབང་རྒྱལ་བ་དེ་ནི་དད་བྱུང་སྟེ། །རབ་ཏུ་ཞི་བས་འགྲོ་ལ་ཆོས་སྟོན་གྱི། །བདེ་བར་གཤེགས་པ་དེ་ཡི་དྲུང་དུ་དེང། ཆོས་ཐོས་ནས་ནི་བདེ་འགྲོར་འགྲོ་བར་གྱིས། །ཆོས་ཐོས་ནས་ནི་ངན་སོང་སྤོང་བར་གྱིས། །ཆོས་ཐོས་ནས་ནི་ཉོན་མོངས་
ཐམས་ཅད་ཞི། །བསིལ་བའི་དྲིས་པ་དམ་པ་ཐོབ་པར་འགྱུར། །ཞེས་སོ། །དེ་ནས་གཞོན་ནུ་དེ་དག་གིས་བཅོམ་ལྡན་འདས་མཆོད་པའི་ཕྱིར། ཁང་པ་བརྩེགས་པ་མཛེས་པར་སྤུལ་ཏེ། རྒྱལ་བ་འཁོར་དང་བཅས་པ་བཞུགས་ནས། ནམ་མཁར་འཕགས་ཏེ་སངས་རྒྱས་མ་མཆོད་པའི་ལས་དུ་མ་བྱས་སོ། །དེ་དག་ཆོས་མཉན་པའི་ཕྱིར་འོངས་པ་སངས་རྒྱས་ཀྱིས་མཁྱེན་ནས། ཆོས་ཀྱི་གཏམ་གྱིས་དགའ་བར་མཛད་དོ། །ཆོས་བཞི་སྟེ། དད་པ་དང། གུས་པ་དང། ང་རྒྱལ་མེད་པ་དང། བརྩོན་འགྲུས་སོ། །ཡང་ཆོས་བཞི་སྟེ། དབང་པོའི་སྒོ་བསྡམ་འདོད་ལ་སྐྱོན་དུ་བལྟ། །འཛིན་པ་མི་རྟག་ཆོས་ལ་ངེས་པར་སེམས། །ཞེས་པ་ལ་སོགས་པ་གསུངས་སོ། །དེ་ནས་དེ་དག་སླར་ལོག་ནས་རྒྱལ་པོའི་ཕོ་བྲང་དུ་གཤེགས་ཏེ། ཟླ་བ་ཉ་བའི་ཚེ། མེ་ཏོག་སྣ་ཚོགས་ཀྱི་ཚུལ་དུ་བཞུགས་པ་ལ། བཙུན་མོ་དམ་པ་མ་སྨད་པ་དང། དཔེ་མེད་པ་གཉིས། རྫིང་དགའ་བའི་ཚལ་དུ་ཁྲུས་བྱས་པ་དང། སེདྒེའི་ཁྲི་ལ་འདུག་པ་ན། དེ་དག་གི་པང་ན། གཞོན་ནུ་མཛེས་པ་གཉིས་སྐྱིལ་མོ་དཀྲུང་དུ་རྫུས་ཏེ་བྱུང་ངོ་། །དེ་མ་ཐག་ལྷ་རྣམ་ཀྱིས། ཀྱེ་མ་འདི་གཉིས་ནི། ཆོས་ཆོས་སེམས་དཔའ་དང༌། ཆོས་ཀྱི་བློ་གྲོས་ཞེས་སྒྲ་བྱུང་ངོ་། །དེར་འཁྱེའུ་དེ་གཉསི་ཀྱིས་དེ་མ་ཐག་པར་སྨྲས་པ། གང་དག་བྱང་ཆུབ་ཏུ་ནི་སེམས་བསྐྱེད་ཅིང། །ལོ་ཀའི་མགོན་པོ་ཕུལ་དུ་བྱུང་བ་ལ། །རབ་ཏུ་དགའ་བའི་སེམས་ཀྱིས་ཕྱག་འཚལ་ལོ། །དེ་དག་རྙེད་པ་རབ་རྙེད་གྲོགས་པ་དག །ཅེས་པ་་ལ་སོགས་པ་སྨྲས་སོ། །དེ་ནས་ཕོ་བྲང་དུ་ཕྱིན་ནོ། །
དེ་ནས་རྒྱལ་པོ་ཡུལ་འཁོར་སྲུང་ནང་དུ་མཉམ་པར་བཞག་པ་དང། འདི་སྙམ་དུ་སེམས་ཏེ། བདག་གཞོན་ནུ་འདི་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་ཞུགས་པའི་རྟགས་ཡོད་ན། ཐོར་མར་སངས་གང་རྒྱ་སྙམ་ནས། རིན་པོ་ཆེའི་བུམ་པ་བྱེད་དུ་བཅུག་སྟེ། དེ་དག་གི་ནང་དུ་གཞོན་ནུ་དེ་དག་གི་མིང་བྲིས་ནས་བུམ་པའི་ནང་དུ་བཅུག་སྟེ། བཞག་བདུན་དུ་མཆོད་པ་བྱས་ནས། གསེར་ལས་བྱས་པའི་ཁྲི་ཐོག་ཏུ། གཞོན་ནུ་དེ་དག་གི་མིང་ཕྱུང་བ་དང། ཞི་བའི་བློ་གྲོས་དེའི་ཚེ་དེའི་དུས་ན། ཐམས་ཅད་ཀྱི་ཐོག་མར་རྒྱལ་པོ་གཞོན་ནུ་རྣམ་པར་དག་པའི་བློ་གྲོས་ཞེས་བྱ་བ་བྱུང་སྟེ། དེ་ནི་དེ་བཞིན་གཤེགས་པ་འཁོར་བ་འཇིག་ཏུ་གྱུར་ཏོ། །དེའི་འོག་ཏུ་རྒྱལ་པོ་རྣམ་པར་དག་པ་ཞེས་བྱ་བ་བྱུང་སྟེ། དེ་ནི་དེ་བཞིན་གཤེགས་པ་གསེར་ཐུབ་བོ། །དེའི་འོག་ཏུ་རྒྱལ་བུ་དབང་པོ་ཞི་བ་ཞེས་བྱ་བ་བྱུང་སྟེ། དེ་ནི་དེ་བཞིན་གཤེགས་པ་འོད་སྲུང་ངོ་། །དེའི་འོག་ཏུ་རྒྱལ་པོ་དོན་གྲུབ་ཅེས་བྱ་བ་བྱུང་སྟེ། དེ་ད་ལྟར་གྱི་སངས་རྒྱས་ང་ཉིད་ཡིན་ནོ། །དེའི་འོག་ཏུ་རྒྱལ་པོ་སྐ་རགས་ཅན་ཞེས་བྱ་བ་འབྱུང་སྟེ། དེ་ནི་དེ་བཞིན་གཤེགས་པ་བྱམས་པའོ། ། །དེའི་འོག་ཏུ་རྒྱལ་པོ་མཆོག་གི་བློ་གྲོས་ཞེས་བྱ་བ་འབྱུང་སྟེ། དེ་ནི་དེ་བཞིན་གཤེགས་པ་སེདྒེའོ། །དེའི་འོག་ཏུ་ཏུ་རྒྱལ་པོ་གློག་གིས་ལྷ་ཞེས་བྱ་བ་འབྱུང་སྟེ། དེ་ནི་དེ་བཞིན་གཤེགས་པ་ཏོག་ཅེས་བྱའོ། །དེའི་འོག་ཏུ་རྒྱལ་པོ་བཟང་པོའི་རྒྱལ་པོ་ཞེས་བྱ་བ་འབྱུང་སྟེ། དེ་ནི་དེ་བཞིན་གཤེགས་པ་མེ་ཏོག་དམ་པ་ཞེས་བྱའོ། །དེའི་འོག་ཏུ་རྒྱལ་པོ་འོད་ཀྱི་དཔལ་ཞེས་བྱ་བ་འབྱུང་སྟེ། དེ་ནི་དེ་བཞིན་གཤེགས་པ་མེ་ཏོག་གོ །དེའི་འོག་ཏུ་རྒྱལ་པོ་རྣམ་པར་དག་པའི་མདངས་
ཞེས་བྱ་བ་འབྱུང་སྟེ། དེ་ནི་དེ་བཞིན་གཤེགས་པ་སྐར་རྒྱལ་ཞེས་བྱའོ། །དེའི་འོག་ཏུ་རྒྱལ་པོ་དྲི་མ་མེད་པའི་རླངས་ཞེས་བྱ་བ་འབྱུང་སྟེ། དེ་ནི་དེ་བཞིན་གཤེགས་པ་སྤྱན་ལེགས་པ་ཞེས་བྱའོ། །དེའི་འོག་ཏུ་རྒྱལ་པོ་སྡུག་བསྔལ་མེད་ཅེས་བྱ་བ་འབྱུང་སྟེ། དེ་ནི་དེབཞིན་གཤེགས་པ་ལག་བཟང་ཞེས་བྱའོ། ། །དེ་ནས་རྒྱལ་པོ་བློ་གྲོས་རྒྱལ་པོ་སྟེ། དེ་ནི་དེ་བཞིན་གཤེགས་པ་འོད་ཟེར་ཞེས་པར་གྱུར་ཏོ། །དེའི་འོག་ཏུ་རྒྱལ་པོ་དགེ་བ་བཀོད་པའི་རྒྱལ་པོ་སྟེ། དེ་ནི་དེ་བཞིན་གཤེགས་པ་སྐར་མ་ལ་དགའ་བའོ། །དེའི་འོག་ཏུ་རྒྱལ་པོ་གཞོན་ནུ་ཕྱོགས་འགྲོས་ཞེས་བྱ་བ་འབྱུང་སྟེ། དེ་ནི་དེ་བཞི་གཤེགས་པ་ཁྱད་པར་འཕགས་པའོ། །དེའི་འོག་ཏུ་རྒྱལ་པོ་བཀོད་པའི་རྒྱལ་པོ་སྟེ། དེ་ནི་དེ་བཞིན་གཤེགས་པོ་ཡོན་ཏན་མཆོག་གོ །དེའི་འོག་ཏུ་རྒྱལ་པོ་དཔལ་སྦས་ཞེས་བྱ་སྟེ། དེ་ནི་དེ་བཞིན་གཤེགས་པ་ནོར་དཔལ་ཞེས་བྱའོ། །དེའི་འོག་ཏུ་ལུས་ཤིན་ཏུ་རྣམ་པར་དག་པ་སྟེ། དེ་ནི་དེ་བཞིན་གཤེགས་པ་ཡོན་ཏན་འབྱུང་གནས་སོ། །དེའི་འོག་ཏུ་རྒྱལ་པོ་དྲག་ཤུལ་ཅན་ཏེ། དེ་ནི་དེ་བཞིན་གཤེགས་པ་རཏྣ་འབྱུང་གནས་སོ། །དེའི་འོག་ཏུ་རྒྱལ་པོ་རིན་ཆེན་གྲགས་པ་སྟེ། དེ་ནི་དེ་བཞིན་གཤེགས་པ་ཀུན་ཏུ་སྣང་ཏུ་རྒྱལ་པོ་རིན་ཆེན་གྲགས་པ་སྟེ། དེ་ནི་དེ་བཞིན་གཤེགས་པ་ཀུན་ཏུ་སྣང་བ་ཞེས་བྱ་བར་འགྱུར་རོ། །དེ་བཞིན་དུ་རྒྱ་ཆེ་བར་སྦྱར་ཏེ། རྒྱལ་བུ་ཐམས་ཅད་ཀྱི་ཐ་ཆུང་བློ་གྲོས་མཐའ་ཡས་པ་སྟེ། དེ་ནི་སངས་རྒྱས་མོས་པ་ཅན་ནོ། །ཞི་བའི་བློ་གྲོས་དེའི་ཚེ་རྒྱལ་པོ་ཡུལ་འཁོར་སྲུང༌། དེ་ནི་སངས་རྒྱས་མར་མེ་མཛད་དོ། །མ་སླད་མའི་པང་ནས་བྱུང་བའི་རྒྱལ་པོ་ཆོས་ཀྱི་སེམས་དཔའ་ནི། བྱག་སེམས་ཕྱག་རྡོར་རོ། །བཙུན་མོ་དཔེ་མེད་པའི་པང་ནས་བྱུང་བའི་རྒྱལ་པོ་ཆེས་ཀྱི་བློ་གྲོས་ནི་ཚངས་པ་
གཙུག་ཕུད་ཅན་ནོ། །དེས་ན་ཕྱག་རྡོར་སངས་རྒྱས་སྟོང་གི་སྡུད་པ་པོ་ཡིན་ཞིང། ཚངས་པ་གཙུག་ཕུད་ཅན་ཆོས་ཀྱི་འཁོར་ལོ་བསྐོར་བའི་སྐུལ་འདེབས་ཡིན་པས། སངས་རྒྱས་སྟོང་དང། སེམས་དཔའ་གཉིས་ཡིན་ནོ། །དེ་ཡང་བསྐལ་བཟང་ལས། འདས་དུས་བསྐལ་པ་མཛེས་པར་སྣང་བ་ལ། །རྒྱལ་བའི་ཞིང་ཁམས་རྣམ་པར་བརྒྱན་པ་དེ། །འདྲེན་པའི་མཚན་ནི་ཡོན་ཏན་མཐའ་ཡས་ཤིང། །རིན་ཆེན་སྣ་ཚོགས་བཀོད་པའི་རྒྱལ་པོ་ཡིས། །སངས་རྒྱས་བསྟན་དེར་འཁོར་ལོས་སྒྱུར་བ་ཡི། །རྒྱལ་པོ་ཡུལ་འཁོར་སྲུང་ཞེས་བྱ་བ་ལ། །སྲས་བུ་སྟོང་དང་གཉིས་ནི་འཁྲུངས་པ་ལས། །མ་སྨད་མ་དང་དཔེ་མེད་མ་ཡི་བུ། །རྒྱལ་པོ་ཆོས་ཀྱི་སེམས་དང་བློ་གྲོས་གཉིས། གཙུག་ཕུད་ཅན་དང་ཕྱག་ན་རྡོ་རྗེར་གྱུར། གཅེན་པོ་སྟོང་དག་སངས་ནི་རྒྱས་པ་ལས། གནས་པའི་བསྐལ་པ་ཉིས་ཤུའི་དང་པོ་ལ། །སྐྱེ་རྒུའི་ཚེ་ལོ་དྲུག་ཁྲི་ཐུབ་པའི་ཚེ། །བདེ་གཤེགས་འཁོར་བ་འཇིག་ཅེས་བྱ་བ་བྱུང། །དམ་ཆོས་ལོ་གྲངས་བརྒྱད་ཁྲིའི་བར་དུ་གནས། །སྐྱེ་དགུའི་ཚེ་ལོ་བཞི་ཁྲི་ཐུབ་པའི་དུས། །བདེ་གཤེགས་གསེར་ཐུབ་ཅེས་པ་འཇིག་རྟེན་བྱོན། །དམ་ཆོས་ལོ་གྲངས་ལྔ་སྟོང་བར་དུ་གནས། །སྐྱེ་རྒུའི་ཚེ་ལོ་ཉིས་ཁྲི་ཐུབ་པའི་དུས། །བདེ་བར་གཤེགས་པ་འའོད་སྲུང་ཞེས་བྱ་བྱུང། །དམ་ཆོས་ལོ་ནི་བདུན་ཁྲིའི་བར་དུ་སྤྱོད། །སྐྱེ་རྒུའི་ཚེ་ལོ་བརྒྱ་པར་གྱུར་པའི་ཚེ། །བདེ་བར་གཤེགས་པ་ཤཱཀྱ་ཐུབ་པ་བྱོན། །དམ་ཆོས་ལོ་གྲངས་ལྔ་བརྒྱ་ཕྲག་གནས། །ལྷག་མ་གནས་པའི་བར་བསྐལ་བཅུ་དགུ་ལ། །རྣམ་པར་སྣང་མཛད་ཡན་ཆད་རྫོགས་པར་འབྱུང། །ཞེས་
པས། སངས་རྒྱས་རེའི་ཡུལ་དང། རིགས་དང། འོད་དང། ཡབ་དང། ཡུམ་དང། སྲས་དང། རིམ་གྲོ་པ་དང། ཤེས་རབ་ཅན་དང། རྫུ་འཕྲུལ་ཅན་གྱི་མཆོག་གཉིས་དང། འཁོར་འདུས་པ་དང། ཚེ་ཆད་དང། བསྟན་པ་གནས་པའི་ཚད་དང། སྐུ་གདུང་སྟེ། མཆོག་ཟུང་སོ་སོར་བགྲངས་པའི་དོན། བཅུ་གསུམ་བཅུ་གསུམ་གྱི་བསྟན་ཅིང། ཁ་ཅིག་གིས་གདུང་སྨོས་ཏེ་བཅུ་བཞིའོ། །འཁོར་འདུས་པ་ལའང་ཁ་ཅིག་ལ་མང་པོ་དང། སྐུ་གདུང་ལ་རྒྱས་པར་འགྱུར་བ་དང། རིལ་པོ་གཅིག་ཏུ་འདུག་པ་གཉིས་སོ། །ད་ལྟར་གྱི་སྟོན་པ་འདི་ལ་དཔེར་བརྗོད་ན། མཆོག་ཏུ་དགའ་བའི་རྒྱལ་པོ་ང་སྐྱེས་པའི་ཡུལ་ནི་སེར་སྐྱའི་གནས་ཞེས་བྱའོ། །རིགས་ནི་རྒྱལ་རིགས་སོ། །གདུང་ནི་གོའུ་ཏ་མའོ། །འོད་ནི་འདོམ་གང་ངོ་། །ཡབ་ནི་ཟས་གཙང་མའོ། །ཡུམ་ནི་སྒྱུ་འཕྲུལ་མ་ཞེས་བྱའོ། །སྲས་ནི་སྒྲ་གཅལ་འཛིན་ནོ། །རིམ་གྲོ་པ་ནི་ཀུན་དགའ་བོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཉེར་རྒྱལ་ལོ། །རྫུལ་འཕྲུལ་ཅན་རྣམས་ཀྱི་མཆོག་ནི་པད་ནས་སྐྱེས་ཞེས་བྱའོ། །འདུས་པ་དང་པོ་ལ་ནི་དགེ་སློང་སྟོང་ཉིས་བརྒྱ་ལྔ་བཅུའོ། །སྐུ་ཚེའི་ཚད་ནི་ལོ་བརྒྱད་ཅུའོ། །དམ་པའི་ཆོས་ནི་ལོ་ལྔ་བརྒྱའི་བར་དུ་གནས་སོ། །ལོ་ལྔ་བརྒྱའི་བར་དུ་ནི་དམ་པའི་ཆོས་ལྟར་སྣང་ངོ་། །སྐུ་གདུང་ནི་རྒྱས་པར་འགྱུར་རོ། །ཞེས་གསུངས་སོ། །ཡང་ཚེ་ལོ་བཞི་ཁྲིའི་དུས་སུ་འཁོར་བ་འཇིག སུམ་ཁྲིའུ་དུས་སུ་གསེར་ཐུབ། ཉིས་ཁྲེའི་དུས་སུ་འོད་སྲུང། བརྒྱ་པོའུ་དུས་སུ་ཤཱཀྱ་ཐུབ་པ་བྱོན་པ། སངས་རྒྱས་རབས་བདུན་སངས་རྒྱས་ཚུལ་ལས་བཤད་དེ།
གཟུངས་ཆེན་གྱི་མདོ་ལས། སངས་རྒྱས་རྣམ་པར་གཟིགས་ནི་རྒྱལ་རིགས་གཟི་བརྗིད་ཅན། །ཚེ་ལོ་བརྒྱད་ཁྲིའི་དུས་ན་གྲོང་ཁྱེར་ཉེར་ལྡན་དུ། །ཀ་ར་བི་རིའི་ཤིང་དྲུང་མངོན་པར་རྫོགས་སངས་རྒྱས། །རྒྱལ་བ་གཙུགས་ཏོར་མངའ་བ་རྒྱལ་རིགས་རྫུ་འཕྲུལ་ཅན། །ཚེ་ལོ་བདུན་ཁྲིའི་དུས་ན་སུ་ཀའི་གྲོང་ཁྱེར་དུ། །ཤིང་མཆོག་སྤུན་ཏའི་དྲུང་དུ་མངོན་པར་སངས་རྒྱས་སོ། །རྒྱལ་བ་ཐམས་ཅད་སྐྱོབ་ནི་རྒྱལ་རིགས་བློ་གྲོས་ཅན། །ཚེ་ལོ་དྲུག་ཁྲིའི་དུས་ན་གྲོང་ཁྱེར་མཉམ་མེད་དུ། །ཤིང་མཆོག་སཱ་ལའི་དྲུང་དུ་མངོན་པར་རྫོགས་སངས་རྒྱས། །ཐུབ་པ་འཁོར་བ་འཇིག་ནི་མཆོག་ལྡན་བྲམ་ཟེའི་རིགས། །ཚེ་ལོ་བཞི་ཁྲིའི་དུས་ན་གྲོང་ཁྱེར་མཛེས་ལྡན་དུ། །ཤྲཱི་ཤ་ཡི་དྲུང་དུ་མངོན་པར་སངས་རྒྱས་སོ། །འདྲེན་པ་གསེར་ཐུབ་གཙང་ལྡན་བྲམ་ཟེའི་རིགས། །ཚེ་ལོ་སུམ་ཁྲིའི་དུས་ན་གྲོང་ཁྱེར་བདེ་ལྡན་དུ། །ཨུ་དུམ་ལྦཱ་རའི་དམར་མཆོག་ཤིང་དྲུང་མངོན་པར་རྫོགས་སངས་རྒྱས། །སྐྱོབ་པ་འོད་སྲུང་རྒྱལ་རིགས་བླ་མེད་ཡོན་ཏན་ཅན། །ཚེ་ལོ་ཉིས་ཁྲིའི་དུས་ན་གྲོང་ཁྱེར་ལྦཱ་ར་ཎཱ་སི་རུ། །ཤིང་མཆོག་སཱ་སའི་དྲུང་དུ་མངོན་པར་རྫོགས་སངས་རྒྱས། །འགྲོ་མགོན་ཤཱཀྱ་ཐུབ་པ་རྒྱལ་རིགས་བརྩོན་འགྲུས་ཅན། །ཚེ་ལོ་བརྒྱ་པའི་དུས་ན་སེར་སྐྱའི་གྲོང་ཁྱེར་དུ། །ཨ་ཤཱ་ཏ་ཡི་ཤིང་དྲུང་མངོན་པར་སངས་རྒྱས་སོ། །ཞེས་སོ། །དེ་ཡང་སངས་རྒྱས་སྟོང་འབྱུང་བ་ལ་གནས་སྐབས་ཀྱི་མར་འགྲིབ་ཀྱི་བརྒྱད་ཁྲི་པ་ནས་བརྒྱ་པའི་བར་འབྱུང་ངོ་། །བརྒྱད་ཁྲི་བས་སྔ་བ་མི་འབྱུང་སྟེ། སྐྱོ་ཤས་བྱུང་བས་ཆོས་དོན་དུ་མི་མཉེར་བས་སོ། །བརྒྱ་པ་བས་ཕྱི་བར་མི་འབྱུང་སྟེ། སྙིགས་མ་ལྔ་བདོ་བས་སོ། །སྙིགས་མ་ལྔ་གང་ཞེ་ན། དུས། སེམས་ཅན། ཚེ། ལས།
ཉོན་མོངས་པའི་སྙིགས་མའོ། །དེ་ཡག་དུས་ཀྱི་སྙིགས་མ་ནི་རྩོད་ལྡན་ནོ། །སེམས་ཅན་གྱི་སྙིགས་མ་ནི་དགེ་དུས་སུ་སྐྱེས་པ། ཚེའི་སྙིགས་མ་ནི་ཚེ་ལོ་བརྒྱ་པ་མན་ཆད། ལས་ཀྱི་སྙིགས་མ་ནི་མི་དགེ་བ་བཅུ་ལ་སྤྱོད་དོ། །ཉོན་མོངས་པའི་སྙིགས་མ་ནི་གཉེན་པོས་མི་ནོན་པའོ། །ཡར་འཕེལ་ལ་མི་འབྱུང་སྟེ། མི་དགེ་བ་ངང་གིས་མི་ཡོང་ཞིང། དངོས་པོ་རྣམས་འཕེལ་ནས་སྐྱོ་བ་མི་སྐྱེ་བས་སོ། །འོ་ན་སངས་རྒྱས་མོས་པ་ནི། །མིའི་ཚེ་ལོ་དཔག་མེད་ཐུབ་པའི་དུས་ན་འབྱུང་སྟེ། གོང་དུ་བརྒྱད་ཁྲི་བས་སྔ་བ་རུ་སངས་རྒྱས་མི་འབྱུང་ཞེས་པ་དང་འགལ་ལོ་ཞེ་ན་དེ་བདེན་ཏེ། དེ་ནི་ཤགས་རྒྱས་ཀྱི་སྨོན་ལམ་གྱི་སྟོབས་ཀྱིས་ཡིན་པས་བསམ་གྱིས་མི་ཁྱབ་སྟེ། གསང་བ་བསམ་གྱིས་མི་ཁྱབ་པའི་མདོ་ལས། སྟོང་གི་ཐ་ཆུང་བློ་གྲོས་མཐའ་ཡས་ཀྱིས་སྨྲས་པ། །སངས་རྒྱས་ཆོས་རྣམས་འདི་དག་ནམ་མཁའ་མཚུངས་ཞིང་འདྲ། །བདག་གི་ཡིད་ལ་སེམས་ཅན་ཟད་པ་མེད་སྙམ་བགྱིད། །ཚུལ་ཁྲིམས་ཀྱིས་ནི་བདག་གི་སྨོན་ལམ་འདི་དག་འགྱུར། །བདག་གི་སྨོན་ལམ་ཅི་འདྲར་ཐམས་ཅད་འདིར་གསོན་ཅིག །ཁྱེར་ཀྱི་ཚེ་ཚད་ཇི་ཙམ་པ་དག་བསྡོམས་པ་དང། །ཚོགས་ཀྱི་རྒྱལ་པོ་ཇི་སྙེད་ཀུན་བསྡོམས། །ཐམས་ཅད་བསྡོམས་པ་དེ་ཉིད་བདག་གི་ཚེར་གྱུར་ཏེ། །བདག་གི་དགེ་ལོང་ཚོགས་ཀྱང་དེ་ཀུན་མ་ལུས་རྙེད། །ཅེས་པ་ལ་སོཊ་པ་སྨྲས་ཏེ། །དེ་ནི་སྟོང་གི་ཐ་མ་མོས་པ་ཞེས་བྱ་བར་འགྱུར་ཏེ། སངས་རྒྱས་དགུ་བརྒྱ་དགུ་བཅུ་རྩ་དགུའི་ཚེ་ཚད་དང། ཉན་ཐོས་ཀྱི་དགེ་འདུན་ཇི་སྙེད་པ་དེ་སྙེད་དུ་འགྱུར་ཞིང། བདག་གཉིས་དེ་ལྟར་མོས་པས་མོས་པ་ཞེས་བྱའོ། །གཞན་ཡང་སྙིང་རྗེ་པད་དཀར་ལས། འཇིག་རྟེན་གྱི་ཁམས་མཐེ་བོང་
ཅན་ན། ཚེ་ལོ་བཅུ་པའི་དུས་སུ། མི་མཐེ་བོང་ཙམ་གྱི་ནང་དུ། ས་ས་རྒྱས་སྐར་མ་ལ་དགའ་བ་ཞེས་བྱ་བ་སྐུ་ཁྲུ་གང་སོར་བདུན་ཙམ་གྱི་ཚད་ཙམ་ཡོད་པར་བཤད་པ་ནི། གོང་གི་ཚེ་ལོ་བརྒྱ་པ་བས་ཕྱི་བར་སངས་རྒྱས་མི་འབྱུང་ཞེས་པ་དང་འགལ་ལོ་ཞེ་ན། དེ་ནི་འཇིག་རྟེན་གྱི་ཁམས་གཞན་དུ་འབྱོན་པ་ལ་དགོངས་པ་ཡིན་ནོ། །འོ་ན་དེ་ལྟར་གྱི་བསྐལ་པ་འདི་ལ་བཟང་པོ་ཞེས་བརྗོད་པ་ཅི་ཞེ་ན། འཇིན་རྟེན་འདི་ཆུང་འཇིག་པའི་ཚེ། །མཚོ་ནས་གསེར་གྱི་པདྨ་སྟོང་འབྱུང་བར་འགྱུར་ཏེ། །དེ་ལ་ལྷ་རྣམས་ཀྱིས་བརྟག་པས། སངས་རྒྱས་སྟོང་འབྱུང་བར་འགྱུར་ཏེ། ཀྱེ་མ་བསྐལ་པ་འདི་ནི་བཟང་པོའོ། །ཞེས་བརྗོད་པས་བསྐལ་པ་བཟང་པོ་ཞེས་གྲགས་པར་གྱུར་ཏོ། །ཞེས་སྙིག་རྗེ་པདྨ་དཀར་པོ་ལས་བཤད་ལ། ཡེ་ཤེས་རྒྱས་པའི་མདོ་ལས། བསྐལ་པ་བཟང་པོ་འདི་ཡི་མིང། བསྐལ་པ་པདྨ་སྟོང་མཐོང་ཞེས་བཏགས་པ་ཡོད་དོ། །ངས་རྒྱས་ཤཱཀྱ་ཐུབ་པ་ཇི་ལྟར་བྱོན་ཚུལ། གསུམ་པ་སྙིགས་མ་ལྔ་བདོ་བའི་དུས་འདིར། བཅོམ་ལྡན་འདས་ཐུབ་པའི་དབང་པོ་བྱོན་ཚུལ་ནི། སློབ་དཔོན་ཀླུ་སྒྲུབ་ཀྱི་མཆོད་རྟེན་བརྒྱད་ཀྱི་བསྟོད་པར། དང་པོ་བྱང་ཆུབ་མཆོག་ཏུ་སེམས་བསྐྱེད་དེ། །བསྐལ་པ་གྲངས་མེད་གསུམ་དུ་ཚོགས་བགས་ཤིང། །བར་དུ་གཅོད་པའི་བདུད་བཞི་འཇོམས་མཛད་པ། །བཅོམ་ལྡན་སེདྒེ་དེ་ལ་འཕྱག་འཚལ་ལོ། །ཞེས་པས། འོ་སྐོལ་གྱི་སྟོན་པ་རྒྱལ་བ་ཡག་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་འདིས། ཐུགས་དང་པོ་ཁྱབ་ཆུབ་མཆོག་ཏུ་སེམས་རིན་
པོ་ཆེ་ཡངས་ཤིང་རྒྱ་ཆེ་བ་མི་དོག་ཅིང་ཕྱོགས་ཆ་མེད་པ་ཉེ་བར་དུ་བསྐྱེད་པའམ། བར་དུ་འཁོར་བ་དང། མྱང་ཅན་ལས་འདས་པའི་ཆོས་ཐམས་ཅད་བཟང་ངན་དང་བླང་དོར་མེད་པ་མཉམ་པ་ཉིད། ནམ་མཁའ་ལྟ་བུར་དག་ཅིང་དབྱེར་མེད་པའི་ངང་དུ་རྟོགས་པས། སྒྲིབ་གཉིས་ཚུལ་བཞིན་དུ་སྦྱངས། ཚོགས་གཉིས་བསགས་པས་ལམ་ལྔ་རྫོགས་ནས། ཐ་མ་ཆོས་སྐུ་ནམ་མཁའ་ལྟ་བུ་རྣམ་པར་མི་རྟོག་པའི་བདག་ཉིད་ཕྱི་ནང་ནང་སྣོད་བཅུད་ཀྱིས་བསྡུས་པའི་ཆོས་ཐམས་ཅད་ལ་ཁྱབ་པས། མི་རྟོག་བཞིན་སྔོན་གྱི་སྨོན་ལམ་གྱི་སྟོབས་ཀྱིས། མཛད་པ་བཅུ་གཉིས་སུ་བསྟན་ནས་མངོན་པར་རྫོགས་པར་སངས་རྒྱས་ཏེ། དཀོན་མཆོག་བརྩེགས་པ་བྱང་ཆུབ་སེམས་པའི་སྡེ་སྣོད་ལས། འོ་སྐོལ་གྱི་སྒོན་པ་འདི་དང་པོ་ལམ་ནི་མ་ཞུགས། །སྙིང་རྗེ་ཆེ་བ་ལ་སོགས་པ་བྱང་ཆུབ་སེམས་དཔའི་རིགས་ལ་གནས་པའི་དུས་སུ། ལས་ཀྱི་ལྷག་པ་བྱང་ཆུབ་སེམས་དཔའི་རིགས་ལ་གནས་པའི་དུས་སུ། ལས་ཀྱི་ལྷག་མ་འགའ་ཞིག་གིས་དམྱལ་བའི་གནས་སུ་གཤིན་རྗེའི་སྐྱེས་བུ་ཨ་ཝ་སྐྱོང་བ་ཞེས་བྱ་བའི་ལྕགས་སྲེག་གི་ས་གཞི་ལ་ཤིང་རྟ་འདྲེན་པའི་གྱད་དུ་སྐྱེས་པས། དེར་ཟླ་བོ་ལ་སྙིང་རྗེའི་སེམས་སྐྱེས་ཏེ། རྗེ་བོ་ལ་བོས་ནས་འདི་སྐད་དུ། སེམས་ཅན་འདི་རྣམས་ཀྱི་སྡུག་བསྔལ་ཚ་ཞིང་རྩུབ་པ་འདི་བདག་གཅིག་པོས་འཁུར་བས་ཅི་གནང་ཞེས་ཞུས་པ་དང། དེ་ལ་ཁོ་ཁྲོས་ཏེ། སྤྱིར་སེམས་ཅན་རང་རང་གི་ལས་ཀྱི་སྐལ་པ་ལ་སྤྱོད་པ་ལ་ཟེར་ནས། མགོ་ལ་ལྕགས་ཀྱི་ཐོ་ལུམ་འབར་བ་ཞིག་བརྒྱབ་པས། ཚེའི་དུས་བྱས་ཏེ། སུམ་ཅུ་རྩ་གསུམ་པའི་ལྷའི་བུ་གཟུགས་དང་རིགས་པྀཾན་སུམ་ཚོགས་པ་ཞིག་ཏུ་སྐྱེས་ཏེ། སེམས་བསྐྱེད་ལ་སྔ་བ་དེ་ཡིན། དེའི་གོ་བ་ཡང་སྙིང་
རྗེ་རང་པས་གཞན་གཅེས་པར་འཛིན་པའི་བློ་སྐྱེས་པས་སོ། །ངག་ཏུ་བརྗོད་པ་ཙམ་གྱིས་ཀྱང་མ་དག་པའི་ལས་བྱང་ནས། ལས་དག་པའི་འགོ་མ་དུས་དེ་ནས་འཇུས་པ་ཡིན་ནོ། །ལྷའི་ལུས་དེ་དག་ཤི་འཕོས་ནས་མིའི་ནང་དུ། རྫ་མཁན་སྤང་པ་འོད་ཀྱི་བུ་ཁྱེའུ་སྣང་བྱེད་དུ་སྐུ་སྐྱེ་བ་བཞེས་ཚུལ་ནི། བསྐལ་པ་གྲངས་མེད་པ་གསུམ་གྱི་སྔོན་རོལ་དུ། བསྐལ་པ་མཛེས་པར་སྣང་བ་ཞེས་བྱ་བ་ལ། གྲོང་ཁྱེར་ཆེན་པོ་བ་རུ་ན་ཞེས་བྱ་བར་སངས་རྒྱས་ཤཱཀྱ་ཐུབ་པ་ཆེན་པོ་ཞེས་བྱ་བ། ད་ལྟའི་སྟོན་པ་འདི་ལྟ་བུ་ཁོ་ན་ཞིག་བྱོན་ཏེ། གྲོང་ཁྱེར་གྱི་དབུས་ན་ཆོས་སྟོན་ཏེ། དེའི་དུས་ན་ཡང་སྙིགས་མ་ལྔ་དང་ལྡན་པ་ཚེ་ལོ་བརྒྱ་པ་ལུས་ཚད་ཆུང་པའི་དུས་ཡིན་པས་སངས་རྒྱས་དེ་ཡང་ཚུལ་མཐུན་པ་ལུས་ཚད་ཆུང་པའི་དུས་ཡིན་པས་སངས་རྒྱས་དེ་ཡང་ཚུལ་མཐུན་པར་སྐྱེས་སོ། །འཁོར་འདུས་པའི་དང་པོ་ནི་དགེ་སློང་ཆོས་སྨྲ་བའི་རྒྱལ་པོ་ཞེས་བྱ་བར། འཕགས་པ་འཇམ་དཔལ་འདི་སྐྱེས་ཏེ། དེ་ལ་ཏིང་ངེ་འཛིན་མངའ་བས་ཏིང་ངེ་འཛིན་ལ་མཉམ་པར་བཞག་སྟེ། ད་ལྟ་སུ་དང་སུ་ཞིག་དར། སུ་དང་སུ་ཞིག་ནི་རྒུད། སུ་དང་སུ་ཞིག་ནི་སངས་རྒྱས་ཀྱི་སྣོད་དུ་འདུག སུ་དང་སུ་ཞིག་ནི་དམྱལ་བར་འགྲོ་མངོན་པས་ཤེས་པས་བལྟས་པས་གྲོང་ཁྱེར་དེའི་མཐའ་ན་རིགས་ངན་རྫ་མཁན་གྱི་བུ་སྣང་བྱེད་ལ་སངས་རྒྱས་ཀྱི་སྣོད་དུ་འདུག་པར་མཐོང་ནས། དེ་གདུལ་བའི་དོན་དུ་དགེ་སློང་དེས། གྲོང་ཁྱེར་དུ་བསོད་སྙོམ་བླངས་ནས་འབྲས་ཆན་ལྷུང་བཟེད་གང་ཐོགས་ཏེ། རྫ་མཁན་དེའི་དྲུང་དུ་ཕར་ཕྱིན་པ་དང། ཕ་མ་རྫ་བྱེད་དུ་སོང། ཁོ་རྩེད་མོ་རྩེ་བ་དང་འཕྲད་དེ། སྣང་བྱེད་དེས་དགེ་སློང་དེའི་མདུན་དུ་ཕྱིན་ནས། བཙུན་པའི་ལག་
གི་དེ་ཅི་ཡིན་ཞེས་དྲིས་པ་དང། དེར་ཆོས་སྨྲ་བའི་རྒྱལ་པོས། འདི་ནི་ཁ་ཟས་རོ་མཆོག་བརྒྱ་དང་ལྡན་པའོ། །ཞེས་པ་དང། འོ་ན་ང་ལ་གནང་དང་ཞེས་པས། བྱིན་གྱིས་བརླབས་ནས་བྱིན་པས། དེར་དེ་རོ་ལ་ཆགས་པ་དང། ལྟོགས་ཕྲུག་ཏུ་སོང་བས་ཤིན་ཏུ་བཀྲེས་ནས་ཁོའི་ཕྱིར་འབྲངས་སྐད། དེར་དེ་ཤཱཀྱ་ཐུབ་པའི་ཕོ་བྲང་དེར་འགྲོ་བ་ལ་ལོ་བཅུ་གཉིས་ཙམ་འགོར་བ་ཡིན་པ་ལ། འཕགས་པ་ཐུགས་རྗེ་ཆེ་བ་དང། སྣང་བྱེད་ལས་དག་པས། སྐྱེས་བུ་ལག་པ་བརྐྱང་པ་ལས་བསྐུམས་པ་ཙམ་ལ་སླེབས་སྐད། དེར་དགེ་སློང་གི་རྫུལ་འཕྲུལ་གྱིས་གྲོང་ཁྱེར་དབུས་སུ་ཉེ་བར་ཕྱིན་པ་དང། དེས་སངས་རྒྱས་མཐོང་བ་དང། ཡ་མཚན་སྐྱེས་དེ་འདི་ཅི་ཡིན་ཟེར། བཙུན་པ་ཡིན་ཞེས་པ་དང། འདི་ནི་སངས་རྒྱས་སོ། །འདི་ཅི་ལས་བྱུང། སེམས་བསྐྱེད་ཚོགས་བསགས་པ་ལས་བྱུང་བའོ། །ང་ལ་འོངས་ངམ་ཞེས་པ་ལ། སེམས་བསྐྱེད་ན་འོང་ཞེས་སོ། །དེར་ཁོ་དད་དེ་འབྲས་ཆན་ལྷུང་བཟེད་གང་པོ་དེ་འབུལ་དུ་བཅུག་ནས་སེམས་བསྐྱེད་དོ། །དེ་ནས་རྫ་མཁན་བཟའ་མིས་བུ་སྟོར་ཏེ་གང་ནས་ཀྱང་མ་རྙེད་པ་ལ། དེ་ནས་གྲོང་གི་བདུས་ནས་རྙེད་དོ། །དེ་ནས་སྣང་བྱེད་ཀྱིས་རབ་ཏུ་བྱུང་བར་ཞུས་པ་དང། ཕ་མས་ཀྱང་གནས་ནས། དེ་རབ་ཏུ་བྱུང་བར་གསོལ་ཏེ་ཞུ་བ་ཕུལ་ཅིག་ཟེར་རོ། །དེ་སྐད་དུ་ཞུས་པས་སངས་རྒྱས་ཀྱིས་གནང་སྟེ། དགེ་སློང་ཚུར་ཤོག་ཅེས་པ་དང། སྐྲ་དང་ཁ་སྤུ་རང་བྱིན་ནས་ངུར་སྨིག་གོན་པའི་དགེ་སློང་དུ་གྱུར་ཏེ། འབྲས་ཆན་ལྷུན་བཟེད་གང་ལ་བརྟེན་ནས་སེམས་བསྐྱེད་པའོ། །སྣང་བྱེད་ཀྱིས་འགྲོན་བུ་ལྔ། མཆིལ་ལྷམ་ཟུང་གཅིག །རས་ཀ་ཤི་ཀའི་གདུགས་གཅིག རྫ་བུམ་སོ་བཏང་བ་
གཅིག་ཆུས་བཀང་ནས་ཕུལ་ཏེ། སེམས་བསྐྱེད་ནས་སྨོན་ལམ་བཏབ་སྟེ། སྦྱིན་པ་རྒྱ་ཆེན་གྱུར་པ་འདི་ཡིས་སུ། །འགྲོ་བ་རང་བྱུང་སངས་རྒྱ་གྱུར་ནས་ཀྱང། །སྔོན་གྱི་རྒྱལ་བ་རྣམས་ཀྱིས་མ་བསྒལ་བའི། །སྐྱེ་བོའི་ཚོགས་རྣམས་བདག་གིས་བསྒྲལ་བར་བགྱི། །ཞེས་དང། བདག་གི་དགེ་བའི་རྩ་བ་འདིས། བདག་ནམ་ཞིག་ཞི་བ་དག་པར་སངས་རྒྱས་ཏེ། སེམས་ཅན་མ་དག་པའི་དོན་བྱེད་པར་གྱུར་ཅིག་མིང་ཡང་ད་ལྟར་གྱི་སངས་རྒྱས་འདི་ཁོ་ན་འདྲ་བའི་ཤཱཀྱ་ཐུབ་པ་ཞེས་བྱ་བར་གྱུར་ཅིག ཅེས་སྨོན་ལམ་བཏབ་བོ། །བསྐལ་བཟང་ནས། སྨན་པོ་ཡོན་ཅན་བཤེས་གཉེན་བུར་གྱུར་ཏེ། །འབྲས་ཆན་ཕུལ་ནས་སྨོན་ལམ་བཏབ་པ་ནི། །དེ་བཞིན་གཤེགས་པ་ཁྱེད་སྐུ་ཅི་འདྲ་དང། །འཁོར་དང་སྐུ་ཚེའི་ཚད་དང་ཞིང་ཁམས་དང། །ཁྱོད་ཀྱི་མཚན་མཆོག་བཟང་པོ་ནི་འདྲ་བ། དེ་འདྲ་ཁོ་ནར་བདག་ཀྱང་འགྱུར་བར་ཤོག །ཅེས་སྨོན་ལམ་ཡང་དེ་དེ་དང་མཐུན་པར་བཏབ་སྟེ། །བདེ་གཤེགས་ཤཱཀྱ་ཐུབ་པ་ཆེན་པོ་ལ། འཇམ་ཞལ་གང་ནི་དབུལ་བ་བྱས་ནས་ཀྱང། །དང་པོ་བྱང་ཆུབ་མཆོག་ཏུ་སེམས་བསྐྱེད་དོ། །ཞེས་པས་མངོན་ནོ། །དང་པོ་བྱང་ཆུབ་མཆོག་ཏུ་སེམས་བསྐྱེད་དོ། །ཞེས་པས་མངོན་ནོ། །ཐེག་པ་ཆེན་པོའི་མདོ་ཀ་ཅིག་ན། ཤཱཀྱ་ཐུབ་པ་འདི་སྔོན་རྒྱལ་བུ་བཙོན་འགྲུས་སྤྱོད་དུ་སྐྱེ་ནས། སངས་རྒྱས་འོད་འཕྲོའི་ཕུང་པོ་བྱ་བ་བྱུང་བ་ལ་སེམས་བསྐྱེད་པ་ཡིན་ཟེར་རོ། །བར་དུ་བསྐལ་པ་གྲངས་མེད་པ་གསུམ་མམ་སུམ་ཅུ་རྩ་གསུམ་དུ། ཉོན་མོངས་པའི་སྒྲིབ་པ་དང། ཤེས་བྱའི་སྒྲིབ་པའི་གཉེན་པོར། ཚོགས་རྣམ་པར་གཉིས་ཇི་ལྟར་བསགས་ཞེ་ན། གཞུང་ལས། གྲངས་མེད་གསུམ།
གྱི་བར་དུ་ཚོགས་བསགས་པས། ས་ནི་དང་པོ་བརྒྱ་པ་བཅུ་པར་ནོན། །ས་བཅུ་བྱང་ཆུབ་སེམས་དཔའི་སྟོན་པ་མཛད། །ཞེས་པ་སྟེ། དེ་ལ་ཡག་གྲངས་མེད་པ་གསུམ་དུ་ཕ་རོལ་ཏུ་ཕྱིན་པ་དྲུག་གི་དཀའ་བ་སྤྱད་པ་དང། སངས་རྒྱས་ཇི་སྙེད་པ་ལ་བསྙེན་བཀུར་བྱས་པའི་ཚུལ་མོ། །དེ་ཡང་ཕ་རོལ་ཕྱིན་དྲུག་སྤྱད་ལུགས་ནི། བྱང་ཆུབ་སེམས་དཔའ་དུད་འགྲོར་སྐྱེས་ནས་སེམས་ཅན་རྣམས་ལ་མགོ་ལ་སོགས་པ་བཏག་བས་སྦྱིན་པ་རྫོགས་པར་མཛད་དོ། །རྒྱ་མཚོའི་ཚོང་པར་སྐྱེས་པའི་ཚེ་མགོ་དང་ཡན་ལག་བཅད་ཀྱང་སེམས་མི་འཁྲུག་པས་ཚུལ་ཁྲིམས་རྫོགས། སྨན་ཆེན་བློབ་པོར་སྐྱེས་པའི་དུས་སུ་བསམ་གཏན་དང། དོན་གྲུབ་ཏུ་སྐྱེ་བ་བཞེས་པའི་དུས་སུ་ཤེས་རབ་རྫོགས་པར་བྱས་པ་ཏེ། མདོ་ལས་ཀྱང། ཀུན་ལ་ལྷག་པར་སྙིང་བརྩེ་བས། །སྦྱིན་སོགས་ཕ་རོལ་ཕྱིན་རྫོགས་བྱས། །ཞེས་སོ། །སངས་རྒྱས་ཇི་སྙེད་ལ་བསྙེན་བཀུར་བྱས་ཚུལ་ནི། དང་པོ་ཤཱཀྱ་ཐུབ་པ་ནས་བཟུང་སྟེ། སངས་རྒྱས་ཡུལ་འཁོར་སྐྱོང་གི་བར། སངས་རྒྱས་བདུན་ཁྲི་ལྔ་སྟོང་ལ་བསྙེན་བཀུར་ཞིང། བསྐལ་པ་གྲངས་མེད་པར་ཚོགས་བསགས་ཏེ་གྲངས་མེད་པ་དག་པོ་རྫོགས་ཏེ། ལུང་ལས། སངས་
རྒྱས་ཤཱཀྱ་ཐུབ་པ་ནས། །འདྲེན་པ་ཡུལ་འཁོར་སྐྱོང་་བར། །བདུན་ཁྲི་ལྔ་སྟོང་ཚང་བ་ཡི། །སངས་རྒྱས་རྣམས་ནི་ངས་མཆོད་དོ། །ཞེས་སོ། །དེ་ནས་སངས་རྒྱས་ལེགས་མཛད་ནས་བཟུང་སྟེ་དབང་པོ་རྒྱལ་མཚན་གྱི་བར་དུ་བདུན་ཁྲི་དྲུག་སྟོང་བསྙེན་བཀུར་ཞིང་གྲངས་མེད་པ་གཉིས་རྫོགས་པར་བྱས་སོ། །ལུང་ལས། སངས་རྒྱས་ལེགས་མཛད་ནས་བཟུང་སྟེ། །དབང་པོ་རྒྱལ་མཚན་ཐུབ་པའི་བར། །བདུན་ཁྲི་དྲུག་སྟོང་ཚང་བ་ཡི། །སངས་རྒྱས་རྣམས་ནི་ངས་མཆོད་དོ། །ཞེས་སོ། །དེ་ནས་མར་མེ་མཛད་ནས་འོད་སྲུང་གི་བར་བདུན་ཁྲི་བདུན་སྟོང་བསྙེན་བཀུར་ཞིང་གྲངས་མེད་གསུམ་རྫོགས་པར་བྱས་ཏེ། ལུང་ལས། སངས་རྒྱས་མར་མེ་མཛད་ནས་ནི། །སངས་རྒྱས་འོད་རྣམས་ནི་ངས་མཆོད་དོ། །ཞེས་སོ། །མར་མེ་མཛད་ནས་རིན་ཆེན་གཙུག་ཏོར་ཅན་ཡན་ཆད་ཀྱིས་གྲངས་མེད་དང་པོ་རྫོགས་སོ། །དེ་ནས་མར་མེ་མཛད་ཡན་ཆད་སྐྱེས་གཉིས་པ་རྫོགས་སོ། །དེ་ནས་རྣམཔར་གཟིགས་ཡན་ཆད་ཀྱིས་གསུམ་པ་རྫོགས་པས་བཤད་དེ། །རྣམ་གཟིགས་མར་མེ་རིན་ཆེན་གཙུག །གྲངས་མེད་གསུམ་གྱི་ཐ་མར་བྱུང། །དང་པོ་ཤཱཀྱ་ཐུབ་པ་ཡིན། །ཞེས་སོ། །དེ་ཐེག་པ་ཆེན་པོ་ལྟར་ན། ཤཱཀ་ཐུབ་ཀྱི་རྗེས་ལ་རྣམ་པར་གཟིཊ་བྱོན། བྲམ་ཟེའི་ཁྱེའུ་ཤཱཀྱའུ་སྐྱེས། ས་དང་པོ་ནོན། མར་མེ་མཛད་བར་དུ་སྟེ་བྲམ་ཟེ་ཆོས་ཀྱི་སྤྲིན་དུ་སྐྱེས། ས་བརྒྱད་པ་ནོན། གཙུག་ཏོར་ཅན་ཐ་མར་སྐྱེས་ཏེ་བྲམ་ཟེ་སེར་སྐྱར་སྐྱེས། ས་བཅུ་པ་
ནོན། དེ་ཡང་སངས་རྒྱས་རྣམ་པར་གཟིགས་ནི་འདི་ནས་བསྐལ་པ་དགུ་བཅུ་རྩ་གཅིག་གི་གོང་སྐྱེ་རྒུའི་ཚེ་ལོ་བརྒྱད་ཁྲི་པ་ལ་བྱོན་ཏེ། བསྐལ་བཟང་སྟོང་གི་དགེ་སློང་སྟོང་དུ་སྐྱེས་ནས་ཚངས་པར་སྤྱོད་པ་སྤྱད་དེ། དེ་དག་བསྐལ་པ་བཟང་པོ་ལ་སངས་རྒྱ་བར་ལུང་བསྟན། ཁྱད་པར་དུ་ཤཱཀ་ཐུབ་འདི་བྲམ་ཟེ་ཤཱཀྱར་སྐྱེས་ལུགས་བསྟན། ཁྱིམ་བདག་བློ་གྲོས་ལྡན་ཞེས་པ་ཡང་རྩཱ་འཚོང་བཀྲ་ཤིས་སུ་གྱུར་ཏོ། །དེ་ལ་སོགས་པ་སངས་རྒྱས་བདུན་ཁྱི་ལྔ་འཚོང་བཀྲ་ཤིས་སུ་གྱུར་ཏོ། །དེ་ལ་སོགས་པ་སངས་རྒྱས་བདུན་ཁྲི་ལྔ་སྟོང་དཔག་ཏུ་མེད་པ་ནས། རྣམ་པར་གཟིགས་ཀྱི་བར་དུ་བསྙེན་བཀུར་བས། དག་པའི་ས་གསུམ་རྫོགས་ནས་གྲངས་མེད་པ་གསུམ་པ་རྫོགས་ཏེ། མཐར་ཕྱིན་པའི་ལམ་བགྲོད་ནས་ས་བཅུ་པ་དག་ནོན་ཏེ། དེ་ནས་ཟད་པར་མེ་ལ་གནས་ནས། དེ་བཞིན་གཤེགས་པ་སྐར་རྒྱལ་ལ་བསྟོད་དེ། དཀའ་ཐུབ་བརྟེན་ནས་གྲོང་ཁྱེར་ཉེར་ལྡན་དུའོ། །དེ་ནས་ཐ་མར་སངས་རྒྱས་འོད་སྲུང་གི་དུས་སུ་བྲམ་ཟེའི་ཁྱེའུ་བླ་མར་གྱུར་ཏེ། བསྐལ་པ་གཅིག་གི་བར་དུ་ཚོགས་བསྒྲུབས་ནས་ས་ལས་ཐམས་ཅད་མཐའ་ཕྱིན་པ་བྱས་ཏེ་ཚོགས་ལམ་ཐམས་ཅད་རྫོགས་པས། གྲངས་མེད་གསུམ་གྱི་བར་དུ་ཚོགས་ལམ་ཐམས་ཅད་རྫོགས་པས། གྲངས་མེད་གསུམ་གྱི་བར་དུ་ཚོགས་བསགས་ནས་ཞེས་པའོ། །ཐེག་ཆུང་གི་མདོ་ཁ་ཅིག་ནས། །དེ་ལྟར་གྲངས་མེད་གསུམ་གྱིས་སངས་རྒྱས་མི་ཐོབ་སྟེ། སུམ་ཅུ་རྩ་དྲུག་འགོར་ཟེར། དེ་ཡང་ཚོགས་ལམ་སྦྱོར་ལམ་གཉིས་གྲངས་མེད་གསུམ་གསུམ་སྟེ་དྲུག དེ་ནས་ས་དང་པོ་ནས་ས་བཅུ་པའི་བར་དུ་ས་རེ་རེ་ལ་གྲངས་མེད་གསུམ་གསུམ་འགོར་བའི་སུམ་ཅུ་རྩ་དྲུག་ནས་སངས་རྒྱས་ཟེར་བ་ཡོད། དེ་ལ་སོགས་ཏེ་ཚོགས་བསགས་པའི་ཡུན་ནི་གསུང་རབ་རྣམས་ནས་མི་འདྲ་བ་དུ་མ་
འབྱུང་སྟེ། བསྐལ་པ་གྲངས་མེད་གསུམ་དང། བདུན་དང། བཅུ་དང། སུམ་ཅུ་རྩ་དྲུག་ལ་སོགས་པ་བཤད་ལ། བཅུ་གསུམ་དུ་བཤད་པའང་ཡོད་གསུངས་སོ། །དེ་ལ་གྲངས་མེད་གསུམ་ནི་གསུང་རབ་ཕལ་ཆེར་ལས་འབྱུང་ཞིང། གྲངས་མེད་ཀྱི་དོན་ཡང། མངོན་པ་མཛོད་ཀྱི་འགྲེལ་པ་དང། ཐུབ་པ་དགོངས་རྒྱན་ལ་སོགས་མང་པོ་ནས། བགྲང་པ་ལས་འདས་པའི་གྲངས་མེད་པ་མ་ཡིན་གྱི། གྲངས་ཀྱི་གནས་གཞན་དྲུག་ཅུ་བརྩིས་པའི་གྲངས་མེད་པ་ལ་བཞེད་ལ། གྲངས་ནི་གཅིག བཅུ། བརྒྱ། སྟོང། ཁྲི། འབུམ། ས་ཡ། བྱེ་བ། དུང་ཕྱུར། རྐྱང་པ་ཡིན་པར་ཤེས་པར་བྱ། གྲངས་ཀྱི་གནས་གཞན་འདི། ཐམས་ཅད་མཁྱེན་པ་བུ་སྟོན་རིན་པོ་ཆེའི་ཆོས་འབྱུང་གི་གྲངས་ཀྱི་གནས་གཞན་དང་དགོངས་པ་མི་གཅིག་པ་རེ་གཉིས་འདུག་ཀྱང། འདིར་ནི་འདི་གཙོ་བོ་ཆེ་བར་བྱས་སོ། །ཐེར་འབུམ་དང། ཐེར་འབུམ་ཆེ་པོ། ཁྲག་ཁྲིག་དང། ཁྲག་ཁྲིག་ཆེན་པོ། རབ་བཀྲམ་དང། རབ་བཀྲམ་ཆེན་པོ། གཏམ་ཁྲིག་དང། གཏམ་ཁྲིག་ཆེན་པོ། མི་འཁྲུག་དང། མི་འཁྲུག་ཆེན་པོ། གཏམ་ཁྲིག་ཆེན་པོ། མི་འཁྲུག་དང། མི་འཁྲུག་ཆེན་པོ། ཁྱད་སྦྱིན་དང། ཁྱད་སྦྱིན་ཆེན་པོ། སྤང་སྟེང་དང། སྤང་སྟེང་ཆེན་པོ། དེད་འདྲེན་དང། དེད་འདྲེན་ཆེན་པོ། མཐའ་སྣང་དང། མཐའ་སྣང་ཆེན་པོ། རྒྱུ་རིགས་དང། རྒྱུ་རིགས་ཆེན་པོ། འོད་མཛེས་དང། འོད་མཛེས་ཆེན་པོ། རྒྱུ་རིགས་དང། རྒྱུ་རིགས་ཆེན་པོ། འོད་མཛེས་དང། འོད་མཛེས་ཆེན་པོ། དབང་པོ་དང། དབང་པོ་ཆེན་པོ། ལེགས་སྦྱིན་དང། ལེགས་སྦྱིན་ཆེན་པོ། རྟོགས་འགྲོ་དང། རྟོགས་འགྲོ་ཆེན་པོ། འབྱིན་རྡུལ་དང། འབྱིན་རྡུལ་ཆེན་པོ། རྒྱ་རྟགས་དང། རྒྱ་རྟགས་ཆེན་པོ། སྟོབས་འཁོར་དང། སྟོབས་འཁོར་ཆེན་པོ།
བརྡ་ཤེས་དང། བརྡ་ཤེས་ཆེན་པོ། རྣམ་འབྱུང་དང། རྣམ་འབྱུང་ཆེན་པོ། ར་རྟ་དང། ར་རྟ་ཆེན་པོ། སྟོབས་མིག་དང། སྟོབས་མིག་ཆེན་པོ།། ཁྱད་ཁྱུད་དང། ཁྱད་ཁྱུད་ཆེན་པོ། མྱལ་མྱུལ་དང། མྱལ་མྱུལ་ཆེན་པོ། འལ་འོལ་དང། འལ་འོལ་ཆེན་པོ། ཆད་ཆོད་དང། ཆད་ཆོད་ཆེན་པོ། མཐར་ནི་གྲངས་མེད་ཅིས་བྱའོ། །དེ་ལ་བརྩོན་འགྲུས་མྱུར་བ་བསྐལ་པ་གྲངས་མེད་གསུམ་ན་སངས་རྒྱས་ཏེ། དེ་ལ་ལམ་ཚོགས་སྦྱོར་གཉིས་ལ་གྲངས་མེད་གཅིག་ས་ས་དང་པོ་ནས་བདུན་པའི་བར་ལ་གྲངས་མེད་གཅིག །ས་བརྒྱད་པ་ནས་སངས་རྒྱས་ཀྱི་སའི་བར་ལ་གྲངས་མེད་གཅིག་སྟེ། དེ་ལྟར་བསྐལ་པ་གྲངས་མེད་པ་གསུམ་ནས་ས་ལམ་མཐར་ཕྱིན་པ་ཡིན་ཏེ། ས་ལའང་གསུམ་སྟེ། ངོ་བོ་ངེས་ཚིག་དབྱེ་བའོ། །ངོ་བོ་ནི་གནས་ཤིང་བརྟན་པས་ན་ས་ཞེས་བྱའོ། །ངེས་ཚིག་ནི་ཤ་བཅུའི་དང་པོ་ལ་སེམས་ཅན་གྱི་དོན་བསྒྲུབ་པ་ལ་རབ་ཏུ་དགའ་བས་ན། རབ་ཏུ་དགའ་བའི་ས་ཞེས་པ་ལ་སོགས་པའོ། །དབྱེ་ན་གསུམ་སྟེ། སོ་སོ་སྐྱེ་བོའི་ས། བྱང་ཆུབ་སེམས་པའི་ས། སངས་རྒྱས་ཀྱི་སའོ། །དང་པོ་ལ་གསུམ། མོས་པ་ལ་སྤྱོད་པའི་ས། སངས་རྒྱས་ཀྱི་སའོ། །དང་པོ་ལ་གསུམ། མོས་པ་ལ་སྤྱོད་པའི་ས། ཚོགས་ལམ་གྱི་ས། སྦྱོར་ལམ་གྱི་སའོ། །དེ་གསུམ་གྱི་ངེས་ཚིག་ནི། སྨོན་པའི་སེམས་སྔོན་དུ་བཏང་ནས་མོས་པས་སྤྱོད་པས་མོས་སྤྱོད་པ། ཚོགས་ལམ་ནི་མི་དགེ་བ་བོར་ཏེ། ལུས་ངག་ཡིད་གསུམ་གྱི་སྒོ་ནས་དགེ་བའི་བཤེས་གཉེན་ལ་ཐོས་པ་་བྱས་ཏེ་ཚོགས་གསོག་པའོ། །སྦྱོར་ལམ་ནི། བླ་མའི་གདམས་པ་ལ་བརྟེན་ནས་ཆོས་ཅན་མཚན་མ་ཅན་ལ། ཆོས་ཉིད་མཚན་མེད་སྦྱོར་བས་སྦྱོར་ལམ་ཞེས་པའོ། །བྱང་ཆུབ་སེམས་པའི་ས་ལ་
བཅུ་སྟེ། ས་དང་པོ་རབ་ཏུ་དགའ་བ་ནས། ཆོས་ཀྱི་སྤྱིན་གྱི་བར་དུའོ། །སངས་རྒྱས་ཀྱི་ས་ལ་གསུམ་སྟེ། ཀུན་དུ་འོད་དང། པདྨའི་སྤྱན་དང། ཡི་གེའི་འཁོར་ལོའི་སའོ། །དེ་ལ་ཀུན་ཏུ་འོད་ནི་དབྱིངས་དང་ཡེ་ཤེས་གཉིས་སུ་མེད་པའི་འབྲས་བུ་ཆོས་ཀྱི་སྐུའོ། །པདྨའི་སྤྱན་ནི་ཆོས་ཀྱི་སྐུའི་ངང་ལས་སྤྲུལ་པའི་སྐུ་སྣ་ཚོགས་མི་འགག་པས་ལོངས་སྐུའོ། །ཡི་གེའི་འཁོར་ལོའི་ཚོགས་ཆེན་གྱི་ས་ནི་དཔའོ་འབྲུ་ལྔ་ལྟ་བུས་མཚོན་ནས་གདུལ་བྱ་ཇི་ལྟར་བྱུང་བ་འདུལ་བའི་སྤྲུལ་པའི་སྐུར་འབྱུང་བའོ། །ད་ནི་ལམ་བསྟན་པར་བྱ་སྟེ། དེ་ཡང་ངོ་བོ་ངེས་ཚིག་དབྱེ་བའོ། །ངོ་བོ་ནི་བགྲོད་པར་བྱས་པས་ན་ལམ་མོ། །ངེས་ཚིག་ནི་དེ་ལ་བརྟེན་ནས་འགྲོ་བས་སོ། །ལམ་ལ་དབྱེ་ན་ལྔ་སྟེ། ཚོགས་ལམ། སྦྱོར་ལམ། མཐོང་ལམ། སྒོམ་ལམ། མཐར་ཕྱིན་པའི་ལམ་མོ། །ཚོགས་ལམ་ལ་བཅུ་གཉིས་ཏེ། དྲན་པ་ཉེ་བར་བཞག་པ་བཞི། ཡང་དག་པར་སྤོང་བ་བཞི། རྫུ་འཕྲུལ་གྱི་རྐང་པ་བཞིའོ། །དེ་ཅིའི་ཕྱིར་ཚོགས་ལམ་ཞེ་ན། ལུས་ངག་ཡིད་གསུམ་གྱི་སྒོ་ནས་དགེ་བའི་ལས་དུ་མ་བྱེད་ཅིང་ཚོཊ་གསོག་པའི་ཕྱིར་རོ། །སྦྱོར་ལམ་ལ་བཅུ་སྟེ། དབང་པོ་ལྔ་དང་སྟོབས་ལྔའོ། །ཅིའི་ཕྱིར་སྦྱོར་ལམ་ཞེ་ན། དྲོད་རྩེ་མོ་བཟོད་པ་ཆོས་མཆོག་ནས་ནམ་མཐོང་ལམ་ལ་སྦྱོར་བས་ན་སྦྱོར་ལམ་མོ། །དེ་ཡང་བཟུང་བ་རང་བཞིན་མེད་པས་དྲོད། དེ་ལ་ཡིད་ཆེས་པས་རྩེ་མོ། །འཛིན་པ་རང་བཞིན་མེད་པས་བཟོད་པ། དེ་ལ་ཡིད་ཆེས་པས་འཇིག་རྟེན་ཆོས་མཆོག་གོ།
མཐོང་ལམ་ལ་བདུན་ཏེ། བྱང་ཆུབ་ཀྱི་ཡན་ལག་བདུན་ནོ། །དེ་ལ་ཅིའི་ཕྱིར་མཐོང་ལམ་ཞེ་ན། སྔར་མ་མཐོང་བའི་དོན་མཐོང་བས་མཐོང་ལམ་ཞེས་བྱ་སྟེ། ཅི་མཐོང་ཞེ་ན། ཐོས་ཐམས་ཅད་ནམ་མཁའི་དཀྱིལ་ལྟར་མཐོང་བས་སོ། །སྒོམ་པའི་ལམ་འཕགས་པའི་ལམ་ཡན་ལག་བརྒྱད་པ་དེ་ལ། ཅིའི་ཕྱིར་སྒོམ་ལམ་ཞེ་ན། ཆོས་ཉིད་མཐོང་བའི་དོན་དེ་ལ་ཡང་ནས་ཡང་དུ་གོམས་ཤིང་འདྲིས་པར་བྱེད་པས་ན། སྒོམ་ལམ་ཞེས་བྱའོ། །མཐར་ཕྱིན་པའི་ལམ་ནི་ས་དགུ་པ་ནས་ས་བཅུ་པའི་བར་ཏེ། ཅིའི་ཕྱིར་མཐར་ཕྱིན་ཞེ་ན། བདག་གཞན་གཉིས་ཀྱི་དོན་མཐའ་ཕྱིན་པའི་ལམ་ཞེས་བྱའོ། །དེ་ལྟར་བསྟན་པའི་བདག་པོ་ཐུབ་པའི་དབང་པོ་འདིས། དང་པོར་ཐུགས་བསྐྱེད་ཅིང་ཚོགས་བསགས་ལམ་ལེགས་པར་མཐར་ཕྱིན། འབྲས་བུ་མངོན་པར་རྫོགས་པར་སངས་རྒྱས་པ་ནི་འབྲས་བུ་སྐུ་གསུམ་གྱི་ཚུལ་ཏེ། དེ་ཡང་ཆོས་སྐུ་དང། ལོངས་སྐུར་སངས་རྒྱས་པའི་གནས་ནི་འོག་མིན་ཡིན་ལ། འཛམ་བུའི་གླིང་དུ་ནི་སྤྲུལ་པའི་སྐུར་སངས་རྒྱས་པའི་ཚུལ་བསྟན་པའོ། །འདི་ལའང། རྒྱུ་མཚན་ཉིད་ཀྱི་ཐེག་པ་དང། འབྲས་བུ་སྔགས་ཀྱི་ཐེག་པའི་ལུགས་གཉིས་སོ། །མཐན་ཉིད་ཐེག་པ་ལ་ཡང། ཐེག་ཆུང་དང་མཚན་ཉིད་ཐེག་པ་ཆེན་པའོ། །དེ་ལ་ཐེག་པ་ཆུང་བ་ནི། རྒྱལ་པོ་དོན་ཐམས་ཅད་གྲུབ་སྟེ། ས་བཅུ་རང་རྒྱུད་པ་གཅིག་འོག་མིན་ནམ། རྡོ་རྗེ་གདན་དུ་སངས་རྒྱས་པར་འདོད་དོ། །ཐེག་པ་ཆེན་པོ་ནི། རྒྱལ་བ་འདི་བསྐལ་པ་གྲངས་མེད་པའི་སྔོལ་རོལ་དུ་སངས་རྒྱས་ཟིནན་
པར་འདོད་དེ། མདོ་སྡེ་པདྨ་དཀར་པོ་ལས། རིགས་ཀྱི་བུ་ང་ནི་བསྐལ་པ་བྱེ་བ་ཁྲག་ཁྲིག་མང་པོ་འདས་པའི་སྔོན་རོལ་དུ་སངས་རྒྱས་སོ་ཞེས་པ་དང། མདོ་ཡབ་སྲས་མཇལ་བ་ལས། ཤཱཀ་ཐུབ་ནི་སྔོན་བསྐལ་པ་དཔག་ཏུ་མེད་པའི་སྔོན་རོལ་དུ་དེ་བཞིན་གཤེགས་པ་དབང་པོའི་ཏོག་ཅེས་བྱ་བར་སངས་རྒྱས་ཟིན་ནས། ཕྱིས་ཀྱང་སངས་རྒྱས་ཀྱི་འཕྲིན་ལས་མཛད་པའི་ཕྱིར། སངས་རྒྱས་ཚུལ་བསྟན་ཡེ། དེ་སྐད་དུའང། བྱེ་བ་བརྒྱ་ཏུ་རུ་རྒྱལ་བ་འདིས། །སངས་རྒྱས་ཉིད་དུ་བསྟན་གྱུར་ཀྱང། །ད་དུང་ཆོག་པའི་འདུ་ཤེས་མེད། །སླར་ཡང་བྱང་ཆུབ་ཐུགས་ཀྱང་འཇུག་ཅེས་སོ། །འབྲས་བུ་སྔགས་ཀྱི་ཐེག་པ་ལ་ཡང་གཉིས་ཏེ། སྔགས་ཀྱི་ཕྱི་རྒྱུད་དང། ནང་རྒྱུད་དོ། །ཕྱི་པ་རྣལ་འབྱོར་རྒྱུད་ཀྱི་ལུགས་ནི། ཆོས་སྐུ་དང་ལོངས་སྐྱུ་ནི་སངས་རྒྱས་ཡིན་ལ། སྤྲུལ་སྐུ་ནི་སངས་རྒྱས་སུ་མི་བཞེད་དོ། །དེ་བས་ན་ལོངས་སྐུ་ནི་འདོད་པའི་ཁམས་སུ་སངས་མི་རྒྱལ་ཞིང། སྐྱེ་བའི་སྲིད་པ་ཡང་མི་བཞེད་དེ། གཟུགས་ཀྱི་ཁམས་ཀྱི་སྟུག་པོ་བཀོད་པ་དེ་ཉིད་དུ་སངས་རྒྱས་ཤིང། སྐྱེ་བའི་སྲིད་པའང་དེ་ཉིད་དུ་བཞེད་པར་བཤད་དོ། །དེ་ཁོ་ན་ཉིད་རྣལ་འབྱོར་གྱི་རྒྱུད་ལས། འདོད་པའི་ཁམས་དང་གཟུགས་མེད་དུ། །སངས་རྒྱས་རྣམཔར་སངས་མི་རྒྱ། གཟུགས་ཀྱི་ཁམས་ཀྱི་འོས་མིན་དུ། །འདོད་ཆགས་བྲལ་ཁྱོད་སངས་རྒྱ་འོ། །ཞེས་སོ། །འོ་ན་འཛམ་བུ་གླིང་ཆུ་བོ་ནཻར་ཉྫནའི་ཆུ་བྱེ་མ་ཅན་ནམ་གསེག་མ་ཅན་དྲུང་དུ་དཀར་ཐུབ་སྤྱད་ནས། མཐའ་བྱང་ཆུབ་ཀྱི་ཤིང་གི་དྲུང་དུ་སྲོད་ལ་བདུད་བཏུལ་ནས་ཐོ་རངས་མངོན་པར་རྫོགས་
པར་སངས་རྒྱས་པ་དང་འགལ་ལོ་སྙམ་ན། མི་འགལ་ཏེ། དཀའ་ཐུབ་ཀྱི་ངང་ཀེ་ཉིད་ནས་འོག་མིན་དུ་བྱོན་ཏེ། དེ་ན་དེ་བཞིན་གཤེགས་པ་ཏིལ་གྱི་གང་བུ་བཞིན་དུ་བཞུགས་པ་ལ་ཕྱག་བྱས་ནས། སེངྒེའི་ཁྲི་ལ་འདུག་ཏེ། སྟོང་པའི་ངང་ལ་ཡུན་རིང་པོར་མཉམ་པར་བཞག་ཀྱང་གསང་སྔགས་ཀྱི་གདམས་ངག་མེད་པས་མངོན་པར་རྫོགས་པར་སངས་རྒྱས་བར་མ་ནུས་ནས། ཕྱོགས་བཅུ་ན་བཞུགས་པའི་དེ་བཞིན་གཤེགས་པ་ཐམས་ཅད་བྱང་ཆུབ་སེམས་དཔའི་མདུན་དུ་བྱོན་ནས། ཏིང་ངི་འཛིན་དེ་ལས་བླངས་ནས་འདི་སྐད་དུ། རིགས་ཀྱི་བུ་ཁྱོད་གསང་སྔགས་ཀྱི་དོན་མི་ཤེས་པར་ཇི་ལྟར་སངས་རྒྱ་བར་བྱ་སྙམ། ཞེས་གསུངས་པ་དང༌། བྱང་ཆུབ་སེམས་དཔས་ཏིང་ངི་འཛིན་དེ་ལས་བཞེངས་ཏེ། དེ་བཞིན་གཤེགས་པ་དེ་དག་ལ་ཕྱག་བྱས་ཏེ། ཐལ་མོ་སྦྱར་ནས་གསང་སྔགས་ཀྱི་དོན་ཇི་ལྟར་ལགས། ཞེས་ཞུས་པ་དང༌། མངོན་པར་བྱང་ཆུབ་པ་ལྔའི་གདམས་ངག་གསུངས་ནས། དེ་མ་ཐག་ཏུ་དེ་བསྒོམས་པ་དང་སངས་རྒྱས་སོང་སྐད། དེ་ལྟར་སངས་རྒྱས་པ་དང༌། དཀའ་ཐུབ་ཀྱི་ཁོག་པ་ལས་བཞེངས་ཏེ། བདུད་བཏུལ་བ་དང༌། ཆོས་ཀྱི་འཁོར་ལོ་བསྐོར་བ་སོགས་འཛམ་གླིང་འདིར་མཛད་པ་ཡིན་ཏེ། སྟུག་པོ་བཀོད་པའི་མདོ་ལས། སངས་རྒྱས་འོག་མིན་དུ། །ཞེས་པས་མངོན་ནོ། །གསང་སྔགས་ནང་པ་རྣལ་འབྱོར་བླ་མེད་རྒྱུད་པ་ནི། འོག་མིན་དུ་རྣམ་པར་སྣང་མཛད་ཆེན་པོ་ལ་དབང་ཞུས་ནས་དེར་སངས་རྒྱས་ལ།
དེའི་སྤྲུལ་པ་པོ་འདིར་སངས་རྒྱས་པར་འདོད་དེ། ཟླ་གསང་ཐིག་ལེ་ལས། གཙང་མའི་རིགས་དག་སྤངས་ནས་ནི། །འོག་མིན་སྟུག་པོ་ཉམས་དགའ་བར། །ཡང་དག་སངས་རྒྱས་དེར་སངས་རྒྱས། །སྤྲུལ་པ་པོ་ནི་འདིར་སངས་རྒྱས། །ཞེས་སོ། །ཡང་ན་ས་བཅུའི་བྱང་ཆུབ་སེམས་དཔའ་ཆེན་པོ་དེ་འོག་མིན་མཆོག་གི་གནས་སུ་རྡོ་རྗེ་འཆང་ལ་དབང་ཞུས་ནས། དེ་ཉིད་ཀྱིས་དབང་བསྐུར་བས་སངས་རྒྱས་པར་འདོད་དེ། འདུལ་བ་དོན་ཡོད་པའི་རྒྱུད་ལས། གསང་བའི་གནས་མཆོག་འོག་མིན་ཉམས་དགར་ནི། །བྱང་ཆུབ་སེམས་ཀྱི་རྡོ་རྗེས་བྱིན་བརླབས་ནས། །དེ་ཉིད་དུ་ནི་མངོན་པར་བྱང་ཆུབ་པས། །བླ་མེད་སྙིང་པོ་རྡོ་རྗེ་འཆང་དུ་གྱུར། །རང་བྱུང་བདེ་བ་ཆེན་པོར་མངོན་སངས་རྒྱས། །ཞེས་སོ། །མ་རྒྱུད་པ་ནི། གྲགས་ཆེན་གྱི་སངས་རྒྱས་བཅུ་གཅིག་པ་དེ། འོག་མིན་བཙུན་མོའི་གཞལ་ཡས་སུ་དབང་བཞི་རྫོགས་ཞུས་པས། བུད་མེད་མཆོག་ལ་བརྟེན་ནས་བཅུ་དསུམ་རྡོ་རྗེ་འཛིན་པའི་ས་ཐོབ་སྟེ། རབ་ཏུ་མི་གནས་པའི་རྒྱུད་བྱས་ན། །རྡོ་རྗེ་འཛིན་པའི་ས་ཐོབ་འགྱུར། །བུད་མེད་ཕྱག་རྒྱ་བརྟེན་བྱས་ན། །རྡོ་རྗེ་འཛིན་པའི་ས་ཐོབ་འགྱུར་ཞེས་སོ། །ཡང་ན་ས་བཅུའི་བྱང་ཆུབ་སེམས་དཔའ་དེས། འོག་མིན་དུ་ལོངས་སྐུ་བདེ་བ་ཆེན་པོའི་སྐུ། དྲུག་པ་རྡོ་རྗེ་འཆང་དེ་ལ་དབང་བཞི་རྫོགས་ཞུས་པས། སངས་རྒྱས་ཀྱི་ཞིང་བགྲོད་དེ། རྡོ་རྗེ་བདེ་བ་ཆེན་པོའི་རྒྱུད་དང། ཡེ་ཤེས་ཐིག་ལེའི་རྒྱུད་ལས། བུམ་པའི་དབང་
ནི་བཅུ་གཅིག་སྟེ། གསང་བའི་དབང་ནི་བཅུ་གཉིས་མཆོག །ཤེས་རབ་ཡེ་ཤེས་བཅུ་གསུམ་པ། དེ་ལྟར་དེ་བཞིན་བཅུ་བཞི་པ། །དབང་རེ་ལ་ནི་ས་རེ་སྟེ། །འདི་རྣམས་ས་ཡི་དབང་ཕྱུག་བདག །ཅེས་སོ། །འཛམ་བུ་གླིང་འདིར་སྤྲུལ་སྐུར་སངས་རྒྱས་པའི་ཚུལ་ནི། དང་པོར་དགའ་ལྡན་ནས་གཤེགས་དང། །ཡུམ་གྱི་ལྷུམས་སུ་ཞུགས་པ་དང། །ལྷུམས་ཉིད་ནས་ནི་བལྟམས་པ་དང། །ཚངས་པ་དང་བརྒྱ་བྱིན་གྱིས་བླངས་པ་དང། །ཁབ་ནས་རབ་ཏུ་བྱུང་བ་དང། །ནཻར་ཉྫནའི་དཀའ་ཐུབ་དང། །བདུད་རྣམས་རབ་ཏུ་བཏུལ་བ་དང། །མངོན་པར་སངས་ནི་རྒྱས་པ་དང། །ཆོས་ཀྱི་འཁོར་ལོ་བསྐོར་བ་དང། །མྱ་ངན་འདས་པས་བསྟན་པ་འོ། །ཞེས་སོ། །དང་པོར་དགའ་ལྡན་གྱི་གནས་ནས་གཤེགས་པ་ནི། དང་པོ་སངས་རྒྱས་མར་མེ་མཛད་ལ་བྱང་ཆུབ་ཀྱི་མཆོག་ཏུ་སེམས་བསྐྱེད། བར་དུ་ཕ་རོལ་དུ་ཕྱིན་པ་དྲུག་གིས་དཀའ་བ་རྣམས་པ་སྣ་ཚོགས་པ་སྤྱད། མཐའ་མ་མཛད་པ་བཅུ་གཉིས་མཐར་འདོན་པའི་ཚེ་ས་བཅུའི་བྱང་ཆུབ་སེམས་དཔའ་དམ་པ་ཏོག་དཀར་བོར་སྐྱེ་བ་བཞེས་ཏེ། གཞལ་མེད་ཁང་ཁྱད་པར་ཅན་ན་བཞུགས་སོ། །དེ་ལ་ཕྱོགས་བཅུའི་སངས་རྒྱས་ཀྱིས་བསྐུལ་ཏེ། བསོད་ནམས་རྒྱ་ཆེ་ཚོགས་མང་དྲན་རྟོག་དང། །བློ་གྲོས་མཐའ་ཡས་ཤེས་རབ་འོད་མཛད་པ། །མཚུངས་མེད་སྟོབས་མངའ་སྐུ་རྩལ་རྒྱ་ཆེ་བ། །མར་མེ་མཛད་ཀྱི་ལུང་བསྟན་དགོངས་པ་མཛོད། །ཅེས་བྱ་བ་ལ་སོགས་པའི་ཚིཊ་བཅད་དུ་མས་བསྐུལ་ལོ། །དེ་ནས་ཕྱུང་སྟེ་ཆོས་ཀྱི་མཐོ་བ་ཞེས་བྱ་བའི་
ཁང་བཟང་ན་སེདྒེའི་ཁྲི་བཟང་པོ་ལ་འདུག་གོ །ལྷའི་བུ་བྱང་ཆུབ་སེམས་དཔའ་དང་སྐལ་བ་མཉམ་པ་དག་ཀྱང་དེ་ན་འདུག་གོ །དེ་ནས་ལོ་བཅུ་གཉིས་ན་བྱུང་ཆུབ་སེམས་དཔའ་མངལ་དུ་འཇུག་པར་འགྱུར་ཞེས་གྲགས་པས། གནས་གཙང་མ་རིགས་ཀྱི་ལྷ་རྣམས་བྲམ་ཟེའི་ཆ་བྱད་དུ་བྱས་ནས་རིག་བྱེད་འདོན་དུ་འཇུག་གོ །ལྷའི་བུ་གཞན་དག་ཀྱང་འཛམ་བུའི་གླིང་དུ་ལྷགས་ནས་རང་སངས་རྒྱས་རྣམས་ལ་བསྐུལ་མ་འདེབས་སོ། །འཇུག་མ་འགྱུར་བ་ཞེས་བྱ་བའི་རི་བོ་ལ་རང་སངས་རྒྱས་ལྔ་བརྒྱ་ཡོད་པས་སྒྲ་དེ་ཐོས་ནས། མེ་ཡི་ཁམས་ལ་སྙོམས་པར་ཞུགས་ཏེ་མྱ་ངན་ལས་འདས་སོ། །དེ་ནས་བྱང་ཆུབ་སེམས་དཔལ་ལྷ་རྣམས་ལ་ཆོས་སྣང་བའི་སྒོ་བརྒྱ་རྩ་བརྒྱད་བཤད་དེ། དད་པ་དང་ནི་ཆོས་སྣང་བའི་སྒོ་སྟེ་བསམ་པ་མི་ཕྱེད་པར་འགྱུར་རོ། །ཞེས་པ་ལ་སོགས་པ་བརྒྱ་རྩ་བརྒྱད་བཤད་དོ། །དེའི་ཚེ་ལྷའི་བུ་ལ་ལས་སེམས་བསྐྱེད་པ་ལ་བཟོད་པ་ཐོབ། ལ་ལར་མཐོང་ལམ་སྐྱེས་སོ། །དེ་ལྟར་ལྷའི་སྟོན་པ་མཛད་ནས་དབུ་རྒྱན་ཕུད་ནས། བྱམས་པ་ལ་བསྐོན་ཏེ་རྒྱལ་ཚབ་དུ་དབང་བསྐུར་རོ། །གཉིས་པ་ཡུམ་གྱི་ལྷུམས་སུ་ཞུགས་པ་ནི། བྱང་ཆུབ་སེམས་དཔའ་དགའ་ལྡན་གྱི་གནས་ནས་གཟིགས་པ་བཞི་ལ་གཟིགས་སོ། །དུས་ནི་ཐོག་མ་སྟེ། བསྐལ་པ་རྫོགས་ལྡན་ལ་མངལ་དུ་མི་འཇུག མར་འགྲིབ་པ་སྐྱེ་རྒ་ན་འཆི་སྣང་བའི་ཚེ་ན་འཇུག་གོ །གླིང་ནི་གཞན་གསུམ་དུ་མི་སྐྱེ་འཛམ་གླིང་ཁོ་ནའོ། །ཡུལ་ནི་མཇའ་ཁོབ་ཀྱི་ཡུལ་དུ་མི་སྐྱེ་ཡུལ་དབུས་སུའོ། །རིགས་ནི་རིགས་དམན་པར་མི་སྐྱེ་རྒྱལ་རིགས་ཡོན་ཏན་དྲུག་ཅུ་
རྩ་བཞི་དང་ལྡན་པའོ། །དེ་ལྟར་གཟིགས་ཏེ་ཟས་གཙང་མ་དང་ལྷ་མོ་སྒྱུ་འཕྲུལ་མ་གཉིས་དང། བྱང་ཆུབ་སེམས་དཔའ་ཚུལ་མཐུན་པར་དགོངས་སོ། །དེ་ནས་བྱང་ཆུབ་སེམས་དཔའ་ན་རེ། གྲོགས་པོ་དག ཁོ་བོ་ཇི་ལྟ་བུའི་གཟུགས་ཀྱིས་མངལ་དུ་འགྲོ་བར་བྱ་ཞེས་གསུངས་པས། ཁ་ཅིག་ན་རེ་བྲམ་ཟེའི་གཟུགས་སུ་ཟེར། ཚངས་རིགས་ཀྱི་ལྷ་གཟི་བརྗིད་དམ་པ་བྱ་བ་ན་རེ། བྲམ་ཟེའི་རིག་བྱེད་ལས་ཇི་སྐད་འབྱུང་བའི་གཟུཊ་སུ་བཞུད་པར་རིཊ་སོ་ཟེར། དེ་ཡང་ཅི་འདྲ་ཞེ་ན་གླང་པོ་ཆེའི་ཕྲུ་གུ་མདོག་དཀར་པོ་མཆེ་བ་དྲུག་པ་གསེར་གྱི་བྲཱ་བས་གཡོགས་པ་མགོ་དམར་བ་ཞིག་ཏུ་སྤྲུལ་ནས། དཔྱིད་ཟླ་ཐ་ཆུང་གི་ཚེས་བཅོ་ཟླ་བ་ཉ་བ་དང་སྐར་མ་རྒྱལ་ལ་བབས་པའི་ཚེ་ཡུམ་གསོ་སྦྱོང་བླངས་བའི་དུས་སུ། དྲན་ཞིང་ཞེས་བཞིན་དུ་མ་ཡི་སྙན་ཁུང་གཡས་པ་ནས་ཞུགས་སོ། །ཞུཊ་ནས་བློ་གཡས་སུ་བརྟེན་སྟེ་བཞུགས་སོ། །དེའི་ཚེ་ཟས་གཙང་མའི་ཁྱིམ་དུ་སྔ་ལྟས་བརྒྱད་བྱུང་སྟེ། ཁྱིམ་དེ་ཆག་ཆག་བཏབ་སྟེ་རྡུལ་མེད་ཅིང། སྦྲང་མ་དང་སྡིག་སྦྲུལ་མེད་པ་དང། ནེ་ཙོ་ལ་སོགས་པ་བྱ་སྐད་སྙན་པོ་སྒྲོག་པ་དང། རྒྱལ་པོའི་རྫིང་ལ་སོགས་པ་ཐམས་ཅད་མེ་ཏོག་པདྨས་ཁེངས་པ་དང། རྒྱལ་པོའི་ཁྱིམ་ན་མར་དང། སྦྲང་རྩི་ལ་སོགས་སྤྱད་པས་མི་ཟད་པར་སླར་འཕེལ་བ་དང། རྒྱལ་པོའི་ཁྱིམ་ན་རྔ་བོ་ཆེ་ལ་སོགས་པ་མ་རྡུང་པར་སྒྲ་འབྱིན་པ་དང། རྒྱལ་པོའི་ཁྱིམ་ན་དངུལ་ལ་སོགས་པ་རིན་པོ་ཆེའི་སྣོད་རྣམས་ཁ་བྱེ་ཞིང་གང་པ་དང། ཉི་ཟླའི་འོད་ཟིལ་གྱིས་ནོན་པའི་འོད་བྱུང་སྟེ། བཀྲ་ཤིས་པའི་སྔ་ལྟས་བརྒྱད་དོ། །དེ་ནས་ཡུམ་ལ་གླང་པོ་ཆེའི་ཕྲུ་གུ་ཁོང་དུ་སོང་བར་རྨིས་
ནས་རྒྱལ་པོ་སྤྱན་དྲངས་ཏེ་རྨི་ལམ་བཟླས་སོ། །རྒྱལ་པོས་ཀྱང་བྲམ་ཟེའི་རིག་བྱེད་མཁན་བཀུག་སྟེ་རྨི་ལམ་བཟླས་སོ། །བྲམ་ཟེ་ན་རེ། ཁྱོད་ལ་སྲས་པོ་མཚན་སོ་གཉིས་ཀྱིས་བརྒྱན་པ། ཁྱིམ་ན་འདུག་ན་འཁོར་ལོས་བསྒྱུར་བའི་རྒྱལ་པོ། རབ་ཏུ་བྱུང་ན་འཚང་རྒྱའོ་ཞེས་ཟེར་བས་བྲམ་ཟེ་ལ་བྱ་དགའ་བྱིན་ནོ། །དེ་ནས་རྒྱལ་པོས་ནོར་དང་ཟས་ཀྱི་སྦྱིན་པ་ཡང་བྱས་སོ། །དེ་ནས་རྒྱལ་པོའི་བསམ་པ་ལ་ལྷ་མོ་སྒྱུ་འཕྲུལ་མ་ཁྱིམ་གང་དུ་འདུག་ན་བདེ་སྙམ་པ་དང། འདོད་ཁམས་ཀྱི་ལྷ་རྣམས་ཀྱིས་གཞལ་མེད་ཁང་རེ་ཕུལ་ལོ། །བྱང་ཆུབ་སེམས་དཔའི་མཐུས་ཁྱིམ་དེ་ཐམས་ཅད་དུ་ལྷ་མོ་སྒྱུ་འཕྲུལ་མ་རེ་རེ་མངོན་པར་བསྟན་ཏོ། །ལྷ་དེ་དག་ཀྱང་བདག་ཁོ་ནའི་ཁྱིམ་ན་བྱང་སེམས་ཀྱི་མ་འདུག་སྙམ་མོ། །དེའི་དུས་འོག་གི་ས་ཆེན་པོ་རྡོལ་ཏེ་པདྨ་བྱུང་བས་ཚངས་པའི་འཇིག་རྟེན་དུ་འཕགས་སོ། །འཇིག་རྟེན་གྱི་བཅུད་ཐམས་ཅད་པདྨ་དེ་ལ་ཟིལ་མངར་གྱི་ཐིགས་པ་ཆགས་སོ། །བཅུད་དེ་ལྷ་ཚངས་པས་བླངས་ནས་བྱང་ཆུབ་སེམས་དཔའ་ལ་དྲངས་སོ། །དེ་ནས་མའི་རུམ་དེ་བྱང་ཆུབ་སེམས་དཔས་རིན་པོ་ཆེ་བཀོད་པ་ཞེས་བྱ་བའི་གཞལ་མེད་ཁང་ཏུ་བྱིན་གྱིས་བརླབས་ཏེ། དེར་ཟླ་བ་དགུ་ངོ་དང་བཅུར་བཞུགས་ཏེ། ལྷ་དང་མིའི་སྐྱེ་རྒུ་བྱི་བ་ཕྲག་ཁྲིག་སུམ་ཅུ་རྩ་གཉིས་སྨིན་པར་བྱས་སོ། །མཛད་པ་གསུམ་པ་ལྷུམས་ནས་བལྟམས་པ་ནི། དེ་ནས་ཟླ་བ་བཅུ་ལོན་པ་དང། རྒྱལ་པོའི་ཁྱིམ་དུ་ལྟས་སོ་གཉིས་བྱུང་སྟེ། མེ་ཏོག་ཐམས་ཅད་ཁ་འབུས་ཤིང་སྐྱེ་བ་དང། རིན་པོ་ཆེའི་ཤིང་ལྗོན་པ་འབྱུང་བ་དང། གླང་པོ་ཆེའི་ཕྲུ་གུ་ལྔ་བརྒྱ་རྒྱལ་པོའི་རྐང་པ་ལ་སྣའི་རྩེ་མོ་གཏུག་
དང། ལྷའི་བྱིས་པ་མང་པོ་བཙུན་མོ་ཡི་པང་པ་ན་སྣང་བ་ལ་སོགས་སོ་གཉིས་བྱུང་ངོ་། །དེ་ནས་ཡུམ་གྱིས་བཙའ་བའི་དུས་ལ་བབ་པར་ཤེས་ཏེ། རྒྱལ་པོ་ལ་སྐྱེད་མོས་ཚལ་དུ་བདག་འགྲོ་ཞེས་ཟེར་རོ། །ལྷས་ཀྱང་འཁོར་རྣམས་ལ་དེ་བཞིན་དུ་བསྒོ་སྟེ། ལུམྦི་ནཱིའི་ཚལ་མཛེས་ལྡན་མའི་ཚལ་དེ་རྒྱན་གྱིས་བརྒྱན་པར་གྱིས་ཤིག་མཚོན་ཆ་ཐོགས་པ་རྣམས་ཀྱིས་སྲུངས་ཤིག་ཟེར་རོ། །འཁོར་གྱིས་དེ་བཞིན་དུ་བྱས་ཏེ། ལྷ་མོ་ཤིང་རྟ་ལ་བཞོན་ནས་ལྷ་ཀླུ་དང་མིའི་བུ་མོ་དུ་མས་བསྐོར་ཏེ་གླུ་དབྱངས་ཀྱིས་བསྟོད་ཅིང་ལུམྦི་ནཱིའི་ཚལ་དུ་གཤེགས་སོ། །ལྷ་མོ་ཤིང་རྟ་ལས་བབས་ཏེ་གླག་ཤའི་ཤིང་དྲུང་དུ་ཕྱིན་ཏེ། ལག་པ་གཡས་པ་བརྐྱངས་ནས་གླག་ཤའི་ཡལ་ག་ནས་བཟུང་ངོ་། །དེ་ནས་གླང་གི་ལོའི་དཔྱིད་ཟླ་ར་བའི་ཉའི་ཚེ། བྱང་སེམས་དྲན་ཞིང་ཤེས་བཞིན་དུ་མ་ལ་གནོད་པ་མེད་ཅིང་མངལ་གྱི་དྲི་མས་མ་གོས་པར་གློ་གཡས་ནས་བྱུང་སྟེ་སྐུ་བལྟམས་སོ། །མཛད་པ་བཞི་པ་དང་བརྒྱ་བྱིན་གྱིས་བླངས་པ་སྟེ། དེའི་ཚེ་ཚངས་པ་དང་བརྒྱ་བྱིན་གྱིས་གོས་ཀ་ཤི་ཀའི་སླེ་མོས་བླངས་སོ། །བྱང་སེམས་མའི་རུམ་དུ་གནས་པའི་ལྷའི་ཁང་པ་བརྩེགས་པ་དེ། ལྷ་ཚངས་པའི་གནས་སུ་མཆོད་པའི་རྟེན་དུ་ཁྱེར་རོ། །བྱང་སེམས་བཙས་མ་ཐག་ཏུ་ས་ལ་པདྨ་ཆེན་པོ་རྡོལ་ལོ། །ཀླུའི་རྒྱལ་པོ་དགའ་བོ་དང་ཉེ་དགའ་བོ་གཉིས་ཀྱིས་ཆུ་བསིལ་བ་དང་དྲོ་བའི་ཆུ་རྒྱུན་གཉིས་ཀྱིས་ལུས་བཀྲུས་སོ། །ཚངས་པ་དང། རྒྱལ་པོ་ཆེན་པོ་བཞིས་སྤོས་ཆུས་བཀྲུས་ཏེ་མེ་ཏོག་བསྟོར་རོ། །བར་སྣང་ལ་རྡུལ་གཡབ་ཀྱི་རྔ་མ་དང། རིན་པོ་ཆེའི་ཏོག་བསྟོར་རོ། །བར་སྣང་ལ་རྡུལ་གཡབ་ཀྱི་རྔ་མ་དང། རིན་པོ་ཆེའི་གདུགས་བྱུང་ངོ་། །དེ་ནས་བྱང་སེམས་ན་རེ་ཆོས་ཐམས་ཅད་ཀྱི་སྔོན་དུ་
འགྲོ་བར་བྱའོ། །ཞེས་ཤར་དུ་གོམ་པ་བདུན་པོར་བས་མེ་ཏོག་པདྨ་བདུན་སྐྱེས་སོ། །ལྷ་དང་མིའི་སྦྱིན་གནས་སུ་འགྱུར་བར་བྱའོ་ཞེས་ལྷོ་དང་ནུབ་ཏུ་གོམ་པ་བདུན་བདུན་བོར་རོ། །བདུད་ཐམས་ཅད་གཞོམ་པར་བྱའོ་ཞེས་འོག་ཏུ་གོམ་པ་བདུན་བོར་རོ། །སེམས་ཅན་ཐམས་ཅད་གཞོམ་པར་བྱའོ་ཞེས་འོག་ཏུ་གོམ་པ་བདུན་བོར་རོ། །སེམས་ཅན་ཐམས་ཅད་ཀྱིས་གྱེན་དུ་བལྟ་བར་བྱའོ་ཞེས་སྟེང་དུ་གོམ་པ་བདུན་པོར་རོ། །དེའི་ཚེ་སེར་སྐྱའི་གྲོང་དུ་ཤཱཀྱའི་རིགས་ཀྱི་གྲོགས་པོ་ལྔ་བརྒྱ་བཙས་སོ། །འདུན་པ་ལ་སོགས་པ་འབངས་བརྒྱད་བརྒྱ་བཙས་སོ། །རྔ་ལྡན་ལ་སོགས་པ་རྟ་སྟོང་ཕྲག་བཅུ་སྐྱེས་སོ། །ས་སྲུང་ལ་སོགས་པ་གླང་པོ་ཆེ་སྟོང་ཕྲག་ཉིས་ཤུ་འབྲངས། །བེའུ་དྲུག་སྟོང་སྐྱེས་སོ། །དེ་རྣམས་རྒྱལ་པོའི་སྲས་ལ་བྱིན་ནོ། །གླིང་གི་དབུས་སུ་ཨ་ཤཱ་ཏའི་སྙིང་པོ་སྐྱེས་སོ། །གླིང་ཕྲན་རྣམས་སུ་ཙན་དན་གྱི་ནགས་སྐྱེས་སོ། །བྱང་ཆུབ་སེམས་དཔའི་ལོངས་སྐྱོད་ཀྱི་རྐྱེན་དུ་སྐྱེད་མོས་ཚལ་ལྔ་བརྒྱ་བྱུང་ངོ་། །རྒྱལ་པོའི་བསམ་པར་འདི་སྐྱེས་མ་ཐག་ཏུ་བདག་གི་དོན་ཐམས་ཅད་གྲུབ་པས། མིང་ཡང་དོན་ཐམས་ཅད་གྲུབ་པ་ཞེས་བཏགས་སོ། །དེ་ནས་བྱང་ཆུབ་སེམས་དཔའ་བཙས་ནས་ཞག་བདུན་ལོན་ནས་ཡུམ་འདས་སོ། །ཡུམ་དེ་སུམ་ཅུ་རྩ་གསུམ་གྱི་ལྟར་སྐྱེས་སོ། །ཚལ་དེ་ནས་སེར་སྐྱའི་གྲོང་དུ་བྱོན་ཏེ། བྲམ་ཟེར་རྣམས་ཀྱིས་བཀྲ་ཤིས་བསྒྲགས་སོ། །ཤཱཀྱའི་རིགས་རྣམས་ཀྱང་དོན་གྲུབ་འདིར་བྱོན་ཞེས་ཟེར་རོ། །བྱང་སེམས་ཀྱང་དེ་ན་བཞུགས་སོ། །དེ་ནས་རང་གི་ཁང་བཟང་ཆེན་པོར་བཞུགས་སོ། །དེ་ནས་ཤཱཀྱའི་རྒན་རབས་རྣམས་བགྲོས་ཏེ་གཞོན་ནུ་འདིར་བྱི་དོར་སུས་ནུས་ཟེར་རོ། །ཤཱཀྱའི་བུ་མོ་ལྔ་བརྒྱ་ཙམ་སོ་སོ་ནས་ངེད་ཀྱིས་བྱ་ཟེར་རོ། །དེ་ནས་སྲུ་སྐྱེ་དགུའི་བདག་མོ་ལ་
གཉེར་གཏད་དོ། །དེའི་ཚེ་མ་སོ་གཉིས་ཡོད་དེ། པང་ན་འཚོ་བ་བརྒྱད། ནུ་མ་བསྣུན་པ་བརྒྱད། རྩེ་གྲོགས་ཀྱི་མ་བརྒྱད། དྲི་མ་ཕྱི་བ་བརྒྱད་ལ་སོགས་པའོ། །དེའི་ཚེ་གངས་རིའི་ངོས་ན་གནས་པའི་དྲང་སྲོང་ནག་པོ་ཞེས་བྱ་བ་མངོན་ཤེས་ལྔ་དང་ལྡན་པ་ཞིག་གིས་མཐོང་ནས། རྒྱལ་པོའི་ཁབ་གང་ན་བ་དེར་རྫ་འཕྲུལ་གྱིས་འོངས་ཏེ། རྒྱལ་པོ་དེའི་མཚན་བལྟས་པ་དང། དེ་ཅིར་འགྱུར་བ་ཤེས་པས། ངོ་མཚར་སྐྱེས་མྱ་ངན་ཡང་སྐྱེས་ཏེ། དེ་ཡི་ཞབས་ལ་ཕྱག་འཚལ་ཞིང་སྐོར་བ་བྱས་ནས། གདོང་མཆི་མ་དང་བཅས་པས་དེ་ལ་ལུང་བསྟན་ཏེ། ལྷ་མཁྱེན་པར་མཛོད་ཅིག་བཙས་གྱུར་གཞོན་ནུ་འདི་ཡི་མཚན་ལྟས་ནི། །སུམ་ཅུ་རྩ་གཉིས་མཚན་གྱིས་བརྒྱན་པ་མཐོང༌། །འདི་ནི་གཉིས་སུ་འགྱུར་ཏེ་གཞན་དུ་མིན། །ཁྱིམ་དུ་གནས་ན་འཁོར་ལོས་བསྒྱུར་རྒྱལ་དང། །ཁྱིམ་ནས་ཁྱིམ་མེད་རབ་ཏུ་བྱུང་གྱུར་ན། །འདྲེན་པ་གཞན་གྱིས་དྲིང་ལ་མིང་འཇོག་པར། །འཇིག་རྟེན་འདིར་ནི་མངོན་རྫོགས་བྱང་ཆུབ་འགྱུར། གསང་བའི་གནས་མཆོག་སྦུབས་སུ་ནུབ་འགྱུར་ཞིང། །སྤྱི་གཙུག་འགྲོ་བ་ཀུན་གྱིས་མི་མཐོང་འགྱུར། །ཁབ་ཏུའང་བཞུགས་པར་མི་འགྱུར་རབ་ཏུ་གཤེགས། །ཞེས་སོ། །འོ་ན་ཁྱོད་དུ་བའི་རྒྱུ་ཅི་ཡིན་ཞེས་དྲེས་པས། ལྷ་བདག་ནི་སྐྱེས་བུ་ཆོས་མཛད་སྐྱེས་བུ་མཆོག་འདི་དང་འཕྲད་ནས་དོན་མ་གྲུབ་པར་འཆི་འགྱུར་ཏེ། ཞི་བ་མ་ཐོབ་རང་གི་ཉེས་མཐོང་བས། །ཡིད་ལ་གདུང་བ་སྐྱེས་ཏེ་དུ་བ་ཡིན་ཞེས་སོ། །དེ་ནས་བྲམ་ཟེ་རང་གི་གནས་སུ་སོང་ངོ་། །དེ་ནས་བྲམ་ཟེ་མདུན་ན་འདོན་ལ་སོགས་པ་ལྔ་བརྒྱ་ཙམ་གྱིས་མགོ་རྒྱན་དང། རྣ་རྒྱན་ལ་སོགས་པ་བརྡུངས་ནས་བརྒྱན་པས་
རྒྱལ་བུའི་འོད་ཀྱིས་རྒྱན་ཐམས་ཅད་མོག་མོག་པོར་གྱུར་ཏོ། །མཛད་པ་ལྔ་པ་ཡི་གེ་དང། འཕོང་དང། བཟོ་བསླབས་པ་ནི། དེ་ནས་རྒྱལ་བུ་དེ་མ་མ་རྣམས་ཀྱིས་བསྐྱེད་བསྲིངས་ཏེ་ཡ་མཚན་སྐྱེས་ཏེ་ཤིང་ལྗོན་པ་ཞིག་གི་དྲུང་དུ་ཕྱིན་ཏེ་མཉམ་པར་བཞག་སྟེ་བསམ་གཏན་བཞི་སྒོམ་མོ། །ཤིང་གི་གྲིབ་མས་བཟུང་ནས་མ་བཏག་ངོ་། །དེ་ནས་ཡ་མཚན་སྐྱེས་ནས་ཡིག་མཁན་ཆོས་ཀྱི་བཤེས་གཉེན་གྱི་རྩར་ཕྱིན་ཏེ་ཡི་གེའི་གྲྭར་ཞུགས་ནས་ཡི་གེ་བསླབས་པས། སློབ་དཔོན་ལ། ཀྱཻ་མཁན་པོ་བདག་ལ་ཡི་གེ་གང་བསླབ། ཚངས་པའི་ཡེ་གེའམ། བྲུ་ཤའི་ཡི་གེའམ། ཁ་རོ་ཏའི་ཡི་གེའམ། རྒྱའི་ཡི་གེ་ལ་སོགས་ཡ་ཡིག་རིགས་དྲུག་ཅུ་རྩ་བཞི་གང་བསླབ། ཅེས་གསུངས་པས། ཡི་གེའི་མཁན་པོས་ཡིག་རིགས་དེ་རྣམས་ཀྱི་མིང་ཡང་མ་ཤེས་ཏེ། ཤིན་ཏུ་ངོ་མཚར་བར་གྱུར་ཏོ། །དེ་ནས་ནག་པ་དཔང་པོར་བཞག་ནས། ཤཱཀྱ་རྣམས་དང་འཕོང་འགྲན་ཏེ། ཀུན་དགའ་བོས་རྒྱང་གྲགས་གཉིས་ཀྱི་ཕ་རོལ་དུ་ལྕགས་ཀྱི་རྔ་བོ་ཆེ་གཅིག་འབེན་དུ་བཙུགས་སོ། །དེ་བཞིན་དུ་ལྷས་བྱིན་གྱིས་རྒྱང་གྲགས་བཞི་ཡི་ཕ་རོལ་དུ་བཙུག་སོ། །དེའི་འོག་ཏུ་ཤཱཀྱ་ལག་ན་བེ་ཅོན་གྱིས་དཔག་ཚད་གཅིག་གི་ཕ་རོལ་ཏུ་བཙུགས་སོ། །དེ་ནས་རྒྱལ་བུས་རྒྱང་གྲགས་བཅུའི་ཕ་རོལ་ཏུ་ལྕགས་ཀྱི་རྔ་གཅིག་སོ། །དེ་ནས་ཀུན་དགའ་བོ་ལ་སོགས་པས་མདའ་འཕངས་པས་རང་རང་གི་འབེན་ལ་ཕོག་གོ །དེ་ནས་རྒྱལ་བུས་འཕེན་པས། གཞུ་ལ་ལ་རྒྱུད་ཆད། ལ་ལ་ཆག་པས། དེར་
རྒྱལ་པོ་ན་རེ་གྲོང་ཁྱེར་འདི་ན་བདག་གི་གཞུ་རུ་འདོད་པ་མ་མཆིས་སོ་ཟེར་རོ། །ཡབ་རྒྱལ་པོས་སྨྲས་པ། བུ་ཡོད་དོ། །ཁྱོད་ཀྱི་མེས་སེདྒེ་འགྲམ་གྱི་གཞུ་སུས་ཀྱང་བརྡུང་བར་མི་ནུས་པ་ཡོད་དོ། །དེ་ནས་གཞུ་བླངས་ཏེ། ཤཱཀྱའི་གཞོན་ནུ་གཞན་གྱིས་བརྡུང་བར་མ་ནུས་སོ། །དེ་ནས་རྒྱལ་བུས་གཞུ་དེ་བླངས་ཏེ། སྟན་ལས་སྐྱིལ་མོ་ཀྲུང་ཕྱེད་བཅས་ཏེ་ཕྱག་གཡོན་པས་བཟུང་ནས། གཡས་ཀྱི་སོར་གཅིག་གིས་བརྡུངས་སོ། །དེའི་ཚེ་སེར་སྐྱའི་གྲོང་ཁྱེར་དུ་སྒྲ་ཆེན་པོ་བྱུང་ངོ་། །དེ་ནས་རྒྱལ་བུས་མདའ་འཕངས་པས་གཞན་གྱི་འབེན་རང་ས་ཕུག་ནས་རང་གི་འབེན་ཀྱང་ཕུག་སྟེ་ས་ལ་ཟུག་ནས་མི་སྣང་བར་གྱུར་ཏོ། །དེའི་ཤུལ་ནས་ཆུ་བྱུང་སྟེ། མདའ་ཆུ་ཁྲོན་པ་ཞེས་བྱའོ། །དེ་ནས་གྲངས་སམ་རྩིས་འགྲན་ཏེ། ཤཱཀྱ་སྲིད་སྒྲུབ་བྱ་བ་དཔང་པོར་བཞག་སྟེ། གྲངས་སམ་རྩིས་འགྲན་ཏེ། བཅུ་ནས་ཐེར་འབུམ་གྱི་བར་གྱི་མཁས་བར་གྱུར་ཏོ། །དེ་ནས་བི་ཤཱ་ཀརྨ་སྣ་ཚོགས་འཕྲིན་ལས་དཔང་པོར་བཞག་སྟེ། བཟོ་འགྲན་ཏེ་བླ་མ་བས་མཁས་པར་གྱུར་ཏོ། །དེ་རྣམས་ཀྱིས་གོས་དང་རྒྱན་ཡོན་དུ་ཕུལ་ལོ། །དེ་ནས་གྲོང་ཁྱེར་སེར་སྐྱའི་གྲོང་གི་གྱད་པ་རྣམས་དང་རྩལ་འགྲན་པ་ནི། ཤཱཀྱའི་གཞོན་ནུ་ལྔ་བརྒྱ་ཙམ་ཚོགས་ཏེ། ས་འཚོ་མ་རྒྱལ་བའི་རུ་མཚོན་དུ་བཞག་སྟེ། དེའི་ཚེ་ལྷས་བྱིན་གྱིས་གླང་པོ་ཆེའི་སྣ་ནས་བཟུང་སྟེ་ཐལ་ལྕག་བརྒྱབ་པས་ཤིའོ། །མཛེས་དགའ་བོས་གླང་པོའི་མཇུག་མ་ནས་བཟུང་སྟེ་གྲོང་གི་ཕྱི་རོལ་ཏུ་བོར་རོ། །དེ་ནས་རྒྱལ་བུས། གླང་མ་ནས་བཟུང་སྟེ་གྲོང་གི་ཕྱི་རོལ་ཏུ་བོར་རོ། །དེ་ནས་རྒྱལ་བུས། གླང་པོ་ཆེ་འདི་ལུས་ཤིན་ཏུ་ཆེ་བས་རུལ་ན་གྲོང་ཁྱེར་དྲེ་མི་ཞིམ་པ་ཡོང་གསུངས་ཏེ་རྐང་པ་ཡ་གཅིག་ས་ལ་བརྐྱངས་ཏེ། རྐང་པའི་མཐེ་བོས་གླང་
པོའི་རོ་བླངས་ཏེ། རྭ་བ་རིམ་པ་བདུན་དང། འོབས་རིམ་པ་བདུན་དང། གྲོང་ཁྱེར་གྱི་ཕྱི་རོལ་ཏུ་རྒྱང་གྲགས་གཅིག་ཏུ་འཕངས་སོ། །ས་ཕྱོགས་དེ་གཤོངས་ཀྱིས་སོང་བས་གླང་པོ་གཤོངས་ཞེས་བཏགས་སོ། །དེ་ནས་མཆོང་རྩལ་འགྲན་ཏེ། དགའ་བོ་དང། མཛེས་དགའ་བོ་གཉིས་ཀྱིས་རྒྱལ་བུའི་དྲུང་དུ་ཕྱིན་པས་ལག་པ་རེག་མ་ཐག་ཏུ་ས་ལ་འགྱེལ་ལོ། །དེ་ནས་ལྷས་བྱིན་དང་འགྲན་ཏེ། རྒྱལ་བུས་ལྷས་བྱིན་ལས་པ་གཡས་པས་བཏེག་སྟེ། སའི་སྟེང་དུ་བོར་ཡང། དེ་ཡི་ལུས་ལ་གནོད་པར་མ་གྱུར་ཏོ། །དེ་ནས་མཆོང་པ་དང། བང་ལ་སོགས་པ་ལ་འགྲན་པའང་རྒྱལ་བུ་འབར་ཞིག་ཁྱད་པར་དུ་འཕགས་པར་གྱུར་ཏོ། །དེ་ནས་མཛད་པར་དུ་འཕགས་པར་གྱུར་ཏོ། །དེ་ནས་མཛད་པ་དྲུག་པ་ཁབ་དང་རྒྱལ་སྲིད་བཞེས་པ་ནི། ཤཱཀྱའི་རྒན་རབས་རྣམས་ན་རེ། རྒྱལ་བུ་གཙང་མ་གཞོན་ནུ་འདི་ལ་བཙུན་མོ་བླང་བར་བགྱིའོ། །དེ་ལྟར་བྱས་པར་རབ་ཏུ་མི་འབྱུང་སྟེ་རྒྱལ་པོའི་གདུང་ཡང་མི་ཆད་དོ་ཟེར་རོ། །རྒྱལ་པོ་ན་རོ། །དེ་ལྟར་བྱ་ཡི་ཚུལ་དང་མཐུན་པའི་བུ་མོ་ཚོལ་ཞིག་ཅེས་སྨྲས་པས། ཤཱཀྱ་ལྔ་བརྒྱ་སོ་སོ་ནས་རང་རང་གི་བུ་མོ་ཚུལ་དང་མཐུན་ཞེས་སྨྲའོ། །རྒྱལ་པོ་ན་རེ། གཞོན་ནུ་ཕུལ་ཆེ་བ་ཡིན་གྱི་བུ་མོ་དང་འདོད་དྲིའོ་ཟེར་ཏེ། ཤཱཀྱ་དེ་དག་ཀུན་འདུས་ཏེ་དྲིས་པས། གཞོན་ནུ་ན་རེ། འདོད་པའི་སྐྱོན་ནི་བདག་གིས་མཐའ་ཡས་རིག །འཐབ་མོ་འཁོན་བཅས་མྱ་ངན་སྡུག་བསྔལ་ཆེ། །འཇིག་རྟེན་དུག་གི་ལོ་མ་འདྲ་བ་སྟེ། །མེ་དང་འདྲ་ཞིག་རལ་གྲིའི་སོ་དང་འདྲ། །འདོད་པའི་ཡོན་ཏན་བདག་མ་ཡིན་ཏེ། །བདག་ནི་བུད་མེད་ཚོགས་དང་མཛེས་མ་མིན། །བསམ་གཏན་ཏིང་འཛིན་བདེ་བ་ཞི་སེམས་སུ། །བདག་
ནི་མི་སྨྲ་ནགས་འདབ་གནས་པར་བྱ། །ཞེས་གསུངས་ནས། ཡང་སྨྲས་པས། སེམས་ཅན་མོངས་སུ་སྨྱིནཔར་བྱ་བའི་ཕྱིར་དུ་སྔོན་གྱི་བྱང་ཆུབ་སེམས་དཔའ་རྣམས་ཀྱིས་བཙུན་མོ་དང། སྲས་དང་བཅས་པའི་དོན་བྱས་པས། བདག་ཀྱང་དེ་བཞིན་དུ་བྱེད་པ་ལ་བུད་མེད་ཕལ་པ་ཚུལ་དང་མཐུན་པ་མ་ཡིན་པས། གང་ལ་ང་རྒྱལ་ཁེངས་དང་ཞེ་སྡང་མ་མཆིས་ཞིང། གཡོ་དང་ཕྲག་དོག་སྒྱུ་སྤུང་དྭངས་པའི་ངང་ཚུལ་ཅན། །རྨི་ལམ་ན་ཡང་སྐྱེས་པ་གཞན་དང་ཆགས་དང་བྲལ། །དེ་འདྲའི་བུ་མོ་མཆིས་ན་བདག་ལ་གནང་བར་གསོལ། །ཞེས་པ་ལ་སོགས་པ་གསུངས་པས། ཡབ་ཀྱིས་བྲམ་ཟེ་མདུན་ན་འདོན་ཁྱོད་ཀྱིས་སེར་སྐྱའི་གྲོང་ཀྱེར་ནས། ཡོན་ཏན་དེ་རྣམས་དང་ལྡན་པའི་བུ་མོ་ཚོལ་ཞིག་གསུངས་ནས། དེ་ནས་བྲམ་ཟེར་དེས་སེར་སྐྱའི་གྲོང་དུ་ཡོང་སྟེ། དེ་དག་བུད་མེད་གང་ལ་འདུག་བརྟགས་པས། ཤཱཀྱ་ལག་ན་བེ་གྱི་བུ་མོ་ལ་འདུག་པར་མཐོང་ནས། བུ་མོ་ལ་སྨྲས་པ། ཟས་གཙང་སྲས་པོ་གཟུགས་ནི་ཤིན་ཏུ་མཛེས། །སུམ་ཅུ་རྩ་གཉསི་མཚན་ལྡན་གཟི་བརྗིད་ཅན། །དེ་ཡང་བུད་མེད་རྣམས་ཀྱི་ཡོན་ཡི་གེར་བྲིས། །སུ་ལ་ཡོན་ཏན་འདི་ཡོད་དེ་ཡི་ཆུང་མར་འོས། །ཞེས་སྨྲས་པས། དེ་ནས་བུ་མོ་དེས་བཞིན་འཛུམ་པ་བསྟན་ནས་སྨྲས་པ། བྲམ་ཟེ་བདག་ལ་ཡོན་ཏན་དེ་དག་ཀུན་ཚང་གི། །མཛེས་པའི་གཟུགས་ཅན་དེ་ནི་བདག་གི་ཀྱིམ་ཐབས་སོ། །གལ་ཏེ་གཞོན་ནུས་བཞེད་ན་ཕྱི་བཤོལ་མ་མཛད་གསུངས། །རྒྱ་ལ་སྐྱེ་བོ་ཕལ་དང་ཞུགས་པར་གྱུར་ཀྱང་གདའ། །ཞེས་ཟེར་རོ། །དེ་ནས་སྐྱེ་བོ་ཕལ་དང་ཞུགས་པར་གྱུར་ཀྱང་གདའ། །ཞེས་ཟེར་རོ། །དེ་ནས་བྲམ་ཟེས་ཡོན་ཏན་དེ་དག་ལག་ན་བེ་ཅོན་གྱི་བུ་མོ་ལ་གདའ་འོ་ཞེས་རྒྱལ་པོ་ལ་སྨྲས་སོ། །རྒྱལ་པོས་དེ་ལྟ་བུའི་གཏམ་དེ་
ཐོས་པ་དང། ལག་ན་བེ་ཅོན་གྱི་གམ་དུ་ཕོ་ཉ་བརྫངས་ཏེ། བུ་མོ་བསླངས་པས། ལག་ན་བེ་ཅོན་ན་རེ། རྒྱལ་པོ་གཞོན་ནུ་དེ་སྐྱིད་བདེ་བར་འདུག་པ་ཡིན་ལ། ངའི་རིགས་ནི་སྒྱུ་རྩལ་ཤེས་པ་ལ་སྟེར་གྱི། རྒྱལ་བུས་སྒྱུ་རྩལ་གང་ཡང་མི་ཤེས་སོ་ཟེར་རོ། །དེ་ནས་ཡབ་རྒྱལ་པོ་བཞིན་མདོག་ངན་པར་གྱུར་ཏོ། །རྒྱལ་བུ་དེས་ཅི་ནོངས་གསུངས་པས། ཡབ་རྒྱལ་པོ་ན་རེ། བུ་མོ་ཤེད་རྩལ་དང་སྒྱུ་རྩལ་གང་ཆེ་བ་ལ་སྟེར་ཟེར་བས་མ་དགའ་གསུངས་སོ། །རྒྱལ་བུས་གཏམ་དེ་ཐོས་པ་དང། ཡབ་རྒྱལ་པོ་ལ་སྨྲས་པ། གྲོང་ཁྱེར་འདི་ན་བདག་དང་སྒྱུ་རྩལ་འགྲན་ནུས་པ་འགའ་མ་མཆིས་སམ། རཱ་ཛས་བགད་ནས། བུ་ཁྱོད་ཀྱིས་སྒྱུ་རྩལ་བསྟན་པར་ནུས་སམ། ལྷ་དེ་ནི་བདག་གིས་ལེགས་པར་རྫོག་ཐོགས་ལགས་སོ། །དེ་ནས་རྒྱལ་པོས་སེར་སྐྱའི་གྲོང་ཁྱེར་དུ་དྲིལ་བསྒྲགས་ཏེ། སྒྱུ་རྩལ་ཤེས་པ་ཐམས་ཅད་འདུས་ཤིག་ཅེས་བསྒོའོ། །དེ་ནས་གོང་བཞིན་དུ་འགྲན་པས་རྒྱལ་བུ་ཁྱད་པར་དུ་འཕགས་པ་བྱུང་སྟེ། ལག་ན་བེ་ཅོན་གྱིས་རང་གི་བུ་མོ་རྒྱལ་བུ་ལ་ཕུལ་ལོ། །དེ་ལ་སོགས་ཏེ་བཙུན་མོ་བརྒྱད་ཁྲི་བཞི་སྟོང་ཁང་ཏུ་བཞེས་ཏེ་རྩེ་དགའ་རོལ་པར་སྤྱོད་དོ། །དེ་ནས་དགུང་ལོ་ཉིས་ཤུ་རྩ་དགུ་ལ་སྲས་སྒྲ་གཅན་འཛིན་བལྟམས་སོ། །མཛད་པ་བདུན་པ་རབ་ཏུ་བྱུང་བ་ནི། དེའི་ཚེ་བྱང་ཆུབ་སེམས་དཔའ་ལ་མཆོད་པ་སྤྲོ་བའི་ལྷ་ཀླུ་དང། གནོད་སྦྱིན་དང། དྲི་ཟ་དང། ལྷ་མ་ཡིན་ལ་སོགས་པ་རྣམས་འདུས་པར་གྱུར་ཏོ། །སྐྱེས་བུ་འདི་བཙུན་མོའི་ནང་དུ་ཡུན་རིང་ན་འཚང་རྒྱ་བར་འགྱུར་རམ་མི་འགྱུར་སྙམ་མོ། །དེ་ནས་གནས་སྐབས་དེ་ལ་ཕྱོགས་བཅུའི་སངས་རྒྱས་རྣམས་ཀྱིས་བསྐུལ་བ་ཆོས་
ཉིད་ཡིན་པས། ནམ་མཁའི་སིལ་སྙན་གྱི་སྒྲ་དག་ལས། འཆི་མེད་མྱ་ངན་མེད་པར་སངས་རྒྱས་ནས། །སྐོམ་པས་ཉམས་ཐག་བདུད་རྩིས་ཚིམ་བྱ་ཞེས། །སྔོན་གྱི་སྨོན་ལམ་ཚོགས་མཆོག་དྲན་པར་བྱོས། གྲོང་ཁྱེར་འདི་ནས་མྱུར་དུ་མངོན་པར་ཕྱུང། །ཞེས་བསྐུལ་བའི་ཚིགས་སུ་བཅད་པ་གསན་པ་དང། རབ་ཏུ་འབྱུང་བར་བཞེད་པ་ན། གྲོང་ཁྱེར་གྱི་ཕྱོགས་བཞི་དབུས་སུ་སྐྱེ་རྒ་ན་འཆི་དང་དགེ་སྦྱོང་གི་དངོས་པོ་གཟིགས་སོ། །ཁ་ལོ་བསྒྱུར་བ་ལ་དྲིས་ནས། །འདུན་པ་ང་ནི་གཞན་དོན་ཚོལ་བས་ན། །བྱང་ཆུ་རྒ་ཤི་མེད་པའི་གནས་ཐོབ་ནས། །འགྲོ་བ་བསྒྲལ་བར་བྱ་ཞེས་ཡུན་རིང་ནས། །སྨོན་ལམ་བཏབ་པ་དེ་ཡི་དུས་ལ་བབ། །ཅེས་གསུང་ཏེ་བདག་ཀྱང་འདི་ལྟ་བུ་བྱ་དགོས་པར་དགོངས་པས། ཟས་གཙང་གི་རྨི་ལམ་ན་གཞོན་ནུ་རབ་ཏུ་བྱུང་བར་རྨོས་སོ། །དེ་ནས་རྒྱལ་བུ་བསྲུང་བའི་ཕྱིར། རྭ་བ་རྒྱ་ཆེན་པོ་བྱས་འོབས་ཀྱིས་བསྐོར་བ་དང། བཙུན་མོ་རྣམས་ཀྱིས་གླུ་གར་རྩེད་འཇོ་རྒྱུན་མ་བཅད་པ་དང། ཤཱཀྱའི་ཚོགས་རྣམས་ཀྱང་ཡིད་མི་དགའ་ཞིང་སྲུང་བར་བྱེད་དོ། །དེའི་ཚེ་གཞོན་ནུ་རབ་ཏུ་བྱུང་བའི་སྔ་ལྟས་སུ། ངང་པ་ལ་སོགས་བྱའི་ཚོགས་རྣམས་སྒྲ་མི་སྙན་པར་སྒྲོགས་པ་དང། མེ་ཏོག་པདྨའི་ཚོགས་རྙེད་པ་དང། ཤིང་ལྗོན་པ་བསྐམས་པ་དང། རྔ་དང་རྫ་ཇ་བརྡུངས་ན་སྒྲ་མི་འབྱུང་ཞིང་ཆགས་པ་དང། རྔ་དང་རྫུ་བརྡུངས་ན་སྒྲ་མི་འབྱུང་ཞིང་ཆགས་པ་དང། ནམ་ཕྱེད་ནས་ས་འཚོ་མའི་རྨི་ལམ་དུ་ས་གཡོས་པ་དང། ཤིང་ལྗོན་པ་རྩ་བ་ནས་ཐོན་པ་དང། ཉི་མ་དང། ཟླ་བ་ས་ལ་ལྷུང་བ་རྨིས་ནས། ས་འཚོ་མ་གཉིད་སད་ནས་མཆི་མ་ཟག་ཅིང་རང་གི་བྱང་སེམས་ལ་
འདི་སྐད་སྨྲས་སོ། །ལྷ་ཅིགས་རྨི་ལམ་འདི་འདྲ་རྨིས་པ་བཀའ་སྩོལ་ཅིག་བྱང་སེམས་ཀྱིས་ས་འཚོ་མ་ལ་སྨྲས་པ། དེ་ནི་ཁྱོད་ཀྱིས་ཉོན་མོངས་པའི་དྲྭ་བ་གཅོད་པ་ཡིན་ཏེ། ཤིན་ཏུ་བཟང་ཞེས་ལུང་བསྟན་ཏོ། །དེ་ནས་བྱང་སེམས་ཀྱིས་ཡབ་ལ་རབ་ཏུ་བྱུང་བར་ཞུས་པས། རྒྱལ་པོ་མིག་མཆི་མས་གང་ནས་ཁྱོད་རབ་ཏུ་མ་བྱུང་བར། ཅི་འདོད་པ་སློང་བ་སྨྲོས་ཤིག་ཟེར་རོ། །རྒྱལ་བུ་བྱང་ཆུབ་སེམས་དཔས་སྨྲས་པ། ལྷ་གཅིག་བདག་ལ་འདོད་པ་བཞི་ཡོད་པས། རྟག་ཏུ་རྒས་པས་མི་ཚུགས་པ་དང། རྟག་ཏུ་མདོག་བཟང་ཞིང་དར་ལ་བབ་པ་དང། རྟག་ཏུ་ནད་མེད་པ་དང། ཚེ་ལ་རྒུད་པ་མེད་པ་བཞི་འཚལ་ལོ། །རྒྱལ་པོ་སྡུག་བསྔལ་མེད་པ་དང༌། ཚེ་ལ་རྒུད་པ་མེད་པ་བཞི་འཚལ་ལོ། །རྒྱལ་པོ་སྡུག་བསྔལ་ཏེ་གཞོན་ནུ། དེའི་མཐུ་བདག་ལ་མེད་དོ་ཟེར། བྱང་ཆུབ་སེམས་དཔས་སྨྲས་པ། འོ་ན་མཆོག་ཅིག་སློང་གི་འདི་ནས་ཤི་འཕོས་ནས་ཕུང་པོ་ཉིང་མཚམས་མི་སྦྱོར་བ་ཞི་སྩོལ་ཅིག་ཟེར་རོ། །དེ་ནས་རྒྱལ་པོས་བུ་ལ་ཆགས་པ་བཏང་ནས། ཁྱོད་ཀྱི་བསམ་པ་རྫོགས་པར་གྱུར་ཅིག་ཅེས་གསུངས་སོ། །དེ་ནས་གནོད་སྦྱིན་གྱི་དེད་དཔོན་ཉེར་བརྒྱད་འདུས་ནས། དོ་ནུབ་བྱང་སེམས་རབ་ཏུ་འབྱུང་གི་ཟེར་ནས་མཆོད་པ་བྱེད་དོ། །དེ་ནས་རྒྱལ་བུས་འདུན་པ་མ་སྨྲས་པ། བྱང་སེམས་གང་དུ་བཞུད་དེ་མ་བཞུད་ཅེས་སྨྲས་པས། རྒྱལ་བུ་ན་རེ། ངས་མགོ་དང་རྐང་ལག་དང་མིག་ཀྱང་བཏང་སྟེ་སེམས་ཅན་ཡོངས་སུ་དགྲོལ་བའི་དུས་ལ་བབ་བོ། །ཞེས་གསུངས་སོ། །དེའི་ཚེ་ལྷའི་བུ་ཞི་བའི་བློ་གྲོས་ཀྱིས་གྲོང་ཁྱེར་གྱི་མི་ཐམས་ཅད་གཉིད་ཀྱིས་ནོན་པར་བྱས་སོ། །རྒྱལ་པོ་བཞི་ཡིས་རྟའི་
རྨིག་པ་ནས་བཏེགས་ནས་ནམ་མཁའ་ལ་བྱོན་ཏེ། མཆོད་རྟེན་རྣམ་དག་གི་དྲུང་དུ་རྟ་དང་རྒྱན་དང་བཟའ་རྣམས་འདུན་པ་ལ་སླར་ལྡོག་སྟེ། ལྡོག་མེད་པའི་གནས་མཆོག་འཆི་མེད་པར། །འཆི་མེད་བྱང་ཆུབ་དམ་པ་མ་ཐོབ་བར། །ང་ནི་སེར་སྐྱའི་གྲོང་དུ་མངོན་ཕྱོགས་ཏེ། །འགྲོ་འདུག་ཉལ་དང་འཆག་པར་མི་བྱའོ། །ཞེས་གསུངས་ནས་ཉིད་ཀྱི་དབུ་སྐྲ་ཉིད་ཀྱིས་བཞར་ནས་གནས་གཙང་མའི་ལྷའི་བུ་ལས་ངུར་སྨྲིག་བླངས་ཏེ་ཆོས་གོས་མཛད་དེ། རབ་བྱུང་གི་བསྙེན་པར་རྫོགས་པ་མཛད་དོ། །དེ་ནས་ཕྱི་རོལ་པའི་ལྷ་བ་དང་སྤྱོད་ལམ་མ་ཡིན་པར་བསྟན་པའི་དོན་དུ། འཇིག་རྟེན་ན་གདམས་ངག་ཆེ་བར་གྲགས་པ་སྒྱུ་རྩལ་ཤེས་ཀྱི་བུ་རིང་ཕུར་དང། རངས་བྱེད་ཀྱི་བུ་ལྷག་སྤྱོད་དག་ལ་ཅི་ཡང་མེད་པ་དང། འདུ་ཤེས་མེད་མིན་གྱི་ཆོས་སྟོན་པའི་གདམས་ངག་མནོས་ཏེ། གྲོགས་པ་དག་ཁྱོད་ཀྱི་ཆོས་འདི་ནི་ངེས་པར་འབྱུང་བ་མ་ཡིན་ཞེས་སུན་ཕྱུང་པ་དང། དེ་དག་ལས་ཡོངས་སུ་ཆད་པའི་ལྔ་སྡེ་དང་འགྲོགས་ཏེ། རིག་པའི་རྩེར་ཕྱིན་པར་གྱུར་ཏོ། །མཛད་པ་བརྒྱད་པ་དཀའ་ཐུབ་མཛད་པ་ནི། དེ་ནས་ཚུལ་ཁྲིམས་དང་བརྟུལ་ཞུགས་མཆོག་ཏུ་འཛིན་ཅིང་ཡོངས་སུ་གདུངས་པས་དག་པ་འཚོལ་བ་རྣམས་སུན་དབྱུང་བའི་ཕྱིར། འཇུག་ངོགས་བདེ་བ་ཆུ་རླུང་ནེར་ཉྫནའི་འགྲམ་དུ་ཟས་དང་སྐོམ་བཅད་དེ། བྱ་དགའ་བའི་སྤྱོད་པས་ལོ་དྲུག་ཏུ་མཁའ་ཁྱབ་ཀྱི་ཏིང་འཛིན་ལ་སྙོམས་པར་བཞུགས་སོ། །དེ་ལ་དུས་གསུམ་གྱི་སངས་རྒྱས་རྣམས་ཀྱིས་ཆོས་རྣམས་ཀྱི་དེ་ཁོ་ན་ཉིད་མ་རྟོཊ་པར་ཅི་དཀའ་བ་སྤྱད་པས་སངས་རྒྱའམ་ཞེས་བསྐུལ་བས། སྐུ་དེ་ཉིད་དུ་
བཞག་ནས་ཐུགས་ལོངས་སྐུའི་ཆ་བྱད་དུ་ཞུགས་ནས་རི་རབ་ཀྱི་རྩེ་མོར་གཞུང་ཡོ་ག་དུམ་བུ་བཞའི་རྒྱུད་གསུངས་སོ། །དེ་ནས་དཀའ་ཐུབ་ཀྱི་ཁོག་པར་བྱོན་པས་སྐུ་རིད་པ་ལ་བ་གླང་རྫི་མོས་འཇམ་ཞོ་དྲངས་པས་སྐུའི་མདོག་རྙེད་དོ། །ཚོང་དཔོན་གྱི་བུ་མོས་ཤེ་མ་གང་དང་གང་ཚེས་པ་བརྒྱའི་འོ་མ་གཅིག་ལ་བླུད་དེ་འབྲས་གསར་པ་དང༌། འོ་མ་ཐུག་པར་བཙོས་པ་དྲངས་སོ། །དེ་ནས་བྱང་ཆུབ་སེམས་དཔས་སྐུ་བསིལ་བར་བྱ་བའི་ཕྱིར་ནཻར་ཉྫནར་ཁྲུས་བྱས་སོ། །དེ་ནས་སྤྲིའུའི་རྒྱལ་པོས་སྦྲང་རྩི་དྲངས་སོ། །དེ་གསོལ་བས་སྐུ་གསེར་གྱི་བརྟན་པ་ཕྱིས་པ་ལྟར་གྱུར་ཏོ། །མཛད་པ་དགུ་པ་བདུད་བཏུལ་པ་ནི། རྩཱ་འཚོང་བཀྲ་ཤིས་ལ། བཀྲ་ཤིས་ང་ལ་རྩྭ་ཞིག་མྱུར་དུ་བྱིན། །དེ་རིང་ང་ལ་རྩྭ་ཡིས་དོན་ཆེན་འགྱུར། །བདུད་དང་བཅས་པའི་དཔུང་རྣམས་བཅོམ་ནས་སུ། །བྱང་ཆུབ་ཞི་བ་གསུམ་པོ་ཐོབ་པར་འགྱུར། །ཞེས་གསུང་ནས་རྩྭ་ཀུ་ཤ་རྨ་བྱའི་མགྲིན་པ་ལྟར་སྔོ་ལ་འཇམ་པ་ལྗང་ལོ་གཡས་སུ་འཁྱིལ་བ་ཕྱག་གང་བླངས་ཏེ། དེ་ཉིད་བྱང་ཆུབ་ཀྱི་ཤིང་དྲུང་དུ་མ་གྲུམ་པར་བཏིང་བ་ལ། སྐྱིལ་མོ་ཀྲུང་དུ་བཞུགས་ནས་འདི་སྐད་ཅེས། སྟན་འདིར་བདག་གི་ལུས་འདི་སྐམ་པའམ། །པགས་ར་རུས་པའི་ཚོགས་རྣམས་ཞིག་གྱུར་ཀྱང། །བསྐལ་མང་རྙེད་དཀའི་བྱང་ཆུབ་མ་ཐོབ་བར། །སྟན་འདི་ལས་ནི་འགུལ་སྐྱོད་མི་བྱའོ། །ཞེས་དམ་བཅའ་མཛད་པ་ལ། ཕྱོགས་བཅུའི་བྱང་ཆུབ་སེམས་དཔའ་རྣམས་འདུས་པས་མཆོད་ཅིང་སྐོར་བ་བྱས་སོ། །ཡང་སྨིན་མཚམས་ནས་བདུད་ཀྱི་སྡེ་རྣམ་པར་འཇོམས་པ་ཞེས་བྱ་བའི་འོད་བཀྱི་བ་
དེས་སྟོང་གསུམ་གྱི་བདུད་ཐམས་ཅད་ལ་ཁྱབ་ཅིང་འོད་ལས་ཚིཊ་སུ་བཅད་པ། སེམས་ཅན་དག་པ་བསྐལ་མང་སྤྱད་སྤྱོད་པ། །ཟས་གཙང་སྲས་པོ་རྒྱལ་སྲིད་རབ་སྤངས་ཏེ། ཕན་བྱེད་བདུད་རྩི་འདོད་པས་མངོན་པར་ཕྱུང་ནས་ནི། །བྱང་ཆུབ་ཤིང་དྲུང་འོངས་ཀྱི་དེ་རིང་སྒྲིམ་པར་གྱིས། །ཞེས་བྱ་བ་བྱུང་བ་དང། བདུད་སྡིག་ཅན་རྣམས་ལ་རང་གི་ཕྱོགས་མུན་པས་ཁྱབ་པ་ལ་སོགས་རྨིས་ལྟས་ངན་པ་བདུན་ཅུ་རྩ་གཉིས་ཀྱང་བྱུང་ནས། བདུད་ཀྱི་དམག་རིགས་དྲུག་ཅུ་འདུས་ཏེ། གནོད་བྱིན་གྲུལ་བུམ་དང་ནི་ལྟོ་འཕྱེའི་གཟུགས། །སྲིན་པོའི་གཟུགས་དང་ཤ་ཟ་ཡི་དྭགས་གཟུགས། །འཇིག་རྟེན་མི་སྡུག་དྲངས་དྲག་གཟུགས་ཇི་སྙེད་པ། །ཐམས་ཅད་རྒྱུ་ཡིས་དེར་ནི་སྤྲུལ་པ་བྱས། །ཞེས་པ་དང། ཕྱོགས་ཀུན་ནས་ནི་རི་ཡི་དེར་ནི་སྦྲུལ་པ་བྱས། །ཞེས་པ་དང། ཕྱོགས་ཀུན་ནས་ནི་རི་ཡི་འཕྲེང་བ་དང། མཁའ་དྲག་གི་ནི་མཚོན་གྱི་ཆར་པ་དང། །སྙིང་རྗེ་འབར་བ་མངོན་པར་ཕབ་པ་ཡི། །ཤཱཀྱའི་བུ་དེ་ཐལ་རང་བརླག་པར་བྱ། །ཞེས་ཤིན་ཏུ་མི་སྡུག་པའི་ཆ་བྱད་དང། ང་རོ་སྣ་ཚོགས་སྒྲོགས་ཀྱང། བྱང་ཆུབ་སེམས་དཔར་འཇིག་འི་བག་མེད་ཅིང། །མཚོན་ཆ་ལ་སོགས་དྲག་དུ་བསྣུན་པས་ཀྱང། །བྱམས་ལྡན་ཐུབ་པ་དེ་ཡི་སྐུ་ལ་ནི། །མེ་དང་དུག་དང་མཚོན་གྱིས་མི་ཚུགས་ཏེ། །མཚོན་ཆ་འཕངས་པ་མེ་ཏོག་ཉིད་དུ་གྱུར། །འདི་ལྟར་དེ་ཡིས་བྱང་སེམས་སྒོམ་ཕྱིར་རོ། །ཞེས་ཟེར་རོ། །ཞེས་པའི་ཚུལ་གྱིས་གནོད་པར་མ་གྱུར་ལ། །སྡིག་ཅན་གྱི་བུ་སྟོང་ལས། བློ་གྲོས་བཟང་པོ་དང། ངན་པ་ལ་སོགས་པ་བྱང་ཆུབ་སེམས་དཔའ་ལ་དང་པའི་ཕྱོགས་གཉིས་སུ་ཆད་དེ། །ཆད་པས་བྱང་ཆུབ་སེམས་དཔའ་མ་ཐུབ་ཅིང། ཡང་སྡིག་ཅན་གྱིས། སྔོན་ཆད་ཁོ་བོས་མཆོད་སྦྱིན་གཏན་པ་མེད། །བྱས་པ་
ལ་ནི་ཁྱོད་ཉིད་དཔང་ཡིན་ན། །ཁྱོད་ལ་འདི་ན་དཔང་འགའ་ཡོད་མེན་པས། །སྒྲས་ཀྱང་དཔང་མེད་དེ་ནི་ཕམ་པ་ཡིན། །ཞེས་རྒྱུ་ལམ་སྒྲུབ་པ་ལ་སྐུར་བ་བཏབ་པ་དང། བྱང་ཆུབ་སེམས་དཔས་ཕྱག་གཡས་པ་ས་ལ་བརྡབས་ཏེ། ས་འདི་འགྲོ་བ་ཀུན་གྱི་གནས་ཡིན་ཏེ། །རྒྱུ་དང་མི་རྒྱུ་ཉེ་རིང་མེད་པར་སྙོམ། །འདི་ནི་བདག་གི་དཔང་སྟེ་རྫུན་མེད་པས། །ས་ཁྱོད་འདི་ལ་བདག་གི་དཔང་གྱིས་ཤིག །ཅེས་གསུངས་པས་ས་ཆེན་པོ་རབ་ཏུ་གཡོས་པ་དང། སའི་ལྷ་མོའི་ལུས་ཕྱེད་ཕྱུང་སྟེ། །ཅེས་གསུངས་པ་ཆེན་པོ་རབ་ཏུ་གཡོས་པ་དང། སའི་ལྷ་མོའི་ལུས་ཕྱེད་ཕྱུང་སྟེ། སྐྱེས་བུ་ཆེན་པོ་དེ་བཞིན་ཏེ། །དོན་འདི་བདག་ལ་སྔོན་ལེགས་ཀྱིས། །བཅོམ་ལྡན་འདས་ཉིད་དཔང་དང་ཚད་བདག་ལ་སྔོན་ལེགས་ཀྱིས། །བཅོམ་ལྡན་འདས་ཉིད་དཔང་དང་ཚད་མར་བཞུགས་པར་ལེགས། །ཞེས་པ་དང། སྡིག་ཅན་དཔུང་དང་བཅས་པས་སྒྲ་དེ་ཐོས་པ་དང། དངངས་སྐྲག་སྙིང་འགས་པ་ཙམ་དུ་ཐམས་ཅད་བྲོས་སོ། །སྤོབས་པ་མེད་ནས་མི་སྣང་བར་གྱུར་ཏེ། མྱ་ངན་གྱི་ཁང་བུར་ཞུགས་སོ། །དེ་ནས་ཆོ་འཕྲུལ་ཆེན་པོ་བསྟན་པ་ནི། ལྷོག་ཕྱོགས་ཁྱག་པ་གྱད་ཀྱི་ཡུལ་དུ་ལྗགས་ཀྱི་མཆིལ་མ་ཐལ་བ་གཅིག་གིས་མུ་སྟེགས་ཀྱི་སྟོན་པ་སུམ་བརྒྱ་དྲུག་ཅུ་ཆུས་ཁྱེར་བར་མཛད་དོ། །མཛད་པ་བཅུ་པ་སངས་རྒྱས་པ་ནི། གནས་སྐབས་དེར་གཙང་མ་རིགས་ཀྱི་ལྷ་རྣམས་ཀྱིས་སྡིག་ཅན་ལ་སྤྱོ་བ་དྲུག་གིས་མཛད་ཅིང། བྱང་ཆུབ་ཤིང་གི་ལྷ་མོ་བརྒྱད་ཀྱིས་སྡིག་ཅན་ལ་སྤྱོ་བ་དྲུག་གིས་སྨད་ཅིང། བྱང་ཆུབ་ཤིང་གི་ལྷ་མོ་བརྒྱད་ཀྱིས་བྱང་ཆུབ་སེམས་དཔའ་རྣམ་པ་དྲུག་གི་བསྟོད་པའང་བྱས་སོ། །དེ་ནས་ནམ་གྱི་ཆ་སྨད་ལ་བསམ་གཏན་བཞི་མངོན་དུ་མཛད་ཅིང། གུང་ཐུན་ལ་མངོན་པར་ཤེས་པ་ལྔ་བསྐྱེད་དེ། ཐོ་རངས་ཟག་པ་ཟད་པ་མངོན་དུ་མཛད་དེ་རྡོ་རྗེ་བྟ་བུའི་ཏིང་ངེ་འཛིན་སྐད་ཅིག་
དང་ལྡན་པའི་ཤེས་རབ་ཀྱིས་བག་ཆཊ་ཀྱི་མཚམས་སྦྱོར་བའི་ཉོན་མོངས་པ་ཐམས་ཅད་སྤངས་ཏེ་ཕུང་པོའི་རྒྱུན་དེ་ཉིད་མ་དོར་བར་སྐུ་གསུམ་ཡེ་ཤེས་བཞི་དང་ལྡན་པ་ཉིད་དུ་མངོན་པར་རྫོགས་པར་སངས་རྒྱས་སོ། །དེ་ལ་ཕྱོགས་དང་བཅུའི་སངས་རྒྱས་རྣམས་ཀྱིས་གསུངས་པ། བདག་ཅག་ཇི་ལྟར་སངས་རྒྱས་པ། །དེ་ལྟ་ཁོ་ནར་ཁྱོད་སངས་རྒྱས། །དཔེར་ན་མར་དང་མར་ཉིད་ཀྱི། །ཉིང་ཁུ་མཚུངས་པ་ཉིད་དུ་འགྱུར། །ཅེས་གསུངས་པ། གནས་གཙང་མའི་ལྷ་རྣམས་ཀྱིས་མཆོད་ཅིང་བསྟོད་དོ། །སྟོན་པས་ཐོག་མ་ཁོ་ནར་ཚངས་པའི་དབྱངས་ཀྱིས་འདི་སྐད་གསུངས་སོ། །བསོད་ནམས་སྨིན་ཅིང་སྡུག་བསྔལ་རྣམ་པར་སེལ། །བསོད་ནམས་ལྡན་པ་བསམས་པ་རྣམས་ཀྱང་འགྲུབ། །བདུད་བཅོམ་ནས་ནི་བྱང་ཆུབ་མངོན་སངས་རྒྱས། །མྱ་ངན་འདས་ཤིང་བསིལ་བའི་དངོས་པོ་ཐོབ། །ཅེས་གསུངས་སོ། །མཛད་པ་བཅུ་གཅིག་པ་ཆོས་ཀྱི་འཁོར་ལོ་བསྐོར་བ་ནི། དང་པོ་རྒྱུ་གསུམ་གྱི་ཆོས་མ་གསུངས་ཏེ། རྒྱུ་གསུམ་ནི། སྟོན་པ་ལ་མ་གུས་པ་སྤོང་བ་དང། དམ་པའི་ཆོས་བཙུན་པ་དང། སྟོན་པ་ལ་མ་གུས་པ་སྤོང་བ་དང། དམ་པའི་ཆོས་བཙུན་པ་དང། ཞུ་བ་པོའི་བསམ་པ་བསྐང་པའི་ཕྱིར། བདུན་ཕྲག་བདུན་དུ་ཆོས་མ་གསུངས་ཏེ། བདུན་ཕྲག་དང་པོ་ལ་སེམས་ཅན་ཐམས་ཅད་ཀྱི་སྡུག་བསྔལ་མཐར་དབྱུང་ངོ༌། །ཞེས་སྐྱིལ་པོ་ལ་སེམས་ཅན་ཐམས་ཅད་ཀྱི་སྡུག་བསྔལ་མཐར་དབྱུང་ངོ༌། །ཞེས་སྐྱིལ་མོ་ཀྲུང་མ་བཤིག་པར་བྱང་ཆུབ་ཀྱི་ཤིང་ལ་གཟིགས་སོ། །བདུན་ཕྲག་གཉིས་པ་ལ་སྟོང་གསུམ་དུ་རིང་དུ་འཆག་གོ །བདུན་ཕྲག་གསུམ་པ་ལ་སྙིང་པོ་བྱང་ཆུབ་ལ་གཟིགས་སོ། །བཞི་པ་ལ་རྒྱ་མཚོའི་བར་དུ་འཆག་གོ །ལྔ་པ་ལ་བཏང་བཟུང་གི་གནས་སུ་གཤེགས་སོ། །དྲུག་པ་ཤིང་ནྱ་གྲོ་དྷའི་ཆུ་ཤིང་གབ་དྲུང་དུ་བཞུད་དེ་ཀུན་ཏུ་རྒྱུ་བ་དག་ལ་གདམས་ངག་
མཛད་དོ། །བདུན་པ་ལ་ཤིང་སྒྲོལ་རྒྱུའི་ཚལ་དུ་བཞུད་དེ། ཚོང་དཔོན་ག་གོན་བཟང་པོས་སྤྱན་གཟིགས་ཕུལ་བས་ཤིས་པ་བརྗོད་པའི་མདོ་གསུངས་སོ། །དེ་ནས་ཡང་ཆོས་ཟབ་མོ་མཉན་ཅིང་བཤད་དུ་མེད་ལ་རྟོག་གེའི་ཡུལ་མ་ཡིན་པའི་རྟོགས་པ་ཡོད་ལ། འདི་གཞན་ལ་བསྟན་ཡང་ཁོང་དུ་ཆུད་པས། དོན་དུ་མི་འགྱུར་བ་སྙམ་སྟེ། ཐུགས་ལས་ཆུང་པ་ལ་གཞོལ་བ་དང། ལྷ་ཚངས་པས་བརྒྱ་བྱིན་སྦྲན་ཏེ། ཟླ་བ་ཉ་བ་གཟའ་ལས་ཐར་བ་ལྟར། །ཁྱེད་ཀྱི་ཐུགས་ནི་ཤུན་ཏུ་རྣམ་པར་གྲོལ། གཡུལ་ལས་རྣམ་པར་རྒྱལ་བ་བཞེངས་གསོལ་ཏེ། །འཇིག་རྟེན་མུན་པར་ཤེས་རབ་འོད་ཕྱུང་གསོལ། །ཞེས་ཞུས་པས་མ་གནང་ངོ་། །དེ་ནས་ལྷ་ཚངས་པས་ཞུས་པས། །སྲིད་པ་ལ་ཆགས་ཤིང་སྐྱེ་དགུ་འདོད་པས་བཅིངས་པས་མི་རྟོཊ་ཞེས་མ་གནང་ངོ་། །དེ་ནས་ལྷ་ཚངས་པས། །མ་དྷ་ཡི་ཡུལ་འདིར་སྔོན་ཆད་ཆོས། །མ་དག་དྲི་མའི་རྗེས་སུ་འབྲེང་པ་བྱུང། །བདུད་རྩིའི་སྒོ་མོ་དབྱེ་བར་མཛད་ཀྱི་ཆོས། །རྡུལ་བྲལ་དྲི་མ་མེད་པ་བསྟན་དུ་གསོལ། །ཞེས་ཞུས་པས། འཇིག་རྟེན་ཐམས་ཅད་ལ་གཟིགས་ནས་མ་ངེས་པ་དང། གདུལ་བྱ་ཡང་དག་པ་ཉིད་དུ་ངེས་པ། ལོག་པར་ངེས་པ། མ་ངེས་རིགས་གསུམ་ལ་གཟིགས་ནས་གནང་ངོ་། །དེ་ནས་ལྷ་ཚངས་པས་ཀྱང་དེ་བཞིན་གཤེགས་པ་ལ་ཆོས་ཀྱི་འཁོར་ལོ་བསྐོར་བར་གནང་ངོ་ཞེས། ལྷའི་གནས་རྣམས་ལ་གོང་ནས་གོང་དུ་བསྒྲགས་སོ། །དུས་ནི་སྟོན་པས་དགུང་ལོ་སུམ་ཅུ་རྩ་ལྔ་ས་མོ་ཕག་གི་ལོའི་སྟོན་ཟླ་ར་བའི་ཉིས་ཤུ་དགུའི་བར་དུ། ལོ་བདུན་དུ་ཞག་དགུས་མ་ཚང་བ་ཙམ་དུ་བདེན་པ་བཞིའི་ཆོས་ཀྱི་འཁོར་ལོ་
བསྐོར་ཏེ། འདུལ་བའི་སྡེ་སྣོད་རྣམས་རྒྱས་པར་གསུངས་ཏེ། དེ་ཡང་ཆོས་འདི་སྔོན་ལ་སུས་རྟོགས་ན། འཁོར་གྱི་དང་པོ་ལྔ་སྡེ་བཟང་པོས་ཁོང་དུ་ཆུད་པར་དགོངས་ནས། ཡུལ་ལྦཱ་ར་ཎཱ་སིའི་དྲང་སྲོང་ལྷུང་བ་རི་དྭགས་རྒྱུ་བའི་གནས་སུ་བཞུགས་པ་ལ། ལྔ་སྡེ་བཟང་པོ་ཡུལ་ལྦཱ་ར་ཎཱ་སིའི་ཕུ་ན་གནས་པས། སངས་རྒྱས་ནི་ལྷོའི་ངོས་ནས་བྱང་ཕྱོགས་སུ་བཞུད་པ་ལས། དེའི་ཤུལ་ཀར་ཀུན་ཏུ་རྒྱུ་ཕྱི་རོལ་པ་ལྔ་བརྒྱ་ཙམ་དང་བཅས་པ་ལྷོའི་ཕྱོགས་སུ་འགྲོ་བ་དང་འཕྲད་ནས། དེ་རྣམས་ཀྱི་བསམ་པ་ལ་གོའུ་ཏ་མ་འདི་ལ་སློབ་དཔོན་མེད་པར་སངས་རྒྱས་ཟེར་བ་འདི་རིགས་སམ། བདེན་ནམ་དྲིས་པས། གོའུ་ཏ་མ་ཁྱེད་ཀྱི་སློབ་དཔོན་སུ་ཡིན་དྲིས་པ་དང། ལན་དུ། ང་ལ་སློབ་དཔོན་སུ་ཡང་མེ། །ང་རང་གཅིག་པོར་རྫོགས་སངས་རྒྱས། །ང་དང་འདྲ་བ་གཞན་མེད་དེ། །བསིལ་གྱུར་ཟག་པ་ཟད་པ་མིན། །ཅེས་གསུངས་པས། དགྲ་བཅོམ་པར་གོ་ནས་འོ་ན་ཁྱེད་དགྲ་བཅོམ་པ་ཡིན་ནམ་བྱས་པས། །ང་ནི་འཇིག་རྟེན་དགྲ་བཅོམ། །ང་ནི་སྟོན་པ་བླ་ན་མེད། །ལྷ་དང་ལྷ་མིན་ནང་ན་ཡང། །ང་དང་འདྲ་བ་ཡོད་མ་ཡིན། །ཞེས་གསུངས་པས། །འོ་ན་ཁྱོད་རྒྱལ་བར་ཁས་ལེན་ནམ་ཞེས་ཞུས་པས། སངས་རྒྱས་ཀྱིས་བཀའ་སྩལ་པ། གང་དུ་ཟག་པ་ཟད་རྙེད་པ། །ང་འདྲ་རྒྱལ་བར་ཤེས་པར་བྱ། །སྡིག་པའི་ཆོས་ལས་ང་རྒྱལ་བས། །ཉེ་འགྲོའི་དེ་བཞིན་ང་རྒྱལ་བ། །ཞེས་གསུངས་པས། སངས་རྒྱས་ཡིན་པར་ཡིད་ཆེས་ཏེ། ད་འོ་ན་ཁྱོད་གར་བཞུད་དྲིས་པས། ང་ནི་ལྦཱ་ར་ཎཱ་སིར་འགྲོ། །གྲོང་ཁྱེར་གསལ་ལྡན་སོང་ནས་ཀྱང། །དམུས་ལོང་ལྟ་བུའི་སེམས་ཅན་ལ། །ཆོས་ཀྱི་
སྒྲོན་མེ་འདེགས་སུ་འགྲོ །ཞེས་པ་ལ་སོགས་གསུངས་པས། འོ་ན་བདག་ཅག་ཀྱང་ལྷན་ཅིག་པར་ཁྱེད་ཀྱི་འཁོར་བགྱིད་དོ་ཟེར་ནས། ལྷོ་ངོས་སུ་སོང་ངོ་། །སངས་རྒྱས་འཁོར་བ་དང་བཅས་པ་བྱང་ཕྱོགས་སུ་ལྦཱ་ར་ཎཱ་སིའི་ཕུག་ཏུ་བྱོན་པ་དང། དེ་ན་མུ་སྟེགས་ཀྱི་སྟོན་པ་ལྔ་སྡེ་བཟང་པོ་ཡོད་པས། སངས་རྒྱས་འབྱོན་པ་ཐོས་ཏེ་གྲོས་བསྟུན་ནས་འཁོར་མི་བྱེད་པར་བཅའ་བ་བྱས་སོ། །ཀུན་ཤེས་ཀོའུ་དི་ནྱས་དམ་མ་བཅས། དེར་སངས་རྒྱས་བྱོན་པ་དང་གཟི་བརྗིད་མ་བཟོད་དེ་དྲིས་པ། ཚེ་དང་ལྡན་པ་ཁྱེད་མི་ཆོས་བླ་མ་མཁན་གཟི་བརྗིད་མ་བཟོད་དེ་དྲིས་པ། ཚེ་དང་ལྡན་པ་ཁྱེད་མི་ཚོས་བླ་མ་མཁན་ཞིག་ཡིན་སྙམ་པ་ལ། གཟི་བརྗིད་རེ་ཆེ། འཕགས་པའི་ཤེས་རབ་ཅང་མངའ་འམ་དྲིས་པས། བཀའ་སྩལ་པ། ང་ལ་ཚེ་དང་ལྡན་པ་མ་ཟེར་ཅིག །སྡུག་བསྔལ་སེལ་བའི་ལྗོན་ཤིང་ངོ་། །ནད་སེལ་བའི་སྨན་པའོ། །ཞེས་གསུངས་པས་དད་དེ་འཁོར་གྱི་དང་པོར་གྱུར་ཏོ། །དེ་ནས་ཆོས་གསུངས་པར་བཞེད་ནས་འཁོར་བ་བསྡུ་བའི་གཎྜི་བརྡུངས་པའི་སྒྲ་ལས་འདི་སྐད་དུ་བྱུང་སྟེ། །བདེ་གཤེགས་སློབ་མར་གྱུར་པའི་སེམས་ཅན་གང་སུ་དག །དེང་འདིར་སྟོན་པས་ཆོས་ཀྱི་ཆར་འབེབས་ཀྱི། །གང་དག་མཉན་པར་འདོད་རྣམས་འདིར་འདུས་ཤིག །ཟབ་མོ་རྒྱལ་བའི་བཀའ་ལ་ཀུན་ཉོན་ཅིག །ཅེས་པའི་སྒྲ་བྱུང་བས་ཀུན་ལྦཱ་ཎཱ་སིར་འདུས་སོ། །དེའི་ཚེ་ཚེ་དང་ལྡན་པ་ཀུན་ཤེས་ཀོའུ་དི་ནྱ། རྟ་ཐུལ། །རླངས་པ། མིང་ཆེན། བཟང་ལྡན་དང་ལྔ་ལ། འདི་སྐད་དུ་བཟིན་བཟང་དག འདི་ནི་སྡུག་བསྔལ་ལོ། །འདི་ནི་ཀུན་འབྱུང་བའོ། །འདི་ནི་འགོག་པའོ། །འདི་ནི་ལམ་མོ། །ཞེས་རེ་རེ་ལ་ཡང་ཕྱེས་ནས་
སྐད་ཅིག་མ་བཅུ་དྲུ་གོ་དོན་བསྟན་པས་མཐོང་ལམ་རྒྱུད་ལ་སྐྱེས་སོ། །ད་དུང་ལམ་གོང་མ་རྒྱུད་ལ་མ་སྐྱེས་པ་ལ་གསུམ་ཏེ། སྡུག་བསྔལ་ནི་འབྲས་བུ་སྟེ་ཤེས་པར་བྱའོ། །ཀུན་འབྱུང་ནི་རྒྱུ་སྟེ་སྤང་བར་བྱའོ། །འགོག་པ་ནི་འབྲས་བུ་སྟེ་སྔོན་དུ་བྱའོ། །ལམ་ནི་རྒྱུ་སྟེ་བསྒོམ་པར་བྱའོ། །ཞེས་གསུངས་པས་སྒོམ་ལམ་རྒྱུད་ལ་སྐྱེས་སོ། །ད་དུང་ལམ་གོང་མ་རྒྱུད་ལ་མ་སྐྱེས་པ་ལ་གསུངས་ཏེ། དོན་ལ། སྡུག་བསྔལ་ཤེས་ཟིན་པས་བྱས་ཏེ་ཤེས་ཟིན་ད་ཤེས་སུ་མེད། ལམ་ནི་བསྒོམ་པར་བྱ་སྟེ་བསྒོམ་ཟིན་ནས་བསྒོམ་རྒྱུ་མེད། འགོག་པ་སྔོན་དུ་བྱ་སྟེ་བྱས་ཟིན་སྔོན་དུ་བྱར་མེད། ཅེས་གསུངས་པས། མཐར་ཕྱིན་པའི་ལམ་རྒྱུད་ལ་སྐྱེས་ཏེ་འབྲས་བུ་ཐོབ་བོ། །དེ་ནི་བདེན་པ་རྣམ་པར་བཞག་པའི་འཁོར་ལ། བདེན་པ་རྣམ་པར་བཞག་པའི་འཁོར་གྱི་དང་པོ་ལྔ་སྡེ་བཟང་པོ་བཏུལ་བའོ། །དེའི་དུས་སུ། །སྟོན་པ་འཁོར་དྲུག་དེའི་གྱི་དང་པོ་ལྔ་སྡེ་བཟང་པོ་བཏུལ་བའོ། །དེའི་དུས་སུ། སྟོན་པ་འཁོར་དྲུག་དེའི་འཚོ་བ་ནི་བསོད་སྙོམས་ལ་བརྟེན་ཏེ་སྦྱིན་བདག་མེད་པས། ལྔ་སྡེའི་དགེ་སློང་ལ། གསུམ་ལ་ཆོས་འཆད། གཉིས་གྲོང་ཁྱེར་དུ་བསོད་སྙོམས་ལ་འཇུག །དེའི་བསོད་སྙོམས་དེས་དྲུག་ཆར་གྱི་གྲོ་འཚོ་བར་བྱེད་དོ། །དེའི་བསོད་སྙོམས་ཀྱིས་དྲུག་ཆར་གྱི་ཚ་བ་འཚོ་བར་བྱེད་དོ། །དེ་ལྟར་ཅོས་བཤད་པས་ལྔ་སྡེའྀ་དགེ་སློང་སྨིན་པ་དང། གྲོལ་བར་གྱུ་ཏེ། དེ་ནས་སྟོན་པ་འཁོར་དྲུག་པོས་འབབ་ཆུ་ཆེན་པོ་གནོད་པ་ཅན་གྱི་འགྲམ་དུ་བྱོན་པ་དང། ཁྱིམ་བདག་རིགས་ཀྱི་གཙོ་བོའི་བུ་ལྔ་རབ་ཏུ་བྱུང་སྟེ། གྲགས་པ། དྲི་མེད། གང་པོ། བ་ལང་བདག་ལག་བཟང་དང་
ལྔའོ། །དེ་ལྔ་ལའང་ཆོས་ནི་སྔ་མ་ཁོ་ན་བཞིན་གསུངས། སྦྱིན་བདག་ནི་ཁྱིམ་བདག་གྲགས་པས་བྱས། ཁྱིམ་བདག་དེའི་འཁོར་གྱི་ཁྱིའུ་ལྔ་བཅུ་ཡག་རབ་ཏུ་བྱུང་ནས། སྨིན་ཅིང་གྲོལ་བར་གྱུར་ཏེ། དེའི་ཚེ་འཇིག་རྟེན་འདིར་དགྲ་བཅོམ་པ་དྲུག་ཅུ་དང། གཅིག་ལ་ནི་སངས་རྒྱས་ཡིན། དེ་ནས་སྟོན་འཁོར་དྲུག་ཅུ་རྩ་གཅིག་པོ་རྣམས་ཀྱིས་མ་ག་དྷའི་གྲོང་ཁྱེར་སྟེང་རྒྱས་ཀྱི་དྲུང་དུ་བྱོན་ནས། འོད་སྲུངས་མཆེད་གསུམ་འཁོར་སྟོང་དང་བཅས་པ་ལ། སྔ་མ་ཁོ་ན་ལྟ་བུའི་ཆོས་གསུངས། ཆོ་འཕྲུལ་རྣམ་པ་གསུམ་བསྟན་ནས། དེ་རྣམས་སྨིན་པ་དང་གྲོལ་བར་མཛད། སྟོན་འཁོར་སྟོང་དང་དྲུག་ཅུ་རྩ་བཞི་པོའི་འཚོ་བ་ནི། གྲོང་སྟེང་རྒྱས་ཀྱི་སྐྱེ་བོ་དད་པ་ཅན་རྣམས་ཀྱིས་སྦྱར། དེ་ནས་སྟོན་འཁོར་དེ་རྣམས་ལྡང་འགྲམ་གྱི་ཚལ་དུ་བྱོན་ཏེ། མཆོད་རྟེན་ལེགས་པར་རབ་ཏུ་གནས་པའི་དྲུང་དུ་བཞུགས་པ་ལ། ཡུལ་མ་ག་དྷའི་རྒྱལ་པོ་བཟོ་སྦྱངས་གཟུཊ་ཅན་སྣིང་པོས་བསྙེན་བཀུར་ཆེན་པོ་མཛད་ནས། རྗེ་འབངས་བརྒྱ་དང་བརྒྱད་ཅུ་རྩ་བདུན་ལ་སྔ་ལ་སྔ་བཀུར་ཆེནཔོ་མཛད་ནས། རྗེ་འབངས་བརྒྱ་དང་བརྒྱད་ཅུ་རྩ་བདུན་ལ་སྔ་མ་ཁོ་ནའི་བདེན་པ་བཞིའི་ཆོས་གསུངས་ནས་སྨིན་དང་གྲོལ་བར་མཛད་དོ། །དེ་ནས་ཤཱཀྱ་པ་རྣམས་ཀྱང་རབ་ཏུ་དད་པར་གྱུར་ནས། ཚེ་དང་ལྡན་པ་ཆར་ཀས་ཡབ་དང་སྲས་ཀྱང་སྤྲད་དེ། དེའི་དུས་སུ་ཤཱཀྱའི་རིགས་ལྔ་བརྒྱ་རབ་ཏུ་བྱུང་ཟེར་རོ། །དེ་ནས་བཀའ་བར་པ་མཚན་ཉིད་མེད་པའི་ཆོས་ཀྱི་འཁོར་ལོ་བསྐོར་བའི་གནས་ནི། ཡུལ་མ་ག་དྷ་འོད་མའི་ཚལ་རྒྱལ་པོའི་ཁབ། བྱ་རྒོད་ཕུང་པོའི་རི་ཁྱིམ་བདག་མགོན་མེད་ཟས་སྦྱིན་གྱི་ཀུན་དགའ་ར་བ་ལ་སོགས་པར། དུས་ནི་སྟོན་པའི་དགུང་ལོ་བཞི་བཅུ་རྩ་གཉིས་རྟའི་ལོ་སྟོན་ཟླ་
འབྲིང་པོའི་ཚེས་གཅིག་ནས། བདུན་ཅུ་དོན་གསུམ་གླང་གི་ལོའི་སྟོན་ཟླ་འབྲིང་པོའི་ཚེས་བཅུ་བཞིའི་བར་དུ། ལོ་སུམ་ཅུ་སོ་གཅིག་དང་ཞག་བཅུ་གསུམ་དུ་གསུངས་སོ། །ཁྲོ་ཕྱ་ལོ་ཙྭ་བས་སུམ་ཅུ་རང་ཟེར། མཆིམས་པས་ལོ་ཉིས་ཤུ་རྩ་བདུན་ཟེར། འཁོར་ནི་ཚེ་དང་ལྡན་པ་ཤཱ་རིའི་བུ་དང་མོའུ་འགལ་གྱི་བུ་དང། རབ་འབྱོར་ལ་སོགས་པའི་ཐེག་པ་ཆེན་པོའི་རིགས་ཅན་གྱི་ཉན་ཐོས་མང་པོ་དང། རིགས་གསུམ་མགོན་པོ་དང། བྱམས་པ་དང། བརྒྱ་བྱིན་ལ་སོགས་པའི་བྱང་ཆུབ་སེམས་པའི་འཁོར་བྱེ་བ་ཕྲག་ཁྲིག་བརྒྱ་སྟོང་ལའོ། །ཆོས་ནི་མཚན་ཉིད་མེད་པའི་ཆོས་ཀྱི་འཁོར་ལོས་ཏེ། ཤེར་ཕྱིན་དང། བཀའ་བར་པར་གཏོགས་པ་རྣམས་སོ། །དེ་ཡང་ཟབ་པར་སྟོན་པ་རྣམས་སོ། །དེ་ཡང་ཟབ་པར་སྟོན་པ་ཏིང་ངེ་འཛིན་རྒྱལ་པོ་འམ། རྒྱ་ཆེ་བར་སྟོན་པ་ཕལ་པོ་ཆེ་འམ། གཉིས་ཀ་སྟོན་པ་ཡུམ་རྒྱས་པོ་སྟོང་ཕྲག་བརྒྱ་པ་དང། འབྲིང་གི་རྒྱས་པ་ཉིས་ཁྲི་ལྔ་སྟོང་པ་དང། འབྲིང་གི་འབྲིང་ཁྲི་བརྒྱད་སྟོང་པ་དང། །འབྲིང་གི་བསྡུས་པ་ཤེས་རབ་ཁྲི་པའོ། །བསྡུས་པའི་རྒྱས་པ་བརྒྱད་སྟོང་པ་དང། འབྲིང་གི་བསྡུས་པ་ཤེས་རབ་ཁྲི་པའོ། །བསྡུས་པའི་རྒྱས་པ་བརྒྱད་སྟོང་པ་དང། བསྡུས་ཤེས་རབ་ཁྲི་པའོ། །བསྡུས་པའི་རྒྱས་པ་བརྒྱད་སྟོང་པ་དང། བསྡུས་པའི་བསྡུས་པ་ཡོན་ཏན་རིན་པོ་ཆེ་སྡུད་པའོ། །དེ་ལ་སོགས་པ་ཆོས་ཐམས་ཅད་སྣང་ལ་རང་བཞིན་མེད་པ་དངོས་པོ་མེད་པའི་ངོ་བོ་ཉིད་སྟོང་པ་ཉིད་དང། རང་གི་མཚན་ཉིད་སྟོང་པ་ཉིད་དུ་གཏན་ལ་འབེབས་བར་བྱེད་པའི་ཆོས་གསུངས་ཏེ། ཡུམ་རྒྱས་པ་ལས། བདག་གི་འདུ་ཤེས་དང་བྲལ་བར་བྱེད་ཅིང། བདག་གི་འདུ་ཤེས་དང་བྲལ་ནས། སྟོང་པ་ཉིད་ཀྱིས་འཁོར་བ་ལས་གྲོལ་བ་དང། ཞེས་པ་ལ་སོགས་པ་གསུངས་པ་ལྟར། བསྟན་པའི་ཆོས་བསམ་གྱིས་མི་ཁྱབ་པ་ཞིག་གསུངས་སོ། །
དེ་ནས་བཀའ་གསུམ་པ་དོན་རྣམ་པར་ངེས་པའི་ཆོས་ཀྱི་འཁོར་ལོ་བསྐོར་བའི་གནས་ནི། རི་མ་ལ་ཡ་དང། གྲོང་ཁྱེར་ཡངས་པ་ཅན་དང། བུ་མོ་ཤེས་རབ་ཅན་གྱི་རྫིང་ངམ། གྲོང་ཁྱེར་ཡངས་པ་ཅན་དང། བུ་མོ་ཤེས་རབ་ཅན་གྱི་རྫིང་ངམ། ལང་ཀ་པུ་རི་ལ་སོགས་པ་རྣམས་སོ། །དུས་ནི། སྟོན་པ་དགུང་ལོ་བདུན་ཅུ་དོན་གསུམ་གླང་གི་ལོའི་སྟོན་ཟླ་འབྲིང་པོའི་ཉ་ནས། བརྒྱད་ཅུ་ཐམ་པ་སྤྲེའུའི་ལོ་ཡི་དབྱར་ཟླ་འབྲིང་པོའི་ཉའི་བར། ལོ་དགུ་རུ་ཟླ་བ་གསུམ་གྱིས་མ་ལོངས་པ་ཙམ་དུ་གསུངས་སོ། །མཆིམས་པས་ལོ་བཅུ་ཟེར། ཁྲོ་ཕུ་ལོ་ཙཱ་བས་ལོ་བཅུ་གཉིས་ཟེར་རོ། །འཁོར་ནི་བྱང་ཆུབ་སེམས་དཔའ་དོན་དམ་ཡང་དག་འཕགས་པ་ལ་སོཊ་པ་འཁོར་ཐེག་པ་སྣ་ཚོཊ་ལ་མོས་པ་ཞེས་གསུངས་ཀྱང། ཐེག་པ་ཐམས་ཅད་ལ་ཡང་དག་པར་ཞུགས་པའི་བྱང་ཆུབ་སེམས་དཔའ་རྣམས་ཡིན་ནོ། །ཆོས་ནི་མདོ་སྡེ་དགོངས་པ་ངེས་འགྲེལ་ལ་སོགས་པའི་བདེན་པ་རྣམ་པར་བཞག་པའི་ཆོས་གསུངས་ཏེ། དེ་ཡང་གང་ཞེ་ན། ཆོས་ལྔ་དག་དང་རང་བཞིན་གསུམ། །བདག་མེད་གཉིས་ཀྱི་ནང་དུ་ནི། །ཐེག་པ་ཆེན་པོ་མཐའ་དག་འདུས། །ཞེས་གསུངས་པའི་ཚུལ་ཅན་ཏེ། །དེ་ནི་གྲངས་སུ་མ་ཕྱེ་བའི་ངེས་པའི་དོན་གྱི་མདོ་སྡེའོ། །དབུ་མ་པ་རྣམས་བཀའ་དང་པོ་ཐ་མ་གཉིས་དགོངས་པ་ཅན། བར་པ་ངེས་དོན་དུ་འདོད་དོ། །འཁོར་ཐུན་མོང་མ་ཡིན་པ་རྣམས་ལ། གསང་སྔགས་ཀྱང་འགའ་ཙམ་གསུངས་ཏེ། དེ་ཡག་ཤཱཀ་ཐུབ་ཀྱིས་སྔགས་ཀྲྀ་ཡ་ནི་ཆུ་བོ་ནཻར་ཉྫན་དང། སིང་ག་ལའི་གནས་སུ་གསུངས། ཨུ་པ་ཡ་དཔུང་བཟང་གི་ཚལ་ལ་སོགས་པར་གསུངས། ཡོ་ག་ནི་མེ་རི་འབར་བའི་ཕོ་བྲང་དུ་གསུངས། གསང་སྔགས་ནང་པ་ཤས་འགའ་ནི། ཤཱཀ་ཐུབ་ལོངས་
སྐུའི་ཆ་ལུགས་སུ་མཛད་ནས། བསིལ་བའི་ཚལ་དང། ལྕང་ལོ་ཅན་ལ་སོགས་པར་གསུངས་སོ། །གསང་སྔགས་ཀྲྀ་ཡོག་ལྷ་ཡུལ་དུ་གསུངས་པ་ནི། ཀྲྀ་ཡ་ལྷའི་ཡུལ། གནས་ཆོས་བཟང་ལྷའི་ཕོ་བྲང་དུ། སྟོན་པ་རིགས་ཀྱི་གཙོ་བོ་རྣམ་པར་སྣང་མཛད་ལ་སོགས་པ་དང། རྒྱལ་བ་རིགས་གསུམ་གྱི་འཁོར་བྱང་ཆུབ་སེམས་དཔའ་རིགས་གསུམ་དང། ལྷའི་དབང་པོ་བརྒྱ་བྱིན་ལ་སོགས་པ་རྣམས་ལ་གསུངས་སོ། །ཡོ་ག་ནི་ལྷའི་གནས། རི་རབ་ཀྱི་རྩེ་མོ། །རྣམ་པར་རྒྱལ་བའི་ཁང་བཟང་དུ་འཁོར་ཉེ་བའི་སྲས་བརྒྱད་ལ་གསུངས་སོ། །ཟབ་མོའི་དོན་ལ་མོས་པ་ཨིནྡྲ་བྷཱུ་ཏི་ལ་སོགས་པ། བདེ་མཆོག་འཁོར་ལོའི་གཟུགས་སུ་སྤྲུལ་ཏེ། གསང་སྔགས་གསུངས་པའང་ཡོད་དོ། །འགའ་ཞིག་ན་རེ། གསང་སྔགས་ནི་དངོས་སུ་མ་གསུངས་པས་བཀའ་མིན་ནོ། །ཞེས་ཟེར་ཏེ། གསང་སྔགས་འཁོར་ལོ་གསུམ་པར་འཇོག་པ་ལུང། སྤྱོད་འདུས་ནས། འདོད་ཆགས་དང་བྲལ་བའི་གཟུགས་སུ་སྤྲུལ་ནས། དམན་པ་ལ་མོས་པ་རྣམས་ལ། འཕགས་པའི་བདེན་པ་བཞི་རྟོགས་པར་མཛད་ཅིང། འདོད་ཆགས་དང་བྲལ་བའི་སྤྱོད་པ་བསྟན་པ་དང། ཡང་ཐེག་པ་ཆེན་པོ་ལ་མངོན་པར་ཞེན་པ་རྣམས་ལ། རྣམ་ཤེས་ཚོགས་བརྒྱད་སོ་སོ་ལ། ཆོས་བདག་མེད་པར་ཞེན་པ་རྣམས་ལ། རྣམ་ཤེས་ཚོགས་བརྒྱད་སོ་སོ་ལ། ཆོས་བདག་མེད་པར་རྟོགས་པར་མཛད་ཅིང། ས་དང་ཕ་རོལ་ཏུ་ཕྱིན་པའི་སྤྱོད་པ་བསྟན་པ་དང། ཡང་བདེ་མཆོག་འཁོར་ལོའི་སྐུ་རུ་སྤྲུལ་ནས། ཟབ་མོ་ལ་ལྷག་པར་མོས་པ་རྣམས་ལ། འདོད་ཆགས་ཀྱི་སྤྱོད་པ་རྟོགས་པར་བྱ་བའི་ཕྱིར། གསང་སྔགས་ཀྱི་ཆོས་སྟོན་པར་མཛད་དོ། །ཞེས་པས་གསང་སྔགས་ནི་དངོས་སུ་གསུངས་པར་འདོད་པ་ཡང་ཡོད་ལ། ཕྱིས་
འབྱུང་བར་ལུང་བསྟན་པར་འདོད་པ་ཡང་ཡོད་དོ། །གཞན་ཡང་དང་པོར་གསུངས་པ། ཤིས་པར་བརྗོད་པའི་མདོ་དང། གྲོངས་ཁའི་བཀའ་ཆེམས་མྱ་ངན་ལས་འདས་པའི་མདོ་གཉིས། འཁོར་ལོ་གསུམ་དུ་འདུས་སམ་ཞེ་ན། དེ་ཉིད་ནི་བཀའ་ཡིན་ཀྱང། ཚངས་པས་ཞུས་པ་མ་ཡིན་པས། འཁོར་ལོ་གསུམ་དུ་མ་འདུས་ཏེ། དེ་གཉིས་དང་ལྔ་ཡིན་ནོ། །འོ་ན་གསུམ་ཞེས་པ་དང་འགལ་ལམ་ཞེ་ན། མི་འགལ་ཏེ། ངེས་དོན་གྱི་མདོ་ཁ་ཅིག་ལས། བདེ་བར་གཤེགས་པ་རྣམས་ཀྱིས་ནི། །ཆོས་ཀྱི་འཁོར་ལོ་སྔར་གསུངས་པ། །ཞེས་པས་སོ། །དེ་ལྟར་སྟོན་པས་བཀའ་འཁོར་ལོ་སྔར་གསུངས་པ། །ཞེས་པས་སོ། །དེ་ལྟར་སྟོན་པས་བཀའ་འཁོར་ལོ་རིམ་པ་གསུམ་དུ་བསྐོར་ནས་འགྲོ་བའི་དོན་མཐར་ཕྱིན་པར་མཛད་དོ། །མཛད་པ་བཅུ་གཉིས་པ་མྱ་ངན་ལས་འདས་པ་ནི། རེ་ཞིག་འོས་སུ་གྱུར་པའི་གདུལ་བྱ་ཟད་པ་དང། བཞུགས་པ་དོན་མེད་པ་དང། སྐྱེས་པའི་མཐའ་བསྟན་པས་འཁོར་བ་ལས་ཡིད་འབྱུང་པ་དང། སྐུ་གདུང་ལ་མཆོད་པ་འབུལ་བའི་ཕྱིར། སྟོན་པ་དགུང་ལོ་བརྒྱད་ཅུ་ཐམ་པ་སྤྲེའུ་ཡི་ལོ་ལ། གདུལ་བྱའི་ལྷག་མ་དྲི་ཟའི་རྒྱལ་པོ་རབ་དགའ་དང། །ཀུན་ཏུ་རྒྱུ་ལག་བཟང་ལམ་ལ་བཀོད་ནས། དགོངས་པ་ཡོངས་སུ་མྱ་ངན་ལས་འདའ་བར་བཞེད་དེ། ཡུལ་རྒྱ་གར་ལྷོ་ཕྱོགས་གྱད་སྟོབས་པོ་ཆེ་འབྱུང་བའི་གནས། ཆུ་རླུང་ཆེན་པོ་ཧ་རི་ལ་བྷེ་ཏའི་འགྲམ། ཤིང་སཱ་ལའི་དབང་པོའི་དྲུང་དུ། དགོངས་པ་ཡོངས་སུ་མྱ་ངན་ལས་འདའ་བར་ཉེ་བའི་ཚེ། འཁོར་རྣམ་བཞིས་ཞུ་བ་རྣམ་པ་བཞི་ཞུས་ཏེ། ད་ནི་སྟོན་པ་ཡོངས་སུ་མྱ་ངན་ལས་འདའ་བར་ཉེ་བས། བདག་ཅག་
རྣམས་ཀྱི་སྟོན་པ་ནི་གང་ལ་བགྱི། ཐེ་ཚོམ་ནི་སུས་སེལ། འདོད་ལྡན་སྡིག་ཏོ་ཅན་ལྷས་བྱིན་དང། ཁྱིམ་པ་སུན་འབྱིན་པར་བྱེད་པའི་དྲུག་སྡེ་འདི་སུས་འདུས། བཀའ་སྡེ་སྣོད་རྣམ་པ་གསུམ་པོ་འདིའི་བསྡུ་བ་ཇི་ལྟར་བགྱི། ཞེས་ཞུས་པ་དང། བཅོལ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཁྱོད་ཀྱིས་སེམས་ཅན་ཐམས་ཅད་ལ་ཕན་པའི་དོན་དུ་ང་ལ་ཞུས་པ་ལེགས་སོ། །ཁྱེད་ལེགས་པར་ཉོན་ལ་ཡིད་ལ་ཟུངས་ཤིག་ངས་བཤད་དོ། །ང་འདས་པའི་འོག་ཏུ་ཁྱེད་རྣམས་ཀྱི་སྟོན་པ་ནི། སོ་སོ་ཐར་པར་ལ་གྱིས་ཤིག །ཐེ་ཚོམ་ནི་སྡེ་སྣོད་རིན་པོ་ཆེ་རྣམས་པ་གསུམ་དང་བསྟན་ལ་སོལ་ཅིག །ལྷས་བྱིན་དང་དྲུག་སྡེ་ནི་འདུལ་མི་དགོས་ཏེ་རང་ཐུལ་ལོ། །ངའི་བཀའ་བསྡུ་བ་བྱེད་པའི་དུས་སུ་ཆོས་ཐམས་ཅད་ཀྱི་དབུར། འདི་སྐད་བདག་གི་ཐོས་པའི་དུས་གཅིག་ན་ཞེས་བྲིས་ཞིག་གཞུག་ཏུ་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །ཞེས་པ་བྲིས་ཤིག །ངའི་མཛད་པ་ནི་བཅུ་གཉིས་ཀྱིས་རྫོགས་ཏེ། དེ་ལས་གཞན་པ་ནི་མེད་དོ་གསུངས་ནས་སྐུ་མྱ་ངན་ལས་འདའ་བའི་ཚུལ་བསྟན་ཏེ། བྱེ་བྲག་ཏུ་བཤད་པ་ལས་ཀྱང། ཆོས་འཁོར་གནས་དང་ཡངས་པ་ཅན། །ས་དཀར་ཅན་དང་ལྷ་ཡི་གནས། བྱིས་པ་བསོད་དང་ཀོའུ་ཤམ་བྷི། །འབྲོག་དང་མཆོད་རྟེན་རི་དང་ནི། །འོད་མའི་གྲོང་དང་སྒྲར་བཅས་དང། །སེར་སྐྱའི་གནས་ཀྱི་གྲོང་ཁྱེར་དུ། །དེ་རྣམས་སུ་ནི་ཐུབ་པ་ཡི། །སེར་སྐྱའི་གནས་ཀྱི་གྲོང་ཁྱེར་དུ། །དེ་རྣམས་སུ་ནི་ཐུབ་པ་ཡི། །སྐྱེས་མཆོག་ལོ་རེ་ལོ་རེ་བཞུགས། །ཉིས་ཤུ་རྩ་གསུམ་མཉན་ཡོད་དུ། །སྨན་གྱི་གནས་སུ་ལོ་བཞི་སྟེ། །འབར་བའི་ཕུག་གི་གནས་སུ་གཉིས། །རྒྱལ་པོའི་ཁབ་ཀྱི་གྲོང་དུ་ལྔ། །དགའ་བ་སྤྱད་པ་ལོ་དྲུག་སྟེ།
ཉི་ཤུས་རྩ་དགུ་ཁབ་ཏུ་གནས། །རྒྱལ་བ་དེ་ལྟར་བརྒྱད་ཅུ་ལ། །ཐུབ་མཆོག་དམ་པ་མྱ་ངན་འདས། །ཞེས་བཤད་དོ། །ཕྲན་ཚེགས་ལས། ཀུན་དགའ་བོ་དེ་བཞིན་གཤེགས་པ་ནི་ན་ཚོད་བརྒྱད་ཅུ་ལོན་ཏེ། སྐུ་བགྲེས་ཁོགས་གཏུགས་པར་གྱུར་ཏེ། ཞེས་གསུངས་པ་དང། གསེར་འོད་ལས། སྐུ་ཚེ་བརྒྱད་ཅུ་ཞིག་ཐུབ་སྟེ། །ཞེས་པས། སྐུ་ཚེ་ནི་བརྒྱད་ཅུ་ཁོ་ན་ཡིན་ལ། ཁ་ཅིག་ཀུན་ཏུ་རྒྱུ་རབ་བཟང་དང། དྲི་ཟར་རབ་དགའ་འདུལ་བ་ལ་ལོ་རེ་རེ་བཞུགས་པའམ། བྲམ་ཟེ་སུ་ག་ཏྲ་དང། གསེར་འདོ་ལས། སྐུ་ཚེ་བརྒྱད་ཅུ་ཞིག་ཐུབ་སྟེ། །ཞེས་པས། སྐུ་ཚི་ནི་བརྒྱད་ཅུ་ཁོ་ན་ཡིན་ལ། ཁ་ཅིག་ཀུན་ཏུ་རྒྱུ་རབ་བཟང་དང། དྲི་ཟ་རབ་དགའ་འདུལ་བ་ལ་ལོ་རེ་རེ་བཞུགས་པའམ། བྲམ་ཟེ་སུ་ག་ཏྲ་དང། ཁྱིམ་བདག་དཔལ་སྐྱེས་གཉིས་ཀྱིས་གསེར་གྱི་པདྨ་རེ་དང། ཨུཏྤལ་རེ་ཕུན་ནས་གསོལ་བ་བཏབ་པའི་དོན་དུ་ལོ་གཉིས་ཏེ། བརྒྱད་ཅུ་རྩ་གཉིས་ལ་འདས་པའང་ཟེར། མྱང་འདས་ཆེན་པོའི་མདོ་ལས། དཔྱིད་ཟླ་ཐ་ཆུང་ས་གའི་ཟླ་བའི་ཚེས་བཅོ་ལྔའི་མཚན་མོའི་གུང་ཐུན་ལ་འདས་པར་བཤད། ཕྲན་ཚེགས་ཀྱི་འབྲེལ་པར་སྟོན་ཟླ་ཐ་ཆུག་སྨིན་དྲུག་ཟླ་བའི་དཀར་ཕྱོགས་ཀྱི་ཚེས་བརྒྱད་ཀྱི་གུང་མཐུན་ལ་འདས་པར་བཞེད། སྐུ་གདུང་སྦྱངས་པས། རིང་བསྲེལ་བྲེ་བོ་ཆེ་བརྒྱད་བྱུང་སྟེ། ཆ་བརྒྱད་དུ་བགོས་ཏེ་མཆོད་པ་རྒྱས་པར་བྱས་སོ། །འདུལ་བ་ལུང་ཕྲན་ཚེགས་ལས། སྤྱན་ལྡན་སྐུ་གདུང་བྲེ་བོ་བརྒྱད་དག་ལས། །བདུན་ནི་འཛམ་བུ་གླིང་པས་མཆོད་པར་ཐོབ། །སྐྱེས་མཆོག་སྐུ་གདུང་བྲེ་བོ་གང་ཞིག་ནི། །གྲོང་ཁྱེར་སྒྲ་སྒྲོགས་ཀླུ་ཡི་རྒྱལ་པོས་མཆོད། །སྐྱེས་མཆོག་དེ་ཡི་མཆེ་བ་བཞི་དག་ལས། །མཆེ་བ་གཅིག་ནི་རྩ་གསུམ་འཇིག་རྟེན་མཆོད། གཉིས་པ་ཚིག་འཛིན་གྲོང་ཁྱེར་ཡིད་འོང་ན། གསུམ་པ་ཀ་ལིང་རྒྱལ་པོའི་ཡུལ་ན་སྟེ། །སྐྱེས་མཆོག་དེ་ཡི་མཆེ་བ་བ་བཞི་པ་ནི། །གྲོང་ཁྱེར་སྒྲ་སྒྲོགས་ཀླུ་ཡི་རྒྱལ་པོས་
མཆོད། །ཅེས་སོ། །མཆོད་རྟེན་གྲོང་དེ་ཉིད་ཀྱི་ནང། ལམ་གྱི་བཞི་མདོར་དབྱིབས་ཟླུམ་པོ་བང་རིམ་བཅུ་གསུམ་པ་འཁོར་ལོ་བཅུ་གསུམ་བརྩེགས་པ་བང་རིམ་རེ་རེ་བཞིན་ཕྱོགས་ཕྱོགས་སུ་སྒོ་རེ་རེ་བཏོད་པ་བཞེངས་སོ། །འཁོར་ཕུན་སུམ་ཚོགས་པ། གསུམ་པ་འཁོར་ལ་གསུམ་སྟེ། ཉིད་ལས་མི་ཞན་པའི་འཁོར་དང། ལྷན་ཅིག་པ་དང། གོ་ཕྱེ་བའི་འཁོར་རོ། །ཉིད་ལས་མི་ཞན་པའི་འཁོར། དང་པོ་ནི་ས་བཅུ་རྒྱུན་མཐའི་བྱང་ཆུབ་སེམས་དཔའ་རྣམས་ཏེ། དེ་རྣམས་དང། སྤངས་པ་དང་ཡེ་ཤེས་ཁྱད་པར་མེད་པའི་ཕྱིར་རོ། །ལྷན་ཅིག་པའི་འཁོར། ལྷན་ཅིག་པའི་འཁོར་ལ་གཉིས་ཏེ། བྱང་ཆུབ་སེམས་དཔའ་དང། ཉན་ཐོས་སོ། །བྱང་ཆུབ་སེམས་དཔའ་ལ་གསུམ། ངོ་བོ། །ངེས་ཚིག །དབྱེ་བའོ། །ངོ་བོ་ནི། སྔོན་བྱུང་གི་དུས་ན། ཁྱིམ་པ་དང། རབ་ཏུ་བྱུང་བ་དང། ཁྱེའུ་དང། བུ་མོའི་གཟུགས་སུ་གདུག་པ་སྟེ། ཉན་ཐོས་དང། རང་སངས་རྒྱས་ཀྱིས་སེམས་ལས་རིང་དུ་གྱུར་པའི་རྟེན་གྱི་གང་ཟག་གོ །གཉིས་པ་ངེས་ཚིག་ནི། ལས་ཀྱི་སྒྲིབ་པའི་ཚོགས་བྱང་པ། ལམ་གྱི་ཡོན་ཏན་གྱིས་
ཕྱག་པ། གདུལ་བྱ་གཞན་དོན་དུ་སེམས་པའོ། །གསུམ་པ་དབྱེ་བ་ལ་བཞི་སྟེ། མོས་པས་སྤྱོད་པའི་བྱང་ཆུབ་སེམས་དཔའ། ཐུགས་དང་པོ་བསྐྱེད་པའི་བྱང་ཆུབ་སེམས་དཔའ། ལམ་ལ་ཞུགས་པའི་བྱང་ཆུབ་སེམས་དཔའ། ས་ལ་གནས་པའི་བྱང་ཆུབ་སེམས་དཔའ་དང་བཞིའོ། །དང་པོ་མོས་པས་སྤྱོད་པའི་བྱང་ཆུབ་སེམས་དཔའ་ནི། བྱང་ཆུབ་མཆོག་ཏུ་སེམས་བསྐྱེད་ནས་འགྲོ་བའི་དོན་བྱེད་པས། མོས་པས་སྤྱོད་ཅིང་མོས་པས་བསྒྲུབས་ཏེ། དེ་ཡང་བཀའ་རྒྱས་པ་ལས། བྱང་ཆུབ་སེམས་དཔའ་གང་ཞིག་ཐེག་པ་ཆེན་པོ་ལ་དགའ་བ་དང། མོས་པ་དང། དད་པ་དང། འདུན་པ་རབ་ཏུ་སྐྱེས་སོ། །ཞེས་སོ། །གཉིས་པ་སེམས་བསྐྱེད་པའི་བྱང་ཆུབ་སེམས་དཔའ་ནི། མ་འབྲེལ་ཁས་ལེན་གྱི་སེམས་མ་བསྐྱེད་པར། ཡང་དག་དོན་གྱིས་སེམས་བསྐྱེད། སྟོང་པ་དང་སྙིང་པོ་དབྱེར་མེད་རྒྱུད་ལ་སྐྱེས་ཏེ། བསྟན་པའི་རྩ་བ་བཙུགས་པའོ། །དེ་ཡང་སྡུད་པ་ལས། དང་པོ་བྱང་ཆུབ་མཆོག་ཏུ་སེམས་བསྐྱེད་བསྐྱེད་པ་ནས། ཐ་མ་འདྲེན་པ་རྣམས་ཀྱི་དམ་ཆོས་ཟད་ཀྱི་དུས་ཞེས་སོ། །གསུམ་པ་ལམ་ལ་ཞུགས་པའི་བྱང་ཆུབ་སེམས་དཔའ་ལ་ལྔ་སྟེ། ཚོགས་ལམ་གྱི་བྱང་ཆུབ་སེམས་དཔའ། སྦྱོར་ལམ་གྱི། མཐོང་ལམ་གྱི། སྒོམ་ལམ་གྱི། མཐར་ཕྱིན་པའི་ལམ་གྱི་བྱང་ཆུབ་སེམས་དང་ལྔའོ། །བཞི་པ་ས་ལ་གནས་པའི་བྱང་ཆུབ་སེམས་དཔའ་ལ་བཅུ་སྟེ། གཉིས་པ་དྲི་མ་མེད་པའི། གསུམ་པ་འོད་འཕྲོ་བའི། བཞི་པ་འོད་བྱེད་པའི།
ལྔ་པ་སྦྱང་དཀའ་བའི། དྲུག་པ་མངོན་དུ་གྱུར་པའི། བདུན་པ་རིང་དུ་གྱུར་པའི། བརྒྱད་པ་མི་གཡོ་བའི། དགུ་པ་ལེགས་པའི་བློ་གྲོས་ཀྱི། བཅུ་པ་ཆོས་ཀྱི་སྦྲིན་གྱི་བྱང་ཆུབ་སེམས་དཔའ་དང་བཅུའོ། །དེ་རྣམས་ཀྱ་བསྡུ་ན་གཉིས་སུ་འདུས་ཏེ། ས་དང་པོ་ནས་བདུན་པ་མན་ཆད་ལ། རྒྱུའི་བྱང་ཆུབ་སེམས་དཔའ་ཟེར། ས་དང་པོ་དགུ་པ་བཅུ་པ་མན་ཆད་ལ། རྒྱུའི་བྱང་ཆུབ་སེམས་དཔའ་ཟེར། བརྒྱད་པ་དགུ་པ་བཅུ་པ་གསུམ་ལ་གནས་པ་ནི། དག་པ་ས་སུམ་མམ། ས་ཆེན་པོ་ལ་རབ་ཏུ་གནས་པ་འབྲས་བུའི་བྱང་ཆུབ་སེམས་དཔའ་ཟེར་ཏེ། ས་སྙིང་ལ་སོགས་པ་བསྐལ་བཟང་གི་སེམས་དཔའ་བརྒྱད་ལྟ་བུའོ། །དེ་དག་གི་ནང་ནས་ཀྱང་རྟག་ཏུ་ཕྱི་བཞིན་འབྲེང་བའི་འཁོར་ནི་ཁྱད་པར་ཅན་གྱི་སེམས་དཔའ་བཞི་སྟེ། བྱམས་པ། འཇམ་དབྱངས། ཕྱག་རྡོར། སྤྱན་རས་གཟིགས་དབང་ཕྱུག་གོ །དེ་རྣམས་ཐུབ་པ་ཆེན་པོ་ཉིད། བཞེངས་བཞུགས་གཤེགས་གཟིམས་ཀྱི་སྤྱོད་ལམ་ཐམས་ཅད་དུ། བཞེངས་བཞུགས་གཤེགས་གཟིམས་ཀྱི་སྤྱོད་ལམ་ཐམས་ཅད་དུ། ལུས་དང་གྲིབ་མ་བཞིན་རྟག་དུ་མི་འབྲལ་བའི་ཕྱིར་རོ། །དེ་ལྟ་བུའི་སེམས་དཔའ་བཞི་པོ་དེ། སྐུ་གང་དུ་བཞུགས་ནས་འཕྲིན་ལས་གང་དུ་མཛད་ཅེ་ན། བྱམས་པ་ནི་དགའ་ལྡན་དུ་བཞུགས་ནས་འཕྲིན་ལས་གང་དུ་མཛད་ཅེ་ན། བྱམས་པ་ནི་དགའ་ལྡན་དུ་བཞུགས་ནས་འཕྲིན་ལས་ལྷ་ཡུམ་ན་དར་རོ། །འཇམ་དབྱངས་ནི་རི་ངོ་རྩེ་ལྔར་བཞུགས་ནས་འཕྲིན་ལས་བྱང་ཕྱོགས་ཤམ་བྷ་ལར་བདེ་འཛིན་དར་རོ། །ཕྱག་ན་རྡོ་རྗེ་ནི་ལྕང་ལོ་ཅན་དུ་བཞུགས་ནས་འཕྲིན་ལས་ནུབ་ཕྱོགས་ཨུ་རྒྱན་ན་དར་རོ། །སྤྱན་རས་གཟིགས་ནི་རི་བོ་པོ་ཏ་ལར་བཞུགས་ནས་འཕྲིན་ལས་བོད་ཁ་བ་ཅན་གྱི་རྒྱལ་ཁམས་སུ་དར་རོ། །དེ་རྣམས་ཐུགས་རྒྱུད་ཡེ་ཤེས་སུ་སྣང་བས། སྔོན་དུ་སངས་རྒྱས་ཟིན་ཀྱང། ལམ་དུས་འཕགས་པར་གནས་ནས། སྟོན་པའི་བྱ་བ་བྱེད་པ་ལ་འཁོར་གྱི་ཚུལ་དུ་
བསྟན་པ་ཡིན་ནོ། །གཉིས་པ་ཉན་ཐོས་ལའང། ངོ་བོ། །ངེས་ཚིག་དབྱེ་བའོ། །ངོ་བོ་ནི་སྔོན་བྱུང་གི་དུས་ན། འཁོར་ལྔ་སྡེ་བཟང་པོ་ལ་སོགས་པ། དགེ་སློང་གི་དགེ་འདུན་ལྔ་སྟོང་བཞུགས་པ་དེའོ། །དེ་ཡང་མདོ་ལས། དགེ་སློང་གི་དགེ་འདུན་ལྔ་སྟོང་དང་ཐབས་ཅིག་གོ །ཞེས་པའོ། །གཉིས་པ་ངེས་ཚིག་ནི། དུས་བསྐལ་པ་གྲངས་མེད་པར་རྐྱེན་དགེ་བའི་བཤེས་གཉེན་ལ་ཆོས་གཉན་ཞིང་ཐོས་པ་བྱེད་དགོས་པའོ། །དེ་ཡང་སྡུད་པ་ལས། བྱང་ཆུབ་སེམས་དཔའ་མི་འགའ་བསྐལ་བ་བྱེ་བ་གྲངས། །རིང་པར་འདུ་ཤེས་ཡུན་རིང་བར་དུ་སྡུག་བསྔལ་སྒྲུབ། །ཅེས་སོ། །གསུམ་པ་ཉན་ཐོས་ཀྱི་དབྱེ་བ་ལ་བཞི་སྟེ། ཚུལ་རྟགས་འཛིན་པའི་ཉན་ཐོས་དང། ཞི་བ་འགྲོད་པའི་ཉན་ཐོས་དང། སྤྲུལ་པའི་ཉན་ཐོས་དང། གྲུབ་མཐའ་འཛིན་པའི་ཉན་ཐོས་སོ། །དེ་ཡང་ཚུལ་རྟགས་འཛིན་པའི་ཉན་ཐོས་ནི། ཉན་ཐོས་ཀྱི་ཚུལ་ལམ་རྟགས་ཙམ་བཟུང་ནས། དོན་ཐེག་པ་ཆེན་པོ་སྟེ། ཀུན་དགའོ་ལ་སོགས་པའོ། །ཞི་བ་བགྲོད་པའི་ཉན་ཐོས་ནི། ཉན་ཐོས་འགོག་པ་རྣམས་སོ། །སྤྲུལ་པའི་ཉན་ཐོས་ནི། རབ་འབྱོར་དང། ཤཱ་རིའི་བུ་ལ་སོགས་པོའོ། །དེ་རྣམས་བསླབ་པའི་མཐུན་ཕྱོགས་གཙོ་བོར་གཏོགས་པའོ། །བསླབ་པ་ནི་མི་མཐུན་ཕྱོགས་གཙོ་བོར་སྟོན་པའི་སྤྲུལ་པ་ནི། དབྱེ་ན། ཉན་ཐོས་སྡེ་དྲུག་གང་ཞེ་ན། འཆར་ཀ་འདུལ་ཀ་གཉིས། དགའ་བོ་ཉེར་དགའ་གཉིས། འགྲོ་བཟང་བློ་འགྱོགས་གཉིས་ཏེ་དྲུག་གོ །གྲུབ་མཐའ་འཛིན་པའི་ཉན་ཐོས་ལ་གཉིས་ཏེ། བྱེ་བྲག་ཏུ་སྨྲ་བ་དང༌། མདོ་སྡེ་པ་གཉིས་སོ། །དེ་ཡང་མངོན་རྟོགས་ལས། རབ་རྒྱུད་ཟབ་མོའི་ཆོས་
ལ་སྐྲག །སྙོམས་འཇུག་གསུམ་གྱིས་ཞི་བ་བགྲོད། །རབ་འབྱོར་ལ་སོགས་སྤྲུལ་པ་བ། །གྲུབ་མཐའ་འཛིན་པ་རྣམ་གཉིས་ཏེ། །བྱེ་བྲག་སྨྲ་དང་མདོ་སྡེ་བ། ཕྱི་རོལ་རྡུལ་ལ་རབ་ཏུ་བརྩོད། །ཅེས་སོ། །དེ་རྣམས་སྟོན་པ་བཞུགས་པའི་ཚེ། ཞལ་མཐོང་གསུང་ཐོས་ཏེ། དངོས་སུ་བཀའ་ལ་གནས་པས་ལྷན་ཅིག་པའི་འཁོར་ཅེས་སོ། །གོ་ཕྱེ་བའི་འཁོར། གསུམ་པོ་གོ་ཕྱེ་བའི་འཁོར་ནི། སྟོན་པ་སྐུ་མྱ་ངན་ལས་འདས་ནས། སྟོན་པའི་བསྟན་པ་ལ་བཞུགས་ཏེ། བཀའ་རྗེས་སུ་སྒྲུབ་ཅིང་གསུང་དང་དུ་ལེན་པ་རྣམས་སོ། །བསྟན་པ་ཕུན་སུམ་ཚོགས་པ། བཞི་པ་བསྟན་པ་ནི། རྒྱས་པར་ཉོམ་མོངས་པ་བརྒྱད་ཁྲི་བཞི་སྟོང་གི་གཉེན་པོར། ཆོས་ཀྱི་སྒྲོ་མོ་བརྒྱད་ཁྲི་བཞི་སྟོང་གསུངས་ལ། འབྲིང་དུ་ཉོན་མོངས་པ་ཕྲ་རགས་བཅུ་གཉིས་ལ་དགོངས་ཏེ། གསུང་རབ་ཡན་ལག་བཅུ་གཉིས་སུ་གསུངས་ཤིང། བསྡུས་པར་ཉོན་མོངས་པ་དུག་གསུམ་འདུལ་བའི་གཉེན་པོར། སྡེ་སྣོད་གསུམ་དུ་བསྟན་པའོ། །ཆོས་ཀྱི་སྒོ་མོ་བརྒྱད་ཁྲི་བཞི་སྟོང་གསུངས་ཚོལ། དང་པོ་བརྒྱད་ཁྲི་བཞི་སྟོང་གསུངས་པ་ནི། །ཀུན་བྱེད་ལས། འདོད་ཆཊའདུལ་བའི་གཉེན་པོར་གསུངས་པ་ནི། འདུལ་བའི་སྡེ་སྣོད་ཉིས་ཁྲི་ཆིག་སྟོང་གསུངས། །ཞེ་སྡང་འདུལ་བའི་གཉེན་པོར་གསུངས་པ་ནི། །མདོ་སྡེའི་
སྡེ་སྣོད་ཉིས་ཁྲི་ཆིག་སྟོང་གསུངས། གཏི་མུག་འདུལ་བའི་གཉེན་པོར་གསུངས་པ་ནི། །མངོན་པའི་སྡེ་སྣོད་ཉིས་ཁྲི་ཆིག་སྟོང་གསུངས། །དུག་གསུམ་ཆ་མཉམ་འདུལ་བའི་གཉེན་པོར་ནི། །སྡེ་སྣོད་གསུམ་ལས་ཉིས་ཁྲི་ཆིག་སྟོང་གསུངས། །སྤྱི་རུ་བརྒྱད་ཁྲི་བཞི་སྟོང་གསུངས་པ་ཡང། །དུག་གསུམ་གཉེན་པོས་འདུལ་ཕྱིར་གསུངས་པ་ཡིན། །ཅེས་པ་དང། ལྷ་མོ་བཞིས་ཞུས་པའི་མདོ་ལས་ཀྱང། སེམས་ཅན་ཉོན་མོངས་པ་འདོད་ཆཊ་ལས་གྱུར་པ་ཉི་ཁྲི་ཆིག་སྟོང་ཡོད་པས། དེའི་གཉེན་པོར་གདུལ་བྱ་ལ་འདུལ་བས་མི་སྡུག་པ་བསྒོམ་ཐབས་ཉིས་ཁྲི་ཆིག་སྟོང་བཀའ་སྩལ། ཉོན་མོངས་པ་ཞེ་སྡང་ལ་ནང་མི་མཐུན་པ་ཉིས་ཁྲི་ཆིག་སྟོང་ལ། དེའི་གཉེན་པོར་མདོ་སྡེ་ལས་བྱམས་པ་བསྒོམ་ཐབས་ཉིས་ཁྲི་ཆིག་སྟོང་གི་གཉེན་པོར། མངོན་པ་ལས་རྟེན་འབྲེལ་བསྒོམ་ཐབས་ཉིས་ཁྲི་ཆིང་སྟོང་བཀའ་སྩལ། དུག་གསུམ་ཆ་མཉམ་པ་ལས་གྱུར་པ་ཉིས་ཁྲི་ཆིག་སྟོང་གི་གཉེན་པོར་ཁམས་ཀྱི་རབ་ཏུ་དབྱེ་བ་ཉིས་ཁྲི་ཆིག་སྟོང་བཀའ་སྩལ་ཏོ། །ཞེས་པ་དང། མདོ་ལས་ཀྱང། འདོད་ཆགས་ཤས་ཆེ་མི་སྡུག་ཤ་ཚིལ་དང། པགས་པ་སྟེང་རུས་བལྟས་པས་རྣམ་པར་གྲོལ། །ཞེ་སྡང་མེ་ལ་བྱམས་པའི་ཆུ་ཡིས་བསད། གཏི་མུག་ལ་་ནི་རྟེན་འབྲེལ་ལམ་གྱིས་སོ། །ཞེས་པ་དང། ལྷའི་མདོ་ལས་ཀྱང། ཆོས་ཀྱི་ཕུང་པོ་བརྒྱད་ཁྲི་དང། །བཞི་སྟོང་གི་ནི་གྲངས་སྙེད་ཀྱི། །ཞེས་གསུངས་སོ། །ཆོས་ཀྱི་སྒོ་མོ་འམ། ཕུང་པོ་ཞེས་བྱ་བ་ནི། ལ་ལ་ན་རེ། ས་རྡོ་རི་བྲག་ཐམས་ཅད་ལ་ཤོག་བུ་བྱས། རྩི་ཤིང་ནགས་ཚལ་ཐམས་ཅད་ལ་སྨྱ་གུ་བྱས། ཆུ་ཐམས་ཅད་ཀྱིས་སྣག་ཚ་བྱས། འགྲོ་བ་སེམས་ཅན་ཐམས་ཅད་
ཀྱིས་ཡིག་མཁན་བྱས་ནས་བྲིས་པ་ཙམ་ཞིག་ལ་ཆོས་ཀྱི་ཕུང་པོ་གཅིག་ཟེར་རོ། །ཁ་ཅིག་ན་རེ། རྟ་ཁལ་བརྒྱ་ལ་གླང་ཆེན་ཁལ་གཅིག །གླང་ཅེན་གྱི་ཁལ་བརྒྱ་ལ་རབ་བརྟན་གྱི་གཅིག་དེ་ལྟ་བུ་བརྒྱ་ལ་ཆོས་ཀྱི་མོའམ་ཕུང་པོ་གཅིག་ཟེར་ཏེ། ཐོག་མཐའ་གཉིས་ནི། སྔ་མ་མངས་ལ་ཕྱི་མ་ཉུང་བས་བརྒྱད་ཁྲི་བཞི་སྟོང་གི་གྲངས་རྩིར་མ་བཏུབ་པར། སྔ་མ་མངས་ལ་ཕྱི་མ་ཉུང་བས་བརྒྱད་ཁྲི་བཞི་སྟོང་གི་གྲངས་རྩིར་མ་བཏུབ་པར། སྔ་མ་ལ་སྒོ་མོ་གཅིག་ལས་མི་འོང། ཕྱི་མ་ལ་ཚིག་ལེའུར་བྱས་པ་བྱེ་བ་ཕྲག་བརྒྱ་དང། འབུམ་ཕྲག་བཞི་བཅུ་ལས་མེད་པས། ཆོས་ཚོ་མི་འདུས་སོ། །དེ་བས་ན་བར་མ་ལ་བྱའོ། །ཡང་ན་ཆོས་ཀྱི་སྒོ་མོ་ནི། ཤོ་ལོ་ཀ་ལ་སོགས་བུངས་ལ་མི་བྱ་བར། ཆོས་ཀྱི་ནང་རིགས་མི་འདྲ་བ་རེ་ལ་བྱའམ་དཔྱད་དེ། ཉོན་མོངས་པ་གང་སྐྱེས་རེའི་གཉེན་པོར་གང་འགྲོ་ཞིག་ལ་ཆོས་ཀྱི་སྒོ་མོ་གཅིག་བྱ་སྐད་དོ། །གཞི་མ་གང་ལ་བཞག་ཀྱང། དེ་ཉིད་གཅིག་ནས་གཉིས་སུ་བགྲངས་པས་བརྒྱ་ཕྲག་བཅུ་ལ་སྟོང། སྟོང་ཕྲག་བཅུ་ལ་ཁྲི། ཕྲི་ཕྲག་བརྒྱད་དང་སྟོང་ཕྲག་བཞི་ལ་བརྒྱད་ཁྲི་བཞི་སྟོང་ཞེས་བྱའོ། །གསུང་རབ་ཡན་ལག་བཅུ་གནིས་སུ་འདུས་ཚུལ། གཉིས་པ་ནི། བརྒྱད་ཁྲི་བཞི་སྟོང་པོ་དེ་དག་གསུང་རབ་ཡན་ལག་བཅུ་གཉསི་སུ་འདུས་ཏེ། ཀུན་བྱེད་ལས། མདོ་སྡེ་ལ་ཡང་བཤད་ལུགས་བཅུ་དང་གཉིས་སོ་སོར་དབྱེ་བའི་དོན་དུ་བསྟན་པ་ཡིན། ཞེ་པ་དང། བརྒྱད་སྟོང་པའི་འགྲེལ་པ་སྙིང་པོ་མཆོག་ལས། མདོ་སྡེ་དབྱངས་བསྙད་ལུང་དུ་བསྟན། །ཚིགས་བཅད་ཆེད་བརྗོད་གླེང་བཞི་དང། །རྟོགས་
བརྗོད་དེ་ལྟ་བུ་བྱུང་དང། །སྐྱེས་རབས་ཤིན་ཏུ་རྒྱས་པ་དང། །རྨད་བྱུང་གཏན་ལ་དབབ་པ་དག གསུང་རབ་ཡན་ལག་བཅུ་གཉིས་ཡིན། །ཞེས་སོ། །དེ་ལ་མདོའི་སྡེ་ནི་པའི་དོན་སྨོས་པའི་ཚུལ་གྱིས་རྐྱང་པར་གསུངས་པའོ། །དེ་ཅིའི་ཕྱིར་ཕྱེ་སྟེ་མ་གསུངས་ཞེ་ན། ཀུན་ལས་བཏུས་སུ། ཕན་ཡོན་བཅུ་གཟིགས་ནས་དེ་བཞིན་གཤེགས་པ་སྨོས་པའི་ཚུལ་གྱི་ཆོས་སྟོན་ཏེ། རྣམ་པར་བཞག་སླ་བ་དང། བཤད་སླ་བ་དང། གཟུག་སླ་བ་དང། ཆོས་ལ་གུས་པས་མྱུར་ཏུ་ཚོགས་ཡོངས་སུ་རྫོགས་པར་བྱེད་པ་དང། མྱུར་ཏུ་ཆོས་ཉིད་རྟོགས་པར་འགྱུར་བ་དང། སངས་རྒྱས་ལ་ཤེས་ནས་དད་པ་ཐོབ་པ་དང། ཆོས་དང་དགེ་འདུན་ལ་ཤེས་ནས་དད་པ་ཐོབ་པ་དང། མཐོང་བའི་ཆོས་བདེ་བར་གནས་པའི་མཆོག་ལ་རེག་པ་དང། འབེལ་བའི་གཏམ་གྱིས་གཏན་ལ་འབེབས་པས་དམ་པ་རྣམས་ཀྱི་སེམས་མགུ་བར་བྱེད་དེ། མཁས་པ་ཞེས་བྱ་བའི་གྲངས་སུ་འགྲོའོ་ཞེས་སོ། །དབྱངས་ཀྱིས་བསྙད་པའི་སྡེ་ནི་མདོ་སྡེ་དེ་ཉིད་དུ་དབུས་དང་ཐ་མར་ཚིགས་སུ་བཅད་དེ་དབྱངས་ཀྱིས་བསྙད་པའམ། དྲངས་པའི་དོན་གྱི་མདོ་སྡེ་རྟོགས་པར་བྱེད་པས་དབྱངས་ཀྱིས་བསྙད་པའོ། །ལུང་དུ་བསྟན་པའི་སྡེ་ནི་ཉན་ཐོས་འདས་ཏེ་ཤི་བའི་དུས་བྱས་པ་དང། འབྱུང་བ་ལུང་སྟོན་པ་དམ་པའི་ཆོས་པདྨ་དཀར་པོ་ལྟ་བུའམ། ཡང་ངེས་པའི་དོན་གྱི་མདོ་སྡེ་ནི། དེས་རྣམ་པར་ཕྱེས་ནས་དགོངས་པ་ལུང་སྟོན་པའི་ཕྱིར་ལུང་དུ་བསྟན་པའི་སྡེའོ། །ཚིགས་སུ་བཅད་པའི་སྡེ་ནི་ཚིགས་བཅད་དུ་སྦྱར་ནས་གསུངས་པ་སྟེ། དེ་ནི་བཅའ་བ་གཉིས་པ། དགེ་སློང་འདི་ནི་སྟོན་པ་སྟེ། །ཉེ་བར་ཞི་ཞིང་ཟག་པ་ཟད།
ཅེས་པ་ལྟ་བུ་དང། བཅའ་བ་གསུམ་པ། འདི་ནི་བདག་གི་སེམས་ཅན་མེད། །སྲོག་ཀྱང་ཡོད་པ་མ་ཡིན་ཏེ། །ཆོས་འདི་རྒྱུ་དང་བཅས་ལས་བྱུང། །ཞེས་པ་ལྟ་བུ་དང། བཅའ་བ་བཞི་པ། །ཆོས་རྣམས་ཐམས་ཅད་རྒྱུ་ལས་བྱུང། །ཞེས་སོགས་ལྟ་བུ་དང། བཅའ་བ་ལྔ་པ་དང་བཅའ་བ་དྲུག་པ་འདི་དག་འཁྲུལ་པའི་སྣང་བ་སྟེ། རྨི་ལམ་ཉམས་སུ་མྱོང་བ་བཞིན། །མ་རིག་འཁྲུལ་པའི་གཉིད་སད་ན། །འཁོར་བ་རྣམས་ནྱི་དམིགས་སུ་མེད། །དེ་ཡི་ཕྱིར་ན་འགའ་ཞིག་ལ། །བློ་སྐྱེ་མེད་པ་སངས་རྒྱས་ཡིན། །ཞེས་པ་ལྟ་བུའོ། །ཆེད་དུ་བརྗོད་པའི་སྡེ་ནི་རྣམ་བཤད་རིག་པར། གང་ཟག་གི་ཆེད་དུ་གསུངས་པ་མ་ཡིན་གྱི། བསྟན་པ་གནས་པར་བྱ་བ་འབའ་ཞིག་གི་ཕྱིར་གང་ཡིན་པ་སྟེ། ཞེས་སོ། །གང་ཡིད་རངས་ནས་བརྗོད་པ་སྟེ། དཔེར་ན། ཐུབ་པས་སྣོད་བཅུད་ཀྱི་ཞིང་སྦྱངས་པ་ན་སངས་རྒྱས་བཅོམ་ལྡན་འདས་ཀྱིས་དུལ་བ་ནི་ལེགས་སོ། །ཞི་བ་ནི་ལེགས་སོ། །གསུངས་པ་ལྟ་བུའོ། །གླིང་བཞིའི་སྡེ་ནི་གང་ཟག་འགའ་ཞིག་གི་ཆེད་དུ་གསུངས་པ་ལྟ་བུའོ། །གླེང་བཞིའི་སྡེ་ནི་གང་ཟག་འགའ་ཞིག་གི་ཆེད་དུ་གསུངས་པ་དང། བྱུང་བ་དང་བཅས་པའི་བསླབ་པ་བཅསཔ་གསུངས་པ་དེ་ནོར་ཅན་ལ་མ་བྱིན་ལེན་གྱི་བསླབ་པ་བཅསཔ་ལྟ་བུའོ། །རྟོགས་པ་བརྗོད་པའི་སྡེ་ནི་དཔེ་དང་བཅས་པར་གསུངས་པ་སྟེ། དེ་དོན་གསལ་བར་བྱེད་པའི་ཕྱིར་རོ། །དེ་ལྟ་བུ་བྱུང་བའི་སྡེ་ནི། སྔོན་གྱི་སྦྱོར་བ་དང་ལྡན་པ་སྟེ། ཀེ་མོ་གོའུ་ཏ་མའི་གཏམ་རྒྱུད་ལྟ་བུའོ། །སྐྱེས་པ་རབས་ཀྱི་སྡེ་ནི་བྱང་ཆུབ་སེམས་དཔའི་སྤྱོད་པ་སྟོན་པ་སྟེ། ཐམས་ཅད་སྒྲོལ་གྱི་རྣམ་ཐར་ལྟ་བུའོ། །ཤིན་ཏུ་རྒྱས་པའི་སྡེ་ནི་བྱང་ཆུབ་སེམས་དཔའི་སྡེ་སྣོད་དང་ལྡན་པ་སྟེ། སེམས་ཅན་ཐམས་ཅད་ལ་ཕན་པ་དང་བདེ་བའི་གནས་ཡིན་
དང། རྒྱས་པ་དང། རྒྱ་ཆེ་བ་དང། ཟབ་པའི་རྣམ་པར་ཆོས་སྟོན་པའི་ཕྱིར་རོ། །སྒྲིབ་པ་ཐམས་ཅད་ཅད་རྣམ་པར་འཐག་པས་རྣམ་པར་འཐག་པ་ཞེས་བྱའོ། །གཞན་དང་མཚུངས་པ་མེད་པས་མཚུངས་བྲལ་ཞེས་བྱའོ། །ཆེན་པོ་བདུན་དང་ལྡན་པས་ཐེག་པ་ཆེན་པོ་ཞེས་བྱའོ། །རྨད་དུ་བྱུང་བའི་སྡེ་ནི་ཉན་ཐོས་དང་བྱང་ཆུབ་སེམས་དཔའ་དང་སངས་རྒྱས་རྣམས་ཀྱི་ངོ་མཚར་རྨད་དུ་བྱུང་བའི་ཆོས་བསྟན་པའོ། །གཏན་ལ་ཕབ་པར་བསྟན་པའི་སྡེ་ནི། གོང་དུ་ཆོས་ཀྱི་མཚན་ཉིད་ཕྱིན་ཅི་མ་ལོག་པར་བསྟན་པས་མདོ་ལ་སོགས་པའི་དོན་བཤད་པའོ། །སྡེ་སྣོད་གསུམ་དུ་འདུས་ཚུལ། གསུམ་པ་ནི། གསུང་རབ་ཡན་ལག་བཅུ་གཉིས་ཀྱང་སྡེ་སྣོད་གསུམ་དུ་འདུས་ཏེ། དེ་ཡང། ཐེག་པ་ཆེན་པའི་ལུགས་དང། ཆུང་ངུའི་བསྡུ་ལུགས་དང། ཐུན་མོང་གི་བསྡུ་ལུགས་གསུམ་ལས། ཐ་མ་ལྟར་ན། དང་པོར་མདོ་དང། དབྱངས་བསྙད། ལུང་བསྟན། ཚིགས་བཅད། ཆེད་བརྗོད་ལྔ་ནི་འདུལ་བ། དེ་འོག་གླེང་བཞིའི་སྡེ་དང། རྟོགས་བརྗོད། དེ་བྱུང་སྐྱེས་པ་རབས། རྒྱས་དང། རྨད་བྱུང་དྲུང་པོ་མདོ་སྡེ་ཐ་མ་གཏན་ལ་ཕབ་པའི་སྡེ་མངོན་པར་འདུས་པའོ། །དེས་ན་ཉོན་མོངས་པ་དུག་གསུམ་དུ་བསྟན་པས། དེ་འདུལ་བའི་གཉེན་པོར་སྡེ་སྣོད་གསུམ་དུ་བསྟན་པ་སྟེ། ཀུན་བྱེད་ལས། འདོད་ཆགས་ཞེ་སྡང་གཏི་མུག་རྣམ་གསུམ་བྱུང། །དེ་དག་འདུལ་བའི་གཉེན་པོར་སྡེ་སྣོད་གསུམ། །ཞེས་པས། ཉོན་མོངས་པ་དུག་གསུམ་པོ་དེ་དག་འདུལ་བའི་གཉེན་པོར་སྡེ་སྣོད་རིན་པོ་ཆེ་གསུམ་
གསུངས་ཏེ། དེ་ཡང་སྡེ་ནི་བརྗོད་བྱའི་སྡེ་ལ། སྣོད་ནི་དེ་བསྡུས་པའི་ཕྱིར་ཏེ། དཔེར་ན་ནས་སྡུད་པའི་སྣོད་ལ་ནས་སྣོད་ཅེས་བརྗོད་པ་བཞིན་ནོ། །གསུམ་པ་ནི་གྲངས་ངེས་པ་སྟེ། ལྷག་པ་ཚུལ་ཁྲིམས་ཀྱི་བསླབ་པ་གཙོར་སྟོན་པ་འདུལ་བ་དང། ལྷག་པ་ཏིང་ངེན་འཛིན་གྱི་བསླབ་པ་གཙོར་སྟོན་པ་མདོ་སྡེ་དང། ལྷག་པ་ཤེས་རབ་ཀྱི་བསླབ་པ་གཙོར་སྟོན་པ་མངོན་པའོ། །དེ་ཡང་འདུལ་བ་ཞེས་ཅིའི་ཕྱིར་བྱ་ཞེ་ན། ལུང་དང་ངེས་པར་འབྱུང་བ་དང། །བཅའ་བཞི་དང་ནི་རབ་འབྱེད་དང། །དེ་ཉིད་འདུལ་བ་ཉིད་སྤྱོད་པའོ། །ཞེས་པའོ། །མདོ་སྡེ་ཞེས་ཅིའི་ཕྱིར་བྱ་ཞེ་ན། གནས་རྣམས་དང་ནི་མཚན་ཉིད་དང། །ཆོས་དོན་སྟོན་པས་མདོ་སྡེར་བཤད། །ཅེས་པའོ། །མངོན་པ་ཞེས་ཅིའི་ཕྱིར་བྱ་ཞེ་ན། མངོན་དུ་བྱ་ཕྱིར་ཡག་ནས་ཡང། །ཟིལ་གནོན་རྟོགས་པས་མངོན་པའི་ཆོས། །ཞེས་པས་སྡེ་སྣོད་གསུམ་གྱི་ངེས་ཚིག་གོ །དེ་ལྟར་སྤྲུལ་སྐུའི་བསྟན་པ་འདི་ཉིད་ནི། ཚིག་སྡེབ་སྦྱོར་ལེགས་པའི་སྒོ་ནས་གསུངས་ཏེ། གསག་བ་རིག་པ་བཀོད་པ་ལས། སྤྲུལ་སྐུའི་སྡེབ་སྦྱོར་ལེགས་པར་གསུངས་པའི་ཚེ། །མཐུན་དཔེ་རང་ལ་གནས་པའི་དུས་ན་ཡིན། །ཅེས་པ་དང། གསང་བའི་སྙིང་པོ་ལས། དཔེར་ན་དེ་བཞིན་སྦྲིད་སངས་བཞིན། གསུང་བའི་སྙིང་པོ་ལས། དཔེར་ན་དེ་བཞིན་སྦྲིད་སངས་བཞིན། གསུང་གཅིག་སྒྲ་ཡིས་སོ་སོར་གོ །ཞེས་པས། སངས་རྒྱས་ཤཱཀྱ་ཐུབ་པས་ཆོས་གཅིག་ལས་མ་གསུངས་ཀྱང།ལྷ་དྔ་མི་དང་ལྷ་མི་ཡིན་དང། དྲི་ཟར་བཅས་པའི་འཇིག་རྟེན་རྣམས་ཀྱིས་རང་རང་གི་སྐད་དུ་གོ་ནས་ནི། གསུང་གཅིག་དུ་མའི་སྐད་དུ་ཆོས་སྟོན་པ། སྤྲུལ་སྐུ་བརྗོད་པ་ཚིག་གི་གསུང་ངོ༌། །
དུས་ཕུན་སུམ་ཚོགས་པ། ལྔ་པ་དུས་ནི་སྤྱིར་བསྐལ་པ་བཟང་པོ་འདི་ལ་དུས་བཞི་རུ་བྱུང་སྟེ། སངས་རྒྱས་འཁོར་བ་འཇིག་འཇིག་རྟེན་དུ་བྱོན་པའི་དུས་སུ། སེམས་ཅན་རྣམས་ལ་མ་བསླབ་པར་དགེ་བ་བཅུ་ངང་གིས་རྫོགས་པས་ན། རྫོགས་ལྡན་གྱི་དུས་ཞེས་ཟེར་རོ། །དེ་ནས་བར་གྱི་བསྐལ་པ་གསུམ་ནས། གསེར་ཐུབ་འཇིག་རྟེན་དུ་བྱོན་པའི་དུས། དགེ་བ་བཅུ་ལས་ལུས་ངག་ཡིད་གསུམ་གྱི་ཆ་ཕྲ་བ་བདུན་ཡལ་ནས། ལུས་ཀྱི་ལས་སྲོག་གཅོད་པ་དང། ངག་གི་ལས་ཚིག་རྩུབ་པ་དང། སེམས་ཀྱི་ལས་གནོད་སེམས་རགས་པ་འདི་གསུམ་ངང་གིས་སྤོང་བས། གསུམ་ལྡན་གྱི་དུས་ཞེས་ཟེར་རོ། །དེ་ནས་རབ་གྱི་བསྐལ་པ་གསུམ་ནས། སངས་རྒྱས་འོད་སྲུང་འཇིག་རྟེན་དུ་བྱོན། དེའི་དུས་སུ་སེམས་ཅན་གྱི་བསོད་ནསམ་བྲི་བས། ལུས་ཀྱི་སྲོག་གཅོད་པ་དང། ངག་གི་ཚིག་རྩུབ་སྟེ་རགས་པ་འདི་གཉིས་ངག་གིས་སྤོང་བས། གཉིས་ལྡན་གྱི་དུས་ཞེས་ཟེར་རོ། །དེ་གསུམ་གྱི་དུས་ན། ཕ་རོལ་ཏུ་ཕྱིན་པ་ལ་སོགས་པ་སྡེ་སྣོད་གསུམ་རྒྱས་པར་གསུངས་ཏེ། དེ་དག་གི་སྒོ་ནས་བྱང་ཆུབ་ཐོབ་པར་མཛད་དོ། །དེ་ནས་བར་གྱི་བསྐལ་པ་གཅིག་ནས་སངས་རྒྱས་ཤཱཀྱ་ཐུབ་པ་འཇིག་རྟེན་དུ་བྱོན། དེའི་དུས་ཀྱི་སྣིགས་མ་ལ་སོགས་པ། སྙིགས་མ་ལྔ་དང། མི་དགེ་བ་བཅུ་སྤྱོད་པ་བྱུང་བས་ན། རྩོད་ལྡན་གྱི་དུས་ཞེས་ཟེར་ཏེ། ཚེ་ལོ་ནི་བརྒྱད་པ། ལྔ་བརྒྱ་པ་ཕྲག་དང་པོའོ། །གསང་སྔགས་རྡོ་རྗེ་ཐེག་པ་རྣམས་ཀྱང་འདིའི་དུས་སུ་འབྱུང་བར་གསུངས་སོ། །