ཡེ་ཤེས་མགོན་པོར་གཏོར་མ་འབུལ་བའི་རིམ་པ།
ཡེ་ཤེས་མགོན་པོར་གཏོར་མ་འབུལ་བའི་རིམ་པ་བཞུགས། །དམ་རྫས་ཀྱི་གཏོར་མ་འདི་བསྔོ་ཞིང་འབུལ་བའི་གནས་སུ་གྱུར་པ་ནི། དཔལ་ཡེ་ཤེས་ཀྱི་མགོན་པོ་མ་ཧཱ་ཀ་ལ། ལེགས་ལྡན་ནག་པོ་ཕྱག་བཞི་པ་ཕྱག་དྲུག་པ། །སྐུ་གསུང་ཐུགས་ཡོན་ཏན་འཕྲིན་ལས་ཀྱི་མགོན་པོ། དཔལ་མགོན་ཉེར་ལྔ་ལས་མགོན་ནག་པོ་བྱ་རོག་གི་གདོང་བ་ཅན། ཞིང་སྐྱོང་སེང་གདོང་ཡབ་ཡུམ། མགོན་པོ་ཕོ་རྒྱུད། ལྷ་མོ་མོ་རྒྱུད། བསྟན་བསྲུང་དམ་ཅན་རྒྱ་མཚོ་ནག་པོ་སྟོང་། །ཤ་ཟ་འབུམ་མ་མོ་བྱེ་བ་རང་རང་སྤྲུལ་འཁོར་དང་བཅས་པའི་ཞལ་དུ་སརྦ་ས་མ་ཡ་མ་ཧཱ་མཾ་ས་ཙིཏྟ་རཀྟ་བྷ་ལིང་ཏ་ཁཱ་ཧི་ཁཱ་ཧི། ཧཱུྃ་བྷྱོཿ ཡེ་ཤེས་མགོན་པོ་མ་ཧཱ་ཀ་ལ་ཡཱཿ ཡུམ་མཆོག་ལྷ་མོ་ནག་མོ་ཙནྟི་མཿ སྲིན་མགོན་ནག་པོ་ལས་མཁན་བྱ་རོག་གདོང་༔ འབར་མ་བྱ་ཞོན་ནག་མོ་འབུམ་སྡེའི་ཚོགས༔ གིང་ཆེན་སྡེ་བཞི་ཞིང་སྐྱོང་བསྟན་བསྲུང་འབུམཿ འཕགས་མཆོག་སངས་རྒྱས་བསྟན་པ་བསྲུང་བའི་ལྷ༔ དགྲ་བགེགས་ཤ་ཁྲག་གཏོར་མ་འདི་བཞེས་ལ༔ རྣལ་འབྱོར་བཅོལ་པའི་འཕྲིན་ལས་གྲུབ་པར་མཛོད༔ ཅེས་ཕུད་དང་གཏོར་མས་མཆོད།། །།