རྩ་བའི་ཐུགས་སྒྲུབ་དགོངས་པ་ཀུན་འདུས་ཀྱི་དབང་བསྐུར་བཀླགས་ཆོག་ཏུ་བཀོད་པ་གྲུབ་གཉིས་བདུད་རྩིའི་བཅུད་འབེབས།
རྩ་བའི་ཐུགས་སྒྲུབ་དགོངས་པ་ཀུན་འདུས་ཀྱི་དབང་བསྐུར་བཀླགས་ཆོག་ཏུ་བཀོད་པ་གྲུབ་གཉིས་བདུད་རྩིའི་བཅུད་འབེབས་ཞེས་བྱ་བ་བཞུགས་སོ།། །།
ན་མོ་གུ་རུ་དེ་བ་དྷ་ཀི་ནཱི་ཡཻ། རྣམ་དག་དབྱིངས་ལས་བདེ་ཆེན་ལོངས་སྤྱོད་རྫོགས། །འགྲོ་འདུལ་སྤྲུལ་པའི་དཀྱིལ་འཁོར་སྤྲིན་བཀོད་པས། །སྐལ་ལྡན་ཞིང་སར་གྲུར་གཉིས་ཆར་རྒྱུན་འབེབས། །སྐུ་བཞིའི་ལོ་ཏོག་སྨིན་པར་མཛད་ལ་འདུད། །རྩ་གསུམ་ཆོས་སྲུང་དགོངས་པ་ཀུན་འདུས་ཤིང་། །ཐུགས་སྒྲུབ་ཀུན་གྱི་རྒྱལ་པོར་བསྔགས་པ་ཡི། །སྨིན་གྲོལ་སྦྲེལ་མ་རྩ་གཞུང་དངོས་བསྟན་ཉིད། །མོས་སློབ་ཁྱེར་བདེར་འགོད་ལ་གནང་བ་རྩོལ། །དེ་ལ་རྩ་བའི་ཐུགས་སྒྲུབ་འདི་ཉིད་ཀྱི་དབང་བསྐུར་སྨིན་སློབ་ཏུ་བྱེད་པའི་སྐབས་སྒྲུབ་ཁོག་གི་རྩ་ཐོ་ལྟར་ཐོག་མར་ཐུན་མོང་དང་ཐུན་མིན་གྱི་སྔོན་འགྲོར་ཤད། འདོན་བསྒོམ་ལག་ལེན་ཐུགས་སྒྲུབ་བར་ཆད་ཀུན་སེལ་ལྟར་བྱས་ལ་གྲངས་རྟགས་ཐོན་པར་སྦྱང་། དེ་ནས་སྒྲུབ་ཁོག་གིས་ཆོག །ཕྱི་ནང་གསང་བའི་མཚམས་གཅོད། སྟ་གོན་རིམ་
པ་གསུམ། དཀྱིལ་འཁོར་བཞེངས་པ་སོགས་སྔོན་དུ་འགྲོ་བའི་དངོས་གཞི་ལས་བྱང་གི་གཞུང་བསྲངས་ཏེ་སྒྲུབ་ཆེན་ཞག་བདུན་ལ་སོགས་པ་བྱས་ལ། རྗེས་དངོས་གྲུབ་བླང་བའི་རྗེས་འབྲེལ་དུ་དབང་གི་འཇུག་པ་ནས་བརྩམས། བུམ་དབང་རྫོགས་པར་བསྐུར་ལ་བསྐྱེད་རིམ་གྱི་ཁྲིད་འབོག །སྒྲུབ་པའི་རྗེས་བསྡུ། སློབ་མས་ཐོག་མར་ཕྲ་རགས་ལ་སྦྱང་། དེ་འབྱོངས་ནས་བླ་མ་སྤྲུལ་སྐུའི་དཀྱིལ་འཁོར་བསྒོམ། བཟླས་པ་འབུམ་ཕྲག་བཞི་བྱ། དེ་ནས་གསང་དབང་བསྐུར། བླ་མ་ལོངས་སྐུའི་ལུས་དཀྱིལ་གྱི་ཁྲིད་ཕོག་ལ་དེ་ཉིད་སྦྱང་། དེ་ནས་ཤེར་དབང་བསྐུར། དཔེ་ལ་བརྟེན་ནས་ལྷན་སྐྱེས་ཡེ་ཤེས་ཀྱི་རྩལ་སྦྱང་། དེ་ནས་དབང་བཞི་པ་བསྐུར། སེམས་བཙལ་བ་དང་། རང་བཞིན་ཤེས་པ་དང་། གཏན་ལ་འབེབས་པ་རྣམས་ཚུལ་བཞིན་བྱས་ཏེ་རྫོགས་པ་ཆེན་པོ་རང་སྣང་རིས་
མེད་ཀྱི་དགོངས་པ་མཐར་དབྱུང་བར་བྱ་བ་ཡིན་ཀྱང་། འདིར་ཡིན་ལུགས་ཙམ་དུ་བཀོད་པ་ལས་དེང་སང་ཕྱག་ལེན་ཏུ་བྱེད་པ་དཀོན་པས། མོས་སློབ་ཀྱི་དབང་དུ་བྱས་ཏེ་དབང་རྐྱང་སྤྱི་འགྲོ་ཁྲིད་དང་སྦྲེལ་བའི་ལག་ལེན་འཆད་པ་ལ་གསུམ། སྔོན་འགྲོ་སྟ་གོན་གྱི་རིམ་པ། དངོས་གཞི་དབང་བཞི་སྟན་གཅིག་ཏུ་བསྐུར་བ། རྗེས་ཀྱི་བྱ་བས་མཐར་དབྱུང་བའོ། །དང་པོ་ནི། སྒྲུབ་གནས་རྙིང་པར་དཀྱིལ་འཁོར་རས་བྲིས་བཀྲམ་པའི་དབང་དུ་བྱས་ཏེ། ས་ཆོག་རྒྱས་པ་དང་ཐིག་ཚོན་གྱི་བྱ་བ་རྣམས་མི་དགོས་པས་ལག་ཏུ་ལེན་བྱ་དངོས་ལ་བཞི། ས་སློང་། བུམ་པ། ལྷ། སློབ་མ་སྟ་གོན་ནོ། །དང་པོ་ནི། གོང་དུ་སྟེགས་གཙང་མར་སྨན་རཀ་གཏོར་གསུམ་དང་ཆུ་གཉིས་ཉེར་སྤྱོད་ཕྲེང་ཚར་དུ་བཤམ། དཀྱིལ་འཁོར་གང་དུ་བྱ་བའི་གཞི་ལ་མཎྜལ་བ་བྱུང་གིས་བྱུགས་པ་ལ་འབྲུའི་ཚོམ་བུ་གཅིག །མདུན་ཏུ་མཆོད་གཏོར་དཀར་ཟླུམ་དང་གསེར་སྐྱེམས། ཆུ་གཉིས་ཉེར་སྤྱོད་གསས་བསྐོར་དུ་བཤམས་ལ། ཐོག་མར་སྐྱབས་འགྲོ་སེམས་བསྐྱེད་ཡན་ལག་བདུན་པ་འབུལ་བ་ནི། ཧཱུྃ་ཧྲཱིཿ རང་བཞིན་དབྱིངས་ན་བཞུགས་པའི་སྐྱབས་ཀྱི་གནས༔ བླ་མ་དཀོན་མཆོག་ཡི་དམ་མཁའ་འགྲོའི་ཚོགས༔ སངས་རྒྱས་བྱང་སེམས་ཞིང་སྐྱོང་སྲུང་མ་རྣམས༔ མ་ལུས་འདིར་བྱོན་དགྱེས་པའི་གདན་ལ་བཞུགས༔ ལུས་ངག་ཡིད་གསུམ་གུས་པས་ཕྱག་འཚལ་ལོ༔ བདག་སོགས་མཁའ་མཉམ་སེམས་ཅན་བསྐྱབ་ཏུ་གསོལ༔ འགྲོ་བའི་དོན་ཏུ་བདག་གིས་ཚེ་འདི་ལ༔ ཧེ་རུ་ཀ་དཔལ་བླ་མ་རིག་འཛིན་གྱི༔ གོ་འཕང་ཐོབ་ཕྱིར་སྒྲུབ་པའི་གཞུང་བསྲང་སྟེ༔ ས་
མཆོག་རྡོ་རྗེ་རྩེ་མོར་མཐར་ཕྱིན་བགྱིད༔ ཕྱི་ནང་གསང་བའི་མཆོད་པ་བླ་མེད་པ༔ ནམ་མཁའ་གང་བར་སྤྲུལ་ཏེ་འབུལ་བར་བགྱི༔ སྡིག་སྒྲིབ་ཉེས་ལྟུང་ཚོགས་རྣམས་མཐོལ་ལོ་བཤགས༔ བླ་མེད་བསོད་ནམས་བསགས་ལ་རྗེས་ཡི་རངས༔ ཆོས་ཀྱི་འཁོར་ལོ་བསྐོར་བར་གསོལ་བ་འདེབས༔ མྱ་ངན་མི་འདའ་ཡུན་ཏུ་བཞུགས་པ་དང་༔ བདག་སོགས་འགྲོ་རྣམས་སྨིན་གྲོལ་མཛད་དུ་གསོལ༔ དུས་གསུམ་བསགས་པའི་དགེ་བ་གང་མཆིས་པ༔ མཁའ་མཉམ་འགྲོ་བ་རྣམས་ཀྱི་རྒྱུད་ལ་བསྔོ༔ སྒྲིབ་གཉིས་ཀུན་བྱང་ཚོགས་གཉིས་རབ་རྫོགས་ཏེ། བླ་མ་རིག་འཛིན་གོ་འཕང་ཐོབ་པར་ཤོག༔ ལན་གསུམ། བདག་བསྐྱེད་ནི། ཧཱུྃ་ཧྲཱིཿ རང་རིག་གདོད་མའི་དབྱིངས་ལས་སྐད་ཅིག་གིས༔ རིག་པའི་རང་མདངས་ལས་ཀྱི་ཧེ་རུ་ཀ༔ མཐིང་ནག་རྡོ་རྗེ་དྲིལ་བུ་འཛིན་པའི་སྐུ༔ དུར་ཁྲོད་ཆས་རྫོགས་མེ་ཕུང་འབར་བའི་ཀློང་༔ ཞབས་གཉིས་འདོར་ཐབས་པད་ཉིའི་གདན་ལ་བཞུགས༔ སངས་རྒྱས་ཀུན་གྱི་མཐུ་སྟོབས་གཅིག་འདུས་པའི༔ འཆོལ་བའི་ཁྲོ་རྒྱལ་ཆེན་པོའི་སྐུ་རུ་གསལ༔ ཨོཾ་ཀརྨ་མ་ཧཱ་ཀྲོདྷ་ཤྲཱི་ཧེ་རུ་ཀ་ཧཱུྃ་ཕཊ༔ ཀརྨ་ཀྲོདྷཱི་ཤྭ་རི་སྟཾ༔ ཞེས་བཟླས་པ་བརྒྱ་རྩ་ཙམ་བྱ། མཆོད་གཏོར་རྣམས་རཾ་ཡཾ་ཁཾ་གིས་སྦྱང་། ཨོཾ་ཨཱཿཧཱུྃ་གིས་ཀུན་བཟང་མཆོད་སྤྲིན་ཏུ་སྤེལ་ནས། ཧཱུྃ་ཧྲཱིཿ བླ་མ་ཡི་དམ་མཁའ་འགྲོ་ཆོས་སྐྱོང་དང་༔
སངས་རྒྱས་བྱང་ཆུབ་སེམས་དཔའི་ཚོགས་རྣམས་ལ༔ ཀུན་ཏུ་བཟང་པོའི་མཆོད་སྤྲིན་འདི་འབུལ་གྱིས༔ དགྱེས་པར་བཞེས་ལ་སྟོང་གསུམ་རབ་འབྱམས་རྣམས༔ སྒྲུབ་པའི་ས་མཆོག་ཆེན་པོར་སྩལ་དུ་གསོལ༔ ཅེས་དཀོན་མཆོག་སྤྱིར་གནང་བཞུ། ས་ལྷའི་མཆོད་གཏོར་རྣམས། རྃ་ཡྃ་ཁྃ་གིས་བསང་སྦྱང་། ཨོཾ་ཨཱཿཧཱུྃ་གིས་བྱིན་གྱིས་བརླབ། ནམཿསརྦ་ཏ་ཐཱ་ག་ཏེབྷྱོ་བིར་ཤྭ་མུ་ཁེ་བྷྱཿསརྦ་ཐཱ་ཁཾ་ཨུངྒ་ཏེ་སྦ་ར་་ཨི་མཾ་ག་ག་ན་ཁཾ་སྭཱ་ཧཱ༔ ཞེས་ནམ་མཁའ་གང་བར་སྤེལ། པྲི་ཐཱི་དེ་བཱི་བྷཱུ་མི་པ་ཏི་ས་པ་རི་བ་ར་ཨཾ་ཀུ་ཤ་ཡ་ཛ༔ ཞེས་བཟླས་ཤིང་ལྕགས་ཀྱུའི་ཕྱག་རྒྱས། ལྷ་མོ་འཁོར་བཅས་སྤྱན་དྲངས༔ ཨོཾ་པྲི་ཐཱི་དེ་བཱི་བྷཱུ་མི་བ་ཏི་ལོ་ཀ་པཱ་ལ་ཨརྒྷཾ་པཱ་དྱཾ་པུཥྤེ་དྷཱུ་པེ་ཨཱ་ལོ་ཀེ་གནྡྷེ་ནཻ་བི་དྱཱ་ཤབྡ་བྲ་ཏཱིཙྪ་ཧོ༔ ཨོཾ་པྲི་ཐཱི་དེ་བཱི་བྷཱུ་མི་པ་ཏི་ལོ་ཀ་པཱ་ལ་ས་པ་རི་བཱ་ར་ཨི་དཾ་བ་ལིངྟ་ཁ་ཁ་ཁཱ་ཧི་ཁཱ་ཧི༔ ལན་གསུམ་གྱིས་ཕུལ། ཧཱུྃ༔ སྐྱོབ་པ་སངས་རྒྱས་ཤཱཀྱ་ཐུབ་པ་ཡིས༔ ས་ལམ་སྲུང་མར་དབང་བསྐུར་བརྟན་མ་དང་༔ སྟོང་གསུམ་མངའ་མཛད་ས་བདག་ཕོ་མོའི་ཚོགས༔ གནས་བདག་གཉུག་མར་གནས་པ་ཐམས་ཅད་ཀུན༔ གངས་རི་ལུ་མ་སྐྱེད་ཚལ་མཚོ་རྫིང་དང་༔ རྫ་སྤང་བྲག་རི་ནགས་ཁྲོད་ཆུ་ཀླུང་དང་༔ སྟོང་གསུམ་ལ་སོགས་སོ་སོའི་གནས་དག་ནས༔ ས་བདག་འཁོར་དང་བཅས་པ་འདིར་གཤེགས་ཤིག༔ རིན་ཆེན་ས་རིན་མཆོད་པ་འདི་བཞེས་ལ༔ གནས་འདིར་བཀྲ་
ཤིས་བདེ་ལེགས་སྩལ་དུ་གསོལ༔ གནང་བ་བྱིན་ནས་གཙྪ་ཡ་རང་གནས་སུ་གཤེགས་པར་མོས་ལ་མཆོད་གཏོར་བསྡུ། གཞི་སྟེགས་ཀྱི་དབུས་སུ་མཎྜལ་བ་བྱུང་དང་དྲིས་བྱུགས་པ་ལ་དྲི་བཟང་གི་ཐིག་ལེ་གཙོ་འཁོར་དགུ་བྱས། བླ་མ་ཞི་ཁྲོའི་སྔགས་མཐར། ས་མ་ཡ་སྟཾྭ༔ ཞེས་བཏགས་པ་བརྗོད་ལ། དབུས་སུ་ཚོམ་བུ་ཆེ་བ་གཅིག །ཕྱོགས་མཚམས་བརྒྱད་དུ་ཆུང་བ་རེ་རེ་བཀོད་པ་བཞག། གཙོ་བུམ་མགུལ་ཆིངས་དམར་པོ། ལས་བུམ་ལྗང་གུ། ཁ་རྒྱན་དང་། བུམ་རྫས་དྲི་ཆབ་སོ་ལྔའི་རྫས་སོགས་འདུ་བྱས་ལ། གུ་གུལ་གྱིས་བདུག་ཅིང་ཡུངས་ཀར་གྱིས་བྲབ། ཧཱུྃ་ཧཱུྃ་ཧཱུྃ་བི་ཤྭ་བཛྲ་ཀྲོ་དྷ་ཛྭ་ལ་མཎྜལ་ཕཊ་ཕཊ་ཕཊ་ཧ་ལ་ཧ་ལ་ཧཱུྃ༔ ཞེས་བགེགས་བསྐྲད༔ ཨོཾ་སྭ་བྷཱ་བ་ཤུངྡྷཿསརྦ་དྷརྨཿསྭ་བྷཱ་བ་བཻ་ཤུངྡྷོ྅ཧཾ༔ ཞེས་ཆུ་བླུགས། ཨོཾ་ཨཱཿཧཱུྃ་རཏྣ་པཉྩ་ཧཱུྃ་ཧྲཱིཿཋཱ༔ ཞེས་བཟླས་ཤིང་རིན་པོ་ཆེ་ལྔ། ཨོཾ་ཨཱཿཧཱུྃ་ཧྲྀ་ད་ཡ་པཉྩ་ཧཱུྃ་ཧྲཱིཿཋཱ༔ སྙིང་པོ་ལྔ༔ ཨོཾ་ཨཱཿཧཱུྃ་གནྡྷེ་བྷ་དྲ་ཧཱུྃ་ཧྲཱིཿཋཱ༔ དྲི་བཟང་པོ་ལྔ་རྣམས་སྦྱར༔ ཨོཾ་ཨཱཿཧཱུྃ་ཤ་རཱི་རཾ་ཧཱུྃ་ཧྲཱིཿཋཱ༔ ཡུངས་ཀར་ལྷ་གྲངས་དང་མཉམ་པ་འབྲུ་ལྔ་དང་སྦྱར་ཏེ་དར་གྱི་ཐུམ་པོ་བྱས་ལ་བཅུག༔ ཨོཾ་ཨཱཿཧཱུྃ་ཨ་མྲྀ་ཏ་པཉྩ་ཧཱུྃ་ཧྲཱིཿཋཱ༔ སྨན་ལྔ་བླུག༔ ཨོཾ་ཨཱཿཧཱུྃ་སརྦ་པཉྩ་ཨ་མྲྀ་ཏ་ཧཱུྃ་ཧྲཱིཿཋཱ༔ ཞེས་ཤ་ལྔ་འདུད་རྩི་ལྔ་བླུག༔ ཨོཾ་ཨཱཿཧཱུྃ་པཉྩ་ལི་ཀཱ་ཧཱུྃ་ཧྲཱིཿཋཱ༔ མགུལ་ཆིངས་བཅིང་༔ ཨོཾ་ཨཱཿཧཱུྃ་བོ་དྷི་པྲྀ་ཀྵ་བི་ལྦ་མ་ཧཱ་མཱ་ལ་སཾ་བྷཱ་བ་ཧཱུྃ་ཧྲཱིཿཋཱ༔ མུ་ཀུ་ཊ་ཨ་བྷིཥིཉྩ་ས་མ་ཡ་སྟཾྭ༔ ཁ་རྒྱན་བཙུག༔ ཨོཾ་ཨཱཿཧཱུྃ་བཛྲ་ས་མཱ་དྷི་བཛྲ་ཏནྟྲ་མཱ་ལེ་ས་མ་ཡ་ཡེ་ཧཱུྃ་ཧྲཱིཿཋཱ༔ ཞེས་གཟུངས་ཐག་སྤོས་ཀྱིས་བདུགས་ལ་མཎྜལ་གྱི་གཡས་གཡོན་དུ་བཤམ༔ རྟེན་
སྙིང་བཟླ། མེ་ཏོག་འཐོར། རོལ་མོ་བསྒྲགས་ལ་མངའ་གསོལ། དེ་དག་གི་མདུན་རྒྱབ་གང་བདེར་སྙན་གཏོར་རཀྟ། མཐའ་སྐོར་ཆུ་གཉིས་སྐོར་བཤམ་བྱའོ། །གཉིས་པ་ནི། ཧཱུྃ་ཧྲཱི༔ བྷྲཱུྃ་ལས་རིན་ཆེན་བུམ་པ་མཚན་ཉིད་ལྡན༔ རྒྱན་གྱིས་རབ་བརྒྱན་བདུད་རྩིའི་རྒྱ་མཚོའི་དབུས༔ འགྲོ་འདུལ་འཆི་མེད་ཞི་ཁྲོ་དོན་དམ་གྱི༔ དཀྱིལ་འཁོར་ཐམས་ཅད་མངོན་སུམ་བཞིན་ཏུ་གསལ༔ ལས་ཀྱི་བུམ་པར་པད་ཉིར་ཧཱུྃ་ཡིག་ལས༔ བདུད་རྩི་འཁྱིལ་ལྗང་རྒྱ་གྲམ་དྲིལ་བུ་འཛིན༔ ཁྲོ་བོའི་ཆས་རྫོགས་མཐར་བྱེད་དྲིལ་འཁྲོལ་འཁྲིལ༔ སྐུ་གསུང་ཐུགས་བརྟན་ཡེ་ཤེས་མངའ་དབང་རྫོགས༔ དབྱིངས་ནས་ཡེ་ཤེས་སྤྱན་དྲངས་དེ་ལ་ཐིམ༔ ཕྱག་འཚལ་ཕྱི་ནང་གསང་བའི་མཆོད་པ་འབུལ༔ ཡེ་ཤེས་དབྱིངས་ནས་རོལ་ལ་ཕྱག་འཚལ་བསྟོད༔ རང་གི་ཐུགས་ལས་གཟུངས་སྔགས་ཕར་འཕྲོས་ཏེ༔ ལྷ་རྣམས་ཀུན་གྱི་ཐུགས་ཀར་ཕོག་པ་ལས༔ དགྱེས་པ་བསྐྱེད་དེ་བདེ་ཆེན་སྦྱོར་བ་ཡིས༔ བྱང་ཆུབ་སེམས་ཀྱིས་བུམ་པ་གང་བར་གྱུར༔ གཟུངས་ཐག་བླངས་ལ། ཨོཾ་ཨཱཿཧཱུྃ་བཛྲ་གུ་རུ་པདྨ་ཐོད་ཕྲེང་རྩལ་བཛྲ་ས་མ་ཡ་ཛཿསིངྡྷི་ཕ་ལ་ཧཱུྃ་ཨཱ༔ ཨོཾ་བཛྲ་མ་ཧཱ་ཀྲོ་དྷ་པདྨ་ཀྲོ་དྷི་ཤྭ་རི་བཛྲ་ཀི་ལི་ཀི་ལ་ཡ་མ་ཧཱ་ཡཀྵ་ཀ་ལ་རཱུ་པ་ཀརྨ་རཾ་རཾ་ཛྭ་ལ་རཾ་ཧཱུྃ་ཕཊ༔ ཀཱ་ཡ་ཝཱ་ཀ་ཙིཏྟ་ཨ་བྷི་ཥཉྩ་ཨཱ་བེར་ཤ་ཡ་ཨཱ་ཨཱ༔ ཞེས་བརྒྱ་རྩ་ལས་མི་ཉུང་བ་བཟླ། གཟུངས་ཐག་ལས་བུམ་དུ་སྦོས་ལ། ཨོཾ་བཛྲ་ཀྲོ་དྷ་ཨ་མྲྀ་ཏ་ཀུཎྜ་ལི་ཧཱུྃ༔
ཙྪིནྡ་ཙྪིནྡ་ཧཱུྃ་ཕཊ༔ ཞེས་བཟླས་མཐར༔ ཨོཾ་ཨཱཿཧཱུྃ་གིས་བདུད་རྩི་ཕུལ་ལ༔ ལྷ་རྣམས་བདེ་བ་ཆེན་པོས་བྱང་ཆུབ་སེམས་ཀྱི་རང་བཞིན་ཏུ་ཞུ༔ ཡེ་ཤེས་སྐྱེད་པའི་ནུས་པ་དང་ལྡན་ཅིང་༔ ལས་ཐམས་ཅད་པའི་བུམ་ཆུས་དངོས་པོ་གང་ལ་རེག་པས་བགེགས་དང་མི་གཙང་བ་ཐམས་ཅད་སྦྱོང་བའི་ནུས་པ་དང་ལྡན་པར་བསམས་ལ་ལས་བུམ་ཆུ་ཡོ་བྱད་ཐམས་ཅད་ལ་འཐོར་རོ། གསུམ་པ་ནི། དཀྱིལ་འཁོར་གྱི་གཞི་སྟོང་པ་ཉིད་ཀྱི་ངང་ལས༔ ཡེ་ཤེས་ཀྱི་རང་བཞིན་གཞལ་ཡས་ཁང་༔ རང་སྣང་རིག་པའི་ལྷ་ཚོགས་དབུས་སུ་ཆེ་མཆོག་ཧེ་རུ་ཀ༔ ཕྱོགས་མཚམས་བརྒྱད་དུ་དཔལ་ཆེན་ཡང་དག་ལ་སོགས་པའི་གཙོ་བོ་བརྒྱད༔ གནས་ཡུལ་སྒོ་སྐྱོང་དབང་ཕྱུག་བཀའ་སྡོད་བསམ་མི་ཁྱབ་པ་དང་བཅས་པ༔ དེའི་སྟེང་དུ་བླ་མ་སྤྲུལ་སྐུ་པདྨ་འབྱུང་གནས༔རྣམ་རོལ་སྤྲུལ་པའི་མཚན་བརྒྱད༔ གུ་རུ་རིགས་དྲུག༔ དེའི་སྤྱི་བོར་ལོངས་སྐུ་ཚེ་དཔག་མེད༔ ཐོད་ཕྲེང་སྡེ་ལྔ་ཡབ་ཡུམ༔ བྱང་ཆུབ་སེམས་དཔའ་ལྕམ་དྲལ་བཅུ་དྲུག༔ ཐུབ་པ་རིགས་དྲུག༔ དེའི་སྟེང་དུ་བླ་མ་ཆོས་སྐུ་ཀུན་བཟང་རྡོ་རྗེ་འཆང་ཡབ་ཡུམ༔ རིགས་ལྔ་ཡུམ་ལྔ་དང་བཅས་པ༔ རྟེན་དང་བརྟེན་པར་བཅས་པའི་དཀྱིལ་འཁོར་མངོན་སུམ་གསལ་བར་གྱུར༔ ཨོཾ་ཨཱཿཧཱུྃ༔ གནས་གསུམ་བྱིན་གྱིས་བརླབ༔ ཨོཾ་ཧཱུྃ་ཏྲཱཾ་ཧྲཱིཿཨཱཿ ཞེས་དབང་བསྐུར༔ རང་བཞིན་གྱི་གནས་ནས་ཡེ་ཤེས་སེམས་དཔའི་ཚོགས་
བསམ་གྱིས་མི་ཁྱབ་པ་སྤྱན་དྲངས༔ བཛྲ་ས་མཱ་ཛཿ ཧཱུྃ༔ མི་གཡོ་མཉམ་ཉིད་ཆོས་སྐུའི་མཁའ་དབྱིངས་ནས༔ ཡེ་ཤེས་རོལ་པའི་ཆོ་འཕྲུལ་བསམ་མི་ཁྱབ༔ གཤེགས་དང་བཞུགས་པའི་མཚན་མ་མི་དམིགས་ཀྱང་༔ སྤྲུལ་པ་དབྱིངས་ནས་རོལ་ཅིང་གཤེགས་སུ་གསོལ༔ ཞེས་སྤྱན་དྲངས་ཤིང་༔ ཛཿཧཱུྃ་བྃ་ཧོཿས་གཉིས་མེད་དུ་བསྟིམ༔ ས་མ་ཡ་ཏིཥྛ་ལྷན༔ ཞེས་གདན་ཏུ་བཞུགས་པར་བསམ༔ དེ་ནས་སྒྲུབ་ཁོག་རྩ་བར་དཔོན་སློབ་ཐུན་མོང་ནས་དཀྱིལ་འཁོར་ལྷ་ལ་ཕྱོགས་བཞི་རེ་རེ་བཞིན་མཆོད་བསྟོད་བཤགས་པ་གསོལ་གདབ་བྱས་ནས་ལྷན་མ་མཁར་བཏེགསཿ སློབ་དཔོན་ལ་སློབ་མ་རྣམས་ཀྱིས་དེ་ལྟར་བྱས་ལ་གནང་བ་སྦྱིན་པར་གསུངས་ཀྱང་། མགྱོགས་དབང་དཀྱུས་ཙམ་ལ་དེ་དག་འགྲུབ་དཀའ་ཞིང་སྤྱི་འགྲེལ་དོན་འཐུས་པས། ལས་བྱང་ལྟར། བྷྲཱུྃ་ལས་རིན་ཆེན་དུར་ཁྲོད་སོགས་ཀྱིས་མཆོད་པ་བྱིན་རླབས། ཕྱི་ནང་གསང་མཆོད་ཚིགས་བཅད་སྔགས་བཅས་དང་། སྨན་རག་གཏོར་གསུམ་སྔགས་ཙམ་གྱིས་མཆོད། ན་མོ་སྐྱེ་འགག་འགྱུར་མེད་སོགས་ཀྱིས་ཚིག་མཐའ་ཕྱག་འཚལ་བསྟོད༔ ཅེས་བསྒྱུར་བས་བསྟོད་པ་འབུལ། ཐལ་མོ་སྦྱར་ལ། ཧོཿ ཡེ་ནས་གཉིས་མེད་ཆོས་སྐུར་དག་པ་ལ༔ མ་རིག་དབང་གིས་སྒྲོ་དང་སྐུར་བཏབ་སྟེ༔ བདེ་དང་སྡུག་བསྔལ་སྣ་ཚོགས་སོ་སོར་སྨིན༔ དེ་ལྡོག་དོན་ཕྱིར་རྒྱལ་བའི་དམ་མནོས་ཏེ༔ བདག་ཅག་མ་རིག་ལུས་དང་ངག་སེམས་ཀྱིས༔ བག་མེད་ཚུལ་གྱིས་དམ་ལས་འགལ་གྱུར་པ༔ རྒྱལ་བ་འཁོར་བཅས་ཐུགས་དང་ཅི་འགལ་བ༔ ཐུགས་རྗེ་ཆེ་
མངའ་ཁྱེད་ལ་བཟོད་པར་གསོལ༔ བཟོད་པར་བཞེས་ནས་ལས་ཀྱི་དངོས་གྲུབ་སྩོལ༔ ཅེས་བཤགས་པ་བྱ། རྡོར་དྲིལ་དང་སྤོས་ཐོགས་ལ། ཧོཿ དཀྱིལ་འཁོར་ཀུན་གྱི་ཁྱབ་བདག་ཆེ༔ རིག་འཛིན་གཙོ་ལ་ཕྱག་འཚལ་ལོ༔ བདག་ནི་སྙིང་རྗེའི་དབང་གྱུར་ཏེ༔ ཁྱེད་རྣམས་མཆོད་དང་སློབ་མ་ལ༔ ཕན་ཕྱིར་དཀྱིལ་འཁོར་འབྲི་བར་འཚལ༔ ཐུགས་རྗེའི་བདག་ཉིད་མགོན་རྣམས་ཀྱིས༔ རྗེས་སུ་གནང་བ་མཛད་པར་རིགས༔ བདེ་གཤེགས་རྡོ་རྗེ་རིན་པོ་ཆེ༔ པདྨ་ལས་ཀྱི་རིགས་མཆོག་ཀུན༔ འོད་གསལ་སྙིང་པོ་རྡོ་རྗེ་སེམས༔ རིགས་འདུས་བླ་མའི་འཁོར་ལོར་རྫོགས༔ འཁོར་ལོའི་དབང་ཕྱུག་ཁྱེད་མཆོད་ན༔ ཐུགས་རྗེས་མངོན་སུམ་འདིར་གཤེགས་ནས༔ བདག་དང་སློབ་མར་བཅས་པ་ལ༔ བྱིན་རླབས་དངོས་གྲུབ་སྩལ་དུ་གསོལ༔ ཅེས་ལན་གསུམ་གསོལ་བ་བཏབ་པས། དཀྱིལ་འཁོར་པ་རྣམས་དགྱེས་བཞིན་ཏུ༔ རྡོ་རྗེ་འཛིན་པ་སྙིང་རྗེ་ཆེ༔ ཁྱེད་ཀྱིས་འགྲོ་ལ་ཕན་དོན་ཏུ༔ དཀྱིལ་འཁོར་ལས་རྣམས་ཚུལ་བཞིན་སྒྲུབས༔ དངོས་གྲུབ་ཀུན་བདག་ཁྱོད་འགྱུར་རོ༔ ཅེས་སྒྲ་བརྙན་ལྟ་བུའི་གླུས། གནང་བ་བྱིན་བར་བསམ། རྡོ་རྗེ་འདེགས་པའི་ཕྱག་རྒྱས༔ བྷྲཱུྃ་བིར་ཤྭ་བི་ཤུངྡྷེ་ཨོཾ་ཨཱཿཧཱུྃ༔ ཧཱུྃ་ཧ་ཧེ་ཕཊ་ཛཿ ཞེས་སྟ་གོན་གྱི་ལྷ་རྣམས་ནམ་མཁར་བཏེགས༔ བཞི་པ་ནི། སློབ་མ་རྣམས་ལ་སྒོ་འཕྱི་རོལ་དུ་ལས་བུམ་གྱི་ཆུས་ཁྲུས་བྱ། ལས་སྔགས་ཡུངས་ཐུན་གུ་གུལ་
དུད་པས་བགེགས་བསྐྲད་ལ་སྲུང་འཁོར་བསྒོམ། གྲལ་དུ་འཁོད། མེ་ཏོག་བཀྱེ་བསྡུ་བྱས་ལ། འོ། མ་གྱུར་ནམ་མཁའི་མཐའ་དང་མཉམ་པའི་སེམས་ཅན་ཐམས་ཅད་སངས་རྒྱས་ཀྱིས་ལ་འགོད་པའི་ཆེད་དུ་བླ་མ་སྐུ་གསུམ་ཞི་ཁྲོའི་གོ་འཕང་ཐོབ་པར་བྱ། དེའི་ཆེད་དུ་ཐུགས་སྒྲུབ་དགོངས་པ་ཀུན་འདུས་ཀྱི་དཀྱིལ་འཁོར་ཆེན་པོར་ཞུགས་ནས་ལམ་གྱི་རིམ་པ་ཉམས་སུ་ལེན་པར་བགྱིའོ་སྙམ་དུ་བྱང་ཆུབ་མཆོག་ཏུ་སེམས་བསྐྱེད་པ་གསལ་བཏབ་ནས་གསན་པར་ཞུ། དེའང་དལ་བ་བརྒྱད་འབྱོར་བ་བཅུ་ཁམས་དྲུག་དང་ལྡན་པ་འདི་རྙེད་པར་དཀའ་ལ་རྙེད་པ་དོན་ཆེན་པོ་དང་ལྡན་པས། ལུས་རྟེན་འདི་ལ་བརྟེན་ཏེ་ཚེ་གཅིག་ཏུ་སངས་རྒྱས་ཐོབ་པར་མ་བྱས་ན་ཚེ་ངེས་མེད་མི་རྟག་འཆི་བ་གློ་བུར་དུ་ནམ་འོང་ཆ་མེད་པས་བློ་སྣ་བསྟུངས་ལ་སྒོམ་སྒྲུབ་དྲན་མ་ཐག་པར་ཆོས་ཐོབ་མ་ཐག་ཏུ་བྱ་དགོས། དེ་མ་བྱས་ནས་ཕྱི་བཤོལ་གྱིས་ལེ་ལྷོད་དུ་གྱུར་ན་ཆོས་བྱེད་ལོངས་མེད་པར་འཆིབས་གཏུགས་ཏེ་ལས་འབྲས་བསླུ་བ་མེད་པས་དཀར་ནག་གི་ས་བོན་གང་བཏབ་པའི་འབྲས་བུ་དེ་དང་དེར་སྐྱེ་བ་ཐེ་ཚོམ་མེད་བཞིན་ཆོས་མ་བྱས་པའི་ཁར་སྡིག་པ་དུ་མ་བསགས་པས་འགྲོས་ངན་སོང་གསུམ་ལས་མེད་པས་དམྱལ་བ་ཡི་དྭགས་དུད་འགྲོའི་སྡུག་བསྔལ་མྱོང་ན་ལྟ་ཅི་སྨོས་ཏེ་དྲན་པ་ཙམ་གྱིས་ཀྱང་བཟོད་བླག་མེད་པས་སེམས་ལ་སྐྲག་ཅིང་སྡངས་པའི་དུཿཁ་རྒྱུན་ཆད་མེད་པ་བསྐལ་པ་དུ་མར་མྱོང་བ་དང་།
དེ་ལས་ལྡོག་ཕྱིར་མི་ཆོས་གཙང་མ་བཅུ་དྲུག་ལ་སྤྱད་པས་མཐོ་རིས་ཀྱི་རྟེན་བཟང་འཐོབ་པར་འགྱུར། དེའང་གནས་སྐབས་ཀྱི་བདེ་བ་ཙམ་ལས་འགྱུར་བའི་སྡུག་བསྔལ་ཅན་ཡིན་པས་འཁོར་བ་ལས་མ་འཕགས། འཁོར་བའི་སྡུག་བསྔལ་ལས་ཐར་བའི་ཐབས་དཀོན་མཆོག་གསུམ་དང་རྩ་བ་གསུམ་ལ་སྐྱབས་སུ་འགྲོ་ཞིང་ཉ་སྟོང་ཚེས་བརྒྱད་བསྙེན་གནས་ཀྱི་སྡོམ་པ་དང་། དགེ་བསྙེན་གྱི་སྡོམ་པ་བླངས་ནས་ཇི་ལྟར་ནུས་པའི་བསྲུང་མཚམས་རྣམས་བྱ་ཞིང་། ལུས་ཀྱི་སྒོ་ནས་སྐུ་གསུང་ཐུགས་རྟེན་ལ་ཕྱག་དང་སྐོར་བ་སཱཙྪ་འདེབས་པ་དང་། ངག་གི་སྒོ་ནས་མདོ་ཀློག་པ་དང་གཟུངས་སྔགས་བཟླ་བ་དང་སངས་རྒྱས་ཀྱི་མཚན་བརྗོད་པ་སོགས་དང་། ཡིད་ཀྱི་སྒོ་ནས་སྡིག་པ་ལ་གནོང་འགྱོད་ཀྱི་སེམས་ཀྱིས་བཤགས་པ་དང་། མི་དགེ་བའི་སེམས་སྤང་བ་དང་། ཚོགས་བསག་པའི་ཕྱིར་དཀོན་མཆོག་ལ་མཆོད་པ་འབུལ་བ་དང་། ངན་སློང་ལ་སྦྱིན་པ་གཏོང་བ་དང་། མཁས་དང་བཙུན་པའི་མཁན་པོ་ལས་རབ་ཏུ་བྱུང་ཞིང་མཐའ་གཉིས་སུ་མ་ལྷུངས་པའི་ཚངས་སྤྱོད་བག་ཡོད་པས་ཀློག་པ་ཐོས་བསམ་བྱ་བ་དང་། ཉོན་མོངས་པ་སྤོང་ཞིང་སངས་རྒྱས་ཀྱི་བསྟན་པ་ལ་རབ་ཏུ་གནས་པས་རང་ཉིད་ཞི་བདེའི་གནས་སུ་བགྲོད་བར་འགྱུར། འོན་ཀྱང་རང་ཉིད་གཅིག་བུའི་དོན་བསྒྲུབས་པས་སངས་རྒྱས་ལ་ལམ་ཐག་རིང་བར་འགྱུར་
བས་འཁོར་བའི་སེམས་ཅན་ཐམས་ཅད་ཀྱི་དོན་ཏུ་རང་ཉིད་ཚེ་གཅིག་གིས་སངས་རྒྱས་ཐོབ་པར་བྱ་དགོས་ལ། མཁན་པོ་བྱང་ཆུབ་ཀྱི་སེམས་དང་ལྡན་པའམ། རྟེན་ཁྱད་པར་ཅན་གྱི་དྲུང་དུ་སེམས་བསྐྱེད་བླངས་ལ་སེམས་ཅན་གྱི་དོན་ཁོ་ན་བྱེད་པར་དམ་བཅའ་ཞིང་ཐམས་ཅད་གནས་སྐབས་དང་མཐར་ཐུག་གི་བདེ་བ་ལ་རེག་པའི་ནུས་པ་གང་ཡོད་ཀྱིས་སེམས་ཅན་ལ་ཕན་གདགས་པའི་བྱ་བ་རྒྱུན་མི་འཆད་པར་འབད་པར་བྱའོ། །དེ་ལྟར་ཐུན་མོང་གི་ཐེག་པ་འདིས་ནི་གྲངས་མེད་གསུམ་དུ་ཚོགས་བསགས་ཤིང་རིམ་པར་གོང་ནས་གོང་དུ་འཕགས་ཤིང་མཐར་སངས་རྒྱས་ཀྱིས་ལ་བགྲོད་པ་ལས་ཚེ་གཅིག་གིས་འཚང་རྒྱ་བའི་ནུས་པ་མེད་པས། དེ་ལས་ཁྱད་པར་འཕགས་པ་གསང་སྔགས་ཀྱི་ཐེག་པ་ཕྱི་ནང་གཉིས་ལས། དང་པོ་གསང་སྔགས་ཕྱི་བ་ཀྲི་ཡ་ཨུ་བྷ་ཡོ་ག་གསུམ་ནི་ལྷ་སྒོམ་པ་དང་སྔགས་བཟླ་བ་རྣམས་ཀྱིས་ཐུན་མོང་གི་ཐེག་པ་ལས་ཁྱད་པར་དུ་འཕགས་པས་སོ་སོའི་གཞུང་བཞིན་སྤྱད། གཉིས་པ་ནང་པ་ཐབས་ཀྱི་རྒྱུད་ཡོ་ག་རྣམ་པ་གསུམ་འདི་ནི་བརྩོན་འགྲུས་ལྡན་པས་ཉམས་སུ་བླངས་ན་ཚེ་གཅིག་ལ་རག་མ་ལུས་པར་སྟན་ཐོག་གཅིག་ལ་འཚང་རྒྱ་བའི་གདམས་པ་ཁྱད་པར་ཅན་འདི་ལ་འཇུག་པ་ནི། དང་པོ་བླ་མ་མཚན་ཉིད་དང་ལྡན་པ་བསྟེན་ཅིང་དབང་བཞི་རྣམས་རིམ་པར་ནོད་པ་དང་། དེ་དང་ལྷན་ཅིག་གཉིས་པ་ཁྲིད་གདབ་ཅིང་བསྐྱེད་རྫོགས་ལ་གོམས་པར་བྱེད་པ་དང་། གསུམ་པ་ནུས་པ་ཐོབ་ནས་སྒྲུབ་པའི་གཞུང་
སྲོང་ཞིང་སྦྱོར་སྒྲོལ་གྱི་འབྲས་བུ་མཐར་ཕྱིན་པར་བྱེད་པ་རྣམས་སུ་གསུངས་པ་ལས། སྐབས་འདིར་དབང་ཁྲིད་སྦྲགས་མ་བགྱིད་པ་ལའང་སྔོན་འགྲོ་སྟ་གོན་དང་། དངོས་གཞི་དབང་བསྐུར་གཉིས་སུ་ཡོད་པ་ལས། ཐོག་མར་སྔོན་འགྲོ་སློབ་མ་ལྷག་པར་གནས་པ་བགྱི་པ་ཡིན་པས་ཞུ་བའི་ཡོན་ཏུ་དམིགས་ཏེ་མཎྜལ་འབུལ་བར་ཞུ། ཞེས་མཚམས་སྦྱར་ལ་མཎྜལ་འབུལ་དུ་གཞུག །མེ་ཏོག་དང་བཅས་པའི་ཐལ་མོ་སྦྱོར་ལ་གསོལ་བ་འདེབས་པ་འདིའི་རྗེས་ཟློས་མཛོད། ཧོ༔ འདྲེན་པ་སངས་རྒྱས་ཀུན་གྱི་གཙོ༔ ཐར་པ་ཆེན་པོ་བདག་འདོད་པས༔ གསང་སྔགས་སྐལ་པ་ལྡན་མི་ལྡན༔ བརྟག་ཕྱིར་སྟ་གོན་སྩལ་དུ་གསོལ༔ ལན་གསུམ། དེ་ལྟར་གསོལ་བ་བཏབ་པ་ལ་སྣོད་བརྟག་པའི་ཚིག་གིས་གནང་བ་སྩལ་བ་འདི་ལ་གསན་འཚལ། ཐར་ལམ་མྱུར་བགྲོད་གསང་སྔགས་ཀྱི༔ དཀྱིལ་འཁོར་ཆེན་པོར་འཇུག་པ་ལ༔ སྐལ་པར་ལྡན་པ་མ་གྱུར་ན༔ གསང་སྔགས་སྦྱིན་པའི་སྣོད་མ་ཡིན༔ དད་ཅིང་གུས་པར་མི་ལྡན་ན༔ གསང་སྔགས་སྦྱིན་པའི་སྣོད་མ་ཡིན༔ ལོག་ལྟ་སེར་སྣ་འཇུག་གེགས་ཅན༔ གསང་སྔགས་སྦྱིན་པའི་སྣོད་མ་ཡིན༔ བརྙས་འགྲོགས་བཀའ་ལ་མི་ཉན་པ༔ གསང་སྔགས་སྦྱིན་པའི་སྣོད་མ་ཡིན༔ གལ་ཏེ་ཚུལ་དང་མི་ལྡན་ཀྱང་༔ གསང་སྔགས་སྤྱད་ན་བརླག་པར་འགྱུར༔ དེ་ཕྱིར་སྐལ་པ་བརྟག་པའི་ཕྱིར༔
སྟ་གོན་ལ་ནི་གནས་པར་བྱ༔ དེ་ལ་སྨིན་གྲོལ་ཐམས་ཅད་ཀྱི་སྔོན་འགྲོ་རྒྱུད་རྣམ་པར་དག་པར་བྱ་དགོས་པས། ཐོག་མར་སྐྱབས་སུ་འགྲོ་ཞིང་སེམས་བསྐྱེད་པ་དང་། མཆོག་གསུམ་དང་རྩ་བ་གསུམ་ལ་ཡན་ལག་བདུན་པ་འབུལ་ཞིང་རྟེན་ལ་བསྐོར་བ་བྱ༔ ལམ་གྱི་འགལ་རྐྱེན་རྣམས་ཞི་བའི་ཕྱིར་རྡོ་རྗེ་སེམས་དཔའི་སྒོམ་བཟླས་བྱ་ཞིང་སྡིག་ལྟུང་བཤགས། མཐུན་རྐྱེན་ཚོགས་རྫོགས་པར་བྱ་བའི་ཕྱིར་རིན་པོ་ཆེ་དང་འབྲུ་དང་སྨན་གྱི་མཎྜལ་འབུལ་ཞིང་མཆོད་སྦྱིན་བྱ། རང་གི་རྒྱུད་ལ་བླ་མའི་བྱིན་རླབས་མ་ཞུགས་ན་ཉམས་ལེན་རྣལ་མ་མི་འབྱུང་བས་བླ་མ་སྤྱི་བོར་བསྒོམ་ཞིང་གསོལ་བ་ཡང་ཡང་བཏབ་ལ་དབང་བཞི་བླང་ཞིང་ཐུགས་ཡིད་བསྲེ་བ་རྣམས་ཚུལ་བཞིན་དུ་ཉམས་སུ་ལེན་དགོས་ལ། ཇི་ལྟར་བྱ་བའི་རིམ་པ་ཡན་ལག་གི་ཐུགས་སྒྲུབ་རྣམ་པ་གཉིས་ལས་འབྱུང་བ་ལྟར་རིམ་པར་འབད་དགོས་པ་ལགས། སྐབས་འདིར་མདུན་གྱི་ནམ་མཁར་བླ་མ་དཀྱིལ་འཁོར་གྱི་ལྷ་ཚོགས་རྩ་གསུམ་རྒྱལ་བ་རབ་འབྱམས་སྤྲིན་འཁྲིགས་པ་ལྟར་བཞུགས་པའི་སྤྱན་སྔར། བདག་གཞན་མཁའ་ཁྱབ་ཀྱི་སེམས་ཅན་ཐམས་ཅད་དེང་ནས་བྱང་ཆུབ་མ་ཐོབ་ཀྱི་བར་དུ་སྐྱབས་སུ་འགྲོ་བ་དང་། བྱང་ཆུབ་མཆོག་ཏུ་སེམས་བསྐྱེད་ཅིང་སྡོམ་པ་དང་དམ་ཚིག་སྤྱི་དང་ཁྱད་པར་བ་རྣམས་བཟུང་བ་དང་། བསགས་སྦྱང་སྤེལ་གསུམ་གྱི་གནད་བསྡུས་པའི་ཕྱག་མཆོད་སོགས་ཡན་ལག་བདུན་པ་
སོ་སོའི་དོན་གསལ་ཐོབ་ལ་འདིའི་རྗེས་ཟློས། ཧོཿ བླ་མ་དཔལ་ཆེན་ཧེ་རུ་ཀ༔ དེས་གསུངས་གསང་སྔགས་ཟབ་མོའི་ཆོས༔ སེམས་དཔའ་མཁའ་འགྲོ་རྣལ་འབྱོར་ལ༔ བྱང་ཆུབ་བར་དུ་སྐྱབས་སུ་མཆི༔ བླ་ན་མེད་པའི་བྱང་ཆུབ་སེམས༔ དམ་པ་བདག་གིས་བསྐྱེད་པར་བགྱི༔ ཚུལ་ཁྲིམས་གྱི་ནི་བསླབ་པ་དང་༔ དགེ་བའི་ཆོས་ནི་སྡུད་པ་དང་༔ སེམས་ཅན་དོན་བྱེད་ཚུལ་ཁྲིམས་གསུམ༔ བདག་གིས་བརྟན་པོར་བཟུང་བར་བགྱི༔ བདེ་གཤེགས་རིགས་ལྔའི་དམ་ཚིག་བཟུང་༔ སྐྱེ་འགག་གནས་གསུམ་འགྲོ་འོང་བྲལ༔ དམིགས་མེད་སྤྲོས་བྲལ་སྟོང་གསལ་བསྒོམ༔ མཆོད་པའི་ཚོགས་ཀྱིས་མ་ལུས་མཆོད༔ ལུས་ངག་ཡིད་ཀྱིས་ཕྱག་བགྱི་ཞིང་༔ ཉམས་ཆགས་སྡིག་སྒྲིབ་མཐོལ་ཞིང་བཤགས༔ འཁོར་འདས་དགེ་ལ་རྗེས་ཡི་རང་༔ དུས་གསུམ་རྟག་པར་བཞུགས་སུ་གསོལ༔ འགྲོ་རྣམས་སྨིན་ཅིང་གྲོལ་བར་མཛོད༔ དགེ་བ་མཁའ་མཉམ་འགྲོ་ལ་བསྔོ༔ ཚོགས་རྫོགས་སྒྲིབ་པ་བྱང་བར་ཤོག༔ ལན་གསུམ། དེ་ནས་གཞི་ལུས་དང་བཅས་པའི་སྒོ་གསུམ་བྱིན་གྱིས་རློབ་པ་ཡིན་པས་དམིགས་པ་འདི་ལྟར་གསལ་ཐོབ་ཅིག །སློབ་མ་ལས་ཆུ་སྔགས་དང་བཅས་པས་བསང་༔ སྟོང་པའི་ངང་ལས་ཧཱུྃ་ལས་རྡོ་རྗེ་སེམས་དཔའ་དཀར་པོ་རྡོར་དྲིལ་འཛིན་པ༔ དར་དང་རིན་པོ་ཆེས་བརྒྱན་པ༔ ཞབས་སེམས་དཔའི་སྐྱིལ་ཀྲུང་གིས་པདྨ་དང་ཟླ་བའི་
གདན་ལ་བཞུགས་པར་གྱུར༔ དྲིའི་ཆུས་སློབ་དཔོན་གྱི་སྲིན་ལག་གཡོན་པས་སློབ་མའི་གནས་གསུམ་དུ་ཐིག་ལེ་བྱས་ལ། སྤྱི་བོར་སྐུ་རྡོ་རྗེའི་ངོ་བོ་ཨོཾ་དཀར་པོ༔ མགྲིན་པར་གསུང་རྡོ་རྗེའི་ངོ་བོ་ཨཱཿ དམར་པོ༔ །ཐུགས་ཀར་ཐུགས་རྡོ་རྗེའི་ངོ་བོ་ཧཱུྃ་མཐིང་གས་མཚན་པར་གྱུར་པར་བསམ། སློབ་དཔོན་གྱི་ཐུགས་ཀ་ནས་རྡོ་རྗེ་ཧཱུྃ་གིས་མཚན་པ་གྲངས་མེད་པ་འཕྲོས༔ སློབ་བུའི་ལུས་ལ་ཐིམ༔ ལུས་ཕྱི་ནང་ཐམས་ཅད་རྡོ་རྗེའི་རང་བཞིན་ཏུ་གྱུར་པར་བསམས་ལ་རྡོ་རྗེ་རྩེ་གཅིག་པའི་ཕྱག་རྒྱ་སྤྱི་བོར་བཞག་ཅིང་༔ ཨོཾ་བཛྲ་ཀཱ་ཝཱ་ཙི་རཀྵཱ་ཧཾ༔ ཞེས་ལུས་བསྲུང་ངོ་༔ སློབ་མའི་སྙིང་གར་ཀུན་རྫོབ་བྱང་ཆུབ་སེམས་ཀྱི་ངོ་བོ་ཟླ་བ་ཉ་གང་བ༔ དེའི་སྟེང་དུ་དོན་དམ་བྱང་ཆུབ་སེམས་ཀྱི་ངོ་བོ་རྡོ་རྗེ་དཀར་པོ་རྩེ་ལྔ་པའི་ལྟེ་བར་ཧཱུྃ་ཡིག་དཀར་པོས་མཚན་པར་གྱུར༔ སློབ་མ་རྣམས་ཀྱིས་འཁོར་བའི་སེམས་ཅན་བླ་ན་མེད་པའི་སར་བསྒྲལ་བར་བྱའོ་སྙམ་པ་ཀུན་རྫོབ་བྱང་ཆུབ་སེམས་དང་༔ ཆོས་ཐམས་ཅད་རང་བཞིན་གྱིས་སྟོང་པར་ཤེས་པ་དོན་དམ་སེམས་བསྐྱེད་ཟུང་དུ་འཇུག་པས་འདིའི་རྗེས་ཟློས་ཨོཾ་བོ་དྷི་ཙིཏྟ་ཨུཏྤཱ་ད་ཡཱ་མི༔ ལན་གསུམ། དེ་བརྟན་པར་བྱ་བའི་ཕྱིར་སློབ་དཔོན་གྱི་ཐུགས་ཀ་ནས་བྱང་ཆུབ་སེམས་གཉིས་ཀྱི་ངོ་བོ་ཟླ་བ་རྡོ་རྗེ་ཧཱུྃ་ཡིག་དང་བཅས་པ་འཕྲོས༔ སློབ་མའི་སྙིང་གར་དེ་བཞིན་གསལ་བ་ལ་ཐིམ་པར་གྱུར་པ་བསམས་ལ༔ལག་གཡས་ཟླ་བ་ལྟར་བྱས་པས་རྡོ་རྗེ་འཛིན་པ་དང་བཅས་པས་སྙིང་གར་རེག༔ ཨོཾ་བོ་དྷི་ཙིཏྟུ་ས་མ་ཡ་ཏིཥཱ་ཧཱུྃ༔ དེ་ལྟར་སྒོ་གསུམ་རྡོ་རྗེ་
གསུམ་གྱི་རང་བཞིན་ཏུ་བྱས་པ་དང་ཐུན་མོང་མ་ཡིན་པའི་བྱང་ཆུབ་སེམས་གཉིས་བསྐྱེད་པ་དེ་ལ་མཆོད་པའི་བྱེ་བྲག་རྣམས་ཀྱིས་མངའ་གསོལ་བར་མོས་ཤིག །ཨོཾ་བཛྲ་པུཥྤེ་ཨཱཿཧཱུྃ༔ ཞེས་མེ་ཏོག་གི་ཕྲེང་བ་མགོར་བཅིང་༔ ཨོཾ་བཛྲ་དྷཱུ་པེ་ཨཱཿཧཱུྃ༔ སྤོས་སྣ་ཚོགས་ཀྱིས་བདུག༔ ཨོ་བཛྲ་ཨཱ་ལོ་ཀེ་ཨཱཿཧཱུྃ༔ མར་མེ་སྤྱན་ལམ་དུ་བསྐོར༔ ཨོཾ་བཛྲ་གནྡྷེ་ཨཱཿཧཱུྃ༔ དྲི་ཆབ་ཐུགས་ཀར་འཐོར༔ ཨོཾ་བཛྲ་ནཻ་བི་དྱཱ་ཨཱ་ཧཱུྃ༔ ཞལ་ཟས་སྣ་ཚོགས་སྦྱིན་ནོ༔ དེ་ནས་དངོས་གྲུབ་ཀྱི་སྐལ་པ་བརྟག་པ་ལ། ཐོག་མར་སོ་ཤིང་དོར་ཏེ་བརྟག་པ་ནི། མཎྜལ་པདྨ་འདབ་བརྒྱད་བྲིས་པ་མདུན་ཏུ་བཞག །སོ་ཤིང་གཏད་ལ། བདུད་རྩི་ཅན་གྱི་ཤིང་སོར་བརྒྱད་པ་རྩེ་མོ་མེ་ཏོག་དང་དར་དང་རིན་པོ་ཆེའི་ཆུན་པོས་བརྒྱན་པ་ཐལ་མོའི་བར་དུ་བཟུང་ཞིང་དཔྲལ་བ་ལ་གཏུགས་ཏེ་དཀོན་མཆོག་གསུམ་ཡིད་ལ་དྲན་པས། བདག་གསང་སྔགས་ཀྱི་སྒོར་ཞུགས་ན་དངོས་གྲུབ་ཐོབ་བམ་མི་ཐོབ་སོ་ཤིང་འདི་ལ་བརྟེན་ཏེ་མཐོང་བར་གྱུར་ཅིག་སྙམ་པས་རྩ་བས་སོ་བྲུས་པ་ལྟར་བྱས་ལ་སྔགས་འདིའི་རྗེས་ཟློས་དང་བཅས་ཏེ་མཎྜལ་དུ་འདོར་བར་ཞུ། ཧ་ས་ཧ། ཞེས་འདོར་དུ་གཞུག །དེ་ལྟར་དོར་བས་སོ་ཤིང་གི་རྩེ་མོ་སྟེང་དུ་བསྟན་ན་མཁའ་སྤྱོད། འོག་ས་སྤྱོད། ཤར་ཞི་བ། ལྷོར་རྒྱས་པ། ནུབ་དབང་། བྱང་དྲག་པོ། མཚམས་བཞིར་ལས་ཕྲན་ཚེགས་འགྲུབ་པར་གསུངས་སོ། །གཉིས་པ་རྨི་ལམ་གྱི་སྒོ་ནས་བརྟག་པ་ལ་རྨི་ལམ་གསལ་བའི་ཕྱིར་ཁྱོར་ཆུ་བྱིན་པ་
འདི་འཐུང་བ་དང་ཁྲུས་མཛོད་ཅིག །ཆུ་གཙང་ལ་ལས་སྔགས་བཟླ་ཞིང་བླུད་ཅིང་ཁྲུས་བྱ། རྨི་ལམ་བརྟག་པ་ལ་བར་ཆད་མི་འབྱུང་བའི་ཕྱིར་སྲུང་བའི་གོ་བགོས་པར་མོས་ཤིག །སྐུད་པ་དམར་པོ་རྡོ་རྗེའི་མདུད་པ་བྱས་ལ་ལས་སྔགས་ཀྱིས་སྔགས་ཤིང་ཕོའི་དཔུང་པ་གཡས་དང་མོ་རི་གཡོན་ཏུ་མཆིང༔ ལས་ཆུས་བྲན་ཅིང་རྡོ་རྗེ་རྒྱ་གྲམ་གྱིས་རྒྱས་གདབ༔ རྨི་ལམ་མི་འཁྲུགས་པའི་ཕྱིར་ཀུ་ཤའི་སྔས་གདན་བྱིན་པར་མོས་ཤིག །མ་ཉམས་པའི་ཀུ་ཤའི་བོན་པོ་ཆེ་ཆུང་གཉིས་ལས་ཆུས་བྲན་ཅིང་༔ དྷཱི་དང་ཁཾ་ལས་སྐྱེས་པའི་ཀུ་ཤ་དག་བྱེད་ཀྱི་ནུས་པ་དང་ལྡན་པར་གྱུར་པར་བསམས་ལ༔ དྷཱི་ཁཾ་བརྗོད་ཅིང་སློབ་མ་ལ་སྦྱིན། སློབ་མ་རྣམས་ཀུ་ཤ་ཆུང་བ་སྔས་དང་ཆེ་བ་སྟན་ཏུ་བྱས་ལ། དཀྱིལ་འཁོར་ལ་མགོ་ཕྱོགས་པས་གཞོགས་གཡས་སར་ཕབ་སྟེ་རྩ་བ་གསུམ་དང་། དཀོན་མཆོག་གསུམ་ཡིད་ལ་དྲན་པས་ཉོལ་ལ་རྨི་ལམ་བརྟགས་པས་བཟང་ན་སྐལ་པ་དང་ལྡན་ཅིང་། ངན་པའི་རྟགས་བྱུང་ན་སྐོང་བཤགས་སྡིག་སྦྱོང་ཚོགས་བསགས་སྦྱིན་སྲེག་ལ་འབད་ཅིང་། འཁྲུལ་སྣང་ཐམས་ཅད་དངོས་པོར་མ་གྲུབ་པར་བལྟའོ། །དེ་ནས་ཕྱིར་མི་ལྡོག་པའི་སླད་དུ་ཟབ་མོའི་ཆོས་བཤད་པ་འདི་ལ་གསན་འཚལ། འཇིག་རྟེན་ཏུ་ནི་ཀུན་མཁྱེན་རྣམས༔ ཨུ་དུམྦུ་རའི་མེ་ཏོག་བཞིན༔ བརྒྱ་ལ་མན་ནི་རེས་འགའ་ཞིག༔ འབྱུང་འགྱུར་ཡང་ནི་མི་འབྱུང་ངོ་༔ དེ་བས་ཀྱང་ནི་གསང་སྔགས་འདི༔ བསྐལ་པ་བརྒྱར་ཡང་རྙེད་མི་འགྱུར༔ ཚེ་གཅིག་སངས་རྒྱས་འདོད་པ་ཡིས༔ ཐེག་པ་ཆེ་ལ་དགའ་རྣམས་
ནི༔ གསང་སྔགས་འདི་ལ་འཇུག་པར་གྱིས༔ནུས་ན་དེའི་དོན་བཀྲོལ་ལ་བཤད། དེས་སྔོན་འགྲོ་སྟ་གོན་གྱི་ཆོས་རྣམས་གྲུབ་པ་ལགས་པས་དགེ་བ་རྫོགས་བྱང་དུ་བསྔོ་བར་ཞུ། བསོད་ནམས་འདི་ཡིས་སོགས་བརྗོད་པས་གྲུང་བོ། །གཉིས་པ་དངོས་གཞི་ལ་གསུམ། དབང་རྟེན་དཀྱིལ་འཁོར་བཞེངས་པ། དབང་དོན་སྒྲུབ་ཅིང་མཆོད་པ། དབང་བསྐུར་ཅིང་ཁྲིད་འབོགས་པའོ། །དང་པོ་ནི། གོང་དུ་སྟ་གོན་བྱས་པའི་སྟེགས་བུར་རས་བྲིས་ཀྱི་དཀྱིལ་འཁོར་བཀྲམ། མ་འཛོམ་ན་མཎྜལ་ལ་སྔར་སྨོས་པ་ལྟར་ཚོམ་བུ་བཀོད་པའི་དབུས་སུ་ཁྲིའུའི་ཁར་སྔར་སྟ་གོན་བྱས་པའི་རྣམ་བུམ་བཀོད། དེའི་ཁར་བྷནྡྷ་མཚན་ལྡན་གྱི་ནང་དུ། ཚེ་རིང་པོའི་ལག་ནས་འོངས་པའི་འབྲུ་དཀར་གྱི་ཕྱེ་མ། ར་མོ་ཤག་དབང་ལག་ལུག་མུར་རྣམས་སྦྱར་བ་བ་དམར་པོའི་མར་དང་འོ་མས་དྲིལ་བའི་ཚེ་རིལ་དང་ཆང་བཟང་པོས་བཀང་བ་བཞག་པའི་ཁར། དངུལ་གྱི་མེ་ལོང་སིནྡྷཱུ་རས་བྱུགས་པའི་དབུས་སུ་ཧཱུྃ། ཕྱོགས་མཚམས་བརྒྱད་དུ་ཧཱུྃ་ཡིག་བརྒྱད་མགོ་ཕྱིར་བསྟན་ཏུ་བྲིས་པས་བཀབ། དེ་སྟེང་རང་བྱུང་ཤེལ་རྡོ་ལ་བླ་མ་ཆོས་སྐུའི་སྐུའམ་མཐུན་ན་ཧཱུྃ་མཐིང་ག་བྲིས་པ་བཀོད། ཆོས་ལོངས་སྤྲུལ་གསུམ་ཁྲོ་བོར་བཅས་པའི་ལྷ་ཙཀ་ཚང་མ་དཀྱིལ་འཁོར་དབུས་སམ་གང་བདེར་བཞག །རྒྱབ་ཕྱོགས་སུ་གུ་རུའི་སྐུ་རྟེན་གཞུང་གསལ་བྱུང་ན་རབ་མ་བྱུང་ན་བྲིས་འབུར་གང་རུང་རབ་གནས་ལྡན་པ་དང་། འཛོམ་ན་རྒྱུད་སྒྲུབ་ཐབས་ཀྱི་གླེགས་བམ། མཆོད་རྟེན་རིང་བསྲེལ་ལྡན་པ་རྣམས་བཀོད། མདུན་རྒྱབ་གང་བདེར་སྨན་རཀ་གཏོར་གསུམ། མཐའ་བསྐོར་དུ་ཆུ་གཉིས་ཉེར་སྤྱོད། འཛོམ་ན་འཕན་གདུགས་རྒྱལ་མཚན་སོགས་རྒྱན་རྫས་བཀྲམ། གཞན་ཡང་སྲུང་མའི་གཏོར་འབུལ། ཚོགས་ཀྱི་ཡོ་བྱད་སོགས་ཕྲིན་ལས་ལ་དགོས་པའི་མཆོད་གཏོར་རྣམས་དང་། གསང་
ཐོད། རིག་མའི་གཟུགས་བརྙན། མི་གདར་གསེར་ཐུར་ཕྱག་ཤིང་། མཎྜལ་མེ་ཏོག་སོགས་མཁོ་བའི་རྫས་ཐམས་ཅད་ཚོགས་བར་བྱའོ། །སྒྲུབ་རྫས་སོ་སོར་རབ་གནས་བྱ་བར་གསུངས་ཀྱང་འགྲུབ་དཀའ་བས་མདོར་བསྡུས་སུ། ལས་སྔགས་བཟླ་བཞིན་གུ་གུལ་བདུགས་ལ་ཡུངས་ཀར་བྲབས་ཤིང་བགེགས་བསྐྲད། ལས་ཐམས་ཅད་པའི་ཆུས་ཁྲུས་བྱ། ཆོས་ཉིད་དག་པའི་སྔགས་ཀྱིས་བསང་སྦྱང་། རས་བྲིས་ཀྱི་དཀྱིལ་འཁོར་མི་དམིགས་པ་ལས་དམ་ཚིག་གི་དཀྱིལ་འཁོར་རྟེན་དང་བརྟེན་པར་བཅས་པ་གསལ་བ་ལ། ནམ་མཁར་བཞུགས་པའི་སྟ་གོན་གྱི་ལྷ་རྣམས་དབྱེར་མེད་ཆུ་ལ་ཆུ་བཞག་པ་ལྟར་ཞུགས་པར་གྱུར། སྒྲུབ་རྫས་རྣམས་སྟོང་པའི་ངང་ལས༔ བླ་མ་རིག་འཛིན་ཞི་ཁྲོའི་དཀྱིལ་འཁོར་སྣོད་བཅུད་ཡོངས་སུ་རྫོགས་པ་ལྷ་སོ་སོའི་སྐུ་གསུང་ཐུགས་ཀྱི་རང་བཞིན་ཏུ་གསལ་བར་གྱུར་བར་བསམ། ཨོཾ་བཛྲ་ཨརྒྷཾ་ནས་ཤབྡ་པྲ་ཏཱིཙྪ་སྭཱ་ཧཱའི་བར་གྱིས་མཆོད་ལ་རོལ་མོ་བྱའོ། །གཉིས་པ་ནི། གུ་རུའི་ཚིག་བདུན་དང་བརྒྱུད་འདེབས། གནས་བདག་ལ་དཀར་གཏོར་སྦྱིན། ལས་བྱང་གི་སྐྱབས་སེམས་ནས་བརྩམས། སྔོན་འགྲོའི་ཆོས་རྣམས་དང་། དངོས་གཞི་བདག་མདུན་དབྱེར་མེད་དུ་བསྐྱེད། ཡེ་ཤེས་ཀྱི་དཀྱིལ་འཁོར་བསྟིམས་པ་ནས་མཆོད་བསྟོད་རྫོགས་ཀྱི་བར་དུ་བཏང་། དེ་ནས་མདུན་རྟེན་གྱི་གོ་སར་ཛབ་ཁང་ཕྱེས་ལ་བདག་མདུན་གཉིས་ཀར་དམིགས་ནས་ཞི་དྲག་གི་བཟླས་པ་ཅི་འགྲུབ་བྱ། བུམ་པ་རང་བྱུང་གི་གཞལ་ཡས་ཁང་དུ་བླ་མ་འགྲོ་འདུལ་སྤྲུལ་པ་སྐུའི་དཀྱིལ་འཁོར་ཡོངས་སུ་རྫོགས་པ་དྭངས་སའི་མཆོལ་གཟའ་སྐར་ཤར་བ་བཞིན་སྐད་ཅིག་གིས་གསལ་
བར་གྱུར། རང་སྲོག་སྔགས་ཀྱི་འོད་ཟེར་གཟུངས་ཐག་ལ། །འཁྲིལ་ཏེ་བུམ་པའི་ལྷ་ཚོགས་ཐུགས་ཀར་ཞུགས། །དེ་དག་སྐུ་ལས་བྱང་སེམས་བདུད་རྩིའི་རྒྱུན། །བབས་པས་བུམ་ཆུར་དབྱེར་མེད་རོ་གཅིག་གྱུར། །ཅེས་གཟུངས་ཐག་བླངས་ལ་ཐོད་ཕྲེང་རྩལ་གྱི་བཟླས་པ་བརྒྱ་རྩ་ཙམ་བྱ། སྟོང་ཚིགས་མཆོད་བསྟོད་ཕུལ། བུམ་ནང་འབྲུ་གསུམ་གྱིས་མཆོད་ཡོན་ཕུལ་ནས་བུམ་ལྷ་འོད་ཞུ་བྱ། དགོངས་པ་བསྐྱང་། བཀའ་གཏེར་སྲུང་མའི་གཏོར་ཆོག་དང་། ཚོགས་བྱིན་རླབས་ནས་བསྒྲལ་བསྟབ་བར་བཏང་། རིག་པའི་མེ་ཏོག་དོར། སློབ་མ་གཞུག་བའི་གནང་བ་ནོད། དཀྱིལ་འཁོར་ལ་ཡོལ་བ་བཏང་ངོ། །གསུམ་པ་ནི། སློབ་མ་རྣམས་ལས་བུམ་གྱི་ཆུས་ཕྱི་རོལ་དུ་ཁྲུས་བྱ། སྒོ་དྲུང་དུ་འཁོད་ལ་ལས་སློབ་ཀྱིས། ཁྱེད་རང་རྣམས་དཀྱིལ་འཁོར་ཆེན་པོའི་སྒོ་དྲུང་དུ་འཁོད་ནས་སྒོ་སྲུང་ཁྲོ་བོ་ཆེན་པོ་རྣམས་ལ་གསོལ་བ་བཏབ་པའི་མོས་པས་འདིའི་རྗེས་ཟློས་མཛོད། ཧོཿ ཡེ་ཤེས་ཕོ་བྲང་ཆེན་པོ་ཡི༔ སྒོ་སྲུང་ཁྲོ་བོ་ཁྲོ་མོ་རྣམས༔ ཐར་པ་ཆེན་པོ་བདག་འདོད་པས༔ ཕོ་བྲང་ནང་དུ་འདྲེན་པར་མཛོད༔ ཞེས་གསོལ་བ་བཏབ་པས་སྒོ་སྲུང་རྣམས་ཀྱིས་ལན་འདི་ལྟར་སྩལ་བར་མོས་ཤིག །ཧོཿ དུར་ཁྲོད་གསང་བའི་དཀྱིལ་འཁོར་འདིར༔ འཇུག་པའི་སྐལ་ལྡན་བརྒྱ་ལམ་དུ༔ རེས་འགའ་དམ་ཚིག་མཆོག་སྲུང་བ༔ རྣལ་འབྱོར་འགའ་ཞིག་འཇུག་པར་འཚལ༔ ཅེས་བརྗོད་ལ་སྒོ་ཕྱེས་ཏེ་ནང་དུ་ཁྲིད། ལས་བྱང་ལྟར་བགེགས་གཏོར་བཏང་ལ་གུ་གུལ་ཡུངས་ཐུན་རོལ་མོ་སོགས་ཀྱིས་བགེགས་བསྐྲད།
གྲལ་དུ་འཁོད་ལ་སྲུང་འཁོར་བསྒོམ། མེ་ཏོག་བཀྱེ་བསྡུ་དང་སེམས་བསྐྱེད་གསལ་བཏབ་ལ། དེའང་ཕྱོགས་བཅུ་དུས་བཞིའི་རྩ་གསུམ་རྒྱལ་བ་རབ་འབྱམས་ཀྱི་ངོ་བོ་གཅིག་ཏུ་འདུས་པའི་བདག་ཉིད་ཆེན་པོ་རྒྱལ་དབང་པདྨཱ་ཀ་ར་ཉིད། གངས་ཅན་རྗེ་འབངས་ཐམས་ཅད་ལས་དང་སྐལ་པར་ལྡན་ཅིང་གདུལ་བྱའི་བསོད་ནམས་དགུང་ལ་རེག་པའི་སྐབས་སུ་སྐུ་དངོས་ཀྱིས་ལྗོངས་འདིར་ཕེབས་ནས་ཆོས་འཁོར་དཔལ་གྱི་བསམ་ཡས་བཞེངས། ལོ་པ་རྣམས་ཀྱིས་དམ་ཆོས་མདོ་རྒྱུད་ཐམས་ཅད་བསྒྱུར་ཏེ་གསུང་རྟེན་ལ་རབ་གནས་མངའ་གསོལ་མཛད་པའི་སྐབས་ཤིག །མངའ་བདག་ཡབ་སྲས་དང་ལོ་པ་མཁས་གྲུབ་མང་པོས་བུ་ཚབ་གསེར་ཁང་གླིང་དུ་སྤྱན་དྲངས་ཏེ་ཚོགས་ཀྱི་འཁོར་ལོ་རྒྱ་ཆེན་པོ་བསྐོར། ཞལ་དུ་སྐྱེམས། རིན་པོ་ཆེའི་མཎྜལ་དང་གུས་ཕྱག་དགུ་ཕྲུག་ཏུ་ཕུལ་ནས། གསང་སྔགས་ཀྱི་སྒོ་ནས་བྱང་ཆུབ་སྒྲུབ་པའི་ལམ་མཆོག་ཏུ་ཟབ་པ་བླ་མ་སྒྲུབ་པ་ཉིད་ཆེས་བསྔགས་ཤིང་། སྐུ་གསུམ་གྱི་འཆར་གཞི་དཀྱིལ་འཁོར་གྱི་གཙོ་བོ་གུ་རུ་རིན་པོ་ཆེ་ཉིད་ལས་ལྷག་པའི་བླ་མ་ཡི་དམ་གཞན་ཏུ་མ་མཆིས་པས། དཀྱིལ་འཁོར་གཅིག་བསྒྲུབས་པས་བདེ་བར་གཤེགས་པ་ཐམས་ཅད་འདུས་པ། སྔགས་གཅིག་བཟླས་པས་ཞི་ཁྲོ་མ་ལུས་པའི་སྲོག་སྙིང་འདུས་པ། ཏིང་ངེ་འཛིན་གཅིག་བསྒོམས་པས་ས་ལམ་གཅིག་ཆོད་དུ་འགྲོ་བའི་གདམས་པ་ཟབ་མོ་ཞིག་སྩོལ་བར་གསོལ་བ་བཏབ་པས། གུ་རུ་ཉིད་དཔལ་ཧེ་རུ་ཀ་རིག་
འཛིན་ཞི་ཁྲོའི་རྟེན་དང་བརྟེན་པར་བཅས་པའི་དཀྱིལ་འཁོར་དངོས་སུ་བསྟན། སླར་སྤྲུལ་པ་བསྡུས་ཏེ་བླ་མའི་སྐུ་གསུང་ཐུགས་ཀྱི་དཀྱིལ་འཁོར་གཅིག་རྫོགས་སུ་བསྒོམས་པས་ས་ལམ་གཅིག་ཆོད་དུ་བགྲོད་པའི་གདམས་པ་ཐུགས་སྒྲུབ་དགོངས་པ་ཀུན་འདུས་ཀྱི་ཆོས་བཀའ་སྩལ་བ་རྗེ་འབངས་རྣམས་ཀྱིས་ཐུགས་ཉམས་སུ་བཞེས་པས་དངོས་གྲུབ་གཉིས་མཐར་ཕྱིན། མ་འོང་པའི་དོན་ཏུ་ཤོག་སེར་ལ་བརྡའི་ཡི་གེར་བཏབ་ནས་སྐུ་རྟེན་རྣམ་གསུམ་དང་ལྷན་ཅིག་མདོ་ཁམས་ལྷོ་རྫ་སྒང་སྐུའི་ཕྲིན་ལས་ཀྱི་གནས་མཆོག་ཡེལ་བྲག་ནམ་མཁའ་མཛོད་ཀྱི་ཨོ་རྒྱན་གསང་ཕུག་ཏུ་གཏེར་རྒྱས་བཏབ་པ། དེང་སང་འདུལ་བའི་དུས་སུ་སོན་པ་ན་ལྷ་སྲས་མུ་རུབ་བཙད་པོའི་རྣམ་འཕྲུལ་གཏེར་ཆེན་མཆོག་གྱུར་བདེ་ཆེན་གླིང་པས་སྤྱན་དྲངས་ཏེ་རིམ་པར་གཏན་ལ་ཕབ་ཅིང་སྐལ་ལྡན་དུ་མ་སྨིན་ཅིང་གྲོལ་བར་མཛད་པ་རྩ་བའི་ཐུགས་སྒྲུབ་ཆེན་མོའི་སྨིན་གྲོལ་ཆབ་གཅིག་ཏུ་བགྱི་བ་ལ། བདག་ཉིད་ཀྱིས་བགྱི་བར་འོས་པ་རྣམས་གྲུབ། ཁྱེད་རང་རྣམས་ཀྱི་ངོ་སྐལ་དུ་གྱུར་པ་དཀྱིལ་འཁོར་དུ་འཇུག་པའི་ཆོས་དང་ཞུགས་ནས་མངོན་པར་དབང་བསྐུར་བ་གཉིས་སུ་ཡོད་པ་ལས་ཐོག་མར་འཇུག་པའི་ཆོས་རྣམས་ཞུ་བའི་ཡོན་ཏུ་དམིགས་ཏེ་མཎྜལ་འབུལ་བར་ཞུ། ཞེས་བརྗོད་ལ་མཎྜལ་འབུལ་དུ་གཞུག །སྔོན་ཆད་དཀྱིལ་འཁོར་འདི་ཉིད་དུ་མ་ཞུགས་པའམ་མ་རིག་པའི་སྒྲིབ་གཡོགས་དང་ལྡན་པའི་མཚོན་བྱེད་དུ་
དར་རས་དམར་པོ་ཁ་ཚར་མཉམས་པས་གདོང་བཀབ་པའི་མོས་པ་མཛོད། ཨོཾ་ཨཱཿཧཱུྃ། ཞེས་མིག་དར་དང་། སླད་མར་དཀྱིལ་འཁོར་དང་མཇལ་བའི་ཕྱག་རྟེན་ཏུ་མཆོག་གི་མེ་ཏོག་ཁ་དོག་སྣ་ལྔ་པའི་ཆུན་པོ་ཕྱག་ཏུ་ཐོགས་པར་མོས་ཤིག །འཐུ་གསུམ་བརྗོད་ལ་ཅོད་པན་སྦྱིན། སློབ་དཔོན་དང་དཀྱིལ་འཁོར་གྱི་གཙོ་བོ་དབྱེར་མི་ཕྱེད་པ་ལ་དད་ཅིང་གུས་པའི་གདུང་ཤུགས་དྲག་པོས་གསོལ་བ་འདེབས་པ་འདིའི་རྗེས་ཟློས། ཧོཿསངས་རྒྱས་ཀུན་གྱི་བདག་ཉིད་ཆེ༔ རྡོ་རྗེ་སློབ་དཔོན་དེང་ཁྱོད་ཀྱིས༔ ཐུགས་རྗེས་བརྩེ་བར་དགོངས་ནས་ཀྱང་༔ དཀྱིལ་འཁོར་ཆེན་པོའི་ནང་དུ་དྲོངས༔ དེ་ནས་རྒྱུད་དག་པར་བྱ་བའི་སླད་དུ། བླ་མ་དཀྱིལ་འཁོར་པའི་ལྷ་ཚོགས་རྒྱལ་བ་སྲས་དང་བཅས་པ་ལ་སྐྱབས་སུ་འགྲོ་བའི་ཡིད་ཀྱིས་རྗེས་ཟློས། ན་མོ། བདག་སོགས་མར་གྱུར་སོགས་ལས་བྱང་ལྟར་ལན་གསུམ། སྨོན་པ་དང་འཇུག་པའི་བདག་ཉིད་ཅན་གྱི་བྱང་ཆུབ་མཆོག་ཏུ་སེམས་བསྐྱེད་པ་གསལ་ཐོབ་ལ་འདིའི་རྗེས་ཟློས། བླ་མ་སྐུ་གསུམ་སོགས་གསུམ། ཚོགས་བསགས་ཡན་ལག་བཅུ་པའི་ཏིང་ངེ་འཛིན་སོ་སོར་གསལ་ཐོབ་ལ་འདིའི་རྗེས་ཟློས། བླ་མ་མཆོག་གསུམ་སོགས། རྡོ་རྗེ་ཐེག་པའི་གཞི་རྟེན་དབང་ལ་རག་ལས་ཀྱང་དབང་གི་སྲོག་དམ་ཚིག་བསྲུང་བ་ལ་རག་ལས་པས། སྤྱིའི་དམ་ཚིག་སོ་སོ་ཐར་པ་དང་བྱང་ཆུབ་སེམས་དཔའི་བསླབ་ཁྲིམས། ཁྱད་པར་གྱི་དམ་ཚིག་རྩ་
བ་སྐུ་གསུང་ཐུགས། ཡན་ལག་ཉི་ཤུ་རྩ་ལྔ། སྒྲུབ་པ་ལྷག་པའི་དམ་ཚིག་ཉེར་ལྔ་སོགས་གསང་སྔགས་ཀྱི་རྒྱུད་ལུང་མན་ངག་རྣམས་ལས་ཇི་སྐད་དུ་གསུངས་པ་ཐམས་ཅད་དེང་ནས་བརྩམས་ཏེ་བྱང་ཆུབ་སྙིང་པོ་ལ་མཆིས་ཀྱི་བར་དུ་གཡར་དམ་དུ་བླངས་ཏེ་བསྲུང་དགོས་པས་དེ་ལྟར་བགྱི་སྙམ་དུ་འདིའི་རྗེས་ཟློས། ཧོཿ བདེ་གཤེགས་ཀུན་འདུས་བླ་མ་དགོངས་སུ་གསོལ༔ ཐུན་མོང་བསྟན་པ་སྤྱི་ཡི་འདུལ་ཁྲིམས་དང་༔ ཁྱད་པར་གསང་སྔགས་དམ་ཚིག་ཉི་ཤུ་བརྒྱད༔ ལྷག་པའི་དམ་ཚིག་ཉི་ཤུ་རྩ་ལྔ་རྣམས༔ འབྲས་བུའི་ཕྱིར་ན་སྲོག་བཞིན་བདག་གིས་བསྲུང་༔ དེ་ལྟར་ཁས་བླངས་པ་ལས་ནམ་ཡང་འདའ་བ་མེད་པའི་ཕྱིར་དམ་ཚིག་རྡོ་རྗེ་མགོར་བཞག་ཅིང་ཐ་ཚིག་གི་མནའ་ཆུ་སྦྱིན་པའི་དོན་གོ་བར་གྱིས་ཤིག །རྡོ་རྗེ་མགོར་བཞག །ནང་མཆོད་བདུད་རྩི་ལྕེ་ལ་བཞག་སྟེ། ཧོཿ དམ་པའི་སྲོག་རྩ་སྡོམ་པ་དམ་ཚིག་ཡིན༔ ཉམས་ན་འབྲས་བུ་མེད་ཅིང་དམྱལ་བར་ལྟུང་༔ སྡོམ་གཙང་དམ་ཚིག་ཚུལ་བཞིན་བསྲུང་བ་ལ༔ འབྲས་བུ་སངས་རྒྱས་འབད་མེད་ངང་གིས་འགྲུབ༔ ཅེས་བརྗོད། ཐ་ཚིག་རྡོ་རྗེའི་བྲོ་བོར་བ་འདིའི་རྗེས་ཟློས། ཨི་དཾ་ན་ར་ཀན། དེ་ནས་དབང་གི་གཞི་དགོད་ཅིང་ཡེ་ཤེས་པ་དབབ་པ་ཡིན་པས། ཁྱེད་རང་རྣམས་ལུས་དྲང་པོར་བསྲང་། ངག་གནད་རླུང་ཁ་སྦྱོར་དུ་འཆིངས། སེམས་ཀྱི་གནད་གཞན་ཏུ་མ་ཡེངས་
པར་དམིགས་པ་འདི་ལྟར་རྩེ་གཅིག་ཏུ་སྒོམས་ཤིག །ལས་སྔགས་དང་ལས་ཆུས་བསང་། སབྷཱ་བས་སྦྱང་། ཆོས་ཐམས་ཅད་ཀྱི་གནས་ལུགས་འོད་གསལ་སྤྲོས་པ་དང་བྲལ་བའི་ངང་ལས། ཁྱད་རང་རྣམས་གང་དུ་གནས་པའི་གོ་སར་པདྨ་ཉི་མ་ཟླ་བ་བརྩེགས་པའི་གདན་གྱི་སྟེང་དུ། རང་རིག་རང་གསལ་རང་བྱུང་གི་ཚུལ་དུ་ཁྱེད་རང་རྣམས་སྐད་ཅིག་གིས་སྤྲུལ་སྐུ་པདྨ་འབྱུང་གནས་དཀར་ལ་དམར་བའི་མདངས་ཅན་ཞི་འཛུམ་མཚན་དང་དཔེ་བྱད་བཟང་པོས་སྤྲས་པ། ཕྱག་གཡས་པས་གསེར་གྱི་རྡོ་རྗེ་རྩེ་ལྔ་པ་ཐུགས་ཀར་འཛིན་ཅིང་གཡོན་པ་མཉམ་བཞག་གི་སྟེང་དུ་བདུད་རྩིས་བཀང་བའི་ཐོད་པའི་ནང་དུ་ཚེ་བུམ་བཅུད་ལྡན་ནོར་བུའི་ཁ་རྒྱན་ཅན་བསྣམས་པ། གྲུ་མོ་གཡོན་ཏུ་ཁ་ཊྭཱྃ་ག་བརྟེན་ཅིང་། དབུ་ལ་འདབ་ལྡན་པད་ཞྭ་རྒྱན་གྱིས་མཛེས་པ་དང་། སྐུ་ལ་གསང་གོས་ཕོད་ཀ་ཆོས་གོས་རྣམ་གསུམ་ཟ་འོག་བེར་ཆེན་རྣམས་བརྩེགས་མར་གསོལ་ཞིང་རིན་པོ་ཆེའི་རྒྱན་གྱིས་སྤྲས་པ། ཞབས་གཉིས་མཆིལ་ལྷྭམ་གསོལ་ཞིང་སྐྱིལ་མོ་ཀྲུང་གིས་བཞུགས་པའི་དཔྲལ་བར་ཨོཾ་དཀར་པོ། མགྲིན་པར་ཨཱཿདམར་པོ། ཐུགས་ཀར་ཧཱུྃ་སྔོན་པོ་རྣམས་ཀྱིས་མཚན་པ་དང་། སློབ་དཔོན་དང་དཀྱིལ་འཁོར་པའི་ཐུགས་ཀ་ནས་ཀྱང་འོད་ཟེར་བསམ་གྱིས་མི་ཁྱབ་པ་འཕྲོས། སངས་རྒྱས་ཀྱི་ཞིང་རབ་འབྱམས་དང་ཁྱད་པར་དཔལ་རི་པདྨ་འོད་ཀྱི་ཞིང་ཁམས་ནས་གུ་རུ་པདྨ་འབྱུང་གནས་ཀྱི་
། ཐུགས་དམ་གྱི་རྒྱུད་བསྐུལ་ཏེ་སྐུ་ཕྱག་རྒྱ། གསུང་ཡིག་འབྲུ། ཐུགས་ཕྱག་མཚན་གྱི་རྣམ་པ་འཇའ་ཟེར་ཐིག་ལེ་ཐིག་ཕྲན་དང་བཅས་པ་ནམ་མཁའ་ལས་ཆར་ཆེན་པོ་བབས་པ་བཞིན་ཏུ་བྱོན་ནས་རང་ལ་སིབ་སིབ་ཐིམ་པས་རྒྱུད་བྱིན་གྱིས་བརླབས་པར་མོས་ལ་དད་གུས་དྲག་ཏུ་སྐྱེད་མཛོད། ཧཱུྃ་ཧྲཱི༔ བཞེངས་ཤིག་པདྨ་སོགས་དང་། ཐོད་ཕྲེང་རྩལ་གྱི་སྔགས་ཤམ་དུ། ཛྙཱ་ན་ཨཱ་བེ་ཤ་ཡ་ཨ་ཨཱ༔ བཏགས་པ་དྲག་ཏུ་འབེབས་པའི་རྫས་བདུག །རོལ་མོ་བསྒྲགས་ལ་བྱིན་དབབ། མཐར་རྡོ་རྗེ་མགོར་བཞག་ལ། ཡེ་ཤེས་པའི་བྱིན་རླབས་ཀྱི་རྒྱུན་མི་ཉམས་བརྟན་པར་བྱས་པའི་མོས་པ་མཛོད། ཏིཥྛ་བཛྲ། མེ་ཏོག་འདོར་བའི་གཞི་ཕྱག་མཚན་རིགས་ལྔའམ་མཎྜལ་ཚོམ་བུ་ལྔ་པ་བཀོད་ལ། རིགས་བརྟག་པའི་སླད་དུ་སྔར་བྱིན་པའི་མེ་ཏོག་དེ་ཉིད་རང་རང་གི་ཚེ་རབས་སྔོན་ནས་འབྲེལ་བའི་རིགས་ཀྱི་ལྷ་གང་ཡིན་པ་ལ་ཕོག་པར་ཤོག་ཅིག་སྙམ་པས་དཀྱིལ་འཁོར་དུ་འབུལ་བའི་མོས་པས་ཚིག་འདིའི་རྗེས་ཟློས་མཛོད་ལ་དངོས་སུ་མཎྜལ་དུ་འདོར་བཞུ། ཧཱུྃ། ཆོས་ཀྱི་དབྱིངས་ལ་དབྱེ་བ་མེད་པ་དང་༔ ཡེ་ཤེས་ལྔ་ལ་བླང་དོར་མི་མངའ་ཡང་༔ བསྐལ་པ་སྔོན་ནས་ལས་ཀྱིས་འབྲེལ་བ་ཡི༔ ལྷ་མཆོག་དེ་ལ་རིག་པའི་མེ་ཏོག་འབུལ། ཨོཾ་པུཥྤེ་པྲ་ཏིཙྪ་ཧོ༔ ཞེས་ཕུལ་བས་རིགས་གང་ལ་ཕོག་པའི་ལྷ་ངོ་སྤྲད་ཅིང་གསང་མཚན་གདགས་པ་སོགས་གསུངས་ཀྱང་ཇི་བཞིན་མི་འགྲུབ་ན་སྤྱི་ཙམ་དུ། མེ་ཏོག་ཕྱོགས་གང་དུ་ཕོག་ཀྱང་དཀྱིལ་འཁོར་གྱི་ལྷ་
ཐམས་ཅད་གཙོ་མཆོག་ཉིད་ཀྱི་ཡེ་ཤེས་ཀྱི་རང་མདངས་གཅིག་ལས་དུ་མར་ཤར་བ་ཡིན་པས། ལྷག་པའི་ལྷ་དཀྱིལ་འཁོར་ཁྱབ་བདག་གུ་རུ་པདྨ་འབྱུང་གནས་ལ་བཟུང་བ་དང་། གསང་བའི་མཚན་ཡང་པདྨ་རིགས་འདུས་རྩལ་ཅེས་བྱ་བར་ཟུང་ཞིག །སློབ་དཔོན་གྱི་ཐུགས་ཀ་ནས་ཡེ་ཤེས་ཀྱི་འོད་ཟེར་གསེར་གྱི་ཐུར་མ་ལྟ་བུ་བྱུང་ནས་ཁྱེད་རང་རྣམས་ཀྱི་མ་རིག་པའི་སྒྲིབ་གཡོགས་བསལ་བར་མོས་ཤིག །གསེར་ཐུར་གྱིས་མིག་དར་བསལ་ལ། ཧཱུྃཿ སྔོན་གྱི་རྒྱལ་བ་ཐབས་མཁས་ཐུགས་རྗེ་ཡིས༔ མ་རིག་རྨོངས་པའི་མིག་རྣམས་ཕྱེས་པ་བཞིན༔ དེ་རིང་སྐལ་ལྡན་སློབ་མའི་མ་རིག་མིག༔ ཡེ་ཤེས་རྡོ་རྗེའི་ཐུར་མས་དབྱེ་བར་བྱ༔ ཙཀྵུ་པྲ་བེ་ཤ་ཡ་ཕཊ༔ དེ་ལྟར་མིག་ཕྱེས་པས་ཡེ་ཤེས་ཀྱི་དཀྱིལ་འཁོར་རྟེན་དང་བརྟེན་པར་བཅས་པ་མངོན་སུམ་དུ་མཇལ་བར་གྱུར་པར་མོས་ལ་དད་གུས་སྤྲོ་བ་རྒྱ་ཆེན་པོ་སྐྱེད་ཅིག །ཕྱག་ཤིང་གིས་མཚོན་ལ། འདི་ན་རྟེན་གྱི་དཀྱིལ་འཁོར་ཐར་པ་ཆེན་པོའི་གཞལ་མེད་ཁང་ནང་རིན་པོ་ཆེ་དང་ཕྱི་དུར་ཁྲོད་དྲག་པོའི་བཀོད་པ་ཅན་གྲུ་བཞི་སྒོ་བཞི་རྟ་བབས་དང་བཅས་པ། རྒྱན་གྱི་རྣམ་པ་ཕུན་སུམ་ཚོགས་པས་སྤྲས་པའི་ནང་དུ། བརྟེན་པ་ལྷའི་དཀྱིལ་འཁོར་གྱི་གཙོ་བོ་དཔལ་ཆེ་མཆོག་ཧེ་རུ་ཀ་ལ་སྒྲུབ་སྡེ་ཆེན་པོ་བརྒྱད། གནས་ཡུལ་མ་མོ། སྒོ་སྐྱོང་དབང་ཕྱུག་མ་རྣམས་ཀྱིས་བསྐོར་བའི་དབུ་གཙུག་ཏུ་རིགས་ཐམས་ཅད་ཀྱི་ཁྱབ་བདག་
བླ་མ་སྤྲུལ་སྐུ་པདྨ་འབྱུང་གནས་ལ་སྤྲུལ་པའི་གུ་རུ་མཚན་བརྒྱད་དང་རིགས་དྲུག་འདུལ་མཛད་གུ་རུ་དྲུག་རྣམས་ཀྱིས་བསྐོར་བ་འགྲོ་འདུལ་སྤྲུལ་སྐུའི་དཀྱིལ་འཁོར། དེའི་དབུ་གཙུག་ཏུ་བླ་མ་ལོངས་སྐུ་ཚེ་དཔག་མེད་ལ་ཐོད་ཕྲེང་སྡེ་ལྔ་ཡབ་ཡུམ་གྱིས་བསྐོར་བ། འཆི་མེད་རྡོ་རྗེའི་དཀྱིལ་འཁོར། དེའི་དབུ་གཙུག་ཏུ་བླ་མ་ཆོས་སྐུ་ཀུན་བཟང་ཡབ་ཡུམ་ལ། རྒྱལ་བ་རིགས་ལྔ་ཡབ་ཡུམ། སེམས་དཔའ་ལྕམ་དྲལ་བཅུ་དྲུག་རིག་པའི་སྐྱེས་བུ་ཐུབ་པ་དྲུག་རྣམས་ཀྱིས་བསྐོར་བ་དོན་དམ་སྙིང་པོའི་དཀྱིལ་འཁོར་རྣམས་དང་། བར་ཁྱམས་མཐའ་སྐོར་རྣམས་སུ་བཀའ་སྡོད་ཕོ་ཉའི་འཁོར་ཚོགས་དཔག་ཏུ་མེད་པས་བསྐོར་བའོ། །དེའང་ཕྱི་སྣོད་དག་པ་ཡེ་ཤེས་ཀྱི་གཞལ་ཡས་ཁང་༔ ནང་བཅུད་དག་པ་འགྲོ་འདུལ་སྤྲུལ་སྐུའི་དཀྱིལ་འཁོར༔ མཚོན་བྱེད་དཔེའི་དཀྱིལ་འཁོར་གྱིས༔ མཚོན་བྱ་དོན་གྱི་དཀྱིལ་འཁོར་ངོ་ཤེས་པར་གྱིས་ཤིག༔ དེས་དཀྱིལ་འཁོར་དུ་འཇུག་པའི་ཆོས་རྣམས་གྲུབ་པ་ལགས། ཞུགས་ནས་མངོན་པར་དབང་བསྐུར་བ་ལ་བུམ་པ་གསང་བ་ཤེས་རབ་ཡེ་ཤེས་དབང་བཞི་པ་རྣམས་སུ་ཡོད་པ་ལས་དང་པོ་བུམ་པའི་དབང་བསྐུར་ཞུ་བའི་ཡོན་ཏུ་མཎྜལ་ཕུལ། གསོལ་བ་འདེབས་པ་འདི་ཡི་རྗེས་ཟློས། བྱང་ཆུབ་རྡོ་རྗེས་སངས་རྒྱས་ལ། མཆོད་ཆེན་ཇི་ལྟར་སྩལ་བ་ལྟར། བདག་ཀྱང་བསྐྱབ་པའི་དོན་གྱི་
ཕྱིར། ནམ་མཁའི་རྡོ་རྗེ་དེང་བདག་སྩོལ། ལན་གསུམ། སློབ་དཔོན་གྱི་ཐུགས་ཀ་ནས་འོད་ཟེར་འཕྲོས༔ དབང་གི་ལྷ་ཚོགས་ནམ་མཁའ་གང་བར་སྤྱན་དྲངས༔ རིགས་འདུས་མ་ཧཱ་གུ་རུས་དབང་བསྐུར་བའི་དགོངས་པ་མཛོད༔ གསང་བའི་ཡུམ་རྣམས་ཀྱིས་བུམ་པ་བཟུང་ནས་དབང་བསྐུར༔ སྤྲུལ་པའི་མཚན་བརྒྱད་ཞི་བ་རྣམས་ཀྱིས་ཤིས་པ་བརྗོད༔ ཁྲོ་བོ་གཉིས་སྤྲུལ་པ་དང་བཅས་པས་བགེགས་བསྐྲད་པར་གྱུར་པར་བསམས་ལ། རྣམ་བུམ་ཐོགས་ཏེ། ཧཱུྃ་ཧྲཱིཿ ཕྱི་སྣོད་དག་པ་བུམ་པའི་གཞལ་ཡས་ཁང་༔ ནང་བཅུད་དག་པ་འགྲོ་འདུལ་སྤྲུལ་པའི་སྐུ༔ སྣོད་བཅུད་རྣམ་དག་བུམ་པའི་དབང་བསྐུར་བས༔ སྣང་སྲིད་ལྷ་རུ་འཆར་བའི་དབང་ཐོབ་ཤོག༔ སྔགས་ཀྱི་མཐར། ཀ་ལ་ཤ་ཨ་བྷི་ཥིཉྩ་ཨོཾ༔ ཞེས་བུམ་པས་དབང་བསྐུར༔ ཆུས་སྤྱི་བོའི་གཙུག་ནས་ཁྲུས་བྱས་པས་མ་དག་པའི་སྣང་བ་སྦྱངས༔ དག་པ་ཡེ་ཤེས་ལྷའི་སྐུ་གུ་རུ་པདྨར་གྱུར་པ་ལ༔ འགྲོ་འདུལ་སྤྲུལ་སྐུའི་དཀྱིལ་འཁོར་པ་ལས་གཉིས་པ་འཕྲོས་ནས་སློབ་མ་ལ་ཐིམ་པས་ལྷ་དེ་དང་དེའི་སྐུར་གྱུར་པར་མོས་ཤིག༔ བླ་མ་སྤྲུལ་སྐུ་གཙོ་འཁོར་གྱི་སྐུ་ཙཀ་རྣམས་སྤྱི་བོར་བཞག་ལ༔ ཧཱུྃ་ཧྲཱི༔ ཆོས་སྐུ་སྐྱེ་མེད་ངང་ལས་མ་གཡོས་ཀྱང་༔ ལོངས་སྐུ་གསལ་ལམ་འདྲེས་གུ་རུའི་སྐུ༔ སྤྲུལ་སྐུ་མ་ཧཱ་གུ་རུ་ཐོད་ཕྲེང་རྩལ༔ དཀྱིལ་འཁོར་གཙོ་བོ་རིགས་འདུས་དབང་ཐོབ་ཤོག༔ ཨོཾ་ཨཱཿཧཱུྃ་བཛྲ་གུ་རུ་པདྨ་སིངྡྷི་ཧཱུྃ༔ ཨབྷི་ཥིཉྩ་ཧཱུྃ༔ ཧཱུྃ་
ཧྲཱི༔ ཆོས་སྐུ་སྐྱེ་མེད༴ ལོངས་སྐུ་གསལ༴ སྤྲུལ་སྐུ་གུ་རུ་པདྨ་འབྱུང་གནས་ཀྱི༔ མ་ཆགས་སྐྱོན་གྱིས་མ་གོས་དབང་ཐོབ་ཤོག༔ ཨོཾ་ཨཱཿཧཱུྃ་བཛྲ་གུ་རུ་པདྨ་ཛྙཱ་ན་སིངྡྷི་ཧཱུྃ༔ ཨབྷི་ཥིཉྩ་ཧཱུྃ༔ ཧཱུྃ་ཧྲཱི༔ ཆོས་སྐུ་སྐྱེ་མེད༴ ལོངས་སྐུ་གསལ༴ སྤྲུལ་སྐུ་གུ་རུ་པདྨ་སམྦྷ་ཡི༔ ཡོན་ཏན་རབ་ཏུ་རྫོགས་པའི༴ ཨོཾ་ཨཱཿཧཱུྃ་བཛྲ་གུ་རུ་པདྨ་སམྦྷ་བ་ཨ་བྷི་ཥིཉྩ་ཧཱུྃ༔ ཧཱུྃ་ཧྲཱིཿ ཆོས་སྐུ༴ ལོངས་སྐུ་གསལ༴ སྤྲུལ་སྐུ་གུ་རུ་བློ་ལྡན་མཆོག་སྲེད་ཀྱི༔ ཤེས་བྱ་ཀུན་ལ་མ་རྨོངས་དབང་ཐོབ་ཤོག༔ ཨོཾ་ཨཱཿཧཱུྃ་བཛྲ་གུ་རུ་པདྨ་པྲ་ཛྙཱ་ཛྙཱ་ན་ཨ་བྷི༴ ཧཱུྃ་ཧྲཱིཿ ཆོས་སྐུ་སྐྱེ༴ ལོངས་སྐུ་གསལ༴ སྤྲུལ་སྐུ་གུ་རུ་པདྨ་རྒྱལ་པོ་ཡི༔ ཁམས་གསུམ་སྲིད་གསུམ་དབང་སྡུད་དབང་༴ ཨོཾ་ཨཱཿཧཱུྃ་བཛྲ་གུ་རུ་པདྨ་རཱ་ཛ་ཨ་ནྲྀཏྲི་ཛཿ ཨ་བྷི༴ ཧཱུྃ་ཧྲཱིཿ ཆོས་སྐུ༴ ལོངས་སྐུ༴ སྤྲུལ་སྐུ་གུ་རུ་ཉི་མ་འོད་ཟེར་གྱི༔ རྨོངས་པའི་མུན་སེལ་འགྲོ་འདུལ༴ ཨོཾ་ཨཱཿཧཱུྃ་བཛྲ་གུ་རུ་པདྨ་སཱུ་རྱ་སརྦ་དྷརྨ་ཨ་བྷི་ཥིཉྩ་ཧཱུྃ༔ ཧཱུྃ་ཧྲཱིཿ ཆོས་སྐུ༴ ལོངས་སྐུ༴ སྤྲུལ་སྐུ་གུ་རུ་ཤཱཀྱ་སེང་གེ་ཡི༔ ལོག་འདྲེན་བདུད་བཞི་འདུལ་བའི༴ ཨོཾ་ཨཱཿཧཱུྃ་བཛྲ་གུ་རུ་པདྨ་ཤཱཀྱ་སེང་ཧ་པྲ་མ་སརྦ་ཤ་ཏྲུན་ཨ་བྷི༴ ཧཱུྃ་ཧྲཱིཿ ཆོས་སྐུ༴ ལོངས་སྐུ༴ སྤྲུལ་སྐུ་གུ་རུ་སེང་གེ་སྒྲ་སྒྲོགས་ཀྱི༔ མུ་སྟེགས་དམ་སྲི་འདུལ༴ ཨོཾ་ཨཱཿཧཱུྃ་བཛྲ་གུ་རུ་པདྨ་སིང་ཧ་གྷཎྜེ་ཧཱུྃ་ཐ་ནི་ཧུར་ཐུམ༔ ཨ་བྷི་ཥིཉྩ་ཧཱུྃ༔
ཧཱུྃ་ཧྲཱིཿ ཆོས་སྐུ༴ ལོངས་སྐུ༴ སྤྲུལ་སྐུ་གུ་རུ་རྡོ་རྗེ་གྲོ་ལོད་ཀྱི༔ དྲེགས་པ་དགྲ་བགེགས་ཚར་གཅོད་དབང་ཐོབ་ཤོག༔ ཨོཾ་ཨཱཿཧཱུྃ་བཛྲ་གུ་རུ་རྡོ་རྗེ་གྲོ་བོ་ལོད་ལོ་ཀ་ཨ་བྷི༴ ཧཱུྃ་ཧྲཱིཿ ཆོས་སྐུ༴ ལོངས་སྐུ༴ སྤྲུལ་སྐུ་ལྷ་ཡི་གུ་རུ་སྲིད་ཐུབ་འཛིན༔ ལྷ་ཡི་འཇིག་རྟེན་དག་པའི༴ ཨོཾ་ཨཱཿཧཱུྃ་གུ་ཨབྷི་ཥིཉྩ་ཧཱུྃ༔ ཧཱུྃ་ཧྲཱིཿ ཆོས་སྐུ༴ ལོངས་སྐུ༴ སྤྲུལ་སྐུ་ལྷ་མིན་གུ་རུ་རྣམ་པར་རྒྱལ༔ ལྷ་མིན་འཇིག་རྟེན་དག་པའི་དབང་༴ ཨོམ་ཨཱཿཧཱུྃ་རུ་ཨ་བྷི་ཥིཉྩ་ཧཱུྃ༔ ཧཱུྃ་ཧྲཱིཿ ཆོས་སྐུ༴ ལོངས་སྐུ༴ སྤྲུལ་སྐུ་མི་ཡི་གུ་རུ་པདྨ་འབྱུང་༔ མི་ཡི་འཇིག་རྟེན་དག་པའི༴ ཨོཾ་ཨཱཿཧཱུྃ་པདྨ་ཨབྷི༴ ཧཱུྃ་ཧྲཱིཿ ཆོས་སྐུ༴ ལོངས་སྐུ༴ སྤྲུལ་སྐུ་བྱོད་སོང་གུ་རུ་སེང་རབ་བརྟན༔ བྱོལ་འཇིག་རྟེན་དག༴ ཨོཾ་ཨཱཿཧཱུྃ་མ་ཨབྷི་ཥིཉྩ་ཧཱུྃ༔ ཧཱུྃ་ཧྲཱིཿ ཆོས་སྐུ༴ ལོངས་སྐུ༴ སྤྲུལ་སྐུ་ཡི་དྭགས་གུ་རུ་རྣམ་སྣང་མཛད༔ ཡི་དྭགས་འཇིག་རྟེན་དག་པའི་དབང་༴ ཨོཾ་ཨཱཿཧཱུྃ་སིད་ཨབྷི༴ ཧཱུྃ་ཧྲཱིཿ ཆོས་སྐུ་༴ ལོངས་སྐུ༴ སྤྲུལ་སྐུ་དམྱལ་བའི་གུ་རུ་རྣམ་པར་གནོན༔ དམྱལ་བའི་འཇིག་རྟེན་དག་པའི༴ ཨོཾ་ཨཱ་ཧཱུྃངྡྷི་ཨ་བྷི་ཥིཉྩ་ཧཱུྃ༔ དེ་ཡིས་བུམ་པའི་དབང་ཐོབ༔ ལུས་ཀྱི་སྒྲིབ་པ་དང་༔ མ་དག་པའི་སྣང་ཞེན་ཐམས་ཅད་སྦྱངས༔ བསྐྱེད་རིམ་བསྒོམ་པ་ལ་དབང་༔ འབྲས་བུ་སྤྲུལ་སྐུ་ཐོབ་པའི་སྐལ་པ་ཅན་དུ་བྱས་པ་ཡིན་ནོ། །བུམ་དབང་ཐོབ་པའི་གཏང་རག་ཏུ་མཎྜལ་ཕུལ། དེ་ལྟར་བུམ་དབང་ཐོབ་ནས་བསྐྱེད་རིམ་ལ་
བསླབ་དགོས་པ་ཡིན། འདི་ལ་སྤྱི་དང་བྱེ་བྲག་གཉིས་ལས། སྤྱིར་བསྐྱེད་རིམ་བསྒོམ་པ་ལ། དང་པོ་ཕྲ་བ་དང་རགས་པ་གཉིས་ཀྱི་ཕྲ་བ་རོ་རས་ལ་ཧཱུྃ་ཡིག་དཀར་པོ་ཁྲུ་གང་བ་བྲིས་ལ་མ་ཡེངས་པར་མིག་ཆེར་གྱིས་དེ་ལ་གཏད་ལ་སེམས་བཟུང་༔ ཡུན་རིང་དུ་གྱུར་ནས་མིག་བཙུམས་ལ་བལྟས་པས་ཧཱུྃ་ཡིག་དཀར་པོ་ཡིད་ཡུལ་དུ་ཤར་བ་ན་དེ་ལ་མ་ཡེངས་པར་བལྟས་ཤིང་རང་གི་རིག་པ་ཧཱུྃ་ཡིག་དཀར་པོ་རུ་བསྒོམ༔ རེས་སྟོང་གསུམ་གང་བ་ཙམ༔ རེས་ཡུངས་འབྲུ་ཙམ་བསྒོམས་པས་གང་ཡང་སྒོམ་པར་ནུས་ཤིང་གསུང་ཡིག་འབྲུ་ལ་རྣལ་འབྱོར་ནས༔ རྡོ་རྗེ་དཀར་པོ་རྩེ་ལྔ་པ་ལྟེ་བར་ཧཱུྃ་ཡིག་གིས་མཚན་པ་སྔར་བཞིན་མ་གསལ་གྱི་བར་དུ་བསྒོམ༔ ཐུགས་ཕྱག་མཚན་ལ་རྣལ་འབྱོར་ནས་འོད་ཟེར་ལས་རྡོ་རྗེ་སྔོན་པོའི་གུར་ཁང་མེ་འབར་བ་དང་༔ འོག་ཏུ་པདྨ་དཀར་པོ་དང་བྱང་ཆུབ་སེམས་ཀྱི་རང་བཞིན་ཟླ་བ་ཉ་གང་བར་བསྒོམ༔ རྡོ་རྗེ་ཧཱུྃ་ཡིག་ཡོངས་སུ་གྱུར་པ་ལས་རིགས་པ་རང་ཉིད་བླ་མ་རྡོ་རྗེ་སེམས་དཔའ་ཞལ་གཅིག་ཕྱག་གཉིས་སྐུ་མདོག་དཀར་པོ་མཚན་བཟང་སོ་གཉིས་དཔེ་བྱད་བརྒྱད་ཅུས་སྤྲས་པ༔ ཕྱག་གཡས་རྡོ་རྗེ་ཐུགས་ཀར་གཏོད་ཅིང་གཡོན་དྲིལ་བུ་དཀུལ་བརྟེན་པ༔ ཞབས་གཉིས་སྐྱིལ་ཀྲུང་གིས་བཞུགས་ཤིང་དར་དང་རིན་པོ་ཆེས་བརྒྱན་པ་རིམ་པ་བཞིན་ཏུ་གསལ་བཏབ༔ དེ་ལའང་ཚུལ་གསུམ་གྱི་དད་
པོ་རྣམ་པ་གསལ་བ་ནི༔ སྔར་བཞིན་སྐུ་ཕྱག་རྒྱ་ཡོངས་སུ་རྫོགས་པ་ལ་རྣལ་འབྱོར་ནས་ཤིན་ཏུ་གསལ་བ་ཡིད་ཡུལ་དུ་འཆར་བ་ནི་གསལ་བའོ༔ གཉིས་པ་རྣམ་དག་དྲན་པ་ནི༔ ངོ་བོ་སྟོང་པ་ཆོས་ཀྱི་སྐུ་ལས་རང་བཞིན་གསལ་བའི་ཡེ་ཤེས་ཀྱི་རྣམ་རོལ་སྐུ་དང་ཞལ་ཕྱག་རྒྱན་དང་ཆ་ལུགས་རྣམ་པར་བསྟན་པ༔ རྟོག་ཚོགས་ཐམས་ཅད་ཡེ་ཤེས་སུ་རྣམ་པར་དག་པ་དྲན་པའོ༔ གསུམ་པ་ང་རྒྱལ་བརྟན་པ་ནི༔ རང་ཉིད་བླ་མ་རྡོ་རྗེ་སེམས་དཔའ་གཞི་འབྲས་གང་གི་ཆ་ནས་ཡིན་ལ་ཡིན་བཞིན་རྡོ་རྗེ་སེམས་དཔའ་ངའོ་སྙམ་པའི་ང་རྒྱལ་བརྟན་པ་དང་ཐ་མལ་གྱི་སྣང་ཞེན་འགག་སྟེ་རང་གི་ལུས་ལྷ་སྐུ་སྒྱུ་མ་ལྟ་བུར་ལམ་ལ་མ་འཆར་བར་འགྱུར་རོ༔ གཉིས་པ་ཕུང་ཁམས་སྐྱེ་མཆེད་ཆོས་ཐམས་ཅད་ལྷར་བསྒོམ་པ་ནི༔ རང་ཉིད་བླ་མ་ལོངས་སྐུ་ཚེ་དཔག་མེད་ཀྱི་གནས་ལྔར་ཚེ་བདག་ཐོད་ཕྲེང་སྡེ་ལྔ་བསྒོམ་པ་དང་༔ གཞན་ཡང་བླ་མ་རིག་འཛིན་ཞི་ཁྲོའི་དཀྱིལ་འཁོར་རྟེན་དང་བརྟེན་པར་བཅས་པ་ཕྲིན་ལས་བཞིན་ཏུ་གསལ་བར་བསྒོམས་པས༔ སྣང་བ་ཐམས་ཅད་ལྷ༔ གྲགས་པ་ཐམས་ཅད་སྔགས། དྲན་རྟོག་ཡེ་ཤེས་ཀྱི་རོལ་པར་འཆར་བའི་བར་དུ་བསླབ་པར་བྱའོ། །བྱེ་བྲག་སྐབས་འདིའི་དབང་དོན་གྱི་ཡེ་ཤེས་བསྐྱང་བ་ལ། ཏིང་ངེ་འཛིན་གསུམ་གྱིས་ཁོག་ཕུབ་ནས། ས་བོན་ཡིག་འབྲུ་ནས་ལྷ་སྐུ་ཡོངས་རྫོགས་ཀྱི་བར་རིམ་པ་བཞིན་དུ་གསལ་
བཏབ༔ བླ་མ་སྤྲུལ་སྐུའི་དཀྱིལ་འཁོར་བསྒོམ་ཞིང་བཟླས་པ་འབུམ་ཕྲག་བཞི་བྱ༔ བསྐྱེད་རིམ་དེའང་དང་པོ་ཡིད་ཡུལ༔ བར་དུ་དབང་པོའི་ཡུལ༔ མཐར་ལུས་ཀྱི་མ་དག་པའི་སྣང་བ་ནུབ༔ དག་པ་ལྷའི་སྣང་བ་ཁོ་ནར་འཆར་བའི་བར་དུ་བསླབ་པར་བྱའོ༔ དེ་ནས་གཉིས་པ་གསང་བའི་དབང་བསྐུར་ཞུ་བའི་དོན་ཏུ་བླ་མ་ལ་རིག་མ་རྒྱན་གྱིས་བརྒྱན་པ་ཕུལ་བའི་མོས་པ་དང་བཅས་ཏེ་མཎྜལ་ཕུལ། གསོལ་བ་འདེབས་པ་འདིའི་རྗེས་ཟློས། ཧོཿ གསང་བ་རྨད་དུ་བྱུང་བ་ཡི༔ བྱང་ཆུབ་སེམས་ཀྱི་དབང་བསྐུར་བ༔ དེ་རིང་བདག་ལ་སྩལ་ནས་ཀྱང་༔ བདེ་ཆེན་ཡེ་ཤེས་བསྐྱེད་དུ་གསོལ༔ ལན་གསུམ། གསང་བའི་དཀྱིལ་འཁོར་མ་མཐོང་བའི་བརྡར་གདོང་གཡོགས་འཆིང་མཛོད༔ འབྲུ་གསུམ། སློབ་དཔོན་ཡབ་ཡུམ་བླ་མ་ལོངས་སྐུ་ཚེ་དཔག་མེད་འཆི་མེད་རྡོ་རྗེའི་དཀྱིལ་འཁོར་པར་གསལ། འབར་འཛག་གི་སྦྱོར་བས་དཀར་དམར་བྱང་ཆུབ་སེམས་ཀྱི་ཐིག་ལེའི་རྒྱུན་རབ་ཏུ་སྤེལ་བར་གྱུར། དེ་ནས་གསང་དབང་གི་བྱིན་རླབས་འབེབས་པ་ལ་ཁྱེད་རང་རྣམས་སྒོ་གསུམ་གྱི་གནད་ལེགས་པར་གཅུན་ལ་དམིགས་པ་འདི་ལྟར་མཛོད། སློབ་མ་རྣམས་བླ་མ་ལོངས་སྐུ་ཚེ་དཔག་མེད་ཡབ་ཡུམ་གནས་ལྔར་ཐོད་ཕྲེང་སྡེ་ལྔ་ཡུམ་དང་བཅས་པ་གསལ་བར་སྒོམས་ཤིག །སློབ་དཔོན་གྱི་གནས་ལྔ་ནས་འོད་ཟེར་འཕྲོས། ཁྱེད་རང་རྣམས་ཀྱི་
གནས་ལྔའི་ཐོད་ཕྲེང་སྡེ་ལྔར་ཕོག་པས་ཐུགས་རྒྱུད་བསྐུལ། རིགས་ལྔ་ཡབ་ཡུམ་ལ་ཐིམ་པས་བདེ་བ་བཟོད་མེད་དུ་འབར་བར་གྱུར། ཅེས་སྤོས་རོལ་བཅས་བྱིན་ཕབ་པས་འཕར་བ་དང་འཁྲབས་པ་དང་། སཾ་ཀྲྀ་ཏའི་སྐད་སྨྲ་བ་སོགས་འབྱུང་ངོ་། །དེ་ནས་གསང་དབང་དངོས་གཞིའི་སླད་དུ་འདུན་པ་འདི་བཞིན་ཏུ་མཛོད། བླ་མ་ཡབ་ཡུམ་བླ་མ་ལོངས་སྐུ་ཚེ་དཔག་མེད་ཡབ་ཡུམ་དུ་གསལ་བའི་གནས་ལྔ་རུ་ཐོད་ཕྲེང་རིགས་ལྔ་ཡབ་ཡུམ༔ མཁའ་གསང་རྡོ་རྗེ་དང་པདྨ་ཨཾ་དང་ཨ་ཡིས་མཚན་པ༔ སྙོམས་པར་ཞུགས་པའི་བྱང་ཆུབ་སེམས་ཀྱིས་ལུས་གནས་ཀྱི་ལྷ་ཚོགས་རྣམས་མཆོད༔ བདེ་བའི་སྒྲ་དང་འོད་ཟེར་གྱིས་སློབ་མ་ཡང་འོད་དུ་ཞུ༔ ཞལ་དུ་མིད༔ རིགས་ལྔ་ཡབ་ཡུམ་ཀྱི་སྐུའི་དབྱིབས་བརྒྱུད༔ མཁའ་གསང་ནས་ཐོན༔ བླ་མ་ལོངས་སྐུའི་བདག་ཉིད་ཅན༔ དབང་སྟེགས་རྨ་བྱ་དང་རིན་ཆེན་པདྨ་ཉི་ཟླས་བཏེགས་པའི་སྟེང་དུ་བཀོད་པར་སྒོམས་ཤིག༔ སླར་ཡང་བླ་མ་ཡབ་ཡུམ་སྙོམས་པར་ཞུགས་པའི་བདེ་བའི་སྒྲ་དང་འོད་ཟེར་གྱིས་རིགས་ལྔ་ཡབ་ཡུམ་ཐམས་ཅད་སྤྱན་དྲངས༔ ཞལ་དུ་ཞུགས༔ ཐུགས་ཀར་ཆགས་པའི་མེས་འོད་དུ་ཞུ༔ བྱང་ཆུབ་སེམས་ཀྱི་རང་བཞིན་མཁའ་གསང་དུ་ཕབ༔ སློབ་མའི་ལྕེ་ཐོག་ཏུ་བཞག་པས་རྩ་ཁམས་ཐམས་ཅད་གང་ནས་བདེ་བའི་ཡེ་ཤེས་བསྐྱེད་པར་བསམ༔ ཧཱུྃ༔ མ་བཅོས་སྤྲོས་མེད་བྱང་ཆུབ་སེམས༔ བདེ་བའི་ཡེ་ཤེས་བསྐྱེད་པའི་ཕྱིར༔ དགའ་བཞི་
རོལ་པའི་བྱང་ཆུབ་སེམས༔ འདི་ལ་ཁྱོད་ནི་རོལ་པར་གྱིས༔ ཞེས་བསྐུལ་ཞིང་། དགའ་བ་བཞི་ཡི་ཡེ་ཤེས་བསྒོམ། བྱང་སེམས་མཚོན་པའི་ཆང་ལ་ཨ་མྲྀ་ཏ་དང་མངར་གསུམ་སྦྱར་བ་བླུད་ལ། ཧཱུྃ་ཧྲཱི༔ ཁམས་ལྔ་དག་པའི་མཁའ་དབྱིངས་སུ༔ དྭངས་མ་ལྔ་ཡི་ལྷ་ཚོགས་ཞུ༔ འཆི་མེད་བདུད་རྩི་བྱང་ཆུབ་སེམས༔ རྩ་ཐིག་རླུང་དག་དབང་ཐོབ་ཤོག༔ རྩ་སྔགས་མཐར༔ གུ་ཧྱ་བོདྷི་ཙིཏྟ་ཨབྷི་ཥིཉྩ་ཨཱཿ དེ་ནས་སམྦྷའི་ཚེ་རིལ་དང་ཛ་གང་སྦྱིན་ཅིང་༔ ཧཱུྃ། འཁོར་འདས་གཉིས་ཀྱི་དྭངས་མ་འདུས་པའི་བཅུད༔ རིགས་ལྔ་ཡབ་ཡུམ་ཞུ་བའི་འཆི་མེད་རྫས༔ ལུས་ཀྱི་ཁམས་ལྔའི་དྭངས་མ་རབ་རྒྱས་ཤིང་༔ འཆི་མེད་རྡོ་རྗེའི་སྐུ་མཆོག་འགྲུབ་པར་ཤོག༔ རྩ་བའི་སྔགས་དང་། ཨཱ་ཡུརྫྙཱ་ན་ཚེ་བྷྲུྃ་ཨབྷི་ཥིཉྩ་ཧཱུྃ༔ གསང་བའི་དཀྱིལ་འཁོར་མཐོང་བའི་བརྡར་གདོང་གཡོགས་སོལ༔ འབྲུ་གསུམ། རིག་མའི་མཁའ་གསང་གི་དཀྱིལ་འཁོར་བསྟན་པས་བདེ་བའི་ཡེ་ཤེས་བསྐྱེད་པར་མོས་ཤིག །དེ་བརྟེན་པའི་ཕྱིར་བླ་མའི་སྐུའི་གནས་རྣམས་དང་། འཆི་མེད་ཞི་བའི་དཀྱིལ་འཁོར་པའི་ལྷ་རྣམས་ལས་གཉིས་པ་འཕྲོས༔ སློབ་མའི་གནས་ལྔར་ཞུགས་པས་བདེ་བའི་ཡེ་ཤེས་བརྟན་པར་མོས་ཤིག །བླ་མ་ལོངས་སྐུ་གཙོ་འཁོར་རྣམས་ཀྱི་ཙཀ་ལིས་དབང་བསྐུར་ལ། ཧཱུྃ་ཧྲཱིཿ ཆོས་སྐུ་སྐྱེ་མེད་དབྱིངས་ལས་མ་གཡོས་ཀྱང་༔ ལོངས་སྤྱོད་རྫོགས་སྐུ་བླ་མ་ཚེ་དཔག་མེད༔ གསང་བའི་ཡུམ་མཆོག་པདྨ་དབྱིངས་ཕྱུག་མ༔ གཙོ་བོ་
ཡབ་ཡུམ་གཉིས་ཀྱི་དབང་བསྐུར་བས༔ བདེ་ཆེན་ལྷུན་གྱིས་འགྲུབ་བའི་དབང་ཐོབ་ཤོག༔ རྩ་སྔགས་ཀྱི་མཐར༔ ཨབྷི་ཥིཉྩ་ཧཱུྃ༔ ཧཱུྃ༔ ཆོས་སྐུ་སྐྱེ་མེད་ངང་ལས་ལོངས་སྤྱོད་རྫོགས༔ ནམ་མཁའི་དྭངས་མ་བུངྡྷ་ཐོད་ཕྲེང་རྩལ༔ ནམ་མཁའ་རྣམ་དག་བུངྡྷ་དབྱིངས་ཕྱུག་མ༔ རྩ་ཐིག་རླུང་གསུམ་དག་པའི་དབང་ཐོབ་ཤོག༔ ཨོཾ་ཨཱཿཧཱུྃ་བུངྡྷ་གུ་རུ་བུངྡྷ་ཌཱ་ཀི་ཨབྷི་ཥིཉྩ་ཧཱུྃ༔ ཧཱུྃ་ཧྲཱིཿ སྐྱེ་མེད་ངང་ལས་ལོངས་སྤྱོད་རྫོགས་པའི་སྐུ༔ མེ་ཡི་དྭངས་མ་པདྨ་ཐོད་ཕྲེང་རྩལ༔ མེ་ཁམས་རྣམ་དག་པདྨ་དབྱིངས་ཕྱུག་མ༔ རྩ་ཐིག་རླུང་གསུམ་དག་པའི༴ ཨོཾ་ཨཱཿཧཱུྃ་པདྨ་གུ་རུ་པདྨ་ཌཱ་ཀི་ཨ་བྷི་ཥིཉྩ་ཧཱུྃ༔ ཧཱུྃ་ཧྲཱིཿ སྐྱེ་མེད་ངང་ལས༔ ཆུ་ཡི་དྭངས་མ་བཛྲ་ཐོད་ཕྲེང་རྩལ༔ ཆུ་ཁམས་རྣམ་དག་རྡོ་རྗེ་དབྱིངས་ཕྱུག་མ༔ རྩ་ཐིག་རླུང་གསུམ་དག་པའི༴ ཨོཾ་ཨཱཿཧཱུྃ་བཛྲ་གུ་རུ་བཛྲ་ཌཱ་ཀི་ཨ་བྷི་ཥིཉྩ་ཧཱུྃ༔ ཧཱུྃ་ཧྲཱིཿ སྐྱེ་མེད་ངང་ལས༴ ས་ཡི་དྭངས་མ་རཏྣ་ཐོད་ཕྲེང་རྩལ༔ ས་ཁམས་རྣམ་དག་རིན་ཆེན་དབྱིངས་ཕྱུག་མ༔ རྩ་ཐིག་རླུང་གསུམ༴ ཨོཾ་ཨཱཿཧཱུྃ་རཏྣ་གུ་རུ་རཏྣ་ཌཱ་ཀི་ཨ་བྷི་ཥིཉྩ་ཧཱུྃ༔ ཧཱུྃ་ཧྲཱིཿ སྐྱེ་མེད་དབྱིངས་ལས༴ རླུང་གི་དྭངས་མ་ཀརྨ་ཐོད་ཕྲེང་རྩལ༔ རླུང་ཁམས་རྣམ་དག་ཀརྨ་དབྱིངས་ཕྱུག་མ༔ རྩ་ཐིག༔ ཨོཾ་ཨཱཿཧཱུྃ། ཀརྨ་གུ་རུ་ཀརྨ་ཌཱ་ཀི་ཨ་བྷི༴ དེ་ལྟར་གསང་བའི་དཀྱིལ་འཁོར་དུ་ཞུགས༔ ཀུན་རྫོབ་བྱང་ཆུབ་སེམས་ཀྱི་དབང་ཐོབ༔ ངག་རྩ་རླུང་ཐིག་ལེའི་སྒྲིབ་པ་སྦྱངས༔ སྟོང་ར་དང་ཡེ་ཤེས་ཀྱི་རླུང་༔ ཀུན་རྫོབ་བྱང་ཆུབ་སེམས་བསྒོམ་པ་ལ་དབང་༔ འབྲས་བུ་
ལོངས་སྐུ་འགྲུབ་པའི་སྐལ་པ་ཅན་དུ་བྱས་པ་ཡིན་ནོ༔ གསང་དབང་ཐོབ་པའི་གཏང་རག་ཏུ་མཎྜལ་ཕུལ། དེ་ལྟར་གསང་དབང་ཐོབ་ནས་རང་བྱིན་རླབས་ཀྱི་རྣལ་འབྱོར་ལ་བསླབ་དགོས་པ་ཡིན། འདི་ལ་སྤྱི་དང་བྱེ་བྲག་གཉིས་ལས། སྤྱིར་རྫོགས་རིམ་རྩ་རླུང་བསྒོམ་པ་ལ༔ ལུས་ཀྱི་གནད་བདུན་གྱིས་བཅིངས་ལ་རྩ་གསུམ་འཁོར་ལོ་བཞི་མེ་རླུང་ཧཾ་ཡིག་དང་བཅས་པ་བསྒོམ་ཞིང་རླུང་བུམ་པ་ཅན་གྱི་སྦྱོར་བས་འཁྲུལ་འཁོར་བདུན་རྣམས་བྱ་ཞིང་ཐིག་ལེ་འབར་འཛག་གི་བདེ་བ་བསྒོམས་ཏེ་བདེ་སྟོང་ལ་སེམས་བཟུང་ཞིང་དབབ་བསྐྱིལ་བཟློག་དགྲམ་གནད་དུ་བསྣུན་པར་བྱ་དགོས། སྒོམ་ཚུལ་ཞིབ་པ་ཡན་ལག་གི་ཐུགས་སྒྲུབ་གཉིས་ལས་འབྱུང་བ་ལྟར་ལགས། བྱེ་བྲག་སྐབས་འདིའི་དབང་དོན་གྱི་ཡེ་ཤེས་པ་སྦྱང་བ་ལ། སློབ་མ་རང་རང་བླ་མ་ལོངས་སྐུ་ཚེ་དཔག་མེད་ཡབ་ཡུམ། གནས་ལྔར་ཐོད་ཕྲེང་རིགས་ལྔ་ཡབ་ཡུམ་དང་བཅས་པ་བསྐྱེད༔ དེ་ཡང་གནས་ལྔར་རྩའི་འཁོར་ལོ་དག་པའི་པདྨ་དཀར་དམར་མཐིང་སེར་ལྗང་༔ རླུང་ལྔ་དག་པའི་ཡུམ་ལྔ༔ དྭངས་མའི་ཐིག་ལེ་ལྔ་དག་པའི་ཡབ་ལྔ༔ རླུང་གི་སྦྱོར་བས་བསྐུལ༔ ཆགས་པའི་མེས་ཐིག་ལེ་བྱང་ཆུབ་སེམས་ཞུ༔ ཡབ་ཡུམ་ཀྱི་སྦྱོར་མཚམས་ནས་བྱང་སེམས་བབས༔ པདྨ་རྣམས་གང་༔ དེ་ལས་ལུད་པས་སྤྱི་བོ་ནས་རྐང་མཐིལ་བར་ཐམས་ཅད་དཀར་དམར་བྱང་ཆུབ་སེམས་ཀྱིས་ཁེངས་
པར་བསམས་ལ༔ རྩ་རྣམས་དག་པས་ལུས་འཕར༔ བཀྲག་མདངས་འཕེལ༔ རླུང་རྣམས་དག་པས་དབུགས་རྒྱུ་བ་མི་ཚོར༔ ཐིག་ལེ་དག་པས་འཕོ་མེད་བདེ་ཆེན་འབྱོངས་པའི་བར་དུ་བསླབ་པར་བྱ་དགོས་པ་ལགས་སོ༔ དེ་ནས་གསུམ་པ་ཤེས་རབ་ཡེ་ཤེས་ཀྱི་དབང་བསྐུར་ཞུ་བའི་ཡོན་ཏུ་མཎྜལ་ཕུལ། མཚན་ཉིད་དང་ལྡན་པའི་རིག་མ་གཟུགས་དང་ལང་ཚོ་ཕུལ་དུ་བྱུང་བས་སྤྲས་པ་ཕྱག་ཏུ་སྤྲད་པར་མོས་ཤིག །རིག་ཙཀ་སྦྱིན། སྔོན་ཆད་བྷ་གའི་དཀྱིལ་འཁོར་མ་མཐོང་བའི་བརྡར་གདོང་གཡོགས་འཆིང་མཛོད། འབྲུ་གསུམ། དེ་ནས་དམིགས་པ་འདི་ལྟར་སྒོམས་ཤིག །ཁྱེད་རང་སློབ་མ་རྣམས་ཆེ་མཆོག་ཧེ་རུ་ཀ༔ ཡུམ་གནམ་ཞལ་དབྱིངས་ཕྱུག་མ༔ སྤྱི་བོར་བླ་མ་གུ་རུ་རྡོ་རྗེ་འཆང་ཡབ་ཡུམ༔ ཀླད་བདུད་ཁས་གི་ནང་དུ་འཇམ་དཔལ་སྐུ༔ མགྲིན་པར་དབང་ཆེན་པདྨ་གསུང་༔ ཐུགས་ཀར་ཡང་དག་ཐུགས༔ ལྟེ་བར་ཕུར་པ་ཕྲིན་ལས༔ གསང་བར་བླ་མེད་མ་མོ་རྦོད་གཏོང་༔ པུས་མོ་གཡས་སུ་འཇིག་རྟེན་མཆོད་བསྟོད༔ གཡོན་དུད་མོད་པ་དྲག་སྔགས༔ གཞན་ཡང་བ་སྤུའི་བུ་ག་ཚུན་ཆད་རིག་འཛིན་ཞི་ཁྲོའི་ལྷ་ཚོགས་ཏིལ་གྱི་སྒང་བུ་ཁ་ཕྱེས་པ་ལྟར་གསལ་བར་བསྒོམ༔ ཡབ་ཀྱི་གསང་བ་རྡོ་རྗེ་ཧཱུྃ་དང་༔ ཡུམ་གྱི་གསང་བ་པདྨ་མུཾ་གྱིས་མཚན་པ༔ མཁའ་གསང་ཟླ་གམ་དམར་པོའི་ནང་དུ་དཔལ་ཆེན་དགུ་པོ་ཀུན་ཀྱང་སྐུ་མདོག་དམར་པོ་རྡོ་རྗེ་དང་དྲིལ་བུ་འཛིན་པས༔
ཡུམ་ལ་འཁྱུད་པ་གསལ་བཏབ༔ ཡབ་ཡུམ་གཉིས་སྙོམས་པར་ཞུགས་པའི་ཆགས་པའི་མེས་བྱང་ཆུབ་ཀྱི་སེམས་གཡོས༔ ལྷ་རྣམས་བསྐུལ༔ བདེ་བའི་སྒྲ་དང་འོད་ཟེར་གྱིས་ཕྱོགས་བཅུའི་བདེ་བར་གཤེགས་པ་ཐམས་ཅད་བསྐུལ༔ ཆོས་སྐུ་ཞི་བའི་ངང་ལས་ལོངས་སྤྱོད་རྫོགས་སྐུའི་རིག་འཛིན་ཞི་ཁྲོའི་ལྷ་ཚོགས་ཉི་ཟེར་ལ་རྡུལ་འཁྲིགས་པ་ལྟར་ཨ་ཧཾ་གི་སྒྲ་སྒྲོགས་བཞིན་པར་བྱོན་ནས་སོ་སོའི་དམ་ཚིག་པ་ལ་ཐིམ་པས་བདེ་བའི་ཡེ་ཤེས་ནམ་མཁའ་གང་བ་བསྐྱེད་པར་བསམ༔ མེ་ལོང་སིནྡྷུ་ར་ཚོམ་བུ་དགུའི་དཀྱིལ་འཁོར་དམར་ཧྲམ་མེར་བྱོན་ནས་སློབ་མ་ཡབ་ཡུམ་ལ་ཐིམ་པས་བདེ་བའི་ཡེ་ཤེས་ཆེར་བསྐྱེད་པར་བསམ༔ སིནྡྷུ་རའི་མེ་ལོང་སྤྱི་བོར་བཞག་ལ། ཧཱུྃ་ཧྲཱིཿ ཡེ་ནས་དག་པའི་སྟོང་ཉིད་ཡུམ་གྱི་མཁའ༔ བདེ་བ་ཆེན་པོ་དཔལ་ཆེན་རྣམ་པ་དགུ༔ བདེ་སྟོང་དབྱེར་མེད་ཡེ་ཤེས་ཆེན་པོ་ཡིས༔ གཉིས་འཛིན་ཞེན་སྣང་དག་པའི་དབང་ཐོབ་ཤོག༔ རྩ་སྔགས་ཀྱི་མཐར། མ་ཧཱ་སུ་ཁ་ཨ་བྷི་ཥིཉྩ་ཧཱུྃ༔ བདེ་བ་མགོ་གཡོས་པ་དགའ་བ༔ དེ་ལས་ཆེར་གཡོས་པས་ཁྱད་པར་གྱི་དགའ་བ༔ རྟོག་པ་རགས་པ་རྣམས་འགགས་པ་མཆོག་གི་དགའ་བ༔ རྟོག་པ་ཕྲའུའི་རྒྱུན་ཆད་པ་ལྷན་སྐྱེས་ཀྱི་དགའ་བ་ཉམས་སུ་མྱོང་། བྱང་ཆུབ་སེམས་ཀྱི་འཕྲོ་འདུས་ལྷ་རྣམས་མཉེས༔ ཕྱེད་ཤོར་བས་ཡུམ་གྱི་མཁའ་དབྱིངས་ཀྱི་ལྷ་རྣམས་མཆོད༔ རྡོ་རྗེ་ནོར་བུ་བཀང་ཞིང་སླར་ཡང་གྱེན་དུ་འདྲེན༔ རྡོ་རྗེ་
ནོར་བུ་བཀང་བ་དགའ་བ༔ དེ་ལས་གྱེན་དུ་དྲངས་བ་ཁྱད་པར་གྱི་དགའ་བ༔ སྤྱི་བོར་འཁྱིལ་ཞིང་ལུས་ལ་ཁྱད་པར་བཀྲམ་པ་མཆོག་གི་དགའ་བ༔ དེ་ནས་ཀ་དག་གི་ངང་དུ་བཞག་པ་དགའ་བྲལ་གྱི་ཡེ་ཤེས་ཏེ་ངོ་འཕྲོད་པར་བྱའོ༔ བདེ་སྟོང་ཡེ་ཤེས་ཀྱི་དཀྱིལ་འཁོར་མཐོང་བའི་བརྡར་མིག་དར་བཀྲོལ༔ བདེ་སྟོང་གི་ཡེ་ཤེས་བརྟན་པར་བྱ་བའི་ཕྱིར་འཆི་མེད་ཁྲོ་བོའི་དཀྱིལ་འཁོར་པའི་ལྷ་ཚོགས་རྣམས་ཀྱི་སྐུ་ལས་གཉིས་པ་འཕྲོས༔ སློབ་མའི་ལུས་གནས་ཀྱི་ལྷ་རྣམས་ལ་ཐིམ་པར་མོས་ཤིག༔ ཁྲོ་བོའི་ལྷ་ཙཀ་རྣམས་ཀྱིས་དབང་བསྐུར་ལ། ཧཱུྃ། ཆོས་ཀྱི་དབྱིངས་ལས་བདེ་བ་ཆེན་པོའི་སྐུ༔ བཅོམ་ལྡན་དཔལ་ཆེན་ཆེ་མཆོག་ཧེ་རུ་ཀ༔ ཡབ་ཡུམ་འཁོར་དང་བཅས་པའི་དབང་བསྐུར་བས༔ གཉིས་སྣང་ཡེ་ཤེས་ལྷ་རུ་སྦྱོར་ནས་ཀྱང་༔ མ་རིག་ཞེན་འཛིན་བསྒྲལ་བའི་དབང་ཐོབ་ཤོག༔ ཨོཾ་བཛྲ་ཀྲོ་དྷ་མ་ཧཱ་ཤྲཱི་ཧེ་རུ་ཀ་ཧཱུྃ་ཕཊ༔ ཨ་བྷི་ཥིཉྩ་ཧཱུྃ༔ ཧཱུྃ༔ ཆོས་ཀྱི་དབྱིངས༴ བཅོམ་ལྡན་དཔལ་ཆེན་ཡང་དག་ཧེ་རུ་ཀ༔ ཡབ་ཡུམ་འཁོར་དང་༴ གཉིས་སྣང་ཡེ་ཤེས༴ མ་རིག་ཞེན་འཛིན༴ ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ་ཕཊ་ཨ་བྷི་ཥིཉྩ་ཧཱུྃ༴ ཧཱུྃ། ཆོས་ཀྱི༴ བཅོམ་ལྡན་དཔལ་ཆེན་འཇམ་དཔལ་ཧེ་རུ་ཀ༔ ཡབ་ཡུམ༴ གཉིས་སྣང་ཡེ་ཤེས༴ མ་རིག་ཞེན་འཛིན༴ ཨོཾ་ཨ་ཀྲོ་ཏེ་ཀ་ཡ་མཱནྟ་ཀ་ཧ་ན་མ་ཐ་བྷཉྫཱ་ཧཱུྃ་ཕཊ༔ ཨ་བྷི་ཥིཉྩ་ཧཱུྃ༔ ཧཱུྃ། ཆོས་ཀྱི༴ བཅོམ་ལྡན་དབང་ཆེན་རྟ་མགྲིན་ཧེ་རུ་ཀ༔ ཡབ་ཡུམ། གཉིས་
སྣང་༴ མ་རིག་ཞེན་འཛིན༴ ཨོཾ་པདྨཱནྟ་ཀྲིཏ་བཛྲ་ཀྲོ་དྷ་ཧ་ཡ་གྲྀ་བ་ཧཱུྃ་ཕཊ༔ ཨ་བྷི་ཥིཉྩ༴ ཧཱུྃ། ཆོས་ཀྱི༴ བཅོམ་ལྡན་རྡོ་རྗེ་གཞོན་ནུ་ཧེ་རུ་ཀ༔ ཡབ་ཡུམ༴ གཉིས་སྣང་ཡེ་ཤེས༴ མ་རིག་ཞེན་འཛིན༴ ཨོཾ་བཛྲ་ཀཱི་ལི་ཀཱི་ལ་ཡ་སརྦ་བི།།།ན་བྃ་ཧཱུྃ་ཕཊ༔ ཨ་བྷི་ཥིཉྩ༴ ཧཱུྃ། ཆོས་ཀྱི་དབྱིངས༴ བཅོམ་ལྡན་དཔལ་ཆེན་བླ་མེད་ཧེ་རུ་ཀ༔ ཡབ་ཡུམ༴ གཉིས་སྣང་༴ མ་རིག་ཞེན་འཛིན༴ ཨོཾ་གུ་ཧྱ་ཛྙཱ་ན་ཤྲཱི་ཧེ་རུ་ཀ༔ གུ་ཧྱ་ཛྙཱ་ན་ཀྲོ་ཏཱི་ཤར་རི་སྟཾ༔ མ་མ་ཡོ་གི་ནཱི་རུ་ལུ་རུ་ལུ་བྷྱོ་ཧཱུྃ་ཕཊ༔ ཨ་བྷི་ཥིཉྩ་ཧཱུྃ༔ ཧཱུྃ། ཆོས་ཀྱི༴ བཅོམ་ལྡན་བླ་མ་རིག་འཛིན་ཧེ་རུ་ཀ༔ ཡབ་ཡུམ༴ གཉིས་སྣང་ཡེ་ཤེས༴ མ་རིག་ཞེན༴ ཨོཾ་བཛྲ་མ་ཧཱ་གུ་རུ་སརྦ་སིངྡྷི་ཧཱུྃ་ཕཊ༔ ཨ་བྷི་ཥིཉྩ༴ ཧཱུྃ། ཆོས་ཀྱི་དབྱིངས༴ བཅོམ་ལྡན་དཔལ་ཆེན་དྲེགས་འདུལ་ཧེ་རུ་ཀ༔ ཡབ་ཡུམ༴ གཉིས་སྣང་༴ མ་རིག་ཞེན་འཛིན༴ ཨོཾ་བཛྲ་ཙནྜ་སརྦ་དུཥྚན་ཧཱུྃ་ཕཊ༔ ཨ་བྷི་ཥིཉྩ་ཧཱུྃ༔ དེས་མཁའ་དབྱིངས་ཡུམ་གྱི་དཀྱིལ་འཁོར་དུ་ཞུགས༔ བདེ་ཆེན་ཡེ་ཤེས་ཀྱི་དབང་ཐོབ༔ ཡིད་ཀྱི་དྲི་མ་དག༔ ལམ་བདེ་སྟོང་དགའ་བ་བཞི་བསྒོམ་པ་ལ་དབང་༔ འབྲས་བུ་ཆོས་སྐུ་ཐོབ་པའི་སྐལ་པ་ཅན་དུ་བྱས་པ་ཡིན་ནོ། །ཤེར་དབང་
ཐོབ་པའི་གཏང་རག་ཏུ་མཎྜལ་ཕུལ། དེ་ལྟར་ཤེར་དབང་ཐོབ་ནས་གཞན་ལུས་ཕོ་ཉའི་ལམ་ལ་བརྟེན་ཏེ་དགའ་བ་བཞིའི་ཡེ་ཤེས་ཀྱི་རྩལ་སྦྱང་དགོས་པས༔ དེའི་ཚུལ་ནི་སློབ་མ་ཡབ་ཡུམ་ཟུང་དུ་འབྲེལ་བས་སྤྱིར་ཡན་ལག་གི་ཐུགས་སྒྲུབ་རྣམ་གཉིས་ལས་བཤད་པ་སོགས་གཞན་ལས་བཤད་པའི་ཐབས་ལམ་གྱི་རིམ་པ་རྣམས་དང་༔ ཁྱད་པར་སྔར་དབང་བསྐུར་བའི་དུས་སུ་ཇི་ལྟར་བསླབ་པའི་ལྟ་སྤྱོད་སྒོམ་པ་རྣམས་ཚུལ་བཞིན་དུ་ཉམས་སུ་བླངས༔ ལྷན་སྐྱེས་ཡེ་ཤེས་ངོ་འཕྲོད་པའི་དོན་དེ་ཤིན་ཏུ་བསྒོམས་པས་འཁྲུལ་རྟོག་ཐམས་ཅད་གནས་དག༔ སོ་སོར་རྟོག་པའི་ཡེ་ཤེས་རྒྱུན་ཆད་མེད་པར་བྱུང་གི་བར་དུ་བསླབ་དགོས་པ་ཡིན་ནོ། །དེ་ནས་བཞི་པ་རིག་པའི་རྩལ་དབང་ཞུ་བའི་ཡོན་ཏུ་མཎྜལ་ཕུལ། སྔོན་ཆད་དོན་དམ་པའི་ཡེ་ཤེས་མ་མཐོང་བའི་བརྡར་གདོང་གཡོགས་འཆིང་མཛོད། འབྲུ་གསུམ། དེ་ནས་དམིགས་པ་འདི་ལྟར་སྒོམས་ཤིག །བླ་མ་ཆོས་སྐུ་རྡོ་རྗེ་འཆང་ཀུན་བཟང་ཡབ་ཡུམ་དུ་བསྒོམ༔ དེའི་ཐུགས་ཀར་ཡེ་ཤེས་ལྔའི་རང་འོད་ཀྱི་ཀློང་དུ་དུག་ལྔ་ཁམས་ལྔ་བུང་པོ་ལྔ་དག་པའི་རིགས་ལྔ་ཡབ་ཡུམ༔ རྣམ་ཤེས་ཚོགས་བརྒྱད་ཡུལ་བརྒྱད་གནས་སུ་དག་པའི་སེམས་དཔའ་ལྕམ་དྲལ་ཡབ་ཡུམ༔ མཐའ་བཞིའི་དྲི་མ་དང་བྲལ་བའི་སྒོ་བ་ཡབ་ཡུམ༔ རིགས་དྲུག་གི་རྟོག་པ་གནས་སུ་དག་པའི་ཐུབ་ལ་རིགས་དྲུག་བཅས་དྭངས་གསལ་སྒྲིབ་མེད་དུ་བསྒོམ༔ སློབ་
དཔོན་གྱིས༔ ཨོཾ་བོ་དྷི་ཙིཏྟ་མ་ཧཱ་སུ་ཁ་ཛྙཱ་ནཱ་དྷཱ་ཏུ་ཨཱ༔ ཞེས་བརྗོད་པའི་རྐྱེན་གྱིས་སྣང་སྲིད་ཐམས་ཅད་བདེ་གཤེགས་ཞི་བའི་ལྷ་ཚོགས་སུ་གྱུར། ཧཱུྃ། ཞེས་བརྗོད་པས་ཐམས་ཅད་འུག་ཀྱིས་འདུས་ནས་སློབ་མའི་སྙིང་གའི་ལྷ་རྣམས་ལ་ཐིམ་པར་བས༔ ཧཱུྃ། སློབ་མ་རྡོ་རྗེ་འཆང་ཡབ་ཡུམ་དུ་གསལ་བ་ཐུགས་ཀའི་ལྷ་དང་བཅས་པ་འོད་ཀྱི་ཕུང་པོར་གྱུར༔ དེ་ཉིད་འདུས་ཤིང་ཐིམ་པས་ཐིག་ལེ་སྔོན་པོ་ཡུངས་འབྲུ་ཙམ་དུ་གྱུར་པར་དམིགས་མེད་ཀྱི་ངང་དུ་བཞག༔ ཅེས་དར་ཅིག་འཇོགབྱར་མེད་ཀྱི་ངང་དུ་སོང་ན་བྱིན་ཕེབས་པའི་རྟགས་ཡིན་ནོ། །དེ་ནས་སླར་ཡང་ཁྱེད་རང་རྣམས་རྡོ་རྗེ་འཆང་ཡབ་ཡུམ་དུ་གྱུར་པའི་སྙིང་གར་འོད་ལྔའི་ཚོམ་བུ་ནང་དུ་རིགས་ལྔ་ཡབ་ཡུམ༔ མིག༔ རྣ་བ༔ སྣ༔ ལྕེ་རྣམས་ལ་སེམས་དཔའ་ཡབ་ཡུམ་བཞི་བཞི༔ དཔྲལ་བ༔ ལྟག་པ༔ མགྲིན་པ༔ སྙིང་ག༔ ལྟེ་བ༔ གསང་གནས་རྣམས་སུ་ཐུབ་པ་དྲུག༔ ཡན་ལག་བཞི་རུ་སྒོབ་ཡབ་ཡུམ་ཐམས་ཅད་བསྐྱེད་ལ༔ དོན་དམ་པའི་དཀྱིལ་འཁོར་པའི་སྐུ་ལས་གཉིས་པ་འཕྲོས༔ གནས་རྣམས་ཀྱི་ལྷ་སོ་སོ་ལ་ཐིམ་པར་མོས་ཤིག༔ ཞི་བའི་ལྷ་ཙཀ་རྣམས་ཀྱིས་དབང་བསྐུར་ལ། ཧཱུྃ་ཧྲཱིཿ ཡིད་ཆོས་གནས་དག་ཀུན་བཟང་ཡབ་དང་ཡུམ༔ དུས་གསུམ་སངས་རྒྱས་ཀུན་གྱི་བདག་ཉིད་ཆེ༔ རང་རིག་བླ་མ་པདྨ་རྡོ་རྗེ་འཆང་༔ བླ་མ་རང་སེམས་དབྱེར་མེད་དབང་
ཐོབ་ཤོག༔ ཨོཾ་ཨཱཿཧཱུྃ་བཛྲ་གུ་རུ་པདྨ་ཐོད་ཕྲེང་རྩལ་བཛྲ་ས་མ་ཡ་སིངྡྷི་ཕ་ལ་ཧཱུྃ་ཨ་བྷི་ཥིཉྩ་ཧཱུྃ༔ ཧཱུྃ་ཧྲཱི༔ རྣམ་ཤེས་གཏི་མུག་གནས་སུ་དག་པའི་སྐུ༔ བླ་མ་རྡོ་རྗེ་སེམས་དཔའ་དབྱིངས་ཕྱུག་མ༔ རང་རིག་དབྱེར་མེད་སེམས་ལ་དབང་བསྐུར་བས༔ ཆོས་དབྱིངས་ཡེ་ཤེས་རྟོགས་པའི་དབང་ཐོབ་ཤོག༔ ཧཱུྃ་བཛྲ་དྷྀ་ཀ༔ མཱུྃ་དྷཱ་ཏཱི་ཤྭ་རི་སྟཾ༔ ཨ་བྷི་ཥིཉྩ་ཧཱུྃ༔ ཧཱུྃ་ཧྲཱིཿ ཕུང་པོ་ཞེ་སྡང་གནས་སུ་དག་པའི་སྐུ༔ བླ་མ་རྣམ་པར་སྣང་མཛད་སངས་རྒྱས་སྤྱན༔ རང་རིག་དབྱེར་མེད་སེམས༔ མེ་ལོང་ཡེ་ཤེས་རྟོགས༴ ཨོཾ་ཛི་ན་ཛཱི་ཀྲ༔ ལཱཾ་དཱེ་ཥ་ར་ཏི་ཨ་བྷི་ཥིཉྩ་ཧཱུྃ༔ ཧཱུྃ་ཧྲཱིཿ ཚེ་རབ་ང་རྒྱལ་གནས་སུ་དག་པ་ཡི༔ བླ་མ་རིན་ཆེན་འབྱུང་ལྡན་མཱ་མ་ཀཱི༔ རང་རིག༴ མཉམ་ཉིད་ཡེ་ཤེས༴ སྭཱ་རཏྣ་ངྷྲྀ་ཀ༔ མཾ་མོ་ཧ་ར་ཏི་ཨ་བྷི༴ ཧཱུྃ་ཧྲཱིཿ འདུ་ཤེས་འདོད་ཆགས་གནས་སུ་དག་པའི་སྐུ༔ བླ་མ་སྣང་བ་མཐའ་ཡས་གོས་དཀར་མོ༔ རང་རིག༴ སོར་རྟོགས་ཡེ་ཤེས་རྟོགས༴ ཨོཾ་ཨ་རོ་ལྀ་ཀ༔ པྱཾཱ་རཱ་ག་ར་ཏི་ཨ་བྷི་ཥིཉྩ་ཧཱུྃ༔ ཧཱུྃ་ཧྲཱིཿ འདུ་བྱེད་ཕྲག་དོག་གནས་སུ་དག་པའི་སྐུ༔ བླ་མ་དོན་ཡོད་གྲུབ་པ་དམ་ཚིག་སྒྲོལ༔ རང་རིག་དབྱེར་མེད༴ བྱ་གྲུབ་ཡེ་ཤེས་རྟོགས༴ ཧཱ་པྲཛྙཱདྷྲྀ་ཀ༔ ཏཱཾ་བཛྲ་ར་ཏི་ཨ་བྷི་ཥིཉྩ༴ ཧཱུྃ་ཧྲཱིཿ མཐོང་བའི་རྣམ་ཤེས་གཟུགས་ཡུལ་གནས་དག་པའི༔ བླ་མ་བྱང་སེམས་ས་སྙིང་ལཱ་སྱེ་ཡུམ༔ རང་རིག༴ རྟོག་ཚོགས་གནས་
སུ་དག༴ ཧཱུྃ་ཀྵི་ཧི་རཱ་ཙ་ཡ༔ ཧཱུྃ་ལཱ་སེྱ་ས་མ་ཡ་སྟཾ་ཨ་བྷི༴ ཧཱུྃ་ཧྲཱིཿ ཐོས་བྱེད་རྣམ་ཤེས་སྒྲ་ཡུལ་གནས་དག་པའི༔ བླ་མ་བྱང་སེམས་ནམ་སྙིང་མཱ་ལེྱ་ཡུམ༔ རང་རིག༴ རྟོག་ཚོགས༴ ཏྲཱྃ་ཨཱ་གྷ་ཡ༔ ཏྲཱྃ་མ་ལེ་ས་མ་ཡ་ཧོཿ ཨ་བྷི༴ ཧཱུྃ་ཧྲཱིཿ སྣོམས་བྱེད་རྣམ་ཤེས་དྲི་ཡུལ་གནས་དག་པའི༔ བླ་མ་བྱང་སེམས་སྤྱན་གཟིགས་གྷི་རྟི་མ༔ རང་རིག༴ རྟོག་ཚོགས༴ ཧྲཱི་ཧ་ཧཱུྃ་པདྨ་པྲ་དམ༔ ཧྲཱིཿ གི་རྟིར་ཧོ་ཧཾ་ཨ་བྷི༔ ཧཱུྃ་ཧྲཱིཿ མྱོང་བྱེད་རྣམ་ཤེས་རོ་ཡུལ་གནས་དག་པའི༔ བླ་མ་བྱང་སེམས་ཕྱག་རྡོར་ནཱི་རྟིམ༔ རང་རིག༴ རྟོག་ཚོགས༴ ཛྷཱི༚་ཀུ་རུ་པ་༔ ཨཱཿནཱི་རྟི་རཱ་ག་ཡཱ་མི་ཨ་བྷི༴ ཧཱུྃ་ཧྲཱིཿ མིག་དབང་འདས་དུས་རྟོག་པ་གནས་དག་པའི༔ བླ་མ་བྱང་སེམས་བྱམས་པ་དྷཱུ་པེ་མ༔ རང་རིག༴ རྟོག་ཚོགས༴ མཻཿདྷཱ་ར་ནི༔ ཛཿདྷཱུ་པེ་པྲ་བེ་ཤ་ཡ་སྭཱ་ཧཱ་ཨ་བྷི༴ ཧཱུྃ་ཧྲཱིཿ རྣ་དབང་ད་ལྟའི་རྟོག་པ་གནས་དག་པའི༔ བླ་མ་བྱང་སེམས་སྒྲིབ་སེལ་པུཥྤེ་ཡུམ༔ རང་གི༴ རྟོག་ཚོགས༴ ཐི༚ླྷ་ས་ར་མཱ་ཡ༔ ཧཱུྃ་པུཥྤེ་ཨ་བེ་ཤ་ཡ་སྭཱ་ཧཱ༔ ཨ་བྷི༴ ཧཱུྃ་ཧྲཱིཿ སྣ་དབང་མ་འོངས་རྟོག་པ་གནས་དག་པའི༔ བླ་མ་བྱང་སེམས་ཀུན་བཟང་ཨ་ལོ་མ༔ རང་རིག༴ རྟོག་ཚོགས༴ ཧཱུྃ་སྭཱ་རཱ་ཛ་ཡ་སྭཱ་ཧཱ༔ བཾ་དི་པཾ་སུ་ཁི་ི་ཨ་བྷི༴ ཧཱུྃ་ཧྲཱིཿ ལྕེ་དབང་མ་ངེས་རྟོག་པ་གནས་དག་པའི༔ བླ་མ་བྱང་སེམས་འཇམ་དཔལ་གྷནྡྷེ་མ༔ རང་
རིག༴ རྟོག་ཚོགས༴ མཱུྃ་ཧྲཱིཿཨྃ་རཱ་ག་ཡ་སྭཱ་ཧཱ༔ ཧོ་གྷནྡྷེ་ཙིཏྟ་ཨ་བྷི༴ ཧཱུྃ་ཧྲཱི༔ ལུས་ཀྱི་རྣམ་ཤེས་རྟག་ལྟ་གནས་དག་པའི༔ ཁྲོ་བོའི་རྒྱལ་པོ་གཤིན་རྗེ་འགུགས་བྱེད་མ༔ རང་རིག༴ རྟོག་ཚོགས༴ ཧཱུྃ་ཡ་མཱནྟ་ཀྲི་ཏ་ཕཊ༔ ཨོཾ་མ་ཧཱ་བཛྲ་དྷཱ་རེ་མ་ཧཱ་བོ་དྷཱི་ཤྭ་རི་ཛྭ་ལཱི་ཧཱུྃ་ཕཊ༔ ཨ་བྷི༴ ཧྲཱུཾ་ཧྲཱིཿ ལུས་ཀྱི་དབང་པོ་ཆད་ལྟ་གནས་དག་པའི༔ ཁྲོ་བོའི་རྒྱལ་པོ་སྟོབས་ཆེན་འཆིངས་བྱེད་མ༔ རང་རིག༴ རྟོག་ཚོགས༴ ཧཱུྃ་པྲཛྙནྟ་ཀྲི་ཏ་ཕཊ༔ ཨོཾ་མ་ཧཱཏྣ་དྷཱ་རེ་མ་ཧཱ་ཀྲོ་དྷི་ཤྭ་རི་ཛྭ་ལཱི་ཧཱུྃ་ཕཊ༔ ཨ་བྷི༴ ཧཱུྃ་ཧྲཱིཿ ལུས་ཀྱི་རེག་ཡུལ་བདག་ལྟ་གནས་དག་པའི༔ ཁྲོ་བོའི་རྒྱལ་པོ་རྟ་མགྲིན་སྡོམ་བྱེད་མ༔ རང་རིག༴ རྟོག་ཚོགས༴ ཧཱུྃ་པདྨནྟ་ཀྲི་ཏ་ཕཊ༔ ཨོཾ་མ་ཧཱ་པདྨ་དྷཱ་རེ་མ་ཧཱ་ཀྲོ་དྷཱི་ཤྭ་རི་ཛྭ་ལཱི་ཧཱུྃ་ཕཊ༔ ཨ་བྷི༴ ཧཱུྃ་ཧྲཱིཿ ལུས་ཀྱི་རེག་ཤེས་མཚན་མ་གནས་དག་པའི༔ ཁྲོ་བོའི་རྒྱལ་པོ་བདུད་རྩི་མཐར་བྱེད་ཡུམ༔ རང་རིག༴ རྟོག་ཚོགས༴ ཧཱུྃ་བིགྷཱནྟ་ཀྲི་ཏ་ཕཊ༔ ཨོཾ་མ་ཧཱ་ཀརྨ་དྷཱ་རེ་མ་ཧཱ་ཀྲོ་དྷཱི་ཤྭ་རི་ཛྭ་ལཱི་ཧཱུྃ་ཕཊ༔ ཨ་བྷི༴ ཧཱུྃ་ཧྲཱིཿ ཉོན་མོངས་ང་རྒྱལ་རྟོག་པ་གནས་སུ་དག༔ ལྷ་རྣམས་འདུལ་མཛད་ཐུབ་ཆེན་བརྒྱ་བྱིན་གྱི༔ རང་རིག༴ རྟོག་ཚོགས༴ ཨོཾ་མུ་ནེ་ཀྲི༚་ཨ་བྷི༴ ཧཱུྃ་ཧྲཱིཿ ཉོན་མོངས་ཕྲག་དོག་རྟོག་པ༴ ལྷ་མིན་འདུལ་མཛད་ཐུབ་ཆེན་ཐག་བཟང་རིས༔ རང་གི༴ རྟོགས་ཚོགས༴ ཨོཾ་མུ་ནེ་ཧཱུྃ་ཏྲུཾ༔ ཨ་བྷི༴ ཧཱུྃ་ཧྲཱིཿ ཉོན་མོངས་འདོད་ཆགས་རྟོག་པ༴ མི་
རྣམས་འདུལ་མཛད་ཐུབ་ཆེན་ཤཱཀྱ་སེང་༔ རང་རིག༴ རྟོག་ཚོགས༴ ཨོཾ་མུ་ནེ་སྲུཾ་ཨ་བྷི༴ ཧཱུྃ་ཧྲཱིཿ ཉོན་མོངས་གཏི་མུག༴ བྱོལ་སོང་འདུལ་མཛད་ཐུབ་ཆེན་སེང་རབ་བརྟན༔ རང་རིག༴ རྟོག་ཚོགས༴ ཨོཾ་མུ་ནེ་བྲེ༚་ཨ་བྷི༴ ཧཱུྃ་ཧྲཱིཿ ཉོན་མོངས་སེར་སྣའི་རྟོག་པ༴ཡི་དྭགས་འདུལ་མཛད་ཐུབ་ཆེན་ཁ་འབར་མ༔ རང་རིག༴ རྟོག་ཚོགས༴ ཨོཾ་མུ་ནེ་ཀྵཾ་ཨ་བྷི༴ ཧཱུྃ་ཧྲཱི༔ ཉོན་མོངས་ཞེ་སྡང་རྟོག་པ༴ དམྱལ་བ་འདུལ་མཛད་།ཐུབ་ཆེན་ཆོས་ཀྱི་རྒྱལ༔ རང་རིག༴ རྟོག་ཚོགས༴ ཨོཾ་མུ་ནེ་ཡེ་ཨ་བྷི་ཥིཉྩ་ཧཱུྃ༔ ཞེས་ལྷ་རྟོག་དབྱེར་མེད་གནས་དག་ཡེ་ཤེས་ཀྱི་ངང་དུ་བསྒོམ༔ ངོ་བོ་སྟོང་པ་བླ་མ་ཆོས་ཀྱི་སྐུ༔ རང་བཞིན་གསལ་བ་ཡེ་ཤེས་ལྔའི་རིགས་ལྔ༔ ཐུགས་རྗེ་སྣ་ཚོགས་སྤྲུལ་པའི་འཁོར༔ ཀུན་ཀྱང་ཆོས་ཉིད་ཀྱི་ཀློང་དུ་རོ་གཅིག་པ༔ མ་འདྲེས་ཡོངས་སུ་དག་པ་ལྷུན་གྲུབ༔ རང་རིག་འོད་གསལ་གྱི་དཀྱིལ་འཁོར་ཤེལ་དང་འཇའ་ཚོན་བཞིན་དུ་སུས་ཀྱང་མ་བྱས་དཔེ་ཡིས་མཚོན་དུ་མེད་པ་རང་བཞིན་གནས་ལུགས་སྤྲོས་པའི་མཐའ་ཐམས་ཅད་དང་བྲལ་བར་མཉམ་པར་བཞག་པར་བྱའོ། །དོན་དམ་པའི་དཀྱིལ་འཁོར་མཐོང་བའི་བརྡར་མིག་དར་བཀྲོལ་ཅིག །ཤེལ་དོ་བསྟན་ཅིང་སྙིང་གར་བཞག་ལ། ཧཱུྃ་ཧྲཱིཿ ངོ་བོ་སྟོང་པ་ཡི་དག་རང་བྱུང་ཤེལ༔ རང་བཞིན་གསལ་བ་དྭངས་ཤིང་རྙོགས་པ་མེད༔ ཐུགས་རྗེ་སྣ་ཚོགས་མ་འདྲེས་འཇའ་
ལྟར་གསལ༔ རང་རིག་བླ་མ་ཆོས་སྐུའི་དབང་ཤོག༔ ཧཱུྃ་ཧཱུྃ་ཧཱུྃ༔ བཛྲ་ཙིཏྟ་ཨོཾ༔ ཨ་ཨ་ཨ༔ བཛྲ་བྷ་དྲ་ས་མནྟ་ཨ༔ ཨ་བྷི་ཥིཉྩ་ཧཱུྃ༔ དབྱིངས་ཀ་དག་གི་ངོ་བོ་ཤེལ་ལྟ་བུ་ལ། རིག་པའི་རང་བཞིན་དྭངས་གསལ་དྲི་མ་མེད་པ། དེ་ཉིད་ཀྱི་ཐུགས་རྗེའི་རྩལ་སྣང་འགག་པ་མེད་པ་སྣ་ཚོགས་སུ་ཤར་ཡང་། ཤར་བ་ཙམ་ནས་ཅིར་ཡང་མ་གྲུབ་ཅིང་དབྱིངས་ལས་གཡོས་བ་མེད་པའི་དོན་གོ་བར་གྱིས་ལ་གནས་ལུགས་མ་བཅོས་པའི་ངང་དུ་མཉམ་པར་འཇོག་པར་ཞུ། ཞེས་དཔོན་སློབ་ཐམས་ཅད་དར་ཅིག་མཉམ་པར་འཇོག །དེ་དག་གིས་དོན་དམ་གྱི་དཀྱིལ་འཁོར་དུ་ཞུགས༔ རིག་རྩལ་གྱི་དབང་ཐོབ༔ མ་རིག་པ་ག་ལ་ཉལ་བའི་རྟོག་པ་ཕྲའུ་རྣམས་དབྱིངས་སུ་དག༔ རྫོགས་པ་ཆེན་པོ་སྤྲོས་མེད་བྱ་བྲལ་བསྒོམས་པས་འབྲས་བུ་ངོ་བོ་ཉིད་སྐུ་ཐོབ་པར་འགྱུར་བ་ཡིན་ནོ། །དབང་བཞི་པ་ཐོབ་པའི་གཏང་རག་ཏུ་མཎྜལ་ཕུལ། དེ་ལྟར་དབང་བཞི་པ་ཐོབ་ནས་ཤིན་ཏུ་རྣལ་འབྱོར་རྫོགས་པ་ཆེན་པོའི་དོན་ཉམས་སུ་ལེན་དགོས་པས། འདི་ལ་སྤྱི་དང་བྱེ་བྲག་གཉིས། སྤྱིར་ཐོག་མར་ལྟ་བ་གཏན་ལ་འབེབས་དགོས་ཏེ། དེ་ལ་སེམས་བཙལ་བ་དང་༔ རང་བཞིན་ཤེས་པ་དང་༔ གཏན་ལ་འབེབས་པ་གསུམ་ལས༔ དང་པོ་ནི༔ དབེན་པའི་ས་རུ་འབོལ་བའི་གདན་ལ་སྐྱིལ་ཀྲུང་གིས་འདུག་ལ་ལུས་གནད་དྲང་པོར་བསྲང་༔ ངག་གནད་རླུང་རྒྱུ་བ་རང་སར་བཞག༔ ཡིད་ཀྱི་གནད་རང་རིག་དྲན་མཁན་འདི་དང་པོ་གང་ནས་བྱུང་བ་རྟགས་པས་སྐྱེ་བའི་ཡུལ་མེད༔ བར་དུ་གང་ན་གནས་པ་རྟགས་པ་
བས་རྟེན་མེད་འཁོར་འདས་ཀུན་ལ་ཁྱབ་ཅིང་འགག་མེད་འཁོར་འདས་ཀུན་ལ་ཅིའང་འཆར༔ ཐ་མ་གང་དུ་འགྲོ་བར་བརྟགས་བས་འགྲོ་འོང་དང་བྲལ་བ་དེ་བཞིན་ཏུ༔ གཟུགས་དང་ཁ་དོག་དངོས་པོ་ཅིའང་མ་གྲུབ་པ་འདི་ཞེས་བརྗོད་ཚིག་དང་བྲལ་བ་འདི་ནི་རང་གི་རིག་པའོ༔ གཉིས་པ་རང་བཞིན་ཤེས་པ་ནི༔ རང་གི་རིག་པའམ་ཀུན་གཞི་གནས་ལུགས་ནི་བཟང་ངན་འཕོ་འགྱུར་བྲལ་ཞིང་༔ གཙང་ཞིང་དྲི་བྲལ་རྟག་པ༔ ངོ་བོ་སྟོང་པ་དེའི་མདངས་འོད་གསལ་ཞིང་བདེ་བའི་རང་བཞིན་མྱོང་བ་ཅན༔ ངོ་ཤེས་ན་ཡེ་ཤེས་དང་མ་ཤེས་ན་རྣམ་ཤེས་ཚོགས་བརྒྱད་དང་དུག་ལྔ་ཕུང་པོ་ལྔར་འཁྲུལ་ཞིང་༔ སྐྱེ་སྲིད་ཀྱི་དངོས་པོའི་གཟུགས་སུ་གྲུབ་སྟེ་དབང་པོའི་སྒོས་མཚམས་སྦྱར་ནས་ཕྱི་ཡུལ་འཇིག་རྟེན་གྱི་སྣང་བར་ཨ་འཐས་སུ་འཁྲུལ་ལོ༔ ངོ་ཤེས་པས་རང་བཞིན་གསལ་བའི་ཆ་ཡེ་ཤེས་སུ་རྟོགས་ནས་ཐུགས་རྗེ་སྣ་ཚོགས་སྣང་བ་ཡེ་ཤེས་ཀྱི་རོལ་པར་འཆར་བས༔ ངོ་བོ་སྟོང་པ་དང་རང་བཞིན་གསལ་བ་གཉིས་ནི་ཟུང་འཇུག་ལྷན་སྐྱེས་གསེར་དང་འོད་བཞིན་གནས་སོ༔ གསུམ་པ་དེ་གཏན་ལ་འབེབས་པ་ནི༔ བླ་མའི་གདམས་ངག་ཚད་མ་དང་༔རྒྱལ་བའི་བཀའ་ཚད་མ་དང་༔ རང་གི་རིག་པ་ཚད་མས་གཏན་ལ་འབེབས་ཏེ་རང་གི་སེམས་ཉིད་མ་བཅོས་པར་བཞག་པས་ངོ་བོ་སྟོང་པ་ངོས་བཟུང་དང་བྲལ་བ༔ དེ་ལ་ལྷན་སྐྱེས་ཀྱི་ཚུལ་དུ་མདངས་འགག་མེད་རང་བཞིན་འོད་གསལ་བདེ་ཆེན་མྱོང་བ་ཅན་གསལ་ལེབ་ལས་མ་གཡོས་བཞིན་
རིག་བཟང་ཐལ་དུ་སྣ་ཚོགས་སྣང་བའི་རྩལ་ཏ་ལེར་འཆར་བ༔གཉིས་བསྡུས་ཀྱི་ཆོས་རྣམས་རང་གི་སེམས་ཉིད་ལས་མ་འདས་ཤིང་མེད་པར་འཁྲུལ་བས་སྒྲོ་བཏགས་ཏེ་དངོས་པོར་གྲུབ་པ་ལྟར་སྣང་བ་རྣམས་ནི་ཡེ་ནས་རྡུལ་ཙམ་ཡང་མེད་པ་འཇའ་དང་ན་བུན་ལྟར་གློ་བུར་དུ་སྣང་ཡང་དངོས་པོར་མ་གྲུབ་བཞིན༔ ཆོས་ཐམས་ཅད་ངོ་བོ་སྟོང་པའི་དབྱིངས་ལས་རང་བཞིན་གསལ་བའི་རྩལ་ཐུགས་རྗེ་སྣ་ཚོགས་སྣང་བའི་སྐུ་དང་ཡེ་ཤེས་ལས་མ་འདས་པར་བློ་ཐག་བཅད་པའོ༔ དེ་ལྟར་ལྟ་བས་ཐག་ཆོད་པ་དེ་ཉིད་སྒོམ་པས་ཉམས་སུ་ལེན་པ་ན། ལྟ་བ་ལས་གཞན་པའི་བསྒོམ་བྱ་གུད་ན་མེད་པས་ཡེངས་པ་མེད་པས་དྲན་པས་བཟུང་སྟེ་དོན་དམ་སེམས་ཉིད་ཀ་དག་ངོས་བཟུང་དང་བྲལ་བར་རང་ཤར་རང་གྲོལ་གྱི་ངང་དུ་འཇོག་གོ། །བྱེ་བྲག་སྐབས་འདིའི་དབང་དོན་གྱི་ཡེ་ཤེས་བསྐྱང་བ་ལ་སློབ་མ་རང་རང་རྣམས་བླ་མ་ཆོས་སྐུའི་སྐུ༔ རྟོག་ཚོགས་ལྷར་དག་པ་དང་བཅས་པ་བསྒོམ༔ རེས་དེ་ཉིད་དམིགས་མེད་མ་བཅོས་པའི་ངང་དུ་བཞག༔ དུས་གསུམ་གྱི་སྤྲོས་པ་ལས་འདས་ཤིང་༔ མ་ཡེངས་པའི་གཟེར༔ མི་བསྒོམ་པའི་གདེང་༔ མ་མཐོང་བའི་ཡེ་ཤེས༔ བྱར་མེད་བློ་ལས་འདས་པའི་བར་བསླབ་པར་བྱ་དགོས་པ་ལགས་སོ། །དེ་ནས་མཚམས་སྦྱོར་སྤྱི་མཐུན་བྱས་ལ་ལས་བྱང་ནས་འབྱུང་བ་ལྟ་བུའི་ཤིས་བརྗོད་རྒྱས་པར་སྤེལ། དེ་དག་རྣམས་ཀྱིས་རྩ་བའི་ཐུགས་སྒྲུབ་ཆེན་མོ་དགོངས་པ་ཀུན་འདུས་ཀྱི་དབང་བཞི་དོན་ཁྲིད་དང་སྦྲགས་པ་ལེགས་པར་གྲུབ་པ་ཡིན་པས། རྡོ་རྗེ་ཐེག་པའི་དམ་ཚིག་རྩ་བ་དང་ཡན་ལག་
གིས་བསྡུས་པ་རྣམས་ཚུལ་བཞིན་ཏུ་བསྲུང་བར་བགྱིའོ་སྙམ་པས་འདིའི་རྗེས་ཟློས། གཙོ་བོས་ཇི་ལྟར་སོགས་གསུམ། གཏང་རག་མཎྜལ། དེང་ནས་བརྩམས་ཏེ་སོགས་ལུས་འབུུལ། དགེ་བསྔོ་རྣམས་ཀྱིས་དབང་བསྐུར་གྲུབ། གསུམ་པ་རྗེས་ཀྱི་རིམ་པ་ནི། སློབ་དཔོན་གྱིས་ཚོགས་ལ་ལོངས་སྤྱོད་ནས་ལྷག་མ་བཏང་། ཐུགས་དམ་བསྐུལ་བའི་རིམ་པ་རྣམས་དང་བཀའ་སྲུང་གཏོར་མ་འབུལ། ཆད་མདོ་བཏབ་ཞིང་བརྟན་མ་བསྐྱངས་ལ་རྟ་བྲོ་བརྡུང་། གཏང་རག་མཆོད་བསྟོད་མདོར་བསྡུས་བྱ། སློབ་མ་དབང་བསྐུར་སྐབས་དངོས་གྲུབ་བླང་བ་མི་དགོས་ཀྱང་བྱས་པ་ལ་འགལ་བ་མེད། ནོངས་བ་བཤགས། རས་བྲིས་སོགས་རྟེན་ཡོད་ན་ཡེ་ཤེས་པ་བརྟན་བཞུགས་དང་དམ་ཚིག་པ་རང་ལ་བསྡུ། བདག་བསྐྱེད་དཀྱིལ་འཁོར་བསྡུ་ལྡངས་བསྔོ་སྨོན་བཀྲ་ཤིས་ཀྱི་བར་ལས་བྱང་ལྟར་བྱའོ། །སྐུ་གསུམ་བླ་མ་ཡི་དམ་མཁའ་འགྲོར་བཅས། །གཅིག་དྲིལ་ཐུགས་སྒྲུབ་ཀུན་གྱི་རྩ་བ་ཉིད། །ཉམས་སུ་ལེན་ལ་ཐོག་མར་འཇུག་པའི་སྒོ། །སྨིན་གྲོལ་གཅིག་ཅར་གྲུབ་འདི་གཅེས་པར་ཟུང་། །དགེ་འདིས་སྲིད་ལམ་དུབ་བའི་སྐྱེ་བོ་ཀུན། །སྒྲིབ་གསུམ་འཆིང་བ་བདེ་བླག་བཀྲོལ་ནས་ཀྱང་། །བླ་མ་སྐུ་གསུམ་ཞིང་དུ་དབུགས་ཆེན་དབྱུང་། །མཐའ་གཉིས་རྣམ་གྲོལ་རྒྱལ་བའི་གདུང་འཛིན་ཤོག །ཅེས་པ་འདི་ནི་ཟུར་མེད་བདུད་རྩི་དིལ་དུ་གཏེར་སྟོན་རོལ་བ་རྡོ་རྗེའི་རྣམ་འཕྲུལ་བཞི་པ་ནས་སྒྲུབ་ཆེན་ལོ་བསྟར་བཙུགས་པར་མཛད་པ་ལ་ཉི་བར་མཁོ་ཞིང་ཟབ་ཆོས་འདི་ལ་མོས་པ་ཐོབ་པའི་སྒྲུབ་བརྩོན་བླ་མ་ཀརྨ་ཕུན་ཚོགས་དང་ཚེ་དབང་རབ་འཕེལ་ཟུང་གིས་བཞེད་བསྐུལ་ནན་ཏན་མཛད་ངོར། གཏེར་ཆེན་བླ་མ་དེ་ཉིད་ཀྱི་ཕྱག་བཞེས་ལྟར་རྒྱལ་དབང་པདྨཱ་ཀ་རའི་སྔགས་རིག་འཛིན་པ་པདྨ་གར་དབང་ཕྲིན་ལས་འགྲོ་འདུལ་རྩལ་གྱིས་དཔལ་སྤུངས་ཡང་ཁྲོད་ཤྲཱི་དེ་བཱི་ཀོ་ཊི་རི་སྒྲུབ་གནས་ཀུན་བཟང་བདེ་ཆེན་འོད་གསལ་གླིང་དུ་བགྱིས་པ་དགེ་ལེགས་འཕེལ།། །།