ཞབས་བརྟན་གསོལ་འདེབས་འཆི་མེད་གཏེར་མཛོད།
ཞབས་བརྟན་གསོལ་འདེབས་འཆི་མེད་གཏེར་མཛོད་ཅེས་བྱ་བ་བཞུགས་སོ། ། རྨད་བྱུང་ཐུགས་བསྐྱེད་དུས་ལས་ཡོལ་མེད་པར། །གང་གི་མཚན་ཙམ་བསྙེན་པའི་འོད་རླབས་ཀྱིས། །དུས་མིན་འཆི་བ་མ་ལུས་འཇོམས་མཛད་པའི། །ཚེ་ཡི་ལྷ་མཆོག་རྣམས་ཀྱིས་དགེ་ལེགས་སྩོལ། །ཀུ༵ན་མཁྱེན་རྒྱལ་བསྟན་པད་ཚལ་དག༵འ་བའི་གཉེན། །ཤེ༵ས་བྱའི་གནས་ལ་མཁྱེན་ར༵བ་འོད་གསལ་བའི། །རྨོངས་པའི་མུན་པ་སེལ་བྱེད་སྒྲོན་མེ་མཆོག །རྗེ་བཙུན་དཔལ་ལྡན་བླ་མའི་ཞབས་བརྟན་གསོལ། །རྒྱལ་བའི་གསུང་དབྱངས་ངེས་གསང་པད་མོ་ཡི། །ཟབ་དོན་མ་འདྲེས་མ་ནོར་སྟོན་པ་ཡི། །ཐར་བའི་ལམ་བཟང་འཁྲིད་པའི་བཤེས་གཉེན་མཆོག །ཚེ་མཐའ་ཡས་པའི་ངོ་བོར་ཞབས་བརྟན་གསོལ། །སྐྱེ་ཞིང་སྐྱེ་བའི་ཕྲེང་བ་ཐམས་ཅད་དུ། །བཤེས་གཉེན་ཁྱེད་དང་སྐད་ཅིག་མི་འབྲལ་བར། །གསུང་གི་དམ་ཆོས་དཔལ་ལ་རོལ་བ་ཡིས། །ས་ལམ་རྟོགས་པ་མཐའ་དག་མཐར་ཕྱིན་ཤོག །ཅེས་ཞབས་བརྟན་གསོལ་འདེབས་འདི་ནི་ངང་བ་རཏྣས་སྐུལ་ངོར་སྤྲང་འཁྱམས་པ་དངོས་གྲུབ་དཔལ་ནས་དད་གུས་ཀྱིས་སྦྱར་བའོ། །