ཤོག་ལྷེབ་ ༧༠༡ ནས་ ༨༡༣ བྱོན།

---

^{[མ་དཔེ་གཟིགས་ན་འདིར་གནོན།]}

ཁུང་ཡིན། །ཝ་ཚོ་ཕོ་ལྷའི་དར་འཛིན་ལུས། །གློག་དམར་སྟག་རུ་བ་རྣམས་ལུས། །ཛ་ཝང་ཛུ་ཝང་ཁྲབ་ཆེན་ལུས། །ལྔ་ལ་བྱ་རལ་རིན་ཆེན་ན། །ཁྲབ་ཅན་ལུས་པའི་ཁྲེལ་ཐག་ཡིན། །ཨ་ཁད་རྩེ་མ་བེང་ཅན་ལུས། །སྐྱེར་འུན་ར་བརྒྱག་འཕྲུ་ཅན་ལུས། །དམུ་ཙ་ལི་ཤོ་སྣ་ཁྲིད་ལུས། །བྱིལ་མིག་སྟག་ཕུང་སྟག་གར་ལུས། །འདི་རྣམས་མི་ཡི་འབྲུབ་ཁུང་ཡིན། །ལྔ་ལ་མ་སང་རྟ་ངོ་བཅུ་གསུམ་དང་། །ཁ་དྲག་རྟ་ངོ་བཅུ་གསུམ་སྟེ། །ཉི་ཤུ་རྩ་དྲུག་གང་རུང་བབས། །དེ་ཡི་ལན་དུ་སོ་ཡོན་གང་བབས་ཀྱང་། །མདོ་བ་རྟ་ཡི་ལག་དོང་ཡིན། །གཞན་ཡང་ལྔ་བདུན་དཔྱད་པ་ལས། །ལྔ་ལ་ཨ་ཁད་རྩེ་མ་དང་། །བདུན་ལ་ནག་ཐོག་སེ་སྟོད་ན། །རྒྱ་སྟག་ཀན་དང་ལོག་པ་ཞེས། །དམར་ཞུར་ཅན་ལ་མདའ་ཕོག་བྲུབ་ཁུང་ཡིན། །དེ་བཞིན་ལྔ་ཡི་བཟང་སྡེ་དེའི། །བདུན་ལ་ནག་རིགས་སེ་སྟོད་བབས། །དེ་དེའི་བྲུབ་ཁུང་གོང་བཞིན་བཤད། །དེ་ནི་ཁྲེལ་ཐག་དཔྱད་པ་ལ། །བརྒྱད་ཀྱི་མ་རྐྱང་བྱོད་ཕུར་དེ། །དམག་དཔོན་ཆེ་བའི་ཁྲེལ་ཐག་ཡིན། །བདུན་ལ་ལྷ་རི་དིལ་ངོས་ལ། །ཞག་བརྒྱ་ཝ་བྲོས་བྱས་པའི་ཁྲེལ། །དེའི་བཅུ་གཅིག་སད་ཀྱི་མ་ཟེ་ན། །དེ་དང་དེ་ལྟར་ངེས་པ་ཡིན། །ལྔ་གློག་དམར་སྟག་རུ་བ་རྣམས་ལུས། །བྱ་རལ་རིན་ཆེན་ཁྲབ་ཅན་ལུས། །ཨ་ཁད་རྩེ་མ་ཇག་དཔོན་ཁ་ལྕེ་སྐམ། །བཅུ་གཅིག་སྐྱམ་གྱི་མ་ཟེ་ན། །ཇག་པས་བྲ་བ་བྱེའུ་ལ་སྨོན། །སྤོ་མ་ཟེ་དམག་དཔོན་རི་ལ་བྲོས། །དར་མདུད་ཆད་པའི་ཁྲེལ་ཐག་ཡིན། །ཏྲོང་མ་ཟེ་ཇག་པ་སྣ་སྡུམ་བྱས། །བྱ་རལ་ཟུན་གྱི་དམག་དཔོན་གྱིས། །དགྲ་ཡི་དམག་ལ་ཕྱག་འཚལ་ཡིན། །སེ་སྟོད་ཟུན་དམག་དགྲ་ཁྱིམ་མནན། །ལི་ཡན་དམག་དཔོན་རི་སུལ་འགྲིམ། །སྐྱམ་ཟུན་དམག་དགྲ་ཡི་

---

^{[མ་དཔེ་གཟིགས་ན་འདིར་གནོན།]}

བུ་མོར་སྐྱབས། །ཆུ་སྤར་སྐྱམ་དེ་བབས་པ་ན། །དམག་དཔོན་མཆི་མ་དར་ལྕེས་ཕྱིས། །ཕུང་ཁད་དམག་དཔོན་ངོ་ཟུམ་གནག །ཁ་ལེ་སྟང་སང་ལྷ་བལ་མོན་ཆུང་གིས། །གཞུ་ཆུང་གྲུ་ལ་བསྐོན་ནས་སུ། །ཞྭ་ཆུང་ལྟག་པར་བཞག་ནས་བྲོས། །སོ་བྱ་མི་བསད་འོག་རྟ་ཤོར། །མཚོན་ཤོར་ཇག་ལ་བསད་བྲོས་ཡིན། །དེ་རྣམས་བཅུ་གཅིག་སྟེང་དུ་བབ། །དམག་གི་ཁྲེལ་ཐག་ངན་པ་ཡིན། །ཡང་ལྔ་ལ་བྱ་ཡུན་གཡས་བརྒྱག་དང་། །བདུན་བྱ་རལ་འམ་ནི་ཕུང་བྱལ་ན། །ཟུན་གྱི་མགྱོགས་པ་བྱ་བརྒྱ་དེས། །དགྲ་མོང་ཚེ་ཀམ་མ་སླེབ་ཁྲེལ། །བདུན་ཙེར་བརྒྱད་ཀྱི་སེ་སྟོད་ན། །ཟུན་གྱི་དཔའ་བོ་མི་དགུ་དེས། །དགྲ་སྟག་ར་ཁོང་ཡོན་མ་ཐུབ་ཁྲེལ། །བདུན་རུ་སོད་དཔའ་དར་བརྒྱད་སེ་སྟོད། །ཟུན་གྱི་དཔའ་ར་མི་བརྒྱ་ཡིས། །དགྲ་སྟག་ར་ཁོང་ལོད་མ་ཐུབ་ཁྲེལ། །བདུན་ཨ་ཁད་བརྒྱད་ལ་ཕུང་བར་ན། །ཟུན་གྱི་མཛད་པ་མི་བརྒྱ་དེས། །དགྲ་མི་མོ་ཤག་མཁན་མ་ཐུབ་ངོ་། །བདུན་ཙེ་རའམ་ནི་ཚོལ་ཚེ་ལ། །བརྒྱད་ཀྱི་ཐང་ལེ་སྣ་དམར་ན། །གནམ་ལྕགས་རལ་གྲི་རྣོན་པོ་དེས། །ཞ་ཉེའི་སླག་པ་མ་ཆོད་ཁྲེལ། །དེ་སོགས་རང་སའི་བཟང་སྡེ་ལ། །ངན་སྐྱོན་སྨ་ཕབ་བྱུང་བ་ཀུན། །ཁྲེལ་ཐག་ཡིན་པས་ཇག་ལ་འཛེམ། །གསང་བའི་ཁྲེལ་ཐག་དགུ་འགྱུར་ནི། །བྱ་རལ་དགུ་བསྟུད་བྱུང་ནས་ནི། །བཅུ་ལ་ཨ་ཁད་རྩེ་མ་ན། །གདིང་ལོ་རྒྱང་རྒྱང་ན་འཐབ་མོ་བྱུང་། །གཏམ་ངན་འཕྲིན་པ་སྐྱེལ་བ་ཡིན། །གཅིག་ཐར་པའི་ཁྲེལ་བའི་ཁྲེལ་ཐག་ཡིན། །བྱ་རལ་དགུ་བསྟུད་བབས་ནས་སུ། །བཅུ་ཡི་ཚོལ་ཚེ་བུ་བརྒྱག་ན། །སྔ་དྲོ་གནང་ལ་སུམ་ཁུག་ཐོབ། །ཕྱི་འཕྲེད་གྲི་ཤང་གས་པ་ཐོབ། །བསད་བཅད་ལུང་པར་མི་ཤོང་ཁྲེལ། །བྱ་རལ་དགུ་བསྟུད་བཅུ་ལ་ཁྱུང་བརྒྱག །རྒྱ་རི་མགོ་ལ་

---

^{[མ་དཔེ་གཟིགས་ན་འདིར་གནོན།]}

དུང་ཁྱུང་ལྡིང་། །དམག་དཔོན་མགོ་བོ་བྱ་ཡིས་བཏོག་པས་ཁྲེལ། །དེ་སོགས་ཞིབ་ཏུ་དཔྱད་པར་བྱ། །མདོར་ན་ཁས་དྲག་ཕྱི་སར་ཤོར། །རང་སའི་བཟང་སྡེ་ངན་པས་བསླད། །ངན་པའི་གདང་སྣ་བཟང་ལ་ཕོག །ཝ་སྐྱམ་ཝ་སྡེ་ལ་སོགས་པ། །ངན་པ་སྡར་མས་བཙན་ས་བཟུང་། །དེ་རྣམས་ཁྲེལ་ཐག་ཡིན་པས་ན། །ཇག་པའི་མོ་ལ་མི་ལེགས་སོ། །ཡང་ཁྲེལ་ཐག་བཅུ་གསུམ་བཤད་པ་ལ། །བཅུ་གསུམ་སྟེང་དུ་དཔྱད་པ་ཡིན། །བཅུ་གསུམ་སྟེང་གི་སྐྱེར་སྨད་ན། །བྱི་བ་ལོ་པའི་ཁྲེལ་ཐག་ཡིན། །སྐྱེར་སྒོ་བརྒྱག་གླང་ལོ་པ་ཡི་ཁྲེལ། །དམུ་དག་སྒོ་བརྒྱག་སྟག་ལོ་པ། །སྤོ་བར་སྒོ་བརྒྱག་ཡོས་ལོ་པ། །སྐྱེར་བྱ་སྒོ་བརྒྱག་འབྲུག་ལོ་པ། །ཏྲོང་གི་ཨ་ཁད་སྦྲུལ་ལོ་པ། །སང་རིགས་སྒོ་བརྒྱག་རྟ་ལོ་པ། །སྐྱིན་དིང་རོག་ཡུ་ལུག་ལོ་པ། །ཚོལ་ཚེ་སྒོ་བརྒྱག་སྤྲེལ་ལོ་པ། །བག་ལྡི་སྒོ་བརྒྱག་བྱ་ལོ་པ། །ཡར་ལྡང་སྒོ་བརྒྱག་ཁྱི་ལོ་པ། །སྐྱམ་རྒན་སྒོ་བརྒྱག་ཕག་ལོ་པ། །གཞན་ཡང་ཝ་ལྡི་ཝ་སྐྱམ་སོགས། །སྡར་མའི་མོ་མདུད་ལོ་མལ་བབས། །ཡང་ན་ཞར་བ་ཏྲོང་སྒོ་བརྒྱག །ཁྲེལ་ཐག་གང་བབས་དེ་ལ་ངན། །ཡང་གཅིག་དར་སོ་དཔྱད་པ་ལ། །བཅུ་གསུམ་དངས་མ་གཡུ་སྒྲོན་དེར། །བྱི་བ་ལོ་བའི་དར་སོ་ཡིན། །དེ་བཞིན་བཅུ་གསུམ་སྟེང་དུ་ནི། །གལ་བར་ཐོད་དཀར་གླང་ལོ་པ། །དམུ་དག་དུང་སྒོང་སྟག་ལོ་པ། །ལྡི་བུར་ཤིང་རྩེ་ཡོས་ལོ་པ། །སྤོ་སྟོད་འབྲུག་ལོ་པའི་དར་སོ། །སད་དེ་ཨ་ཁད་སྦྲུལ་ལོ་པ། །ཨ་ཁད་རྩེ་མ་སྟག་ལོ་པ། །དཀར་ཐོག་སྤུན་གསུམ་སྤྲེལ་ལོ་པ། །ཁྲ་ཆུང་སྐྱམ་བརྒྱག་ལུག་ལོ་པ། །བག་ཚོ་ཁྲ་རྒན་བྱ་ལོ་པ། །ཡར་ལྡིང་སྐྱེར་བརྒྱག་ཁྱི་ལོ་པ། །སྐྱམ་གྱི་བུ་བརྒྱག་ཕག་ལོ་པའི། །དར་སོ་ཡིན་པས་དེ་དེར་བཟང་། །

---

^{[མ་དཔེ་གཟིགས་ན་འདིར་གནོན།]}

གཞན་ཡང་ལོ་མལ་གང་ཡིན་པར། །ཝེར་མ་བཟང་སྡེ་གྲགས་ཆེན་བབས། །བཟང་ཞིང་དར་སོ་ཐོབ་པར་དཔྱད། །དེ་ལྟར་བཟང་ངན་ཤེས་བྱས་ནས། །ད་ནི་ཇག་ལ་ཆས་པའི་ཚེ། །མེ་ཚུགས་བསྔོ་བགྲང་མ་ཤེས་ན། །ཤལ་ཆེན་ཞག་མལ་མི་ཤེས་སོ། །ཚང་བུད་ཚང་འདུས་མ་ཤེས་ན། །འཛུད་པའི་རྒྱུག་ཚོད་མི་ཤེས་སོ། །ཚང་མ་བཅུ་གསུམ་མ་ཤེས་ན། །བུ་རྟའི་སྔོ་བགྲང་མི་ཤེས་སོ། །མ་ཟེ་འལ་འོལ་མ་ཤེས་ན། །འོག་རྟ་ཐེབ་ཤོར་མི་ཤེས་སོ། །ཁ་ལང་ཉ་ལང་མ་ཤེས་ན། །རྐུང་གི་འཇིགས་མིག་མི་ཤེས་སོ། །ས་མདོའི་སྤྱང་ཚང་གོང་འོག་མ་ཤེས་ན། །ཕྱི་ལམ་ཨེ་ལད་མི་ཤེས་སོ། །ས་བབ་གནང་བགོས་མ་ཤེས་ན། །ནོར་ཅི་ཐོབ་སྤུ་རྟགས་མི་ཤེས་སོ། །དེ་དང་དེ་ལ་སོགས་པ་ཡི། །མ་སང་གསང་གཏམ་བཤད་པ་ལས། །དང་པོ་མེ་ཚུགས་བཤད་པ་ལ། །གཅིག་སྨོན་པའི་མེ་ཚུགས་དང་པོ་ཡིན། །དེ་ལ་ཨ་ཁད་རྩེ་མ་ན། །དྲོ་མལ་དང་པོར་འཇིགས་མིག་མེད། །གཅིག་ལ་མོ་རྒོད་རྣམ་གསུམ་ན། །དྲོ་མལ་དང་པོར་འབྲོག་ཡར་འོང་། །གཅིག་ལ་ཆུ་སྤར་འབྲུག་ཐོག་ལྡི་བུར་ན། །མེ་ཡི་སེང་གེ་ཆས་པ་ཡིན། །གཞི་འཛིན་དཔའ་བླས་བྱེད་ངོ་ཡིན། །གཉིས་འདི་སྲིན་མོ་མི་ཟན་མ། །དགུ་ཤང་མ་ཡི་མེ་ཚུགས་ཡིན། །གཉིས་ལ་ཨ་ཁད་རྩེ་མ་དང་། །གསུམ་ལ་ཚོལ་ཚེ་གོང་སྔོན་ན། །མེ་ཚུགས་གཉིས་ལ་འཇིགས་མིག་མེད། །གཉིས་ལ་གློག་དམར་ལྡི་བུར་ན། །ཇག་ལ་རྐུན་མ་ཕོག་པ་ཡིན། །དེ་ཡང་གསུམ་ལ་ལི་ཡན་ཞོན་པ་ན། །ཇག་པའི་འོག་རྟ་འཆོར་ངོ་ཡིན། །སུམ་མཉམ་སྒ་དང་གལ་བར་ཕུབ། །ཐང་ལེ་མཚོན་དང་ཝ་ཚོ་སྒོ་བརྒྱག་མདུང་། །ཝ་ཚོ་མ་བརྒྱག་བྲོ་ཕྱེ་འཆོར། །གསུམ་གཡའ་བཙུན་ཁོན་མ་སྐྱེས་ཀྱི་མེ་

---

^{[མ་དཔེ་གཟིགས་ན་འདིར་གནོན།]}

ཚུགས་ཡིན། །གསུམ་གྱི་སྟེང་དུ་ཨ་ཁད་ན། །དྲོ་མལ་གསུམ་ལ་འཇིགས་མིག་མེད། །འབྲུག་ཐོག་མེ་ཡི་སེང་གེ་ཆས། །མི་རྟ་ཆུང་རབ་དཔའ་ལ་མགྱོགས། །བཞི་ཝེར་ཤམ་ཤེལ་ལྕགས་མེ་ཚུགས་ཡིན། །རྩེ་མ་བབ་ན་དྲོ་མལ་བཞིར་མི་འཇིགས། །འབྲུག་ཐོག་མེ་ཡི་སེང་གེ་ཆས། །ཀླུ་ཡི་ཝིང་མ་རྔམ་པ་ཡིན། །སྟག་དང་གར་མས་དཔའ་བླས་བྱེད། །བཞི་ལ་མོ་རྒོད་རྣམ་གསུམ་ན། །དྲོ་མལ་བཞི་ལ་འདྲོག་ཡར་འོང་། །ལྔ་གཉའ་རིང་སྲིན་གྱི་མེ་ཚུགས་ཡིན། །ལྔ་ལ་ཨ་ཁད་རྩེ་མ་དང་། །དྲུག་ལ་ཁྱུང་བརྒྱང་དངུལ་མདངས་ན། །དགྲ་ལྕེ་ཐུར་མས་བཏུལ་བ་ཡིན། །གྲོ་མལ་ལྔ་ལ་འཇིགས་མིག་མེད། །ལྔ་ལ་ཁ་ལང་ཆེན་མོ་ན། །གཉའ་རིང་རང་སྒ་གཏད་པ་ཡིན། །དྲུག་ལ་མོ་རྒོད་རྣམ་གསུམ་ན། །སྐུང་ལ་ཐོག་ཤལ་འོང་བ་ཡིན། །དྲུག་གཡའ་འབྲུམ་སི་ལིའི་མེ་ཚུགས་ཡིན། །ཨ་ཁད་རྩེ་མ་བབ་པ་ན། །དྲོ་མལ་དྲུག་ལ་འཇིགས་པ་མེད། །འབྲུག་ཐོག་མེ་ཡི་སེང་གེ་ཆས། །ཇག་པའི་སྐུད་ཕུད་བྱེད་ན་བཟང་། །དྲུག་ལ་མོ་རྒོད་རྣམ་གསུམ་ན། །ཕྱི་དྲོ་སྐུང་ལ་ཐོག་ཤལ་འོང་། །བདུན་གཡའ་སྤང་སྐྱེས་གཅིག་མེ་ཚུགས་ཡིན། །བདུན་ལ་ཨ་ཁད་རྩེ་མ་ན། །དྲོ་མལ་བདུན་ལ་འཇིགས་མིག་མེད། །ཆུ་སྤར་འབྲུག་ཐོག་མེ་ཡི་སེང་གེ་ཆས། །མོ་རྒོད་རྣམ་གསུམ་བབ་པ་ན། །དྲོ་མལ་བདུན་སར་འདྲོག་ཡར་འོང་། །བརྒྱད་ལྷ་བཙུན་དགྲ་བླའི་མེ་ཚུགས་ཡིན། །རྩེ་མ་བརྒྱད་ལ་འཇིགས་མིག་མེད། །འབྲུག་ཐོག་མེ་ཡི་སེང་གེ་ཆས། །ཝེར་མ་ཤ་ཁྲིའི་སྟེང་དུ་ལོང་། །ཟུན་སྟག་རུས་དགྲ་ཡི་སྟག་རུ་སོད། །མོ་རྒོད་བརྒྱད་ལ་འདྲོག་ཡར་འོང་། །དགུ་སྲིན་བཙན་བུ་དགུའི་མེ་ཚུགས་ཡིན། །རྩེ་མ་དགུ་སར་འཇིགས་མིག་མེད། །

---

^{[མ་དཔེ་གཟིགས་ན་འདིར་གནོན།]}

དགུ་ལ་འབྲུག་ཐོག་བཅུ་ལ་ཚོལ་ཚེ་བུ་བརྒྱག་ན། །དྲོ་མལ་དགུ་ལ་འཇིགས་མིག་མེད། །དགུ་ལ་བག་ཐོག་ལྡི་བུར་ན། །སྤྱང་མོ་ལ་ཉེ་ལོག་པ་ཡིན། །ཅོག་རོ་ཧོར་གྱིས་དགྲ་ངོ་ཡིན། །དེ་ལ་མོ་རྒོད་རྣམ་གསུམ་ན། །ཕྱི་དྲོ་སྐུང་ལ་ཐོག་ཤལ་འོང་། །བཅུ་འདི་དགྲ་བླའི་རྒྱལ་མོ་ནི། །ཇོ་དར་ཞེས་བྱའི་མེ་ཚུགས་ལ། །རྩེ་མ་མོ་རྒོད་གོང་ལྟར་དཔྱད། །འབྲུག་ཐོག་དུང་ཁྱུང་གྲེ་འབོད་གང་། །མགོ་དཔོན་བུ་མོས་བཙུགས་པ་ཡིན། །མོ་རྒོད་རྣམ་གསུམ་འཐོར་འདྲོག་འོང་། །བཅུ་གཅིག་དགྲ་བླ་འཕྱོ་བའི་མེ་ཚུགས་ལ། །རྩེ་མོ་བབས་ན་མེ་ཚུགས་སམ། །དྲོ་མལ་བཅུ་གཅིག་འཇིགས་མིག་མེད། །ཕྱི་སར་སློ་བྲག་ཏྲོང་གསུམ་ན། །དགྲ་བླར་འགྲོ་བའི་མི་གཅིག་སོད། །ལྟད་མོ་ལྟ་བའི་གནང་ཞིག་ཐོབ། །མོ་རྒོད་གསུམ་བབ་བཅུ་གཅིག་པའི། །དྲོ་མལ་དག་ལ་འཇིགས་པ་འོང་། །བཅུ་གཉིས་དམ་རྗེ་རྩོལ་པོའི་མེ་ཚུགས་ལ། །ཨ་ཁད་རྩེ་མ་བབས་ནས་སུ། །བཅུ་གསུམ་ཚོལ་ཚེ་བུ་བརྒྱག་ན། །དྲོ་མལ་བཅུ་གཉིས་ས་ལ་འཇིགས་མིག་མེད། །མོ་རྒོད་རྣམ་གསུམ་ཇག་པའི་ཕྱི་ལམ་ལད། །བཅུ་གསུམ་མཚུན་གྱི་མི་མགོན་དཀར་པོ་ཡི། །མེ་ཚུགས་འདི་ལ་ཨ་ཁད་རྩེ་མ་ན། །དྲོ་མལ་བཅུ་གསུམ་བར་དུ་འཇིགས་མིག་མེད། །འདི་ལ་ཚོལ་ཚེ་བུ་བརྒྱག་དང་། །ཆུ་སྤང་འབྲུག་ཐོག་ལྡི་བུར་ན། །སྤྱི་རྗེ་ཁྱུང་ཆེན་ཡེ་ལ་ཕྱོགས། །བྱ་ཁྱུང་དྲ་མ་ཀླུ་ལ་ཡག །མི་ཡི་སེང་གེ་སོ་ལ་ཆས། །ཇག་པ་ཡག་པའི་ཁ་པོ་ཡིན། །མེ་ཚུགས་བཅུ་གསུམ་འདི་དག་ཏུ། །ཨ་ཁད་རྩེ་མ་མེ་ཚུགས་དགྲ་བླ་ཡིན། །ཆུ་སྤར་འབྲུག་ཐོག་མེ་ཚུགས་ཝེར་མ་ཡིན། །ཚོལ་ཚེ་བུ་བརྒྱག་མེ་ཚུགས་རྫིའུ་ཡིན། །མོ་རྒོད་རྣམ་གསུམ་མེ་ཚུགས་འཇིགས་མིག་ཡིན། །དེ་རྣམས་གང་བབ་མེ་ཚུགས་ཀྱི། །བཟང་

---

^{[མ་དཔེ་གཟིགས་ན་འདིར་གནོན།]}

ངན་ཁ་དམར་གདགས་པར་བྱ། །ད་ནི་ལམ་གྱི་མན་ངག་བསྟན། །གཞི་ལ་འདུག་ནས་མོ་འདེབས་ན། །དྲུག་འདི་གསེར་བཙུན་འཕྲུལ་མོའི་ས། །གྲོ་ཕྱེ་རྫོང་ས་ཡིན་པས་ན། །མོ་མདུད་བཟང་པོ་བབ་པ་དགོས། །ལམ་དུ་ཞུགས་ནས་ཁྲི་ལམ་སྟོང་ཤོང་ཡིན། །ཡང་ན་དགྲ་ཆེན་རྐུང་ལུང་ཡིན། །དགྲ་ཡི་རུ་མགོ་མཐོང་དུས་ན། །དགྲ་ཁྱིམ་ནེ་གུ་བྱ་བ་ཡིན། །འཛུད་དཔུང་ཕྱེས་ནས་བརྩོན་ར་ནག་པོ་ཡིན། །དགུ་འདི་གཞི་ལ་འདུག་ཙ་ན། །དགུ་འང་དུང་ཆེན་མོ་བྱ་བ་ཡིན། །སྐུང་ལ་འདུག་ན་བྱ་ཁྱུང་སྟག་རུས་ཡིན། ལ་བཙས་བགོས་པ་ཕྱིན་ཆད་ནས། །ལབ་ཙེ་གསོལ་མཆོད་བྱེད་ས་ཡིན། །འཛུད་དཔུང་བྱེད་ན་ཟུན་གྱི་དམག་དཔོན་ས། །ལྔ་འདི་གཞི་ལ་འདུག་དུས་ན། །དགུ་འང་དུང་ཆེན་པོ་བྱ་བ་ཡིན། །གཏན་དུ་སེ་སྟོད་ངན་རིགས་དགོས། །སྐུང་ལ་འདུག་ན་སྐུང་ས་ཡིན། དེ་དུས་དར་ཀྱང་བཟང་བ་ཡིན། །སྐུང་ལ་འདུག་དུས་ལྔ་དགུ་ཆག་རོས་དགོས། །འཛུད་དཔུང་ཕྱེད་ཁར་ལྔ་དྲུག་ཆག་རེས་དགོས། །འཛུད་དཔུང་ཕྱེས་ནས་ལྔ་དར་བརྒྱད་ཆག་དགོས། །བཅུ་གཅིག་བཅུ་གསུམ་ནམ་ཡང་དར་དགོས་སོ། །ཕྱི་རྐུང་མས་འཛུད་མའི་མོ་འདེབས་ན། །བཅུ་གཅིག་བཅུ་གཉིས་ལན་བརྗེ་དགོས། །བཅུ་གསུམ་ལ་ནི་འགྱུར་བ་མེད། །གཞི་ལ་འདུག་པའི་གྲོ་ལམ་དྲུག །བྱེས་ཀྱི་གྲོ་ལམ་བཞི་ལ་བྱེད། །ལམ་དུ་ཞུགས་ནས་མགྲོན་ལམ་གསུམ། །སྔ་དྲོ་ཕར་ལ་འགྲོ་ན་གསུམ། །སྐུང་ལ་འདུག་པའི་མགོན་ལམ་བདུན། །ཚུར་ལ་འོང་དུས་མགྲོན་ལམ་བཅུ། །ཉིན་གཅིག་མགྲོན་ལམ་ཐང་གསུམ་འགྱུར། །ཚོལ་ཚེ་བུ་བརྒྱག་མགྲོན་སླེབ་ཡིན། །རང་སྙན་གལ་ལྟ་ཁྲ་བོ་ཡིན། །བག་ཆོ་ཕྱེ་དང་ཐུད་ཀྱི་ངོ་། །སྐྱམ་མ་ཟེ་བརྒྱག་ན་གྲོགས་ངོ་ཡིན། །རང་སར་གྲོག་ངོ་ཕྱི་

---

^{[མ་དཔེ་གཟིགས་ན་འདིར་གནོན།]}

སར་གཅོད་སྟར་བབ། །གྲོ་ཕྱེ་ཐོབ་ལ་བརྗེས་ན་ཤོར། །གཡའ་སྤང་མགྲོན་ལམ་དཔྱད་པ་ན། །ལྔ་ཡི་སོ་ཡོན་བདུན་བྱོད་ཕུར། །བྱེའུའི་སྤུ་གསེབ་བྱ་སྤུ་ལེན། །བུ་གཏིལ་རྩ་བ་དུས་གཅིག་ལོན། །བརྗེས་ན་ཕར་ལ་འཆོར་བ་ཡིན། །ལྔ་ལ་ཆུ་དོ་ལི་ཡན་དང་། །དྲུག་ཤ་རིང་མཁལ་མ་གློ་བརྒྱག་ན། །གཡའ་སྤང་ཡུལ་གཏིལ་ཟིན་པ་ཡིན། །བརྗེས་ན་ཕར་ལ་ཤོར་བའི་ངོ་། །ལྔ་ལ་ལི་ཡན་བརྒྱད་ལ་བྱ་ཕུར་བརྒྱག །དགྲ་ཡི་སྲབ་མདའ་ལག་ཏུ་ཚུད། །བརྗེས་ན་ཕར་ལ་ཤོར་བ་ཡིན། །དེ་སོགས་དགྲ་ལ་ཤ་ལེན་སོགས། །གཏིལ་རྩོད་བཟང་ངན་སྤྲོས་ཏེ་དཔྱད། །ཇག་པ་ལམ་དུ་ཞུགས་ནས་ཀྱང་། །སྐུང་གི་གནས་ཚུལ་དཔྱད་པ་ན། །གསུམ་འདི་སྔ་དྲོའི་སྐུང་ས་ཡིན། །གཉིས་ལ་རུ་སོད་ཁ་ལེ་ནས། །གསུམ་ལ་མ་ཟེ་སྡེ་བཞི་ན། །སྔ་དྲོ་སྐུང་ལ་ཐོག་ཤལ་འོང་། །ཁྲ་རྒྱས་བཀབ་པ་བཞིན་ཏུ་འགྲོ། དྲུག་འདི་ཉིན་ཕྱེད་སྐུང་ས་ཡིན། །ལྔ་ལ་བྱིལ་མིག་སྟག་སྤུངས་ནས། །དྲུག་ལ་མ་ཟེ་སྡེ་བཞི་ན། །ཉིན་ཕྱེད་སྐུང་ལ་ཐོག་ཤལ་འོང་། །ཁྲ་རྒྱས་བཀབ་པ་བཞིན་ཏུ་འགྲོ། །བཅུ་འདི་ཕྱི་འཕྲེད་སྐུང་ས་ཡིན། །དགུ་ལ་ན་འབན་བཅུར་མ་ཟེ། །ཕྱི་འཕྲེད་སྐུང་ལ་ཐོག་ཤལ་འོང་། རྐུང་ལ་འདུག་དུས་འདི་རྣམས་བབ། །དགྲ་བྲུབ་བྱས་ལ་སོ་པ་བརྗེ། །ཡང་གཉིས་ཀྱི་སྐྱེར་བྱ་དཀར་མོ་ལ། །གསུམ་ལ་དིང་དིང་བརྒྱག་ཅན་ན། །ཁྱི་མོ་ཚང་མས་རང་སྒོ་བསྲུང་། །ནུབ་གཅིག་སྐུང་སར་དགྲ་མེད་ཡིན། །མཚན་གྱི་དྲོད་མཁན་ཟླ་བ་ཡིན། །དགུ་ཡི་བྱ་ཡུན་དང་རྩེ་དང་། །བཅུ་ཡི་དིང་དིང་བརྒྱག་ཅན་ན། །རྐྱ་བཀྲ་ཧོར་པས་རང་སྒོ་བསྲུང་། །ཉིན་པར་སྐུང་སར་དགྲ་མེད་ཡིན། །ཉིན་གྱི་དྲོང་མཁན་ཉི་མ་ཡིན། །ཡང་བཅུའི་བྱ་ཡུན་ཉིན་གྱི་སྐུང་ས་ཡིན། །ཉིན་པར་སྐུང་ལ་དགྲ་མི་འོང་། །དྲུག་གི་བྱ་ཡུན་མཚན་གྱི་སྐུང་ས་

---

^{[མ་དཔེ་གཟིགས་ན་འདིར་གནོན།]}

ཡིན། །ནུབ་མོ་སྐུང་སར་དགྲ་མི་འོང་། །གཉིས་སྐྱེར་བྱ་ནུབ་གཅིག་སྐུང་དགྲ་མེད། །ཁྱི་མོ་ཚང་མས་རང་སྒོ་བསྲུང་། །གཉིས་ཨ་ཁད་རྩེ་མ་སྒོ་སྲུང་སྟག་གིས་བྱས། །གཉིས་བག་ལྡི་གསེར་གྱི་འུག་པས་སྒོ་སྲུང་བྱས། །འདི་རྣམས་ནུབ་གཅིག་སྐུང་དགྲ་མེད། །ཡང་ལྔ་ཡི་སྟེང་གི་རུ་སོད་དེ། །གཡུ་ཡི་ཕོ་རོག་ཉིན་གྱི་བྱ་ར་བྱེད། །དགུ་ཡི་བྱ་ཡུན་དཀར་མོ་དེ། །དུང་གི་ལྕོག་གས་ཉིན་གྱི་བྱ་ར་བྱེད། །ཉིན་པར་སྐུང་ལ་དགྲ་མེད་ཡིན། །གཞི་བྱེས་ཁྱད་པར་མེད་པར་ནི། །ནུབ་གཅིག་དགྲ་མེད་བཤད་པ་ལ། །གཉིས་ལ་ཨ་ཁད་རྩེ་མ་སྐྱེར། །སྐྱིན་དིང་བརྒྱ་གཅན་དེ་རྣམས་བབ། །སྒོ་སྲུང་ཡིན་པས་དགྲ་མེད་དོ། །ལྔ་ལ་བག་ལྡི་དིང་དིང་བྱོད་ཕུར་དང་། །སྐྱིན་དིང་སོ་ཡོན་སྐྱམ་དང་སྐྱེར། །གལ་བར་བབ་ན་ནུབ་གཅིག་དགྲ་མེད་ཡིན། །དེ་རྣམས་གང་བབ་དེ་ཕན་མདུད་མི་དགོས། །བཅུ་གཉིས་དམུ་དག་སྒོ་བརྒྱག་དང་། །ཚོལ་ཚེ་དིང་དིང་སྐྱིན་དིང་སྐྱེར། །གལ་བར་བབ་ན་དཔུང་ཆུང་གི ། མགྲོན་རེས་གཅིག་ལ་རྫིའུ་ཡིན། །དམག་ཆེན་ཡིན་ན་ཞག་གཅིག་ལས་མིན་ནོ། །རྐང་སྤར་ལྡི་བུར་ཡུལ་པས་མི་ཚུགས་རྫི། །ཆུ་སྤར་ལྡི་བུར་ངམ་གྱིས་མི་ཚུགས་ལ། །སང་ཁམས་དགྲ་བླས་མི་ཚུགས་རྫི། །འདི་རྣམས་གང་བབ་མི་ཚུགས་ཀྱི། །བར་དུ་སྐྱོན་མེད་ཁ་དམར་ཐོགས། །ཡང་གཞི་ཕྱྭ་སོགས་ལ་མཁོ་བ་ཡི། །སྤྱིར་བཏང་སོ་སྐུང་ཉི་ཤུ་བཤད། །གཅིག་དང་བརྒྱད་ལ་དིང་དིང་ནས། །བཅུ་གཅིག་རྐང་སྔར་དུང་སྒོང་ན། །ཏི་སེ་གངས་ཀྱི་གཏིང་རུམ་ན། །སེང་གེ་དཀར་མོའི་སོ་སྐུང་ཚུགས། །ཡ་རབ་རྒྱལ་རྒྱུད་དག་ལ་བཟང་། །གཅིག་བརྒྱད་དིང་དིང་གཞིར་བཞག་ནས། །བཅུ་གཅིག་སྟེང་དུ་བབ་ལུགས་ལ། །ཨ་ཁད་རྩེ་མ་ནགས་ལ་རྒྱ་སྟག་དང་། །ཡར་ལྡིང་དཔའ་

---

^{[མ་དཔེ་གཟིགས་ན་འདིར་གནོན།]}

བོ་མཁའ་ལ་གཡུ་འབྲུག་དང་། །བྱ་བུར་སྤང་ལ་ཉིག་རི་དང་། །མུ་ས་དིལ་དཀར་རི་ལ་ཡུ་མོ་དང་། །སུམ་མཉམ་གླག་མོ་རི་སུལ་ལྕགས་སྤྱང་དང་། །ཝ་ལྡི་བུ་བརྒྱག་ཝ་མོ་མཚལ་ལུ་དང་། །སྐྱེར་བྱ་དཀར་མོ་ཤིང་ལ་ནེའུ་ལེ་དང་། །གསེར་བྱ་ཟུར་ཐིག་མཚོ་ལ་ངང་པ་དང་། ཝ་སྐྱམ་བུ་བརྒྱག་མཚོ་ལ་མཚོ་སྨན་དང་། །ཆུ་སྤར་འབྲུག་ཐོག་ཆུ་ལ་ཆུ་སྲིན་དང་། །བྱ་བུར་གསེར་ཐིག་གཡའ་ལ་ཨོག་དཀར་དང་། །ཝ་ཚོ་ཁྲ་རྒན་བྲག་ལ་གཟིག་མོ་དང་། །ཤང་རྩེ་རུ་དཀར་བྲག་ལ་གང་དབྱི་དཀར། །ཀྱེ་བ་སད་ཁད་བྲག་རིར་དྲེད་མོང་དང་། །རུ་སོང་ཁ་ལེ་རྫ་རིར་འབྲོང་མོ་དང་། །གལ་བར་ཐོད་དཀར་རི་ལ་གླང་པོ་དང་། །སྤོ་ཚེ་མདོང་བུ་ཐང་ལ་རྐྱང་བུ་དང་། །སྐྱེར་སྨད་བུ་བརྒྱག་མཚོ་ལ་ཉ་མོ་དང་། །བྱ་རལ་རིན་ཆེན་ནགས་ལ་གསེར་སྤྲེལ་ཏེ། །དེ་དག་སོ་སོའི་སོ་སྐུང་ཚུགས། །གཞན་ཡང་བཅུ་གཅིག་བཟང་སྡེའི་རིགས། །གང་བབ་དེ་ལྟར་བསྒྲེས་ཏེ་དཔྱད། །གཞི་མགྲོན་ཇག་པ་ལ་སོགས་པར། །སོ་སྐུང་ཚུགས་ན་སྲོག་ཕྱྭ་བཙན། །ཡང་ཇག་པའི་སྐུངས་ཀྱི་དམིགས་བསལ་ལ། །ཁ་ལང་ཉ་ལང་དཔྱད་པ་ནི། །གཅིག་གི་ཁ་ལང་ཆེན་མོ་ན། །བསེ་ཡི་གླག་ནག་དགྲ་ལ་ཆས། །གཞི་འཛིན་གྱི་ནི་དཔའ་བླས་བྱེད། །གཉིས་ལ་སེ་སྟོད་ངན་རིགས་ན། །གླག་གི་ཕྱི་སྡེར་ཁྲག་ལ་ནུབ། །དགྲ་བོའི་བུ་ཚ་བུད་མེད་སོད། །དེ་བཞིན་ཁ་ལང་ཆེན་མོ་འདི། །བཅུ་གསུམ་བར་དུ་བབ་ཚུལ་ལ། །གཉིས་རྒྱ་བོད་ཟམ་སོར་སྒང་ཐུང་ཆས། །དེའི་གསུམ་ལ་མོ་རྒོད་རྣམ་གསུམ་ན། །སྔ་དྲོ་སྐུངས་ལ་ཐོག་ཤལ་འོང་། །སྐུང་ས་སྤོས་ལ་སོ་པ་བརྗེས། །གསུམ་རྒྱ་སྟག་ཕྲུ་གུ་ཚང་ནས་བུད། །མི་རྟ་ཆུང་རབ་དཔའ་ལ་མགྱོགས། །དེ་ཡི་བཞི་ལ་གློག་དམར་ན། །བྲག་ལ་སྟག་གཟིག་རྩེད་མོ་རྩེ། །ཉིན་གྱི་སྐུང་ས་བརླིང་བ་ཡིན། །

---

^{[མ་དཔེ་གཟིགས་ན་འདིར་གནོན།]}

ཟུན་གྱི་དཔའ་བོ་དགྲ་ལ་ཆས། །བཞི་གཡུ་མཚོར་གཡུ་འབྲུག་ཞག་ས་བབས། །སྟག་དང་གར་མ་གཉིས་ཀ་དཔའ། །དེ་ཡི་ལྔ་ལ་སྐྱམ་ནག་སེ་སྟོད་ན། །འབྲུག་ཟེ་བ་དགྲ་ཡི་ཁྲག་ལ་ནུབ། །དགྲ་ཡི་གཞོན་ནུ་གར་མ་སོད། །སྐུང་ལ་ཐོག་བཤལ་མི་འོང་ངོ་། །ལྔ་གཉའ་རིང་ར་རྒན་བསྡད་པ་ཡིན། །དེ་ཡི་དྲུག་ལ་མོ་རྒོད་རྣམ་གསུམ་ན། །ཉིན་ཕྱེད་སྐུང་ལ་ཐོག་ཤལ་འོང་། །དྲུག་གསེར་བྲག་མཚལ་གླག་ལ་ཉེ་བྱེད། །དགྲ་བོའི་མདའ་མོ་རྒྱན་བཅས་ཐོབ། །སྐུང་ལ་ཐོག་ཤལ་མི་འོང་ངོ་། །བདུན་ཕུ་བོ་བས་ཀྱང་ནུ་བོ་དཔའ། །ཟུན་གྱི་དཔའ་བོ་དགྲ་ལ་ཆས། །བརྒྱད་རྟ་གཡུང་དྲུང་ཅན་གྱིས་བདུད་རྩི་ལོན། །དེའི་བརྒྱད་རྐང་སྤར་ལྡི་བུར་ན། །དབུས་ཀྱི་བྲག་དམར་བསམ་ཡས་ལ། །རྒོད་གླག་མ་བུ་རོལ་མོ་བྱེད། །གྲོགས་དང་ཕ་སྤུན་གཉིས་ཀ་དཔའ། །སྐུང་ལ་ཐོག་ཤལ་མི་འོང་ངོ་། །བརྒྱད་ལིང་ཤ་དགྲ་ལ་ཆས་པ་ཡིན། །དེ་ཡི་དགུ་ལ་སྐྱམ་ཟེ་ན། །ཀར་མ་བི་ཤྭས་བིང་ཆེན་བསྒྲིལ། །ལྷ་མིན་གཡུལ་ངོ་བཟློག་པ་ཡིན། །དགྲ་སོད་ནོར་ཐོབ་སྐུང་མི་འཇིགས། །དགུ་སྲིན་གྱི་ཟངས་རི་དིལ་ཆེན་ལ། །སྲིན་བྱ་འུག་པ་སོ་ལ་ཆས། །སྲིབ་ཀྱི་ཤང་ཁ་ལང་ལང་ལ། །མགོ་དམར་ཅན་གྱི་དགྲ་ངོ་ཡིན། །བཅུ་ལ་མོ་རྒོད་རྣམ་གསུམ་ན། །ཕྱི་དྲོ་སྐུངས་ལ་ཐོག་ཤལ་འོང་། །སྐུང་ས་སྤོས་ལ་སོ་པ་བརྗེས། །བཅུ་དགུང་ལ་གཡུ་འབྲུག་གསུང་སྐད་སྒྲོགས། །གླང་པོ་ཆེ་ལ་སྐེ་བེམ་རྒྱས། །ཁྱིམ་ལྟག་ཡོད་རི་དིལ་དཀར་ལ། །གར་མ་ཇག་པས་ནོར་བགོས་ཡིན། །དེའི་བཅུ་གཅིག་གལ་བར་ཐོད་དཀར་ན། །ཟུན་གྱི་དཔའ་བོ་དགྲ་ལ་ཆས། །དེའི་བཅུ་གཉིས་སློ་བྲག་ཏྲོང་གསུམ་ན། །མི་ཆེན་སོད་ལ་ནོར་ཆེན་ཐོབ། །བཅུ་གཅིག་དགྲ་བླའི་དུང་བྲག་ནས། །གཡུ་འབྲུག་སྔོན་མོའི་ཟེ་བ་བདར། །དེ་ཡི་

---

^{[མ་དཔེ་གཟིགས་ན་འདིར་གནོན།]}

བཅུ་གཉིས་སློ་བྲག་ན། །འབྲུག་ཟེ་བ་དགྲ་ཡི་ཁྲག་ལ་ནུབ། །ཐང་གང་མི་སོད་ཤོག་གང་ནོར་ལོན་ཡིན། །བཅུ་གཉིས་ཡེ་ངམ་ས་མཚམས་དེར། །སྤྱང་མོ་དུན་མ་སོ་ལ་ཆས། །བྱང་འབང་ལུང་གཡོན་མར་ར་མདའ་ལང་། །དེ་ཡི་བཅུ་གསུམ་སོ་བྲག་ན། །ཟུན་ཁྲག་དགྲ་ཡི་སྔོན་དུ་འཐོར། །ཇག་པའི་ཕྱི་ལམ་ལད་པ་ཡིན། །བཅུ་གསུམ་སྨོན་པའི་སྙུག་རི་ལ། །དགྲ་བླའི་བྱ་ཁྱུང་རོལ་མོ་བྱེད། །བྱེས་ཀྱི་གཏམ་སྙན་ཁྱིམ་དུ་སྒྲོགས། །ལར་ཁ་ལང་བྱང་སྣམ་ཆེན་མོ་འདི། །དགྲ་བླའི་གཡུ་འབྲུག་སྐད་གྲགས་ཡིན། །གལ་བར་བཀྲ་ཆུང་གུར་བཀྲ་འདི། །གླང་ཆེན་ས་ལ་རབ་བརྟན་ཡིན། །འདི་གཉིས་སྲིད་པ་བརྟན་པའི་དགྲ་བླ་ཡིན། །རང་སའི་བཙན་སར་བབ་པ་ན། །རྐུང་ལ་ཐོག་བཤལ་མི་འོང་ཞིང་། །སྐུང་མི་འདྲོག་པ་ཡི་རྫིའུ་ཡིན། །ཕྱི་བཞིར་སྐུང་ཐོག་དགྲ་འོང་ཞིང་། །བྲུང་ཐོག་ཁྱི་ཡིས་བརྫི་པས་ན། །སྐུང་ས་སྤོ་ལ་སོ་པ་བརྗེ། །དགྲ་བྲུབ་བྱས་ལ་བྱེས་ལྷ་མཆོད། །ད་ནི་མ་ཟེ་འོལ་འོལ་དཔྱད། །གཅིག་ལ་མ་ཟེ་གླག་མིག་ནས། །གཉིས་ལ་སྤོ་བར་སློ་བརྒྱག་ན། །མཚལ་བུ་སྟེང་དཀར་ཐོབ་པ་ཡིན། །དེ་བཞིན་གཉིས་ལ་འདི་ལྟ་སྟེ། །སྐྱམ་བྲག་རུ་སོད་ནག་པོ་མདངས་ཅན་དང་། །སྐྱམ་བྲག་སེ་སྟོད་མོག་རོ་གཡུང་དྲུང་ཅན། །བྱ་མེད་ངང་ངུར་ལྟ་བུ་འཐོབ། །ཏྲོང་དང་སེ་སྟོད་མར་ཞུར་མདངས་ཅན་ཐོབ། །བྱ་རལ་ལུམ་གསུས་བྲ་རྐྱང་གཞུང་ཁྲེལ་ཐོབ། །ཕུང་ཁད་རག་པ་སྟག་རལ་ཐོབ། །ཨ་ཁད་དམར་པོ་མེ་ལྕེ་ཁ། །དེ་རྣམས་གསུམ་ལ་བྱ་ཡུན་གཡས་བརྒྱག་དགོས། །བབ་ལན་བརྗེས་ན་དེ་འདྲ་ཕར་ལ་འཆོར། །བཞི་དང་ལྔ་ཡང་དེ་དང་འདྲ། །བརྒྱད་དགུ་བཅུ་གཅིག་བཅུ་གཉིས་ཀྱང་། །དེ་དང་འདྲ་བར་དཔྱད་པར་བྱ། །ཡང་གཅིག་གཡའ་སྤང་ལོན་རྙེད་སོགས། །ཇག་མགྲོན་མན་ངག་འགའ་ཞིག་

---

^{[མ་དཔེ་གཟིགས་ན་འདིར་གནོན།]}

བཤད། །གཡའ་སྤང་ལོན་བདུན་དཔྱད་པ་ན། །བདུན་གྱི་བྱོད་ཕུར་གཞིར་བཞག་ནས། །བརྒྱད་ཀྱི་སྟེང་དུ་བབས་ལུགས་ལ། །ཨ་ཁད་རྩེ་མ་སྟག་ལ་མོ་ཟུང་ལོན། །ཁ་ལེ་འབྲོང་ལ་བེམ་ཤ་ལོན། །བྱ་ཡུན་དཀར་མོ་བྱ་རྒོད་དང་རུ་ལོན། །ཁྱུང་བརྒྱད་དངུལ་མདངས་ཁྱུང་ལ་མེ་ཏོག་ལོན། །ཝ་རི་དོག་ཚང་ཝ་ལ་ཁ་སྤུ་ལོན། །སྐྱམ་གྱི་བུ་བརྒྱག་གཟིག་ལ་ཐིག་ལེ་ལོན། །སྐྱིན་དིང་གཡུ་ཐོག་ས་ནས་གསེར་ལོན་ཡིན། །གཞན་ཡང་བཟང་སྡེ་གང་བྱུང་དེ་དཔལ་ལོན། །དེ་རྣམས་གང་དང་གང་བབ་ཀྱང་། །དགུ་ལ་ཚོལ་ཚེ་ལུག་གུ་ན། །ལོན་པ་ཡང་དག་དེ་ལ་ཟེར། །ཝ་སྣ་བུང་ཚང་དཔྱད་པ་ནི། །གཅིག་ལྡི་བུར་གཉིས་ལ་བྱ་རལ་ན། །ཟུན་གྱི་ཝ་མོ་སྣ་ནག་མས། །དགྲ་ཡི་བུང་ཚང་ཆུང་བ་རྫོགས། །གསུམ་ལ་ཚོལ་ཚེ་ལུག་གུ་ན། །རྫོགས་པ་ཡང་དག་དེ་ལ་ཟེར། །དེ་བཞིན་བཞི་ལྔ་འབྲིང་པོ་སྟེ། །དྲུག་ལ་ཚོལ་ཚེ་བརྒྱག་ན་ངེས། །བརྒྱད་དགུར་འབྲིང་པོ་བཅུ་ཚོལ་ཚེ། །བཅུ་གཅིག་བཅུ་གཉིས་ཆེ་བ་སྟེ། །བཅུ་གསུམ་ཚོལ་ཚེ་ལུག་གུ་བབ་ན་ངེས། །ད་ནི་ཀུ་ཀུ་ཤ་ཆང་བཤད། །བཅུ་ལ་དཀར་ཐོག་བབ་པ་གཞིར་བཞག་ནས། །གཉིས་ལ་གང་བབ་དཔྱད་པ་ལ། །ཨ་ཁད་རྩེ་མ་རྒྱ་སྟག་ཤ་ཆང་གང་། །གློག་དམར་རི་སྤྱང་ཁ་ལེ་འབྲོང་བུ་དང་། །སྤོ་མ་ཟེ་མི་དྲེད་ངོ་དམར་དང་། །བྱ་ཡུན་དཀར་མོ་དུང་ཁྲ་དཀར་མོ་སོགས། །སྦྱར་ལ་བྱ་བུར་གསེར་ཐིག་དང་། །བྱ་རལ་རིན་ཆེན་ཁྱུང་བརྒྱང་དངུལ་མདངས་དང་། །དགོ་ཚང་སྐྱམ་གྱི་བུ་བརྒྱག་དང་། །རྐང་སྤར་དུང་སྒོང་ལ་སོགས་པ། །ཝེར་མ་དེ་དང་དེ་དག་ནི། །ཤ་ཆང་གང་ཞེས་རྙེད་ངོ་ཡིན། །ཁྱད་པར་རྐུན་མ་སོགས་ལ་བཟང་། །ཡང་གཉིས་དང་བཅུ་ཡི་དཔྱད་དེ་ནི། །རྒྱ་སྟག་མཆན་གྱི་བུ་ཟིན་

---

^{[མ་དཔེ་གཟིགས་ན་འདིར་གནོན།]}

སོགས། །དཔྱད་པ་ཕར་ཆེར་འདྲ་བ་ཡིན། །བརྗེས་ན་ཕར་ལ་ཤོར་ཏེ་ངན། །ད་ནི་བག་ཚོ་འཛུམ་དྲུག་བཤད། །ཧྲང་ཟེ་ལྔ་བསྟུད་ལན་དུ་ནི། །བག་ཚོ་སྤུན་གསུམ་གང་བབས་ཀྱང་། །སྦང་དཀར་ཤིང་རྩེ་རྟ་ལ་འཛུམ། །རྟ་བརྒྱ་བོང་དང་བཅས་པ་ཐོབ། །དེ་ནང་ཁམས་པ་བཞི་རྒྱང་ཡོད། །དེ་མོ་མ་ང་ཡི་མོ་ཡོན་ཡིན། །རུ་སོད་ལྔ་བསྟུད་ལན་བག་ཚོ། །བྲེ་བོ་རུ་ཅན་འབྲི་ལ་འཛུམ། །འབྲི་མ་བརྒྱ་བུ་བརྒྱ་ཐོབ་པ་ཡིན། །མཛོ་ཁྱུང་དཀར་སྣ་མདོ་དཀར་བ་དེ། །མོ་མ་ང་ཡི་མོ་ཡོན་ཡིན། །ཚོལ་ཚེ་ལྔ་བསྟུད་ལན་བག་ཚོ། །ཡོ་བྱའི་རྒྱལ་པོ་ལུག་ལ་འཛུམ། །ལུག་མ་བརྒྱ་བུ་བརྒྱ་ཐོབ་པའི་ནང་། །ཁྲོམ་པོ་སྔོ་ཡུ་མོ་ཡོན་དགོས། །ཙེ་ར་ལྔ་བསྟུད་བག་ཚོ་ན། །རྣོ་མཚོན་གངས་དང་དབྱིག་ལ་ཡོད། །དེ་རེས་རྣོ་མཚོན་མང་པོ་ཐོབ། །རལ་གྲི་ཡུ་དམར་ངེད་ལ་དགོས། །དམུ་དག་ལྔ་བསྟུད་བག་ཚོ་ན། སྣ་ཐག་ཅན་གྱིས་མཆང་བ་གང་། །ཡུ་མོ་སྣ་ཅན་མོ་ཡོན་དགོས། །ཡར་ལྡིང་ལྔ་བསྟུད་བག་ཚོ་ན། །ཁྲབ་དཀར་མ་ཐོབ་དགུ་ཐོབ་ལ། །གསེར་ཝ་གཞུང་ཐུར་ཅན་དེ་མོ་ཡོན་དགོས། །ཡང་ཞོན་པ་མི་བཞི་བཤད་པ་ན། །བཅུ་གཅིག་སྟེང་དུ་དཔྱད་པ་སྟེ། །མ་ཟེ་ཨོག་དམར་རང་རྩེ་ཤ་བ་ཞོན། །ཨ་ཁད་རྩེ་མ་གེ་སྟོད་སྟག་ལ་ཞོན། །ཤང་རྩེ་རུ་དཀར་དམུ་མཐུར་རྐྱང་ལ་ཞོན། །ཁྱུང་བརྒྱང་མཚལ་ཐིག་ཡོ་བྱ་འདབ་དྲག་ཁྱུང་ལ་ཞོན། །དེ་ཁས་དྲག་ཞོན་པ་མི་བཞི་ཡིན། །སྐྱམ་མ་ཟེ་སྒོ་བཞི་དཔྱད་པ་ན། །གཅིག་སྐྱམ་མ་ཟེ་གཉིས་ལ་ནི། །ཨ་ཁད་སྒོ་བརྒྱག་ཤར་དུ་སོང་། །དགྲ་ཡི་རུ་བ་བཤད་མིར་ཕྲད། །དེ་བཞིན་བཞི་ལྔ་སོགས་ལ་འགྲེ། །ད་ནི་ཚང་བུད་དཔྱད་པ་ལ། །བཞི་དར་ལྔ་ཆག་ཚང་བུད་ནི། །ཁྱིམ་དུ་བབ་ན་ཆ་རན་ཡིན། །བྱེས་སུ་བབ་ན་འགྲོ་རན་ཡིན། །སྐུངས་སུ་བབ་ན་བཏེགས་རན་

---

^{[མ་དཔེ་གཟིགས་ན་འདིར་གནོན།]}

ཡིན། །རྒྱུག་ཁར་བབ་ན་རྒྱུག་རན་ཡིན། །འཇབ་ཁར་བབ་ན་འཇབ་རན་ཡིན། །འདབ་ཆགས་རྣམས་ཀྱི་ཚང་བུད་ནི། །ཚང་མ་རྣམས་ཀྱི་ཆུང་བ་ཡིན། །ལྔ་དར་དྲུག་ཆག་ཚང་བུད་ནི། །འཛུད་དཔུང་ཕྱེ་ཁའི་ཚང་བུད་ཡིན། །སང་དང་བྲག་ཆེན་ཚང་བུད་གཡུལ་སྤྲོད་ཡིན། །ཚང་བུད་ནང་གི་ཆེ་བ་ཡིན། །ཚང་བུད་ནམ་བྱུང་ཕར་ལ་རྒྱུག་པ་གཅེས། །ད་བཞི་དར་ལྔ་ཆག་ཚང་བུད་བཤད། །བཞི་ལ་ཁྱུང་བརྒྱང་དངུལ་མདོང་ནས། །ལྔ་ལ་བྱ་རལ་ལུམ་གསུས་ན། །ཕོ་ལྷ་བྱ་དཀར་ཚང་ནས་བུད། །ཁམས་པ་འདྲེས་པ་ཁྱུ་གཅིག་ཐོབ། །བཞི་གློག་དམར་ལྔ་ལ་སྐྱམ་སེ་སྟོད། །དུང་ཁྲ་ཧོར་པ་ཚང་ནས་བུད། །དམར་པོ་འདྲེས་པ་ཁྱུ་གཅིག་ཐོབ། །དེ་བཞིན་བཞི་ལྔ་སྦྱང་ནས་སུ། །བྱ་ཡུན་དཀར་མོ་བྱ་མེད་སེ་སྟོད་ན། །ཐང་དཀར་ཚང་བུད་ཟག་ཞུར་འདྲེས་པ་ཐོབ། །བྱོད་ཕུར་ལང་ང་ལིང་ཆུང་སེ་སྟོད་ན། །སྦྲང་བུ་ཚང་བུད་སེར་པོ་འདྲེས་པ་ཐོབ། །སྐྱིན་དིང་གཡུ་ཐོག་བྱ་མེད་སེ་སྟོད་ན། །འུག་པ་ཚང་བུད་ངང་སེར་འདྲེས་པ་ཐོབ། །ནག་ཆུང་ཟལ་ཟལ་ཕུང་བར་ཨ་ཁད་ན། །སྐྱ་ག་ཚང་བུད་ཟལ་ཟལ་འདྲེས་པ་ཐོབ། །རུ་སོད་ཁ་ལེ་སྐ་བྲག་རུ་སོད་ན། ཕོ་རོག་ཚང་བུད་ནག་པོ་འདྲེས་པ་ཐོབ། །གལ་བར་ཐོད་དཀར་ནེ་ཆུ་སེ་སྟོད་ན། །འོལ་བ་ཚང་བུད་བྲ་རྐྱང་འདྲེས་པ་ཐོབ། །དིང་དིང་བྱ་ཤིང་བྱ་མེད་སེ་སྟོད་ན། །ཕ་ཝང་ཚང་བུད་གྲོ་བོ་འདྲེས་པ་ཐོབ། །འདི་རྣམས་གང་དང་གང་བབ་ཀྱང་། །མི་འགྱུར་རྟགས་སུ་བྱ་ཡུན་དཀར་མོ་དགོས། །བརྒྱད་བྱ་ཡུན་དཀར་མོ་ཚང་ནས་བུད། །བརྒྱད་བྱ་ཡུན་བརྒྱག་མེད་ཚང་སྒོར་བུད། །བདུན་ལ་བྱ་ཡུན་དཀར་མོ་ན། །ཚང་སྒོར་བུ་ལ་བསྣུན་པ་ཡིན། །བརྒྱག་མེད་ཚང་སྒོར་འདུག་པ་ཡིན། །སྙིགས་མ་གང་བབ་ཚང་དུ་རུལ། །ཚང་ནས་

---

^{[མ་དཔེ་གཟིགས་ན་འདིར་གནོན།]}

བུད་ན་དོ་ནུབ་རྒྱུག །ཚང་སྒོར་བུད་ན་སང་ནུབ་རྒྱུག །ཚང་དུ་བུ་བསྣུན་གནང་ནུབ་རྒྱུག །ཚང་སྒོར་འདུག་ན་གཞེས་ནུབ་རྒྱུག །ཚང་དུ་རུལ་ན་རྒྱུག་མི་གྲུ། །ཡང་ལྔ་དར་དྲུག་ཆག་ཚང་བུད་བཤད། །ལྔ་གློག་དམར་དྲུག་ལ་སྐྱམ་སེ་ན། །དུང་ཁྲ་ཧོར་པ་ཚང་ནས་བུད། །དགྲ་མི་དཔའ་བོ་སོད་ནས་སུ། །ཁམས་མདངས་འདྲེས་པ་ཁྱུ་གཅིག་ཐོབ། །དེ་བཞིན་ལྔ་དང་དྲུག་མལ་ལ། །བྱ་ཡུན་དཀར་མོ་བྱ་མེད་སེ་སྟོད་ན། །ཐང་དཀར་ཚང་བུད་ཡ་རབ་བུ་སོད་ནས། །ཟག་དཀར་འདྲེས་པ་ཁྱུ་གཅིག་ཐོབ། །ཁྱུང་བརྒྱང་དངུལ་མདངས་བྱ་རལ་ལུམ་གསུས་ན། །ཕོ་ལྷ་བྱ་དཀར་ཚང་ནས་བུད། །ཡ་རབ་མིང་ཡིག་ཁྱུང་ལས་དྲས་པ་སོད། །ཁམས་མདངས་འདྲེས་པ་ཁྱུ་གཅིག་ཐོབ། །ཨ་ཁད་རྩེ་མ་བྱ་རལ་ལུམ་གསུས་ན། །སྒོམ་ཁྱེར་ཕ་ཝང་ཚང་ནས་བུད། །དཔའ་མིང་སོད་ནས་མཚལ་བུ་ཐོབ། །རྐང་སྤར་ལྡི་བུར་བག་ལྡི་བྱ་མེད་ན། །དུང་ཁྲ་ཧོར་པ་ཚང་ནས་བུད། །བོན་པོ་སོད་ལ་གྲོ་སྔོན་ཐོབ། །རུ་སོད་ཁ་ལེ་རུ་སོད་ངན་རིགས་ན། །ཕོ་རོག་ནག་པོ་ཚང་ནས་བུད། །མི་འགྲུ་ཚ་སོད་ནས་རྟ་ནག་ཐོབ། །ལྔ་ལ་མ་ཟེ་གླག་མིག་དང་། །མ་ཟེ་གཡུ་ཡི་ཆུ་མིག་བབ། །དྲུག་ལ་སྐྱམ་བྲག་བྱ་རལ་ན། །བསེ་གླག་ཚང་བུད་བཙན་ལས་དྲས་པ་སོད། །རྟ་ནི་སེ་པོ་སྤུ་གསུམ་ཐོབ། །ལྔ་ལ་རུ་སོད་ཁ་ལེའམ། །ཡང་ན་རེ་སེ་ཀྱུ་ནེ་ནས། །དྲུག་ལ་བག་གི་ལྡི་བུར་བབས། །ཀླུ་སྦྲུལ་ཚང་བུད་ཀླུ་ལས་དྲས་པ་སོད། །སྨུག་པོ་རྣ་རྐྱ་འདྲེས་པ་ཐོབ། །པ་ཙ་ལ་རྔམ་ཕུད་སྐྱམ་སྐྱམ་སྔོན་ན། །རྒྱ་སྟག་ཚང་བུད་དཔའ་ལས་དྲས་པ་སོད། །རྟ་ནི་རག་པ་སྟག་ལག་ཐོབ། །ཁ་ཟེ་ཀླད་དམར་ཐང་ལེ་སྣ་དམར་ན། །དོམ་ནག་ཚང་བུད་མི་ནག་སོད། །རྟ་ནག་མདངས་འདྲེས་པ་ཁྱུ་གཅིག་ཐོབ། །ཛ་ཝང་ཛུ་ཝང་སུམ་མཉམ་སྒོ་བརྒྱག་ན། །གཡུ་འབྲུག་ཚང་བུད་མི་ཕོ་གྲགས་

---

^{[མ་དཔེ་གཟིགས་ན་འདིར་གནོན།]}

ཅན་སོད། །མགོ་སྔོན་འདྲེས་པ་ཁྱུ་གཅིག་ཐོབ། །ལྔ་ལ་ལྕོག་མོ་བུ་བརྒྱག་དང་། །དྲུག་ལ་ཏྲོང་གི་ཧྲང་ཟེ་སྤོ་བར་སྒོ་བརྒྱག་ན། །སེང་ཕྲུག་ཚད་བུད་གཡེར་ཆེན་བུ་སོང་ནས། །མཚལ་རྐྱང་འདྲེས་པ་ཁྱུ་གཅིག་ཐོབ། །སྐྱེར་འུན་ར་བརྒྱག་སྐྱམ་ནག་སེ་སྟོད་ན། །ལྕགས་ཁྲ་ཚང་བུད་གླ་ལས་དྲས་པ་སོད། །ཟག་དཀར་འདྲེས་པ་ཁྱུ་གཅིག་ཐོབ། །ཁ་ལང་དང་ནི་ཏྲོང་ལྷང་ཏྲོང་མ་ཟེ། །བསེ་གླག་ཚང་བུད་དཔའ་བོ་སོད། །རྟ་མོག་རོ་འདྲེས་པ་ཁྱུ་གཅིག་ཐོབ། །སྐྱིན་དིང་བརྒྱག་ཅན་ལི་ཡན་སྐྱ་བཞིན། །གྱད་མོ་གོང་རྩེ་ཚང་ནས་བུད། །འཕེན་པོའི་བུ་ཚ་གླེན་པ་སོད། །རྟ་བོང་ཁ་གཞུང་ནག་པོ་ཐོབ། །དེ་རྣམས་གང་དང་གང་བབ་ཀྱང་། །མི་འགྱུར་རྟགས་སུ་གློག་དམར་དགོས། །འདི་གཅོད་དཔུང་བྱེད་ཁའི་ཚད་བུད་ཡིན། །གཞན་དུས་རྒྱུན་དཔྱད་པར་བྱ་བ་མིན། །བརྒྱད་ལ་གློག་དམར་ལྡི་བུར་ན། །ཚང་ནས་བུད་པའི་ཆགས་ཚད་ངེས། །བརྒྱག་མེད་ཚང་སྒོར་འདུག་པ་ཡིན། །བདུན་ལ་ཚད་དུ་བུ་བསྣུན་ཡིན། །ད་ནི་སང་ཆེན་ཚང་བུད་བཤད། །འདི་ད་རོག་དགུ་སངས་སངས་ཞེས་བྱ། །སྨོན་ཡུལ་ཐང་བཀྲར་བབས་ནས་སུ། །དགུ་ཡང་དུང་ཅིག་སེ་སྟོད་ན། །མཁའ་ལ་ཁྱུང་ཆེན་ཚང་ནས་བུད། །འདི་ནི་རྒྱལ་རྒྱུད་སོད་པ་དང་། །རྟ་ནི་ཁྱུང་འདྲ་ཐོབ་པ་ཡིན། །འདི་ནི་ཤིང་ཤག་མདའ་ཁྲི་སངས་ཞེས་བྱ། །རང་སར་བབ་ནས་ཕྱི་ས་ཆག །བྲག་ལས་བདུད་བྱ་ལྕོང་ཁྲ་ཆས། །བཙན་པོའི་བུ་སོད་རྟ་ནག་ཐོབ། །འདི་ཚར་གང་མདའ་ཁྲི་སངས་ཀྱི་བྱ། །གངས་དཀར་གངས་དབྱི་སོ་ལ་ཆས། །མི་ཡ་རབ་སོད་ནས་རྟ་ཁྲ་ཐོབ། །འདི་མ་རྒྱང་ཁྲི་ཐོག་སངས་

---

^{[མ་དཔེ་གཟིགས་ན་འདིར་གནོན།]}

ཀྱི་བྱ། །ཙན་དན་ནགས་ནས་དོམ་བུ་ཆས། །མི་དཔའ་བོ་སོད་ནས་རྟ་ནག་ཐོབ། །འདི་ད་རོག་ཤ་བ་སངས་ཞེས་བྱ། །ཉིན་རྫ་རི་སྨུག་ནས་སྤྱང་ཐང་ཆས། །བཙན་པོའི་བུ་སོད་གྲོ་བོ་རྔོག་ནག་ཐོབ། །འདི་སྐྱེར་ནག་མུ་ཏ་སངས་ཞེས་བྱ། །བྲག་ནས་བསེ་ཡི་གླག་ནག་ཆས། །བཙན་པོའི་བུ་སོད་བྲ་སྐྱ་ཐོབ། །འདི་བྲག་ཚོལ་གཡག་རུ་སངས་ཞེས་བྱ། །སྤྲིན་ནས་གཡུ་འབྲུག་ཚང་བུད་ཡིན། །གཡེར་ཅན་བུ་སོད་རྟ་སྔོན་སྒབ་ནག་ཐོབ། །འདི་དམུ་དབལ་སྦྲང་བུ་སངས་ཞེས་བྱ། །གཙང་པོའི་ཀློང་ནས་ཟི་མ་མྱུར་མགྱོགས་ཆས། །མི་ཞར་བ་སོད་ནས་རྟ་ཁམས་ཐོབ། །འདི་ནག་ཤུལ་སྟག་མོ་སངས་ཞེས་བྱ། །ནགས་ནས་རི་བཀྲ་སྟག་མོ་ཆས། །མི་དཔའ་སོད་འོག་རྟ་སྨུག་བཀྲ་ཐོབ། །འདི་སོ་སྤེར་དུག་བཞི་སངས་ཅེས་བྱ། །གངས་རིའི་ཐེམ་ནས་གསའ་ནག་མིག་སེར་ཆས། །བཙན་པོའི་བུ་སོད་རྟ་ནི་གྲོ་བོ་ཐོབ། །འདི་མུ་ས་ལ་རྒོད་སངས་ཞེས་བྱ། །ཤེལ་བྲག་ནས་ཕོ་རོག་ནག་པོ་ཆས། །བོན་པོའི་བུ་སོད་རྟ་ནག་ཐོབ། །འདི་བྱ་ཡུན་གཡག་ཏ་སངས་ཞེས་བྱ། །གཡུ་མཚོའི་ངང་པ་སེར་པོ་ཆས། །བནྡེའི་བུ་སོད་དང་བ་ཐོབ། །འདི་ཀུ་དོ་མར་སྐེ་སངས་ཞེས་བྱ། །ཉིན་གདབ་ནང་ནས་སྦྲུལ་ནག་ཆས། །མི་ཞེ་ནག་སོད་ནས་མོག་རོ་ཐོབ། །འདི་ཙེ་ར་ཀུ་བྱི་སངས་ཞེས་བྱ། །ཉིན་རྡོ་བརྩེགས་དྲུང་ནས་རྒྱ་བོང་ཆས། །རྒད་པོ་སོད་

---

^{[མ་དཔེ་གཟིགས་ན་འདིར་གནོན།]}

ནས་བུ་གཏིལ་ཐོབ། །འདི་ལྕོག་ཁྱིམ་འོལ་བརྒྱད་སངས་ཞེས་བྱ། །གཡའ་རི་ནས་གཡའ་བྱ་གོང་མོ་ཆས། །གོང་མོ་འདྲ་བའི་མི་ཟིན་ནས། །སྲེག་པ་འདྲ་བའི་རྟ་ཐོབ་ཡིན། །འདི་སྐྱེར་ཆེན་ངམ་རླུང་སངས་ཞེས་བྱ། །ནུབ་ལྕགས་རི་ནས་དྲེད་མོང་རལ་ཆེན་ཆས། །མི་སོད་ཁམ་པ་རྡོག་རིང་ཐོབ། །སངས་ཆེན་དེ་རྣམས་བརྒྱད་ལ་བབས། །དགུ་ལ་སེ་སྟོད་བབ་ན་ངེས། །རང་ས་མི་འགྱུར་རྟགས་སུ་ནི། །དམུ་དག་དྲང་ཤིང་དཀར་པོ་དགོས། །བཅུ་གཅིག་དམུ་དག་དྲང་ཤིང་ན། །སངས་ཆེན་ཚང་ནས་བུད་པ་ཡིན། །བཅུ་གཅིག་དམུ་དག་བརྒྱག་མེད་ཚང་སྒོར་འདུག །བཅུ་ལ་དམུ་དག་བརྒྱག་ཅན་ན། །ཚང་དུ་ཕྲུ་གུ་བསྣུན་པ་ཡིན། །དེ་བརྒྱད་དར་དགུ་ཆག་ཚང་བུད་ཡིན། །བརྗེས་ན་ངན་པའི་ངོ་ཡིན་པས། །ཁྱིམ་སར་བབ་ན་དྲ་མ་བཤོལ། །བྱེས་སུ་དགྲ་བྲུབ་སྐུང་སྤོ་བྱ། །ད་བྲག་ཆེན་ཚང་བུད་དཔྱད་པ་ལ། །ཕྱྭ་མི་མགོན་དཀར་པོའི་བླ་མདུད་འདི། །ལྔ་ལ་འདི་བས་བརྒྱད་ལ་ལི་ཡན་ན། །མི་མགོན་དཀར་པོ་ཚང་ནས་བུད། །ཡུལ་ཆེན་གྲུ་གུ་གནངས་སུ་ཐོབ། །དཀར་ནག་དམར་གསུམ་མོ་རྫོང་དང་། །སྤྱད་དང་ལྔ་ཁ་ཐོབ་པ་ཡིན། །འདི་ཡེ་གཤིན་དབང་རྫོགས་བླ་དེ་ཡིན། །ལྔ་ལ་འདི་བབ་བརྒྱད་ལ་ལི་ཡན་ན། །ཡེ་གཤེན་དབང་རྫོགས་ཚང་ནས་བུད། །དམེ་མུག་ནལ་གསུམ་ཡོད་པའི་མི་གཅིག་སོད། །གྲ་གལ་འོག་རྟ་ཁྱིམ་གཞིས་ཐོབ། །འདི་ལྔ་བབ་བརྒྱད་ལ་ལི་ཡན་ན། །དུང་སེང་ཚང་བུད་གཙོ་བོ་སོད། །གཡང་དཀར་ལུག་དེ་ཐོབ་ངོ་ཡིན། །དེ་བཞིན་ལྔ་བརྒྱད་འགྲེས་སྦྱར་ནས།

---

^{[མ་དཔེ་གཟིགས་ན་འདིར་གནོན།]}

ཐང་དཀར་ཚང་བུད་མ་རབ་སོད། །མདོ་རིས་ཅན་གྱི་རྟ་ཐོབ་ངོ་། །འདི་གཡུ་འབྲུག་ཚང་ནས་བུད་པ་ཡིན། །གྲགས་ཅན་སོད་ནས་མིང་ཅན་ཐོབ། །འདི་བྱ་ནག་ཚང་ནས་བུད་པ་ཡིན། །མགར་བ་སོད་ནས་བོང་དྲིལ་ཐོབ། འདི་སེང་དཀར་ཚང་ནས་བུད་པ་ཡིན། །མི་དབང་ཆེན་སོད་ནས་དབང་བེར་ཐོབ། །འདི་དཔལ་གྱི་གླང་ཆེན་ཚང་ནས་བུད། །འཕན་པོ་སོད་ནས་གནག་ཁྱུ་གླང་འདྲེས་ཐོབ། འདི་དྲེད་མོང་རལ་ཆེན་ཚང་ནས་བུད། །དཔའ་བོ་སོད་ནས་རྣོན་པོ་ཐོབ། །འདི་གངས་དབྱི་ཚང་ནས་བུད་པ་ཡིན། །དགྲ་མ་རབ་ལ་ཡོ་གསུམ་པ་སོད། །ཁྲབ་མིང་ཆེན་ཐོབ་པའི་ངོ་རུ་བཤད། །འདི་གང་དབྱི་དཀར་མོ་ཚང་ནས་བུད། །ཕོ་ངོ་ལྔ་སོད་ཁྲབ་ཅན་བཤུ། །འདི་ཕོ་རོག་ནག་པོ་ཚང་ནས་བུད། །དགྲ་བོན་བོ་སོད་ནས་རལ་གྲི་ཐོབ། །འདི་བསེ་ཡི་གླག་ནག་ཚང་ནས་བུད། །མ་རུམ་བུ་སོད་གཡུ་ཕུད་ཐོབ། །འདི་གཤིན་རྗེ་དགུ་རྫོགས་ཚང་ནས་བུད། །དགྲ་སྤུན་ལྔའི་ཕོ་བོ་སོད་པ་ཡིན། །ཤུབས་དམར་མགོ་ལ་མདངས་ཡོད་ཐོབ། རེ་ཏེ་མགོ་ཡག་ཚང་ནས་བུད། །སྤུན་གསུམ་པ་ཡི་ནུ་བོ་སོད། །མིང་པོ་གཉིས་ཀྱི་སྲིང་མོ་ཐོབ། །འདི་བཙན་ཡ་བ་རྐྱ་གཅིག་ཚང་ནས་བུད། །བཙན་པོའི་བུ་སོད་བསེ་ཤུབས་ཅན་དེ་ཐོབ།

---

^{[མ་དཔེ་གཟིགས་ན་འདིར་གནོན།]}

འདི་ཕུང་སྲི་མགོ་དམར་ཚང་ནས་བུད། །མི་གསུམ་སོད་ནས་དཀར་དམར་ནག་གསུམ་ཐོབ། །བྲག་ཆེན་འདི་རྣམས་ལྔ་ལ་བབ། །བརྒྱད་ལི་ཡན་བབ་ན་ཚང་པུད་ཡིན། །འདི་རྣམས་གཅོད་དཔུང་ཕྱེ་ཁའི་ཚང་བུད་སང་བྲག་འདི་རིགས་མདུད་པ་ཅུང་མི་དག་པས་སླར་བརྟག ཡིན། །གཞན་དུ་དཔྱད་པ་མ་ལགས་སོ། །འདི་རྣམས་གང་དང་གང་བབ་ཀྱང་། །རང་ས་མི་འགྱུར་བ་ཡི་རྟགས། །བྱ་བུར་གསེར་ཐིག་རང་སར་དགོས། །དེ་ཡང་བཅུ་གཅིག་བྱ་བུར་གསེར་ཐིག་ན། བྲག་ཆེན་ཚང་ནས་བུད་པ་ཡིན། །བརྒྱག་མེད་ཚང་སྒོར་འདུག་པ་ཡིན། །བཅུ་ལ་བྱ་བུར་བརྒྱག་ཅན་ན། །ཚང་དུ་བུ་ལ་བསྣུན་པ་ཡིན། །སྙིགས་མ་གང་བབ་ཚང་རུལ་ཡིན། །ལར་བྱ་བུར་བརྒྱག་ཅན་དུང་ཕོ་ཨ་གྲགས་འདི། །རིན་ཆེན་བྲག་གི་གཟོང་རྡོ་ཡིན། །ནག་པོ་བྲག་གི་གློ་མདའ་ཡིན། །གྲི་ཤིང་རྩེ་མོའི་ཤ་ཟུང་ཡིན། །འཕྲུལ་ཞགས་སྣ་ཡི་ཨ་ལོང་ཡིན། །ཕར་བཏབ་མི་ཟིན་གཅིག་ཀྱང་མེད། །ཟིན་ན་མི་ཐུབ་གང་ཡང་མེད། །འདིས་ཀྱང་མི་ཐུབ་ལན་འགའ་ཡོད། །སྟག་ཆུང་བུང་བའི་འཕང་མདུང་དེ། ཚང་བུད་བྱས་ནས་ཕར་ལ་ཐལ། །ལན་དུ་ཨ་ཁད་རྩེ་མ་ཡིན། །སྐྱི་སེར་རླུང་གི་ངད་པ་དེ། །གྲང་སིབས་སེ་བྱས་ནས་ཕར་ལ་ཐལ། །ལན་དུ་སྐྱིན་དིང་བབ་ན་ཡིན། །དུང་སེང་དཀར་མོའི་གཡུ་རལ་དེ། །སྔོ་ཁྱུག་གེར་བྱས་ནས་ཕར་ལ་ཐལ། །ལན་དུ་རྐང་སྤར་བབ་ན་ཡིན། །ཁྱུང་ཆེན་སྨུག་པོའི་ཕྱི་སྡེར་དེ། །ནག་འུབ་བེ་བྱས་ནས་ཕར་ལ་ཐལ། །ལན་དུ་ཁྱུང་བརྒྱང་དངུལ་མདངས་ཡིན། །གཡུ་འབྲུག་སྔོན་མོའི་གློག་ལྕེ་དེ། །དམར་ཁྱུགས་སེ་བྱས་ནས་ཕར་ལ་ཐལ། །ལན་དུ་ཧྲང་ཟེ་ཁ་ལང་ཡིན། །ཆ་ཚོད་ཉི་མ་དགུ་དུས་བཤད།

---

^{[མ་དཔེ་གཟིགས་ན་འདིར་གནོན།]}

གཅིག་གི་གློག་དམར་གཉིས་བྱོད་ཕུར། །དུང་ཁྲས་ལ་ཉི་བྱས་པ་ཡིན། །ནམ་ལང་དུས་ན་ཆ་རན་ཡིན། །བཞི་ལ་རྐང་སྤར་ལྔ་གསེར་བྱ། །དུང་ཁྱུང་ལ་ཉེ་སྔ་དྲོ་ཆ། །བརྒྱད་ལ་རེ་སེ་ལྔ་གླེས་སྨི། །ཀླུ་སྦྲུལ་ལ་ཉེ་དགུང་ལ་ཆས། །བཞི་ལ་རྔས་རྒོད་ལྔ་སོ་ཡོན། །དྲེད་མོང་རལ་ཆེན་ནམ་སྟོད་ལ། །བརྒྱད་གཡུ་ཐོག་དགུ་ཡི་ལི་ཡན་ན། །བྲག་བྱ་འུག་པ་ནམ་གུང་ཆས། །བཅུ་གཅིག་སུམ་མཉམ་གླག་མོ་དང་། །བཅུ་གཉིས་ཏྲོང་དམར་སེ་སྟོད་ན། །དུང་སྤྱང་གཟན་ཆས་ཐོ་རེངས་ལ། །ཆ་རན་དུས་ཚོད་འཛིན་པ་ཡིན། །ད་ཚང་མའི་ཚང་འདུས་བཤད་པ་ན། །བརྒྱད་ལ་མ་ཟེ་གླག་མིག་དང་། །དགུ་ལ་སྤོ་ཚེ་སྒོ་བརྒྱག་ན། །ཟུན་རྒྱ་སྟག་དམར་པོའི་ཚང་སྒོ་དེར། །དགྲ་ཅང་ཤེས་རྟ་ཡི་ཚང་འདུས་ཡིན། །ཇག་པ་རྐུང་ནས་མ་འབུད་དང་། །དགྲ་ཐུབ་ཐང་ཅན་ཞིག་ད་ལྟ་འོང་། །དགྲ་ལམ་ནོར་ལམ་དུ་ཞུགས་ནས་འོང་། དེ་བཞིན་བརྒྱད་དར་དགུ་ཆག་ཚུལ། །སུམ་མཉམ་བརྒྱག་ཅན་བག་ཚོ་བརྒྱག་མེད་ན། །སྤྱང་ཐང་ཚང་སྒོར་ལུག་འདུས་ཡིན། །སྤོ་མ་ཟེ་ཨོག་དམར་བག་ལྡི་ན། །འཕར་བའི་ཚང་སྒོར་ར་མ་འདུས། །གལ་བར་ཐོད་དཀར་སྤོ་བར་སྒོ་བརྒྱག་ན། །ཁྲ་ཡི་སྒོ་ཁར་གང་བ་མིག་དམར་འདུས། །སྐྱེར་འུན་ར་བརྒྱག་མ་རྐྱང་བྱོད་ཕུར་ན། །ལྕགས་ཁྲའི་ཚང་སྒོར་བྱེའུ་ཆུང་ལྕོག་ག་འདུས། །བྱ་བུར་གསེར་ཐིག་ཏྲོང་གི་སུམ་མཉམ་ན། །མོང་རྩེའི་ཚང་སྒོར་བྱི་བ་མ་སྨད་འདུས། །རུ་སོད་དཔལ་དར་བྱ་མེད་སེ་སྟོད་ན། །ཕོ་རོག་ཚང་སྒོར་འུག་པ་མིག་སེར་ཝ་ཚོ་ལྷ་རྒྱལ་སྤོ་བར་སྒོ་བརྒྱག་ན། །འབུ་སྤུར་གྲུམ་ཚང་སྤུ་རུ་རོག་པོ་འདུས། །རུ་སོད་ཁ་ལེ་སྤོ་ཚེ་སྲབ་ཆོད་ན། །འབྲོང་བུ་ཉལ་བར་རྐྱང་གི་སེ་ཏྲིག་བྱས། །བརྒྱད་ལ་སུམ་མཉམ་སུམ་སད་དང་། །དགུ་ལ་བྱོད་ཕུར་གླིང་ཞོན་ན། །སྤྱང་ཐང་ཉལ་བ་ལུག་

---

^{[མ་དཔེ་གཟིགས་ན་འདིར་གནོན།]}

གིས་བསླང་། །གློག་དམར་ལྡི་བུར་བག་ལྡི་ན། །ཟུན་འཕར་བ་ཉལ་བར་ར་ཡིས་བརྡུང་། །ཁ་ལང་ཆེན་མོ་སེ་སྟོད་ན། །འབྲུག་ཚང་སྒོར་སེམས་ཅན་ཚེ་ཟད་འོང་། །ཏྲོང་ལི་ཤོ་བྱ་མེད་སེ་སྟོད་ན། །སྲེ་མོང་ཚང་སྒོར་བྲ་བ་འདུས། །དངུལ་རྒོད་དུན་ཙེ་བག་ལྡི་ཞོན་པ་ཅན། །དུང་སྤྱང་ཚང་སྒོར་ར་མ་འདུས། །ཚང་འདུས་འདི་རྣམས་བབ་པ་ན། །བཙན་པོའི་བུ་ལོན་ཉལ་ནས་སྐྱེ་བ་བཞིན། །ཚུར་ལ་འོང་བའི་དགྲ་ཐུབ་ཡིན། །བརྗེས་ནས་ཕར་ལ་དགྲ་ཚང་སྒོ་རུ་འདུས། །མཚེར་དང་སྐུང་ས་སྤོ་བར་གཅེས། །གཞན་ཡང་བརྒྱད་ཀྱི་ཁས་དྲག་དང་། །དེ་དེས་ཐུབ་ཐང་མོ་ངན་རིགས། །དགུ་ལ་བབ་ན་དེ་བཞིན་དཔྱད། །ད་ནི་ཚང་མའི་མགྲོན་སྒོ་དཔྱད། །གཅིག་གི་ཁ་ལང་གཉིས་སུམ་མཉམ། །གསུམ་ལ་ལྡི་བུར་བབ་པ་ན། །དབྱི་སྤྱང་གཉིས་ཀྱི་མགྲོན་སྒོ་ཕྱེ། །སྨོན་པས་ངམ་ལ་རྟ་གཡུ་ཐོབ། ། ཟ་མ་གསུམ་ན་ཆ་རན་ཡིན། །གཏིལ་ཟིན་ཤ་ལེན་ལོན་པ་ཡིན། །ཤར་གྱི་མགྲོན་སྒོ་ནུབ་ཏུ་དབྱེ། །བཞི་ལ་བྱ་ཡུན་ལིང་ཀུན་དང་། །ལྡི་བུར་ལྔ་ལ་བྱོད་ཕུར་བབས། །དྲུག་ལ་ཚོལ་ཚེ་བུ་བརྒྱག་ན། །ཁྲ་ཡི་མགྲོན་སྒོ་བྱིལ་ལ་ཕྱེ། །ལྷོ་ཡི་མགྲོན་སྒོ་བྱང་དུ་ཕྱེས། །ནོར་སྣ་ཅི་འདོད་ཐོབ་པ་ཡིན། །བརྒྱད་ལ་ཚོལ་ཚེ་དགུ་སྐྱེར་སྨད། །བཅུ་ལ་ཁྱུང་བརྒྱང་མདོང་བུ་ན། །སྲམ་གྱིས་མགྲོན་སྒོ་ཉ་ལ་ཕྱེ། །ཉ་ཚང་ནང་དུ་ལག་པ་ཚུད། །ནུབ་ཀྱི་མགྲོན་སྒོ་ཤར་དུ་དབྱེ། །བཅུ་ལ་ཨ་ཁད་བཅུ་གཉིས་བྱ་རལ་དང་། །བཅུ་གཅིག་ཁྱུང་བརྒྱང་མཚལ་ཐིག་ན། །སྟག་གི་མགྲོན་སྒོ་རྟ་ལ་ཕྱེ། །ནོར་དང་གོ་ས་ཇི་འདོད་ཐོབ། །བྱང་གི་མགྲོན་སྒོ་ལྷོ་རུ་དབྱེ། །ཡང་གཅིག་ལ་བྱ་ཡུན་ལིང་ཀུན་དཀར། །གཉིས་ལ་ཚོལ་ཚེ་གསུམ་པ་ལ། །ཏྲོང་གི་ལི་བྱིན་དཀར་མོ་ན། །སྐྱེས་ཕོད་དཀར་ཅན་གྱི་མགྲོན་སྒོ་ཕྱེ། །ཞི་བ་

---

^{[མ་དཔེ་གཟིགས་ན་འདིར་གནོན།]}

དཀར་པོ་བྱས་པ་ན། །གནང་ནོར་བཞི་བཅུ་རྩ་གསུམ་ཐོབ། །གཅིག་ཡར་ལྡང་གཉིས་ལ་སུམ་མཉམ་དང་། །གསུམ་ལ་བྱ་ཡུན་དཀར་མོ་ན། །ཁྲི་གཉན་དྲ་མ་ཡག་པ་ཡིན། །ཤར་དུ་མགྲོན་སྒོ་ཕྱེ་བ་ཡིན། །ཟ་མ་གསུམ་ནས་ཆེ་རེར་ན། །མི་རྒན་མགོ་སེ་སོད་པ་ཡིན། །གཅིག་ལ་བྱ་ཡུན་གཡས་བརྒྱག་དང་། །གཉིས་ལ་སྤོ་ཚེ་གསུམ་ལྡི་བུར། །ཤར་དུ་མགྲོན་སྒོ་ཕྱེས་པ་ཡིན། །སྐྱ་སྣར་དང་ནི་མཚལ་བུ་ཐོབ། །བཞི་ལྡི་བུར་ལྔ་ལ་ན་འབན་དང་། །དྲུག་ཚོལ་ཚེ་ཀླུ་ཡི་མགྲོན་སྒོ་ཁྱུང་ལ་བྱས། །ཀླུ་ཡིས་ཁྱུང་གི་སྒོ་ང་བཅག །ཟ་མ་ལྔ་ནས་ཆ་རན་ཡིན། །རྫོང་བཅོམ་རྟ་ཁྱུ་ཐོབ་པ་ཡིན། །བཞི་ཡི་ཁ་ལང་དང་དཀར་ཐོག །ལྔ་རུ་སོད་དྲུག་གི་ཚོལ་ཚེ་ན། །ལྕོང་མོ་འདྲ་བ་བཅུ་གཅིག་ཐོབ། །བཞི་ལ་ཧྲང་ཟེ་ལྔ་རུ་སོད། །དྲུག་ལ་ཨ་ཁད་གཡུང་དྲུང་ན། །སྟག་གཡག་གཉིས་ཀྱི་མགྲོན་སྒོ་བྱས། །ཆེ་བཙུན་དང་འཕྲད་ཡ་རབ་ཟིན། །མཚལ་བུའི་རྟ་ཐོབ་མཁར་ནོར་ཕེབ། །ཐ་མར་ཤག་ཤིག་འཁྲུགས་པ་བྱུང་། །བརྒྱད་ཀྱི་རང་སྙན་དགུ་སོ་ཡོན། །བཅུ་ལ་ཨ་ཁད་གཡུང་དྲུང་ན། །ལྷ་ཡི་མགྲོན་སྒོ་སྲིན་ལ་ཕྱེ། །དགྲ་ཡི་དོན་སྙིང་རྣམ་ལྔ་ཐོབ། །ཟ་མ་དགུ་ནས་ཆ་རར་ན། །བརྒྱད་ཀྱི་རུ་སོད་དགུ་ཁྱུང་བརྒྱད། །བཅུ་ཡི་ཚོལ་ཚེ་ནུབ་སྒོ་ཕྱེ། །དམར་མགོ་ཞུར་འདྲེས་པའི་རྟ་དགུ་ཐོབ། །བརྒྱད་ལ་ཝ་ཚོ་ལྷ་རྒྱལ་དང་། །དགུ་ལ་སྤོ་བར་སྒོ་བརྒྱག་དང་། །བཅུ་ལ་ཨ་ཁད་གཡུང་དྲུང་ན། །སྨོན་པའི་མགྲོན་སྒོ་ངམ་ལ་ཕྱེ། །དགྲ་སོད་ནོར་ཐོབ་འོང་ངོ་ཡིན། །ཡང་རུ་སོད་གསུམ་བསྟུད་དགུའི་ཚོལ་ཚེ། །ཕྱྭ་ཡི་མགྲོན་སྒོ་བདུད་ལ་ཕྱེ། །ཟ་མ་དགུ་ན་ཆ་རན་ནོ། །སྐྱིན་དིང་གསུམ་བསྟུད་དགུ་ཚོལ་ཚེ། །གྲིབ་ཆེན་འདུས་ནས་ཆ་རན་ཡིན། །བྱང་དུ་མགྲོན་སྒོ་ཕྱེ་བ་ཡིན། །ལྷང་ཟེ་གསུམ་བསྟུད་དགུ་ཚོལ་ཚེ། །བྱང་དུ་སྒོ་ཕྱེ་རྟ་ཐོབ་ངོ་། །

---

^{[མ་དཔེ་གཟིགས་ན་འདིར་གནོན།]}

བྱ་བུར་གསུམ་བསྟུད་དགུ་ཚོལ་ཚེ། །དམར་པོ་ཁྱུ་གཅིག་ཐོབ་པ་ཡིན། །རུ་སོད་གསུམ་བསྡུར་དགུ་ཚོལ་ཚེ། །མཛོ་དང་གཡག་ནི་ཐོབ་ངོ་ཡིན། །བྱོད་ཕུར་བྱ་ཡུན་གསུམ་བསྟུད་དགུའི་ཚོལ་ཚེ། །ཁྲ་ཁྲ་འདྲེས་པ་ཁྱུ་གཅིག་ཐོབ། །ན་འབན་གསུམ་བསྟུད་དགུའི་ཚོལ་ཚེ། །རྟ་ཁྱུ་མྱུར་དུ་ཐོབ་པ་ཡིན། །ལི་ཡན་གསུམ་བསྟུད་དགུའི་ཚོལ་ཚེ། །ལི་ཡན་གཡང་དུ་གྱུར་པ་སྟེ། །དགྲ་མེད་ནོར་གྱི་ཡུལ་དུ་ཕྱིན། །བཞི་ཡི་ཁ་ལེ་གཉིས་ཀྱི་སྐྱམ། །གསུམ་ཚོལ་ཚེ་ཕུང་ཕུ་ཐང་སྐམ་ནས། །སྒ་སྡེས་ཆུ་རྙེད་ཚ་ཞང་མིང་གསུམ་སོད། །རྩོད་པའི་དོན་དེ་ཐོ་རངས་འགྲུབ། །དེ་ལྟར་མགྲོན་སྒོ་དཔྱད་པ་ཡང་། །མགྲོན་མོའི་བྱིན་ལེན་སྐབས་ལྟར་དཔྱད། །རང་ས་བཟང་ཞིང་ཕྱིས་ན། །དེ་ཡི་ཐུབ་ཐང་བབ་པའམ། །ཡང་ན་ངན་པའི་སྡེ་རིགས་བབ། །དོན་ས་བཟང་པོ་གང་བབ་ཀྱང་། །མགྲོན་སྒོ་ཕྱེ་ཞིང་བྱིན་ལེན་འཕྲོད། །ཡང་གཅིག་དགྲ་བླ་གཟན་ཕྲད་བཤད། །གཅིག་གི་ཨ་ཁད་རྩེ་མ་འདི། །ཝེར་མ་རྒྱ་སྟག་དམར་པོ་ཡིན། །འདི་ལ་གཟན་གཅིག་ཡོད་པ་དེ། །བྱང་གི་འབྲོང་བུ་རུ་སྔོན་ཡིན། །བཅུ་གཅིག་རུ་སོད་ཁ་ལེ་ན། །རྒྱ་སྟག་གཟན་དང་འཕྲད་པ་ཡིན། །ད་རེས་འདོད་པའི་མི་གཅིག་ཟིན། །ད་རེས་འདོད་པའི་རྟ་གཅིག་ཟིན། །དམར་པོ་ཅན་དེ་མ་བཏང་དང་། །དེ་ནི་ནོར་གྱི་སྡོང་པོ་ཡིན། །དེ་བཞིན་གཅིག་དང་བཅུ་གཅིག་ལ། །བབ་ལུགས་གཞན་ལ་ཁ་བསྒྱུར་ཏེ། །སུམ་མཉམ་གླག་མོ་ཚོལ་ཚེ་ལུག་གུ་ན། །རི་སྤྱང་ལུག་གི་གཟན་དང་འཕྲད་པ་ཡིན། །གློག་དམར་བག་ལྡིའམ་སྐྱམ་གྱི་མ་ཟེ་བརྒྱག །འཕར་བ་དམར་པོ་ར་ཡི་གཟན་དང་འཕྲད། །སྒང་སྤར་དུང་སྒོང་ཨ་ཁད་རྩེ་མ་ན། །སྒང་ཐང་སྔོན་པོ་སྟག་གི་གཟན་དང་འཕྲད། །བྱ་བུར་གསེར་ཐིག་ནག་ཆུང་ཟལ་ཟལ་ན། །སྲམ་བུ་མགོ་

---

^{[མ་དཔེ་གཟིགས་ན་འདིར་གནོན།]}

དཀར་ཉ་ཡི་གཟན་དང་འཕྲད། །སྐྱེར་བྱ་དཀར་མོ་བྱོད་ཕུར་བབ་པ་ན། །ནེ་ལེ་དཀར་ཆེན་བྲ་བའི་གཟན་དང་འཕྲད། །ཡེ་སྟོད་ཙི་ལི་དང་ནི་ན་འབན་ན། །མི་དྲེད་ངོ་དམར་གྲོག་མའི་གཟན་དང་འཕྲད། །བྱ་རལ་རིན་ཆེན་མུ་ས་དིལ་དཀར་ན། །ཤ་ཁྱི་རྒྱུག་སྐྱེན་ཡུ་མོའི་གཟན་དང་འཕྲད། ཁྱུང་བརྒྱང་སྨུག་ཐོག་དམར་ཐོག་སེ་སྟོད་ན། །ཁྱུང་ཆེན་ཤ་ཡི་གཟན་དང་འཕྲད། །མུ་ས་བྱ་ཡུན་ཏྲོང་གི་སྲང་ཟེ་ན། །བསེ་གླག་ཆེན་པོ་གཟན་དང་འཕྲད། །བྱ་ཡུན་དཀར་མོ་དཀར་ཐོག་དུང་ཁྲ་དང་། །རུ་སོད་ཁ་ལེ་སྐྱམ་བྲག་ཚོལ་ཚེ་འབྲོང་། །ཚོལ་ཚེ་ཁྲ་ཆུང་ལྡི་བུར་ཤིང་རྩེ་འབར་བ་དང་། །པ་ཚལ་རྔམ་བྱ་ཡུན་དཀར་མོ་ཝ་ལྕམ་དམར། །སྐྱམ་ཆུང་བུམ་བ་སྣམ་བུ་ཚོལ་ཚེ་ཉ་མོ་དང་། །རུ་སོད་ཁ་ལེ་སྤོ་ཚེ་མདོང་བུ་ནི། །ཝེར་མ་འབྲོང་བུ་དར་མ་གཟན་ཕྲད་སོགས། །གཞན་ལའང་ཐུབ་ཐང་དང་སྦྱར་རིགས་བསྒྲེས་ལ། །དགྲ་ཐུབ་ནོར་ཐོབ་མདུད་པ་ཤེས་པར་བྱ། །གཞན་ཡང་གཅིག་གི་བབ་ལུགས་ལས། །ནོར་གྱི་གྲངས་དང་ངོ་བོ་དང་། །བཅུ་གཅིག་ཐོབ་དང་མི་ཐོབ་དཔྱད། །བཅུ་གཅིག་བཅུ་གཉིས་དཔྱད་པ་ལས། །ཡེ་ངམ་དྲ་མ་ལེགས་ཉེས་དང་། །གཅིག་བརྒྱད་ལེགས་པར་བཅུ་གཅིག་གིས། །སྨ་བབ་ཐོག་བཤལ་འབྱུང་ཚུལ་དང་། །བདུན་བཅུ་ཉིན་སྲིབ་དཔྱད་ལས་ནི། །ཐུག་ཕྲད་ཕར་ཚུར་མཐོང་བའི་དཔྱད། །དེའི་རྒྱལ་ཕ་མ་བཅུ་གཅིག་དཔྱད་པ་དང་། །རང་སའི་ཏིང་ཆུ་དཔྱད་པ་སོགས། །ཤིན་ཏུ་མང་པོ་ཞིག་ཡོད་པ། །མོ་དཔྱད་གཞན་ལས་ཤེས་པར་བྱ། །ཁ་ཕར་གྱུ་ཚུར་གྱུ་བཤད་པ་ན། །ཁས་དྲག་ཐམས་ཅད་ལེན་མི་ཡིན། །ཁས་དམན་ཐམས་ཅད་སྦྱིན་མི་ཡིན། །གཡས་བརྒྱག་ལེན་མི་གཡོན་བརྒྱག་སྦྱིན། །མ་བརྒྱག་སྦྱིན་མི་བུ་བརྒྱག་ལེན། །སྒོ་བརྒྱག་སྦྱིན་མི་ཕུག་བརྒྱག་ལེན། །ནག་རིགས་སྦྱིན་མི་དཀར་

---

^{[མ་དཔེ་གཟིགས་ན་འདིར་གནོན།]}

རིགས་ལེན། །དཔའ་བོ་ཐང་ཆེན་ལེན་མི་དང་། །བྱུར་པོ་སྣ་ནག་སྦྱིན་མི་ཡིན། །སྤོ་བྲག་སྦྱིན་མི་སོ་བྲག་ལེན། །སང་ཕྲན་སྦྱིན་མི་སང་ཆེན་ལེན། །སྤོ་སང་སྦྱིན་མི་སོ་སངས་ལེན། །སྦྱིན་མི་ཐམས་ཅད་ཕྱི་སར་དགོས། །ལེན་མི་ཐམས་ཅད་རང་སར་དགོས། །ཝེར་མ་རང་སར་སེ་སྟོད་ཕྱི་སར་དགོས། །སྐྱིན་དིང་རང་ས་བྱ་རལ་ཕྱི་སར་དགོས། །གལ་བར་རང་ས་རུ་སོད་ཕྱི་སར་དགོས། །ཚོལ་ཚེ་རང་ས་གྱོད་ངོ་ཕྱི་སར་དགོས། །སང་རིགས་རང་ས་སློ་བྲག་ཕྱི་སར་དགོས། །དེ་ལྟར་བབ་ན་ཟ་ཁ་ཕར་ལ་གཏད། །བརྗེས་ན་དགྲ་ཡི་ཟ་ཁ་ཚུར་ལ་གྱུ། །བཟང་པོ་རང་ས་ནས་ནི་ཕྱི་སར་སོང་། །གྱ་གྱུ་བྱས་པ་ངན་པ་ཡིན། །རང་སར་འཁོར་ན་ཚུར་ལོན་ཡིན། །བསྟུད་ནས་ལན་ལད་རྒྱུག་ལོག་ཡིན། །སྨད་དུ་བཙན་ཀྱང་མོ་སྟོད་དུ། །སྐྱེར་གྱིས་བཅད་ན་ལད་པ་ཡིན། །ལན་ངན་པས་བསླད་ན་ལད་པ་ཡིན། །འདི་གསུམ་དཔའ་བོ་ཐང་ཆེན་ཡིན། །འདི་གསུམ་བྱུར་པོ་སྣ་ནག་ཡིན། །མདུང་རྩེ་བ་དཔའ་བོ་ཐང་ཆེན་ཡིན། །འགར་འགོབ་བྱུར་པོ་སྣ་ནག་ཡིན། །ཐང་ཆེན་རྩེ་མོ་ཝ་ཚོར་སོང་བ་དང་། །བྱ་ཡུན་སོང་ན་ཁས་དྲག་ཡིན། །མུ་སར་སོང་ན་ཁས་ཞན་ཡིན། །བྱུར་སྣ་ནག་ལ་དཔའ་རྡོ་བྲག་གསུམ་ཡོད། །དཔའ་རྡོ་བྲག་གི་ཁས་དྲག་ཡིན། །ཡུ་མོ་བྲག་གི་ཁས་དམན་ཡིན། །སྤྱིར་སོ་བྲག་ནག་པོ་འཕེལ་ཆེན་ཡིན། །སྤོ་བྲག་དཀར་པོ་ལ་སེ་ཡིན། །སོ་བྲག་སྤོ་བྲག་འདྲེས་པ་དང་། །ཐང་ཆེན་སྣ་ནག་འདྲེས་པ་ན། །ཝེར་མ་རེ་འབྱམས་འདྲེས་པ་ཡིན། །དེ་ཡི་བཅུ་

---

^{[མ་དཔེ་གཟིགས་ན་འདིར་གནོན།]}

གཅིག་བཅུ་གསུམ་ལ། །བྲག་གི་རྫིའུ་ཡར་ལྡང་དགོས། །དབྱིག་རིགས་ཁ་སྤྲོད་བཅོ་བརྒྱད་དང་། །དཔའ་རྡོ་བྲག་རྣམས་འདྲེས་པ་ན། །དབྱིག་དང་དཔའ་རྡོ་འདྲེས་པ་ཡིན། །བཅུ་གསུམ་རྫིའུར་སངས་གཅིག་དགོས། །ཡང་སངས་ལ་དཔའ་སྡར་མཛངས་གསུམ་ཡོད། །སོ་སངས་ཐམས་ཅད་དཔའ་བོ་ཡིན། །སྤོ་སངས་ཐམས་ཅད་མཛངས་པ་ཡིན། །སངས་སྒོ་བརྒྱག་ཐམས་ཅད་སྡར་མ་ཡིན། །སངས་ལ་རྒྱལ་བློན་འབངས་གསུམ་ཡོད། །ཡ་རབ་མ་རབ་དཀར་ནག་ཡོད། །སངས་ཆེན་སུམ་ཅུ་རྩ་དགུ་ཡོད། །ཁ་ཡེ་སངས་དང་བཞི་བཅུ་ཡོད། །དཔེ་ནི་ཐང་དཀར་རྒོད་དང་འདྲ། །གོད་རོ་མིན་པར་མི་ལྡང་ངོ་། །སངས་ཆེན་རང་སའི་བཙན་སར་དགོས། །སེ་སྟོད་ནག་པོ་ཕྱི་སར་དགོས། །སངས་ཕྲན་ཉི་ཤུ་རྩ་བརྒྱད་ཡོད། །དུན་དུན་སངས་དང་རྩ་དགུ་ཡོད། །སངས་ཕྲན་དཔེ་ནི་སྦྲང་བུ་འདྲ། །ཤ་རུལ་མིན་པར་མི་འབབ་བོ། །སངས་ཕྲན་རྣམས་ནི་རང་སར་དགོས། །སེ་སྟོད་ཆུ་སྤར་ཕྱི་སར་དགོས། །ཝེར་མ་གླེ་རིང་རེ་འབྱམས་གསུམ། །དབྱིག་དང་དཔའ་རྡོ་མགར་ཚང་གསུམ། །བྱ་ཁྱུང་རུས་སྦལ་ཕུར་ཐོག་གསུམ། །ཆང་ཁྲ་དེ་གསུམ་རང་སར་བབས། །ཕྱི་སར་ཆག་ན་དགྲ་བོ་སོད། །ཕྱི་ནང་ཕྱག་རྩེ་མ་ནོར་དཔྱད། །དེ་ལྟར་ཚང་བུད་ཚང་འདུས་དང་། །ཕྱི་ནང་རྒྱལ་ཕམ་ཤེས་བྱས་ནས། །ད་ནི་གདོང་བཟློག་རིགས་རྣམས་བཤད། །ཆས་ལ་ཁད་ཀྱི་རྟིང་ལྡེམ་ལ། །གཅིག་སྐྱེར་གཉིས་ཀྱི་གློག་དམར་ལྡི་བུར་ན། །ལྕགས་ཁྲ་ཆས་པ་འོལ་བས་བཤོལ། །ཆས་ལ་ཁད་ཀྱི་གཏིང་ལྡེམ་ཡིན། །དེ་བཞིན་གཅིག་དང་གཉིས་ལ་ནི། །ལི་ཡན་རྐང་སྤར་དབྱི་དཀར་གྲུམ་པས་བཤོལ། །སེ་སྟོད་བྱོད་ཕུར་རྨ་ཁྱིམ་སོ། །ཆུང་མའི་རུམ་དུ་གཉིད་པ་ཡིན། །སེ་སྟོད་དང་ནི་རང་སྙན་ན། །ཕྱོ་མ་སྲུ་མོའི་གར་ལ་གཡེང་། །དང་མ་ལི་བྱིན་ཤ་

---

^{[མ་དཔེ་གཟིགས་ན་འདིར་གནོན།]}

ཕོ་གདོས་ལ་ཐོགས། །སོ་ཡོན་སྤོ་བར་གྱི་ལིང་འདོམ་ལ་ཟུག །བྱ་ཡུན་བྱ་མེད་ངང་པ་གཤོག་པ་ཆད། །བྱ་རལ་ཁྱུང་བརྒྱད་དུང་ཁྱུང་རྐང་པ་ཆག །ཐང་ལེ་མུ་ས་གླག་མོ་ཕྱི་སྡེང་འདྲེད། །བྱ་རལ་ཨ་ཁད་སྟག་མོ་ཚང་ལ་ཉལ། །ཏྲོང་དང་སུམ་མཉམ་སྤྱང་མོ་གདོང་ལ་བརྒྱུས། བྱོད་ཕུར་རུ་སོད་འབྲོང་བུ་རྫས་ཞེ་ན། །ཡང་ལྡང་ཚོལ་ཚེ་སྤྲང་པོའི་བེ་རག་གཡུག །འདི་རྣམས་ཆས་ལ་ཁད་ཀྱི་གཏིང་ལྡེབ་ཡིན། །རྒྱུག་ལ་ཁད་ཀྱི་གདོང་ལྕག་ལ། །ལྔ་ལ་གློག་དམར་ལྡི་བུར་དང་། །དྲུག་ལ་གར་བར་ཐོད་དཀར་ན། །ཁྲ་རྒོད་རྒྱ་ལ་འཐུམ་པ་ཡིན། །རྒྱུག་ལ་ཁད་ཀྱི་གདོང་ལྕག་ཡིན། །དེ་བཞིན་ལྔ་དང་དྲུག་མལ་དུ། །གལ་བར་ཐོད་དཀར་ཁྱུང་བརྒྱང་བརྒྱག །གླུང་ལ་ཁྱུང་གི་གདོང་ལྕག་བརྒྱག །ནག་ཤལ་དོམ་བུ་བྱི་མིག་སྟག་སྤུང་ན། །གྲུམ་པས་སྟག་ལ་གདོང་ལྕགས་བརྒྱབ། །སྐྱམ་ནག་སེ་སྟོད་ཁ་ལང་ཆེན་པོ་ན། །དགུང་སྔོན་བོང་བས་མནན་པ་ཡིན། །རུ་སོད་དཀར་ཐོག་འབྲོང་གི་ར་ཅོ་བུད། དམར་ཐོག་སེ་སྟོད་ཨ་ཁད་ཙེ་མ་ན། །རྒྱ་སྟག་མཆེ་བ་བུད་པ་ཡིན། །ཏྲོང་དམར་སེ་སྟོད་སུམ་མཉམ་ན། །སྤྱང་མོ་གལ་ལ་ཟིན་པ་ཡིན། །གལ་བར་གཡས་བརྒྱག་བྱ་བུར་ན། །གླང་པོ་ཆེ་ལ་སྣ་འཇུ་བརྒྱུས། །སྐྱམ་བྲག་ལྡི་བུར་སྐྱིན་དིང་བརྒྱག །རྒྱ་བཀྲའི་ཕྱི་སྡེར་འདྲེད་པ་ཡིན། །མུ་ས་གལ་བར་གླག་ནག་ཕྱི་སྡེར་འདྲེད། །སྤོ་བར་རུ་སོད་ཁ་ལེ་ན། །དཔའ་བོས་དོང་གི་གལ་ཁུང་བརྫིས། །བྱ་རལ་ཁྱུང་བརྒྱང་མདོར་བུ་ན། །བྱེའུ་ཆུང་སྙི་ལ་ཟིན་པ་ཡིན། །དྭངས་མ་ཁ་ལང་གཡུ་འབྲུག་རྒྱབ་ལོག་བྱས། །སྤོ་ཚེ་མདོང་བུ་མ་ཟེ་ཨོག་དམར་ན། །རྒྱལ་པོ་རྐང་ཐང་འགྲིམ་པ་ཡིན། །བྱ་མིད་སེ་སྟོད་ན་འབན་ན། །གསའ་དབྱི་འདམ་ལ་ཟུག་པ་ཡིན། །འདི་རྣམས་རྒྱུག་ལ་ཁད་ཀྱི་གདོང་ལྕག་ཡིན། །གཅོད་དཔུང་ཕྱེས་ནས་གཅོད་མ་རྣམས། །རྒྱུག་ཁར་བབ་ན་ངན་པ་ཡིན། །ད་འབྲོས་ལ་ཁད་ཀྱི་ལམ་ལོག་དཔྱད། །དྲུག་ལ་ཨ་ཁད་རྩེ་མ་

---

^{[མ་དཔེ་གཟིགས་ན་འདིར་གནོན།]}

དང་། །བདུན་ལ་གློག་དམར་ལྡི་བུར་ན། །རྒྱ་སྟག་ནགས་ཚལ་བཀྲ་བ་ཡིན། །བྲོས་ལ་ཁད་ཀྱི་ལམ་ལོག་ཡིན། །དེ་བཞིན་དྲུག་བདུན་གནས་མལ་དུ། །སྤོ་ཚེ་མདོད་བུ་ཛ་ཝང་ཛུ་ཝང་ན། །རྐྱང་གི་གུག་ར་བཀྲ་བ་ཡིན། །སོ་ཡོན་ལག་ཆག་རུ་སོད་ཁ་ལེན། །འབྲོང་བུ་རྫ་ལ་ཆགས་པ་ཡིན། །བྱ་རལ་རིན་ཆེན་ཁྱུང་བརྒྱང་མདོང་བུ་ན། །ཁྱུང་ལ་ནོར་བུས་འཐེན་ཐག་ཡིན། །གསེར་བྱ་བྱ་ཡུན་དཀར་མོ་ན། །ཐང་དཀར་སེན་སྐྱི་ཆད་པ་ཡིན། །སོ་ཡོན་བརྒྱག་ཆེན་ཝ་ཚོ་གློག་དམར་ན། །དོམ་དྲེད་ནགས་ལ་ཕྱི་ཆགས་ཡིན། །རྐང་སྤར་ལྡི་བུར་སུམ་སད་ཡེ་རྡོད་ན། །སེང་གེ་དགུང་མཐོང་བྱེད་པ་ཡིན། །འདི་རྣམས་གྲོས་ལ་ཁད་ཀྱི་ལམ་ལོག་ཡིན། །གཏིང་ལྡེམ་ཕར་ལ་ཆས་དུས་ཡིན། །གདོང་ལྕགས་དགྲ་ལ་རྒྱུག་དུས་ཡིན། །ལམ་ལོག་ཚུར་ལ་འོང་དུས་བརྩི། །དེ་རྣམས་མེད་ན་བཟང་བར་ངེས། །ད་ནི་ཐུག་ཕྲད་དཔྱད་པ་ལ། །ར་མདའ་དང་ནི་དམག་ཆེན་ལ། །ཐུག་ཕྲད་མེད་ན་འབྱམས་པ་ཡིན། །མཐོ་ནམ་མཁའ་དར་གྱིས་གང་ན་བཟང་། །བར་སྣང་ལྕགས་ཀྱིས་གང་ན་བཟང་། །ས་གཞི་རྟ་ཡིས་གང་ན་བཟང་། །འཕྲུ་དཀར་དམར་སྡོ་གསུམ་འདྲེས་ན་བཟང་། །དགྲ་ཆོམ་ཟུན་ཆོམ་འདྲེས་ན་བཟང་། །བྲག་མདུང་རྩེ་འདྲ་བ་འདྲེས་ན་བཟང་། །དབྱིག་དང་དཔའ་རྡོ་འདྲེས་ན་བཟང་། །རྣོ་མཚོན་མཚལ་ཁྲག་འདྲེས་ན་བཟང་། །སྔ་རུ་སྲབ་མདའ་འདྲེས་ན་བཟང་། །འདི་རྣམས་བབ་ན་ཐུག་ཕྲད་ཡིན། །ཐུག་ཕྲད་དགོས་ན་འདི་རྣམས་བརྟག །དར་ངོ་མཚོན་ངོ་རྟ་ངོ་རྣམས། །སྟོད་པར་སྨད་དུ་འགུལ་བ་དང་། །བྱ་ཡུན་དཔའ་བོ་སྡེ་དྲུག་དང་། །ཙེ་ར་ཝ་ཚོ་ཡར་ལྡིང་རྣམས། །ཕྱི་ནང་མེད་པར་འདྲེས་པ་ན། །འཕྲུ་དཀར་དམར་སྔོ་གསུམ་འདྲེས་པ་ཡིན། །འཕྲུ་ལ་དང་མའི་རྫི་འདི་འཇིགས།

---

^{[མ་དཔེ་གཟིགས་ན་འདིར་གནོན།]}

བཅུ་གསུམ་ལ་འཕྲུ་ཡི་རྫིའུ་དགོས། །འདི་ཡང་དག་འཕྲུ་ཡི་རྫིའུ་ཡིན། །འདི་ཡང་དག་ཐོ་ལེ་སྤུན་གསུམ་ཡིན། །ཟུན་གྱི་གད་རྒྱང་བོས་པ་ཡིན། །ཨ་ཁད་དཔའ་བོ་དངས་མའི་རིགས། །ཨ་ཁད་ཐོ་ལེ་འུར་རྒྱང་ཡིན། །འདི་གནོད་སྦྱིན་རྒྱལ་པོའི་ཕྱག་རྒྱ་ཡིན། །འདི་ངམ་རྗེ་རྩོལ་པོའི་ཀུ་ཅོ་ཡིན། །འདི་གཉའ་རིང་ཁྲག་མིག་བླ་དེ་ཡིན། །འདི་རྣམས་འདྲེས་ན་དགྲ་ཆོམ་ཟུན་ཆོམ་འདྲས། །བཅུ་གསུམ་ཡང་དག་སྐད་ཀྱི་རྫིའུ་ཡིན། །ཡང་ལྡི་བུར་དཔའ་བོ་སྤུན་དྲུག་དང་། །ལྡི་བུར་ཐོ་ལེ་སྤུན་གསུམ་འདི། །གཞན་ཡང་ཕྲག་གི་མདུད་རྩེ་ནི། །འདི་རྣམས་དང་ནི་ཙེ་ར་ཝང་ཐོག་དང་། །སད་ཤེལ་ཝེར་ཆུ་སྤང་འབྲུག་ཐོག་དང་། །བག་བྱ་བུར་ལ་སོགས་རྣོ་མཚོན་བླ། །སློ་བྲག་དང་ནི་འདྲེས་པ་ན། །རྣོ་མཚོན་མཚལ་ཁྲག་འདྲེས་པ་ཡིན། །རྫིའུ་ལ་བཅུ་གསུམ་སྟེང་དུ་ནི། །གལ་བར་ཐོད་དཀར་བབ་ན་བཟང་། །མཁའ་ལྡིང་རྒྱལ་མོ་འཕུར་ཤེས་ཡིན། །འདི་རྣམས་ཕྱི་ནང་འདྲེས་པ་ན། །སྔ་རུ་སྲབ་མདའ་འདྲེས་པ་ཡིན། །དབྱིག་དང་དཔའ་རྡོ་གང་བཞིན་ཤེས། །བྲག་ཆེན་ཆད་པ་

---

^{[མ་དཔེ་གཟིགས་ན་འདིར་གནོན།]}

ལ་སོགས་ཀྱི། །ཁ་འཛིན་བཅུ་གསུམ་བྱ་བུར་གསེར་ཐིག་ཡིན། །ད་ས་མདོའི་སྤྱང་ཚང་གང་འོག་དཔྱད། །གཉིས་ལ་སོ་ཡོན་བརྒྱག་ཅན་ན། །ས་མདོའི་སྤྱང་ཚང་འོག་མ་ཡིན། །ལྔ་ལ་བབ་ན་བར་མ་སྟེ། །བཅུ་གཉིས་དེ་བབ་གོང་མ་ཡིན། །དགྲ་ར་མདའ་ཕག་ཏུ་བརྫུས་ངོ་ཡིན། །དྲུག་ལ་དན་ཐང་ཆེན་དབུས་ནས་སླེབ། །བདུན་ལད་ན་ཇག་པར་ངན་ངོ་ཡིན། །བདུན་སྤོ་བྲག་བབ་ན་རྟ་འཆོར་ངོ་། །ཏྲོང་བྲག་བབ་ན་ལུག་འཆོར་སོགས། །གོང་བཤད་བཞིན་དུ་བཤད་པ་བསྒྱུར། །ལྔ་ལ་སོ་ཡོན་བརྒྱག་ཅན་དང་། །བརྒྱད་ལ་ཡར་ལྡང་སྒོ་བརྒྱག་ན། །དམག་དཔོན་དག་གི་མཐའ་མིག་ཡིན། །ལྔ་ལྡི་བུར་བརྒྱད་ལ་སེ་སྟོད་ན། །སྟག་རུ་བ་ཡི་མཐའ་མིག་ཡིན། །སུམ་སྐྱེར་སུམ་མཉམ་སྒོ་བརྒྱག་ན། ༈ ། སྣ་ཁྲིད་པ་ཡི་མཐའ་མིག་ཡིན། །བཅུ་གཉིས་བཅུ་གསུམ་དེ་ཚུགས་དཔྱད། །ཇག་མགྲོན་ཐུག་ཕྲད་ཐམས་ཅད་ལ། །མཁོ་བ་གདོང་ཐུགས་བསྒུག་ར་བཤད། །དེ་ལ་དང་པོ་གདོང་ཐུག་ནི། །གཅིག་ལ་ཨ་ཁད་གཉིས་ལ་ནི། །རུ་སོད་ཁ་ལེ་བབ་པ་ན། །སྟག་གཡག་ངོ་རུ་གདོང་ཐུག་ཡིན། །གསུམ་གྱི་དཀར་ཐོག་གཡུང་དྲུང་ན། །ཟུན་གྱི་བུ་རྟའི་རྒྱལ་ཁ་ཐོག །དེ་བཞིན་གཅིག་དང་གཉིས་ལ་ནི། །ཨ་ཁད་རྩེ་མ་མུ་ཙ་ལི་ཤོ་ན། །སྟག་སྒང་ངོ་རུ་གདོང་ཐུག་ཡིན། །རུ་སོད་ཁ་ལེ་ཧྲང་ཟེ་རྟ་གཡག་ཐུག །བྱོད་ཕུར་ཁ་ལེ་མདའ་དང་གཡག་གདོང་ཐུག །བྱ་རལ་རིན་ཆེན་མུ་ས་ཁྱི་དང་ཤ་བ་ཕྲད། །བྱ་ཡུན་དཀར་མོ་མུ་ས་བྱ་ཡུན་ཁྲ་གླག་ཕྲད། །བྱ་བུར་གསེར་ཐིག་ནག་ཆུང་ཟལ་ཟལ་ཉ་སྲམ་ཕྲད། །ལྡི་བུར་ཤང་རྩེ་སྤོ་སྟོད་དགྲ་ཟུན་ངོ་རུ་ཕྲད། །གལ་བར་ཐོད་དཀར་ཡར་ལྡང་འབྲུག་སེང་ཕྲད། །ལྡི་བུར་བག་ལྡི་ར་དང་འཕར་བ་ཕྲད། །བྱ་རལ་ཚོལ་ཚེ་ཁྱི་ཕག་གདོང་སྣ་ཕྲད། །དེ་རྣམས་གང་བབས་གསུམ་ལ་དཀར་ཐོག་ན། །

---

^{[མ་དཔེ་གཟིགས་ན་འདིར་གནོན།]}

ཟུན་གྱིས་རྒྱལ་ཁ་ལོན་པ་ཡིན། །ད་ནི་མ་སང་བསྒུག་ར་བཤད། །གཉིས་གལ་བར་བཅུ་ཡི་སུམ་མཉམ་ན། །རི་སྤྱང་སྔོན་མོར་བསྒུག་ར་བཙུགས། །ཇག་པའི་མོ་ལ་བྲོས་རེ་རན། །དེ་བཞིན་གཉིས་དང་བཅུ་ལ་ནི། །ལྕགས་ཁྲ་ཨ་ཁད་འཕར་བ་བསྒུག་རར་བཅུག །སྔ་དྲོ་ཉིན་གུང་ཐུག་ཕྲད་ཡིན། །བཅུ་ཨ་ཁད་རྩེ་མ་ཡིན་ན་ཐར། །བྱ་ཤིང་སྐྱམ་ལ་བྱི་བ་བསྒུག་ར་བཙུགས། །སྔ་དྲོ་གསུམ་གྱི་གོང་དུ་ཕྲད། །སྲིན་ཐོག་སྐྱམ་ཀྱང་དེ་དང་འདྲ། །སྔ་དྲོ་ལྔ་ཡི་གོང་དུ་ཐུག །གལ་བར་སྐྱེར་ལ་གསེར་ཉ་བསྒུག་ར་བཙུག །སྔ་དྲོ་དྲུག་གི་གོང་དུ་ཐུག །སྐྱེར་བྱ་སྐྱིན་དིང་ཁྲོ་ཆུའི་ཕ་བོང་འདྲིལ་རྐྱེན་ལ། །བྱི་བ་སྔོན་མོས་བསྒུག་ར་བཙུགས། །སྔ་དྲོ་བརྒྱད་ཀྱི་གོང་དུ་ཐུག །གློག་དམར་ལྡི་བུར་དཀར་ཐོག་ན། །ནམ་མཁའི་སྦལ་པར་ངོམ་བྱས་བསྒུག་ར་བཙུགས། །སྔ་དྲོ་དགུ་ཡི་གོང་དུ་ཐུག །གསེར་བྱ་རེ་སེ་ཀླུ་སྦྲུལ་འོལ་བས་བསྒུག །འདི་རྣམས་བསྒུག་ར་ཡིན་པས་བྲོས་ན་བཟང་། །བཅུ་གཅིག་བཅུ་གསུམ་བཟང་ན་བྲོས་པས་ཐར། །བབ་ལེན་བརྗེས་ན་དགྲ་བོ་བསྒུག་རར་ཚུད། །ཡང་ལྔ་དང་བདུན་གྱི་བསྒུག་འདྲིལ་བཤད། །ལྔ་སོ་ཡོན་ལིང་ཀུན་བདུན་བག་ཚོ། །མེ་དབལ་ཁྲོ་ཆུང་ཞེས་བྱ་བས། །བསྐལ་པ་འཇིག་པའི་བསྒུག་ར་བཙུགས། །གུང་ཚིགས་གཉིས་ཀྱི་ཐོག་ནས་འཕྲད། །དེ་བཞིན་ཙེ་ར་ཕུང་བྱལ་ངམ་རླུང་མཚོན་གྱིས་བསྒུག །གལ་བར་སྤོ་བར་སྤ་དཀར་དྲང་ཤིང་སྟྭ་རེས་བསྒུག །སྐྱེར་གསུམ་ཁྱུང་བརྒྱང་མཛོ་ཕོ་བཞི་དོ་གོང་ཚས་བསྒུག །སྐྱེར་བྱ་བྱོད་ཕུར་བྲ་བ་ནེ་ལེས་བསྒུག །ཕུང་བར་སོག་དཀར་ཨ་ཁད་ཙེ་མ་ན། །མི་བུ་སྟག་མོ་གྲུས་མས་བསྒུག །ཤང་རྩེ་སྤོ་བར་རྟ་ཕོ་མི་བུས་བསྒུག །གུང་ཚིགས་གསུམ་ནས་བརྒྱད་བར་རིམ་བཞིན་ཕྲད། །བརྗེས་ན་དགྲ་བོ་བསྒུག་རང་བཅུག །

---

^{[མ་དཔེ་གཟིགས་ན་འདིར་གནོན།]}

བརྒྱད་བཟང་ན་ཐུན་ལ་བཟང་བར་དཔྱད། །སྤྱིར་ཕྱི་སར་འཇིགས་པས་བསྒུག་རའི་དཔྱད། །གཉིས་གལ་བར་ལམ་དུ་དམག་ཆེན་ཕྲད། །གློག་དམར་དྲག་རྩལ་ཅན་དང་ཕྲད། །གསེར་ཐིག་ཁྲབ་བེར་ཅན་དང་འཕྲད། །གསེར་བྱ་གསེར་ཡིག་ཅན་ལ་སོགས། །མདོར་ན་ཕྱི་ས་བཞི་དང་ནི། །ཁྱད་པར་གཉིས་ལྔ་བཅུ་གཉིས་ལ། །ཉེ་དང་བར་མ་རིང་པོ་ཡི། །ས་ནས་ཐུག་ཕྲད་དེ་ལྟར་བརྟག །གསུམ་དྲུག་བཅུ་གཅིག་དག་ཏུ་ནི། །དཀར་ཐོག་ལ་སོགས་ཁས་དྲག་ན། །ཟུན་གྱི་རྒྱལ་ཁ་ལོན་པ་ཡིན། །ལར་དགྲ་ཟུན་འཐབས་ལྔ་བདུན་ཡིན། །ལྔ་འདི་གཉའ་རིང་སྲིན་ཀྱི་སོ་པའི་ས། །བདུན་འདི་གཡའ་སྤང་སྐྱེས་གཅིག་སོ་བ་ཡིན། །འཁྲུག་པའི་རྒྱལ་ཕམ་དེ་ལ་དཔྱད། །ལྔ་སོ་ཡོན་བདུན་ལ་ལྡི་བུར་ན། །གཡའ་སྤང་མདའ་འཕང་སྲིན་ལ་ཕོག །ལྔ་སྐྱམ་བདུན་གྱི་ཚོལ་ཚེ་ན། །གཡའ་སྤང་སྐྱིད་ཀྱི་ཕྱེ་མར་ཟ། །གཉའ་རིང་མཆི་མ་ཁྲག་ཏུ་ངུས། །ལྔ་སྐྱམ་བདུན་གྱི་ལྡི་བུར་ན། །གཡའ་སྤང་རྣོ་མཚོན་ངར་ཆེན་བཟུང་། །གཉའ་རིང་བེར་རྒ་ཆག་པོ་བཟུང་། །ལྔ་ཕུང་ཁད་བདུན་ལ་ཁྱུང་བརྒྱད་ན། །གཡའ་སྤང་རྐྱང་ཆིབ་སྲིན་གྱིས་བོང་བུ་ཞོན། །ལྔ་ན་འབན་བདུན་ལ་སྐྱིན་དིང་ན། །གཉའ་རིང་དམག་ཆེན་བསྡུས་ན་ཡང་། །གཡའ་སྤང་རྫོང་ལ་ཞུགས་ནས་སུ། །ཁྲི་ཚོ་སྟོང་ལ་སྡུག་པའི་ངོ་། །ལྔ་མ་ཟེ་བདུན་གྱི་བྱོད་ཕུར་ན། །གཉའ་རིང་གི་ཁྲབ་ཆེན་སྟོང་ཚོ་དེ། །གཡའ་སྤང་ར་སླག་ཅན་གྱིས་བཟློག །སྟོང་ཚོ་གཅིག་ལ་རྡུགས་པའི་ངོ་། །ལྔ་སྐྱམ་བདུན་གྱི་རང་སྙན་ན། །གཡའ་སྤང་གད་མོ་ལྷག་གིས་བགད། །གཉའ་རིང་བཙུན་མོ་ངུ་འབོད་བྱས། །དེ་རྣམས་བརྗེས་ན་དགྲ་གྱོད་འོང་། །གཏོ་ལ་དགྲ་མཁར་དག་ལ་ནི། །རེ་བའི་བ་དན་བཙུགས་ནས་སུ། །ཐལ་བ་རྡོ་དཀར་ཕྱེ་མར་བཞག །བུ་ཚའི་དམག་

---

^{[མ་དཔེ་གཟིགས་ན་འདིར་གནོན།]}

བསྡུས་ཕྱེ་མར་གཏོར། །དགྲ་མཁར་བསྐྱེལ་ལ་བ་དན་བསྲེག །དར་ཕྱར་དུང་འབུད་དགྲ་བླ་གསོལ། །དེ་ནི་དགྲ་བཟློག་མན་ངག་ཡིན། །ད་བདུན་གྱི་བྱོད་ཕུར་བརྒྱད་སོ་ཡོན། །གཡའ་སྤང་འོག་རྟ་འཐེང་བ་ཡིན། །སྟེང་དུ་གཞུ་མོ་ཆག་པ་ཡིན། །བདུན་གྱི་ལྡི་བུར་བརྒྱད་སྐྱམ་ན། །གཡའ་སྤང་ནད་ཀྱིས་ཐེབ་པ་ཡིན། །བདུན་གྱི་དྭངས་མ་བརྒྱད་ཕུང་བར། །གཡའ་སྤང་ཁྲེལ་གྱིས་གོས་པ་ཡིན། །བདུན་གྱི་བྱོད་ཕུར་བརྒྱད་སེ་སྟོད། །གཡའ་སྤང་བྱེས་མགྲོན་ལ་སོང་ནས། །ལམ་ལོག་བྱས་ཤིང་གྱོད་ལ་འཐོག །བདུན་གྱི་སེ་སྟོང་བརྒྱད་སོ་ཡོན། །གཡའ་སྤང་མི་རྨིས་རྟ་འཐིང་ཡིན། །བདུན་གྱི་ཚོལ་ཚེ་བརྒྱད་བྱོད་ཕུར། །གཡའ་སྤང་ཐེ་ལེ་བྱས་པ་ཡིན། །བདུན་གྱི་བྱོད་ཕུར་བརྒྱད་ལྡི་བུར། །གཡའ་པང་བསམ་པ་འགྲུབ་པ་ཡིན། །བདུན་གྱི་བྱོད་ཕུར་བརྒྱད་ཨ་ཁད། །གཡའ་སྤང་ཁ་ཕོ་བྱས་པ་ཡིན། །བདུན་གྱི་སྤོ་བར་བརྒྱད་སྤོ་སང་། །གཡའ་སྤང་གྱོད་ལས་ཐར་པ་ཡིན། །དེ་སོགས་ཞིབ་ཏུ་དཔྱད་པར་བྱ། །ལར་ཕྱི་ས་ཆག་ན་དགྲ་ཕྱར་བཟང་། །དམག་དཔོན་སོགས་ཀྱི་ལོ་མལ་གང་། །ཕྱི་སར་ཡོད་པ་དེ་དར་ཀྱང་། །དགྲ་ཁྱིམ་ཟུན་གབ་ཟེར་ཏེ་ཅུང་མི་སྐྱོན། །རང་སར་ཁས་དྲག་ཤིན་ཏུ་གཅེས། །ཕྱི་སར་ལྡི་བུར་ཅི་དང་ཀྱང་། །རང་སའི་ཧྲང་ཐེ་དག་གིས་ཐུབ། །ཕྱི་སར་མ་ཐེ་ཅི་བྱུང་ཡང་། །རང་སའི་སྐྱིན་དིང་དག་གིས་ཐུབ། །དེ་སོགས་ཐུབ་ཐང་ཤེས་པར་བྱ། །ད་ནི་གནངས་ཀྱི་ཐོབ་ངོ་ལ། །མགྲོན་ཕྱིའི་སྐབས་ཀྱི་བྱིན་ལན་སོགས། །གོང་མ་ཀུན་དང་འཕྲུལ་ཞིང་དཔྱད། །ཡང་ཐོབ་པའི་དྲ་མ་བལྡབ་ཁུག་བཤད། །བཞི་ལ་ཡར་ལྡིང་སྐྱེར་བརྒྱག་དང་། །བརྒྱད་ལ་ཡར་ལྡིང་སྐྱེར་བརྒྱག་ན། །མཁར་ལ་བ་གམ་བཏགས་པ་ཡིན། །ཐོབ་ན་དྲ་མ་བལྡབ་ན་བཟང་། །བཞི་བརྒྱད་གལ་བར་ཐོད་དཀར་ན། །ཁྲབ་ལ་སྟག་ཤམ་བཏགས་པ་ཡིན། །བཞི་བརྒྱད་ཝ་ཚོ་བརྒྱག་ཅན་ན། །མདུང་ལ་བ་དན་བཏགས་པ་ཡིན། །

---

^{[མ་དཔེ་གཟིགས་ན་འདིར་གནོན།]}

བཞི་བརྒྱད་དམུ་དག་བརྒྱག་ཅན་ན། །རྣོན་པོ་རྩེ་མོ་བྱུང་རྒྱལ་ཡིན། །བཞི་བརྒྱད་ཙེ་ར་ཝང་ཐོག་ན། །རྣོན་པོ་ངར་ཆུ་སྤྲད་པ་ཡིན། །བཞི་བརྒྱད་བྱ་ཡུན་དཀར་མོ་ན། །ཐང་དཀར་གཤོག་པ་བརྐྱང་པ་ཡིན། །བཞི་བརྒྱད་བྱ་བུར་བརྒྱག་ཅན་ན། །དུང་ཕོས་དཔའ་སྐད་ཐོན་པ་ཡིན། །བཞི་བརྒྱད་ཁྱུང་བརྒྱད་བརྒྱག་ཅན་ན། །ཁྱུང་ཆེན་གཤོག་པ་རྒྱས་པ་ཡིན། །བཞི་བརྒྱད་ཁ་ལང་ཆེན་མོ་ན། །གཡུ་འབྲུག་གསུང་སྐད་གྲགས་པ་ཡིན། །བཞི་བརྒྱད་རུ་སོད་དཔལ་ངར་ན། །ལྷ་གཡག་དཔལ་རུ་རྒྱས་པ་ཡིན། །བཞི་བརྒྱད་གློག་དམར་ལྡི་བུར་ན། །རྐྱ་བཀྲ་ལ་ཉེ་བྱེད་པ་ཡིན། །བཞི་བརྒྱད་རྐང་སྤར་ལྡི་བུར་ན། །དབྱི་དཀར་གཟན་ལ་ཆས་པ་ཡིན། །བཞི་བརྒྱད་ཛ་བང་ཛུ་བང་ན། །དུང་སེང་སེན་མོ་བརྡར་བ་ཡིན། །བཞི་བརྒྱད་པ་ཙ་ལ་རྔམ་ན། །རྒྱ་སྟག་གཟན་ལ་ཆས་པ་ཡིན། །འདི་རྣམས་ཐོབ་ནས་དྲ་མ་བལྡབ་ན་བཟང་། །གཅིག་ཐོབ་སྟེང་དུ་གཉིས་ཐོབ་ངོ་། །མ་སང་རྟ་ངོ་དཔྱད་པ་ལ། །ལྔ་འདི་དགྲ་ཡི་རྟ་བྲེས་ཡིན། །བདུན་འདི་ཟུན་གྱི་རྟ་བྲེས་ཡིན། །ལྔ་ལ་མ་ཟེ་བབ་ན་ནི། །དགྲ་ཡི་རྟ་བྲེས་ཞིག་པ་ཡིན། །སྤུ་རིས་ཇི་ཐོབ་བརྒྱད་ལ་དཔྱད། །དེ་ཚུགས་བབ་ན་དགྲ་མེད་ལ། །གྲོག་ནོར་འལ་འོལ་ཆལ་ཆོལ་འོང་། །མ་སང་རྟ་ངོ་བརྒྱང་ལ་དཔྱད། །ཀྱེ་བ་ཐམས་ཅད་ཁྲ་བོ་ཡིན། །མུ་ས་ཐམས་ཅད་སེར་པོ་ཡིན། །ཁྱུང་བརྒྱང་ཐམས་ཅད་ཁམས་པ་ཡིན། །ཡར་ནམ་སང་དམར་པོ་མདོ་རིས་ཅན། །གློག་དམར་ཁམས་པ་མདོ་རིས་ཅན། །ཁ་ལང་གྲོ་བོ་གཡུང་དྲུང་ཅན། །རྐང་སྤར་དཀར་པོ་མདངས་རིས་ཅན། །རུ་སོད་ཁ་ལེ་ནག་པོའི་མདངས། །སྤོ་ཚེ་མཚལ་རྐྱང་མདོང་རིས་ཅན། །གལ་བར་ཐོད་དཀར་རྐྱང་མདང་ཅེ་ན། །ཡང་ན་བྲ་བོ་སྟེང་དཀར་ཡིན། །ཚོལ་ཚེ་བུ་བརྒྱག་གྲོ་སྔོན་ཡིན། །སུམ་མཉམ་སེར་ཞུར་མདང་རིས་ཅན། །ཨ་ཁད་དམར་པོ་མེ་ལྕེ་ཁ། །ལྡི་བུར་ཁམས་པ་རག་

---

^{[མ་དཔེ་གཟིགས་ན་འདིར་གནོན།]}

མགོ་ཡིན། །བྱ་ཡུན་ཟག་དཀར་མདོ་རིས་ཅན། །སྐྱེར་འུན་ཟག་དམར་མདངས་དང་ལྡན། །བྱ་བུར་ངང་ཟག་མདོག་ཏུ་གནས། །བག་ཚོ་ཁྲ་བོ་ཟག་ཞུར་ཡིན། །དོག་ཚང་གལ་བ་གཞུང་ཁྲེལ་ཡིན། །བྱ་རལ་རིན་ཆེན་བྲ་རྐྱང་ཡིན། །སྤོ་བར་སྒོ་བརྒྱག་མཚལ་མདངས་ཅན། །སྐྱིན་དིང་གཡུ་ཐོག་བོང་ཁ་སྟག་ལག་ཡིན། །བདུན་བརྒྱད་གང་བྱུང་དེ་འདྲ་ཐོབ། །དེ་རྣམས་ཐོབ་ངེས་རྫིའུ་ལ། །བཅུ་གཅིག་དགྲ་བླའི་རྟ་བྲེས་གོང་མ་ལ། །དམུ་དག་བརྒྱག་ཅན་བབ་ན་ཡིན། །ཡང་ན་བདུན་ལ་བབ་ཀྱང་ཆོག །ལྔ་ལ་རྟ་ངོ་འདི་རྣམས་བབ། །བདུན་ལ་མ་ཟེ་སྒོ་བཞི་དང་། །བཅུ་གཅིག་ཕུང་བར་ཝ་ལྡི་ན། །དེ་འདྲ་ཕར་ལ་འཆོར་བ་ཡིན། །དམུ་དག་ཕྱི་སར་སོང་ཀྱང་ངན། །དེ་སོགས་གནངས་ཀྱི་ཐོབ་ཚུལ་དཔྱད། །ད་མ་ཐོབ་སྟོང་རི་བསྐོར་ལོག་བཤད། །བཅུ་གསུམ་སྟེང་དུ་ཡར་ལྡིང་བཟང་ན་ཡང་། །བཅུ་གཅིག་བག་ཚོ་བརྒྱག་ཅན་ན། །སྨོན་པ་དོན་མེད་ས་མཐའ་བསྐོར། །མ་ཐོབ་སྟོང་རིའི་བསྐོར་རྒྱབ་བཟང་། །དེ་བཞིན་སྔ་མ་བཅུ་གསུམ་དང་། །ཕྱི་མ་བཅུ་གཅིག་ལ་སྦྱར་ཏེ། །དམུ་དག་བརྒྱག་ཅན་ལི་ཡན་ན། །དུང་གི་གྲུམ་པས་རི་མཐའ་བསྐོར། །བྱ་བུར་བརྒྱག་ཅན་བྱ་རལ་ན། །གཡུ་ཡི་བྱི་བས་རི་མཐའ་འཁོར། །གལ་བར་ཐོད་དཀར་ཕུང་བར་ཝ་སྐྱམ་ན། །གསེར་བྱ་མ་བྱིལ་གྱིས་རི་ཕྱི་འཁོར། །པ་ཙ་ལ་རྔམ་ཕུང་བྱལ་ན། །གསེར་སྤྲེལ་སེར་བོས་རི་མཐའ་འཁོར། །ཕུང་བར་གསེར་སྟག་ཐང་ལེ་ན། །དོམ་བུ་ཐུགས་ཀར་རི་མཐའ་འཁོར། །ཀུ་ཡེ་བྱིལ་ཚང་བག་ལྡི་ན། །རྒྱ་སྟག་དམར་པོས་རི་མཐའ་འཁོར། །དོག་ཚང་ཁྲ་མོ་ལི་ཡན་ན། །ཀླུ་གླང་དཀར་མོ་རི་མཐའ་བསྐོར། །སུམ་མཉམ་བུ་བརྒྱག་ཝ་ལྡི་ན། །ལྕགས་སྤྱང་སྔོན་མོས་རི་མཐའ་འཁོར། །

---

^{[མ་དཔེ་གཟིགས་ན་འདིར་གནོན།]}

སྐྱེར་བྱ་ར་བརྒྱག་ཐང་ལེ་ན། །དགྲ་བླའི་ལྕམ་མོས་རི་མཐའ་འཁོར། །མ་ཐོབ་སྟོང་རི་སྐོར་ལོག་ཡིན། །ལར་རང་ས་བཙན་ཀྱང་ཕྱི་དར་ན། །དགྲ་ལ་གཅོད་མ་མི་ཐེབ་སྟེ། །ཕྱི་གཅོད་པའི་སྟྭ་རེས་མ་བཅད་ན། །ནང་ནོར་ངོ་བྱུང་ཡང་མི་འཚེང་ངོ་། །ནང་དུ་ནོར་ངོ་མ་བྱུང་ན། ། ཁས་དྲག་མང་ཀྱང་མི་འཚེང་ངོ་། །བཙན་སར་ཝེར་མ་མ་བབ་ན། །ཕྱི་ས་ཆག་ཀྱང་ཕན་པར་དཀའ། །ཕྱི་སར་གཅོད་སྟར་དོན་སར་གྲོག་ངོ་དང་། །བཙན་སར་ཁས་དྲག་ཝེར་མ་བབས། །དགྲ་སོད་དོན་གྲུབ་ནོར་གྱིས་འཚེང་། །དེ་ནས་ཇག་པའི་ཕྱི་ལམ་ནི། །མགྲོན་གྱི་སྐབས་སུ་བཤད་ལྟར་དཔྱད། །བཅུ་གསུམ་དར་ཞིང་བཅུ་གཉིས་ཆག །ཇག་མགྲོན་ཕྱི་ལམ་བདེ་བ་ཡིན། །ད་གཡའ་སྤང་ལམ་མོ་ལོག་འཐེན་ཅེས། །ཇག་པ་ཐབས་ཆག་མོ་བཤད་ན། །ལར་གྱི་གཡའ་སྤང་མཆེད་བཞི་ཡོད། །བྱོད་ཕུར་ཁྱུང་བརྒྱང་དར་བའི་གཡའ་སྤང་ཡིན། །སྐྱམ་དང་ལི་ཡན་རྒུད་པའི་གཡའ་སྤང་ཡིན། །ཐབས་མ་ཆགས་དར་བ་གཉིས་ལ་དཔྱད། །ཐབས་ཆགས་རྒུད་པ་གཉིས་དང་ནི། །སྐྱེར་དང་བཅས་པ་གསུམ་ལའང་བརྩི། །དེ་གསུམ་བདུན་བབས་ཐབས་ཆགས་ཙམ་དུ་རུང་། །ད་གཡའ་སྤང་ལོག་འཐེན་མོ་ལ་ནི། །གསང་ཚིག་ཆེན་པོ་བཅོ་ལྔ་ཡོད། །དེ་མ་ཤེས་ལམ་མོ་མི་ཤེས་སོ། །ལི་ཡན་འཕྲུལ་ཚེའི་གསང་ཚིག་ལྔ། །བདུན་ལི་ཡན་བརྒྱད་ལ་བྱ་བུར་བརྒྱག །གཡའ་སྤང་སྐྱེས་གཅིག་བསམ་པ་འགྲུབ། །སྲིན་ཨག་པ་རྒྱལ་དང་ཨུག་མོ་རྒན། །དེ་གཉིས་བླ་ནི་གཏིལ་དུ་ཟིན། །ཇག་པ་ཐབས་ཆག་མོ་ལ་བཟང་། །བདུན་ལི་ཡན་བརྒྱད་ལ་བྱོད་བུར་ན། །གཡའ་སྤོང་སྐད་དེ་ཆད་ནས་དབུགས་དེ་ཕྱུང་། །ཐང་ཆད་ནས་ནོར་རྙེད་ངོ་ཡིན་ནོ། །བདུན་ལི་ཡན་བརྒྱད་ལ་ཨ་ཁད་རྩེ་མ་ན། །གཡའ་སྤང་ཁ་

---

^{[མ་དཔེ་གཟིགས་ན་འདིར་གནོན།]}

ཕོ་བསྒྲག་པ་ཡིན། །ཕོངས་པས་ནོར་རྙེད་དབུལ་པོ་ཕྱུག །ཇག་བ་ཆད་པོ་ནོར་དང་འཕྲད། །བདུན་གྱི་ལི་ཡན་བརྒྱད་ལ་མུ་ཙ་མེད། །གཡའ་སྤང་བདུད་ལ་ཤག་ཐེབས་ནས། །སྐྱེས་བུ་གཏམ་གྱིས་རྒྱལ་ངོ་ཡིན། །བདུན་ལ་ལི་ཡན་བརྒྱད་ཀྱི་ནི། །ཤོ་བྱི་ཤོ་ཤག་དགུའི་ཚོལ་ཚེ། །གཡའ་སྤང་སྲིན་ལ་བློ་ཇག་ཡག །ཇག་རེས་གཅིག་ལ་དོན་གསུམ་གྲུབ། །གཞན་ཡང་ལི་ཡན་མཆོག་དེད་ལ། །བདུན་ལི་ཡན་བརྒྱད་ཀྱི་སྐྱིན་དིང་གཡུ་ཐོག་ན། །ལི་ཡན་ཕུང་ཡུལ་གསེར་རི་ལ། །ཕྱི་ཡི་གསེར་ཐོན་ཞེས་ཏེ་བཟང་། །དེ་བཞིན་བདུན་དང་བརྒྱད་མིག་ལ། །ལི་ཡན་སྐྱམ་གྱི་ཕུམ་བུ་གཡུ་མིག་ན། །ཤིད་གཞོད་སྐྱ་མོར་ཕྱེ་མར་སྤུང་། །ལི་ཡན་བྱ་བུར་མུན་པར་དུང་ཟླ་ཚེས། །ལི་ཡན་སྟོང་པ་གང་བའི་རིགས། །བབ་ན་ཇག་འགྲུལ་མོ་་ལ་བཟང་། །ལྔ་ཆག་ན་ནོར་ཐོབ་ངོ་རུ་ངེས། །གནང་ཆེན་ཆུང་ཡང་ཕྲལ་ཇག་ཡག །ལི་ཡན་འཕྲུལ་གྱི་ལྡེའུ་མིག་གོ ། སྐྱམ་ཆུ་ཤེལ་དཀར་མོའི་གསང་ཚིག་ལ། །བདུན་སྐྱམ་བརྒྱད་ལ་ཚོལ་ཚེ་བུ་བརྒྱག་ན། །ཤུམ་མེ་ངུས་པ་ལྷག་གེ་བགད། །སྡུག་སྙིང་སྐྱིད་ཀྱིས་བསལ་བ་ཡིན། །ཇག་པ་སྙིང་ནོར་ཕྲད་པ་ཡིན། །དེ་བཞིན་བདུན་དང་བརྒྱད་དག་ལ། །སྐྱམ་གློག་དམར་མིག་སྒོའི་མཆི་མ་སྐམ། །གཡའ་འབྲུམ་བླ་གཡུ་ཐོབ་པ་ཡིན། །སྐྱམ་དང་དམུ་དག་བརྒྱག་ཅན་ན། །སྡུག་གི་ཁུར་ཕོག་བྱུར་ཐག་ཆད། །གཡའ་སྤང་སྐྱེས་གཅིག་བསམ་དོན་འགྲུབ། །སྐྱམ་དང་སྐྱམ་ཆུང་ཕུམ་བུ་གཡུ་མིག་ན། །ཕོངས་པས་འབྲི་སྦྲེལ་རྙེད་ནོར་ཐོབ། །སྐྱམ་དང་ལྡི་བུར་རུ་སྔོན་ན། །ར་སྐྱེས་སྒ་དང་བཅས་པ་ཐོབ། །སྲིན་གྱི་ར་རྫི་བསད་ནས་སུ། །སྒ་ཅན་སྲབ་བཤལ་ཐོབ་པ་ཡིན། །དགྲ་ལ་སྙིང་འཁྲུགས་ཐེབ་ངོ་ཡིན། །

---

^{[མ་དཔེ་གཟིགས་ན་འདིར་གནོན།]}

དེ་སྐྱམ་གྱི་གསང་ཚིག་ལྔ་པོ་ཡིན། །སྐྱེར་གྱི་ལིང་འཕར་མའི་གསང་ཚིག་ལ། །བདུན་གྱི་སྐྱེར་ལ་སྒོར་བརྒྱག་ཅན། །བརྒྱད་ལ་ཡར་ལྡང་སྐྱེར་བརྒྱག་ན། །སེང་གེ་དཀར་མོའི་སྔེར་འཁྲབ་དེས། །གདང་འཐོག་ཝ་མོ་ཐར་བ་ཡིན། །བདུན་ལ་སྐྱེར་འུན་ར་བརྒྱག་དང་། །བརྒྱད་ལ་ཡར་ལྡིང་སྐྱེར་བརྒྱག་ན། །གནང་ཡང་ཤོ་མིག་རྒྱས་པ་ཐོབ། །སེ་བོ་སྐར་མ་ཙམ་ཞིག་ཐོབ། །བདུན་སྐྱེར་བརྒྱད་ལ་སྐྱེར་འུན་བུ་བརྒྱག་ན། །ཕ་སེར་མེད་བུ་ཡིས་སེར་ཟིན་ཡིན། །རལ་གྲིའི་སོ་ལ་རྣོ་ངར་ཐོན། །སྐྱེས་ཕོད་དཀར་གྱི་ཆིབ་པ་བྱ་བརྫུས་དང་། །དཔྱལ་མོ་བཙུན་བཟང་པོ་གཉིས་དུས་གཅིག་ཐོབ། །བདུན་སྐྱེར་བརྒྱད་ཀྱི་ཝ་ཚོ་ན། །ཞ་ཉེའི་མདུང་ཡུར་གནམ་ལྕགས་མདུད་མོ་བཏགས། །སྡེ་ཡི་གཡུལ་འགྱེད་ཡག་པ་ཡིན། །སྡར་མས་མདུང་མོ་ཐོབ་ངོ་ཡིན། །བདུན་སྐྱེར་བརྒྱད་ལ་གྱི་ལིང་འཕར་མ་ན། །ཕ་མེད་མ་མེད་དྭའུ་ནི། །སྤུན་གྱི་སོ་ནམ་ཚུད་པ་ཡིན། །དེ་སྐྱེར་གྱི་གསང་ཚིག་ལྔ་པོ་ཡིན། །གཞན་ཡང་བཅུ་ལ་སྐྱེར་འུན་ར་བརྒྱག་ནས། །བཅུ་གཅིག་བཟང་ན་དགྲ་བོ་སོད། །རྟ་སྒ་སྲབ་ཅན་དང་མཚོན་ཆ་ཐོབ། །དེ་ལྟར་དགྲ་ཕྱའི་ཁོག་བུབ་ནས། །རྐང་ཐང་རྐུན་མའི་སྐྱིན་ལེན་ནི། །གཅིག་དང་གཉིས་དང་གསུམ་ལ་དཔྱད། །རྐྱ་མི་རྐུན་མའི་སྦྱིན་ལེན་ནི། །བཞི་དང་ལྔ་དང་དྲུག་ལ་དཔྱད། །ཇག་པ་ཆེ་ཆུང་སྦྱིན་ལེན་ནི། །བརྒྱད་དང་དགུ་དང་བཅུ་ལ་དཔྱད། །དམག་ཆེན་ཡུལ་མཁར་ཐོབ་ཤོར་ནི། །བཅུ་གཅིག་བཅུ་གཉིས་བཅུ་གསུམ་དཔྱད། །སྤྱིར་ཀུན་ལ་ཀུན་ཀྱང་བརྟག་པར་བྱ། །གདམས་ངག་བླ་མའི་ཞལ་ཤེས་ཟབ། ༈ ། ཁ་མཆུ་གཏུག་ཤེར་བྱ་བ་ལའང་། །ཤག་འགྱེད་ལྔ་བདུན་སྟོབས་བརྩི་ཞིང་། །བར་མི་དགུ་དེ་སུ་ལ་ཕྱོགས། །བཅུ་ཡི་སྟེང་དུ་དཔྱད་པར་བྱ། །ནམ་ཕུག་རྒྱལ་ཕམ་བཅུ་གཅིག་དང་།

---

^{[མ་དཔེ་གཟིགས་ན་འདིར་གནོན།]}

བཅུ་གཉིས་སྟོབས་དཔྱད་བཅུ་གསུམ་གྱི། །རྩེ་འཛིན་བཟང་ངན་སྤྱི་ལ་གཅེས། །ཨ་ཁད་བཟང་རིགས་རང་སར་བཟང་། །གཏམ་ངན་བསྒྲག་ན་ཕུང་ཁད་སོགས། །བཅུ་གསུམ་སྟེང་དུ་བབ་ཀྱང་བཟང་། །རྒན་པའི་སྲེ་མོང་འབྲུ་བདུན་བཤད། །རྒྱ་གྲོག་ཉི་མ་བྲག་དང་གཅིག །དཀར་ཏེ་མགྲོན་བུ་བྲག་དང་གཉིས། །དམར་ཏེ་ལྗི་བ་བྲག་དང་གསུམ། །ནག་སྟེ་སྲན་མ་བྲག་དང་བཞི། །བྱ་ཤི་གདུང་མ་བྲག་དང་ལྔ། །བྱ་ནག་མཇུག་ཆག་བྲག་དང་དྲུག །བྱ་རྗེ་ངང་པ་བྲག་དང་བདུན། །འདི་བདུན་བྲག་གི་འབྲུ་བདུན་ཡིན། །དགྲ་གཞི་དཀོར་གསུམ་ཀུན་ལ་ངན། །གྱོད་ཆེན་གཏམ་ཉིན་བྱ་ནག་བཟང་། །བྱ་ནག་གྲིབ་མ་ཅི་ལ་དཀར། །བྱ་ནག་གྲིབ་མ་གྱོད་ལ་དཀར། ༈ ། རྔོན་པ་རི་དྭགས་བླ་རྟགས་ཀྱི། །སྒོ་བརྒྱག་དང་ནི་ཕྱི་ས་རུ། །སློ་ངོ་སེ་སྟོད་བབས་ན་བཟང་། །ཕལ་ཆེར་དགྲ་ཕྱའི་ཁོག་དང་མཚུངས། ༈ ། དྲག་པོ་མཐུ་ཡི་ལས་བྱེད་ན། །ལྷ་སར་ཁ་དྲག་ཝེར་མ་དགོས། །དགྲ་སར་བདུད་བྲག་སེ་སྟོད་དགོས། །གང་བསྒྲུབ་ལྷ་ཡི་བླ་མདུད་རྣམས། །རང་སར་འཁོར་ཞིབ་ཕྱི་ས་རུ། །སྒོ་བརྒྱག་ངན་སྙིགས་རིགས་བབ་ནས། །བཅུ་གསུམ་རྩེ་འཛིན་ཁ་ལང་དང་། །རྩེ་མ་ལ་སོགས་བབ་པ་ན། །དྲག་པོ་མཐུ་ཡི་སྙན་པ་རྒྱས། །ཞིབ་པར་གཞན་ལས་ཤེས་པར་བྱ། ༈ ། ད་ནི་ཤོ་རྒྱན་རྒྱལ་ཕམ་དཔྱད། །གཉིས་པ་ངན་ཞིང་གསུམ་བཟང་ན། །རྒྱན་ལས་རྒྱལ་བར་ཐེ་ཚོམ་མེད། །སྐྱིན་དིང་སོ་ཡོན་སྤོ་པར་

---

^{[མ་དཔེ་གཟིགས་ན་འདིར་གནོན།]}

གསུམ། །བརྒྱག་ན་རྒྱན་ལྷ་སྤུན་གསུམ་ཡིན། །ལྔ་ངན་དྲུག་བཟང་ཤོ་རྒྱལ་ལོ། །ཤོ་དོ་བཟང་གསུམ་ཤོ་ལྷ་ཡིན། །དགུ་ངན་བཅུ་བཟང་མདའ་རྒྱལ་ལོ། །དམུ་དག་བརྒྱག་བཟང་མདའ་ཡི་ལྷ། །ལྔ་ངན་བདུན་བཟང་རྟ་རྒྱུག་རྒྱལ། །ལི་ཡན་བཟང་རིགས་རྒྱུག་གི་ལྷ། །དེ་བཞིན་རྩལ་འགྲན་ལ་སོགས་པར། །ལྔ་བདུན་ལ་སོགས་ཕྱི་ནང་དཔྱད། །ཀྱེ་བ་སད་དེ་ཨ་ཁད་སོགས། །གློ་དང་གྲོས་ཀྱིས་རྒྱལ་བའི་ལྷ། །ལྡི་བུར་ཤང་རྩེ་རུ་དཀར་སོགས། །དཔའ་དང་རྣོ་སོས་རྒྱལ་བའི་ལྷ། །ཤ་རིང་སྤོ་ཚེ་བསམ་འགྲུབ་སོགས། །བསོད་ནམས་བསམ་པ་འགྲུབ་པའི་ལྷ། །ལྕགས་ཁྲ་དཀར་ཐོག་གཡུང་དྲུང་སོགས། །ཆེ་བཙན་མཐུ་ཡིས་རྒྱལ་བའི་ལྷ། །གལ་བར་གླང་ཆེན་ཐོད་དཀར་སོགས། །སྟོབས་དང་བརྗིད་དང་ཤུགས་ཀྱི་ལྷ། །སྲང་ཐེ་ཁ་ལང་ཆེན་པོ་སོགས། །ལྷ་དང་ཝེར་མའི་ཤུགས་ཀྱིས་རྒྱལ། །རྐང་སྤར་དུད་རྒོད་ལ་སོགས་པ། །རྩལ་དང་ཚན་གྱིས་རྒྱལ་བའི་ལྷ། །མུ་ས་ཡ་རུ་དིལ་དཀར་སོགས། །གྲངས་དང་དཔུངས་ཀྱིས་རྒྱལ་བའི་ལྷ། །དེ་སོགས་ཁས་དྲག་རང་སར་བཟང་། །སྐྱམ་མཆི་མ་ལི་ཡན་སྙིང་སྟོང་དང་། །སོ་ཡོན་ངོ་འཛུམ་གནག་པ་སོགས། །ཕྱི་ས་དགྲ་ཡི་མལ་དུ་གཅེས། །དེ་ཚུགས་བབ་ན་རང་ཉིད་རྒྱལ། ༈ ། ད་ནི་དགུ་པ་ནད་ཕྱྭ་བཤད་པ་ལ། །དང་པོ་ལེགས་ཉེས་བརྟག་པ་དང་། །བར་དུ་ནད་ཀྱི་ངོས་འཛིན་དང་། །ཐ་མར་སྨན་དཔྱད་རིམ་གྲོ་སྟེ། །ས་བཅད་གསུམ་གྱིས་བསྟན་པ་ལས། །དང་པོ་བཟང་ངན་དཔྱད་པ་ལ། །སྤྱི་ཡི་དབང་དུ་བྱས་པ་ནི། །གཅིག་ནད་གཞི་ཡིན་པས་ཡང་ན་བཟང་། །གཉིས་རྡེ་ཁང་མ་འཁྱག་དོན་བཟང་། །གསུམ་སྨན་པ་མ་འགྱོད་དགའ་ན་བཟང་། །བཞི་སྨན་ཕོར་བདུད་རྩིས་གང་ན་བཟང་། །ལྔ་གཏམ་འདྲི་སྙན་ལམ་

---

^{[མ་དཔེ་གཟིགས་ན་འདིར་གནོན།]}

འཇམ་ན་བཟང་། །དྲུག་རྟེན་མ་མ་འཐོར་དམན་བཟང་། །བདུན་ངར་མའི་ཉལ་ས་གང་ན་བཟང་། །བརྒྱད་སྨན་སྣོད་ཆེ་བ་བདུད་རྩིས་གང་ན་བཟང་། །དགུ་ལེའུ་མ་འགྱོད་གཏོ་སེལ་ཡག །བཅུ་གནམ་སྒོར་དུ་བ་མ་འཐོར་དགོས། །བཅུ་གཅིག་ངོ་སོར་མྱ་ངན་མ་ལང་དགོས། །བཅུ་གཉིས་ཤི་གསོན་ས་མཚམས་ལ། །ནད་པ་གཤིན་ཡུལ་མ་ཆས་དགོས། །བཅུ་གསུམ་ཕྱི་ཕུག་ལྟ་ས་ལ། །འདུ་འཚོགས་མང་པོ་མ་ལང་དགོས། །སྔས་རྟེན་གལ་བར་སྐྱེར་སོགས་བཟང་། །སྨན་ཕོང་སར་དང་བྱ་ཡུན་བདུད་རྩི་བཟང་། །སྨན་པ་ལེའུའི་ས་རུ་ནི། །ཧྲང་ཟེ་གསལ་ངོ་བབས་ན་བཟང་། །ཕྱི་སར་འདན་པ་འཇམ་པོ་བཟང་། །བཅུ་གཉིས་སྐྱེར་དང་སྐྱིན་དིང་བཟང་། །ཆེས་ཐལ་བབ་པ་ངན་པ་ཡིན། །བཅུ་གསུམ་བརྒྱག་མེད་དྭངས་མ་བཟང་། །དུན་དུན་ནད་པར་ངན་པར་བཟང་། །ལུས་ཀྱི་གནས་དང་སྦྱར་བ་ན། །གཅིག་འདི་རྐང་གཡས་གཉིས་རྐང་གཡོན། །གསུམ་འདི་བུས་མོའི་འཕང་ལོ་ཡིན། །བཞི་ནི་ཕོ་བ་གསུམ་པའི་ས། །ལྔ་ནི་རྩིབས་གཡས་དྲུག་གཡོན་པ། །བདུན་འདི་གློ་སྙིང་འབྲེལ་ཐག་ཡིན། །བརྒྱད་འདི་དཔྲལ་བའི་མིག་གི་ས། །དགུ་ནི་ལག་པ་གཡས་གཡོན་ཡིན། །བཅུ་ནི་ལྟག་པ་མགུལ་བ་ཡིན། །བཅུ་གཅིག་བཅུ་གཉིས་ངོ་ཞོ་གཡས་གཡོན་ཡིན། །བཅུ་གསུམ་སྤྱི་བོའི་གཙུག་རུམ་ཡིན། །གོང་རུབ་ལས་བཤད་དེ་ལྟར་ཡིན། །གཞན་ན་གཞན་དུ་བཤད་པའང་ཡོད། །ད་ནི་རྫིའུ་བཅུ་གསུམ་བཤད། །རྐང་སྤར་དབང་པོའི་རྫིའུ་ཡིན། །ཝ་ཚོ་སྲོག་གི་རྫིའུ་ཡིན། །སད་དུན་ཐག་སེམས་ཀྱི་རྫིའུ་ཡིན། །དྭངས་མ་གཡུ་སྒྲོན་མཆིན་པའི་རྫི། །སྐྱིན་དིང་གླེང་བརྒྱག་ཕོ་བའི་རྫི། །སྐྱེ་གསུམ་མཁྲིས་པའི་རྫིའུ་ཡིན། །མུ་ས་

---

^{[མ་དཔེ་གཟིགས་ན་འདིར་གནོན།]}

མཁལ་མའི་རྫིའུ་ཡིན། །རུ་སོད་རུས་པའི་རྫིའུ་ཡིན། །སྐྱམ་སེ་ཁྲག་གི་རྫིའུ་ཡིན། །སུམ་མཉམ་དབུགས་ཀྱི་རྫིའུ་ཡིན། །ཨ་ཁད་སྐད་ཀྱི་རྫིའུ་ཡིན། །མུ་ས་ཅོད་པན་ལག་པའི་རྫི། །ལྡི་བུར་རྐང་པའི་རྫིའུ་ཡིན། །སྐྱེར་བྱ་གློ་བའི་རྫིའུ་ཡིན། །དེ་རྣམས་བརྒྱད་དང་བཅུ་གཅིག་བཅུ་གསུམ་ལ། །བབ་ན་ནད་པའི་རྫིའུ་ཡིན། །ཡང་གཅིག་རྫིའུ་རྣམ་བཞི་བཤད། །ཤ་རིང་གཡུ་བྱི་རྟ་སྐད་འཚེར་བ་དང་། །སྐྱིན་དིང་གསེར་གྱི་ཕ་ཝོང་མི་སྐད་སྨྲ། །ཐང་ལེ་དུང་གི་བྱི་བ་ཁྱི་སྐད་ཟུག །སྐྱམ་སྔོན་གཡུ་ཡི་ཁུ་བྱུག་འབྲུག་སྐད་ལྡིར། །ལོ་མལ་ས་མལ་གར་བབ་ཀྱང་། །ནད་པ་མི་འཆིའི་རྫིའུ་ཡིན། །ཕྱི་སར་བབ་ན་ལྕགས་ཀྱི་འདན་པ་ཡིན། །ལར་རྫིའུ་མ་མང་རེ་རེ་བཟང་། །ཁྱད་པར་མ་འཕར་ཁེར་བབ་བཟང་། །གཉིས་སུ་འཕར་ན་ན་ངོ་ཡིན། །གསུམ་བཞིར་འཕར་ན་འཆི་ངོ་ཡིན། །སྐྱེར་དང་སྐྱིན་དིང་ཤ་རིང་གསུམ། །གསུམ་ལ་ཆུང་གསུམ་སྲོག་གི་རྫི། །བཞི་ལ་མནའ་མ་ལྔ་བུ་སྲིང་། །དྲུག་ལ་བུད་མེད་བདུན་དར་མ། །བརྒྱད་ལ་བནྡེ་དགུ་བོན་པོ། །བཅུ་ལ་མ་ཕྱི་བཅུ་གཅིག་བློ་འཛིན་དང་། །བཅུ་གཉིས་ཞང་པོ་བཅུ་གསུམ་རྒྱལ་བློན་རྫི། །ལོ་མལ་གང་བབ་དེ་དེའི་རྫིའུ་ཡིན། །ནད་པ་རྣམས་ལ་བཟང་བར་བཤད། །དིང་དིང་སྐྱིན་དིང་གལ་པར་གསུམ། །འཁྱིལ་པའི་རྫིའུ་ཡིན་པས་ན། །ནད་བ་ཕྱི་འཁྱིལ་ཕྱེད་པ་ཡིན། །བདུན་ལ་བབ་ན་མི་མི་འཆི། །ནད་པ་གཤིན་ཆུའི་འགྲམ་ནས་ལོག །བདུན་བྱོད་ཕུར་བརྒྱད་ལ་བྱ་ཤིང་ན། །སྐྱེས་པ་དར་མ་འཆི་ངོ་ཡིན། །དྭངས་མ་བུ་བརྒྱག་ཅན་བབ་འཆི། །སྙིགས་མ་བབས་ན་མི་འཆིའོ། །ཡང་བདུན་གྱི་གལ་བར་བབ་ནས་སུ། །བརྒྱད་ཀྱི་སྟེང་གི་བབ་ལུགས་ལ། །སོ་ཡོན་གླང་ཆེན་

---

^{[མ་དཔེ་གཟིགས་ན་འདིར་གནོན།]}

འཁྲི་ཐག་བདུད་ལས་ལོན། །ཕུང་ཁད་གཟའ་དགུའི་ཁ་ནས་བདུད་རྩི་ལོན། །སྤོ་བར་གླང་ཆེན་འདམ་མིག་ནང་ནས་ལོན། །སྐྱམ་སྔོན་བན་གླང་ཆུ་མིག་ནང་ནས་ལོན། །འདི་རྣམས་གང་བབ་ནད་པ་མི་འཆིའོ། །བདུན་ངན་བརྒྱད་བཟང་མཐའ་མིག་ཡིན། །བདུན་བཟང་བརྒྱད་ངན་མཐའ་ལ་ཚུད། །སོ་ཡོན་རྟིང་བཤལ་སྤོ་རྟིང་བཤལ། །སྐྱམ་དྭངས་མ་བརྟོད་པའི་རྫིའུ་ཡིན། །བཅུ་གཅིག་དག་ལ་བབས་ན་བཟང་། །ཕུང་ཁད་ཕུང་བྱལ་ཝ་སྐྱམ་གསུམ། །འདི་གསུམ་ཕྱིང་ལོག་རྫིའུ་ཡིན། །བརྒྱད་ལ་བབ་ན་ངེས་བ་ཡིན། །བཞི་ཡི་སང་རིགས་ཁེང་འདུག་སྟེ། །སྦས་སྲོག་འཚོ་བའི་རྫིའུ་ཡིན། །བདུན་གྱི་སྐྱེར་ལེབ་ཁེར་འདུག་སྟེ། །གབ་སྲོག་འཚོ་བའི་རྫིའུ་ཡིན། །བཅུ་ཡི་སྐྱམ་སྔོན་ཁེར་འདུག་དེ། །གསང་སྲོག་འཚོ་བའི་རྫིའུ་ཡིན། །བརྒྱད་ཀྱི་ངན་དགུ་ཁེར་འདུག་དེ། ཤར་རྨ་གཉན་སྤོམ་རིའི་གོང་བ་དེར། །ཤ་བརྒྱད་བ་ཤི་སྐད་ཤོར་ནས་ཐར། །སྐྱེས་པ་མི་འཆིའི་རྫིའུ་ཡིན། །དགུ་ཡི་སྟེར་གི་སྐྱམ་སྔོན་དེ། །བོན་པོ་ནད་པ་མི་འཆིའི་རྫིའུ་ཡིན། །བརྒྱད་སོ་ཡོན་བན་དེ་ནད་པའི་རྫི། །འདི་རྣམས་ཁེར་འདུག་འདི་བཞིན་བབ། །ཁ་ཆེམས་བཞག་ཀྱང་འཆི་མི་སྲིད། །གཞན་རྫིའུ་ཉེར་གཉིས་སོགས་བཤད་ཀྱང་། །མ་སྤྲོས་སྙིང་པོ་འདི་རྣམས་ཡིན། །སྤྱིར་བཏང་ནད་པའི་སྐྱོང་རྫིའུ་དྲུག །ལི་ཡན་ཆུ་དོ་ལི་ཡན་དང་། །མུ་ཁ་ལི་ཡན་སྐྱེར་ལི་ཡན། །བྱ་རལ་ཀུ་ཆང་གཡུ་ཕུང་བྲག །འདི་དྲུག་ཕོས་མོས་གར་བབ་ཀྱང་། །ནད་བ་དེ་དང་དེ་ཡི་རྫིའུ་ཡིན། །ཡང་མཉེན་བྱེད་ཀླད་པའི་སྐུ་མཁར་དེ། །གས་ཆག་བྱེད་པ་སྐ་བྲག་བྱ་རལ་ཡིན། །ཉན་བྱེད་རྣ་བའི་འཛེར་བུ་སོ་ཡོན་རྟིང་བཤལ་ཡིན། །ལྟ་བྱེད་མིག་གི་ལིང་ཐོག་སེ་སྟོད་ནག་ཐོག་ཡིན། །སྣོམ་བྱེད་སྣ་ཡི་དབུགས་ཆད་ཏྲོང་གི་སུམ་

---

^{[མ་དཔེ་གཟིགས་ན་འདིར་གནོན།]}

མཉམ་ཡིན། །སྨྲ་འདོད་ལྕེ་ཡི་རྩ་ཆད་ཏྲོང་གི་ཨ་ཁད་ཡིན། །དུང་སོ་སུམ་ཅུ་སྲིན་ཟོས་ན་འབན་ཏྲོད་ཆུང་ཡིན། །སྙོབ་བྱེད་ལག་པར་གཟའ་ཕོག་བྱ་མེད་སྟེ་སྟོད་ཡིན། །རུས་ཆེན་འཐོར་ཞིག་བྱེད་པ་ན་འབན་ཧྲལ་མོ་ཡིན། །ཆུ་རྒྱུས་དྲྭ་བ་གཅོད་མི་སྤོ་རྒོད་མ་ཟེ་ཡིན། །སྲོག་རྩ་བུ་དགུ་གཅོད་པ་རུ་སོད་སྒོ་བརྒྱག་ཡིན། །གློ་བ་དབུགས་མཚོ་འགས་པ་དམུ་བྲག་ཕུང་བྱལ་ཡིན། །རྣམ་ཤེས་བྱེའུ་ཆུང་སྤུར་བ་ཆུ་དོ་ལི་ཡན་ཡིན། །ཁྲག་མཚོ་མཆིན་པ་འགས་པ་སྐྱམ་བྲག་ཕུང་རལ་ཡིན། །ཆུ་མཚོ་མཁལ་མ་འགས་བ་སྐྱམ་ཆད་སྒོ་བརྒྱག་ཡིན། །མཁྲིས་པ་གསེར་ཁུ་ཁ་ལུད་ཐང་ལེ་མ་བརྒྱག་ཡིན། །ཕོ་བའི་དར་ཤ་ཆད་པ་ལི་ཡན་སྐྱ་བོ་ཡིན། །རྒྱུ་མའི་རྒྱང་ཐག་ཆད་པ་སྐྱམ་གྱི་ངན་རིགས་ཡིན། །རྐང་པ་གྲུམ་པས་བཟུང་བ་སྤོ་བར་ཞར་བ་ཡིན། །ལུས་ཀྱི་དྲོད་ཆེན་ཡལ་བ་སྐྱམ་དཀར་ལི་ཡན་ཡིན། །དེ་རྣམས་ལུས་ཀྱི་དགྲ་གཤེད་ཡིན། །ནད་པའི་མོ་ལ་གང་བབ་ངན། །བཟང་ངན་བྱེ་བྲག་བཤད་པ་ལ། །དང་པོ་བཟང་བའི་སྡེ་ཚན་ལས། །ནད་པའི་རྫིའུ་བཅུ་གསུམ་བཤད། །གཅིག་གི་སྐྱམ་བྲག་སྔོན་པོ་དེ། །བྱི་བ་ལོ་པའི་རྫིའུ་ཡིན། །དེ་བཞིན་ལོ་མལ་མོ་མདུད་སྦྱར། །གལ་བར་༢ཕུབ་ཆེན་ལྡི་བུར་རུ་༤སྔོན་དང་། །དམུ་དག་བརྒྱག་༤ཅན་ལི་ཡན་སྐྱ་མོ་༥དང་། །བྱ་ཡུན་དང་༦རྩེ་ཨ་ཁད་༧རྩེ་མ་དང་། །སྐྱིན་དིང་གཡུ་༨ཐོག་ཚོལ་༩ ཚེ་ལུག་གུ་དང་། །སྐྱམ་ཆུང་༡༠བུམ་པ་བྱ་༡༡རལ་ལག་དཀར་དང་། །སྐྱམ་ལེ་བུ་བརྒྱག་༡༢གླང་སོགས་སོ་སོའི་རྫི། །བཅུ་གསུམ་མུ་ས་བྱ་ཡུན་དེ། །ནད་པ་ཀུན་གྱི་རྫིའུ་ཡིན། །གཞན་ཡང་འདྲ་མིན་དུ་མར་མཆིས། །ད་ནད་པའི་ཤོལ་མ་བཅུ་གསུམ་བཤད། །ལོ་མལ་བཅུ་གཉིས་རང་རང་དང་། །བཅུ་གསུམ་ནད་པ་ཀུན་ལ་ནི། །སྦྱར་བ་འོག་མ་རྣམས་སུ་ཡང་། །ཤེས་པར་བྱ་བ་སྦྱིར་བཏང་ནས། །

---

^{[མ་དཔེ་གཟིགས་ན་འདིར་གནོན།]}

སྐྱིན་དིང་གཡུ་ཐོག་༡དང་ནི་སྐྱེར་༢དང་ནི། །བག་ཚོ་གཡུ་༣མིག་བྱ་ཡུན་༤དམར་མོ་དང་། །གལ་བར་ཐོད་དཀར་༥སྤོ་བར་༦ལིང་ཀུན་དང་། །དམུ་དག་བརྒྱག་༧ཅན་སྤོ་ཚེ་གླིང་བརྒྱག་༨དང་། །ཁྱུང་བརྒྱང་༩མཚལ་ཐིག་སོ་སངས་༡༠གླིང་བརྒྱག་དང་། །བྱོད་ཕུར་༡༡དང་ནི་སྐྱིན་༡༢དིང་མོ་མ་དང་། །ལྡི་བུར་༡༣རུ་སྔོན་བཤོལ་མ་བཅུ་གསུམ་ཡིན། །འདི་རྣམས་གང་བབ་ནད་པ་མི་འཆིའོ། །བཅུ་གཅིག་བྱོད་ཕུར་ནད་གཞི་ཡར་ཡར་དང་། །བཅུ་གཉིས་སྐྱིན་དིང་ཤི་གསོན་བར་གྱི་རྡོ། །འདི་གཉིས་ནད་པ་སྤྱི་ལའང་བཟང་བར་བཤད། །ནད་པའིའབྲོས་རི་བཅུ་གསུམ་ནི། །སྐྱམ་སེ་ཁྲ་མོ་༡དམར་ཐོག་སེ་སྟོད་༢དང་། །སད་ལིང་བྱིལ་མིག་༣སྐྱེར་གྱི་གླིང་༤བརྒྱག་དང་། །ལི་ཡན་སྐྱ་མོ་༥སྐྱམ་དཀར་བུ་བརྒྱག་༦དང་། །སད་སྡ་གྱེར་རྒྱུད་༧སྐྱམ་ཆུང་བུམ་པ་༨དང་། །སྤྲེལ་ཕོ་༩རྟ་ཐོང་དམུ་དག་དཔའ་རྒོད་༡༠དང་། །རེ་སེ་ཀྱུ་ནི་༡༡ སད་དེ་ཨ་ཁད་༡༢དང་། །ཆུ་སྤར་འབྲུག་ཐོག་༡༣རྣམས་ནི་འབྲོས་རི་ཡིན། །ཡང་གཅིག་ནད་པའི་རྐུང་ས་བཅུ་གསུམ་ནི། །སྐྱིན་དིང་༡གཙང་མ་བྱ་རལ་གཙང་མ་༢དང་། །སྐྱམ་བྲག་༣རང་ཆུ་གལ་བར་རུ་༤ཐོག་དང་། །ཙེ་རའང་༥ཐོག་རེསེ་ཀྱུ་༦ནི་དང་། །ཨ་ཁད་རྩེ་མ་༧ཝ་ཚོ་དཔའ་མདུད་༨ དང་། །དིང་དིང་ལྕགས་ཁྲ་༩སྐྱམ་ཆུང་༡༠བུམ་པ་དང་། །ནག་ཆུང་༡༡ཟལ་ཟལ་སོ་སེང་སྟག་༡༢རིས་དང་། །སྐྱིན་དིང་༡༣གཙང་མ་ནད་པའི་སྐུངས་ས་ཡིན། །ནད་པའི་སོས་ངོ་བཅུ་གསུམ་བཤད་པ་ནི། །སོ་སང་༡དང་ནི་སོ་སྟོད་༢དང་སྤོ་བར། ༣ ། གལ་བར་༤རུ་ཐོག་བྱ་ཡུན་༥དང་རྩེ་དང་། །བྱ་རལ་༦དང་ནེ་བྱ་མེད་སེ་སྟོད་༧དང་། །ཙང་ཀུན་ཁྱབ་པ་དཔའ་སྟག་ཡམ་༩པ་དེ། །སྤོ་བར་༡༠མཛོ་རུ་མ་ཟེ་རམ་༡༡ཐིག་དང་། །མུ་ས་དིལ་༡༢དཀར་སྐྱིན་དིང་གཙང་མ་༡༣དེ། །ནད་པ་རྣམས་ཀྱི་སོས་ངོ་ཡིན། །ནད་པའི་དུར་ལོག་བཅུ་གསུམ་ནི། །བག་ལྡི་༡སྐྱམ་༢སྔོན་སྐྱེར་སྨད་༣དང་། །

---

^{[མ་དཔེ་གཟིགས་ན་འདིར་གནོན།]}

བྱ་རལ་༤ཐང་ལེ་༥མུ་ས་༦དང་། །ལི་ཡན་༧སྐྱིན་དིང་༨དིང་བརྒྱག་༩དང་། །ཤ་རིང་༡༠སྤོ་ཚེ་རེ་སེ་༡༡དང་། །ལི་ཡན་༡༢བག་ལྡི་༡༣ནད་པ་དུར་ནས་ལོག །འདི་རྣམས་བཟང་བའི་སྡེ་ཚན་ནོ། །ཡང་ནི་ངན་པའི་སྡེ་ཚན་བཤད། །ནད་པའི་བདུད་ཆད་བཅུ་གསུམ་ནི། །ནག་ཐོག་སེ་༡སྟོད་གལ་བར་སྒོ་བརྒྱག་༢དང་། །ཨ་ཁད་སྒོ་བརྒྱག་༣དམུ་དག་བརྒྱག་༤ཅན་དང་། །དིང་དིང་༥ཆུ་སློ་ཆུ་གྲི་མེ་སྟག་༦ དང་། །བྱ་མེད་༧སེ་སྟོད་སྐྱམ་སེ་ནག་༨ཐོག་དང་། །དིང་དིང་༩དྲལ་དཀར་མུ་ས་ཤོར་ཁུང་༡༠དང་། །དམུ་ངམ་༡༡བྱ་རལ་དཀར་ཐོག་གཡུང་དྲུང་༡༢དང་། །སེ་སྟོད་༡༣སྒོ་བརྒྱག་ནད་པའི་བདུད་ཆད་ཡིན། །ནད་པའི་དུར་ཞུགས་བཅུ་གཉིས་དཔྱད། །བརྒྱད་ལ་ཏྲོང་ཆུང་ན་འབན་ན། །བྱི་བ་ལོ་པའི་ཤི་ཆོས་རན། །དེ་བཞིན་བརྒྱད་མིག་ཁོ་ན་ལ། །ཏྲོང་ན་དུན་ཏྲོང་ཐིག་གླང་ལོ་དང་། །ཏྲོང་གི་སུམ་མཉམ་སྟག་ལོ་བ། །ཏྲོང་སྤས་རྒན་ཡོས་བུ་ལོ་བ་དང་། །ཏྲོང་གི་ཧྲང་ཟེ་འབྲུག་ལོ་པ། །ཏྲོང་གི་ཨ་ཁད་སྦྲུལ་ལོ་པ། །ཏྲོང་གི་སྦས་རྒན་རྟ་ལོ་པ། །ཏྲོང་གི་ཁྱུང་བརྒྱང་ལུག་ལོ་པ། །ཏྲོང་གི་རྦབ་རྒོད་སྤྲེལ་ལོ་པ། །ཏྲོང་གི་ནག་ཆུང་བྱ་ལོ་པ། །ཏྲོང་གི་ཕུང་ཁད་ཁྱི་ལོ་པ། །ཤ་རིང་ཏྲོང་ཏྲིག་ཕག་ལོ་པ། །དུར་དུ་ཞུགས་པས་ཤི་ཆོས་རན། །ཡང་གཅིག་དུར་འདས་བཅུ་གསུམ་ནི། །སོ་ཡོན་༡ནག་མོ་སྐྱེར་ནག་༢དང་། །ཏྲོང་ཕུང་༣ཁད་ནག་ཐོག་སེ་སྟོད་དང་། །ཕུད་བར་༤ཨ་ཁད་ཕུང་བྱལ་༦དང་། །བྱ་ཡུན་༧རོག་མོ་ལིང་ང་ནག་ཐོག་དང་། །སུམ་མཉམ་སྒོ་བརྒྱག་༨མུན་དམར་སེ་སྟོད་༡༠དང་། །ཐོམ་པ་༡༡ མགོ་འཁོར་རུ་སོད་སྒོ་བརྒྱག་༡༢དང་། །ཧྲང་ཟེ་ཞར་བ་༡༣ནད་བདུར་དུ་འདས། །དུར་ཁ་ཚེ་བཟློག་མང་དུ་བྱ། །ནད་པའི་ཚེ་ཚད་བཅུ་གཉིས་ནི། །བཅུ་གཅིག་གོང་ཚེ་དུན་དུན་ནི། །བྱི་བ་ལོ་པའི་ཚེ་ཚད་ཡིན། །དེ་བཞིན་བཅུ་གཅིག་ཁོ་ན་ལ། །བྱ་རལ་སྒོ་

---

^{[མ་དཔེ་གཟིགས་ན་འདིར་གནོན།]}

བརྒྱག་གླང་ལོ་པ། །སོ་ཡོན་སྒོ་བརྒྱག་སྟག་ལོ་པ། །སྤོ་ཚེ་སྒོ་བརྒྱག་ཡོས་བུ་ལོ། །རྐང་སྤར་སྒོ་བརྒྱག་འབྲུག་ལོ་པ། །སྐ་དྲག་ཞར་བ་སྦྲུལ་ལོ་པ། །སོལ་ཁྲ་རོག་མོ་རྟ་ལོ་པ། །དིང་དིང་སྒོ་བརྒྱག་ལུག་ལོ་པ། །ཕུང་བྱལ་སྒོ་བརྒྱག་སྤྲེལ་ལོ་པ། །ཕུང་ཁད་སྒོ་བརྒྱག་བྱ་ལོ་པ། །ཨ་ཁད་སྒོ་བརྒྱག་ཁྱི་ལོ་པ། །སོལ་ཁྲ་སྒོ་བརྒྱག་ཕག་ལོ་པ། །དེ་དག་རྣམས་ཀྱི་ཚེ་ཚད་རྫོགས། །དེ་ནས་སྤྱི་ཁོག་དཔྱད་པ་ལ། །མི་སོས་འཆི་ངོ་བསྟན་པ་ནི། །ནད་པ་སྤྱི་ཡི་ཚེ་ཚད་ལ། །བཅུ་གསུམ་བརྒྱག་ཁ་བཟང་ཆེན་དང་། །ལོ་བདུད་ངན་པ་ཚེ་ཚད་རྫོགས། །གཅིག་དང་བཅུ་གཅིག་ལན་དཔྱང་ལས། །དིང་དིང་ལན་དུ་བྱ་རལ་ན། །དགུང་སྔོན་ཁོལ་དུ་བུད་པ་ཡིན། །ཡ་རབ་ནད་པའི་ཚེ་ཚད་ཡིན། །བྱ་ཡུན་དཀར་མོ་སོ་ཡོན་ན། །ཉི་མ་མུན་པས་བསྒྲིབས་པ་ཡིན། །བླ་མ་ཡོན་ཏན་ཅན་ལ་ངན། །བག་ཚོ་ལི་ཡན་ཕྱུག་པོར་ངན། །ལྷོ་སྤྲིན་རླུང་གིས་གཏོར་པ་ཡིན། །སྐྱིན་དིང་འབྲི་མིག་འཁྱིལ་བ་དང་། །བྱ་རལ་ལུམ་གསུས་གཙོ་བོར་ངན། །དོག་མོ་གཞུང་ནས་རལ་བ་ཡིན། །གཡུ་གུར་ལུམ་གསུས་བུད་མེད་ངན། །གཡུ་ཡི་ཆུ་མིག་སྐམ་པ་ཡིན། །ར་ཟི་དཀར་ཐོག་སེ་སྟོད་བུད་མེད་ངན། །མེ་ཏོག་སད་ཀྱིས་ཁྱེར་བ་ཡིན། །དེ་སོགས་ཞིབ་ཏུ་དཔྱད་པར་བྱ། །ཡང་བཞི་བརྒྱད་ལན་གྱི་བབ་ཚུལ་ལ། །ལི་ཡན་ལན་དུ་སྐྱེར་རྡེའུ་དཀར། །གཡང་གི་རྒྱ་མཚོའི་ལྟེ་བ་བུད། །ཨ་ཁད་ལན་དུ་རེ་སེ་ན། །རྒྱ་སྟག་ངར་མའི་ཚེ་ཚད་རྫོགས། །སྟག་རལ་ཅན་ལ་ངན་པར་བཤད། །གཅིག་གི་བྱོད་ཕུར་གཉིས་གློག་དམར། །གསུམ་ལ་སྤོ་བར་སྒོ་བརྒྱག་ན། །ལྕོག་ཆུང་དུང་ཁྲ་ཧོར་པས་ཁྱེར། །བུ་ཚ་གཅིག་གི་ཚེ་ཚད་ཡིན། །དེ་སོགས་བབ་ལན་དཔྱད་པ་འདི། །ནད་པ་ཁོ་ནར་མ་ཟད་ཀྱི། །གཞི་ཕྱྭ་སྲོག་ཕྱྭ་སོགས་

---

^{[མ་དཔེ་གཟིགས་ན་འདིར་གནོན།]}

ལའང་དཔྱད། །ཡང་སང་དང་སད་ཁམས་ལ་སོགས་པ། །འདྲ་བཞིར་བསྟུད་པ་འཆི་བའི་ངོ་། །ཕྱི་ས་བཞི་ལའང་དེ་དང་འདྲ། །གང་བསྟུད་ཐམས་ཅད་བཅུ་གཉིས་དང་། །བཅུ་གསུམ་ཐལ་ན་འཆི་ངོ་ཡིན། །སྤོང་དག་བྱས་ན་ལོ་གཅིག་བཟློག །ཁྱིམ་སྤང་དགོན་པར་བསྡད་ན་ལོ་གཉིས་ཐུབ། །རབ་ཏུ་བྱུང་ན་ལོ་གསུམ་གེགས་དེ་བཟློག །རིག་སྔགས་བསྒྲུབ་ན་རིང་བོའི་མཐར་ཡང་འཚོ། །མ་ཟེ་བཙན་ལ་རུ་སོད་བདུད། །ན་འབན་གཉན་དང་ཆུ་སྤར་ནི། །གཤིན་རྗེའི་རོ་འཛིན་ཡིན་པར་བཤད། །ཉི་མ་བྲག་ནི་མ་ཡམ་དང་། །གློག་དམར་མ་ཡམ་རོ་འཛིན་ཡིན། །རོ་འཛིན་དེ་རྣམས་གཉིས་དང་ལྔར། །བབས་ན་རོ་འཛིན་ལག་པ་བརྗེས། །ལན་དུ་སེ་སྟོད་ཏྲོང་རིགས་ན། །རོ་འཛིན་ལག་པ་དམར་བ་ཡིན། །བྱ་རལ་བབས་ན་རོ་འཛིན་ལག་པ་ཆག །ལི་ཡན་རོ་འཛིན་ལག་པ་སྟོང་། །ཝ་ཚོ་བབས་ན་རོ་འཛིན་སྐྱེངས། གཞན་ཡང་རྟ་ངོའི་ལན་དུ་རུ་སོད་ན། །དོ་མ་བྱ་རུ་བཙུགས་པའི་ངོ་། །ཚོལ་ཚེ་བྱོད་ཕུར་འདྲེས་པ་ན། །སྐྱིན་ལུག་མཚུན་གྲལ་བསྙེགས་པ་ཡིན། །རུ་སོད་སྐྱིན་དིང་ཙེ་ར་གསུམ། །ཕྱི་ནང་མེད་པར་འདྲེས་པ་ན། །བླ་རྡོ་རི་ལུང་བསྐོར་པ་ཡིན། །བྱ་ཡུན་ཨ་ཁད་འདྲེས་པ་ན། །དུ་བ་མེ་ལྕེ་འདྲེས་པ་ཡིན། །བག་ཚོ་བརྒྱག་ཅན་འདྲེས་པ་ན། །བརྒྱག་སྐྱེང་རྒྱག་དང་འཛོམས་པ་ཡིན། །ཝ་ཚོ་ཙེ་ར་ཡར་དིང་གསུམ། །འདྲེས་ན་བྱ་ཁྱུང་མཁའ་དང་འཛོམས། །ཤིང་ཤག་ཏྲོང་རིགས་འདྲེས་པ་ན། །རོ་ཤིང་སོལ་བ་འདྲེས་པ་ཡིན། །ཏྲོང་དང་ཨ་ཁད་འདྲེས་པ་ན། །སྤྲེའུ་གྲུམ་པ་འདྲེས་པ་ཡིན། །ཕྱི་ནང་མེད་པར་སུམ་མཉམ་དང་། །བཅུ་གསུམ་ཏྲོང་གི་སྙིགས་མ་ན། །རི་སྤྱང་ཤན་དུ་ཞུགས་པ་ཡིན། །ཕྱི་ནང་མེད་པར་ལི་ཡན་དང་། །བཅུ་གསུམ་རླུང་གི་སྙིགས་མ་ན། །རླུང་ཁམས་དབྱིངས་སུ་འཕྱོ་བ་ཡིན། །དེ་བཞིན་ཨ་ཁད་མེ་

---

^{[མ་དཔེ་གཟིགས་ན་འདིར་གནོན།]}

ལྕེ་དགུང་དུ་ཆད། །སྐྱམ་རིགས་ཆུ་བོ་ཁ་ལུད་བྱུང་། །སྐྱིན་དིང་ས་གཞི་གནམ་དུ་གཡོས། །བཅུ་གསུམ་སྟེང་དུ་འབྱུང་ཁམས་ནི། །རང་རང་སྙིགས་མ་བབ་ན་ཡིན། །འདི་རྣམས་འུར་ཟིང་ནད་པ་འཆི་ངོ་ཡིན། །གཞན་ཡང་གཡུང་དྲུང་མང་བ་ནི། །རྒྱལ་པོ་གྲལ་དུ་བྱས་པ་ཡིན། །བྲག་མང་ན་བློན་པོ་ཁྲོམ་རྒྱུག་བྱས། །དིང་དིང་མང་ན་གཙོ་བོའི་མདུན་ཞུ་གྱོན། །ཡར་སྡང་མང་ན་དུར་དཔོན་འཕྲུ་བཙུགས་ཡིན། །འཐོར་བ་མང་ན་ཁྲོམ་པ་འདུས། །མདོར་ན་བསྟུད་པ་མང་པོ་ནི། །འདུ་ཚོགས་བྲེལ་བ་མང་བ་ཡིན། །ཤིང་ཤག་ཤིང་ཐུན་སྐྱམ་བྲག་ཆུ་ལེན་ཡིན། །སྤོ་རིགས་བསྟུད་ན་ཤིང་སྒྲོམ་ཡིན། །སྐྱིན་དིང་བསྟུད་ན་རྡོ་ཁང་ཡིན། །བྱ་ཡུན་བསྟུད་ན་མར་མེ་ཡིན། །ཚོལ་ཚེ་བསྟུད་ན་དུར་བརྒྱག་ཡིན། །ཝ་ཚོ་བྱ་ཡུན་གཤོག་དར་ཡིན། །སད་ལིང་དཀར་ཐོག་དུར་འདས་ཡིན། །སད་སྔ་གྱེར་རྒྱོད་དུར་བོན་ཡིན། །རྐང་སྤར་ལྡི་བུར་དུར་ནག་ཡིན། །ཀྱེ་བ་ཀྱི་ལེ་དུར་ས་ཡིན། །སྲབ་ཆོད་ཚོལ་ཚེ་སྒོ་བརྒྱག་དུར་ཐག་ཡིན། །ཆུ་སྲིན་འདབ་སེར་དུར་ཆུ་ཡིན། །སྐ་བྲག་རུ་སོད་དུར་ཕྱིད་ཡིན། །རུ་སོད་དུར་རྡོ་དུར་ཐབ་ཡིན། །ཆུ་སྤར་ལྡི་བུར་དུལ་མལ་ཡིན། །ལི་ཡན་དུར་གྱི་ཟན་ཕོར་ཡིན། །ཨ་ཁད་མེ་ཡིན་སོ་ཡོན་དུ་བ་ནག །སེ་སྟོད་བཅུ་གསུམ་ཐོག་རོལ་ཡིན། །བརྟུད་པ་ཐམས་ཅད་གཏམ་དྲི་ཡིན། །ཆུ་སྤར་ཙི་ར་འདྲེས་པ་ན། །མེ་དང་རོ་དུད་འདྲེས་པ་ཡིན། །དེ་སོགས་ངན་རིགས་དཔྱད་པར་བྱ། །བཀྲ་བཙུན་དུར་ལམ་བཅུ་གཉིས་ཡིན། །དར་མའི་དུར་ལམ་ལྔ་ལ་དཔྱད། །ཆུང་གསུམ་དུར་ལམ་གཉིས་ལ་དཔྱད། །ལི་ཡན་ཆུ་སྤར་ན་འབན་དང་། །མ་ཟེ་སྒོ་བཞི་རུ་སོད་དང་། །ཐང་ལེ་ཤག་ལེ་བབ་ན་ཕྱེས། །བཟང་རིགས་བབ་ན་དུར་སྒོ་བསྡོམ། །བྱོད་ཕུར་བསྟུད་ན་གཟེར་ངོ་ཡིན། །དིང་དིང་བསྟུད་ན་རྒྱུག་འདུར་ངོ་། །བསྟུད་

---

^{[མ་དཔེ་གཟིགས་ན་འདིར་གནོན།]}

པའི་སྣ་ལ་གང་བྱུང་བའི། །ཁམས་ཀྱི་མདུད་པ་ཅན་ལ་ངན། །སྙིང་མིག་སྲོག་གསུམ་རང་སྙན་གསུམ། །གྲོག་མས་གསེར་ཁུང་ཤོར་བ་ཡིན། །དེ་ཡི་བཅུ་གསུམ་བྱ་རལ་ན། །གྲོག་རྐེད་སྟྭ་རེས་བཅད་པ་ཡིན། །སྙིང་མིག་སྲོག་གསུམ་བྱ་རལ་གྱི། །བཅུ་གསུམ་རང་སྙན་བབ་པ་ན། །གྲོག་མས་གསེར་ཁུང་རྙེད་པ་ཡིན། །དེ་སོགས་དཔྱད་པ་མང་པོ་དང་། །སྙིང་མིག་སྲོག་གསུམ་བཟང་གསུམ་ངན་གསུམ་དང་། །འདྲ་གསུམ་དག་གི་རྩེ་མོ་ལ། །གང་བབ་འབྲས་བུ་རྣམ་མང་པོ། །གཞན་དུ་བཤད་པ་བཞིན་དུ་བརྟག །ད་མི་སོས་འཆི་ངོ་དཔྱད་པ་ལ། །སྨད་དུ་དྭངས་སྙིགས་འདྲེས་འདྲེས་ནས། །བཅུ་གསུམ་དཀར་ཐོག་གཡུང་དྲུང་ན། །མི་རྒན་ལྷ་བ་སྟོད་དུ་བུད། །ད་རེས་ཅིས་ཀྱང་མི་ཕན་འཆི། །སྨད་དུ་དྭངས་སྙིགས་འདྲེས་པ་དེ། །གཞིར་བཞག་བཅུ་གསུམ་བབ་ལུགས་ལ། །ཁྱུང་བརྒྱད་མཚལ་ཐིག་བབས་པ་ན། །ཁྱུང་ལ་ཁར་བུད་ནས་འཕུར་འདོད་ཡིན། །དེ་བཞིན་གལ་བར་ཐོད་དཀར་དེ། །གླང་དཔའ་ཤེད་རྫོགས་ནས་འཆི་འདོད་ཡིན། །ཨ་ཁད་ཙེ་མ་རྒྱ་སྟག་རི་བཀྲ་རྫོགས་ནས་འཆི། །སེ་སྟོད་བརྒྱག་གཉིས་ཤ་རྒན་མཐའ་ལ་ཡར་ནས་འཆི། །སེ་སྟོད་སྒོ་བརྒྱག་སྦྲང་བུ་འདམ་ལ་ཟུག་ནས་འཆི། །ཡར་ལྡིང་སྐྱེར་བརྒྱག་སེང་གེའི་གཡུ་རལ་རྫོགས་ནས་ཤི། །ཁ་ལང་གཡུ་འབྲུག་ངར་སྐད་རྫོགས་ནས་ཤི། །ཝ་ཚོ་དུང་སྒོང་གཡུ་ཤུག་ལོ་མ་རྒྱས་ནས་སྐོམ། །ཤ་རིང་སྤོ་ཚེ་ལྗོན་ཤིང་ལོ་མ་རྒྱས་ནས་ཆག །ཚོལ་ཚེ་བུ་བརྒྱག་གཡང་མོ་བསྟར་ལ་བརྒྱུས་ནས་འཆི། །ཙེར་ཝང་ཐོག་སྨོན་པའི་ཚེ་མཐའ་ཟད་ནས་འཆི། །ཀུ་ཡེ་བྱིལ་ཚང་འགུལ་འཚེར་རྒན་པོ་ལ་ཁར་བུད། །བྱ་བུར་གསེར་ཐིག་ཉ་ཆེན་རྒྱས་ནས་འགྲིབ་པ་ཡིན། །བྱ་ཡུན་དཀར་མོ་ཉི་མ་རྒས་པ་ལ་ཁར་ཐོན་ནས་འགྲིབ། །མུ་ས་ཅོད་པན་ཐོ་རེངས་སྐར་བཀྲ་ཡལ་

---

^{[མ་དཔེ་གཟིགས་ན་འདིར་གནོན།]}

འདོད་ཡིན། །སྐྱེར་འུན་དངུལ་ཆབ་མ་ལྷ་ཚེ་ཚད་རྫོགས་ནས་ཤི ། བྱ་རལ་རིན་ཆེན་གཉན་གྱི་བུ་ནོར་ཐོབ་ནས་ཤི ། ཁ་ལེ་དཀར་པོ་མགྱོགས་བའི་དཔལ་རྩལ་འཛོམས་ནས་ཤི ། སྐྱིན་དིང་གཡུ་ཐོག་གཤེན་བོན་བྱ་རུ་བཙུགས་ནས་ཆད། །བ་ཚ་ལ་རྔམ་བནྡེས་རྡོར་དྲིལ་ཐོགས་ནས་ཆག །སོ་ཡོན་ལིང་ཀུན་གསེར་སྦྲུལ་གཤོག་པ་རྒྱས་ནས་ཤི ། གསེར་བྱ་ཟུར་ཐིག་ངུར་པ་ཁྲི་ཚོ་ཐུབ་ནས་འཆི། །རུ་སོད་ཁ་ལེ་ཕོ་རོག་སྟོང་ཚེ་ཐུབ་ནས་འཆི། །ཝ་ཚོ་གནམ་རང་ཤུག་གུ་འབུམ་ཚོ་ཐུབ་ནས་འཆི། །བག་ཚོ་ཁྲ་མོ་དགུང་ལ་ལྷོ་སྤྲིན་འདུས་ནས་ཡལ། །བུམ་པ་གསེར་མིག་རྒྱ་མཚོ་རྒྱས་ནས་ལུད་འདོད་ཡིན། །དགོ་ཚང་ཁྲ་མོ་འཇའ་ཚོན་བཀྲ་ནས་ཡལ་འདོད་ཡིན། །རེ་སེ་ཀྱུ་ནེ་མགྱོགས་པ་ལ་ཁར་ཕྱིན་ནས་ཤི ། གློག་དམར་ལྡི་བུར་དཔའ་ཤེད་རྫོགས་ནས་འཆི་འདོད་ཡིན། །དེ་དང་དེ་ལ་སོགས་པ་ཡི། །མདོར་ན་བཅུ་གསུམ་བརྒྱག་ཆེན་རིགས། །ལ་ཁར་བུད་པས་འཆི་འདོད་ཡིན། །ད་ནི་མི་འཆི་སོས་ངོ་བཤད། །སྨད་དུ་དྭངས་སྙིགས་འདྲེས་འདྲེས་ནས། །བཅུ་གསུམ་བྱ་རལ་སྐྱ་བོ་ན། །གཡུང་པོའི་ཁྱི་སྲོག་ཀ་བར་བཏགས། །ད་རེས་ནད་པ་མི་འཆི་སོས། །སྨད་དུ་དྭངས་སྙིགས་འདྲེས་པ་གཞིར་བཞག་ནས། །བཅུ་གསུམ་སྟེང་གི་བབས་ལུགས་ལ། །ལི་ཡན་རླུང་སྨུག་རྟ་རུ་ཟིན། །སྐྱམ་སྔོན་བྱི་ལོང་འཇོལ་ལས་ཐར། །ཐང་ལེ་ཉ་མོ་སྲམ་ལས་ཐར། །སེ་སྟོད་བཤས་ལུག་ཤན་པའི་ལག་ནས་ཐར། །སྐྱེར་སྨད་ཉ་མོ་གངས་ལ་ཐུག་ནས་ལོག །སྐྱིན་དིང་སྦལ་པས་ཕྱི་ལྟས་བྱས། །སོ་ཡོན་མདུན་ཞྭ་མགོ་ཡིས་ཕུད། །བག་ལྡིར་ཡུ་མོར་བཙུག་རྭ་སྨིན། །ཝ་སྐྱམ་མི་བླ་འདྲེ་ལས་ཐར། །གླེས་སྨི་མཆུ་ནག་དུར་བྱ་དུར་ནས་ལོག །ཆུ་སྤར་ལྡི་བུང་དུར་བྱའི་ལྟོ་བ་སྟོང་། །སྐྱམ་ཆད་དྲོ་ཆད་ལ་ནས་

---

^{[མ་དཔེ་གཟིགས་ན་འདིར་གནོན།]}

ལོག །སྐྱམ་སེ་མཛོ་རྒན་ཆད་པོ་ལ་ནས་ལོག །སྤོ་ཡོ་གཡག་རྒན་བཤའ་གྲིའི་ཁ་ནས་ཐར། །ཕུང་བྱལ་སྤྲེལ་རྒན་འགག་ཐག་ཆད། །ཕུང་ཁད་ཤ་རྒན་ཤི་སྐད་བྱས་ནས་ཐར། །སྐྱེར་གསུམ་མཛོ་རྒན་བཤལ་ཁྲིའི་སྟེང་ནས་ཐར། །ཆུ་སྐྱམ་མཆི་མ་ལག་པས་ཕྱིས་ནས་བགད། །དེ་སོགས་མདོང་ན་སྐྱ་ཞིབ་ངན་སྡེ་བབས། །དུན་དུན་ནད་པ་མི་འཆིའོ། །ཡུན་རིང་ནད་པའི་ན་ངོ་ཡིན། །དམུ་དག་ཙེ་ར་ནད་ལོག་ཡིན། །གཞན་སྐྱ་ཞིབ་དྭངས་མ་གང་བབས་ཀྱང་། །ནད་པ་མཁུན་དྭངས་ལྷ་ངོ་མཐོ། །ཁྱད་པར་ཡུན་རིང་ནད་པར་བཟང་། །ལར་ནད་ཕྱྭ་དག་ལ་མོ་ཁོག་ནི། །ཧ་ཅང་མི་འཇམ་ཅུང་ཞན་བཟང་། །ཐམས་ཅད་བཟང་ཞིང་རྩེ་འཇིན་བཟང་། །ཡང་ན་མྱུར་དུ་དྭངས་ངོའམ། །ཡང་ན་མྱུར་དུ་འཆི་ངོ་ཡིན། །འདི་ཡང་མོ་ཡི་མན་ངག་ཡིན། །འཁྲུག་པ་སོགས་ཀྱང་དེ་དང་འདྲ། །འཇམ་ཆེས་ན་མི་འཁྲུག་སྟོང་འབྱམས་ཡིན། །མདོར་ན་མི་བདེ་བྱུང་ཟིན་ནས། །ཅུང་ཞན་པ་བབས་ཀྱང་སྐྱོན་མེད་ཡིན། །མོ་ཁོག་ཧ་ཅང་ངན་པ་ན། །ནད་མོ་སོགས་ཅི་ལའང་རྩུབ་ངོ་ཡིན། །ལོ་བྲག་རོ་འཛིན་ལ་སོགས་པ། །མོ་ཁོག་འཚུབ་ཆ་ཆེར་བབས་ནས། །བཅུ་གསུམ་སོས་ངོ་བབས་ན་ཡང་། །ཐེང་གཅིག་བཟང་ཡང་ནམ་ཕུག་ངན། །མོ་ཁོག་བློ་གཏད་རྫིའུ་ཡོད། །བཅུ་གསུམ་འཆི་ངོ་བབས་ན་ཡང་། །རིམ་གྲོ་བྱས་ན་ཐེབས་ཡོད་ཡིན། །སོས་ལོག་མོ་དཔྱད་གཞན་དུ་བལྟ། །སོས་རོ་བབས་ལན་རྫིའུ་ལ། །བཅུ་ལ་ཆུ་དོ་ལི་ཡན་ན། །ཡུ་མོ་མངའ་དགུས་ཤོར་པ་ཡིན། །བཅུ་ཕུང་ཁད་དམུ་སྨན་རི་མོ་རྒྱས། །བཅུ་བྱ་རལ་ལུམ་གསུས་སྲོག་གི་རྫི། །བཅུ་སྐྱམ་རྒན་ར་ཡ་སད་ཀྱང་དེ་དང་འདྲ། །དུན་དུན་ནད་པའི་མོ་འདེབས་ན། །དིང་དིང་ལན་དུ་སྐྱིན་དིང་དང་། །ཨ་ཁད་ལན་དུ་སྐྱམ་རིགས་དང་། །བྱོད་ཕུར་ལན་དུ་

---

^{[མ་དཔེ་གཟིགས་ན་འདིར་གནོན།]}

སེ་སྟོད་དང་། །ཚོལ་ཚེའི་ལན་དུ་སྐྱམ་རིགས་དང་། །ལྡི་བུར་སང་ལན་སྐྱམ་རིགས་བཟང་། །བརྒྱག་ཡོད་ལན་དུ་བརྒྱག་མེད་དང་། །ཕུག་བརྒྱག་ལན་དུ་སྒོ་བརྒྱག་དང་། །གཡས་འདོགས་ལན་དུ་གཡོན་འདོགས་སོགས། །ངན་པ་བབས་ན་བཟང་བ་ཡིན། །འཐོར་བ་སོ་བྲག་ཏྲོང་རིགས་རྣམས། །བརྟུད་ཀྱང་བཅུ་གཉིས་མ་ཐལ་ན། །བཅུ་གསུམ་དམུ་དག་བརྒྱག་ཅན་བབས། །ཤི་སར་སླེབས་པའི་ནད་པ་ཡང་། །ནག་པོ་བདུད་ཀྱིས་མ་འདོད་དོ། །དེ་སོགས་ཤིན་ཏུ་མང་པོ་རྣམས། །འདི་རུ་མ་བྲིས་གཞན་ནས་ལོང་། །དེ་ལྟར་འཚོ་འཆི་སྤྱིར་དཔྱད་ནས། །གཉིས་པ་ནད་ཀྱི་ངོས་འཛིན་ལ། །སྤྱིར་བཏང་འབྱུང་བའི་དཔྱད་པ་ལ། །ལི་ཡན་བྱ་རལ་གཉིས་ནི་རླུང་གི་ནད། །མུ་ཁ་ལི་ཡན་ཕུང་རལ་ལུམ་གསུས་གཉིས། །རླུང་གི་དུག་ཡིན་བྱ་མེད་རྐེད་ཆད་དང་། །ཕུང་རལ་སྒོ་བརྒྱག་རླུང་གི་རོ་ཡིན་ནོ། །ཏྲོང་ཁད་ཕུང་ཁད་གཉིས་ནི་མེ་ཡི་ནད། །ཏྲོང་ཕུང་ཁད་བྱ་ཡུན་སྒོ་བརྒྱག་གཉིས། །མེ་ཡི་དུག་ཡིན་ཏྲོང་ཁད་སྒོ་བརྒྱག་དང་། །ཕུང་ཁད་སྒོ་བརྒྱག་མེ་ཡི་རོ་ཡིན་ནོ། །སྐྱམ་དང་ཝ་སྐྱམ་གཉིས་ནི་ཆུ་ཡི་ནད། །སྐྱམ་ཆད་སྐྱམ་སེ་ཆུ་ཡི་དུག་ཡིན་ལ། །ཆུ་སྤར་སྐྱམ་དང་སྐྱམ་རྒན་ཆུ་ཡི་ངོ་། །གལ་བར་སྐྱེར་གཉིས་སྒོ་བརྒྱག་ས་ཡི་ནད། །སོ་ཡོན་སོ་ཡི་རྟིང་བཤལ་ས་ཡི་དུག །སོ་རྟོད་རྟིང་བཤལ་སྒོ་བརྒྱག་ས་ཡི་རོ། །ཏྲོང་སྤོ་དམུ་དག་སྒོ་བརྒྱག་ཤིང་གི་ནད། །སྤོ་བར་སྤོ་ཡི་རྟིང་བཤལ་ཤིང་གི་དུག །ཙེ་ར་མགོ་བརྟུམ་མར་ལྡིང་སྒོ་བརྒྱག་ཤིང་གི་ངོ་། །སྐྱམ་བྲག་ལྡི་བུར་རོག་ལྡི་ལྕགས་ཀྱི་ནད། །ཁ་ཟ་ལྡི་བུར་ཁ་ཁུག་ལྡི་བུར་ནི། །ལྕགས་ཀྱི་དུག་ཡིན་ཆུ་སྤར་ལྡི་བུར་དང་། །ལྡི་བུར་སྒོ་བརྒྱག་ལྕགས་ཀྱི་ནད་ཡིན་པས། །ལུས་གནས་གར་བབས་ནད་གཞི་ཡོད། །མེ་ནི་ཚ་བ་ཆུ་

---

^{[མ་དཔེ་གཟིགས་ན་འདིར་གནོན།]}

གྲང་བ། །ས་ནི་བད་ཀན་ཞ་རེངས་སོགས། །ཤིང་ནི་རྩ་རྒྱུས་དག་གི་ནད། །རླུང་ནི་རླུང་ནད་ལྕགས་སྐྲན་འབྲས། །ནད་དྲུག་ན་ལ་དུག་གིས་དུག །རོ་དྲུག་བབས་ན་འཆི་ངོ་ཡིན། །ཡང་ཁམས་ལྔའི་གཅོད་འདྲལ་བརྟག་པ་ལ། །གཉིས་ལྔ་དགུ་དང་བཅུ་གཉིས་བདུན། །ཤར་ལྷོ་ནུབ་བྱང་དབུས་ལྔ་ཡིན། །ཤིང་མེ་ལྕགས་ཆུ་ས་ཡི་ཁམས། །དེ་དེར་རང་འབྱུང་སྙིགས་མ་དང་། །དགྲ་སྙིགས་བབས་ན་གཅོད་འདྲལ་བྱས། །དྭངས་མ་འཇུས་སྡེ་བབས་ན་བཟང་། །ཤིང་ལ་བཅད་ན་རྩ་ལ་ངན། །མེ་ལ་དྲོད་དར་ཆུ་ལ་ཁྲག །ལྕགས་ལ་རུས་པ་ས་ལ་ཤ ། ཉམས་པ་ཉིད་དུ་ཤེས་པར་བྱ། །དགྲ་ཡི་འབྱུང་བ་གང་བབས་ཀྱང་། །རང་ཕྱོགས་འབྱུང་བར་འབྱུང་དགྲ་སྤྲད། །ཤིང་གི་རྒྱལ་པོ་ལྕགས་ཐལ་སོགས། །འབོད་བ་བྱས་ན་ཐུབ་པ་ཡིན། །དཔེར་ན་ཤིང་དགྲ་ལྕགས་དར་ན། །ཤར་དུ་གོས་དམར་ཅན་གྱིས་ནི། །ལྕགས་བཅད་དུམ་བུ་མེ་ལ་བསྲེག །ལྕགས་ཀྱི་རྒྱལ་པོ་མེ་ཐལ་ཞེས། །འབོད་པ་ལན་གསུམ་བྱ་རུ་གཞུག །ཡོན་དུ་ལྕགས་སམ་དར་དམར་སྦྱིན། །དེས་འགྲེ་གཞན་ལ་ཤེས་པར་བྱ། །ཡང་ན་ཚ་ཚ་དགྲ་མདོག་དགྲ་སྟེང་བཞག །ལྕགས་དགྲ་དར་ན་ནུབ་ཕྱོགས་སུ། །ཚ་ཚ་དམར་པོ་བཞག་སོགས་འགྲེ། །ལུས་པོ་རྩ་ལ་བརྟེན་པའི་ཕྱིར། །རྩ་ཁམས་གང་ལ་ནད་ཡོད་བརྟག །ལར་དམུ་དག་གཡས་སུ་འཇུས་པ་དེ། །རྩ་དཀར་གཡས་སུ་གྱེས་པ་ཡིན། །གཡོན་འཇུས་རྩ་དམར་གཡོན་དུ་གྱེས། །དབུས་འཇུས་དབུ་མ་དབུས་སུ་ཟུག །དེ་ལ་བརྒྱག་གཅིག་བཅས་པ་སྟེ། །སྟོང་ཉིད་མཐའ་དང་བྲལ་བ་ཡིན། །སྒོམ་ཆེན་རྣམས་ཀྱི་མོ་ལ་བཟང་། །རྩ་ལ་རླུང་ཁམས་བདེ་བའི་རྫིའུ་ཡིན། །འདི་གསུམ་བཞི་བདུན་དང་བརྒྱད་རྣམས་དང་། །བཅུ་དང་བཅུ་གཅིག་རྣམས་སུ་གཅེས། །གཞན་ཡང་ཙེ་ར་ཝ་ཚོ་ཡར་

---

^{[མ་དཔེ་གཟིགས་ན་འདིར་གནོན།]}

ལྡང་རྣམས། །སྟོད་ཀྱི་གཙུག་རྩིའི་སྡོང་པོ་ཡིན། །བརྒྱད་ལ་ཝ་ཚོ་ཡབ་སྲས་དང་། །བྱོད་ཕུར་དག་ནི་མིག་རྩ་ཡིན། །བདུན་ལ་བྱ་བུར་མུ་ས་མར་ལྡིང་གསུམ། །སྙིང་སྲོག་འབྲེལ་བའི་རྩ་ཡིན་ནོ། །འདི་རྣམས་ལན་དུ་ལྕགས་རིགས་ན། །རྩ་ལ་བཅད་གཏུབ་བྱུང་བས་ངན། །སོ་ཡོན་སྐྱིན་དིང་སེ་སྟོད་དང་། །བག་ལྡི་ལ་སོགས་བབས་ན་ངན། །གཏོ་ལ་སྐྱེ་ཤིང་བཙུགས་ན་ཕན། །སྙིགས་མ་གང་བབས་ནད་ཀྱི་ངོ་། །གཞན་ཡང་འབྲེལ་རིགས་རྩ་ལ་བཟང་། །འཐོར་བ་ངན་སྙིགས་རྩ་ལ་ངན། །སྙིང་མེ་ཁམས་ཨ་ཁད་བྱ་ཡུན་དང་། །གློ་བ་ལྕགས་ཁམས་ཚོལ་ཚེ་བྱོད་ཕུར་དང་། །མཆིན་པ་ཤིང་ཁམས་དམུ་དག་སྐྱེར་དང་ནི། །མཚེར་བ་ས་ཁམས་གལ་བར་སྐྱིན་དིང་སྟེ། །མཁལ་མ་ཆུ་ཁམས་སྐྱམ་དང་དིང་དིང་གི ། བཟང་ངན་དར་རྒུད་ལན་གྱི་ཚུལ་ལས་བརྟག །ལུས་གནས་རྩ་ཁམས་གང་ལ་ནད་གང་ཞུགས། །དབང་པོ་དོན་སྣོད་འབྱུང་བའི་དར་རྒུད་བརྟག །ད་ནི་ནད་ཀྱི་ངོས་འཛིན་བཤད། །དིང་དིང་ཚ་པའི་གཞི་མ་ཡིན། །སྐྱིན་དིང་ཚ་པའི་གཏིབ་ཁང་ཡིན། །ཨ་ཁད་ཚ་པའི་ངོ་བོ་ཡིན། །སོ་ཡོན་ཆད་པའི་གབ་ཁུང་ཡིན། །བྱ་རལ་ཚད་པའི་འཐོར་བྱེད་ཡིན། །གལ་བར་ཚ་པའི་རྫོང་མཁར་ཡིན། །ལི་ཡན་ཚ་པའི་འཐོར་བྱེད་ཡིན། །ཀྱེ་བ་ཚ་པའི་དམག་དཔོན་ཡིན། །ད་རོག་ཚ་པའི་རྒྱུག་ལམ་ཡིན། །བྱ་ཡུན་ཚ་པའི་སོ་བ་ཡིན། །ཚོལ་ཚེ་ཚ་པའི་ལུང་པ་ཡིན། །གཡས་བརྒྱག་ཚ་པའི་གཡས་རུ་བ། །གཡོན་བརྒྱག་ཚ་པའི་གཡོན་རུ་ཡིན། །སྤོ་བར་ཚ་པའི་གཏིང་སྡོད་ཡིན། །དེ་ཕྱིར་གནས་མལ་ཨ་ཁད་བབས། །བཅུ་གསུམ་ལ་སོགས་དེའི་ལན་དུ། །ལི་ཡན་སྐྱ་མོ་བབས་པ་ན། །ཚ་བ་རླུང་གིས་བསྐྱོད་པ་ཡིན། །བྱ་ཡུན་ཚ་བ་མེ་ལྟར་འབར། །སྐྱིན་

---

^{[མ་དཔེ་གཟིགས་ན་འདིར་གནོན།]}

དིང་སྐྱེར་བབ་ཚ་བ་གབ། །སོ་ཡོན་གང་བབ་སྙོགས་པ་ཡིན། །བྱ་རལ་བབས་ན་ཚ་བ་འགྲམ། །ལི་ཡན་མང་ན་སྟོང་ཚད་ཡིན། །སེ་སྟོད་ཁྲག་གམ་འཁྲུག་ཚད་ཡིན། །སྐྱེར་བབས་ཚ་བ་མཁྲིས་པར་ལྡན། །ཕུར་ཐོགས་རིགས་ལ་གཟེར་ནད་ལྡང་། །སྐྱམ་བཟང་པོ་ཚད་པའི་བདུད་རྩི་ཡིན། །ཡང་གྲང་བའི་ནད་ཀྱི་ངོས་འཛིན་ལ། །དིང་དིང་གྲང་བའི་གཞི་མ་ཡིན། །སྐྱིན་དིང་གྲང་བ་འཁོར་ས་ཡིན། །སྐྱམ་རིགས་གྲང་བའི་དམག་དཔོན་ཡིན། །ལི་ཡན་གྲང་བའི་སྣ་ཁྲིད་ཡིན། །སྐྱེར་རིགས་གྲང་བའི་རྒྱུ་ལམ་ཡིན། །བྱ་རལ་གྲང་བའི་སྡུད་ཤིང་ཡིན། །བྱ་ཡུན་གྲང་བའི་གཉེན་པོ་ཡིན། །ཡང་སེ་སྟོད་ཁྲག་གི་གྲོད་པ་ཡིན། །སོ་ཡོན་ཁྲག་གི་དཔུང་རོག་ཡིན། །བྱ་མེད་ཁྲག་གི་གཏིང་རྡོ་ཡིན། །སྐྱམ་སེ་ཁྲག་གི་རྫིའུ་ཡིན། །ཡང་ལི་ཡན་རླུང་གི་ས་བོན་ཡིན། །བྱ་རལ་ང་གི་གཞི་མ་ཡིན། །དིང་དིང་ང་གི་རྒྱབ་རི་ཡིན། །སྐྱམ་དང་ལི་ཡིན་ཐང་ལེ་དང་། །སྐྱེར་རིགས་ངན་པ་གཅོང་གི་ངོ་། །གལ་བར་སྐྱིན་དིང་ཁེར་འདུག་སྐྲན། །དེ་སོགས་རྒྱས་པར་གཞན་ལས་ཤེས། ༈ ། བྱེ་བྲག་དུག་མོ་བཤད་པ་ལ། །ལྔ་བརྒྱ་དུས་ཀྱི་ཐ་མ་ལ། །ཟས་ངན་དུག་གི་ཕྱག་ཚང་དར། །དེ་བས་དེ་ལ་བརྟག་པ་གཅེས། །སོ་ཡོན་དུག་མ་རྒན་མོ་ཡིན། །སྤོ་བར་དུག་ཕ་རྒན་པོ་ཡིན། །སོ་ཡོན་ཐུན་ཁུག་སྤོ་བར་རྟིང་བཤལ་དང་། །བྱ་ཡུན་ནག་མོ་འདི་གསུམ་ནི། །དུག་རུ་སྤུན་གསུམ་བྱ་བ་ཡིན། །གང་བབས་དེ་ལ་དུག་གི་ངོ་། །གཞན་ཡང་དུག་ངོ་བསྟན་པ་ནི། །བཅུ་ལ་གལ་བར་བཅུ་གཅིག་སྐྱམ་སེ་ན། །གངས་ཀྱི་སེང་གེ་འབྲུག་རོས་དུག །ནད་པ་དུག་གི་རིགས་ཡིན་ནོ། །ཨ་ཁད་ལན་དུ་སྐྱམ་སེ་ན། །རྨ་བྱ་ཁྲ་མོ་སྐྱ་གས་དུག །ལྔ་ལ་གླང་ཆེན་སེ་སྟོད་དང་། །བདུན་ལ་ཁྱུང་ཆེན་སེ་སྟོད་ནི། །དུང་ཁྱུང་དཀར་མོ་བྱི་རོས་དུག །གསུམ་

---

^{[མ་དཔེ་གཟིགས་ན་འདིར་གནོན།]}

ལ་སུམ་མཉམ་བཞི་བག་ཚོ། །དུག་སྦྱང་དཀར་མོ་ལུག་རོས་དུག །གཅིག་གི་ཁ་ལེ་བཅུ་གཅིག་གི ། ཏྲོང་གི་ཉི་མ་བྲག་ནག་ན། །བྱང་གི་མི་རྒོད་གཡག་རོས་དུག །གཅིག་གི་མ་ཟེ་ཨོག་དམར་དང་། །བཅུ་གཅིག་ལྡི་བུར་སྒོ་བརྒྱག་དེ། །འཕར་བ་དམར་པོ་ར་རོས་དུག །གཅིག་ལ་གློག་དམར་བཅུ་གཅིག་གི ། བྱོད་ཕུར་ཁྲ་རྒོད་བྱེའུ་རོལ་དུག །ལར་ཟ་པའི་ལན་དུ་གཟན་རིགས་ལ། །ཏྲོང་དང་སྒོ་བརྒྱག་སོང་བ་ནང་། །དུག་གི་ངོ་ཡིན་དཔྱད་པར་བྱ། །དིང་དིང་ལན་དུ་དིང་དིང་སྒོ་བརྒྱག་དེ། །གནམ་དུག་གནམ་གྱི་སྤྲིན་དམར་ཡིན། །སྐྱིན་དིང་ལན་དུ་སོ་ཡོན་དེ། །ས་དུག་བོང་བ་མུ་ཟི་ཡིན། །སྤོ་ཚེ་ལན་གྱི་སྤོ་བར་དེ། །ཤིང་དུག་སྟག་མ་གླང་མ་ཡིན། །དམུ་དག་ལན་དུ་དམུ་དག་སྒོ་བརྒྱག་དེ། །རྩ་དུག་ར་དུག་རེ་ལྕགས་ཡིན། །སྐྱམ་གྱི་ལན་གྱི་སྐྱམ་སེ་དེ། །ཆུ་དུག་ན་ཆུ་བཙན་ཅན་ཡིན། །གལ་བར་ལན་དུ་གལ་བར་སྒོ་བརྒྱག་དེ། །མེདུག་མོན་གྱི་ཧོར་ནག་ཡིན། །འདི་རྣམས་མཐོང་བསྣམས་རེག་དུག་ཡིན། །སྐྱིན་དིང་ལན་དུ་སྤོ་བར་རྟིང་བཤལ་དེ། །རྒྱ་ཡི་སྤལ་དུག་ནག་པོ་ཡིན། །ཕུང་རལ་ལན་དུ་སོ་ཡོན་རྟིང་བཤལ་ནི། །འཇང་གི་ཁྱི་དུག་ནག་པོ་ཡིན། །གསེར་བྱ་ལན་དུ་བྱ་མེད་སེ་སྟོད་ན། །ཧོར་གྱི་གཡུ་དུག་སྔོན་པོ་ཡིན། །སེ་སྟོད་སྒོ་བརྒྱག་ཐམས་ཅད་ནི། །ར་དུག་སྦྲུལ་དུག་བྱ་དུག་ཡིན། །འདི་རྣམས་ལན་དུ་སེ་སྟོད་ན། །ཕག་གི་ཤ་དང་སྦྱར་བ་ཡིན། །རུ་སོད་གཡག་གི་ཤ་དང་སྦྱར། །སྐྱེར་རིགས་འབྲི་ཡི་ཤ་དང་སྦྱར། །མ་ཟེ་ལུག་གི་ཤ་དང་སྦྱར། །ཏྲོང་རིགས་རི་དྭགས་ཤ་ལ་སྦྱར། །དམུ་དག་རྦ་བྲན་ཤ་ལ་སྦྱར། །སྤོ་ཚེ་རྟ་ཡི་ཤ་ལ་སྦྱར། །བག་ལྡིར་ར་ཡི་ཤ་ལ་སྦྱར། །ལི་ཡན་བབས་ན་ཇ་ལ་སྦྱར། །སྐྱམ་རིགས་བབས་ན་ཆང་ལ་སྦྱར། །ཚོལ་ཚེ་ཕྱེ་མར་དག་ལ་སྦྱར། །བུ་བརྒྱག་ཐམས་ཅད་མངར་གསུམ་སྦྱར། །འདི་རྣམས་གང་ནས་འོང་བའི་ཕྱོགས། །གཅིག་གཉིས་ཤར་དང་ཤར་ལྷོ་ནས། །བྲན་དང་མ་རབ་

---

^{[མ་དཔེ་གཟིགས་ན་འདིར་གནོན།]}

ཕྱོགས་ནས་འོང་། །བཞི་ལྔ་ལྷོ་དང་ལྷོ་ནུབ་ནས། །ཉེ་བ་མག་པའི་རྒྱུད་ནས་འོང་། །དགུ་བཅུ་ནུབ་དང་ནུབ་བྱང་ནས། །ཁུ་ཞང་ཕ་སྤུན་རྒྱུད་ནས་འོང་། །བཅུ་གཅིག་བཅུ་གཉིས་བྱང་ངམ་བྱང་ཤར་ནས། །སྲིད་སྡེ་དགྲ་ཡི་ཕྱོགས་ནས་འོང་། །བཞི་ཐབ་དང་ཆུང་མའི་ལག་ནས་འོང་། །དྲུག་ཐབ་ཆེན་ཆེན་མའི་ལག་ནས་འོང་། །བརྒྱད་ལ་བློན་པོ་བནྡེའི་ལག་ནས་འོང་། །བཞི་ལ་ཕོར་བུའི་ནང་དུ་ཕྱིན། །བཅུ་ལ་བབས་ན་ཁ་ནང་ཕྱིན། །བཞི་དང་བཅུ་གཉིས་བབས་པ་ན། །དུག་ཡོད་ཀྱང་ཁོང་དུ་མ་ཕྱིན་ངོ་། །འདི་རྣམས་ལན་དུ་སད་ཁམས་ཀྱི། །དྭངས་མ་གང་བབ་སྨན་གྱིས་དུག་འཇོམ་བཟང་། །དུག་དེ་བླུད་པའི་མི་བརྟག་པ། །ཕྱི་ས་བཞི་ལ་བག་ལྡི་ན། །ས་མིང་ར་ལོད་ར་སྐྱབ་ན། །རྟ་ཁམས་པར་མགོ་ཅན་གྱི་རྒྱུད་ནས་འོང་། །ཕྱི་ས་བཞི་ལ་གལ་བར་ན། །ས་སྐས་ལུང་སྐས་མདོ་ཟེར་བ་རུ། །མི་ནི་གླིང་སྐྱབས་གླིང་རྒྱལ་མིང་། །རྟ་ཁྲ་ཅན་གྱི་རྒྱུད་ནས་འོང་། །དེ་བཞིན་ཕྱི་ས་བཞི་ལ་ནི། །ཝ་ཚོ་ཁྱུང་ལུང་ཁྱུང་སྐྱབས་མིང་། །རྟ་ཁམས་པ་ཅན་གྱི་རྒྱུད་ནས་འོང་། །ལྡི་བུར་ས་དང་མི་ཡི་མིང་། །ཁམས་དང་འབུམ་ལས་དྲ་བབ་ཅན། །རྟ་ཁམས་པ་ཅན་གྱི་རྒྱུད་ནས་འོང་། །ཧྲང་ཟེ་འབྲུག་ཡུལ་སྐྱབས་རྒྱལ་མིང་། །རྟ་སྔོན་ཅན་གྱི་རྒྱུད་ནས་འོང་། །སངས་རིགས་ང་ལས་དྲས་པའི་མིང་། །རྟ་སྤུ་སུན་ཅན་གྱི་རྒྱུད་ནས་འོང་། །བྱ་ཡུན་བྱ་ལས་དྲས་པ་ཡི། །རྟ་སྔོན་ཅན་གྱི་རྒྱུད་ནས་འོང་། །བྱོད་ཕུར་དིང་དིང་ཨ་ལས་དྲས། །རྟ་གྲོ་བོ་དཔུང་དཀར་ཅན་ལས་འོང་། །དིང་དིང་མཚོ་དང་དཔལ་ལས་དྲས། །རྟ་མཚོ་དཀར་ཅན་གྱི་རྒྱུད་ནས་འོང་། །སྐྱིན་དིང་བྲག་དང་ས་བདག་མིང་། །རྟ་ནག་ཅན་གྱི་རྒྱུད་ནས་འོང་། །ཐང་ལེ་ཆོས་དཔལ་ཆོས་སྐྱབས་མིང་། །མཇོ་མོ་བྲེད་དམར་ཡོད་པ་དང་། །སྒོ་ཁྱི་ཁམས་དམར་

---

^{[མ་དཔེ་གཟིགས་ན་འདིར་གནོན།]}

ཅན་གྱི་རྒྱུད་ནས་འོང་། །མ་ཟེ་བཙན་སྐྱབས་བཙན་རྒྱལ་སྙིང་། །རྟ་དམར་ཅན་གྱི་རྒྱུད་ནས་འོང་། །རུ་སོད་བདུད་འབུམ་བདུད་རྒྱལ་མིང་། །རྟ་ནག་ཅན་གྱི་རྒྱུད་ནས་འོང་། །ཨ་ཁད་སྟག་སྐྱབས་སྟག་རྒྱལ་མིང་། །རྟ་དམར་ཅན་གྱི་རྒྱུད་ནས་འོང་། །དུག་ངོ་གར་བབས་དེ་ཡི་དུས། །བསྒྲིབས་ནས་འཛེམ་པར་བྱ་དགོས་སོ། །ད་ནི་ནད་ཀྱི་བྱེ་བྲག་ལས། །རྩ་ཆུའི་མཚན་ཉིད་བཤད་པར་བྱ། །བདུན་གྱི་ཆུ་ས་ལ་སོགས་པའི། །རྩ་རིགས་ལན་དུ་བརྒྱད་ལ་ནི། །ལྡི་བུར་ལ་སོགས་བབས་པ་ན། །རྩ་ལ་སྐྱོན་འོང་དེ་དག་ཀྱང་། །ཁམས་དང་སྦྱར་ཏེ་སྙིང་རྩ་སོགས། །སྡོད་འཐེན་སྐྱོན་སོགས་ཤེས་པར་བྱ། །སྐྱེར་གྱི་ལན་དུ་སྐྱོམ་སྔོན་ན། །མཁྲིས་པའི་ཆུ་ནི་སེར་ལ་རྙོགས། །ལྡོག་པ་ཉི་མ་ཤར་ནས་ལྡོག །དེ་ལ་མཁྲིས་པ་ཞི་སྦྱང་བཏང་། །ངན་པ་སྦྲ་དང་གཞི་ལ་ངན། །ཨ་ཁད་ལན་དུ་སྐྱོམ་སྔོན་ན། །ཚ་བའི་ཆུ་ནི་དམར་ལ་ཉོག །ལྡོག་པ་ཉི་མ་ལྷོ་ནས་ལྡོག །ག་བུར་སྨན་གྱི་བསིལ་གཞི་བཏབ། །ངན་པ་མ་དང་སྲུ་མོར་ངན། །གལ་བར་ལན་དུ་སྐྱམ་སྔོན་ན། །བད་ཀན་ཆུ་ནི་སྐྱ་ལ་ཉོག །ལྡོག་པ་ཉི་མ་ནུབ་ནས་ལྡོག །དེ་ལ་བད་ཀན་བཅོས་ཀ་བྱེད། །ངན་པ་ཕ་དང་ཁུ་བོར་ངན། །དིང་དིང་ལན་དུ་སྐྱམ་སྔོན་ན། །གྲང་བའི་ཆུ་ནི་སྔོ་ལ་ཉོག །ལྡོག་པ་ཉི་མ་བྱང་ནས་ལྡོག །དེ་ལ་དྲོད་ཀྱི་བཅོས་ཀ་བྱད། །ངན་པ་བླ་མ་སློབ་དཔོན་ངན། །ཆུ་ལྡོག་པའི་ཕྱོགས་བཞི་མ་ཤེས་ན། །ཚ་གྲང་ནད་ཀྱི་ངོས་མི་ཟིན། །དེ་རྣམས་གཉིས་དང་བཅུ་ལ་ནི། །གོ་རིམ་བཞིན་དུ་བབ་ལན་དཔྱད། །གནས་གཞན་དུ་ཡང་བརྟག་པ་ཡོད། །ཆུ་ལ་བརྟག་འདི་ཤིན་ཏུ་ངེས། །དེ་ལྟར་ནད་རྣམས་ངོས་བཟུང་ནས། །གསུམ་པ་སྨན་དཔྱད་རིམ་གྲོ་ལ། །ཐོག་མར་འཚོ་བྱེད་བླ་རྟགས་བཤད། །བཙལ་རྡམ་འཚོ་བྱེད་གཞོན་ནུ་ཡིན། །ཧྲང་ཟེ་ཁ་ལང་

---

^{[མ་དཔེ་གཟིགས་ན་འདིར་གནོན།]}

འཕགས་པ་ཀླུ་སྒྲུབ་ཡིན། །རྐང་སྤར་ལྡི་བུར་དྲང་སྲོང་རྒྱུན་ཤེས་ཡིན། །ཀྱེ་བ་རང་ཤག་སྨན་པ་དུང་འོད་ཡིན། །སད་སྔ་གྱེར་རྒྱུང་ལ་བོན་གུ་རུ་ཡིན། །ཨ་ཁད་རྩེ་མ་རྒྱ་རོང་སྟག་ཤལ་ཡིན། །རང་སྙན་ལྷ་རླུང་བྱང་སེམས་ལག་ཡང་ཡིན། །བག་བྱ་སངས་རྒྱས་སྨན་ལྷ་ཡིན། །གསེར་བྱ་ཤཱཀྱ་ཐུབ་པ་ཡིན། །གཉིས་བརྒྱག་ཀླུ་སྒྲུབ་གསུམ་བརྒྱག་རིགས་གསུམ་མགོན། །བཞི་བརྒྱག་སྨན་པ་མི་བཞི་བཅས་པ་ཡིན། །དོག་ཚང་རྩེ་མ་བ་མན་ཆུ་ཤེལ་གསུམ། །སྨན་གྱི་བུ་མོ་སྤུན་གསུམ་ཡིན། །བྱ་ཡུན་སྨན་ལྕམ་སྡེ་དྲུག་ཡིན། །ཝ་སྐྱམ་སྨན་གྱི་ལྷ་མོ་ཡིན། །འདི་རྣམས་བབ་ས་བརྒྱད་ལ་གཅེས། །སྨན་པ་སུ་ལ་མོ་འདི་བབས། །དེ་ཡིས་བཅོས་ན་འཚོ་བ་ཡིན། །དིང་དིང་སྨན་གྱི་སྡུད་ཤིང་ཡིན། །ཡར་དིང་སྨན་གྱི་སྡོང་པོ་ཡིན། །དམུ་དག་སྨན་གྱི་ལོ་འདབ་ཡིན། །སྤོ་ཚེ་སྨན་གྱི་རྩེ་མོ་ཡིན། །བུ་བརྒྱག་སྨན་གྱི་འབྲས་བུ་ཡིན། །བཅུ་གཅིག་བཅུ་གསུམ་བབས་ན་བཟང་། །རང་སྙན་ངམ་གཡག་མཁྲིས་ཁུ་ཡིན། །ཁྱུང་བརྒྱད་སྤོ་ཚེ་དམུ་ཞག་བདུད་རྩི་ཡིན། །སྐྱིན་དིང་གཡུ་བྱི་སྤོམ་རའི་ལྷ་ཆབ་ཡིན། །ཚོལ་ཚེ་དང་ནི་སྐྱམ་གྱི་བུ་བརྒྱག་གཉིས། །ཡེ་རྗེ་འཕྲུལ་གྱི་གླང་སྨན་དཀར་མོ་ཡིན། །བྱོད་བུར་སྨན་ཕོར་ཁ་ལ་མེ་ཏོག་འཁྲུངས། །བྱ་ཡུན་ཉི་ཤང་བུ་བརྒྱག་དྭངས་མའི་རིགས། །བདུད་རྩིས་གང་བས་འདི་རྣམས་ཀུན། །བཞི་སྨན་ཕོར་ཆུང་བར་བབ་ན་གཅེས། །བཞི་ལ་ཨ་ཁད་མེ་སྨན་སྦྱོར་བ་བྱ། །ཚོལ་ཚེ་ལྡི་བུར་བཟང་སྡེ་རྡོ་སྨན་སྦྱར། །སྐྱམ་གྱི་བུ་བརྒྱག་ཆུ་སྨན་བྱེད། །བརྒྱད་འདི་སྨན་ཕོར་ཆེ་བ་ཡིན། །འདིར་དིང་དེང་ཤིང་གི་པར་བུ་དགོས། །སྐྱིན་དིང་ས་ཡི་བར་བུ་དགོས། །གསེར་བྱ་གསེར་གྱི་བར་བུ་དགོས། །ཁ་ལང་གཡུ་ཡི་པར་བུ་དགོས། །སྐྱེར་རིགས་མཆོང་གི་བར་བུ་དགོས། །གལ་བར་ཐོད་དཀར་དུང་གི་པར་བུ་དགོས།

---

^{[མ་དཔེ་གཟིགས་ན་འདིར་གནོན།]}

བག་ཚོ་སྨན་ཆེན་སྡེ་བཞི་དང་། །བྱ་བུང་མཐིང་གི་སྒོམ་ཆུང་དང་། །གལ་བར་སྨན་གླང་མཆེད་དྲུག་རྣམས། །གང་བབ་སྨན་གྱི་མོ་ལ་བཟང་། །ལྔ་འདི་སྨན་པའི་མགྲོན་ལམ་ཡིན། །མ་དར་བཀའ་ཉན་ཚུལ་དུ་དགོས། །དབུ་འདི་སྔས་སྲུང་ས་ཡིན་ངོ་མཐོ་དགོས། །དུར་སྒོ་གཉིས་ལྔ་བཅུ་གཉིས་གསུམ། །སྐྱིན་དིང་བབ་ན་ལྕགས་ཀྱིས་འདན། །དུར་སྒོ་འདན་ན་ནད་པར་ཕན། །དེ་ལྟར་སྨན་པ་ཤེས་བྱས་ནས། །༈། །ད་ནི་སྨན་གྱི་གཏོང་ཚུལ་བཤད། །དིང་དིང་འབྱུང་བའི་རེ་འབྱམས་ལ། །ཤ་ཆེན་ལྔ་ཡི་སྦྱོར་བ་བྱ། །ཁྱུང་ཆེན་ལྔ་ཡི་རིལ་བུ་ཡིན། །སྐྱམ་རིགས་གྲང་བའི་རེ་འབྱམས་ལ། །བདུད་རྩི་ཐིག་པའི་སྦྱོར་སྡེ་བྱ། །ཞི་བྱེད་དཀར་པོ་དྲུག་སྦྱོར་ཡིན། །ཕུར་ཐོག་གཟའ་ལག་བུར་དགུ་སྦྱོར་བྱ། །སད་ཁམས་ལྷ་ལ་ནག་པོ་དགུ་སྦྱོར་བྱ། །བྱ་རལ་འདྲེ་ལ་བདུད་རྩི་དགུ་སྦྱོར་བྱ། །སེ་སྟོད་ཀླུ་ལ་འཇམ་པོ་དགུ་སྦྱོར་བྱ། །ཡང་ན་སེ་སྟོད་དུག་རིགས་ལ། །མཁྲིས་སྣ་བརྒྱའམ་དགུ་སྦྱོར་བྱ། །སོ་ཡོན་དུག་ལ་དབང་རིལ་བཏང་། །སྐྱམ་སེ་སེ་སྟོད་འདྲེས་པ་ནི། །རྣག་ཁྲག་ཡིན་པས་དཔའ་བོ་དགུ་སྦྱོར་བྱ། །ལི་ཡན་སྐྱམ་འདྲེས་གྲང་བར་དྲོད་སྦྱོར་བྱ། །ཆུ་སྤར་གྲང་བར་དྲོད་ཀྱི་སྨན་ནག་གཅེས། །སེ་སྟོད་བསྟུད་པ་ཁྲག་ལ་ནི། །ཙན་དན་དགུ་ཡི་སྦྱོར་བ་བྱ། །ལི་ཡན་ཨ་གར་བརྒྱད་པ་བཏང་། །ཨ་ཁད་མེ་ནད་བསིལ་སྨན་བཏང་། །དེ་སོགས་ནད་ཁམས་གང་ཡིན་གྱི། །གཉེན་པོ་དང་ནི་སྨན་གང་ལ། །སྨན་ཕོར་ཁྱོགས་པའི་སྨན་དེ་བཏང་། །བྱ་མེད་ལི་ཡན་སེ་སྟོད་གསུམ། གཅིག་ལ་རྐང་གཡས་ན་སོགས་དཔྱད། །དེ་དག་གང་བབ་གཉེན་པོ་ནི། །རྒྱ་ཚ་༡སུག་སྨེལ་༢གསེར་ཕེ་༣དང་། །སེ་འབྲུ་༤གུར་གུམ་༥རུ་རྟ་༦ དང་། །བྲག་ཞུན་༧ཤིང་མངར་༨ཀོ་བྱི་༩ལ། །ཨ་གར་༡༠ཨ་རུ་༡༡དུར་བྱིད་༡༢དང་། །ཅོང་ཞི་༡༣དག་གིས་ཆིག་ཐུབ་ཡིན། །ཡང་གཅིག་གི་བྱོད་ཕུར་འབྲོང་ཤས་འདུལ། །

---

^{[མ་དཔེ་གཟིགས་ན་འདིར་གནོན།]}

གཉིས་ཀྱི་ཆུ་སྤར་ལུག་ཤས་འདུལ། །གསུམ་གྱི་སྐྱམ་ནག་ཕག་ཚིལ་འདུལ། །བཞི་ཡི་ཝ་ཚོ་སྲེ་མོང་ཤས། །ལྔ་ཡི་སྐྱེར་དཀར་ཕག་ཤས་འདུལ། །དྲུག་གི་བག་ཚོ་དྲེད་མོང་ཤས། །བདུན་གྱི་མུ་ཤ་བྱ་ཤས་འདུལ། །བརྒྱད་ཀྱི་སྲིན་ཐོག་སྤྲེ་ཤས་འདུལ། །དགུ་ཡི་ཆེ་གསུམ་ཡུངས་ཀར་གྱིས། །བཅུ་ཡི་ནག་ཐོག་གླང་ཤས་འདུལ། །བཅུ་གཅིག་བྱ་རལ་བྱ་ཤས་འདུལ། །བཅུ་གཉིས་དམུ་དག་ར་ཤས་འདུལ། །བཅུ་གསུམ་ཤ་བག་ལི་ཡན་དེ། །བྱ་ཤ་དང་ནི་ཕག་ཤས་འདུལ། །ཡང་གཉིས་ཀྱི་བྱོད་ཕུར་སྨན་ཆེན་འདུལ། །གསུམ་གྱི་ཚོལ་ཚེ་རྒྱ་ཚས་འདུལ། བཞི་ཡི་བྱ་ཡུན་ཅུ་གང་འདུལ། །ལྔ་ཡི་ཁྱུང་བརྒྱང་ཚ་ལས་འདུལ། །དྲུག་གི་ཏྲོང་རིགས་གླ་རྩིས་འདུལ། །བདུན་གྱི་སྤོ་ཚེ་བྱ་ཤས་འདུལ། །བརྒྱད་ཀྱི་བྱ་མེད་གུ་གུལ་འདུལ། །དགུ་ཡི་གྱེར་རྒྱུད་ཆུ་དག་འདུལ། །བཅུ་ཡི་ཚོལ་ཚེ་ལང་ཏང་ཙེས། །བཅུ་གཅིག་སེ་སྟོད་སྨན་ཞུན་གྱིས། །བཅུ་གཉིས་སྤོ་སྟོད་ཕག་ཤས་འདུལ། །བཅུ་གསུམ་སོ་བྱ་དན་རོག་འདུལ། །ཡང་གཅིག་གི་སོ་ཡོན་ཉ་ཡིས་ཐུབ། །གསུམ་གྱི་ལྡི་བུར་ག་ཀོ་ལས། །བཞི་ཡི་སྐྱམ་དེ་འབྲུག་རུས་ཀྱིས། །ལྔ་ཡི་ཝ་སྐྱམ་དོམ་མཁྲིས་ཀྱིས། །དྲུག་གི་བྱ་ཡུན་དོམ་ཚིལ་ཀྱིས། །བདུན་གྱི་ཨ་ཁད་སྐྱར་མོའི་ཤས། །བརྒྱད་ཀྱི་རྐང་སྤར་སྦྲུལ་ཤས་ཐུབ། །དགུ་ཡི་ཝ་ཚོ་འབྲུ་བདུན་གྱིས། །བཅུ་ཡི་ཤོ་སྐྱམ་དྭངས་མ་ལྔས། །བཅུ་གཅིག་ཚོལ་ཚེ་སེར་བེ་ལྔས། །བཅུ་གཉིས་སོ་ཡོན་ནག་པོ་ལྔས། །བཅུ་གསུམ་བྱ་ཡུན་རྩ་བ་ལྔས། །ཡང་དིང་དིང་ཤ་ཆེན་བུར་སྨུག་གིས། །སྐྱིན་དིང་རྒྱ་རུ་ཐང་ཕྲོམ་གྱིས། །ཏྲོང་རིགས་སྤང་སྤོས་གསེར་མས་ཐུབ། །སྤོ་རིགས་ཤུག་གུ་ཚེར་མས་ཐུབ། །ལྡེ་བུར་མ་ཟེ་ཏེ་ལོའི་ཤས། །གྲི་ཕུར་བོང་ང་སེར་པོས་འདུལ། །འཐོར་བ་བཟང་པོ་དྲུག་གིས་ཐུབ། །དེ་སོགས་མདུད་པའི་ཁམས་དང་ངོ་བོ་ཡིན། །སྨན་དཔྱད་ཚད་མེད་

---

^{[མ་དཔེ་གཟིགས་ན་འདིར་གནོན།]}

གཞན་དུ་ཤེས། །ད་དེ་ལྟར་བཅོས་ཀྱི་རིམ་པ་ལས། །ནད་པ་འཐིབ་དྭངས་ལྟ་བ་ལ། །བཅོས་ལོག་སོང་བའི་ངོ་བཤད་ན། །ཡར་ལྡང་ལན་དུ་སེ་སྟོད་ནི། །སྨན་པས་སྨན་ལོག་སོང་བའི་ངོ་། །དེ་བཞིན་ཤིང་རིགས་དག་དང་ནི། །མ་ཟེ་མུ་ས་སྐྱེར་དང་ནི། །ལྡི་བུར་ལན་དུ་སེ་སྟོད་ན། །སྨན་པའི་སྨན་ལོག་སོང་ངོ་ཡིན། །སྨན་ངོ་ཕྱི་སར་བབས་ནས་སུ། །སྨན་ཕོར་ནང་དུ་དུག་ངོ་བབས། །སྨན་ལོག་སོང་བའི་ངོ་ཡང་ཡིན། །སྨན་ངོའི་ལན་དུ་དུག་ངོ་བབས། །དེ་ཡང་སྨན་མི་འཕྲོད་པའི་ངོ་། །དེ་སོགས་ཞིབ་པར་དཔྱད་པར་བྱ། །དེ་ནས་བཅོས་ཀྱིས་ཕན་ཐོགས་པའི། །སྨན་པའི་ཁ་ཕོ་བཅུ་གསུམ་བཤད། །གཅིག་གི་སྐྱིན་དིང་གཡུ་ཐོག་དེ། །སྨན་པ་བྱི་བ་ལོ་པས་ཁ་ཕོ་བྱེད། །གཉིས་ཀྱི་གལ་བར་ཐོད་དཀར་དེ། །གླང་ལོ་པ་ཡིས་ཁ་ངོ་བྱེད། །དེ་བཞིན་ལོ་མིག་དང་སྦྱར་ནས། །རང་ཆུ་༣ དཀར་མོ་ཨ་ཁད་༤རྩེ་མ་དང་། །སྲང་༥ཟེ་ཁ་ལང་སད་དཀར་༦ཚོལ་ཚེ་དང་། །ཤ་རིང་སྤོ་༧ཚེ་རང་སྙན་ལྷ་རླུང་དཀར། ༨ ། རང་ཉི་འོད་༩ལྡེམ་སྐྱམ་ཆུང་བུམ་༡༠པ་དང་། །བྱ་རལ་༡༡རིན་ཆེན་སོ་ཡོན་ལིང་ཀུན་དཀར། ༡༢ ། སྟག་སོགས་ལོ་པའི་སྨན་པའི་ཁ་ཕོ་ཡིན། །བཅུ་གསུམ་དཀར་ཐོག་སྨན་པའི་ངོ་མདངས་དཀར། །དེ་དག་སྨན་པར་བཏབ་ན་བཟང་། །གཞན་ཡང་སྨན་པའི་ལོ་མལ་དང་། །དགུ་བརྒྱད་དག་ལ་ཁ་གསལ་དང་། །བཟང་སྡེ་བབས་ན་ངོ་སོ་ཡིན། །འགྱོད་དང་སྙིང་སྟོང་མེད་ན་བཟང་། །ད་ནི་གཏོ་རིམ་ཅི་དགོས་ལ། །དགུ་འདི་གཏོ་མཁན་ས་མལ་ཡིན། །གཏོ་སེལ་ཨེ་ཡག་འདི་ལ་དཔྱད། །བཅུ་གཅིག་དར་ཞིང་བཅུ་གཉིས་ཆག །གཏོ་སྒོ་མ་འགག་བཟང་བ་ཡིན། །ད་ནི་རིམ་གྲོ་དཔྱད་པ་ལ། །མཐུན་པས་མཐུན་པ་གཡང་བླང་གཏོ། །སྙིང་མིག་སྲོག་གསུམ་དིང་དིང་གསུམ། །དེ་ཡི་བཅུ་གསུམ་བྱོད་ཕུར་ན། །དཀྱིལ་འཁོར་སྟེང་གི་ལྷ་བཤོས་

---

^{[མ་དཔེ་གཟིགས་ན་འདིར་གནོན།]}

ཡིན། །སྙིང་མིག་སྲོག་གསུམ་དིང་དིང་གསུམ། །གཞིར་བཞག་བཅུ་གསུམ་བབས་ལུགས་ལ། །སྐྱམ་སྔོན་ཡོན་ཆབ་ཨ་ཁད་དང་། །བྱ་ཡུན་མར་མེ་གསེར་བྱ་མཎྜལ་དང་། །སྐྱམ་ཆུང་བུམ་པ་དམུ་དག་ཀུ་ཤ་ཡིན། །ཁྱུང་བརྒྱང་པ་ཙ་ལ་རྔམ་རྡོར་དྲིལ་ཡིན། །དེ་སོགས་ལྷ་རྫས་སོ་སོ་ཡི། །བླ་མདུད་བབས་པ་དེ་བཞིན་དུ། །དཀྱིལ་འཁོར་བཞེངས་ཤིང་མཆོད་པ་བཤམ། །རིམ་གྲོ་བསྒྲུབ་ན་ངེས་པར་ཕན། །གདོན་ངོ་གང་བབས་དེ་ཡི་ནི། །གཉན་པོ་ཞི་དྲག་གཏོ་མདོས་སོགས། །གང་ལ་གང་ཕན་བརྟགས་ཏེ་བྱ། །རྒྱས་པར་གདོན་ཕྱྭ་སྐོར་དང་ནི། །གཏོ་ཐིག་ནང་བཞིན་ཞིབ་ཏུ་དཔྱད། །མདོར་བསྡུས་འདི་རུ་བརྗོད་པ་ནི། །ཀླུ་ནད་ཡིན་ན་བཞི་དང་ནི། །བདུད་ནད་བདུན་དང་ལྷ་ནད་བརྒྱད། །གཉན་ནད་དགུ་དང་རྒྱལ་པོ་ལ། །བཅུ་ལ་དེ་དེའི་རྟགས་ཤིག་འབབ། །སད་མང་ན་ལྷ་ནད་ལྷ་གསོལ་བྱ། །སོ་བྲག་ཏྲོང་གསུམ་སྲིན་པོ་བཀར། །སྤོ་བྲག་འདྲེ་བཀར་རྫོངས་ཡས་བྱ། །དིང་དིང་ན་འབན་འདྲེས་པ་ན། །ཤི་འདྲེ་གཤེད་སྲི་བཀར་བར་བྱ། །ལི་ཡན་བག་ལྡི་མང་ན་འགོང་པོ་བཀར། །རུ་སོད་བདུད་དང་སངས་མ་ཡམ། །སྐྱམ་ཀླུ་མ་ཟེ་བཙན་མདོས་བྱ། །ལར་བསྟུད་པ་མང་ན་གཟེར་གྱི་ངོ་། །འབུམ་དང་བཀའ་ཐང་འུར་རྒྱུན་བྱ། །ལོ་བྲག་བབས་ན་འཆི་བསླུ་དང་། །འབུད་བཟློག་ཤེར་སྙིང་མདོས་རིགས་བྱ། །དགྲ་གཤེད་འཁྲུགས་ན་ཡར་མདོས་དང་། །སྣང་སྲིད་ཞི་བ་བརྒྱ་ཚར་བྱ། །དུག་ངོ་མང་ན་རྨ་བྱ་ཆེ། །གདོན་ངོ་མང་ན་གྲ་ལྔ་བཀླག །འཆི་ངོ་མང་ན་ཚེ་སྒྲུབ་བྱ། །ལོ་མལ་སོགས་ནས་ཕྱི་སར་ཐལ། །བླ་བསླུ་ཚེ་འགུགས་ནན་ཏན་བྱ། །ཞིབ་པར་འོག་ནས་འཆད་པར་འགྱུར། །གཏོ་རིམ་བྱས་པས་ཕན་ཐོགས་རྟགས། །སྟོན་པས་གྲི་འདུལ་ཉེར་ལྔ་བཤད། །དགུ་ཡི་སྟེང་གི་སྐྱིན་དིང་གཡུ་

---

^{[མ་དཔེ་གཟིགས་ན་འདིར་གནོན།]}

ཐོག་དེ། །སྟོན་པས་ས་གདོན་ཐུལ་བ་ཡིན། །དེ་བཞིན་དགུ་མིག་ཁོ་ན་ལ། །ཐེ་ཡེར་སྐྱམ་སེ་བསེན་མོ་ཐུལ། །ལིང་དང་དཀར་ཐོག་ལྷ་གདོན་ཐུལ། །སྐྱམ་སེ་གཤེན་རབ་མཆི་ལམ་བདུད་ལ་ཐེབ། །ཨ་ཁད་སྟོན་པས་བདུད་བཞི་ཐུལ། །ཀྱེ་བ་བག་སྐྱམ་བུ་བརྒྱག་དེ། །སྟོན་པས་ཐིལ་མོ་ཐུལ་བ་ཡིན། །རེ་སེ་ཀྱུ་ནེ་སྡེ་བརྒྱད་གྲི་བོ་ཐུལ། །ཀྱེ་བ་སད་ཁད་སྟོན་པས་ཀླུ་འདྲེ་བརྟུལ། །མུ་ས་དིལ་དཀར་སྟོན་པས་གྲི་རྒོད་ཐུལ། །བྱ་ཡུན་དང་རྩེ་སྟོན་པས་དུག་མཚོ་སྐམ། །གྱེར་རྒྱུང་ཧར་ལྔང་དཀར་པོ་ནི། །སྟོན་པའི་ཐུགས་ལ་ཉི་མ་ཤར། །བ་ཙོ་ལ་རྔམ་སྟོན་པས་རྒྱལ་པོ་ཐུལ། །བྱ་རལ་རིན་ཆེན་སྟོན་པས་ཀླུ་གདོན་ཐུལ། །སད་རྒོད་སྟོན་པས་བར་ཐེ་ཐུལ། །སྐྱམ་ཆུང་བུམ་པ་སྟོན་པས་ས་ཐེ་ཐུལ། །ལྡི་བུར་དབུ་མ་བཙན་རྐྱ་ཡ་བདུན་ཐུལ། །རྐང་པར་ལྡི་བུར་སྟོན་པས་གཟའ་འདྲེ་ཐུལ། །མ་ཟེར་མ་ཐིག་སྟོན་པས་ངོ་བདུད་ཐུལ། །དཀར་ལ་རུ་ཐོག་སྟོན་པས་ངམ་ཁམས་ཐུལ། །ཁ་ལང་ཆེན་མོ་སྟོན་པས་གཤེད་བདུད་ཐུལ། །བྱོད་ཕུར་སྟོན་པས་གྲི་གཤེད་ཐུལ། །ཚོལ་ཚེ་བུ་བརྒྱག་གནམ་བདུད་ཐུལ། །ཝ་ཚོ་ལྷ་རྒྱལ་སྟོན་པས་དམེ་འདྲེ་ཐུལ། །ཁྱུང་བརྒྱད་རུ་རིང་སྟོན་པས་གཟའ་གཉན་ཐུལ། །དམུ་དག་དུང་སྒོང་སྟོན་པས་སྲོག་བདུད་ཐུལ། །འདི་རྣམས་གང་དང་གང་བབས་ཀྱང་། །ལེའུའི་སྲུང་མདའ་བྲག་ལ་ཟུག །གནམ་ས་བར་གྱི་གདུག་པ་ཅན། །གཤེན་རབ་སྟོན་པས་ཐུལ་བ་ཡིན། །གཏོ་དང་རིམ་གྲོ་གང་བྱེད་ཀྱང་། །ངེས་པར་ཕན་ཐོགས་འབྱུང་ངོ་ཡིན། ༈ ། ད་ནི་བཅུ་པ་གདོན་ཕྱྭ་བཤད། །དང་པོ་གནས་ཀྱི་གདོན་ཟུང་ལ། །གཅིག་ལ་དན་ཡུལ་གཞི་ས་བདག་གནོད། །གཉིས་གྲི་གཤེད་ཁྱིམ་མཚེས་བྲན་སྒོ་ཁྱི། །གསུམ་ཕུང་སྲི་ཆུང་སྲི་བུ་ཚའི་འདྲེ། །བཞི་ཀླུ་དང་བང་མཛོད་གྲོགས་

---

^{[མ་དཔེ་གཟིགས་ན་འདིར་གནོན།]}

ཀྱི་འདྲེ། །ལྔ་ཉེ་བ་བུ་སྲིང་མག་པའི་ཕྱོགས། །དྲུག་བུད་མེད་སྦྲ་དང་ཐབ་ཀའི་འདྲེ། །བདུན་སྨྱོ་འདྲེ་ཕ་སྤུན་རྟ་སྒ་ཆས། །བརྒྱད་ལྷ་ས་ལྷ་རྟེན་མཚུན་ལྷས་གནོད། །དགུ་ཕྱི་ནང་མཚམས་དང་གཟས་སར་ཡོད། །བཅུ་གནམ་ཐེལ་མ་ཕྱི་ཕུག་གི་རྫས། །བཅུ་གཅིག་དགྲ་བླ་མནོལ་རྫས་གདོན། །བཅུ་གཉིས་ཕྱི་སྒོ་དགྲ་རྫས་བྱད་ཀྱི་ངོ་། །བཅུ་གསུམ་ཡར་གཏོ་ཞུད་པས་ལན། །གཉིས་པ་མདུད་པའི་གདོན་ཟུང་ལ། །རྫས་དང་གང་གནོད་ངོས་བཟུང་གཉིས། །དང་པོ་གདོན་གྱི་གནས་མལ་དུ། །དིང་དིང་གོས་དར་སྒྱེ་ཕྱར་བ། །ཤིང་ལྕགས་སྦྲང་མ་ཟོ་བ་གདོན། །མགྲོན་གྱི་སྐབས་བཞིན་བརྟག་པ་དང་། །སྐྱེར་གསུམ་རྟ་དང་གླང་གི་སྒ་སྲབ་དང་། །འབྲི་མོ་དཀར་མཚན་ཅན་ཞིག་གདོན། །སྐྱེར་སྨད་བུད་མེད་གཉིས་འགྲོགས་ཀྱི། །ལག་བླངས་མོ་ཆ་མོ་རྫས་དང་། །ཕྱར་བ་སྣམ་བུ་ཐག་ཆ་གདོན། །སྐྱམ་རྒན་གོ་རྒན་མཚོན་རྒན་གདོན། །ཡར་དིང་མདུང་ལ་མར་དིང་གཞུ། །གར་བར་མར་གྱོན་ཞྭ་ཡི་ངོ་། །ཡར་ལྡང་ཡར་གྱོན་ལྷྭམ་གྱི་ངོ་། །ཨ་ཁད་སྟག་རིས་གཟིག་རིས་དང་། །གཅན་ཟན་དང་ནི་དམར་པོ་རི་མོ་ཅན། །དར་ཤི་གྲི་ཤིའི་ཟས་ནོར་གདོན། །ཕུང་ཁད་གཏམ་ངན་འཐབ་རྩོད་རྫས། །རུ་སོད་གཡག་ནག་རྫས་ནག་དང་། །ཟས་གོས་རྒྱན་ཆ་ནག་པོའི་ངོ་། །སྐྱམ་མོ་མགྲོན་མོ་ཆ་མོ་རྫས་གདོན། །སྐྱམ་ངན་རིགས་བྱེ་ཡུག་ངན་པའི་རྫས། །སྤོ་བར་མགོ་སེའི་རྟའམ་རྫས། །ཤིང་ཆ་ནག་པོ་རྙིང་པ་གདོན། །སག་ཐག་དང་ནི་ཕྱུགསཀྱི་རིགས། །ཁུ་ཡོར་ནིས་ཞ་སྐྱོན་ཅན་གདོན། །ཡང་ན་དུར་ཟས་སོགས་ཀྱི་ངོ་། །སོ་ཡོན་མགར་ཚང་མགར་བའི་རྫས། །ལོང་བའི་ཟས་ནོར་མིག་མེད་དང་། །གྲིབ་ནག་ཟས་ནོར་ནག་པོ་ཡིན། །མཚོན་སོ་ཆ་གཡུ་མེད་སྣེ་ཟླུམ་ཡིན། །སེ་སྟོད་དམེ་ཕོ་དག་གི་རྫས། །

---

^{[མ་དཔེ་གཟིགས་ན་འདིར་གནོན།]}

ཤ་ཁྲག་ཁྱི་དང་རྔ་བྲན་དམར། །ཟངས་སྒོག་རས་དམར་བཅད་འཕྲོ་ཅན། །བྱ་རལ་རུ་ནག་སྐྱས་ནག་དང་། །ཁྱི་ནོར་ནག་པོ་རྔ་སྤུ་ཅན། །གོ་ཆ་ཐབ་ཆ་ནག་ཧྲུལ་ཞིག །གཉིས་བསྒྲིགས་བཅད་འཕྲོ་ཆག་དུམ་ཅན། །སེམས་ཅན་སྣ་ཤོ་རྭ་ཆག་པ། །དབང་པོ་མི་ཚང་བ་ཞིག་གདོན། །གལ་བར་རྔ་བྲན་ཁ་སེ་གཞོང་སེར་དང་། །ཕུབ་དང་བནྡེའི་ལག་གི་ནོར། །ལྡི་བུར་མཚོན་ཆ་ཙེ་ར་རལ་གྲི་དང་། །ཤག་ལེ་སྒ་དང་ལི་ཡན་སྟན། །གསེར་བྱ་ལྷ་ཁང་ཁྲ་བོའི་རྫས། །བནྡེའི་ཟས་ནོར་སེར་པོ་དང་། །གསེར་སོགས་རྒྱལ་པོ་འཁྲི་བ་གདོན། །མ་ཟེ་གཅན་ཟན་པགས་པ་དང་། །ར་དང་མཆེ་སྡེར་བཅད་ཕུག་རྫས། །བཙན་དང་གཤེད་འཁྱམས་འཁྲི་བ་གདོན། །བྱ་རལ་རིན་ཆེན་གསེར་དངུལ་དང་། །སེར་པོ་རི་མོ་ཅན་ཡང་ཡིན། །སྐྱམ་ཆུང་བུམ་པ་མདའ་མོ་ཆས། །གཡུ་བྱེར་རིན་ཆེན་ཡིད་འོང་རྫས། །མུ་ས་དིལ་དཀར་ཤིང་ལས་བྱུང་། །དར་ལྗང་ཕོ་ཆས་རྣོ་མཚོན་གོས། །ཧྲང་ཟེ་ཁ་ལང་རྟ་རྐྱང་ལྤགས། །དམར་སེར་ཉིས་བསྒྲིལ་སུམ་བསྒྲིལ་ཅན། །རྒྱལ་གདོན་འཁྲི་བའི་རྫས་ཡོད་དོ། །དཀར་ཐོག་གཡུང་དྲུང་རྡོར་དྲིལ་དུབ། །ལྷ་ཆ་ཡ་རབ་དག་གི་རྫས། །བྱ་བུར་གསེར་ཐིག་རྐྱལ་པོའི་མཛོད། །རྒྱུ་ནོར་དངོས་བཟང་བྱད་ཁ་ཅན། །མ་ཟེ་ཆུ་མིག་ཁྲབ་ཟངས་དཀར། །རྐྱ་མི་མཚོན་ཐོགས་ལག་ནས་བླངས། །དྭངས་མ་གཡུ་སྒྲོན་རྨ་བྱའི་མདངས། །བུམ་པ་ལྷ་སྐུ་མཆོད་རྟེན་དང་། །སེང་འབྲུག་སྟག་གཟིག་རི་མོ་ཅན། །རྒྱ་ཡིག་ལ་སོགས་ཡིག་སྣ་གདོན། །བྱ་བུར་དངུལ་དང་ཁྲབ་བྱང་དཀར། །དཀར་ལྷང་ངེ་བ་ཞིག་གདོན་པ་ཡིན། །ལི་ཡན་སྒྱེ་སྟོང་སྣོད་སྟོང་དང་། །སྤྲང་པོའི་ཟས་ནོར་སྐྱ་བོ་གདོན། །ཚོལ་ཚེ་ལྕགས་རིགས་ལུག་དང་ཁྲབ། །མི་ཤ་རྩ་སྔོན་པོའི་ལག་ནས་བླངས། །

---

^{[མ་དཔེ་གཟིགས་ན་འདིར་གནོན།]}

བྱོད་ཕུར་ལུག་ཤ་ལུག་ཁྲིད་དང་། །རྐང་ཐང་དབྱུག་བཟུང་རྐྱ་མི་སྐྱ་རག་དང་། །དེ་སོགས་མདོར་ན་གདོན་ངོ་ནི། །མདུང་པའི་ཁམས་ལ་བརྟགས་ནས་སུ། །སྤོ་ཚེ་རྟ་ལ་ཁྱུང་བརྒྱང་མཛོ། །ཕུང་ཁད་དྲེལ་སོགས་རང་རང་གི ། ཁམས་དང་མདོག་དང་བྱེད་ལས་དང་། །དབྱིབས་དང་གྲངས་དང་མིང་ལ་དཔྱད། །དབྱིབས་ལ་སྤོ་ཚེ་ལི་ཡན་ནི། །གྲུ་བཞི་བྱ་རལ་གྲུ་གསུམ་སོགས། །མདོག་ནི་མེ་ཁམས་དམར་པོ་སོགས། །གྲངས་ནི་བྱོད་ཕུར་གཅིག་སོགས་དང་། །བྱེད་ལས་སོ་ཡོན་མི་གསལ་དང་། །བྱ་ཡུན་ཨ་ཁད་ལྷ་ངེ་བ། །སྐྱིན་དིང་དིང་དིང་འཁྱིལ་ལེ་བ། །དེ་སོགས་སོ་སོའི་ཁམས་ལ་བརྟག །མིང་ནི་མིང་ཐོག་སོགས་མཚུངས་དཔྱད། །དཔེར་ན་མུ་ས་སྒོ་བརྒྱག་ལ། །རྣ་ལུང་གཉིས་ཆ་གདོན་པ་དང་། །ལྡི་བུར་སྒོ་བརྒྱག་ལྷྭམ་གཉིས་སོགས། །ཞིབ་པར་དཔྱད་ན་མང་དུ་མཆིས། །དེ་ཀུན་བརྗོད་པར་མི་ནུས་པས། །ཅི་རིགས་རང་གིས་བརྟག་ལ་དཔྱད། །བརྒྱད་འདི་གདོན་གྱི་ཁང་པ་ཡིན། །དྲལ་དཀར་དཀར་ཐོག་སྤུན་གསུམ་སོགས། །བུ་བརྒྱག་བཟང་པོ་ཁེར་བབས་ན། །དུན་དུན་ནད་པའི་གདོན་ངོ་ཡིན། །རིན་ཆེན་གོས་དར་ལྷ་ཆ་རིགས། །འོད་ཅན་རྒྱལ་པོས་བདག་བཟུང་གདོན། །མ་བརྒྱག་ངན་སྡེ་སྒོ་བརྒྱག་དང་། །སེ་སྟོད་བྱ་རལ་སོགས་བབས་ན། །མ་རབ་ངན་པའི་ཟས་ནོར་རིགས། །རྙིང་ཧྲུལ་གྲིབ་ཅན་གདོན་ཕ་ཡིན། །མ་ཟེ་ལྡི་བུར་རུ་སོད་སོགས། །མཚོན་ཆ་དམེ་ཕོ་དམག་གི་ཆས། །གྲི་ངོ་གྲི་གཤེད་འཁྲི་བ་གདོན། །སྐྱ་ཞིབ་དྭངས་མ་ཁས་དམན་རིགས། །མནོག་ཆུང་མངོན་ཆུང་གདོན་པ་ཡིན། །གདོན་ངོ་ཆང་ངབ་སོགས་བབས་ནས། །བཞི་དྲུག་བརྒྱད་གསུམ་གདོན་གྱི་ས། །ཚུར་འབྲིང་ཆེའམ་སྒོ་བར་ཕུག་གསུམ་དུ། །བསྟུད་ནས་ལོ་ལམ་

---

^{[མ་དཔེ་གཟིགས་ན་འདིར་གནོན།]}

སོགས་སུ་བབས། །གང་བསྟུད་དེ་ཡི་གདོན་ངོ་ཡིན། །གཉིས་ལ་ཕྱི་ནང་མཚམས་ན་ཡོད། །ལྔ་ལ་འདས་ན་ཉེ་རིང་སར། །སོང་བ་ཡིན་ཞིང་དགུར་འདས་ན། །ནད་པ་སོས་ཀྱང་བསྲུང་བས་མ་ཁྱོགས་ངོ་། །བཅུ་གཉིས་འདྲེ་གདོན་རང་ཡུལ་བསྙེགས། །ལོ་མལ་སྟེང་ནས་སོང་ན་ཡང་། །རང་སར་འཁོར་ན་ནད་གཞན་ལྡང་། །ཟླ་བ་ཞག་རྩིས་བྱ་བ་ན། །གཅིག་ནས་བཅུ་གསུམ་བར་དུ་ཡིན། །ཕྱོགས་ནི་གཉིས་པ་ཤར་ཕྱོགས་ནས། །རང་སར་འོང་བ་དེ་ནས་གདོན། །ཞིབ་པར་གཞན་ལས་ཤེས་པར་བྱ། །ད་ནི་གདོན་ཚོགས་ངོས་བཟུང་བཤད། །ལྔ་བརྒྱ་དུས་ཀྱི་ཐ་མ་ལ། །སྡེ་བརྒྱད་ནད་ནི་ཆར་ལྟར་འབེབས། །དེ་བས་དེ་དག་དཔྱད་པ་གལ། །སྡེ་བརྒྱད་བརྟེན་དང་སྒྲུབ་པ་དང་། །སྲོག་སེར་ལྟས་ངན་དཔྱད་ལ་ཡང་། །འདི་ཉིད་མཁོ་བས་ཤིན་ཏུ་གསང་། །ལྷ་འདྲེའི་སྲོག་སྙིང་རང་གནད་ཀྱི། །འཁོར་ལོ་འདི་ནི་རང་ཉིད་ཀྱི། །བརྒྱུད་འཛིན་མིན་པར་སྤེལ་མི་བྱ། །གཅེས་ཀྱང་བུ་ལ་མི་བརྟན་ཞིང་། །དམར་ཀྱང་སྲོག་དང་མི་བརྗེ་བའི། །མན་ངག་གཅེས་པ་འདི་ན་བཀོད། །སྣང་སྲིད་ལྷ་འདྲེ་གདུག་རྩུབ་ཆེ། །བཀའ་སྲུང་ཙེ་རག་ཆེ་བས་ན། །གསང་སྟེ་སྤྱད་པར་བྱ་བར་གསུངས། །སྙིང་མིག་སྲོག་གསུམ་སད་ཁམ་གསུམ། །ལྷ་ཡུལ་ལྷ་ཡི་སུན་མ་འོང་། །ཀྱེ་བ་ད་རོག་དམུ་དབལ་དང་། །ཙེ་ར་ཝ་ཚོ་ཡར་ལྡང་དང་། །བུ་བརྒྱག་དྭངས་མ་ཞོན་པ་རྣམས། །བྱུང་ན་དཔའ་པོའི་སུན་མ་ཡིན། །སུན་བཟློག་གར་བབས་ཕྱོགས་སུ་བསྐྱལ། །ཚེ་དབང་ཞུ་ཞིང་ཚེ་སྒྲུབ་བྱ། །ཁྱི་སྤང་འགྱེད་བཏང་སྐྱབས་སུ་ཞུ། །ཁྱི་སྤུ་ར་སྤུ་བདུག་པ་བྱེད། །ཁྱི་སྤྲང་ལས་དྲས་མིང་བཏགས་ལ། །སྤྲང་ཚུལ་བྱས་ལ་དམན་ས་བཟུང་། །ཡང་ནི་གཟའ་ཡི་བླ་

---

^{[མ་དཔེ་གཟིགས་ན་འདིར་གནོན།]}

མདུད་དཔྱད། །ཆུ་སྤར་ལྡི་བུར་གཟའ་ཡི་ཕ། །སྲིན་པོ་རཀྴ་ཛྭ་ལ་ཡིན། །ཆུ་སྤར་སྐྱམ་འདི་གཟའ་ཡི་ཡུམ། །ཀླུ་མོ་སྤལ་མགོ་ཁྲག་མིག་ཡིན། །མུ་ས་ཤོར་ཁུང་ཁྱབ་འཇུག་ཆེན་པོ་ཡིན། །རོག་པ་ཐེ་སྐྱམ་ཕུ་བོ་གཟའ་རྒོད་ཡིན། །སྤོ་བར་ངམ་རུ་ནུ་བོ་ནི། །གཟའ་བྲན་གྱི་ལིང་འཕར་མ་ཡིན། །ཀུ་ཅང་ཡེ་གུ་བྲག་དེ་ནི། །ཁུ་བོ་རོ་གཏི་ནག་པོ་ཡིན། །སྤོ་བར་རྟིང་བཤལ་བྱ་བ་དེ། །སྲིང་མོ་ཨུ་ཙ་རུ་མེ་ཡིན། །ཝ་སྐྱམ་སྲིན་མོ་ཆུ་ལམ་སྔོན་མོ་ཡིན། །མུ་ཙ་སྒོ་བརྒྱག་ཤར་གྱི་སྟག་སྲིན་ཡིན། །མུ་ས་སྒོ་བརྒྱག་ལྷོ་སྲིན་དྲེད་མོང་གདོང་། །སྐྱམ་ཆད་སྒོ་བརྒྱག་ནུབ་ཀྱི་ཆུ་སྲིན་གདོང་། །སྐྱམ་སེ་སྒོ་བརྒྱག་བྱང་གི་རྔ་མོང་གདོང་། །སྲུ་མོ་གདོང་མོ་མཆེད་བཞི་ཡིན། །ཏྲོང་གི་ཕུང་ཁད་བྱ་བ་འདི། །ཕ་ཞང་ཝ་བ་ལྷ་ཆེན་ཡིན། །ཏྲོང་གི་སྤོ་ཚེ་བྱ་བ་འདི། །མ་ཞང་འབྲི་ཆེན་ལྡེ་མ་ཡིན། །ཟང་ཁ་ཐེ་སྐྱམ་བྱ་བ་འདི། །ཁ་ཁྲིད་སྲིན་མོ་གྲེ་གདང་ཡིན། །སོ་ཡོན་རྟིང་བཤལ་བྱ་བ་འདི། །གཟའ་བདུད་དུ་བ་མཇུག་རིང་ཡིན། །འདི་རྣམས་གང་བབས་ལན་དུ་ནི། །མེ་དྲུག་མེ་བཟའ་ཡིན་པས་ཆུ་ཡིས་བཅོས། །དེ་བཞིན་ས་སོགས་གཞན་ལ་འགྲེ། །ཡང་ནི་གཉན་གྱི་མོ་བཤད་པ། །ན་འབན་གཉན་རྒན་དེ་བ་ཡིན། །མ་ཟེ་གཉན་ལྕམ་འཕར་མ་ཡིན། །བྱ་བུར་བྱོད་ཕུར་ལྡི་བུར་གསུམ། །གཉན་གྱི་བུ་གསུམ་བྱ་བ་ཡིན། །སད་ཀྱི་མ་ཟེ་བྱ་བ་དེ། །ཤར་གཉན་གོང་བ་མཁལ་དཀར་ཡིན། །སྐྲང་མདོག་དཀར་ཞིང་ཟུག་གཟེར་ཆུང་། །སྐྱམ་གྱི་མ་ཟེ་བྱ་བ་དེ། །ལྷོ་གཉན་སྔོ་བ་གཡུ་རྩེ་ཡིན། །སྐྲང་མདོག་སྔོ་ཞིང་ཟུག་གཟེར་འབྲིང་། །ཏྲོང་གི་མ་ཟེ་བྱ་བ་དེ། །ནུབ་གཉེན་ནག་པ་ལྕགས་རྩེ་ཡིན། །སྐྲང་མདོག་ནག་ཅིང་ཟུག་གཟེར་ཆེ། །སྤོ་ཡི་མ་ཟེ་བྱ་བ་དེ། །བྱང་གཉན་དམར་བ་མཚལ་རྩེ་ཡིན། །སྐྲང་མདོག་དམར་ཞིང་སྲོག་ལ་རྒྱུག །བཅུ་

---

^{[མ་དཔེ་གཟིགས་ན་འདིར་གནོན།]}

གཅིག་སྟེང་དུ་ན་འབན་ན། །གཉན་དེབ་གཞུང་པའི་རྒྱུད་ལ་ཞུགས། །གཅིག་ལ་ན་འབན་རྐང་པར་ཞུགས། །བུ་གསུམ་གང་བབས་ཚིགས་ལ་ནི། །ཚ་ཚགས་དང་ནི་སྐྲང་ལོང་འོང་། །ལུས་ཀྱི་ས་མལ་གང་བབས་དེ་ལ་ཞུགས། །ལན་འབྱུང་ཁམས་གང་བབས་དེ་དེའི་གཉན། །གཉན་བཅོས་གཉན་འབུམ་གཉན་གྱི་བྱ་སྡང་བཀྱག །སྨན་ཁྱུང་ལྔ་བརྟེན་ཅིང་བྱ་ཁྱུང་བསྒྲུབ། །ཡང་གཅིག་ཀླུ་ཡི་སྡེ་ཚན་བཤད། །བག་ཚོ་ཚང་སྤ་དཀར་པོ་དང་། །སད་བག་ཚོ་ངང་མ་ཁྲི་གཤོག་དང་། །སྐྱིན་དིང་འབྲི་མིག་འཁྱིལ་པ་དང་། །སྐྱིན་དིང་ཉ་མིག་ཙག་ཙིག་དང་། །སོ་ཡོན་ལིང་ཀུན་དཀར་མོ་རྣམས། །ཀླུ་རྒྱལ་རིགས་དང་ནི་རྗེ་རིགས་ཡིན། །སྐྱམ་དཀར་བ་མན་ཆུ་ཤེལ་དང་། །སྐྱམ་གྱི་ནག་ཆུང་ཟལ་ཟལ་དང་། །སྐྱམ་ཆད་ལྷ་མོ་ཀླུ་མོ་དང་། །སྐྱམ་གྱི་པདྨ་དཀར་པོ་དང་། །སྐྱམ་མ་ཟེ་གཡུ་ཡི་ཆུ་མིག་དང་། །སྐྱམ་ཆུང་ཕོམ་བུ་གཡུ་མིག་དང་། །སྐྱེར་གྱི་ཐང་ལེ་འོད་དཀར་རྣམས། །ཀླུ་དམངས་རིགས་དང་ནི་བྲམ་ཟེའི་རིགས། །བཞི་བརྒྱད་བཅུ་གཅིག་འདི་རྣམས་བབས། །ཀླུ་མཆོད་ན་ཀླུ་གཡང་འབེབ་པ་ཡིན། །ནོར་ཕྱྭ་གཞི་ཕྱྭ་ཀུན་ལ་བཟང་། །མཛེ་ཕོ་གཅོང་ནད་པ་ལ་ངན། །དིང་དིང་ཆུ་རྩོད་རྒྱ་ཡེར་དང་། །སྐྱམ་སེ་སྒོ་བརྒྱག་དེ་དང་ནི། །ལ་བར་སེ་སྟོད་སྒོ་བརྒྱག་དང་། །སེ་སྟོད་བྱི་ལ་སྦྲུལ་མཇུག་བཞི། །གདོལ་པའི་རིགས་ཡིན་བཞི་བརྒྱད་བཅུ་གཅིག་ལ། །བབས་ན་ཀླུ་དང་འདྲེས་པ་དང་། །ཀླུ་གཏད་ཡོད་པས་ཀླུ་གཏེར་བཞག །འབྱུང་འདུལ་དབང་ཞུ་ཁྱུང་སྔགས་བཟླ། །ཀླུ་སྲུང་འཁོར་ལོ་ལུས་ལ་ཐོག །མཛེ་ཕོ་གཅོང་ཅན་མོ་ལ་བཟང་། །དེ་ནས་རྒྱལ་པོའི་བླ་རྟགས་བཤད། །བཅུ་གཅིག་བཅུ་གསུམ་གནས་མལ་དུ། །ཆུ་དོ་ལི་ཡན་བབས་པ་ན། །གནམ་ཐིལ་དཀར་པོ་གོ་བོའི་རྟ་ལ་ཞོན། །གཏོ་ལ་འཇིམ་པའི་གོ་བོ་ལ། །གཟི་བཀལ་ནས་གདོན་གྱི་

---

^{[མ་དཔེ་གཟིགས་ན་འདིར་གནོན།]}

ཕྱོགས་སུ་བསྐྱལ། །གནམ་ཐེ་དཀར་པོ་རྟ་ལོང་ཞེས། །གང་བབས་གྲངས་ཀྱི་འབོད་པ་བྱེད། །འབོད་མི་དེ་ལ་གཟི་སྦྱིན་ནོ། །གཟི་འབར་སྐུང་ཕུད་བྱས་ན་ཕན། །མ་ཐུབ་གཟི་བྱང་གཟུགས་ཀྱི་སྲེག་བླུག་བྱ། །སྐྱམ་བྲག་ལྡི་བུར་བྱ་བ་འདི། །ཐེའུ་རང་རྒད་པོ་རྒྱུ་འགྱུར་དེ། །ཚངས་པ་དུང་གི་ཐོར་ཚུགས་ཅན། །སྐྱམ་ཆད་གཅོང་སྲིང་ངོ་སེར་མ། །འབོང་ལྕམ་སེལ་མའི་བླ་མདུད་ཡིན། །ཕུང་ཁད་བུ་ཆེན་མི་ཁའི་རྒྱལ། །འབངས་རྗེ་ཐོད་དཀར་བླ་མདུད་ཡིན། །ཏྲོད་ཕུང་ཁད་བྲ་མཆུའི་རྒྱལ་པོ་སྟེ། །ལི་བྱིན་ཧ་རའི་བླ་མདུད་ཡིན། །རོག་ནག་ལྡི་བུར་མང་ཐང་རྒྱལ་པོ་དེ། །འབངས་བུ་སྐྱེས་གཅིག་བླ་མདུད་ཡིན། །རོག་པ་ལྡི་བུར་སྙོག་ལོང་རྒྱལ། །དམ་ཅན་རྡོར་ལེགས་བླ་མདུད་ཡིན། །ངམ་རུ་ལྡི་བུར་ངམ་དེའི་རྒྱལ། །བེ་ནག་གི་ནི་བླ་མདུད་ཡིན། །ཟ་ཁ་ཡག་ཐུན་ལྡི་བུར་འདི། །སྙོག་རད་རྒྱལ་པོ་བེ་ཧར་བླ། །ཁ་ཟ་ཐུན་ཁུག་ལྡི་བུར་འདི། །ངད་རྒྱལ་གསེར་སྟག་ཞུ་ཅན་ཡིན། །ལི་ཡན་སྤྲང་པོ་སྐྱ་རྫུན་འདི། །བར་ཐེལ་ཁྲ་བོའི་བླ་མདུད་ཡིན། །བག་ལྡི་ཐེའུ་རང་ར་འཛག་འདི། །ས་ཐིལ་ནག་པོའི་བླ་མདུད་ཡིན། །ཝ་སྐྱམ་ཐེའུ་རང་བུ་མོ་དཀར་མོ་འཕན། །ས་སྲིན་ནག་མོའི་བླ་མདུད་ཡིན། །སྐྱེར་གྱི་མགྲོན་བུ་བྲག་བར་འདི། །ཐེའུ་རང་རྣམས་ཀྱི་ཁང་པ་ཡིན། །འདི་རྣམས་བ་ཁོག་གསུམ་བབས་ན། །སྲིད་མེད་བུད་མེད་འཆི་བ་ཡིན། །ལོ་མལ་གང་བབས་བུད་མེད་སྐམ། །གཞན་རྒྱལ་པོ་ཐེའུ་རང་ནད་ཀྱིས་ཐེབ། །རྒྱལ་མདོས་ཐེའུ་རང་དགུ་མདོས་བཏང་། །འཇམ་དཔལ་འདོན་ཅིང་མགོ་གསུམ་འཕང་། །ཚེ་ཐར་བཏང་ཞིང་སྦྱིན་སྲེག་བླུག །འབྱུང་འདུལ་དབང་ཞུ་ཐེའུ་རང་གཏེར་བཞག་བྱ། །མོ་ཁོག་གཅིག་ལ་འདི་རྣམས་མང་། །རྒྱལ་པོ་ལ་ཅན་གུར་ཅན་མདོས། །སྤྱི་ཆིངས་མདོས་དང་འཆར་ཁའི་

---

^{[མ་དཔེ་གཟིགས་ན་འདིར་གནོན།]}

གཏོ་ནག་དང་། །ཁྲོ་རོལ་གཏོར་ཟློག་ཁམས་ཆེན་ཐང་འབུམ་བྱ། །གླེས་སྨི་སྤོ་བར་མགར་བ་ཡིན། །སོ་ཡོན་ཐམས་ཅད་མགར་ཚང་ཡིན། །བྲག་ངན་པ་ཐམས་ཅད་མགར་བ་ཡིན། །སངས་ངན་པ་ཐམས་ཅད་མགར་ཚད་ཡིན། །འཇུས་པའི་སྒོ་བརྒྱག་ཐམས་ཅད་ཐོ་སྐམ་ཡིན། །བཅུ་སོ་ཡོན་ཚོལ་ཚེ་མགར་འོད་ཡིན། །ཕྱི་སའི་སེ་སྟོད་མགར་གྱི་ཚྭ་ཚྭ་ཡིན། །མགར་བ་འདི་རྣམས་བབས་པའི་གཏོ། །མགར་བའི་མ་སྒྱེད་དུར་ས་དུར་རྡོ་ལ། །མགར་ཚང་བཅའ་ལ་དེ་ནང་དུ། །འཇིམ་པའི་ར་ཡུ་ཁལ་ཡུ་དང་། །མགར་ཆ་ཚང་མ་བྱས་ལ་བླུག །ཤིང་ནག་བཏུས་ནས་མེ་ལ་བསྲེག །མགར་ལེ་སང་རྒྱལ་པོ་མེ་ཐལ་ཞེས། །གང་བབས་གྲངས་ཀྱི་འབོད་པ་བྱེད། །ཕྱི་སར་བག་ལྡི་བྱུང་བ་ན། །ར་ཁྲིད་ཅན་གྱི་མགར་ཚང་བསྐྱལ། །མགར་ལེ་སང་རྒྱལ་པོ་མགར་བ་དང་། །ར་ཁྲིད་ཅན་དུ་འགྲོ་རན་ཞེས། །འབོད་པ་བྱས་ལ་དེ་རུ་བཞག །དིང་དིང་བྱུང་ན་དཔལ་འབྱོར་ཅན་དུ་དང་། །སྐྱམ་རིགས་བྱུང་ན་ལོད་མོ་ཟེར་ནས་འབོད། །བྱ་ཡུན་བྱུང་ན་རླུང་སྐྱབས་ཟེར་ནས་འབོད། །བྱོད་ཕུར་ཨ་དབལ་ཟེར་ནས་འབོད། །ལྡི་བུར་འབུམ་ཁྲི་ཟེར་ནས་འབོད། །ཨ་ཁད་སྟག་སྐྱབས་ཟེར་ནས་འབོད། །ལྷང་ཟེ་འབྲུག་སྐྱབས་ཟེར་ནས་འབོད། །ཐང་ལེ་ཆོས་བཟང་ཟེར་ནས་འབོད། །འདི་རྣམས་མགར་ཚང་གཏོ་ངན་སྐྱེལ་བའི་དུས། །སྙིང་འདྲ་མིན་པར་སྟོན་མི་ཉན། །ལྷ་འདྲེ་ཞེ་ནག་རང་ལ་ལྡོག །དེ་སྲིད་པའི་འདྲེ་དགུའི་བླ་གནས་ཡིན། །ད་གཙུག་ལག་གདོན་བཅུའི་དཔྱད་པ་ལ། །ཆུ་དོ་ལི་ཡན་ཞེས་བྱ་བ། །ཐེའུ་རང་ཁྲོས་པས་རང་སྲོག་བཅད། །གནམ་ཐིལ་དཀར་པོ་བྱ་བ་ཡིན། །ཕུང་བར་བྱ་རལ་ལུམ་སུས་འདི། །ས་ཐིལ་ནག་མོ་བྱ་བ་ཡིན། །ཆེ་བ་སེར་བ་རུམ་པོ་དང་། །

---

^{[མ་དཔེ་གཟིགས་ན་འདིར་གནོན།]}

བསྡོང་བ་དེ་ནི་ན་འབན་ཡིན། །སེར་བ་མུ་ཁྲིད་བྱེད་ན་བཟང་། །དེ་མིན་ཅི་ལ་བཏབ་ཀྱང་ངན། །དེ་འོག་བྱང་བཙན་དམར་པོ་དང་། །བསྡོང་བ་བྱ་མེད་ཡིན་པར་བཤད། །ཐེའུ་རང་བསྒྲུབ་པ་བྱེད་ན་བཟང་། །དེ་འོག་བད་ཀན་སྐྱ་བོ་དང་། །བསྡོང་བ་སེ་སྟོད་ངན་རིགས་ཡིན། །མཛེ་ཕོ་རྣམས་ཀྱི་མོ་ལ་བཟང་། །དེ་འོག་རྒྱ་ཐན་མིག་དམར་དང་། །བསྡོང་བ་ཏྲོང་གི་ཕུང་ཁད་ཡིན། །ཆར་ཆོད་བྱེད་ན་བཟང་བ་ཡིན། །དེ་འོག་དུག་གྲི་རྐང་རིང་དང་། །བསྡོང་བ་སྤོ་བར་ཡིན་པར་བཤད། །དུག་གི་ཕྱག་ཚང་བྱེད་ན་བཟང་། །དེ་འོག་གཤིན་རྗེ་ནག་ཚགས་དང་། །བསྡོང་བ་ཆུ་སྤར་རིགས་ཡིན་ནོ། །དེ་འོག་ཚགས་པ་ཐན་འགྱེད་དང་། །བསྡོང་བ་མ་ཟེ་ཡིན་པར་བཤད། །སྔགས་པ་རྣམས་ཀྱི་མོ་ལ་བཟང་། །དེ་འོག་སུབ་མ་མགོ་འཁོར་དང་། །བསྡོང་བ་ལི་ཡན་ཡིན་པར་བཤད། །མགྲོན་པོ་ཇ་ལེན་ཇ་བསྐྱེལ་མོ་ལ་བཟང་། །གཙུག་ལག་གདོན་བཅུ་འདི་རྣམས་ནི། །བ་ཁོག་གསུམ་དང་སྙིང་མིག་སྲོག །ལོ་མལ་གང་དུ་བབས་ཀྱང་ངན། །དམག་ཆེན་འཁྲིད་དང་ཁྲག་ཟོར་འཕེན། །གཏུག་ཤེར་ས་རྐོ་རྡོ་རློག་ལ། །བཅུ་གཅིག་བཅུ་གསུམ་བབས་ན་བཟང་། །དེ་མིན་ཅི་ལ་བཏབ་ཀྱང་ངན། །འདི་དག་རྣམས་ཀྱི་ལན་དུ་ནི། །རུ་སོད་དཔལ་དར་འབྲུ་ལ་བཟང་། །ཨ་ཁད་རྩེ་མ་དབྲ་ལ་བཟང་། །གལ་བར་ཐོད་དཀར་སྒ་ལ་བཟང་། །སྐྱམ་བུ་བརྒྱག་གང་བབ་སྡོང་ལ་བཟང་། །ཡང་ནི་མ་མོའི་བླ་རྟགས་བཤད། །དིང་དིང་ཤལ་ཆེན་གཡོན་དར་དང་། །དིང་དིང་ལྕོག་ག་དཀར་མོ་དང་། །དིང་དིང་སྟོད་སྤུང་ཆེན་མོ་དང་། །དིང་དིང་ཉ་ཁྲི་ཉི་མིག་དང་། །དིང་དིང་ཞ་མཁར་གཡུ་རྩེ་དང་། །དིང་དིང་པདྨ་དཀར་པོ་རྣམས། །བརྒྱད་དང་བཅུ་གཅིག་ལ་བབས་ན། །ཡེ་ཤེས་མཁའ་འགྲོའི་བླ་གནས་ཡིན། །མཁའ་འགྲོ་བསྒྲུབ་

---

^{[མ་དཔེ་གཟིགས་ན་འདིར་གནོན།]}

པའི་མོ་ལ་བཟང་། །བུད་མེད་མོ་ལ་ལོ་མལ་བབས། །མཁའ་འགྲོ་མ་ཡི་རིགས་ཡིན་ནོ། །རྟགས་ལ་གནས་མལ་གང་བབ་པར། །ཤ་མཚན་སྨེ་བ་དཀར་པོ་ཡོད། །ནོར་བུ་དུང་དཀར་ལྟ་བུའི་ཤ་མཚན་ཡོད། །ཕྱི་སར་མཁའ་འགྲོའི་སུན་མ་ཡིན། །སུན་ཟློག་གར་བབ་ཕྱོགས་སུ་བསྐྱལ། །སྐྱམ་པདྨ་དཀར་པོ་ཞེས་པ་འདི། །ཁ་རག་ཁྱུང་བཙུན་བླ་མདུད་ཡིན། །དེ་ཡི་དུང་སྦལ་དཀར་པོའི་རྟ། །སྐྱིན་དིང་གཡུ་ཐོག་དེ་ཡིན་ནོ། །བརྒྱད་བཅུ་གཅིག་བབས་ན་མི་ནོར་འཕེལ། །སྐྱམ་ཆུང་བུམ་པ་གསེར་མིག་དེ། །བཀྲ་ཤིས་ཚེ་རིང་མ་ཡི་བླ། །དེ་ཡི་ཆིབས་པ་ཉི་ཟེར་གྱི། །རྟ་ནི་བག་གི་བྱ་ཡུན་ཡིན། །སྐྱམ་ཆུང་བུམ་པ་གཡུ་མིག་ནི། །གངས་དཀར་ཤ་མེད་མ་ཡི་བླ། །ཆིབས་པ་གོང་རྟ་གཡུ་སྔོན་ནི། །སུམ་མཉམ་གྱི་ནི་བུ་བརྒྱག་ཡིན། །སྐྱམ་ཆད་ལྷ་མོ་ཞེས་པ་ནི། །ཀོང་བཙུན་དེ་མོའི་བླ་མདུད་ཡིན། །ཆིབས་ཕ་རྟ་ནག་ལྕགས་སྐྲ་ནི། །རུ་སོང་དཔལ་གྱི་དར་ནག་ཡིན། །སྐྱམ་ཆད་ཀླུ་མོ་ཞེས་པ་ནི། །གཡའ་འབྲི་སི་ལིའི་བླ་མདུད་ཡིན། །ཆིབས་པ་རུས་སྦལ་མགོ་དགུ་ནི། །སྐྱིན་དིང་ཉ་མིག་ཙག་ཙིག་ཡིན། །སྐྱམ་དཀར་བ་མིན་ཆུ་ཤེལ་ནི། །སྨན་གཅིག་དིང་མོ་གལ་གྱི་བླ། །ཆིབས་པ་གཡུ་བྱིལ་སྔོན་པོ་ནི། །སྤོ་སང་བརྒྱག་གཅིག་སོང་བ་ཡིན། །སྐྱམ་མ་ཟེ་གཡུ་ཡི་ཆུ་མིག་ནི། །སྨན་གཅིག་ཨུག་ཆོས་དབྱར་མོ་ལྕམ། །ཆིབས་པ་གསེར་བྱིལ་སེར་པོ་ནི། །སྤོ་སང་བརྒྱག་གཉིས་སོང་བ་ཡིན། །སྐྱམ་གྱི་དྭངས་མ་གཡུ་སྒྲོན་ནི། །སྨན་གཅིག་ཤེལ་བྲག་འོང་མཚོ་མ། །རྟ་ལྷ་བྱ་གོང་མོ་བྱོད་ཕུར་ཡིན། །སྐྱེར་བུན་ནེ་ལྕམ་གཡུ་སྒྲོན་མ། །རྟ་སྨན་ཤ་ཡུ་མོ་དམུ་དག་ཡིན། །སྐྱམ་ནག་ནག་ཆུང་ཟལ་ཟལ་ནི། །སྨན་གཅིག་ཐོ་ལེ་གཡག་བཞུར་ལྕམ། །རྟ་གློག་

---

^{[མ་དཔེ་གཟིགས་ན་འདིར་གནོན།]}

ཟེར་ཞགས་པ་བྱོད་ཕུར་ཡིན། །སྐྱམ་ཆད་སྐྱེམ་སྐྱེར་གཉིས་ལ་བརྒྱག་གཉིས་བཅས། །སྐྱམ་ཆད་ལྷ་མོ་ཀླུ་མོ་ཡིན། །སྨན་གཅིག་གནམ་ལ་སྐས་འཛིན་བླ། །བ་བོང་ཡེ་ཟེད་རྟ་ནི་སོ་སང་ཡིན། །ལི་ཡན་རླུང་ཁྲ་གཤག་ནག་ན། །སྨན་གཅིག་ཀུན་ལ་དབང་བསྒྱུར་མ། །སྨྲིག་བུའི་རྟ་ཕོ་ལི་ཡན་ཡིན། །ཨ་ཁད་རྩེ་མ་ཞེས་པ་ནི། །སྨན་བཞི་སད་ལེ་མེ་འབར་མ། །སྤྲིན་དམར་མེ་ཁྱེར་རྟ་དེ་ནི། །ཕུང་སྟག་གསེར་མིག་བྱ་བ་ཡིན། །དམུ་ཝ་ཚོ་འཕྲུལ་གྱི་རྒྱལ་མོ་ནི། །སྨན་མཚོ་ལ་དབང་བསྐྱུར་མ་ཡི་བླ། །ཕག་ཝ་ཚོ་འཕྲུལ་གྱི་རྒྱལ་མོ་ནི། །སྨན་གནམ་ལ་དབང་བསྒྱུར་མ་ཡི་བླ། །འཇའ་ཚོན་སྣ་ལྔའི་རྟ་དེ་ནི། །དམུ་དག་གླིང་བཞི་བྱ་བ་ཡིན། །སད་ཝ་ཚོ་འཕྲུལ་གྱི་རྒྱལ་མོ་ནི། །སྨན་གཅིག་བར་སྣང་དབང་བསྒྱུར་མ། །བྱ་རྒྱལ་ཁྱུང་གི་རྟ་ཆིབས་པ། །ཁྱུང་བརྒྱང་མདོང་པ་ཞེས་པ་ཡིན། །སྨན་ཆེན་འདི་རྣམས་བཞི་བརྒྱད་བཅུ་གཅིག་ལ། །བབས་ན་མི་ནོར་ཀུན་ལ་བཟང་། །གང་བབ་སྨན་བཙུན་དེ་ཡི་རྟེན། །ནོར་ཕྱུག་དཀར་མཚན་ཅན་ལ་བཅའ། །སྨྱུག་རྒོད་ཚིགས་གསུམ་སྦ་དཀར་ཚིགས་གསུམ་ལ། །དར་ཚོན་སྣ་ལྔ་རིན་ཆེན་བཏགས། །སྨན་དེའི་མིང་བྲིས་རྟེན་དུ་བཙུགས། །ལོ་མལ་བབས་ན་སྨན་བཤོས་དང་། །དར་ཚོན་མིང་ནས་འབོད་ལ་མཆོད། །སྨན་གྱིས་དཔལ་སྟེར་དར་རྒྱས་འོང་། །གཞི་ཕྱྭར་རང་སར་སྨན་བཙུན་མགོན། །ཕྱི་སར་གང་བབས་སུན་མ་ཡིན། །སུན་ཟློག་བྱ་ཞིང་སྨན་འགྱོགས་བྱ། །ཕྱི་དང་ནང་དུ་འདྲེས་མར་བབས། །སྨན་བཤོས་དཀར་པོ་བཞི་དག་ནི། །མར་གྱི་པུ་ལུ་དང་བཅས་པ། །གོས་དཀར་ཅན་གྱིས་ཤར་དུ་བསྐྱལ། །གོས་སྔོན་ལྷོ་དང་དམར་པོས་ནུབ། །སེང་པོས་བྱང་བསྐྱལ་བུ་ལུ་དང་། །གཏོར་མའི་གྲངས་ནི་གང་བབས་བསྟུན། །སྨན་བཤོས་ཤ་བ་ཡུ་མོ་དབུས་སུ་

---

^{[མ་དཔེ་གཟིགས་ན་འདིར་གནོན།]}

བསྐྱལ། །ཡང་གཅིག་སྲིན་མོ་ཤི་འདྲེ་དང་། །གསོན་འདྲེ་རྣམས་ཀྱི་དཔྱད་ལ་ནི། །གཉིས་ལྔའི་སྐྱེར་འུན་ར་བརྒྱག་ནི། །ནམ་མཁའི་སྨྲིག་མོ་གློག་འགྱུའི་བླ། །བརྒྱག་མེད་བར་སྣང་གློག་མོ་འགྱུར། །གཉིས་ལྔའི་སྐྱམ་གྱི་དྭངས་མ་ནི། །ས་སྲིན་ནག་མོའི་བླ་མདུད་ཡིན། །འདི་གསུམ་རྟ་ནི་རྔ་མོང་དང་། །ར་དང་ཁྱི་གསུམ་ཡིན་པར་བཤད། །གཉིས་ཀྱི་སྐྱེར་འུན་དང་སྐྱམ་ཆད། །དྭངས་མ་འདི་གསུམ་བྲན་གྱི་གསོན་འདྲེ་ཡིན། །འདི་རྣམས་ལྔ་ལ་བུ་སྲིང་གསོན་འདྲེ་མོ། །དགུ་བཅུར་མ་སྲུའི་གསོན་འདྲེ་མོ། །བཅུ་གཉིས་བཅུ་གསུམ་མགོ་དཔོན་དང་། །ཉེ་བ་ཞང་ཕྱོགས་གསོན་འདྲེ་ཡིན། །འདི་རྣམས་ཀྱི་ནི་མཆན་ལན་ལ། །ན་འབན་ཐོག་གིས་བསད་པའི་ཤི་འདྲེ་ཡིན། །ལྡི་བུར་སྒོ་བརྒྱག་གྲི་ཡི་ཁར་ཤིའི་འདྲེ། །དམུ་དག་སྒོ་བརྒྱག་མགུལ་པ་འགགས་པའི་འདྲེ། །དིང་དིང་སྒོ་བརྒྱག་ཆུ་ནང་ཤི་བའི་འདྲེ། །ལི་ཡན་དགེ་མ་ཡུག་ཅན་གྱིས་བསད་འདྲེ། །བྱ་མེད་སེ་སྟོད་བན་དྷེས་བསད་པའི་འདྲེ། །ལ་ཝང་སེ་སྟོད་བོན་པོས་བསད་པའི་འདྲེ། །སེ་སྟོད་སྒོ་བརྒྱག་མཛེ་པོ་དམེ་པོས་བསད་པའི་འདྲེ། །འདི་རྣམས་གཏོ་ལ་གསོན་འདྲེར་བཅའ་ཏི་བརྩིགས། །རྫ་མདོས་གར་བབས་ཕྱོགས་སུ་བསྐྱལ། །གང་བབ་ཕྱོགས་ཀྱི་ནག་མོ་རྣམས་ལ་ནི། །ཆང་གླུད་ཤི་འདྲེའི་གཏོ་ལ་ནི། །བཅའ་ཏི་བརྩིགས་ཤིང་སྲིན་མོ་དགུ་མདོས་ནི། །གར་བབས་ཕྱོགས་སུ་བསད་པའི་མི་དེས་བསྐྱལ། །དེ་རྣམས་ལ་ནི་ཤ་བྱིན་ནས། །ཚེར་མས་སྡུད་མོས་ཁྱིམ་ཕྱག་ལ། །སྒོ་ཐེམ་ནང་དུ་ཐབས་ཀ་བཅའ། །མེ་ནང་སྐྲ་ཤད་ཁྱི་སྤུ་དང་། །སྒོག་ས་རན་ལྟེ་རན་ཡུ་དང་། །ཡོག་མགོ་རན་བརྒྱག་ཁྲུད་ད་རྣམས། །ནག་མོ་དགུ་ཡིས་གཞོབ་བྱ་ཞིང་། །མ་འཛོམ་ཕོ་མོ་བསྲེས་མས་བྱ། །སྲིན་མོ་གཞོང་ལ་

---

^{[མ་དཔེ་གཟིགས་ན་འདིར་གནོན།]}

སྣོམ་ཟེར་བའི། །འབོད་པ་ལན་དགུ་བྱས་ནས་སུ། །ཐལ་སོལ་ཕྱོགས་བརྒྱད་དབུས་དགུར་བསྐྱལ། །ཆུ་ནི་ཞལ་བུ་རེ་རེ་གཏོར། །སྲིན་མོ་སྐྱས་ཁྱོགས་ཟེར་བ་ཡི། །འབོད་པ་དགུ་རེ་བྱེད་དུ་བཅུག །དེ་རྣམས་ལ་ནི་སྐ་རགས་དགུ། །ཅན་གྱི་ཟོམ་ནས་ཆང་བླུད་ལ། །གླུ་བླངས་བཅུག་ནས་སྲིན་མོ་རྣམས། །གླུ་ལ་ཉོན་ཟེར་གཏམ་མང་བྱ། །སྦང་མ་ཡུལ་གྱི་རྒན་མོར་བྱིན། །འདྲེ་མོ་རྣམས་ཀྱི་གདོན་ཟུང་ཡིན། །བདུད་ཀྱི་བླ་རྟགས་བཤད་པ་ན། །རུ་སོད་བདུད་ཀྱི་བླ་རྟགས་ཡིན། །གཡས་བརྒྱག་མི་བདུད་འབྱམས་པ་ཁྲག་མགོ་ཡིན། །གཡོན་བརྒྱག་ཀླུ་བདུད་ནག་མོ་གཟུངས་མཆུ་ཡིན། །གཡས་མགོར་བརྒྱག་གཉིས་བཅས་པ་དེ། །བདུད་ཆེན་རེ་སྡེ་མགོ་ཡག་ཡིན། །དཀྱིལ་དུ་བརྒྱག་གཉིས་བཅས་པ་ན། །བཙན་བདུད་རྒྱལ་པོ་ཧེ་རུ་ཡིན། །གཡོན་ན་བརྒྱག་གཉིས་བཅས་པ་ན། །བདུད་རིགས་ཀུན་གྱི་བླ་གནས་ཡིན། །འདི་རྣམས་བཞི་བརྒྱད་བཅུ་གཅིག་ལ། །བབ་ན་བོན་གྱི་མོ་ལ་བཟང་། །བོན་པོ་གཅིག་ལ་མི་བདུད་གསུམ། །གཏོ་ལ་མི་བདུད་རྗེས་གནང་ཞུ། །བནྡེ་རྣམས་ཀྱི་མོ་ལ་བཟང་། །མགོན་པོ་ལེགས་ལྡན་ནག་པོ་དེས། །གྲི་གུག་བཟུང་ནས་ཐུར་འགྲོས་བྱེད། །བན་གསར་གཅིག་ལ་མགོན་པོ་གསུམ། །འགྲུ་རིགས་རྣམས་ཀྱི་མོ་ལ་བཟང་། །འགྲུ་མི་རེས་གཅིག་ལ་དར་རེས་གསུམ། །བ་ཁོག་བབ་ན་བདུད་སྐོང་དང་། །ཆོས་སྐྱོང་སྐོང་བ་གང་མང་བྱ། །ལོ་མལ་ཆོས་སྐྱོང་བདུད་ཀྱི་སྐོར་མདོས་བྱ། །བཙན་ས་བ་ཁོག་ལོ་མལ་དུ། །སུས་རྟ་རུ་སོད་རུ་སོད་སྒ་བརྒྱག་དང་། །སྐྱམ་ཁྲག་རུ་སོད་ཆུ་སྤར་ལྡི་བུར་ན། །གྲི་གཤེད་ཡིན་པས་གཤེད་ཕུད་བྱེད། །བདུད་ཀྱི་ཁྲམ་སེལ་ཁྲམ་བཟློག་བྱ། །ར་གཞོབ་གར་བབས་ཕྱོགས་སུ་བྱེད། །གསེབ་རི་ནག་པོ་གཞོབ་ལ་སྣོམ། །

---

^{[མ་དཔེ་གཟིགས་ན་འདིར་གནོན།]}

ཟེར་བའི་འབོད་པ་མང་དུ་བྱ། །གྲི་བཙན་ར་ཅོས་དབང་ཞུ་ལ། །གྲི་བོ་དབང་ལ་རྒུས་ཞེས་འབོད། །དེ་དག་རྣམས་ལ་ནོར་མགོ་སྦྱིན། །ཡང་བཙན་རིགས་རྣམས་ཀྱི་མོ་བཤད་པ། །སད་མ་ཟེ་ལྷ་བཙན་དཀར་པོ་ཡིན། །སྐྱམ་མ་ཟེ་ཆུ་བཙན་སྔོན་པོ་ཡིན། །བརྒྱག་གཅིག་ཡ་བ་རྐྱ་བདུན་ཡིན། །བརྒྱག་གཉིས་ཤན་པ་མི་བདུན་ཡིན། །ཏྲོང་མ་ཟེ་ས་བཙན་ནག་པོ་ཡིན། །བརྒྱག་གཅིག་རྡོ་རིང་དམར་པོ་ཡིན། །བརྒྱག་གཉིས་རྩིལ་ཐོག་རྒྱུག་འགྱེལ་ཡིན། །སྤོམ་ཟེ་བྱང་བཙན་དམར་པོ་ཡིན། །བརྒྱག་གཅིག་དམ་ཅན་རྡོར་ལེགས་ཡིན། །བརྒྱག་གཉིས་ཨ་བསེ་རྒྱལ་པོ་ཡིན། །བརྒྱག་མེད་བཞི་བཙན་ལྕམ་མཆེད་བཞི་ཡིན། །འདི་རྣམས་བན་བོན་བཙན་མཆོད་བྱེད་ལ་བཟང་། །བ་ཁོག་བབས་ན་བཙན་སྐོང་བཙན་མདོས་བྱ། །བཞི་བརྒྱད་བཅུ་གསུམ་བབས་ན་ཤ་རུ་བྱེད། །ལོ་མལ་བཙན་ཀྱི་རྗེས་གནང་ཞུ། །ཕྱི་སར་བཙན་གྱི་ཁྲམ་ཕྱིས་བྱེད། །དགྲ་བྲུབ་གང་བབས་གྲངས་བསྟུན་པའི། །ཤ་རུ་དུམ་བུ་ལྭ་བ་དམར་པོས་བཏུམ། །གང་བབས་ཕྱོགས་སུ་ཁྱེར་ལ་བཏགས། །སྡེ་བརྒྱད་གནོད་ངོ་གང་ཤར་ཀྱང་། །འཇམ་དཔལ་གདོན་ལ་བསྲུང་ཟློག་བྱ། །དེས་ནི་ཞི་དང་བདེ་ལེགས་འགྱུར། །ད་ནི་ཐན་ངོ་དཔྱད་པ་ལ། །མི་འདོད་ཐན་དང་ལྟས་ངན་ངོ་། །སྐྱམ་དང་ཏྲོང་གི་མ་ཟེ་དང་། །སྐྱམ་རྒན་གཞུང་འཛིངས་དག་དང་ནི། །སྐྱམ་གནམ་ས་མ་བུ་འདུས་པའི་བྲག །སྐྱེར་ཐོམ་པ་ཐང་ལེ་ལ་སོགས་རྣམས། །བ་ཁོགས་གར་བབས་ཐན་ངོ་ཡིན། །མར་ལྡིང་ཁུ་ཡོར་སྐྱེར་གསུམ་དང་། །ཁྱུང་ཀུན་མར་སང་སྒོ་བརྒྱག་གི ། ཙ་སང་རྣམ་པ་བཞི་དང་ནི། །བྲག་གི་ངན་རིགས་ཕལ་ཆེ་བ། །གང་བབས་ཐན་དང་ལྟས་ངན་མོ། །ཡང་བཞི་ལ་ཞོན་པ་ཅན་བྱུང་ན། །ཐན་དང་ལྟས་

---

^{[མ་དཔེ་གཟིགས་ན་འདིར་གནོན།]}

ངན་ངོ་ཡིན་ནོ། །ལི་ཡན་ཞོན་པ་རི་བོང་ཁྱིམ་དུ་འོང་། །ཡང་ན་ཞྭ་ཕྱིང་ཕྲེང་བ་ཡལ། །མ་ཟེ་ཞོན་པ་སྲེག་པ་ཁྲས་དེད་དམ། །ཡང་ན་གཅན་ཟན་དག་གི་ཐན། །བྱོད་ཕུར་ཞོན་པ་བྱ་ཐན་བྱད་ཁ་ཡིན། །བྱ་རལ་ཞོན་པ་གཅན་ཟན་རྨིག་ཆག་ཐན། །སྐྱམ་ནག་ཞོན་པ་སྦྲུལ་ནག་ཀླུ་གཉན་ཐན། །ཚོལ་ཚེ་ཞོན་པ་སྒོ་ཟོག་ཟས་ཀྱི་ཐན། །ལྡི་བུར་ཞོན་པ་ཞིང་ལ་རྡོ་ཐན་དང་། །མཚོན་ལ་མི་འདོད་ལྟས་ངན་ངོ་། །ཁྱུང་བརྒྱང་ཞོན་པ་ཁང་ཚིག་ཀ་གདུང་ཆག །སྤོ་ཚེ་ཞོན་པ་སྒོ་ཟོག་རྔ་མ་བུད། །སུམ་མཉམ་ཞོན་པ་ལོ་ཏོག་ཁོལ་བུར་སོང་། །ཡང་ན་ལྕགས་སྤྱང་ངུ་ཟུག་བྱེད། །བྱ་ཡུན་ཞོན་པ་འུག་པས་ཧ་ཧ་ཟེར། །ཝ་སྐྱམ་ཞོན་པ་དུར་ཁྲོད་ཝ་མོ་བརྒྱལ། །སད་ཁམས་ཞོན་པ་སྒོ་ཟོག་ནུ་མ་སྐམ། །དྭངས་མ་ཞོན་པ་ནོར་ལ་ལྷག་ཆད་ཁྲིད། །རུ་སོད་ངན་རིགས་ཞོན་པ་ཕོ་རོག་ཐན། །ཤོར་ཁུང་ཞོན་པ་ཤ་བས་མགོ་སྦྲ་སྒྱེལ། །བྱ་རལ་ཞོན་པ་སྒོ་ཁྱི་ངུ་ཟུག་བྱེད། །སེ་སྟོད་ཞོན་པ་ཆུ་སོགས་ཁྲག་ཏུ་ཁོལ། །ཏྲོང་རིགས་ཞོན་པ་རོ་ལ་ཐན་བྱུང་ཡིན། །དེ་སོགས་མདུད་པའི་ཁམས་སྦྱར་ཞིབ་ཏུ་དཔྱད། །ཞོན་པ་སྒོ་བརྒྱག་འདོམ་ན་ཐན་ངོར་ངེས། །གང་བབ་ཕྱོགས་སུ་གཏོ་དང་ཟློག་ཟོར་བཏང་། །རྒྱབ་བརྟེན་གང་བྱེད་མཆན་ལན་དག་ལ་དྲིས། །དེ་དེའི་མདོས་དང་སྐོང་ཟློག་བྱས་ན་ཕན། ༈ ། ད་ནི་བྱད་ངོ་དཔྱད་པ་ལ། །སྤོ་དང་སོ་ཡི་ཁ་ཕུར་བྱད་ཀྱི་ངོ་། །སྤོ་དང་སོ་ཡི་རྟིང་བཤལ་གཏད་ཀྱི་ངོ་། །ཕུར་ཐོག་སྒོ་བརྒྱག་ཐམས་ཅད་བྱད་ཀྱི་ངོ་། །སངས་ཀྱི་སྒོ་བརྒྱག་ངན་རིགས་བྱད་ཀྱི་ངོ་། །དེ་རྣམས་རང་སར་བབ་ནས་སུ། །ཕྱི་སར་སྡེ་བརྒྱད་བླ་རྟགས་ན། །དེ་དེའི་རྦོད་གཏོང་ཡོད་ངོ་ཡིན། །ཕུང་རལ་ལུས་སུས་ཁྱི་ཡི་མནའ། །དམུ་བྲག་རུ་སོད་ཆུ་མིག་དུ། །ཁྲག་མཆོད་དཔང་བཞག་བྱས་

---

^{[མ་དཔེ་གཟིགས་ན་འདིར་གནོན།]}

སོགས་མནའ། །སོ་ཡོན་བང་མིག་ཆོས་མནའ་ཡིན། །སྤོ་བར་ཁོག་བརྒྱག་ཆོས་ཀྱི་མནའ། །འདི་བཞི་གར་བབ་མནའ་ཕུང་ཡིན། །ཕུད་ཁད་སྒོ་བརྒྱག་བྱ་ཡུན་སྒོ་བརྒྱག་དང་། །ཨ་ཁད་ཞར་བ་འདི་གསུམ་པོ། །རི་གཉན་མེ་ལ་བཀྱེས་པས་ཕུང་། །སྤོ་ཚེ་སྲབ་ཆོད་དམུ་དག་སྒོ་བརྒྱག་སོགས། །ཤིང་གཉན་བཅད་པས་ཕུང་བ་ཡིན། །སྐྱམ་ནག་སྒོ་བརྒྱག་ངན་རིགས་རྣམས། །ཆུ་གཉན་རྩོག་པས་ཕུང་བ་ཡིན། །དགྲ་བླ་བཟང་སྡེ་ཁས་དྲག་རིགས། །ཏྲོང་དང་ཞར་དང་སྒོ་བརྒྱག་གིས། །བསླད་ན་དགྲ་ལྷ་མནོལ་གྲིབ་གཡེལ། །དེ་ཡང་བཅུ་གཅིག་བབས་ན་ངེས། །དེ་སོགས་ཞིབ་ཏུ་དཔྱད་པ་ན། །ལེ་ལན་མཐའ་ཡས་ཡོད་པ་རྣམས། །རྣམ་པར་སྤྲོས་ཏེ་ཤེས་པར་བྱ། །རང་སར་བྱད་ངོ་བབ་པ་ཡི། །ཕྱི་སར་སྡེ་བརྒྱད་བླ་རྟགས་དཔྱད། །ཨ་ཁད་ངན་རིགས་སྦྱིན་སྲེག་དང་། །སྐྱེར་ནག་སོ་ཡོན་མནན་པ་དང་། །བྱ་རལ་ལི་ཡན་ངན་རིགས་ལ། །རླུང་ལ་འཁོར་ལོ་བསྐོར་བ་སོགས། །རྒྱས་པར་ཕྱེ་ན་ཚད་མེད་པ། །མ་བརྗོད་ཞིབ་ཏུ་ཤེས་པར་བྱ། །ད་ནི་བཅུ་གཅིག་དུར་ཕྱྭ་བཤད། །མི་ཤི་རྗེས་ཀྱི་མོ་འདེབས་ན། །ཕྱི་ས་བཞི་དང་ཁྱད་པར་དུ། །བཅུ་གཉིས་གཤིན་ལམ་འདེན་པ་གཅེས། །བརྒྱད་ཀྱི་མཚུན་ས་མ་འཁྲུག་གཅེས། །བཅུ་གཅིག་ཕུག་སླས་མ་ཞན་གཅེས། །བཅུ་གསུམ་རྩེ་འཛིན་མ་རྒུད་དགོས། །ལི་ཡན་གསེར་བྱ་ལ་སོགས་པ། །ཤི་གཞུག་གཅོད་པ་བབ་ན་ལེགས། །དམུ་དག་དུར་ཞབས་ཐགས་བཏགས་སོགས། །བབས་ན་ངན་པས་དུར་ཁ་བཅད། །མོ་ཁོག་ལོག་རེད་འཁྱམས་གསུམ་མེད། །རྒྱུག་འདུར་མ་ལ་བརྟན་ལ་འཇམ། །དེ་འདྲ་བྱུང་ན་དུར་མོ་བཟང་། །ལར་ཁྱིམ་དུ་རོ་ཡོད་རིགས་ལ་ནི། །ཅུང་ཟད་སྙིགས་ཀྱང་མི་ལྟོ་བས། །དུར་བཏབ་རྗེས་ལ་དུར་མོ་འདེབས། །གཤིན་པོའམ་གཞན་ཡང་རུང་

---

^{[མ་དཔེ་གཟིགས་ན་འདིར་གནོན།]}

པ་ཡིན། །སྐྱེ་བ་སྔ་ཕྱིའི་དཔྱད་བྱེད་ན། །གཅིག་བརྒྱད་བཅུ་གཅིག་དག་ལ་དཔྱད། །གཅིག་ལ་བྱ་རལ་རིགས་བབས་ན། །སྔ་མ་དམྱལ་བའི་གནས་སུ་སྐྱེས། །ཁོག་སྨད་རླུང་གི་ནད་ཀྱང་ཡོད། །བརྒྱད་ལ་ཕུར་གསུམ་གང་བབས་ཀྱང་། །ད་ལྟ་མི་ཡི་གནས་སུ་སྐྱེས། །གློ་མཆིན་བར་ན་བད་ཀན་རྒྱས། །བཅུ་གཅིག་སད་ཁམས་དྭངས་མ་ནི། །ཕྱི་མ་ལྷ་ཡུལ་འགྲོ་བ་ཡིན། །ནད་བརྟག་ན་སྟོད་འཁྲུགས་ཚ་བ་ཡོད། །འདི་ཚུགས་བབ་ན་ཅི་ལ་བཟང་། །ཁྱད་པར་རབ་ཆད་ནད་མོར་བཟང་། །དེ་བཞིན་ཨ་ཁད་སྙིགས་མ་ཡི་དྭགས་དང་། །སྐྱམ་ཁམས་བྱོལ་སོང་འཐོར་བ་ལྷ་མིན་ཡིན། །མི་ནི་སྐྱེར་རམ་ཕུར་ཐོགས་ཡིན། །ལྷ་ནི་སད་ཁམས་དྭངས་མ་ཡིན། །ཞིབ་པར་སྣོད་བཅུད་བླ་མདུད་ལ། །བརྟེན་ནས་ཁ་དམར་ཞིབ་ཏུ་གདགས། །དུར་བྱ་གཙོར་བྱས་ས་མོ་ལ། །གཅིག་གཉིས་ཤར་སྟོད་ཤར་སྨད་ཡིན། །བཞི་ལྔ་ལྷོ་ལ་བདུན་བརྒྱད་ནུབ། །བཅུ་དང་བཅུ་གཅིག་བྱང་གི་ཕྱོགས། །གསུམ་དྲུག་དགུ་དང་བཅུ་གཉིས་ནི། །སོ་སོའི་མཚམས་ཡིན་བཅུ་གསུམ་དབུས། །དེ་དག་རྣམས་སུ་དཔྱད་པ་ལ། །མདོ་ཆེན་རྒྱུག་པའི་ཐང་དང་ནི། །ཉ་སྲམ་འཕྱོ་བའི་ཆབ་དང་ནི། །ཤ་རྐྱང་འགྲིམ་པའི་རི་དང་ནི། །རྒོད་གླག་ལྡིང་བའི་བྲག་དང་ནི། །གཅན་གཟན་འཁོར་བའི་ནགས་ཚལ་རྣམས། །ས་ཡོ་ཡོན་ཏན་བཟང་པོ་ཡིན། །གསུམ་མན་ཆད་སྐྱམ་དང་ད་རོག་རིགས། །ཉ་སྲམ་འཕྱོ་བའི་ཆབ་དེ་ཡིན། །བཞི་ལ་ལྡི་བུར་དམུ་དག་སད་ཁམས་ན། །ཆབ་ལ་རྐྱང་སྡོམ་ཐོག་པ་ཡིན། །འོག་རྟ་རྐྱང་སྡོམ་ཐོགས་པ་སྐྱེ། །བདུན་བརྒྱད་ལ་སོགས་དེ་ལྟར་དཔྱད། །གསུམ་གལ་བར་སྐྱིན་དིང་བྱོད་ཕུར་དང་། །དིང་དིང་གང་བབ་ཐང་གི་བླ། །བཞི་ལ་མུ་ས་རིགས་བབས་ན། །ཐང་ལ་མདོ་རིས་དོད་པ་

---

^{[མ་དཔེ་གཟིགས་ན་འདིར་གནོན།]}

ཡིན། །དེ་བབ་ད་ཕྱིའི་ཁ་རྗེ་སྐྱེ། །གསུམ་ད་རོག་སྐྱམ་གྱི་བཟང་རིགས་ན། །མཚོ་ཆེན་ཕྱུག་མོའི་བླ་མདུད་ཡིན། །བཞི་རང་སྙན་དངུལ་རྒོད་དམུ་ཙ་མེད། །ལྡི་བུར་ཙ་མེད་སད་ཁམས་བཟང་རིགས་ན། །མཚོ་ལ་མི་ལོང་ཐོགས་པ་ཡིན། །ད་ཕྱིའི་བུ་སྲིང་བཟང་མོ་སྐྱེ། །ལྔ་དྲུག་ཀྱེ་བ་གལ་བར་དང་། །སྐྱེར་བཟང་སྡེ་གང་བབ་རི་རབ་ཡིན། །བཅུ་གསུམ་ཀྱེ་བ་དེ་རོག་དམུ་དབལ་དང་། །ཡར་དིང་གལ་བར་དམུ་དག་དང་། །བྱ་ཡུན་བྱ་བུར་གང་བབས་ཀྱང་། །རི་ལ་ཉི་ཟླ་འཁོར་བ་ཡིན། །བཟང་པོ་ཆེ་རིགས་ཕྱི་ནས་སྐྱེ། །བརྒྱད་དགུར་སད་ཁམས་སང་ཁམས་ན། །རྒོད་གླག་ལྡིང་བའི་བྲག་དེ་ཡིན། །བཅུ་བཅུ་གཅིག་ཀྱེ་བ་དག་དང་ནི། །སད་དང་སད་ཁམས་བུ་བརྒྱག་ན། །བྲག་ལ་སྟག་རལ་ཐོགས་པ་ཡིན། །དཔའ་བོ་སྟག་དང་འདྲ་བ་སྐྱེ། །གསུམ་ལ་ཏྲོང་གི་རིགས་བབས་ནས། །བཞི་ལ་ཤ་རིང་སྤོ་ཚེ་དང་། །ཙེ་ར་ཝ་ཚོ་ཡར་ལྡང་དང་། །དམུ་དག་བབ་ན་ཏྲོང་གིས་ནི། །སྤྱང་དཀར་གྱོན་ཞེས་བྱ་བ་ཡིན། །གཙོ་བོ་སྤྱང་ཐུལ་ཅན་རྣམས་སྐྱེ། །མོ་སྐེད་དམུ་དག་སྤོ་ཚེ་ན། །གཅན་ཟན་འཁོར་བའི་ནགས་ཚལ་ཡིན། །སྟོད་དུ་ཨ་ཁད་སུམ་མཉམ་དང་། །རྐང་སྤར་འདི་རྣམས་བུ་བརྒྱག་བབས། །ནགས་ལ་གཅན་གཟན་འཁོར་བ་ཡིན། །ཕ་སྤུན་དགྲ་ལག་རྒྱས་པ་ཡིན། །ཡང་ཕྱི་བཞིར་དིང་དིང་བག་སྐྱེར་དང་། །སྤོ་ཚེ་བབས་ན་རི་བོ་ཟུར་ཕུད་ཅན། །ཕྱི་བཞིར་སོ་ཡོན་བྲག་དང་རུ་སོད་ཀྱི། །བྲག་བཞི་བབ་ན་ནགས་རི་ཡིན། །ནང་སྐོར་བཞི་ལ་སད་ཁམས་གཡུང་དྲུང་ན། །ནགས་ལ་གཅན་གཟན་འཁོར་བ་ཡིན། །མདོར་ན་སོ་སོའི་བླ་མདུད་ཀྱི། །བརྒྱག་བཟང་གང་བབས་དེ་ཕྱོགས་སུ། །དེ་དང་དེ་འདྲའི་དཔལ་ཁ་ཡོད། །ད་ནི་ས་ཡི་སྲུང་བཞི་བཤད། །

---

^{[མ་དཔེ་གཟིགས་ན་འདིར་གནོན།]}

སད་སུམ་མཉམ་བུ་བརྒྱག་ཤར་སྟག་སྐྱ། །ཤར་གྱི་ཕྱོགས་སུ་བབས་ན་ཡིན། །ཁྱད་པར་གཉིས་ཀྱི་སྟེང་དུ་ཡིན། །ཤར་ན་དགྲ་མེད་ཤར་ཕྱོགས་ལེགས། །གསུམ་བཞི་བརྒྱད་དང་བཅུ་རྣམས་ལ། །སློ་བྲག་ཏྲོང་གསུམ་བབས་པ་ན། །སྟག་ལ་སྡིག་ཤལ་ཕོག་པ་ཡིན། །ཤར་ནས་ས་དགྲ་ལམ་དགྲ་ཡིན། །དེའི་བཅུ་གསུམ་བྱ་ཡུན་དཀར་མོ་ན། །གསེར་བྱིལ་སྟག་ལ་ཞོན་པའི་ལ་ཉེ་ཡིན། །བཞི་ལྔའི་སྐྱམ་དེ་ལྷོའི་གཡུ་འབྲུག །སྐེད་དུ་ཨི་ཆད་དྲུག་ལ་དཔྱད། །བྱ་རལ་བབས་ན་ཆད་པ་ཡིན། །ལྔ་ལ་སྐྱམ་ཁམས་བུ་བརྒྱག་ནས། །དྲུག་བརྒྱག་མེད་འབྲུག་ལ་འབྲུག་གིས་བཤལ། །བདུན་བརྒྱད་སད་ཁམས་དྭངས་མ་ན། །དུང་སྦྲུལ་འབྲུག་ཞོན་ལ་ཉེ་བཟང་། །དགུའི་གལ་བར་སྐྱིན་དིང་སྤོ་ཚོ་ནི། །ནུབ་ཀྱི་རུས་སྦལ་རྒྱ་པོ་ཡིན། །རྐེད་པ་ཨི་ཆགས་བཅུ་ལ་དཔྱད། །ན་འབན་བྱ་རལ་བབས་ན་ཆག །བཅུ་ལ་སད་ཁམས་དྭངས་མ་ན། །རུས་སྦལ་དངུལ་མདངས་ཐོན་པ་ཡིན། །བཅུ་གཉིས་བྲག་གི་རིགས་དང་ནི། །སོ་ཡོན་ལིང་ཀུན་སྤོ་བར་ལིང་ཀུན་ན། །བྱང་གི་བྱ་དམར་བྲག་རི་ཡིན། །གཤོག་པ་ཨི་ཆད་བཅུ་གསུམ་དཔྱད། །ཆུ་སྤར་ལྡི་བུར་དག་དང་ནི། །དབྱིག་དམར་གང་བྱུང་གཤོག་པ་ཚིག །བཅུ་གསུམ་བཟང་ན་བྱ་དམར་མཚལ་མདངས་ཐོན། །ལར་ས་མོར་ཕྱི་ནང་ཐམས་ཅད་བཟང་ན་ལེགས། །བཟང་བབས་ལན་གྱིས་མ་བསླད་ན། །ས་མོ་ལ་ནི་བཟང་བ་ཡིན། །དེ་རྣམས་བཟང་བའི་ས་དཔྱད་ཡིན། །ད་ནི་ངན་པའི་ས་དཔྱད་ལ། །ན་འབན་མཚོ་ཤུལ་ས་རལ་ཡིན། །སྐྱམ་མ་ཟེ་བྲག་དམར་ཚྭ་ཕུག་ཡིན། །སད་མ་ཟེ་བྲག་དཀར་ས་དཀར་ཡིན། །སྤོ་མ་ཟེ་བྲག་དམར་ཤིང་ཅན་ཡིན། །རུ་སོད་བྲག་ནག་ཕ་བོང་

---

^{[མ་དཔེ་གཟིགས་ན་འདིར་གནོན།]}

ལང་ལོང་ཡིན། །ཙེ་ར་ཝ་ཚོ་ཡར་ལྡིང་གི ། སྒོ་བརྒྱག་ཤིང་ངན་གདུག་པའི་དགྲ། །ཏྲོང་ཚྭ་ཕུག་བྲག་ཕུག་ཁ་གདང་བ། །སུམ་མཉམ་ཞར་བ་ཏྲོང་གསུམ་མཉམ། །ལམ་ཆད་ལམ་གྱི་དགྲ་ཡིན་ནོ། །རུ་སོད་ངན་རིགས་སྲིན་གཡག་ཡིན། །སྐྱམ་ངན་རིགས་སྲིན་མོའི་མཆི་རིས་དང་། །སྐྱམ་སྒོ་བརྒྱག་ཆུ་ཡི་དགྲ་ཡིན་ནོ། །གལ་བར་ངན་རིགས་རི་ཡི་དགྲ། །ཨ་ཁད་ངན་རིགས་བྲག་ངན་རི་མོ་ཅན། །དེ་སོགས་ཞིབ་ཏུ་དཔྱད་པར་བྱ། །ཙེ་ར་ཝ་ཚོ་ཡར་ལྡང་བང་མིག་དང་། །གལ་བར་གཡས་རུ་ལ་སོགས་ལས་དྲག་དང་། །ཁྱད་པར་རྣོ་མཚོན་ངར་མའི་བླ། །ཕྱི་ས་བཞིར་བབས་ནང་དུ་ན་འབན་དང་། །རུ་སོད་བྱ་རལ་ལ་སོགས་ངན་རིགས་བབས། །གནམ་སྒྲོན་ལ་སོགས་ས་དགྲ་ངན་པ་ཟུག །ཕྱོགས་དང་ཆུང་རྒྱུད་ལ་སོགས་གནས་སྦྱར་དཔྱད། །གཉིས་ཀྱི་སྐྱིན་དིང་ས་ཡི་པད་འདབ་བརྒྱད། །ཡང་ན་གཅིག་ལ་བབས་ཀྱང་འདྲ། །བཅུའམ་བཅུ་གཅིག་དིང་དིང་ནི། །གནམ་དཔྱད་འཁོར་ལོ་རྩིབས་བརྒྱད་ཡིན། །བཞི་སྐྱམ་དང་ད་རོག་ཆུ་དང་མཚོ། །བརྒྱད་གལ་བར་རི་རྒྱལ་ལྷུན་པོ་ཡིན། །བཅུ་བྱ་ཡུན་ལ་སོགས་ཉི་ཟླའི་བླ་མདུད་བཟང་། །བཅུ་བྱ་རལ་ལི་ཡན་གནམ་སྒོ་ཕྱེ། །རྟགས་སུ་ལུང་པ་ཕུ་རལ་འོང་། །གཉིས་བྱ་རལ་ལི་ཡན་ལུང་མདའ་རལ། །བཅུ་གསུམ་བཅུ་གཅིག་སོ་ཡོན་ན། །ས་བདག་མདུན་ཞུ་གྱོན་པ་ཡིན། །དེ་རྟགས་རི་ནག་ཐུར་རྒྱུག་ཡོད། འདི་གསུམ་ས་བདག་རྒྱལ་པོ་ཡི། །བླ་ངོ་སྲོག་གསུམ་ཡིན་པས་ན། །གཅིག་ལ་བབས་ན་ས་བདག་དགྱེས། །དེ་ཡང་རྒྱས་པར་བཤད་པ་ན། །དིང་དིང་ས་བདག་མ་ཐུབ་གཡར། །རྐང་པར་ས་བདག་རྒྱལ་པོ་ཡིན། །

---

^{[མ་དཔེ་གཟིགས་ན་འདིར་གནོན།]}

སྐྱེར་བྱ་ཡུན་ས་བདག་ཞལ་བྱོན་ཡིན། །ཚོལ་ཚེ་ས་བདག་སྙིང་བསྟན་ཡིན། །དུན་ཐག་ས་བདག་སྨན་གཅིག་ཡིན། །སྤོ་བར་ལིང་ཀུན་ས་བདག་གྲོག །སྐྱིན་དིང་ས་བདག་དག་གི་རྟེན། །སེ་སྟོད་ས་བདག་དག་གི་གནས། །སད་ཁམས་ས་བདག་རུས་པ་ཡིན། །ཡར་ལྡིང་ས་བདག་ཀ་བ་ཡིན། །ཨ་ཁད་བཟང་རིགས་ས་བདག་བློན། །ཙེ་ར་ཝ་ཚོ་ཡར་ལྡང་རྣམས། །ས་བདག་དག་གི་རུ་མཚོན་ཡིན། །དེ་རྣམས་གཅིག་ལ་བབས་པ་ན། །ས་བདག་སྙིང་བསྟན་ཡིན་པས་བཟང་། །བརྒྱད་ལ་མཚུན་གྱི་སྙིང་བསྟན་ཡིན། །བཅུ་གཅིག་བཟང་ན་ནམ་ཕུག་ལེགས། །གཅིག་ལ་ས་བདག་སྐོར་རྣམས་བབས། །བཅུ་གསུམ་བཟང་ཞིང་བརྒྱད་ལ་སད་ཁམས་བནྡེར་བཟང་། །དགུ་ལ་སད་ཁམས་བོན་སོགས་བཟང་། །དེ་ཡི་འགྲེས་སུ་ཀུན་ལ་དཔྱད། །མཆོད་རྟེན་ལྟར་དུ་དཔྱད་པ་ལ། །གཅིག་གདན་ནས་བཅུ་གསུམ་དབུ་རྩེའི་བར། །ཞིབ་པར་གཞན་དུ་ཤེས་པར་བྱོས། ༈ ། བཅུ་གཉིས་བོར་བ་རྙེད་འཚོལ་དཔྱད། །གཅིག་འདི་བོར་བའི་རྟོད་ཕུར་ཡིན། །ཕུར་པ་མ་བུད་དམ་ན་བཟང་། །གལ་བར་དིང་དིང་སྐྱིན་དིང་བཟང་། །གཉིས་འདི་ཚོལ་ས་རྡོག་ལམ་ཡིན། །དེ་ལ་འདའ་མཁས་སྤུན་གསུམ་དགོས། །ཨ་ཁད་བཟང་རིགས་བརྒྱག་བཟང་ཡིན། །གསུམ་བཞི་བོར་བའི་ར་བ་ཡིན། །ར་བ་མ་སྟོང་གང་ན་བཟང་། །ལྔ་དགྲ་སར་འདན་པ་བྱུང་ན་བཟང་། །དྲུག་ཁྱིམ་སར་དངས་མ་བརྒྱག་སྡེ་བཟང་། །བདུན་བརྒྱད་བློ་འགྱོད་ཡོད་མེད་དཔྱད། །སད་ཁམས་བཟང་རིགས་བབས་ན་བཟང་། །དགུ་འདི་ལམ་འཕྲད་སྒུག་པའི་ས། །ཐུག་ཕྲད་ཨེ་འོང་ལྟ་བ་ཡིན། །འཕྲད་འདོད་སྙིང་དགའ་བཞི་བབས་དགོས། །གཞན་ར་མདས་ལམ་འཕྲང་སྒུག་སོགས་ལ། །གདོང་ཐུག་སྤུན་གསུམ་བྱུང་ན་

---

^{[མ་དཔེ་གཟིགས་ན་འདིར་གནོན།]}

འཕྲད། །རུ་སོད་ལྡི་བུར་སེ་སྟོད་ཡིན། །བཅུ་ཕྱི་ཕུག་ངོ་སོ་ལྟ་བ་ལ། །ཕུར་ཐོགས་བྱ་ཡུན་གསལ་སྡེ་བཟང་། །བཅུ་གཅིག་བོར་བ་རང་ལག་ཏུ། །ཨེ་འོང་ལྟ་ས་ཡིན་པས་ན། །དཀར་ཐོག་ཐོབ་རྒྱལ་སྤུན་གསུམ་དགོས། །བཅུ་གཉིས་སྟོར་པ་གཞན་ཡུལ་དུ། །མི་སྟོར་རྫིའུ་སོ་ཡོན་དང་། །སྤོ་བར་སྐྱིན་དིང་ལ་སོགས་དགོས། །བཅུ་གསུམ་ཕྱི་ཕུག་ལྟ་ས་ལ། །ངོ་མཐོ་ངོ་གསལ་རིགས་བབས་བཟང་། །བོར་བའི་རྫས་ཀྱི་བླ་མདུད་ནི། །རང་སར་བབས་སམ་རང་སར་འཁོར། །བོར་བ་རྙེད་པའི་ངོ་ཡིན་ནོ། །ཕྱི་སར་ཤོར་རམ་ལན་གྱིས་བསླད། །མི་ལོན་པའམ་བཙལ་ལོག་ངོ་། །ཕྱོགས་གང་ནས་བོར་བའི་ཕྱིས་དང་། །ཁྱད་པར་གཉིས་ཀྱི་གནས་སུ་ནི། །གལ་བར་གངས་རི་རྩེ་རྒྱལ་དང་། །ཝ་ཚོ་བྲག་རི་ཟུར་ཅན་དང་། །ཙེ་ར་རྫ་རི་ཁྲ་བོ་དང་། །ཡར་ལྡང་ནགས་རི་འཐུག་པོ་དང་། །མུ་ས་སྤང་རི་ཤ་ཅན་དང་། །རྐང་སྤར་རྫ་བྲག་འདྲེས་པ་དང་། །དཀར་ཐོག་རྫ་སྤང་འདྲེས་པ་དང་། །སོ་ཡོན་བྲག་དང་ཆུ་འཐབ་པ། །སྐྱམ་རིགས་འབབ་ཆུ་ཤག་ཤག་དང་། །སུམ་མཉམ་སྤར་རྒང་རིང་མོ་དང་། །དམུ་དག་ཤིང་རྐང་རིང་མོ་དང་། །བྱ་བུར་བྱེ་སྒང་རིང་མོ་དང་། ཐང་ལེ་ས་ཐག་སྐྱ་བོ་དང་། །དོག་ཚང་སྤང་ཐང་སྔོན་པོ་རྣམས། །སྤྱིར་བཏང་གོང་དུ་བཤད་བཞིན་དང་། །བྱ་རལ་གད་པ་ཁྲབ་ཁྲེབ་དང་། །སྤོ་བར་ཤིང་ཕུང་ལང་ལོང་དང་། །ཏྲོང་བྲག་རྫ་རི་ཧྲལ་ཧྲོལ་དང་། །ད་རོག་མཚོ་དང་ཆུ་བོ་དང་། །ཀྱེ་བ་ཐག་རི་བཟང་པོ་དང་། །སེ་སྟོད་ས་རལ་ཁང་རལ་དང་། །ཏྲོང་མ་ཟེ་བྲག་དམར་ཞག་ཞིག་དང་། །ན་འབན་བྲག་ནག་ཕག་འདྲོག་འདྲ། །སྐྱིན་དིང་ཕ་བོང་ཁྲབ་ཁྲེབ་སོགས། །མིང་དང་ཁ་དོག་མདུད་པ་དང་། །མཚུངས་པའི་ཕྱོགས་སུ་བཅལ་བར་བྱ། །འདི་རྣམས་རིགས་ལ་བརྒྱག་བཟང་ཅན། །གང་

---

^{[མ་དཔེ་གཟིགས་ན་འདིར་གནོན།]}

བབས་དེ་དེའི་ཕྱོགས་ཀྱི་ནི། །ས་རྟགས་དེ་དང་དེ་འདྲར་བཙལ། །ལར་ཚོལ་ཚེ་གང་བབས་རྙེད་ངོ་ཡིན། །ཕྱི་ས་གང་བབས་དེ་ཕྱོགས་དང་། །དྲུག་ལ་ཆུ་ཡི་འགྲམ་ནས་རྙེད། །བརྒྱད་སོགས་རང་ས་གང་བབ་རྙེད། །དེ་དང་མཉམ་པར་གང་བབ་པའི། །མདུད་པའི་ཁམས་ཀྱང་གོང་བཞིན་བརྟག །ཡང་རྟ་ལ་སྤོ་ཚེ་བཅུ་གསུམ་བབས། །གསེར་སྦྲུལ་ཁོང་སོང་མཇུག་མ་ཟིན་པས་རྙེད། །བཅུ་གཅིག་དག་ལ་བབ་ཀྱང་རྙེད། །བྱོད་ཕུར་ལྡི་བུར་ཧྲང་ཟེ་རྣམས། །ཁ་གསལ་ཡིན་པས་རང་སར་རྙེད། ༈ ། ད་ནི་བཅུ་གསུམ་སྲིད་ཕྱྭ་བཤད་པ་ན། །ལར་མོ་ཡི་སྙིང་མིག་སྲོག་གསུམ་ལ། །ཁ་ལང་གསུམ་བབ་གྲགས་ཆེན་བུ་གསུམ་སྐྱེ། །དེ་བཞིན་བྱ་རལ་རིན་ཆེན་དང་། །རྩེ་མ་རྐང་སྤར་དུང་རྒོད་དང་། །ལྕགས་ཁྲ་སད་སྔ་སད་མ་ཟེར། །མ་ཟེ་གླག་དམར་སྐྱིན་དིང་གཡུ་ཐོག་དང་། །གལ་བར་ཐོད་དཀར་སོ་ཡི་ལིང་ཀུན་དཀར། །མུ་ས་ཙ་མེད་དོག་ཚང་བྱོད་ཕུར་རྣམས། །གསུམ་བབ་འགྲན་མེད་བུ་གསུམ་སྐྱེ། །དེ་བཞིན་སྙིང་མིག་སྲོག་གསུམ་ལ། །བྱ་རལ་སོ་ཡོན་ཝར་ལྡི་ཝ་སྐྱམ་དང་། །གླེས་སྨི་ཐང་ལེ་ལི་ཡན་གསུམ་བབ་ན། །བུ་མི་སྐྱེ་བུ་མོ་ཁོ་ནར་སྐྱེ། །ཡང་དཀར་ཐོག་གཡུང་དྲུང་གང་བབ་པའི། །ལོ་མ་དེ་ལ་བུ་སྐྱེ་ངོ་། །ཡང་བརྒྱད་ལ་སེ་སྟོད་བབ་ནས་སུ། །དགུ་ཕན་ཆད་པ་ཙལ་རྔམ་ན། །སྲིད་ཕྱྭ་དག་ལ་མདའ་ངོ་ཡིན། །བརྒྱད་སེ་སྟོད་དགུ་དང་བཅུ་གཅིག་དང་། །བཅུ་གསུམ་སོ་ཡོན་ལང་ཐང་ཙེ། །རུ་སོད་གཡས་བརྒྱག་སྐྱམ་བྲག་རུ་སོད་དང་། །རྐང་སྤར་ལྡི་བུར་སྐྱམ་བྲག་ལྡི་བུར་དང་། །ཤང་ཤག་ལྡི་བུར་དུན་གཡུང་དྲུང་ལྡི་བུར། །ད་རོག་གཡུང་དྲུང་ལྡི་བུར་གློག་དམར་ལྡི། །སད་ཀྱི་ཧྲང་ཟེ་སད་ཀྱི་ཏྲོང་ཆེན་དང་། །ཁྱུང་བརྒྱང་དང་ནི་སད་སྔ་དང་ཧྲང་ཟེ། །གང་བབ་མདའ་

---

^{[མ་དཔེ་གཟིགས་ན་འདིར་གནོན།]}

རུ་ངེས་པ་ཡིན། །ཡང་བརྒྱད་ཀྱི་སེ་སྟོད་བབ་པ་ཡི། །བ་ཁོག་གསུམ་དུ་བུ་བརྒྱག་མ་བརྒྱག་དང་། །དྲལ་དཀར་ལྕགས་བྲ་བྱ་ཤིང་གློག་དམར་ལྡི། །ཀུ་ཡེ་བྱིལ་ཚང་ཚོལ་ཚེ་ལུ་གུ་སོགས། །གཏན་ཚིགས་མདུད་པ་བཅུ་གསུམ་གང་བབས་ཀྱང་། །མདའ་ཡི་ངོ་རུ་ངེས་པར་བཤད། །གཞན་ཡང་བརྒྱག་བཟང་ཁས་དྲག་རིགས། །གང་བབ་མདའ་ཡི་ངོ་རུ་བཟུང་། །མདའ་ཞེས་པ་རྩ་དཀར་བུ་ཡི་ངོ་། །ཡང་དྲུག་ལ་སེ་སྟོད་བབས་ནས་སུ། །བདུན་ཕན་ཆད་སྐྱེར་བྱ་བྱ་ཡུན་དང་། །མུ་ས་བག་བྱ་ལི་ཡན་སྐྱམ། །ཨ་ཁད་བྱ་རལ་བག་ཚོལ་ཚེ། །སྐྱེར་རིགས་བྲག་རིགས་སྤོ་བར་དང་སྐྱམ་བརྒྱག །སྐ་བྲག་ལ་སོགས་ཚོལ་ཚེའི་རིགས། །ཏྲོང་དང་དམུ་དག་ངན་རིགས་དང་། །རང་སྙན་ལྡི་བུར་བརྒྱག་མེད་རྣམས། །འཕང་གི་ངོ་ཡིན་དེ་ལྟར་དཔྱད། །ཡང་བཞི་ལ་སེ་སྟོད་ལྔ་ཡན་ཆད། །སྙིགས་མ་གང་བབས་འཕང་ངོ་ཡིན། །འཕང་ཞེས་རྩ་ནག་བུ་མོའི་ངོ་། །དྲུག་དང་བཞི་ལ་སེ་སྟོད་བབས། །བདུན་བརྒྱད་ཡན་ཆད་མུ་ས་བཞི། །མཚེ་མ་ནག་པོའི་ངོ་ཡིན་ནོ། །ལར་མུ་ས་གང་བབས་མི་གྲངས་འཕེལ། །གསུམ་ཁས་དྲག་ཝེར་མ་བུ་ལ་བཟང་། །བུ་དང་བུ་མོའི་བཟང་ངན་ནི། །བརྒྱག་དང་སྐྱ་ཞིབ་བཟང་ངན་ཡིན། །མ་ཡི་ལོ་མལ་ཁྱོགས་ན་བཟང་། །དྲུག་སྲིད་ཀྱི་འཕེལ་ས་བརྒྱད་སྲོགས། །དེ་རུ་ཁ་གསལ་བཟང་སྡེ་བཟའ། །འཐོར་བ་འགྱོད་སྟོང་ཕྲག་ངན་རིགས། །གང་བབས་འགྱོད་ངོ་བར་ཆད་ཡིན། །ཞིབ་ཏུ་དཔྱད་ལ་ཁ་དམར་གདགས། །༈། །ད་ནི་བཅུ་བཞི་ཆུས་ཕྱྭ་བཤད། །ཆུང་རྒྱུད་འབྲིང་རྒྱུད་ཆེ་རྒྱུད་དང་། །བང་མཛོད་ལྷ་ས་རྩེ་འཛིན་དང་། །དགྲ་ས་རྣམས་ཀྱི་གནས་མལ་དུ། །གོང་བཤད་བཞིན་དུ་རྒྱལ་

---

^{[མ་དཔེ་གཟིགས་ན་འདིར་གནོན།]}

པོ་དང་། །སྡེ་ཆུས་བཟང་ངན་བརྟག་པར་བྱ། །རྒྱས་པར་བཅུ་གསུམ་འཁོར་ཆེན་གྱི། །དཔྱད་པ་ཞིབ་ཏུ་བྱ་བ་ཡིན། །ནམ་ཕུག་བཅུ་གསུམ་སྟེང་ལ་བལྟ། །དྭངས་མ་བཟང་པོ་མདུན་མི་ཕོག །དགྲ་བླ་དར་རྒུད་བཅུ་གཅིག་བལྟ། །ཁས་དྲག་ཝེར་མ་སྟོབས་མི་ཞན། །བློ་གྲོས་བཟང་ངན་བརྒྱད་བདུན་བལྟ། །གསལ་སྡེ་བཟང་རིགས་བློ་མི་ཉེས། །ནང་ནོར་ཆེ་ཆུང་བཞི་དྲུག་བལྟ། །བརྒྱག་ཁ་སྣུམ་ཐིག་གཡང་མི་ཉམས། །གཞི་དང་ཡུལ་ཁམས་གཅིག་ལ་བལྟ། །བརྟན་སྡེ་ཁེར་བབ་ཡུལ་མི་འཆོར། །སྤྱིར་གཞི་ཆེན་ཇུས་ཕྱ་འདེབས་པ་ལ། །བཅུ་གཅིག་བཅུ་གསུམ་མདུན་ཞུ་མེད་པ་གལ། །བཙན་སར་ཁས་དྲག་རྫིའུ་རེ་རེ་བབས། །ལོ་གསུམ་ཚུན་ལ་གཡོན་ཆོག་ཡིན། །ཕྱི་ས་དགྲ་བཞི་རྒུད་པ་དགོས། །དེ་ལས་གོ་ལོག་ངན་པ་ཡིན། །སྤྱི་ཁོག་གཞི་ཕྱའམ་ཁྱིམ་ཕྱ་དང་། །མཚུངས་པར་བརྟགས་ཤིང་གོང་འོག་གི ། བཤད་པ་ཀུན་དང་འཕྲུལ་ཞིང་དཔྱད། །༈། །བཅོ་ལྔ་ཆོས་ཕྱ་བསྟན་པ་ལ། །བརྒྱད་འདི་བན་དེ་དགུ་བོན་པོ། །བཅུ་གཅིག་ལྷ་ས་བཅུ་གསུམ་རྩེ་འཛིན་བཞི། །ཁྱོགས་ནན་མ་ཕུག་བཀྲ་ཤིས་དགེ ། བརྒྱད་ལ་ལྷ་ངོ་བཅུ་གསུམ་དང་། །བྱ་ཡུན་དང་རྩེ་འཇམ་པའི་དབྱངས། །བྱ་བུར་གསེར་ཐིག་སྤྱན་རས་གཟིགས། །མུ་ས་དིལ་དཀར་ཕྱག་རྡོར་སོགས། །ལྷ་རྟགས་བཟང་པོ་བབས་ན་དགེ ། གཞན་ཡང་རྡོར་དྲིལ་ལྷ་ཆའི་རིགས། །བབ་ཤིང་མདུན་ངོ་མེད་ན་དགེ ། བན་མོ་རིན་ཆེན་ཕྲེང་བ་བཤད། །གཅིག་འདི་སྔགས་པའི་འདུག་ས་ཡིན། །དྲག་པོར་ངན་ཞིང་ཞི་བར་བཟང་ན་ལེགས། །གཉིས་ཧོམ་ཁུང་བྱ་རལ་ལི་ཡན་དགོས། །གསུམ་ཆག་ལྷམ་བག་ལྡི་མང་ལྡིང་དགོས། །བཞི་གཏོར་གཞོང་བུ་བརྒྱག་ཚོལ་ཚེ་དགོས། །ལྔ་རྟན་མ་ཡིན་པས་

---

^{[མ་དཔེ་གཟིགས་ན་འདིར་གནོན།]}

བརྟན་ན་བཟང་། །དྲུག་དབུ་སྔས་ཡིན་པས་བརླིང་ན་བཟང་། །བདུན་ཕྲེང་ལུང་འཇུས་པའི་རིགས་བབས་བཟང་། །བརྒྱད་སྒྲུབ་ཁང་ཡིན་པས་བག་དྲོ་དགོས། །དགུ་ཆོས་སྐྱོང་བོན་སྐྱོང་འགྲིམ་ལམ་ཡིན། །གང་བསྒྲུབ་ལྷ་ཡི་བཀའ་རྟགས་དགོས། །བཅུ་དབུ་རྒྱན་ས་ཡིན་དྭངས་མ་དགོས། །བཅུ་གཅིག་ཕོ་ལྷའི་གནས་མལ་ལ། །ཞི་བར་ཁས་དྲག་ཝེར་མ་དང་། །བརྒྱག་ཁ་བཟང་སྡེ་ཆེ་དགུ་དགོས། །དྲག་པོར་དགྲ་འདྲེའི་མིག་ལ་ནི། །ཕུར་པ་ཐེབ་ན་བཟང་བ་ཡིན། །ལྡི་བུར་ལྕགས་ཕུར་བྱོད་ཕུར་དུང་ཕུར་དང་། །མུ་ས་ཤེལ་ཕུར་བྱ་བུར་གསེར་ཕུར་ཡིན། །བཅུ་གཉིས་ཡུངས་ཀར་རྦབ་ཀྱིས་ནི། །དགྲ་འདྲེ་ཐུབ་པའི་ས་ཡིན་པས། །སེ་སྟོད་སྐྱ་བོ་སྐྱམ་བུད་མེད། །ལི་ཡན་དགེ་མ་གསེར་བྱ་བནྡེ་དང་། །རྐང་སྤར་སྒོ་བརྒྱག་བོན་པོ་ཐུབ། །གཞན་ཡང་ལི་ཡན་མུག་སྲི་དང་། །སྒོ་བརྒྱག་བཙོག་དྲི་སེ་སྟོད་དམེ་སྲི་དང་། །ཏྲོང་རིགས་གཤིན་རྗེ་སྐྱམ་མོ་འདྲེ། །ལ་སོགས་ཐུལ་པའི་མཚན་མ་ཡིན། །བཅུ་གསུམ་གཏན་གྱི་ས་ཡིན་པས། །ཞི་བ་བསྒྲུབ་ན་བཟང་འཇམ་དགོས། །དྲག་པོར་དྲག་ལ་རྩུབ་པ་དགོས། །ཡང་བརྒྱད་དགུ་བཅུ་གཅིག་གང་རུང་ལ། །ཁ་ལེ་བྱ་ཡུན་ལྟ་བ་མཐོ། །བྱ་བུར་གལ་བར་སྒོམ་པ་བརྟན། །དམུ་དག་མུ་ས་ཐབས་ལམ་ལེགས། །སད་དང་སྤོ་ཚེ་སྤྱོད་པ་མཛེས། །ཨ་ཁད་རང་སྙན་ཧྲང་ཟེ་གྲགས་པ་ཆེ། །ད་སོགས་ཞིབ་པར་ཤེས་པར་བྱ། །གཞན་ཡང་བདུན་ལ་གང་བབས་པའི། །ལན་དུ་བརྒྱད་ལ་དཔྱད་པ་དང་། །གཅིག་ལན་བཅུ་གཅིག་དཔྱད་པ་དང་། །ལོ་མལ་སོགས་ཀྱི་ལན་དུ་ནི། །རྩེ་འཛིན་དཔྱད་པ་སོགས་ལས་ནི། །རིག་པ་བསླབ་དང་ལྷ་གང་བརྟེན། །སོགས་ཀྱང་ཤེས་པར་བྱ་བ་སྟེ། །རྒྱས་པར་གཞན་དུ་ཤེས་པར་བྱ། །

---

^{[མ་དཔེ་གཟིགས་ན་འདིར་གནོན།]}

མདུན་གྱི་ཤ་རིང་སྤོ་ཚེ་ལ། །བཅུ་གཅིག་བ་མེན་ཆུ་ཤེལ་བབས། །ཤིང་ཡོ་ཆུ་ཡིས་བྲན་པ་སྟེ། །བཅུ་གསུམ་སྐྱེར་དཀར་ཡེ་སྨོན་བབས། །རྟ་ལོ་བསོད་ནམས་ལྡན་པ་ཡིས། །སྒྲོལ་དཀར་ཚེ་སྒྲུབ་བྱས་པ་ན། །ཚེ་མཐའ་རུ་ཕྱིན་པའི་རྟེན་འབྲེལ་ཡིན། །དེ་སོགས་གནས་མལ་བླ་ཁམས་དང་། །བབ་ལན་ལ་སོགས་སྣ་ཚོགས་པའི། །དཔྱད་པ་བསམ་གྱིས་མི་ཁྱབ་པ། །གཞུང་དང་མན་ངག་དང་མཐུན་པར། །ཀུན་གསལ་རིག་པའི་ཀློང་ནས་སྤྲོས། །ད་ནི་གཏོ་ཐིག་བཤད་པ་ལ། །གཞི་༡འཛིན་ངན་ན་ས་བདག་བཅོས། །གཏིང་ནས་ངན་ན་ཡུལ་བུད་བྱ། །སྒོ་ཐེམ་༢འདྲོག་ན་རྐུན་གྲུབ་བྱ། །གཏིང་ནས་ལོག་ན་དགྲ་ཆོས་བྱེད། །སྙིང་དགའ་༣འགྱོད་ན་མི་ཁ་བྲུབ། །གཏིང་ནས་ངན་ན་མགོ་གསུམ་བོར། །ཀླུ་༤ཚང་འཁྲུགས་ན་ཀླུ་བཅོས་བྱ། །གཏིང་ནས་ངན་ན་ཀླུ་འབུམ་འདོན། །ལྷ་སྲིན་༥འཁྲུགས་ན་ཞི་བ་འདོན། །གཏིང་ནས་ངན་ན་སྣང་ཞི་བླུག །བ་༦ཁོག་ལད་ན་མར་ཀླུང་འཇལ། །གཏིང་ནས་ངན་ན་གསེར་འོད་འདོན། །སློ་རྩ་༧ཆད་ན་སྐྱེ་ཤིང་བཙུགས། །གཏིང་ནས་ངན་ན་རྒྱུན་གྱིས་མཐུད། །ལྷ་༨ས་རྨུགས་ན་བསང་མཆོད་བྱེད། །གཏིང་ནས་ངན་ན་སྐོང་བཤགས་བྱ། །གཉན་༩སྡོང་འཁྲུགས་ན་གཉན་བཅོས་བྱ། །གཏིང་ནས་ངན་ན་ཐུགས་ཀར་བརྒྱག །མང་ཇ་བཏང་ཞིང་སེལ་འབྱེད་བྱ། །གནམ་སྒོ་ཕྱེས་ན་གནམ་༡༠སྒོ་བཅད། །གཏིང་ནས་ངན་ན་ཡ་དར་བཀྱབ། །དགྲ་བླ་འཁང་༡༡ན་ལྷ་གསོལ་བྱེད། །གཏིང་ནས་ངན་ན་གསས་མཁར་བསྟོད། །དགྲ་ལྷ་ཐུགས་དཀར་གསོལ་མཆོད་བྱ། །དགྲ་ས་༡༢དར་ན་དགྲ་ཆོས་བྱེད། །གཏིང་ནས་ངན་ན་མདོས་ཟོར་འཕེན། །ཚེ་༡༣འཛིན་ལད་ན་མཚུན་བཅོས་བྱེད། །གཏིང་ནས་ལད་ན་གསས་མཁར་བརྩིགས། །ཡར་ཚེ་རིང་གསུམ་ལ་གཏོར་སྐུ་བཙུགས། །མར་ཚེ་ཟད་

---

^{[མ་དཔེ་གཟིགས་ན་འདིར་གནོན།]}

གསུམ་ལ་གླུད་འབོར་བྱེད། །ཚེ་ཐར་བཏང་ཞིང་ཚེ་མདོ་འདོན། །ཚེ་སྦྲུབ་བྱེད་ལ་ཚེ་འབར་གསོ། །ཡང་རྩེ་འཛིན་ངན་ན་བསོད་ནམས་བསགས། །སྙིང་མིག་སྲོག་གསུམ་ལད་ན་སྒྲུབ་མཆོད་བྱ། །བ་ཁོག་ལད་ན་གཡང་སྒྲུབ་བྱ། །ཕྱི་ས་དར་ན་མདོས་ཟོར་འཕེན། །བཞི་རྒྱ་མཚོ་ལད་ན་བུམ་གཏེར་གཞུག །བདུན་བློ་ས་འགྱོད་ན་བསྙེན་རྒྱུན་བྱ། །ཡང་ལྷ་ས་ཞན་ན་ལྷ་གསོལ་བྱ། །འདྲེ་ས་དར་ན་གླུད་མདོས་བོར། །མི་ས་རྒུད་ན་དབང་བསྐུར་ཞུ། །ཡང་དྭངས་མའི་གཏོ་ལ་ཡར་བཅོས་བྱེད། །སྙིགས་མའི་གཏོ་ལ་མར་གླུད་འཇལ། །བཟང་ལ་རྟེན་གཟུགས་གཡང་ཁ་བླན། །ངན་ན་དེ་མཚུང་ཟློག་གཏོ་བོར། །དཔེར་ན་བདུན་གྱི་བྱ་ཤིང་ལ། །དར་ལ་ཕོ་ལྷ་དུང་ཁྱུང་བྲིས། །མདའ་དར་རིན་ཆེན་རྟེན་དུ་བཙུགས། །ཕྱེ་མར་དར་གྲངས་བབས་མིག་བསྟུན། །རྟ་ལོ་པ་ཡིས་འདི་སྐད་དུ། །ཕོ་ལྷ་དུང་ཁྱུང་དཀར་པོ་ཁྱོད། །ལྷ་རྟེན་འདི་ལ་བཞུགས་ཞེས་བརྗོད། །ལྷ་རྒྱལ་འབོད་ཅིང་ཞལ་བསྲོ་བྱ། །བཀྲ་ཤིས་བརྗོད་ཅིང་གཡང་འགུགས་བྱ། །གཞན་ལའང་དེས་མཚོན་རྟེན་འབྲེལ་བསྒྲིག །དེས་གང་བབས་ལྷ་དེས་མགོན་པ་ཡིན། །ཡང་ན་ཤོག་གུར་གང་བབས་པའི། །མདུད་པ་བྲིས་ལ་མདའ་ལ་གདགས། །མདུད་སྒོ་ཟས་ནོར་བཟང་པོས་བཀྲོལ། །བརྒྱད་ལ་སྐྱམས་སེ་བབས་པ་ན། །སྲིན་མོའི་གཟུགས་བྱ་ཆུ་གྲོད་ནི། །བརྒྱད་དེ་ལུག་ལོས་ལྷོ་ནུབ་བོར། །དེས་མཚོན་གཞན་ལའང་ཤེས་བྱ་སྟེ། །རྟེན་འབྲེལ་མཁྱུད་སྤྱད་ཞལ་ལས་ཤེས། །རྟེན་འབྲེལ་ནུས་པ་བསམ་མི་ཁྱབ། །མོ་ཆེ་གསུམ་བསྟུད་ན་མི་ཆེན་འབོད། །བརྒྱག་ཆེ་གསུམ་བསྟུད་ན་རྒྱས་པ་འདོན། །བསྟུད་པ་མང་ན་ཆོས་སྣ་འདོན། །འཐོར་བ་མང་ན་མདོས་རྫས་

---

^{[མ་དཔེ་གཟིགས་ན་འདིར་གནོན།]}

ཐོར། །མོ་ཆེན་གངས་རི་ཉིལ་བ་ལ། །ཁམས་ཆེན་དང་ནི་རྒྱལ་ཡུམ་འདོན། །བྲག་ནག་མུན་པ་གཏིབས་པ་ལ། །གཡག་ནག་བཤས་ལ་གཟུགས་ཡས་བོད། །ཡང་ན་གཡག་མགོ་ཤ་ཟ་རུས་བོར་བྱེད། །ཤེར་སྙིང་བདུད་ཟློག་བརྒྱ་བཞི་བྱ། །ཅང་སེ་རླུང་ལྟར་འཚུབ་པ་ལ། །རྟ་དཀར་རྒྱུག་ལ་ཡག་ཁ་བརྗོད། །ཉི་ཁྲི་བརྒྱད་སྟོང་སྡུད་པ་འདོན། །ཝེར་མ་སེང་ལྟར་རྔམ་པ་ལ། །ཝེར་མའི་སྐུ་མཁར་བཀྱག་པ་དང་། །དགྲ་བླ་དཔང་བསྟོད་བསང་མཆོད་བྱ། །གཡུང་དྲུང་གདན་ལ་བྱོན་པ་ན། །ཅང་སེ་བརྔན་ཞིང་བྱ་ལྡང་བཀྱག །ས་སྙིང་འཁོར་ལོ་བཅུ་པ་དང་། །རྒྱ་ཆེ་རོལ་པ་གསེར་འོད་བཀླག །བཟང་པོ་རུ་ལག་རྒྱས་པ་ལ། །ལྷ་གསོལ་གཡང་སྐྱབས་མང་དུ་བྱ། །སྙིགས་མའི་ལྷ་བ་བུད་པ་ན། །གསེར་གཡུ་རྟེན་བཙན་ཐང་འབུམ་བཀླག །ཨ་ཁད་མེ་ལྟར་འབར་བ་ལ། །ཀུན་རིག་མེ་མཆོད་ལ་སོགས་པའི། །སྦྱིན་སྲེག་བྱ་ཞིང་འོད་ཟེར་ཅན་མ་འདོན། །སྐྱམ་ནག་ཆུ་ལྟར་འབྲུབ་པ་ལ། །ཆབ་གཏོར་བཏང་ལ་ཀླུ་མཆོད་བྱ། །ས་སྟོད་ཁྲག་མཚོ་ཁོལ་བ་ལ། །གྲི་བྲུབ་བྱས་ལ་སྨན་མདོ་བཀླག །མ་ཟེ་བཙན་ལྟར་འགྲོགས་པ་ལ། །ཤ་རུ་བཙན་མདོས་བཀྱག་པར་བྱ། །རུ་སོད་བདུད་ཁམས་ཁྲོས་པ་ལ། །བདུད་མདོས་ཤེས་རབ་སྙིང་པོ་བྱ། །ལི་ཡན་ང་ལྟར་འཚུབ་པ་ལ། །ཕུང་འདྲེ་འགོང་བཀར་གུར་དྲག་འདོན། །དིང་དིང་དགུང་སྔོན་རྡིབ་པ་ལ། །དཀྱིལ་འཁོར་ཞལ་བསྒྱུར་ཤེར་ཕྱིན་བཀླག །ཀྱེ་བ་རི་རབ་འགྱེལ་བ་ལ། །ཕལ་ཆེན་འདོན་ཅིང་སྟོན་མོ་བྱ། །ད་རོག་མཚོ་ཆེན་འཁྲུགས་པ་ལ། །ཚ་ཚ་གདབ་ཅིང་ནོར་རྒྱུན་འདོན། །དམུ་དབལ་འཁོར་ལོ་བསྐོར་བ་ལ། །མར་མེ་མང་ཕུལ་གཤེན་ལྷ་མཆོད། །སྐྱིན་དིང་ས་གཞི་འགུལ་བ་ལ། །

---

^{[མ་དཔེ་གཟིགས་ན་འདིར་གནོན།]}

ས་སེལ་རྡོ་སེལ་སྡོང་བརྒྱན་འདོན། །ཏྲོང་རིགས་གཤིན་རྗེ་ཆས་པ་ལ། །འཇམ་དཔལ་ཞི་ཁྲོ་མཆོད་ཅིང་བརྟེན། །རྣམ་འཇོམས་འབར་མ་འཆར་ཀ་བྱ། །སད་ཁམས་སྐར་ལྟར་འཁྲུག་པ་ལ། །འབུམ་རྒྱུན་བྱ་ཞིང་ལྷ་མཆོད་བྱ། །བྱ་རལ་ཁྱི་ལྟར་ངུ་བ་ལ། །དུར་ཁ་ཚེ་ཟློག་གདུགས་དཀར་བྱ། །སོ་ཡོན་མུན་ཁང་གཏིབ་པ་ལ། །མར་མེ་སྟོང་རྩ་མདོ་སྡེ་འདོན། །སྤོ་བར་སྡོང་རྒན་འགྱེལ་བ་ལ། །རྣམ་འཇོམས་འདོན་ཅིང་སྤར་མདོས་བྱ། །ན་འབེན་ཐོག་ལྟར་བབས་པ་ལ། །གཉན་བཅོས་བྱ་ཞིང་གཤེད་དམར་བསྒྲུབ། །ཕུར་ཐོགས་ཕུར་ལྟར་འདྲིལ་བ་ལ། །གདུགས་དཀར་འདོན་ཅིང་བྱད་ཟློག་བྱ། །སུམ་མཉམ་ལྕགས་སྤྱང་ངུ་བ་ལ། །ཟ་ལམ་བཏང་ཞིང་པད་དཀར་བཀླག །མར་ལྡིང་ཕག་ནག་མཁུན་པ་ལ། །གཏོ་ཡས་བོར་ཞིར་དུར་སྲི་མནན། །ཡང་པའི་གྲོང་ཁྱེར་མདོ་སྡེ་བཀླག །གལ་བར་གླང་ཆེན་མྱོས་པ་ལ། །གླིང་བཞི་སྤྱི་མདོས་བསྐལ་བཟང་འདོན། །བྱ་ཡུན་དར་སོ་ཆད་པ་ལ། །མང་ཇ་དུང་གྲགས་རྣམ་རྒྱལ་འདོན། །བྱ་བུར་ཕུབ་ཆེན་ཆས་པ་ལ། །མ་ཎི་འུར་འདོན་ཇོ་དར་བཀྱག །སྤོ་ཚེ་རྟ་ཁྱུ་འདྲོག་པ་ལ། །རླུང་རྟ་བསྟོད་ཅིང་རྣམ་སྲས་བསྒྲུབ། །སྡོང་པོ་བརྒྱན་པ་མང་དུ་འདོན། །ཝ་ཚོ་མདུང་རྩེ་གཟིང་པ་ལ། །གྲི་ཁ་བསྒྱུར་ཞིང་མདོ་ཐིག་འདོན། །སྐྱེར་ནག་བཤའ་གདན་བཏིང་བ་ལ། །སེལ་བྱ་འཁྲུག་བཅོས་འདུལ་བ་འདོན། །དམུ་དག་ཞགས་པ་བརྒྱང་ཙ་ན། །གཟའ་ཡུམ་དང་ནི་རྡོར་གཅོད་འདོན། །མུ་ས་རལ་བ་བཀྲམ་པ་ན། །སྒྲོལ་མ་འདོན་ཅིང་འདུས་པ་བཀླག །ཁྱུང་བརྒྱང་བྱ་ཆེན་ལྡང་བ་ན། །ཚོགས་མཆོད་བྱ་ཞིང་བཀའ་ཐང་འདོན། །ཚོལ་ཚེ་ལྕགས་རྡོ་ཉིལ་བ་ལ། །སྤྲང་འགྱེད་བྱ་

---

^{[མ་དཔེ་གཟིགས་ན་འདིར་གནོན།]}

ཞིང་བཟང་སྤྱོད་འདོན། །ཙེ་ར་རྣོ་མཚོན་བརྡར་བ་ལ། །ཏིང་རྒྱལ་བཀླག་ཅིང་ལང་གཤེགས་འདོན། །བྱོད་ཕུར་བྱེའུ་ཆུང་འཕུར་བ་ལ། །ཆུང་གླུད་བྱ་ཞིང་གྲ་ལྔ་འདོན། །ལྡི་བུར་རུ་རྩེ་བདར་བ་ལ། །སྣང་བརྒྱད་འདོན་ཅིང་གཟེར་མིག་བཀླག །ཡར་དིང་སྟག་མོ་ངར་བ་ལ། །ཤ་བརྒྱ་ཟན་བརྒྱ་མདོ་སྣ་བྱ། །སྲང་ཟེ་གཡུ་འབྲུག་ལྡིར་བ་ལ། །དྲག་པོ་མདོ་བཞི་གསེར་སྐྱེམས་བྱ། །ཡང་འབྱུང་བའི་ཁམས་ཀྱི་བཅོས་དཔྱད་ལ། །མེ་ཁམས་མེ་ལར་འབར་བ་ན། །སྦྱིན་སྲེག་བྱ་ཞིང་ཆབ་གཏོར་བཏང་། །ས་ཁམས་རི་ལྟར་ཉིལ་བ་ལ། །ཚ་ཚ་དབྱེ་བསལ་རླུང་རྟ་བྱ། །ཆུ་ཁམས་ཆུ་ལྟར་འཁྲུགས་པ་ལ། །ཆུ་གཏོར་བྱ་ཞིང་ཇོ་དར་བཀྱག །ཤིང་ཁམས་སྤྲིན་ལྟར་གཏིབ་པ་ལ། །འབུམ་རྒྱུན་ཚེ་ཐར་འཁོར་འབར་བྱ། །ལྕགས་ཁམས་སྐར་ལྟར་འཁྲུགས་པ་ལ། །དུང་གྲགས་མེ་མཆོད་དྲག་བསྒྲུབ་བྱ། །རླུང་ཁམས་རླུང་ལྟར་འཕྱོ་བ་ལ། །འུར་འདོན་གསས་མཁར་སྒྲོལ་མ་འདོན། །ཡང་ས་རྒུད་པར་དལ་བཞེངས་ཚ་ཚ་གདབ། །ཆུ་རྒུད་པར་ཆུ་སྦྱིན་ཆུ་འཁོར་བཙུགས། །རླུང་རྒུད་པར་རླུང་རྟ་ཇོ་དར་བཀྱག །ཤིང་རྒུད་པར་སྐྱེ་ཤིང་བཙུགས་པ་དང་། །སྤྲིན་ཆེན་མདོ་འདོན་འབྲུ་སྣ་མཆོད། །ལྕགས་རྒུད་པར་མཚོན་ཆ་ལྷ་ལ་ཕུལ། །ལྕགས་རིགས་དག་ལ་རྟེན་གསུམ་བཞེངས། །མེ་རྒུད་པར་སྦྱིན་སྲེག་མང་དུ་བྱ། །༈། །གཞན་ཡང་དམིགས་བསལ་སྒེར་བཅོས་ལ། །ཚེ་ལ་གཟེན་ན་ཚེ་ཐར་དང་། །ཉེའུ་འདོན་སྤྱིན་གཏོང་ལམ་བསལ་བྱ། །ཚེ་མདོ་ཚེ་གཟུངས་ཚེ་སྒྲུབ་བྱ། །ལྷ་ས་ཞན་ན་རང་རང་གི ། གང་བརྟེན་ལྷ་དང་སྲུང་མ་གསོལ། །སྐོང་བཤགས་བྱ་ཞིང་དགྲ་བླ་བརྔན། །གང་གནོད་སྡེ་བརྒྱད་ངོས་བཟུང་ལ། །དེ་དེའི་མདོས་དང་

---

^{[མ་དཔེ་གཟིགས་ན་འདིར་གནོན།]}

གཉེན་པོའི་ལྷ། །ཞི་དྲག་གང་ལ་གང་དགོས་སྦྱར། །བྱད་དང་ཐན་དང་དུར་ངོ་སོགས། །གང་བབ་དེ་དེའི་གཉེན་པོ་བརྟེན། །གཞན་ཡང་གཏོ་ཐིག་རྣོ་དཔྱད་དང་། །མོ་བ་བརྟེན་འབྲེལ་མཁྱུད་སྤྱད་རིགས། །བྱ་སླ་དོན་ཆེ་མང་མཆིས་པ། །འདི་རུ་མ་སྤྲོས་གཞན་ནས་ལོང་། །རལ་བ་ཐམས་ཅད་འབུམ་གྱིས་བསྲུབ། །ཆད་པ་ཐམས་ཅད་རྒྱུན་གྱིས་མཐུད། །བུག་པ་ཐམས་ཅད་གཏོ་ཡིས་བཙད། །འཁྱོགས་པ་ཐམས་ཅད་མདོས་ཀྱིས་བསྲང་། །འཁྱམས་པ་ཐམས་ཅད་བསླུས་ཀྱིས་བཀུག །ཁྲོས་པ་ཐམས་ཅད་བརྔན་གྱིས་བསྙམ། །འཁྲུགས་པ་ཐམས་ཅད་ཟོར་གྱིས་བཟློག །དགེ་བ་ཐམས་ཅད་གཡང་དུ་བླང་། །དབུལ་པོར་ཕྱུག་གི་གསེར་རྩི་གདབ། །རྨང་པོར་འཕན་གྱི་སྐྱེ་ཤིང་བཙུགས། །སྡུག་ལ་སྐྱིད་ཀྱི་གསོས་སྨན་བཏང་། །རྒུད་པར་དཔལ་གྱི་དར་ཆེན་ཕྱར། །ལྷ་ལ་བརྔན་དང་བདུད་ལ་ཡས། །ཚུལ་བཞིན་ཐེབས་པའི་རྣོ་དཔྱད་རིགས། །ཞལ་ཤེས་མན་ངག་དང་བསྟུན་ཏེ། །རིག་པའི་གསང་ནས་སྨྲ་བྱེད་པ། །ཀུན་ཕན་ཉི་མ་སྣང་བྱེད་ཡིན། ༈ ཤེས་བྱ་དག་ལ་མཐའ་མེད་ལྟར། །མཚོན་བྱེད་མོ་ཡང་དེ་འདྲ་བས། །ཐམས་ཅད་བརྗོད་པར་མི་ནུས་ཀྱང་། །གལ་ཆེན་མདོ་ཙམ་གཅིག་ཏུ་བསྡུས། །མོ་ཁོག་འདི་ཡིས་གཞི་བཟུང་ནས། །འདི་རུ་མ་འདུས་དོན་ཆེན་རིགས། །ཟུར་དུ་ལྷན་ཐབས་ཚུལ་དུ་བསྡུས། །རྣོ་ཐིག་མན་ངག་གནད་བྱང་སྤྲོད། །༈། །མོ་འདི་ཡི་ཆེ་བ་སོགས་བཤད་ན། །དཔྱད་དོན་སྒྱུ་མ་གསེར་འབུམ་ལས། །གཡུ་འབྲུག་ནམ་མཁར་གྲགས་པ་ལ། །བུང་བ་མ་བུས་འགྲན་དུ་མེད། །ཁྱུང་ཆེན་གནམ་འཕང་གཅོད་པ་ལ། །ཤིང་ཁའི་བྱིའུས་འགྲན་དུ་མེད། །གངས་ལ་སེང་གེ་འགྱིང་པ་ལ། །རྡོ་ཐོག་བྲ་བས་འགྲན་དུ་མེད། །ཤུགས་ལྡན་རྟ་ཕོ་

---

^{[མ་དཔེ་གཟིགས་ན་འདིར་གནོན།]}

རྒྱུག་པ་ལ། །གྲོང་གསེབ་བོང་བུས་འགྲན་དུ་མེད། །སྟག་མོ་ནགས་ཁུང་འགྲིམ་པ་ལ། །སྡེར་མགྱོགས་ཝ་མོས་འགྲན་དུ་མེད། །མཚོ་ལ་ཉ་ཆེན་རྐྱལ་བ་ལ། །འདམ་གྱི་ལྕོང་མོས་འགྲན་དུ་མེད། །བཅོ་ལྔའི་ཉ་ཆེན་རྒྱས་པ་ལ། །ཏིལ་གྱི་སྒྲོན་མེས་འགྲན་དུ་མེད། །མཁའ་ལ་ཁྲི་གདུགས་ཤར་བ་ལ། །སྲིན་བུ་མེ་ཁྱེར་འགྲན་དུ་མེད། །བརྒྱ་བྱིན་ལྷ་ཡི་ལོངས་སྤྱོད་ལ། །དབུལ་པོ་ནོར་མེད་འགྲན་དུ་མེད། །སྟོན་པས་སྡེ་སྣོད་བོན་བཤད་ལ། །སྒྲིན་བུ་ཚིག་ཆུང་འགྲན་དུ་མེད། །ཐུབ་པས་དམ་ཆོས་སྒོམ་བཤད་ལ། །བླུན་སྒོམ་ཤེས་ཆུང་འགྲན་དུ་མེད། །མཁས་པས་དཔེ་དོན་བཤད་ཙ་ན། །ཡིད་དཔྱད་ལྕེ་སྦྱོར་འགྲན་དུ་མེད། །བདེན་པའི་གཞུང་ཆེན་བཤད་པ་ལ། །རྫུན་མའི་བླ་བཅོལ་འགྲན་དུ་མེད། །མོ་ཡི་རྒྱལ་པོ་ཇུ་ཐིག་ལ། །མོ་ཕྲན་གཞན་གྱིས་འགྲན་དུ་མེད། །བཅུ་ཐིག་མོ་ཡི་ཁོག་དཔྱད་ལ། །དཔྱད་ཕྲན་གཞན་གྱིས་འགྲན་དུ་མེད། །ཞེས་དང་དགོས་པ་བཤད་པ་ནི། །སྒྱུ་མ་གསེར་འབུམ་ལས་གསུངས་པ། །གོང་མ་རྣམས་ཀྱི་ཞལ་ཆེམས་ཡིན། །གཉོན་མ་སང་བུ་དགུའི་སྟང་མ་ཡིན། །རིན་ཆེན་གསེར་གྱི་ནང་ནོར་ཡིན། །དགོས་འདོད་འབྱུང་བའི་ནོར་བུ་ཡིན། །ཁམས་གསུམ་གསལ་བའི་སྒྲོན་མེ་ཡིན། །ལུས་ཅན་འཚོ་བའི་རྫིའུ་ཡིན། །སྲོག་ཅན་བཤུག་པའི་བར་པ་ཡིན། །དགེ་སྡིག་གཉིས་ཀྱི་ཤན་འབྱེད་ཡིན། །ཤི་བདུད་ཟློག་པའི་གཉེན་པོ་ཡིན། །འདུ་བ་ནད་ཀྱི་སྨན་པ་ཡིན། །ཆག་ཚད་གཏོ་ཡི་སྟོན་པ་ཡིན། །འདྲེ་ཡས་སྤྲད་པའི་གཏོ་པ་ཡིན། །དཀོན་པ་ཨུ་དུམ་ཝ་ར་ཡིན། །བསགས་པ་ནོར་གྱི་བང་མཛོད་ཡིན། །ཞེས་དང་ཁོག་བརྡུང་སོགས་ལས་ཀྱང་། །འདི་ཉིད་ཤེས་པའི་མོ་མ་རྣམས། །དངུལ་དཀར་མེ་ལོང་ཕྱིས་པ་འདྲ། །བཟང་ངན་ལེགས་ཉེས་ཐམས་

---

^{[མ་དཔེ་གཟིགས་ན་འདིར་གནོན།]}

ཅད་གསལ། །གང་གིས་གཞུང་འདི་མི་ཤེས་པ། །མུན་པ་ནག་པོའི་གཏིང་རུམ་དུ། །རྫས་འདོད་ལག་པས་ཉུལ་བ་བཞིན། །ཞེས་གསུངས་འདྲ་དཔེ་བཤད་པ་ལ། །དཔྱད་དོན་སྒྱུ་མ་གསེར་འབུམ་ལས། །མུ་མེད་པ་ནམ་མཁའི་མཐའ་དང་འདྲ། །གཏིང་མེད་པ་རྒྱ་མཚོའི་གཏིང་དང་འདྲ། །ཕུག་རིང་ཚད་ཆུ་བོ་གངྒཱ་འདྲ། །མཐའ་རིང་ཚད་དགུ་ཐིག་སྐྱ་མོ་འདྲ། །གྲངས་མེད་པ་གངྒཱའི་བྱེ་མ་འདྲ། །ཀུན་ཁྱབ་པ་ནམ་མཁའི་མཚན་ཉིད་འདྲ། །ཀུན་སྐྱེད་པ་གསེར་གྱི་ས་གཞི་འདྲ། །གཟིགས་པ་ཉི་ཟེར་སྒྲོན་མེ་འདྲ། །མཁྱེན་པ་རིག་པའི་ཡེ་ཤེས་འདྲ། །ཞེས་དང་ཐི་གུའི་འདྲ་དཔེ་ཡང་། །སྙན་རྒྱུད་སོགས་ལས་འདི་ལྟར་གསུངས། །ལར་ཐིག་གུ་དར་གྱི་ཟུར་ཕུད་ཅན། །དཔེ་ནི་ནམ་མཁའི་སྤྲིན་དང་འདྲ། །འཁོར་བ་བར་སྣང་འཇའ་ཚོན་འདྲ། །མདུད་འགྲོས་སྤང་བའི་ལྕོང་མོ་འདྲ། །ཟློ་འདོད་ནེ་ཙོ་སྨྲ་མཁས་འདྲ། །འཕེལ་འགྲིབ་ཆུ་ཡི་གྲུ་དང་འདྲ། །འགྱུར་ལྡོག་བན་དེ་ཅོལ་ཆུང་འདྲ། །ཚིག་མི་རྟག་བུ་མོ་གོ་མ་འདྲ། །ཡན་ལག་ཆུ་བོའི་རྩ་ལག་འདྲ། །ངོས་འཛིན་དབྱར་གྱི་མེ་ཏོག་འདྲ། །མདུད་སྒྲོ་བག་མ་ཚུལ་སྲུང་འདྲ། །བརྒྱག་བཟང་རྒན་མོ་གནས་བདམ་འདྲ། །གཡུང་དྲུང་ཡུལ་གྱི་མི་ཆེན་འདྲ། །བྲག་རིགས་ས་འཁྱག་སྦབ་རྒོད་འདྲ། །སངས་རྣམས་བྱ་རྒོད་གཟན་ཚོལ་འདྲ། །མོ་མ་ལྷ་འདྲེའི་གཟུ་བ་འདྲ། །སྨོད་མི་ལྷ་འདྲེའི་ཕྲིན་པ་འདྲ། །ཞེས་གསུངས་མོ་ཡི་འདེབས་ལུགས་ཀྱང་། །སྙན་རྒྱུད་སོགས་ལས་འདི་སྐད་བཤད། །མོ་རྒྱལ་པོ་ཡིན་པས་གདན་ཞིག་དགོས། །བཙུན་མོ་ཡིན་པས་འཕྱོར་ཞིག་དགོས། །རྒྱལ་ཕྲན་བཞིན་དུ་གྲངས་ཤིག་དགོས། །ཡིག་ཆུང་བཞིན་དུ་དོན་ཤེས་དགོས། །རྣོ་མཚོན་འདྲ་བར་བརྡར་ཅིག་དགོས། །སྒྲོན་མེ་ཡིན་པས་གསལ་

---

^{[མ་དཔེ་གཟིགས་ན་འདིར་གནོན།]}

ཞིག་དགོས། །དྲི་ཟ་བཞིན་དུ་གསུར་ཞིག་དགོས། །སྨས་མ་བཞིན་དུ་ཁྲུས་ཞིག་དགོས། །རྒྱལ་བུ་ཡིན་པས་རྒྱན་ཅིག་དགོས། །རྒན་རྒོན་འདྲ་བས་གོས་ཞིག་དགོས། །མོ་བཙུན་ཡིན་པས་གླུ་ཞིག་དགོས། །སྲིད་པ་ཡིན་པས་སྨྲེང་ཅིག་དགོས། །འཕྲུལ་ཆ་ཡིན་པས་གཡུ་གཅིག་དགོས། །ཞེས་དང་ཁྱད་པའི་ཚུལ་དག་ཀྱང་། །བྲམ་ཟེ་ཀླུ་ཡི་བེར་ནག་ལས། །ལར་མོ་ཁོག་ནམ་མཁའ་ལྟ་བུར་ལ། །གཟེ་མོ་ལྷོ་སྤྲིན་འདྲ་བས་བསྡམ། །དེ་རིག་པ་རླུང་ཤུགས་སྐྱ་མོས་གཏོར། །ཞེས་དང་སྒྱུ་མ་གསེར་འབུམ་ལས། །བརྟག་པའི་མན་ངག་ཟེར་ཙ་ན། །མོ་བ་སྤུ་རྟ་སྤུ་འདྲེས་པ་དེ། །འོ་མ་ཁྲག་དང་འདྲེས་པ་འདྲ། །དཔུང་ཆེ་ཆུང་མོ་ཡི་ལན་དང་བསྟུན། །སྲུང་གི་ལྷ་ལྔ་བརྟག་པ་དེ། །སོ་པ་རི་ལ་བུད་པ་འདྲ། །བཟང་ངན་མོ་ཡི་ལན་ལ་དཔྱོད། །དཔྱད་པའི་མན་ངག་ཟེར་ཙ་ན། །མོ་མདུད་སུམ་བརྒྱ་དྲུག་ཅུ་ལ། །དྭངས་མ་བརྒྱ་དང་ཉི་ཤུ་དེ། །ལྷ་ཁམས་སྲིད་པའི་བླ་གནས་ཡིན། །མཛངས་ཕ་བརྒྱ་དང་ཉི་ཤུ་དེ། །མི་ཁམས་སྲིད་པའི་བླ་གནས་ཡིན། །སྙིགས་མ་བརྒྱ་དང་ཉི་ཤུ་དེ། །འདྲེ་ཁམས་སྲིད་པའི་བླ་མདུད་ཡིན། །དེ་ཚན་ཀམ་ནོར་སོ་སོར་དཔྱོད། །ཤེས་པའི་མན་ངག་ཟེར་ཙ་ན། །མདུད་པ་སུམ་བརྒྱ་དྲུག་ཅུ་ལ། །མོ་མིང་སུམ་བརྒྱ་དྲུག་ཅུ་ཡོད། །བརྒྱག་ཁ་བདུན་བརྒྱ་ཉི་ཤུ་ཡོད། །བྲག་ལ་ཁྲི་དང་སད་ལ་འབུམ། །ཁ་ནས་ཤོད་ལ་ཡིད་ལ་ཞོག །སྨྲ་བའི་མན་ངག་ཟེར་ཙམ་ན། །བཟང་ངན་འབྲིང་གི་ཤན་འབྱེད་ནི། །སོ་སོར་བབས་ན་ཏལ་གྱིས་སྨྲོས། །ཐེ་ཚོམ་མི་དགོས་སྨྲོས་པས་ཆོག །དོན་མི་གསལ་ན་གཏིང་མ་གཅོད། །མ་བབ་པ་ལ་སྨྲ་རྒྱུ་མེད། །དོན་གྱི་མན་ངག་ཟེར་ཙ་ན། །ཕ་མྱེས་བཟང་པོའི་ཚིག་རྒན་དང་། །སློབ་དཔོན་མཁས་པའི་མན་ངག་དང་། །གཞུང་ཆེན་བསླབས་པའི་ལྡེ་མིག་གསུམ། །ཁ་ལ་མ་སྨྲ་སེམས་ལ་ཞོག །དོན་མེད་མི་ལ་ཁ་མ་འབྱམས། །བཤད་པའི་མན་ངག་ཟེར་ཙ་ན། །བཀྲོལ་རྒྱུ་མེད་

---

^{[མ་དཔེ་གཟིགས་ན་འདིར་གནོན།]}

པའི་ཐེ་ཚོམ་དེ། །མང་པོ་ཟུང་ལ་ངེ་རེས་ཁྲོལ། །བཀྲོལ་རྒྱུ་མེད་པ་ཐབས་ཀྱིས་ཞོག །གསང་ཚིག་མ་བྱེད་ཉམས་དང་བསྟུན། །རྩོད་པ་འོང་བའི་ཉེས་སྐྱོན་ཡོད། །བཟུང་བའི་མན་ངག་ཟེར་ཙ་ན། །གཞུང་ཆེན་ཁ་ནས་ཤོད་ཀྱིས་ལ། །འགག་ཆེན་ཡིད་ལ་བཟུང་བར་གྱིས། །དྲི་མི་བྱུང་ན་ཐབས་ཀྱིས་སྨྲོས། །གདམས་ངག་འཆོར་བའི་ཉེས་སྐྱོན་ཡོད། །སྦས་པའི་མན་ངག་ཟེར་ཙ་ན། །ངན་གསུམ་བསྒྱུར་བའི་གཏོ་ཐིག་དེ། །ཁ་ལ་མ་སྨྲ་སེམས་ལ་འཆོང་། །ཁ་གསེར་བྱིན་ན་སྙིང་ནས་སྟོན། །གྲིབ་ཆེན་ཕོག་པའི་ཉེས་སྐྱོན་ཡོད། །ཞེས་གསུངས་གདམས་པ་སྦ་ཚུལ་ཀྱང་། །མ་སང་འཁོར་ལོ་མདོ་སོགས་ལས། །གང་ལ་མི་བསྟན་གསང་བ་ནི། །སློབ་དཔོན་གསང་ནས་རང་ཆེ་འདོན། །རྫུན་མ་ཁ་འཇམ་བྲིད་ཐབས་མཁན། །གཡོ་སྒྱུ་གཞོག་ངོམ་དཔེ་རྐུན་ལ། །བསྟན་པར་མི་བྱ་སྤ་བར་བྱ། །ཞེས་དང་གབ་ཡིག་སོགས་ལས་ཀྱང་། །སྟོང་གསུམ་གསེར་གྱིས་བཀང་ན་ཡང་། །མན་ངག་སྣ་རེའི་རིན་ཐང་མེད། །གསེར་ནི་རྡོ་ཡི་རང་བཞིན་ཏེ། །གདམས་པ་ནོར་བུ་ལག་བཅང་ཡིན། །ནོར་བུ་རང་གི་མཛོད་ཕུག་སྦ། །སྲང་མདོར་འགྲིམ་ན་དེ་བས་ཆུང་། །ཞེས་དང་སྤྱོད་པའི་རིམ་པ་ཡང་། །ཁྲི་གདུགས་འཁོར་ལོ་ལས་གསུངས་པ། །སྤྱིར་ནི་རྒྱུ་འབྲས་བོན་རྣམས་ལ། །སེམས་བསྐྱེད་གཞི་མ་མེད་པས་ན། །གང་ཡང་རྒྱུ་ཡིས་འབྲས་མི་ཚོལ། །དོན་དམ་རྙེད་པར་ག་ལ་འགྱུར། །ཞེས་དང་། ཐོག་མར་འཇུག་པའི་རིམ་པ་ལ། །སེམས་བསྐྱེད་སྙིང་རྗེའི་གཞི་བཟུང་ལ། །འགྲོ་ལ་ཕན་པའི་སེམས་ལྡན་ཞིང་། །མོ་རྩིས་གཏོ་དཔྱད་གང་བསླབ་ཀྱང་། །མཁས་པར་བྱས་ལ་ཤེས་པར་བསླབ། །ཞེས་དང་། ཕྱྭ་གཤེན་སྲུང་བའི་དམ་ཚིག་

---

^{[མ་དཔེ་གཟིགས་ན་འདིར་གནོན།]}

དགུ། །མི་དབང་ཡས་དང་ཐོད་མི་བཀྱེ། །མ་མཐོང་ལྷ་དང་འདྲེ་མི་བཟུང་། །སེམས་ཅན་སྲོག་ལ་གཟན་མི་བསྐུར། །ཕུ་ཝེར་གཤེན་གྱི་ལྷ་མི་སྤང་། །ལྟ་བས་དམིགས་པའི་རྟེན་མི་བཅའ། །སྤྱོད་པས་གཞན་གྱི་ཡས་མི་བསྐྱེལ། །མི་འགྲོ་ཡས་དང་གླུད་མི་བསྟན། །ཚོད་ཡོད་སྨན་དང་ཟས་མི་སྦྱར། །ཐེ་ཚོམ་མེ་དང་གཏར་མི་བྱ། །ཞེས་དང་། གཡུང་དྲུང་བོན་ལ་རྒྱ་ཆེན་གྲངས་མང་ཡང་། །མདོ་རུ་བསྡུས་ན་ཐེག་པ་རིམ་དགུར་འདུས། །ལྟ་བ་ཡས་འབུབ་སྤྱོད་པ་མས་ཡར་འཛེགས། །མཐར་ནི་དོན་དམ་ཐིག་ལེ་གཅིག་ལ་བསྡུ། །ཀུན་གཞི་བྱང་ཆུབ་སེམས་ཀྱི་ཀློང་དུ་ངེས། །འོན་ཀྱང་སེམས་ཅན་འདུལ་བའི་ཐབས་བསྟན་པ། །དང་པོ་ཕྱྭ་གཤེན་ཐེག་པའི་སྒོ་རུ་འཇུག །འགྲོ་ལ་ཕན་བྱེད་སྣང་སྲིད་དགའ་བ་བསྐྱེད། །བདག་ཀྱང་བོན་སྒོ་རིམ་པར་འཆད་ཚུལ་ལ། །མི་ལོ་བརྒྱ་ལོན་གཤེན་ལོ་གཅིག་ལོན་ནས། །ཐེག་པ་ཆེན་པོ་ཕྱྭ་གཤེན་འཆད་པར་བྱེད། །སྐྱོན་ཡོན་བྲ་ལྟས་ལེགས་ཉེས་དྲང་ཤན་འབྱེད། །བདེན་རྫུན་ཡོ་དྲང་ཆག་དང་ཚད་ལ་གཞལ། །ནད་གསོ་འཆི་སློང་ཚེ་གཡང་དཔལ་གསུམ་སྐྱེད། །འགྲོ་ལ་ཕན་བདེ་རིམ་པར་ཤུགས་ཀྱིས་འབྱུང་། །དར་ཙམ་བདེ་ཡང་ཡོན་ཏན་བསམ་ལས་འདས། །སེམས་ཅན་དགའ་བ་བོན་གྱི་རབ་མ་ཡིན། །དེ་ཕྱིར་གང་ལ་གང་དགའི་ཕན་ཐོགས་བྱ། །ལུས་སྲོག་ཡིན་ཀྱང་དེ་ཡི་ཕྱོགས་ལ་གཏོང་། །རང་དོན་མེད་ན་འགྲོ་དོན་དེ་ཡིན་མོད། །སེམས་བསྐྱེད་རྩ་བ་ཆ་གཅིག་དེ་ལ་ཐུག །ཕྱྭ་གཤེན་ལེགས་རྒྱལ་གཙུག་ཕུད་ཐུགས་ཀྱི་དཀྱིལ་དུ་ཞོག །ཅེས་དང་དེ་ཡི་འབྲས་བུ་ཡང་། །འབྱུང་བ་ལྔ་ཡི་ཁོག་རྡུང་ལས། །རྒྱལ་བའི་བཀའ་དང་འཕགས་པའི་ལུང་། །བདེན་པ་ཚད་དུ་བརྗོད་པ་ན། །བདག་གཞན་

---

^{[མ་དཔེ་གཟིགས་ན་འདིར་གནོན།]}

དོན་གཉིས་གྲུབ་པར་འགྱུར། །ཞེས་གསུངས་བཞིན་དུ་ཤེས་པར་བྱ། འདིར་སྨྲས་པ། འགྲོ་ལ་ཕན་པའི་ཐབས་ནི་སྣ་ཚོགས་ཞིག །དྲང་སྲོང་ཆེན་པོའི་དུ་མའི་འཕྲུལ་གྱིས་སྟོན། །བློ་ལྡན་སྙིང་རྗེ་ཅན་རྣམས་དེ་བསླབ་ནས། །རྣམ་མང་འགྲོ་བའི་ཕན་བདེ་སྒྲུབ་པར་བྱེད། །ལེགས་བྱས་མཐུ་ཡིས་ལྷ་ལ་ལྷ་མིག་བཞིན། །ལེགས་སྤེལ་ཉེས་ཚོགས་བསུབ་པའི་སྣང་བྱེད་དུ། །རྣོ་མཐོང་འཕྲུལ་གྱི་སྒོ་མོ་རིན་ཆེན་འདི། །བསོད་ནམས་ཅན་ལ་གྲོས་ཀྱི་གཉེན་བཞིན་གནས། །འདི་ན་འཕྲུལ་གྱི་མདུད་པའི་གཞུང་བཟང་པོ། །མངོན་ཤེས་ལྡན་པའི་ལུང་གིས་བསྟན་མོད་ཀྱི། །མ་རྟོགས་ལོག་རྟོག་རང་བཟོའི་ཉེས་པ་ཡིས། །ཚོང་དུས་འོ་མ་བཞིན་དུ་རྣམ་པར་བསླད། །མདུད་པའི་ཚུལ་དང་དཔྱད་ཀྱི་གནས་རྣམས་ལ། །དཔེར་ན་རྒྱུན་འབྱམས་ནོར་བ་རབ་ཏུ་མང་། །ཐོར་བུའི་ཡིག་ཚོགས་ཤིན་ཏུ་རྒྱ་ཆེ་བས། །ཕྱོགས་གཅིག་མི་རྙེད་རྙེད་ཀྱང་བལྟ་བར་དཀའ། །དེ་ཕྱིར་ནོར་འཁྲུལ་བསལ་ནས་ཕྱོགས་གཅིག་ཏུ། །བསྡེབས་པ་གང་འདི་རྣོ་མཐོང་མཁན་པོ་ཡི། །དཔྲལ་བར་གསར་དུ་བཀོད་པའི་མིག་བཟང་དང་། །བླང་དོར་སྣང་བ་གསལ་བའི་སྒྲོན་མེ་ཡིན། །དེ་ལྡན་མོ་མ་མཆོག་དམན་མཐའ་དག་གི ། ལེགས་ལམ་ནོར་གླིང་བགྲོད་པའི་དེད་དཔོན་དང་། །འཇིགས་པའི་རྦ་ཀློང་ཟློག་པའི་འཁྲུལ་འཁོར་མཁན། །སྡུག་བསྔལ་རླུང་གནོན་རིག་སྔགས་མཁན་དུ་འགྱུར། །མྱ་ངན་གཉེར་མས་གདོང་ལ་སྨ་ཕབ་པ། །ཆུ་རྙོགས་དྭངས་བ་བཞིན་ཏུ་བཤིག་བྱས་ནས། །དགའ་བའི་བཞིན་རས་ཉ་རྒྱས་ཟླ་བའི་གཟུགས། །འཛུམ་པའི་འོད་དཀར་འགྱེད་པར་འདི་ཡིས་ནུས། །སྲོག་གི་ལྗོན་པར་གཟས་པའི་བདུད་ཀྱི་གྲི། །བླ་ཡི་ནོར་བུ་རྐུ་བ་འདྲེའི་

---

^{[མ་དཔེ་གཟིགས་ན་འདིར་གནོན།]}

ལྕགས་ཀྱུ། །མི་མངོན་བཞིན་དུ་བརྐྱང་བ་དེ་དག་ཀྱང་། །མི་ལ་སྦྲོན་པར་བྱེད་པར་འདི་ཡིས་ནུས། །འཆི་སློང་ནད་གསོ་བྱེད་པའི་བདུད་རྩི་དང་། །དབུལ་ཕྱུག་རྨང་པོ་འཕེལ་བའི་ནོར་བུ་དང་། །ཁས་ཞན་བཙན་པོར་བྱེད་པའི་ལས་ཐམ་གསུམ། །འདི་ལ་བརྟེན་ན་དཀའ་བ་མེད་པར་རྙེད། །རྒྱུས་མེད་ལམ་དུ་ནོར་མང་མགྲོན་པོ་བཞིན། །སྲིད་པར་སྲེད་པས་རྒྱུ་བ་དོན་མཐུན་ཚོགས། །ཕྱི་ནང་ཉེར་འཚེའི་དགྲ་ཡི་ལམ་སྒུག་ལས། །བྱོལ་བའི་བྱ་གཏོང་འཕྲུལ་གྱི་ཇུ་ཐིག་ཡིན། །དུས་དང་ཕྱོགས་སུ་གང་ཞིག་དོན་གཉེར་ན། །མི་མཐོང་མི་ལ་ས་འོག་གཏེར་བཞིན་དུ། །ལེགས་ལམ་སྣང་བའི་སྒོ་དེ་འདི་ཡིན་ཞེས། །གསལ་པོར་སྨྲ་བ་འཕྲུལ་གྱི་བཅུ་ཐིག་ལགས། །འདི་ནི་ཀུན་སྙོམས་ཀུན་ཕན་ཀུན་ལ་མཁོ། །དེ་ཕྱིར་གཤེན་རབ་སྟོན་པ་ཐུགས་རྗེ་ཅན། །ནམ་མཁའ་ལྟ་བུའི་ཐུགས་དང་ལྡན་ན་ཡང་། །དམན་ལ་བརྩེ་བས་བཀྲིད་དྲང་ལམ་འདི་བསྟན། །རྟེན་འབྲེལ་མི་བསླུར་ཡིད་ཆེས་ལྟ་བ་ཡིན། །དད་བརྩེས་རྩེ་གཅིག་འཇུག་པ་སྒོམ་པ་ཉིད། །ཕྱོགས་མེད་བླང་དོར་སྟོན་པ་སྤྱོད་པ་སྟེ། །རང་ཕན་གཞན་ཕན་མོ་ཡི་འབྲས་བུ་ལགས། །དོན་ཆུང་མོ་ལ་མཁས་པས་ཅི་བྱ་ཞེས། །ཤེས་མེད་ཁ་གཡམ་སྨྲ་བས་སྟོང་སྐད་སྒྲོགས། །འགག་ལ་ཐུག་ཚེ་བླུན་པོའི་སྤྱི་བརྟོལ་གྱི། །རྫུན་ལུང་གསེར་གྱིས་ཉོ་བ་མཁས་པ་མིན། །མངོན་ཤེས་ལྡན་པའི་དྲང་སྲོང་གིས་བསྟན་པའི། །རྣོ་མཐོང་འཕྲུལ་གྱི་མོ་བྲའི་བདེན་ཚིག་ལ། །ཕན་བདེ་འབུམ་ཕྲག་སྒྲུབ་པའི་ལུང་ཡིན་ཞེས། །ཡིད་ཆེས་ལྡན་པ་བློ་ལྡན་མཁས་པའི་ཚུལ། །ཚུལ་བཞིན་སྦྱངས་པ་ལྟ་ཅི་ཅུང་ཟད་ཙམ། །ཤེས་ཤིང་གོམས་པ་འཕྲུལ་མདུད་མཁན་རྣམས་ཀྱང་། །བླང་དོར་གནས་ལ་མོ་མ་གཞན་ཀུན་ལས། །འཕགས་པར་མངོན་སུམ་

---

^{[མ་དཔེ་གཟིགས་ན་འདིར་གནོན།]}

མཐོང་ལ་སུ་ཡིས་བསྙོན། །དེ་ཕྱིར་རྒྱ་ཆེ་རབ་ཟབ་ཕྱྭ་གཤེན་ལུང་། །སྣ་ཚོགས་ཐོར་བུར་གནས་པ་གྲངས་མང་བས། །ཕྱོགས་གཅིག་བསྡུ་བ་དཀའ་ཚེགས་ཆེ་མོད་ཀྱི། །སེམས་ཁྲལ་བསྐྱུངས་ཏེ་འབད་པས་བྲིས་པ་ཡིན། །ནོར་འཁྲུལ་བསལ་ཕྱིར་གཞན་ལ་བརྩེ་བའི་ཕྱིར། །བླང་དོར་མཐོང་ཕྱིར་གཤེན་ལ་དད་པའི་ཕྱིར། །ཝེར་མ་དགྱེས་ཕྱིར་འཇིག་རྟེན་བདེ་བའི་ཕྱིར། །འབད་པ་དེ་ཡང་དོན་མེད་འགྱུར་མ་ལགས། །འཇམ་དབྱངས་བླ་མའི་དྲིན་ལས་ཤེས་བྱའི་ཚུལ། །གང་ལ་བལྟས་པ་དེ་ཡང་མདུན་དུ་དངར། །ལྷག་བསམ་འོད་དང་འགྲོགས་པའི་བློ་གྲོས་ཀྱི། །ཟླ་བ་འདི་དག་གང་དུ་འགྲོ་ཡང་མཛེས། །ཀྱེ་ཧོ་རྣམ་དཔྱོད་བཟང་པོའི་མིག་ཡངས་མ། །དགྲ་བླ་ཝེར་མ་དགྱེས་པའི་བརྫུས་གཟུགས་ཀྱི། །འཕྲུལ་ཆེན་མདུད་པ་འདི་ན་བླང་དོར་བརྒྱ། །མ་འདྲེས་གསལ་པོར་འཆར་ལ་གཟིགས་མོ་མཛོད། །གཤེན་ལུགས་རྒྱ་མཚོའི་ངོགས་སུ་ཞུགས་པ་ང་། །སྣ་ཚོགས་ལྟད་མོར་ནམ་མཁའི་གཏོས་སུ་རྩེ། །སྒྱུ་མའི་རྩེད་འཇོ་མུ་མཐའ་མེད་པ་ཡིས། །འགྲོ་ཀུན་སྐྱོང་བའི་སྨོན་ལམ་ཡུན་རིང་བྱས། །ཡབ་གཅིག་ཉི་མ་འཆར་བའི་སྣང་བ་ཅན། །བདག་བློའི་ཨུཏྤལ་གཞོན་ནུ་སྐྱོངས་ཤིག་དང་། །མཁའ་མཉམ་སྲིད་པའི་མཐའ་དང་ཤེས་བྱའི་མུ། །དུས་ཀྱི་ཡུན་ལ་སྐྱོ་བར་ང་མི་སེམས། །བློ་སྣང་སྐྱ་རེངས་དང་པོས་འཁྲུལ་པའི་མཚན། །རིང་བྱས་དཔྱད་ཀྱི་སྒོ་མོ་བཏོད་བྱས་ནའང་། །དཔེ་ངན་ཁུངས་རྒྱུན་ལ་ཆགས་ནོར་བའི་ཆ། །ཕྲ་མོ་མཆིས་གང་རྗེས་སུ་འཆོས་པར་བརྩོན། །བདག་གིས་མཐོང་བའི་ཡིག་ཚོགས་རྣམས་ཀྱི་ནི། །སྙིང་པོ་འདི་ཡིན་འདི་ཚུལ་རྒྱ་ཆེ་བས། །ཁུངས་ལྡན་དཔེ་ལས་འདིར་མ་འདུས་པའི་དོན། །མཐོང་བ་དེ་དག་མཁས་པས་འདིར་བསྡུ་མཛོད། །

---

^{[མ་དཔེ་གཟིགས་ན་འདིར་གནོན།]}

ཕྱ་གཤེན་ཐེག་པའི་ཕྱོགས་གཅིག་པྲ་ལྟས་མོ། །དེ་ཡི་དང་པོ་ཡེ་སྲིད་ཇུ་ཐིག་ལུགས། །ཕྱོགས་ཙམ་རྣམ་དཀར་བསམ་པས་བཏུས་པ་ལས། །ལེགས་བྱས་སྣང་བས་འགྲོ་འདི་གསལ་གྱུར་ཅིག །མི་མཐུན་གནོད་པའི་ཕྱོགས་ལས་རིང་དུ་བསྣོལ། །ཕུན་ཚོགས་ལེགས་དགུའི་རྟེན་འབྲེལ་ངང་གིས་འགྲིག །དགྲ་བླ་ཝེར་མ་དགྱེས་པའི་བརྡ་རྟགས་ཀྱིས། །སྙན་གྲགས་བཟང་དགུའི་རྒྱལ་ཁ་བསྟོད་གྱུར་ཅིག །གཞུང་འདི་འཛིན་པའི་ཡིད་ལ་ཕུ་ཝེར་སོགས། །དགྲ་བླ་ཝེར་མ་དགྱེས་པའི་མཐུ་ཞུགས་ནས། །བླང་དོར་སྒྲིབ་མེད་གསལ་བའི་ཕྲིན་ལས་ཀྱིས། །དཀར་ཕྱོགས་གླིང་གི་རྒྱལ་མཚན་བསྒྲེང་གྱུར་ཅིག །འཇིག་རྟེན་ཁམས་སུ་རྒུད་པའི་ཚོགས་ཀུན་གཞི། །སྡེ་བཞིའི་དཔལ་འབྱོར་དབྱར་གྱི་ཆུ་ལྟར་འཕེལ། །གནས་སྐབས་རེ་བ་ཡིད་བཞིན་གྲུབ་ནས་ཀྱང་། །མཐར་ཐུག་གཡུང་དྲུང་ཆོས་སྐུའི་གནས་ཐོབ་ཤོག །བདག་ཀྱང་སྐྱེ་ཀུན་མངོན་ཤེས་མཐུ་ལྡན་ཞིང་། །བརྩེ་བའི་བསམ་པས་གཞན་ལ་བླང་དོར་སྟོན། །སྣ་ཚོགས་སྤྱོད་པས་འགྲོ་ཀུན་ཕན་བདེར་སྦྱོར། །ཕྱོགས་དུས་མུ་མཐའ་སྲིད་དུ་གནས་གྱུར་ཅིག །བོན་གཡུང་དྲུང་གི་ར་བ་མཐའ་ནས་བརྟེན། །བན་བདུད་རྩིའི་ཉིང་ཁུ་བཅུད་དུ་འཁྱིལ། །ཆོས་དཔལ་འབྱོར་བདེ་སྐྱིད་བཀྲ་ཤིས་ཀྱིས། །ཕྱོགས་འཇིག་རྟེན་ཁམས་ཀུན་ཁྱབ་གྱུར་ཅིག །ཅེས་པ་འདི་ནི་མོ་དཔྱད་ཀུན་ལས་མཆོག་ཏུ་གྱུར་པ་བཅུ་ཐིག་གི་སྲོལ་ཙམ་གནའ་པོའི་དུས་ནས་ཕྱོགས་ཀུན་ཏུ་དར་ནའང་། ཡིག་ཆ་མང་ཞིང་འཐོར་བུར་གནས་པས་མོ་མའི་རིགས་ལ་ཕན་དཀའ་བར་མཐོང་ནས་གཅིག་ཏུ་བསྡུ་བའི་འདུན་པ་སྔ་ནས་ཡོད་པ་ལས། དུས་ཕྱིས་མཁས་པ་མཉྫུ་གྷོ་ཥ་གུ་ཎས་ཡིག་ཚོགས་བསྡུ་བ་སོགས་བརྩོན་པ་བསྐྱེད་དེ་བསྐུལ་མ་

---

^{[མ་དཔེ་གཟིགས་ན་འདིར་གནོན།]}

མཛད་པའི་རྐྱེན་བྱས་ནས། དཔྱད་དོན་སྒྱུ་མ་གསེར་འབུམ། གཏེར་མོ་རིག་པའི་ཁོག་པ་སྡོང་། བྲམ་ཟེ་གོང་རུམ། བྲམ་ཟེ་ཀླུ་ཡི་བེར་ནག །མ་སང་འཁོར་ལོ་མདོ་ཆེན། འཁྲུག་པའི་སྟོང་ཐུན་དམར་མོ། །ནད་མོ་རིག་པའི་མདོ་བདུན། །ཏི་ཚང་གཡུ་སྒྲོན་གྱི་མན་ངག །ཇུ་ཐིག་སྲིད་པའི་རྒྱུད་འབུམ། ཁོག་ཆེན་འཕྲུལ་གྱི་རྒྱལ་པོ། གླིང་བཞི་ཉི་མ་འཁོར་རྩིས། སྙན་རྒྱུད་ཉི་མའི་འོད་ཟེར། སྙན་རྒྱུད་དང་ལྡེ་མིག་སྐོར། མ་སང་ཐི་གུ་རང་སྨྲ། མོ་སྡེ་སྲིད་པའི་གཞི་འབུམ། མགྲོན་མོ་གསང་བ་སྡེ་གཅིག །མོ་མཚོ་སྲིད་པའི་བླ་གནས། དགྲ་ཕྱྭ་གསང་བ་ཡང་ཁུག །ས་མོ་གསེར་གྱི་ཡང་སྙིང་དང་། གཞན་ཡང་བདར་གྱི་རིགས་ཡིག་རྙིང་དུ་མ་བཅས་དང་། མདུད་རྫོང་ཀུན་གསལ་མེ་ལོང་ཞེས་པ་མདུད་རྫོང་ཉེར་ལྔའི་ཉིང་ཁུ་དང་། གྱང་ལ་དབུ་དཀར་མཁས་པས་བཀོད་པའི་མདུད་རྫོང་ཁྲ་མོ་གཞུང་ཁྲལ་ཞེས་པ་དང་། རྐྱང་དཔྱད་གསལ་བའི་མེ་ལོང་མཇུག་དོན་དར་བཅས་པ། མདུད་རྫོང་ཁྲ་མོ་གཞུང་འགྲེལ་ལས་གཏོ་དཔྱད་དཀར་ནག་ཁྲ་གསུམ་བསྟན་པ་ལ་སོགས་པ་མདུད་རྫོང་དང་། དཔྱད་ཀྱི་སྡེ་ཚན་སྣ་ཚོགས་བཀོད་པའི་ཡིག་སྣ་ཤིན་ཏུ་མང་བ་དང་། ཡང་ཡིག་རྙིང་དུ་མའི་དོན་བསྡུས་ནས་འབར་གཅུང་བཀྲ་ཤིས་རྒྱ་མཚོས་མཛད་པའི་མདུད་རྫོང་རྡོ་རྗེ་གསང་བའི་ཐ་རམ་དང་། ཁོག་དབུབ་ཁྱུང་ཆེན་ལྡིང་བ། ཞང་ཞོང་གི་མོ་ཡིག་པོད་བཅུ་བདུན་ཙམ་གཟིགས་ཤིང་བཏུས་པ་རྒྱུད་ཆེན་དགོངས་པ་རབ་གསལ་ཞེས་བྱ་བའི་མོ་ཡིག་ཇོ་བོ་མཁན་བློ་བཟང་མདོ་རྒྱུད་ཀྱིས་སྦྱར་བ་སོགས། མདོར་ན་བཅུ་ཐིག་གི་ཡིག་ཆ་པོད་ཆེ་བ་བཅུ་གཅིག་གི་གྲང་ལག་ཏུ་སོན་པ་རྣམས་ལ་བརྟེན་ནས། དེ་དག་གི་དོན་གྱི་སྙིང་པོ་རྣམས་ཕྱོགས་གཅིག་ཏུ་ལེགས་པར་བསྡུས་ཏེ་

---

^{[མ་དཔེ་གཟིགས་ན་འདིར་གནོན།]}

སྦྱར་བ་པོ་ནི་མི་ཕམ་འཇམ་དབྱངས་རྣམ་རྒྱལ་ཞེས་བྱ་བ་མདོ་མེད་རྣམ་གཡེང་མཁན་དེས་བཀྲ་ཤིས་ལྷ་རྩེའི་གནས་སུ་རབ་ཚེས་ས་སྐྱོང་ཤིང་བྱ་ལོའི་སྟོན་ཕྱོགས་སུ་ཅི་རིགས་རེ་བྲིས་ཤིང་། ལོ་དེའི་སྨིན་དྲུག་ཟླ་བའི་ཉ་ལ་རྫོགས་པར་གྲུབ་པར་བགྱིས་པ་འདིས་འགྲོ་བ་ཀུན་ལ་བླང་དོར་གྱི་སྣང་བ་མཆོག་ཏུ་གསལ་བར་གྱུར་ཅིག །།འདིར་དེ་སྔ་མ་རྙེད་པའི་ཡིག་ཆ། སྨོན་ཆེན་གཡུ་ཁ་དྲུག་འདུས། ནག་རིགས་སྲིད་པའི་རྒྱུད་འབུམ། ནད་མོ་གསལ་བའི་མེ་ལོང་། བཟང་དབུ་སྦས་པའི་ལྡེའུ་མིག །རྩོད་པ་གནམ་ལྕགས་འཁོར་ལོ། །ཡོད་མཚོ་དམར་ནག །རྒྱལ་པོ་སྤྲེལ་དཀར། ཇག་མོ་ཙི་ཙི་དགུ་སྐོར། རྔོན་མོ་ཁྱི་ཤ་ལྟག་སྐོར་སོགས་སྤྱིར་མོ་འདིར་ཡིག་སྣ་མཐའ་མེད་པ་ཡོད་པར་འདུག་པས་དེ་རིགས་རྙེད་ན། གནད་ཆེན་རྣམས་འདིའི་ཁ་སྐོང་དུ་བསྡུ་བར་འོས་ལ། དེ་ཡང་ཡིག་ཆ་སྔ་མ་བསྡུས་པ་ཁ་ཅིག་ཏུ་སད་སྐྱམ་ལྡི་བུར་གྱི་རིགས་ཉེར་ལྔ་སོགས་སོ་སོའི་སྡེ་ཚན་མཐའ་ཆོད་པར་མ་འབྱེད་པས། ནོར་བ་དང་མ་ཚང་བའི་སྐྱོན་བསལ་ནས་སྐྱ་ཞིབ་རྣམས་འཁྲུལ་མེད་ཁུངས་ལྡན་གྱི་དཔེ་བཞིན་གསལ་བར་བཤད་པ་ཡིན་ལ། བྲག་དང་སངས་ཀྱི་རིགས་ནི་དཔེ་རྣམས་ནའང་ཚང་བར་མི་འདུག་ཅིང་། འགའ་ཞིག་ཡོད་རིགས་རྣམས་ཀྱང་མདུད་རྫོང་དག་པོ་མི་སྣང་ཡང་། སྤྱིར་སྡེ་ཚན་གྱི་འགྲོ་ལུགས་དང་། འདུད་པ་བྱ་ཚུལ་གྱི་ཁོག་བཀྲོལ་མོད་ཀྱི། མ་དག་པ་ཅི་རིགས་ཡོད་པ་སླར་དཔེ་ཡིད་ཆེས་ཅན་རྙེད་ན་བྲག་དང་སངས་ཀྱི་མདུད་རྫོངས་ལོགས་སུ་འབྲི་དགོས་ཤིང་། དཔྱད་རྣམས་ཀྱང་ཇི་ལྟར་རྙེད་པ་བསྡུས་པ་ལས་ཐམས་ཅད་ཚང་བ་རྙེད་དཀའ་ཞིང་། སླར་དོན་ཆེན་རིགས་རྙེད་ན་ལྷན་ཐབས་ཀྱི་ཚུལ་དུ་བྲིས་ན་ལེགས་པར་མངོན་ནོ། །ལན་དཔྱད་སོགས་འདྲ་མིན་སྣ་ཚོགས་འདུག་ཀྱང་། ཁུངས་ལྡན་གྱི་ཕྱོགས་གཅིག་ལས་ཐམས་ཅད་བྲིས་པ་ཡིག་ཚོགས་མང་བས་འཇིགས་ནས་བཞག་ལ།

---

^{[མ་དཔེ་གཟིགས་ན་འདིར་གནོན།]}

བརྡའ་ཆད་ཀྱི་རིགས་ནི། བསྐལ་སྲིད་ཆགས་དགུ་འཇིག་བཅུ་ཐིག་པ་ལ་བཅུ་ཐིག་ཅེས་གཞུང་དུ་བཤད་པ་ལྟ་བུ་ལ། ཟུར་ཆག་སྟེ་ཇུ་ཐིག་སོགས་སུ་འབོད་པ་ལྟ་བུ་དང་། ཡང་བྱོད་ཕུར་ལ། སྤྱོད་ཕུར་བྱོན་འཕུར་སོགས་ཀྱི་ངེས་ཚིག་གི་བཤད་པ་དང་། སྐྱམ་མམ་ལྕམ་དང་། སྲང་ཟེ་ལྷང་ཟེ་ཧྲང་ཟེ་ལྟ་བུ་དང་། སྤོ་ཚེའམ་སྐྱོ་ཚེ་ལྟ་བུ་སོགས་ཡུལ་སྐད་དང་བརྡའ་ཆད་མི་འདྲ་བ་རྣམས་ནི། ཇི་སྐད་དུ། སྐར་རྩིས་དེ་བཞིན་གྲུབ་མཐའ་དང་། །མཁའ་ལྡིང་སྔགས་དང་སྔགས་བཟླ་བ། །དོན་གྱི་དེ་ཉིད་གཟུང་བྱ་ཡིན། །སྒྲ་ལ་དཔྱད་པར་མི་བྱའོ། །ཞེས་གསུངས་པ་བཞིན་དུ། དོན་ལ་རྟོན་པའི་སྒོ་ནས་བརྡ་རྣམས་ནི་ཡུལ་རང་རང་ལ་ཇི་ལྟར་གྲགས་པ་དང་། དོན་དང་མཐུན་པར་ངེས་ཚིག་མི་འདྲ་བ་སྣ་ཚོགས་སུ་བཤད་པ་དག་ཀྱང་མི་འགལ་བར་ཤེས་པར་བྱ་ལ། དཔྱད་ཀྱི་རྣམ་པ་ལ་ཚད་མེད་ཀྱང་མོ་ཁོག་འདི་ཙམ་གྱིས་ཀྱང་བློ་གྲོས་ཀྱི་སྒོ་ཕྱེས་ནས་དོན་ཡོངས་སུ་གྲུབ་པར་ཤེས་པར་བྱའོ། །འདི་ཡང་རྩོམ་པོ་རང་ཉིད་ཀྱིས་སྨྲས་པ་དགེའོ།། །།མངྒ་ལམ། ༈ ། རྒྱལ་རྣམས་ཐབས་མཁས་ཐུགས་རྗེའི་རང་གཟུགས་ཕྱིར། །འགྲོ་ལ་བླང་དོར་སྟོན་པའི་དམིགས་བུ་ཆེ། །ཕྱྭ་གཤེན་ཐེག་པར་སྣང་བའི་གླེགས་བམ་འདིས། །ཀུན་ལ་ཕན་བདེའི་དགའ་སྟོན་རྒྱས་གྱུར་ཅིག །ཅེས་མི་ཕམ་འཇམ་པའི་དབྱངས་ཀྱི་གཞུང་བཟང་ལ་ཆེད་དུ་བརྗོད་པ་མཉྫུ་གྷོ་ཥས་བྲིས་པ་དེ་དེ་བཞིན་དུ་འགྲུབ་པར་བླ་མ་རྒྱལ་བ་སྲས་དང་བཅས་པས་བྱིན་གྱིས་བརླབ་ཏུ་གསོལ། སརྦ་དཱ་ཀ་ལྱཱ་ཎཾ་བྷ་བ་ཏུ། ༈ ཨོཾ་སྭ་སྟི། འགྲོ་ལ་ལེགས་ཉེས་མ་ལུས་སྣང་བྱེད་པའི། །ཐུབ་མཆོག་བསྟན་པའི་མེ་ལོང་དྭངས་པ་ནི། །ལྷར་བཅས་གཙུག་གི་རྒྱན་དུ་རབ་འབར་བ། །དེ་ཡིས་རྣམ་ཀུན་བདེ་ལེགས་སྩལ་གྱུར་ཅིག ༡ ། སྲིད་པའི་འཇིགས་བཅོམ་ཞི་བའི་དཔལ་སྦྱིན་པ། །རྒྱལ་དང་རྒྱལ་སྲས་རྣམ་ཐར་ཁོ་ན་སྟེ།

---

^{[མ་དཔེ་གཟིགས་ན་འདིར་གནོན།]}

འཛམ་བུའི་གླིང་ན་འབབ་པའི་ཆུ་ཀླུང་ཀུན། །མ་དྲོས་ཀླུ་ཡི་དབང་པོ་ལས་བྱུང་བཞིན། ༢། སྣང་དང་མུན་བཞིན་བླང་དོར་མ་ནོར་དང་། །ལོག་པའི་མཐུ་ལས་འདི་དང་གཞན་དག་གི ། བདེ་དང་སྡུག་བསྔལ་མ་ལུས་འབྱུང་ན་ཡང་། །ཚུལ་དེ་སྐྱེ་བོ་རྣམས་ལ་ལྐོག་ཏུ་གྱུར། ༣ ། འདི་ན་ལྐོག་གྱུར་གནས་ལ་མངོན་སུམ་བཞིན། །མ་ནོར་གསལ་བར་འཆར་བའི་འཕྲུལ་གྱི་སྒོ། །འདི་ཀོ་རྒྱལ་བའི་ཐབས་མཁས་མ་ཡིན་ན། །གཞན་དུ་བདེ་ལེགས་ལམ་བཟང་ཇི་ལྟར་སྟོན། ༤ ། འགྲོ་ལ་ཕན་བདེ་བྱེད་པ་འདི་འདྲ་བ། །རྒྱལ་བའི་སྲས་རྣམས་འཇུག་པའི་གནས་མིན་ན། །འདི་ལས་གཞན་དུ་བྱང་སེམས་རྣམས་ཀྱི་ནི། །སྤྱོད་པ་དམ་པ་བཙལ་ཀྱང་རྙེད་པར་དཀའ། ༥ ། དེ་ཕྱིར་ཕྱྭ་གཤེན་ཐེག་པ་ལས་འོངས་པ། །ལྐོག་གྱུར་བླང་དོར་ལྟ་བའི་ཡང་དག་མིག །མདུད་པ་བྱེ་བ་སྟོང་གི་ཚུལ་དུ་ནི། །འཕྲུལ་གྱི་ཇུ་ཐིག་འཕྲུལ་གྱི་སྐྱེས་བུས་བསྟན། ༦ ། སྙིགས་མའི་སྐྱོན་གྱིས་ལོང་བས་གཟུགས་བཞིན་ཏུ། །ལྐོག་གྱུར་འཆད་པས་བསླུ་བྱེད་བདུད་ཀྱི་ཕྱོགས། །རིང་དུ་བསྲིངས་ནས་མཁས་པ་འཇུག་པའི་སྒོ། །འདི་ལ་རྒྱལ་བའི་སྲས་རྣམས་འཇུག་པར་འོས། ༧ ། དེ་སླད་ཚུལ་འདི་སྟོན་པའི་གཞུང་མང་པོའི། །ལེགས་བཤད་ཆུ་ཀླུང་མ་ལུས་གཅིག་འདྲེས་པ། །རྣམ་དཔྱོད་དཔལ་གྱི་རྒྱ་མཚོ་ཆེན་པོ་ནི། །དེང་སང་འདི་ན་གླེགས་བམ་ཚུལ་གྱིས་སྣང་། ༨ ། འདི་ནི་སྐྱེ་བས་ཐོབ་དང་སྦྱོར་བྱུང་གིས། །རང་གཞན་གྲུབ་མཐའི་ཕ་རོལ་བྱོན་ནས་ཀྱང་། །འཇམ་དབྱངས་གཞོན་ནུ་སྙིང་དབུས་ཁུག་པའི་གཏམ། །འཇམ་དབྱངས་བླ་མ་གང་གི་བློ་གྲོས་མཐུ། ༩ ། འདི་ལ་ལྐོག་གྱུར་གཟིགས་པའི་སྤྱན་རྣོན་ཅན། །རྣམས་ཀྱང་བསྔགས་པའི་མེ་ཏོག་འཐོར་བྱེད་པས། །ད་ནི་བླང་དོར་ཇི་བཞིན་མཐོང་བའི་ལམ། །འདི་རུ་མཁས་རྣམས་སྙིང་ནས་འཇུག་པར་རིགས། ༡༠ ། དེ་ཕྱིར་འགྲོ་ལ་གཅིག་ཏུ་ཕན་བཞེད་པ། །ལྷ་རིགས་དྲང་སྲོང་ཆེན་པོའི་

---

^{[མ་དཔེ་གཟིགས་ན་འདིར་གནོན།]}

ཐུགས་བསྐྱེད་ལས། །ཀུན་ཕན་འོད་སྣང་འབུམ་ཕྲག་སྤྲོ་བ་ཡི། །གླེགས་བམ་ཟླ་བ་གཞོན་ནུའི་འཁྲི་ཤིང་གྲུབ། ༡༡ ། དེ་ལས་བྱུང་བའི་དགེ་བས་འགྲོ་བའི་ཁམས། །ནམ་མཁའ་མུ་ཁྱུད་ཡངས་པོས་བསྐོར་བ་ན། །ལས་དང་ཉོན་མོངས་རྐང་པས་རྒྱུ་བ་ཀུན། །ཕྱིན་ཅི་ལོག་པའི་གཡང་ལས་ཐར་བར་ཤོག ༡༢ ། ཆོས་ཀུན་མཐོང་བའི་མིག་དཀྱུས་རིང་པོ་ལེགས་བཤད་ཐུར་མས་སླར་ཡང་དབྱེ། །ཡང་དག་ལམ་ལ་ངེས་པར་འཇུག་པའི་སྙིང་སྟོབས་བཟང་པོ་མ་སྨད་བརྟས། །གནས་སྐབས་མཐར་ཐུག་ཕན་བདེའི་གྲོང་ཁྱེར་སྐྱིད་པའི་འབྱུང་གནས་དབུས་སུ་བརྟོལ། །དགེ་ལེགས་དཔལ་གྱིས་འགྲོ་ཀུན་དགེ་བའི་བཀྲ་ཤིས་དཔལ་དུ་འབར་གྱུར་ཅིག ༡༣ ། ཅེས་པའི་སྤར་བྱང་ཉུང་ངུ་འདི་ཡང་གཞན་ཕན་ཐུགས་བསྐྱེད་ཀྱི་གོ་ཆས་དད་འབྱོར་ཚོགས་བསགས་ཅན་རྣམས་ཀྱིས་སྤར་དུ་བསྒྲུབས་པར་མཛད་པ་ན། དམ་པ་འགའི་བཀའ་ལུང་སྤྱི་བོར་ཕེབས་པ་གུས་པས་མཆོད་དེ། འགྲོ་ལ་སྨན་པའི་བསམ་པ་ཡིད་སྨོན་དུ་འཆང་བ་བནྡེ་ལྷག་བསམ་རྒྱལ་མཚན་གྱིས་བྲིས་པ་དགེ་ལེགས་འཕེལ།། །།