གཉིས་པ་མོས་ཡུལ།
གཉིས་པ་མོས་ཡུལ་ནི།
ཤེར་ཕྱིན་ཡིན་ཏེ། མདོ་ལུགས་མ་ལས། མདོ་འདི་རྣམས་ཀྱིས་ཤེར་ཕྱིན་ལ་མོས་པའི་རྟགས་ཤེར་ཕྱིན་ལ་བསྟོད་བཀུར་བསྔགས་པ། ཞེས་སོགས་གསུངས་པས་སོ། །མོས་ཡུལ་ལ་ཉ་ཊཱིཀ་ལས། ཡུམ་འདི་ལ་མོས་ཞེས་ཆོས་བཤེས་དང༌། གཞུང་ཤེར་ལ་ལྷག་པར་ཡིད་ཆེས་པ་ནི་མོས་པ་སྟེ་ཞེས་རད་ཀིར་རོ། །ཆོས་སྐུ་དང་དེ་སྟོན་པའི་ཤེར་ཕྱིན་གྱི་མདོ་ལ་འགྲེལ་ཆེན་གྱིས་དགོངས་སོ། །དག་ལྡན་དུ། གང་ལ་མོས་ཞེ་ན།མདོ་ལས་བསྟན་པའི་བཅོམ་ལྡན་འདས་མ་འབྲི་བ་དང་ཀློག་པ་ལ་སོགས་པ་དེའི་སྤྱོད་པ་དང་མེ་ཏོག་ལ་སོགས་པ་ནས་མར་མེའི་མཐར་ཐུག་པ་དེའི་མཆོད་པ་ལའོ། །ཞེས་སོ། །