ཞབས་བརྟན་གསོལ་འདེབས་བདུད་རྩིའི་ཆུ་གཏེར།
ཞབས་བརྟན་གསོལ་འདེབས་བདུད་རྩིའི་ཆུ་གཏེར་ཞེས་བྱ་བ་བཞུགས་སོ། །
ཨོཾ་སྭ་སྟི། ཕུལ་བྱུང་འཆི་མེད་ཚེ་ཡི་ལྷ་མཆོག་གི །གསང་གསུམ་སྒྱུ་འཕྲུལ་འདོད་འབྱུང་དཔག་བསམ་ལས། །རྗེ་བཙུན་བླ་མའི་སྐུ་ཚེ་བསྐལ་བརྒྱའི་བར། །མི་འཇིག་ཚེ་ཡི་དངོས་གྲུབ་སྩལ་ཏུ་གསོལ། །འཇི༷གས་མེ༷ད་རྒྱལ་བསྟན་དཔལ་ལ་ལོངས་སྤྱོད་པའི། །གསང་བདག་རྡོ༷་རྗེ༷་འཛིན་པ་ངུར་སྨྲིག་གར། །ངེས་དོན་བསྟན་པ་འཛིན་པའི་དབང་པོ་མཆོག །ཞབས་པད་སྲིད་མཐའི་བར་དུ་བརྟན་དུ་གསོལ། །གདམས་ང༵ག་ངེས་གསང་ཆོས་ལ་དབ༵ང་བསྒྱུར་བ། །འཇི༵གས་མེ༵ད་བདེན་གསུང་དམ་ཆོས་ཚངས་པའི་དབྱངས། །གསང་གསུམ་མི་འགྱུར་རྡོ༵་རྗེ༵འི་ཁམས་བརྟན་ཞིང༌། །མཛད་འཕྲིན་འོད་སྣང་ཕྱོགས་ཀུན་ཁྱབ་པར་ཤོག །ཅེས་ཞབས་བརྟན་གསོལ་འདེབས་བདུད་རྩིའི་ཆུ་གཏེར་ཞེས་བྱ་བ་འདི་ཏཱ་རེ་སྐྱབས་ཀྱིས་སྐུལ་ངོར་ངག་དབང་དངོས་གྲུབ་དཔལ་གྱིས་བྲིས་པའོ། ། མངྒ་ལམ། །