རྗེས་དྲན་ཟབ་གསང་ཆོས་ཀྱི་མཛོད་འཛིན།
རྗེས་དྲན་ཟབ་གསང་ཆོས་ཀྱི་མཛོད་འཛིན་ཞེས་བྱ་བ་བཞུགས་སོ། །
ཨོཾ་སྭ་སྟི། ང༷ག་གི་དབ༷ང་ཕྱུག་སྐལ་བཟང་གདུལ་བྱའི་གཉེན། །མདོ་སྔགས་ཆོ༷ས་ཀྱི༷་ཟབ་གསང་མཛོ༷ད་འཛི༷ན་པ། །རྒྱལ་ཀུན་རང་གཟུགས་ངུར་སྨྲིག་རྣམ་རོལ་བའི། །ངེས་དོན་བསྟན་པ་མཛེས་པའི་དཔལ་དུ་གྲུབ། །རྨད་བྱུང་ལྷག་བསམ་ཐུགས་བསྐྱེད་འོ་མཚོ་ལས། །རྨད་བྱུང་ཟབ་ཆོས་ལེགས་བཤད་སྐྱེད་མོའི་ཚལ། །རྨད་བྱུང་ཉམས་རྟོགས་ཡོན་ཏན་འབྲས་བཟང་བཞད། །རྨད་བྱུང་ཆོ༷ས་ཀྱི༷་མཛོ༷ད་འཛི༷ན་དྲིན་ཅན་རྗེ། །ཆོས་སྐུ་དོན་དམ་དབྱིངས་ཀྱི་ཡེ་ཤེས་སུ། །གཟུགས་སྐུ་རེ་ཞིག་བསྡུ་བའི་ཚུལ་བསྟན་ཀྱང༌། །སླར་ཡང་ཐུགས་བསྐྱེད་དུས་ལས་ཡོལ་མེད་པར། །སྤྲུལ་བའི་སྒྱུ་འཕྲུལ་རྒྱུན་མི་འཆད་པར་སྨོན། །བདག་ཅག་དེང་ནས་ཚེ་རབས་ཀུན་ཏུ་ཡང༌། །མཚུངས་མེད་ཁྱེད་ཀྱིས་རྟག་ཏུ་རྗེས་བཟུང་སྟེ། །ཟབ་ལམ་ཆོས་ཀྱི་དཔལ་ལ་ལོངས་སྤྱོད་ཅིང༌། །གཞི་དབྱིངས་བདེ་གཤེགས་སྙིང་པོ་མངོན་གྱུར་ཤོག །ཅེས་བྱ་བ་འདི་ཡང་བྱ་ཡུལ་དགོན་གྱི་རྡོ་རྗེ་སློབ་དཔོན་ངག་དབང་ཆོས་ཀྱི་མཛོད་འཛིན་གྱི་རྗེས་དྲན་དུ་འབྲས་རབ་འབྱམས་པ་དངོས་གྲུབ་དཔལ་གྱིས་བྲིས་པའོ། །