རྗེ་བླ་མ་སྐལ་ལྡན་རྒྱ་མཚོའི་རྒྱང་འབོད་དངོས་གྲུབ་གཏེར་མཛོད།
རྗེ་བླ་མ་སྐལ་ལྡན་རྒྱ་མཚོའི་རྒྱང་འབོད་དངོས་གྲུབ་གཏེར་མཛོད་ཅཻས་བྱ་བ་བཞུགས་སོ། །
རྒྱལ་ཀུན་ཐུགས་རྗེ་གཅིག་བསྡུས་ངོ་བོ། །དམ་ཆོས་ལེགས་བཤད་རིན་ཆེན་གཏེར་མཛོད། །རྗེ་བཙུན་ངག་དབང་སྐལ་ལྡན་རྒྱ་མཚོ། །ངེས་གསང་རྒྱལ་བསྟན་འཛིན་པའི་བླ་མ། །སྐལ་མེད་བདག་ལ་རེ་ས་གཞན་མེད། །ནམ་ཀུན་བྱམས་བརྩེས་ཉེ་བར་དགོངས་ནས། །བྱིན་རླབས་སྤྲིན་དཔུང་ཀུན་བཟང་ཀློང་ནས། །མཆོག་ཐུན་དངོས་གྲུབ་མ་ལུས་སྩོལ་ཅིག །རིགས་བརྒྱའི་ཁྱབ་བདག་རྡོ་རྗེ་འཆང་ཆེན། །སྐྱབས་ཀུན་འདུས་པ་རྗེ་བཙུན་བླ་མ། །དངོས་གྲུབ་སྩོལ་མཛད་ཡི་དམ་དུས་འཁོར། །ངེས་གསང་རྒྱལ་བསྟན་འཛིན་པའི་བླ་མ། །སྐལ་མེད་བདག་ལ་རེ་ས་གཞན་མེད། །ནམ་ཀུན་བྱམས་བརྩེས་ཉེ་བར་དགོངས་ནས། །བྱིན་རླབས་སྤྲིན་དཔུང་ཀུན་བཟང་ཀློང་ནས། །མཆོག་ཐུན་དངོས་གྲུབ་མ་ལུས་སྩོལ་ཅིག །དོན་གཉིས་མཐར་ཕྱིན་སངས་རྒྱས་ངོ་བོ། །དམ་ཆོས་ཀུན་འདུས་འགོག་ལམ་དམ་པ། །རིག་གྲོལ་གཉིས་ལྡན་དགེ་འདུན་རིན་ཆེན། །ངེས་གསང་རྒྱལ་བསྟན་འཛིན་པའི་བླ་མ། །སྐལ་མེད་བདག་ལ་རེ་ས་གཞན་མེད། །ནམ་ཀུན་བྱམས་བརྩེས་ཉེ་བར་དགོངས་ནས། །བྱིན་རླབས་སྤྲིན་དཔུང་ཀུན་བཟང་ཀློང་ནས། །མཆོག་ཐུན་དངོས་གྲུབ་མ་ལུས་སྩོལ་ཅིག །གཞི་འབྲས་དབྱེར་མེད་གཉུག་མའི་ཡེ་ཤེས། །དོན་དམ་ཆོས་དབྱིངས་གདོད་ནས་བཞུགས་པ། །ཇི་བཞིན་གཟིགས་ནས་མ་ནོར་སྟོན་མཛད། །ངེས་གསང་རྒྱལ་བསྟན་འཛིན་པའི་བླ་མ། །སྐལ་མེད་བདག་ལ་རེ་ས་གཞན་མེད། །ནམ་ཀུན་བྱམས་བརྩེས་ཉེ་བར་དགོངས་ནས། །བྱིན་རླབས་སྤྲིན་དཔུང་ཀུན་བཟང་ཀློང་ནས། །མཆོག་ཐུན་དངོས་གྲུབ་མ་ལུས་སྩོལ་ཅིག །སྙིགས་མའི་དུས་འདིར་ཟབ་ལམ་རྣལ་འབྱོར། །ལམ་བཟང་བརྒྱུད་པའི་ཆུ་བོ་མ་ལུས། །རང་གིས་སྒྲུབ་དང་གཞན་ལ་སྤེལ་མཛད། །ངེས་གསང་རྒྱལ་བསྟན་འཛིན་པའི་བླ་མ། །སྐལ་མེད་བདག་ལ་རེ་ས་གཞན་མེད། །ནམ་ཀུན་བྱམས་བརྩེས་ཉེ་བར་དགོངས་ནས། །བྱིན་རླབས་སྤྲིན་དཔུང་ཀུན་བཟང་ཀློང་ནས། །མཆོག་ཐུན་དངོས་གྲུབ་མ་ལུས་སྩོལ་ཅིག །དང་པོ་སྨིན་བྱེད་དབང་གིས་སྒོ་ཕྱེས། །བར་དུ་ཟབ་ལམ་ཆོས་ཆར་ཕབ་ནས། །ཐ་མར་ཉམས་རྟོགས་འོད་གསལ་སྨིན་མཛད། །ངེས་གསང་རྒྱལ་བསྟན་འཛིན་པའི་བླ་མ། །སྐལ་མེད་བདག་ལ་རེ་ས་གཞན་མེད། །ནམ་ཀུན་བྱམས་བརྩེས་ཉེ་བར་དགོངས་ནས། །བྱིན་རླབས་སྤྲིན་དཔུང་ཀུན་བཟང་ཀློང་ནས། །མཆོག་ཐུན་དངོས་གྲུབ་མ་ལུས་སྩཽལ་ཅིག །རང་བཞིན་འོད་གསལ་བདེ་གཤེགས་སྙིང་པོ། །རང་ངོ་མ་ཤེས་འཁྲུལ་བས་བསླད་པར། །ཐབས་མཆོག་མན་ངག་གནད་གསང་སྟོན་པའི། །ངེས་གསང་རྒྱལ་བསྟན་འཛིན་པའི་བླ་མ། །སྐལ་མེད་བདག་ལ་རེ་ས་གཞན་མེད། །ནམ་ཀུན་བྱམས་བརྩེས་ཉེ་བར་དགོངས་ནས། །བྱིན་རླབས་སྤྲིན་དཔུང་ཀུན་བཟང་ཀློང་ནས། །མཆོག་ཐུན་དངོས་གྲུབ་མ་ལུས་སྩོལ་ཅིག །མི་གཡོ་གསུམ་ལྡན་སྤྲོས་བྲལ་སྒོམ་པས། །ཉམས་རྟོགས་འོད་གསལ་རྟགས་བཅུ་རྫོགས་ནས། །ཟབ་ལམ་སོར་སྡུད་ཡེ་ཤེས་རྩལ་རྫོགས། །ངེས་གསང་རྒྱལ་བསྟན་འཛིན་པའི་བླ་མ། །སྐལ་མེད་བདག་ལ་རེ་ས་གཞན་མེད། །ནམ་ཀུན་བྱམས་བརྩེས་ཉེ་བར་དགོངས་ནས། །བྱིན་རླབས་སྤྲིན་དཔུང་ཀུན་བཟང་ཀློང་ནས། །མཆོག་ཐུན་དངོས་གྲུབ་མ་ལུས་སྩོལ་ཅིག །ཤེས་རབ་རྟོག་དཔྱོད་དགའ་བདེའི་ཉམས་རྟོགས། །སྟོང་གཟུགས་སྣང་བ་འོད་ལྔའི་ཡེ་ཤེས། །རྩེ་གཅིག་སྒོམ་པའི་བསམ་གཏན་མངའ་བརྙེས། །ངེས་གསང་རྒྱལ་བསྟན་འཛིན་པའི་བླ་མ། །སྐལ་མེད་བདག་ལ་རེ་ས་གཞན་མེད། །ནམ་ཀུན་བྱམས་བརྩེས་ཉེ་བར་དགོངས་ནས། །བྱིན་རླབས་སྤྲིན་དཔུང་ཀུན་བཟང་ཀློང་ནས། །མཆོག་ཐུན་དངོས་གྲུབ་མ་ལུས་སྩོལ་ཅིག །གཡས་གཡོན་ཉི་ཟླའི་རླུང་བཅུ་འགགས་ནས། །གཏུམ་མོ་འབར་བས་བྱང་སེམས་ཞུ་བའི། །སྲོག་རྩོལ་ཡེ་ཤེས་རྣལ་འབྱོར་དབང་ཕྱུག །ངེས་གསང་རྒྱལ་བསྟན་འཛིན་པའི་བླ་མ། །སྐལ་མེད་བདག་ལ་རེ་ས་གཞན་མེད། །ནམ་ཀུན་བྱམས་བརྩེས་ཉེ་བར་དགོངས་ནས། །བྱིན་རླབས་སྤྲིན་དཔུང་ཀུན་བཟང་ཀློང་ནས། །མཆོག་ཐུན་དངོས་གྲུབ་མ་ལུས་སྩོལ་ཅིག །གནས་དྲུག་སྲོག་ནི་རབ་ཏུ་བཟུང་ནས། །ཀུན་དའི་ཐིག་ལེ་དཔྲལ་བར་བརྟན་ནས། །ཞུ་བདེ་འགྱུར་མེད་ཉམས་རྟོགས་མཐར་ཕྱིན། །ངེས་གསང་རྒྱལ་བསྟན་འཛིན་པའི་བླ་མ། །སྐལ་མེད་བདག་ལ་རེ་ས་གཞན་མེད། །ནམ་ཀུན་བྱམས་བརྩེས་ཉེ་བར་དགོངས་ནས། །བྱིན་རླབས་སྤྲིན་དཔུང་ཀུན་བཟང་ཀློང་ནས། །མཆོག་ཐུན་དངོས་གྲུབ་མ་ལུས་སྩོལ་ཅིག །ཕྱག་རྒྱ་གསུམ་བརྟེན་བདེ་ཆེན་མངའ་བརྙེས། །རྣམ་ཀུན་མཆོག་ལྡན་ཕྱག་རྒྱ་ཆེན་མོ། །རང་ལུས་འདོད་ལྷའི་སྣང་བ་བརྙེས་པའི། །ངེས་གསང་རྒྱལ་བསྟན་འཛིན་པའི་བླ་མ། །སྐལ་མེད་བདག་ལ་རེ་ས་གཞན་མེད། །ནམ་ཀུན་བྱམས་བརྩེས་ཉེ་བར་དགོངས་ནས། །བྱིན་རླབས་སྤྲིན་དཔུང་ཀུན་བཟང་ཀློང་ནས། །མཆོག་ཐུན་དངོས་གྲུབ་མ་ལུས་སྩོལ་ཅིག །འདོད་པའི་ལྷ་ལ་རྗེས་སུ་ཆགས་པས། །འགྱུར་མེད་བདེ་ཆེན་ཆ་ཀུན་རྫོགས་ནས། །འོད་གསལ་སྤྲོས་བྲལ་ཏིང་འཛིན་མཐར་ཕྱིན། །ངེས་གསང་རྒྱལ་བསྟན་འཛིན་པའི་བླ་མ། །སྐལ་མེད་བདག་ལ་རེ་ས་གཞན་མེད། །ནམ་ཀུན་བྱམས་བརྩེས་ཉེ་བར་དགོངས་ནས། །བྱིན་རླབས་སྤྲིན་དཔུང་ཀུན་བཟང་ཀློང་ནས། །མཆོག་ཐུན་དངོས་གྲུབ་མ་ལུས་སྩོལ་ཅིག །ཉམས་ལེན་ཟབ་ལམ་རྡོ་རྗེའི་རྣལ་འབྱོར། །རྫོགས་རིམ་ལམ་བཟང་བགྲོད་པ་མཐར་ཕྱིན། །ཁ་སྦྱོར་བདུན་ལྡན་བདེ་སྟོང་ཟུང་འཇུག །ངེས་གསང་རྒྱལ་བསྟན་འཛིན་པའི་བླ་མ། །སྐལ་མེད་བདག་ལ་རེ་ས་གཞན་མེད། །ནམ་ཀུན་བྱམས་བརྩེས་ཉེ་བར་དགོངས་ནས། །བྱིན་རླབས་སྤྲིན་དཔུང་ཀུན་བཟང་ཀློང་ནས། །མཆོག་ཐུན་དངོས་གྲུབ་མ་ལུས་སྩོལ་ཅིག །ཐར་མེད་འཁོར་བའི་སྲིད་མཚོར་འཁྱམ་པའི། །འགྲོ་རྣམས་ཐར་བའི་ལམ་ལ་འདྲེན་མཛད། །དུས་རྣམ་ཀུན་ལ་ཐུགས་རྗེས་གཟིགས་པའི། །ངེས་གསང་རྒྱལ་བསྟན་འཛིན་པའི་བླ་མ། །སྐལ་མེད་བདག་ལ་རེ་ས་གཞན་མེད། །ནམ་ཀུན་བྱམས་བརྩེས་ཉེ་བར་དགོངས་ནས། །བྱིན་རླབས་སྤྲིན་དཔུང་ཀུན་བཟང་ཀློང་ནས། །མཆོག་ཐུན་དངོས་གྲུབ་མ་ལུས་སྩོལ་ཅིག །ནམ་ཞིག་དབུགས་ཀྱི་རྒྱུ་བ་ཆད་ཚེ། །བདག་གི་ལག་པའི་མཁྲིག་མར་བཟུང་ནས། །དག་པའི་ཞིང་མཆོག་འདྲེན་པར་མཛོད་ཅིག །ངེས་གསང་རྒྱལ་བསྟན་འཛིན་པའི་བླ་མ། །སྐལ་མེད་བདག་ལ་རེ་ས་གཞན་མེད། །ནམ་ཀུན་བྱམས་བརྩེས་ཉེ་བར་དགོངས་ནས། །བྱིན་རླབས་སྤྲིན་དཔུང་ཀུན་བཟང་ཀློང་ནས། །མཆོག་ཐུན་དངོས་གྲུབ་མ་ལུས་སྩོལ་ཅིག །སྐྱེ་བ་འདི་ནས་ཚེ་རབས་ཀུན་ཏུ། །འབྲལ་མེད་བརྩེ་བས་རྗེས་སུ་བཟུང་སྟེ། །དམ་ཆོས་ཆོས་ཀྱི་དགའ་སྟོན་ཕོབས་ཤིག །ངེས་གསང་རྒྱལ་བསྟན་འཛིན་པའི་བླ་མ། །སྐལ་མེད་བདག་ལ་རེ་ས་གཞན་མེད། །ནམ་ཀུན་བྱམས་བརྩེས་ཉེ་བར་དགོངས་ནས། །བྱིན་རླབས་སྤྲིན་དཔུང་ཀུན་བཟང་ཀློང་ནས། །མཆོག་ཐུན་དངོས་གྲུབ་མ་ལུས་སྩོལ་ཅིག །དཔལ་ལྡན་བླ་མའི་རྣམ་པར་ཐར་བ། །སྐད་ཅིག་ཉིད་ལ་ལོག་ལྟ་མེད་པར། །འབྲལ་མེད་རྣམ་གྲོལ་ལམ་བཟང་ཁྲིད་མཛོད། །ངེས་གསང་རྒྱལ་བསྟན་འཛིན་པའི་བླ་མ། །སྐལ་མེད་བདག་ལ་རེ་ས་གཞན་མེད། །ནམ་ཀུན་བྱམས་བརྩེས་ཉེ་བར་དགོངས་ནས། །བྱིན་རླབས་སྤྲིན་དཔུང་ཀུན་བཟང་ཀློང་ནས། །མཆོག་ཐུན་དངོས་གྲུབ་མ་ལུས་སྩོལ་ཅིག །འཁོར་ལོ་ཐ་མའི་དགོངས་དོན་མཐར་ཐུག །ངེས་གསང་སྤྲོས་བྲལ་གཞན་སྟོང་དབུ་མ། །མི་ནུབ་ཕྱོགས་བཅུར་དར་ཞིང་རྒྱས་པའི། །འཕྲིན་ལས་ས་གསུམ་ཁྱབ་པར་ཤོག་ཅིག །རྗེ་བླ་མ་སྐལ་ལྡན་རྒྱ་མཚོའི་རྒྱང་འབོད་དངོས་གྲུབ་གཏེར་མཛོད་ཅཻས་བྱ་བ་འདི་ནི་གང་གི་སློབ་བུ་དམ་པ་ཚུལ་ཁྲིམས་རྒྱན་དང༌། བསྟན་འཛིན་བཟང༌། ཐུབ་བསྟན་རྣམས་ཀྱིས་བསྐུལ་་ངོར་ངག་དབང་དངོས་གྲུབ་དཔལ་གྱིས་དད་གུས་ཀྱི་སྒོ་ནས་བྲིས་པའོ། །སརྦ་མངྒ་ལཾ།