འདུལ་བའི་སྤྱི་དོན་མཐའ་དཔྱོད་ལེགས་བཤད་ལུང་རིགས་གཏེར་མཛོད། སྨད་ཆ།

གཉིས་པ་ལྟུང་བྱེད་འབའ་ཞིག་པ་འཆད་པ་ལ་བཅུ་ཚན་དགུ་ལས། དང་པོ་བཅུ་ཚན་དང་པོ་ལ་སྡོམ་དང་སོ་སོར་བསྟན་པ་དང་གཉིས་ལས།

དང་པོ་ནི། སོར་སྡོམ་ལས། བརྫུན་སྐྱོན་དགེ་སློང་ཕྲ་མ་དང༌། །སྐྱོ་སྔོགས་བྱེད་དང་སྟོན་པ་དང༌། །འདོན་དང་གནས་ངན་ལེན་དང་ཆོས། །བཤེས་ངོར་བྱེད་དང་ཁྱད་དུ་གསོད། །ཅེས་གཟུང་བར་བྱའོ། །གཉིས་པ་སོ་སོར་བསྟན་པལ་བཅུ་ལས། དང་པོ་ཤེས་བཞིན་དུ་རྫུན་དུ་སྨྲ་བའི་ལྟུང་བྱེད་འཆད་པ་ལ་གཉིས་ལས། དང་པོའདིའི་སྐབས་སུ་རྫུན་གཞན་བསྟན་པ་ནི། རྣམ་འབྱེད་ལས། རྫུན་དུ་སྨྲ་བ་ནི་ལྔ་སྟེ། ཕམ་པར་འགྱུར་བའི་རྫུན་དང༌། དགེ་འདུན་ལྷག་མ་དང་སྦོམ་པོ་དང་ཉེས་བྱས་དང་ལྟུང་བྱེད་དུ་འགྱུར་བའིརྫུན་དང་ལྔའོ། །ཞེས་རྫུན་ལྔ་པོ་དེའི་དང་པོ་གཉིས་ནི་ཕམ་པ་དང་ལྷག་མའི་སྐབས་སུ་སྔར་བཤད་ཟིན་ལ། ཕྱི་མ་གསུམ་ནི་སྐབས་འདིར་བསྟན་ཏོ། །རྩ་བར། དགེ་འདུན་འདུས་པ་ལ་ཤེསབཞིན་དུ་ཆོས་མ་ཡིན་པ་ལ་ཆོས་སུ་དང་ཆོས་ཆོས་མ་ཡིན་པར་སྟོན་པ་ནི་ཉེས་པ་སྦོམ་པོའོ། །

ཞེས་སྦོམ་པོར་འགྱུར་བའི་རྫུན་ནི།

དབྱེན་བྱེད་པའི་ལྷག་མའི་ཆར་གཏོགས་པའི་སྦོམ་པོ་སྟེ། བསྒོ་བ་མ་བྱས་ཀྱང་དགེ་འདུན་བྱེད་པས་སྦོམ་པོར་འགྱུར་བ་སྟེ། དཔེར་ན་འཁོར་ལོའི་དབྱེན་གྱི་མཚམས་མེད་བྱས་ན་བསྒོ་བ་མ་བྱས་ཀྱང་སྦོམ་པོ་འབྱུང་བ་བཞིན་ནོ། །

ཉེས་བྱས་སུ་འགྱུར་བའི་རྫུན་ནི། རྩ་བར། གསོ་སྦྱོང་ལ་ཅི་འདི་ལ་ཁྱེད་ཡོངས་སུ་དགགམ་ཞེས་ལན་གསུམ་གྱི་བར་དུ་དྲིས་པ་ལས་མ་དག་པར་ཤེས་བཞིན་དུ་ཅང་མི་སྨྲ་བར་འདའ་བར་བྱེད་ན་ཉེས་བྱས་སོ། །ཞེས་བྱུང༌། འདིའི་དོན་ལ་ལན་གསུམ་དྲི་བའི་ཚུལ་དང༌། དེ་ལས་འཕྲོསཔའི་དོན་དང་གཉིས། དང་པོ་ནི་སོ་སོ་ཐར་པ་ལས། དགེ་སློང་གི་འཁོར་འདི་ལྟ་བུར་ཡང་ལནགཉིས་ལན་གསུམ་གྱི་བར་དུ་བསྒྲག་པར་བྱ་བ་ཡིན་ནོ་ཞེས་གསུངས་པའི་རྣམ་པར་བཤད་པ་དེ་གླེང་གཞི་རྣམ་པར་བཞག་པའི་ཐབས་བསྟན་པའི་མཇུག་གི་ཚིག་ལན་གཉིས་ལན་གསུམ་གྱི་བར་དུ་བསྒྲག་པར་བྱ་བ་ཡིན་ནོ་ཞེས་གཞུང་བཞིན་དུ་ལན་གཅིག་གཉིས་བཀླགས་པ་ཡིན་གྱི་ཚིག་དེ་ལན་གསུམ་བཟླས་པར་ནི་མི་བྱ་བ་ཉིད་ཡིན་ནོ། །དེའི་འོག་ཏུ་ཅི་འདི་ལ་ཁྱེད་ཡོངས་སུ་དག་གམ་ཞེས་འདྲི་བ་ནི་ལན་གསུམ་བསྐྱར་ཏེ་དྲི་བར་བྱ་སྟེ་བམ་པོ་ལྔ་བཅུ་པ་དང་ཚིག་གི་བརྗེད་བྱང་ལས། ལན་གསུམ་དུ་དྲིའོ་ཞེས་བྱ་བ་ནི་ལན་གསུམ་ཁོ་ནར་དྲི་བར་བྱ་དགོས་པསལན་གསུམ་དུ་ཞེས་སྨོས་ཏེ། ཉུང་ན་ཡང་ལ་ལས་མི་ཐོས། མང་ན་ཡང་དུས་ཡོལ་བར་འགྱུར་བས། དེའི་ཕྱིར་ལན་གསུམ་ནི་རན་པར་དགོངས་ཏེ། ཞེས་གསུངས་སོ། །གཉིས་པ་མ་དག་པར་ཤེསབཞིན་དུ་ཅང་མི་སྨྲ་བས་འདའ་བར་བྱེད་ན་ཉེས་བྱས་སོ། །ཞེས་པ་འདི་ནི་ཡིད་འབའ་ཞིག་གི་ཉེསཔ་ཉིད་དུ་མཛོད་ཀྱི་འགྲེལ་བ་དང་ཊཱི་ཀ་དག་ལས་བཤད་དེ། མཛོད་འགྲེལ་ལས། ལུས་ཀྱིས་ཀྱངམི་བྱེད། ངག་གིས་ཀྱང་མི་བྱེད་ན་ཁ་ན་མ་ཐོ་བས་རེག་པར་འགྱུར་བ་ཡོད་དམ་ཞེ་ན་ཡོད་དེ། གསོ་སྦྱོང་དཔེར་བྱའོ། །ཞེས་གསུངས་སོ། །

གཉིས་པ་ལ་ལྟུང་བ་རྣམ་པར་བཞག་པ།

གཉིས་པ་ལ་ལྟུང་བ་རྣམ་པར་བཞག་པ་ནི།

རྩ་བར། དེ་གཉིས་དང་ཕམ་པར་འགྱུརབ་དང་དགེ་འདུན་ལྷག་མར་འགྱུར་བ་གཉིས་ལས་གཞན་པའི་རྫུན་དུ་སྨྲ་བའོ། །ཞེས་བྱུང༌། འདིའི་དོན་ལ་བཞི་ལས། དང་པོ་གླེང་གཞི་ལ་གཉིས་ལས། བྱུང་ལ་མ་བཅས་པའི་གླེང་གཞི་ནི། སྒྲ་གཅན་ཟིན་གྱིས་ཤེས་བཞིན་དུ་རྫུན་དུ་སྨྲས་པའི་བྱུང་བ་སྟེ་བཅས་པ་མ་མཛད་དོ། །བྱུང་ལབཅས་པའི་གླེང་གཞི་ནི་མཉན་ཡོད་དུ་ཤཱཀྱའི་བུ་དགེ་སློང་ལག་བརྒྱུད་ཀྱིས་ཤེས་བཞིན་དུ་རྫུནདུ་སྨྲས་པ་ལས་ལྟུང་བྱེད་དུ་བཅས་སོ། །གཉིས་པ་དགག་བྱ་ནི་གཞན་བསླུས་པའི་སྒོ་ནས་གཞནལ་གནོད་པའོ། །གསུམ་པ་ངོ་བོ་ནི་བཅས་ལྡན་དགེ་སློང་གིས་རྫུན་བཞི་ལས་གཞན་པ་ཤེས་བཞིནགྱིས་རྫུན་ངག་ཏུ་སྨྲས་ཏེ་དོན་གོ་བ་ལས་གྱུར་པའི་ལྟུང་བ་དངོས་གཞིའོ། །བཞི་བ་ཡན་ལག་ལབཞི་ལས། དང་པོ་གཞིའི་ཡན་ལག་ལ་གཉིས་ལས། གང་ལ་སྨྲ་བའི་ཡུལ་ནི། ཐ་སྙད་ལྔདང་ལྡན། ལུས་ཐ་མལ་པར་གནས། བདག་ལས་ཐ་དད་པའོ། །གང་སྨྲ་བའི་དངོས་པོ་ནི། རྫུནབཞི་ལས་གཞན་པའི་རྫུན་དུ་སྨྲ་བ་སྟེ། དེ་གཉིས་དང་ཕམ་ལྷག་ཏུ་གྱུར་པ་གཉིས་ལས་གཞནཔའི་རྫུན་དུ་སྨྲ་བའོ། །ཞེས་སོ། །འོ་ན་བཤེས་ངོར་བྱས་སོ་ཞེས་སྐུར་བ་འདེབས་པ་དང༌། ཟསཅུང་ཟད་ཙམ་གྱི་ཕྱིར་དགེ་སློང་མ་ལ་ཆོས་སྟོན་ནོ་ཞེས་སྐུར་བ་འདེབས་པ་དང་དགེ་འདུན་ལྷག་མས་སྐུར་པ་འདེབས་པ་ལ་སོགས་པ་དག་དང༌། འབྲས་ཆན་གྱིས་ཚོད་མ་འགེབས་པ་ལུས་ཀྱི་རྫུན་ཆོས་ཅན། ཤེས་བཞིན་གྱི་རྫུན་ཡིན་པར་ཐལ། རྫུན་བཞི་པོ་དེ་དག་ལས་གཞན་པའི་རྫུན་ཡིནཔའི་ཕྱིར། ཁྱབ་སྟེ། མདོ་རྩ་བ་ལས། དེ་གཉིས་དང་ཕམ་པར་གྱུར་བ་དང་དགེ་འདུན་ལྷག་མརའགྱུར་བ་གཉིས་ལས་གཞན་པའི་རྫུན་དུ་སྨྲ་བའོ། །ཞེས་དང༌། གོང་དུ་བཀོད་པ་ལྟར་མཚོ་ཊཱིཀཏུ་ཤེས་བཞིན་གྱི་རྫུན་གྱི་ངོ་བོ་བཤད་པ་དེའི་ཕྱིར་ཟེར་ན་མཚོ་ཊཱིཀ་ལས། སྐུར་འདེབས་དེ་རྣམསདམིགས་བསལ་ཡིན་ལ། འབྲས་ཆན་གྱིས་ཚོད་མ་འགེབས་པ་ནི་ཉེས་བྱས་སུ་འགྱུར་བའི་རྫུནགྱིས་བསྡུས། ཞེས་གསུངས་པ་ལ་བརྟེན་ནས་ཞིབ་ཆ་ཤེས་པར་བྱའོ། །གཉིས་པ་བསམ་པའིཡན་ལག་ལ་གཉིས་ལས་འདུ་ཤེས་ནི་གཞིའི་ཡན་ལག་དེ་དག་ལ་མ་འཁྲུལ་བ་སྟེ། དེ་ཡང་ངེསཔའི་འདུ་ཤེས་སམ། རང་གི་གཞིའི་རྣམ་པར་མ་དོར་བའི་འཛིན་པའི་ཡིད་གཉིས་ཀྱང་རུང་སྟེ། ཊཱི་ཀ་ལས། ཡིད་གཉིས་ཟ་བའི་འདུ་ཤེས་ཀྱིས་སྤྱད་ན། ཞེས་སོ། །ཀུན་སློང་ནི་ཤེས་བཞིན་གྱིསརྫུན་སྨྲ་བར་འདོད་པ་རྒྱུན་མ་ཆད་པའོ། །རྫུན་ལ་འདུ་ཤེས་བསྒྱུར་ཏེ་རྫུན་དུ་སྨྲ་སྙམ་པ་ཡན་ལགཏུ་དགོས་ཏེ། ཊཱི་ཀ་ལས། རྫུན་དུ་སྨྲ་བ་ནི་འདུ་ཤེས་ཀྱི་དབང་གིས་རྣམ་པར་བཞག་པ་ཡིན་གྱིདངོས་པོའི་དབང་གིས་ནི་མ་ཡིན་ནོ། །ཞེས་དང༌། རྣམ་འབྱེད་འགྲེལ་བ་ལས། རྫུན་དུ་སྨྲའོསྙམ་པའི་སེམས་ཀྱིས་མ་བླངས་པར་རྫུན་སྨྲ་བར་མི་རིགས་པས། ཞེས་གསུངས་སཽ། །རྫུན་ལ་མི་དགེ་བས་ཁྱབ་པར་ཐལ། རྫུན་མི་དགེ་བ་ཡིན་པའི་ཕྱིར། འདོད་མི་ནུས་ཏེ། མཚོ་ཊཱིཀ་༥༦༤ལས། དགེ་མི་དགེ་ནི་བསམ་པའི་རྗེས་སུ་འབྲངས་བས་ན་རྫུན་ཐམས་ཅད་རང་བཞིན་གྱི་ཁ་ན་མ་ཐོ་བར་མ་གྲུབ་གསུང་ངོ། །ཞེས་གསུངས་པའི་ཕྱིར་ཟེར་བ་དང༌། རྔོན་པས་དགེ་སློང་ལ་རི་དྭགས་ལྟ་བུ་མཐོང་ངམ་ཞེས་དྲིས་པའི་ལན་དུ་མཚོ་ཊཱིཀ་༥༦༤ལས། དོན་དམ་པར་ནསེམས་ཅན་ནམ་བསད་པར་བྱ་བ་མ་མཐོང་ངོ་ཞེས་པ་ནི་གོ་བྱ་ལ་འདུ་ཤེས་བསྒྱུར་བས་རྫུནཡིན། ཞེས་གསུངས་པ་ལྟར་ན་དེ་འདྲ་དེ་རྫུན་ཡིན་པ་དང༌། ཕན་སེམས་ཀྱིས་མ་སྲོག་དང་བྲལབར་བྱས་པ་ལས་ཕམ་པ་འབྱུང་བར་གསུངས་པས་དགེ་སློང་དེས་དེ་ལྟར་སྨྲ་མི་རིགས་པར་འགྱུརཟེར་ན་མཚོ་ཊཱིཀ་ལས། གསོད་བྱེད་གཞན་གྱི་མི་དགེ་བ་དང༌། བསད་བྱ་གཞན་གྱི་སྲོག་ཆད་པབསྐྱབ་པའི་ཕྱིར་རྫུན་དེ་ཙམ་ཞིག་གནང་བ་ཡིན་ན། ཞེས་གསུངས་པས་དེ་ལྟར་སྨྲ་མི་རིགསཡང་མི་རིགས་སོ་ཟེར་ན་མཚོ་ཊཱིཀ་ལས། འོ་ན་སྲོག་གཅོད་པ་ལ་སོགས་པ་ལུས་ཀྱི་ལས་ལཡང་ཧ་ཅང་ཐལ་བར་འགྱུར་རོ་ཞེ་ན། སྲོག་གཅོད་པ་ལྟ་བུ་ནི་གནང་བ་མི་སྲིད་དེ། ངག་གི་ལེགསཉེས་ཐ་མལ་གྱི་ཤེས་པས་ཕན་གནོད་ཀྱི་ས་མཚམས་བཟུང་བར་ནུས་ཀྱང་ལུས་ཀྱི་བྱ་བ་རྣམསཀྱི་ལེགས་ཉེས་ནི་ཐ་མལ་གྱི་ཤེས་པས་ཕན་གནོད་ཀྱི་ས་མཚམས་གཟུང་བར་མི་ནུས་པའི་ཕྱིརཞེས་གསུང་ངོ། །ཞེས་གསུངས་པའི་ཕྱིར་ཟེར་ན་དཔྱད་པར་ཞུའོ། །གསུམ་པ་སྦྱོར་བ་ནི་ངགམཚན་ཉིད་ལྔ་ལྡན་གྱིས་ཤེས་བཞིན་རྫུན་སྨྲ་བར་ཞུགས་པའོ། །བཞི་བ་མཐར་ཐུག་ནི་ཉན་པཔོས་དོན་གོ་བའོ། །གཉིས་པ་སྐྱོན་ནས་སྨྲ་བའི་ལྟུང་བྱེད་འཆད་པ་ལ། རྩ་བར། དགེ་སློང་གིའོ། །འོག་མ་ལ་ཡང་ངོ། །སྐྱོན་ཉིད་བརྗོད་པར་འདོད་པས་སོ། །ཞེས་སོགས་བྱུང༌། འདིའི་དོན་ལབཞི་ལས། དང་པོ་གླེང་གཞི་ནི་མཉན་ཡོད་དུ་དྲུག་སྡེས་དགེ་སློང་གཞན་གྱི་སྐྱོན་ནས་སྨྲས་པསལྟུང་བྱེད་དུ་བཅས་སོ། །གཉིས་པ་དགག་བྱ་ནི་རང་རིགས་ཀྱི་སེམས་བདེ་བ་ལ་གནོད་པའོ། །

གསུམ་པ་ངོ་བོ་ནི་བཅས་ལྡན་དགེ་སློང་གིས་དགེ་སློང་གཞན་ལ་ཡུལ་དུས་དེ་ན་སྐྱོན་དུ་གྲགསཔ་གང་ཡང་རུང་བ་ངག་ཏུ་སྨྲས་ཏེ་དོན་གོ་བ་ལས་གྱུར་པའི་ལྟུང་བ་དངོས་གཞིའོ། །བཞི་བ་ཡནལག་ལ་བཞི་ལས། དང་པོ་གཞིའི་ཡན་ལག་ལ་གཉིས་ཏེ། ཡུལ་གང་གི་སྐྱོན་ནས་སྨྲ་བ་དང༌། གང་སྨྲ་བའི་དངོས་པོའོ། །དང་པོ་ནི་དགེ་སློང་ཆོས་དྲུག་ལྡན་ནོ། །ཊཱི་ཀ་ལས། སྐྱོན་དགེ་སློངགིས་དགེ་སློང་ལ་སྨྲས་ན་ཁ་ན་མ་ཐོ་བ་འདིར་འགྱུར་གྱི། དགེ་ཚུལ་ལ་སོགས་པ་གཞན་ལ་ནི་མ་ཡིན་ཏེ། དེ་ལ་ཉེས་བྱས་སུ་གསུངས་པའི་ཕྱིར་རོ། །ཞེས་གསུངས་སོ། །གཉིས་པ་ནི་ཡུལདུས་དེ་ན་སྐྱོན་དུ་གྲགས་པ་གང་ཡང་རུང་བ་སྨྲས་པ་ཡིན་ཏེ། རྩ་བར། རུང་བ་མ་ཡིན་པར་བསམཔ་གང་ཡང་རུང་བ་སྨྲས་ནའོ། །ཞེས་སོ། །དེ་ལྟར་མཚོ་ཊཱིཀ་ལས་གསུངས་པ་ལ། ལྷག་མའི་སྐུར་འདེབས་ཀྱི་ལྟུང་བྱེད་དང༌། ཟས་ཅུང་སྐུར་འདེབས་དང༌། འཕྱ་བ་སོགས་ཀྱི་ལྟུང་བྱེདརྣམས་ཆོས་ཅན། སྐྱོན་སྨྲས་ལྟུང་བྱེད་ཡིན་པར་ཐལ། གོང་གི་ངོ་བོ་བཤད་པ་དང་གང་སྨྲ་བའིདངོས་པོ་ངོས་བཟུང་བ་དག་གིས་གྲུབ་པའི་ཕྱིར་ཟེར་བ་དང༌། དེ་འདོད་ན་ལྟུང་བྱེད་ཀྱི་སྐུར་བ་བཏབ་པ་དེ་སྐྱོན་སྨྲས་ལྟུང་བྱེད་ཡིན་པར་འགྱུར་དགོས་ལ། དེ་མི་རིགས་ཏེ། ཕམ་པས་སྐུར་ནལྷག་མ་དང༌། ལྷག་མས་སྐུར་ན་ལྟུང་བྱེད་དང༌། ལྟུང་བྱེད་ཀྱི་སྐུར་ན་ཉེས་བྱས་ཡིན་པར་འཇོགདགོས་པའི་ཕྱིར་ཟེར་ན་སྐྱོན་སྨྲས་ལྟུང་བྱེད་ལ་སྐུར་བ་བཏབ་པ་ཙམ་མ་ཡིན་པར་དགེ་སློང་ལཡུལ་དུས་དེར་གྲགས་པའི་སྐྱོན་ཡོད་པའི་སྐྱོན་དེ་བརྗོད་པ་དགོས་སམ་དཔྱད་པར་འཚལ་ལོ། །

གཉིས་པ་བསམ་པའི་ཡན་ལག་ལ་གཉིས་ལས།

འདུ་ཤེས་ནི་གཞི་ལ་མ་འཁྲུལ་བའོ། །ཀུན་སློངནི་སྐྱོན་ནས་སྨྲ་ཞིང་གོ་བར་འདོད་པ་རྒྱུན་མ་ཆད་པའོ། །གསུམ་པ་སྦྱོར་བ་ནི་ངག་མཚན་ཉིདལྔ་ལྡན་གྱིས་སྐྱོན་ནས་སྨྲ་བར་ཞུགས་པའོ། །བཞི་བ་མཐར་ཐུག་ནི་ཉན་པ་པོས་དོན་གོ་བའོ། །གསུམ་པ་ཕྲ་མ་བྱེད་པའི་ལྟུང་བྱེད་འཆད་པ་ལ། རྩ་བར། ཕྲ་མ་བྱེད་འདོད་པས་ཆེ་གེ་མོ་ཞིགཟེར་རོ་ཞེས་སྨྲས་ནའོ། །ཞེས་སོགས་བྱུང༌། འདིའི་དོན་ལ་བཞི་ལས། དང་པོ་གླེང་གཞི་ནི་མཉནཡོད་དུ་དྲུག་སྡེས་དགེ་སློང་རྣམས་ལ་ཕྲ་མ་བྱས་པ་ལས་ལྟུང་བྱེད་དུ་བཅས་སོ། །གཉིས་པ་དགགབྱ་ནི་རང་རིགས་ཀྱི་མཛའ་བའི་ལོངས་སྤྱོད་ལ་གནོད་པའོ། །གསུམ་པ་ངོ་བོ་ནི་བཅས་ལྡན་དགེསློང་གིས་དགེ་སློང་གཞན་གཉིས་ཡན་ཆད་དབྱེ་བའི་བསམ་པས་ཕྲ་མའི་ཚིག་ངག་ཏུ་སྨྲས་ཏེ་དོན་གོ་བ་ལས་གྱུར་པའི་ལྟུང་བ་དངོས་གཞིའོ། །བཞི་བ་ཡན་ལག་ལ་བཞི་ལས། དང་པོ་གཞིའིཡན་ལག་ནི་སྔར་བཤད་པའི་དགེ་སློང་ཆོས་དྲུག་ལྡན་གཉིས་ཡན་ཆད་ཡིན་པ་དང༌། ཐམས་ཅད་དུ་ཕྱེ་ཟིན་པ་མ་ཡིན་པ་སྟེ། གཞན་དུ་ན་ཕྲ་མ་བྱས་ཀྱང་དགག་བྱ་མི་རྫོགས་པའི་ཕྱིར་རོ། །གཉིས་པ་བསམ་པའི་ཡན་ལག་ལ་གཉིས་ལས་འདུ་ཤེས་ནི་གཞི་ལ་མ་འཁྲུལ་བའོ། །ཀུན་སློངནི་ཕྲ་མ་བྱེད་པར་འདོད་པ་རྒྱུན་མ་ཆད་པའོ། །གསུམ་པ་སྦྱོར་བ་ནི་ངག་མཚན་ཉིད་ལྔ་ལྡན་གྱིསཕྲ་མའི་ཚིག་སྨྲ་བར་ཞུགས་པའོ། །བཞི་བ་མཐར་ཐུག་ནི་ཕ་རོལ་པོས་དོན་གོ་བའོ། །

བཞི་བ་སྐྱོ་སྔོགས་བྱེད་པའི་ལྟུང་བ་འཆད་པ།

བཞི་བ་སྐྱོ་སྔོགས་བྱེད་པའི་ལྟུང་བ་འཆད་པ་ལ།

རྩ་བར། དགེ་སློང་གཉིས་ཀྱི་རྩོད་པ་ཉིད་དགེ་འདུན་གྱིས་ལེགས་པར་ཞི་བར་བྱས་པ་ཉིད་ལའོ། །སྐྱོ་སྔོགས་སོ། །ཞེས་སོགསབྱུང༌། འདིའི་དོན་ལ་བཞི་ལས། དང་པོ་གླེང་གཞི་ནི་མཉན་ཡོད་དུ་དྲུག་སྡེས་དགེ་སློང་དག་གིརྩོད་པ་དགེ་འདུན་གྱིས་ཞི་བར་བྱས་པ་ལ་སྐྱོ་སྔོགས་བྱས་པ་ལས་ལྟུང་བྱེད་དུ་བཅས་སོ། །གཉིསཔ་དགག་བྱ་ནི་རང་རིགས་ཀྱི་མཛའ་བའི་ལོངས་སྤྱོད་ལ་གནོད་པའོ། །གསུམ་པ་ངོ་བོ་ནི་བཅསལྡན་དགེ་སློང་གིས་དགེ་སློང་གཉིས་ཡན་ཆད་ཀྱི་རྩོད་པ་དགེ་འདུན་གྱིས་ལེགས་པར་ཞི་བར་བྱས་པ་ལ་ངག་གིས་སྐྱོ་སྔོགས་བྱས་ཏེ་དོན་གོ་བ་ལས་གྱུར་པའི་ལྟུང་བ་དངོས་གཞིའོ། །བཞི་བ་ཡན་ལག་ལ་བཞི་ལས། དང་པོ་གཞིའི་ཡན་ལག་ལ་བཞི་ལས་དང་པོ་ཡུལ་གང་དག་རྩོད་པརབྱེད་པ་ནི་དགེ་སློང་ཆོས་དྲུག་ལྡན་ལས། ལྟ་བ་མཐུན་པ་མ་གཏོགས་པ་ཆོས་ལྔ་ཚང་བའི་སྟེངདུ་རྩོད་པར་བྱེད་པ་པོའི་དགེ་སློང་གཉིས་ཡན་ཆད་ཡིན་པ་སྟེ། དགེ་སློང་གཉིས་ཀྱི་རྩོད་པ། ཞེསགསུངས་པས་སོ། །གཉིས་པ་གང་ལ་སྐྱོ་སྔོགས་བྱ་བའི་ཡུལ་ནི་དགེ་སློང་གཉིས་ཡན་ཆད་ཀྱི་རྩོདཔ་ཡིན་པ་དང་དགེ་འདུན་གྱིས་ལེགས་པར་ཞི་བར་བྱས་པ་དགོས་ཏཻ། རྩ་བར། དགེ་སློང་གཉིསཀྱི་རྩོད་པ་ཉིད་དགེ་འདུན་གྱིས་ལེགས་པར་ཞི་བར་བྱས་པ་ཉིད་ལའོ། །ཞེས་སོ། །གསུམ་པ་གངགིས་སྐྱོ་སྔོགས་བྱེད་པའི་རྟེན་ནི་རང་ཞི་བྱེད་དེ་ལ་གཏོགས་པ་ཡིན་པའོ། །བཞི་པ་གང་ལ་གོ་བར་བྱ་བའི་ཡུལ་ནི་དགེ་སློང་ཆོས་དྲུག་ལྡན་ནོ། །གཉིས་པ་བསམ་པའི་ཡན་ལག་ལ་གཉིས་ལས། འདུ་ཤེས་ནི་གཞི་ལ་མ་འཁྲུལ་བའོ། །ཀུན་སློང་ནི་རྩོད་པ་ཞི་བར་བྱས་ཟིན་པ་དེ་ལ་སྐྱོ་སྔོགས་བྱེད་པར་འདོད་པ་རྒྱུན་མ་ཆད་པའོ། །གསུམ་པ་སྦྱོར་བ་ནི་ངག་མཚན་ཉིད་ལྔ་ལྡན་གྱིས་སྐྱོ་སྔོགས་བྱེད་པར་ཞུགས་པའོ། །སྐྱོ་སྔོགས་བྱེད་པ་ནི་འགྲེལ་ཆུང་ལས། རྩོད་པ་ཞི་བའི་མི་རིགས་ཀྱིས། ད་དུང་རྩོད་པའི་རིགས་སོ་ཞེས་ཟེར་ནའོ། །ཞེས་གསུངས་ལ། ལུང་རྣམ་འབྱེད་ལས། རྩོད་པའདི་ནི་ཉེ་བར་ཞི་བར་མ་ཡིན་གྱིས་ཡང་ཞི་བར་བྱའོ་ཞེས་སྐྱོ་སྔོགས་བྱེད་དེ། ཞེས་གསུངས་སོ། ། བཞི་བ་མཐར་ཐུག་ནི་ཕ་རོལ་པོས་དོན་གོ་བའོ། །

ལྔ་བ་བུད་མེད་ལ་ཆོས་སྟོན་པའི་ལྟུང་བྱེད་འཆད་པ།

ལྔ་བ་བུད་མེད་ལ་ཆོས་སྟོན་པའི་ལྟུང་བྱེད་འཆད་པ་ལ། རྩ་བར། སྟོན་པ་ལའོ། །

ཆོས་སོ། །ཚིག་དྲུག་ལས་ལྷག་པར་རོ། །ཞེས་སོགས་བྱུང༌། འདིའི་དོན་ལ་བཞི་ལས། དངཔོ་གླེང་གཞི་ནི་མཉན་ཡོད་དུ་འཆར་ཀས་ཁྱིམ་པ་མོ་ལ་ཆོས་བསྟན་ཞིང་དེའི་རྗེས་སུ་དྲུག་སྡེསཚིག་དྲུག་ལས་ལྷག་པར་བསྟན་པ་ལས་ལྟུང་བྱེད་དུ་བཅས་སོ། །གཉིས་པ་དགག་བྱ་ནི་ཆགསཔའི་རྒྱུར་འགྱུར་བའོ། །གསུམ་པ་ངོ་བོ་ནི་བཅས་ལྡན་དགེ་སློང་གིས་ཁྲིམས་གྲོགས་སྐྱེས་པ་མེདཔར་ཁྱིམ་པ་མོ་ལ་ཆོས་ཚིག་ལྔའམ་དྲུག་ལས་ལྷག་པར་བསྟན་ཏེ་དོན་གོ་བ་ལས་གྱུར་པའི་ལྟུངབ་དངོས་གཞིའོ། །བཞི་བ་ཡན་ལག་ལ་བཞི་ལས། དང་པོ་གཞིའི་ཡན་ལག་ལ་གང་ལ་བསྟནཔའི་ཡུལ་དང༌། གང་བསྟན་པའི་ཆོས་དང༌། གང་དུ་བསྟན་པའི་གནས་དང༌། གང་གིས་སྟོན་པའིརྟེན་དང་བཞིེ། དང་པོ་ལ་བརྒྱད་དེ། སྔར་འཁྲིག་ཚིག་གི་སྐབས་སུ་བཤད་པ་ལྔའི་སྟེང་དུ། ཁྱིམཔ་མོ་ཡིན་པ་སྟེ། ཁྱིམ་པ་མོ་ལ་སྟོན་པ་ལའོ། །ཞེས་སོ། །སེལ་བ་རབ་བྱུང་མོ་ལ་ཁྲིམས་གྲོགསམེད་པར་ཆོས་སྟོན་ན། ཉེས་བྱས་སོ། །བུད་མེད་མཁས་པའི་རང་བཞིན་ཅན་མ་ཡིན་པ་སྟེ། ལུངརྣམ་འབྱེད་ལས། བུད་མེད་མཁས་པའི་རང་བཞིན་ཅན་གྱིས་གོང་ནས་གོང་དུ་དྲིས་པ་གཏན་ལདབབ་པ་བྱས་པ་དང༌། ཞེས་ལྟུང་མེད་དུ་གསུངས་སོ། །མཁས་པས་གོང་ནས་གོང་དུ་དྲིས་པནི་རྣམ་འབྱེད་འགྲེལ་ལས། དོན་གྱི་ཐེ་ཚོམ་བཅད་པའི་ཕྱིར་རོ། །ཞེས་གསུངས་སོ། །ངོ་མ་སྤོསཔ་སྟེ། བལ་ཁུར་བ་ལ་བཤད་པའི་གནད་ཀྱིས་ཤེས་སོ། །གཉིས་པ་གང་བསྟན་པའི་ཆོས་ལབཞི་ལས། སངས་རྒྱས་ཀྱི་བཀའ་འམ་དེའི་བསྟན་བཅོས་ཡིན་པ་སྟེ། ཆོས་སོ་ཞེས་པ་དང༌། རྣམའབྱེད་འགྲེལ་བ་ལས། ཆོས་ཞེས་བྱ་བ་ནི་སངས་རྒྱས་ཀྱིས་གསུངས་པའམ་སངས་རྒྱས་ཀྱི་ཉནཐོས་ཀྱིས་བཤད་པའོ། །ཞེས་སོ། །དོན་བཤད་པ་ཡིན་པ་སྟེ། དོན་མི་འཆད་པར་ཚིག་འདོན་པཡིན་ན་ལྟུང་མེད་དུ་གསུངས་པས་ཤེས་ཏེ། དུས་ཁྲིམས་འབོགས་པ་དང་ཡོན་འཆད་པ་དག་ནིམ་ཡིན་ནོ། །ཞེས་གསུངས་སོ། །ཚིག་ལྔའམ་དྲུག་ལས་ལྷག་པར་ཚིག་བཞིར་ལོངས་པ་སྟེ། ཚིག་དྲུག་ལས་ལྷག་པར་རོ། །ཞེས་པ་དང༌། ཊཱི་ཀ་ལས། ཐ་ན་ཚིགས་སུ་བཅད་པ་ཙམ་འདོནན་ཡང་ངོ་ཞེས་གླུ་ལེན་པ་ལ་བཤད་པའི་གནད་ཀྱིས་ཤེས་སོ། །སྔར་ཤེས་ལས་གཞན་ཡིན་པ་སྟེ། སྔར་ཤེས་ཟིན་ན་ནི། སློབ་གཉེར་བསོད་པ་དང་ཞེས་ལྟུང་མེད་དུ་གསུངས་པས་སོ། །རྣམའབྱེད་འགྲེལ་བ་ལས། སློབ་གཉེར་བསོད་པ་ཞེས་བྱ་བ་ནི་སྔར་ལུང་ཕོག་པའོ་ཞེས་བཤད་པས། དོན་སྔར་ནས་ཤེས་ཟིན་པ་དེ་ངེས་ཤིང་བྱང་བར་བྱེད་པའོ། །རྣམ་འབྱེད་འགྲེལ་བ་ལས། ཁཏོན་ཞུ་བ་ཞེས་བྱ་བ་ནི་ཁ་ཏོན་འདོན་པའོ། །ཞེས་བཤད་པས། ཚིག་སྔར་ནས་བཟུང་ཟིན་པདེ་མི་བརྗེད་ཅིང་བྱང་བར་བྱ་བའི་ཕྱིར་ཚིག་ཁ་ཏོན་དུ་འདོན་པའོ། །དམིགས་ཀྱིས་འདྲི་བ་ནི་རྣམའབྱེད་འགྲེལ་བ་ལས། ཚིག་ལ་ཐེ་ཚོམ་ཟ་བའི་གནས་རྣམས་ངེས་པར་བྱེད་པའོ། །ཞེས་གསུངསསོ། །ཡོན་བཤད་པ་ནི་ཡོན་བསྔོ་བ་སྟེ། སྨན་གྱི་གཞིའི་ཊཱི་ཀ་ལས། ཡོན་བཤད་པ་ཞེས་བྱ་བ་ནིདགེ་བའི་རྩ་བ་བསྔོས་ཞིང་སྨོན་ལམ་འདེབས་པའོ། །ཞེས་གསུངས་སོ། །གསུམ་པ་གང་དུ་བསྟནཔའི་གནས་ནི། གནས་གཅིག་ཡིན་པ་སྟེ། གནས་གཞན་དུ་ནི་སྔ་མ་མ་བྱས་པ་ཉིད་དོ་ཞེས་གསུངསཔས་སོ། །བཞི་པ་གང་གིས་སྟོན་པའི་རྟེན་ནི། ཁྲིམས་གྲོགས་དང་མི་ལྡན་པ་སྟེ་སྐྱེས་པ་མེདཔའོ། །གཉིས་པ་བསམ་པའི་ཡན་ལག་ལ་གཉིས་ལས་འདུ་ཤེས་ནི་གཞི་ལ་མ་འཁྲུལ་བའོ། །

ཀུན་སློང་ནི་ཆོས་ཚིག་ལྔའམ་དྲུག་ལས་ལྷག་པར་སྨྲ་ཞིང་གོ་བར་འདོད་པ་རྒྱུན་མ་ཆད་པའོ། །གསུམ་པ་སྦྱོར་བ་ནི་ངག་མཚན་ཉིད་ལྔ་ལྡན་གྱིས་ཆོས་སྟོན་པའི་སྦྱོར་བ་གཅིག་གིས་ཚིག་ལྔའམདྲུག་ལས་ལྷག་པར་ཆོས་སྟོན་པར་ཞུགས་པའོ། ། བཞི་བ་མཐར་ཐུག་ནི་བུད་མེད་དེས་དོན་གོབའོ། །

དྲུག་པ་འདོན་པའི་ལྟུང་བྱེད་འཆད་པ།

དྲུག་པ་འདོན་པའི་ལྟུང་བྱེད་འཆད་པ་ལ།

རྩ་བར། བསྙེན་པར་མ་རྫོགས་པ་དང་ཅིག་ཅར་རམ་མཇུག་ཐོགས་སུ་སྟོན་བྱེད་དུ་གྱུར་པའི་ཆོས་དང་ཡི་གེ་ཡང་འདོན་ནའོ། །ཞེས་བྱུང༌། འདིའི་དོན་ལ་བཞི་ལས། དང་པོ་གླེང་གཞི་ནི་མཉན་ཡོད་དུ་དྲུག་སྡེས་བསྙེན་པར་མ་རྫོགས་པདང་ཚིག་མཉམ་དུ་ཆོས་འདོན་པར་བྱེད་པ་ལས་ལྟུང་བྱེད་དུ་བཅས་སོ། །གཉིས་པ་དགག་བྱནི་ལུང་འབོགས་པ་པོ་དང་ཆོས་ལ་མ་གུས་པ་སྟེ། ཊཱི་ཀ་ལས། དང་པོ་ལེན་པ་དང༌། འདོན་པའིདུས་ན་རང་དབང་དུ་བརྗོད་པ་ནི་འདོན་དུ་འཇུག་པ་དེ་དང་ཆོས་ལ་ཡང་མ་གུས་པའི་བསམ་པ་བརྒྱུད་པ་གནས་པར་ཡིན་པས་ལྟུང་བ་འདི་རྣམ་པར་གཞག་གོ། །གསུམ་པ་ངོ་བོ་ནི་བཅསལྡན་དགེ་སློང་གིས་བསྙེན་པར་མ་རྫོགས་པའམ་བསླབ་པ་བྱིན་པ་དང་དུས་མཉམ་དུའམ་མཇུགཐོགས་སུ་སྟོན་བྱེད་དུ་གྱུར་པའི་ཚིགས་བཞིར་ལོངས་པའམ་ཡི་གེ་འདོན་པ་ལས་གྱུར་པའི་ལྟུངབ་དངོས་གཞིའོ། །བཞི་བ་ཡན་ལག་ལ་བཞི་ལས། དང་པོ་གཞིའི་ཡན་ལག་ལ། གང་ལ་འདོནཔའི་ཡུལ་དང༌། གང་འདོན་པའི་དངོས་པོ་དང་གཉིས་ལས། དང་པོ་ལ་ལྔ་ལས། བསྙེན་པར་མརྫོགས་པའམ་བསླབ་པ་བྱིན་པ་ཡིན་པ་སྟེ། བསྙེན་པར་མ་རྫོགས་པ་དང་ཅིག་ཅར་རམ། ཞེསདང༌། སྤྱིར་བསྟན་པ་ལས། བསྙེན་པར་མ་རྫོགས་པ་དང་ལྡན་པ་ཉིད་ཀྱང་ངོ༌། །ཞེས་སོ། །སེལབ་ནི་དགེ་སློང་གིས་དགེ་སློང་མ་དང་འདོན་པའམ་དགེ་སློང་དང་འདོན་ན་ཉེས་བྱས་སོ། ། བསམཔ་ཐག་པ་ནས་སློབ་པར་འདོད་པ་སྟེ། ཊཱི་ཀ་ལས། འདོན་པ་ཞེས་བྱ་བ་ནི་ཀློག་པའི་ཕྱིར་བརྗོདཔ་ཡིན་པར་བསམས་ཏེ། ཁ་ཏོན་ཞུ་བ་ལ་སོགས་པ་དག་ལ་ལྟུང་བ་མེད་དོ། །ཞེས་གསུངསཔའི་ཕྱིར་རོ། །བསྡུས་པ་ལས་ཀྱང་ཆོས་བསྟན་པ་སྦྱིན་པའི་ཚུལ་གྱིས་ལེན་དུ་འཇུག་པ་ཡིན་གྱི། ཞེས་བཤད་པས་ཤེས་སོ། ། ངོ་མ་སྤོས་པ་སྟེ། བལ་འཁུར་བ་ལ་བཤད་པའི་གནད་ཀྱིསཤེས་སོ། །དེ་ཡང་ཆོས་འདོན་པ་ལ་ཡིན་གྱི་ཡི་གེ་འདོན་པ་ལ་མ་ཡིན་ནོ། །ཐ་སྙད་ལྔ་དང་ལྡནཔ་དང༌། ལུས་ཐ་མལ་དུ་གནས་པ་ནི་སྔར་མི་ཆོས་བླ་མའི་སྐབས་སུ་བཤད་པ་བཞིན་ནོ། །གཉིས་ པ་གང་འདོན་པའི་དངོས་པོ་ནི་གསུམ་ལས། སྟོན་བྱེད་དུ་གྱུར་པའི་ཆོས་སམ་ཡི་གེ་ཡིན་པའོ། །ཆོས་ཡིན་ན་ཚིགས་བཞིར་ལོངས་པ་སྟེ། འགྲེལ་ཆུང་ལས། ཤླཽ་ཀ་གཅིག་ཡན་ཆད་མིད་པ་བསྒྲིལཞིང་སྨྲ་ན་ལྟུང་བར་འགྱུར། ཞེས་སོ། །སྔར་ཤེས་ལས་གཞན་ཡིན་པ་སྟེ། ཁ་ཏོན་ཞུ་བ་ལ་སོགསཔ་ལ་ལྟུང་མེད་དུ་གསུངས་པས་ཤེས་སོ། །སྟོན་བྱེད་དུ་གྱུར་པའི་ཆོས་ཞེས་པའི་སྐབས་སུ་འདིརམུ་བཞི་སྟེ། སྟོན་བྱེད་ཡིན་ལ་ཆོས་མ་ཡིན་པ་ནི་དྲང་སྲོང་སེར་སྐྱས་བཤད་པ་ལྟ་བུའི་མུ་སྟེགསཅན་གྱི་གཞུང་ལུགས་རྣམས་སོ། །ཆོས་ཡིན་ལ་སྟོན་བྱེད་མ་ཡིན་པ་ནི། ཊཱི་ཀ་ལས། སློབ་དཔོནདཔའ་བོས་བྱས་པའི་སྐྱེས་པའི་རབས་ཀྱི་རྒྱུད་ལྟ་བུ། ཞེས་སོ། །གཉིས་ཀ་ཡིན་པ་ནི་འདུལ་བལུང་ལྟ་བུའོ། །གཉིས་ཀ་མ་ཡིན་པ་ནི་བྱ་རོག་སོ་རྟོག་གི་བསྟན་བཅོས་ལྟ་བུའོ། །སྟོན་བྱེད་ནི་དངཔོའི་སྟོན་པས་བཤད་པའི་བཀའ་ལུང་ངོ༌། །ཆོས་ནི་ལུང་རྣམ་འབྱེད་ལས། ཆོས་ཞེས་བྱ་བ་ནིསངས་རྒྱས་ཀྱི་གསུངས་པ་དང་སངས་རྒྱས་ཀྱི་ཉན་ཐོས་ཀྱིས་བཤད་པའོ། །ཞེས་གསུངས་སོ། །

སྟོན་པ་བཞུགས་པའི་ཚེ་ན་ཉན་ཐོས་ཀྱིས་བཤད་ན་ཡང་སྟོན་བྱེད་དུ་འགྱུར་བ་ཡིན་ཏེ། བྱིན་གྱིསབརླབས་པའི་བཀའ་ཡིན་པའི་ཕྱིར་རོ། །སྟོན་བྱེད་དང་ཆོས་གཉིས་ཀ་ཡིན་པ་འདོན་ན་ལྟུང་བྱེདདོ། །ཡི་གེ་ཡང་འདོན་ནའོ་ཞེས་པ་ནི། ཊཱི་ཀར་ལུང་དྲངས་པ་ལས། ཅིག་ཅར་ཡི་གེ་བརྗོད་ནལྟུང་བྱེད་དོ། །མཇུག་ཐོགས་སུ་ཡི་གེ་བརྗོད་ན་ལྟུང་བྱེད་དོ། །ཞེས་གསུངས་ལ། ལུང་རྣམ་འབྱེདལས། སློབ་དཔོན་ཨ་ཞེས་འདོན་པ་ན་ཉེ་གནས་ཀྱང་དུས་གཅིག་ཏུ་ཨ་ཞེས་འདོན་པ་སྟེ། དེ་ལྟརཡི་གེ་མཉམ་པས་སོ། །ཞེས་གསུངས་སོ། །གཉིས་པ་བསམ་པའི་ཡན་ལག་ལ་གཉིས་ལས།

འདུ་ཤེས་ནི་གཞི་ལ་མ་འཁྲུལ་བའོ། །ཀུན་སློང་ནི་རང་དགར་དུས་མཉམ་དུའམ་མཇུག་ཐོགསསུ་འདོན་པར་འདོད་པ་རྒྱུན་མ་ཆད་པ་སྟེ་མི་འདོད་བཞིན་དུ་གྲུབ་པ་ནི་མ་གཏོགས་སོ་ཞེས་བཤདདོ། །གསུམ་པ་སྦྱོར་བ་ནི་དུས་མཉམ་དུའམ་མཇུག་ཐོགས་སུ་ཆོས་འདོན་པའི་སྦྱོར་བ་གཅིགགིས་ཆོས་སམ་ཡི་གེ་འདོན་པར་ཞུགས་པའོ། ། བཞི་བ་མཐར་ཐུག་ནི་ཆོས་ཚིགས་བཞི་བཏོནཟིན་པའམ་ཡི་གེ་གཅིག་ཙམ་བཏོན་ཟིན་པའོ། །

བདུན་པ་གནས་ངན་ལེན་བརྗོད་པའི་ལྟུང་བྱེད་འཆད་པ་ལ་གཉིས་ལས།

དང་པོ་བསླབ་པར་བྱ་བ་ནི། རྩ་བར། དགེ་སློང་དང་དགེ་སློང་མ་སྡིག་ཅན་དག་ཁྱིམ་དུ་སོ་སོར་གོ་བརབྱེད་པ་བསྐོ་བར་བྱའོ། །ཞེས་སོགས་བྱུང༌། འདིའི་དོན་ལ་ལྔ་ལས། དང་པོ་གནས་ངན་ལེནབརྗོད་པ་བསྐོས་པའི་དགོས་པ་ནི། དེས་དེའི་གནས་ངན་ལེན་བརྗོད་ཀྱང་ལྟུང་བ་མི་འབྱུང་བ་དང༌།

ལས་ཀྱིས་བསྐོས་པས་བཅས་པའི་ས་མཚམས་ཟིན་པ་དང༌། དེའི་གནས་ངན་ལེན་བརྗོད་ཅིངགོ་བར་བྱས་པས་ངན་པ་མགོ་གཅིག་ཏུ་བསྒྲེ་ཞིང་དགེ་འདུན་སྤྱི་ལ་མ་དད་པ་དེ་སྤོང་བའོ། །གཉིསཔ་ཡུལ་གང་བསྐོ་བ་ནི། བསྐོ་བའི་ཡུལ་ཆོས་བཅུ་བཞི་དང་ལྡན་པ་སྟེ་སྐབས་འོག་ཏུ་འཆད་པརའགྱུར་རོ། །གསུམ་པ་རྟེན་གང་གིས་བསྐོ་བ་ནི་དགེ་འདུན་མཚན་ཉིད་བཞི་ལྡན་གྱིས་སོ། །བཞིབ་་ཆོ་ག་གང་གིས་བསྐོ་བ་ནི་གསོལ་གཉིས་ལས་ཀྱིས་བསྐོ་བའོ། །ལྔ་པ་བསྐོས་པ་དེའི་བསླབབྱ་ནི་ཁྱིམ་རྣམས་སུ་སོ་སོར་གོ་བར་བྱ་ལ། ཉེས་པ་གང་གིས་སུན་ཕྱུང་བའི་ཉེས་པ་དེ་ཙམ་ཞིགབརྗོད་པར་བྱའི་ཉེས་པ་གཞན་མི་བརྗོད་པ་དང༌། ཁྱིམ་པ་གང་སུན་ཕྱུང་བའི་ཁྱིམ་པ་དེ་རྣམསལ་བརྗོད་པར་བྱ་བ་ལས་ཁྱིམ་པ་གཞན་ལ་མི་བརྗོད་དོ། །ཞུ་བ་ལས། ཉེས་པའི་མཐར་བྱ་བདང༌། རིགས་ཀྱི་མཐར་བྱ་བ་ཞེས་གསུངས་ལ། དེ་ལས་ལྷག་པར་བསྒོ་ན་ལྟུང་བར་འགྱུར་རོ། །

ཞེས་གསུངས་སོ། །

གཉིས་པ་དངོས་གཞིའི་ལྟུང་བ་ནི།

རྩ་བར། ཉན་པ་བོ་མི་ཤེས་པ་ཉིད་དང་བསྙེནཔར་མ་རྫོགས་པ་ཉིད་དག་དང་ལྡན་པ་ལའོ། །ཞེས་སོགས་བྱུང༌། འདིའི་དོན་ལ་བཞི་ལས།

དང་པོ་གླེང་གཞི་ནི་མཉན་ཡོད་དུ་དྲུག་སྡེས་བསྙེན་པར་མ་རྫོགས་པ་ལ་དགེ་སློང་གཞན་གྱི་གནསངན་ལེན་བརྗོད་པ་ལས་ལྟུང་བྱེད་དུ་བཅས་སོ། །གཉིས་པ་དགག་བྱ་ནི་ངན་པ་མགོ་གཅིག་ཏུབསྒྲེ་བའི་སྒོ་ནས་རང་རིགས་ལ་མ་དད་པར་འགྱུར་བའོ། །གསུམ་པ་ངོ་བོ་ནི་བཅས་ལྡན་དགེསློང་གིས་དགེ་འདུན་གྱིས་གནས་ངན་ལེན་བརྗོད་པར་མ་སྐོས་པར་ཡུལ་བསྙེན་པར་མ་རྫོགསཔ་ལ་དགེ་སློང་གཞན་གྱི་ཕམ་པའམ་ལྷག་མའི་ལྟུང་བ་བརྗོད་ཅིང་དོན་གོ་བ་ལས་གྱུར་པའི་ལྟུངབ་དངོས་གཞིའོ། །བཞི་བ་ཡན་ལག་ལ་བཞི་ལས། དང་པོ་གཞིའི་ཡན་ལག་ལ། གང་ལ་བརྗོདཔའི་ཡུལ་དང༌། གང་བརྗོད་པའི་དངོས་པོ་དང༌། གང་གིས་བརྗོད་པའི་ལྟུང་བའི་བདག་པོ་དང༌། གང་གིས་བརྗོད་པའི་རྟེན་དང་བཞི། དང་པོ་ལ་ལྔ་ལས་བསྙེན་པར་མ་རྫོགས་པའམ་བསླབ་པབྱིན་པ་ཡིན་པ་སྟེ། བསྙེན་པར་མ་རྫོགས་པ་ཉིད་དག་དང་ལྡན་པ་ལའོ། །ཞེས་གསུངས་པསསོ། །སེལ་བ་དགེ་སློང་རྣམ་དག་ལ་བརྗོད་པ་ལ་ནི་ལྟུང་བ་མེད་དེ། མ་བརྗོད་ན་གནས་ངན་ལེནའཆབ་པའི་ལྟུང་བྱེད་དུ་འགྱུར་བའི་ཕྱིར་རོ། །བྱུང་བ་དང་བཅས་པ་མི་ཤེས་པ་སྟེ། ཉན་པ་པོ་མིཤེས་པ་ཉིད་དང༌། ཞེས་སོ། །སེལ་བ་ནི་བྱུང་བཅས་ཤེས་པ་ལ་བརྗོད་པ་ནི་ལྟུང་བ་མེད་དེ། རྣམའབྱེད་ལས། དྲིལ་བསྒྲག་པ་ལ་ནི་ལྟུང་བ་མེད་དོ། །བདག་གིས་ཤེས་པ་དེ་བཞིན་དུ་འཇིག་རྟེནཐམས་ཅད་ཀྱིས་ཀྱང་ཤེས་སོ་སྙམ་ནའོ། །ཞེས་གསུངས་སོ། །འཕགས་པའི་བདེན་པ་མ་མཐོངབ་སྟེ། བསྡུས་པ་ལས། བདེན་པ་མཐོང་བ་ལ་ལྟུང་བ་མེད་དོ། །ཞེས་གསུངས་སོ། །ཐ་སྙད་ལྔདང་ལྡན་པ་དང་ལུས་ཐ་མལ་པར་གནས་པ་ནི་སྔར་དང་འདྲའོ། །གཉིས་པ་གང་བརྗོད་པའི་དངོསཔོ་ལ་གཉིས་ལས། ཕམ་པ་དང་ལྷག་མའི་དངོས་གཞི་གང་རུང་ཡིན་པ་སྟེ། རྩ་བར། ཕམ་པརགྱུར་པ་དང་དགེ་འདུན་ལྷག་མ་དག་སོ་སོ་ཡང་རུང་བསྡུས་པ་ཡང་རུང་ངོ། ། ཅེས་གསུངསསོ། །སེལ་བ་སྦོམ་པོ་དང་ལྟུང་བྱེད་ལ་སོགས་པ་བརྗོད་ན། ཉེས་བྱས་སོ། །དགེ་སློང་གཞནགྱི་རྒྱུད་ལ་འབྲེལ་བར་ཡོད་པ་སྟེ། ཞུ་བ་ལས། དགེ་སློང་གིས་བདག་ཉིད་ཀྱིས་གནས་ངན་ལེནགྱི་ནོངས་པ་བསྙེན་པར་མ་རྫོགས་པ་ལ་སྨྲས་ན་ཉེས་པ་ཅིར་འགྱུར་ཉེས་བྱས་སོ། །ཞེས་གསུངསལ། ཉེས་བྱས་སུ་གསུངས་པ་ནི། གཞན་གྱི་ཡིན་པ་ཉིད་མེད་པའི་ཕྱིར་ཞེས་ཞུ་འགྲེལ་ལས་སོ། །

གསུམ་པ་གང་གིས་བརྗོད་པ་ལྟུང་བའི་བདག་པོ་ནི་དགེ་སློང་གཞན་ཡིན་པ་སྟེ། གཞན་དེ་ཡངདགེ་འདུན་ལྷག་མའི་ལྟུང་བ་བརྗོད་པའི་ཆ་ནས་དགེ་སློང་ཆོས་དྲུག་ལྡན་ཡིན་ལ། ཕམ་པའིལྟུང་བ་བརྗོད་པ་ལ་ནི་ཡུལ་དེ་ཕམ་པས་གོས་པ་ཡན་ལག་ཏུ་དགོས་པས། དགེ་སློང་གི་སྡོམ་པརྣམ་པར་དག་པ་ཡན་ལག་མ་ཡིན་གྱི། དགེ་སློང་གི་སྡོམ་པ་ཙམ་པོ་དང་ལྡན་པའོ། །མཚན་མཐུནལྟ་མཐུན་ལ་སོགས་པ་ལྔ་ནི་བྱིན་འཕྲོག་གི་སྐབས་སུ་བཤད་པ་དང་འདྲའོ། །བཞི་པ་གང་གིསབརྗོད་པའི་རྟེན་ནི། གནས་ངན་ལེན་བརྗོད་པ་པོར་བསྐོས་པ་དང་མ་འབྲེལ་བ་དང་གསོལ་བའིཁོངས་སུ་གཏོགས་པ་མ་ཡིན་པ་སྟེ། བསྐོ་བ་མ་བྱས་པ་ལའོ། །དགེ་འདུན་ལ་མ་གསོལ་བའོ། །ཞེས་སོ། །གཉིས་པ་བསམ་པའི་ཡན་ལག་ལ་གཉིས་ལས། འདུ་ཤེས་ནི་གཞི་ལ་མ་འཁྲུལ་བའོ། །

ཀུན་སློང་ནི་རང་དགར་གནས་ངན་ལེན་བརྗོད་པར་འདོད་པ་རྒྱུན་མ་ཆད་པའོ། །གསུམ་པ་སྦྱོརབ་ནི་ངག་མཚན་ཉིད་ལྔ་ལྡན་གྱིས་གནས་ངན་ལེན་བརྗོད་པར་ཞུགས་པའོ། །བཞི་བ་མཐརཐུག་ནི་ཕ་རོལ་པོས་དོན་གོ་བའོ། །

བརྒྱད་པ་མི་ཆོས་བླ་མ་བདེན་སྨྲའི་ལྟུང་བྱེད་འཆད་པ་ལ། རྩ་བར། བདེན་པ་ཉིད་ནའོ། །ཞེས་སོགས་བྱུང༌། འདིའི་དོན་ལ་བཞི་ལས། དང་པོ་གླེང་གཞི་ནི་ཉ་པའི་གྲོང་དུ་སྔོན་ཉཔར་གྱུར་པའི་དགེ་སློང་ལྔ་བརྒྱས་མིའི་ཆོས་བླ་མ་བདེན་པར་སྨྲས་པ་ལས་འོད་མ་ཅན་གྱི་གྲོངདུ་ལྟུང་བྱེད་དུ་བཅས་སོ། །གཉིས་པ་དགག་བྱ་ནི་རྫུན་དུ་སྨྲས་སོ་ཞེས་རང་ལ་སྐུར་པ་འདེབསཔའི་རྒྱུར་འགྱུར་བ་དང༌། གཞན་རྫུན་དུ་སྨྲ་བའི་རྒྱུར་འགྱུར་བའོ། །གསུམ་པ་ངོ་བོ་ནི་བཅས་ལྡནདགེ་སློང་རང་གིས་མིའི་ཆོས་བླ་མ་ཐོབ་པ་དེ་སྨྲ་ཡུལ་བསྙེན་པར་མ་རྫོགས་པ་ལ་བདེན་པར་སྨྲསཏེ་དོན་གོ་བ་ལས་གྱུར་པའི་ལྟུང་བ་དངོས་གཞིའོ། །བཞི་བ་ཡན་ལག་ལ་བཞི་ལས། དང་པོ་གཞིའིཡན་ལག་ལ་གཉིས་ཏེ། གང་ལ་སྨྲ་བའི་ཡུལ་དང༌། གང་སྨྲ་བའི་དངོས་པོའོ། །དང་པོ་ལ་བཞི་སྟེ། བྱུང་བ་དང་བཅས་པའི་ཤེས་པ་མ་གཏོགས་པ་བཞི་སྟེ་སྔ་མ་བཞིན་ནོ། །བདེན་པ་མ་མཐོང་བབསྙེན་པར་མ་རྫོགས་པའི་སེལ་བ་ནི། ཞུ་བ་ལས། བདེན་པ་མཐོང་བ་ལྟ་བ་ཕུན་སུམ་ཚོགསཔ་ལ་བརྗོད་ན་ལྟུང་བ་མེད་དོ་ཞེས་གསུངས་པས། བསྙེན་པར་རྫོགས་པ་ལ་བརྗོད་ན་ཡང་ལྟུངབ་མེད་དོ་ཞེས་མདོར་བསྡུས་སྦྱར་བར་བྱའོ། །ཊཱི་ཀ་ལས། གདུལ་བྱའི་དོན་ཉིད་དུ་ནི་ལྟུང་བ་མེདདེ་ལྟེང་རྒྱས་འོད་སྲུངས་ལ་རྫུ་འཕྲུལ་བསྟན་པའི་བྱུང་བའི་མཐའ་ལས་སོ། །ཞེས་སོ། །གང་སྨྲ་བའིདངོས་པོ་ནི་མི་ཆོས་བླ་མའི་ཡོན་ཏན་ཁྱད་པར་ཅན་ཡིན་པ་དང༌། ད་ལྟ་བདག་ལ་ལྡན་པའོ། །དགྲ་བཅོམ་ཡིན་པ་བདེན་པར་སྨྲ་བའི་ལྟུང་བྱེད་འདི་ནི་དགྲ་བཅོམ་པ་ཉིད་ལ་འབྱུང་གི། སོ་སོ་སྐྱེབོ་ལ་ནི་ལྟུང་བྱེད་འདི་འབྱུང་མི་སྲིད་དོ། །དགྲ་བཅོམ་པ་ཁོ་ན་ལ་ངེས་པར་འབྱུང་བ་དེས་ན་འདིནི་བཅས་པའི་ཁ་ན་མ་ཐོ་བ་ཡིན་གྱི། རང་བཞིན་གྱི་ཁ་ན་མ་ཐོ་བ་ཡིན་མི་སྲིད་ཅེས་མཚོ་མཆནལས་གསུངས་སོ། །གཉིས་པ་བསམ་པའི་ཡན་ལག་ལ་གཉིས་ལས་འདུ་ཤེས་ནི་གཞི་ལ་མ་འཁྲུལབའོ། །ཀུན་སློང་ནི་རང་དགར་རང་དོན་དུ་མི་ཆོས་བླ་མ་བདེན་པར་སྨྲ་ཞིང་གོ་བར་འདོད་པ་རྒྱུན་མ་ཆད་པའོ། །གསུམ་པ་སྦྱོར་བ་ནི་ངག་མཚན་ཉིད་ལྔ་ལྡན་གྱིས་སྨྲ་བར་བྱེད་པའོ། །བཞིབ་མཐར་ཐུག་ནི་ཕ་རོལ་པོས་དོན་གོ་བའོ། །

དགུ་བ་བཤེས་ངོར་བྱས་སོ་ཞེས་སྐུར་པ་འདེབས་པའི་ལྟུང་བྱེད་འཆད་པ་ལ་གཉིས་ལས། དང་པོ་བསླབ་པར་བྱ་བ་ནི།

རྩ་བར། གལ་ཏེ་བརྟན་པ་ཉིད་དུ་དགོས་ན་གསོལ་བ་སྔརབཏབ་པའི་དོན་བྱའོ། །ཞེས་སོ། །

གཉིས་པ་དངོས་གཞིའི་ལྟུང་བ་ནི།

རྩ་བར། དད་པ་ཕུལ་བ་ལའོ། །ཞེས་སོགས་བྱུང༌།

འདིའི་དོན་ལ་བཞི་ལས། དང་པོ་གླེང་གཞི་ནི་རྒྱལ་པོའི་ཁབ་ཏུ་མཛའ་བོ་དང་ས་ལས་སྐྱེས་གཉིསཀྱིས་ཚེ་དང་ལྡན་པ་དག་གིས་བཤེས་ངོར་བྱས་སོ་ཞེས་སྐུར་པ་བཏབ་པ་ལས་ལྟུང་བྱེད་དུ་བཅསསོ། །གཉིས་པ་དགག་བྱ་ནི་རང་རིགས་ཀྱི་སེམས་བདེ་བ་ལ་གནོད་པའོ། །གསུམ་པ་ངོ་བོ་ནིབཅས་ལྡན་དགེ་སློང་གིས་དགེ་འདུན་དབང་བའི་རྙེད་པ་ཟས་ལས་གཞན་པ་དེ་གང་ཟག་ལ་ལོགཔར་བསྔོས་སོ་ཞེས་སྐུར་པ་བཏབ་པ་དེ་དོན་གོ་བ་ལས་གྱུར་པའི་ལྟུང་བ་དངོས་གཞིའོ། །བཞི་བ་ཡན་ལག་ལ་བཞི་ལས། དང་པོ་གཞིའི་ཡན་ལག་ལ་དངོས་པོ་གང་ལོག་པར་བསྔོས་སོ་ཞེསབརྗོད་པ་དང༌། ཡུལ་གང་ལ་ལོག་པར་བསྔོས་སོ་ཞེས་བརྗོད་པ་དང༌། གང་ལ་སྐུར་པ་གདབཔའི་ཡུལ་དང༌། གང་གིས་སྐུར་པ་འདེབས་པའི་རྟེན་དང༌། གང་ལ་གོ་བར་བྱ་བའི་ཡུལ་ལྔའོ། །

དང་པོ་ནི་ལྔ་ལས།༡དགེ་སློང་གི་དགེ་འདུན་དབང་བའི་རྙེད་པ་ཡིན་པ་དང༌། ཟས་ལས་གཞནཡིན་པ་སྟེ། དགེ་སློང་གི་དགེ་འདུན་གྱི་ཟས་ཀྱི་རྙེད་པ་མ་ཡིན་པ། ཞེས་སོ། །༢བློ་མཐུན་བྱསཔ་དང་འབྲེལ་བ་སྟེ། སོ་སོར་ཐར་པ་ལས། སྔར་ལེགས་པར་རུང་བ་བྱས་ནས། ཞེས་གསུངསཔས་ཤེས་སོ། །༣གཞན་དུ་ན་ལྟུང་བ་ན་སྨད་དེ། དགག་བྱ་མི་རྫོགས་པའི་ཕྱིར་རོ། །༤ཕལ་ཆེརརུང་བ་དང༌། ༥ཚད་དང་ལྡན་པའོ། །ཀུན་མཁྱེན་འཇམ་དབྱངས་བཞད་པའི་ཡིག་ཆ་ལས། གོསཀྱི་རྙེད་པ་དགོས་ཏེ། རྣམ་འབྱེད་ལས། དོན་འདིར་ནི་གོས་ཀྱི་རྙེད་པ་ཡིན་པར་དགོངས་སོ། །ཞེས་གསུངས། ཞེས་སོ། །འོན་ཀྱང་མཚོ་ཊཱིཀ་དང་འདུལ་བ་བདུད་རྩིའི་ཉིང་ཁུ་གཉིས་ཀར་ཟསལས་གཞན་ཞེས་གསུངས་ཀྱང་གོས་དགོས་པར་མ་གསུངས་སོ། །གཉིས་པ་ཡུལ་གང་ལ་ལོགཔར་བསྔོས་སོ་ཞེས་བརྗོད་པ་ནི། ཐ་སྙད་ལྔ་དང་ལྡན་པ་དང༌། ལུས་ཐ་མལ་པར་གནས་པ་དང༌། དགེ་འདུན་མ་ཡིན་པ་སྟེ། དང་པོ་གཉིས་ནི་མི་ཆོས་བླ་མའི་སྐབས་སུ་སྔར་བཤད་པ་དང་འདྲ་ཞིང༌། ཐ་མ་ནི་གང་ཟག་ལ་ཞེས་འདི་ཉིད་ལས་བཤད་ཅིང་གང་ཟག་ལ་ཞེས་སྨོས་པ་ལས་ནི་དགེའདུན་གཞན་ལ་ནི་ཉེས་བྱས་སོ། །ཞེས་ཊཱི་ཀ་ལས་བཤད་དོ། །གསུམ་པ་གང་ལ་སྐུར་པ་གདབཔའི་ཡུལ་ནི། དགེ་སློང་ཆོས་དྲུག་ལྡན་གྱི་སྟེང་དུ་ལོག་པར་བསྔོ་བ་པོ་མ་ཡིན་པ་སྟེ། ལོག་པརབསྔོས་པ་ཡང་དག་པ་མ་ཡིན་པ། ཞེས་པའོ། །སེལ་བ་ནི་ལུང་རྣམ་འབྱེད་ལས་བཤེས་ངོར་བྱསཏེ་གང་ཟག་ལ་བསྔོས་པ་བདེན་ན་ལྟུང་བ་མེད་དོ། །ཞེས་གསུངས་སོ། །ཚེ་དང་ལྡན་པ་དག་གིས་བཤེས་ངོར་བྱས་སོ་ཞེས་དགེ་འདུན་ལ་སྐུར་པ་འདེབས་པ་ན། དགེ་སློང་བྱེ་བྲག་གི་མིང་མ་སྨོས་ཀྱང་ལྟུང་འབྱེད་འདིར་འགྱུར་བའོ། །བཞི་པ་གང་གིས་སྐུར་པ་འདེབས་པའི་རྟེན་ནི། བློ་མཐུན་བྱེད་པ་ལ་གཏོགས་པ་སྟེ། དད་པ་ཕུལ་བ་ལའོ། །ཞེས་སོ། །གཞན་དུ་ན་ལྟུང་བ་ན་སྨདདེ། དེ་སྙེད་ཀྱི་མཚང་པོ་ཆེ་མེད་པའི་ཕྱིར་རོ་ཞེས་གསུངས་སོ། །ལྔ་པ་གང་ལ་གོ་བར་བྱ་བའི་ཡུལ་ནི། ཐ་སྙད་ལྔ་དང་ལྡན་པ་དང་ལུས་ཐ་མལ་པར་གནས་པ་དང༌། བདག་ལས་ཐ་དད་པདང་གསུམ་སྟེ་སྔར་མི་ཆོས་བླ་མའི་སྐབས་དང་འདྲའོ། །གཉིས་པ་བསམ་པའི་ཡན་ལག་ལ་གཉིསལས། འདུ་ཤེས་ནི་གཞི་ལ་མ་འཁྲུལ་བའོ། །ཀུན་སློང་ནི་བཤེས་ངོར་བྱས་སོ་ཞེས་སྐུར་པ་འདེབསཔའི་ཚིག་སྨྲ་ཞིང་གོ་བར་འདོད་པ་རྒྱུན་མ་ཆད་པའོ། །གསུམ་པ་སྦྱོར་བ་ནི་ངག་མཚན་ཉིད་ལྔལྡན་གྱིས་སྐུར་པ་འདེབས་པར་ཞུགས་པའོ། །བཞི་བ་མཐར་ཐུག་ནི་ཕ་རོལ་པོས་དོན་གོ་བའོ། །

བཅུ་བ་ཁྱད་དུ་གསོད་པའི་ལྟུང་བ་འཆད་པ།

བཅུ་བ་ཁྱད་དུ་གསོད་པའི་ལྟུང་བ་འཆད་པ་ལ།

རྩ་བར། འདུལ་བ་དང་ལྡན་པ་ཉིད་དོ། །མདོ་སྡེ་ལ་ནི་ཉེས་བྱས་སོ། །ཞེས་བྱུང༌། འདིའི་དོན་ལ་བཞི་ལས། དང་པོ་གླེང་གཞི་ནིམཉན་ཡོད་དུ་དྲུག་སྡེས་འདུལ་བ་ཁྱད་དུ་གསོད་པའི་ཚིག་སྨྲས་པ་ལས་ལྟུང་བྱེད་དུ་བཅས་སོ། །

གཉིས་པ་དགག་བྱ་ནི་ཆོས་ཁྱད་དུ་བསད་པས་རང་བཞིན་གྱི་ཁ་ན་མ་ཐོ་བ་ཆེན་པོར་འགྱུར་བའོ། །

གསུམ་པ་ངོ་བོ་ནི་བཅས་ལྡན་དགེ་སློང་གིས་འདུལ་བའི་ཚིག་ལ་ཁྱད་དུ་གསོད་པའི་ཚིག་དགེ་སློངགཞན་ལ་སྨྲ་ཞིང་དོན་གོ་བ་ལས་གྱུར་པའི་ལྟུང་བ་དངོས་གཞིའོ། །བཞི་བ་ཡན་ལག་ལ་བཞི་ལས།

དང་པོ་གཞིའི་ཡན་ལག་ལ། གང་ཁྱད་དུ་གསོད་པའི་དངོས་པོ་དང༌། གང་ལ་གོ་བར་བྱ་བའི་ཡུལ་དང་གཉིས། །དང་པོ་ནི་འདུལ་བའི་ཚིག་ཡིན་པ་སྟེ། ཊཱི་ཀ་ལས། རྣམ་པར་འབྱེད་པ་ལ་སོགས་པརགཏོགས་པའི་ཚིག་དེ་ལ་བརྙས་ཐབས་སུ་གྱུར་པ་བརྗོད་ན་ཁྱད་དུ་གསོད་པའི་ལྟུང་བྱེད་དུ་འགྱུརརོ། །ཞེས་སོ། །འདུལ་བའི་དོན་གྱི་དངོས་པོ་ཁྱད་དུ་གསོད་ན་ནི། བསླབ་པའི་གཞིའི་དངོས་པོལ་ཁྱད་དུ་གསད་པའི་ལྟུང་བྱེད་དོ། །གཉིས་པ་ནི་དགེ་སློང་ཆོས་དྲུག་ལྡན་ཏེ། དྲུག་པོ་ཐམས་ཅདསྐབས་འདིའི་ལུང་ཞུ་བ་ལས་གསུངས་སོ། ། གཉིས་པ་བསམ་པའི་ཡན་ལག་ལ་གཉིས་ལས།

འདུ་ཤེས་ནི་གཞི་ལ་མ་འཁྲུལ་པའོ། །ཀུན་སློང་ནི་འདུལ་བའི་ཚིག་ལ་ཁྱད་དུ་གསོད་པའི་ཚིགསྨྲ་ཞིང་གོ་བར་འདོད་པ་རྒྱུན་མ་ཆད་པའོ། །གསུམ་པ་སྦྱོར་བ་ནི་ངག་མཚན་ཉིད་ལྔ་ལྡན་གྱིསའདུལ་བའི་ཚིག་ཁྱད་དུ་གསོད་པའི་ཚིག་སྨྲ་བར་བྱེད་པའོ། །བཞི་བ་མཐར་ཐུག་ནི་ཕ་རོལ་པོསདོན་གོ་བའོ། །མདོ་སྡེ་ལ་ནི་ཉེས་བྱས་ཞེས་པ་ཊཱི་ཀ་ལས་འདུལ་བ་དང་ལྡན་པ་དུས་མ་ཡིན་པའིཟས་དང་འབྲུ་རློན་པ་ལེན་པ་ལ་སོགས་པ་གཞན་པ་མདོ་སྡེར་གཏོགས་པའི་བརྗོད་པ་གཞན་ལཁྱད་དུ་གསོད་ན་ཉེས་བྱས་སོ་ཞེས་སོ། །མངོན་པ་ཁྱད་དུ་གསོད་ན་ཅིར་འགྱུར་ན་ཊཱི་ཀ་ལས།

ཆོས་མངོན་པ་ནི་འདུལ་བ་དང་མདོ་སྡེ་དག་ལས་ཐ་དད་པ་མ་ཡིན་ཏེ། ཞེས་གསུངས་པས་ལྟུང་བྱེད་དང་ཉེས་བྱས་ཅི་རིགས་པ་བསྐྱེད་ཅེས་མཚོ་ཊཱིཀ་ལས་སོ། །

བཅུ་ཚན་གཉིས་པ་ལ།

སྡོམ་དང༌། སོ་སོར་བཤད་པ་དངགཉིས། དང་པོ་ནི། ས་བོན་འཕྱ་བ་བསྒོ་བ་དང༌། །ཁྲི་དང་གདིང་དང་སྐྲོད་པ་དང༌། །ཕྱིས་གནོནའབྱུང་བ་འདེབས་པ་དང༌། །རིམ་པ་གཉིས་སུ་རྩིག་པའོ། །ཞེས་གཟུང་བར་བྱའོ། །གཉིས་པསོ་སོར་བཤད་པ་ལ་བཅུ་ལས། བཅུ་གཅིག་པ་ས་བོན་སྐྱེ་འཇིག་གི་ལྟུང་བྱེད་འཆད་པ་ལ་གཉིས་ལས། དང་པོ་གནང་བའི་བསླབ་བྱ་ནི། རྩ་བར། ལག་གི་བླས་མཆོད་རྟེན་དང་དགེ་འདུན་གྱིདོན་དུ་ཤིང་ལྗོན་པ་བཅད་པར་བྱའོ། །ཞེས་སོགས་སོ། །གཉིས་པ་ལྟུང་བ་རྣམ་གཞག་ལ། རྩབར། ཤེས་གཙོའོ། །མ་ཉམས་པ་ཉིད་ལའོ། །ཞེས་སོགས་བྱུང༌། འདིའི་དོན་ལ་བཞི་ལས། དངཔོ་གླེང་གཞི་ནི་མཉན་ཡོད་དུ་དྲུག་སྡེས་རྩྭ་སྔོན་པོ་བརྔས་ཤིང་རྔར་འཇུག་པ་ལས་ས་བོན་དང་སྐྱེ་བའཇིག་པའི་ལྟུང་བྱེད་དུ་བཅས་སོ། །གཉིས་པ་དགག་བྱ་ནི་སྲོག་ཆགས་ལ་གནོད་པའོ། །གསུམཔ་ངོ་བོ་ནི་བཅས་ལྡན་དགེ་སློང་གིས་ས་བོན་ནམ་ཕྱི་རོལ་གྱི་སྐྱེ་བ་རུང་བའི་ཆོས་དང་མ་འབྲེལབ་ཉམས་འདུན་གྱིས་རང་ངམ་བསྐོས་པས་ཉམས་པར་བྱས་པ་ལས་གྱུར་པའི་ལྟུང་བ་དངོས་གཞིའོ། །བཞི་བ་ཡན་ལག་ལ་བཞི་ལས། དང་པོ་གཞིའི་ཡན་ལག་ནི། ས་བོན་ལྔ་ལས་གང་ཡངརུང་བའམ། ཕྱི་རོལ་གྱི་སྐྱེ་བ་མཚན་ཉིད་དང་ལྡན་པ་ཡིན་པ་དང༌། མ་ཉམས་པ་ཡིན་པ་དང༌། རུང་བའི་ཆོས་དང་མ་འབྲེལ་བ་དང་གསུམ་སྟེ། ས་བོན་དང་ཁྱེའུ་ཁ་ཐོན་པ། ཞེས་དང༌། མ་ཉམསཔ་ཉིད་ལའོ། །རུང་བར་མ་བྱས་པ་དག་གིའོ། །ཞེས་གསུངས་སོ། །རྣམ་འབྱེད་ལས། ས་བོན་ལྔ་སྟེ། རྩ་བའི་ས་བོན་དང༌། སྡོང་པོའི་ས་བོན་དང༌། ཐོག་གུའི་ས་བོན་ནི་དང༌། འགས་པའི་ས་བོནདང༌། ས་བོན་གྱི་ས་བོན་ཉིད་ནི་ལྔ་པའོ། །ཞེས་གསུངས་སོ། །ས་བོན་གྱི་མཚན་ཉིད་ནི་རང་གིརིགས་འདྲ་བསྐྱེད་པའི་ནུས་པ་དང་ལྡན་པའོ། ། ཁྱད་པར་དུ་ཡང་སྐྱེ་བ་གཅོད་པ་ནི་སྐྱེ་བ་ཡོངསསུ་རྫོགས་པ་དང་བཞི་སྟེ། ས་འབུས་པ་དང་ཤ་མོ་དང་ཞེས་སྐྱེ་བ་མ་རྫོགས་པ་འཇིག་པ་ལ་ན་སྨད་དུ་གསུངས་པས་ཤེས་སོ། །གཉིས་པ་བསམ་པའི་ཡན་ལག་ལ་གཉིས་ལས། འདུ་ཤེས་ནིགཞིའི་ཡན་ལག་དེ་དག་ལ་མ་འཁྲུལ་པའོ། །ཀུན་སློང་ནི་རང་གར་ས་བོན་ནམ་སྐྱེ་བ་ཉམས་པརའདོད་པ་རྒྱུན་མ་ཆད་པའོ། གསུམ་པ་སྦྱོར་བ་ནི་རང་ངམ་བསྐོས་པས་ས་བོན་ནམ་སྐྱེ་བ་ཉམསཔར་བྱེད་པར་ཞུགས་པ་སྟེ། རྩ་བར། རང་ངམ་གཞན་གྱིས་ཀྱང་རུང་ངོ། །ཞེས་སོ། །བཞི་བ་མཐར་ཐུག་ནི་ཉམས་པར་གྱུར་པ་སྟེ། རྩ་བར། ཉམས་པར་གྱུར་པ་ན་དངོས་གཞི་དག་གོ །

ཞེས་སོ། །སྐབས་འདིར་རུང་བའི་དོན་ལ་ལྔ་ལས། དང་པོ་རུང་བའི་དབྱེ་བ་ནི། རུང་བ་མཚནཉིད་པ་ནི་དགུ་སྟེ། མེས་རེག་པ་དང་མཚོན་དང་སེན་མོ་དང་ནེ་ཙོ་དག་གིས་རྨ་བྱུང་བ་དང་རྙིངསཔ་དང་ཕྱུང་བ་དང་དཀྲུམ་པ་དང་བཀས་པ་དང་བཅད་པ་ལྟ་བུ་དག་ནི་རུང་བའོ། །ཞེས་སོ། །

ཕྱུང་བ་དང་ཞེས་པ་ལ་ཕྱུང་བཅད་སྐྱེ་བའི་རུང་བ་ཡིན་པས་རྩ་བ་དང་སྡོང་བུ་ཕྱུང་བཅད་བྱས་པ་དེའི་རླན་གྱིས་སྐྱེ་བའི་རྒྱུན་གནས་ཀྱང་དེ་བཅད་པ་ལ་སྐྱེ་བ་བཅད་པའི་ལྟུང་བ་མེད་དོ། །ཕྱིསལོ་མ་སྐྱེས་པའི་རུང་བ་ནི་མ་ཡིན་ཏེ། སྐྱེ་བའི་རྒྱུན་གཞན་ཡིན་པའི་ཕྱིར་རོ། །གཉིས་པ་བསྡུ་བ་ནི་རུང་བ་དགུ་པོ་དེ་རྣམ་པ་གཉིས་སུ་བསྡུ་སྟེ། སྐྱེ་བའི་རུང་བ་དང་ས་བོན་གྱི་རུང་བའོ། །དངཔོ་ནི་ཕྱུང་བཅད་གཉིས་སོ། །གཉིས་པ་ནི་དེ་ལས་གཞན་བདུན་ནོ། །གསུམ་པ་རུང་བའི་མཚནཉིད་ནི། ཕྱི་རོལ་གྱི་དངོས་པོ་ས་བོན་ནམ་སྐྱེ་བ་གང་ཡང་རུང་བའི་ཆོས་ཡོད་པ་ལ་རྟེན་གྱི་ཆ་ནསརྐྱེན་དང་མི་ལྡན་པའི་བསྙེན་རྫོགས་ཀྱིས་འཇོམས་པར་བྱེད་པ་ལ་ཉེས་མེད་ཀྱི་བཅས་པའི་སམཚམས་འཛིན་བྱེད་ཉིད་ཡིན་པའོ། །

བཞི་པ་རུང་བའི་སྒྲ་བཤད་པ་ནི།

ས་བོན་ནམ་སྐྱེ་བ་མ་ཉམས་ཀྱང་བསྙེན་རྫོགས་ཀྱིས་གཞོམ་དུ་རུང་བས་ན་རུང་བ་ཞེས་བྱའོ། །ལྔ་པ་རུང་བར་བྱ་བའིཚུལ་ལ་དྲུག་ལས། དང་པོ་རུང་བ་བྱས་པའི་དགོས་པ་ནི། དངོས་ཀྱི་དགོས་པ་ས་བོན་སྐྱེ་འཇིག་གིལྟུང་བ་མི་འབྱུང་བ་དང༌། བརྒྱུད་པའི་དགོས་པ་བཅས་པའི་ས་མཚམས་ཟིན་པའོ། །གཉིས་པགཞི་གང་ལ་རུང་བ་བྱ་བ་ནི། ཕྱི་རོལ་གྱི་སྐྱེ་བའམ་ས་བོན་མཚན་ཉིད་དང་ལྡན་པ་ཡིན། མ་ཉམསཔ་ཡིན། རུང་བར་བྱས་པ་དང་མ་འབྲེལ་བ་སྟེ། གཞན་དུ་ན་རུང་བའི་འཇུག་ཡུལ་མ་ཡིན་པའིཕྱིར་དང༌། རུང་བ་བྱས་ཀྱང་དགོས་པ་མེད་པའི་ཕྱིར་དང༌། རུང་བའི་ཆོ་ག་མི་འཆགས་པའི་ཕྱིརཞེས་གོ་རིམ་བཞིན་ནོ། །

གསུམ་པ་རྟེན་གང་གིས་རུང་བ་བྱ་བ་ནི།

བསྙེན་པར་མ་རྫོགས་པསབྱ་སྟེ། རུང་བ་བྱ་བར་གཞི་གྲུབ་ཅིང༌། བསྙེན་རྫོགས་ཀྱིས་བྱ་བར་མི་འོས་པའི་ཕྱིར་རོ། ། འོནཀྱང་དགེ་སློང་གིས་རུང་བ་དག་བྱས་པ་ཉིད་ནི་བྱས་པ་ཉིད་ཡིན་ཞེས་གསུངས་ཏེ། དགེ་སློང་གིསམེས་རུང་བ་བྱས་ན་ས་བོན་འཇོམས་པའི་ལྟུང་བྱེད་ཁེགས་ཀྱང༌། དགེ་སློང་གིས་བརྗེན་པ་བཙོསཔའི་ཉེས་པར་ནི་འགྱུར་བའོ། །བཞི་པ་ཚུལ་ཇི་ལྟར་རུང་བ་བྱ་བ་ནི། མེས་རུང་བ་ནི་སྤྱིའི་ཚུལགྱིས་ཀྱང་བྱར་རུང་ལ། རུང་བ་གཞན་རྣམས་ནི་སོ་སོ་ལ་རེ་རེ་ནས་བྱ་སྟེ། མེས་རུང་བར་བྱ་བལ་སྤྱིའི་ཚོམས་ནི་གཙོ་ཆེར་བྱ་བ་ཞེས་གསུངས་ལ་མེ་ནི་ནུས་པ་ཆེ་བའི་ཕྱིར་ཏེ། རྣམ་འབྱེད་འགྲེལབ་ལས། མེས་རེག་པའི་ཕྱིར་བཀྲ་མི་ཤིས་པ་ཉིད་ཀྱིས་ས་བོན་གྱི་ཐ་སྙད་ལས་ལོག་པའི་ཕྱིར། ཞེས་གསུངས་སོ། །རུང་བ་གཞན་སོ་སོ་ནས་བྱ་བའི་གཞུང་ནི། རྣམ་འབྱེད་ལས། མཚོན་དངསེན་མོས་ནི་རེ་རེ་ནས་སོ། །ཞེས་གསུངས་སོ། །ལྔ་པ་རུང་བར་བྱེད་པ་ལ་བསམ་པ་དགོས་སམམི་དགོས་ནི། རྙིས་པ་མ་གཏོགས་པ་ལ་དགོས་ཏེ། བརྟག་པའི་ཆོ་ག་ཡིན་པའི་ཕྱིར་དང༌། རེགཔའི་ཁྱད་པར་དང་ནེ་ཙོ་དག་གིས་ཞེས་སྒྲའི་ཁྱད་པར་སྨོས་པའི་ཕྱིར་དང༌། བཀས་པའི་རུང་བལ་རང་གི་རྣམ་བཤད་དང་ཊཱི་ཀ་ལས། རང་གས་པ་ཉིད་ནི་རུང་བ་ཉིད་མ་ཡིན་ཞེས་གསུངས་པ་དང༌། ཆོ་ག་གཞན་ལ་ཀུན་སློང་མེད་ན་མི་འབྱུང་བར་གསུངས་པ་དང་རྒྱུ་མཚན་མཚུངས་པའིཕྱིར་རོ། །དྲུག་པ་རུང་བར་བྱས་པ་འཇིག་པའི་རྒྱུ་ནི་ས་བོན་མ་ཡིན་པ་ཉིད་དུ་གྱུར་པ་དང༌། སྐྱེབ་གཞན་དུ་གྱུར་པ་སྒོག་པ་ལ་མྱུ་གུ་སྐྱེ་བ་ལྟ་བུ་དང༌། གཞི་ཆོས་མི་ལྡན་དུ་གྱུར་པ་དཔེར་ན་བུདམེད་སྐྱེས་པར་གྱུར་པ་ལྟ་བུའོ། །

བཅུ་གཉིས་པ་འཕྱ་བའི་ལྟུང་བྱེད་འཆད་པ།

བཅུ་གཉིས་པ་འཕྱ་བའི་ལྟུང་བྱེད་འཆད་པ་ལ།

རྩ་བར། གང་ཟག་བཅུ་གཉིས་པོདག་བྱེད་པ་པོ་ཡིན་ནོ། །ཞེས་སོགས་བྱུང༌། འདིའི་དོན་ལ་བཞི་ལས། དང་པོ་གླེང་གཞི་ནི་རྒྱལཔོའི་ཁབ་ཏུ་མཛའ་བོ་དང་ས་ལས་སྐྱེས་གཉིས་ཀྱི་ཞལ་ཏ་བ་ལ་འཕྱ་བ་ལས་ལྟུང་བྱེད་དུ་བཅསསོ། །གཉིས་པ་དགག་བྱ་ནི་རང་རིགས་ཀྱི་སེམས་བདེ་བ་ལ་གནོད་པའོ། །གསུམ་པ་ངོ་བོ་ནི་དགེའདུན་གྱི་ཞལ་ཏ་ཚུལ་བཞིན་དུ་བྱེད་པའི་དགེ་སློང་ལ་བཅས་ལྡན་དགེ་སློང་དམན་པའི་གྲངསསུ་བགྲངས་པས་བདག་དང་འབྲེལ་བའི་དོན་གྱིས་ཐོས་པར་འཕྱའམ་གཞོགས་འཕྱས་བྱས་ཏེ་དོན་གོ་བ་ལས་གྱུར་པའི་ལྟུང་བ་དངོས་གཞིའོ། །བཞི་བ་ཡན་ལག་ལ་བཞི་ལས། དང་པོ་གཞིའིཡན་ལག་ལ་གཉིས་ལས་གང་ལ་འཕྱ་བའི་ཡུལ་ནི། དགེ་སློང་ཆོས་དྲུག་ལྡན་གྱི་སྟེང་དུ། དགེའདུན་གྱི་ཞལ་ཏ་བ་ཡིན་པ་དང༌། རང་ལ་ཟས་གོས་ལ་སོགས་པ་དམན་པ་ཆེད་དུ་སྟོབས་པ་པོམ་ཡིན་པ་སྟེ། གང་ཟག་བཅུ་གཉིས་པོ་དག་བྱེད་པ་པོ་ཉིད་ཡིན། ཞེས་དང༌། དམན་པ་ཆེད་དུསྟོབས་པ་པོ་ཡིན་ན་དེ་ལ་འཕྱས་ན་ཡང་དགག་བྱ་མི་རྫོགས་པའི་ཕྱིར་རོ། །འཕྱ་ཡུལ་གང་ཟགབཅུ་གཉིས་པོ་དག་ནི་གང་ཞེ་ན། ཊཱི་ཀ་ལས། གནས་ཁང་ཟས་ལ་བསྐོ་བ་གཉིས། །ཐུག་པ་བགཚོས་འབྲིམ་པ་གཉིས། །ཕྲན་ཚེགས་འགྲིམ་པར་བྱེད་པ་དང༌། །སྣོད་སྤྱད་འགྲུབ་དང་གོས་ཀྱི་གཉིས། །དབྱར་གྱི་རས་ཆེན་སྦེད་དང་འགྱེད། །མངག་གཞུག་པ་དང་མཛེས་ཆོས་ཏེ། །གང་ཟགབཅུ་དང་གཉིས་པོ་དག །སྟོན་པས་ཡང་དག་བཤད་པ་ཡིན། །ཞེས་གསུངས་སོ། །གང་གིས་འཕྱབའི་རྟེན་ནི། ངན་པའི་གྲངས་སུ་བགྲངས་པ་སྟེ། བགྲངས་པ་ལ་ནི་དངོས་གཞིའོ། །ཞེས་སོ། །མ་བགྲངས་པས་འཕྱ་ན་ནི། ཊཱི་ཀ་ལས། མ་བགྲངས་པ་ལ་ནི་ཉེས་བྱས་ཀྱིའོ། །ཞེས་སོ། །གཉིསཔ་བསམ་པའི་ཡན་ལག་ལ་གཉིས་ལས་འདུ་ཤེས་ནི་གཞི་ལ་མ་འཁྲུལ་བའོ། །ཀུན་སློང་ནི་བདགདང་འབྲེལ་བའི་དོན་གྱིས་འཕྱ་བའི་ཚིག་སྨྲ་ཞིང་གོ་བར་འདོད་པ་རྒྱུན་མ་ཆད་པའོ། །གསུམ་པསྦྱོར་བ་ནི་ངག་མཚན་ཉིད་ལྔ་ལྡན་གྱིས་འཕྱ་བར་ཞུགས་པའོ། །བཞི་བ་མཐར་ཐུག་ནི་ཕ་རོལཔོས་དོན་གོ་བའོ། །

བཅུ་གསུམ་པ་བསྒོ་བ་རྣ་ལ་གཟོན་པའི་ལྟུང་བྱེད་འཆད་པ་ལ་གཉིས་ལས། དངཔོ་བསླབ་པར་བྱ་བ་ནི། རྩ་བར། གླེང་བར་གཏོགས་པའི་སྒོ་བ་ཚིག་གིས་རྣ་ལ་གཟོན་པ་དང༌།

ཅང་མི་སྨྲ་བས་རྣ་ལ་ཟོན་པ་དང༌། གང་ཟག་བསྟན་པ་རྣམས་ལ་ངོར་འཕྱ་བ་དང༌། ཟུར་གྱིས་གཞོགས་འཕྱས་བྱེད་པ་གསོལ་བས་མི་བགྲང་བར་མི་བྱའོ། །ཞེས་སོ། །འོ་ན་བཞི་པོ་འདི་རྣམས་ཁོན་གྲངས་སུ་གཞུག་པ་ཅིའི་ཕྱིར་སྙམ་ན། བཞི་པོ་འདི་རྣམས་ནི་གཞན་གྱི་དོན་ལ་འཇུག་པ་དམ་པའིསྤྱོད་པ་ཡིན་པ་ལ། དེ་ལ་རྗེས་སུ་ཡི་མི་རང་བར་ལོག་སྒྲུབ་བྱེད་པ་ཧ་ཅང་མི་རིགས་པའི་ཕྱིར་རོ། །

གཉིས་པ་ལྟུང་བ་རྣམ་པར་གཞག་པ་ལ།

རྩ་བར། དགེ་སློང་གིས་བསྒོ་བ་རྣ་ལ་གཟོནནའོ། །ཞེས་སོགས་བྱུང༌། འདིའི་དོན་ལ་བཞི་ལས། དང་པོ་གླེང་གཞི་ནི་ཡུལ་ཀོའུ་ཤམ་བྷིའིགདངས་ཅན་གྱི་ཀུན་དགའ་ར་བར་འདུན་པས་བསྒོ་བ་རྣ་ལ་གཟོན་པ་ལས་ལྟུང་བྱེད་དུ་བཅསསོ། །གཉིས་པ་དགག་བྱ་ནི་དངོས་སུ་རང་རིགས་ཀྱི་སེམས་བདེ་བ་ལ་གནོད་པ་དང༌། བརྒྱུདནས་ཚུལ་ཁྲིམས་ལ་གནོད་པའོ། །གསུམ་པ་ངོ་བོ་ནི་བཅས་ལྡན་དགེ་སློང་གིས་རང་ལ་དགེ་སློངགི་ཆོས་དང་ལྡན་པར་བསྒོ་བ་ལ་ལན་ལོག་སྨྲ་བའམ་དགེ་སློང་གིས་དྲིས་པ་ལ་ལན་ལོག་སྨྲ་བལས་གྱུར་པའི་ལྟུང་བ་དངོས་གཞིའོ། །བཞི་བ་ཡན་ལག་ལ་བཞི་ལས། དང་པོ་གཞིའི་ཡན་ལགལ་གང་གི་ཚིག་ལ་ལན་ལོག་སྨྲ་བའི་ཡུལ་དང༌། ཚིག་གང་ལ་ལན་ལོག་སྨྲ་བའི་གཞི་དང་གཉིས།

དང་པོ་ནི་དགེ་སློང་ཆོས་དྲུག་ལྡན་ནོ། །གཉིས་པ་ནི། རང་ལ་དགེ་སློང་གིས་ཆོས་དང་ལྡན་པརབསྒོ་བའམ་དགེ་སློང་གིས་དོན་གང་ཡང་རུང་བ་དྲིས་པའི་ཚིག་ལའོ། །གཉིས་པ་བསམ་པའིཡན་ལག་ལ་གཉིས་ལས། འདུ་ཤེས་ནི་གཞི་ལ་མ་འཁྲུལ་བའོ། །ཀུན་སློང་ནི་རང་གར་བསྒོ་བརྣ་ལ་གཟོན་པའམ་དྲི་བ་རྣ་ལ་གཟོན་པའི་ཚིག་སྨྲ་ཞིང་གོ་བར་འདོད་པ་རྒྱུན་མ་ཆད་པའོ། །གསུམ་པ་སྦྱོར་བ་ནི་ངག་མཚན་ཉིད་ལྔ་ལྡན་གྱིས་རྣ་ལ་གཟོན་པའི་ཚིག་སྨྲ་བར་ཞུགས་པའོ། །རང་ལདགེ་སློང་གིས་ཁྱོད་ལྟུང་བ་ཕྱིར་བཅོས་གྱིས་ཤིག་ཅེས་བསྒོ་བ་ལ་སོགས་པ་བསྒོ་བ་རྣ་ལ་གཟོནཏེ། ཚིག་གི་ལན་ལོག་པ་བརྗོད་ན་ལྟུང་བྱེད་བསྐྱེད་པའོ། །བཞི་བ་མཐར་ཐུག་ནི་ཕ་རོལ་པོསདོན་གོ་བའོ། །སྐབས་འདིར་མཚོ་ཊཱིཀ་ལས། དོན་དམ་པར་ན་སེམས་ཅན་ནམ་བསད་པར་བྱབ་མ་མཐོང་ངོ་ཞེས་པ་ནི་གོ་བྱ་ལ་འདུ་ཤེས་བསྒྱུར་བས་རྫུན་ཡིན་ཡང་གསོད་བྱེད་གཞན་གྱི་མི་དགེ་བ་དང་བསད་བྱ་གཞན་གྱི་སྲོག་ཆད་པ་བསྐྱབ་པའི་ཕྱིར་རྫུན་དེ་ཙམ་ཞིག་གནང་བ་ཡིན། ཞེས་པ་ནས། དགེ་མི་དགེ་ནི་བསམ་པའི་རྗེས་སུ་འབྲང་བས་ན་རྫུན་ཐམས་ཅད་རང་བཞིནགྱི་ཁ་ན་མ་ཐོ་བར་མ་གྲུབ་གསུངས་སོ། །འོ་ན་སྲོག་གཅོད་པ་ལ་སོགས་པ་ལུས་ཀྱི་ལས་ལ་ཡང༌།

ཧ་ཅང་ཐལ་བར་འགྱུར་རོ་ཞེ་ན་སྲོག་གཅོད་པ་ལྟ་བུ་ནི་གནང་བ་མི་སྲིད་དེ། ངག་གི་ལེགས་ཉེསཐ་མལ་གྱི་ཤེས་པས་ཕན་གནོད་ཀྱི་ས་མཚམས་གཟུང་བར་ནུས་ཀྱང༌། ལུས་ཀྱི་བྱ་བ་རྣམས་ཀྱིལེགས་ཉེས་ནི་ཐ་མལ་གྱི་ཤེས་པས་ཕན་གནོད་ཀྱི་ས་མཚམས་གཟུང་བར་མི་ནུས་པའི་ཕྱིར་ཞེས་གསུང་ངོ༌།༼བརྗོད་བྱ་ལ་འདུ་ཤེས་མ་བསྒྱུར་བ་ཡང་གོ་བྱ་ལ་འདུ་ཤེས་བསྒྱུར་བས་རྫུན་དུ་འགྲོ་ན། འོ་ན་སངས་རྒྱས་ཀྱི་ལྡེམ་དགོངས་གསུངས་པ་རྣམས་ཀྱང་རྫུན་ཡིན་ནམ་ཅི། ཞེ་ན། སངས་རྒྱས་ཀྱི་མཛད་སྤྱོད་ནི་བསམགྱིས་མི་ཁྱབ་པའི་གནས་ཡིན་པས་བསམ་པར་མི་ནུས་སོ།།༽ཞེས་གསུངས་སོ། །

བཅུ་བཞི་པ་གནས་མལ་མ་བསྡུས་པར་འགྲོ་བའི་ལྟུང་བྱེད་འཆད་པ།

བཅུ་བཞི་པ་གནས་མལ་མ་བསྡུས་པར་འགྲོ་བའི་ལྟུང་བྱེད་འཆད་པ་ལ།

རྩ་བར། ཁྲི་དང་ཁྲིའུ་དང་སྟན་ནང་ཚངས་ཅན་དང་ལྭ་བ་དང་སྔས་དང་གོར་བུ་ཞེས་བྱ་བ་ནི་གནས་མལལོ། །ཞེས་སོགས་བྱུང༌། འདིའི་དོན་ལ་བཞི་ལས། དང་པོ་གླེང་གཞི་ནི་མཉན་ཡོད་དུ་དགེ་སློངགི་དགེ་འདུན་རྣམས་ཀྱིས་གནས་མལ་མ་བསྡུས་པར་སོང་བ་ལས་ལྟུང་བྱེད་དུ་བཅས་སོ། །གཉིས་པདགག་བྱ་ནི་རང་རིགས་ཀྱི་དགེ་འདུན་གྱི་གནས་མལ་ཆུད་ཟོས་པར་འགྱུར་བའོ། །གསུམ་པ་ནི་ངོབོ་ནི་བཅས་ལྡན་དགེ་སློང་གིས་དགེ་འདུན་གྱི་གནས་མལ་དེ་མ་བསྡུས་པར་བླ་གབ་མེད་པ་ལྟབུ་དེ་ཕན་ཕུན་དུ་འགྱུར་བའི་ཉེན་ཅན་གྱི་ཕྱོགས་སུ་བཞག་སྟེ། ཕན་ཕུན་དུ་གྱུར་པའམ་འདོམབཞི་བཅུ་རྩ་དགུ་འདས་པ་ལས་གྱུར་པའི་ལྟུང་བ་དངོས་གཞིའོ། །བཞི་བ་ཡན་ལག་ལ་བཞི་ལས།

དང་པོ་གཞིའི་ལན་ལག་ལ་དངོས་པོ་དང་གནས་དང་རྟེན་དང་གསུམ། དང་པོ་གང་བཞག་པའིདངོས་པོ་ལ། དགེ་འདུན་དབང་བའི་གནས་མལ་ཡིན་པ་དང༌། ཕན་ཕུན་དུ་འགྱུར་བའི་ཉེན་ཅནཡིན་པ་དང༌། རུང་བ་དང་ཚད་དང་ལྡན་པ་དང་བཞིའཽ། །གཉིས་པ་གང་དུ་གཞག་པའི་གནས་ནིཕན་ཕུན་དུ་འགྱུར་བའི་ཉེན་ཅན་ཡིན་པ་སྟེ། རྩ་བར། བླ་གབ་མེད་པར་བཞག་པ་བྱས་པ་ལྟ་བུ།

ཞེས་སོགས་སོ། །བླ་གབ་མེད་པ་ཞེས་པ་མཚོན་དོན་ནོ། །གསུམ་པ་གང་གིས་འཇོག་པའི་རྟེནལ་བཞི་སྟེ། རང་ངམ་བསྐོས་པས་བཞག་པར་བྱས་པ་ཡིན་པ་དང༌། བརྟུལ་བ་བྱས་སམ་བྱེདདུ་བཅུག་པ་མ་ཡིན་པ་དང༌། སྡུད་པར་བཅོལ་བའི་དགེ་སློང་མེད་པ་ཡིན་པ་དང༌། བར་ཆད་ཀྱིརྐྱེན་དང་མི་ལྡན་པའོ། །གཉིས་པ་བསམ་པའི་ཡན་ལག་ལ་གཉིས་ལས་འདུ་ཤེས་ནི་གཞི་ལ་མ་འཁྲུལ་བའོ། །ཀུན་སློང་ནི་རང་གར་དགེ་འདུན་གྱི་གནས་མལ་མ་བསྡུས་པར་གནས་པ་དེའི་ནངདུ་གཉིད་ལོག་པ་དང་སྙོམས་པར་འཇུག་འདོད་པའམ་ཉེ་འཁོར་ལས་འདའ་ཞིང་འགྲོ་བར་འདོདཔ་རྒྱུན་མ་ཆད་པའོ། །གསུམ་པ་སྦྱོར་བ་ནི་གནས་མལ་གྱི་གནས་དེའི་ནང་དུ་གཉིད་ཉལ་བ་ལ་སོགས་པའམ་གནས་དེའི་ཉེ་འཁོར་འདོམ་བཞི་བཅུ་རྩ་དགུ་ལས་འདའ་ཞིང་འགྲོ་བའོ། །བཞི་བམཐར་ཐུག་ནི་གཉིས་ཏེ་ཕན་ཕུན་དུ་གྱུར་པའམ་འདོམ་བཞི་བཅུ་རྩ་དགུ་འདས་པའོ། །མེ་ཏོག་ཕྲེངརྒྱུད་ལས། མེ་དང་རླུང་དང་ཆར་པ་ཡིས། །དབྱེ་བའི་ཕན་ཕུན་གསུམ་དུ་གསུངས། །རིམ་པར་སུམཔར་ཚིག་ན་ནི། །མེ་ཡི་ཕན་ཕུན་ཞེས་བྱའོ། །ཞེས་གསུངས་སོ། །

བཅོ་ལྔ་པ་གདིང་བ་མ་བསྡུས་པའི་ལྟུང་བྱེད་འཆད་པ་ལ་གཉིས་ལས། དང་པོ་བསླབཔར་བྱ་བ་ནི། རྩ་བར། ཁྱིམ་གཞན་དུ་གདིང་བ་བྱས་པ་ཁྱིམ་བདག་ལ་དྲིས་ཏེ་དོར་བར་བྱའོ། །

ཞེས་སོགས་བྱུང༌། འགྲེལ་ཆུང་ལས་ས་སྣུམ་པ་སྟེ། གཤེར་བ་དང༌། དངར་བ་སྟེ་ས་འཇམ་པོརདུལ་དུལ་པོར་འདུག་པ་ནི་སྲིན་བུ་མྱུར་དུ་འཇུག་པའི་ཕྱིར་ཉིན་རེ་ཞིང་ལན་རེ་བལྟའོ་ཞེས་བཤདཀྱང་ཉིན་རེ་ཞིང་རྩྭ་དེ་རྣམས་བསྒྱུར་ལོག་བྱའོ། །ས་སྣུམ་པ་དང་དངར་བ་ལས་གཞན་ས་སྐམཔ་དང་རྩུབ་པ་ཉིད་དུ་ཟླ་བ་ཕྱེད་ཅིང་རྩྭ་དེ་རྣམས་བསྒྱུར་ལོག་བྱའོ། །

གཉིས་པ་ལྟུང་བ་རྣམ་པརབཞག་པ་ལ།

རྩ་བར། དགེ་འདུན་གྱི་གཙུག་ལག་ཁང་ཉིད་དང༌། ཞེས་སོགས་བྱུང༌། འདིའིདོན་ལ་བཞི་ལས། དང་པོ་གླེང་གཞི་ནི་མཉན་ཡོད་དུ་དགེ་སློང་རྒན་གཞོན་གཉིས་ཀྱིས་གཙུགལག་ཁང་དུ་རྩྭ་མང་པོའི་གདིང་བ་བཏིང་ནས་མ་བསྡུས་པ་ལས་ལྟུང་བྱེད་དུ་བཅས་སོ། །གཉིསཔ་དགག་བྱ་ནི་རང་རིགས་དགེ་འདུན་གྱི་གནས་སུ་ལོངས་སྤྱོད་པ་ལ་གནོད་པ་དང༌། སྲོག་ཆགསཕྲ་མོ་ལ་གནོད་པའོ། །གསུམ་པ་ངོ་བོ་ནི་བཅས་ལྡན་དགེ་སློང་གིས་དགེ་འདུན་དབང་བའི་གནསསུ་རྩའམ་ལོ་མའི་གདིང་བ་རང་ངམ་བསྐོས་པས་བཏིང་བ་མ་བསྡུས་པར་ཕན་ཕུན་དུ་འགྱུར་བའི་ཉེན་ཅན་གྱི་ཕྱོགས་སུ་བཞག་སྟེ་ཕན་ཕུན་དུ་གྱུར་པའམ་འདོམ་བཞི་བཅུ་རྩ་དགུ་འདས་པ་ལས་གྱུརཔའི་ལྟུང་བ་དངོས་གཞིའོ། །བཞི་བ་ཡན་ལག་ལ་བཞི་ལས། དང་པོ་གཞིའི་ཡན་ལག་ལ། གནསདང༌། དངོས་པོ་དང༌། རྟེན་དང་གསུམ། དང་པོ་གང་དུ་གདིང་བའི་གནས་ལ་བཞི་ལས། དགེའདུན་དབང་བའི་གནས་ཡིན་པ་སྟེ། དགེ་འདུན་གྱི་གཙུག་ལག་ཁང་ཉིད་དང༌། ཞེས་སོ། །སེལབ་གང་ཟག་གི་གནས་སུ་ནི་ཉེས་བྱས་ཏེ། འོག་མ་བཞི་ལ་ཡང་ངོ། །ཞེས་སོ། །གནས་ཀྱི་ངོ་བོ་ཉིད་དུ་གྲུབ་པ་ཡིན་ཏེ། རྩ་བར། ཕལ་ཆེར་གཡོགས་པ་བསྐོར་བ་ནི་གནས་ཀྱི་མཐའ་ཡིན་ནོ། ། ཞེས་སོ། །སེལ་བ་སྟེང་གཡོགས་མེད་པའི་གནས་སུ་ནི་ཉེས་བྱས་སོ། །སྤྱོད་ལམ་བཞི་ཤོང་བ་དང༌། ཕན་ཕུན་དུ་འགྱུར་བའི་ཉེན་ཅན་ཡིན་པའོ། །གཉིས་པ་གང་གདིང་བའི་དངོས་པོ་ནི། རྩའམལོ་མའི་གདིང་བ་ཡིན་ནོ། ། གསུམ་པ་གང་གིས་མ་བསྡུས་པར་འཇོག་པའི་རྟེན་ནི། ཆོས་བཞིལྡན་ལས་རང་ངམ་བསྐོས་པས་གདིང་བར་བྱས་པ་ཡིན་པ་སྟེ། རང་ངམ་བསྐོས་པས་གདིང་བརབྱས་པ་ཉིད། ཅེས་གསུངས་སོ། །བརྟུལ་བ་བྱས་སམ་བྱེད་དུ་བཅུག་པ་མ་ཡིན་པ་ལ་སོགས་པགསུམ་ནི་གནས་མལ་མ་བསྡུས་པའི་སྐབས་སུ་སྔར་བཤད་པ་དང་འདྲའོ། །གཉིས་པ་བསམཔའི་ཡན་ལག་ལ་གཉིས་ལས་འདུ་ཤེས་ནི་གཞི་ལ་མ་འཁྲུལ་བའོ། །ཀུན་སློང་ནི་རང་གར་རྩྭའམལོ་མའི་གདིང་བ་མ་བསྡུས་པར་ཉེ་འཁོར་མ་འདས་ཀྱང་གཉིད་ལོག་པའམ་སྙོམས་པར་འཇུགཔ་ལ་སོགས་པས་གནས་དེའི་ནང་ས་ཕྱོགས་གཞན་ན་གནས་པར་འདོད་པའམ་ཉེ་འཁོར་ལསའདའ་ཞིང་འགྲོ་བར་འདོད་པ་རྒྱུན་མ་ཆད་པའོ། །གསུམ་པ་སྦྱོར་བ་ནི་གནས་དེའི་ནང་དུ་གཉིདཉལ་བ་ལ་སོགས་པའམ་གནས་དེའི་ཉེ་འཁོར་འདོམ་བཞི་བཅུ་རྩ་དགུ་ལས་འདའ་ཞིང་འགྲོ་བའོ། །བཞི་བ་མཐར་ཐུག་ནི་གཉིས་ཏེ། ཕན་ཕུན་དུ་གྱུར་པའམ་འདོམ་བཞི་བཅུ་རྩ་དགུ་འདསཔའོ། །

བཅུ་དྲུག་པ་སྐྲོད་པའི་ལྟུང་བྱེད་འཆད་པ།

བཅུ་དྲུག་པ་སྐྲོད་པའི་ལྟུང་བྱེད་འཆད་པ་ལ།

རྩ་བར། དགེ་སློང་ཉིད་དང༌། ཞེས་སོགསབྱུང༌། འདིའི་དོན་ལ་བཞི་ལས། དང་པོ་གླེང་གཞི་ནི་མཉན་ཡོད་ན་འཆར་ཀས་ལྗོངས་རྒྱུ་ཞིངསོང་ནས་རི་བྲག་གི་གཙུག་ལག་ཁང་ནས་དགེ་སློང་བསྐྲད་པ་ལས་ལྟུང་བྱེད་དུ་བཅས་སོ། །གཉིས་པ་དགག་བྱ་ནི་རང་རིགས་ལ་གནོད་པའོ། །གསུམ་པ་ངོ་བོ་ནི་བཅས་ལྡན་དགེ་སློང་གིསདགེ་འདུན་དབང་བའི་གནས་ནས་ཕན་པའི་རྐྱེན་དང་མི་ལྡན་པའི་དགེ་སློང་གཞན་རང་ངམ་བསྐོས་པས་བསྐྲད་དེ་ཉེ་འཁོར་འདས་པ་ལས་གྱུར་པའི་ལྟུང་བ་དངོས་གཞིའོ། །བཞི་བ་ཡནལག་ལ་བཞི་ལས། དང་པོ་གཞིའི་ཡན་ལག་ལ་གཉིས་ལས། གང་བསྐྲད་པའི་ཡུལ་ནི། དགེསློང་ཆོས་དྲུག་ལྡན་གྱི་སྟེང་དུ། ཕན་པའི་རྐྱེན་ཅན་མ་ཡིན་པ་སྟེ། གལ་ཏེ་དེ་ལ་གནོད་པ་དང༌། ཞེས་པས་སོ། །གང་ནས་བསྐྲད་པའི་གནས་ནི། དགེ་འདུན་དབང་བའི་གནས་ཆོས་གསུམ་དངལྡན་པ་སྟེ། གདིང་བའི་ལྟུང་བྱེད་ཀྱི་སྐབས་སུ་ཆོས་དང་པོ་གསུམ་སྔར་བཤད་པ་དང་འདྲའོ། །

གཉིས་པ་བསམ་པའི་ཡན་ལག་ལ་གཉིས་ལས།

འདུ་ཤེས་ནི་གཞི་ལ་མ་འཁྲུལ་བའོ། །ཀུན་སློངནི་རང་གར་སྐྲོད་པར་འདོད་པ་རྒྱུན་མ་ཆད་པའོ། །གསུམ་པ་སྦྱོར་བ་ནི་རང་ངམ་བསྐོས་པས་མངོནསུམ་དུ་སྐྲོད་པར་ཞུགས་པའོ། །བཞི་བ་མཐར་ཐུག་ནི་གནས་དེའི་ཉེ་འཁོར་ལས་འདས་པའོ། །

གལ་ཏེ་བསྐྲད་བྱ་དེ་ལ་གནོད་པ་སྐྱེ་བར་འགྱུར་བ་དང༌། དགེ་འདུན་འཁྲུག་པ་སྐྱེ་བར་འགྱུར་བ་དང༌། གནོད་པ་སྐྱེས་ཟིན་པ་ཉེ་བར་ཞི་བར་མི་འགྱུར་བ་དང༌། དགེ་འདུན་འཁྲུག་པ་སྐྱེས་ཟིནཔ་ཉེ་བར་ཞི་བར་མི་འགྱུར་བ་སྟེ། སྐྱོན་བཞི་པོ་དེ་དག་གང་ཡང་རུང་བར་འབྱུང་བར་དོགས་པའིགཉེན་པོར་འདོད་པ་མ་ཡིན་ན་སྐྲོད་པའི་ལྟུང་བྱེད་བསྐྱེད་པའོ། །ཊཱི་ཀ་ལས། དེ་དག་གི་བསམཔས་སྐྲོད་ན་ཉེས་པ་མེད་དོ། །ཞེས་སོ། །

བཅུ་བདུན་པ་ཕྱིས་གནོན་བྱེད་པའི་ལྟུང་བྱེད་འཆད་པ།

བཅུ་བདུན་པ་ཕྱིས་གནོན་བྱེད་པའི་ལྟུང་བྱེད་འཆད་པ་ལ།

རྩ་བར། ཤེས་གཙོའོ། །ཞེས་སོགས་བྱུང༌། འདིའི་དོན་ལ་བཞི་ལས། དང་པོ་གླེང་གཞི་ནི་མཉན་ཡོད་ན་འཆར་ཀས་ལྗོངསརྒྱུ་ཞིང་སོང་ནས་རི་བྲག་གི་གཙུག་ལག་ཁང་དུ་དགེ་སློང་ལ་ཕྱིས་གནོན་བྱས་པ་ལས་ལྟུང་བྱེདདུ་བཅས་སོ། །གཉིས་པ་དགག་བྱ་ནི་རང་རིགས་ཀྱི་ལུས་སེམས་ལ་གནོད་པའོ། །གསུམ་པ་ངོབོ་ནི་བཅས་ལྡན་དགེ་སློང་གིས་དགེ་འདུན་དབང་བའི་གནས་སུ་སྔར་ཞུགས་པའི་དགེ་སློང་ལམཐོ་འཚམས་པའི་ཕྱིར། ཕྱིས་གནོན་བྱས་པ་ལས་གྱུར་པའི་ལྟུང་བ་དངོས་གཞིའོ། །བཞི་བ་ཡནལག་ལ་བཞི་ལས། དང་པོ་གཞིའི་ཡན་ལག་ལ་གཉིས་ལས། གང་ལ་ཕྱིས་གནོན་བྱ་བའི་ཡུལ་ནི།

དགེ་སློང་ཆོས་དྲུག་ལྡན་གྱི་སྟེང་དུ། རང་བས་སྔར་ཞུགས་པ་དང༌། ཕན་པའི་རྐྱེན་ཅན་མ་ཡིནཔ་སྟེ། སོ་སོ་ཐར་པའི་མདོ་ལས། དགེ་སློང་དག་སྔ་ན་འཁོད་པར་ཤེས་བཞིན་དུ། ཞེས་དང༌། ནབ་དང་འཇིགས་པའི་དབང་མ་གཏོགས། ཞེས་པས་སོ། །གང་དུ་ཕྱིས་གནོན་བྱ་བའི་གནས་ནི།

གནས་ཆོས་གསུམ་ལྡན་ཏེ་སྐྲོད་པའི་སྐབས་སུ་སྔར་བསྟན་པ་བཞིན་ནོ། །གཉིས་པ་བསམ་པའིཡན་ལག་ལ་གཉིས་ལས། འདུ་ཤེས་ནི་གཞི་ལ་མ་འཁྲུལ་བའོ། །ཀུན་སློང་ནི་རང་གར་མཐོ་འཚམསཔས་ཕྱིས་གནོན་བྱེད་པར་འདོད་པ་རྒྱུན་མ་ཆད་པའོ། །གསུམ་པ་སྦྱོར་བ་ནི་ཕྱིས་གནོན་བྱེད་པརཞུགས་པའོ། །བཞི་བ་མཐར་ཐུག་ནི་དགེ་སློང་དེའི་སྟེང་དུ་ཉལ་བ་ཙམ་མམ་འདུག་པ་ཙམ་བྱསན་སྟེ། སོ་སོ་ཐར་པ་དང་ལུང་རྣམ་འབྱེད་ལས། ཕྱིས་གནོན་བྱས་ནས་ཉལ་ལམ་འདུག་ན་ལྟུངབྱེད་དོ། །ཞེས་སོ། །མཐོ་འཚམས་ཀྱི་ལྟུང་བ་གཞན་བསྟན་པ་ནི། ལུས་ཀྱི་ཕྱིས་གནོན་བྱེད་པ་དེནི་དཔེ་སྟེ་མཐོ་འཚམས་པར་འདུན་པས་དགེ་སློང་ལ་ངག་གིས་མཐོ་འཚམས་པ་དང་ལུས་ཀྱིསམཐོ་འཚམས་པ་གཞན་དག་ཀྱང་ཊཱི་ཀ་ལས། བསླབ་པའི་གཞི་འདིར་གཏོགས་པའི་ལྟུང་བྱེདཡིན་ནོ། །ཞེས་གསུངས་སོ། །

བཅོ་བརྒྱད་པ་རྩ་བ་འབྱུང་བ་ལ་འདུག་པའི་ལྟུང་བྱེད་འཆད་པ།

བཅོ་བརྒྱད་པ་རྩ་བ་འབྱུང་བ་ལ་འདུག་པའི་ལྟུང་བྱེད་འཆད་པ་ལ།

རྩ་བར། དགེའདུན་གྱི་གཙུག་ལག་ཁང་གི་སྟེང་གི་ཐོག་ཉིད་ནི་བྱེད་པ་བོའོ། །ཞེས་སོགས་བྱུང༌། འདིའི་དོནལ་བཞི་ལས། དང་པོ་གླེང་གཞི་ནི་མཉན་ཡོད་ནས་ཉེ་དགའ་ལྗོངས་རྒྱུ་ཞིང་སོང་ནས། རི་བྲགགི་གཙུག་ལག་ཁང་གི་སྟེང་གི་ཐོག་ལ་ཁྲི་རྐང་བཙུགས་ཏེ། ཤུགས་དྲག་པོས་མནན་ཏེ་འདུགཔས་ཁྲི་རྐང་གིས་ཁང་ཐོག་བརྟོལ་བ་ལས་བཅས་སོ། །གཉིས་པ་དགག་བྱ་ནི་དགེ་འདུན་གྱི་གཙུགལག་ཁང་གི་སྟེང་གི་ཐོག་བུག་རྡོལ་དུ་འགྱུར་བའོ། ། གསུམ་པ་ངོ་བོ་ནི་བཅས་ལྡན་དགེ་སློངགིས་དགེ་འདུན་དབང་བའི་གནས་མཚན་ཉིད་དང་ལྡན་པའི་སྟེང་གི་ཐོག་རྩ་བ་འབྱུང་བའི་གནསསྐབས་དང་བཅས་པར་མནན་པར་འོས་པའི་རྩ་བ་ཕུར་བུ་ལྟ་བུའི་སྟེང་དུ་འདུག་པའམ་ཉལ་བལས་གྱུར་པའི་ལྟུང་བ་དངོས་གཞིའོ། །བཞི་བ་ཡན་ལག་ལ་བཞི་ལས། དང་པོ་གཞིའི་ཡན་ལགལ་གཉིས་ལས། གང་དུ་འདུག་པའི་གནས་ནི། དགེ་འདུན་དབང་བའི་གནས་ཆོས་གསུམ་ལྡནསྔར་བཤད་མ་ཐག་པའི་སྟེང་དུ། སྟེང་གི་ཐོག་ཡིན་པ་དང༌། རྩ་བ་འབྱུང་བའི་སྐབས་དང་བཅས་པ་སྟེ། རྩ་བར། སྟེང་གི་ཐོག་ཉིད་ནི་བྱེད་པ་པོའོ། །ཞེས་དང༌། གལ་ཏེ་བྱིན་གྱིས་གཞོལ་བ་ཉིདདམ། ཞེས་པས་སོ། །གང་ལ་འདུག་པའི་དངོས་པོ་ནི། མནན་པར་འོས་པའི་རྩ་བ་ཕུར་བུ་ལྟ་བུཡིན་པ་དང༌། གྱེན་དུ་བཟློག་པ་དང་རྐང་རྟེན་བཅུག་པ་མ་ཡིན་པའོ། །རང་གི་རྣམ་བཤད་ལས། ཁྲི་དང་ཁྲིའུ་སྨོས་པ་འདིར་མཚོན་པ་ཙམ་དུ་རྣམ་པར་གནས་པ་ཡིན་ནོ། །འདི་ལྟ་བུར་གྱུར་པའདྲ་བ་གཞན་ལ་ཡང་ཉེས་དམིགས་འདྲ་བ་ཉིད་ཀྱིས། དེའི་ཕྱིར་མནན་པར་འོས་པ་ཞེས་བྱ་བའིཚིག་བྱས་སོ། །ཞེས་གསུངས་སོ། ། གཉིས་པ་བསམ་པའི་ཡན་ལག་ལ་གཉིས་ལས། འདུ་ཤེསནི་གཞི་ལ་མ་འཁྲུལ་བའོ། །ཀུན་སློང་ནི་རང་གར་རྩ་བ་ཕུར་བུ་ལྟ་བུ་ལ་འདུག་པར་འདོད་པ་རྒྱུན་མ་ཆད་པའོ། །གསུམ་པ་སྦྱོར་བ་ནི་རྩ་བ་ཕུར་བུ་ལྟ་བུ་ལ་འདུག་པའམ་ཉལ་བར་བྱེད་པ་སྟེ། སོ་སོ་ཐར་པའི་མདོ་དང་ལུང་རྣམ་འབྱེད་ལས། ལྗིད་ཀྱིས་ཕབ་སྟེ་འདུག་གམ་ཉལ་ན་ལྟུང་བྱེདདོ། །ཞེས་གསུངས་སོ། །བཞི་བ་མཐར་ཐུག་ནི་འདུག་པ་ཙམ་མམ་ཉལ་བ་ཙམ་ཉིད་དོ། །

བཅུ་དགུ་བ་འདེབས་པའི་ལྟུང་བྱེད་འཆད་པ།

བཅུ་དགུ་བ་འདེབས་པའི་ལྟུང་བྱེད་འཆད་པ་ལ།

རྩ་བར། རང་སྤྱོད་པའི་དོན་ཉིདདེ་ལས་གཞན་པ་ལའོ། །ཞེས་བྱུང༌། འདིའི་དོན་ལ་བཞི་ལས། དང་པོ་གླེང་གཞི་ནི་ཡུལ་ཀོའུཤམ་བྷིར་འདུན་པས་སྲོག་ཆགས་དང་བཅས་པའི་ཆུ་ས་ལ་འདེབས་པར་བྱེད་པ་ལས་ལྟུང་བྱེད་དུབཅས་སོ། །གཉིས་པ་དགག་བྱ་ནི་དུད་འགྲོའི་སྲོག་ལ་གནོད་པའོ། །གསུམ་པ་ངོ་བོ་ནི་བཅསལྡན་དགེ་སློང་གིས་གཞན་ཁོ་ནའི་དོན་དུའམ་རང་གཞན་ཐུན་མོང་གི་དོན་དུ་ཆུ་དང་ས་དང་ཤིངལ་སོགས་པ་སྲོག་ཆགས་དང་བཅས་པ་ལ་སྲོག་ལ་མ་ལྟོས་པའི་བསམ་པས་ལོངས་སྤྱོད་པས་གཞི་མའི་ཞར་ལ་དུད་འགྲོ་ཤི་བ་ལས་གྱུར་པའི་ལྟུང་བ་དངོས་གཞིའོ། །བཞི་བ་ཡན་ལག་ལ་བཞིལས། དང་པོ་གཞིའི་ཡན་ལག་ལ་གསུམ་ལས། དུད་འགྲོའི་སྐྱེ་གནས་སུ་གཏོགས་པ་ཡིན་པ་སྟེ།

ལུང་དང་མདོ་རྩ་བ་ལས་སྲོག་ཆགས་དང་བཅས་པ་ཞེས་སྤྱིར་གསུངས་ཀྱང༌། ཊཱི་ཀ་ལས། དུདའགྲོའི་སྐྱེ་གནས་སུ་སྐྱེས་པའི་སྲོག་ཆགས། ཞེས་གསུངས་སོ། །ཐ་མལ་པའི་མིག་ལ་སྣང་བ་སྟེ།

སྐབས་འདི་ཉིད་ཀྱི་ལུང་རྣམ་འབྱེད་ལས། གང་དག་མིག་གིས་མཐོང་བར་འགྱུར་བར། ཞེསགསུངས་སོ། །སའམ་ཆུ་ལྟ་བུ་གཞི་མ་དང་བཅས་པ་སྟེ། སྲོག་ཆགས་དང་བཅས་པ་ཞེས་སྲོགཆགས་དང་ལྡན་པའི་ཚིག་ཏུ་གསུངས་པས་སོ། །གཉིས་པ་བསམ་པའི་ཡན་ལག་ལ་གཉིས་ལས། འདུ་ཤེས་ནི་གཞི་ལ་མ་འཁྲུལ་བའོ། །ཀུན་སློང་ནི་གཞན་ཁོ་ནའི་དོན་དུའམ་རང་གཞན་ཐུན་མོང་གིདོན་དུ་སྲོག་ཆགས་ལ་མ་ལྟོས་པར་གཞི་མའི་ཞར་ལ་སྲོག་ཆགས་དང་བཅས་པ་ལ་སྤྱོད་པར་འདོདཔ་རྒྱུན་མ་ཆད་པའོ། །གསུམ་པ་སྦྱོར་བ་ནི་རང་ངམ་གཞན་བསྐོས་པས་སྲོག་ཆགས་དང་བཅསཔ་ལ་སྤྱོད་པར་ཞུགས་པའོ། །བཞི་བ་མཐར་ཐུག་ནི་སྦྱོར་བ་དེའི་རྐྱེན་གྱིས་དུད་འགྲོའི་སྲོག་གིདབང་པོ་འགགས་པ་སྟེ། ཊཱི་ཀ་ལས། སྲོག་ཆགས་དག་གི་སྲོག་གི་དབང་པོ་འགག་པའི་མཚནཉིད་ཀྱི་སྐད་ཅིག་མ་གཉིས་པ་ལའོ། །ཞེས་གསུངས་སོ། །

ཉི་ཤུ་པ་རིམ་པ་ལྷག་པར་རྩིག་པའི་ལྟུང་བྱེད་འཆད་པ་ལ་གཉིས་ལས།

དང་པོ་བསླབཔར་བྱ་བ་ནི། རྩ་བར། སྒོ་ཆ་གཞུག་པར་བྱའོ། །སྒོ་གླེགས་དག་ཀྱང་ངོ། །སྐར་ཁུང་དག་ཀྱངགདོད་པར་བྱའོ། །ཞེས་སོ། །

གཉིས་པ་ལྟུང་བ་རྣམ་གཞག་ནི།

གཙུག་ལག་ཁང་ནི་བྱེད་པ་པོ་ཉིད་དོ། །ཞེས་སོགསབྱུང༌། འདིའི་དོན་ལ་བཞི་ལས། དང་པོ་གླེང་གཞི་ནི་ཀོའུ་ཤམ་བྷིར་དྲུག་སྡེས་ཉི་མ་གཅིག་ལགཙུག་ལག་ཁང་སུམ་བརྩེགས་བརྩིགས་ཟིན་པ་ཞིག་པ་ལས་ལྟུང་བྱེད་དུ་བཅས་སོ། །གཉིསཔ་དགག་བྱ་ནི་གཙུག་ལག་ཁང་འཇིག་པར་འགྱུར་ཞིང་དོན་དང་བྱ་བ་མང་བའོ། །གསུམ་པ་ངོབོ་ནི་བཅས་ལྡན་དགེ་སློང་གིས་གཙུག་ལག་ཁང་བརྩིག་པ་ན་ཉིན་ཞག་གཅིག་ལ་སྲ་བ་མ་ཡིནཔས་རིམ་པ་གསུམ་ལས་ལྷག་པའམ་ཆུ་ཁུང་སོགས་མེད་ན་ཉི་མ་གཞན་ལའང་ཕ་གུ་རིམ་པ་གསུམལས་ལྷག་པར་བརྩིགས་པ་ལས་གྱུར་པའི་ལྟུང་བ་དངོས་གཞིའོ། །དམིགས་བསལ་བཞིའི་སྐབས་སུ་ཉི་མ་ཐ་དད་དུ་རིམ་པ་གསུམ་ལས་ལྷག་པ་ལ་ཡང་ལྟུང་བྱེད་དུ་འགྱུར་ཏེ། ཉི་མ་ཐ་དད་གཞནལ་ཡང་འཇིམ་པ་མེད་པ་ལས་སོ་ཞེས་དམིགས་བསལ་གྱི་མདོ་བཞིས་སྟོན་པར་འགྱུར་རོ། །བཞིབ་ཡན་ལག་ལ་བཞི་ལས། གཞིའི་ཡན་ལག་ལ། གང་རྩིག་པའི་གནས་དང༌། གང་གི་ཚེ་རྩིགཔའི་དུས་དང༌། གང་གིས་རྩིག་པའི་དངོས་པོ་དང༌། གང་གིས་རྩིག་པའི་རྟེན་དང་བཞི། དང་པོ་ལབཞི་ལས། གཙུག་ལག་ཁང་རྩིག་པའི་རྩིག་རྨང་ཡན་ཆད་ཡིན་པ་དང༌། སྤྱོད་ལམ་བཞི་ཡན་ཆདཤོང་པ་སྟེ། གཙུག་ལག་ཁང་ནི་བྱེད་པ་པོ་ཉིད་དོ། །སྤྱོད་ལམ་བཞི་ཤོང་བའོ། །ཞེས་སོ། །ཕལཆེར་གཡོགས་བསྐོར་ཡན་ཆད་དུ་རྩིག་པའི་རྩིག་རྨང་ཡན་ཆད་ཡིན་པ་སྟེ། ཕལ་ཆེར་གཡོགས་པདང་བསྐོར་བ་ནི། ཞེས་སོ། །བྱེད་འཕྲོ་གཞིའི་སེལ་བར་གཏོགས་པ་མ་ཡིན་པ་སྟེ། ཕྱེད་བྱས་པལ་བྱེད་པ་ནི་ཕྱེད་ཉིད། ཅེས་གསུངས་པས་སོ། །གཉིས་པ་གང་གི་ཚེ་རྩིག་པའི་དུས་ནི་སྤྱིར་བཏངལ་ཉིན་ཞག་གཅིག་ཡིན་པ་སྟེ། ཉི་མ་དེ་ལའོ། །ཞེས་སོ། །དམིགས་བསལ་བཞི་ཡོད་དེ། ཉི་མགཅིག་ཡིན་པ་ལས་གཞན་ཉི་མ་ཐ་དད་ལ་ཡང་སོ་ཕག་མ་ཡིན་པའི་ཕ་གུ་འཇིམ་པ་མེད་པ་དང༌། ཆུ་ཁུང་དག་མ་བཏོད་པ་དང༌། བརྐོས་ཏེ་རྨང་གི་རྩ་བ་མ་བཙུགས་པ་དང༌། ཡ་ཕུབས་ལ་སོགསཔའི་སྒོ་ཆ་གོང་མ་མ་བཅུག་པ་གང་རུང་ཡིན་ན་རིམ་པ་གསུམ་ལས་ལྷག་བརྩིག་ན་ལྟུང་བྱེད་དུའགྱུར་ཏེ། རྩ་བར། གཞན་ལ་ཡང་འཇིམ་པ་མེད་པས་སོ། །ཆུ་ཁུང་དག་མ་གཏོད་པ་ཡང་རུངངོ། །བརྐོས་ཏེ་རྨང་གི་རྩ་བ་མ་བཙུག་པ་ཉིད་ཀྱང་རུང་ངོ། །སྒོ་ཆ་གོང་མ་མ་བཅུག་པ་ཡང་རུངངོ། །ཞེས་དང༌། ཊཱི་ཀ་ལས། སྒོ་ཆ་གོང་མ་མ་བཅུག་པ་ལས་ཉི་མ་གཞན་ལ་ཡང་ཕ་གུ་རིམ་པགསུམ་ལས་ལྷག་པར་བརྩིགས་ན་དངོས་གཞིའི་ཁ་ན་མ་ཐོ་བར་འགྱུར་རོ། །ཞེས་གསུངས་སོ། །

གསུམ་པ་གང་གིས་རྩིག་པའི་དངོས་པོ་ནི།

འཇིག་པའི་ཉེན་ཅན་ཡིན་པ་སྟེ། སོ་བསྲེགས་པ་མཡིན་པའི་ཕ་གུ་ལྟ་བུའོ། །དེ་ཡང་གལ་ཏེ་ཐམས་ཅད་རྡོའམ་སོ་ཕག་གམ་ཤིང་ལས་བྱས་པ་མ་ཡིན་ནའོ། །ཞེས་གསུངས་པས་སོ། ། བཞི་པ་གང་གིས་རྩིག་པའི་རྟེན་ནི། ཆར་ཆུ་བསྐྱབ་པའིགཡོགས་པ་མ་བྱས་པར་དང་སྦྱིན་བདག་གི་ཚིག་གིས་དབང་མེད་པ་མ་ཡིན་པ་སྟེ། ཆར་ཆུ་བསྐྱབཔའི་གཡོགས་པ་ཡང་ངོ༌། །ཡོན་བདག་གིས་བྱས་ཟིན་ནས་བལྟའོ་ཞེས་མ་སྨྲས་པ་ལའོ་ཞེས་གསུངས་སོ། །གཉིས་པ་བསམ་པའི་ཡན་ལག་ལ་གཉིས་ལས། འདུ་ཤེས་ནི་གཞི་ལ་མ་འཁྲུལབའོ། །ཀུན་སློང་ནི་རང་གིས་སམ་བསྐོས་པའི་སྤྱིར་བཏང་ལ་ཉིན་ཞག་གཅིག་ལ་གཙུག་ལག་ཁང་གི་ཕ་གུ་རིམ་པ་གསུམ་ལས་ལྷག་པར་བརྩིག་པར་འདོད་པ་རྒྱུན་མ་ཆད་པའོ། །གསུམ་པསྦྱོར་བ་ནི་རང་ངམ་བསྐོས་པས་ཕ་གུ་རིམ་པ་གསུམ་ལས་ལྷག་པར་བརྩིག་པར་ཞུགས་པའོ། །

བཞི་བ་མཐར་ཐུག་ནི་རིམ་པ་གསུམ་ལས་ལྷག་པ་རིམ་པ་བཞི་པར་བརྩིགས་པའོ། །དེ་དག་ནི་མཚོ་ཊཱིཀ་དང་འདུལ་བ་བདུད་རྩིའི་ཉིང་ཁུ་ལྟར་བྲིས་པ་ཡིན་ནོ། །དེ་ལས་གཞན་དུ་སྒོ་མངཡིག་ཆར༌། དོན་ནི་དགེ་སློང་གིས་གཙུག་ལག་ཁང་རྩིག་པ་ན་ཉི་མ་གཅིག་ལ་ཆུ་ཁུང་དང་སྒོདང༌། རྩ་བ་རྐོས་པ་གསུམ་གང་རུང་མེད་པར་ཕ་གུ་རིམ་པ་གསུམ་ལས་ལྷག་པར་རྩིག་ན་དེ་རྩིག་པའི་ལྟུང་བྱེད་དངོས་གཞི་སྐྱེད་དེ། ཆུ་ཁུང་མེད་ན་རིམ་པ་གསུམ་ལས་ལྷག་གིས་སྐྱེད་ལཡོད་ན་མི་སྐྱེད་དེ། དེ་བཞིན་དུ་རྨང་རྐོས་ན་གསུམ་གྱི་ལྷག་གིས་མི་སྐྱེད། ཅེས་པ་ནས། འདིལྟར་མ་གོ་བར་གསུམ་རིམ་བརྩིགས་ན་ལྟུང་བས་ཁྱབ་པར་བྲིས་པ་དུ་མ་སྣང་ངོ། །ཞེས་གསུངསསོ། །

བཅུ་ཚན་གསུམ་པ་ལ་སྡོམ་དང་སོ་སོར་བཤད་པ་དང་གཉིས། དང་པོ་ནི། སོར་སྡོམ་ལས།

མ་བསྐོས་ཉི་མ་ནུབ་པ་དང༌། །ཟས་དང་ཆོས་གོས་གཉིས་དག་དང༌། །དོན་མཐུན་གྲུ་དང་དབེན་པ་གཉིས། །དགེ་སློང་མ་ཡིས་སྦྱོར་བཅུག་པའོ། །ཞེས་གཟུང་བར་བྱའོ། །

གཉིས་པ་སོ་སོར་བཤད་པ་ལ་བཅུ་ལས། ཉེར་གཅིག་པ་མ་བསྐོས་པར་སྟོན་པའི་ལྟུངབྱེད་འཆད་པ་ལ་གཉིས་ལས། དང་པོ་དགེ་སློང་མའི་སྟོན་པ་བསྐོ་བ་ནི། རྩ་བར། ཕམ་པར་འགྱུརབ་མ་བྱུང་བ། ཞེས་སོགས་བྱུང༌། འདིའི་དོན་ལ་དྲུག་ལས། དང་པོ་སྟོན་པ་བསྐོས་པའི་དགོསཔ་ནི། མ་བསྐོས་པར་ཆོས་སྟོན་པའི་ལྟུང་བ་མི་འབྱུང་བ་དང༌། ཆོ་གས་བསྐོས་པས་བཅས་པའི་སམཚམས་ཟིན་པའོ། །གཉིས་པ་ཡུལ་གང་བསྐོ་བ་ནི། བཙུན་པ་དང༌། བརྟན་པ་དང༌། མཁས་པ་དང༌།

ཕན་འདོགས་པའི་ཡན་ལག་དང་ལྡན་པ་སྟེ། བཙུན་པའི་ཡན་ལག་ནི་ཕམ་ལྷག་གིས་མ་གོས་ཤིངརང་བཞིན་གྱི་ཁ་ན་མ་ཐོ་བ་ལ་འཛེམ་པ་སྟེ། རྩ་བར། ཕམ་པར་འགྱུར་པ་མ་བྱུང་བ། ཞེས་པ་དང༌།

དགེ་སློང་མ་ལ་ལུས་ཉེ་བར་གཞོལ་བ་ཕྱིར་བཅོས་པ། ཞེས་གསུངས་པས་ལྷག་མའི་ལྟུང་བ་གཞནགྱིས་མ་གོས་པ་ཡང་དེ་དང་རྒྱུ་མཚན་མཚུངས་པའི་ཕྱིར་དང༌། དུད་འགྲོ་གསོད་པ་ལ་སོགསཔ་རང་བཞིན་གྱི་ཁ་ན་མ་ཐོ་བ་ལ་མི་འཛེམ་ན་དགོས་པ་རྫོགས་པར་མི་འགྲུབ་པའི་ཕྱིར་རོ། །བརྟན་པའི་ཡན་ལག་ནི། བསྙེན་པར་རྫོགས་ནས་ལོ་ཉི་ཤུ་ལོན་པ་སྟེ། ལོ་ཉི་ཤུ་ལས་མི་ཉུང་བ། ཞེས་སོ། །གཞན་དུ་ན་བསྐོ་བའི་ལས་འདི་མི་འཆགས་ཏེ། ལུང་རྣམ་འབྱེད་དང་དེའི་འགྲེལ་བལས་གསུངས་སོ། །མཁས་པའི་ཡན་ལག་ནི། སྡེ་སྣོད་གསུམ་འཛིན་པ་ནས་མཐུན་པ་དང་ཡོངསདག་ལ་སྦྱོར་ནུས་པ་ཡན་ཆད་ཡིན་པ་དང༌། གྲོང་ཁྱེར་བའི་སྐད་སྨྲ་བ་སྟེ། གཞུང་ལས་དངོས་སུགསུངས་སོ། །གཞན་དུ་ན་བསྐོ་བའི་ལས་འདི་མི་འཆགས་པར་ལུང་རྣམ་འབྱེད་དང༌། དེའི་འགྲེལབ་ལས་བཤད་དོ། །ཕན་འདོགས་ཀྱི་ཡན་ལག་ནི། ཆོས་བཅུ་གསུམ་སྟེ། མཚན་མཐུན་ལྟ་མཐུནཐ་སྙད་གསུམ་དང་ལྡན། །ལུས་ནི་ཐ་མལ་ས་ནི་རང་བཞིན་གནས། །མཚམས་ཀྱི་ནང་གནས་འགྲོ་བ་བཞི་དང་བྲལ། །སྤྲོ་དང་ཚོགས་ལོངས་མིན་དང་སྔར་བསྐོས་མིན། །ཞེས་སོ། །དེ་ཡང་མཚནམཐུན་པ་དང་ལྟ་བ་མཐུན་པ་ལ་སོགས་པ་བཅུ་གཉིས་ནི་སླར་བསྐོ་བའི་ལས་ཀྱི་བསྒྲུབ་བྱའི་སྐབསསུ་ལས་གཞིར་འཆད་པར་འགྱུར་ལ། དགེ་སློང་མའི་སྟོན་པར་སྔར་བསྐོས་པ་དང་མ་འབྲེལ་བ་ནི།

སྔར་བསྐོས་པ་ནི་མ་བསྐོས་པ་ཉིད་མ་ཡིན་ཞེས་གསུངས་པས་སོ། །དེ་ལྟར་ན་ཆོས་བཅུ་དྲུག་དང་ལྡན་པ་བསྐོའོ། །གཉིས་པ་རྟེན་གང་གིས་བསྐོ་བ་ནི། དགེ་འདུན་མཚན་ཉིད་བཞི་ལྡན་གྱིས་སོ། །

གསུམ་པ་དུས་གང་གི་ཚེ་བསྐོ་བ་ནི། གསོ་སྦྱོང་བཅོ་ལྔ་པ་ལའོ། །ཞེས་སོ། །དུས་གཞན་དུ་ནིབསྐོ་བའི་ལས་འདི་མི་འཆགས་པར་ལུང་རྣམ་འབྱེད་དང་དེའི་འགྲེལ་བ་ལས་བཤད་དོ། །བཞིཔ་གནས་གང་དུ་བསྐོ་བ་ནི། མཚམས་ཀྱི་ནང་དུའོ། །ཞེས་སོ། །ལྔ་པ་ཆོ་ག་གང་གིས་བསྐོ་བ་ནི།

སྦྱོར་དངོས་མཇུག་གསུམ་སྟེ། སྦྱོར་བ་ནི་འདུ་བའི་སྐབས་རྗེས་སུ་བསྒྲུབ་པ་དང༌། སྤྲོ་བ་འདྲི་བའོ། །

དངོས་གཞི་ནི་གསོལ་བ་དང་གཉིས་ཀྱི་ལས་ཀྱིས་སོ། །མཇུག་ནི་ལས་ཀྱི་མཇུག་སྡུད་བརྗོད་པའོ། །དེ་དག་གི་སྡོམ་ནི། ཕམ་པ་མ་བྱུང་མཁས་པའི་ཡན་ལག་ལྡན། །བསྙེན་པར་རྫོགས་ནསལོ་གྲངས་ཉི་ཤུ་ལོན། །གྲོང་ཁྱེར་སྐད་སྨྲ་རེག་པའི་ལྟུང་བ་མེད། །བཅོ་ལྔའི་དུས་དང་མཚམས་ཀྱི་ནང་དང་བདུན། །དེ་དག་གང་རུང་གཅིག་དང་མི་ལྡན་ན། །གཞན་དྲུག་ལྡན་ཡང་བསྐོ་བའི་ལས་མི་འཆགས། །ཞེས་སོ། །

གཉིས་པ་ལྟུང་བ་རྣམ་པར་བཞག་པ་ནི།

རྩ་བར། བསྐོས་པ་དེ་དག་ལས་གཅིགདང་ཡང་མི་ལྡན་པ་དང་མ་བསྐོས་པར་དགེ་སློང་མ་ལ་སྟོན་ནའོ། །ཞེས་སོགས་བྱུང༌། འདིའི་དོནལ་བཞི་ལས། དང་པོ་གླེང་གཞི་ནི་མཉན་ཡོད་དུ་དྲུག་སྡེས་མ་བསྐོས་པར་དགེ་སློང་མ་ལ་ཆོསབསྟན་པ་ལས་ལྟུང་བྱེད་དུ་བཅས་སོ། །གཉིས་པ་དགག་བྱ་ནི་ཆགས་པའི་རྐྱེན་བྱས་ཏེ་རང་རིགསཀྱི་བསླབ་པ་ལ་གནོད་པའོ། །གསུམ་པ་ངོ་བོ་ནི་བཅས་ལྡན་དགེ་སློང་གང་དགེ་སློང་མའི་སྟོན་པརཚུལ་བཞིན་དུ་བསྐོས་པ་མ་ཡིན་པས་དགེ་སློང་མ་ལ་ཆོས་བསྟན་པ་ལས་གྱུར་པའི་ལྟུང་བ་དངོསགཞིའོ། །བཞི་བ་ཡན་ལག་ལ་བཞི་ལས། དང་པོ་གཞིའི་ཡན་ལག་ལ་གསུམ་ལས། གང་ལ་བསྟནཔའི་ཡུལ་ནི། དགེ་སློང་མ་ཆོས་བདུན་ལྡན་སྔར་འཁྲུར་འཇུག་གི་སྐབས་སུ་བཤད་ཟིན་པ་དེ་ལསའདིར་ཉེ་དུ་མ་ཡིན་པ་མ་གཏོགས་པ་ཆོས་དྲུག་ལྡན་ནོ། །གང་བསྟན་པའི་ཆོས་ནི། སངས་རྒྱསཀྱི་བཀའ་འམ་དེའི་གཏན་ལ་འབེབས་པའི་བསྟན་བཅོས་ཡིན་པ་སྟེ། ལུང་ལས། སྟོན་ན་ཞེསབྱ་བ་ནི་ལྷག་པའི་ཚུལ་ཁྲིམས་དང་སེམས་དང་ཤེས་རབ་བོ། ཞེས་སོ། །སེལ་བ་སྒྲ་རིག་པ་ལྟབུ་བསྟན་ན་ནི་ན་སྨད་དོ། །ཚིག་བཞིར་ལོངས་པའོ། །གང་གིས་སྟོན་པའི་རྟེན་ནི། དགེ་སློང་མའི་སྟོན་པར་བསྐོས་པ་ཉིད་མ་ཡིན་པ་དང༌། ཆོས་བླ་མའི་མཐུ་དང་མི་ལྡན་པ་དང༌། དགེ་འདུནདུ་མ་ལོངས་ཤིང་འོས་པ་ལ་གསོལ་བ་མ་ཡིན་པའོ། །གཉིས་པ་བསམ་པའི་ཡན་ལག་ལ་གཉིསལས། འདུ་ཤེས་ནི་གཞི་ལ་མ་འཁྲུལ་བའོ། །ཀུན་སློང་ནི་དགེ་སློང་མའི་སྟོན་པར་མ་བསྐོས་པརརང་གར་དགེ་སློང་མ་ལ་ཆོས་སྟོན་པའི་ཚིག་སྨྲ་ཞིང་གོ་བར་འདོད་པ་རྒྱུན་མ་ཆད་པའོ། །གསུམཔ་སྦྱོར་བ་ནི་ངག་མཚན་ཉིད་ལྔ་ལྡན་གྱིས་ཆོས་སྟོན་པར་ཞུགས་པའོ། །བཞི་བ་མཐར་ཐུག་ནིདགེ་སློང་མས་དོན་གོ་བའོ། །

ཉེར་གཉིས་པ་ཉི་མ་ནུབ་ཀྱི་བར་དུ་ཆོས་སྟོན་པའི་ལྟུང་བྱེད་འཆད་པ།

ཉེར་གཉིས་པ་ཉི་མ་ནུབ་ཀྱི་བར་དུ་ཆོས་སྟོན་པའི་ལྟུང་བྱེད་འཆད་པ་ལ།

རྩ་བར། ཤེས་གཙོའོ། །ཉི་མ་ནུབ་པ་ཉིད་ལའོ། །ཞེས་སོགས་བྱུང༌། འདིའི་དོན་ལ་བཞིལས། དང་པོ་གླེང་གཞི་ནི་མཉན་ཡོད་དུ་དགའ་བྱེད་ཀྱིས་ཉི་མ་ནུབ་ཀྱི་བར་དུ་དགེ་སློང་མ་ལཆོས་བསྟན་པ་ལས་ལྟུང་བྱེད་དུ་བཅས་སོ། །གཉིས་པ་དགག་བྱ་ནི་ཆགས་པའི་རྐྱེན་བྱས་ཏེ་རངརིགས་ཀྱི་བསླབ་པ་ལ་གནོད་པའོ། །གསུམ་པ་ངོ་བོ་ནི་མཚན་ཐོག་ཐག་ཏུ་ཆོས་སྟོན་པ་མ་གཏོགསཔར་བཅས་ལྡན་དགེ་སློང་གིས་ཉི་མ་ནུབ་པའི་དུས་སུ་དགེ་སློང་མ་ལ་ཆོས་བསྟན་པ་ལས་གྱུརཔའི་ལྟུང་བ་དངོས་གཞིའོ། །འདུལ་བ་བདུད་རྩི་ཉིང་ཁུ་ལས། དགེ་སློང་མའི་སྟོན་པར་སྐོས་ཀྱང༌། ཞེས་གསུངས་པ་ལེགས་སྙམ་མོ། །བཞི་བ་ཡན་ལག་ལ་བཞི་ལས། དང་པོ་གཞིའི་ཡནལག་ལ་བཞི་ལས། གང་ལ་བསྟན་པའི་ཡུལ་ནི། དགེ་སློང་མ་ཆོས་དྲུག་ལྡན་སྔ་མ་བཞིན་ནོ། །གངབསྟན་པའི་ཆོས་ནི། ཆོས་གཉིས་ལྡན་སྔ་མ་བཞིན་ནོ། །གང་གི་ཚེ་བསྟན་པའི་དུས་ནི། ཉི་མ་ནུབཔའི་དུས་ཡིན་པ་དང༌། མཚན་ཐོག་ཐག་ཆོས་སྟོན་པའི་དུས་མ་ཡིན་པའོ། །གང་དུ་བསྟན་པའིགནས་ནི་འཇིགས་པའི་ཉེན་མེད་ཡིན་པ་སྟེ། དེའི་ཚེ་གལ་ཏེ་སྒོ་ཕྱེ་ཞིང་ཞེས་པས་སོ། །གཉིས་པ་བསམ་པའི་ཡན་ལག་ལ་གཉིས་ལས། འདུ་ཤེས་ནི་གཞི་ལ་མ་འཁྲུལ་བའོ། །ཀུན་སློང་ནི་ཉིམ་ནུབ་ནས་རང་གར་དགེ་སློང་མ་ལ་ཆོས་སྟོན་པའི་ཚིག་སྨྲ་ཞིང་གོ་བར་འདོད་པ་རྒྱུན་མ་ཆདཔའོ། །གསུམ་པ་སྦྱོར་བ་ནི་ངག་མཚན་ཉིད་ལྔ་ལྡན་གྱིས་ཆོས་སྟོན་པར་ཞུགས་པའོ། །བཞི་བ་མཐར་ཐུག་ནི་དགེ་སློང་མས་དོན་གོ་བའོ། །

ཉེར་གསུམ་པ་ཟས་ཅུང་ཟད་ཙམ་གྱི་ཕྱིར་ཆོས་སྟོན་ཞེས་སྐུར་པ་འདེབས་པའི་ལྟུངབྱེད་འཆད་པ་ལ་གཉིས་ལས། དང་པོ་བསླབ་པར་བྱ་བ་ནི། རྩ་བར། དགེ་སློང་མས་ཆོས་འདྲིབ་ལ་མི་འཇིགས་པར་བྱ་བའི་ཕྱིར་དགེ་སློང་ལ་ཟས་དབུལ་བར་བྱའོ། །ཞེས་སོགས་སོ། །

གཉིས་པ་ལྟུང་བ་རྣམ་པར་བཞག་པ་ལ།

རྩ་བར། དགེ་སློང་དེ་ལྟར་གྱུར་པ་མ་ཡིནཔ་ལ་ཟས་ཅུང་ཟད་ཙམ་གྱི་ཕྱིར་དགེ་སློང་མ་ལ་ཆོས་སྟོན་ཏོ་ཞེས་སྨྲས་ནའོ། །ཞེས་བྱུང༌། །འདིའིདོན་ལ་བཞི་ལས། དང་པོ་གླེང་གཞི་ནི་མཉན་ཡོད་དུ་ཉེ་དགས་ཟས་ཅུང་ཟད་ཙམ་གྱི་ཕྱིར་ཆོསསྟོན་ཏོ་ཞེས་དགའ་བྱེད་ལ་སྐུར་པ་བཏབ་པ་ལས་ལྟུང་བྱེད་དུ་བཅས་སོ། །གཉིས་པ་དགག་བྱནི་རང་རིགས་ཀྱི་སེམས་བདེ་བ་ལ་གནོད་པའོ། །གསུམ་པ་ངོ་བོ་ནི་བཅས་ལྡན་དགེ་སློང་གིསདགེ་སློང་གཞན་ཟས་ལ་སོགས་པའི་ཆེད་དུ་ཆོས་སྟོན་པ་མ་ཡིན་པ་ལ་ཟས་ལ་སོགས་པའི་ཆེདདུ་དགེ་སློང་མ་ལ་ཆོས་བསྟན་ཏོ། །ཞེས་སྐུར་པ་བཏབ་པ་ལས་གྱུར་པའི་ལྟུང་བ་དངོས་གཞིའོ། །

བཞི་བ་ཡན་ལག་ལ་བཞི་ལས། དང་པོ་གཞིའི་ཡན་ལག་ལ་གསུམ་ལས། གང་ལ་སྐུར་པ་གདབཔའི་ཡུལ་ནི། དགེ་སློང་ཆོས་དྲུག་ལྡན་གྱི་སྟེང་དུ། ཟས་གོས་ཀྱི་ཕྱིར་ཆོས་སྟོན་པ་པོ་མ་ཡིན་པ་སྟེ།

དགེ་སློང་དེ་ལྟར་གྱུར་པ་མ་ཡིན་པ་ལ། ཞེས་སོ། །གང་གིས་སྐུར་པ་གདབ་པའི་དངོས་པོ་ནི།

ཟས་གོས་སམ་ལྷུང་བཟེད་ཀྱི་ཆེད་དུ་དགེ་སློང་མ་ལ་ཆོས་སྟོན་ཏོ་ཞེས་སྐུར་པ་འདེབས་པ་སྟེ། ཟས་ཅུང་ཟད་ཙམ་གྱི་ཕྱིར། ཞེས་པ་དང༌། གོས་དང་ལྷུང་བཟེད་ལའང་གནད་ཀྱིས་སྦྱར་ཏེ། འགྲེལཆུང་ལས། ཡོ་བྱད་དག་དང་ཁ་ཟས་ཙམ་གྱི་ཕྱིར་ཆོས་འཆད་དོ། །ཞེས་སྐུར་པའི་ཚིག་སྨྲས་ན་ལྟུང་བའོ། །ཞེས་སོ། །གང་ལ་གོ་བར་བྱ་བའི་ཡུལ་ནི་ཆོས་གསུམ་ལྡན་ཏེ། ཐ་སྙད་ལྔ་དངལྡན། ལུས་ཐ་མལ་པར་གནས། བདག་ལས་ཐ་དད་པའོ། །གཉིས་པ་བསམ་པའི་ཡན་ལག་ལགཉིས་ལས། འདུ་ཤེས་ནི་གཞི་ལ་མ་འཁྲུལ་བའོ། །ཀུན་སློང་ནི་ཟས་ལ་སོགས་པའི་ཆེད་དུ་དགེསློང་མ་ལ་ཆོས་སྟོན་ཏོ་ཞེས་སྐུར་པ་འདེབས་པར་འདོད་པ་རྒྱུན་མ་ཆད་པའོ། །གསུམ་པ་སྦྱོརབ་ནི་ངག་མཚན་ཉིད་ལྔ་ལྡན་གྱིས་སྐུར་པ་འདེབས་པ་འདི་ལ་ཞུགས་པའོ། །བཞི་བ་མཐར་ཐུགནི་ཕ་རོལ་པོས་དོན་གོ་བའོ། །

ཉེར་བཞི་བ་གོས་བྱེད་པའི་ལྟུང་བྱེད་འཆད་པ་ལ།

རྩ་བར། ཤེས་གཙོའོ། །དགེ་སློངམ་ཉེ་དུ་མ་ཡིན་པ་ལའོ། །གོས་བྱེད་ནའོ། །ཞེས་བྱུང༌། འདིའི་དོན་ལ་བཞི་ལས། དང་པོ་གླེངགཞི་ནི་མཉན་ཡོད་དུ་འཆར་ཀས་དགེ་སློང་མའི་གོས་བཟོ་བྱས་པ་ལས་ལྟུང་བྱེད་དུ་བཅས་སོ། །

གཉིས་པ་དགག་བྱ་ནི་ཆགས་པའི་རྐྱེན་བྱས་ཏེ་རང་རིགས་ཀྱི་བསླབ་པ་ལ་གནོད་པའོ། །གསུམཔ་ངོ་བོ་ནི་བཅས་ལྡན་དགེ་སློང་གིས་རང་གི་ཉེ་དུ་མ་ཡིན་པའི་དགེ་སློང་མའི་གོས་བཟོ་བྱས་ཏེཟིན་པ་ལས་གྱུར་པའི་ལྟུང་བ་དངོས་གཞིའོ། །བཞི་བ་ཡན་ལག་ལ་བཞི་ལས། དང་པོ་གཞིའིཡན་ལག་ལ་གཉིས་ཏེ། གང་གི་བྱ་བའི་ཡུལ་དང༌། གང་བྱ་བའི་དངོས་པོའོ། །དང་པོ་ནི། དགེསློང་མ་ཆོས་བདུན་ལྡན་སྔར་འཁྲུར་འཇུག་གི་སྐབས་སུ་བཤད་པ་བཞིན་ནོ། །གཉིས་པ་ལ་ལྔ་ལས། གོས་ཡིན་པ་དང༌། དགེ་སློང་མ་དེ་ཉིད་ཀྱི་ཡིན་པ་དང༌། བྱེད་འཕྲོ་གཞིའི་སེལ་བར་གཏོགས་པ་མཡིན་པ་དང༌། རུང་བ་དང༌། ཚད་དང་ལྡན་པའོ། །གཉིས་པ་བསམ་པའི་ཡན་ལག་ལ་གཉིས་ལས། འདུ་ཤེས་ནི་གཞི་ལ་མ་འཁྲུལ་བའོ། །ཀུན་སློང་ནི་རང་གར་དགེ་སློང་མའི་གོས་བཟོ་བྱེད་པར་འདོདཔ་རྒྱུན་མ་ཆད་པའོ། །གསུམ་པ་སྦྱོར་བ་ནི་གོས་ཀྱི་བཟོ་བྱེད་པར་ཞུགས་པའོ། །བཞི་བ་མཐརཐུག་ནི་བཟོས་ཟིན་པའོ། ། སོ་སོ་ཐར་པའི་མདོ་ལས། གོས་སྦྱིན་པའི་རྗེས་སུ་གོས་བྱེད་པ་འདིགསུངས་ཀྱང༌། འདིར་གོ་རིམ་བསྒྱུར་ནས་གསུངས་པ་ནི། གོས་བྱེད་པ་ནི་གོས་སྦྱིན་པའི་རྒྱུ་ཡིནཔའི་ཕྱིར་རོ། །

ཉེར་ལྔ་བ་གོས་སྦྱིན་པའི་ལྟུང་བྱེད་འཆད་པ།

ཉེར་ལྔ་བ་གོས་སྦྱིན་པའི་ལྟུང་བྱེད་འཆད་པ་ལ། རྩ་བར། གོས་བྱིན་ནའོ། །

ཞེས་སོགས་བྱུང༌། འདིའི་དོན་ལ་བཞི་ལས། དང་པོ་གླེང་གཞི་ནི་མཉན་ཡོད་དུ་ཚོང་དཔོན་ལསརབ་ཏུ་བྱུང་བའི་དགེ་སློང་གིས་དགེ་སློང་མ་ལ་གོས་བྱིན་པ་ལས་ལྟུང་བྱེད་དུ་བཅས་སོ། །གཉིསཔ་དགག་བྱ་ནི་ཆགས་པའི་རྐྱེན་བྱས་ཏེ། རང་རིགས་ཀྱི་བསླབ་པ་ལ་གནོད་པའོ། །གསུམ་པངོ་བོ་ནི་བཅས་ལྡན་དགེ་སློང་གིས་གོས་བོར་བརླག་བྱུང་བ་སོགས་མ་ཡིན་པའི་རང་གི་ཉེ་དུ་མཡིན་པའི་དགེ་སློང་མ་ལ་དགེ་སློང་རང་དབང་བའི་གོས་ངག་གི་རིག་བྱེད་ཀྱིས་བྱིན་ནས་ཡུལ་དེས་ཐོབ་བློ་སྐྱེས་པ་ལས་གྱུར་པའི་ལྟུང་བ་དངོས་གཞིའོ། །བཞི་བ་ཡན་ལག་ལ་བཞི་ལས། དངཔོ་གཞིའི་ཡན་ལག་ལ་གཉིས་ཏེ། གང་ལ་སྦྱིན་པའི་ཡུལ་དང༌། གང་སྦྱིན་པའི་དངོས་པོའོ། །

དང་པོ་ནི། སྔར་བཞིན་དགེ་སློང་མ་ཆོས་བདུན་ལྡན་གྱི་སྟེང་དུ། དགེ་འདུན་མ་སྤྱི་ལ་གོས་འབུལན། དེའི་ཁོངས་སུ་གཏོགས་པ་མ་ཡིན་པ་དང༌། དགེ་སློང་མའི་ཆོས་གོས་ཚང་བར་ཡོད་པ་དང༌།

དགེ་སློང་མས་དགེ་སློང་ལ་ཆོས་ལེགས་པར་སྨྲ་བ་མ་ཡིན་པ་དང༌། བསྙེན་པར་རྫོགས་པར་བྱེདཔ་མ་ཡིན་པ་སྟེ། གོས་འབུལ་བ་མ་ཡིན་པའོ། །གལ་ཏེ་བོར་བརླག་བྱུང་བ་དང༌། ལེགས་པརསྨྲ་བ་དང༌། བསྙེན་པར་རྫོགས་པར་བྱེད་པ་དང༌། ཞེས་གསུངས་སོ། །གཉིས་པ་གང་སྦྱིན་པའིདངོས་པོ་ལ་བཞི་ལས། གོས་ཡིན་པ་སྟེ། གོས་སྦྱིན་ནའོ། །ཞེས་སོ། །རང་གི་ཡིན་པ་སྟེ། གཞནགྱི་གོས་གཞན་གྱིས་སྟེར་བ་འབྱུང་རིང་བས་དགག་བྱ་གནས་སྐབས་ཀྱི་སྒོ་ནས་མི་རྫོགས་པའིཕྱིར་རོ། །རུང་བ་དང་ཚད་དང་ལྡན་པ་གཉིས་ནི་སྤྱིར་བསྟན་པ་ལས་སོ། ། གཉིས་པ་བསམ་པའིཡན་ལག་ལ་གཉིས་ལས། འདུ་ཤེས་ནི་གཞི་ལ་མ་འཁྲུལ་བའོ། །ཀུན་སློང་ནི་གོས་བརྗེ་བ་ལསགཞན་པས་རང་གར་དགེ་སློང་མ་ལ་གོས་སྟེར་བར་འདོད་པ་རྒྱུན་མ་ཆད་པའོ། །གསུམ་པ་སྦྱོརབ་ནི་ངག་མཚན་ཉིད་ལྔ་ལྡན་གྱིས་གོས་སྟེར་བར་ཞུགས་པའོ། །བཞི་བ་མཐར་ཐུག་ནི་ཡུལ་དེསཐོབ་བློ་སྐྱེས་པའོ། །

ཉེར་དྲུག་པ་དགེ་སློང་མ་དང་ལྷན་ཅིག་མགྲོན་ལམ་དུ་འཇུག་པའི་ལྟུང་བྱེདའཆད་པ།

ཉེར་དྲུག་པ་དགེ་སློང་མ་དང་ལྷན་ཅིག་མགྲོན་ལམ་དུ་འཇུག་པའི་ལྟུང་བྱེདའཆད་པ་ལ་གསུམ་ལས།

དང་པོ་བསླབ་པར་བྱ་བ་ནི། རྩ་བར། ལམ་རྒྱགས་བསྐུར་བར་བྱའོཞེས་པ་ནས་སོ། །གཉིས་པ་ལྟུང་བ་མེད་པ་ནི། རྩ་བར། འཇིགས་པ་དང་བཅས་པའི་ལམ་ཉིདདུ་འགྲོ་ན་ཐབས་གཅིག་ཏུ་ཞུགས་ཤིང་ཐ་མི་དད་པར་འགྲོ་བ་མ་གཏོགས། ཞེས་སོ། །གསུམ་པལྟུང་བ་རྣམ་གཞག་ལ། རྩ་བར། དགེ་སློང་མ་གཅིག་དང་ཡང་ལམ་ལས་འདའ་ཞིང་འགྲོ་ནའོ། །ཞེས་སོགས་བྱུང༌། འདིའི་དོན་ལ་བཞི་ལས། དང་པོ་གླེང་གཞི་ནི་མཉན་ཡོད་དུ་དྲུག་སྡེས་དགེསློང་མ་བཅུ་གཉིས་སྡེ་དང་ལྷན་ཅིག་ལམ་དུ་འགྲོ་བ་ལས་ལྟུང་བྱེད་དུ་བཅས་སོ། །

གཉིས་པ་དགག་བྱ་ནི།

དགེ་སློང་ཕོ་མོ་ལམ་དུ་འགྲོགས་པ་དེ་མི་མཛེས་ཤིང་མ་དད་པ་སྐྱེ་བ་དང༌། ཆགས་པའིརྐྱེན་བྱས་ཏེ་རང་རིགས་ཀྱི་བསླབ་པ་ལ་གནོད་པའོ། །གསུམ་པ་ངོ་བོ་ནི་བཅས་ལྡན་དགེ་སློངགིས་དགེ་སློང་མ་དང་ལྷན་ཅིག་ཏུ་སའི་ལམ་དུ་རྒྱང་གྲགས་ལས་འདས་པར་ཕྱིན་པ་ལས་གྱུརཔའི་ལྟུང་བ་དངོས་གཞིའོ། །བཞི་བ་ཡན་ལག་ལ་བཞི་ལས། དང་པོ་གཞིའི་ཡན་ལག་ལ། གངདང་འགྲོགས་པའི་ཡུལ་དང༌། གང་དུ་འགྲོ་བའི་ལམ་དང༌། གང་གིས་འགྲོ་བའི་རྟེན་དང་གསུམ།

དང་པོ་ནི་མ་བསྐོས་པར་ཆོས་སྟོན་པའི་སྐབས་སུ་བཤད་པའི་དགེ་སློང་མ་ཆོས་དྲུག་ལྡན་གྱི་སྟེངདུ། ངོ་མ་སྤོས་པ་དང༌། ཕན་གདགས་བྱ་འདོགས་བྱེད་མ་ཡིན་པའོ། །ཁྲིམས་གྲོགས་ཀྱིས་ལྟུངབ་འདི་མི་ཁེགས་པ་ཡིན་ཏེ། ལུང་ཞུ་བ་ལས། དགེ་སློང་གང་དགེ་སློང་མའི་མགྲོན་པོ་མང་པོ་དངལྷན་ཅིག་ལམ་དུ་ཞུགས་ན་ལྟུང་བར་འགྱུར་རོ། །ཞེས་གསུངས་སོ། །གཉིས་པ་གང་དུ་འགྲོབའི་ལམ་ནི་སའི་ལམ་ཡིན་པ་དང༌། རྒྱང་གྲགས་ཀྱི་མཐའ་བ་ཡིན་པ་དང༌། འཇིགས་པའི་ཉེནཅན་མ་ཡིན་པའོ། །གསུམ་པ་གང་གིས་འགྲོ་བའི་རྟེན་ནི། བར་ཆད་ཀྱི་རྐྱེན་དང་མི་ལྡན་པའོ། །

གཉིས་པ་བསམ་པའི་ཡན་ལག་ལ་གཉིས་ལས། འདུ་ཤེས་ནི་གཞི་ལ་མ་འཁྲུལ་བའོ། །ཀུནསློང་ནི་རང་དགར་དགེ་སློང་མ་དང་ལྷན་ཅིག་འགྲོགས་ཏེ་ལམ་གཅིག་ནས་འགྲོ་བར་འདོད་པརྒྱུན་མ་ཆད་པའོ། །གསུམ་པ་སྦྱོར་བ་ནི་སྦྱོར་བ་གཅིག་གིས་རྒྱང་གྲགས་ལས་འདས་ཤིང་རྫུ་འཕྲུལ་ལས་གཞན་པས་འགྲོ་བར་ཞུགས་པའོ། །བཞི་བ་མཐར་ཐུག་ནི་ལམ་རྒྱང་གྲགས་ལསའདས་པའོ། །

ཉེར་བདུན་པ་དགེ་སློང་མ་དང་ལྷན་ཅིག་གྲུར་འཇུག་པའི་ལྟུང་བྱེད་འཆད་པ།

ཉེར་བདུན་པ་དགེ་སློང་མ་དང་ལྷན་ཅིག་གྲུར་འཇུག་པའི་ལྟུང་བྱེད་འཆད་པ་ལ།

རྩ་བར། འགྲམ་གཉིས་འཇིགས་པ་དང་བཅས་པ་ཉིད་མ་གཏོགས་པར་འཐམས་ནས་ཅིག་ཅརགྲུ་གཅིག་གིས་ལམ་ལས་འདའ་ཞིང་འགྲོ་ནའོ། །ཞེས་སོགས་བྱུང༌། འདིའི་དོན་ལ་བཞི་ལས།

དང་པོ་གླེང་གཞི་ནི་མཉན་ཡོད་དུ་དྲུག་སྡེས་དགེ་སློང་མ་བཅུ་གཉིས་སྡེ་དང་ལྷན་ཅིག་གྲུར་འཇུགཔ་ལས་ལྟུང་བྱེད་དུ་བཅས་སོ། །གཉིས་པ་དགག་བྱ་ནི་སྔ་མ་དང་འདྲའོ། །གསུམ་པ་ངོ་བོ་ནི་བཅསལྡན་དགེ་སློང་གིས་དགེ་སློང་མ་དང་ལྷན་ཅིག་ཏུ་ཆུའི་ལམ་གྲུ་གདལ་གཅིག་པ་ཡན་ཆད་དུ་རྒྱུནཕྱོགས་སམ་རྒྱུན་ལས་བཟློག་ཕྱོགས་སུ་འགྲོ་ཞིང་རྒྱང་གྲགས་འདས་པ་ལས་གྱུར་པའི་ལྟུང་བདངོས་གཞིའོ། །བཞི་བ་ཡན་ལག་ལ་བཞི་ལས། དང་པོ་གཞིའི་ཡན་ལག་ལ། གང་དང་འགྲོ་བའིཡུལ་དང༌། གང་དུ་འགྲོ་བའི་ལམ་དང༌། གང་གིས་འགྲོ་བའི་རྟེན་དང་གསུམ། དང་པོ་ནི་དགེསློང་མ་ཆོས་བརྒྱད་ལྡན་དེ་སྔ་མ་དང་འདྲའོ། །གཉིས་པ་ལ་བཞི་སྟེ། ཆུའི་ལམ་ཡིན་པ་དང༌། གྲུགདལ་གཅིག་ཡིན་པ་དང༌། འགྲམ་གཉིས་འཇིགས་པའི་ཉེན་ཅན་མ་ཡིན་པ་དང༌། རྒྱང་གྲགསཀྱི་མཐའ་པ་ཡིན་པའོ། །དེ་ཡང་ཊཱི་ཀ་ལས། ཆུའི་ལམ་ལས་འདའ་ཞིང་འགྲོ་ན། ཞེས་དང༌། ཅིག་ཅར་གྲུ་གཅིག་གིས། ཞེས་དང༌། འགྲམ་གཉིས་འཇིགས་པ་དང་བཅས་པ་ཉིད་མ་གཏོགས། ཞེས་དང༌། ལུང་རྣམ་འབྱེད་ལས། རྒྱང་གྲགས་རེ་རེར་ལྟུང་བྱེད་དུ་འགྱུར་རོ། །ཞེས་གསུངསསོ། །གསུམ་པ་གང་གིས་འགྲོ་བའི་རྟེན་ནི། བར་ཆད་ཀྱི་རྐྱེན་དང་མི་ལྡན་པ་སྟེ། ལུང་ཞུ་བ་ལས།

ལམ་དུ་ཞུགས་པ་དེ་བཞིན་གྲུ་རྒལ་བ་ལ་ཡང་ཤེས་པར་བྱ། ཞེས་གསུངས་སོ། །གཉིས་པ་བསམཔའི་ཡན་ལག་ལ་གཉིས་ལས། འདུ་ཤེས་ནི་གཞི་ལ་མ་འཁྲུལ་བའོ། །ཀུན་སློང་ནི་རང་དགར་ཆུའི་ལམ་དུ་གྲུ་གཅིག་གིས་རྒྱུན་ནམ་བཟློག་ཕྱོགས་སུ་འགྲོ་བར་འདོད་པ་རྒྱུན་མ་ཆད་པའོ། །

གསུམ་པ་སྦྱོར་བ་ནི་རྒྱུན་ཕྱོགས་སམ་རྒྱུན་ལས་བཟློག་ཕྱོགས་སུ་སྦྱོར་བ་གཅིག་གིས་རྒྱང་གྲགསལས་འདའ་ཞིང་རྫུ་འཕྲུལ་ལས་གཞན་པས་འགྲོ་བར་ཞུགས་པའོ། །བམ་པོ་ལྔ་བཅུ་པ་ལས།འཐམས་པ་དང༌། ཞེས་ལྟུང་བྱེད་འདི་སྐྱེད་པ་ལ་འཐམས་པ་ཡན་ལག་ཏུ་དགོས་པར་བཤད་ཀྱང༌། ཊཱི་ཀ་ལས། དགེ་སློང་མ་གཅིག་དང་ཡང་སྔར་འཐམས་ཀྱང་རུང་མ་འཐམས་ཀྱང་རུང་སྟེརྒྱང་གྲགས་རེ་རེར་ནི་དངོས་གཞིའོ། །ཞེས་གསུངས་པས། འཐམས་ནས་ཞེས་པ་འདི་ནི་གླེངགཞི་ལས་བྱུང་བ་ཙམ་མོ། །འོ་ན་ལྟུང་བྱེད་སྔ་མ་དང་འདི་གཉིས་ཀ་ལ་ལུང་ཞུ་བ་ལས་དགེ་སློངགིས་དགེ་སློང་མ་དང་ལྷན་ཅིག་ཏུ་འཕྲིན་གྱིས་འཐམས་ནས་བཤུལ་དུ་ཞུགས་ན་ཅིར་འགྱུར། ཉེས་བྱས་སོ། །དེ་བཞིན་དུ་སྤྲིང་ཡིག་དང་ལག་བརྡ་ལ་སོགས་པ་ཐམས་ཅད་ཉེས་བྱས་སུ་འགྱུརརོ། །མཐའ་འཁོབ་པའི་སྐད་དུ་འཐམས་པ་དང་དགེ་སློང་མ་དེས་མཐའ་འཁོབ་པའི་སྐད་མ་འཚལན་ཅིར་འགྱུར། ཉེས་བྱས་སོ་ཞེས་བྱ་བ་ལ་སོགས་པ་གསུངས་པ་དང་འགལ་ཞེ་ན། དེ་དག་ནིམགྲོན་ལམ་དང་གྲུར་འགྲོ་བའི་མཐར་ཐུག་གྲུབ་པ་ན་ལྟུང་བྱེད་སྐྱེད་ཅིང༌། འཐམས་པ་ཡན་ལགཏུ་མི་དགོས་ཀྱང་འཐམས་པར་གྱུར་ན་འཐམས་པ་ཙམ་གྱི་གནས་སྐབས་ན་ཉེས་བྱས་སྐྱེད་པ་ལ་དགོངས་སོ་ཞེས་བརྗོད་པར་བྱའོ། །བཞི་བ་མཐར་ཐུག་ནི་རྒྱང་གྲགས་ལས་འདས་པའོ། །

ཉེར་བརྒྱད་པ་དབེན་པ་ན་འདུག་པའི་ལྟུང་བྱེད་འཆད་པ།

ཉེར་བརྒྱད་པ་དབེན་པ་ན་འདུག་པའི་ལྟུང་བྱེད་འཆད་པ་ལ།

རྩ་བར། བུད་མེད་གཅིག་པུ་ཉིད་དང༌། ཞེས་སོགས་བྱུང༌། འདིའི་དོན་ལ་བཞི་ལས། དང་པོ་གླེང་གཞི་ནི་མཉནཡོད་དུ་འཆར་ཀས་བུད་མེད་དང་ལྷན་ཅིག་དབེན་པ་སྐྱབས་ཡོད་པ་ན་འདུག་པ་ལས་ལྟུང་བྱེད་དུབཅས་སོ། །གཉིས་པ་དགག་བྱ་ནི་ཆགས་པའི་རྐྱེན་བྱས་ཏེ་རང་གི་བསླབ་པ་ལ་གནོད་པའོ། །

གསུམ་པ་ངོ་བོ་ནི་བཅས་ལྡན་དགེ་སློང་གིས་ཁྲིམས་གྲོགས་མེད་པར་བུད་མེད་དང་ལྷན་ཅིགདབེན་པ་སྐྱབས་ཡོད་པ་ན་གཉིས་ཀ་འདུག་པ་ལས་གྱུར་པའི་ལྟུང་བ་དངོས་གཞིའོ། །བཞི་བ་ཡནལག་ལ་བཞི་ལས། དང་པོ་གཞིའི་ཡན་ལག་ལ། གང་དང་འདུག་པའི་ཡུལ་དང༌། གང་དུ་འདུགཔའི་གནས་དང༌། གང་གིས་འདུག་པའི་རྟེན་དང་གསུམ། དང་པོ་ལ་བདུན་ཏེ། སྔར་འཁྲིག་ཚིགསྨྲ་བའི་སྐབས་སུ་ཡུལ་བུད་མེད་ཆོས་ལྔ་ལྡན་བཤད་པ་དེ་འདིར་ཡང་ཐུན་མོང་ཡིན་ལ། དེའི་སྟེང་དུ་འདིར་བུད་མེད་གཅིག་པུ་ཡིན་པ་དང༌། ཉེ་དུ་མ་ཡིན་པ་སྟེ། བུད་མེད་གཅིག་པུ་ཉིད་དང་ཞེས་པདང༌། དབེན་པ་ན་འདུག་འགྲེང་གཉིས་ཀའི་སྐབས་སུ་བམ་པོ་ལྔ་བཅུ་པ་ལས། ཉེ་དུ་ལ་ལྟུང་བམེད་དོ། །ཞེས་བཤད་པས་སོ། །གཉིས་པ་གང་དུ་འདུག་པའི་གནས་ནི། དབེན་པ་ཡིན་པ་དང༌།

སྐྱབས་དང་བཅས་པ་དང༌། འདོམ་གང་ཚུན་ཆད་པ་ཡིན་པའོ། །གསུམ་པ་གང་གིས་འདུག་པའིརྟེན་ནི་དགེ་སློང་གཅིག་པུ་ཡིན་པ་སྟེ། གཅིག་པུ་འདུག་པའི་ལྟུང་བྱེད། ཅེས་གསུངས་པས་སོ། །

ཁྲིམས་གྲོགས་ཡོད་ན་ནི་ལྟུང་བ་མེད་དོ། །གཉིས་པ་བསམ་པའི་ཡན་ལག་ལ་གཉིས་ལས། འདུཤེས་ནི་གཞི་ལ་མ་འཁྲུལ་བའོ། །ཀུན་སློང་ནི་རང་དགར་འདུག་པར་འདོད་པ་རྒྱུན་མ་ཆད་པའོ། །

གསུམ་པ་སྦྱོར་བ་ནི་འདུག་པར་ཞུགས་པའོ། །བཞི་བ་མཐར་ཐུག་ནི་འདུག་པ་རྫོགས་པའོ། །

ཉེར་དགུ་བ་དབེན་པ་ན་འགྲེང་བའི་ལྟུང་བྱེད་འཆད་པ།

ཉེར་དགུ་བ་དབེན་པ་ན་འགྲེང་བའི་ལྟུང་བྱེད་འཆད་པ་ལ།

རྩ་བར། དགེ་སློང་མ་དང་ངོ། །ཞེས་བྱུང༌། འདིའི་དོན་ལ་བཞི་ལས། དང་པོ་གླེང་གཞི་ནི་མཉན་ཡོད་དུ་འཆར་ཀསདགེ་སློང་མ་དང་ལྷན་ཅིག་དབེན་པ་སྐྱབས་ཡོད་པ་ན་འགྲེང་བ་ལས་ལྟུང་བྱེད་དུ་བཅས་སོ། །གཉིས་པ་དགག་བྱ་ནི་སྔར་ལྟར་རོ། །གསུམ་པ་ངོ་བོ་ནི་བཅས་ལྡན་དགེ་སློང་གིས་ཁྲིམས་གྲོགསམེད་པར་དགེ་སློང་མ་དང་ལྷན་ཅིག་དབེན་པ་སྐྱབས་ཡོད་པ་ན་གཉིས་ཀ་འགྲེང་བ་ལས་གྱུར་པའི་ལྟུང་བ་དངོས་གཞིའོ། །བཞི་བ་ཡན་ལག་ལ་བཞི་ལས། དང་པོ་གཞིའི་ཡན་ལག་ལ་གསུམ་ལས། གང་དང་འགྲེང་བའི་ཡུལ་ནི་སྔར་འཁྲུར་འཇུག་གི་སྐབས་སུ་བཤད་ཟིན་པའི་དགེ་སློང་མ་ཆོསབདུན་ལྡན་གྱི་སྟེང་དུ། དགེ་སློང་མ་གཅིག་པུ་ཡིན་པ་སྟེ། ཊཱི་ཀ་ལས། དགེ་སློང་མ་གཅིག་པུཉིད་དང༌། ཞེས་སོ། །གང་དུ་འགྲེང་བའི་གནས་ནི་འདུག་པའི་སྐབས་དང་འདྲའོ། །གང་གིསའགྲེང་བའི་རྟེན་ནི། དགེ་སློང་གཅིག་པུ་ཡིན་པའོ། །གཉིས་པ་བསམ་པའི་ཡན་ལག་ལ་གཉིས་ལས། འདུ་ཤེས་ནི་གཞི་ལ་མ་འཁྲུལ་བའོ། །ཀུན་སློང་ནི་རང་དགར་འགྲེང་བར་འདོད་པ་རྒྱུནམ་ཆད་པའོ། །གསུམ་པ་སྦྱོར་བ་ནི་འགྲེང་བར་ཞུགས་པའོ། །བཞི་བ་མཐར་ཐུག་ནི་འགྲེང་བརྫོགས་པའོ། །ཁ་ཅིག་ན་རེ་འདི་ཡང་བུད་མེད་སྤྱིས་བསྐྱེད་ཡིན་ཏེ། བུད་མེད་གཞན་དང་འགྲེངན་ཡང་ལྟུང་བྱེད་དུ་འགྱུར་རོ་ཞེས་ཟེར་རོ། །དེ་ནི་མི་རིགས་ཏེ། རང་གི་རྣམ་བཤད་ལས། འདིརདགེ་སློང་མ་གཅིག་པུ་ཉིད་བྱེད་པ་པོ་ཉིད་ཡིན་གྱི་བུད་མེད་ཙམ་པོ་གཅིག་པུ་ཉིད་ནི་མ་ཡིན། ཞེས་གསུངས་སོ། །དགེ་སློང་མ་དང་འདུག་པའི་ལྟུང་བྱེད་ནི་ལྟུང་བྱེད་སྔ་མར་འདུས་ཏེ་དབེན་པན་འདུག་པའི་ལྟུང་བྱེད་ནི་བུད་མེད་སྤྱིས་བསྐྱེད་ཡིན་པའི་ཕྱིར་རོ། །ཞེས་མཚོ་ཊཱིཀ་ལས་སོ། །

སུམ་ཅུ་པ་དགེ་སློང་མས་སྦྱོར་དུ་བཅུག་པ་ཟ་བའི་ལྟུང་བྱེད་འཆད་པ།

སུམ་ཅུ་པ་དགེ་སློང་མས་སྦྱོར་དུ་བཅུག་པ་ཟ་བའི་ལྟུང་བྱེད་འཆད་པ་ལ།

རྩ་བར། ཤེས་གཙོའོ། །དགེ་སློང་མས་སྦྱོར་དུ་བཅུག་པ་ཉིད་ལའོ། །ཞེས་སོགས་བྱུང༌། འདིའི་དོན་ལབཞི་ལས། དང་པོ་གླེང་གཞི་ནི་མཉན་ཡོད་དུ་དྲུག་སྡེས་དགེ་སློང་མས་སྦྱོར་དུ་བཅུག་པའི་ཟས་ཟོས་པ་ལས་ལྟུང་བྱེད་དུ་བཅས་སོ། །གཉིས་པ་དགག་བྱ་ནི་རྫུན་དང་དུ་ལེན་པའི་བྱ་བ་དང་འབྲེལནས་གྲོགས་ཀྱི་འཚོ་བ་ལ་གནོད་པ་དང་ཆགས་པའི་རྐྱེན་བྱས་ཏེ་རང་རིགས་ཀྱི་བསླབ་པ་ལ་གནོདཔའོ། །གསུམ་པ་ངོ་བོ་ནི་དགེ་སློང་བདག་ཉིད་ཀྱི་ཡང་དག་པ་མ་ཡིན་པའི་ཆོས་ཀྱི་ཡོན་ཏན་དགེ་སློངམས་ཁྱིམ་པ་ལ་བརྗོད་པའི་སྒོ་ནས་སྦྱོར་དུ་བཅུག་པའི་ཟས་བཅས་ལྡན་དགེ་སློང་གིས་ཟོས་པ་ལསགྱུར་པའི་ལྟུང་བ་དངོས་གཞིའོ། །བཞི་བ་ཡན་ལག་ལ་བཞི་ལས། དང་པོ་གཞིའི་ཡན་ལག་ལ།

དགེ་སློང་མ་གང་གིས་སྦྱོར་དུ་བཅུག་པ་དང༌། དངོས་པོ་གང་སྦྱོར་དུ་བཅུག་པ་དང༌། སྦྱིན་བདགགང་ལ་སྦྱོར་དུ་བཅུག་པ་དང༌། སྦྱོར་དུ་བཅུག་པ་དེ་གང་གིས་ཟ་བའི་རྟེན་དང་བཞི། དང་པོ་ནི་སྔརའཁྲུར་འཇུག་གི་སྐབས་སུ་བཤད་ཟིན་པའི་དགེ་སློང་མ་ཆོས་བདུན་ལྡན་གྱིས་ཏེ། དེའང་དགེ་སློངམ་དེ་སྦྱིན་བདག་དེའི་ཉེ་དུ་མ་ཡིན་པས་ཁྱད་པར་དུ་བྱས་ཏེ། བསྡུས་པ་ལས། དགེ་སློང་མ་དེའི་ཉེདུའི་ཁྱིམ་ཡིན་ན་ལྟུང་བ་མེད་དོ། །ཞེས་སོ། །གཉིས་པ་ནི་བརྒྱད་ལས། དེ་ལྟར་ཆོས་བདུན་ལྡནགྱི་དགེ་སློང་མས་སྦྱོར་དུ་བཅུག་པའི་ཟས་ཡིན་པ་སྟེ། དགེ་སློང་མས་སྦྱོར་དུ་བཅུག་པ་ཉིད་ལའོ། །

ཞེས་སོ། །དེའང་དགེ་སློང་མ་དེས་རྫུན་གྱི་སྒོ་ནས་དགེ་སློང་གི་ཆོས་ཀྱི་ཡོན་ཏན་བརྗོད་པས་སྦྱོརདུ་བཅུག་པ་ཡིན་པ་སྟེ། ཡང་དག་པ་མ་ཡིན་པའི་ཡོན་ཏན་དག་གིས་ཞེས་གསུངས་ཤིང་ལུང་རྣམ་འབྱེད་ལས། བདེན་ན་ལྟུང་བ་མེད་དོ། །ཞེས་གསུངས་སོ། །ཆོས་ཀྱི་ཡོན་ཏན་ལས་གཞནབརྗོད་པས་སྦྱོར་དུ་བཅུག་པ་ལ་ནི་ན་སྨད་དོ། །དེ་ལའང་ངག་གི་རིག་བྱེད་ཀྱིས་སྦྱོར་དུ་བཅུགཔ་ཡིན་པ་སྟེ། ཊཱི་ཀ་ལས། ངག་གི་རྣམ་པར་རིག་བྱེད་ཀྱིས་སྦྱོར་དུ་བཅུག་པ་ཡིན་པ་སྟེ། ཞེསདང༌། ཞུ་བ་ལས། སྤྲིང་ཡིག་ལ་སོགས་པས་སྦྱོར་དུ་བཅུག་པ་ཟོས་ན་ཉེས་བྱས་སོ། །ཞེས་གསུངསསོ། །དགེ་སློང་རང་གི་དོན་དུ་སྦྱོར་དུ་བཅུག་པ་ཡིན་པ་སྟེ། གཞན་གྱི་དོན་དུ་ནི་ན་སྨད། ཅེསགསུངས་པས་སོ། །དུས་སུ་རུང་བ་ཡིན་པ་སྟེ། བཟའ་བར་བྱ་བའོ་ཞེས་གསུངས་པས་སོ། །

སྦྱིན་བདག་དེ་ཉིད་ཀྱི་ཡིན་པ་སྟེ། གཞན་གྱི་ཟས་དང་ནོར་ཏེ་ཟོས་ན་ཉེས་བྱས་སོ། །རུང་བ་དངཚད་དང་ལྡན་པ་གཉིས་ནི་སྤྱིར་བསྟན་པ་ལས་སོ། །གསུམ་པ་ནི། ཁྱིམ་པ་ཆོས་ལྔ་ལྡན་ཏེ་གོསསློང་བའི་སྐབས་སུ་བཤད་ཟིན་པའི་ཆོས་དྲུག་ལྡན་ལས། ཅི་བདེར་སྟོབས་པ་མ་ཡིན་པ་མི་བགྲངསྟེ། འདིར་ནི་དེ་ཡིན་མིན་འདྲའོ། །བཞི་པ་ནི་མགྲོན་དུ་མ་བོས་པའམ་བོས་པ་ལ་ཡང་ལྷག་པ་ཟ་བ་པོ་ཡིན་པའཽ། །གཉིས་པ་བསམ་པའི་ཡན་ལག་ལ་གཉིས་ལས། འདུ་ཤེས་ནི་གཞི་ལ་མའཁྲུལ་བའོ། །ཀུན་སློང་ནི་སྦྱོར་དུ་བཅུག་སྟེ་རང་དགར་ཟ་བར་འདོད་པ་རྒྱུན་མ་ཆད་པའོ། །གསུམ་པ་སྦྱོར་བ་ནི་སྦྱོར་དུ་བཅུག་པ་དེ་ཟ་བར་ཞུགས་པའོ། །བཞི་བ་མཐར་ཐུག་ནི་མགུལ་དུམིད་པ་སྟེ། རྩ་བར། དེ་ནི་མིད་ན་དེའིའོ། །ཞེས་གསུངས་སོ། །

བཅུ་ཚན་བཞི་བ་ལ་སྡོམ་དང་སོ་སོར་བཤད་པ་དང་གཉིས་ལས། དང་པོ་སྡོམ་ནི།

སོར་སྡོམ་ལས། ཡང་ཡང་དང་ནི་འདུག་གནས་གཅིག །ཕྱེ་དང་བཅའ་དང་སྟོབས་པ་དང༌། །

འདུས་དང་དུས་མིན་གསོག་འཇོག་དང༌། །ཁ་ནས་མིད་དང་བསོད་པ་ཉིད། །ཅེས་གཟུང་བརབྱའོ། །གཉིས་པ་སོ་སོར་བཤད་པ་ལ་བཅུ་ལས། དང་པོ་སོ་གཅིག་པ་ཡང་ཡང་ཟ་བའི་ལྟུང་བྱེད་འཆད་པ་ལ་གཉིས་ལས། དང་པོ་བསླབ་པར་བྱ་བ་ནི། རྩ་བར། ཁྱིམ་གཞན་དུ་ཡང་ཟན་ལ་བོསཔ་དང་དུ་བླང་བར་བྱའོ། །ཞེས་སོགས་བྱུང༌། གཉིས་པ་ལྟུང་བ་རྣམ་གཞག་བཤད་པ་ལ། རྩ་བར།

ཅིག་ཅར་ཡང་རུང་ཕྱིས་ཀྱང་རུང་སྟེ་གོས་ཀྱི་རྙེད་པ་མེད་པའི་མགྲོན་དུ་བོས་པ་གཉིས་པ་རྙེད་ནའོ། །

ཞེས་སོགས་བྱུང༌། འདིའི་དོན་ལ་བཞི་ལས། དང་པོ་གླེང་གཞི་ལ་གཉིས་ལས། བྱུང་ལ་མ་བཅསཔའི་གླེང་གཞི་ནི་རྒྱལ་པོའི་ཁབ་ཏུ་ཁྱིམ་བདག་འཕྲལ་ལ་མཐོའི་བྱུང་བའོ། །བྱུང་ལ་བཅས་པའིགླེང་གཞི་ནི་ཡངས་པ་ཅན་དུ་དྲུག་སྡེས་ཡང་ཡང་ཟོས་པ་ལས་ལྟུང་བྱེད་དུ་བཅས་སོ། །གཉིས་པདགག་བྱ་ནི་སྦྱིན་བདག་སྔ་མ་མ་དད་པ་སྟེ། ཟས་ཕྱི་མ་ལ་གོས་ཀྱི་རྙེད་པ་ཡོད་ན་ལྟུང་མེད་དུ་གསུངསཔས་སོ། །གསུམ་པ་ངོ་བོ་ནི་བཅས་ལྡན་དགེ་སློང་གིས་དུས་ཉི་མ་གཅིག་ལ་ཁྱིམ་པས་མགྲོན་དུབོས་པ་ལན་གཉིས་ཡན་ཆད་བྱུང་བ་ན་ཟས་ཕྱི་མ་ལ་གོས་སམ་གོས་ཀྱི་རིན་གྱི་རྙེད་པ་མེད་པའིཟས་ཕྱི་མ་ཟོས་པ་ལས་གྱུར་པའི་ལྟུང་བ་དངོས་གཞིའོ། །བཞི་བ་ཡན་ལག་ལ་བཞི་ལས། དང་པོགཞིའི་ཡན་ལག་ལ། གང་གི་ཟས་ཟ་བའི་སྦྱིན་བདག་དང༌། གང་ཟ་བའི་དངོས་པོ་དང༌། གང་གིཚེ་ཟ་བའི་དུས་དང༌། གང་གིས་ཟ་བའི་རྟེན་དང་བཞི། དང་པོ་ནི་སྦྱིན་བདག་ཆོས་དགུ་ལྡན་ཏེ།

ཁྱིམ་པ་ཡིན་པ་དང༌། ཐ་སྙད་ལྔ་དང་ལྡན་པ་དང༌། ལུས་ཐ་མལ་པར་གནས་པ་དང་གསུམ་ནི་སྔརགོས་སློང་བ་ལ་སོགས་པའི་སྐབས་སུ་བཤད་པ་བཞིན་ནོ། །རང་ལས་རྫས་ཀྱི་སྒོ་ནས་ཐ་དད་ཅིངསྦྱིན་བདག་སྔ་ཕྱི་དེ་གཉིས་ཀྱང་རྫས་ཀྱི་སྒོ་ནས་ཐ་དད་པ་སྟེ། ནོར་གཅིག་པ་ཡིན་ན་འདིའི་ལྟུངབ་མེད་དེ། འདིའི་དགག་བྱ་མེད་པའི་ཕྱིར་རོ། །བཤམས་པས་མགྲོན་དུ་འབོད་པ་པོ་མ་ཡིན་པསྟེ། བཤམས་པ་ནི་མགྲོན་དུ་བོས་པ་ཉིད་མ་ཡིན་ནོ་ཞེས་གསུངས་ལ། བཤམས་པའི་ནར་མའིཟས་དེ་རང་གི་ཟས་དང་འདྲ་བས་སྦྱིན་བདག་མ་དད་པ་སྐྱེ་བའི་དགག་བྱ་མེད་པའི་ཕྱིར་རོ། །བཤེས་པའི་དབང་གིས་ཀུན་ཏུ་ལྟ་བ་པོ་མ་ཡིན་པ་སྟེ། ཀུན་ཏུ་ལྟ་བ་པོ་ཡང་ངོ་ཞེས་གསུངས་ལ། བཤེས་པའི་དབང་གིས་མགྲོན་དུ་འབོད་པ་པོ་ཡིན་ན་སྦྱིན་བདག་མ་དད་པ་སྐྱེ་བའི་དགག་བྱ་མེད་པའི་ཕྱིར་རོ། །བསམ་པ་ཐག་པ་ནས་མགྲོན་དུ་འབོད་པ་པོ་ཡིན་པ་སྟེ། མཐོ་འཚམས་པསབྱས་པ་ནི་མ་ཡིན་པ་ཉིད་དོ་ཞེས་གསུངས་ལ། མཐོ་འཚམས་པ་དེ་མགྲོན་དུ་འབོད་པ་པོ་ཉིདམ་ཡིན་པས་མགྲོན་དུ་བོས་པ་གཉིས་པ་ཟོས་པའི་དགག་བྱ་མེད་པའི་ཕྱིར་རོ། །ཟས་རུང་བ་ལམགྲོན་དུ་འབོད་པ་པོ་ཡིན་པ་སྟེ། མི་རུང་བ་ལ་བོས་པ་ཡང་ངོ་ཞེས་གསུངས་པས་གྲུབ་བོ། །རངགཙོ་བོར་མ་བྱས་ན་དགེ་འདུན་མགྲོན་དུ་འབོད་པ་པོ་མ་ཡིན་པ་སྟེ། དེ་ཕྱིར་མ་ཡིན་པར་དགེ་འདུན་ཡང་ངོ་ཞེས་གསུངས་ལ། དགེ་འདུན་མཆོད་སྟོན་ལ་བོས་པ་ཡིན་ན་གང་ཟག་རང་ཉིད་ལ་ལྟོས་པའི་མགྲོན་དུ་བོས་པ་གཉིས་པ་ཟོས་པའི་དགག་བྱ་མེད་པའི་ཕྱིར་རོ། །གཉིས་པ་གངཟ་བའི་དངོས་པོ་ལ་བདུན་ལས། བཟའ་བ་ལྔའི་ཁོངས་སུ་གཏོགས་པ་ཡིན་པ་སྟེ། ལྔའི་ཁོངསསུ་གཏོགས་པ་ལའོ་ཞེས་གསུངས་པས་སོ། །ཕན་ཚུན་ཁོངས་སུ་གཏོགས་པ་མ་ཡིན་པ་སྟེ། སྨནགྱི་གཞི་ལས། གཞན་གྱིས་མགྲོན་དུ་བོས་པ་ན་འདུག་པ་ན་ངེས་གནང་ན། ཞེས་གསུངས་པསསོ། །ཟས་ཕྱི་མ་ལ་གོས་སམ་གོས་ཀྱི་རིན་གྱི་རྙེད་པ་མེད་པ་སྟེ། གོས་ཀྱི་རྙེད་པ་མེད་པའི་ཞེསགསུངས་ལ། ཟས་ཕྱི་མ་ལ་གོས་ཀྱི་རྙེད་པ་ཡོད་ན་གོས་ཀྱི་རྙེད་པ་ལ་དམིགས་ནས་འགྲོ་བརགསལ་གྱི། ཟས་སྔ་མས་མ་ཆོག་ནས་ཟ་བར་མི་གསལ་བས་སྦྱིན་བདག་སྔ་མ་མ་དད་པ་སྐྱེསཔའི་དགག་བྱ་མེད་པའི་ཕྱིར་རོ། །རང་གི་ནར་མའི་ཟས་མ་ཡིན་པ་སྟེ། མགྲོན་དུ་བོས་པ་གཉིསཔ་རྙེད་ནའོ། །ཞེས་གསུངས་ལ། རང་གི་ནར་མའི་ཟས་ཟ་བ་ལ་ནི་མགྲོན་དུ་བོས་པ་ཟ་བའི་ཐསྙད་མེད་པའི་ཕྱིར་རོ། །སྦྱིན་བདག་དེ་ཉིད་ཀྱི་ཡིན་པ་དང་རུང་བ་དང་ཚད་དང་ལྡན་པ་གསུམནི་སྐབས་གཞན་དུ་བཤད་པ་དང་འདྲའོ། །གསུམ་པ་གང་གི་ཚེ་ཟ་བའི་དུས་ནི། ཉིན་ཞག་གཅིགགི་དུས་ཡིན་པ་དང༌། མུ་གེའི་དུས་མ་ཡིན་པ་སྟེ། ཉི་མ་ཐ་དད་ལ་མགྲོན་དུ་བོས་པ་གཉིས་པ་ཟབ་ལ་འདིའི་དགག་བྱ་མེད་པའི་ཕྱིར་དང༌། མུ་གེ་བྱུང་ན་མགྲོན་དུ་བོས་པ་ཇི་སྙེད་བྱུང་བ་བདགགིར་བྱ་ཞེས་གསུངས་པས་སོ། །བཞི་པ་གང་གིས་ཟ་བའི་རྟེན་ནི་འདི་ཉིད་ལས་ན་བ་མ་ཡིན་པདང་ལས་མ་བྱས་པ་དང་ལམ་དུ་མ་སོང་བ་ཞེས་གསུངས་པ་དེ་གསུམ་དང༌། སྲ་བརྐྱང་མ་བཏིངབ་སྟེ། སྲ་བརྐྱང་གི་གཞི་ལས་སྲ་བརྐྱང་བཏིང་ན་ཡང་ཡང་ཟ་བའི་ལྟུང་བ་མི་འབྱུང་བར་གསུངསཔས་སོ། །གཉིས་པ་བསམ་པའི་ཡན་ལག་ལ་གཉིས་ལས་འདུ་ཤེས་ནི་གཞི་ལ་མ་འཁྲུལ་བའོ། །

ཀུན་སློང་ནི་རང་དགར་ཡང་ཡང་ཟ་བར་འདོད་པ་རྒྱུན་མ་ཆད་པའོ། །གསུམ་པ་སྦྱོར་བ་ནི་ཡངཡང་ཟ་བར་ཞུགས་པའོ། །བཞི་པ་མཐར་ཐུག་ནི་མགུལ་དུ་མིད་པའོ། །

སོ་གཉིས་པ་འདུག་གནས་སུ་ཟ་བའི་ལྟུང་བྱེད་འཆད་པ་ལ།

རྩ་བར། ཆོས་འདི་བའི་མཡིན་པ་བདག་པོ་ཁྱིམ་པ་དང་བཅས་པ་ཡ་མཚན་ཅན་ཐམས་ཅད་མ་ཡིན་པའི་འདུག་གནས་སོ། །

ཞེས་སོགས་བྱུང༌། འདིའི་དོན་ལ་བཞི་ལས། དང་པོ་གླེང་གཞི་ནི་སངས་རྒྱས་བཅོམ་ལྡན་འདསམཉན་ཡོད་ན་བཞུགས་པའི་ཚེ་ན་དྲུག་སྡེས་རི་བྲག་གི་འདུག་གནས་སུ་གནས་ཏེ་ཟོས་པ་ལས་ལྟུང་བྱེད་དུ་བཅས་སོ། །གཉིས་པ་དགག་བྱ་ནི་རྩོད་པ་རྒྱས་པར་འགྱུར་པའོ། །གསུམ་པ་ངོ་བོ་ནིབཅས་ལྡན་དགེ་སློང་གིས་མུ་སྟེགས་ཅན་གྱི་འདུག་གནས་སྦྱིན་བདག་ཁྱིམ་པས་བྱས་ཤིང་མཆོདགནས་མུ་སྟེགས་ཡོད་པའི་གནས་དེར་ཞག་གཅིག་གནས་ཏེ། ཟས་གཉིས་པ་ཟོས་པ་ལས་གྱུརཔའི་ལྟུང་བ་དངོས་གཞིའོ། །བཞི་བ་ཡན་ལག་ལ་བཞི་ལས། དང་པོ་གཞིའི་ཡན་ལག་ལ། གང་དུཟ་བའི་གནས་དང༌། དེར་ཟ་བའི་གནས་ཀྱི་བདག་པོ་དང༌། གང་གི་ཟ་བའི་སྦྱིན་བདག་དང༌། གང་ཟ་བའི་དངོས་པོ་དང༌། གང་གིས་ཟ་བའི་རྟེན་ལྔ། དང་པོ་ལ་གསུམ་ལས། མུ་སྟེགས་ཅནཁོ་ནའི་འདུག་གནས་ཡིན་པ་སྟེ། ལུང་རྣམ་འབྱེད་ལས། མུ་སྟེགས་ཅན་གྱི་འདུག་གནས་སུ། ཞེས་དང༌། འདི་ཉིད་ལས། ཡ་མཚན་ཅན་ཐམས་ཅད་མ་ཡིན་པའི་འདུག་གནས་སོ། །ཞེས་གསུངས་པས་སོ། །གནས་ཀྱི་ངོ་བོ་ཉིད་དུ་གྲུབ་པ་དང༌། སྤྱོད་ལམ་བཞི་ཡན་ཆད་ཤོང་བ་སྟེ། སྔར་བཤད་པ་བཞིན་ནོ། །གཉིས་པ་དེར་ཟ་བའི་གནས་ཀྱི་བདག་པོ་ནི། མུ་སྟེགས་པ་ཡིན་པསྟེ། རྣམ་འབྱེད་ལས། མུ་སྟེགས་ཅན་གྱི་འདུག་གནས་སུ། ཞེས་གསུངས་སོ། །ཐ་སྙད་ལྔ་དངལྡན་པ་དང༌། ལུས་ཐ་མལ་པར་གནས་པ་སྟེ། སྔར་མི་ཆོས་བླ་མའི་སྐབས་སུ་བཤད་པ་བཞིནནོ། །གསུམ་པ་གང་གི་ཟ་བའི་སྦྱིན་བདག་ནི། སྔར་གོས་སློང་བའི་སྐབས་སུ་བཤད་པའི་ཁྱིམ་པཆོས་དྲུག་ལྡན་གྱི་སྟེང་དུ། མུ་སྟེགས་ཅན་ཁོ་ནའི་སྦྱིན་བདག་ཡིན་པའོ། །བཞི་པ་གང་ཟ་བའིདངོས་པོ་ནི། དུས་སུ་རུང་བ་ཡིན་པ་དང༌། མུ་སྟེགས་པའི་སྦྱིན་བདག་དེ་ཉིད་ཀྱི་ཡིན་པ་དང༌། རུང་བ་དང༌། ཚད་དང་ལྡན་པའོ། །ལྔ་པ་གང་གིས་ཟ་བའི་རྟེན་ནི། གནང་བའི་རྐྱེན་ཅན་ནད་པམ་ཡིན་པ་དང༌། གནས་དེར་ཞག་གཅིག་ཡན་ཆད་གནས་པ་ཡིན་པ་སྟེ། མི་ན་བ་ལའོ། །ཞེསདང༌། སོ་སོ་ཐར་པའི་མདོ་ལས། ཞག་ལོན་པའི་དགེ་སློང་གིས། ཞེས་གསུངས་སོ། །གཉིས་པ་བསམ་པའི་ཡན་ལག་ལ་གཉིས་ལས། འདུ་ཤེས་ནི་གཞི་ལ་མ་འཁྲུལ་བའོ། །ཀུན་སློང་ནི་རངདགར་ཟན་གཉིས་པ་སློང་བའི་ཚིག་སྨྲ་ཞིང་གོ་བར་འདོད་པ་རྒྱུན་མ་ཆད་པའོ། །གསུམ་པ་སྦྱོར་བནི་ངག་མཚན་ཉིད་ལྔ་ལྡན་གྱིས་སློང་ཞིང་ཟ་བར་ཞུགས་པའོ། །བཞི་བ་མཐར་ཐུག་ནི་མགུལདུ་མིད་པའོ། །

སོ་གསུམ་པ་ལྷུང་བཟེད་དོ་གསུམ་ཙམ་ལས་ལྷག་པར་ལེན་པའི་ལྟུང་བྱེད་འཆད་པ།

སོ་གསུམ་པ་ལྷུང་བཟེད་དོ་གསུམ་ཙམ་ལས་ལྷག་པར་ལེན་པའི་ལྟུང་བྱེད་འཆད་པ་ལ།

རྩ་བར། སྟོབས་པའིའོ། །ཞེས་སོགས་བྱུང༌། འདིའི་དོན་ལ་བཞི་ལས། དང་པོ་གླེང་གཞིནི་མཉན་ཡོད་དུ་དྲུག་སྡེས་བསོད་སྙོམས་བསླང་ཚད་ལས་ལྷག་པར་བླངས་པ་ལས་ལྟུང་བྱེད་དུ་བཅས་སོ། །གཉིས་པ་དགག་བྱ་ནི་སྦྱིན་བདག་གི་ལོངས་སྤྱོད་ལ་གནོད་པ་དང༌། ཚོད་མི་ཤེསཔའོ། །གསུམ་པ་ངོ་བོ་ནི་བཅས་ལྡན་དགེ་སློང་གིས་ཁྱིམ་པས་བསོད་སྙོམས་བསྟབས་ཤིང་ཅིབདེར་མ་བྱས་པར་ཚད་ཡོངས་སུ་མ་དཔགས་པ་ལས་དུས་སུ་རུང་བ་ལྷུང་བཟེད་དོའམ་གསུམལས་ལྷག་པ་བླངས་ཏེ་གནས་གཞན་དུ་ཁྱེར་ཏེ་ཟོས་པ་ལས་གྱུར་པའི་ལྟུང་བ་དངོས་གཞིའོ། །

བཞི་བ་ཡན་ལག་ལ་བཞི་ལས།

དང་པོ་གཞིའི་ཡན་ལག་ལ་གསུམ་ལས། གང་ལ་བླང་བའིཡུལ་ནི་ཁྱིམ་པ་ཆོས་དྲུག་ལྡན་གྱི་སྟེང་དུ། ཚད་ཡོངས་སུ་དཔོག་པ་པོ་མ་ཡིན་པ་སྟེ། ཡོངས་སུམ་དཔགས་པར་རོ། །ཞེས་གསུངས་སོ། །སྦྱིན་བདག་གིས་ཚད་ཡོངས་སུ་དཔག་ན་ནི་ལྷུང་བཟེདདོ་གསུམ་ལས་ལྷག་ཀྱང་ལྟུང་བ་མེད་དེ། སྦྱིན་བདག་གི་བསམ་པ་ལ་གནོད་པའི་དགག་བྱ་མེདཔའི་ཕྱིར་རོ། །གང་བླངས་ཏེ་ཟ་བའི་དངོས་པོ་ནི། དུས་སུ་རུང་བ་ཡིན་པ་དང༌། སྦྱིན་བདག་དེ་ཉིད་ཀྱི་ཡིན་པ་དང༌། ལྡམ་ལྡུམ་ལ་སོགས་མོད་པ་མ་ཡིན་པ་སྟེ་གསུམ་དང༌། རུང་བ་དང༌། ཚདདང་ལྡན་པ་སྟེ་ལྔའོ། །གང་དུ་ཟ་བའི་གནས་ནི། གང་དུ་བླངས་པ་དེ་ནས་གཞན་དུ་ཁྱེར་བའི་གནསཡིན་པ་སྟེ། མནོས་པའོ། །ཞེས་སོ། །གང་དུ་བླངས་པའི་གནས་དེ་ཉིད་དུ་ཟ་བ་ལ་ནི་ལྟུང་བ་མེདདེ། གཞན་ལ་ནི་ལྟུང་བ་མེད་དོ། །ཞེས་གསུངས་སོ། །གཉིས་པ་བསམ་པའི་ཡན་ལག་ལ་གཉིསལས། འདུ་ཤེས་ནི་གཞི་ལ་མ་འཁྲུལ་བའོ། །ཀུན་སློང་ནི་རང་དགར་བླང་ཚད་ལས་ལྷག་པར་བླངས་ནས་ཟ་བར་འདོད་པ་རྒྱུན་མ་ཆད་པའོ། །གསུམ་པ་སྦྱོར་བ་ནི། ཚད་ལས་ལྷག་པར་ལེནཞིང་གནས་གཞན་དུ་ཁྱེར་ཏེ་ཟ་བར་བྱེད་པའོ། །བཞི་བ་མཐར་ཐུག་ནི་མགུལ་དུ་མིད་པའོ། །

སོ་བཞི་པ་སྤངས་པ་ཟ་བའི་ལྟུང་བྱེད་འཆད་པ་ལ།

རྩ་བར། ཤེས་གཙོའོ། །སྤངས་པ་ཉིད་དང་ལྷག་པོར་མ་བྱས་པ་ཉིད་དག་ལའོ། །ཟོས་ནའོ། །ཟས་ཙམ་མོ། །ཞེས་བྱུང༌། འདིའི་དོནལ་བཞི་ལས། དང་པོ་གླེང་གཞི་ནི་མཉན་ཡོད་དུ་དྲུག་སྡེས་ཟས་སྤངས་ནས་ཟོས་པ་ལས་ལྟུང་བྱེདདུ་བཅས་སོ། །གཉིས་པ་དགག་བྱ་ནི་ཟས་ལ་འདོད་པ་ཆེ་བའི་ཚུལ་གྱིས་གཞན་དག་མ་དད་པསྐྱེ་བའོ། ། གསུམ་པ་ངོ་བོ་ནི་བཅས་ལྡན་དགེ་སློང་གིས་ཟས་སྤངས་པ་རྫོགས་པས་དུས་སུ་རུངབའི་བཟའ་བའམ་བཅའ་བ་ལྷག་པོར་མ་བྱས་པ་ཟོས་པ་ལས་གྱུར་པའི་ལྟུང་བ་དངོས་གཞིའོ། །

བཞི་བ་ཡན་ལག་ལ་བཞི་ལས། དང་པོ་གཞིའི་ཡན་ལག་ལ་གསུམ་སྟེ། གང་བཟའ་བའི་དངོསཔོ་དང༌། གང་གི་ཚེ་ཟ་བའི་དུས་དང༌། གང་གིས་ཟ་བའི་རྟེན་ནོ། །དང་པོ་ནི་དངོས་པོ་དུས་སུརུང་བའི་བཟའ་བ་དང་བཅའ་བ་ཡིན། རུང་བ་དང་ཚད་དང་ལྡན་པ་ཆོས་གསུམ་ལྡན་གྱི་སྟེངདུ། རང་ངམ་རང་དང་ཆོ་ག་གཅིག་པས་ལྷག་པོར་བྱས་པ་དང་མ་འབྲེལ་བ་དང༌། མིད་པ་གཉིསཔ་ལ་སྒྲེགས་པའི་ཟས་མ་ཡིན་པ་དགོས་སོ། །གཉིས་པ་ནི་སྤངས་པའི་དུས་ཡིན་པ་དང༌། མུགེའི་དུས་མ་ཡིན་པའོ། །གསུམ་པ་ནི་ཟས་སྤངས་པ་རྫོགས་པ་སྟེ། སྤངས་པ་ཉིད་དང༌། ཞེསསོ། །གནང་བའི་རྐྱེན་ཅན་ནད་པ་མ་ཡིན་པ་སྟེ། གསོ་བའི་དོན་ཉིད་མ་གཏོགས་སོ། །ཞེས་གསུངསསོ། །སྒྲེགས་པའི་ཟས་ལ་མིད་པ་གཉིས་པ་མ་ཡིན་པ་དང་གསུམ་མོ། །གཉིས་པ་བསམ་པའི་ཡནལག་ལ་གཉིས་ལས། འདུ་ཤེས་ནི་གཞི་ལ་མ་འཁྲུལ་བའོ། །ཀུན་སློང་ནི་རང་དགར་སྤངས་པ་ཟ་བར་འདོད་པ་རྒྱུན་མ་ཆད་པའོ། །གསུམ་པ་སྦྱོར་བ་ནི་སྤངས་ནས་ཟ་བར་ཞུགས་པའོ། །བཞིབ་མཐར་ཐུག་ནི་མགུལ་དུ་མིད་པའོ། །ལུང་ལས། དགེ་སློང་དག་སྟན་གཅིག་པའི་ཟས་ཟོ་ཞིགདང་ཞེས་དང་པོར་གསུངས་པའི་རྗེས་སུ་ལྟུང་བྱེད་འདི་བཅས་པ་ཡིན་པས། སྟན་གཅིག་པའི་ཟས་ཀྱི་ལྟུང་བྱེད་དོ། །ཞེས་གསུངས་སོ། །ལྷག་པོར་བྱེད་ཚུལ་ཡོད་དེ། དགེ་སློང་གི་མདུན་དུབྱིན་ལེན་བྱས་ནས་ཟས་ཐོགས་ཏེ། ཚེ་དང་ལྡན་པ་དགོངས་སུ་གསོལ། བདག་མིང་འདི་ཞེསབགྱི་བ་འཚལ་མ་འཚལ་ལགས་ཤིང་ཡོངས་སུ་སྤངས་ཏེ། ཡོངས་སུ་རྫོགས་ཤིང་མཐར་ཐུག་པར་བགྱིས་པ་ལས་བཟའ་བ་དང་བཅའ་བ་རྙེད་ཅིང་འཚལ་བར་འཚལ་ན་ལྷག་པོར་བགྱིས་ཏེ་བདག་ལ་སྩལ་དུ་གསོལ་ཞེས་ལན་གཅིག་བརྗོད། ཡུལ་གྱིས་བླངས་ཏེ་དེ་ནས་ཁམ་གཉིསསམ་གསུམ་ཟོས་ནས་འདི་སྐད་ཅེས་ཁྱོད་ཀྱིས་ཅི་བདེར་གསོལ་ཞིག་ཅེས་ཕྱིར་གཏད། ཡུལ་གྱིས་ཟས་སྤངས་ཟིན་ན་ཡུལ་གྱིས་མི་ཟའོ། །

སོ་ལྔ་པ་སྤངས་པ་ལ་སྟོབ་པའི་ལྟུང་བྱེད་འཆད་པ།

སོ་ལྔ་པ་སྤངས་པ་ལ་སྟོབ་པའི་ལྟུང་བྱེད་འཆད་པ་ལ།

རྩ་བར། སྟོབ་ནའོ། །དགེ་སློང་ལའོ། །ཞེས་བྱུང༌། འདིའི་དོན་ལ་བཞི་ལས། དང་པོ་གླེང་གཞི་ནི་མཉན་ཡོད་དུ་རྒནཞུགས་སློབ་མས་སྤངས་པ་ལ་ཟས་བསྟབས་པ་ལས་ལྟུང་བྱེད་དུ་བཅས་སོ། །གཉིས་པ་དགགབྱ་ནི་གཞན་ཉེས་པ་ལ་འཇུག་པའི་རྒྱུར་འགྱུར་བའོ། །རང་གི་རྣམ་བཤད་ལས་ཐམས་ཅད་དུརུང་བ་མ་ཡིན་པའི་ཕྱིར་སྟོབས་པ་ལ་ཉེས་པ་བྱས་པ་ནི། འདིའི་རྗེས་སུ་འབྲངས་ནས་རིག་པར་བྱའོཞེས་གསུངས་པས་དགེ་སློང་ལ་ཕྱི་དྲོ་ཁ་ཟས་སྟོབས་པ་ལྟ་བུ་ལ་ཡང་ཉེས་བྱས་སོ། །གསུམ་པ་ངོབོ་ནི་བཅས་ལྡན་དགེ་སློང་གིས་ཟས་སྤངས་པའི་དགེ་སློང་གཞན་ལ་དུས་སུ་རུང་བའི་བཟའ་བདང་བཅའ་བ་དག་གི་རིག་བྱེད་ཀྱིས་བསྟབས་ཏེ་དོན་གོ་བ་ལས་གྱུར་པའི་ལྟུང་བ་དངོས་གཞིའོ། །

བཞི་བ་ཡན་ལག་ལ་བཞི་ལས། དང་པོ་གཞིའི་ཡན་ལག་ལ། གང་ལ་བསྟབས་པའི་ཡུལ་དང༌།

གང་སྟོབས་པའི་དངོས་པོ་དང༌། གང་གི་ཚེ་བསྟབས་པའི་དུས་དང་གསུམ། དང་པོ་ནི་དགེ་སློངཆོས་དྲུག་ལྡན་གྱི་སྟེང་དུ། ཟས་སྤངས་པ་ཡིན་པ་སྟེ། སྤངས་པ་ལ་སྟོབས་པ་ཞེས་གསུངས་པསསོ། །གཉིས་པ་ནི། དངོས་པོ་དུས་སུ་རུང་བའི་བཟའ་བ་དང་བཅའ་བ་ཡིན་པ་དང་རུང་བ་དང་ཚད་དང་ལྡན་པ་དང༌། རང་ངམ་རང་དང་ཆོ་ག་གཅིག་པས་ལྷག་པོར་བྱས་པ་དང་མ་འབྲེལ་བ་དངབཞིའོ། །གསུམ་པ་ནི་སྔར་སྤངས་ཟའི་སྐབས་དང་འདྲའོ། །གཉིས་པ་བསམ་པའི་ཡན་ལག་ལགཉིས་ལས། འདུ་ཤེས་ནི་གཞི་ལ་མ་འཁྲུལ་བའོ། །ཀུན་སློང་ནི་རང་དགར་སྤངས་པ་ལ་སྟོབསཔའི་ཚིག་སྨྲ་ཞིང་གོ་བར་འདོད་པ་རྒྱུན་མ་ཆད་པའོ། །གསུམ་པ་སྦྱོར་བ་ནི་ངག་མཚན་ཉིད་ལྔལྡན་གྱིས་སྟོབས་པར་ཞུགས་པའོ། །བཞི་བ་མཐར་ཐུག་ནི་དོན་གོ་བའོ། །

སོ་དྲུག་པ་འདུས་ཤིང་ཟ་བའི་ལྟུང་བྱེད་འཆད་པ།

སོ་དྲུག་པ་འདུས་ཤིང་ཟ་བའི་ལྟུང་བྱེད་འཆད་པ་ལ།

རྩ་བར། ཤེས་གཙོའོ། །ཞེསསོགས་བྱུང༌། འདིའི་དོན་ལ་བཞི་ལས། དང་པོ་གླེང་གཞི་ནི་རྒྱལ་པོའི་ཁབ་ཏུ་ལྷས་བྱིན་གྱིས་དགེའདུན་ལས་ལོགས་ཤིག་ཏུ་འདུས་ཤིང་ཟ་བ་ལས་ལྟུང་བྱེད་དུ་བཅས་སོ། །གཉིས་པ་དགག་བྱ་ནིཟས་ཐ་དད་ཀྱི་སྒོ་ནས་དགེ་འདུན་གཉིས་སུ་བྱེ་བར་འགྱུར་བའོ། ། གསུམ་པ་ངོ་བོ་ནི་བཅས་ལྡནདགེ་སློང་གིས་རང་བཞིན་གྱི་མཚམས་གཅིག་གི་ནང་དུ་དགེ་འདུན་རྣམས་ཟས་ཟ་བའི་གནས་ཚངམང་ལྟ་བུ་ལས་ལོགས་གཅིག་ཏུ་དགེ་སློང་བཞིར་ལོངས་འདུས་ཤིང་ཟ་བ་ལས་གྱུར་པའི་ལྟུང་བདངོས་གཞིའོ། །བཞི་བ་ཡན་ལག་ལ་བཞི་ལས། དང་པོ་གཞིའི་ཡན་ལག་ལ། གང་དུ་ཟ་བའི་གནསདང༌། གང་བཟའ་བའི་དངོས་པོ་དང༌། གང་གིས་ཟ་བའི་རྟེན་དང༌། གང་དག་དང་ལྷན་ཅིག་ཟབའི་གྲོགས་དང་བཞི། དང་པོ་ལ་བཞི་སྟེ། སོ་སོར་ངེས་པའི་ཟས་ཀྱི་གནས་ཅན་དག་ལས་གཞནཡིན་པ་དང༌། ཚང་མང་ལྟ་བུ་དེ་ན་དགེ་སློང་བཞི་ཡན་ཆད་ཡོད་པའི་གནས་ཡིན་པ་དང༌། རངབཞིན་གྱི་མཚམས་གཅིག་གི་ནང་ཡིན་པ་དང༌། དགེ་སློང་བཞི་ཡན་ཆད་ཡོད་པ་དེ་དང་གནསལྷན་ཅིག་མ་ཡིན་པའོ། །དེ་ཡང་སོ་སོར་ངེས་པའི་ཟས་ཀྱི་གནས་ཅན་དག་ལས་གཞན་པའི་ཞེསཔའི་མདོ་འདིས་རིམ་པ་བཞིན་དུ་བསྟན་ཏོ། །གཉིས་པ་གང་བཟའ་བའི་དངོས་པོ་ལ་བདུན་ལས།

དུས་སུ་རུང་བ་ཡིན་པ་དང༌། རུང་བ་དང༌། ཚད་དང་ལྡན་པའོ། །འདུས་པ་ཆེན་པོའི་ཟས་མ་ཡིནཔ་དང༌། ཕྱི་རོལ་པའི་དགེ་སློང་གི་ཟས་མ་ཡིན་པ་དང༌། སྤྲུལ་པ་ལ་སོགས་ཀྱི་ཟས་གཅིག་པ་མཡིན་པ་དགོས་སོ། །ལྡམ་ལྡུམ་ལ་སོགས་པ་མོད་པ་མ་ཡིན་པའོ། །གསུམ་པ་གང་གིས་ཟ་བའིརྟེན་ལ་བཞི་སྟེ། སྔར་ཡང་ཡང་ཟ་བའི་སྐབས་སུ་བཤད་པ་ཇི་ལྟ་བ་བཞིན་ནོ། །བཞི་པ་གང་དགདང་ལྷན་ཅིག་ཟ་བའི་གྲོགས་ལ་བརྒྱད་ལས། ཐུན་མོང་བ་དགེ་སློང་ཆོས་དྲུག་ལྡན་ལ་བདག་ལས་ཐ་དད་པ་མ་བགྲངས་པ་ལྔའི་སྟེང་དུ་བདག་མ་གཏོགས་པ་གསུམ་ཡན་ཆད་ཡོད་པ་དང༌། གནས་ལྷན་ཅིག་ཏུ་ཟ་བ་ཡིན་པ་དང༌། དུས་ཅིག་ཅར་ཟ་བ་ཡིན་པའོ། །གཉིས་པ་བསམ་པའིཡན་ལག་ལ་གཉིས་ལས། འདུ་ཤེས་ནི་གཞི་ལ་མ་འཁྲུལ་བའོ། །ཀུན་སློང་ནི་རང་དགར་འདུསཤིང་ཟ་བར་འདོད་པ་རྒྱུན་མ་ཆད་པའོ། །གསུམ་པ་སྦྱོར་བ་ནི་འདུས་ཤིང་ཟ་བར་བྱེད་པའོ། །

བཞི་བ་མཐར་ཐུག་ནི་མགུལ་དུ་མིད་པའོ། །

སོ་བདུན་པ་དུས་མ་ཡིན་པར་ཟ་བའི་ལྟུང་བྱེད་འཆད་པ།

སོ་བདུན་པ་དུས་མ་ཡིན་པར་ཟ་བའི་ལྟུང་བྱེད་འཆད་པ་ལ།

རྩ་བར། རང་གི་ཕྱེད་ཡོལནས་སྐྱ་རེངས་འཆར་བའི་བར་དུ་ནི་དུས་མ་ཡིན་ནོ། །དེ་ཉིད་ལ་ཤེས་གཙོའོ། །བཅའ་བར་བྱ་བདང་བཟའ་བར་བྱ་བ་ཟོས་ནའོ། །ཞེས་བྱུང༌། འདིའི་དོན་ལ་བཞི་ལས། དང་པོ་གླེང་གཞི་ནི་མཉནཡོད་དུ་བཅུ་བདུན་སྡེས་ནུབ་མོ་ཟས་ཟོས་པ་ལས་ལྟུང་བྱེད་དུ་བཅས་སོ། ། གཉིས་པ་དགག་བྱ་ནིལུས་རྒྱགས་པར་འགྱུར་བའོ། །གསུམ་པ་ངོ་བོ་ནི་བཅས་ལྡན་དགེ་སློང་གིས་རང་གི་གླིང་གི་ཉིམ་ཕྱེད་ཡོལ་ནས་སྐྱ་རེངས་མ་ཤར་བའི་བར་དེར་དུས་སུ་རུང་བའི་ཟས་ཟོས་པ་ལས་གྱུར་པའིལྟུང་བ་དངོས་གཞིའོ། །བཞི་བ་ཡན་ལག་ལ་བཞི་ལས། དང་པོ་གཞིའི་ཡན་ལག་ལ། གང་བཟའབའི་དངོས་པོ་དང༌། གང་གི་ཚེ་ཟ་བའི་དུས་དང༌། གང་གིས་ཟ་བའི་རྟེན་དང་གསུམ། དང་པོ་ལ་བཞིསྟེ། དུས་སུ་རུང་བ་ཡིན་པ་དང༌། མིད་པ་གཉིས་པ་ལ་སྒྲེགས་པའི་ཟས་མ་ཡིན་པ་དང་རུང་བ་དངཚད་དང་ལྡན་པའོ། །ལུང་ཞུ་བ་ལས། ཞོ་ནི་དུས་སུ་རུང་བའོ་ཞེས་གསུངས་པས་ཞོའམ་འོ་མ་ལྟབུ་དུས་སུ་རུང་བའི་བཏུང་བ་འཐུངས་ན་ཡང་ལྟུང་བྱེད་དོ། །གཉིས་པ་གང་གི་ཚེ་ཟ་བའི་དུས་ནི། རང་གི་གླིང་གི་ཉི་མ་ཕྱེད་ཡོལ་ནས་སྐྱ་རེངས་དང་པོ་འཆར་བའི་བར་ཡིན་པའོ། ། འོད་ལྡན་དུ་ལུངདྲངས་ཏེ། གཏམ་གྱི་གཞི་ལས། དགེ་སློང་གིས་ཤར་གྱི་ལུས་འཕགས་གླིང་དུ་ཟས་འཚོལ་ན། དེསདུས་གང་གིས་འཚལ་བར་བགྱི། དེ་རྣམས་ཀྱི་དུས་གང་ཡིན་པས་སོ། །ཞེས་གནས་པའི་གླིང་གིསབཞག་པར་གསུངས་སོ། །གལ་ཏེ་དགེ་སློང་ལྷའི་ཡུལ་དང་གླིང་བར་གྱི་མུན་པ་ལྟ་བུར་གནས་ཏེ་ཟན་ནི། སྐྱེས་པའི་གླིང་གིས་བཞག་སྟེ་དམིགས་བསལ་དུ་བྱས་སོ། །གསུམ་པ་གང་གིས་ཟ་བའིརྟེན་ལ་གསུམ་ལས། གནང་བའི་རྐྱེན་ཅན་ནད་པ་མ་ཡིན་པ་དང༌། ཟས་ཀྱིས་ཤིན་ཏུ་ཕོངས་པའིརྐྱེན་ལྡན་མ་ཡིན་པ་དང༌། སྒྲེགས་པའི་ཟས་ལ་མིད་པ་གཉིས་པ་མ་ཡིན་པའོ། །གཉིས་པ་བསམཔའི་ཡན་ལག་ལ་གཉིས་ལས། འདུ་ཤེས་ནི་གཞི་ལ་མ་འཁྲུལ་བའོ། །ཀུན་སློང་ནི་རང་དགར་དུསམ་ཡིན་པར་ཟ་བར་འདོད་པ་རྒྱུན་མ་ཆད་པའོ། །གསུམ་པ་སྦྱོར་བ་ནི་དུས་མ་ཡིན་པར་ཟ་བར་བྱེདཔའོ། །བཞི་བ་མཐར་ཐུག་ནི་མགུལ་དུ་མིད་པའོ། །

སོ་བརྒྱད་པ་གསོག་འཇོག་ཟ་བའི་ལྟུང་བྱེད་འཆད་པ།

སོ་བརྒྱད་པ་གསོག་འཇོག་ཟ་བའི་ལྟུང་བྱེད་འཆད་པ་ལ་གཉིས་ལས།

དང་པོ་ལྟུང་བ་དངོས་ནི། རྩ་བར། སྔ་དྲོ་བའི་ཟས་བྱིན་ལེན་བྱས་པ་ཕྱི་དྲོ་བའི་ཟས་སུ་དང་དེ་ཐུན་ཚོད་ལས་འདས་པ་ལྟ་བུ་ནི་གསོག་འཇོག་བྱས་པ་ཡིན་ནོ། །ཞེས་སོགས་བྱུང༌། འདིའི་དོན་ལ་བཞི་ལས། དང་པོ་གླེང་གཞི་ནིམཉན་ཡོད་དུ་དགེ་སློང་ནག་པོས་གསོག་འཇོག་བྱས་པ་ཟོས་པ་ལས་ལྟུང་བྱེད་དུ་བཅས་སོ། །གཉིས་པདགག་བྱ་ནི་ཟས་ལ་སྲེད་པ་ཆེ་བའི་སྒོ་ནས་གཞན་དག་མ་དད་པར་འགྱུར་བའོ། །གསུམ་པ་ངོ་བོ་ནི་བཅསལྡན་དགེ་སློང་གིས་སྨན་བཞི་ལས། གང་ཡང་རུང་བ་རང་གིས་གསོག་འཇོག་ཏུ་བཞག་པའམ་རངདང་ཆོ་ག་གཅིག་པས་གསོག་འཇོག་ཏུ་བཞག་པ་ཁམ་གང་ཡན་ཆད་ཟོས་པ་ལས་གྱུར་པའི་ལྟུང་བ་དངོས་གཞིའོ། །བཞི་བ་ཡན་ལག་ལ་བཞི་ལས། དང་པོ་གཞིའི་ཡན་ལག་ལ་གསུམ་ལས་དང་པོ་གངབཟའ་བའི་དངོས་པོ་ནི་དྲུག་ལས། སྨན་བཞི་ལས་གང་ཡང་རུང་བ་ཡིན་པ་སྟེ། སྔ་དྲོ་བའི་ཟས་བྱིནལེན་བྱས་པ་ཞེས་པ་ལ་སོགས་པ་གསུངས་པས་སོ། །རང་ངམ་རང་དང་ཆོ་ག་གཅིག་པས་གསོགའཇོག་བྱས་པ་དང་འབྲེལ་བ་སྟེ། རྩ་བར། སྡོམ་པས་མཉམ་པ་ལྟ་བ་ཐ་མི་དད་པ་དག་གི་གསོགའཇོག་བྱས་པ་དག་ནི་གཅིག་པ་ཉིད་དོ། །ཞེས་པ་དང༌། ཐུན་ཚོད་ལས་འདས་པ་ལྟ་བུ་གསོག་འཇོག་བྱས་པ་ཡིན་ནོ། །ཞེས་གསུངས་པས་སོ། །སྨན་གྱི་ངོ་བོ་ཡོངས་སུ་རྫོགས་པ་སྟེ། ལན་ཚྭ་ལསོགས་པ་ཚྭ་ཆུ་ནི་ཕྱེད་ཉིད་དོ་ཞེས་གསུངས་པས་སོ། །མིད་པ་གཉིས་པ་ལ་སྒྲེགས་པའི་ཟས་མཡིན་པའཽ། །གཞི་གཞན་གྱི་སྒོ་ནས་རུང་བ་དང༌། ཚད་དང་ལྡན་པ་སྟེ་དྲུག་གོ །གཉིས་པ་གང་གི་ཚེ་ཟབའི་དུས་ནི་མུ་གེའི་དུས་མ་ཡིན་པ་སྟེ། ལག་ཉར་བླངས་པ་ལ་སོགས་པའི་མུ་གེའི་ཚེ་བཟའ་བརགནང་བའི་གནད་ཀྱིས་སྦྱར་རོ། །གསུམ་པ་གང་གིས་ཟ་བའི་རྟེན་ནི། གནང་བའི་རྐྱེན་ཅན་ནདཔ་མ་ཡིན་པའོ། །གཉིས་པ་བསམ་པའི་ཡན་ལག་ལ་གཉིས་ལས། འདུ་ཤེས་ནི་གཞི་ལ་མ་འཁྲུལབའོ། །ཀུན་སློང་ནི་གསོག་འཇོག་ཏུ་སོང་བ་རང་དགར་ཟ་བར་འདོད་པ་རྒྱུན་མ་ཆད་པའོ། །གསུམ་པ་སྦྱོར་བ་ནི་ཟ་བར་བྱེད་པའོ། །བཞི་བ་མཐར་ཐུག་ནི་མགུལ་དུ་མིད་པའོ། །ཐུན་ཚོདལས་འདས་པ་ནི། འགྲེལ་ཆུང་ལས། ཉི་མ་ནུབ་སྟེ་དམར་ཐག་ཆད་པ་ལས་འདས་པ། ཞེསསོ། །དེའང་ལུང་ཞུ་བ་ལས། ཕྱི་དྲོའི་དུས་སུ་བྱིན་ལེན་བྱས་ན་ནི་ཕྱི་དྲོའི་དུས་སུ་སྤྱད་པར་བྱའོ། །དེ་སྟེ་དུས་དེ་ལས་ཡོལ་ན་ཅིར་འགྱུར། སྤང་པར་འགྱུར་རོ། །ཞེས་གསུངས་པའོ། །

གཉིས་པ་ཆ་ལ་བརྟེན་པ་བསྟན་པ་ནི།

ཆ་ལ་བརྟེན་པ་དེ་རང་གང་ཞེ་ན། རྒྱུའི་ཆ་འདྲ་བ་ལ་བརྟེན་པ་སྟེ། གསོག་འཇོག་བྱས་པ་ཟ་བའི་ཉེས་པ་ནི་རྒྱུ་རང་ངམ་རང་དངའདྲ་བས་གསོག་འཇོག་བྱས་པ་ལས་བྱུང་བ་ལྟར་ལག་ཉར་བླངས་པ་ལ་སོགས་པ་ཟ་བའི་ཉེསཔ་ཡང༌། རྒྱུ་རང་ངམ་རང་འདྲ་བས་ལག་ཉར་བླངས་པ་ལ་སོགས་པ་འདི་དག་བྱས་པ་ལས་བྱུངབས་སོ། །གསོག་འཇོག་གི་ཆ་ལ་བརྟེན་པ་འདི་ལ་བརྒྱད་དེ། ལག་ཉ་ལ་སོགས་པའི་ཉེས་བྱས་བཞིདང༌། དེ་དག་ཟ་བའི་ཉེས་བྱས་བཞིའོ། །དང་པོ་ལག་ཉར་བླངས་པའི་ཉེས་བྱས་ཀྱི་ངོ་བོ་ནི། བཅསལྡན་དགེ་སློང་གིས་རང་ངམ་རང་དང་འདྲ་བར་དབང་བའི་ཟས་སམ་ཉེ་བའི་སྟ་གོན་དུ་གནས་པ་བྱིན་ལེན་མ་བྱས་པ་ལ་རེག་པའི་ཉེས་བྱས་ཡོངས་སུ་རྫོགས་པའོ། །སྨན་གྱི་ངོ་བོ་ཡོངས་སུ་རྫོགསཔ་སྟེ། ལན་ཚྭ་ལ་སོགས་པ་ཚྭ་ཆུ་ནི་ཕྱེད་ཉིད་དོ། །ཞེས་གསུངས་པས་སོ། །གང་གིས་རེག་པའིརྟེན་ནི། གནང་བའི་རྐྱེན་ཅན་ནད་པ་མ་ཡིན་པའོ། །འདིར་བྱིན་ལེན་གྱི་ཆོ་ག་དང་ལྡན་ན་ཟས་དེལ་རེག་ཀྱང་ལག་ཉའི་ཉེས་པ་མེད་པས། ལག་ཉ་བསྲུང་བའི་ཆེད་དུ་བྱིན་ལེན་བྱས་ན་ཡང་ངོ༌། །

གཉིས་པ་མཚམས་སུ་བཙོས་པའི་ཉེས་བྱས་ནི།

ངོ་བོ་ནི་བཅས་ལྡན་དགེ་སློང་གིས་གནས་ཀྱིཁྱད་པར་རང་ངམ་རང་དང་འདྲ་བར་དབང་ཞིང་རུང་ཁང་མ་ཡིན་པའི་རང་བཞིན་གྱི་མཚམས་སམ་དེའི་ཉེ་འཁོར་དུ། དངོས་པོའི་ཁྱད་པར་རང་ངམ་རང་དང་འདྲ་བར་དབང་བའི་རྗེན་པ། ཆེདདུ་བྱ་བའི་ཁྱད་པར་རང་ངམ་རང་དང་འདྲ་བར་ལོངས་སྤྱོད་པའི་ཆེད་དུ་མེ་དང་འབྲེལ་བས་རེགཔ་ལས་གྱུར་པའི་ཉེས་བྱས་ཡོངས་སུ་རྫོགས་པའོ། །གསུམ་པ་ཞག་ལོན་པའི་ཉེས་བྱས་ནི། ངོ་བོ་ནི་བཅས་ལྡན་དགེ་སློང་གིས་རང་ངམ་རང་དང་འདྲ་བར་དབང་བའི་གནས་ཡིན་ཞིང་རུང་ཁངམ་ཡིན་པའི་རང་བཞིན་གྱི་མཚམས་སམ་དེའི་ཉེ་འཁོར་དུ་སྨན་བཞི་ལས་གང་ཡང་རུང་བ་བཞགསྟེ། མཚན་མོ་འདས་པའི་ཉེས་བྱས་ཡོངས་སུ་རྫོགས་པའོ། །བཞི་པ་དགེ་སློང་གིས་རྗེན་པ་བཙོསཔའི་ཉེས་བྱས་ནི། ངོ་བོ་ནི་བཅས་ལྡན་དགེ་སློང་གིས་རྗེན་པ་མཚན་ཉིད་དང་ལྡན་པ་དགེ་སློངརང་ངམ་རང་དང་འདྲ་བས་བཟའ་དོན་དུ་མེས་རེག་པ་ལས་གྱུར་པའི་ཉེས་བྱས་ཡོངས་སུ་རྫོགསཔའོ། །ལྔ་པ་ལག་ཉར་བླངས་པ་ལ་སོགས་པ་བཞི་པོ་དེ་རྣམས་ཟ་བའི་ཉེས་བྱས་བཞི་ནི། འདིརྣམས་ཀྱི་ངོ་བོ་ནི་བཅས་ལྡན་དགེ་སློང་གིས་སྨན་བཞི་ལས་གང་ཡང་རུང་བ་ལག་ཉ་ལ་སོགསཔའི་སྐྱོན་ཆགས་པ་མགུལ་དུ་མིད་པ་ལས་གྱུར་པའི་ཉེས་བྱས་ཡོངས་སུ་རྫོགས་པའོ། །གང་གི་ཚེ་ཟ་བའི་དུས་ནི་མུ་གེའི་དུས་མ་ཡིན་པའོ། །གང་གིས་ཟ་བའི་རྟེན་ནི་ཟས་ཀྱིས་ཤིན་ཏུཕོངས་པའི་རྐྱེན་ལྡན་མ་ཡིན་པ་དང༌། གནང་བའི་རྐྱེན་ཅན་ནད་པ་མ་ཡིན་པའོ། །

སོ་དགུ་བ་བྱིན་ལེན་མ་བྱས་པར་ཟ་བའི་ལྟུང་བྱེད་འཆད་པ་ལ་གཉིས། དང་པོ་བྱིནལེན་བྱ་བའི་ཚུལ་དངོས་ནི།

རྩ་བར། མངོན་སུམ་དུ་མཚམས་ཀྱི་ནང་དུ་འཐོབ་པའི་ཕྱོགས་ནགནས་པས་ལག་པ་བཀན་པའི་ལུས་སམ་དེ་དང་འབྲེལ་བར་གྱེན་དུ་འདེགས་ནུས་པ་བསྙེན་པརམ་རྫོགས་པ་མི་མ་ཡིན་པ་ལས་ཀྱང་སྦྱིན་པར་འདོད་པས་ཡན་ལག་གིས་སམ་དེ་དང་འབྲེལ་བསབྱིན་པ་མནོས་པ་ནི་བྱིན་ལེན་ནོ། །ཞེས་སོ། བྱིན་ལེན་འཇིག་པའི་རྒྱུ་ནི་བཅུ་སྟེ། འཕྲོགས་དངཤོར་ཏེ་འདྲིལ་དང་བོར་བ་དང༌། །བབས་དང་ཤི་དང་གཞན་གྱིས་རེག་པ་དང༌། །སྨན་གྱི་རིགས་གྱུར་སྐྱེ་བར་གྱུར་བ་དང༌། །གཞན་ལ་བསྔོས་དང་ཆོས་མཚུངས་གཞན་དང་བཅུ། །ཞེས་བསྡུ་བའིཚིགས་སུ་བཅད་པའོ། །ཕྱི་མ་ནི། དགེ་བའི་རྩ་བ་ཆད་པ་དང༌། མཚན་གཉིས་ཅིག་ཅར་དུ་བྱུངབ་དང༌། མཚན་ལན་གསུམ་དུ་གྱུར་པ་ལྟ་བུ་སྟེ། བབས་པ་དང་རྒྱུ་མཚན་མཚུངས་པའི་ཕྱིར་རོ། །

གཉིས་པ་ལྟུང་བ་རྣམ་པར་བཞག་པ་འཆད་པ་ལ།

རྩ་བར། ཤེས་གཙོའོ། བྱིན་ལེན་མ་བསྟབས་པ་ཉིད་དོ། །ཞེས་སོགས་བྱུང༌། འདིའི་དོན་ལ་བཞི་ལས། དང་པོ་གླེང་གཞི་ནི་ལུང་ལས་མཉནཡོད་དུ་དྲུག་སྡེས་བྱིན་ལེན་མ་བྱས་པར་ཟ་བར་བྱེད་པ་ལས་ལྟུང་བྱེད་དུ་བཅས་སོ། །གཉིས་པདགག་བྱ་ནི་མ་བྱིན་པར་ལེན་པའི་རྒྱུར་འགྱུར་བ་དང༌། ཟས་བཀག་པ་ལ་ལོངས་སྤྱོད་པའི་རྒྱུརའགྱུར་བ་སྟེ། སྒྲ་མི་སྙན་དུ་ལྟུང་བ་མེད་པར་གསུངས་པ་དང༌། ཟས་ལ་དཔང་པོར་འགྱུར་རོ་ཞེསགསུངས་པས་སོ། །གཉིས་པ་ངོ་བོ་ནི་བཅས་ལྡན་དགེ་སློང་གིས་བྱིན་ལེན་འཇུག་པའི་ཟས་ལརང་ངམ་རང་དང་ཆོ་ག་གཅིག་པའི་བྱིན་ལེན་དང་མི་ལྡན་པ་ཁམ་གཅིག་ཡན་ཆད་ཟོས་པ་ལསགྱུར་པའི་ལྟུང་བ་དངོས་གཞིའོ། །ཡན་ལག་ལ་བཞི་ལས། དང་པོ་གཞིའི་ཡན་ལག་ལ། གངབཟའ་བའི་དངོས་པོ་དང༌། གང་དུ་ཟ་བའི་གནས་དང༌། གང་གིས་ཟ་བའི་རྟེན་དང་གསུམ། དངཔོ་ལ་ལྔ་ལས། སྨན་བཞི་ལས་གང་ཡང་རུང་བ་ཡིན་པ་སྟེ། ཆུ་དང་སོ་ཤིང་མ་གཏོགས་པ་ཞེས་དེགཉིས་དམིགས་ཀྱིས་བསལ་བས་ཤེས་སོ། །རང་ངམ་རང་དང་ཆོ་ག་གཅིག་པས་བྱིན་ལེན་བྱསཔ་མ་ཡིན་པ་སྟེ། བྱིན་ལེན་མ་བསྟབས་པ་ཉིད་ལའོ། །ཞེས་གསུངས་པས་སོ། །སྨན་གྱི་ངོ་བོཡོངས་སུ་རྫོགས་པ་དགོས་སོ། །རུང་བ་དང་ཚད་དང་ལྡན་པ་གཉིས་ཏེ་ལྔའོ། །གཉིས་པ་གང་དུ་ཟ་བའི་གནས་ནི་བྱང་སྒྲ་མི་སྙན་མ་ཡིན་པ་སྟེ། བྱང་གི་སྒྲ་མི་སྙན་མ་གཏོགས་པར་རོ། །ཞེསསོ། །གསུམ་པ་གང་གིས་ཟ་བའི་རྟེན་ནི། གནང་བའི་རྐྱེན་ཅན་ནད་པ་མ་ཡིན་པ་དང༌། ཟསཀྱིས་ཤིན་ཏུ་ཕོངས་པའི་རྐྱེན་ལྡན་མ་ཡིན་པའོ། །གཉིས་པ་བསམ་པའི་ཡན་ལག་ལ་གཉིས་ལས། འདུ་ཤེས་ནི་གཞི་ལ་མ་འཁྲུལ་བའོ། །ཀུན་སློང་ནི་རང་གར་བྱིན་ལེན་མ་བྱས་པ་ཟ་བར་འདོདཔ་རྒྱུན་མ་ཆད་པའོ། །གསུམ་པ་སྦྱོར་བ་ནི་ཟ་བར་བྱེད་པའོ། །བཞི་བ་མཐར་ཐུག་ནི་མགུལ་དུམིད་པའོ། །

བཞི་བཅུ་པ་བསོད་པ་སློང་བའི་ལྟུང་བྱེད་འཆད་པ།

བཞི་བཅུ་པ་བསོད་པ་སློང་བའི་ལྟུང་བྱེད་འཆད་པ་ལ།

རྩ་བར། འོ་མ་དང་ཞོ་དངམར་དང་ཉ་ཤ་དང་ཤ་དང་ཤ་སྐམ་ལྟ་བུ་ནི་ཟས་བསོད་པ་ཡིན་ནོ། །ཞེས་སོགས་བྱུང༌། འདིའིདོན་ལ་བཞི་ལས། དང་པོ་གླེང་གཞི་ནི་སེར་སྐྱའི་གནས་སུ་དྲུག་སྡེས་ཟས་བསོད་པ་བླངས་ཏེ། ཟོས་པ་ལས་ལྟུང་བྱེད་དུ་བཅས་སོ། །གཉིས་པ་དགག་བྱ་ནི་རང་འདོད་པ་ཆེ་བ་དང༌། སྦྱིན་བདགགི་ལོངས་སྤྱོད་ལ་གནོད་པའོ། །གསུམ་པ་ངོ་བོ་ནི་བཅས་ལྡན་དགེ་སློང་གིས་ཁྱིམ་པ་ཉེ་དུ་མཡིན་པ་ལ་ཡུལ་དུས་དེ་ན་ཟས་བསོད་པར་གྲགས་པ་ངག་གི་རིག་བྱེད་ཀྱིས་བསླངས་ཏེ་ཟོས་པ་ལས་གྱུར་པའི་ལྟུང་བྱེད་དངོས་གཞིའོ། །བཞི་བ་ཡན་ལག་ལ་བཞི་ལས། དང་པོ་གཞིའི་ཡནལག་ལ་གསུམ་ལས། དང་པོ་གང་ལ་བསླང་བའི་ཡུལ་ནི་ཁྱིམ་པ་ཆོས་དྲུག་ལྡན་སྔར་སྨོས་སོ། །

གཉིས་པ་གང་བསླང་ཞིང་བཟའ་བའི་དངོས་པོ་ལ་ལྔ་ལས། སྨན་བཞི་ལས་གང་ཡང་རུང་བ་ཡིནཔ་དང༌། འོ་མ་དང་ཞོ་དང་ཤ་སྐམ་ལ་སོགས་པས་དུས་སུ་རུང་བ་བསྟན་ཞིང༌། མར་དང་ཞེསཔས་ཞག་བདུན་པ་བསྟན་ལ། ལྟ་བུ་ནི་ཞེས་པས་ནི་ཐུན་ཚོད་དུ་རུང་བ་དང་འཚོ་བའི་བར་དུ་བཅངཔ་གཉིས་མཚོན་ནས་བསྟན་ཏོ། །སྦྱིན་བདག་དེ་ཉིད་ཀྱི་ཡིན་པ་སྟེ་སྔར་བཤད་པ་བཞིན་ནོ། །ཡུལ་དུས་དེ་ན་ཟས་བསོད་པར་གྲགས་པ་ཡིན་པ་དང༌། རུང་བ་དང་ཚད་དང་ལྡན་པ་སྟེ་ལྔའོ། །

གསུམ་པ་གང་གིས་སློང་ཞིང་ཟ་བའི་རྟེན་ནི།

གནང་བའི་རྐྱེན་ཅན་ནད་པ་མ་ཡིན་པ་སྟེ། ཊཱི་ཀལས། ན་བ་ལ་ནི་ཐམས་ཅད་དུ་ལྟུང་བ་མེད། ཅེས་སོ། །གཉིས་པ་བསམ་པའི་ཡན་ལག་ལགཉིས་ལས། འདུ་ཤེས་ནི་གཞི་ལ་མ་འཁྲུལ་བའོ། །ཀུན་སློང་ནི་རང་གར་རང་གི་དོན་དུ་བསླངསཏེ་བཟའ་བར་འདོད་པ་རྒྱུན་མ་ཆད་པའོ། །གསུམ་པ་སྦྱོར་བ་ནི་ངག་མཚན་ཉིད་ལྔ་ལྡན་གྱིསབསླངས་ཏེ་ཟ་བར་ཞུགས་པའོ། །བཞི་བ་མཐར་ཐུག་ནི་མགུལ་དུ་མིད་པའོ། །

བཅུ་ཚན་ལྔ་པ་ལ་སྡོམ་དང་སོ་སོར་བཤད་པ་དང་གཉིས། དང་པོ་ནི།

སོར་སྡོམ་ལས། སྲོག་ཆགས་བཅས་དང་ཉལ་སར་འདུག །འགྲེང་དང་གཅེར་བུ་དམག་དང་ནི། །ཞག་གཉིས་བཤམདཀྲུག་འགྲོ་བ་དང༌། །རྡེག་དང་གཟས་དང་གནས་ངན་ལེན། །ཞེས་གཟུང་བར་བྱའོ། །གཉིས་པསོ་སོར་བཤད་པ་ལ་བཅུ་ལས། དང་པོ་ཞེ་གཅིག་པ་སྲོག་ཆགས་དང་བཅས་པའི་ཆུ་ལ་སྤྱོད་པའི་ལྟུངབྱེད་འཆད་པ་ལ། རྩ་བར། རང་སྤྱོད་པའི་དོན་ཉིད་ལ་འཇུག་པ་དང་འཇུག་ཏུ་འཛུད་པ་དག་ལའོ། །ཞེས་སོགས་བྱུང༌། འདིའི་དོན་ལ་བཞི་ལས། དང་པོ་གླེང་གཞི་ནི་ཡུལ་ཀོའུ་ཤམ་བྷིར་འདུན་པས་སྲོགཆགས་དང་བཅས་པའི་ཆུ་ལ་ལོངས་སྤྱད་པས་ལྟུང་བྱེད་དུ་བཅས་སོ། །གཉིས་པ་དགག་བྱ་ནི་དུདའགྲོའི་སྲོག་ལ་གནོད་པའོ། །གསུམ་པ་ངོ་བོ་ནི་བཅས་ལྡན་དགེ་སློང་གིས་རང་ཁོ་ནའི་དོན་དུ་ཆུ་དངས་དང་ཤིང་ལ་སོགས་པ་སྲོག་ཆགས་དང་བཅས་པ་ལ་སྲོག་ལ་མ་ལྟོས་པའི་བསམ་པས་གཞི་མའི་ཞར་ལ་སྤྱད་པས་དུད་འགྲོ་ཤི་བ་ལས་གྱུར་པའི་ལྟུང་བ་དངོས་གཞིའོ། །བཞི་བ་ཡན་ལག་ལ་བཞིལས། དང་པོ་གཞིའི་ཡན་ལག་ནི། སྔར་གྱི་སྲོག་ཆགས་དང་བཅས་པའི་སྐབས་དང་འདྲའོ། །གཉིསཔ་བསམ་པའི་ཡན་ལག་ལ་གཉིས་ལས། འདུ་ཤེས་ནི་གཞི་ལ་མ་འཁྲུལ་བའོ། །ཀུན་སློང་ནི་རང་ཁོ་ནའི་དོན་དུ་སྲོག་ལ་མ་ལྟོས་པར་གཞི་མའི་ཞར་ལ་སྲོག་ཆགས་དང་བཅས་པ་ལ་སྤྱོད་པར་འདོད་པ་རྒྱུན་མ་ཆད་པའོ། །གསུམ་པ་སྦྱོར་བ་ནི་རང་ངམ་བསྐོས་པས་སྲོག་ཆགས་དང་བཅས་པ་ལ་སྤྱོད་པརཞུགས་པའོ། །བཞི་བ་མཐར་ཐུག་ནི་སྦྱོར་བ་དེའི་རྐྱེན་གྱིས་དུད་འགྲོ་ཤི་བའོ། །ཆུ་ལ་སྲོག་ཆགསཡོད་མེད་བརྟག་པ་ནི། གང་ཟག་གང་གིས་བརྟག་པ་ནི་སྙིང་རྗེ་ཅན་གྱིས་ཏེ། ཀཱ་རི་ཀ་ལས། སྙིངརྗེ་ཅན་གྱིས། ཞེས་སོ། །མིག་གང་གིས་བརྟག་པ་ནི་ཐ་མལ་པའི་མིག་ནད་མེད་པའོ། །ཚུལ་ཇིལྟར་བརྟག་པ་ནི་ཆུའི་སྟེང་དང་བར་དང་གཏིང་རིམ་པ་བཞིན་དུ་བརྟག་སྟེ། ཀཱ་རི་ཀ་ལས། སྟེངདང་བར་གཏིང་རིམ་བཞིན་ནོ། །ཞེས་སོ། །ཡུན་ཇི་སྲིད་དུ་བརྟག་པ་ནི། ཡུན་རིང་ཡང་རུང་ཐུང་ཡངརུང༌། ལུང་ལས། ཇི་སྲིད་ཀྱིས་སེམས་དག་པར་གྱུར་པ་དེ་སྲིད་དུ་བརྟག་པར་བྱའོ། །ཞེས་གསུངསསོ། །ཆུ་བརྟག་པའི་ཉེ་འཁོར་གྱི་ཚད་ནི། འདོམ་གང་ཁོར་ཡུག་སྟེ། བརྟགས་པ་ནས་འདོམ་གངཁོར་ཡུག་ནི་དེ་ཉིད་ཡིན་ནོ། །ཞེས་སོ། །ལོངས་སྤྱོད་པའི་དུས་ནི། ཆུ་ལན་ཅིག་བརྟགས་ནསཕྱི་དེ་ཉིན་པར་གྱི་ཉི་མ་འཆར་ཀ་ཚུན་ལོངས་སྤྱད་དུ་རུང་ངོ༌། །

ཞེ་གཉིས་པ་ཉལ་པོ་བྱེད་པར་ཤོམ་པའི་ཁྱིམ་ན་འདུག་པའི་ལྟུང་བྱེད་འཆད་པ།

ཞེ་གཉིས་པ་ཉལ་པོ་བྱེད་པར་ཤོམ་པའི་ཁྱིམ་ན་འདུག་པའི་ལྟུང་བྱེད་འཆད་པ་ལ།

རྩ་བར། ཤེས་གཙོའོ། །ཞུགས་པའམ་ཕྱོགས་པ་ལའོ། །སྤྲོད་པ་ལའོ། །ཞེས་སོགས་བྱུང༌། འདིའིདོན་བཤད་པ་ལ་བཞི་ལས། དང་པོ་གླེང་གཞི་ནི་མཉན་ཡོད་དུ་འཆར་ཀས་བདག་སོང་ལ་རེ་བམེད་པར་བྱའོ་སྙམ་ནས་ཉལ་པོ་བྱེད་པར་འདོད་པའི་ཁྱིམ་དུ་འདུག་པ་ལས་ལྟུང་བྱེད་དུ་བཅས་སོ། །

གཉིས་པ་དགག་བྱ་ནི་གཞན་གྱི་འཁྲིག་པའི་ལོངས་སྤྱོད་ལ་གནོད་པ་དང་རང་ཆགས་པའི་རྒྱུརགྱུར་པའོ། །གསུམ་པ་ངོ་བོ་ནི་བཅས་ལྡན་དགེ་སློང་གིས་ཁྱིམ་པ་ཕོ་མོ་ཉལ་པོ་བྱེད་པ་ལ་ཞུགསཔའམ་དེའི་སྟ་གོན་དུ་གནས་པ་ལ་དེ་དང་སྐྱབས་མེད་པར་མངོན་སུམ་དུ་འདོམ་གང་གི་ནང་དུ་འདུག་པ་རྫོགས་པའམ་ཚོར་བྱ་ཚོར་བྱེད་ཀྱིས་ཚོར་བ་ལས་གྱུར་པའི་ལྟུང་བ་དངོས་གཞིའོ། །

བཞི་བ་ཡན་ལག་ལ་བཞི་ལས། དང་པོ་གཞིའི་ཡན་ལག་ལ། གང་དང་འདུག་པའི་ཡུལ་དང༌། གང་གིས་འདུག་པའི་རྟེན་དང༌། གང་དུ་འདུག་པའི་གནས་དང་གསུམ། དང་པོ་ལ་བདུན་ལས།

ཁྱིམ་པ་ཕོ་མོ་ཡིན་པ་དང༌། སྤྲོད་པ་ལ་དངོས་སུ་ཞུགས་པའམ་ཉེ་བར་ཕྱོགས་པ་ཡིན་པ་དང༌། སྐྱེསཔ་དང་བུད་མེད་ཀྱི་མཚན་དོན་ཡོད་པ་དང༌། གཉིས་ཀའི་མཚན་རྟེན་དུ་རུང་བ་དང༌། རྫུ་འཕྲུལགྱི་ཆོས་ཅན་མ་ཡིན་པ་དང༌། །ཐ་སྙད་བཞི་དང་ལྡན་པ་དང༌། ལུས་ཐ་མལ་པར་གནས་པའོ། །

གཉིས་པ་གང་གིས་འདུག་པའི་རྟེན་ནི།

འཇིགས་པའི་རྐྱེན་དབང་མ་ཡིན་པ་སྟེ། འོག་མ་ལ་བཤདཔའི་གནད་ཀྱིས་སྦྱར་རོ། །གསུམ་པ་གང་དུ་འདུག་པའི་གནས་ལ་ལྔ་ལས། དགེ་སློང་རང་མི་དབང་བའི་གནས་ཡིན་པ་སྟེ། གནས་གཞན་ཉིད་ནའོ། །ཞེས་སོ། །གནས་གཅིག་ཡིན་པ་སྟེ། ཁྱིམ་གཞན་དུ་ནི་ཐ་དད་པ་ཉིད་དོ། །ཞེས་གསུངས་པས་སོ། །གནས་དེ་ན་བགེགས་བྱེདགཞན་མེད་པ་སྟེ། ཞེས་གསུངས་པས་སོ། །དེ་གཉིས་དང་དགེ་སློང་གི་བར་ན་སྐྱབས་མེད་པ་སྟེ།

མངོན་སུམ་དུ་ཞེས་སོ། །འདོམ་གང་གི་ནང་ཡིན་པ་སྟེ། ལུང་རྣམ་འབྱེད་ལས། འདུག་པ་ཞེསབྱ་བ་ནི་འདོམ་གང་གི་ནང་དུ་རྐུབ་ཚོས་བཞག་ནའོ། །ཞེས་དང༌། ལུང་དེའི་འགྲེལ་པ་ལས།

འདོམ་གང་གི་ཕྱི་རོལ་ཏུ་ནི་ཉེས་བྱས་ཏེ། མཐོང་བ་དང་ཐོས་པ་ཚུན་ཆད་དོ། །ཞེས་གསུངསསོ། །གཉིས་པ་བསམ་པའི་ཡན་ལག་ལ་གཉིས་ལས། འདུ་ཤེས་ནི་གཞི་ལ་མ་འཁྲུལ་བའོ། །

ཀུན་སློང་ནི་ཉལ་པོ་བྱེད་པར་ཤོམ་པའི་ཁྱིམ་ན་རང་གར་འདུག་པར་འདོད་པ་རྒྱུན་མ་ཆད་པའོ། །

གསུམ་པ་སྦྱོར་བ་ནི་འདུག་པར་རྩོམ་པའོ། །བཞི་བ་མཐར་ཐུག་ནི། མངོན་སུམ་དུ་འདུག་པརྫོགས་པ་སྟེ་མཐར་ཐུག་ཚོར་བྱ་དང་ཚོར་བྱེད་ཀྱིས་ཚོར་བའོ་ཞེས་མཚོ་ཊཱིཀ་ལས་མཐར་ཐུག་གི་ཡན་ལག་དེ་ལྟར་གསུངས་བ་བཞིན་འདུལ་བ་བདུད་རྩིའི་ཉིང་ཁུ་ལས། ཀུན་སློང་དེ་དགདང་གནས་གཅིག་ཏུ་སྦྱོར་བ་མངོན་སུམ་དུ་བརྣགས་ཏེ་འདུག་པར་བསམས་ནས། མཐར་ཐུག་དེདག་གིས་ཚོར་བར་འདུག་པ་ན་ལྟུང་བའོ། །ཞེས་གསུངས་སོ། །ཀུན་མཁྱེན་འཇམ་དབྱངསབཞད་པས། མངོན་སུམ་དུ་འདུག་པ་ལས་གཞན་མ་གསུངས་སོ། །སྐབས་འདིའི་མདོ་རྩ་ལས། མངོན་སུམ་དུ་བརྣག་པས་འདུག་ནའོ། །ཞེས་དང༌། འགྲེང་བའི་ལྟུང་བྱེད་ཀྱི་སྐབས་སུ་མདོ་རྩ་ལས། ཚོར་བྱ་དག་དང་ཚོར་བྱེད་གཉིས་ཀྱིས་མ་ཚོར་ན་ཉེས་བྱས་སོ། །ཞེས་གསུངས་སོ། །

ཞེ་གསུམ་པ་ཉལ་པོ་བྱེད་པར་ཤོམ་པའི་ཁྱིམ་ན་འགྲེང་བའི་ལྟུང་བྱེད་འཆད་པ།

ཞེ་གསུམ་པ་ཉལ་པོ་བྱེད་པར་ཤོམ་པའི་ཁྱིམ་ན་འགྲེང་བའི་ལྟུང་བྱེད་འཆད་པ་ལ།

རྩབར། དབེན་པར་བརྣག་པས་འགྲེང་ནའོ། །སྐྱབས་ཡོད་པར་རོ། །ཞེས་སོགས་བྱུང༌། འདིའི་དོན་ལབཞི་ལས། དང་པོ་གླེང་གཞི་ནི་མཉན་ཡོད་དུ་འཆར་ཀས་བདག་སོང་ལ་བལྟའོ་སྙམ་ནས་ཉལ་པོབྱེད་པའི་ཁྱིམ་དུ་འགྲེང་བ་ལས་ལྟུང་བྱེད་དུ་བཅས་སོ། །གཉིས་པ་དགག་བྱ་དང་གསུམ་པ་ངོབོ་བཞི་བ་ཡན་ལག་རྣམས་གཞན་སྔར་དང་འདྲ་བ་ལས། ཁྱད་པར་ནི་འདུག་ནའོ་ཞེས་པའིགནས་སུ་འགྲེང་ནའོ་ཞེས་གསུངས་ལ། སྔར་སྐྱབས་མེད་པ་ལ་མངོན་སུམ་དུ་ཞེས་པའི་གནསསུ་འདིར་ནི་དེ་གཉིས་དང་དགེ་སློང་གི་བར་ན་སྐྱབས་ཡོད་པར་རོ་ཞེས་པ་དང་དབེན་པར་ཞེསགསུངས་སོ། །འདིའི་མཐར་ཐུག་ནི་ཚོར་བྱ་ཚོར་བྱེད་ཀྱིས་ཚོར་བའོ། །ཉལ་པོ་ཤོམ་པའི་ཁྱིམ་ན་འདུག་པ་དང་འགྲེང་བ་གཉིས་པོ་འདི་ལ་མཐོང་བའི་སྤྱོད་ཡུལ་གྱི་མཐའ་ཚུན་ཆད་ནི་ལྟུང་བྱེད་བསྐྱེད་པའི་གནས་ཀྱི་མཐའ་ཡིན་ནོ་ཞེས་བམ་པོ་ལྔ་བཅུ་པའི་བཤད་ལུགས་ཏེ། དེ་ཉིད་ལས། མཐོང་བའི་སྤྱོད་ཡུལ་གྱི་མཐའ་ཚུན་ཆད་ལ་ན་སྨད་པ་མེད་དོ། །ཞེས་སོ། །འོན་ཀྱང་ལུངརྣམ་འབྱེད་དང་དེའི་འགྲེལ་པ་ལས་ལྟུང་བྱེད་འདི་ལ། འདོམ་གང་གི་ནང་ཡན་ལག་ཏུ་གསུངསཔ་སྔར་བཤད་པའི་དེའི་རྗེས་སུ་འབྲངས་ཏེ་འདུག་འགྲེང་གཉིས་པོ་འདི་ལ་མཐོང་བའི་སྤྱོད་ཡུལགྱི་མཐའ་ཚུན་ཆད་ནི་ཉེས་པ་ཙམ་བསྐྱེད་པའི་གནས་ཀྱི་མཐའ་ཡིན་ནོ་ཞེས་མཚོ་ཊཱིཀ་ལས་སོ། །

ཞེ་བཞི་པ་གཅེར་བུ་ལ་སྦྱིན་པའི་ལྟུང་བྱེད་འཆད་པ།

ཞེ་བཞི་པ་གཅེར་བུ་ལ་སྦྱིན་པའི་ལྟུང་བྱེད་འཆད་པ་ལ།

རྩ་བར། ཕོ་ཡང་རུང་མོ་ཡང་ རུང་བ་ལའོ། །ཞེས་སོགས་བྱུང༌། འདིའི་དོན་ལ་བཞི་ལས། དང་པོ་གླེང་གཞི་ནི་མཉན་ཡོད་དུ་ཀུནདགའ་བོས་མ་བརྟགས་པར་གཅེར་བུ་ལ་ཟས་སྦྱིན་པ་ལས་ལྟུང་བྱེད་དུ་བཅས་སོ། །གཉིས་པ་དགག་བྱ་ནི་ཆེས་མཆོད་པའི་གནས་སུ་བྱེད་དོ་ཞེས་གཞན་དག་མ་དད་པ་སྐྱེ་བའོ། །གསུམ་པ་ངོ་བོ་ནི་བཅསལྡན་དགེ་སློང་གིས་མུ་སྟེགས་ཀྱི་རབ་ཏུ་བྱུང་བ་ལ་དགོས་པ་ཁྱད་པར་ཅན་ལ་མ་ལྟོས་པར་ངགགི་རིག་བྱེད་ཀྱིས་ཟས་བྱིན་ཞིང་དེས་བླངས་པ་ལས་གྱུར་པའི་ལྟུང་བ་དངོས་གཞིའོ། །བཞི་བ་ཡན་ལགལ་བཞི་ལས། དང་པོ་གཞིའི་ཡན་ལག་ལ། གང་ལ་སྦྱིན་པའི་ཡུལ་དང༌། གང་སྦྱིན་པའི་དངོས་པོ་དངགཉིས། དང་པོ་ལ་བདུན་ལས་མུ་སྟེགས་ཀྱི་རབ་བྱུང་ཡིན་པ་དང༌། རང་གི་ཉེ་དུ་མ་ཡིན་པ་དང༌། གདུལབྱ་ལ་ལྟོས་པ་མ་ཡིན་པ་དང༌། ནད་པ་མ་ཡིན་པ་དང༌། བདག་ལས་རྫས་ཀྱི་སྒོ་ནས་ཐ་དད་པ་དང༌། ཐ་སྙདལྔ་ལྡན་དང༌། ལུས་ཐ་མལ་པར་གནས་པའོ། །གཉིས་པ་གང་སྦྱིན་པའི་དངོས་པོ་ལ། དུས་སུ་རུང་བ་ཡིནཔ་དང༌། རང་གི་ཡིན་པ་དང༌། རང་དང་མུ་སྟེགས་ཅན་དེ་ལ་རུང་བ་དང་ཚད་དང་ལྡན་པ་སྟེ་བཞིའོ། །

གཉིས་པ་བསམ་པའི་ཡན་ལག་ལ་གཉིས་ལས། འདུ་ཤེས་ནི་གཞི་ལ་མ་འཁྲུལ་བའོ། །ཀུན་སློངནི་རང་གར་མུ་སྟེགས་ཅན་ལ་ཟས་སྦྱིན་པར་འདོད་པ་རྒྱུན་མ་ཆད་པའོ། །གསུམ་པ་སྦྱོར་བ་ནི་ངགམཚན་ཉིད་ལྔ་ལྡན་གྱིས་བརྗོད་ཅིང་ལུས་སམ་ལུས་དང་འབྲེལ་བས་སྦྱིན་པར་ཞུགས་པའོ། །

བཞི་བ་མཐར་ཐུག་ནི་སྦྱིན་ཡུལ་དེས་ཐོབ་བློ་སྐྱེས་པའོ། །

ཞེ་ལྔ་པ་དམག་ལ་བལྟ་བའི་ལྟུང་བྱེད་འཆད་པ།

ཞེ་ལྔ་པ་དམག་ལ་བལྟ་བའི་ལྟུང་བྱེད་འཆད་པ་ལ།

རྩ་བར། གཡུལ་ལ་མངོན་པརདགའ་བའི་དམག་ལ་བལྟ་བའི་དོན་ཉིད་ཀྱིས་སོ། །ཞེས་སོགས་བྱུང༌། འདིའི་དོན་ལ་བཞི་ལས།

དང་པོ་གླེང་གཞི་ནི་མཉན་ཡོད་དུ་དྲུག་སྡེས་དམག་ལ་བལྟས་པ་ལས་ལྟུང་བྱེད་དུ་གསུངས་སོ། །

གཉིས་པ་དགག་བྱ་ནི་རང་གཞན་གྱི་ལུས་སྲོག་ལ་གནོད་པའོ། །གསུམ་པ་ངོ་བོ་ནི་བཅས་ལྡནདགེ་སློང་གིས་རང་རྒྱལ་པོ་ལ་སོགས་པས་བོས་པ་མེད་པར་དམག་མཚན་ཉིད་དང་ལྡན་པ་དངོསསུ་འཐབ་པའམ། འཐབ་པའི་སྟ་གོན་དུ་གནས་པ་ལ་རང་གང་ན་འདུག་པ་དེའི་ཉེ་འཁོར་ལས་འདས་ཏེ་བལྟས་པ་ལས་གྱུར་པའི་ལྟུང་བ་དངོས་གཞིའོ། །བཞི་བ་ཡན་ལག་ལ་བཞི་ལས། དངཔོ་གཞིའི་ཡན་ལག་ལ། གང་ལ་བལྟ་བའི་ཡུལ་དང༌། གང་ནས་བལྟ་བའི་གནས་དང༌། གང་གིསབལྟ་བའི་རྟེན་དང་གསུམ། དང་པོ་ལ་དྲུག་ལས། དངོས་སུ་འཐབ་པའམ་སྟ་གོན་དུ་གནས་པདང༌། བཞི་ཡན་ཆད་དུ་ལོངས་པས་དམག་གི་མཚན་ཉིད་དུ་གྲུབ་པ་དང༌། དེ་དག་ཁྱིམ་པ་ཡིན་པདང༌། སྐྱེས་པ་ཡིན་པ་དང༌། ཐ་སྙད་ལྔ་ལྡན་དང༌། ལུས་ཐ་མལ་པར་གནས་པའོ། །གཉིས་པལ་གང་ནས་བལྟ་བའི་གནས་ལ་གཉིས་ལས། རང་གང་ན་འདུག་པ་དེ་ནས་འཕགས་ཤིང་ཉེའཁོར་ལས་འདས་པ་ཡིན་པ་སྟེ། རྩ་བར། འཕགས་པའི་ཉེ་འཁོར་གྱི་མཐའ་ལས་འདས་ཏེ་མཐོངནའོ། །ཞེས་དང༌། ཊཱི་ཀ་ལས། ཉེ་འཁོར་གྱི་མཐའ་ལས་མ་འདས་པར་དགེ་སློང་གིས་བཞིན་བསྒྱུརབ་ཙམ་གྱིས་མཐོང་བ་ལ་ནི་ཉེས་བྱས་སུ་འགྱུར་རོ། །ཞེས་སོ། །ལེགས་པར་ཐ་སྙད་གདགསསུ་རུང་བ་སྟེ། གཞན་དུ་ན་དགག་བྱ་མི་རྫོགས་པའི་ཕྱིར་རོ། །གསུམ་པ་གང་གིས་བལྟ་བའི་རྟེན་ནི།

རྒྱལ་པོ་ལ་སོགས་པས་བོས་པ་མ་ཡིན་པའོ། །གཉིས་པ་བསམ་པའི་ཡན་ལག་ལ་གཉིས་ལས།

འདུ་ཤེས་ནི་གཞི་ལ་མ་འཁྲུལ་བའོ། །ཀུན་སློང་ནི་རང་གར་དམག་ལ་བལྟ་བར་འདོད་པ་རྒྱུན་མཆད་པའོ། །གསུམ་པ་སྦྱོར་བ་ནི་དམག་ལ་བལྟ་བར་ཞུགས་པའོ། །བཞི་བ་མཐར་ཐུག་ནི་དམགམཐོང་བའོ། །བརྒྱད་སྟོང་འགྲེལ་བ་ལས། གྲོང་ཁྱེར་ནི་བཟོའི་བྱེ་བྲག་བཅོ་བརྒྱད་ཡོད་པའི་གནསསོ། །གྲོང་རྡལ་ནི། ཚོང་པ་མང་པོ་ཡོད་པའི་གནས་ཀྱི་ཁྱད་པར་རོ། །ལྗོངས་ནི་མི་རིགས་བཞི་ཡོདཔའི་ས་ཕྱོགས། ཞེས་གསུངས་སོ། །

ཞེ་དྲུག་པ་དམག་གི་ནང་ན་གནས་པའི་ལྟུང་བྱེད་འཆད་པ།

ཞེ་དྲུག་པ་དམག་གི་ནང་ན་གནས་པའི་ལྟུང་བྱེད་འཆད་པ་ལ།

རྩ་བར། དེ་དགམེད་པར་དེར་ཉིན་མཚན་གཉིས་ལས་ལྷག་པར་འདུག་ནའོ། །ཞེས་སོགས་བྱུང༌། འདིའི་དོནལ་བཞི་ལས། དང་པོ་གླེང་གཞི་ནི་དྲུག་སྡེས་མཉན་ཡོད་ནས་སོང་སྟེ་རི་བྲག་པ་དང་ཉེ་བར་དམགགི་ནང་ན་གནས་པ་ལས་ལྟུང་བྱེད་དུ་བཅས་སོ། །གཉིས་པ་དགག་བྱ་ནི་རང་ངམ་གཞན་གྱི་ལུསསྲོག་ལ་གནོད་པའོ། །གསུམ་པ་ངོ་བོ་ནི་བཅས་ལྡན་དགེ་སློང་གིས་དམག་གི་མཚན་ཉིད་དུ་གྲུབཔའི་ནང་དུ་གནས་ཏེ་དགོས་པ་མེད་པའི་མཚན་མོ་གཅིག་ཡན་ཆད་འདས་པ་ལས་གྱུར་པའི་ལྟུང་བ་དངོས་གཞིའོ། །བཞི་བ་ཡན་ལག་ལ་བཞི་ལས། དང་པོ་གཞིའི་ཡན་ལག་ལ། གང་དངགནས་པའི་ཡུལ་དང༌། གང་དུ་གནས་པའི་གནས་དང༌། གང་གི་ཚེ་གནས་པའི་དུས་དང་གསུམ།

དང་པོ་ལ་ལྔ་སྟེ། འཐབ་པའམ་སྟ་གོན་དུ་གནས་པ་ཡན་ལག་ཏུ་མི་དགོས། གཞན་ལྔ་པོ་སྔ་མདང་འདྲའོ། །གཉིས་པ་ནི་དམག་དེའི་ནང་ཁོངས་སུ་གཏོགས་པ་སྟེ་རྣམ་འབྱེད་ལས། དམག་དེའིནང་དུ་ཞེས་བྱ་བ་ནི་དམག་ཆས་པ་དེའི་ནང་དུའོ། །ཞེས་གསུངས་སོ། །གསུམ་པ་ནི་དམག་དེའིནང་ཁོངས་སུ་གནས་པ་ལ་དགོས་པ་མེད་པའི་དུས་ཡིན་པའོ། །ཊཱི་ཀ་ལས། དེའི་ཕྱིར་ཉིན་མཚནགཉིས་ཀྱི་མཐའི་སྐད་ཅིག་ཅེས་བྱ་བའི་ཉིན་མཚན་གསུམ་པའི་སྐྱ་རེངས་དང་པོ་ཤར་ན། ཞེསསོ། །གཉིས་པ་བསམ་པའི་ཡན་ལག་ལ་གཉིས་ལས། འདུ་ཤེས་ནི་གཞི་ལ་མ་འཁྲུལ་བའོ། །ཀུནསློང་ནི་རང་དགར་དམག་གི་ནང་ན་གནས་པར་འདོད་པ་རྒྱུན་མ་ཆད་པའོ། །གསུམ་པ་སྦྱོར་བ་ནིདེར་གནས་པར་བྱེད་པའོ། །བཞི་བ་མཐར་ཐུག་ནི་དགོས་པ་མེད་པའི་དུས་ཀྱི་མཚན་མོ་མཐའིསྐད་ཅིག་གོ། །

ཞེ་བདུན་པ་དཔུང་གི་ཡན་ལག་ཉམས་སུ་མྱོང་བའི་ལྟུང་བྱེད་འཆད་པ།

ཞེ་བདུན་པ་དཔུང་གི་ཡན་ལག་ཉམས་སུ་མྱོང་བའི་ལྟུང་བྱེད་འཆད་པ་ལ།

རྩ་བར། དཔུང་གི་ཡན་ལག ཅེས་སོགས་བྱུང༌། འདིའི་དོན་ལ་བཞི་ལས། དང་པོ་གླེང་གཞི་ནི་དྲུག་སྡེསམཉན་ཡོད་ནས་སོང་སྟེ། རི་བྲག་པ་དང་ཉེ་བར་དམག་བཤམས་པ་བཀྲུག་པ་ལ་སོགས་པ་བྱསཔ་ལས་ལྟུང་བྱེད་དུ་བཅས་སོ། །གཉིས་པ་དགག་བྱ་ནི་རང་གཞན་གྱི་ལུས་སྲོག་ལ་གནོད་པའོ། །

གསུམ་པ་ངོ་བོ་ནི་དཔུང་གི་ཡན་ལག་ཉམས་སུ་མྱོང་བའོ་ལྟུང་བྱེད་འདི་ལ་གསུམ་སྟེ། དམགལ་རེག་པ་དང་བཤམས་པ་དཀྲུག་པ་དང༌། དམག་ལ་བལྟ་བའོ། །དང་པོ་གཉིས་ནི་རྒྱལ་པོ་ལསོགས་པས་བོས་ཀྱང་རུང་མ་བོས་ཀྱང་རུང་སྟེ། བཅས་ལྡན་དགེ་སློང་གིས་དམག་ལ་རེག་པདང༌། གཡུལ་བཤམས་པ་དཀྲུགས་པ་ལས་གྱུར་པའི་ལྟུང་བ་དངོས་གཞིའོ། ། གསུམ་པ་ནི་དགེ་སློང་དེ་རྒྱལ་པོ་ལ་སོགས་པས་བོས་པའི་ཚེ་ན་འཕགས་ཤིང་ཉེ་འཁོར་གྱི་མཐའ་ལས་འདས་ཏེ་དམག་ལ་བལྟ་བའི་དཔུང་གི་ཡན་ལག་ཉམས་སུ་མྱོང་བའི་ལྟུང་བྱེད་དོ། །འོ་ན་འདི་དང་སྔརགྱི་དམག་ལ་བལྟ་བའི་ལྟུང་བྱེད་ཀྱི་ཁྱད་པར་ཅི། འདི་ནི་རྒྱལ་པོ་ལ་སོགས་པས་བོས་པའི་དགེསློང་གིས་དམག་ལ་བལྟ་བ་ཡིན་ལ། སྔ་མ་ནི་རྒྱལ་པོ་ལ་སོགས་པས་མ་བོས་པའི་དགེ་སློང་གིསདམག་ལ་བལྟ་བ་སྟེ། ལུང་གི་གླེང་གཞི་ལས། རྒྱལ་པོས་མ་བོས་པ་དང་བོས་པར་གསུངས་པདེ་ཤེས་བྱེད་ཡིན་ནོ། །བཞི་བ་ཡན་ལག་ལ་བཞི་ལས། དང་པོ་གཞིའི་ཡན་ལག་ལ། རེག་པ་དངབཤམས་པ་དཀྲུགས་པ་གཉིས་ཀྱི་གཞིའི་ཡན་ལག་དང༌། སྐབས་འདིའི་དམག་ལ་བལྟ་བའིགཞིའི་ཡན་ལག་དང་གཉིས། དང་པོ་ནི་རེག་པ་དང་བཤམས་པ་དཀྲུག་པའི་ཡུལ་དེ་དམག་ཆོསདྲུག་ལྡན་ཏེ་སྔར་དམག་ལ་བལྟ་བའི་ཡུལ་དང་འདྲའོ། །གཉིས་པ་ལ་གསུམ་སྟེ་གང་ལ་བལྟ་བའིཡུལ་དང༌། གང་ནས་བལྟ་བའི་གནས་དང༌། གང་གིས་བལྟ་བའི་རྟེན་ནོ། །དང་པོ་གཉིས་ནི་སྔརགྱི་དམག་ལ་བལྟ་བ་དང་འདྲའོ། །གསུམ་པ་ནི་དགེ་སློང་དེ་རྒྱལ་པོ་ལ་སོགས་པས་བོས་པ་ཡིནཔའོ། །གཉིས་པ་བསམ་པའི་ཡན་ལག་ལ་གཉིས་ལས། འདུ་ཤེས་ནི་གཞི་ལ་མ་འཁྲུལ་བའོ། །

ཀུན་སློང་ནི་རང་དགར་རེག་པའམ་བཤམས་པ་དཀྲུག་པའམ་བལྟ་བར་འདོད་པ་རྒྱུན་མ་ཆདཔའོ། །གསུམ་པ་སྦྱོར་བ་ནི་རེག་པའམ་བཤམས་པ་དཀྲུག་པའམ་བལྟ་བར་ཞུགས་པའོ། །བཞིབ་མཐར་ཐུག་ནི་དམག་ལ་རེག་པ་ལ་སོགས་པ་ཉམས་སུ་མྱོང་བའོ། །བརྒྱད་སྟོང་འགྲེལ་བ་ལས།

འདི་ལྟར་གསུངས་ཏེ་རྟའི་དཔུང་ནི་རྟ་པ་གཅིག་རྐང་པ་བསྲུང་བ་བཞི་དང་བཅས་པའོ། །གླང་པོ་ཆེའི་དཔུང་ནི་གླང་པོ་ཆེའི་བསྲུང་མ་བརྒྱད་དང་བཅས་པའོ། །ཤིང་རྟའི་དཔུང་ནི་ཤིང་རྟ་བསྲུངམ་བཅུ་དྲུག་དང་བཅས་པའོ། །དཔུང་བུ་ཆུང་ནི་རྐང་ཐང་བཅུ་དྲུག་གོ་ཞེས་བཤད་དོ་མི་དེ་དགཐམས་ཅད་ནི་སྐྱེས་པ་གོ་ཆ་གྱོན་པ་མཚོན་ཆ་ཐོགས་པའོ། །

ཞེ་བརྒྱད་པ་བརྡེག་པའི་ལྟུང་བྱེད་འཆད་པ་ལ།

རྩ་བར། རྙོག་པ་ཅན་གྱི་སེམས་ཉིདཀྱིས། ཞེས་སོགས་བྱུང༌། འདིའི་དོན་ལ་བཞི་ལས། དང་པོ་གླེང་གཞི་ནི་མཉན་ཡོད་དུ་འཆར་ཀསདགེ་སློང་ལ་བརྡེགས་པ་ལས་ལྟུང་བྱེད་དུ་བཅས་སོ། །གཉིས་པ་དགག་བྱ་ནི་རང་རིགས་ཀྱི་ལུསསྲོག་ལ་གནོད་པའོ། །གསུམ་པ་ངོ་བོ་ནི་བཅས་ལྡན་དགེ་སློང་གིས་རྙོག་པ་ཅན་གྱི་སེམས་ཀྱིསབརྡེག་པར་འདོད་པས་དགེ་སློང་གཞན་ལ་བརྡེགས་ཏེ་ཕོག་པ་ལས་གྱུར་པའི་ལྟུང་བ་དངོས་གཞིའོ། །

བཞི་བ་ཡན་ལག་ལ་བཞི་ལས། དང་པོ་གཞིའི་ཡན་ལག་ནི། གང་ལ་བརྡེག་པའི་ཡུལ་དགེ་སློངཆོས་དྲུག་ལྡན་ནོ། །གཉིས་པ་བསམ་པའི་ཡན་ལག་ལ་གཉིས་ལས། འདུ་ཤེས་ནི་གཞི་ལ་མ་འཁྲུལབའོ། །ཀུན་སློང་ནི་རང་དགར་རྙོག་པ་ཅན་གྱི་སེམས་ཀྱིས་བརྡེག་པར་འདོད་པ་རྒྱུན་མ་ཆད་པའོ། །གསུམ་པ་སྦྱོར་བ་ནི་བརྡེག་པར་ཞུགས་པའོ། །བཞི་བ་མཐར་ཐུག་ནི་ལུས་ལ་ཕོག་པའོ། །

ཞེ་དགུ་པ་གཟས་པའི་ལྟུང་བྱེད་འཆད་པ།

ཞེ་དགུ་པ་གཟས་པའི་ལྟུང་བྱེད་འཆད་པ་ལ།

རྩ་བར། བརྡེག་པར་གཟས་ནའོ། །རྫས་རེརེ་ལའོ། །ཞེས་བྱུང༌། འདིའི་དོན་ལ་བཞི་ལས། དང་པོ་གླེང་གཞི་ནི་མཉན་ཡོད་དུ་འཆར་ཀས་དགེསློང་ལ་བརྡེག་པར་གཟས་པ་ལས་ལྟུང་བྱེད་དུ་བཅས་སོ། །གཉིས་པ་དགག་བྱ་ནི་རང་རིགསཀྱི་སེམས་བདེ་བ་ལ་གནོད་པའོ། །གསུམ་པ་ངོ་བོ་ནི་བཅས་ལྡན་དགེ་སློང་གི་རྙོག་པ་ཅན་གྱིསེམས་ཀྱིས་དགེ་སློང་གཞན་ལ་བརྡེག་པར་གཟས་པ་ལས་གྱུར་པའི་ལྟུང་བ་དངོས་གཞིའོ། །བཞི་བ་ཡན་ལག་ལ་བཞི་ལས། དང་པོ་གཞིའི་ཡན་ལག་ནི་གང་ལ་གཟས་པའི་ཡུལ་དགེ་སློངཆོས་དྲུག་ལྡན་ནོ། །གཉིས་པ་བསམ་པའི་ཡན་ལག་ལ་གཉིས་ལས། འདུ་ཤེས་ནི་གཞི་ལ་མ་འཁྲུལབའོ། །ཀུན་སློང་ནི་རང་དགར་རྙོག་པ་ཅན་གྱི་སེམས་ཀྱིས་བརྡེག་པར་གཟས་པར་འདོད་པ་རྒྱུནམ་ཆད་པའོ། །གསུམ་པ་སྦྱོར་བ་ནི། བརྡེག་པར་གཟས་པར་ཞུགས་པའོ། །བཞི་བ་མཐར་ཐུགནི་གཟས་པ་རྫོགས་པའོ། །

ལྔ་བཅུ་པ་གནས་ངན་ལེན་འཆབ་པའི་ལྟུང་བྱེད་འཆད་པ་ལ།

རྩ་བར། ཕམ་པར་འགྱུར་བ་དང་དགེ་འདུན་གྱི་ལྷག་མ་དག་བཅབས་ནའོ། །ཞེས་སོགས་བྱུང༌། འདིའི་དོནལ་བཞི་ལས། དང་པོ་གླེང་གཞི་ནི་མཉན་ཡོད་དུ་ཉེ་དགས་གནས་ངན་ལེན་བཅབས་པ་ལས་ལྟུངབྱེད་དུ་བཅས་སོ། །གཉིས་པ་དགག་བྱ་ནི་རང་རིགས་ཀྱི་ཚུལ་ཁྲིམས་ལ་གནོད་པའོ། །གསུམ་པ་ངོབོ་ནི་བཅས་ལྡན་དགེ་སློང་གིས་མཐོལ་ཡུལ་མཚན་ཉིད་དང་ལྡན་པ་ཡོད་པའི་གནས་སུ་དགེསློང་གཞན་གྱིས་ཕམ་པའམ་དགེ་འདུན་ལྷག་མ་བཅབས་ཏེ་མཚན་མོ་འདས་པ་ལས་གྱུར་པའིལྟུང་བ་དངོས་གཞིའོ། །བཞི་བ་ཡན་ལག་ལ་བཞི་ལས། དང་པོ་གཞིའི་ཡན་ལག་ལ། གང་འཆབཔའི་དངོས་པོ་དང༌། གང་གི་འཆབ་པ་ལྟུང་བའི་བདག་པོ་དང༌། གང་དུ་འཆབ་པའི་གནས་དང༌།

གང་གིས་འཆབ་པའི་རྟེན་དང་བཞི། དང་པོ་ལ་གསུམ་སྟེ། ཕམ་པའམ་ལྷག་མའི་དངོས་གཞི་ཡིན།

དགེ་སློང་གཞན་དེའི་རྒྱུད་དང་འབྲེལ་བར་ཡོད། ངོ་བོ་ཤེས་སམ་ཡིད་གཉིས་ཟ་བ་སྟེ། ཕམ་པརའགྱུར་བ་དང༌། དགེ་འདུན་ལྷག་མ་དག ཅེས་དང༌། ཞུ་འགྲེལ་ལས། ཉེས་བྱས་སུ་གསུངས་པ་ནིགཞན་གྱི་ཡིན་པ་ཉིད་མེད་པའི་ཕྱིར་ཏེ། བདག་ཉིད་ཀྱི་གནས་ངན་ལེན་གྱི་ལྟུང་བ་འཆབ་པ་བཞིནནོ། །ཞེས་གསུངས་པས་ཤེས་སོ། །ངོ་བོ་ཤེས་སམ་ཡིད་གཉིས་ཟ་བ་སྟེ། དུས་དང་དུས་མིན་བསྡུབའི་གཞིའི་རྩ་བ་ལས། འཆབ་པ་ལ་དགེ་འདུན་ལྷག་མ་ཉིད་ལ་ཡིད་གཉིས་ཟ་བ་ནི་ཤེས་པདང་འདྲའོ། །ཞེས་གསུངས་པས་སོ། །གཉིས་པ་གང་གི་འཆབ་པ་ལྟུང་བའི་བདག་པོ་ནི་དགེ་འདུན་ལྷག་མ་འཆབ་པའི་ཆ་ནས་དགེ་སློང་ཆོས་དྲུག་ལྡན་ཡིན་ལ། ཕམ་པ་འཆབ་པ་ལ་ནི་ཡུལདེ་ཕམ་པས་གོས་པ་ཡན་ལག་ཏུ་དགོས་པས། དགེ་སློང་གི་སྡོམ་པ་རྣམ་པར་དག་པ་ཡན་ལགམ་ཡིན་གྱི། དགེ་སློང་གི་སྡོམ་པ་ཙམ་པོ་དང་ལྡན་པའོ། །མཚན་མཐུན་ལྟ་མཐུན་ལ་སོགས་པ་ལྔ་སྔར་དང་འདྲའོ། ། གསུམ་པ་གང་དུ་འཆབ་པའི་གནས་ནི། མཐོལ་ཡུལ་མཚན་ཉིད་དང་ལྡནཔ་ཡོད་པའི་གནས་ཡིན་པའོ། །བཞི་པ་གང་གིས་འཆབ་པའི་རྟེན་ནི། བར་ཆད་སྤང་བ་ལ་ལྟོསཔ་མ་ཡིན་པའོ། །གཉིས་པ་བསམ་པའི་ཡན་ལག་ལ་གཉིས་ལས། འདུ་ཤེས་ནི་གཞི་ལ་མ་འཁྲུལབའོ། །ཀུན་སློང་རང་དགར་འཆབ་པར་འདོད་པ་རྒྱུན་མ་ཆད་པའོ། །གསུམ་པ་སྦྱོར་བ་ནི་འཆབཔར་ཞུགས་པའོ། །བཞི་བ་མཐར་ཐུག་ནི་མཚན་མོ་མཐའི་སྐད་ཅིག་མ་ཡིན་ཏེ། རྩ་བར། ཉིནམཚན་གྱི་མཐར་རོ། །ཞེས་དང༌། དེའི་ཊཱི་ཀ་ལས། སྐྱ་རེངས་འཆར་ཀ་ཚུན་ཆད་ཅེས་བྱ་བའིཐ་ཚིག་གོ། །ཞེས་གསུངས་སོ། །འོ་ན་སྐབས་འདིར་ལུང་རྣམ་འབྱེད་ལས་སྐྱ་རེངས་ཤར་ན་ལྟུངབྱེད་དུ་འགྱུར་རོ། །ཞེས་གསུངས་པ་དང་འགལ་ཞེ་ན། དེའི་ཚེ་ན་ལྟུང་བྱེད་དུ་གྱུར་པ་ལ་ལྟུང་བྱེད་དུ་འགྱུར་ཞེས་གསུངས་པའོ། །

བཅུ་ཚན་དྲུག་པ་ལ་སྡོམ་དང་སོ་སོར་བཤད་པ་དང་གཉིས་ལས། དང་པོ་ནི།

སོར་སྡོམ་ལས། བདེ་དང་མེ་དང་འདུན་པ་དང༌། །བསྙེན་པར་མ་རྫོགས་ཆོས་དང་སྨྲ། །དགེཚུལ་ཁ་དོག་བསྒྱུར་བ་དང༌། །རིན་པོ་ཆེ་དང་ཚ་བའི་དུས། །ཞེས་གཟུང་བར་བྱའོ། །གཉིས་པ་སོ་སོར་བཤད་པ་ལ་བཅུ་ལས། ང་གཅིག་པ་ཟན་གཅོད་དུ་འཇུག་པའི་ལྟུང་བྱེད་འཆད་པ་ལ། རྩ་བར། ནད་ཀྱི་གཉེན་པོའི་དོན་ཉིད་མ་གཏོགས་པ་ཆེད་དུ་བསམ་ཏེ་ཁྱིམ་པ་སྦྱིན་པ་བོལ་ཟན་གཅོད་དུ་བཅུག་ནའོ། །ཞེས་སོགས་བྱུང༌། འདིའི་དོན་ལ་བཞི་ལས། དང་པོ་གླེང་གཞིནི་མཉན་ཡོད་དུ་ཉེ་དགས་ཆེད་དུ་བསམས་ཏེ་དགེ་སློང་གི་ཟན་གཅོད་དུ་འཇུག་པ་ལས་ལྟུང་བྱེད་དུ་བཅས་སོ། །གཉིས་པ་དགག་བྱ་ནི་རང་རིགས་ཀྱི་འཚོ་བ་ལ་གནོད་པའོ། །གསུམ་པ་ངོབོ་ནི་བཅས་ལྡན་དགེ་སློང་གིས་དགེ་སློང་གཞན་ལ་ཁྱིམ་པས་ཟན་འདྲེན་པ་དེ་ངག་གི་རིག་བྱེདཀྱིས་ཟན་གཅོད་དུ་བཅུག་སྟེ། ཁྱིམ་པ་དེས་དོན་གོ་བ་ལས་གྱུར་པའི་ལྟུང་བ་དངོས་གཞིའོ། །

བཞི་བ་ཡན་ལག་ལ་བཞི་ལས། དང་པོ་གཞིའི་ཡན་ལག་ལ། གང་གི་ཟན་གཅོད་དུ་འཇུག་པའིཡུལ་དང༌། གང་ལ་གཅོད་དུ་འཇུག་པའི་ཡུལ་དང༌། གང་གཅོད་དུ་འཇུག་པའི་དངོས་པོ་དང༌། གང་གི་ཚེ་གཅོད་དུ་འཇུག་པའི་དུས་དང་བཞི། དང་པོ་ནི་བདུན་ཏེ་དགེ་སློང་ཆོས་དྲུག་ལྡན་གྱིསྟེང་དུ། ཟན་བཅད་པས་ཕན་པའི་ནད་དང་མི་ལྡན་པ་སྟེ། ནད་ཀྱི་གཉེན་པོའི་དོན་ཉིད་མ་གཏོགསཔར། ཞེས་གསུངས་པས་སོ། །གཉིས་པ་ལ་བཞི་ལས། ཁྱིམ་པ་ཡིན་པ་དང༌། དགེ་སློང་གཞནདེ་ལ་བསམ་པ་ཐག་པ་ནས་ཟས་སྦྱིན་པར་བསྔོ་བ་པོ་ཡིན་པ་སྟེ། ཁྱིམ་པ་སྦྱིན་པ་པོ་ཞེས་གསུངསཔས་སོ། །ཐ་སྙད་ལྔ་དང་ལྡན་པ་དང༌། ལུས་ཐ་མལ་པར་གནས་པ་གཉིས་སོ། །གསུམ་པ་ལབཞི་སྟེ། དུས་སུ་རུང་བ་ཡིན་པ་དང༌། དགེ་སློང་དེ་ལ་སྦྱིན་པར་བསྔོས་པ་དང༌། རུང་བ་དང༌། ཚད་དང་ལྡན་པ་སྟེ་བཞིའོ། །བཞི་པ་ནི་དུས་ཉི་མ་ཕྱེད་མ་ཡོལ་བ་སྟེ། ཕྱི་དྲོ་ཕན་ཆད་ནི་དགེ་སློངགི་ཟན་གཅོད་དུ་འཇུག་པ་ལ་མི་རིགས་པ་མེད་དོ། །གཉིས་པ་བསམ་པའི་ཡན་ལག་ལ་གཉིསལས། འདུ་ཤེས་ནི་གཞི་ལ་མ་འཁྲུལ་བའོ། །ཀུན་སློང་ནི་རང་དགར་ཟན་གཅོད་དུ་འཇུག་པརའདོད་པ་རྒྱུན་མ་ཆད་པའོ། །གསུམ་པ་སྦྱོར་བ་ནི་ངག་མཚན་ཉིད་ལྔ་ལྡན་གྱིས་ཟན་གཅོད་དུའཇུག་པར་ཞུགས་པའོ། །བཞི་བ་མཐར་ཐུག་ནི་ཁྱིམ་པ་དེས་དོན་གོ་བའོ། །

ང་གཉིས་པ་མེ་ལ་རེག་པའི་ལྟུང་བྱེད་འཆད་པ་ལ་གསུམ་ལས། དང་པོ་སྐབས་དངའབྲེལ་བའི་བསླབ་བྱ་ནི། རྩ་བར། སེང་གེ་ལ་རེག་པར་མི་བྱའོ། །ཞེས་སོ། །གླེང་གཞི་དངའབྲེལ་ནས་གསུངས་པའོ། །གཉིས་པ་དུས་བྱིན་གྱིས་བརླབས་ན་ལྟུང་བ་མེད་པ་ནི། རྩ་བར། སྟོན་པ་དང༌། དུས་བྱིན་གྱིས་བརླབ་པ་ཡིན་ནོ། །ཞེས་སོགས་བྱུང༌། དུས་བྱིན་གྱིས་བརླབསཔ་འདིས་མཚོན་ནས། བྱིན་གྱིས་བརླབས་པ་སྤྱིར་བཤད་ན། འདུལ་བ་ལས་བྱིན་རླབས་བཅུགཅིག་གསུངས་ཏེ། གོས་དང་ལྷུང་བཟེད་རིན་པོ་ཆེ། །ལྟུང་བ་གསོ་སྦྱོང་དབྱར་དང་ནི། །དགགདབྱེ་སྨན་དང་རུང་ཁང་དང༌། །རྙེད་པ་དུས་ཀྱི་བྱིན་རླབས་སོ། །དེའང་གཞན་རྣམས་སོ་སོའི་སྐབསསུ་སྟོན་ལ། དུས་བྱིན་གྱིས་བརླབས་པ་འདིའི་དོན་ལ་བརྒྱད་ལས། དང་པོ་དགོས་དོན་ནི། དུསབྱིན་གྱིས་བརླབས་པས་ཉེས་པ་བཞི་ཁེགས་ཏེ། མེ་རེག་ལྟ་བུའི་སྦྱོར་བའི་སྦྱོར་བའི་ཉེས་བྱསཕྲ་མོ་དང་སྦྱོར་བའི་ཉེས་བྱས་དང་དངོས་གཞིའི་ལྟུང་བ་སྟེ་ལྟུང་བ་རྣམ་གཞག་གི་ཉེས་པ་གསུམདང་དུས་བྱིན་གྱིས་མི་རློབ་པ་ཉིད་ཀྱི་བསླབ་བྱའི་ཉེས་བྱས་དང་བཞི་ཁེགས་པའོ། །དེ་ལྟར་ན་ཉེས་པ་དེ་དག་ཁེགས་པ་ནི་དངོས་ཀྱི་དགོས་པའོ། །བཅས་པའི་མཚམས་ཟིན་པ་ནི་བརྒྱུད་པའིདགོས་པའོ། །གཉིས་པ་གཞི་གང་ལ་དུས་དྲན་བྱ་བ་ནི། སྔར་བཀག་པའི་བསྒྲུབ་པ་ལས་གནངབར་གྱུར་པ་ཡིན། ངེས་པ་བཞི་ལས་གཞན་ཡིན་པ་སྟེ། སྲོག་གཅོད་པ་ལྟ་བུ་གནང་བར་འགྱུརབ་མ་ཡིན་པ་ལ་དུས་དྲན་མི་འཆགས་ལ། ངེས་པ་བཞི་ལའང་སྤྱིར་བཏང་ལ་དུས་དྲན་མི་དགོསཏེ། ཊཱི་ཀ་ལས། ཞག་བཅོ་ལྔ་ལ་ཁྲུས་ཀྱི་ཉིན་མོ་ལ་ཁྲུས་བྱ་བ་གང་ཡིན་པ་དེ་ནི་གྲགས་པ་ཡིནཔས། དེར་ཁྲུས་བྱ་བ་ལ་ནི་དུས་བྱིན་གྱིས་བརླབས་པར་བྱ་མི་དགོས་སོ། །ཞེས་དུས་ངེས་པ་ལ་དུས་དྲན་མི་དགོས་པར་གསུངས་པས། དངོས་པོ་ངེས་པ་དང༌། གང་ཟག་ངེས་པ་དང༌། ཡུལངེས་པ་ལའང་རྒྱུ་མཚན་མཚུངས་པའི་ཕྱིར་དུས་དྲན་མི་དགོས་པར་གནད་ཀྱིས་སྦྱར་རོ། །དམིགསབསལ་ནི། ཡུལ་ངེས་པ་བྱང་གི་སྒྲ་མི་སྙན་དུ་བྱིན་ལེན་མ་བྱས་པར་ཟ་བ་ལ་དུས་བྱིན་གྱིས་རློབདགོས་པ་ལུང་ལས་གསུངས་པ་དང༌། ཡུལ་ངེས་པ་ཨསྨ་པ་རན་ཏར་ཁྲུས་བྱེད་པ་ལའང་རང་གི་རྣམ་བཤད་ལས། འདིར་ཡུལ་དེ་ཉིད་དུ་དུས་རིག་པར་བྱའོ། །ཞེས་དང༌། ཊཱི་ཀ་ལས། དེརནི་བློས་ས་དེ་ཉེ་བར་བཞག་སྟེ་དུས་མ་ཡིན་པར་ཡང་ཁྲུས་བྱའོ། །ཞེས་གསུངས་སོ། །དེ་དག་དམིགས་བསལ་ཡིན་ན་ཡུལ་ངེས་པ་དུས་དྲན་མི་དགོས་པ་གང་འཇོག་དང༌། ངེས་པ་བཞི་བོ་ཅི་རིགས་ལ་དུས་དྲན་བྱེད་པ་མི་རིགས་པར་ཐལ། ངེས་པ་བཞི་བོ་ལ་སྤྱིར་བཏང་དམིགས་བསལགང་གི་དབང་དུ་བྱས་ན་བཅས་པས་མཚམས་ཟིན་པས་དུས་དྲན་བརྟེན་པ་ལ་དགོས་པ་མེད་པའི་ཕྱིར་ཟེར་ན་དཔྱད་པར་བྱའོ། །གསུམ་པ་རྟེན་གང་གིས་དུས་དྲན་པར་བྱ་བ་ནི། རབ་བྱུངསྡེ་ལྔ་གང་ཡང་རུང་བའི་སྡོམ་པ་གསོར་རུང་ཡན་ཆད་དང་ལྡན་པ་དང༌། ཤེས་པ་རང་བཞིན་དུགནས་པ་དང༌། ལུས་ཐ་མལ་པར་གནས་པ་སྟེ་གསུམ་དང༌། འདིར་ནི་གནང་བའི་རྐྱེན་ཅན་ཡིནཔ་སྟེ། གནང་བའི་རྐྱེན་མེད་ན་དུས་དྲན་མི་འཆགས་སོ། །བཞི་པ་ཆེད་དུ་བྱ་བ་གང་ལ་དུས་དྲནབྱ་བ་ནི། ཆོས་དང་ལྡན་པའི་བྱ་བའི་དོན་ཉིད་ཅེས་གསུངས་ལ། རང་གི་རྣམ་བཤད་ལས། ཆོསདང་མི་ལྡན་པའི་དོན་གྱིས་ནི་འདིར་འཇུག་པར་རིགས་པ་མ་ཡིན་ཏེ། ཞེས་སོ། །ལྔ་པ་དུས་གངགི་ཚེ་དུས་དྲན་བྱ་བ་དེ་ལ་འཇུག་པ་ནི་དེའི་སྔ་རོལ་ཏུ་སྟེ། རྩོམ་འདོད་གང༌། ཞེས་སོ། །དྲུག་པ་ཡུན་ཇི་སྲིད་དུ་དུས་དྲན་བྱ་བ་ནི། ཉིན་ཞག་གཅིག་གི་ཁོངས་སུ་གཏོགས་པའི་ཡུན་རིང་དུསྟེ། ལུང་རྣམ་འབྱེད་ལས། ཡང་དང་ཡང་དུ་བརྗེད་ངེས་པས་མེ་ལ་རེག་པའི་འགྱོད་པ་སྐྱེས་པའིསྐབས་ལས་དུས་ཡུན་རིང་དུ་བྱིན་གྱིས་བརླབ་པར་བྱའོ། །ཞེས་སོ། བདུན་པ་ཚུལ་ཇི་ལྟརདུས་དྲན་བྱ་བ་ལ། དགག་བྱ་ཉེས་དམིགས་འགེགས་པའི་དུས་དྲན་དང༌། བརྒྱུད་པ་རྒྱུར་འགྲོའགེགས་པའི་དུས་དྲན་དང་གཉིས། དང་པོ་ལ་གསུམ་ལས། ནང་སེམས་ཅན་ལ་ཆགས་པའིདགག་བྱ་ཉེས་དམིགས་འགེགས་པ་ནི་བུད་མེད་ཆུས་ཁྱེར་བ་འཛིན་པ་ན་མ་དང་སྲིང་མོའི་འདུཤེས་ཉེ་བར་བཞག་པར་གསུངས་པ་ལྟ་བུའོ། །ཕྱི་ལོངས་སྤྱོད་ལ་ཆགས་པའི་དགག་བྱ་ཉེསདམིགས་འགེགས་པ་ནི། ཆོས་འཆད་པ་པོ་རིན་པོ་ཆེའི་ཁྲི་ལ་འདུག་པ་ན་མི་རྟག་པས་ཉེན་པརའགྱུར་པ་ཡིད་ལ་བྱ་བར་གསུངས་པ་ལྟ་བུའོ། །ཞེ་སྡང་གི་དགག་བྱ་ཉེས་དམིགས་འགེགས་པནི། ཉེས་པ་གླེང་བ་དང་དྲན་པར་བྱེད་པ་ན། བྱམས་པའི་སེམས་ཉེ་བར་བཞག་པ་སྟེ། དྲན་པདང་ཤེས་བཞིན་ཉེ་བར་མ་བཞག་པར་མི་བྱའོ་ཞེས་གསུངས་པའི་གནད་ཀྱིས་ཤེས་སོ། །གཉིསཔ་བརྒྱུད་པ་རྒྱུར་འགྲོ་འགེགས་པའི་དུས་དྲན་ནི། དགེ་སློང་གིས་མེ་ལ་རེག་པ་ན། སྤྱིར་དགེ་སློང་གིས་མེ་ལ་རེག་པ་བཀག་ཀྱང༌། ཆོས་ལྡན་གྱི་བྱ་བ་འདི་ལ་མེ་རེག་གནང་ངོ་སྙམ་དུ་སེམསཀྱི་བརྟག་པ་བྱ་བ་ལྟ་བུའོ། །བརྒྱད་པ་དུས་དྲན་བྱས་པ་འཇིག་པའི་རྒྱུ་ནི་རྟེན་བབས་པ་དང༌། བྱབ་ཆོས་མི་ལྡན་དུ་གྱུར་པ་དང༌། བྱ་བ་ཟིན་པ་དང༌། ཞག་འདས་པས་ཀྱང་སྟེ། དགེ་སློང་མའི་འདུནཔ་ཞག་ལོན་པའི་གནད་ཀྱིས་ཤེས་སོ། །

གསུམ་པ་ལྟུང་བ་རྣམ་པར་བཞག་པ་ནི།

རྩ་བར། རྩེ་བ་ཉིད་ནའོ་ཞེས་སོགས་བྱུང༌། འདིའི་དོན་ལ་བཞི་ལས། དང་པོ་གླེང་གཞི་ནི་རྒྱལ་པོའི་ཁབ་ཏུ་དྲུག་སྡེས་མེ་ལ་རྩེ་ཞིང་རེག་པལས་ལྟུང་བྱེད་དུ་བཅས་སོ། །གཉིས་པ་དགག་བྱ་ནི་དགེ་སློང་གིས་ཟས་ཀྱི་གཡོས་བྱེད་ལ་སོགསཞུགས་ན་རྣམ་པར་གཡེང་ཞིང་དོན་དང་བྱ་བ་མང་པ་སྟེ། དེའི་མཐའ་དགག་པའི་ཕྱིར་མེ་རེག་བཀག་པ་སྟེ་རྗེན་འཚོད་བཀག་པ་བཞིན་ནོ། །གསུམ་པ་ངོ་བོ་ནི་བཅས་ལྡན་དགེ་སློང་གིས་བུདཤིང་གི་ཡུལ་ཅན་མེ་ཡོངས་སུ་རྫོགས་པ་ལ་དུས་དྲན་མ་བྱས་པར་རེག་གམ་རེག་ཏུ་བཅུག་པ་ལས་གྱུར་པའི་ལྟུང་བ་དངོས་གཞིའོ། །བཞི་བ་ཡན་ལག་ལ་བཞི་ལས། དང་པོ་གཞིའི་ཡན་ལགལ། གང་ལ་རེག་པའི་ཡུལ་དང༌། གང་གིས་རེག་པའི་རྟེན་དང་གཉིས། དང་པོ་ལ་བཞི་ལས་འཇིགརྟེན་ན་གྲགས་པའི་མེ་ཡིན་པ་སྟེ། མེས་སོ། །ཞེས་སོ། །བུད་ཤིང་གི་ཡུལ་ཅན་ཡིན་པ་སྟེ། སྐྲདང་སྤུ་དང་རུས་པ་དང༌། །སེན་མོ་དང་ཞེས་ཏེ་དེ་རྣམས་མེར་བསྲེགས་ཀྱང་ན་སྨད་དུ་གསུངསཔས་སོ། །མེ་ཡོངས་སུ་རྫོགས་པ་ཡིན་པ་སྟེ། མེ་མ་མུར་ནི་ཕྱེད་ཤི་བ་ཉིད་དོ། །ཞེས་པས་སོ། །

ཐ་སྙད་དུ་བྱར་རུང་གི་ཚད་དང་ལྡན་པ་སྟེ། དགག་བྱའི་གནད་ཀྱིས་ཤེས་སོ། །མི་མ་ཡིན་གྱི་མེལས་གཞན་པ་སྟེ། སེལ་བ་ནི་འདྲེ་མེ་ལ་སོགས་པ་མི་མ་ཡིན་པའི་མེ་ལ་དགེ་སློང་གིས་རེག་ནཉེས་བྱས་ཏེ། ལུང་ཞུ་བ་ལས། ལྷའི་རིན་པོ་ཆེ་ལ་རེག་ན་ཉེས་བྱས་སུ་གསུངས་པའི་གནད་ཀྱིསསྦྱར་རོ། །གཉིས་པ་གང་གིས་རེག་པའི་རྟེན་ནི། དུས་བྱིན་གྱིས་བརླབས་པ་མ་ཡིན་པ་དང༌། ནདཔ་མ་ཡིན་པ་སྟེ། དུས་བྱིན་གྱིས་མ་བརླབས་པའི་དགེ་སློང་ན་བའི་དབང་ཉིད་དུ་གནས་པ་མ་ཡིན་པ། ཞེས་སོ། །གཉིས་པ་བསམ་པའི་ཡན་ལག་ལ་གཉིས་ལས། འདུ་ཤེས་ནི་གཞི་ལ་མའཁྲུལ་བའོ། །ཀུན་སློང་ནི་རང་གར་མེ་ལ་རེག་པར་འདོད་པ་རྒྱུན་མ་ཆད་པའོ། །གསུམ་པ་སྦྱོརབ་ནི་རང་ངམ་བསྐོས་པས་རེག་པར་ཞུགས་པའོ། །བཞི་བ་མཐར་ཐུག་ནི་རེག་པ་རྫོགས་པའོ། །

ཁ་ཅིག་མེ་རེག་གི་ལྟུང་བྱེད་སྐྱེད་པ་ལ་རྩེ་བ་ཡན་ལག་ཏུ་དགོས་ཏེ། བམ་པོ་ལྔ་བཅུ་པ་ལས་འདིལ་ཡན་ལག་ལྔས་དངོས་གཞིའི་ལྟུང་བར་འགྱུར་ཏེ། མེ་ཉིད་དང་མེས་རྩེ་བ་ཉིད་དང་དུས་བྱིནགྱིས་མ་བརླབས་པ་དང་ན་བ་མ་ཡིན་པ་དང་རང་ངམ་བསྐོས་པས་རེག་པའོ། དེ་དག་ལས་ཡནལག་མ་ཚང་ན་ཅི་རིགས་པར་ན་སྨད་དོ། །ཞེས་གསུངས་སོ་ཞེ་ན། རྩེ་བ་ཡན་ལག་ཏུ་བཤདཔ་དེའི་རྗེས་སུ་མི་འབྲང་སྟེ། སོ་སོར་ཐར་པ་དང་ལུང་རྣམ་འབྱེད་ལས། མེ་ལ་རེག་གམ་རེགཏུ་འཇུག་ན་ལྟུང་བྱེད་དུ་གྱུར་ཏོ། །ཞེས་དང༌། འདི་ཉིད་ལས། སྤར་བ་དང་གསོད་པ་དང་རེགཔ་དང༌། ཞེས་གསུངས་པས་སོ། །བམ་པོ་ལྔ་བཅུ་པ་ལས་ཀྱང༌། མེ་ལ་རེག་པར་བྱེད་པ་དག་ལཡང་ན་སྨད་པ་མེད་དོ། །ཞེས་གསུངས་སོ། །རྩེ་བ་ཉིད་ནའོ་ཞེས་འདིར་གསུངས་པ་ནི་གླེང་གཞིའིདབང་གིས་མཚོན་པའོ། །

ང་གསུམ་པ་འདུན་པ་ཕྱིར་བསྒྱུར་བའི་ལྟུང་བྱེད་འཆད་པ།

ང་གསུམ་པ་འདུན་པ་ཕྱིར་བསྒྱུར་བའི་ལྟུང་བྱེད་འཆད་པ་ལ།

རྩ་བར། དགེ་སློང་གིདོན་གྱི་ཆེད་ཀྱི་ལས་བྱས་པ་ལ་འདུན་པ་ཕུལ་བ་ཕྱིར་བསྒྱུར་བའི་སྨྲས་ནའོ། །ཞེས་བྱུང༌། འདིའིདོན་ལ་བཞི་ལས། དང་པོ་གླེང་གཞི་ནི་མཉན་ཡོད་དུ་དགའ་བོས་དགེ་འདུན་ལ་འདུན་པ་ཕུལནས་ཕྱིར་བསྒྱུར་བ་ལས་ལྟུང་བྱེད་དུ་བཅས་སོ། །གཉིས་པ་དགག་བྱ་ནི་རང་རིགས་ཀྱི་དགེ་འདུནལ་གནོད་པའོ། །གསུམ་པ་ངོ་བོ་ནི་བཅས་ལྡན་དགེ་སློང་གིས་དགེ་འདུན་མཚན་ཉིད་དང་ལྡནཔའི་ལས་བསྒྲུབ་བྱ་དགེ་སློང་ལ་བསྒྲུབ་པ་ལ་རང་གིས་འདུན་པ་ཕུལ་ནས་ལས་དེ་བྱས་ཟིན་པའི་དུས་ན་རང་གིས་ཕུལ་བའི་འདུན་པ་ཕྱིར་བསྒྱུར་བའི་ཚིག་སྨྲས་ཏེ་དོན་གོ་བ་ལས་གྱུར་པའིལྟུང་བ་དངོས་གཞིའོ། །བཞི་བ་ཡན་ལག་ལ་བཞི་ལས། དང་པོ་གཞིའི་ཡན་ལག་ལ། གང་ལའདུན་པ་ཕུལ་བའི་ཡུལ་དང༌། གང་དུ་འདུན་པ་འབུལ་བའི་ལས་དང༌། གང་ཕྱིར་བསྒྱུར་བའིདངོས་པོ་དང༌། གང་གི་ཚེ་ཕྱིར་བསྒྱུར་བའི་དུས་དང༌། ཕྱིར་བསྒྱུར་གྱི་ཚིག་དེ་གང་ལ་སྨྲ་བའིཡུལ་དང་ལྔ། །དང་པོ་ནི་དགེ་འདུན་མཚན་ཉིད་དང་ལྡན་པ་ཡིན་པ་སྟེ། ལས་བྱས་པ་ལ་འདུན་པཕུལ་ཞེས་གསུངས་པའི་ཤུགས་ཀྱིས་སོ། །གཉིས་པ་ལ་གསུམ་ལས་དགེ་འདུན་དང་འབྲེལ་བའིལས་ཀྱི་ཆོ་ག་ཡིན་པ་སྟེ། ལས་བྱས་པ་ལ་ཞེས་གསུངས་པས་སོ། །བསྒྲུབ་བྱ་དགེ་སློང་ལ་བསྒྲུབཔ་སྟེ། དགེ་སློང་གི་དོན་གྱི་ཆེད་ཀྱི་ལས་ཞེས་གསུངས་པས་སོ། །ལས་ཆོས་དང་ལྡན་པ་སྟེ། ལུངརྣམ་འབྱེད་ལས། ལས་ཆོས་དང་ལྡན་པ་ལའོ་ཞེས་གསུངས་པས་སོ། །གསུམ་པ་ནི་རང་གི་འདུནཔ་ཕུལ་བ་ཡིན་པ་སྟེ། འདུན་པ་ཕུལ་བའི་ཕྱིར་བསྒྱུར། ཞེས་གསུངས་པས་སོ། །བཞི་པ་ནི་ལསདེ་བྱས་ཟིན་པ་སྟེ་ཕྱིར་བསྒྱུར་ཞེས་པའི་ཚིག་ཟུར་གྱིས་ཤེས་སོ། །ཞེས་གསུངས་སོ། །ལྔ་པ་ནི་དགེ་སློང་ཆོས་དྲུག་ལྡན་གྱི་སྟེང་དུ་ལས་དེ་ལ་གཏོགས་པ་སྟེ་གཞན་དུ་ན་དགག་བྱ་མི་རྫོགས་པའི་ཕྱིར་རོ། །གཉིས་པ་བསམ་པའི་ཡན་ལག་ལ་གཉིས་ལས། འདུ་ཤེས་ནི་གཞི་ལ་མ་འཁྲུལབའོ། །ཀུན་སློང་ནི་རང་གར་འདུན་པ་ཕྱིར་བསྒྱུར་བའི་ཚིག་སྨྲ་ཞིང་གོ་བར་འདོད་པ་རྒྱུན་མ་ཆད་པའོ། །གསུམ་པ་སྦྱོར་བ་ནི་ངག་མཚན་ཉིད་ལྔ་ལྡན་གྱིས་འདུན་པ་ཕྱིར་བསྒྱུར་གྱི་ཚིག་སྨྲབར་ཞུགས་པའོ། །བཞི་བ་མཐར་ཐུག་ནི་དོན་གོ་བའོ། །

ང་བཞི་པ་བསྙེན་པར་མ་རྫོགས་པ་དང་ལྷན་ཅིག་ཉལ་བའི་ལྟུང་བྱེད་འཆད་པ།

ང་བཞི་པ་བསྙེན་པར་མ་རྫོགས་པ་དང་ལྷན་ཅིག་ཉལ་བའི་ལྟུང་བྱེད་འཆད་པ་ལ་གཉིསལས།

དང་པོ་བསླབ་བྱ་ནི་ཟླ་བ་དང་ཉི་མ་མ་གཏོགས་སྣང་བ་དང་བཅས་པའི་གནས་ཀྱི་ཕྱོགསསུ་ཉལ་བར་མི་བྱའོ། །ཞེས་སོ། །ཉི་ཟླ་སྤྱི་མཐུན་གྱི་བསོད་ནམས་ལས་བྱུང་བ་ཡིན་པས་དགགབྱ་མེད་ལ། མར་མེ་དང་རིན་པོ་ཆེའི་འོད་དང་སྨན་ལ་སོགས་པ་རྫས་གཞན་གྱི་འོད་ཀྱི་སྣང་བདང་བཅས་པའི་ཕྱོགས་སུ་ཉལ་བར་མི་བྱ་སྟེ། ལོངས་སྤྱོད་འཕེལ་བའི་དགག་བྱ་ཡོད་པའི་ཕྱིརརོ། །སྣང་བ་དང་བཅས་པའི་གནས་སུ་ཉལ་ཏེ་གཉིད་ལོག་ན་མཚན་མོའི་མཐར་ནི་བསླབ་བྱ་ལས་འདས་པའི་ཉེས་བྱས་ཡོངས་སུ་རྫོགས་པར་འགྱུར་རོ། །

གཉིས་པ་དངོས་གཞི་ན་སྨད་དང་བཅས་ཏེ་བསྟན་པ་ལ།

རྩ་བར། བསྙེན་པར་མ་རྫོགསཔ་དང་ལྷན་ཅིག་གནས་གཅིག་ཏུ་མཚན་མོ་གསུམ་པ་ལ་ཉལ་ནའོ། །མཐར་རོ། །ཞེས་སོགསབྱུང༌། འདིའི་དོན་ལ་བཞི་ལས། དང་པོ་གླེང་གཞི་ནི་མཉན་ཡོད་དུ་ཉེ་དགས་བསྙེན་པར་མ་རྫོགསཔ་དང་ནུབ་གཉིས་ལས་ལྷག་པར་ཉལ་བ་ལས་ལྟུང་བྱེད་དུ་བཅས་སོ། །གཉིས་པ་དགག་བྱ་ནིཆགས་པའི་རྒྱུར་འགྱུར་བ་དང༌། རྒོད་བག་གི་རྒྱུར་འགྱུར་བའོ། །གསུམ་པ་ངོ་བོ་ནི་བཅས་ལྡནདགེ་སློང་གིས་བསྙེན་པར་མ་རྫོགས་པ་དང་གནས་གཅིག་ཏུ་གཉིས་ཀ་ཉལ་བའི་སྤྱོད་ལམ་གྱིསགཉིད་ལོག་ཅིང་མཚན་མོ་གསུམ་པ་མཐར་ཐུག་པ་ལས་གྱུར་པའི་ལྟུང་བ་དངོས་གཞིའོ། །བཞིབ་ཡན་ལག་ལ་བཞི་ལས། དང་པོ་གཞིའི་ཡན་ལག་ལ། གང་དང་ཉལ་བའི་ཡུལ་དང༌། གངདུ་ཉལ་བའི་གནས་དང༌། གང་གིས་ཉལ་བའི་རྟེན་དང་གསུམ། དང་པོ་ལ་གསུམ་ལས་བསྙེནཔར་མ་རྫོགས་པའམ་ཕམ་པ་བྱུང་བ་ཡིན་པ་སྟེ། བསྙེན་པར་མ་རྫོགས་པ་དང་ལྷན་ཅིག ཅེསདང༌། བསྙེན་པར་མ་རྫོགས་པ་དང་ལྡན་པ་ཉིད་ཀྱང་ངོ་ཞེས་གསུངས་པས། བསླབ་པ་སྦྱིན་རུངདང་ཕམ་པ་འཆབ་བཅས་བྱུང་བ་ལ་ཡང་དེའི་གནད་ཀྱིས་སྦྱར་རོ། །ཐ་སྙད་ལྔ་དང་ལྡན་པ་དང༌།

ལུས་ཐ་མལ་པར་གནས་པ་གཉིས་སྔར་བཤད་པ་བཞིན་ནོ། །འདིར་ངོ་མ་སྤོས་པ་ཡན་ལག་ཏུ་མི་དགོས་ཏེ། རང་གི་རྣམ་བཤད་ཊཱི་ཀ་ལས་ལུང་ཞུ་བ་ཁུངས་སུ་དྲངས་ཏེ། དགེ་སློང་བསྙེནཔར་མ་རྫོགས་པའི་གང་ཟག་དང་ལྷན་ཅིག་གུང་གསུམ་ཉལ་བ་ལ་ལྟུང་བྱེད་གཉིས་འབྱུང་བ་མཆིས་སམ། ཡོད་དེ་ཞག་གཉིས་དགེ་ཚུལ་དང་ཉལ་བ་ལ་ཞག་གསུམ་པ་ལ་ཁྱིམ་པ་མོ་དང་ལྷནཅིག་ཉལ་བ་ལའོ། །ཞེས་གསུངས་པས་སོ། །གཉིས་པ་གང་དུ་ཉལ་བའི་གནས་ལ་གསུམ་ལས།

གནས་ཀྱི་ངོ་བོ་ཉིད་དུ་གྲུབ་པ་སྟེ། ཕལ་ཆེར་གཡོགས་པ་དང་བསྐོར་བ་ཞེས་གསུངས་པས་སོ། །

སེལ་བ་ནི། རྩ་བར། ཤིང་ལྗོན་པའི་དྲུང་དང་རྩིག་པའི་བར་དང་ཚང་ཚིང་གི་དྲུང་དག་ནི་ཕྱེདཉིད་དོ། །ཞེས་སོ། །སྤྱོད་ལམ་བཞི་ཡན་ཆད་ཤོང་བ་སྟེ། གཞན་དུ་ན་འབྱུང་རིང་བས་དགག་བྱགནས་སྐབས་ཀྱི་སྒོ་ནས་མི་རྫོགས་པའི་ཕྱིར་རོ། །གནས་གཅིག་ཡིན་པ་དགོས་སོ། །གཞན་དུ་ན་ལྟུང་བ་མེད་དོ། །གསུམ་པ་གང་གིས་ཉལ་བའི་རྟེན་ནི་ནད་པ་དང་ནད་གཡོག་གི་དབང་གིས་གནས་པ་མ་ཡིན་པ་དང༌། དབྱར་ཚུལ་ནང་ཟླ་བ་གཉིས་ཀྱི་ཚེ་ན་དགེ་སློང་སྡིག་ཅན་ཉེ་བརགནས་པ་ན་དགེ་ཚུལ་དང་ལྡན་པའི་དགེ་སློང་མ་ཡིན་པའཽ། །གཉིས་པ་བསམ་པའི་ཡན་ལགལ་གཉིས་ལས། འདུ་ཤེས་ནི་གཞི་ལ་མ་འཁྲུལ་བའོ། །ཀུན་སློང་ནི་རང་དགར་ཉལ་བའི་སྤྱོད་ལམ་གྱིས་གཉིད་ལོག་པར་འདོད་པ་རྒྱུན་མ་ཆད་པའོ། །གསུམ་པ་སྦྱོར་བ་ནི་མཚན་མོ་གསུམཔ་ལ་ཉལ་བར་ཞུགས་པའོ། །བཞི་བ་མཐར་ཐུག་ནི་མཚན་མོ་གསུམ་པའི་མཐའི་སྐད་ཅིག་གོ། །

ང་ལྔ་བ་སྡིག་པ་ཅན་གྱི་ལྟ་བ་མི་གཏོང་བའི་ལྟུང་བྱེད་འཆད་པ།

ང་ལྔ་བ་སྡིག་པ་ཅན་གྱི་ལྟ་བ་མི་གཏོང་བའི་ལྟུང་བྱེད་འཆད་པ་ལ།

རྩ་བར། ཇི་ལྟར་བཅོམ་ལྡན་གདས་ཀྱིས་བར་དུ་གཅོད་པའི་ཆོས་སུ་གསུངས་པ། ཞེས་སོགས་བྱུང༌། འདིའི་དོནལ་བཞི་ལས། དང་པོ་གླེང་གཞི་མཉན་ཡོད་དུ་འཆི་ལྟས་ཀྱིས་སྡིག་པའི་ལྟ་བ་འཛིན་ཅིང་བཟློགཀྱང་མི་གཏོང་བ་ལས་ལྟུང་བྱེད་དུ་བཅས་སོ། །གཉིས་པ་དགག་བྱ་ནི་སྡིག་པ་ཅན་གྱི་ལྟ་བ་འཛིནཔས་ངོ་བོ་ཉིད་ཀྱིས་དགག་བྱར་གྱུར་པ་དང༌། དགེ་འདུན་གྱིས་བཟློག་ཀྱང་མི་གཏོང་བས་རངརིགས་ཀྱི་དགེ་འདུན་ལ་གནོད་པའོ། །གསུམ་པ་ངོ་བོ་ནི་བཅས་ལྡན་དགེ་སློང་གིས་ཕྱོགས་འགའལ་སྡིག་ལྟ་སྐྱེས་པ་དེ་བཞམས་བསྒོ་དང་གསོལ་བཞིའི་ལས་ཀྱིས་བཟློག་ཀྱང་མི་གཏོང་བ་ལསགྱུར་པའི་ལྟུང་བ་དངོས་གཞིའོ། །བཞི་བ་ཡན་ལག་ལ་བཞི་ལས། དང་པོ་གཞིའི་ཡན་ལག་ལགཉིས་ཏེ་སྦྱོར་བ་བརྩམ་པར་བྱ་བའི་གཞི་དང༌། རྫོགས་པར་བྱེད་པའི་རྐྱེན་ནོ། །དང་པོ་ལ་གཉིསལས། གང་བརྗོད་པའི་དོན་ནི་ཆོས་ལས་ཆོས་མ་ཡིན་པའི་ཕྱོགས་འགའ་ལ་སྡིག་ལྟ་སྐྱེས་པ་སྟེ།

ཇི་ལྟར་ཞེས་པ་ལ་སོགས་བརྗོད་པའི་ཡུལ་ནི་ཆོས་གསུམ་ལྡན་ཏེ་སྔར་མི་ཆོས་བླ་མའི་སྐབས་སུ་བཤད་པ་བཞིན་ནོ། །གཉིས་པ་རྫོགས་པར་བྱེད་པའི་རྐྱེན་ནི་བཞམས་བསྒོ་དང་གསོལ་བཞིའིལས་ཀྱིས་བཟློག་པར་བྱ་བའོ། །གཉིས་པ་བསམ་པའི་ཡན་ལག་ལ་གཉིས་ལས། འདུ་ཤེས་ནིལྟ་བ་ཕྱིན་ཅི་ལོག་ཏུ་འཛིན་ཆ་མ་གཏོགས་པ་གཞིའི་ཡན་ལག་ལ་མ་འཁྲུལ་བའོ། །ཀུན་སློང་ནི་སྡིག་པ་ཅན་གྱི་ལྟ་བའི་ཚིག་སྨྲ་ཞིང་གོ་བར་འདོད་ལ་བཟློག་ཀྱང་མི་གཏོང་བར་འདོད་པ་རྒྱུནམ་ཆད་པའོ། །གསུམ་པ་སྦྱོར་བ་ནི་ངག་མཚན་ཉིད་ལྔ་ལྡན་གྱིས་སྡིག་ལྟའི་ཚིག་སྨྲ་ཞིང་བར་དུབཟློག་ཀྱང་མི་གཏོང་བར་ཞུགས་པའོ། །བཞི་བ་མཐར་ཐུག་ནི་ལས་བརྗོད་པ་གསུམ་པའི་མཐའལ་མི་གཏོང་བའོ། །

ང་དྲུག་པ་སྤངས་པ་རྗེས་ཕྱོགས་ཀྱི་ལྟུང་བྱེད་འཆད་པ།

ང་དྲུག་པ་སྤངས་པ་རྗེས་ཕྱོགས་ཀྱི་ལྟུང་བྱེད་འཆད་པ་ལ།

རྩ་བར། ཤེས་གཙོའོ། །དེསྐད་སྨྲ་བས། ཞེས་སོགས་བྱུང༌། འདིའི་དོན་ལ་བཞི་ལས། དང་པོ་གླེང་གཞི་ནི་མཉན་ཡོད་དུདགེ་འདུན་གྱིས་དགེ་སློང་འཆི་ལྟས་གནས་ནས་ཕྱུང་བ་ལ་ཉེ་དགས་མཐུན་འཇུག་བྱས་པ་ལསལྟུང་བྱེད་དུ་བཅས་སོ། །གཉིས་པ་དགག་བྱ་ནི་རང་རིགས་ལ་གནོད་པའོ། །གསུམ་པ་ངོ་བོ་ནིདགེ་འདུན་གྱིས་གནས་ནས་ཕྱུང་བའི་དགེ་སློང་ལ་བཅས་ལྡན་དགེ་སློང་གཞན་དག་གིས་ཆོས་དང་ཟང་ཟིང་ལོངས་སྤྱོད་བྱས་པ་ལས་གྱུར་པའི་ལྟུང་བ་དངོས་གཞིའོ། །བཞི་བ་ཡན་ལགལ་བཞི་ལས་གཞིའི་ཡན་ལག་ལ་གཉིས་ཏེ། གང་གི་རྗེས་སུ་ཕྱོགས་པའི་ཡུལ་དང༌། གང་དུ་ཉལབའི་གནས་སོ། །དང་པོ་ནི། དགེ་སློང་ཆོས་བརྒྱད་ལྡན་ཏེ། དགེ་སློང་ཆོས་དྲུག་ལྡན་ལས་ལྟ་བམཐུན་པ་མ་གཏོགས་པ་ལྔའི་སྟེང་དུ། སྤངས་པ་དང་འབྲེལ་བ་དང༌། ནད་པ་མ་ཡིན་པ་དང༌། གདུལ་བྱ་ལ་ལྟོས་པ་མ་ཡིན་པའོ། །འདིར་ལྟ་བ་མཐུན་པ་ནི་ཡན་ལག་ཏུ་མི་དགོས་ཏེ། སྡིགལྟ་མི་གཏོང་བ་གནས་ནས་ཕྱུང་བའི་རྗེས་སུ་ཕྱོགས་ན་ལྟ་བ་མི་མཐུན་པ་ཉིད་ལས་ལྟུང་བྱེད་འདིརྣམ་པར་བཞག་པའི་ཕྱིར་རོ། །གཉིས་པ་གང་དུ་ཉལ་བའི་གནས་ནི། གནས་ཆོས་གསུམ་ལྡནཏེ། སྔར་ནུབ་ལྷག་གི་སྐབས་སུ་བཤད་པ་བཞིན་ནོ། །གཉིས་པ་བསམ་པའི་ཡན་ལག་ལ་གཉིསལས། འདུ་ཤེས་ནི་གཞི་ལ་མ་འཁྲུལ་བའོ། །ཀུན་སློང་ནི་རང་གར་ཆོས་དང་ཟང་ཟིང་གི་ལོངསསྤྱོད་བྱེད་པར་འདོད་པའམ་ཉལ་བའི་སྤྱོད་ལམ་གྱིས་གཉིད་ལོག་པར་འདོད་པ་རྒྱུན་མ་ཆད་པའོ། །གསུམ་པ་སྦྱོར་བ་ནི་ཆོས་དང་ཟང་ཟིང་གི་ལོངས་སྤྱོད་བྱེད་པའམ་གནས་གཅིག་ཏུ་ལྷནཅིག་ཉལ་བར་བྱེད་པའོ། །བཞི་བ་མཐར་ཐུག་ནི་ཆོས་དང་ཟང་ཟིང་ལོངས་སྤྱོད་བྱས་པའམ། ལྷནཅིག་ཉལ་བ་ན་མཚན་མོའི་མཐའི་སྐད་ཅིག་མའོ། །

ང་བདུན་པ་བསྙིལ་བ་སྡུད་པའི་ལྟུང་བྱེད་འཆད་པ།

ང་བདུན་པ་བསྙིལ་བ་སྡུད་པའི་ལྟུང་བྱེད་འཆད་པ་ལ།

རྩ་བར། དགེ་ཚུལ་བསྙིལབ་ཉིད་དོ། །ཞེས་བྱུང༌། འདིའི་དོན་ལ་བཞི་ལས། དང་པོ་གླེང་གཞི་ནི་མཉན་ཡོད་དུ་ཉེ་དགསདགེ་ཚུལ་བསྙིལ་བ་ཉེ་བར་འཇོག་པར་བྱེད་པ་ལས་ལྟུང་བྱེད་དུ་བཅས་སོ། །གཉིས་པ་དགགབྱ་ནི་ཡུལ་དགེ་ཚུལ་དེ་ལ་གནོད་ཅིང་རང་རིགས་དགེ་འདུན་ལ་ཡང་གནོད་པའོ། །གསུམ་པ་ངོ་བོ་ནི་དགེ་འདུན་གྱིས་དགེ་ཚུལ་བསྙིལ་བ་ལ་བཅས་ལྡན་དགེ་སློང་གིས་ཆོས་དང་ཟང་ཟིངགི་ལོངས་སྤྱོད་བྱས་པ་ལས་གྱུར་པའི་ལྟུང་བ་དངོས་གཞིའོ། །བཞི་བ་ཡན་ལག་ལ་བཞི་ལས།

དང་པོ་གཞིའི་ཡན་ལག་ལ། གང་བསྡུ་བའི་ཡུལ་དང༌། གང་དུ་ཉལ་བའི་གནས་དང་གཉིས། དངཔོ་ནི་དགེ་ཚུལ་ཆོས་བདུན་ལྡན་ཏེ། དེའང་དགེ་ཚུལ་གྱི་སྡོམ་པ་རྣམ་པར་དག་པ་སྟེ། དགེ་སློངབསྙེན་པར་རྫོགས་པ་ཅན་མ་ཉམས་པ་ཉིད་ནི་ཞེས་སྤངས་པ་རྗེས་ཕྱོགས་ལ་གསུངས་པའི་གནདཀྱིས་སྦྱར་རོ། །མཚན་མཐུན་པ་དང༌། ཐ་སྙད་གསུམ་དང་ལྡན་པ་དང༌། ལུས་ཐ་མལ་པར་གནསཔ་གསུམ་ནི་སྔར་བཤད་པ་བཞིན་ནོ། །བསྙིལ་བ་དང་འབྲེལ་བ་དང༌། ནད་པ་མ་ཡིན་པ་དང༌། གདུལ་བྱ་ལ་ལྟོས་པ་མ་ཡིན་པ་སྟེ། བསྙིལ་བ་ཉིད་དོ། །ཞེས་དང༌། ལུང་རྣམ་འབྱེད་ཀྱི་བསྙིལབ་སྡུད་པའི་སྐབས་ལས། ན་བ་དང་སྡིག་པ་ཅན་གྱི་ལྟ་བ་དང་དབྲལ་བར་འདོད་པ་ལ་ལྟུང་བམེད་དོ། །ཞེས་གསུངས་པས་སོ། །གང་དུ་ཉལ་བའི་གནས་ནི་གནས་ཆོས་གསུམ་ལྡན་ཏེ་སྔ་མ་བཞིན་ནོ། །གཉིས་པ་བསམ་པའི་ཡན་ལག་ལ་གཉིས་ལས། འདུ་ཤེས་ནི་གཞི་ལ་མ་འཁྲུལབའོ། །ཀུན་སློང་དང་སྦྱོར་བ་དང་མཐར་ཐུག་ནི་སྔར་སྤངས་པ་རྗེས་ཕྱོགས་དང་འདྲའོ། །

ང་བརྒྱད་པ་ཁ་མ་བསྒྱུར་བ་གྱོན་པའི་ལྟུང་བྱེད་འཆད་པ།

ང་བརྒྱད་པ་ཁ་མ་བསྒྱུར་བ་གྱོན་པའི་ལྟུང་བྱེད་འཆད་པ་ལ།

རྩ་བར། སྔོན་པོའམདམར་པོའམ་ངུར་སྨྲིག་གིས་ཁ་མ་བསྒྱུར་བ་རང་གི་གོས། ཞེས་སོགས་བྱུང༌། འདིའི་དོན་ལབཞི་ལས། དང་པོ་གླེང་གཞི་ནི་རྒྱལ་པོའི་ཁབ་ཏུ་དྲུག་སྡེས་གོས་དཀར་པོ་གྱོན་པ་ལས་ལྟུང་བྱེདདུ་བཅས་སོ། །གཉིས་པ་དགག་བྱ་ནི་ཁྱིམ་པ་དང་ཆ་ལུགས་འདྲེས་པའོ། །གསུམ་པ་ངོ་བོ་ནིབཅས་ལྡན་དགེ་སློང་གིས་རང་དབང་བའི་གོས་དཀར་པོ་བགོ་བ་ལ་སོགས་པ་ལོངས་སྤྱད་པ་ལས་གྱུར་པའི་ལྟུང་བ་དངོས་གཞིའོ། །བཞི་བ་ཡན་ལག་ལ་བཞི་ལས། དང་པོ་གཞིའི་ཡན་ལགལ་དྲུག་སྟེ། གོས་ཡིན་པ་དང༌། རང་གི་ཡིན་པ་དང༌། ཁ་མ་བསྒྱུར་བའི་དཀར་པོ་ཡིན་པ་སྟེ། ཁམ་བསྒྱུར་བའི་རང་གི་གོས་ཞེས་གསུངས་པ་མས་རིམ་བཞིན་ནོ། །གཞི་གཞན་གྱི་སྒོ་ནས་རུངབ་དང༌། རང་རང་གི་ཚད་དང་ལྡན་པ་དང༌། ཆུ་ཚགས་ལས་གཞན་ཡིན་པ་སྟེ། རབ་ཏུ་བྱུང་བའིརྫས་དག་ལ་ནི་རུང་བ་ཉིད་དང་ཚད་དང་ལྡན། ཞེས་དང༌། འོད་ལྡན་དང་ཊཱི་ཀ་ལས། ཆུ་ཚགསནི་ཁ་བསྒྱུར་བར་མི་རིགས་ཞེས་གསུངས་སོ། །གཉིས་པ་བསམ་པའི་ཡན་ལག་ལ་གཉིས་ལས།

འདུ་ཤེས་ནི་གཞི་ལ་མ་འཁྲུལ་བའོ། །ཀུན་སློང་ནི་རང་གར་གོས་ཁ་མ་བསྒྱུར་བ་དཀར་པོ་ལོངསསྤྱད་པར་འདོད་པ་རྒྱུན་མ་ཆད་པའོ། །གསུམ་པ་སྦྱོར་བ་ནི་དེ་ལ་ལོངས་སྤྱད་པར་ཞུགས་པའོ། །

བཞི་བ་མཐར་ཐུག་ནི་ལོངས་སྤྱད་པ་རྫོགས་པའོ། །ཡན་ལག་གི་དོན་ལ། སྔོན་པོ་ནི་ལུང་རྣམའབྱེད་ལས་སྔོན་པོ་ཞེས་བྱ་བ་ནི་རམས་ཉིད་དོ་ཞེས་གསུངས་ལ། བམ་པོ་ལྔ་བཅུ་པ་དང་བསྡུསཔ་ལས་ཀྱང་སྔོན་པོ་ནི་རམས་ཡིན་པར་བཤད་དོ། །རམས་དང་ཁ་དོག་འདྲ་བའི་སྔོན་པོ་ཐམསཅད་བཟུང་སྟེ། འོད་ལྡན་ལས་སྔོན་པོ་ཞེས་བྱ་བ་ནི་སྔོན་པོ་ཐམས་ཅད་བཟུང་ངོ༌། །དེ་ཉིད་ཀྱི་ཕྱིར་སྔོན་པོའི་མདོག་ཅེས་སྤྱིར་སྨོས་པ་ཡིན་ཏེ་རམས་འབའ་ཞིག་སྨོས་པར་གྱུར་ན་མི་རུང་བསསོ་ཞེས་བཤད་དོ། །ཞེས་མཚོ་ཊཱིཀ་ལས་སོ། །ཁ་མ་བསྒྱུར་བ་དཀར་པོའོ། །ཁ་མ་བསྒྱུར་བ་ནགཔོ་ནི་ཤ་ཟའི་གོས་ཡིན་པས་བཀག་པ་སྟེ་ཉེས་བྱས་སོ། །ཁ་མ་སྒྱུར་ཡང་རང་བཞིན་གྱི་ཁ་དོགརུང་བ་གསུམ་ཡིན་ན་ཉེས་པ་མེད་དེ། ལུང་ཞུ་བ་ལས། དགེ་སློང་གིས་ཁ་དོག་བསྒྱུར་བ་རྣམཔ་གསུམ་ལས་གང་ཡང་རུང་བ་གཅིག་གིས་ཁ་དོག་མ་བསྒྱུར་བར་སྤྱད་ཀྱང་ནོངས་པར་མི་འགྱུརབ་མཆིས་སམ། ཨུ་པ་ལི་ཡོད་དེ། དགེ་སློང་གིས་རང་བཞིན་གྱི་ཁ་དོག་ཅན་གྱི་གོས་བགོས་ནའོ། །ཞེས་གསུངས་སོ། ། ལུང་ཞུ་བ་ལས། དགེ་སློང་གིས་གོས་ཁྲུ་གང་ལས་ཆུང་བའམ། བདེ་བརགཤེགས་པའི་ཆོས་གོས་ཀྱི་ཚད་གཅིག ཁ་དོག་བསྒྱུར་གསུམ་ལས་གང་ཡང་རུང་བ་གཅིག་གིསཁ་དོག་མ་བསྒྱུར་བར་སྤྱད་ན་ཅིར་འགྱུར་ལྟུང་བའོ། །ཞེས་བཤད་ཀྱང༌། དྲི་བ་རྒྱ་ཆེར་འགྲེལལས་ལུང་ཞུ་བ་ཁུངས་སུ་དྲངས་པ་ལས་ནི་དགེ་སློང་གིས་རས་ཁྲུ་གང་ལས་ཆུང་བའམ། བདེབར་གཤེགས་པའི་ཆོས་གོས་ཀྱི་ཚད་གཅིག །ཁ་དོག་བསྒྱུར་བ་གསུམ་ལས་གང་ཡང་རུང་བའིཚོན་གྱིས་ཁ་དོག་མ་བསྒྱུར་བར་འཚལ་ན་ཅིར་འགྱུར་ཉེས་བྱས་སོ་ཞེས་བཤད་པ་དེ་ལེགས། ཞེས་མཚོ་ཊཱིཀ་ལས་གསུངས་ཀྱང་དཔྱད་པར་བྱའོ། །ཁ་དོག་ཆེན་པོར་ཞེས་ཚོན་ཆེན་པོ་བརྒྱདནི། མཚལ་དང་དེ་བཞིན་རྒྱ་སྐྱེགས་བཙོད་རྣམས་དང༌། །གུར་ཀུམ་དག་དང་མཐིང་ཤུན་ལི་ཁྲིདདང༌། །རྨ་ཤིང་ལེ་རྒན་རྩི་རྣམས་མི་རུང་སྟེ། །བརྒྱད་པོ་ཚོན་ཆེན་ཡིན་པས་བཀག་ཕྱིར་རོ། །

ཞེས་སོ། །

ང་དགུ་པ་ལོངས་པའི་གཞིར་གཏོགས་པའི་ལྟུང་བྱེད་འཆད་པ།

ང་དགུ་པ་ལོངས་པའི་གཞིར་གཏོགས་པའི་ལྟུང་བྱེད་འཆད་པ་ལ།

རྩ་བར། རིན་པོ་ཆེ་རང་གི་མ་ཡིན་པ་དང༌། ཞེས་སོགས་བྱུང༌། འདིའི་དོན་ལ་བཞི་ལས། དང་པོ་གླེང་གཞི་ནིཡངས་པ་ཅན་དུ་དྲུག་སྡེས་རོལ་མོའི་སྒྲ་ཕྱུང་བ་ལས་ལྟུང་བྱེད་དུ་བཅས་སོ། །གཉིས་པ་དགགབྱ་ནི་རྒྱགས་པ་འཕེལ་བ་སྟེ། ལོངས་པའི་གཞིར་གཏོགས་ཞེས་གསུངས་པས་སོ། །གསུམ་པངོ་བོ་ནི་བཅས་ལྡན་དགེ་སློང་གིས་རིན་པོ་ཆེ་རང་གི་མ་ཡིན་པ་དང་མཚོན་ཆ་དང་རོལ་མོའི་ཆསྤྱད་ལ་རང་ངམ་བསྐོས་པས་རེག་པ་ལས་གྱུར་པའི་ལྟུང་བ་དངོས་གཞིའོ། །བཞི་བ་ཡན་ལགལ་བཞི་ལས། དང་པོ་གཞིའི་ཡན་ལག་ལ། གང་ལ་རེག་པའི་ཡུལ་དང༌། གང་གིས་རེག་པའིརྟེན་དང་གཉིས། །དང་པོ་ནི་རིན་པོ་ཆེ་ཆོས་བདུན་ལྡན་དང༌། རིན་པོ་ཆེར་སྨོས་པ་ཆོས་བཞིལྡན་ནོ། །དང་པོ་ཆོས་བདུན་ལྡན་ནི། རིན་པོ་ཆེ་ཡིན་པ་དང༌། རང་གི་མ་ཡིན་པ་དང༌། དགོསཔའི་ཕྱིར་རུང་བ་ཉིད་དུ་གྱུར་པ་དང༌། ཆུད་འཛའ་བའི་རྐྱེན་དང་མི་ལྡན་པ་དང༌། ཐོབ་པར་ལྕོགསཔ་ན་གནས་པ་དང༌། མི་མ་ཡིན་པའི་གནས་ན་དེ་དག་གི་བསོད་ནམས་ལས་གྲུབ་པ་མ་ཡིནཔ་དང༌། སྦྱིན་བདག་བསོད་ནམས་འདོད་པས་བསྟབས་པ་མ་ཡིན་པའཽ། །གཉིས་པ་རིན་པོ་ཆེརསྨོས་པ་ཆོས་བཞི་ལྡན་ནི། མཚོན་ཆ་དང་རོལ་མོའི་ཆ་བྱད་ཡིན་པ་དང༌། དགོས་པའི་ཕྱིར་རུངབ་ཉིད་དུ་གྱུར་པ་དང༌། ཆུད་འཛའ་བའི་རྐྱེན་དང་མི་ལྡན་པ་དང༌། ཐོབ་པར་ལྕོགས་པ་ན་གནསཔའཽ། །གཉིས་པ་གང་གིས་རེག་པའི་རྟེན་ནི། དོན་ཁྱད་པར་ཅན་སྒྲུབ་པ་མ་ཡིན་པ་ཡིན་ཏེ། རྩབར། ཆོས་ཉན་དུ་གཞུག་པའི་ཕྱིར། ཞེས་སོ། །གཉིས་པ་བསམ་པའི་ཡན་ལག་ལ་གཉིས་ལས།

འདུ་ཤེས་ནི་གཞི་ལ་མ་འཁྲུལ་བའོ། །ཀུན་སློང་ནི་རང་གར་རེག་པར་འདོད་པ་རྒྱུན་མ་ཆད་པའོ། །

གསུམ་པ་སྦྱོར་བ་ནི་རང་གིས་རེག་པའམ་གཞན་ལ་ངག་གི་རིག་བྱེད་ཀྱིས་བསྐོས་ནས་མངོནསུམ་དུ་རེག་པར་ཞུགས་པའོ། །བཞི་བ་མཐར་ཐུག་ནི་རེག་པ་རྫོགས་པའོ། །

དྲུག་ཅུ་པ་ཁྲུས་བྱེད་པའི་ལྟུང་བྱེད་འཆད་པ།

དྲུག་ཅུ་པ་ཁྲུས་བྱེད་པའི་ལྟུང་བྱེད་འཆད་པ་ལ།

རྩ་བར། སོ་ག་རྣམས་ཀྱི་ཟླ་བ་ལྷགམ་ཕྱེད་དང་གཉིས་དང་དབྱར་རྣམས་ཀྱི་དང་པོ་ལས་སོ། །ཞེས་སོགས་བྱུང༌། འདིའི་དོན་ལབཞི་ལས། དང་པོ་གླེང་གཞི་ནི་རྒྱལ་པོའི་ཁབ་ཏུ་དྲུག་སྡེས་མཐོ་འཚམས་པའི་སེམས་ཀྱིས་ཁྲུསབྱས་པ་ལས་ལྟུང་བྱེད་དུ་བཅས་སོ། །གཉིས་པ་དགག་བྱ་ནི་མ་དད་པ་བསྐྱེད་པའོ། །གསུམ་པ་ངོ་བོ་ནི་བཅས་ལྡན་དགེ་སློང་གིས་སྔར་ཁྲུས་བྱས་ནས་ཟླ་བ་ཕྱེད་མ་འདས་པར་འཇིག་རྟེནལ་གྲགས་པའི་ཆུས་ཁྲུས་བྱས་ཏེ་ལུས་ཕྱེད་ཁྱབ་པར་གྱུར་པའི་ལྟུང་བ་དངོས་གཞིའོ། །བཞི་བཡན་ལག་ལ་བཞི་ལས། དང་པོ་གཞིའི་ཡན་ལག་ལ། གང་གིས་ཁྲུས་བྱ་བའི་དངོས་པོ་དང༌། གང་གི་ཚེ་ཁྲུས་བྱ་བའི་དུས་དང༌།གང་གིས་ཁྲུས་བྱེད་པའི་རྟེན་དང༌།གང་དུ་ཁྲུས་བྱ་བའི་གནས་དང་བཞི། དང་པོ་ལ་གཉིས་ཏེ། འཇིག་རྟེན་ལ་གྲགས་པའི་ཆུ་ཡིན་པ་དང༌།ལུས་ཕྱེད་ཁྱབ་པའི་ཚདདུ་ཆོག་པའོ། །གཉིས་པ་གང་གི་ཚེ་ཁྲུས་བྱ་བའི་དུས་ནི། ཚ་བའི་དུས་མ་ཡིན་པ་དང༌། ཟླ་བཕྱེད་ཕྱེད་ཀྱི་དུས་མ་ཡིན་པ་སྟེ། ཊཱི་ཀ་ལས། ཟླ་བ་ཕྱེད་དང་གསུམ་པོ་དེ་དག་ལ་ཚ་བའི་གཉེནཔོའི་ཕྱིར་ཁྲུས་བྱེད་པ་རྗེས་སུ་གནང་སྟེ། དེ་ལས་གཞན་པའི་དུས་སུ་ཡང་ཉི་མ་དེ་ལ་ཚ་བ་སྐྱེསན་ཁྲུས་བྱའོ། །ཞེས་དང༌། ཞག་བཅོ་ལྔའི་མདུན་རོལ་ཏུ་ཁྲུས་བྱེད་ནའོ། །ཞེས་གསུངས་པསསོ། །གསུམ་པ་ལ་ལྔ་སྟེ། ན་བ་མ་ཡིན་པ་དང༌། ལས་མ་བྱས་པ་དང༌། ལམ་དུ་མ་སོང་བ་དང༌། རླུང་གིས་མ་བསྐྱོད་པ་དང༌། ཆར་གྱིས་མ་ཕོག་པའཽ། །ཟླ་ཟེར་ལས། རླུང་གིས་བསྐྱོད་པའི་ཚདཇི་ཙམ་ཞེ་ན། གོས་ཀྱི་གྲྭ་རླུང་གིས་བསྒུལ་བ་ནི་རླུང་གིས་སྐྱོད་པ་དེའི་མཐའ་ཡིན་ནོ། །ཞེསདང༌། ཆར་གྱིས་ཕོག་པ་དེའི་མཐའ་ཚད་ནི་ཐིགས་པ་གཉིས་ཀྱིས་ཕོག་པའོ། །ནས། ལུས་ལའོ། །

གོས་ལ་མ་ཡིན་ནོ། །ཞེས་གསུངས་སོ། །བཞི་པ་གང་དུ་ཁྲུས་བྱ་བའི་གནས་ནི། ཡུལ་ཨསྨ་པརན་ཏ་ལས་གཞན་ཡིན་པ་སྟེ། ཨསྨ་པ་རན་ཏའི་ཡུལ་དག་ན་འདི་མེད་པར་ཤེས་པར་བྱའོ། །

ཞེས་སོ། །གཉིས་པ་བསམ་པའི་ཡན་ལག་ལ་གཉིས་ལས། འདུ་ཤེས་ནི་གཞི་ལ་མ་འཁྲུལ་བའོ། །

ཀུན་སློང་ནི་རང་གར་ཁྲུས་བྱེད་པར་འདོད་པ་རྒྱུན་མ་ཆད་པའོ། །གསུམ་པ་སྦྱོར་བ་ནི་ཁྲུས་བྱེདཔར་ཞུགས་པའོ། །བཞི་བ་མཐར་ཐུག་ནི་ཁྲུས་བྱེད་པའི་ཆུས་ལུས་ཕྱེད་ཁྱབ་པ་སྟེ། རྣམ་འབྱེདའགྲེལ་ལས། ལྟེ་བར་སོན་ནའོ་ཞེས་བྱ་བ་ནི་ལུས་ཀྱི་ཕྱེད་གཤེར་ན་ཁྲུས་རྫོགས་པ་ཡིན་པསལྟུང་བྱེད་དུ་བསྟན། ཞེས་གསུངས་སོ། །

བཅུ་ཚན་བདུན་པ་ལ་སྡོམ་དང་སོ་སོར་བཤད་དང་གཉིས་ལས། དང་པོ་སྡོམ་ནི།

སོར་སྡོམ་ལས། དུད་འགྲོ་འགྱོད་པ་སོར་མོ་དང༌། །རྩེ་དང་ལྷན་ཅིག་སྔངས་བྱེད་དང༌། །སྦེདདང་གདེང་མེད་གཞི་མེད་དང༌། །སྐྱེས་པ་མེད་པར་ལམ་འགྲོ་བའོ། །ཞེས་གཟུང་བར་བྱའོ། །

གཉིས་པ་སོ་སོར་བཤད་པ་ལ། རེ་གཅིག་པ་དུད་འགྲོ་གསོད་པའི་ལྟུང་བྱེད་འཆད་པ་ལ། རྩབར། གསོད་པའི་སེམས་ཀྱིས་དུད་འགྲོ་ལ་བསྣུན་ནའོ། །ཞེས་སོགས་བྱུང༌། འདིའི་དོན་ལབཞི་ལས། དང་པོ་གླེང་གཞི་ནི་མཉན་ཡོད་དུ་འཆར་ཀས་བྱ་རོག་བསད་པ་ལས་ལྟུང་བྱེད་དུབཅས་སོ། །གཉིས་པ་དགག་བྱ་ནི་དུད་འགྲོའི་སྲོག་ལ་གནོད་པའོ། །གསུམ་པ་ངོ་བོ་ནི་བཅསལྡན་དགེ་སློང་གིས་དུད་འགྲོ་དེ་གཞི་མའི་ཞོར་མ་ཡིན་པར་གསོད་སེམས་ཀྱིས་རང་ངམ་བསྐོསཔས་བསད་དེ་དུད་འགྲོ་ཤི་བ་ལས་གྱུར་པའི་ལྟུང་བ་དངོས་གཞིའོ། །བཞི་བ་ཡན་ལག་ལ་བཞིལས། དང་པོ་གཞིའི་ཡན་ལག་ལ་གཉིས་ཏེ། དུད་འགྲོ་ཡིན་པ་དང༌། གཞི་མའི་ཞོར་ལ་སྲོག་ལམ་ལྟོས་པར་འཇུག་པའི་ཡུལ་ལས་གཞན་ཡིན་པ་སྟེ། གཞན་དུ་ན་དུད་འགྲོ་འདེབས་སྤྱོད་ཀྱིལྟུང་བ་གཞན་དུ་འགྱུར་བའི་ཕྱིར་རོ། །གཉིས་པ་བསམ་པའི་ཡན་ལག་ལ་གཉིས་ལས། འདུཤེས་ནི་གཞིའི་ཡན་ལག་དེ་དག་ལ་མ་འཁྲུལ་བའོ། །ཀུན་སློང་ནི་དུད་འགྲོ་གསོད་པར་འདོདཔ་རྒྱུན་མ་ཆད་པའོ། །གསུམ་པ་སྦྱོར་བ་ནི་རང་ངམ་བསྐོས་པས་དུད་འགྲོ་གསོད་པར་ཞུགས་པའོ། །བཞི་བ་མཐར་ཐུག་ནི་དུད་འགྲོའི་སྲོག་གི་དབང་པོ་འགགས་པ་སྟེ། ཤི་ནའོ། །ཞེས་སོ། །

རེ་གཉིས་པ་འགྱོད་པ་བསྐྱེད་པའི་ལྟུང་བྱེད་འཆད་པ།

རེ་གཉིས་པ་འགྱོད་པ་བསྐྱེད་པའི་ལྟུང་བྱེད་འཆད་པ་ལ།

རྩ་བར། ཁྱོད་བསྙེན་པརརྫོགས་པ་མ་ཡིན་ཞིང་ཕམ་པར་གྱུར་བ་འབྱུང༌། ཞེས་སོགས་བྱུང༌། འདིའི་དོན་ལ་བཞི་ལས།

དང་པོ་གླེང་གཞི་ནི་མཉན་ཡོད་དུ་འཆར་ཀས་འགྱོད་པ་བསྐྱེད་པ་ལས་ལྟུང་བྱེད་དུ་བཅས་སོ། །

གཉིས་པ་དགག་བྱ་ནི་རང་རིགས་ཀྱི་སེམས་བདེ་བ་ལ་གནོད་པའོ། །གསུམ་པ་ངོ་བོ་ནི་བཅསལྡན་དགེ་སློང་གིས་དགེ་སློང་གཞན་ལ་རྣམ་དག་གི་དགེ་སློང་མ་ཡིན་པའི་དོན་གྱིས་འགྱོད་པ་བསྐྱེད་པ་ལས་གྱུར་པའི་ལྟུང་བ་དངོས་གཞིའོ། །བཞི་བ་ཡན་ལག་ལ་བཞི་ལས། དང་པོ་གཞིའིཡན་ལག་ལ་གཉིས་ཏེ། གང་ལ་འགྱོད་པ་བསྐྱེད་པའི་ཡུལ་དང༌། གང་གིས་འགྱོད་པ་བསྐྱེད་པའིདངོས་པོའོ། །དང་པོ་ནི་ཡུལ་དགེ་སློང་ཆོས་དྲུག་ལྡན་ནོ། །གཉིས་པ་ནི་རྣམ་དག་གི་དགེ་སློང་མ་ཡིན་པའི་དོན་གྱིས་སོ། །གཉིས་པ་བསམ་པའི་ཡན་ལག་ལ་གཉིས་ལས། འདུ་ཤེས་ནི་གཞིལ་མ་འཁྲུལ་བའོ། །ཀུན་སློང་ནི་རང་གར་བཞད་གད་ཡན་ཆད་ཀྱིས་འགྱོད་པ་བསྐྱེད་པའི་ཚིགསྨྲ་ཞིང་གོ་བར་འདོད་པ་རྒྱུན་མ་ཆད་པའོ། །གསུམ་པ་སྦྱོར་བ་ནི་ངག་མཚན་ཉིད་ལྔ་ལྡན་གྱིསའགྱོད་པ་བསྐྱེད་པར་ཞུགས་པའོ། །བཞི་བ་མཐར་ཐུག་ནི་དོན་གོ་བའོ། །སློབ་དཔོན་ཡོན་ཏནའོད་ཀྱི་བཞེད་པ་ལ་ཕམ་པར་འགྱུར་བ་འབྱུང་ངོ་ཞེས་བྱ་བ་ལ་སོགས་པ་རྣམ་དག་གི་དགེ་སློངམ་ཡིན་པ་ཞེས་དགོངས་པ་སྟེ། ཕམ་པ་བྱུང་བའང་དགེ་སློང་ཙམ་པོ་ནི་ཡིན་ཏེ། རང་གི་རྣམ་བཤདལས། ཕམ་པར་གྱུར་པ་ལ་ནི་སྡོམ་པ་ཡོད་དུ་ཟིན་ཀྱང་དེ་ལྟ་མོད་ཀྱི་དགོས་པ་མེད་པ་ཉིད་དུགྱུར་ཏེ། ཞེས་གསུངས་སོ། །ཞེས་མཚོ་ཊཱིཀ་ལས་སོ། །

རེ་གསུམ་པ་ག་ག་ཚིལ་བྱེད་པའི་ལྟུང་བྱེད་འཆད་པ།

རེ་གསུམ་པ་ག་ག་ཚིལ་བྱེད་པའི་ལྟུང་བྱེད་འཆད་པ་ལ།

རྩ་བར། དགེ་སློང་ལ་སོར་མོའམ། ཞེས་སོགས་བྱུང༌། འདིའི་དོན་ལ་བཞི་ལས། དང་པོ་གླེང་གཞི་ནི་མཉན་ཡོད་དུ་བཅུབདུན་སྡེའི་གཅིག་ལ་གཞན་བཅུ་དྲུག་གིས་ག་ག་ཚིལ་བྱས་པ་ལས་ལྟུང་བྱེད་དུ་བཅས་སོ། །གཉིས་པ་དགག་བྱ་ནི་རང་རིགས་ལ་གནོད་པའོ། །གསུམ་པ་ངོ་བོ་ནི་བཅས་ལྡན་དགེ་སློང་གིསརང་གི་ལུས་དངོས་མ་ཉམས་པས་དགེ་སློང་གཞན་གྱི་ལུས་དངོས་མ་ཉམས་པ་ལ་སྐྱི་གཡའ་བར་བྱ་བའི་སེམས་ཀྱིས་རེག་པ་ལས་གྱུར་པའི་ལྟུང་བ་དངོས་གཞིའོ། །བཞི་བ་ཡན་ལག་ལབཞི་ལས། དང་པོ་གཞིའི་ཡན་ལག་ལ། གང་ལ་རེག་པའི་ཡུལ་དང༌། གང་གིས་རེག་པའི་རྟེནདང་གཉིས། །དང་པོ་ལ་དགུ་སྟེ། དགེ་སློང་ཆོས་དྲུག་ལྡན་གྱི་སྟེང་དུ། ལུས་དངོས་ཡིན་པ་སྟེ། ལུངཞུ་བ་ལས། དགེ་སློང་གཞན་གྱི་སེན་མོ་དང་སོ་དང་སྤུ་ལ་ག་ག་ཚིལ་བགྱིས་ན་ཅིར་འགྱུར། ཉེསབྱས་སོ། །ཞེས་གསུངས་པས་སོ། །མ་ཉམས་པ་ཡིན་པ་སྟེ། རེག་པར་བྱ་བ་ཉིད་ནི་མ་ཉམསཔའོ། །ཞེས་དང༌། ག་ག་ཚིལ་བྱེད་པ་ལ་ཡང་ངོ༌། །ཞེས་གསུངས་པས་སོ། །ཕམ་པ་དངོས་སུབསྐྱེད་ནུས། རེག་པའི་ཆ་ནས་ལམ་གཉིས་ལས་གཞན་ཡིན་པའོ། །གཉིས་པ་གང་གིས་རེགཔའི་རྟེན་ནི། ལུས་དངོས་ཡིན་པ་དང༌། མ་ཉམས་པ་ཡིན་པ་དང༌། ཕམ་པ་དངོས་སུ་བསྐྱེད་ནུསརེག་པའི་ཆ་ནས་རང་གི་ཡན་ལག་གཞན་ཡིན་པ་སྟེ། ལུང་ཞུ་བ་ལས། དགེ་སློང་གིས་སེན་མོདང་སོ་དང་སྤུས་ག་ག་ཚིལ་བགྱིས་ན་ཅིར་འགྱུར། ཉེས་བྱས་སོ། །ཞེས་སོགས་སོ། །གཉིས་པ་བསམ་པའི་ཡན་ལག་ལ་གཉིས་ལས། འདུ་ཤེས་ནི་གཞི་ལ་མ་འཁྲུལ་བའོ། །ཀུན་སློང་ནི་རངགར་སྐྱི་གཡའ་བར་བྱ་བའི་སེམས་ཀྱིས་ག་ག་ཚིལ་བྱེད་པར་འདོད་པ་རྒྱུན་མ་ཆད་པའོ། །གསུམཔ་སྦྱོར་བ་ནི་རེག་པར་བྱེད་པའོ། །བཞི་བ་མཐར་ཐུག་ནི་རེག་པ་རྫོགས་པའོ། །

རེ་བཞི་བ་ཆུ་ལ་རྩེ་བའི་ལྟུང་བྱེད་འཆད་པ།

རེ་བཞི་བ་ཆུ་ལ་རྩེ་བའི་ལྟུང་བྱེད་འཆད་པ་ལ།

རྩ་བར། ཆུའི་ཡུལ་ལ་རྩེ་བ་རྗེས་སུསྒྲུབ་ནའོ། །ཞེས་སོགས་བྱུང༌། འདིའི་དོན་ལ་བཞི་ལས། དང་པོ་གླེང་གཞི་ནི་མཉན་ཡོད་དུབཅུ་བདུན་སྡེས་ཆུ་ལ་རྩེ་བ་ལས་ལྟུང་བྱེད་དུ་བཅས་སོ། །གཉིས་པ་དགག་བྱ་ནི་རྒོད་བག་ལཆགས་པ་འཕེལ་བའོ། །གསུམ་པ་ངོ་བོ་ནི་བཅས་ལྡན་དགེ་སློང་གིས་འཇིག་རྟེན་ལ་གྲགས་པའིཆུ་ལྟེ་བ་ནུབ་པའི་ཚད་དུ་ཆོག་པ་ལ་རྩེའམ་རྩེར་འཇུག་པ་ལས་གྱུར་པའི་ལྟུང་བ་དངོས་གཞིའོ། །

བཞི་བ་ཡན་ལག་ལ་བཞི་ལས། དང་པོ་གཞིའི་ཡན་ལག་ལ། འཇིག་རྟེན་ལ་གྲགས་པའི་ཆུ་ཡིནཔ་དང༌། ལྟེ་བ་ནུབ་པའི་ཚད་དུ་ཆོག་པ་དང་གཉིས་ཡོད་དེ། ཊཱི་ཀ་ལས། ཆུའི་ནང་དུ་ལྟེ་བ་མནཆད་ཙམ་ནུབ་པར་ཞུགས་ཤིང༌། ཞེས་གསུངས་པས་སོ། །གཉིས་པ་བསམ་པའི་ཡན་ལག་ལགཉིས་ལས། འདུ་ཤེས་ནི་གཞི་ལ་མ་འཁྲུལ་བའོ། །ཀུན་སློང་ནི་རྒོད་པས་དགའ་བ་ཉམས་སུམྱོང་བར་བྱ་བའི་འདུན་པས་རྩེ་བར་འདོད་པ་རྒྱུན་མ་ཆད་པའོ། །གསུམ་པ་སྦྱོར་བ་ནི་རང་ངམབསྐོས་པས་རྩེ་བར་ཞུགས་པའོ། །བཞི་བ་མཐར་ཐུག་ནི་རྩེ་བ་རྫོགས་པའོ། །

རེ་ལྔ་བ་བུད་མེད་དང་ལྷན་ཅིག་ཉལ་བའི་ལྟུང་བྱེད་འཆད་པ་ལ། རྩ་བར། བུད་མེདདང་ལྷན་གཅིག་གནས་གཅིག་ཏུ་གཉིད་ལོག་ནའོ། །ཞེས་སོགས་བྱུང༌། འདིའི་དོན་ལ་བཞི་ལས།

དང་པོ་གླེང་གཞི་ནི་སངས་རྒྱས་མཉན་ཡོད་ན་བཞུགས་ཚེ་མ་འགགས་པ་ལྗོངས་གྱུར་སོང་སྟེ། རི་བྲག་གི་གྲོང་དུ་བུད་མེད་དང་གནས་གཅིག་ཏུ་ཉལ་བ་ལས་ལྟུང་བྱེད་དུ་བཅས་སོ། །གཉིསཔ་དགག་བྱ་ནི་ཆགས་པའི་རྒྱུར་འགྱུར་བའོ། །གསུམ་པ་ངོ་བོ་ནི་བཅས་ལྡན་དགེ་སློང་གིས་བུདམེད་དང་གནས་གཅིག་ཏུ་གཉིས་ཀ་ཉལ་བའི་སྤྱོད་ལམ་གྱིས་གཉིད་ལོག་ཅིང་མཚན་མོ་འདསཔ་ལས་གྱུར་པའི་ལྟུང་བ་དངོས་གཞིའོ། །

བཞི་བ་ཡན་ལག་ལ་བཞི་ལས། གཞིའི་ཡན་ལག་ལ།

གང་དང་ཉལ་བའི་ཡུལ་དང༌། གང་དུ་ཉལ་བའི་གནས་དང༌། གང་གི་ཚེ་ཉལ་བའི་དུས་དང༌། གང་གིས་ཉལ་བའི་རྟེན་དང་བཞི། །དང་པོ་ནི་སྔར་འཁྲིག་ཚིག་གི་སྐབས་སུ་བཤད་པའི་བུད་མེད་ཆོས་ལྔ་ལྡན་གྱི་སྟེང་དུ་བསྲུང་མ་དང་མི་ལྡན་པའོ། །གཉིས་པ་ནི་གནས་ཆོས་གསུམ་ལྡནཏེ། གཞན་ནི་སྔར་ནུབ་ལྷག་གི་སྐབས་དང་འདྲ་བ་ལས། བྱ་གག་འཕུར་ནས་བབས་པའི་ལམ་ནིབར་དུ་ཆོད་པར་གྱུར་པ་ཉིད་ཡིན་ནོ་ཞེས་གསུངས་པ་ནི་འདིར་ཁྱད་པར་རོ། །གསུམ་པ་ནི་དུསམཚན་མོ་ཡིན་པའོ། །བཞི་པ་ནི་རྟེན་ཁྲིམས་གྲོགས་དང་མི་ལྡན་པ་སྟེ། ལྟུང་བ་འབྱིན་པར་བྱེདཔ་དགེ་སློང་གིས་བསྲུངས་པ་ཉིད་དང༌། ཞེས་གསུངས་པས་སོ། །གཉིས་པ་བསམ་པའི་ཡནལག་ལ་གཉིས་ལས། འདུ་ཤེས་ནི་གཞི་ལ་མ་འཁྲུལ་བའོ། །ཀུན་སློང་ནི་རང་གར་བུད་མེད་དངལྷན་ཅིག་གནས་གཅིག་ཏུ་ཉལ་བར་འདོད་པ་རྒྱུན་མ་ཆད་པའོ། །གསུམ་པ་སྦྱོར་བ་ནི་ཉལ་ཞིངགཉིད་ལོག་པའོ། །བཞི་བ་མཐར་ཐུག་ནི་མཚན་མོའི་མཐའི་སྐད་ཅིག་སྟེ། མཐར་རོ། །ཞེསགསུངས་སོ། ། དགེ་སློང་གིས་ཁྲིམས་གྲོགས་མེད་པར་ཉེ་དུ་མོ་དང་ལྷན་ཅིག་ཉལ་བ་གནང་ངོ་ཞེས་གཞུང་གང་ལས་ཀྱང་མ་གསུངས་ཏེ། ལུང་ཕྲན་ཚེགས་ལས། དགེ་སློང་མས་རང་གི་བུདེ་ཆེན་པོར་གྱུར་པ་དེའི་ཚེ་དེ་དང་ལྷན་ཅིག་ཁང་པ་གཅིག་ཏུ་ཉལ་བར་མི་རུང་སྟེ། ཇི་ལྟར་བསླབཔ་བཅས་པ་བཞིན་སློབས་ཤིག ཅེས་གསུངས་སོ། །

རེ་དྲུག་པ་དངངས་པར་བྱེད་པའི་ལྟུང་བྱེད་འཆད་པ།

རེ་དྲུག་པ་དངངས་པར་བྱེད་པའི་ལྟུང་བྱེད་འཆད་པ་ལ།

རྩ་བར། བཞད་གད་བྱ་བརབསམ་པས་ཀྱང༌། ཞེས་སོགས་བྱུང༌། འདིའི་དོན་ལ་བཞི་ལས། དང་པོ་གླེང་གཞི་ནི་མཉནཡོད་དུ་འཆར་ཀས་དངངས་པར་བྱས་པ་ལས་ལྟུང་བྱེད་དུ་བཅས་སོ། །གཉིས་པ་དགག་བྱ་ནིརང་རིགས་ཀྱི་སེམས་བདེ་བ་ལ་གནོད་པའོ། །གསུམ་པ་ངོ་བོ་ནི་བཅས་ལྡན་དགེ་སློང་གིས་དགེསློང་གཞན་ལ་འཇིགས་པའི་རྒྱུ་ཡིད་དུ་མི་འོང་བ་ཉེ་བར་བསྒྲུབ་པ་རང་ངམ་བསྐོས་པའི་ངག་གི་རིག་བྱེད་ཀྱིས་དངངས་པར་བྱེད་པའི་ཚིག་སྨྲས་ཏེ་དོན་གོ་བ་ལས་གྱུར་པའི་ལྟུང་བ་དངོས་གཞིའོ། །བཞི་བ་ཡན་ལག་ལ་བཞི་ལས། དང་པོ་གཞིའི་ཡན་ལག་ལ། གང་དངངས་པར་བྱ་བའིཡུལ་དང༌། གང་གིས་དངངས་པར་བྱེད་པའི་དངོས་པོ་དང་གཉིས། དང་པོ་ནི་དགེ་སློང་ཆོས་དྲུགལྡན་ནོ། །གཉིས་པ་ནི་འཇིགས་པའི་རྒྱུ་ཡིད་དུ་མི་འོང་བ་སྟེ། འཇིགས་པའི་རྒྱུ་ཉེ་བར་བསྒྲུབ་པ་ཞེས་གསུངས་པས་སོ། །གཉིས་པ་བསམ་པའི་ཡན་ལག་ལ་གཉིས་ལས། འདུ་ཤེས་ནི་གཞིལ་མ་འཁྲུལ་བའོ། །ཀུན་སློང་ནི་རང་གར་བཞད་གད་ཡན་ཆད་ཀྱིས་དངངས་པར་བྱེད་པར་འདོདཔ་རྒྱུན་མ་ཆད་པའོ། །གསུམ་པ་སྦྱོར་བ་ནི་རང་ངམ་བསྐོས་པའི་ངག་གི་རིག་བྱེད་ཀྱིས་དངངསཔར་བྱེད་པར་ཞུགས་པའོ། །བཞི་བ་མཐར་ཐུག་ནི་དོན་གོ་བའོ། །འདུལ་བ་བདུད་རྩིའི་ཉིང་ཁུལས། མཐར་ཐུག་སྔངས་སྐྲག་སྐྱེས་པ་ན་ལྟུང་བའོ། །ཞེས་གསུངས་པ་ལ། རྩ་བར། འཇིགསཔ་མ་སྐྱེས་ཀྱང་ངོ། །ཞེས་གསུངས་པས་དཔྱད་པར་བྱའོ། །

རེ་བདུན་པ་སྦེད་པའི་ལྟུང་བྱེད་འཆད་པ་ལ། རྩ་བར། རབ་ཏུ་བྱུང་བ་འདི་བ་དབང་བའི་ལྷུང་བཟེད་དང༌། ཞེས་སོགས་བྱུང༌། འདིའི་དོན་ལ་བཞི་ལས། དང་པོ་གླེང་གཞི་ནི་མཉནཡོད་དུ་དྲུག་སྡེས་བཅུ་བདུན་སྡེའི་ཆོས་གོས་སྦས་པ་ལས་ལྟུང་བྱེད་དུ་བཅས་སོ། །གཉིས་པདགག་བྱ་ནི་གཞན་ལ་གནོད་པ་དང་རང་མ་བྱིན་ལེན་གྱི་རྒྱུར་འགྲོ་བའོ། །གསུམ་པ་ངོ་བོ་ནིབཅས་ལྡན་དགེ་སློང་གིས་རབ་ཏུ་བྱུང་བ་འདི་པ་དབང་བའི་ཆོས་གོས་ལ་སོགས་པ་དགེ་སྦྱོང་གི་འཚོ་བའི་ཡོ་བྱད་སྦེད་དམ་སྦེད་དུ་བཅུག་པ་ལས་གྱུར་པའི་ལྟུང་བ་དངོས་གཞིའོ། །བཞི་བཡན་ལག་ལ་བཞི་ལས། དང་པོ་གཞིའི་ཡན་ལག་ལ། གང་གི་སྦ་བའི་བདག་པོ་དང༌། གང་སྦབའི་དངོས་པོ་དང་གཉིས། དང་པོ་ལ་ལྔ་ལས། རབ་ཏུ་བྱུང་བ་སྡེ་ལྔ་ལས་གང་ཡང་རུང་བ་ཡིནཔ་སྟེ་ལུང་རྣམ་འབྱེད་ལས་གསུངས་སོ། །རང་རང་གི་སྡོམ་པ་དག་པ་སྟེ། དགེ་སློང་དང་དགེ་སློང་མ་བསྙེན་པར་རྫོགས་པ་ཅན་མ་ཉམས་པ་ཞེས་གསུངས་ཤིང༌། དེའི་གནད་ཀྱིས་དགེ་ཚུལལ་སོགས་པ་ལ་ཡང་སྦྱར་རོ། །ལྟ་བ་མཐུན་པ་དང༌། ཐ་སྙད་གསུམ་དང་ལྡན་པ་དང༌། ལུས་ཐམལ་པར་གནས་པ་སྟེ། སྔར་བྱིན་འཕྲོག་གི་སྐབས་སུ་བཤད་པ་བཞིན་ནོ། །ཕ་རོལ་པོ་དེ་དགེསློང་ཡིན་ན་ནི། བདག་ལས་ཐ་དད་པ་ཡང་ཡན་ལག་ཏུ་སྦྱར་རོ། །གཉིས་པ་ལ་བཞི་ལས་ཆོསགོས་དང་ལྷུང་བཟེད་ལྟ་བུ་དགེ་སྦྱོང་གི་འཚོ་བའི་ཡོ་བྱད་ཡིན་པ་སྟེ། དགེ་སྦྱོང་གི་འཚོ་བའི་ཡོ་བྱད་སྦེད་དམ་ཞེས་གསུངས་པས་སོ། །ཆུད་འཛའ་བའི་རྐྱེན་ཅན་མ་ཡིན་པ་སྟེ། ཕན་པར་འདོདཔ་ནི་མ་གཏོགས་ཞེས་གསུངས་པས་སོ། །རུང་བ་དང་ཚད་དང་ལྡན་པ་སྟེ་སྤྱིར་བསྟན་པ་ལས་སོ། །གཉིས་པ་བསམ་པའི་ཡན་ལག་ལ་གཉིས་ལས། འདུ་ཤེས་ནི་གཞི་ལ་མ་འཁྲུལ་བའོ། ། ཀུན་སློང་ནི་རང་གར་སྦེད་པར་འདོད་པ་རྒྱུན་མ་ཆད་པའོ། །གསུམ་པ་སྦྱོར་བ་ནི་རང་ངམ་བསྐོསཔས་མངོན་སུམ་དུ་སྦེད་པར་ཞུགས་པའོ། །བཞི་བ་མཐར་ཐུག་ནི་སྦས་ཟིན་པའམ་རྫོགས་པའོ། །

རེ་བརྒྱད་པ་གདེང་མེད་པར་སྤྱོད་པའི་ལྟུང་བྱེད་འཆད་པ།

རེ་བརྒྱད་པ་གདེང་མེད་པར་སྤྱོད་པའི་ལྟུང་བྱེད་འཆད་པ་ལ།

རྩ་བར། དགེ་སློང་ལ་གོས་བླང་བ་མེད་པར་བྱིན་པ་དེས་གནང་བ་མེད་པར་སྤྱོད་ནའོ། །ཞེས་སོགས་བྱུང༌། འདིའིདོན་ལ་བཞི་ལས། དང་པོ་གླེང་གཞི་ནི་མཉན་ཡོད་དུ་ཉེ་དགས་གོས་སོགས་གདེང་མེད་པར་སྤྱདཔ་ལས་ལྟུང་བྱེད་དུ་བཅས་སོ། །གཉིས་པ་དགག་བྱ་ནི་རང་རིགས་ཀྱི་ལོངས་སྤྱོད་ལ་གནོད་པའོ། །

གསུམ་པ་ངོ་བོ་ནི་བཅས་ལྡན་དགེ་སློང་གིས་རང་གི་དགེ་སློང་གཞན་ལ་བྱིན་པའི་གོས་སམ་ལྷུངབཟེད་རྐུ་སེམས་སམ་ཡིད་གཅུགས་ཁྱད་པར་ཅན་ལས་གཞན་པས་ལོངས་སྤྱོད་པ་ལས་གྱུརཔའི་ལྟུང་བ་དངོས་གཞིའོ། །བཞི་བ་ཡན་ལག་ལ་བཞི་ལས། དང་པོ་གཞིའི་ཡན་ལག་ལ། གངགི་ལོངས་སྤྱོད་པའི་བདག་པོ་དང༌། གང་ལོངས་སྤྱོད་པའི་དངོས་པོ་དང་གཉིས། དང་པོ་ནི་དགེསློང་ཆོས་དྲུག་ལྡན་གྱི་སྟེང་དུ། ལོངས་སྤྱོད་པས་དགའ་བར་འགྱུར་བ་མ་ཡིན་པའོ། །གཉིས་པ་ནིགོས་སམ་མཚོ་ཊཱིཀ་ལྟར་ལྷུང་བཟེད་ཡིན་པ་དང༌། རུང་བ་དང༌། ཚད་དང་ལྡན་པ་དང༌། རང་གིསབྱིན་པས་ད་ལྟར་དགེ་སློང་གཞན་དེ་དབང་བའོ། །གཉིས་པ་བསམ་པའི་ཡན་ལག་ལ་གཉིསལས། འདུ་ཤེས་ནི་གཞི་ལ་མ་འཁྲུལ་བའོ། །ཀུན་སློང་ནི་རང་གར་རྐུ་སེམས་དང་ཡིད་གཅུགསཁྱད་པར་ཅན་ལས་གཞན་པས་ལོངས་སྤྱོད་པར་འདོད་པ་རྒྱུན་མ་ཆད་པའོ། །གསུམ་པ་སྦྱོརབ་ནི་གདེང་མེད་པར་སྤྱོད་པར་ཞུགས་པའོ། །བཞི་བ་མཐར་ཐུག་ནི་སྤྱོད་པ་རྫོགས་པའོ། །མཚོཊཱིཀ་ལས། ལྷུང་བཟེད་གདེང་མེད་པར་སྤྱོད་ན་ཅིར་འགྱུར་ཞེ་ན། ཊཱི་ཀ་ལས་ནི། གོས་ལས་གཞནཔའི་ཡོ་བྱད་སྤྱོད་པ་ལ་ནི་ཉེས་བྱས་སོ། །འདིར་གཞུང་ནི་ཞུ་བ་ལས་དགེ་སློང་གི་གོས་མ་གཏོགསཔ་དེ་ལས་གཞན་པའི་ཡོ་བྱད་སྩལ་ནས་སླར་མ་བླངས་པར་སྤྱོད་ན་ཅིར་འགྱུར་ཉེས་བྱས་སོ་ཞེསགསུངས་སོ། །རང་གི་རྣམ་བཤད་ལས་ནི་ལྷུང་བཟེད་ལ་ནི་ཡོངས་སུ་རྫོགས་པ་སྟེ། ལྷུང་བཟེདཆུང་བ་ལ་ནི་ན་སྨད་པར་རིག་པར་བྱའོ། །འདིར་གཞུང་ནི་ཞུ་བ་ཁ་ཅིག་ལས། དགེ་སློང་ལ་ལྷུངབཟེད་དང་ཆོས་གོས་སྦྱིན་པར་བྱས་ཏེ་དེའི་འོག་ཏུ་ལོངས་སྤྱོད་པར་བྱེད་ན་ཅིར་འགྱུར་ལྟུང་བྱེདདོ་ཞེས་སློབ་དཔོན་ཡོན་ཏན་འོད་ཀྱིས་ལུང་དྲངས་སོ། །ཊཱི་ཀ་དང་ཊཱི་ཀ་ལས་ཁུངས་སུ་དྲངས་པའི་ཞུ་བ་ལས་ཉེས་བྱས་སུ་གསུངས་པ་དེ་ནི་གོས་ཞེས་སྨོས་པས་ལྷུང་བཟེད་ཀྱང་མཚོན་པ་སྟེ། གོས་དང་ལྷུང་བཟེད་ལས་གཞན་པའི་ཡོ་བྱད་གདེང་མེད་པར་སྤྱོད་ན་ཉེས་བྱས་སུ་དགོངས་སོཞེས་བརྗོད་དོ། །ཞེས་གསུངས་ལ། འོན་ཀྱང་བམ་ལྔ་ལས། གོས་ཉིད་དང༌། ཞེས་གསུངས་སོ། །

དེ་ལྟར་སྒོ་མང་ཡིག་ཆར་གོས་ཁོ་ན་དགོས་པར་གསུངས་སོ། །

རེ་དགུ་བ་ལྷག་མས་སྐུར་བ་འདེབས་པའི་ལྟུང་བྱེད་འཆད་པ།

རེ་དགུ་བ་ལྷག་མས་སྐུར་བ་འདེབས་པའི་ལྟུང་བྱེད་འཆད་པ་ལ།

རྩ་བར། སྐུར་བའདེབས་པར་འདོད་པས་དགེ་སློང་ལ་འདུ་ཤེས་བསྒྱུར་ཏེ་དགེ་འདུན་ལྷག་མས་སྐུར་བ་བརྗོད་ནའོ། །ཞེས་སོགས་བྱུང༌། འདིའི་དོན་ལ་བཞི་ལས། དང་པོ་གླེང་གཞི་ནི་རྒྱལ་པོའི་ཁབ་ཏུ་མཛའབོ་དང་ས་ལས་སྐྱེས་ཀྱིས་དགེ་འདུན་ལྷག་མས་སྐུར་པ་བཏབ་པ་ལས་ལྟུང་བྱེད་དུ་བཅས་སོ། །

གཉིས་པ་དགག་བྱ་ནི་སྡོམ་པའི་སྒོ་ནས་རང་རིགས་ཙམ་ལ་གནོད་པའོ། །གསུམ་པ་ངོ་བོ་ནིབཅས་ལྡན་དགེ་སློང་གིས་རང་ཕྱོགས་བསྙེན་རྫོགས་ཀྱི་སྡོམ་པ་གསོར་རུང་ཡན་ཆད་དང་ལྡནཔའམ་ལྟ་བ་གཞན་ཕྱོགས་བསྙེན་རྫོགས་ཀྱི་སྡོམ་པ་ཕམ་པས་མ་ཉམས་པ་དང་ལྡན་པ་ལ་དགེའདུན་ལྷག་མས་སྐུར་པ་བཏབ་པ་ལས་གྱུར་པའི་ལྟུང་བ་དངོས་གཞིའོ། །བཞི་བ་ཡན་ལག་ལབཞི་ལས། དང་པོ་གཞིའི་ཡན་ལག་ལ། གང་ལ་སྐུར་པ་གདབ་པའི་ཡུལ་དང༌། གང་གིས་སྐུརཔ་གདབ་པའི་དངོས་པོ་དང༌། གང་ལ་གོ་བར་བྱ་བའི་ཡུལ་དང་གསུམ། དང་པོ་ནི་ཆོས་བཞི་ལྡན་ ཏེ་སྔར་ཕམ་པས་སྐུར་པ་འདེབས་པའི་སྐབས་སུ་བཤད་པ་བཞིན་ནོ། །གཉིས་པ་ནི་དགེ་འདུནལྷག་མས་སྐུར་པ་འདེབས་པ་ཡིན་པ་དང༌། གཞི་མེད་པ་ཡིན་དགོས་སོ། །གསུམ་པ་ནི་གོབྱའི་ཡུལ་ཆོས་གསུམ་ལྡན་སྔར་མི་ཆོས་བླ་མའི་སྐབས་སུ་བཤད་པ་བཞིན་ནོ། །གཉིས་པ་བསམཔའི་ཡན་ལག་ལ་གཉིས་ལས། འདུ་ཤེས་ནི་མ་དག་པའི་ཕྱོགས་གཅིག་མ་གཏོགས་པ་གཞིའི་ཡན་ལག་དེ་དག་ལ་མ་འཁྲུལ་བའོ། །ཀུན་སློང་ནི་དགེ་འདུན་ལྷག་མས་སྐུར་པ་འདེབས་པའིཚིག་སྨྲ་ཞིང་གོ་བར་འདོད་པ་རྒྱུན་མ་ཆད་པའོ། །གསུམ་པ་སྦྱོར་བ་ནི་ངག་མཚན་ཉིད་ལྔ་ལྡནགྱིས་སྐུར་པ་འདེབས་པར་ཞུགས་པའོ། །བཞི་བ་མཐར་ཐུག་ནི་དོན་གོ་བའོ། །

བདུན་ཅུ་པ་བུད་མེད་དང་ལྷན་ཅིག་འགྲོ་བའི་ལྟུང་བྱེད་འཆད་པ།

བདུན་ཅུ་པ་བུད་མེད་དང་ལྷན་ཅིག་འགྲོ་བའི་ལྟུང་བྱེད་འཆད་པ་ལ།

རྩ་བར། འདོདཔས་ལམ་དུ་འགྲོ་ནའོ། །ཞེས་སོགས་བྱུང༌། འདིའི་དོན་ལ་བཞི་ལས། དང་པོ་གླེང་གཞི་ནི་སངསརྒྱས་བཅོམ་ལྡན་འདས་མཉན་ཡོད་ན་བཞུགས་པའི་ཚེ་རྒྱལ་པོའི་ཁབ་ནས་དགེ་སློང་ཞིག་བུདམེད་དང་ལྷན་ཅིག་ལམ་དུ་འགྲོ་བ་ལས་ལྟུང་བྱེད་དུ་བཅས་སོ། །གཉིས་པ་དགག་བྱ་ནི་ཆགསཔའི་རྒྱུར་འགྱུར་བའོ། །གསུམ་པ་ངོ་བོ་ནི་བཅས་ལྡན་དགེ་སློང་གིས་སྐྱེས་པ་མེད་པར་བུད་མེདདང་ལྷན་ཅིག་ལམ་དུ་འགྲོ་ཞིང་རྒྱང་གྲགས་འདས་པ་ལས་གྱུར་པའི་ལྟུང་བ་དངོས་གཞིའོ། །བཞི་བ་ཡན་ལག་ལ་བཞི་ལས། དང་པོ་གཞིའི་ཡན་ལག་ལ། གང་དང་འགྲོ་བའི་ཡུལ་དང༌། གངདུ་འགྲོ་བའི་ལམ་དང༌། གང་གིས་འགྲོ་བའི་རྟེན་དང་གསུམ། དང་པོ་ལ་བརྒྱད་ལས། བུད་མེདཆོས་ལྔ་ལྡན་འཁྲིག་ཚིག་གི་སྐབས་སུ་སྔར་བཤད་པའི་སྟེང་དུ་ཆོས་འདི་པའི་རབ་བྱུང་མོ་མ་ཡིནཔ་ཁྱིམ་པ་དགོས་ཏེ། གཞན་དུ་ན་བཅས་པ་གཞན་གྱི་ལྟུང་བར་འགྱུར་བའི་ཕྱིར་རོ། ། ཕན་གདགསབྱ་དང་འདོགས་བྱེད་མ་ཡིན་པ་སྟེ། ལུང་རྣམ་འབྱེད་ལས། བུད་མེད་སེལ་བྱེད་དུ་འཇུག་པ་དང༌། ལམ་ནོར་བ་བུད་མེད་ཀྱིས་ལམ་དུ་འཇུག་པ་དང༌། འགྲོ་མི་ནུས་པར་བུད་མེད་ཀྱིས་ཁྲིད་པ་ལནི་ལྟུང་བ་མེད་དོ། །ཞེས་གསུངས་སོ། །ངོ་མ་སྤོས་པའོ། །གཉིས་པ་གང་དུ་འགྲོ་བའི་ལམ་ནི་ས་ལ་བརྟེན་པའི་ལམ་ཡིན་པ་རྒྱང་གྲགས་ཀྱི་མཐའ་པ་ཡིན་པ་སྟེ། ཞུ་བ་ལས། དགེ་སློང་གིསསྐྱེས་པ་མ་མཆིས་པར་བུད་མེད་དང་ལྷན་ཅིག་ནམ་མཁའ་ལ་མཆིས་ན་ཅིར་འགྱུར། ཉེས་བྱསསོ། །ཞེས་དང༌། རྒྱང་གྲགས་རེ་རེར་རོ་ཞེས་གསུངས་པས་སོ། །གསུམ་པ་གང་གིས་འགྲོ་བའིརྟེན་ནི་ཁྲིམས་གྲོགས་དང་མི་ལྡན་པ་སྟེ། ལྷག་མའི་སྐབས་སུ་རྩ་བར། རིག་པའི་སྐྱེས་པ་མེདཔའི་བུད་མེད་དང་ལྷན་ཅིག་ལམ་དུ་འགྲོ་བའོ། །ཞེས་སོ། །གཉིས་པ་བསམ་པའི་ཡན་ལག་ལགཉིས་ལས། འདུ་ཤེས་ནི་གཞི་ལ་མ་འཁྲུལ་བའོ། །ཀུན་སློང་ནི་རང་གར་བུད་མེད་དང་ལམ་དུ་འགྲོ་བར་འདོད་པ་རྒྱུན་མ་ཆད་པའོ། །གསུམ་པ་སྦྱོར་བ་ནི་སྦྱོར་བ་གཅིག་གིས་རྒྱང་གྲགསལས་འདའ་ཞིང་འགྲོ་བར་ཞུགས་པའོ། །བཞི་བ་མཐར་ཐུག་ནི་ལམ་རྒྱང་གྲགས་ལས་འདསཔའོ། །

བཅུ་ཚན་བརྒྱད་པ་བཤད་པ་ལ།

སྡོམ་དང་སོ་སོར་བཤད་པ་དང་གཉིས། དང་པོ་སྡོམནི། སོར་སྡོམ་ལས། རྐུ་དང་ཉི་ཤུ་མ་ལོན་དང༌། །རྐོ་དང་མགྲོན་དང་བསླབ་པ་དང༌། །འཐབདང་མི་སྨྲ་འགྲོ་བ་དང༌། །མི་གུས་ཆང་འཐུང་དུས་མིན་པའོ། །ཞེས་གཟུང་བར་བྱའོ། །གཉིསཔ་དོན་གཅིག་པ་རྐུན་མ་དང་ལམ་དུ་འགྲོ་བའི་ལྟུང་བྱེད་འཆད་པ་ལ། རྩ་བར། གྲོང་འཇོམསཔར་བྱེད་པའི་ཆོམ་རྐུན་པ་དག་གམ། ཞེས་སོགས་བྱུང༌། འདིའི་དོན་ལ་བཞི་ལས། དང་པོ་གླེང་གཞི་ནི་སངས་རྒྱས་བཅོམ་ལྡན་འདས་མཉན་ཡོད་ན་བཞུགས་པའི་ཚེ། རྒྱལ་པོའི་ཁབ་ནསདགེ་སློང་ཞིག་ཤོ་གམ་འདྲལ་བའི་ཚོང་པ་དང་ལྷན་ཅིག་ལམ་དུ་འགྲོ་བ་ལས་ལྟུང་བྱེད་དུ་བཅསསོ། །གཉིས་པ་དགག་བྱ་ནི་མ་བྱིན་ལེན་པའི་རྒྱུར་འགྱུར་བའོ། །གསུམ་པ་ངོ་བོ་ནི་བཅས་ལྡནདགེ་སློང་གིས་ཆོམ་རྐུན་པའམ་ཤོ་གམ་འདྲལ་བའི་ཚོང་པ་དང་ལྷན་ཅིག་ལམ་དུ་འགྲོ་ཞིང་རྒྱངགྲགས་འདས་པ་ལས་གྱུར་པའི་ལྟུང་བ་དངོས་གཞིའོ། །བཞི་བ་ཡན་ལག་ལ་བཞི་ལས། དང་པོ་གཞིའི་ཡན་ལག་ལ་གཉིས་ཏེ། གང་དང་འགྲོ་བའི་ཡུལ་དང༌། གང་དུ་འགྲོ་བའི་ལམ་མོ། །

དང་པོ་ལ་བརྒྱད་ལས། ཆོམ་རྐུན་པའམ་ཤོ་གམ་འདྲལ་བའི་ཚོང་པ་ཡིན་པ་སྟེ། རྩ་བར། གྲོངའཇོམས་པར་བྱེད་པའི་ཆོམ་རྐུན་པ་དག་གམ་ཤོ་གམ་འདྲལ་བའི་ཚོང་བ་དག་དང་ལྷན་ཅིགའགྲོ་བའོ། །ཞེས་སོ། །རྐུ་བའི་བྱ་བ་བྱེད་བཞིན་པ་ཡིན་པ་སྟེ། རྐུན་མ་དང་ལྷན་ཅིག་འགྲོ་བ། ཞེས་དང༌། དགག་བྱའི་གནད་ཀྱིས་སོ། །ཁྱིམ་པ་ཡིན་པ་དང༌། སྐྱེས་པ་ཡིན་པ་སྐབས་ཀྱིས་གྲུབཅིང༌། རབ་ཏུ་བྱུང་བས་རྐུན་མ་བྱེད་པ་དང་བུད་མེད་ཀྱིས་རྐུན་མ་བྱེད་པ་འབྱུང་རིང་བས། དེདག་རྐུན་མ་བྱེད་པ་དག་བྱུང་ན་དེ་དང་དགེ་སློང་ལྷན་ཅིག་ལམ་དུ་འགྲོ་ན་ལྟུང་བ་ན་སྨད་དུ་རིགསསོ། །ཕན་གདགས་བྱ་དང་འདོགས་བྱེད་མ་ཡིན་པ་སྟེ། ལུང་རྣམ་འབྱེད་ལས། རྐུན་མ་སེལ་བྱེདདུ་འཛུད་པ་དང༌། ལམ་ནོར་པ་རྐུན་མས་ལམ་དུ་འཛུད་པ་དང༌། འགྲོ་མ་ནུས་པ་རྐུན་མས་ཁྲིདཔ་ལ་ལྟུང་བ་མེད་དོ། །ཞེས་པས་སོ། །ངོ་མ་སྤོས་པ་དགོས་ཏེ། བལ་འཁུར་བ་ལ་བཤད་པའིགནད་ཀྱིས་སོ། །ཐ་སྙད་བཞི་དང་ལྡན་པ་དང་ལུས་ཐ་མལ་པར་གནས་པ་དང་བརྒྱད་དེ། དེ་གཉིས་སྔར་བཤད་པ་བཞིན་ནོ། །གཉིས་པ་གང་དུ་འགྲོ་བའི་ལམ་ནི། ས་ལ་བརྟེན་པའི་ལམ་ཡིན་པ་དང༌། རྒྱང་གྲགས་ཀྱི་མཐའ་པ་ཡིན་པ་སྟེ། ཞུ་བ་ལས། དགེ་སློང་གིས་འགྲོན་པོ་མང་པོརྐུ་བ་དང་ལྷན་ཅིག་ནམ་མཁའ་ལ་མཆིས་ན་ཅིར་འགྱུར། ཉེས་བྱས་སོ། །ཞེས་དང༌། ལུང་རྣམའབྱེད་ལས། རྒྱང་གྲགས་རེ་རེར་ནི་ལྟུང་བྱེད་དུ་འགྱུར་རོ། །ཞེས་སོ། །གཉིས་པ་བསམ་པའིཡན་ལག་ལ་གཉིས་ལས། འདུ་ཤེས་ནི་གཞིའི་ཡན་ལག་དེ་དག་ལ་མ་འཁྲུལ་བའོ། །ཀུན་སློངནི་རང་གར་རྐུན་མ་དང་ལམ་དུ་འགྲོ་བར་འདོད་པ་རྒྱུན་མ་ཆད་པའོ། །གསུམ་པ་སྦྱོར་བ་ནི་སྦྱོརབ་གཅིག་གིས་ཀྱང་རྒྱང་གྲགས་ལས་འདའ་ཞིང་འགྲོ་བར་ཞུགས་པའོ། །བཞི་བ་མཐར་ཐུག་ནིལམ་རྒྱང་གྲགས་ལས་འདས་པའོ། །

དོན་གཉིས་པ་ཉི་ཤུ་མ་ལོན་པར་བསྙེན་པར་རྫོགས་པར་བྱེད་པའི་ལྟུང་བྱེད་འཆད་པ།

དོན་གཉིས་པ་ཉི་ཤུ་མ་ལོན་པར་བསྙེན་པར་རྫོགས་པར་བྱེད་པའི་ལྟུང་བྱེད་འཆད་པ་ལ།

རྩ་བར། ཤེས་གཙོའོ། །བསྙེན་པར་རྫོགས་པར་བྱ་བ་ལོ་ཉི་ཤུ་མ་ལོན་པ་ཉིད་ལའོ། །ཞེསསོགས་བྱུང༌། འདིའི་དོན་ལ་བཞི་ལས། དང་པོ་གླེང་གཞི་ནི་མཉན་ཡོད་དུ་མོའུ་འགལ་གྱི་བུསསྐྱེས་ཕྲན་གཞོན་ནུ་བཅུ་བདུན་སྡེ་ལོ་ཉི་ཤུ་མ་ལོན་པ་བསྙེན་པར་རྫོགས་པར་བྱས་པ་ལས་ལྟུངབྱེད་དུ་བཅས་སོ། །གཉིས་པ་དགག་བྱ་ནི་གཞན་གྱི་རྒྱུད་ཆུད་འཛའ་པར་འགྱུར་བའོ། །གསུམཔ་ངོ་བོ་ནི་བཅས་ལྡན་དགེ་སློང་མཁན་པོ་གང་ཞིག་གིས་སྡོམ་པ་ལེན་པ་པོ་ལོ་ཉི་ཤུ་མ་ལོན་པགསོལ་བཞིའི་ལས་ཀྱིས་བསྙེན་པར་རྫོགས་པར་བྱས་པ་ལས་གྱུར་པའི་ལྟུང་བ་དངོས་གཞིའོ། །

བཞི་བ་ཡན་ལག་ལ་བཞི་ལས། དང་པོ་གཞིའི་ཡན་ལག་ལ། གང་བསྙེན་པར་རྫོགས་པར་བྱབའི་ཡུལ་དང༌། གང་དག་གིས་བསྙེན་པར་རྫོགས་པར་བྱ་བའི་གྲོགས་དང༌། ཇི་ལྟར་བསྙེན་པརརྫོགས་པར་བྱ་བའི་ཆོ་ག་དང༌། གང་གིས་བསྙེན་པར་རྫོགས་པར་བྱེད་པའི་རྟེན་དང་བཞི། དངཔོ་ལ་བདུན་ལས་བསྙེན་པར་མ་རྫོགས་པ་ཡིན་པ་དང༌། བསམ་པ་ཐག་པ་ནས་བསྙེན་པརརྫོགས་པར་འདོད་པ་ཡིན་པ་དང༌། མངལ་དང་བཤོལ་གྱི་ཟླ་བ་དང་བཅས་ཀྱང་ལོ་ཉི་ཤུ་མལོན་པ་དགོས་ཏེ། བསྙེན་པར་རྫོགས་པར་བྱ་བ་ལོ་ཉི་ཤུ་མ་ལོན་པ་ཉིད་ལའོ། །ཞེས་སོ། །

མཚན་མཐུན་པའོ། །མཚམས་མེད་པ་ལྔ་པོ་སོགས་བར་ཆད་གཙོ་བོ་གཞན་དང་མི་ལྡན་པ་སྟེ།

དེ་དང་ལྡན་ན་གཞན་རྒྱུད་ཆུད་ཟོས་ཟིན་པས། བསྙེན་རྫོགས་བྱས་པ་དེ་ཉིད་ཀྱིས་གཞན་རྒྱུདཆུད་ཟོས་པར་འགྱུར་བའི་དགག་བྱ་མི་རྫོགས་པའི་ཕྱིར་རོ། །ཐ་སྙད་ལྔ་དང་ལྡན་པ་དང༌། ལུསཐ་མལ་པར་གནས་པའོ། །གཉིས་པ་གྲོགས་ནི་ལས་ཀྱི་སློབ་དཔོན་དགེ་འདུན་དང་བཅས་པ་སྟེ་སྐབས་དོན་གྱིས་སོ། །གསུམ་པ་ཆོ་ག་ནི་ལུང་རྣམ་འབྱེད་ལས་རྫོགས་པར་བསྙེན་པར་བྱེདན་ཞེས་བྱ་བ་ནི་གསོལ་བ་དང་བཞིའི་ལས་ཀྱིས་སོ་ཞེས་གསུངས་པས། ཆོ་ག་གསོལ་བཞིའི་ལསཀྱིས་ཏེ། ཆོ་ག་གཞན་གྱིས་ནི་མ་ཡིན་ནོ། །བཞི་པ་རྟེན་ནི་མཁན་པོ་ཉིད་ཀྱིས་ཏེ། རྩ་བར། མཁན་པོ་ཉིད་ཀྱིས་སོ། །ཞེས་སོ། །དེའང་ལུང་གཞི་ལས་མཁན་པོ་ལ་ལྟུང་བྱེད་བསྐྱེད་ལ། སློབ་དཔོནདང་དགེ་འདུན་རྣམས་ལ་ནི་ཉེས་བྱས་སུ་གསུངས་སོ། །གཉིས་པ་བསམ་པའི་ཡན་ལག་ལགཉིས་ལས། འདུ་ཤེས་ནི་གཞི་ལ་མ་འཁྲུལ་བའོ། །ཀུན་སློང་ནི་སྡོམ་པ་ལེན་པ་པོ་ལོ་ཉི་ཤུ་མལོན་པ་བསྙེན་པར་རྫོགས་པར་བྱེད་པར་འདོད་པ་རྒྱུན་མ་ཆད་པའོ། །གསུམ་པ་སྦྱོར་བ་ནི་མཁནཔོ་བྱས་ཏེ་སྡོམ་པ་ལེན་པ་པོ་ལོ་ཉི་ཤུ་མ་ལོན་པར་བསྙེན་པར་རྫོགས་པར་བྱེད་པ་ཞུགས་པའོ། །

བཞི་བ་མཐར་ཐུག་ནི་ལས་བརྗོད་པ་གསུམ་པ་ཕལ་ཆེར་བྱས་པ་སྟེ། ཕལ་ཆེར་བྱས་པ་ཉིད་ནབྱས་པ་ཉིད་དོ། །ཞེས་གསུངས་པས་སོ། །

དོན་གསུམ་པ་ས་རྐོ་བའི་ལྟུང་བྱེད་འཆད་པ།

དོན་གསུམ་པ་ས་རྐོ་བའི་ལྟུང་བྱེད་འཆད་པ་ལ།

རྩ་བར། རྐོའམ་རྐོར་བཅུག་པ་ལའོ། །ཞེས་སོགས་བྱུང༌། འདིའི་དོན་ལ་བཞི་ལས། དང་པོ་གླེང་གཞི་ནི་མཉན་ཡོད་དུ་དྲུག་སྡེས་སབརྐོས་པ་ལས་ལྟུང་བྱེད་དུ་བཅས་སོ། །གཉིས་པ་དགག་བྱ་ནི་སྲོག་ཆགས་ལ་གནོད་པ་དང༌།

དོན་དང་བྱ་བ་མང་བ་དང༌། གཞན་དག་མ་དད་པ་སྐྱེ་བའོ། །གསུམ་པ་ངོ་བོ་ནི་བཅས་ལྡན་དགེསློང་གིས་འཇིག་རྟེན་ལ་གྲགས་པའི་ས་འཐས་པར་གནས་པ་སོར་བཞི་ཡན་ཆད་རང་ངམ་བསྐོསཔས་བརྐོས་པ་ལས་གྱུར་པའི་ལྟུང་བ་དངོས་གཞིའོ། །བཞི་བ་ཡན་ལག་ལ་བཞི་ལས། དང་པོ་གཞིའི་ཡན་ལག་ལ་བཞི་སྟེ། འཇིག་རྟེན་ན་གྲགས་པའི་ས་ཡིན་པ། འཐས་པར་གནས་པ་ཡིནཔ་དང༌། མ་ཉམས་པ་ཡིན་པ་དང༌། འོག་གཞི་དང་འབྲེལ་བའོ། །གཉིས་པ་བསམ་པའི་ཡན་ལགལ་གཉིས་ལས། འདུ་ཤེས་ནི་གཞི་ལ་མ་འཁྲུལ་པའོ། །ཀུན་སློང་ནི་ས་བརྐོ་བར་འདོད་པ་རྒྱུནམ་ཆད་པའོ། །གསུམ་པ་སྦྱོར་བ་ནི་རང་ངམ་བསྐོས་པས་རྐོ་བར་ཞུགས་པའོ། །བཞི་བ་མཐརཐུག་ནི་སོར་བཞི་ཡན་ཆད་བརྐོས་པ་སྟེ། དེའང་ཚུར་ལྷོགས་པ་ཡན་ལག་ཏུ་མི་དགོས་ཏེ། ལུངརྣམ་འབྱེད་ལས། ས་ལ་ཕུར་བ་འདེབས་ན་ལྟུང་བྱེད་དུ་འགྱུར། ཞེས་གསུངས་སོ། །

དོན་བཞི་པ་མགྲོན་དུ་གཉེར་བ་ལས་རིང་དུ་འདུག་པའི་ལྟུང་བྱེད་འཆད་པ་ལ། རྩ་བར། ཚིགས་རྣམ་པར་བཞག་པ་མེད་པར། ཞེས་སོགས་བྱུང༌། འདིའི་དོན་ལ་བཞི་ལས། དང་པོ་གླེངགཞི་ནི་སེར་སྐྱའི་གནས་སུ་དྲུག་སྡེས་མགྲོན་དུ་གཉེར་བ་ལས་རིང་དུ་འདུག་པར་བྱེད་པ་ལསལྟུང་བྱེད་དུ་བཅས་སོ། །གཉིས་པ་དགག་བྱ་ནི་སྦྱིན་བདག་གི་ལོངས་སྤྱོད་ལ་གནོད་པའོ། །གསུམཔ་ངོ་བོ་ནི་བཅས་ལྡན་དགེ་སློང་གིས་རང་མགྲོན་དུ་འབོད་པ་པོ་ཁྱིམ་པས་ཚིགས་རྣམ་པར་བཞགཔ་ཡོད་ན་ཚིགས་དེ་ལས་ལྷག་པའི་ཟས་ཟོས་པ་དང༌། ཚིགས་རྣམ་པར་བཞག་པ་མེད་ན་ཟླ་བབཞི་ལས་ལྷག་པར་ཟས་ཟོས་པ་ལས་གྱུར་པའི་ལྟུང་བ་དངོས་གཞིའོ། །བཞི་བ་ཡན་ལག་ལབཞི་ལས། དང་པོ་གཞིའི་ཡན་ལག་ལ། གང་གི་ཟ་བའི་སྦྱིན་བདག་དང༌། གང་ཟ་བའི་དངོསཔོ་དང༌། གང་གིས་ཟ་བའི་རྟེན་དང་གསུམ། དང་པོ་ལ་བདུན་ཏེ། ཁྱིམ་པ་ཆོས་དྲུག་ལྡན་ལསཅི་བདེར་སྟོབས་པ་མ་ཡིན་པ་མ་གཏོགས་པ་ལྔའི་སྟེང་དུ། མགྲོན་དུ་གཉེར་བར་བྱེད་པ་པོ་ཡིནཔ་དང༌། ཡང་དང་ཡང་དུ་མགྲོན་དུ་གཉེར་བ་ལ་སོགས་པ་མ་ཡིན་པའོ། །གཉིས་པ་གང་ཟ་བའིདངོས་པོ་ལ་དྲུག་སྟེ། དུས་སུ་རུང་བ་ཡིན་པ་དང༌། སྦྱིན་བདག་དེ་ཉིད་ཀྱི་ཡིན་པ་དང༌། རུང་བདང་ཚད་དང་ལྡན་པ་ནི་སྔར་བཤད་པ་བཞིན་ནོ། །སྔར་ནས་འདྲེན་འཕྲོ་ཡིན་པ་སྟེ་སྐབས་ཀྱིསགྲུབ་བོ། །ལྡམ་ལྡུམ་ལ་སོགས་མོད་པ་མ་ཡིན་པའཽ། །གསུམ་པ་གང་གིས་ཟ་བའི་རྟེན་ལ་གསུམ།

མགྲོན་དུ་གཉེར་བ་དང་ལྡན་པ་དང༌། ཡང་དང་ཡང་མགྲོན་དུ་བོས་པ་ལ་སོགས་པ་མཡིན་པ་དང༌། གནང་བའི་རྐྱེན་ཅན་ནད་པ་མ་ཡིན་པའོ། །གཉིས་པ་བསམ་པའི་ཡན་ལག་ལགཉིས་ལས། འདུ་ཤེས་ནི་གཞི་ལ་མ་འཁྲུལ་བའོ། །ཀུན་སློང་ནི་མགྲོན་དུ་གཉེར་བ་ལས་རིངདུ་འདུག་ཅིང་ཟ་བར་འདོད་པ་རྒྱུན་མ་ཆད་པའོ། །གསུམ་པ་སྦྱོར་བ་ནི་ཟ་བར་བྱེད་པའོ། །བཞིབ་མཐར་ཐུག་ནི་མགུལ་དུ་མིད་པའོ། །

དོན་ལྔ་བ་བསླབ་པ་ཉེ་བར་འཇོག་པ་སྤོང་བའི་ལྟུང་བྱེད་འཆད་པ།

དོན་ལྔ་བ་བསླབ་པ་ཉེ་བར་འཇོག་པ་སྤོང་བའི་ལྟུང་བྱེད་འཆད་པ་ལ།

རྩ་བར། ཤེས་གཙོའོ། །མངོན་པར་ཤེས་པའི་ཉིད་ལའོ། །ཞེས་སོགས་བྱུང༌། འདིའི་དོན་ལ་བཞི་ལས། དངཔོ་གླེང་གཞི་ནི་རྒྱལ་པོའི་ཁབ་ཏུ་དྲུག་སྡེས་བསླབ་པ་ཉེ་བར་འཇོག་པ་སྤོང་བ་ལས་ལྟུང་བྱེད་དུབཅས་སོ། །གཉིས་པ་དགག་བྱ་ནི་དངོས་སུ་རང་རིགས་ཀྱི་སེམས་བདེ་བ་ལ་གནོད་པ་དང༌། བརྒྱུད་ནས་ཚུལ་ཁྲིམས་ལ་གནོད་པའོ། །གསུམ་པ་ངོ་བོ་ནི་བཅས་ལྡན་དགེ་སློང་གིས་རང་ལདགེ་སློང་གིས་བསླབ་པའི་སྒོ་ནས་བསྒོ་བ་ལ་ངག་གི་རིག་བྱེད་ཀྱིས་སྤངས་ཏེ་དོན་གོ་བ་ལས་གྱུར་པའི་ལྟུང་བ་དངོས་གཞིའོ། །བཞི་བ་ཡན་ལག་ལ་བཞི་ལས། དང་པོ་གཞིའི་ཡན་ལག་ལ། གང་ལ་སྤང་བའི་ཡུལ་དང༌། གང་སྤང་བའི་དངོས་པོ་དང་གཉིས། དང་པོ་ལ་བརྒྱད་ལས། དགེསློང་ཆོས་དྲུག་ལྡན་གྱི་སྟེང་དུ། རང་ལ་བསྒོ་བ་པོ་ཡིན་པ་དང༌། འདུལ་བའི་དོན་ཤེས་པ་སྟེ། སྨྲབ་པོ་ལ་ཞེས་པ་དང༌། མངོན་པར་ཤེས་པ་ཉིད་ལའོ། །ཞེས་གསུངས་པའོ། །གཉིས་པ་ནི་འདུལབར་གཏོགས་པ་ཡིན་པ་དང༌། བདག་ལ་སྒོ་བ་ཡིན་པ་སྟེ། བསླབ་པ་ལའོ། །ཞེས་གསུངས་ཤིང༌།

དེའི་སེལ་བ་མདོ་སྡེ་ལས་གསུངས་པ་ལ་ནི་ཉེས་བྱས་ཀྱིའོ། །ཞེས་དང༌། ཁྱོད་ཀྱིས་འདི་ལ་བསླབཔར་བྱའོ། །ཞེས་སོ། །གཉིས་པ་བསམ་པའི་ཡན་ལག་ལ་གཉིས་ལས། འདུ་ཤེས་ནི་གཞི་ལམ་འཁྲུལ་བའོ། །ཀུན་སློང་ནི་རང་དགར་བསླབ་པ་ལ་ཉེ་བར་འཇོག་པ་སྤོང་བའི་ཚིག་སྨྲ་ཞིང་གོ་བར་འདོད་པ་རྒྱུན་མ་ཆད་པའོ། །གསུམ་པ་སྦྱོར་བ་ནི་ངག་མཚན་ཉིད་ལྔ་ལྡན་གྱིས་སྤོང་བརཞུགས་པའོ། །བཞི་བ་མཐར་ཐུག་ནི་དོན་གོ་བའོ། །

དོན་དྲུག་པ་ཉན་རྣ་བྱེད་པའི་ལྟུང་བྱེད་འཆད་པ།

དོན་དྲུག་པ་ཉན་རྣ་བྱེད་པའི་ལྟུང་བྱེད་འཆད་པ་ལ།

རྩ་བར། དགེ་སློང་དག་རྩོད་པརགྱུར་བ། ཞེས་སོགས་བྱུང༌། འདིའི་དོན་ལ་བཞི་ལས། དང་པོ་གླེང་གཞི་ནི་མཉན་ཡོད་དུ་ཉེདགས་ཉན་རྣ་བྱས་པ་ལས་ལྟུང་བྱེད་དུ་བཅས་སོ། །གཉིས་པ་དགག་བྱ་ནི་རྩོད་པ་འཕེལ་བའོ། །

གསུམ་པ་ངོ་བོ་ནི་བཅས་ལྡན་དགེ་སློང་གིས་རང་ལས་རྩོད་པ་གཞན་ཕྱོགས་སུ་གྱུར་པའི་དགེསློང་གཉིས་ཡན་ཆད་གྲོས་བྱེད་པ་ལ་ཤེས་བཞིན་དུ་རྩོད་པ་སྦར་བའི་ཆེད་དུ་མཉན་པས་རང་གིས་དོན་གོ་བ་ལས་གྱུར་པའི་ལྟུང་བ་དངོས་གཞིའོ། །བཞི་བ་ཡན་ལག་ལ་བཞི་ལས། དང་པོགཞིའི་ཡན་ལག་ལ། གང་ལ་མཉན་པའི་ཡུལ་དང༌། གང་མཉན་པའི་དངོས་པོ་དང་གཉིས། དངཔོ་ལ་དྲུག་སྟེ། བསྙེན་རྫོགས་ཀྱི་སྡོམ་པ་རྣམ་པར་དག་པ་དང༌། མཚན་མཐུན་པ་དང༌། ཐ་སྙདགསུམ་དང་ལྡན་པ་དང༌། ལུས་ཐ་མལ་པར་གནས་པ་དང་བཞི་ནི་སྔར་བྱིན་འཕྲོག་གི་སྐབསསུ་བཤད་པ་དང་འདྲའོ། །རང་ལས་རྩོད་པ་གཞན་ཕྱོགས་སུ་གྱུར་པའོ། །གཉིས་ཡན་ཆད་གྲོསབྱེད་པ་ཡིན་པ་སྟེ། རྩ་བར། དགེ་སློང་དག་དང་གྲོས་བྱས་པ་ན་མཉན་པའི་ཕྱིར་རྣ་གཏོད་ནསྟེ་ཉེ་བར་ཞི་བར་འདོད་པས་ནི་མ་གཏོགས་སོ། །ཞེས་སོ། །གཉིས་པ་གང་མཉན་པའི་དངོསཔོ་ནི་རྩོད་པ་གང་ཡང་རུང་བའི་གྲོས་བྱེད་པ་ཡིན་པའོ། །གཉིས་པ་བསམ་པའི་ཡན་ལག་ལགཉིས་ལས། འདུ་ཤེས་ནི་གཞི་ལ་མ་འཁྲུལ་བའོ། །ཀུན་སློང་ནི་རྩོད་པ་སྦར་བའི་ཆེད་དུ་ཉན་པར་འདོད་པ་རྒྱུན་མ་ཆད་པའོ། །གསུམ་པ་སྦྱོར་བ་ནི་ཉན་པར་ཞུགས་པའོ། །བཞི་བ་མཐརཐུག་ནི་རང་གིས་ཚིག་ཐོས་ཤིང་དོན་གོ་བའོ། །

དོན་བདུན་པ་མི་སྨྲ་བར་འགྲོ་བའི་ལྟུང་བྱེད་འཆད་པ།

དོན་བདུན་པ་མི་སྨྲ་བར་འགྲོ་བའི་ལྟུང་བྱེད་འཆད་པ་ལ།

རྩ་བར། གསོལ་བ་ལ་སོགསཔའི་ལས་ལ་འདུས་པ། ཞེས་སོགས་བྱུང༌། འདིའི་དོན་ལ་བཞི་ལས། དང་པོ་གླེང་གཞི་ནི་མཉནཡོད་དུ་དགའ་བོས་ལས་ཀྱི་གནས་ནས་མ་སྨྲས་པར་ཕྱིན་པ་ལས་ལྟུང་བྱེད་དུ་བཅས་སོ། །གཉིསཔ་དགག་བྱ་ནི་རང་རིགས་ལ་གནོད་པའོ། །གསུམ་པ་ངོ་བོ་ནི་བཅས་ལྡན་དགེ་སློང་གི་ཁ་སྐོངབར་འོས་པས་དགེ་འདུན་གྱི་ཆོས་ལྡན་གྱི་ལས་ལ་འདུས་ནས་དགེ་སློང་ལ་མ་སྨྲས་པར་ཐོས་པའི་ཉེ་འཁོར་ལས་འདས་པར་ཕྱིན་པ་ལས་གྱུར་པའི་ལྟུང་བ་དངོས་གཞིའོ། །བཞི་བ་ཡན་ལགལ་བཞི་ལས། དང་པོ་གཞིའི་ཡན་ལག་ལ། གང་ནས་འགྲོ་བའི་གནས་དང༌། གང་དུ་འགྲོ་བའིགནས་དང༌། གང་གི་ཚེ་འགྲོ་བའི་དུས་དང༌། གང་གིས་འགྲོ་བའི་རྟེན་དང་བཞི། དང་པོ་ལ་གཉིསལས། དགེ་འདུན་མཚན་ཉིད་དང་ལྡན་པའི་ལས་ཀྱི་གནས་ཡིན་པ་སྟེ་ལུང་རྣམ་འབྱེད་ལས། ཉན་ཐོས་ཀྱི་དགེ་འདུན་གྱིའོ། །ཞེས་དང༌། གསོལ་བ་ལ་སོགས་པའི་ལས་ལ་འདུས་པ། ཞེསསོ། །ལས་ཆོས་དང་ལྡན་པའི་གནས་ཡིན་པ་སྟེ། ལུང་རྣམ་འབྱེད་ལས། ལས་ཆོས་དང་ལྡན་པའི། ཞེས་དང༌། ཆོས་དང་ལྡན་པ་ཉིད་མ་ཡིན་པའི་ལས་ལ་ཡང་ངོ། །ཞེས་གསུངས་པས་སོ། །གཉིསཔ་ནི་ཐོས་པའི་ཉེ་འཁོར་ཕན་ཆད་ཡིན་པ་དང༌། མཚམས་ཀྱི་ནང་ཡིན་པ་སྟེ། གཞན་དུ་ན་མའདུས་པའི་མི་མཐུན་པ་མི་བསྐྱེད་པའི་ཕྱིར་རོ། །གསུམ་པ་ནི་གསོལ་བ་བྱས་པ་མན་ཆད་མ་ཡིནཔ་སྟེ། གསོལ་བ་བྱས་པ་ཉིད་ལའོ། །ཞེས་སོ། །བཞི་པ་ནི་དགེ་སློང་ལ་མ་སྨྲས་པ་སྟེ། རྩ་བར། གསོལ་བ་ལ་སོགས་པའི་ལས་ལ་འདུས་པ་དགེ་སློང་ལ་མ་སྨྲས་པར་འགྲོ་ནའོ། །ཞེས་སོ། །

གཉིས་པ་བསམ་པའི་ཡན་ལག་ལ་གཉིས་ལས། འདུ་ཤེས་ནི་གཞི་ལ་མ་འཁྲུལ་བའོ། །ཀུན་སློངནི་རང་གར་དགེ་སློང་ལ་མ་སྨྲས་པར་ཐོས་པའི་ཡུལ་ལས་འདས་པར་འགྲོ་བར་འདོད་པ་རྒྱུནམ་ཆད་པའོ། །གསུམ་པ་སྦྱོར་བ་ནི་འགྲོ་བར་ཞུགས་པའོ། །བཞི་བ་མཐར་ཐུག་ནི་ཐོས་པའིཉེ་འཁོར་ལས་འདས་པའོ། །

དོན་བརྒྱད་པ་མ་གུས་པའི་ཚུལ་གྱི་ལྟུང་བྱེད་འཆད་པ།

དོན་བརྒྱད་པ་མ་གུས་པའི་ཚུལ་གྱི་ལྟུང་བྱེད་འཆད་པ་ལ།

རྩ་བར། འདུག་པ་དང་འགྲོབ་དང༌། ཞེས་སོགས་བྱུང༌། འདིའི་དོན་ལ་བཞི་ལས། དང་པོ་གླེང་གཞི་ནི་རྒྱལ་པོའི་ཁབ་ཏུགླང་ཆེན་ལྷས་ཀྱི་བདག་པོའི་བུ་དགེ་སློང་ནག་པོས་དགེ་འདུན་གྱི་བཀའ་ལ་མ་གུས་པར་བྱསཔ་ལས་ལྟུང་བྱེད་དུ་བཅས་སོ། །གཉིས་པ་དགག་བྱ་ནི་རང་བཞིན་གྱིས་དགག་བྱར་འགྱུར་བ་དང༌། རང་རིགས་ཀྱི་སེམས་བདེ་བ་ལ་གནོད་པའོ། །གསུམ་པ་ངོ་བོ་ནི་བཅས་ལྡན་དགེ་སློངགིས་སངས་རྒྱས་བཅོམ་ལྡན་འདས་ཞལ་དངོས་སུ་བཞུགས་པ་དང༌། དགེ་སློང་གི་དགེ་འདུནདང་དགེ་འདུན་གྱི་ཐ་སྙད་པ་སྟེ་དེ་གསུམ་གང་ཡང་རུང་བའི་གསུང་ཆོས་དང་ལྡན་པ་བདག་ལབསྒོ་བའི་དོན་ལ་བཤད་སྦྱང་མེད་པར་དེ་ལས་བཟློག་སྟེ་འགལ་བར་བྱས་པ་ལས་གྱུར་པའི་ལྟུང་བ་དངོས་གཞིའོ། །བཞི་བ་ཡན་ལག་ལ་བཞི་ལས། དང་པོ་གཞིའི་ཡན་ལག་ལ་བཞི་སྟེ། དེཡང་སངས་རྒྱས་དངོས་དང༌། དགེ་སློང་གི་དགེ་འདུན་དང༌། དགེ་འདུན་གྱི་ཐ་སྙད་པ་དང་གསུམཔོ་གང་ཡང་རུང་བས་བསྒོ་བ་ཡིན་པར་གྱུར་པའོ། །ཞེས་སོ། །བདག་ལ་བསྒོ་བ་ཡིན་པ་དང༌། ཆོས་དང་ལྡན་པ་ཡིན་དགོས་ལ། བསྒྲུབ་པར་ནུས་པ་སྟེ། སྒྲུབ་པར་མི་ནུས་པ་ལ་ནི་བཤདསྦྱང་མ་བྱས་ཡང་ཉེས་བྱས་ལས་ཆེ་བ་མི་བསྐྱེད་དེ། མཚང་པོ་ཆེ་མེད་པའི་ཕྱིར་རོ། །བཤད་སྦྱངབྱས་ན་ནི་ཇི་སྐད་བསྒོ་བ་བཞིན་མ་བསྒྲུབས་ཀྱང་ཉེས་པ་མེད་དེ། དགག་བྱ་མེད་པའི་ཕྱིརརོ། །གཉིས་པ་བསམ་པའི་ཡན་ལག་ལ་གཉིས་ལས། འདུ་ཤེས་ནི་གཞི་ལ་མ་འཁྲུལ་བའོ། །

ཀུན་སློང་ནི་རང་དགར་བཤད་སྦྱང་མེད་པར་གསུང་དེ་ལས་འགལ་བའི་ཚིག་སྨྲ་ཞིང་རྒོལ་བརའདོད་པ་རྒྱུན་མ་ཆད་པའོ། །གསུམ་པ་སྦྱོར་བ་ནི་ངག་མཚན་ཉིད་ལྔ་ལྡན་གྱི་ལོག་པར་སྒྲུབ་པརཞུགས་པའོ། །བཞི་བ་མཐར་ཐུག་ནི་དོན་གོ་བའོ། །

དོན་དགུ་བ་མྱོས་འགྱུར་འཐུང་བའི་ལྟུང་བྱེད་འཆད་པ།

དོན་དགུ་བ་མྱོས་འགྱུར་འཐུང་བའི་ལྟུང་བྱེད་འཆད་པ་ལ།

རྩ་བར། མྱོས་པར་འགྱུར་བ་འཐུང་ནའོ། །ཞེས་སོགས་བྱུང༌། འདིའི་དོན་ལ་བཞི་ལས། དང་པོ་གླེང་གཞི་ནི་མཉན་ཡོདདུ་ལེགས་འོངས་ཀྱིས་མྱོས་འགྱུར་འཐུངས་པ་ལས་ལྟུང་བྱེད་དུ་བཅས་སོ། །གཉིས་པ་དགགབྱ་ནི་སེམས་འཁྲུལ་ཏེ་བྱ་བ་དང་བྱ་བ་མ་ཡིན་པ་མི་ཤེས་པའོ། །དེ་ཡང་འོད་ལྡན་ལས། མྱོསཔར་འགྱུར་བ་ལས་ལྡོག་པ་ནི་སེམས་འཁྲུལ་བའི་རྒྱུ་དག་ཁོ་ན་དགག་པར་བྱ་བ་ཡིན་པའི་ཕྱིརརོ། །ཞེས་གསུངས་ཤིང༌། ཡང་དེ་ཉིད་ལས། ལྟུང་བ་རིགས་ལྔ་དག་ལ་འཇུག་པར་བྱེད་པ་ཡིནཔའི་ཕྱིར་དང༌། ཉེས་པ་ཐམས་ཅད་ཀྱི་འབྱུང་གནས་ཡིན་པའི་ཕྱིར་རོ། །ཞེས་གསུངས་སོ། །

དེས་ན་ལུང་རྣམ་འབྱེད་ལས་དགེ་སློང་དག་ང་ལ་སྟོན་པའོ་ཞེས་ཟེར་བ་དག་གིས་མྱོས་པར་འགྱུརབ་ཐ་ན་རྩྭའི་རྩེ་མོས་ཀྱང་བཏུང་བར་མི་བྱ་ཞིང་བླུད་པར་མི་བྱའོ། །ཞེས་གསུངས་སོ། །གསུམཔ་ངོ་བོ་ནི་བཅས་ལྡན་དགེ་སློང་གིས་ཆང་མཚན་ཉིད་དང་ལྡན་པ་མགུལ་དུ་མིད་པ་ལས་གྱུརཔའི་ལྟུང་བ་དངོས་གཞིའོ། །བཞི་བ་ཡན་ལག་ལ་བཞི་ལས། དང་པོ་གཞིའི་ཡན་ལག་ལ་གསུམསྟེ། སྦྱར་ཆང་བཅོས་ཆང་གཉིས་ལས་གང་ཡང་རུང་བ་ཡིན་པ་དང༌། འཁྲུལ་བ་རྫོགས་པར་བསྐྱེདཔའི་ནུས་པ་ཡོད་པ་དང༌། ཐ་སྙད་བྱར་རུང་གི་ཚད་དུ་ཆོག་པ་སྟེ། རྩ་བར། མྱོས་པར་འགྱུར་བའཐུང་ནའོ། །ཞེས་དང༌། ལུང་རྣམ་འབྱེད་ལས། འཐུངས་ན་མྱོས་པར་མི་འགྱུར་ན་ཉེས་བྱས་སུའགྱུར་རོ། །ཞེས་དང༌། ཐ་སྙད་བྱར་རུང་གི་ཚད་དུ་མ་ཆོག་ན་ཆང་འཐུང་བའི་ཐ་སྙད་མེད་པའིཕྱིར་རོ། །བཅོས་པའི་ཆང་ནི། རྒུན་འབྲུའི་ཁུ་བ་ལས་བྱས་པ་རྒུན་ཆང་དང༌། བུ་རམ་གྱི་ཁུ་བལས་བྱས་པ་བུར་ཆང་དང༌། མེ་ཏོག་ལ་སོགས་པའི་ཆང་རྣམས་སོ། །གཉིས་པ་བསམ་པའི་ཡནལག་ལ་གཉིས་ལས། འདུ་ཤེས་ནི་གཞི་ལ་མ་འཁྲུལ་བའོ། །ཀུན་སློང་གི་མྱོས་འགྱུར་འཐུང་བརའདོད་པ་རྒྱུན་མ་ཆད་པའོ། །གསུམ་པ་སྦྱོར་བ་ནི་འཐུང་བར་བྱེད་པའོ། ། བཞི་བ་མཐར་ཐུགནི་མགུལ་དུ་མིད་པའོ། །

བརྒྱད་ཅུ་པ་དུས་མ་ཡིན་པར་གྲོང་དུ་འགྲོ་བའི་ལྟུང་བྱེད་འཆད་པ།

བརྒྱད་ཅུ་པ་དུས་མ་ཡིན་པར་གྲོང་དུ་འགྲོ་བའི་ལྟུང་བྱེད་འཆད་པ་ལ།

རྩ་བར། ཤེས་གཙོའོ། །དུས་མ་ཡིན་པ་ཉིད་ལའོ། །ཞེས་སོགས་བྱུང༌། འདིའི་དོན་ལ་བཞི་ལས། དང་པོ་གླེངགཞི་ནི་མཉན་ཡོད་དུ་འཆར་ཀས་ཕྱི་དྲོ་མ་སྨྲས་པར་གྲོང་དུ་ཕྱིན་པ་ལས་ལྟུང་བྱེད་དུ་བཅས་སོ། །

གཉིས་པ་དགག་བྱ་ནི་ཆགས་པའི་རྒྱུར་འགྱུར་བ་དང༌། ཐ་དད་དུ་བྱེ་བར་འགྱུར་བ་སྟེ། གྲོངཔའི་ཆོས་དང་ལྡན་པའི་གནས་སུ་འགྲོ་བ་ཡན་ལག་ཏུ་དགོས་པ་དང༌། སྲ་བརྐྱང་བཏིང་ན་ལྟུངམེད་དུ་གསུངས་པས་ཤེས་སོ། །གསུམ་པ་ངོ་བོ་ནི་བཅས་ལྡན་དགེ་སློང་གིས་རང་གི་གླིང་གིཉི་མ་ཕྱེད་ཡོལ་ནས་སྐྱ་རེངས་ཤར་བའི་བར་དེར་ཁྱིམ་པའི་གནས་སུ་འགྲོ་བ་དགེ་སློང་ལ་མ་སྨྲས་པར་གྲོང་དུ་ཕྱིན་པ་ལས་གྱུར་པའི་ལྟུང་བ་དངོས་གཞིའོ། །བཞི་བ་ཡན་ལག་ལ་བཞི་ལས།

དང་པོ་གཞིའི་ཡན་ལག་ལ། གང་དུ་འགྲོ་བའི་གནས་དང༌། གང་ནས་འགྲོ་བའི་གནས་དང༌། གང་གི་ཚེ་འགྲོ་བའི་དུས་དང༌། གང་གིས་འགྲོ་བའི་རྟེན་དང་བཞི། དང་པོ་ལ་བཞི་ལས། ཁྱིམཔ་མཚན་ཉིད་དང་ལྡན་པའི་གནས་ཡིན་པ་སྟེ། རྩ་བར། གྲོང་དུ་ཞུགས་ནའོ། །ཞེས་སོ། ། གནསཀྱི་ངོ་བོ་ཉིད་དུ་གྲུབ་པ་དང༌། སྤྱོད་ལམ་བཞི་ཡན་ཆད་ཤོང་བའོ། །གཙུག་ལག་ཁང་དང་འབྲེལབ་མ་ཡིན་པ་སྟེ། སྐབས་འདི་ཉིད་ཀྱི་ལུང་ཞུ་བ་ལས། དགེ་སློང་གིས་གྲོང་གི་ནང་ན་གཙུག་ལགཁང་མཆིས་སམ་སྐོར་བར་གྱུར་པ་དེ་ནས་མ་སྨྲས་པར་གྲོང་དུ་ཕྱིན་ན་ཅིར་འགྱུར་ཉེས་བྱས་སོ། །ཞེས་སོ། །གནས་ཀྱི་ཆོས་བཞི་པོ་དེ་རྣམས་འོག་མ་གསུམ་ལ་ཡང་སྦྱར་རོ། །གཉིས་པ་གང་ནསའགྲོ་བའི་གནས་ནི། སྨྲ་ཡུལ་མཚན་ཉིད་དང་ལྡན་པ་ཡོད་པ་སྟེ། དེ་ཡང་སྤྱིར་བཏང་ལ་བརྒྱདལས། དགེ་སློང་ཆོས་དྲུག་ལྡན་གྱི་སྟེང་དུ་མཚམས་ཀྱི་ནང་ན་གནས་པ་དང༌། ས་རང་བཞིན་གནསཔ་ཡིན་པ་དང༌། ཐ་དད་པར་གནས་པ་མ་ཡིན་པ་སྟེ། རྩ་བར། མཚམས་གཞན་ན་གནས་པདང་གནས་ནས་ཕྱུང་བ་དང་གཞན་གྱི་ཕྱོགས་དང་མཐུན་པ་དག་ཀྱང་ངོ། །ཞེས་སོ། །དམིགསབསལ་ནི་དགེ་སློང་མེད་ན་མཚན་མི་མཐུན་པ་དགེ་སློང་མ་ལ་སོགས་པ་དང༌། བསྙེན་པར་མརྫོགས་པ་དགེ་ཚུལ་ལ་ཡང་སྨྲ་བར་བྱའོ། །ལུང་ཞུ་བ་ལས། དགེ་སློང་གིས་ཁྱིམ་པ་ལ་གོ་བརབགྱིས་ཏེ་སོང་ན་ཅིར་འགྱུར་ཉེས་བྱས་སོ་ཞེས་གསུངས་པས། དགེ་བསྙེན་ལ་སྨྲས་ཏེ་སོང་ན་ལྟུང་བྱེད་མི་བསྐྱེད་པར་གསལ་ལོ། །གསུམ་པ་གང་གི་ཚེ་འགྲོ་བའི་དུས་ནི། རང་གླིང་གི་ཉིམ་ཕྱེད་ཡོལ་ནས་སྐྱ་རེངས་འཆར་བའི་བར་ཏེ། ལུང་རྣམ་འབྱེད་ལས། དུས་མ་ཡིན་པ་གཉིསཏེ། སྐྱ་རེངས་མ་ཤར་བ་དང་ཕྱེད་ཡོལ་བར་རོ། །ཞེས་གསུངས་སོ། །བཞི་པ་གང་གིས་འགྲོབའི་རྟེན་ནི་གསུམ་སྟེ། སྨྲ་བའི་ཡུལ་ལ་མ་སྨྲས་པ་དང༌། བརྟད་པའི་བྱ་བ་མ་བྱུང་བ་དང༌། སྲབརྐྱང་མ་བཏིང་བ་སྟེ། དགེ་སློང་འཁོད་པ་ལ་མ་སྨྲས་པ་ལའོ། །གལ་ཏེ་བརྟད་པའི་བྱ་བ་མ་བྱུངནའོ། །ཞེས་དང༌། མ་སྨྲས་པར་གྲོང་དུ་འགྲོ་བ་ལ་ཡང་ཉེས་པ་མེད་པ། ཞེས་སོ། །གཉིས་པ་བསམ་པའི་ཡན་ལག་ལ་གཉིས་ལས། འདུ་ཤེས་ནི་གཞི་ལ་མ་འཁྲུལ་བའོ། །ཀུན་སློང་ནི་རངགར་མ་སྨྲས་པར་ཕྱི་དྲོའམ་མཚན་མོ་གྲོང་དུ་འགྲོ་བར་འདོད་པ་རྒྱུན་མ་ཆད་པའོ། །གསུམ་པསྦྱོར་བ་ནི་རྫུ་འཕྲུལ་ལས་གཞན་པས་གྲོང་དུ་འགྲོ་བར་བྱེད་པའོ། །བཞི་བ་མཐར་ཐུག་ནི་གྲོངགི་ཉེ་འཁོར་དུ་ཕྱིན་པ་རྫོགས་པའོ། །

བཅུ་ཚན་དགུ་བ་བཤད་པ་ལ། སྡོམ་དང་སོ་སོར་བཤད་པ་དང་གཉིས། དང་པོ་ནི།

སོར་སྡོམ་ལས། ཟས་བཅས་སྐྱ་རེངས་ད་གདོད་དང༌། །ཁབ་རལ་དང་ནི་ཁྲི་རྐང་དང༌། །བདལདང་གདིང་དང་གཡན་དགབ་དང༌། །རས་ཆེན་བདེ་གཤེགས་ཆོས་གོས་སོ། །ཞེས་གཟུང་བརབྱའོ། །

གཉིས་པ་སོ་སོར་བཤད་པ་ལ།

གྱ་གཅིག་པ་གྲོང་དུ་རྒྱུ་བའི་ལྟུང་བྱེད་འཆད་པ་ལ། རྩ་བར། དུས་མ་ཡིན་པར་ཁྱིམ་བཞི་བ་ལ་སོགས་པར་འགྲོ་བ་ལའོ། །ཞེས་སོགས་བྱུང༌། འདིལ་སྔ་དྲོ་གྲོང་དུ་རྒྱུ་བ་དང༌། ཕྱི་དྲོ་གྲོང་དུ་རྒྱུ་བ་དང་གཉིས། དང་པོའི་དོན་ལ་བཞི་ལས། དང་པོ་གླེང་གཞི་ནི་མཉན་ཡོད་དུ་ཉེ་དགས་སྔ་དྲོ་གྲོང་རྒྱུ་བ་ལས་ལྟུང་བྱེད་དུ་བཅས་སོ། །གཉིས་པ་དགག་བྱ་ནི་རང་རིགས་ཀྱི་འཚོ་བ་ལ་གནོད་པའོ། །གསུམ་པ་ངོ་བོ་ནི་བཅས་ལྡན་དགེ་སློངགིས་རང་གི་གླིང་གི་སྔ་དྲོའི་དུས་སུ་རང་གི་ཚིག་གིས་དགེ་འདུན་ཟས་ལ་སྤྱན་འདྲེན་པའི་ཚེ་ཟསབྲིམ་པ་ཡོལ་བར་མ་བྱེད་ཅེས་མ་བསྒོ་བར་ཁྱིམ་གསུམ་པའམ་བཞི་པ་ལ་སོགས་པར་རྒྱུ་བ་ལསགྱུར་པའི་ལྟུང་བ་དངོས་གཞིའོ། །བཞི་བ་ཡན་ལག་ལ་བཞི་ལས། དང་པོ་གཞིའི་ཡན་ལག་ལ། གང་དུ་རྒྱུ་བའི་གནས་དང༌། གང་གི་ཚེ་རྒྱུ་བའི་དུས་དང༌། གང་གིས་རྒྱུ་བའི་རྟེན་དང་གསུམ། དངཔོ་ལ་སྔར་བཤད་མ་ཐག་པའི་གནས་ཐུན་མོང་བ་བཞི་པོའི་སྟེང་དུ། ཁྱིམ་གསུམ་ཡན་ཆད་ཡིནཔའོ། །གཉིས་པ་ལ་གཉིས་ཏེ། དུས་སྔ་དྲོ་ཡིན་པ་དང༌། རང་གི་ཚིག་གིས་དགེ་འདུན་ཟས་ལསྤྱན་དྲངས་པའི་དུས་ཡིན་པ་སྟེ། ལུང་རྣམ་འབྱེད་ལས། སྔ་དྲོ་དང་ཕྱི་དྲོ་ཁྱིམ་དག་ཏུ་རྒྱུ་ན་ལྟུང་བྱེད་དོ། །ཞེས་གསུངས་ཏེ། སྔ་དྲོ་དང་ཞེས་དང༌། དེའི་ཚིག་གིས་དགེ་འདུན་སྤྱན་དྲངས་པ་ན། ཞེས་དང༌། ལུང་རྣམ་འབྱེད་ལས། དེའི་ངོར་མགྲོན་དུ་བོས་པ་མ་ཡིན་ན་ལྟུང་བ་མེད་དོ། །ཞེསསོ། །གསུམ་པ་ནི་སྦྱིན་བདག་ལ་མ་བསྒོ་བ་སྟེ། སྦྱིན་བདག་ལ་ཁོ་བོ་མ་འོངས་པའི་དབང་གིས།

ཞེས་གསུངས་པས་སོ། །བར་ཆད་ཀྱི་རྐྱེན་དང་མི་ལྡན་པ་སྟེ། རང་གི་རྣམ་བཤད་དང་ཊཱི་ཀ་ལས།

དགེ་སྦྱོང་གི་ཚུལ་དང་སྲོག་ལ་སོགས་པའི་བར་ཆད་ཀྱི་དབང་གིས་ནི་ལྟུང་བ་མེད་དོ། ། ཞེསགསུངས་སོ། །གཉིས་པ་བསམ་པའི་ཡན་ལག་ལ་གཉིས་ལས། འདུ་ཤེས་ནི་གཞིའི་ཡན་ལགདེ་དག་ལ་མ་འཁྲུལ་བ་སྟེ། གོས་འཆང་བའི་སྐབས་སུ་སྔར་བཤད་པ་བཞིན་ནོ། །ཀུན་སློང་ནིརང་གར་ཁྱིམ་གསུམ་ཡན་ཆད་དུ་འགྲོ་བར་འདོད་པ་རྒྱུན་མ་ཆད་པའོ། །གསུམ་པ་སྦྱོར་བ་ནིཁྱིམ་གསུམ་པ་ཡན་ཆད་དུ་འགྲོ་བར་ཞུགས་པའོ། །བཞི་བ་མཐར་ཐུག་ནི་ཉེ་འཁོར་འདས་པལ་སོགས་པའོ། །གཉིས་པ་ཕྱི་དྲོ་གྲོང་དུ་རྒྱུ་བའི་དོན་ལ་བཞི་ལས། དང་པོ་གླེང་གཞི་ནི་མཉནཡོད་དུ་ཉེ་དགས་ཕྱི་དྲོ་གྲོང་དུ་རྒྱུ་བ་ལས་ལྟུང་བྱེད་དུ་བཅས་སོ། །གཉིས་པ་དགག་བྱ་ནི་ཆགསཔའི་རྒྱུར་འགྱུར་བའོ། །གསུམ་པ་ངོ་བོ་ནི་བཅས་ལྡན་དགེ་སློང་གིས་རང་གླིང་གི་ཉི་མ་ཕྱེད་ཡོལནས་སྐྱ་རེངས་མ་ཤར་བའི་བར་དེར་ཁྱིམ་བཞི་པའམ་ལྔ་པ་ལ་སོགས་པར་རྒྱུ་བ་ལས་གྱུར་པའིལྟུང་བ་དངོས་གཞིའོ། །བཞི་བ་ཡན་ལག་ལ་བཞི་ལས། དང་པོ་གཞིའི་ཡན་ལག་ལ། གང་དུརྒྱུ་བའི་གནས་དང༌། གང་གི་ཚེ་རྒྱུ་བའི་དུས་དང་གཉིས། དང་པོ་ལ་ལྔ་སྟེ། སྔར་བཤད་པའི་གནསཐུན་མོང་བ་བཞི་པོའི་སྟེང་དུ། ཁྱིམ་བཞི་ཡན་ཆད་ཡིན་པ་སྟེ། ཁྱིམ་བཞི་པ་ལ་སོགས་པར་འགྲོབ་ལའོ། །ཞེས་སོ། །གཉིས་པ་ནི། རང་གི་གླིང་གི་ཉི་མ་ཕྱེད་ཡོལ་ནས་སྐྱ་རེངས་མ་ཤར་བ་སྟེ།

དུས་མ་ཡིན་པར། ཞེས་སོ། །གཉིས་པ་བསམ་པའི་ཡན་ལག་ལ་གཉིས་ལས། འདུ་ཤེས་ནི་གཞིལ་མ་འཁྲུལ་བའོ། །ཀུན་སློང་ནི་རང་གར་ཁྱིམ་བཞི་ཡན་ཆད་དུ་འགྲོ་བར་འདོད་པ་རྒྱུན་མ་ཆདཔའོ། །གསུམ་པ་སྦྱོར་བ་ནི་ཁྱིམ་བཞི་པ་ཡན་ཆད་དུ་འགྲོ་བར་ཞུགས་པའོ། །བཞི་བ་མཐར་ཐུགནི་ཉེ་འཁོར་འདས་པ་ལ་སོགས་པའོ། །

གྱ་གཉིས་པ་རྒྱལ་པོའི་ཕོ་བྲང་དུ་ནུབ་མོ་འགྲོ་བའི་ལྟུང་བྱེད་འཆད་པ།

གྱ་གཉིས་པ་རྒྱལ་པོའི་ཕོ་བྲང་དུ་ནུབ་མོ་འགྲོ་བའི་ལྟུང་བྱེད་འཆད་པ་ལ།

རྩ་བར། ཤེསགཙོའོ། །ནམ་མ་ལངས་པ་ཉིད་ལའོ། །ཞེས་སོགས་བྱུང༌། འདིའི་དོན་ལ་བཞི་ལས། དང་པོ་གླེང་གཞི་ནི་མཉན་ཡོད་དུ་འཆར་ཀ་རྒྱལ་པོའི་ཕོ་བྲང་དུ་ནུབ་མོ་འགྲོ་བ་ལས་ལྟུང་བྱེད་དུ་བཅསསོ། །གཉིས་པ་དགག་བྱ་ནི་ལུང་རྣམ་འབྱེད་ལས་རྒྱལ་པོའི་ཕོ་བྲང་དུ་འགྲོ་བ་ལ་ཉེས་དམིགསབཅུ་གསུངས་ཀྱང༌། གཙོ་བོར་ནི་ཆགས་པའི་རྒྱུར་འགྱུར་བ་དང༌། སྐུར་པའི་ཚིག་འབྱུང་བའོ། །

གསུམ་པ་ངོ་བོ་ནི་བཅས་ལྡན་དགེ་སློང་གིས་རང་གི་གླིང་གི་ནུབ་ཕྱོགས་ཀྱི་འོད་དམར་པོ་འདསནས་སྐྱ་རེངས་ཐ་མ་མ་ཤར་གྱི་བར་དུ་བཙུན་མོའི་འཁོར་རམ། རྒྱལ་པོའི་ཕོ་བྲང་གི་གནས་སུའགྲོ་ན་བསྐོར་བ་མེད་ན་ཕྱི་རོལ་གྱི་ཉེ་འཁོར་འདོམ་གང་གི་ཁོངས་སུ་ཕྱིན་པ་དང༌། བསྐོར་བཡོད་ན་ནང་གི་སྒོ་མ་བཙུགས་པ་ལ་ཕྱི་བསྐོར་གྱི་སྒོ་བཙུགས་ཤིང་བཅད་ན་གཏན་པའི་གནསའདས་པ་དང༌། སྒོ་མ་བཅད་ན་གཏན་པའི་གནས་དེའི་ཉེ་འཁོར་འདོམ་གང་འདས་པ་དང༌། ནངགི་སྒོ་བཙུགས་ཤིང་བཅད་ན་དེ་ཉིད་ཀྱི་གཏན་པའི་གནས་སུ་ཕྱིན་པ་ལས་གྱུར་པའི་ལྟུང་བ་དངོས་གཞིའོ། །བཞི་བ་ཡན་ལག་ལ་བཞི་ལས། དང་པོ་གཞིའི་ཡན་ལག་ལ། གང་དུ་འགྲོ་བའི་གནསདང༌། གང་གི་ཚེ་འགྲོ་བའི་དུས་དང༌། གང་གིས་འགྲོ་བའི་རྟེན་དང་གསུམ། དང་པོ་ལ་སྔར་བཤདཔའི་གནས་ཐུན་མོང་བ་བཞི་པོ་ལ། ཁྱིམ་པ་མཚན་ཉིད་དང་ལྡན་པའི་གནས་ཡིན་ཞེས་པའི་ཤུལདུ། རྒྱལ་པོ་མི་ཡིན་པས་ཁྱད་པར་དུ་བྱས་པའི་བཙུན་མོའི་འཁོར་རམ། རྒྱལ་པོའི་ཕོ་བྲང་ཡིནཔ་སྟེ། བཙུན་མོའི་འཁོར་ཞེས་པ་སྟེ། རྒྱལ་པོའི་ཕོ་བྲང་གི། ཞེས་སོ། །གཉིས་པ་ནི་མཚན་མོརགྱུར་ནས་ནམ་མ་ལངས་པ་སྟེ། ནམ་མ་ལངས་པ་ཉིད་ལའོ། །ཞེས་སོ། །གསུམ་པ་ལ་གཉིསཏེ། རྒྱལ་པོ་ལ་སོགས་པས་བོས་པ་མ་ཡིན་པ་དང༌། དོན་ཁྱད་པར་ཅན་སྒྲུབ་པ་མ་ཡིན་པའོ། །

དེ་ཡང་གལ་ཏེ་རྒྱལ་པོ་དང་བཙུན་མོ་དང༌། ཞེས་དང༌། བར་ཆད་དང་འདུལ་བའི་དབང་གིས་མཡིན་པ་ལའོ། །ཞེས་སོ། །གཉིས་པ་བསམ་པའི་ཡན་ལག་ལ་གཉིས་ལས། འདུ་ཤེས་ནི་གཞིལ་མ་འཁྲུལ་པའོ། །ཀུན་སློང་ནི་རང་དགར་རྒྱལ་པོའི་ཕོ་བྲང་ངམ་བཙུན་མོའི་འཁོར་དུ་འགྲོ་བར་འདོད་པ་རྒྱུན་མ་ཆད་པའོ། །གསུམ་པ་སྦྱོར་བ་ནི་དེར་འགྲོ་བར་ཞུགས་པའོ། །བཞི་བ་མཐརཐུག་ནི་སྔར་ངོ་བོ་བཤད་སྐབས་དང་འདྲའོ། །

གྱ་གསུམ་པ་ཁྱད་དུ་གསོད་པའི་ལྟུང་བྱེད་འཆད་པ།

གྱ་གསུམ་པ་ཁྱད་དུ་གསོད་པའི་ལྟུང་བྱེད་འཆད་པ་ལ།

རྩ་བར། སོ་སོར་ཐར་བའི་མདོགདོན་པ་འདོན་པའི་ཚེ། ཞེས་སོགས་བྱུང༌། འདིའི་དོན་ལ་བཞི་ལས། དང་པོ་གླེང་གཞི་ནི་མཉནཡོད་དུ་དྲུག་སྡེས་བསླབ་པའི་གཞི་ཁྱད་དུ་གསོད་པ་ལས་ལྟུང་བྱེད་དུ་བཅས་སོ། །གཉིས་པདགག་བྱ་ནི་ཆོས་ཁྱད་དུ་གསོད་པས་ངོ་བོ་ཉིད་ཀྱི་དགག་བྱར་གྱུར་པ་དང་རང་རིགས་ཀྱི་སེམསབདེ་བ་ལ་གནོད་པའོ། །གསུམ་པ་ངོ་བོ་ནི་བཅས་ལྡན་དགེ་སློང་གིས་ཡིད་རྨོངས་པ་མ་ཡིན་པསགསོ་སྦྱོང་གི་སོ་སོ་ཐར་པའི་མདོ་འདོན་པའི་དུས་སུ་རང་གི་ཚུལ་ཁྲིམས་ཀྱི་བསླབ་པའི་གཞིའིདངོས་པོ་ལ་ངག་གི་རིག་བྱེད་ཀྱིས་ཁྱད་དུ་གསོད་དེ་ཕ་རོལ་པོས་དོན་གོ་བ་ལས་གྱུར་པའི་ལྟུངབ་དངོས་གཞིའོ། །བཞི་བ་ཡན་ལག་ལ་བཞི་ལས། དང་པོ་གཞིའི་ཡན་ལག་ལ། གང་ཁྱད་དུགསོད་པའི་དངོས་པོ་དང༌། གང་གིས་ཁྱད་དུ་གསོད་པའི་རྟེན་དང༌། གང་གི་ཚེ་ཁྱད་དུ་གསོདཔའི་དུས་དང༌། གང་ལ་གོ་བར་བྱ་བའི་ཡུལ་དང་བཞི། དང་པོ་ལ་གསུམ་ལས་འདུལ་བརགཏོགས་པ་ཡིན་པ་སྟེ། བསླབ་པའི་གཞིའི་དངོས་པོ་ལ། ཞེས་དང༌། མདོ་སྡེ་དང་ལྡན་པ་སྨྲ་བན་ཡང་ངོ༌། །ཞེས་སོ། །རང་གི་བསླབ་པ་ཡིན་པ་སྟེ། མཚན་གཞན་གྱི་འདོན་པའི་ཚེ། ཞེས་སོ། །དོན་གྱི་བདག་ཉིད་ཡིན་པ་སྟེ། །བསླབ་པའི་གཞིའི་དངོས་པོ་ལ་ཞེས་དངོས་པོ་ཡན་ལག་ཏུ་གསུངས་པ་དང༌། འདུལ་བའི་ཚིག་ཁྱད་དུ་གསོད་ན་ཁྱད་དུ་གསོད་པའི་ལྟུང་བྱེད་སྔར་བསྟན་ཟིན་པས་སོ། །གཉིས་པ་གང་གིས་ཁྱད་དུ་གསོད་པའི་རྟེན་ནི། གསོ་སྦྱོང་ལན་གཉིས་ཉམསསུ་མྱོང་ཞིང་ཡིད་རྨོངས་པ་མ་ཡིན་པའཽ། །གསུམ་པ་ནི་གསོ་སྦྱོང་གི་དུས་ཡིན་པ་སྟེ། ཊཱི་ཀ་ལས། གསོ་སྦྱོང་གི་ལས་ཀྱི་ཚེ་སོ་སོ་ཐར་པའི་མདོ་གདོན་པ་ན་བསླབ་པའི་གཞིའི་དངོས་པོ་ཁྱད་དུ་གསོད་ན་ལྟུང་བྱེད་དུ་འགྱུར་གྱི། དུས་གཞན་གྱི་ཚེ་བརྗོད་ན་ནི་ཉེས་བྱས་སུ་འགྱུར་བའོ། །ཞེསསོ། །བཞི་པ་ནི་དགེ་སློང་ཆོས་དྲུག་ལྡན་གྱི་སྟེང་དུ། གསོ་སྦྱོང་དེ་ལ་གཏོགས་པའོ། །གཉིས་པབསམ་པའི་ཡན་ལག་ལ་འདུ་ཤེས་ནི་གཞི་ལ་མ་འཁྲུལ་བའོ། །ཀུན་སློང་ནི་བཞད་གད་ཡནཆད་ཀྱི་ཁྱད་དུ་གསོད་པའི་ཚིག་སྨྲ་ཞིང་གོ་བར་འདོད་པ་རྒྱུན་མ་ཆད་པའོ། །གསུམ་པ་སྦྱོར་བནི་ངག་མཚན་ཉིད་ལྔ་ལྡན་གྱིས་ཁྱད་དུ་གསོད་པར་ཞུགས་པའོ། །བཞི་བ་མཐར་ཐུག་ནི་དོནགོ་བའོ། །

གྱ་བཞི་པ་ཁབ་རལ་འཆོས་པའི་ལྟུང་བྱེད་འཆད་པ།

གྱ་བཞི་པ་ཁབ་རལ་འཆོས་པའི་ལྟུང་བྱེད་འཆད་པ་ལ།

རྩ་བར། བ་སོ་དང་རུས་པ་དངརྭའི་ཁབ་རལ་བྱེད་དམ་བྱེད་དུ་བཅུག་པའོ། །ཞེས་སོགས་བྱུང༌། འདིའི་དོན་ལ་བཞི་ལས། དངཔོ་གླེང་གཞི་ནི་མཉན་ཡོད་དུ་དགེ་སློང་མང་པོ་རྣམས་ཀྱིས་ཁབ་རལ་བྱེད་དུ་བཅུག་པ་ལས་ལྟུངབྱེད་དུ་བཅས་སོ། །གཉིས་པ་དགག་བྱ་ནི་དོན་དང་བྱ་བ་མང་བ་དང་རང་འདོད་པ་ཆེ་བའོ། །གསུམ་པ་ངོ་བོ་ནི་བཅས་ལྡན་དགེ་སློང་གིས་རང་དབང་བའི་ཁབ་རལ་གྱི་རྒྱུ་མཚན་ཉིད་དང་ལྡནཔ་ལ་རང་གི་ཆེད་དུ་རང་ངམ་བསྐོས་པས་ཁབ་རལ་གྱི་བཟོ་བྱས་པ་ལས་གྱུར་པའི་ལྟུང་བ་དངོསགཞིའོ། །བཞི་བ་ཡན་ལག་ལ་བཞི་ལས། དང་པོ་གཞིའི་ཡན་ལག་ལ་ལྔ་ལས། བ་སོ་དང་རུསཔ་ལ་སོགས་པ་ཁབ་རལ་གྱི་རྒྱུ་མཚན་ཉིད་དང་ལྡན་པ་ཡིན་པ་དགོས་ལ། རང་གི་ཡིན་པ་སྟེ། གཞན་གྱི་ཡིན་ན་དགག་བྱ་མི་རྫོགས་པའི་ཕྱིར་རོ། །བྱེད་འཕྲོ་གཞིའི་སེལ་བར་གཏོགས་པ་མཡིན་པ་དང༌། རུང་བ་དང་ཚད་དང་ལྡན་པ་དགོས་སོ། ། གཉིས་པ་བསམ་པའི་ཡན་ལག་ལགཉིས་ལས། འདུ་ཤེས་ནི་གཞི་ལ་མ་འཁྲུལ་བའོ། །ཀུན་སློང་ནི་རང་གར་རང་གི་དོན་དུ་ཁབ་རལ་བྱེད་པར་འདོད་པ་རྒྱུན་མ་ཆད་པའོ། །གསུམ་པ་སྦྱོར་བ་ནི་རང་ངམ་བསྐོས་པས་ཁབ་རལགྱི་བཟོ་བྱེད་པར་ཞུགས་པའོ། །བཞི་བ་མཐར་ཐུག་ནི་ཟིན་པར་བྱས་པའོ། །

གྱ་ལྔ་པ་ཁྲི་རྐང་འཆོས་པའི་ལྟུང་བྱེད་འཆད་པ།

གྱ་ལྔ་པ་ཁྲི་རྐང་འཆོས་པའི་ལྟུང་བྱེད་འཆད་པ་ལ།

རྩ་བར། ཚད་ལས་ལྷག་པར་བྱེདདམ་བྱེད་དུ་འཇུག་པ་ནའོ། །ཞེས་སོགས་བྱུང༌། འདིའི་དོན་ལ་བཞི་ལས། དང་པོ་གླེང་གཞིནི་མཉན་ཡོད་དུ་དྲུག་སྡེས་ཁྲི་རྐང་ཚད་ལས་ལྷག་པར་བྱས་པ་ལས་ལྟུང་བྱེད་དུ་བཅས་སོ། །གཉིས་པ་དགག་བྱ་ནི་དོན་དང་བྱ་བ་མང་བ་དང༌། དགེ་འདུན་གྱི་ཡོ་བྱད་ཆུད་འཛའ་པར་འགྱུརབའོ། །གསུམ་པ་ངོ་བོ་ནི་བཅས་ལྡན་དགེ་སློང་གིས་དགེ་འདུན་དབང་བའི་ཤིང་གི་ཁྲིའམ་ཁྲིའུརྐང་པ་ཚད་ལས་ལྷག་པ་རང་ངམ་བསྐོས་པས་བཟོ་བྱས་ཏེ་ཟིན་པ་ལས་གྱུར་པའི་ལྟུང་བ་དངོསགཞིའོ། །བཞི་བ་ཡན་ལག་ལ་བཞི་ལས། དང་པོ་གཞིའི་ཡན་ལག་ལ་ལྔ་ལས། དགེ་འདུན་དབངབའི་ཁྲིའམ་ཁྲིའུ་ཡིན་པའོ། །གང་ཟག་གི་ཁྲི་རྐང་ཚད་ལས་ལྷག་པར་བྱེད་ན་ནི། རྣམ་འབྱེདའགྲེལ་བ་ལས། གང་ཟག་གི་ལ་ནི་ཉེས་བྱས་སུ་འགྱུར་རོ། །ཞེས་སོ། །རུང་བ་ཡིན་པ་དང༌། རྒྱཁྱོན་གྲགས་སྡེའི་ཚད་དང་ལྡན་པ་སྟེ། རུང་བ་ཉིད་དང་ཚད་དང་ལྡན་པ། ཞེས་སོ། །རྐང་པ་ཚདལས་ལྷག་པ་སྟེ། རྐང་པ་དག་གིའོ། །ཞེས་སོ། །བྱེད་འཕྲོ་གཞིའི་སེལ་བར་གཏོགས་པ་མ་ཡིནཔ་སྟེ། ཕྱེད་བྱས་པ་ལ་བྱེད་པ་ནི། ཞེས་སོ། །གཉིས་པ་བསམ་པའི་ཡན་ལག་ལ་གཉིས་ལས།

འདུ་ཤེས་ནི་གཞི་ལ་མ་འཁྲུལ་བའོ། །ཀུན་སློང་ནི་རང་གར་ཚད་ལས་ལྷག་པར་བྱེད་པར་འདོདཔ་རྒྱུན་མ་ཆད་པའོ། །གསུམ་པ་སྦྱོར་བ་ནི་རང་ངམ་གཞན་ལ་བསྐོས་པས་ཚད་ལས་ལྷག་པརབྱེད་པར་ཞུགས་པའོ། །བཞི་བ་མཐར་ཐུག་ནི་བཟོ་ཟིན་པའོ། །

གྱ་དྲུག་པ་ཤིང་བལ་གྱིས་གོས་པར་བྱས་པའི་ལྟུང་བྱེད་འཆད་།

གྱ་དྲུག་པ་ཤིང་བལ་གྱིས་གོས་པར་བྱས་པའི་ལྟུང་བྱེད་འཆད་པ་ལ།

རྩ་བར། ཤིང་བལགྱིས་གོས་པར་བྱས་པ་ལའོ། །ཞེས་སོ། །འདིའི་དོན་ལ་བཞི་ལས། དང་པོ་གླེང་གཞི་ནི་མཉནཡོད་དུ་ཉེ་དགས་འདུག་པའི་སེམས་ཀྱིས་དགེ་འདུན་གྱི་གནས་མལ་ལ་ཤིང་བལ་གྱིས་གོས་པར་བྱས་པ་ལས་ལྟུང་བྱེད་དུ་བཅས་སོ། །གཉིས་པ་དགག་བྱ་ནི་དོན་དང་བྱ་བ་མང་བ་དང༌། གཞན་གྱི་གོས་ལ་སོགས་པ་ལ་གནོད་པའོ། །གསུམ་པ་ངོ་བོ་ནི་བཅས་ལྡན་དགེ་སློང་གིས་དགེའདུན་དབང་བའི་གནས་མལ་ལ་ཤིང་བལ་གྱིས་གོས་པར་བྱས་པ་ལས་གྱུར་པའི་ལྟུང་བ་དངོསགཞིའོ། །བཞི་བ་ཡན་ལག་ལ་བཞི་ལས། དང་པོ་གཞིའི་ཡན་ལག་ལ། གང་ལ་གོས་པར་བྱ་བའིཡུལ་དང༌། གང་གིས་གོས་པར་བྱེད་པའི་དངོས་པོ་དང་གཉིས། དང་པོ་ལ་གསུམ་ལས། དགེའདུན་དབང་བའི་གནས་མལ་ཡིན་པའོ། །རུང་བ་དང་ཚད་དང་ལྡན་པ་སྟེ། སྤྱིར་བསྟན་པ་ལསསོ། །གཉིས་པ་གང་གིས་གོས་པར་བྱེད་པའི་དངོས་པོ་ལ་གསུམ་ལས། ཤིང་བལ་ཡིན་པའོ། །

གྲགས་སྡེའི་ཚད་དུ་ཆོག་པ་སྟེ། གོས་ལ་སོགས་པ་ཚད་དང་ལྡན་པའི་གནད་ཀྱིས་སྦྱར་རོ། །ཤིངབལ་བརྡལ་བའི་བྱེད་འཕྲོ་གཞིའི་སེལ་བར་གཏོགས་པ་མ་ཡིན་པའོ། །གཉིས་པ་བསམ་པའིཡན་ལག་ལ་གཉིས་ལས། འདུ་ཤེས་ནི་གཞི་ལ་མ་འཁྲུལ་བའོ། །ཀུན་སློང་ནི་རང་གར་རང་གིདོན་དུ་ཤིང་བལ་བརྡལ་བར་འདོད་པ་རྒྱུན་མ་ཆད་པའོ། །གསུམ་པ་སྦྱོར་བ་ནི་རང་ངམ་གཞན་ལབསྐོས་པས་ཤིང་བལ་བརྡལ་བར་ཞུགས་པའོ། །བཞི་བ་མཐར་ཐུག་ནི་བརྡལ་བ་རྫོགས་པའོ། །

གྱ་བདུན་པ་གདིང་བ་དང་གྱ་བརྒྱད་པ་གཡན་པ་དགབ་པ་དང་གྱ་དགུ་བ་རས་ཆེན་དངགསུམ་པོ་ཚད་ལས་ལྷག་པའི་ལྟུང་བྱེད་གསུམ་འཆད་པ་ལ། རྩ་བར། གདིང་བའི་འོ། །ཞེས་པནས། གཡན་པ་དགབ་པའི་འོ། །ཞེས་པ་ནས། དབྱར་གྱི་རས་ཆེན་གྱིའོ། །ཞེས་སོགས་བྱུང༌།

འདིའི་དོན་ལ་བཞི་ལས། དང་པོ་གླེང་གཞི་ནི་མཉན་ཡོད་དུ་དགེ་སློང་རབ་ཏུ་མང་པོས་གདིང་བདང་གཡན་པ་དགབ་པ་དང་རས་ཆེན་དང་གསུམ་པོ་རང་རང་གི་ཚད་ལས་ལྷག་པར་བྱས་པ་ལས་ལྟུང་བྱེད་དུ་བཅས་སོ། །གཉིས་པ་དགག་བྱ་ནི་བྱ་བ་སོ་སོ་དང་འབྲེལ་ནས་དོན་དང་བྱ་བམང་བ་དང༌། འདོད་པ་ཆེ་བའོ། །གསུམ་པ་ངོ་བོ་ནི་བཅས་ལྡན་དགེ་སློང་གིས་གདིང་བ་དངགཡན་པ་དགབ་པ་དང་རས་ཆེན་དང་གསུམ་པོ་རང་རང་གི་རྒྱུ་མཚན་ཉིད་དང་ལྡན་པ་ལ་རངགི་དོན་དུ་རང་ངམ་གཞན་བསྐོས་པས་སོར་ཕྱེད་ཡན་ཆད་ཚད་ལས་ལྷག་པར་བྱས་ཟིན་པ་ལསགྱུར་པའི་ལྟུང་བ་དངོས་གཞིའོ། །བཞི་བ་ཡན་ལག་ལ་བཞི་ལས། དང་པོ་གཞིའི་ཡན་ལག་ལལྔ་ལས། གདིང་བ་དང་གཡན་པ་དགབ་པ་དང་རས་ཆེན་དང་གསུམ་པོ་རང་རང་གི་རྒྱུ་མཚནཉིད་དང་ལྡན་པ་ཡིན་པའོ། །རང་གི་ཡིན་པ་དང༌། བྱེད་འཕྲོ་གཞིའི་སེལ་བར་གཏོགས་པ་མཡིན་པ་དང༌། རུང་བ་ཚད་དང་ལྡན་པ་སྟེ་སྔར་བཤད་པ་བཞིན་ནོ། །གཉིས་པ་བསམ་པའི་ཡནལག་ལ་གཉིས་ལས། འདུ་ཤེས་ནི་གཞི་ལ་མ་འཁྲུལ་བའོ། །ཀུན་སློང་ནི་རང་གར་རང་གི་དོནདུ་ཚད་ལས་ལྷག་པར་བྱེད་པར་འདོད་པ་རྒྱུན་མ་ཆད་པའོ། །གསུམ་པ་སྦྱོར་བ་ནི་རང་ངམ་བསྐོསཔས་ཚད་ལས་ལྷག་པར་བྱེད་པར་ཞུགས་པའོ། །བཞི་བ་མཐར་ཐུག་ནི་བཟོ་ཟིན་པའོ། །དགེསློང་ལུས་བོང་ཤིན་ཏུ་ཐུང་བ་དང་ལུས་བོང་ཆེ་བ་དང་འབྲིང་པོ་སྟེ་གསུམ་གྱི་གདིང་བ་ནི་ཚད་མཉམ་སྟེ། འོག་མ་དག་ལ་ཡང་ངོ་ཞེས་གདིང་བ་དང་གཡན་པ་དགབ་པ་དང་རས་ཆེན་དང་གསུམ་ནི་རང་གི་ལུས་ཁྲུས་ཚད་གཞལ་བ་མ་ཡིན་གྱི་རྡུལ་ཁྲུ་ནས་བརྩི་བ་སྟེ། དེ་ལྟར་ལུང་རྣམའབྱེད་ལས་གསུངས་སོ། །

དགུ་བཅུ་པ་བདེ་བར་གཤེགས་པའི་ཆོས་གོས་ཀྱི་ཚད་དུ་བཟོ་བྱེད་པའི་ལྟུང་བྱེད་འཆདཔ།

དགུ་བཅུ་པ་བདེ་བར་གཤེགས་པའི་ཆོས་གོས་ཀྱི་ཚད་དུ་བཟོ་བྱེད་པའི་ལྟུང་བྱེད་འཆདཔ་ལ།

རྩ་བར། སྟོན་པ་རང་གི་ཁྲུ་ལྔ་དང་གསུམ་པའི་ཆོས་གོས་སོ། །ཞེས་སོགས་བྱུང༌། འདིའིདོན་ལ་བཞི་ལས། དང་པོ་གླེང་གཞི་ནི་མཉན་ཡོད་དུ་ཉེ་དགས་བདེ་བར་གཤེགས་པའི་ཆོསགོས་ཀྱི་ཚད་དུ་ཆོས་གོས་བཟོ་བྱེད་དུ་བཅུག་པ་ལས་ལྟུང་བྱེད་དུ་བཅས་སོ། །གཉིས་པ་དགགབྱ་ནི་བླ་མ་ལྟར་འཆོས་པ་དང༌། དོན་དང་བྱ་བ་མང་བའོ། །གསུམ་པ་ངོ་བོ་ནི་བཅས་ལྡན་དགེསློང་གིས་རང་ལ་ལུས་བོང་སངས་རྒྱས་ཀྱི་སྐུ་ལུས་ཙམ་མེད་པར་བདེ་བར་གཤེགས་པའི་ཆོསགོས་ཀྱི་ཚད་དམ་དེ་བས་ལྷག་པའི་ཆོས་གོས་གསུམ་ལས་གང་ཡང་རུང་བ་རང་ངམ་བསྐོས་པསབཟོ་བྱས་ཟིན་པ་ལས་གྱུར་པའི་ལྟུང་བ་དངོས་གཞིའོ། །བཞི་བ་ཡན་ལག་ལ་བཞི་ལས། དང་པོ་གཞིའི་ཡན་ལག་ལ། གང་བྱ་བའི་དངོས་པོ་དང༌། གང་གིས་བྱེད་པའི་རྟེན་དང་གཉིས། དངཔོ་ལ་ལྔ་ལས། ཆོས་གོས་གསུམ་ལས་གང་ཡང་རུང་བ་ཡིན་པ་སྟེ། ཆོས་གོས་བྱེད་དམ། ཞེསསོ། །རུང་བ་ཡིན་པ་སྟེ་སྤྱིར་བསྟན་པ་ལས་རུང་བ་ཉིད་དང་ཞེས་གསུངས་པས་སོ། །བདེ་བར་གཤེགས་པའི་ཆོས་གོས་ཀྱི་ཚད་དམ་དེ་ལས་ལྷག་པར་ཡིན་པ་སྟེ། དེའི་ཚད་དམ་ལྷག་པའི་ཞེསགསུངས་པས་སོ། །རང་གི་ཡིན་པ་དང༌། བྱེད་འཕྲོ་གཞིའི་སེལ་བར་གཏོགས་པ་མ་ཡིན་པ་སྟེ།

སྔར་འཁྲུར་འཇུག་གི་སྐབས་སུ་བཤད་པ་བཞིན་ནོ། །གཉིས་པ་གང་གིས་བྱེད་པའི་རྟེན་ནི། རངགི་ལུས་ལ་བདེ་བར་གཤེགས་པའི་སྐུའི་བོང་ཚད་ཙམ་མེད་པ་སྟེ། དེའི་ལུས་ཙམ་མེད་པར། ཞེསགསུངས་སོ། །གཉིས་པ་བསམ་པའི་ཡན་ལག་ལ་གཉིས་ལས། འདུ་ཤེས་ནི་གཞི་ལ་མ་འཁྲུལབའོ། །ཀུན་སློང་ནི་རང་དོན་དུ་བདེ་བར་གཤེགས་པའི་ཆོས་གོས་ཀྱི་ཚད་དམ་དེ་ལས་ལྷག་པའིཆོས་གོས་ཀྱི་བཟོ་བྱེད་པར་འདོད་པ་རྒྱུན་མ་ཆད་པའོ། །གསུམ་པ་སྦྱོར་བ་ནི་རང་ངམ་བསྐོས་པས་དེའི་བཟོ་བྱེད་པར་ཞུགས་པའོ། །བཞི་བ་མཐར་ཐུག་ནི་བཟོ་ཟིན་པའོ། །ལྟུང་བྱེད་འབའ་ཞིག་པའི་རྣམ་པར་བཤད་པ་རྫོགས་སོ།། །།

སོ་སོར་བཤགས་པར་བྱ་བའི་སྡེ་འཆད་པ།

སོ་སོར་བཤགས་པར་བྱ་བའི་སྡེ་འཆད་པ།

བཞི་བ་སོ་སོར་བཤགས་པར་བྱ་བའི་སྡེ་འཆད་པ་ལ།

སྡོམ་དང་སོ་སོར་བཤད་པ་དངགཉིས་ལས། དང་པོ་ནི། སོར་སྡོམ་ལས། གྲོང་དང་ཁྱིམ་གཞན་ཉིད་དང་ནི། །བསླབ་པ་རྣམས་དང་དགོན་པ་ནི། །སངས་རྒྱས་ཕན་པ་གསུངས་པ་ཡིས། །སོ་སོར་བཤགས་པར་བྱབར་གསུངས། །ཞེས་གཟུང་བར་བྱའོ། །གཉིས་པ་སོ་སོར་བཤད་པ་ལ་བཞི་ལས། དང་པ་ོཟས་ལེན་པའི་སོ་སོར་བཤགས་པར་བྱ་བ་འཆད་པ་ལ། རྩ་བར། ཤེས་གཙོའོ། །དགེ་སློང་མ་ཉེ་དུ་མ་ཡིན་པ་ཉིད་ལའོ། །ཞེས་སོགས་བྱུང༌། འདིའི་དོན་ལ་བཞི་ལས། དང་པོ་གླེང་གཞིནི་མཉན་ཡོད་དུ་ཉེ་དགས་དགེ་སློང་མ་ཨུཏྤ་ལའི་མདོག་ལ་ཟས་བླང་བ་ལས་སོ་སོར་བཤགསཔར་བྱ་བར་བཅས་སོ། །གཉིས་པ་དགག་བྱ་ནི་ཆགས་པས་རྐྱེན་བྱས་ཏེ་རང་རིགས་ཀྱི་བསླབཔ་ལ་གནོད་པའོ། །གསུམ་པ་ངོ་བོ་ནི་བཅས་ལྡན་དགེ་སློང་གྲོང་ངམ་གྲོང་གི་ཉེ་འཁོར་རམ་ལམཔོ་ཆེ་ན་འདུག་པས་དགེ་སློང་མ་གནས་དེ་གསུམ་གང་ཡང་རུང་བ་ན་འདུག་པ་ལ་ཟས་བླངསཏེ་ཟོས་པ་ལས་གྱུར་པའི་ལྟུང་བ་དངོས་གཞིའོ། །བཞི་བ་ཡན་ལག་ལ་བཞི་ལས། གཞིའི་ཡནལག་ལ། གང་ལ་བླང་བའི་ཡུལ་དང༌། གང་བླང་བའི་དངོས་པོ་དང༌། གང་དུ་བླང་བའི་གནསདང་གསུམ། དང་པོ་ནི་དགེ་སློང་མ་ཆོས་བདུན་ལྡན་ཏེ་སྔར་བཤད་པ་བཞིན་ནོ། །གཉིས་པ་ལལྔ་ཡོད་དེ། དུས་སུ་རུང་བ་ཡིན་པ་དང༌། མོ་ཉིད་ཟ་བའི་ཆེད་དུ་སྒྲུབ་པ་ཡིན་པ་དང༌། དགེསློང་མ་དེ་དང་འབྲེལ་བར་གནས་པ་དང༌། རུང་བ་དང༌། ཚད་དང་ལྡན་པའོ། །གསུམ་པ་གངདུ་བླང་བའི་གནས་ནི་དགེ་སློང་གི་གནས་གྲོང་དང་གྲོང་གི་ཉེ་འཁོར་དང་ལམ་པོ་ཆེ་དང་གསུམཔོ་གང་རུང་ཡིན་དགོས་ཏེ། ཊཱི་ཀ་ལས། དགེ་སློང་ལམ་པོ་ཆེ་ན་འདུག་པས། དགེ་སློང་མ་གངཡང་རུང་བ་ན་འདུག་པ་དེ་ལས་བཅའ་བ་དང་བཟའ་བ་ལེན་ཞིང་ཟ་བར་བྱེད་ན་དངོས་གཞིརའགྱུར་རོ། །ཞེས་གསུངས་སོ། །དགེ་སློང་མའི་གནས་ཀྱང་གྲོང་དང་གྲོང་གི་ཉེ་འཁོར་དང་ལམཔོ་ཆེ་དང་གསུམ་པོ་གང་རུང་ཡིན་པ་སྟེ། སོ་སོ་ཐར་བ་ལས། དགེ་སློང་མ་ཉེ་དུ་མ་ཡིན་པ་ལམཔོ་ཆེ་ན་འདུག་པ། ཞེས་གསུངས་པས་གྲོང་དང་གྲོང་གི་ཉེ་འཁོར་ཡང་དེ་དང་རྒྱུ་མཚན་མཚུངསཤིང༌། དགེ་སློང་གྲོང་ན་འདུག་པའི་གནད་ཀྱིས་སྦྱར་ཞེས་མཚོ་ཊཱིཀ་ལས་སོ། །གཉིས་པ་བསམཔའི་ཡན་ལག་ལ་གཉིས་ལས། འདུ་ཤེས་ནི་གཞི་ལ་མ་འཁྲུལ་བའོ། །ཀུན་སློང་ནི་རང་དོན་དུདགེ་སློང་མ་ལ་ཟས་ལེན་ཞིང་ཟ་བར་འདོད་པ་རྒྱུན་མ་ཆད་པའོ། །གསུམ་པ་སྦྱོར་བ་ནི་དགེསློང་མ་ལ་ངག་གི་རིག་བྱེད་ཀྱིས་ཟས་བླངས་ཏེ་ཟ་བར་རྩོམ་པའོ། ། བཞི་བ་མཐར་ཐུག་ནིམགུལ་དུ་མིད་པའོ། །

གཉིས་པ་གྲལ་རིམས་སུ་མ་ཕེབས་པར་འགྲིམ་དུ་འཇུག་པ་མ་བཟློག་པར་ཟ་བའི་སོསོར་བཤགས་པར་བྱ་བ་འཆད་པ་ལ།

རྩ་བར། དེའམ་དགེ་སློང་གཞན་ལ། ཞེས་སོགས་བྱུང༌།

འདིའི་དོན་ལ་བཞི་ལས། དང་པོ་གླེང་གཞི་ནི་མཉན་ཡོད་དུ་ཁྱིམ་པས་དགེ་འདུན་ལ་མཆོདསྟོན་འདྲེན་པ་ན། དགེ་སློང་མས་བསྐོ་བཤམ་ཕྱིན་ཅི་ལོག་ཏུ་བྱེད་པ་དེ་མ་བཟློག་པར་དྲུག་སྡེ་རྣམས་ཀྱིས་ཟོས་པ་ལས་སོ་སོར་བཤགས་པར་བྱ་བར་བཅས་སོ། །གཉིས་པ་དགག་བྱ་ནི་ཆགསཔས་རྐྱེན་བྱས་ཏེ་རང་རིགས་ཀྱི་བསླབ་པ་ལ་གནོད་པ་དང༌། གྲོགས་ཀྱི་འཚོ་བ་ལ་གནོད་པའོ། །

གསུམ་པ་ངོ་བོ་ནི་དགེ་སློང་གསུམ་ཡན་ཆད་ཁྱིམ་པས་མགྲོན་དུ་བོས་པ་ན་དགེ་སློང་མས་བསྐོབཤམ་ཕྱིན་ཅི་ལོག་ཏུ་བྱེད་པ་དེ་མ་བཟློག་པར་བཅས་ལྡན་དགེ་སློང་གིས་ཟོས་པ་ལས་གྱུར་པའི་ལྟུང་བ་དངོས་གཞིའོ། །བཞི་བ་ཡན་ལག་ལ་བཞི་ལས། གཞིའི་ཡན་ལག་ལ། གང་གིབཟའ་བའི་སྦྱིན་བདག་དང༌། གང་དག་དང་ཟ་བའི་གྲོགས་དང༌། གང་བཟའ་བའི་དངོས་པོདང༌། གང་གིས་ཟ་བའི་རྟེན་དང་བཞི། དང་པོ་ལ་ལྔ་ཡོད་དེ། ཁྱིམ་པ་ཡིན་པ་དང༌། དགེ་སློངམ་དེའི་ཉེ་དུ་མ་ཡིན་པ་དང༌། མགྲོན་དུ་འབོད་པ་པོ་ཡིན་པདང༌། ཐ་སྙད་ལྔ་དང་ལྡན་པ་དང༌། ལུས་ཐ་མལ་པར་གནས་པའོ། །གཉིས་པ་གང་དག་དང་ཟ་བའི་གྲོགས་ནི། དགེ་སློང་ཆོས་དྲུགལྡན་གྱི་དང་པོ་ལྔའི་སྟེང་དུ། རང་མ་གཏོགས་པ་གཉིས་ཡན་ཆད་ཡིན་པ་སྟེ། རྩ་བར། དགེསློང་གསུམ་ལ་སོགས་པ་མགྲོན་དུ་བོས་པས་ཟོས་ནའོ། ། ཞེས་གསུངས་པས་སོ། །གསུམཔ་གང་བཟའ་བའི་དངོས་པོ་ནི་བཞི་ལས་དུས་སུ་རུང་བ་ཡིན། ཚད་དང་ལྡན་པ་ཡིན། དགེ་སློངམ་ཆོས་བརྒྱད་ལྡན་གྱིས་བསྐོ་བཤམ་བྱས་པ་ཡིན་པ་སྟེ། ཆོས་བརྒྱད་ལྡན་ནི་སྔར་བཤད་པའིཆོས་བདུན་ལྡན་གྱི་སྟེང་དུ་ཚིག་དེ་ཉེ་བར་གདགས་སུ་རུང་བ་ན་གནས་པ་སྟེ། གལ་ཏེ་ཚིག་དེཉེ་བར་གདགས་སུ་རུང་ན་ནིའོ། །ཞེས་སོ། །བཞི་པ་གང་གིས་ཟ་བའི་རྟེན་ནི། བསྐོ་བཤམབྱེད་པ་དེ་མ་བཟློག་པ་ལ་དེ་ལྟར་ཤེས་པའོ། །གཉིས་པ་བསམ་པའི་ཡན་ལག་ལ་གཉིས་ལས།

འདུ་ཤེས་ནི་གཞི་ལ་མ་འཁྲུལ་བའོ། །ཀུན་སློང་ནི་བསྐོ་བཤམ་ཕྱིན་ཅི་ལོག་ཏུ་བྱས་པ་དེ་རང་དོན་དུ་ཟ་བར་འདོད་པ་རྒྱུན་མ་ཆད་པའོ། །གསུམ་པ་སྦྱོར་བ་ནི་ཟ་བར་རྩོམ་པའོ། །བཞི་བ་མཐར་ཐུག་ནི་མགུལ་དུ་མིད་པའོ། །

གསུམ་པ་བསླབ་པ་དྲལ་ཏེ་ཁྱིམ་དུ་འཇུག་པའི་སོ་སོར་བཤགས་པར་བྱ་བ་འཆད་པ་ལགཉིས། དང་པོ་བསླབ་པར་བྱ་བ་ནི། རྩ་བར། དད་པ་ཅན་ལ་གལ་ཏེ་བྱིན་ན་དེ་ཕོངས་པརའགྱུར་བ་ལྟ་ན་ཁྱིམ་གྱི་བསླབ་པའི་སྡོམ་པ་སྦྱིན་པར་བྱའོ། །ཞེས་སོགས་བྱུང༌། འདིའི་དོན་ལལྔ་ལས། དང་པོ་དགོས་པའི་དོན་ནི། དངོས་སུ་ཁྱིམ་བདག་དེ་ཕོངས་པར་འགྱུར་བ་དགག་པའོ། །

གཉིས་པ་ཁྱིམ་གྱི་བསླབ་པའི་སྡོམ་པ་ཡུལ་གང་ལ་སྦྱིན་པ་ནི།

ཁྱིམ་པ་ཆོས་བརྒྱད་དང་ལྡན་པལ་སྟེ། ལྷུང་བཟེད་ཁ་སྦུབ་པའི་སྐབས་སུ་འཆད་པར་འགྱུར་རོ། །གསུམ་པ་རྟེན་གང་གིས་སྦྱིནཔ་ནི་དགེ་འདུན་མཚན་ཉིད་བཞི་ལྡན་གྱིས་སོ། །བཞི་པ་ཆོ་ག་གང་གིས་སྦྱིན་པ་ནི། སྦྱོར་དངོསགཉིས་ལས། སྦྱོར་བ་ནི་འདུ་བའི་སྐབས་རྗེས་སུ་སྒྲུབ་པ་དང༌། ཁྱིམ་པ་དེས་ཕྱག་འཚལ་ཞིངགསོལ་བ་ལན་གསུམ་གདབ་པའོ། །དངོས་གཞི་ནི་གསོལ་བ་འབའ་ཞིག་པའི་ལས་བྱ་བའོ། །

འདི་ལ་མཇུག་གི་ཆོ་ག་ནི་མེད་དེ་ལུང་དང་བསྟན་བཅོས་ལས་མ་གསུངས་སོ། །ལྔ་པ་བསླབ་བྱ་ནི་ཟས་བསླང་བའི་དོན་དུ་དེའི་ཁྱིམ་དུ་མི་འགྲོ་བ་ལ་སོགས་པའོ། །

གཉིས་པ་ལྟུང་བ་རྣམ་པར་བཞག་པ་བཤད་པ་ལ། རྩ་བར། དེ་བྱིན་པའི་མདུན་རོལཏུ་མགྲོན་དུ་མ་བོས་པས་བསླབ་པའི་སྡོམ་པ་བྱིན་པའི་ཁྱིམ་ནས་བཟའ་བ་དང་བཅའ་བ་དགབླངས་ཤིང་ཟོས་པ་ལ་སྟེ། ག་གོན་དང་ལ་ཕུག་དང་ལྡམ་ལྡུམ་མོད་པ་དག་ནི་མ་གཏོགས་སོ། །ཞེས་སོགས་བྱུང༌། འདིའི་དོན་ལ་བཞི་ལས། དང་པོ་གླེང་གཞི་ནི་ཡངས་པ་ཅན་དུ་ཁྱིམ་གྱི་བསླབཔའི་སྡོམ་པ་བྱིན་པ་ལས་དྲུག་སྡེས་ཟས་བླངས་ཏེ་ཟོས་པ་ལས་སོ་སོར་བཤགས་པར་བྱ་བར་བཅས་སོ། །གཉིས་པ་དགག་བྱ་ནི་དངོས་སུ་སྦྱིན་བདག་གི་ལོངས་སྤྱོད་ལ་གནོད་པ་དང༌། དགེའདུན་གྱི་ནང་ཁྲིམས་དྲལ་བས་རང་རིགས་ཀྱི་དགེ་འདུན་ལ་གནོད་པའོ། །གསུམ་པ་ངོ་བོ་ནིབཅས་ལྡན་དགེ་སློང་གིས་ཁྱིམ་གྱི་བསླབ་པའི་སྡོམ་པ་བྱིན་པའི་ཁྱིམ་བདག་ལས་ངག་གི་རིགབྱེད་ཀྱིས་ཟས་བླངས་ཏེ་ཟོས་པ་ལས་གྱུར་པའི་ལྟུང་བ་དངོས་གཞིའོ། །བཞི་བ་ཡན་ལག་ལབཞི་ལས། དང་པོ་གཞིའི་ཡན་ལག་ལ། གང་ལ་བླང་བའི་ཡུལ་དང༌། གང་ལེན་ཞིང་ཟ་བའིདངོས་པོ་དང༌། གང་གིས་ལེན་ཞིང་ཟ་བའི་རྟེན་དང་གསུམ། དང་པོ་ལ་ལྔ་ལས། ཁྱིམ་པ་ཡིནཔ་དང༌། ཁྱིམ་གྱི་བསླབ་པའི་སྡོམ་པས་བསྡམས་པ་ཡིན་པའོ། །རྫས་ཀྱི་སྒོ་ནས་བདག་ལསཐ་དད་པ་སྟེ། དགག་བྱའི་གནད་ཀྱིས་སོ། །ཐ་སྙད་ལྔ་དང་ལྡན་པ་དང༌། ལུས་ཐ་མལ་པར་གནསཔའོ། །གཉིས་པ་གང་ལེན་ཞིང་ཟ་བའི་དངོས་པོ་ལ་ལྔ་ཡོད་དེ། དུས་སུ་རུང་བ་ཡིན་པ་དང༌། ལྡམ་ལྡུམ་ལ་སོགས་མོད་པ་མ་ཡིན་པ་དང༌། རུང་བ་དང་ཚད་དང་ལྡན་པ་དང་སྦྱིན་བདག་དེཉིད་ཀྱི་ཡིན་པ་དང་ལྔའོ། །གསུམ་པ་གང་གིས་ལེན་ཞིང་ཟ་བའི་རྟེན་ནི་དགེ་འདུན་གྱི་ཁྲིམསསུ་བཅས་པ་དེའི་ཁོངས་སུ་གཏོགས་པའོ། །གཉིས་པ་བསམ་པའི་ཡན་ལག་ལ་གཉིས་ལས།

འདུ་ཤེས་ནི་གཞི་ལ་མ་འཁྲུལ་བའོ། །ཀུན་སློང་ནི་ཁྱིམ་གྱི་བསླབ་པའི་སྡོམ་པ་བྱིན་པ་དེ་ལས་རང་དོན་དུ་ཟས་བླངས་ཏེ་ཟ་བར་འདོད་པ་རྒྱུན་མ་ཆད་པའོ། །གསུམ་པ་སྦྱོར་བ་ནི་རང་གི་ངགགི་རིག་བྱེད་ཀྱིས་ཟས་ལེན་ཞིང་ཟ་བར་རྩོམ་པའོ། །བཞི་བ་མཐར་ཐུག་ནི་མགུལ་དུ་མིད་པའོ། །

བཞི་བ་ནགས་བརྟགས་པ་ལས་གྱུར་བའི་སོ་སོར་བཤགས་པར་བྱ་བ་འཆད་པ་ལ་གཉིས་ལས། དང་པོ་བསླབ་པར་བྱ་བ་ནི། རྩ་བར། ནགས་མྱུལ་བའི་དགེ་སློང་བསྐོ། ཞེསསོགས་བྱུང༌། འདིའི་དོན་ལ་ལྔ་ལས། དང་པོ་དགོས་པའི་དོན་ནི། ལོངས་སྤྱོད་ཀྱི་བར་ཆད་སྤངབ་དང༌། མ་བསྐོས་པའི་ལྟུང་བ་མི་འབྱུང་བའོ། །གཉིས་པ་ཡུལ་གང་བསྐོ་བ་ནི། ཆོས་བཅུ་བཞིདང་ལྡན་པ་བསྐོ་སྟེ། སྤོང་བ་པའི་ཞལ་ཏ་བའི་སྐབས་སུ་འཆད་པར་འགྱུར་རོ། །གསུམ་པ་རྟེནགང་གིས་བསྐོ་བ་ནི། དགེ་འདུན་མཚན་ཉིད་བཞི་ལྡན་གྱིས་སོ། །བཞི་པ་ཆོ་ག་གང་གིས་བསྐོབ་ནི། སྦྱོར་དངོས་མཇུག་གསུམ་ལས། སྦྱོར་བ་ནི་འདུ་བའི་སྐབས་སུ་རྗེས་སུ་སྒྲུབ་པ་དང༌། སྤྲོབ་དྲི་བའོ། །དངོས་གཞི་ནི་གསོལ་གཉིས་ཀྱིས་བསྐོ་བ་སྟེ། མཇུག་ལས་ཀྱི་མཇུག་སྡུད་བརྗོདཔའོ། །ལྔ་པ་བསྐོས་པའི་བསླབ་བྱ་ནི་དཔག་ཚད་ཕྱེད་ཚུན་ཆད་བརྟག་པ་ལ་སོགས་པའོ། །

གཉིས་པ་ལྟུང་བ་རྣམ་པར་བཞག་པ་འཆད་པ་ལ།

རྩ་བར། ཤེས་གཙོའོ། །ཞེས་སོགསབྱུང༌། འདིའི་དོན་ལ་བཞི་ལས། དང་པོ་གླེང་གཞི་ནི་གྲོང་ཁྱེར་སེར་སྐྱའི་གནས་ཀྱི་ནགས་སུནགས་མ་མྱུལ་བར་ཆོམ་རྐུན་གྱི་འཇིགས་པ་དང་བཅས་པ་དེར་དྲུག་སྡེས་ཟས་བླངས་ཏེ་ཟོས་པ་ལས་སོ་སོར་བཤགས་པར་བྱ་བར་བཅས་སོ། །གཉིས་པ་དགག་བྱ་ནི་ཡིད་བརྟན་པ་ལ་བསླུབའི་སྒོ་ནས་ལོངས་སྤྱོད་ཀྱི་བར་ཆད་དུ་འགྱུར་བ་དང༌། ཟས་ལ་ཧ་ཅང་གདུང་བ་ཆེས་པས་གཞནདག་མ་དད་པར་འགྱུར་བའོ། །གསུམ་པ་ངོ་བོ་ནི་བཅས་ལྡན་དགེ་སློང་གིས་འཇིགས་པ་དངབཅས་པའི་ནགས་མ་མྱུལ་བར་འཇིགས་པ་དང་བཅས་པ་དེར་སྦྱིན་བདག་ཁྱིམ་པ་ལ་ཟས་བླངསཏེ་ཟོས་པ་ལས་གྱུར་པའི་ལྟུང་བ་དངོས་གཞིའོ། །བཞི་བ་ཡན་ལག་ལ་བཞི་ལས། གཞིའི་ཡནལག་ལ། གང་ལ་བླང་བའི་ཡུལ་དང༌། གང་ལེན་ཞིང་ཟ་བའི་དངོས་པོ་དང༌། གང་དུ་ལེན་ཞིངཟ་བའི་གནས་དང༌། གང་གིས་ལེན་ཞིང་ཟ་བའི་རྟེན་དང་བཞི། དང་པོ་ལ་བཞི་ལས་ཁྱིམ་པ་ཡིནཔ་དང༌། ཐ་སྙད་ལྔ་དང་ལྡན་པ་དང༌། ལུས་ཐ་མལ་པར་གནས་པ་དང་གསུམ་སྔར་གོས་སློངབའི་སྐབས་སུ་བཤད་པ་བཞིན་ནོ། །དགེ་འདུན་ལ་བསྔོ་བ་པོ་ཡིན་པའོ། །གཉིས་པ་གང་ལེནཞིང་ཟ་བའི་དངོས་པོ་ལ་བཞི་ལས། དུས་སུ་རུང་བ་ཡིན་པ་དང༌། རུང་བ་དང་ཚད་དང་ལྡན་པའོ། །

སྦྱིན་བདག་དེས་དགེ་འདུན་ལ་བསྔོས་པ་ཡིན་པ་སྟེ་སྐབས་དོན་གྱིས་སོ། །གསུམ་པ་གང་དུ་ལེན་ཞིང་ཟ་བའི་གནས་ནི། གྲོང་ལས་རྒྱང་གྲགས་ཡན་ཆད་ཀྱི་མཐའ་ཡིན་པ་དང༌། འཇིགསཔ་དང་བཅས་པའི་གནས་ཡིན་པའོ། །བཞི་པ་གང་གིས་ལེན་ཞིང་ཟ་བའི་རྟེན་ནི། ནགས་མྱུལབར་བསྐོས་པ་ཡིན་པ་སྟེ། ནགས་མྱུལ་བའི་དགེ་སློང་བསྐོ། ཞེས་དང༌། འགྲེལ་ཆུང་ལས། ནགསམྱུལ་བར་བསྐོས་པའི་དགེ་སློང་གིས་འཇིགས་པ་ཤེས་བཞིན་དུ་མ་མྱུལ་བར་ཟོས་ན་སོ་སོར་བཤགས་པར་བྱ་བར་འགྱུར་རོ། །ཞེས་སོ། །གཉིས་པ་བསམ་པའི་ཡན་ལག་ལ་གཉིས་ལས།

འདུ་ཤེས་ནི་གཞིའི་ཡན་ལག་དེ་དག་ལ་མ་འཁྲུལ་བའོ། །ཀུན་སློང་ནི་ནགས་མ་མྱུལ་བར་འཇིགསཔ་དང་བཅས་པ་དེར་ཟས་དེ་རང་དོན་དུ་ལེན་ཞིང་ཟ་བར་འདོད་པ་རྒྱུན་མ་ཆད་པའོ། །གསུམཔ་སྦྱོར་བ་ནི་གནས་དེར་ཟ་བར་རྩོམ་པའོ། །བཞི་བ་མཐར་ཐུག་ནི་མགུལ་དུ་མིད་པའོ། །སོསོར་བཤགས་པར་བྱ་བའི་རྣམ་པར་བཤད་པ་རྫོགས་སོ།། །།

ཉེས་བྱས་ཀྱི་སྡེ་འཆད་པ།

ཉེས་བྱས་ཀྱི་སྡེ་འཆད་པ།

ལྔ་བ་ཉེས་བྱས་ཀྱི་སྡེ་འཆད་པ་ལ་སྡེ་ཚན་དགུ་ལས། དང་པོ་གོས་བགོ་བའི་སྡེ་ཚནའཆད་པ་ལ།

རྩ་བར། ཤམ་ཐབས་ཅི་ནས་ཀྱང༌། ཞེས་སོགས་བྱུང༌། འདིའི་དོན་ནི། སོར་སྡོམལས། ཤམ་ཐབས་ལ་ནི་རྣམ་པ་བདུན། །སྟོད་གཡོགས་ལ་ཡང་རྣམ་པ་གསུམ། །ཞེས་པ་ལྟརགོས་བགོ་བའི་སྡེ་ལ། ༡ མཐང་གོས་དང་ཤམ་ཐབས་གང་རུང་ལ་མཐའ་མཉམ་པར་མ་བགོསཔ། ༢ པུས་མོ་མ་ཁེབས་པས་བརྩེངས་པ་དང༌། ༣ ལོང་བུ་བཀབ་པས་ཧ་ཅང་འཇོལ་བ་དང༌།

དེའི་རིང་ཐུང་གི་ཚད་ནི་ལོང་བུའི་སྟེང་ནས་སོར་བཞི་འཁོར་བར་འདུལ་བསྡུས་སུ་གསུངས་སོ། །ཊཱི་ཀ་ལས། ཟླུམ་པོ་ནི་མ་མཐའི་ཁ་མཉམ་པར་འདུག་པའོ། །ཧ་ཅང་བརྩེངས་པ་ནི་པུས་མོ་གཉིསལས་གོང་དུ་ཐལ་བ་ཉིད་དོ། །ཧ་ཅང་འཇོལ་བ་ནི་ལོང་བུའི་ཚིགས་ལ་རེག་པ་ཉིད་དོ། །ཞེས་སོ། ། ༤ ཕྱོགས་གཅིག་གླང་བོ་ཆེའི་སྣ་ལྟར་ནར་བ་དང༌། ༥ ལྟེ་གོང་དུ་མགོ་ལྟེབ་ནས་སྟེངདུ་སྐ་རགས་བཅིང་བ་དང༌། ༦ སྐ་རགས་ཀྱི་སྟེང་ནས་སྦྲུལ་མགོའི་གདེངས་ཀ་ལྟར་ལྟེབ་པདང༌། ༧ སྐ་རགས་ཀྱི་བར་བར་ནས་འབྲུའི་ཕུར་མ་ལྟར་འདུག་པ་སྟེ། འབྲུའི་ཕུར་མ་སྟེ་ནསའབྲུའི་ཐུམ་བུ་བསྟུམས་པ་ལྟར་འདུག་པ་མ་ཡིན་པ་སྟེ་སོ་སོ་ཐར་བ་ལས། འབྲུའི་ཕུར་མ་ལྟར་མ་ཡིན། ཞེས་གསུངས་སོ། །༨ སྟོད་གཡོགས་བླ་གོས་དང་སྣམ་སྦྱར་གང་རུང་ཟླུམ་པོར་མ་བགོས་པ་དང༌། ༩ པུས་མོ་ལས་བརྩེངས་པ་དང༌། ༡༠ ལོང་བུ་ལས་འཇོལ་བ་སྟེ་ཉེས་བྱསཀྱི་སྡེ་ཚན་དང་པོའོ། །སྟོད་ཀྱི་ཆོས་གོས་ཟླུམ་པོར་བགོ་བ་ནི་དགེ་སློང་ལྔ་སྡེ་ལ་བར་དུ་གསུངསཔ་ཡིན་པར་ལུང་ཕྲན་ཚེགས་ལས་བཤད་ཅིང༌། སྐྱོན་གཉིས་དང་བྲལ་བ་ནི་དྲུག་སྡེ་ལ་བརྟེན་ནསཕྱིས་གསུངས་པ་ཡིན་པར་ལུང་རྣམ་འབྱེད་ལས་བཤད་དོ། །

གཉིས་པ་ཁྱིམ་དུ་འགྲོ་བའི་སྡེ་འཆད་པ་ལ།

རྩ་བར། ཤིན་ཏུ་བསྡམས་ཤིང༌། ཞེས་སོགསབྱུང༌། འདིའི་དོན་ནི། སོར་སྡོམ་ལས། ཤིན་ཏུ་བསྡམས་ལ་སོགས་པ་ལྔ། །མགོ་གཡོགས་ལསོགས་རྣམ་པ་ལྔ། །མཆོང་ལ་སོགས་པ་རྣམ་པ་ལྔ། །ལུས་ལ་སོགས་པ་རྣམ་པ་ལྔ། །ཞེས་པལྟར་༡༡རྐང་ལག་དྲན་ཤེས་ཀྱིས་མ་བསྡམས་པར་ཁྱིམ་དུ་འགྲོ་བ་སྤྱི་དང༌། ༡༢ དེའི་བྱེ་བྲགགོས་ལེགས་པར་མ་བགོས་པར་འགྲོ་བ་དང༌། ༡༣ ཅ་ཅོའི་སྒྲ་མ་བསྐྱུངས་ཏེ་འགྲོ་བ་དང༌། ༡༤མིག་གཡེངས་བག་ཏུ་ལྟ་ཞིང་འགྲོ་བ་དང༌། ༡༥ གཉའ་ཤིང་གང་སྟེ་འདོམ་གང་ནང་དུ་མི་ལྟ་བར་འགྲོ་བ་སྟེ། རྣམ་འབྱེད་ཀྱི་འགྲེལ་་པ་ལས། གཉའ་ཤིང་གང་ཙམ་དུ་བལྟ་བ་ཞེས་བྱ་བནི་འདོམ་གང་ཙམ་དུ་བལྟ་བའོ། །ཞེས་སོ། ། ༡༦ ཞྭ་མ་ཡིན་པའི་གོས་ཀྱིས་མགོ་གཡོགས་ཏེའགྲོ་བ་དང༌། ༡༧ གོས་འདོམས་སྣང་བར་བརྫེས་ཏེ་འགྲོ་བ་དང༌། ༡༨ གོས་ཕྲག་པ་གཉིསཀར་གཟར་ཏེ་འགྲོ་བ་དང༌། ༡༩ ལག་པ་མདུན་ནས་གཉའ་བ་སྟེ་ཕྲག་པ་གཉིས་སུ་བསྣོལ་ཏེ་འགྲོ་བ་དང༌། ༢༠ ལྟག་གོང་དུ་སོར་མོ་བསྣོལ་ཞིང་འགྲོ་བ་དང༌། ༢༡ མཆོངས་ཏེ་འགྲོ་བ། ༢༢ སྒྱིད་པ་བརྐྱངས་བསྐུམས་བྱེད་དེ་འགྲོ་བ་དང༌། ༢༣ ཙོག་པུས་འགྲོ་བ་དང༌། ༢༤ རྟིང་བ་བཏེག་སྟེ་བྲང་བས་འགྲོ་བ་དང༌། ༢༥ ལག་པ་གཉིས་རྐེད་པ་ལ་བརྟེན་ནས་གྲུ་མོ་ཕྱིརབརྐྱངས་ཏེ་འགྲོ་བ་དང༌། ༢༦ མགོ་བསྒྱུར་ཞིང་འགྲོ་བ་དང༌། ༢༧ ལུས་གཅུ་སྟེ་འགྲོ་བ་དང༌།

༢༨ ལག་པ་གཡུག་ཅིང་འགྲོ་བ་དང༌། ༢༩ དཔུང་བ་སྤྲད་དེ་འགྲོ་བ་དང༌། ༣༠ ལག་པ་སྤྲེལཏེ་འགྲོ་བ་སྟེ་ཉེས་བྱས་ཀྱི་སྡེ་ཚན་གཉིས་པའོ། ། གསུམ་པ་སྟན་ལ་འདུག་པའི་སྡེ་འཆད་པ་ལ། རྩ་བར། དེར་མ་བསྒོ་བར། ཞེས་སོགས་བྱུང༌། འདིའི་དོན་ནི། སོར་སྡོམ་ལས། འདུག་པར་བྱ་བ་དགུ་དག་དང༌། །ཞེས་པ་ལྟར་༣༡ ཁྱིམ་དུ་མ་བསྒོ་བར་སྟན་ལ་འདུག་པ། ༣༢ མབརྟགས་པར་སྟན་ལ་འདུག་པ། ༣༣ ལྕིད་ཕབ་སྟེ་འདུག་པ། ༣༤ སྐྱིལ་ཀྲུང་མ་བྱས་པར་པུས་མོ་མན་ཆད་ཀྱི་རྐང་བ་བསྣོལ་བའི་འདུག་པ། ༣༥ དེ་ལྟར་བརླ་བསྣོལ་བའི་འདུག་པ། ༣༦ དེ་ལྟར་ལོང་སྟེང་ལོང་བུ་བཞག་སྟེ་འདུག་པ། ༣༧ ཁྲི་འོག་རྐང་བ་བཅུག་སྟེ་འདུག་པ། ༣༨ རྐང་བ་སོ་སོར་བརྐྱངས་སྟེ་འདུག་པ། ༣༩ འདོམས་སྣང་བར་བྱས་ཏེ་འདུག་པའི་ཉེས་བྱས་ཀྱི་སྡེ་ཚན་གསུམ་པའོ། ། ༈བཞི་པ་ཟས་བླང་བའི་སྡེ་འཆད་པ་ལ། རྩ་བར། ཐམས་ཅདདུ་ལེགས་པར། ཞེས་སོགས་བྱུང༌། འདིའི་དོན་ནི། སོར་སྡོམ་ལས། བྱིན་ལེན་བྱ་བ་བརྒྱད་རྣམས་སོ། །ཞེས་པ་ལྟར་༤༠ ཟས་ལེགས་པར་མ་བླངས་པ་སྤྱི་དང༌། ༤༡ བྱེ་བྲག་ལྷུང་བཟེདཀྱི་མུ་སྟེ་ཁ་དང་མཉམ་པར་བསླངས་པ། ༤༢ འབྲས་ཆན་དང་ཚོད་མ་ཤ་སོགས་མཉམ་པརབསླངས་པ། ༤༣ གྲལ་མཐར་ཆགས་སུ་མ་བསླངས་པ། ༤༤ ལྷུང་བཟེད་ལ་ཡིད་མ་གཏདཔར་བླངས་པ། ༤༥ བཟའ་བཅའ་མ་འོངས་གོང་ནས་ལྷུང་བཟེད་བཟེད་པ། ༤༦འབྲས་ཆནདང་ཚོད་མ་ཅི་རིགས་ལྷག་པར་ལེན་འདོད་ཀྱིས་ཕན་ཚུན་འགེབས་པ། ༤༧ ཟས་སྟེང་དུ་ལྷུངབཟེད་བཟེད་པ་སྟེ་ཉེས་བྱས་ཀྱི་སྡེ་ཚན་བཞི་བའོ། །ལྔ་པ་ཟས་བཟའ་བའི་སྡེ་འཆད་པ་ལ། རྩབར། ལེགས་པར་ཟས་བཟའ་བར་བྱའོ། །ཞེས་སོགས་བྱུང༌། འདིའི་དོན་ནི། སོར་སྡོམ་ལས།

ཟས་ལ་ལེགས་པར་བྱ་བ་དྲུག །ཙུག་ཙུག་ལ་སོགས་རྣམ་པ་ལྔ། །འབྲུ་ནས་ཐ་དད་བྱེད་པ་ལྔ། །

ལག་པ་བལྡག་ལ་སོགས་པ་ལྔ། །ཞེས་པ་ལྟར་༤༨ ཟས་ཚུལ་མཐུན་མ་ཟོས་པ་སྤྱི་དང༌། ༤༩བྱེ་བྲག་ཁམ་རན་པ་ལས་ཧ་ཅང་ཁམ་ཆུང་བ་ཟ་བ། ༥༠ ཧ་ཅང་ཁམ་ཆེ་བ་ཟ་བ། ༥༡ ཁམ་རན་པར་མ་ཟོས་པ། ༥༢ ཟས་མ་འོངས་གོང་ནས་ཁ་གདངས་པ། ༥༣ ཁ་ཁམ་གྱིས་བཀངསྟེ་གཏམ་སྨྲ་བ། ༥༤ སྐྱུར་བ་ཙུག་ཙུག་གི་སྒྲ་དང་བཅས་ཏེ་ཟ་བ། ༥༥ མངར་བ་ཅག་ཅགདང་བཅས་ཏེ་ཟ་བ། ༥༦ གྲང་བ་ཧུ་ཧུ་དང་བཅས་ཏེ་ཟ་བ། ༥༧ ཚ་བ་ཕུ་ཕུ་དང་བཅས་ཏེ་ཟ་བ།༥༨ ལྕེས་རེག་སྟེ་ལྟ་ཞིང་ཟ་བ། ༥༩ འབྲུ་རེ་རེ་ནས་ཟ་བ། ༦༠ ཟས་ལ་ཧ་ཅང་བསྔགས་པདང་སྐྱོན་གདགས་ཏེ་ཟ་བ། ༦༡ མཁུར་བ་གཡས་གཡོན་སྤོ་ཞིང་ཟ་བ། ༦༢ རྐན་སྒྲ་གཏོགཅིང་ཟ་བ། ༦༣ ཁམ་འཕྲོ་སོས་བཅད་དེ་ཟ་བ། ༦༤ ལག་པ་ལ་ཟས་ཆགས་པ་ལྕེས་བལྡགཔ། ༦༥ ཟས་སྣོད་ལ་ཟས་ཆགས་པ་སོར་མོ་དང་ལྕེས་བལྡག་པ། ༦༦ ལག་པར་ཟས་ཆགསཔ་ལྕེ་སྟེང་སོགས་སུ་སྤྲུག་པ། ༦༧ ལྷུང་བཟེད་ནང་གི་ཟས་སོགས་བསྐོར་ཏེ་གཡོ་བར་བྱེད་པའམ་ནང་དུ་ཟས་བླུགས་ཏེ་ལྕི་ཡང་ལག་སྲང་ལ་འཇལ་བ། ༦༨ ཟས་ལ་མཆོད་རྟེན་འདྲ་བབྱས་ཏེ་གཞོམ་པ་སྟེ་ཉེས་བྱས་ཀྱི་སྡེ་ཚན་ལྔ་བའོ། །

དྲུག་པ་ལྷུང་བཟེད་དུ་སྤྱད་པའི་སྡེ་འཆད་པ་ལ།

རྩ་བར། དྲུང་ན་འདུག་པའི་དགེ་སློང་ལཟས་དང་འབགས་པའི་ཆུས་མི་གཏོར་རོ། །ཞེས་སོགས་བྱུང༌། འདིའི་དོན་ནི། སོར་སྡོམ་ལས། འཕྱ་ལ་སོགས་པ་རྣམ་པ་བཞི། །ལྷུང་བཟེད་ལ་ཡང་རྣམ་པ་བཅུ། །ཞེས་གསུངས་པ་ལྟར་༦༩གཞན་གྱི་ལྷུང་བཟེད་ལ་འཕྱ་བ། ༧༠ ལག་པ་ཟས་དང་འབགས་པས་ཆུ་སྣོད་ལ་རེག་པ། ༧༡དགེ་སློང་ལ་ཟས་དང་འབགས་པའི་ཆུས་གཏོར་བ། ༧༢ ཁྱིམ་པའི་ཁྱིམ་དུ་དེ་ལ་མ་དྲིས་པརཟས་དང་འབོགས་པའི་ཆུས་དབོ་བ། ༧༣ ཟས་ལྷག་ལྷུང་བཟེད་དུ་བླུགས་པ། ༧༤ ལྷུང་བཟེད་འོག་གཞི་མེད་པ། ༧༥ གད་ཁ། ༧༦ གཡང་ས། ༧༧ དཀན་གཟར་རྣམས་སུ་བཞགཔ། ༧༨ འགྲེང་བ། ༧༩ གད་ཁ། ༨༠ གཡང་ས། ༨༡ དཀན་གཟར་རྣམས་སུ་བཀྲུ་བ། ༨༢འབབ་ཆུ་དྲག་པོའི་རྒྱུན་ལས་བཟློག་སྟེ་ཆུ་བཅུ་བ་སྟེ་ཉེས་བྱས་ཀྱི་སྡེ་ཚན་དྲུག་པའོ། །

བདུན་པ་ཆོས་བཤད་པའི་སྡེ་འཆད་པ་ལ།

རྩ་བར། འདུག་པ་ལ་འགྲེང་སྟེ། ཞེས་སོགསབྱུང༌། འདིའི་དོན་ནི། སོར་སྡོམ་ལས། འགྲེང་བར་བྱེད་ལ་སོགས་པ་ལྔ། །མགོ་གཡོག་ལསོགས་རྣམ་པ་ལྔ། །དོ་ཀེར་ཅན་ལ་སོགས་པ་ལྔ། །གླང་ཆེན་ལ་སོགས་བཞོན་པ་ལྔ། །ལག་ན་ཁར་བ་ལ་སོགས་དྲུག །ཅེས་པ་ལྟར་མི་ན་པར་ཞེས་པ་ཐམས་ཅད་ལ་སྦྱར་ལ། ༨༣ འདུགཔ་ལ་འགྲེང་སྟེ་ཆོས་སྟོན་པ། ༼འགྲེང་པ་ལ་འདུག་སྟེ་ཆོས་སྟོན་པ། འདི་གཅིག་ཏུ་བགྲང་ནས༡༠༡པ་དེ་མ་བགྲང་པ་ཡོད་དོ། །༽༨༤ དེ་བཞིན་དུ་ཉལ་བ་ལ་འདུག་སྟེ། ༨༥ སྟན་དང་ས་ཕྱོགས་མཐོན་པོ་ལ་འདུག་པ་ལ་སྟན་སོགས་དམའ་བར་འདུག་སྟེ། སྟན་བཟང་པོར་འདུགཔ་ལ་ངན་པར་འདུག་སྟེ། ༨༦ མདུན་ནས་འགྲོ་བ་ལ་རྗེས་ནས་འགྲོ་སྟེ། ༨༧ ལམ་གྱི་དབུསནས་འགྲོ་བ་ལ་ལམ་གྱི་འགྲམ་ནས་འགྲོ་བ་སྟེ། ༨༨ མགོ་གོས་སོགས་ཀྱིས་གཡོགས་པ་དང༌། ༨༩ གོས་འདོམས་སྣང་བར་བརྫེས་པ། ༩༠ གོས་ཕྲག་པ་གཉིས་ཀར་གཟར་བ། ༩༡ ལགགཉིས་གཉའ་བར་བསྣོལ་བ། ༩༢ ལག་པ་གཉིས་ལྟག་པར་བསྣོལ་བ། ༩༣ དོ་ཀེར་ཅན་ཏེ་ཐོར་ཅོག་ཅན་ལ་སྟེ། དོ་ཀེར་ཅན་གྱི་སྐྲ་གྱེན་དུ་གཙུག་ཏོར་ལྟར་བཅིང་པའོ། །ཞེས་སོ། །༩༤ཞྭ་གྱོན་པ་ལ། ༩༥ མགོར་རིན་པོ་ཆེ་དང་དར་གྱི་ཅོད་པཎ་ཅན་ལ། ༩༦ མགོ་ལ་རིན་པོ་ཆེདང་མེ་ཏོག་གི་ཕྲེང་བ་ཅན་ལ་ཆོས་སྟོན་པ་སྟེ། ཅོད་པན་ཅན་དང་ཕྲེང་བ་ཅན་ནི་རིན་པོ་ཆེའིཅོད་པན་ཅན་དང༌། རིན་པོ་ཆེའི་ཕྲེང་བ་ཅན་ནམ་མེ་ཏོག་ལ་སོགས་པའི་ཕྲེང་བ་ཅན་ནོ། །༩༧རས་སོགས་ཀྱིས་ཐོད་དཀྲིས་པ་ལ། ༩༨ རྟ་དང་༩༩གླང་ཆེན་བཞོན་པ་ལ། ༡༠༠ མདོལི་ཁྱོགས་པ་ལ། ༡༠༡ དེ་དག་ལས་གཞན་པའི་བཞོན་པའི་སྟེང་ན་འདུག་པ་ལ། གླང་པོ་ཆེདང་རྟ་ཞོན་པ་ལས་བཞོན་པའི་སྟེང་ན་འདུག་པའི་ཁྱད་པར་ཅི་ཞེ་ན། ལུང་རྣམ་འབྱེད་ཀྱི་འགྲེལཔ་ལས། ཤིང་རྟ་ལ་སོགས་པ་བཞོན་པའི་སྟེང་ན་འདུག་པའོ། །ཞེས་སོ། །༡༠༢ ལྷམ་གྱོན་པ་ལ། ༡༠༣ ལག་ན་གདུགས་དང༌། ༡༠༤ འཁར་བ་དང༌། ༡༠༥མདུང་དང་འཕང་མདུངསོགས་མཚོན་ཆ། ༡༠༦ རལ་གྲི། ༡༠༧ མདའ་གཞུ་སོགས་དགྲ་ཆ་ཐོགས་པ་ལ་ཆོས་སྟོན་པ་སྟེ། མཚོན་ཆ་དང་རལ་གྲི་དང་དགྲ་ཆ་ཞེས་པ་དེ་དག་གི་ཁྱད་པར་ཅི་ཞེ་ན་ལུང་རྣམ་འབྱེད་ཀྱིའགྲེལ་པ་ལས། མཚོན་ཆ་ནི་མདུང་དང་འཕང་མདུང་ལ་སོགས་པའོ། །དགྲ་ཆ་ནི་མདའ་གཞུའོཞེས་སོ། །༡༠༨ ཁྲབ་སོགས་གོ་ཆ་གྱོན་པ་ལ་ཆོས་སྟོན་པ་སྟེ་སྡེ་ཚན་བདུན་པ་ལ་ཉེར་དྲུག་གོ། །

བརྒྱད་པ་སྒྲུབ་པའི་སྡེ་འཆད་པ་ལ།

རྩ་བར། འགྲེང་སྟེ་བཤང་གཅི་མི་བྱ། ཞེས་སོགསབྱུང༌། འདིའི་དོན་ནི། སོར་སྡོམ་ལས། ན་བ་རྣམ་པ་བཞི་རྣམས་སོ། །ཞེས་པ་ལྟར་༡༠༩ མིན་བར་འགྲེང་སྟེ་བཤང་གཅི་བྱེད་པ། ༡༡༠ ཐམས་ཅད་ཆུས་གང་བ་མ་ཡིན་པར་ཆུའི་ནང་དུབཤང་གཅི་མཆིལ་སྣབས་སོགས་འདོར་བ། ༡༡༡ ཐམས་ཅད་རྩྭ་སྔོན་པོས་ཁྱབ་པ་མ་ཡིན་པར་རྩྭ་སྔོན་ལ་བཤང་གཅི་མཆིལ་སྣབས་འདོར་བ་དང་གསུམ་སྟེ་སྡེ་ཚན་བརྒྱད་པའོ། །རྩ་བ་ལྟར་རོ། །

དགུ་པ་རྒྱུ་བ་དགག་པ་འཆད་པ་ལ།

རྩ་བར། གནོད་པ་བྱུང་བ་མ་གཏོགས་པར། ཞེསསོགས་བྱུང༌། ༡༡༢ གནོད་པ་འབྱུང་བ་མ་གཏོགས་པར་ཤིང་ལ་མི་གང་ལས་མཐོ་བར་འཛེགཔ་གཅིག་སྟེ་ཉེས་བྱས་ཀྱི་སྡེ་ཚན་དགུ་པའོ། །དེ་ལྟར་ན་ཉེས་བྱས་བརྒྱ་དང་བཅུ་གཉིས་སོ། །ཉེས་བྱས་ཀྱི་སྡེའི་རྣམ་པར་བཤད་པའོ། །སྡོམ་བསྡུས་ཀྱི་དབང་དུ་བྱས་ན་ལྟུང་བ་སྡེ་ལྔ་པོ་དེདག་སྡོམ་ན་ལྟུང་བ་ཉིས་བརྒྱ་ལྔ་བཅུ་རྩ་གསུམ་ཡོད་དོ། །དེ་རྣམས་ངོ་ལེགས་པར་ཤེས་པར་བྱས་ནས་དེ་དག་ལས་རང་རྒྱུད་ལ་སྔར་སྐྱེས་ཟིན་པ་ཡོད་ན་དེ་ལ་འགྱོད་སེམས་དྲག་པོའི་སྒོ་ནས་བཤགས་པ་དང༌། ཕྱིན་ཆད་སྲོག་ལ་བབས་ཀྱང་མི་སྐྱེ་བ་ལ་འབད་པར་བྱ་དགོས་པ་ཡིནཏེ། འདུལ་བ་བདུད་རྩིའི་ཉིང་ཁུ་ལས། དེ་དག་ནི་མི་མཐུན་ཕྱོགས་ངོ་ཤེས་པའི་སྒོ་ནས་བསྲུངབའི་ཐབས་སོ། །ཞེས་གསུངས་སོ། །དགེ་སློང་ཕའི་རྣམ་འབྱེད་ཀྱི་རྣམ་པར་བཤད་པ་རྫོགས་སོ།། །།

གཉིས་པ་དགེ་སློང་མའི་རྣམ་འབྱེད་བཤད་པ།

གཉིས་པ་དགེ་སློང་མའི་རྣམ་འབྱེད་བཤད་པ།

དགེ་སློང་མའི་རྣམ་འབྱེད་ཅེས་བྱ་བ་བཞུགས་སོ། །

ཐམས་ཅད་མཁྱེན་པ་ལ་ཕྱག་འཚལ་ལོ། །གཉིས་པ་དགེ་སློང་མའི་རྣམ་འབྱེད་བཤད་པ་ལ། སྤྱིར་བཤད་པ་དང༌། བྱེ་བྲག་སོ་སོའི་དོན་བཤད་པ་གཉིས། དང་པོ་ལ་དགེ་སློང་མའི་རྣམ་འབྱེདའདི་དགེ་སློང་ཕའི་རྣམ་འབྱེད་ལས་ལེའུ་ལོགས་སུ་བཤད་པའི་རྒྱུ་མཚན་དང༌། དགེ་སློང་ཕའིརྣམ་འབྱེད་ཀྱི་རྗེས་སུ་བཤད་པའི་རྒྱུ་མཚན་དང༌། ཕན་ཚུན་ཅིར་འགྱུར་བཤད་པ་དང་གསུམ།

དང་པོ་ནི། ཊཱི་ཀ་ལས། གང་གི་ཕྱིར་ལུས་ཀྱི་བྱེ་བྲག་གིས་བསམ་པའི་བྱེ་བྲག་ཏུ་འགྱུར་ལ། བསམཔའི་བྱེ་བྲག་གིས་ལྟུང་བའི་བྱེ་བྲག་ཏུ་འགྱུར་ཞིང༌། ལྟུང་བའི་བྱེ་བྲག་གིས་བཅས་པའི་བྱེ་བྲགཏུ་འགྱུར་བས། དགེ་སློང་མ་རྣམས་ཀྱི་འདུལ་བ་ལོགས་ཤིག་ཏུ་རྣམ་པར་བཞག ཅེས་གསུངསཏེ། དེའི་དོན་ནི་དགེ་སློང་ཕ་མ་གཉིས་མཚན་གྱི་བྱེ་བྲག་གིས་ལུས་མི་འདྲ་ཞིང༌། ལུས་མི་འདྲ་བསདེ་ལ་བརྟེན་པའི་བསམ་པ་མི་འདྲ་ལ། བསམ་པའི་བྱེ་བྲག་ཉོན་མོངས་པ་རགས་མི་རགས་ལསོགས་པ་མི་འདྲ་བ་ལས། དེས་ཀུན་ནས་བསླང་བའི་ལུས་ངག་གི་ཉེས་པར་སྤྱོད་པ་མི་འདྲ་བཡོད་ཅིང༌། དེ་དག་དགག་པའི་བཅས་པ་མི་འདྲ་བ་ཡོད་པའི་ཕྱིར་ན། དགེ་སློང་མའི་རྣམ་འབྱེདའདི་དགེ་སློང་ཕའི་རྣམ་འབྱེད་ལས་ལོགས་ཤིག་ཏུ་རྣམ་པར་བཞག་གོ །དེའང་དགེ་སློང་ཕ་མགཉིས་ཀྱི་ལྟུང་བ་རྣམ་པར་བཞག་པ་ལ་ཕན་ཚུན་མི་འདྲ་བའི་རྒྱུ་མཚན་ལྔ་ཡོད་དེ། ཡོད་མེད་མི་འདྲ་བའི་ཕྱིར་དང༌། ཆེ་ཆུང་དང༌། མང་ཉུང་དང༌། སྡེ་ཚན་དང༌། སྐྱེ་དུས་མི་འདྲ་བའི་ཕྱིར་རོ། །

དེའང་ཡོད་མེད་མི་འདྲ་བ་ནི་དགོན་པ་པའི་འབྲལ་ལྟུང་དགེ་སློང་ཕ་ལ་ཡོད་ཀྱང༌། དགེ་སློང་མལ་མེད་པ་དང༌། ཉིན་མོ་འབྲལ་བའི་ལྟུང་བ་དགེ་སློང་མ་ལ་ཡོད་ཀྱང༌། དགེ་སློང་ཕ་ལ་མེད་པལྟ་བུའོ། །ཆེ་ཆུང་མི་འདྲ་བ་ནི་དགེ་སློང་མ་ལ་ལྟུང་བ་ཆེ་ཞིང་དགེ་སློང་ལ་ལྟུང་བ་ཆུང་བ་ཡོད་དེ། མཚན་མི་མཐུན་པ་ལ་དགེ་སློང་མས་རེག་ན་ཕམ་པར་འགྱུར་ཞིང༌། མཚན་མི་མཐུན་པ་ལདགེ་སློང་གིས་རེག་ན་ལྷག་མར་འགྱུར་བ་ལྟ་བུའོ། །དགེ་སློང་ལ་ལྟུང་བ་ཆེ་ཞིང་དགེ་སློང་མ་ལ་ལྟུང་བ་ཆུང་བ་ཡོད་དེ། དགེ་སློང་གིས་ཁུ་བ་འབྱིན་ན་ལྷག་མར་འགྱུར་ཞིང༌། གཏམ་གྱི་གཞིལས། དགེ་སློང་མས་ཁུ་བ་ཕྱུང་ན་ལྟུང་བྱེད་དོ། །ཞེས་དང༌། དགེ་སློང་གིས་ཡང་ཡང་ཟ་ན་ལྟུངབྱེད་དུ་འགྱུར་ཞིང༌། དགེ་སློང་མས་ཡང་ཡང་ཟ་ན་ཉེས་བྱས་སུ་འགྱུར་བ་ལྟ་བུའོ། །མང་ཉུང་མི་འདྲ་བ་ནི་དགེ་སློང་ལ་འགྲེང་བའི་ལྟུང་བྱེད་གཅིག་ཉིད་དུ་བཅས་ཀྱང༌། དགེ་སློང་མ་ལ་ནི་འགྲེང་བའི་ལྟུང་བྱེད་བཞི་ཡོད་པ་དང༌། དགེ་སློང་ལ་སྐྲོད་པའི་ལྟུང་བྱེད་གཅིག་ཉིད་དུ་བཅས་ཀྱང་དགེ་སློང་མ་ལ་སྐྲོད་པའི་ལྟུང་བྱེད་གཉིས་ཡོད་པ་ལྟ་བུའོ། །སྡེ་ཚན་མི་འདྲ་བ་ནི་དགེ་སློངགིས་ཟས་བསོད་པ་བླངས་ཏེ་ཟ་བ་ལ་ལྟུང་བྱེད་དུ་འགྱུར་ཞིང་དགེ་སློང་མས་ཟས་བསོད་པ་བླངསཏེ་ཟ་བ་ལ་སོ་སོར་བཤགས་པར་བྱ་བའི་ལྟུང་བར་འགྱུར་ཏེ། ལྟུང་བྱེད་ཀྱི་སྡེ་ཚན་དང་སོ་སོརབཤགས་པར་བྱ་བའི་སྡེ་ཚན་མི་འདྲ་བ་ཉིད་དོ། །དེར་མ་ཟད་མང་ཉུང་མི་འདྲ་བ་ཉིདཀྱང་ཡིན་ཏེ། དགེ་སློང་མས་འོ་མ་ལ་སོགས་པ་སློང་བའི་སོ་སོར་བཤགས་བྱའི་ལྟུང་བ་བཅུ་དང༌།

དགེ་སློང་གིས་ཟས་བསོད་པ་སློང་བའི་ལྟུང་བྱེད་གཅིག་ཏུ་བཅས་སོ། ། སྐྱེ་དུས་མི་འདྲ་བ་ཡོདདེ། དགེ་སློང་གི་ལྷུང་བཟེད་འཆང་བའི་སྤང་ལྟུང་ཞག་བཅུའི་མཐའ་ལ་སྐྱེ་ཞིང༌། དགེ་སློང་མའིལྷུང་བཟེད་འཆང་བའི་སྤང་ལྟུང་ནི་ཞག་གཅིག་གི་མཐའ་ལ་སྐྱེ་བའོ། །

གཉིས་པ་དགེ་སློང་མའི་རྣམ་འབྱེད་འདི་དགེ་སློང་ཕའི་རྣམ་འབྱེད་ཀྱི་ཕྱི་ནས་བཤད་པའི་འཐདཔ་ནི། རྣམ་འབྱེད་གཉིས་ཀྱི་གོ་རིམ་སྔ་ཕྱི་བཟློག་ན་ཤིན་ཏུ་མི་འཐད་དེ། གཙོ་འཁོར་གྱི་གོ་རིམདང་འགལ་བའི་ཕྱིར་དང༌། རྒྱུ་འབྲས་ཀྱི་གོ་རིམ་དང་འགལ་བའི་ཕྱིར་རོ། །དེའང་གཙོ་འཁོརགྱི་ཆ་ནས་ལུང་དགེ་སློང་མའི་རྣམ་འབྱེད་ལས་འཁོར་གཙོ་བོ་ལ་ཆུ་འཐོར་ན་ལྟུང་བྱེད་དོ། །ཞེསཔའི་སྐབས་སུ་དགེ་སློང་གཙོ་བོ་ཡིན་པར་གསུངས་པས། དགེ་སློང་མ་རྣམས་གཙོ་བོ་མ་ཡིན་པར་བསྟན་པས་ན། འཁོར་གཙོ་བོ་དགེ་སློང་གི་འདུལ་བ་ཕྱི་ནས་བཤད་ཅིང༌། གཙོ་བོ་མ་ཡིནཔ་དགེ་སློང་མའི་འདུལ་བ་སྔོན་ལ་བཤད་ན། གཙོ་འཁོར་གྱི་གོ་རིམ་སྔ་ཕྱི་བཟློག་པར་འགྱུརརོ། །གཞན་ཡང་རྒྱུ་འབྲས་ཀྱི་ཆ་ནས་ལུང་ཕྲན་ཚེགས་ལས། དགེ་སློང་རྣམས་ལས་དགེ་སློང་མས་བསྙེན་པར་རྫོགས་པ་དགེ་སློང་མའི་དངོས་པོ་བསྩལ་བར་བྱའོ། །ཞེས་དགེ་སློང་རྒྱུ་དང་དགེསློང་མ་འབྲས་བུ་ཡིན་པར་བསྟན་པས་ན། རྒྱུ་དགེ་སློང་གི་འདུལ་བ་ཕྱི་ནས་བཤད་ཅིང༌། འབྲསབུ་དགེ་སློང་མའི་འདུལ་བ་སྔོན་ལ་བཤད་ན། འབྲས་བུ་སྔོན་ལ་བསྟན་ནས། རྒྱུ་ཕྱི་ནས་བསྟནཔས། རྒྱུ་འབྲས་ཀྱི་གོ་རིམ་སྔ་ཕྱི་བཟློག་པར་འགྱུར་རོ། །དེས་ན་དགེ་སློང་ཕ་མའི་རྣམ་འབྱེདའདི་གཉིས་ཀྱི་གོ་རིམ་ཇི་ལྟར་བཤད་པ་འདི་རིགས་པས་ཀྱང་འཐད་དེ། གཙོ་འཁོར་གྱི་གོརིམ་དང་མཐུན་པའི་ཕྱིར་དང༌། རྒྱུ་འབྲས་ཀྱི་གོ་རིམ་དང་མཐུན་པའི་ཕྱིར་རོ། །ཞེས་མཚོ་ཊཱིཀལས་གསུངས་སོ། །གསུམ་པ་ཕན་ཚུན་ཅིར་འགྱུར་གྱི་དོན་ནི་ལྟུང་བ་སྡེ་ལྔ་པོ་རང་རང་གི་སྐབསསུ་སྟོན་པར་འགྱུར་རོ། །

ཕམ་པའི་སྡེ་འཆད་པ།

ཕམ་པའི་སྡེ་འཆད་པ།

གཉིས་པ་བྱེ་བྲག་སོ་སོའི་དོན་ལ་ལྟུང་བ་སྡེ་ལྔ་ལས། དང་པོ་ཕམ་པའི་སྡེ་འཆད་པ་ལ།

ཕམ་པ་ཐུན་མོང་བ་གྲངས་ཙམ་དུ་ཕྱེ་ནས་བསྟན་པ་དང༌། ཕམ་པ་ཐུན་མོང་མ་ཡིན་པབྱེ་བྲག་ཏུ་ཕྱེ་ནས་བསྟན་པ་དང་གཉིས། དང་པོ་ནི། རྩ་བར། བཞི་པོ་དག་གོ། །ཞེས་སོ། །

དེའང་ཕམ་པ་ཕྱི་མ་གསུམ་ནི་མཚན་ཉིད་ཅི་འདྲ་བའི་ཐུན་མོང་བ་ཡིན་ཏེ། རྟེན་དགེ་སློང་ཕམ་ལ་ལྟུང་བ་མཉམ་པོར་བཅས་ལ་ཡུལ་ཐུན་མོང་བ་ཡིན་པའི་ཕྱིར་རོ། །ཕམ་པ་དང་པོ་ལ་ནིམཚན་ཉིད་ཅི་འདྲ་བའི་ཐུན་མོང་ཡིན་པ་དང་མ་ཡིན་པ་གཉིས་སུ་དབྱེ་སྟེ། དེའང་རང་གི་ཁའམབཤང་ལམ་དུ་གཞན་གྱི་རྟེན་བྱེད་དང་དུ་བླངས་པའི་ཕམ་པ་དང་པོ་ནི་མཚན་ཉིད་ཅི་འདྲ་བའིཐུན་མོང་ཡིན་གྱི། དེ་ལས་གཞན་པའི་ཕམ་པ་དང་པོ་ནི་མཚན་ཉིད་ཅི་འདྲ་བའི་ཐུན་མོང་མ་ཡིན་པ་སྟེ། དགེ་སློང་གི་ཕམ་པ་དང་པོ་ནི་སེམས་ཅན་སྤྱིས་བསྐྱེད་པ་ཡིན་ལ། དགེ་སློང་མའི་ཕམཔ་དང་པོ་ནི་སེམས་ཅན་སྤྱིས་བསྐྱེད་པ་མ་ཡིན་པའི་ཕྱིར་ཏེ། དགེ་སློང་མས་ཕ་རོལ་པོ་རྟེན་བྱེདཔ་དང་ལྡན་པ་སྐྱེས་པའམ་མཚན་གཉིས་པ་ཡུལ་དུ་བྱས་པ་ལས་དགེ་སློང་མའི་ཕམ་པ་དང་པོ་འབྱུང་གི དགེ་སློང་མས་ཕ་རོལ་པོ་བུད་མེད་ཡུལ་དུ་བྱས་པ་ལ་དགེ་སློང་མའི་ཕམ་པ་དང་པོ་འབྱུང་མི་སྲིད་པའི་ཕྱིར་རོ། །རང་གི་བརྟེན་པར་བྱ་བར་རོ་ཞེས་རང་གིས་རང་ལ་མི་ཚངས་པརསྤྱོད་ན་ཕམ་པར་གསུངས་པ་དེའང་དགེ་སློང་ཕ་ཁོ་ན་ལ་འབྱུང་གི དགེ་སློང་མ་ནི་རང་གིས་རངལ་མི་ཚངས་པར་སྤྱོད་པ་ནི་མི་སྲིད་དོ།

གཉིས་པ་ཕམ་པ་ཐུན་མོང་མ་ཡིན་པ་བྱེ་བྲག་ཏུ་ཕྱེ་སྟེ་བཤད་པ་ལ།

རྩ་བར། བདགགིར་བྱེད་པ་ལའོ། །ཞེས་པ་ལ་སོགས་པའོ། །འདིའི་དོན་ལ་སྤྱིར་བསྟན་པ་དང༌། སོ་སོའི་དོནདང་གཉིས། དང་པོ་ནི་དགེ་སློང་མའི་ཕམ་པ་འདི་རྣམས་དགེ་སློང་ཕ་ལ་ཅིར་འགྱུར་ནི། རེགཔའི་ཕམ་པའི་དོད་པོ་རེག་པའི་ལྷག་མ་ཡིན་ལ། དགེ་སློང་མ་ལ་ཕམ་པར་འགྱུར་ཚོད་ཀྱི་ཡུལསྐྱེས་པ་ལ་དགེ་སློང་གིས་རེག་ན་སྦོམ་པོར་འགྱུར་རོ། །མཚན་མི་མཐུན་པ་དང་ལུས་བཀན་པནི་དགེ་སློང་ལ་སྦོམ་པོར་འགྱུར་ལ། འཆབ་པ་ནི་དགེ་སློང་གིས་དགེ་སློང་གི་ཕམ་པ་འཆབ་ན་ལྟུང་བྱེད་དུ་འགྱུར་ལ། དགེ་སློང་གིས་དགེ་སློང་མའི་ཕམ་པ་འཆབ་ན་ཉེས་བྱས་སོ། །བཟློག་པའི་ཕམ་པར་འགྱུར་ཚོད་དེ་དགེ་སློང་གིས་བྱས་ན། སྤངས་པ་རྗེས་སུ་ཕྱོགས་པའི་ལྟུང་བྱེདདུ་འགྱུར་རོ། །

གཉིས་པ་སོ་སོའི་དོན་ལ་བཞི་ལས། དང་པོ་རེག་པའི་ཕམ་པ་ནི། རྩ་བར། བདག་གིརབྱེད་པ་ལའོ། །ཞེས་སོགས་བྱུང༌། འདིའི་དོན་ལ་གསུམ་ལས། དང་པོ་གླེང་གཞི་ནི་མཉན་ཡོདན་རི་དྭགས་འཛིན་གྱི་བུ་དགེ་བསྙེན་ས་ག་ཞེས་བྱ་བས་དགེ་སློང་མ་རྣམས་ལ་དབྱར་གྱི་གནསཁང་བྱིན་ནས་དགེ་སློང་མ་རྣམས་དབྱར་ཁང་ན་གནས་པ་ན། དགེ་སློང་མ་གཞན་རྣམས་བསོདསྙོམས་ལ་སོང་བའི་ཚེ། དགེ་སློང་མ་སྦོམ་དགའ་མོ་རི་དྭགས་འཛིན་གྱི་བུ་ལ་ཆགས་པར་འགྱུརནས་པུས་མོ་ཡན་ཆད་མིག་མན་ཆད་སྤྲད་ཅིང་རེག་པར་བྱས་པ་ལས་རེག་པའི་ཕམ་པར་བཅསསོ། །གཉིས་པ་དགག་བྱ་ནི་རེག་པའི་བྱ་བ་དེ་དང་འབྲེལ་ནས་འཁྲིག་པའི་འདོད་ཆགས་འཕེལབའོ། །གསུམ་པ་ངོ་བོ་ནི་བཅས་ལྡན་དགེ་སློང་མས་རང་གི་མིག་ནས་པུས་མོའི་བར་གྱིས་སྐྱེས་པམཚན་ཉིད་དང་ལྡན་པའི་ལུས་དངོས་མ་ཉམས་པ་ལ་བསམ་པ་འཁྲིག་པའི་འདོད་ཆགས་ཀྱིས་རེགཔ་བདག་གིར་བྱས་པ་ལས་གྱུར་པའི་ལྟུང་བ་དངོས་གཞིའོ། །དགེ་སློང་མ་རང་གི་མིག་ནས་པུསམོའི་བར་གྱིས་སོ་ཞེས་ཏེ། བར་དེ་ན་ལུས་ཀྱི་རྣམ་པར་ཤེས་པ་རགས་པས་ཆགས་པ་ལྷགཔར་རྫོགས་པའི་ཕྱིར་རོ། །སྐྱེས་པའི་མིག་ནས་པུས་མོའི་བར་ལ་རེག་པ་ནི་ངེས་གཟུང་གི་ཡནལག་མིན་ཏེ། སྐྱེས་པའི་རྐང་མཐིལ་ལ་རེག་གམ་སྤྱི་བོ་ལ་རེག་ནའང་ཕམ་པར་འགྱུར་རོ། །

ཊཱི་ཀ་ལས། ལན་བུ་དང་དེ་དང་འབྲེལ་བའི་གོས་ནི་ལུས་དང་འདྲ་བ་ཉིད་ཡིན་པས་དེ་དག་ལརེག་ན་ཡང་ཕམ་པར་འགྱུར་རོ། །ཞེས་གསུངས་པ་མཚོ་ཊཱིཀ་གི་སྐབས་དུ་མར་ལན་བུ་དངལུས་དངོས་ཚོགས་དོན་ལ་རེག་པར་དགོངས་ཞེས་གསུངས་སོ། །རེག་པའི་ཕམ་པ་བསྐྱེད་པ་ལ་སྐྱེས་པའི་ཆགས་སེམས་ཡན་ལག་ཏུ་མི་དགོས་ཀྱང་རེག་པའི་ན་སྨད་བསྐྱེད་པ་ལ་སྐྱེས་པའིཆགས་སེམས་ཡན་ལག་ཏུ་དགོས་པ་དེ་བསྟན་པའི་ཕྱིར་སེམས་གཞན་གྱིས་ནི་ན་སྨད་དོ། །

དེའང་གལ་ཏེ་དགེ་སློང་མས་སེམས་གཞན་གྱིས་སྐྱེས་པ་ལ་རེག་པ་དེའི་ཚེ་དགེ་སློང་མ་དེ་ལ་བརྟེན་ནས་སྐྱེས་པ་ཕོའི་ཆགས་སེམས་ཡོད་པ་དེ་སྐྱེས་པ་འདི་བདག་ལ་ཆགས་སོ་སྙམ་དུ་དགེསློང་མ་དེས་ཤེས་པ་ན་ལྟུང་བ་ན་སྨད་པའོ། །

གཉིས་པ་ལུས་བཀན་པའི་དོན་འཆད་པ་ལ་གསུམ་ལས།

དང་པོ་གླེང་གཞི་ནི་སྦོམ་དགའམོས་སྤོས་འཚོང་གི་ཁྱེའུ་ལ་ཆགས་པར་གྱུར་ཏེ་དུས་བཏབ་བྱས་ནས་འཁྲིག་ཐབས་སུ་ཉེ་བསལུས་བཀན་པ་ན་ཚུལ་ཁྲིམས་ཀྱི་ཕན་ཡོན་དྲན་ཏེ་སྤོས་འཚོང་གི་ཁྱེའུ་དེ་ལ་རྡོག་པ་རྒྱབ་ནས་བདུད་བཅོམ་མོ། །བདུད་བཅོམ་ཞེས་ཟེར་བ་ལས་ལུས་བཀན་པའི་ཕམ་པར་བཅས་སོ། །ཊཱི་ཀ་ལས། ལུས་བཀན་པ་ཞེས་བྱ་བ་ནི་ཉལ་བའོ། །ཞེས་སོ། །གཉིས་པ་དགག་བྱ་ནི་འཁྲིགཔའི་འདོད་ཆགས་འཕེལ་བར་འགྱུར་བའོ། །གསུམ་པ་ངོ་བོ་ནི་དགེ་སློང་མ་ཆགས་པར་གྱུརཔས་སྐྱེས་པ་མཚན་ཉིད་དང་ལྡན་པར་འཁྲིག་པ་བསྟེན་པའི་ཆེད་དུ་ཉེ་བར་གནས་པ་དང་ལྷནཅིག་ཏུ་ལུས་བཀན་པ་རྫོགས་པ་ལས་གྱུར་པའི་ལྟུང་བ་དངོས་གཞིའོ། །གཞོག་སྟེགས་འཕྱར་གཡེང་ཙབ་ཧྲལ་དང་གསུམ་གྱི་དོན་ནི། ཟླ་ཟེར་ལས། གཞོག་སྟེགས་ནི། ཧ་ཅང་བརྟད་པར་མི་འཇུག་ཅིང་བཙུན་སྤུ་མ་ཉམས་པར་ཀུན་ཏུ་བརྩེ་བ་ལ་སོགས་པའི་ལུས་དང་ངག་ལས་སོ། །ཞེས་ཊཱི་ཀ་ལས་བཤད་པས་གཞོག་སྟེགས་ནི་ཆགས་སེམས་ཆུང་ངུ་ལས་གྱུར་པའི་ལུས་ངག་གི་རྣམ་འགྱུར་ཏེ་དགེ་སློང་མས་སྐྱེས་པ་དང་ཀུན་ཏུ་བརྩེ་བ་ལ་སོགས་པ་ལུས་ཀྱི་ཆགས་པའི་རྣམ་འགྱུར་བྱེད་པ་དང་ངག་གིས་འཁྲིག་ཚིག་སྨྲ་བ་ལ་སོགས་པའོ། །ཞེས་དང༌། འཕྱར་གཡེངནི་ཤིན་ཏུ་བརྟད་པར་འཇུག་ཅིང་ཧྲལ་བག་ཙམ་བྱེད་པའོ་ཞེས་ཊཱི་ཀ་ལས། འཕྱར་གཡེང་ནིཆགས་སེམས་འབྲིང་ལས་གྱུར་པའི་ལུས་ངག་གི་རྣམ་འགྱུར་ཏེ་དགེ་སློང་མས་སྐྱེས་པ་དངཀུན་ཏུ་རྩེ་བ་ལ་སོགས་པ་ལུས་ཀྱི་ཆགས་པའི་རྣམ་འགྱུར་བྱེད་པ་དང་ངག་གིས་འཁྲིག་ཚིག་སྨྲ་བ་ལ་སོགས་པའོ། །ཞེས་དང༌། རྩབ་ཧྲལ་ནི། བཙུན་སྤུ་ཉམས་ཤིང་འཁྲིག་པ་བསྟེན་པའི་ཕྱིར་གཞོལ་ལ་ངོ་ཚ་མེད་པར་ཞུགས་ཤིང་ཟེ་ལངས་པར་གྱུར་ནས་མགོ་འདར་བ་དང་ཚིགས་འགུལ་བ་དང་ཚིག་འཁྲུལ་བ་ཉིད་ལ་སོགས་པ་ལུས་ངག་གི་ལས་སོ་ཞེས་ཊཱི་ཀ་ལས་བཤད་པས་ཆགས་སེམས་ཆེན་པོ་ལས་གྱུར་པའི་ལུས་ངག་གི་རྣམ་འགྱུར་བྱེད་པའོ། །ཞེས་གསུངས་སོ། །

གསུམ་པ་འཆབ་པའི་ཕམ་པའི་དོན་ལ་གསུམ་ལས།

དང་པོ་གླེང་གཞི་ནི་དགེ་སློངམ་མཛའ་མོ་རང་གིས་དམ་བཅས་པ་ལས་ཉམས་ཏེ་བབས་ནས་ཚེའི་དུས་བྱས་པ་ན་དེའི་ཕུ་ནུམོ་མཛའ་ཅན་མས་སྔོན་མཛའ་མོ་ལ་ཕམ་པ་བྱུང་བ་དེ་དྲན་ནས་ངུ་བར་བྱེད་དེ། དེ་ལ་དགེ་སློངམ་མང་པོས་སྨྲས་པ། ཁྱོད་ཀྱིས་ནི་ཁ་ན་མ་ཐོ་བ་བཅབས་པ་ཡིན་ནོ་ཞེས་པའི་བྱུང་བ་ལསའཆབ་པའི་ཕམ་པར་བཅས་སོ། །གཉིས་པ་དགག་བྱ་ནི་འཆབ་པའི་སྲེད་པ་འཕེལ་བ་དང༌། དགེ་སློང་མ་རྣམས་ཕན་ཚུན་གཅིག་གི་ཉེས་པ་གཅིག་གིས་འཆབ་ཅིང་མཚང་གྲོགས་སུ་གྱུར་ན། བརྒྱུད་ནས་དགེ་སློང་མ་རྣམས་ཚུལ་ཁྲིམས་མི་དག་པར་འགྱུར་བའོ། །གསུམ་པ་ངོ་བོ་ནིདགེ་སློང་མས་དགེ་སློང་མ་གཞན་ལ་ཕམ་པ་བྱུང་བ་དེ་ངེས་པར་ཤེས་སམ་ཡིད་གཉིས་ཟ་བཞིནདགེ་སློང་མ་མཐོལ་ཡུལ་མཚན་ཉིད་དང་ལྡན་པ་ལ་མི་བརྗོད་པར་བཅབས་ཏེ་མཚན་མོ་མཐའིསྐད་ཅིག་འདས་པའི་ལྟུང་བ་དངོས་གཞིའོ། །

བཞི་པ་བཟློག་པའི་ཕམ་པའི་དོན་ལ་གསུམ་ལས།

དང་པོ་གླེང་གཞི་ནི་དགེ་སློང་གྲེསྐྱེས་འཐབ་ཀྲོལ་བྱེད་དགེ་སློང་མ་རྣམས་དང་འདྲེ་ཞིང་གནས་པ་དེ་དགེ་འདུན་གྱིས་གནས་ནས་ཕྱུང་བ་ན། དེ་ལ་དགེ་སློང་མ་རྣམས་ཀྱིས་ཕྱག་བྱ་བའི་འོས་མ་ཡིན་པའི་སྡོམ་པ་བྱས་སོ། །

དེ་ནས་དགེ་སློང་གྲེ་སྐྱེས་འདི་སྙམ་དུ། མི་གང་ཞིག་སའི་སྟེང་དུ་འགྱེལ་ནས་དེ་ཉིད་ལ་བརྟེནནས་ལྡང་བ་བཞིན་དུ། དགེ་འདུན་ལ་བཟོད་པ་གསོལ་བར་བྱའོ་སྙམ་དུ་བསམས་སོ། །དེ་ལ་བཅུ་གཉིས་སྡེ་དག་གིས་སྨྲས་པ། རིགས་སྣ་ཚོགས་རུས་སྣ་ཚོགས་ནས་རབ་ཏུ་བྱུང་བ་རྣམསལ་བཟོད་པ་གསོལ་བར་མ་བྱེད་ཅིག བདག་ཅག་གིས་ལྷུང་བཟེད་དང་ཆོས་གོས་ལ་སོགསཔ་ཅི་དང་ཅིས་བྲེལ་བ་དེ་དང་དེས་མི་བྲེལ་བར་བསྙེན་བཀུར་བགྱིའོ་ཞེས་སྨྲས་པ་ན། དགེ་སློངམ་བཅུ་གཉིས་སྡེ་ལ་དེ་ལྟར་མ་བྱེད་ཅིག་ཅེས་བཞམས་ཏེ་བསྒོ་བ་དང་གསོལ་བ་དང་བཞིའི་ལས་ཀྱིས་བཟློག་པར་བྱའོ། །ཞེས་གསུངས་ཏེ། བཟློག་ཀྱང་མི་གཏོང་བ་ལས་བཟློག་པའིཕམ་པར་བཅས་སོ། །དགེ་སློང་མ་བཅུ་གཉིས་སྡེ་ནི་ལུང་དགེ་སློང་མའི་རྣམ་འབྱེད་དང་མའི་སོ་སོའི་ཐར་པའི་འགྲེལ་བ་ལས། སྦོམ་དགའ་མོ་དང་གཙུག་དགའ་མོ་དང་དགའ་མོ་དང་ཉེདགའ་མོ་དང་རྒྱལ་དང་ཉེ་རྒྱལ་དང༌། རྒྱལ་གྲོགས་མ་དང་རྒྱལ་སྐྱོང་མ་དང་བཟང་མོ་དངཤིན་ཏུ་བཟང་མོ་དང་མཛེས་དགའ་མོ་དང་རྒྱལ་ལྡན་མའོ། །གཉིས་པ་དགག་བྱ་ནི་ཡུལ་དེཉིད་དང་རང་རིགས་ཀྱི་དགེ་འདུན་མ་ལ་གནོད་པའོ། །གསུམ་པ་ངོ་བོ་ནི་དགེ་སློང་གི་དགེའདུན་གྱིས་གནས་ནས་ཕྱུང་བའི་དགེ་སློང་དེ་ལ་དགེ་སློང་མའི་དགེ་འདུན་གྱིས་ཕྱག་བྱ་བའི་འོས་མ་ཡིན་པའི་སྡོམ་པ་བྱིན་པ་ལ་དེ་ལྟར་ངེས་པར་ཤེས་སམ་ཡིད་གཉིས་ཟ་བཞིན་དུ་དགེ་སློང་མས་ཆོས་དང་ཟང་ཟིང་གི་ལོངས་སྤྱོད་བྱེད་ཅིང་དེ་ལ་དགེ་སློང་མ་རྣམས་ཀྱིས་བཞམས་བསྒོ་དང་གསོལ་བཞིའི་ལས་ཀྱིས་བཟློག་ཀྱང་ལས་བརྗོད་པ་གསུམ་པ་དེའི་མཐའ་ལ་མིགཏོང་པ་ལས་གྱུར་པའི་ལྟུང་བ་དངོས་གཞིའོ། །བཟོད་པར་གསོལ་བར་ངེས་པ་དང༌། དེ་ལསབཟློག་པ་ཉིད་དོ་ཞེས་པ་ནི་གླེང་གཞིའི་དབང་གིས་མཚོན་པ་ཙམ་སྟེ་ཆོས་དང་ཟང་ཟིང་གི་ལོངསསྤྱོད་བྱེད་ན་ཡང་ངོ༌། །དགེ་སློང་མའི་ཕམ་པའི་སྡེའི་རྣམ་པར་བཤད་པ་རྫོགས་སོ།། །།

དགེ་འདུན་ལྷག་མའི་སྡེ་འཆད་པ།

དགེ་འདུན་ལྷག་མའི་སྡེ་འཆད་པ།

གཉིས་པ་དགེ་འདུན་ལྷག་མའི་སྡེ་འཆད་པ་ལ།

སྤྱིར་བཤད་པ་དང་སོ་སོར་བཤད་པ་དང་གཉིས། དང་པོ་ནི་དགེ་སློང་ཕའི་རྣམ་འབྱེད་ཀྱིས་བརྗོད་པ་རྣམས་དགེ་སློང་མ་ལ་ཅིརའགྱུར་དང༌། དགེ་སློང་མའི་རྣམ་འབྱེད་ཀྱི་བརྗོད་པ་རྣམས་དགེ་སློང་ཕ་ལ་ཅིར་འགྱུར་རོ། །དངཔོ་ནི་དགེ་སློང་གི་ལྷག་མ་བཅུ་གསུམ་ལས་ཐུན་མོང་བ་བདུན་དང༌། ཐུན་མོང་མ་ཡིན་པ་དྲུག་སྟེ། དེའང་སྨྱན་དང་གཞི་མེད་དང༌། བག་ཙམ་དང་གསུམ་ནི་མཚན་ཉིད་ཅི་འདྲ་བའི་ཐུན་མོངཡིན་ལ། དབྱེན་བྱེད་པ་ལ་སོགས་པ་བསྒོ་གྱུར་བཞི་ནི་མིང་ཙམ་གྱི་ཐུན་མོང་ཡིན་ནོ། །ཐུན་མོངམ་ཡིན་པ་དྲུག་ནི། འབྱིན་རེག་འཁྲིག་ཚིག་བསྙེན་བཀུར་ཁང་པ་ཁང་ཆེན་ནོ། །ཞེས་གསུངསསོ། །གཉིས་པ་ནི། དགེ་སློང་མའི་རྣམ་འབྱེད་ཀྱིས་བརྗོད་པ་རྣམས་དགེ་སློང་ཕ་ལ་ཅིར་འགྱུརནི། དགེ་སློང་མའི་དགེ་འདུན་ལྷག་མ་ཐུན་མོང་མ་ཡིན་པ་བཅུ་གསུམ་དངོས་སུ་གསུངས་པ་ལས། ཊཱི་ཀ་ལས། མཚན་མོ་འབྲལ་བ་དང༌། ཉིན་མོ་འབྲལ་བ་དང༌། ལམ་དུ་འཇུག་པ་དང༌། ཆུར་བརྒལ་བ་ཞེས་བྱ་བ་གཅིག་པུ་རྒྱུ་བའི་ལྟུང་བ་བཞི་པོ་དག་ལ་ནི་དགེ་སློང་རྣམས་ལ་གཅིགཔུ་འགྲོ་བ་ལ་ཉེས་པ་མེད་དོ། །ཞེས་གསུངས་སོ། །

གཉིས་པ་སོ་སོའི་དོན་ནི།

དགེ་སློང་མའི་དགེ་འདུན་ལྷག་མ་ཉི་ཤུ་ལ་དང་པོ་ལས་གྱུར་པ་བཅུ་གཉིས་དང༌། བསྒོ་བ་ལས་གྱུར་པ་བརྒྱད་བཤད་པ་དང་གཉིས། དང་པོ་ལས་གྱུར་པ་བཅུ་གཉིསནི། དགེ་སློང་དང་ཐུན་མོང་བ་གསུམ་དང༌། དགེ་སློང་མའི་ཐུན་མོང་མ་ཡིན་པ་དགུའོ། །དང་པོ་ཐུན་མོང་བ་གསུམ་ནི། སྨྱན་བྱེད་པ་དང༌། གཞི་མེད་པ་དང་བག་ཙམ་དང་གསུམ་ནི་དགེསློང་ཕ་མ་གཉིས་ཀའི་དགེ་འདུན་ལྷག་མ་སྟེ་མཚན་ཉིད་ཅི་འདྲ་བའི་ཐུན་མོང་ཡིན་ནོ། ། གཉིས་པ་དགེ་སློང་མའི་ཐུན་མོང་མ་ཡིན་པ་དགུ་ལས། དང་པོ་ཅི་ཡང་རུང་བ་ལེན་པའི་དོན་བཤད་པ་ལ་གསུམ་ལས། དང་པོ་གླེང་གཞི་ནི་སྦོམ་དགའ་མོ་དང་སྤོས་འཚོང་གི་ཁྱེའུ་གཉིས་ཀ་ཕནཚུན་ཆགས་པར་གྱུར་ཏེ། དེས་སྤོས་འཚོང་གི་ཁྱེའུ་ལས་ཅུང་ཟད་བདག་གིར་བྱེད་པ་ལས་བཅསསོ། །གཉིས་པ་དགག་བྱ་ནི་འཁྲིག་པའི་འདོད་ཆགས་འཕེལ་བར་འགྱུར་བའོ། །གསུམ་པ་ངོབོ་ནི་དགེ་སློང་མ་ཆགས་པར་གྱུར་པས་སྐྱེས་པ་མཚན་ཉིད་དང་ལྡན་པ་ཆགས་པར་གྱུར་པ་ལསའཁྲིག་པའི་གླ་བརྔན་ཅི་ཡང་རུང་བ་ལེན་པར་བྱེད་ཅིང་ཐོབ་བློ་སྐྱེས་པ་ལས་གྱུར་པའི་ལྟུང་བ་དངོས་གཞིའོ། །ཅི་ཡང་རུང་བ་ལེན་པའི་དགེ་འདུན་ལྷག་མ་འདི་ལ་བདག་གིར་བྱེད་པ་དང་སྐྱེས་པའི་ཆགས་སེམས་ཡན་ལག་ཏུ་དགོས་སོ། །

གཉིས་པ་ཅི་ཡང་རུང་བ་ལེན་དུ་འཇུག་པའི་དོན་བཤད་པ་ལ་གསུམ་ལས། དང་པོ་གླེང་གཞི་ནི་སྦོམ་དགའ་མོས་གཙུག་དགའ་མོ་ལ། ཀྱེ་ཕུ་ནུ་མོ་ཁྱོད་མ་ཆགས་པར་གྱིས་ལསྐྱེས་པ་ཆགས་པ་ལས་ཅུང་ཟད་ལོང་ཞིག་ཅེས་ལེན་དུ་བཅུག་པ་ལས་བཅས་སོ། །གཉིས་པདགག་བྱ་ནི་ཆགས་པའི་རྒྱུར་འགྱུར་བས་རང་རིགས་ལ་གནོད་པའོ། །གསུམ་པ་ངོ་བོ་ནི་དགེསློང་མས་དགེ་སློང་མ་གཞན་ལ་རང་ལ་ཆགས་པ་མངོན་གྱུར་མེད་ན་སྐྱེས་པ་ཆགས་པ་ལས་བརྔན་པ་ལེན་པ་ལ་ཉེས་པ་མེད་དོ་ཞེས་ངག་གིས་གོ་བར་བྱས་པ་ལས་གྱུར་པའི་ལྟུང་བ་དངོསགཞིའོ། །

གསུམ་པ་མཚན་མོ་འབྲལ་བ་བཤད་པ་ལ།

ཐུན་མོང་གི་རྣམ་གཞག་ཞར་བྱུང་དངབཅས་ཏེ་བསྟན་པ་དང༌། དོན་དངོས་བཤད་པ་དང་གཉིས། དང་པོ་ནི་འོག་མ་བཞི་པོ་དགལ་ནི་ཁྲིམས་གྲོགས་མ་མེད་པ་དེ་ཐུན་མོང་གི་ཡན་ལག་ཡིན་ནོ། །དགེ་སློབ་མ་སུམ་ཆ་དང་བྲལ་ཞེས་པ་ནི། ཁྲིམས་གྲོགས་སུམ་གཉིས་ཀྱིས་གོ་ཆོད་པ་སྟེ་ཉེས་བྱས་སུ་ནི་འགྱུར་རོ། །

དགེ་ཚུལ་མ་ནི་སུམ་ཆ་ཞེས་པ་ནི་ཉེས་པ་སུམ་གཉིས་མི་ཐུབ་སྟེ་སྦྱོར་བའི་དུས་ན་ཉེས་བྱས་དངམཐར་ཐུག་ན་སྦོམ་པོའོ། །མི་འདོད་བཞིན་དུ་བྲལ་ཞེས་པ་ནི། དགེ་སློང་མའི་རྣམ་འབྱེད་ལས། ཕྱི་བཞིན་འབྲང་བའི་དགེ་སློང་མ་ཤིའམ་ཉམས་སམ་ལྟུང་བར་གྱུར་ཏམ་བྲོས་པར་གྱུར་ན་ལྟུངབ་མེད་དོ། །ཞེས་གསུངས་ཏེ། ཉམས་པ་དང་ལྟུང་བ་ནི་བབས་པ་དང་ཕམ་པ་བྱུང་བ་སྟེ་གོརིམ་བཞིན་ནོ། །

གཉིས་པ་མཚན་མོ་འབྲལ་བའི་དོན་དངོས་བཤད་པ་ལ་གསུམ་ལས། དང་པོ་གླེངགཞི་ནི་དགེ་སློང་མ་མཛའ་མོ་རང་གི་ཉེས་པ་ཁས་བླངས་པས་བསྙིལ་བའི་ཚེ། ཁྱིམ་གྱི་སོ་ཚིསབྱེད་ཅིང༌། བུ་དང་བུ་མོ་དག་ཀྱང་སྐྱེས་སོ། །དུས་ཕྱིས་མཛའ་མོ་གསད་ནད་ཀྱིས་ཐེབས་པ་ན།

དགེ་སློང་མ་མཛའ་ཅན་མས་ན་བ་དེ་བལྟ་བའི་ཕྱིར་གཅིག་པུ་སོང་སྟེ། མཛའ་མོ་ནུབ་མོ་ཚེའིདུས་བྱས་པ་ན། མཛའ་ཅན་མ་ལ་ཁྱིམ་བདག་དེས་ཁྱོད་ཀྱིས་ངའི་ཁྱིམ་འདི་སྐྱོངས་ཤིག མབཞུད་ཅིག་ཅེས་ཟེར་བ་ལ། ཁྱོད་ཀྱི་ཁྱིམ་མེས་འཚིག་པར་གྱུར་ཅིག་ཅེས་སྨྲས་ནས་སོང་ངོ༌། །

དེ་ལ་དགེ་སློང་མ་རྣམས་ཀྱིས་ཁྱོད་མདང་སུམ་ཁྱིམ་དེ་ན་ཉལ་ན། འགའ་ཞིག་གིས་ཁྱོད་བརྟུལཞུགས་དང་ཕྲལ་ན་ཁྱོད་ཀྱིས་ཅི་བྱར་ཡོད་ཅེས་ཟེར་བ་ལས་བཅས་སོ། །གཉིས་པ་དགག་བྱ་ནི་མི་ཚངས་པར་སྤྱོད་པའི་སྒོ་ནས་རང་གི་བསླབ་པ་ལས་འདྲལ་བའི་རྒྱུར་འགྱུར་བའོ། །གསུམཔ་ངོ་བོ་ནི་དགེ་སློང་མས་ཟླ་མོ་དགེ་སློང་མ་གཞན་རྣམས་གང་ན་འདུག་པའི་གནས་དེ་ལས་ཕྱི་རོལ་ཏུ་ཁྲིམས་གྲོགས་ཆོས་འདི་པའི་རབ་བྱུང་མོ་གང་ཡང་མེད་པར་དགེ་སློང་མ་རང་གཅིགཔུས་མཚན་མོ་གནས་ཏེ་སྐྱ་རེངས་ཤར་བ་ལས་གྱུར་པའི་ལྟུང་བ་དངོས་གཞིའོ། །

བཞི་པ་ཉིན་མོ་འབྲལ་བའི་དོན་བཤད་པ་ལ་གསུམ་ལས།

དང་པོ་གླེང་གཞི་ནི་སྦོམ་དགའ་མོས་བྲམ་ཟེ་དང་ཁྱིམ་བདག་གི་ཁྱིམ་ན་གཅིག་པུ་ཉི་མ་ནུབ་ཏུ་ཆོས་བཤད་ནས། དབྱར་ཁང་དུ་འོངས་ཏེ་ཁོ་མོའི་རྒྱབ་དང་རྐེད་པ་རྫིས་ཤིག་ཅེས་སྨྲས་པ་ན། འགའ་ཞིག་གིས་ཁྱོད་བརྟུལ་ཞུགས་དང་བྲལ་ན་ཁྱོད་ཀྱིས་ཅི་བྱར་ཡོད་ཅེས་ཟེར་བ་ལས་བཅས་སོ། །གཉིས་པ་དགག་བྱ་ནི་སྔར་དང་འདྲའོ། །གསུམ་པ་ངོ་བོ་ནི་དགེ་སློང་མས་ཟླ་མོ་དགེ་སློང་མགཞན་རྣམས་གང་ན་འདུག་པའི་གནས་དེ་ལས་ཕྱི་རོལ་ཁྲིམས་གྲོགས་ཆོས་འདི་པའི་རབ་བྱུངམོ་གང་ཡང་མེད་པར་དགེ་སློང་མ་རང་གཅིག་པུ་ཉིན་མོ་གནས་ཏེ་ཉི་མ་ནུབ་པའི་མཐའི་སྐད་ཅིག་འདས་པ་ལས་གྱུར་པའི་ལྟུང་བ་དངོས་གཞིའོ། །

ལྔ་པ་གཅིག་པུ་ལམ་དུ་འགྲོ་བའི་དོན་བཤད་པ་ལ་གསུམ་ལས།

དང་པོ་གླེང་གཞི་ནི་སྦོམ་དགའ་མོ་གཅིག་པུ་ལམ་པོ་ཆེ་དང་བཞི་མདོ་དག་ཏུ་འདུག་ནས་གྲོང་ཁྱེར་ཆེནཔོ་དྲུག་གི་ལམ་དུ་སོང་སྟེ་ཉི་མ་ནུབ་པ་ན། དབྱར་ཁང་དུ་འོངས་ནས་བདག་གི་རྒྱབ་རྫིས་ཤིགརྐེད་པ་རྫིས་ཤིག་ཅེས་གཞོན་རབས་དག་ལ་སྨྲས་པ་ན། འགའ་ཞིག་གིས་ཁྱོད་བརྟུལ་ཞུགས་དང་ཕྲལ་ན་ཁྱོད་ཀྱིས་ཅི་བྱར་ཡོད་ཅེས་ཟེར་བ་ལས་བཅས་སོ། ། གཉིས་པ་དགག་བྱ་ནིསྔར་དང་འདྲའོ། །གསུམ་པ་ངོ་བོ་ནི་དགེ་སློང་མས་ཁྲིམས་གྲོགས་ཆོས་འདི་པའི་རབ་བྱུང་མོགང་ཡང་མེད་པར་ས་ལ་བརྟེན་པའི་ལམ་རྒྱང་གྲགས་ཀྱི་མཐའ་ཡན་ཆད་དུ་ཕྱིན་པ་ལས་གྱུརཔའི་ལྟུང་བ་དངོས་གཞིའོ། །

དྲུག་པ་གཅིག་པུ་ཆུ་ལ་བརྒལ་བའི་དོན་བཤད་པ་ལ་གསུམ་ལས།

དང་པོ་གླེང་གཞིནི་དགེ་སློང་མ་མང་པོ་ཆུ་བོའི་ཕ་རོལ་ཏུ་འགྲོ་བར་འདོད་པ་ན། ཕ་རོལ་གྱི་འགྲམ་ན་གྲུ་ཕུར་བབཏབས་ཏེ་འདུག་པ་དེ་བླང་བའི་ཕྱིར་སྔོན་མཉན་པ་མོ་བྱེད་པ་དགེ་སློང་མ་ནག་མོས་རྐྱལ་བྱསཔས་ཆུའི་དབུས་སུ་གཏིང་དུ་བྱིང་ལ་ཐུག་པར་གྱུར་ནས། ངལ་ཆད་དེ་ཆུ་འགྲམ་དུ་ཕྱིན་ཏེ། ཉིམ་ནུབ་པ་དང་དབྱར་ཁང་དུ་འོངས་པ་ན། དགེ་སློང་མ་རྣམས་ཀྱིས་སྨྲས་པ། འགའ་ཞིག་གིས་ཁྱོད་བརྟུལ་ཞུགས་དང་ཕྲལ་ན་ཁྱོད་ཀྱིས་ཅི་བྱར་ཡོད་ཅེས་ཟེར་བ་ལས་བཅས་སོ། །གཉིས་པདགག་བྱ་ནི་ལུས་སྲོག་ལ་གནོད་པ་དང་མི་ཚངས་པར་སྤྱོད་པའི་སྒོ་ནས་རང་གི་བསླབ་པ་ལསའདྲལ་བའི་རྒྱུར་འགྱུར་བའོ། །གསུམ་པ་ངོ་བོ་ནི་དགེ་སློང་མས་ཁྲིམས་གྲོགས་ཆོས་འདི་པའིརབ་བྱུང་མོ་གང་ཡང་མེད་པར་བརྒལ་བས་མི་ཐར་པའི་ཆུ་ལ་གྲུ་ལ་སོགས་པས་འགྲོ་ན་ཕ་རོལཏུ་ཕྱིན་པར་མ་གྱུར་ཀྱང་གྲུ་ཚུགས་ལས་འདས་པར་ཕྱིན་པ་དང་ལག་རྐྱལ་དག་གིས་འགྲོ་ན་ཕ་རོལ་ཏུ་ཕྱིན་པ་ལས་གྱུར་པའི་ལྟུང་བ་དངོས་གཞིའོ། །

བདུན་པ་རབ་ཏུ་འབྱིན་པའི་དགེ་འདུན་ལྷག་མའི་དོན་བཤད་པ་ལ་གསུམ་ལས།

དང་པོ་གླེང་གཞི་ནི་རྒྱལ་པོ་གསལ་རྒྱལ་གྱི་དམག་མི་རྣམས་རི་བྲག་པ་དངའཐབ་པའི་ཕྱིར་དམག་ལ་འགྲོ་བ་ན་ཁྲིམས་སུ་བཅས་པ། བདག་ཅག་དམག་ལ་སོང་བ་ན། བདག་ཅག་གིས་ཆུང་མས་སྐྱེས་པ་གཞན་དང་ལྷན་ཅིག་མི་རིགས་པ་བྱས་ན་དེའི་མགོ་བཅད་ནས་འདོར་བར་བྱ་ཞེས་བཤད་དཽ། །དེ་ནས་དམག་དཔོན་གྱི་བུ་མོ་སྡེ་ཅན་མ་ཞེས་བྱ་བས་ཁྲིམསདང་འགལ་བར་བྱས་པ་ན། དེ་དམག་མི་རྣམས་ཀྱིས་དམག་དཔོན་ལ་སྨྲས་ནས། དམག་དཔོནགྱིས་འདི་སྙམ་དུ་བདག་གིས་ཁྲིམས་བཅས་ལ། བདག་གིས་དྲལ་དུ་ག་ལ་རུང་སྙམ་ནས་དམགདཔོན་གྱིས་སྡེ་ཅན་མ་ཡོངས་སུ་བཏང་ནས། དམག་མི་རྣམས་ལ་སོད་ཅིག་ཅེས་བཀའ་བསྒོའོ། །

སྡེ་ཅན་མ་འཇིགས་ཤིང་སྐྲག་སྟེ་ངུ་བར་བྱེད་པ་ན། དགེ་སློང་མ་འཕྱར་མོས་རབ་ཏུ་བྱུང་བ་ལས་བཅས་སོ། །གཉིས་པ་དགག་བྱ་ནི་མི་རིགས་པ་རབ་ཏུ་བྱུང་བས་བསྟན་པ་ལ་རྨ་འབྱིན་པའི་རྒྱུར་འགྱུར་བའོ། །གསུམ་པ་ངོ་བོ་ནི་མཁན་མོས་བུད་མེད་སྐྱོན་གསུམ་ལྡན་རབ་ཏུ་འབྱིནཔའམ་སྡོམ་པ་སྦྱིན་པའི་བྱ་བ་རྫོགས་པ་ལས་གྱུར་པའི་ལྟུང་བ་དངོས་གཞིའོ། །སྐྱོན་གསུམ་ནིབུད་མེད་དེ་གསད་པའི་ཕྱིར་དམག་མི་ཚོགས་པ་རྣམས་ཡིད་མཐུན་པ། བུད་མེད་དེའི་བདགཔོས་ཡོངས་སུ་བཏང་བ། རྒྱལ་པོས་རྗེས་སུ་གནང་བའོ། །

བརྒྱད་པ་ཤི་བའི་ནོར་ལེན་པའི་དོན་བཤད་པ་ལ་གསུམ་ལས།

དང་པོ་གླེང་གཞི་ནིཁྱིམ་བདག་གཅིག་གསད་ནད་ཀྱིས་ཐེབས་ནས་དགེ་སྦྱོང་དང་བྲམ་ཟེ་དང་བཀྲེན་པ་རྣམས་ལ་སྦྱིན་པ་སྦྱིན་པར་བྱེད་དོ། །དེ་སྦོམ་དགའ་མོས་ཐོས་ནས། དེའི་དྲུང་དུ་སོང་སྟེ། ཆོས་བཤདཔ་བྱས་ནས་བསླངས་པ་དང༌། དེས་དེ་ལ་བུ་ལོན་ཆགས་རྒྱ་བྱིན་ནས། དགེ་སློང་མས་ཕྱག་རྒྱའིབུ་ལོན་དེད་པ་གཞན་དག་འཕྱ་བར་བྱེད་པ་ལས་བཅས་སོ། །གཉིས་པ་དགག་བྱ་ནི་བུད་མེད་སྐྱེས་པའི་ཆོས་ལྟར་བྱེད་པ་ཧ་ཅང་ཐལ་བའི་ཕྱིར་མི་རིགས་པས་མ་དད་པར་འགྱུར་བ་དང༌། རང་འདོད་ཆེ་བའོ། །གསུམ་པ་ངོ་བོ་ནི་དགེ་སློང་མས་རིགས་རྒྱུད་ཙམ་ཡང་མ་ལུས་པར་གྱུརཔའི་ཤི་བའི་ནོར་ཁྲུ་གང་ཡན་ཆད་རི་བའི་དངོས་པོ་ལེན་ཅིང་བརྡ་འཕྲོད་པ་ལས་གྱུར་པའི་ལྟུངབ་དངོས་གཞིའོ། །

དགུ་པ་བཟོད་པ་གསོལ་དུ་འཇུག་པའི་དོན་བཤད་པ་ལ་གསུམ་ལས།

དང་པོ་གླེངགཞི་ནི་དགེ་སློང་མ་འདུན་མ་ཞེས་བྱ་བ་འཐབ་མོ་མང་པོ་བྱེད་པ་དེའི་བུ་མོ་དགེ་སློང་མ་འདུནཔ་མོས་གཏམ་ཐོས་སོ་ཅོག་མི་ལ་ཟློས་པར་བྱེད་དོ། །དེའི་རྒྱུས་རྩོད་པ་འཕེལ་བར་གྱུར་ནས།འདུན་མ་བསོད་སྙོམས་ལ་སོང་བའི་འོག་ཏུ་དགེ་འདུན་མ་རྣམས་ཀྱིས་འདུན་པ་མོ་གནསནས་དབྱུང་བའི་ལས་བྱས་པ་ན། འདུན་པ་མོ་ངུ་ཞིང་ང་གནས་ནས་ཕྱུང་ངོ་ཞེས་མ་ལ་སྨྲས་པ་དང༌། འདུན་མས་དེ་མཚམས་ཀྱི་ཕྱི་རོལ་ཏུ་ཁྲིད་དེ་བཟོད་པ་གསོལ་དུ་བཅུག་པ་ལས་བཅས་སོ། །གཉིས་པ་དགག་བྱ་ནི་དགེ་འདུན་གྱི་དབྱེན་དང་རིགས་མཐུན་པས་རང་རིགས་ལ་གནོདཔའོ། །གསུམ་པ་ངོ་བོ་ནི་དགེ་སློང་མ་མཚན་ཉིད་དང་ལྡན་པ་ནན་ཏུར་བྱས་པ་དང་འབྲེལ་བལ་ཆད་པ་གཅོད་བྱེད་ཀྱི་དགེ་འདུན་མ་རྣམས་མ་ཚོགས་པའམ་ཆད་པ་གཅོད་བྱེད་ཀྱི་གང་ཟགམ་ཚོགས་པར་དགེ་སློང་མས་མཚམས་ཀྱི་ཕྱི་རོལ་ཏམ་མཚམས་ནང་དུ་བཟོད་པ་བླངས་པ་ལསགྱུར་པའི་ལྟུང་བ་དངོས་གཞིའོ། །མཚམས་ཀྱི་ཕྱི་རོལ་ཏུ་ཞེས་པ་ནི། གླེང་གཞིའི་དབང་གིས་མཚོནཔ་སྟེ། ཊཱི་ཀ་ལས། མཚམས་ཀྱི་ནང་དུ་བཟོད་པ་གསོལ་དུ་འཇུག་པ་ལ་ནི་སྡིག་ཤིན་ཏུ་ཆེབར་སྣང་སྟེ། དགེ་འདུན་གྱི་དབྱེན་དང་རིགས་མཐུན་པ་ཡིན་པའི་ཕྱིར་རོ། །ཞེས་སོ། །

གཉིས་པ་བསྒོ་བ་ལས་གྱུར་པའི་དགེ་འདུན་ལྷག་མ་བརྒྱད་འཆད་པ་ལ།

དགེ་སློངམའི་ཐུན་མོང་མ་ཡིན་པའི་བསྒོ་གྱུར་བཞི་དང༌། དགེ་སློང་དང་ཐུན་མོང་བའི་བསྒོ་གྱུར་བཞིདང་གཉིས་ལས། དང་པོ་བཞི་ཚན་དང་པོ་བཤད་པ་ལ་ལྟུང་བ་བཞི་ལས། དང་པོ་ནི་དཀོནམཆོག་གཏོང་བ་བཤད་པ་ལ་གསུམ་ལས། དང་པོ་གླེང་གཞི་ནི་སྔོན་མུ་སྟེགས་ཅན་ལས་གྱུརཔ་དགེ་སློང་མ་ནག་མོ་དགེ་སློང་མ་རྣམས་དང་འཐབ་པ་ན་ཁྲོས་ནས་ཤཱཀྱ་བུའི་དགེ་སྦྱོང་འདི་དག་ཁོ་ན་ཚུལ་ཁྲིམས་དང་ལྡན་ཞིང་ཡོན་ཏན་དང་ལྡན་པ་མ་ཡིན་གྱི་ཚུལ་ཁྲིམས་དང་ཡོན་ཏནདང་ལྡན་པའི་དགེ་སྦྱོང་གཞན་ཡང་ཡོད་པས། དེ་དག་གི་དྲུང་དུ་ཚངས་པར་སྤྱོད་པ་སྤྱད་ཀྱིས། སངས་རྒྱས་གཏོང་ངོ༌། །ཆོས་དང་དགེ་འདུན་གཏོང་ངོ་ཞེས་ཟེར་བ་ན། དགེ་སློང་མ་ནག་མོ་ལབཞམས་ཏེ་བསྒོ་བ་དང་གསོལ་བ་དང་བཞིའི་ལས་ཀྱིས་བཟློག་ཀྱང་མི་གཏོང་བ་ལས་དཀོནམཆོག་གཏོང་བའི་དགེ་འདུན་ལྷག་མར་བཅས་སོ། །གཉིས་པ་དགག་བྱ་ནི་ཐར་པ་མྱ་ངན་ལསའདས་པའི་ལམ་དུ་འཇུག་པའི་སྡོམ་པའི་རྟེན་ཉམས་པར་བྱེད་པའོ། །གསུམ་པ་ངོ་བོ་ནི་དགེསློང་མས་དཀོན་མཆོག་གཏོང་བར་བྱེད་ཅིང་དེ་ལ་དགེ་སློང་མ་རྣམས་ཀྱིས་བཞམས་བསྒོ་དངགསོལ་བཞིའི་ལས་ཀྱིས་བཟློག་ཀྱང་ལས་བརྗོད་པ་གསུམ་པ་དེའི་མཐའ་ལ་མི་གཏོང་བ་ལསགྱུར་པའི་ལྟུང་བ་དངོས་གཞིའོ། །

གཉིས་པ་འཐབ་ཀྲོལ་བྱེད་པའི་དོན་བཤད་པ་ལ་གསུམ་ལས། དང་པོ་གླེང་གཞི་ནིསྦོམ་དགའ་མོས་དགེ་སློང་མ་གཞན་རྣམས་དང་འཐབ་པར་བྱེད་པ་ན། འཐབ་མོ་མ་བྱེད་ཅིག་ཅེས་དེ་ལ་དགེ་སློང་མ་རྣམས་ཀྱིས་བསྒོ་བ་ན། སྦོམ་དགའ་མོ་ཁྲོས་ནས་ཁྱེད་ཅག་ཁོ་མོ་ལརྒོལ་བར་བྱེད་ལ། གཞན་ལ་ནི་མི་བྱེད་པས། དགེ་སློང་མ་ཁྱེད་ཅག་ནི་འདུན་པས་འགྲོ་བའོ། །ཞེ་སྡང་གིས་འགྲོ་བའོ་ཞེས་ཟེར་བ་ན། དེ་ལ་བཞམས་ཏེ་བསྒོ་བ་དང་གསོལ་བ་དང་བཞིའི་ལསཀྱིས་བཟློག་པར་བྱའོ་ཞེས་གསུངས་ཏེ། བཟློག་ཀྱང་མི་གཏོང་བ་ལས་འཐབ་ཀྲོལ་བྱེད་པའིདགེ་འདུན་ལྷག་མར་བཅས་སོ། །གཉིས་པ་དགག་བྱ་ནི་རང་རིགས་ཀྱི་དགེ་འདུན་མའི་སེམསབདེ་བ་ལ་གནོད་པའོ། །གསུམ་པ་ངོ་བོ་ནི་དགེ་སློང་མས་འཐབ་ཀྲོལ་བྱས་པ་ལ་དེ་ལྟར་མ་བྱེདཅིག་ཅེས་དགེ་སློང་མ་རྣམས་ཀྱིས་བསྒོ་བ་ན་ཁྱེད་ཅག་འདུན་པ་ལ་སོགས་པས་འགྲོ་བའོ་ཞེསདགེ་འདུན་མ་ལ་སྐུར་པ་འདེབས་པར་བྱེད་ཅིང་དེ་ལ་དགེ་སློང་མ་རྣམས་ཀྱིས་བཞམས་བསྒོ་དང་གསོལ་བཞིའི་ལས་ཀྱིས་བཟློག་ཀྱང་ལས་བརྗོད་པ་གསུམ་པ་དེའི་མཐའ་ལ་མི་གཏོང་བལས་གྱུར་པའི་ལྟུང་བ་དངོས་གཞིའོ། །

གསུམ་པ་སྡེ་ཞིང་གནས་པའི་དོན་བཤད་པ་ལ་གསུམ་ལས།

དང་པོ་གླེང་གཞི་ནིདགེ་སློང་མ་འཆི་ལྟས་དང་ཉེ་བའི་འཆི་ལྟས་གཉིས་འདྲེ་བས་གནས་པར་བྱེད་དེ། རྒོད་པ་དངརྩེ་བ་དང་ལུས་ཀྱི་ཙབ་ཧྲལ་བྱེད་པ་ན། དེ་དག་ལ་བཞམས་ཏེ་བསྒོ་བ་དང་གསོལ་བཞིའི་ལསཀྱིས་བཟློག་པར་བྱའོ་ཞེས་གསུངས་ཏེ། བཟློག་ཀྱང་མི་གཏོང་བ་ལས་སྡེ་ཞིང་གནས་པའི་དགེའདུན་ལྷག་མར་བཅས་སོ། །གཉིས་པ་དགག་བྱ་ནི་ཆགས་པ་དང་རྒོད་བག་འཕེལ་བའོ། །

གསུམ་པ་ངོ་བོ་ནི་དགེ་སློང་མས་དགེ་སློང་མ་ལ་སོགས་པ་བུད་མེད་དང་ལྷན་ཅིག་གཞོག་སྟེགསདང་འཕྱར་གཡེང་དང་ཙབ་ཧྲལ་བྱེད་པ་ན། དེ་ལ་དགེ་སློང་མ་རྣམས་ཀྱིས་བཞམས་བསྒོ་དང་གསོལ་བཞིའི་ལས་ཀྱིས་བཟློག་ཀྱང་ལས་བརྗོད་པ་གསུམ་པ་དེའི་མཐའ་ལ་མི་གཏོང་བ་ལས་གྱུར་པའི་ལྟུང་བ་དངོས་གཞིའོ། །

བཞི་པ་སྡེ་ཞིང་གནས་སུ་འཇུག་པའི་དོན་བཤད་པ་ལ་གསུམ་ལས།

དང་པོ་གླེང་གཞི་ནིདགེ་སློང་མ་འཆི་ལྟས་དང་ཉེ་བའི་འཆི་ལྟས་གཉིས་ཐ་དད་དུ་གནས་པའི་ཚེ་ན། སྦོམ་དགའམོས་སྨྲས་པ། ཁྱེད་གཉིས་ཅིའི་ཕྱིར་ཐ་དད་དུ་གནས། ཁྱེད་ཅག་འདྲེ་ཞིང་གནས་པར་གྱིསཤིག བཅོམ་ལྡན་འདས་ཀྱིས་འབེལ་བའི་གཏམ་གྱིས་ཤེས་རབ་འཕེལ་བར་མ་གསུངསསམ་ཞེས་ཟེར་བ་ན། སྦོམ་དགའ་མོ་ལ་བཞམས་ཏེ་བསྒོ་བ་དང་གསོལ་བཞིའི་ལས་ཀྱིས་བཟློགཔར་བྱའོ་ཞེས་གསུངས་ཏེ། བཟློག་ཀྱང་མི་གཏོང་བ་ལས་སྡེ་ཞིང་གནས་སུ་འཇུག་པའི་དགེའདུན་ལྷག་མར་བཅས་སོ། །གཉིས་པ་དགག་བྱ་ནི་རང་རིགས་ལ་གནོད་པར་འགྱུར་བའོ། །གསུམ་པ་ངོ་བོ་ནི་དགེ་སློང་མས་དགེ་སློང་མ་གཞན་ལ་འདྲེ་ཞིང་གནས་པར་གྱིས་ཤིག་ཅེསངག་གི་རིག་བྱེད་གྱིས་བསྒོ་བར་བྱེད་ཅིང་དེ་ལ་དགེ་སློང་མ་རྣམས་ཀྱིས་བཞམས་བསྒོ་དངགསོལ་བཞིའི་ལས་ཀྱིས་བཟློག་ཀྱང་ལས་བརྗོད་པ་གསུམ་པ་དེའི་མཐའ་ལ་མི་གཏོང་བལས་གྱུར་པའི་ལྟུང་བ་དངོས་གཞིའོ། །

གཉིས་པ་དགེ་སློང་དང་ཐུན་མོང་བའི་བསྒོ་གྱུར་བཞི་འཆད་དེ། རྟེན་དགེ་སློང་མསདགེ་འདུན་འབྱེད་པ་ལ་སོགས་པ་བཞི་ནི་ཡུལ་དགེ་སློང་མའི་སྐབས་ལས་བཞི་པོ་དེ་དག་རངརང་གི་དགེ་འདུན་ལྷག་མར་འགྱུར་རོ། །དགེ་སློང་མའི་དགེ་འདུན་གྱི་དབྱེན་བྱེད་པ་དང༌། དགེསློང་མའི་དགེ་འདུན་འབྱེད་པ་དེའི་རྗེས་སུ་ཕྱོགས་པ་དང༌། དགེ་སློང་མ་ཁྱིམ་སུན་ཕྱུང་བ་དེསརང་སྐྲོད་པར་བྱེད་པའི་དགེ་སློང་མ་རྣམས་ལ་སྐུར་པ་འདེབས་པ་དང༌། དགེ་སློང་མ་དག་ལ་བཀའ་བློ་མི་བདེ་བ་ཉིད་དུ་བྱེད་པ་དང་བཞི་སྟེ། དེ་དག་ལ་བཞམས་བསྒོ་དང་གསོལ་བཞིའི་ལས་ཀྱིས་བཟློག་ཀྱང་མི་གཏོང་ན། དགེ་སློང་མ་ལ་དགེ་འདུན་ལྷག་མ་བཞི་པོ་དེ་དག་བསྐྱེད་དོ་ཞེས་པའོ། །དགེ་སློང་མའི་དགེ་འདུན་ལྷག་མའི་སྡེའི་རྣམ་པར་བཤད་པ་རྫོགས་སོ།། །།

ལྟུང་བྱེད་ཀྱི་སྡེ་བཤད་པ།

ལྟུང་བྱེད་ཀྱི་སྡེ་བཤད་པ།

གསུམ་པ་ལྟུང་བྱེད་ཀྱི་སྡེ་བཤད་པ་ལ།

སྤང་བའི་ལྟུང་བ་དང༌། ལྟུང་བྱེད་འབའཞིག་པ་དང་གཉིས། དང་པོ་ནི་དགེ་སློང་མའི་སྤང་ལྟུང་སུམ་ཅུ་རྩ་གསུམ་སྟེ། དེའང་ཐུན་མོང་གི་སྤང་ལྟུང་བཅུ་དགུ་དང་ཐུན་མོང་མ་ཡིན་པའི་སྤང་ལྟུང་བཅུ་བཞི་དང་གཉིས་ལས། །དང་པོབཅུ་དགུ་བཤད་པ་ལ། སྤྱིར་བཤད་པ་དང༌། སོ་སོར་བཤད་པ་དང་གཉིས། དང་པོ་ལ། འཆངབའི་སྤང་བ་ལ་སོགས་པ་བཅུ་དགུ་དགེ་སློང་མ་ལ་ཅིར་འགྱུར་དང༌། སྲིན་བལ་གྱི་སྟན་བྱེདཔ་ལ་སོགས་པ་བཅུ་གཅིག་དགེ་སློང་མ་ལ་ཅིར་འགྱུར་དང་གཉིས། དང་པོ་ནི། འཆང་བའིསྤང་བ་ལ་སོགས་པ་བཅུ་དགུའོ་ཞེས་གསུངས་ཏེ། དེ་ལྟར་སྤང་ལྟུང་བཅུ་དགུ་ནི་དགེ་སློང་ཕ་མའི་ཐུན་མོང་གི་སྤང་ལྟུང་སྟེ་ཆོས་གོས་འཆང་བ་ལ་སོགས་པ་བཅུ་གསུམ་ནི་མཚན་ཉིད་ཅི་འདྲབའི་ཐུན་མོང་དང༌། འབྲལ་དང་ཟླ་འཇོག་འཁྲུར་འཇུག་ལེན། །ལྷུང་བཟེད་འཚོལ་དང་འཕྲོག་པའོ། །ཞེས་པ་ལྟར་དྲུག་ནི་མིང་ཙམ་གྱི་ཐུན་མོང་ཡིན་ནོ། །དེ་དག་གི་རྒྱུ་མཚན་ནི་བཅས་པའིདབང་གིས་སོ། །

གཉིས་པ་སྲིན་བལ་གྱི་སྟན་བྱེད་པ་ལ་སོགས་པ་བཅུ་གཅིག་དགེ་སློང་མ་ལ་ཅིར་འགྱུར་ནི།

འདི་ལ་རྣམ་གཞག་ལུགས་གཉིས་ཏེ། དགེ་སློང་མའི་སོ་སོ་ཐར་པ་དང་མདོ་རྩ་འགྲེལདབང་བཙན་དུ་བྱས་པ་དང༌། ལུང་དགེ་སློང་མའི་རྣམ་འབྱེད་དང་ལུང་ཞུ་བ་དབང་བཙན་དུ་བྱསཔའོ། །རྣམ་པར་བཞག་པ་དང་པོ་ལྟར་ན། བཅུ་གཅིག་པོ་འདི་དག་ནི་ཐུན་མོང་མ་ཡིན་པ་སྟེ། མའི་སོ་སོ་ཐར་པའི་བསྡོམས་ལས། སྲིན་བལ་འབའ་ཞིག་ཆ་གཉིས་དང༌། །དྲུག་དང་མཐོ་གངལམ་དང་ནི། །འཁྲུ་དང་འཆང་དང་བརྟད་དང་དགོན། །རས་ཆེན་མ་གཏོགས་ལྷག་མ་ཡིན། །ཞེས་བཅུ་གཅིག་མ་གཏོགས་པ་ལྷག་མ་སྤང་ལྟུང་བཅུ་དགུ་ནི་དགེ་སློང་མའི་སྤང་ལྟུང་ཡིན་ནོ། །མདོ་རྩ་བའི་རྒྱ་ཆེར་འགྲེལ་བ་ལས་ཀྱང༌། སྲིན་བལ་གྱི་སྟན་དང་བལ་ནག་པོ་འབའ་ཞིགགི་སྟན་དང༌། ཆ་གཉིས་བསྲེ་བ་དང་ལོ་དྲུག་ཏུ་བཅང་བ་དང༌། མཐོ་གང་དང༌། བལ་ཐོགས་པདང་བལ་རྨེལ་དུ་འཇུག་པ་ཞེས་བྱ་བ་དག་དང༌། བཅུ་པ་གསུམ་པ་ལས་ལྷུང་བཟེད་འཆང་བདང་བརྟད་པ་ལས་བྱུང་བ་དང༌། ཞག་བདུན་ན་འབྲལ་བ་དང་དབྱར་གྱི་རས་ཆེན་གྱི་སྤང་བཞེས་བྱ་བ་བཞི་པོ་དག་སྟེ། རྣམ་པ་བཅུ་གཅིག་པོ་དེ་དག་ནི་དགེ་སློང་མ་རྣམས་ལ་མེད་དོ་ཞེསབཤད་ཅིང༌། རང་གི་རྣམ་བཤད་ལས། རྣམ་པ་བཅུ་གཅིག་པོ་དེ་དག་ནི་འདིར་སྤངས་པའོ། །

ཞེས་གསུངས་སོ། །དེ་རྣམས་ལས་ལྷུང་བཟེད་འཆང་བ་ནི་དགེ་སློང་ཕ་མ་གཉིས་ཀ་ལ་སྤང་ལྟུངདུ་འགྱུར་ཡང༌། དངོས་གཞིར་འགྱུར་བའི་དུས་ཐ་དད་པས་ཐུན་མོང་མ་ཡིན་པར་རྣམ་པར་བཞགགོ །དགོན་པ་པའི་འབྲལ་བ་ནི་དགེ་སློང་མ་རྣམས་ལ་རྣམ་པར་མི་བཞག་སྟེ། དགེ་སློང་མ་རྣམསལ་དགོན་པ་བ་གཞི་མ་གནང་བས་དགོན་པ་བའི་འབྲལ་ལྟུང་གི་བཅས་པ་མེད་པའི་ཕྱིར་རོ། །

དེས་ན་དགེ་སློང་མས་དགོན་པར་གནས་ཏེ་ཆོས་གོས་གྲོང་དུ་བཞག་པ་དང་འབྲལ་བར་བྱེད་ན་ཞག་གཅིག་འབྲལ་བའི་སྤང་ལྟུང་དུ་འགྱུར་རོ། །ལྷུང་བཟེད་འཆང་བ་དང་དགོན་པ་བའིའབྲལ་བ་དེ་གཉིས་མ་གཏོགས་པ་སྲིན་བལ་གྱི་སྟན་བྱེད་པ་ནས། དགེ་སློང་མས་དགེ་སློང་ལབལ་རྨེལ་དུ་འཇུག་པའི་བར་བདུན་པོ་དག་དང་བརྟད་པ་ལས་བྱུང་བ་དང་རས་ཆེན་ལས་གྱུརཔ་སྟེ། དགུ་པོ་དེ་དག་ནི་དགེ་སློང་མ་རྣམས་ལ་ཉེས་བྱས་སུ་རྣམ་པར་བཞག་གོ །དེའང་ལུང་ཞུ་བ་ཆེ་ཤོས་ལས། སྲིན་བལ་གྱི་སྟན་བྱེད་པའི་སྐབས་ལས་དགེ་སློང་མ་རྣམས་ལ་ཉེས་བྱསསོ། །ཞེས་གསུངས་སོ། །དེ་བཞིན་དུ། སྲིན་བལ་འབའ་ཞིག་ཆ་གཉིས་དང༌། །དྲུག་དང་མཐོགང་ལམ་དང་ནི། །འཁྲུ་བ་དང་ནི་བཙལ་སྔ་སྟེ། །ཞེས་བརྒྱད་པོ་དེ་རྣམས་ཀྱི་སྐབས་སུ་ལུང་ཞུབ་གཉིས་ཀ་ལ་དགེ་སློང་མ་རྣམས་ལ་ཉེས་བྱས་སོ་ཞེས་རེ་རེ་ལ་རེ་རེ་གསུངས་སོ། །རྣམ་པརབཞག་པ་གཉིས་པ་ལྟར་ན་གཞན་རྣམས་སྔར་དང་འདྲ་ཞིང༌། སྲིན་བལ་དང་བརྟད་བྱུང་གཉིསསྔར་དང་མི་འདྲ་བ་ནི། ལུང་དགེ་སློང་མའི་རྣམ་འབྱེད་ལས་ཡང་དགེ་སློང་མ་གང་མོན་དརགསར་པ་ལས་སྟན་བྱེད་ན་སྤང་བའི་ལྟུང་བྱེད་དོ། །མོན་དར་ཞེས་བྱ་བ་ནི་སྲིན་བལ་ལ་བྱའོ་ཞེས་གསུངས་ཤིང༌། ལུང་ཞུ་བ་ཉུང་ཤོས་ལས། དགེ་སློང་གི་སྲིན་བལ་གྱི་སྟན་བྱེད་ན་སྤངབའི་ལྟུང་བྱེད་དུ་འགྱུར་བ་དེ་བཞིན་དུ། དགེ་སློང་མས་སྲིན་བལ་གྱི་སྟན་བྱེད་ན་ཡང་སྤངབའི་ལྟུང་བྱེད་དུ་འགྱུར་རོ་ཞེས་བཤད་ཅིང༌། ལུང་ཞུ་བའི་འགྲེལ་བ་ལས། ཁ་ཅིག་དགེ་སློང་མརྣམས་ལ་སྲིན་བལ་གྱི་སྤང་བར་མི་འདོད་དོ། །དེ་ནི་རིགས་པ་མ་ཡིན་ཏེ། ཡང་དགེ་སློང་མགང་སྲིན་བལ་གྱི་སྟན་གསར་པ་བྱེད་ན་སྤང་བའི་ལྟུང་བྱེད་དུ་འགྱུར་རོ། །ཞེས་དགེ་སློང་མའི་རྣམ་པར་འབྱེད་པ་དག་ལས་དེ་རྣམས་ལ་འདི་རྣམ་པར་བཞག་པའི་ཕྱིར་རོ། །ཞེས་བཤད་དོ། །

ལུང་དགེ་སློང་མའི་རྣམ་འབྱེད་ལས་དགེ་སློང་མས་སྟོན་ཟླ་ཐ་ཆུང་ཉར་ཞག་བཅུ་མ་ཚང་བ་ཚུནཆད་དུ་བརྟད་པ་ལས་བྱུང་བའི་གོས་རྙེད་ན་དགེ་སློང་མ་དེས་བླང་བར་བྱའོ། །བླངས་ནས་གོསསྦྱིན་པའི་དུས་ཀྱིས་བར་དུ་བཅང་བར་བྱའོ། །དེ་ལས་འདས་པར་འཆང་ན་སྤང་བའི་ལྟུང་བྱེདདོ་ཞེས་བཤད་ཅིང༌།ལུང་ཞུ་བ་གཉིས་ཀ་ལས་དགེ་སློང་མས་བརྟད་པའི་གོས་དེ་གོས་འབུལ་བའི་དུས་ལས་འདས་པར་བཞག་ན་ཅིར་འགྱུར། སྤང་བར་འགྱུར་རོ་ཞེས་བཤད་དོ། །དེ་ལྟརསྲིན་བལ་དང་བརྟད་པ་ལས་བྱུང་བའི་སྤང་ལྟུང་དེ་གཉིས་དགེ་སློང་མ་རྣམས་ལ་མེད་པརབཤད་པ་དང་ཡོད་པར་བཤད་པ་དེ་གཉིས་ནི་ལག་ལེན་དོག་མཐའ་གཟུང་སྟེ་ལུགས་ཕྱི་མ་ལྟརགཟུང་ངོ༌། ། དེའི་རྒྱུ་མཚན་ནི། རྣམ་བཤད་རིགས་པ་ལས། བཀའ་སྡུད་པ་པོས་ཡང་དགཔར་བསྡུས་པའི་གཞིའི་གཞུང་ཉམས་པར་གསུངས་ལ། སྨན་བླའི་མདོ་ལས། དགེ་སློང་མགང་དག་བསླབ་པའི་གཞི་ལྔ་བརྒྱ་པོ་དག་འཛིན་པ་དང༌། ཞེས་དང༌། མདོ་རྩ་བའི་མཚན་གྱིསྐབས་ཀྱི་འགྲེལ་ཆུང་ལས། དགེ་སློང་མའི་ཁྲིམས་ལྔ་བརྒྱ་བསྲུང་ངོ། །ཞེས་གསུངས་པའིགནད་ཀྱིས་སོ། །

གཉིས་པ་སོ་སོར་བཤད་པ་ལ།

བཅུ་པའོ་ཞེས་པ་ནས། གསོག་འཇོག་ལས་གྱུར་པའོ་ཞེས་པའི་བར་གྱིས་དགེ་སློང་ཕ་མའི་ཐུན་མོང་གི་སྤང་ལྟུང་བཅུ་དགུ་བསྟན་ཏོ། །དེའི་ནང་ནས་ཁྱད་པར་མི་འདྲ་བ་འཁྲུ་བ་ལ་སོགས་པ་ནི་དགེ་སློང་གིའོ་ཞེསཔ་འདི་ནི་དགེ་སློང་མའི་སོ་སོ་ཐར་པ་ལས་ཀྱང་དགེ་སློང་མ་གང་དགེ་སློང་ཉེ་དུ་མ་ཡིན་པའི་གོས་རྙིང་པ་འཁྲུའམ་འཚེད་དམ་འཆག་ན་སྤང་བའི་ལྟུང་བྱེད་དོ་ཞེས་གསུངས་པའི་རྗེས་སུའབྲངས་པའོ། །གཞན་ཡང་ལུང་དགེ་སློང་མའི་རྣམ་འབྱེད་ཀྱི་ལྟུང་བྱེད་འབའ་ཞིག་པའི་སྐབསལས། ཡང་དགེ་སློང་མ་གང་ཉེ་དུ་མ་ཡིན་པའི་གོས་རྙིང་པ་འཁྲུའམ་ཁ་དོག་བསྒྱུར་རམ་འཆགན་ལྟུང་བྱེད་དོ་ཞེས་བཤད་པ་དེ་ཇི་ལྟར་དྲང་ཞེ་ན། དེ་ནི་ལྟུང་བྱེད་འབའ་ཞིག་པའི་སྐབས་ནསབཤད་ཀྱང་སྤང་བའི་ལྟུང་བྱེད་དོ་ཞེས་དགོངས་པར་རིགས་ཞེས་མཚོ་ཊཱིཀ་ལས་གསུངས་སོ། །

དགེ་སློང་མའི་སྤང་བའི་ལྟུང་བྱེད། འཆང་བའི་སྤང་བ་ལ་སོགས་པ་དགེ་སློང་དང་ཐུན་མོང་བ་བཅུ་དགུའོ་ཞེས་དངོས་སུ་སྨོས་པས། སྲིན་བལ་ལ་སོགས་པ་བཅུ་གཅིག་ཐུན་མོང་མ་ཡིནཔར་ཤུགས་ཀྱིས་བསྟན་ཏོ། །

གཉིས་པ་དགེ་སློང་མའི་སྤང་ལྟུང་ཐུན་མོང་མ་ཡིན་པ་བཅུ་བཞི་འཆད་པ་ལ།

སྤྱིར་བཤད་པ་དང༌། སོ་སོར་བཤད་པ་དང་གཉིས། དང་པོ་དགེ་སློང་མའི་རྣམ་འབྱེད་ཀྱིས་བརྗོད་པརྣམས་དགེ་སློང་ཕ་ལ་ཅིར་འགྱུར་ནི། ལྷུང་བཟེད་བྱིན་གྱིས་མ་བརླབས་པར་ཞག་གཅིག་ལསའདས་པར་འཆང་བ་དང༌། ཆོས་གོས་ཟླ་བ་ཕྱེད་ཕྱེད་ཅིང་བྱིན་གྱིས་མི་རློབ་པ་དང༌། གོས་ལྕིབ་དང་ཡང་བ་བསྟེན་པ་སྟེ། བཞི་ནི་དགེ་སློང་ལ་ཉེས་པ་མེད་དེ། དེ་རྣམས་ཀྱི་དབང་དུ་བྱ་བའིདགག་བྱ་སྐྱེས་པ་ལ་མེད་པའི་ཕྱིར་རོ། །དེ་དག་མ་གཏོགས་པ་གཞན་བཅུ་གཅིག་ནི་དགེ་སློངལ་ཉེས་བྱས་སུ་འགྱུར་ཏེ། དེ་རྣམས་ཀྱི་དབང་དུ་བྱ་བའི་དགག་བྱ་སྐྱེས་པ་ལ་མ་རྫོགས་པ་ཡོདཔའི་ཕྱིར་རོ། །འོ་ན་འདིར་ཐུན་མོང་མ་ཡིན་པ་བཅུ་བཞི་ལ་ཕྱེ་བས་ཉེས་མེད་བཞི་དང་ཉེས་བྱསསུ་འགྱུར་བ་བཅུ་གཅིག་འོང་བའི་རྒྱུ་མཚན་ཅི་ཞེ་ན། བྱིན་གྱིས་མི་རློབ་པའི་སྤང་བ་ལ་གཉིསཡོད་དེ། ཆོས་གོས་ཉི་མ་དང་པོ་ལ་བྱིན་གྱིས་མི་རློབ་པ་དང༌། ཆོས་གོས་ཟླ་བ་ཕྱེད་ཕྱེད་ཅིངབྱིན་གྱིས་མི་རློབ་པའོ། །ཕྱི་མ་ནི་དགེ་སློང་ལ་ཉེས་པ་མེད་ལ། སྔ་མ་ནི་དགེ་སློང་ལ་ཉེས་བྱས་སུ་འགྱུར་བའི་ཕྱིར་རོ། །དེའང་བྱིན་གྱིས་བརླབས་པའི་ཆོས་གོས་མེད་པའི་ཉེས་བྱས་སོ། །

གཉིས་པ་སོ་སོར་བཤད་པ་ལ་བཅུ་བཞི་ལས།

དང་པོ་ལྷུང་བཟེད་འཆང་བ་འདི་ལགསུམ་ལས། དང་པོ་གླེང་གཞི་ནི་བཅུ་གཉིས་སྡེ་རྣམས་ལྷུང་བཟེད་རྙེད་པ་རྣམས་གསོག་པརབྱེད་ཅིང༌། བདག་ཉིད་ཀྱང་སྤྱད་པར་མི་བྱེད། གཞན་ལ་ཡང་སྦྱིན་པར་མི་བྱེད་པ་ལས་བཅསསོ། །གཉིས་པ་དགག་བྱ་ནི་སྣོད་སྤྱད་ལ་ཆགས་པ་འཕེལ་བའོ། །གསུམ་པ་ངོ་བོ་ནི་དགེ་སློངམས་རང་དབང་བའི་ལྷུང་བཟེད་བྱིན་གྱིས་བརླབས་པ་ལས་ལྷག་པ་དེ་བྱིན་རླབས་གང་ཡང་མེད་པར་ཞག་གཅིག་ལས་འདས་པར་འཆང་བ་ལས་གྱུར་བའི་ལྟུང་བ་དངོས་གཞིའོ། །དགེསློང་གི་ལྷུང་བཟེད་འཆང་བ་ལ་ཞག་བཅུ་འདས་དགོས་ཀྱང༌། དགེ་སློང་མའི་ལྷུང་བཟེད་འཆངབ་ལ་ཞག་གཅིག་འདས་པས་ཆོག་པའི་རྒྱུ་མཚན་ནི། ཊཱི་ཀ་ལས། བུད་མེད་རྣམས་ནི་ཡོ་བྱདལས་ལྷག་པར་ཆགས་པ་ཤིན་ཏུ་དམ་པས་ན། ཞེས་སོ། །

གཉིས་པ་བྱིན་གྱིས་མི་རློབ་པའི་སྤང་བ་ལ་གཉིས་ལས་ཆོས་གོས་ཉི་མ་དང་པོ་ལ་བྱིན་གྱིས་མི་རློབ་པ་འདི་ལ་གསུམ་ལས། དང་པོ་གླེང་གཞི་ནི་འདུལ་བའི་ལུང་དང་བསྟན་བཅོས་གང་ནའངམི་སྣང་ཞེས་མཚོ་ཊཱིཀ་ལས་སོ། །གཉིས་པ་དགག་བྱ་ནི་དགེ་སློང་མའི་ཁྱད་པར་གྱི་ཆ་ལུགས་ཉམསཔར་འགྱུར་བའོ། །གསུམ་པ་ངོ་བོ་ནི་དགེ་སློང་མས་བྱིན་གྱིས་བརླབ་ཏུ་རུང་བའི་ཆོས་གོསལྔ་ལས་གང་ཡང་རུང་བ་མེད་ཅིང་བྱིན་གྱིས་བརླབ་པར་འོས་པའི་ཆོས་གོས་དེ་གསར་དུ་རྙེད་ན་ནམ་རྙེད་པའི་ཉི་མ་དང་པོ་ལ་བྱིན་གྱིས་མ་བརླབས་ན་ཞག་གཅིག་གི་མཚན་མོ་མཐའི་སྐདཅིག་འདས་ཏེ་སྐྱ་རེངས་དང་པོ་ཤར་བའི་དངོས་གཞིའི་ལྟུང་བའོ། །

གཉིས་པ་ཟླ་བ་ཕྱེད་ཕྱེད་ཅིང་བྱིན་གྱིས་མི་རློབ་པ་འདི་ལ་གསུམ་ལས། དང་པོ་གླེངགཞི་ནི་མའི་རྣམ་འབྱེད་ཀྱི་སྐབས་གཞན་ལས་དང༌། དགེ་སློང་མའི་སོ་སོ་ཐར་པའི་འགྲེལ་པ་ལས། བུད་མེད་ནི་བརྗེད་ངས་པ་ཡིན་པས་དགེ་སློང་མ་རྣམས་ཀྱིས་ཆོས་གོས་བྱིན་གྱིས་བརླབསཔ་བརྗེད་ནས་ཆོས་གོས་གང་དག་བྱིན་གྱིས་བརླབས་པ་དང་མ་བརླབས་པ་མ་ཤེས་ཏེ། བྱིནགྱིས་བརླབས་པའི་སྣམ་སྦྱར་གང་ཡིན། བླ་གོས་གང་ཡིན། མཐང་གོས་དང་རྔུལ་གཟན་གངཡིན་མི་ཤེས་པར་གྱུར་ནས། དགེ་སློང་མ་རྣམས་ཀྱིས་ཟླ་བ་ཕྱེད་ཕྱེད་ཅིང་ཆོས་གོས་རྣམས་བྱིནགྱིས་རློབ་པར་གྱིས་ཤིག་ཅེས་བཀའ་སྩལ་པ་ན། སྦོམ་དགའ་མོས་ཟླ་བ་ཕྱེད་ཕྱེད་ཅིང་ཆོསགོས་བྱིན་གྱིས་རློབ་པར་མི་བྱེད་པ་ལས་བཅས་སོ། །གཉིས་པ་དགག་བྱ་ནི་གོས་ལ་ཆགས་པའིཉོན་མོངས་པ་འཕེལ་བའོ། །གསུམ་པ་ངོ་བོ་ནི་དགེ་སློང་མས་རང་གི་ཆོས་གོས་ལྔ་ལས་གངརུང་བ་སྔར་བྱིན་གྱིས་བརླབས་ཟིན་པ་དེ་ཡང་ཟླ་བ་ཕྱེད་ཕྱེད་ཅིང་བྱིན་རླབས་བསྐྱར་དགོས་པ་ལས་བྱིན་གྱིས་མ་བརླབས་ན་ཞག་བཅུ་དྲུག་པའི་སྐྱ་རེངས་དང་པོ་ཤར་བའི་དངོས་གཞིའི་ལྟུང་བའོ། །ཟླ་བ་ཕྱེད་ཅིང་བྱིན་གྱིས་རློབ་པ་འདི་བྱིན་རླབས་བསྐྱར་བ་ཡིན་གྱི། སྔར་གྱི་བྱིནརླབས་ཞིག་ནས་བྱིན་གྱིས་རློབ་པ་ནི་མ་ཡིན་ནོ། །

གསུམ་པ་སྲ་བརྐྱང་འབྱིན་པའི་སྤང་བ་བཤད་པ་ལ་གསུམ་ལས།

དང་པོ་གླེང་གཞིནི་སྦོམ་དགའ་མོས་སྲ་བརྐྱང་དུས་ཀྱི་སྔ་རོལ་ཏུ་ཕྱུང་བ་ལས་བཅས་སོ། །གཉིས་པ་དགག་བྱནི་རང་རིགས་ཀྱི་དགེ་འདུན་མ་ལ་གནོད་པའོ། །གསུམ་པ་ངོ་བོ་ནི་དགེ་སློང་མས་སྲ་བརྐྱངབཏིང་བ་ལ་མ་ཞིག་པ་དེ་དུས་ཀྱི་སྔ་རོལ་ཏུ་རྐྱེན་མེད་པར་གསོལ་བཞིའི་ལས་ཀྱིས་ཕྱུང་བའི་ལྟུང་བ་དངོས་གཞིའོ། །

བཞི་བ་སྲ་བརྐྱང་མི་འབྱིན་པའི་སྤང་བ་བཤད་པ་ལ་གསུམ་ལས། དང་པོ་གླེང་གཞིནི་སྦོམ་དགའ་མོས་ཁོ་མོ་སྡེ་སྣོད་གསུམ་པ་ཡིན་པས་སྲ་བརྐྱང་དབྱུང་བའི་དུས་ཤེས་སོ་ཞེས་ཟེར་ཞིང་སྲ་བརྐྱང་དབྱུང་བའི་དུས་སུ་མ་ཕྱུང་བ་ལས་བཅས་སོ། །གཉིས་པ་དགག་བྱ་ནི་སྲབརྐྱང་གི་གོས་ལ་མ་གུས་པའོ། །གསུམ་པ་ངོ་བོ་ནི་སྲ་བརྐྱང་དུས་སུ་མི་འབྱིན་པ་ལ་སྟེ་དགེའདུན་མ་རྣམས་སྲ་བརྐྱང་དུས་སུ་འབྱིན་པར་འདོད་པ་ན་སྲ་བརྐྱང་བཏིང་བ་དང་ལྡན་པའི་དགེསློང་མས་སྲ་བརྐྱང་འབྱིན་པ་ལ་ཚོགས་པ་སྦྱིན་པར་མི་བྱེད་པའི་ལྟུང་བ་དངོས་གཞིའོ། །

ལྔ་བ་རིན་པོ་ཆེ་སློང་བའི་སྤང་བ་བཤད་པ་ལ་གསུམ་ལས།

དང་པོ་གླེང་གཞི་ནི་སྦོམདགའ་མོས་གསེར་མགར་གྱི་ཆུང་མ་ལ་གསེར་གྱི་རྣ་གདུབ་བླངས་པ་ན། དེ་ཅང་མི་སྨྲ་བརའདུག་པ་དང༌། སྦོམ་དགའ་མོས་རྣ་གདུབ་དེ་ཁྱེར་ཏེ་སོང་བ་ན། གསེར་མགར་གྱིས་དེར་རྒྱུགསཏེ་མགོ་རེག་མ། ངན་པ་མོ་ཞེས་སྨྲས་ནས། དེས་དེ་ལ་ཁུ་ཚུར་གྱིས་བསྣུན་ནས། ཁ་ནས་ཁྲགབྱུང་བྱུང་དུ་བརྡེགས་ཏེ། མིག་ཕུགས་སྐྲངས་པར་གྱུར་པ་ལས་བཅས་སོ། །གཉིས་པ་དགགབྱ་ནི་དངོས་པོ་ཁྱད་པར་ཅན་ལ་ཆགས་པ་དང་གཞན་གྱི་ལོངས་སྤྱོད་ལ་གནོད་པའོ། །གསུམ་པ་ངོ་བོ་ནི་དགེ་སློང་མས་ཁྱིམ་པ་ལ་དབྱིག་དང་གསེར་ལ་སོགས་པ་རིན་པོ་ཆེ་རང་དོན་དུ་ངགགི་རིག་བྱེད་ཀྱིས་སློང་བ་ལ་ཐོབ་ཅིང་ཐོབ་བློ་སྐྱེས་པར་གྱུར་བའི་ལྟུང་བ་དངོས་གཞིའོ། །

དྲུག་པ་གོས་ཟ་བའི་སྤང་བ་བཤད་པ་ལ་གསུམ་ལས།

དང་པོ་གླེང་གཞི་ནི་སྦོམ་དགའ་མོས་ཆོས་གོས་ལྔ་རྙིངས་ཤིང༌། བུད་མེད་རྣམས་ལ་ཆོས་སྟོན་པ་ན།

དེ་དག་གི་སྐུད་པ་དག་བསྟན་ནས་འཕགས་མའི་ཆེད་དུ་འདི་རྣམས་གོས་འཐག་ཏུ་བཅུག་ནསའབུལ་ལོ་ཞེས་ཟེར་བ་ནི། ཁྱེད་ཀྱིས་དགེ་སློང་མའི་གོས་ཇི་ལྟར་བྱ་བ་མི་ཤེས་པས། ཁོ་མོ་རངགིས་བཏག་གོ་ཞེས་སྐུད་པ་དེ་རྣམས་ཁྱེར་ནས་ཀར་ཤ་པ་ནར་བཙོངས་ཏེ། དེ་དག་གིས་ཁ་ཟསཉོས་ནས་གཡོས་ཀྱི་རྣམ་གྲངས་བཅོ་བརྒྱད་པ་བྱས་ཏེ་ཟོས་ནས། ཁོ་མོ་སྡེ་སྣོད་གསུམ་པ་བཡིན་པས་ཁ་ཟས་ངན་པས་འཚོ་བར་མི་ནུས་ཞེས་སྨྲས་པ་དང༌། དགེ་སློང་མ་རྣམས་ཀྱིས་འཕྱ་བར་བྱེད་པ་ལས་བཅས་སོ། །གཉིས་པ་དགག་བྱ་ནི་ཟས་ལ་ཆགས་པ་དང་གཞན་དག་མ་དདཔའོ། །གསུམ་པ་ངོ་བོ་ནི་དགེ་སློང་མས་ཟས་ལས་གཞན་གླེགས་བམ་འདྲི་བ་ལ་སོགས་པརྣམས་ཀྱི་ཆེད་དུ་རྙེད་པའི་གོས་དེ་ཟས་སུ་བསྒྱུར་བར་བྱས་ཏེ་བཟའ་བའི་ཕྱིར་འཇོག་པ་ལས་གྱུར་བའི་ལྟུང་བ་དངོས་གཞིའོ། །དེའང་བཞག་པ་ལས་སྤང་བར་འགྱུར་བ་སྟེ། ཟོས་ཟིན་པཉིད་ནི་སྤང་དུ་མེད་པའི་ལྟུང་བྱེད་འབའ་ཞིག་བཤགས་པར་བྱའོ་ཞེས་དེ་ལྟར་ཊཱི་ཀའི་སྐབས་གཞན་ལས་བཤད་དོ། །

བདུན་པ་བརྒྱད་པ་དགུ་བ་གསུམ་བཤད་པ་ལ་གསུམ་ལས།

དང་པོ་གླེང་གཞི་ལ་གོས་རྒྱུ་ཟ་བའི་གླེང་གཞི་ནི་སྦོམ་དགའ་མོས་ཆོས་གོས་ལྔ་རྙིངས་ཤིང་བཙུན་མོ་ཕྲེང་ལྡན་མརཆོས་སྟོན་པ་ན། འཕགས་མ་ཁྱོད་ཀྱི་ཆོས་གོས་རྣམས་རྙིངས་སོ་ཞེས་ཟེར་བ་ལས། དེས་སྨྲས་པ། ཅི་བདག་ལ་རྒྱལ་པོ་གསུས་པོ་ཆེ་ཁད་བགྱིད་དམ། འོན་ཏེ་དཔྱ་བསྡུ་བའི་ཡུལ་ཀོ་ས་ལབདོག་གམ་ཅི། བུད་མེད་ནི་རྙེད་པ་ཆུང་བ་ལགས་སོ། །དེ་ནས་བཙུན་མོས་ཆོས་གོས་ལྔའིརྒྱུར་རས་ཡུག་ཆེན་དག་བྱིན་ནོ། །དེས་བླངས་ཏེ་འཚོང་པ་ལ་བཙོངས་ནས་ཁ་ཟས་ཀྱི་རྣམགྲངས་བཅོ་བརྒྱད་པ་བྱས་ཏེ་ཟོས་པ་ལས། དོན་ཉུང་བའི་དགེ་སློང་མ་རྣམས་ཀྱིས་སྨོད་པར་བྱེད་པ་ལས་གོས་ཀྱི་རྒྱུ་ཟ་བའི་སྤང་བར་བཅས་སོ། །

བརྒྱད་པ་མལ་ཆའི་རྒྱུ་ཟ་བའི་གླེང་གཞི་ནི།

དབྱར་ཁང་གི་གནས་མལ་ཁྲི་དང་ཁྲིའུ་ལསོགས་པ་གྲུགས་ཤིང་ཆག་པ་ན། སྦོམ་དགའ་མོ་ལ་ཁྱིམ་བདག་གི་ཆུང་མ་རྣམས་ཀྱིས་མལ་ཆབཅོས་པའི་ཕྱིར་ཀར་ཤ་པ་ན་མང་པོ་བྱིན་པ་ན། དེ་དག་བཙོངས་ནས་ཁ་ཟས་ཀྱི་རྣམ་གྲངས་བཅོ་བརྒྱད་པ་བྱས་ཏེ་ཟོས་པ་ལས་མལ་ཆའི་རྒྱུ་ཟ་བའི་སྤང་བར་བཅས་སོ། །

དགུ་བ་དབྱར་ཁང་གི་རྒྱུ་ཟ་བའི་གླེང་གཞི་ནི།

ཚེས་བརྒྱད་དང་བཅོ་ལྔ་ལ་ཁྱིམ་བདགགི་ཆུང་མ་མང་པོས་ཆོས་མཉན་པའི་ཕྱིར་དབྱར་ཁང་དུ་འོངས་པ་ན། ཆར་བབ་པས་དབྱར་ཁངཐམས་ཅད་ཐིགས་པ་འཛག་པར་གྱུར་ཏོ། །དེ་ནས་ཆུང་མ་དེ་རྣམས་ཀྱིས་སྦོམ་དགའ་མོ་ལ། དབྱར་ཁང་བཅོས་པའི་ཕྱིར་ཀར་ཤ་པ་ན་མང་པོ་བྱིན་པ་དེ་དག་བཙོངས་ནས་ཁ་ཟས་ཀྱི་རྣམ་གྲངས་བཅོ་བརྒྱད་པ་བྱས་ཏེ་ཟོས་པ་ལས་དབྱར་ཁང་གི་རྒྱུ་ཟ་བའི་སྤང་བར་བཅས་སོ། །གཉིསཔ་དགག་བྱ་ནི་ཟས་ལ་ཆགས་པ་འཕེལ་བའོ། །གསུམ་པ་ངོ་བོ་ནི་དགེ་སློང་མས་གོས་དངམལ་ཆ་དང་དབྱར་ཁང་གི་ཆེད་དུ་རྙེད་པའི་དངོས་པོ་གོས་ལས་གཞན་པ་གང་ཡང་རུང་བ་དེ་ཟས་སུ་བྱས་ཏེ་བཟའ་བའི་ཕྱིར་འཇོག་པ་ལས་གྱུར་བའི་ལྟུང་བ་དངོས་གཞི་དེ་སྤང་བའི་ལྟུངབྱེད་འདི་གསུམ་དུ་འགྱུར་རོ། །

བཅུ་པ་སྐྱེ་བོ་མང་པོ་ལ་བསྔོས་པ་བྱིན་གྱིས་བརླབ་པའི་སྤང་བ་དང་བཅུ་གཅིག་པ་དགེའདུན་ལ་བསྔོས་པ་བྱིན་གྱིས་རློབ་པའི་སྤང་བ་གཉིས་བཤད་པ་ལ་གསུམ་ལས། དང་པོ་གླེངགཞི་ནི་ལྗོངས་གཞན་ནས་དགེ་སློང་མ་རབ་ཏུ་མང་པོ་མཉན་ཡོད་དུ་གློ་བུར་དུ་ལྷགས་པ་དང༌།

དགེ་སློང་མ་རབ་ཏུ་མང་པོ་དེ་དག་གི་ཕྱིར་ཁྱིམ་བདག་གི་ཆུང་མ་རྣམས་ཀྱིས་རྙེད་པ་མང་དུགཏད་ནས། གདུགས་ཚོད་མཛོད་ཅིག་ཅེས་སྨྲས་པ་ན། སྦོམ་དགའ་མོས་སྨྲས་པ། འདི་འདྲཉུང་གི་ཡང་དང་ཡང་དུ་སྣོན་ཅིག དེ་དག་གིས་ཡང་དང་ཡང་དུ་བྱིན་ནས་ཀྱང་ད་ནི་གདུགས་ཚོད་བགྱི་བའི་དུས་ལ་བབ་བོ་ཞེས་བསྐུལ་ཡང༌། ད་དུང་ཟན་བྱ་བའི་དུས་ལ་མ་བབ་བོ་ཞེས་ ཟེར་རོ། །དེ་ནས་དགེ་སློང་མ་དེ་རྣམས་ཡུལ་ལྗོངས་གཞན་དུ་སོང་བའི་ཚེ། རྙེད་པ་དེ་ལས་སྦོམདགའ་མོས་ཁ་ཟས་ཀྱི་རྣམ་གྲངས་བཅོ་བརྒྱད་པ་བྱས་ཏེ་ཟོས་པ་ལས་སྐྱེ་བོ་མང་པོ་ལ་བསྔོས་པ་བྱིན་གྱིས་བརླབ་པའི་སྤང་བར་བཅས་ཤིང༌། སྦོམ་དགའ་མོས་དགེ་འདུན་མའི་ཕྱིར་ཟསདག་སྐུལ་བར་བྱེད་པ་ན། ཁྱིམ་བདག་གི་ཆུང་མ་རྣམས་ཀྱིས་དགེ་འདུན་མའི་ཟས་ཀྱི་རྙེད་པཕུལ་བ་ལ། འདི་འདྲ་ཉུང་ངོ་ཞེས་ཡང་དང་ཡང་དུ་བསླངས་ནས། སྦོམ་དགའ་མོ་གཅིག་པུསཁ་ཟས་ཀྱི་རྣམ་གྲངས་བཅོ་བརྒྱད་པ་བྱས་ཏེ་ཟོས་པ་ལས་དགེ་འདུན་ལ་བསྔོས་པ་བྱིན་གྱིསབརླབ་པའི་སྤང་བར་བཅས་སོ། །གཉིས་པ་དགག་བྱ་ནི། བྱ་བ་སོ་སོ་དང་འབྲེལ་ནས་རངརིགས་དགེ་འདུན་མའི་འཚོ་བ་ལ་གནོད་པའོ། །གསུམ་པ་ངོ་བོ་ནི་སྐབས་འདིའི་སྤང་ལྟུངའདི་གཉིས་ཀྱི་ཁྱད་པར་ནི་རང་གི་རྣམ་བཤད་དང་ཊཱི་ཀ་ལས། བཞི་ལ་སོགས་པའི་གྲངསཚད་ཡོད་མེད་ཀྱིས་ཕྱེ་བར་གསུངས་ཏེ། དེའང་སྔ་མ་ནི་དགེ་སློང་མས་དགེ་སློང་མའི་སྐྱེ་བོ་མངཔོ་སྟེ་བཞི་ཡན་ཆད་གྲངས་ཆད་པ་ཁ་ཅིག་གི་ཕྱིར་ཟས་ཀྱི་རྙེད་པ་སྦྱིན་བདག་ལ་སྦྱོར་དུ་བཅུགནས་རང་ཉིད་གཅིག་པུ་ལ་ཡོངས་སུ་བསྒྱུར་བ་སྟེ་བསྒྱུར་ཞིང་འཇོག་པ་ལ་སྤང་བའི་ལྟུང་བྱེད་དུ་འགྱུར་བའོ། །ཕྱི་མ་ནི་དགེ་སློང་མའི་དགེ་འདུན་གྱི་ཕྱིར་ཏེ་གྲངས་ཆད་པ་མེད་པར་དགེའདུན་མ་སྤྱིའི་ཕྱིར་ཡང་ངོ་སྟེ་སྦྱོར་དུ་བཅུག་ནས་རང་ལ་ཡོངས་སུ་བསྒྱུར་བ་ལའོ་ཞེས་སྔ་མརསྦྱར་ཏེ། བསྒྱུར་ཞིང་འཇོག་པ་ལ་སྤང་བའི་ལྟུང་བྱེད་དུ་འགྱུར་རོ། །

བཅུ་གཉིས་པ་བཅིངས་པ་འགྲོལ་དུ་འཇུག་པའི་སྤང་བ་ལ་གསུམ་ལས།

དང་པོ་གླེངགཞི་ནི་སྦོམ་དགའ་མོ་སྤོས་འཚོང་གི་ཁྱེའུ་ལ་ཆགས་པས། བཞིན་བཟང་རྒེའུ་ཤེར་གྱི་ཐུམ་པོཆིངས་ཤིག དེ་འཆིང་བ་ལ་ཞུགས་པ་དང༌། མ་ཡིན། མ་ཡིན། པི་པི་ལིང་གི་ཐུམ་པོ་ཆིངསཤིག བུད་མེད་ནི་བརྗེད་ངས་པ་ཡིན་པས་བུ་རམ་གྱི་ཐུམ་བུ་ཆིངས་ཤིག མ་ཡིན། མ་ཡིན།

ཤ་ཁ་རའི་ཐུམ་པོ་ཆིངས་ཤིག དེ་ལ་ཕྱི་བཞིན་འབྲང་བའི་དགེ་སློང་མས་སྨྲས་པ། དེ་ཙམ་ཡང་བརྗེད་ན་ཁྱོད་ཀྱིས་སྡེ་སྣོད་གསུམ་པོ་ལེགས་པར་སྟོན་ནམ། བླུན་མོ་ཁོ་མོས་བརྗེད་སྙམ་མམ། ཁོ་མོ་ཚིག་ཙམ་བདག་གིར་བྱེད་དོ་ཞེས་ཟེར་བ་ལས་བཅས་སོ། །གཉིས་པ་དགག་བྱ་ནི་འཁྲིགཔའི་འདོད་ཆགས་འཕེལ་བའོ། །གསུམ་པ་ངོ་བོ་ནི་སྐྱེས་པ་ལ་ཆགས་པའི་དགེ་སློང་མས་རངགི་ཚིག་ཉན་དུ་གཞུག་པའི་ཕྱིར་སྐྱེས་པ་འཁྲིག་པ་བསྟེན་པའི་མཐུ་ཡོད་ཅིང་དོན་གོ་བར་ནུས་པ་ལ་རྫས་ཀྱི་ཐུམ་པོ་འཆིང་དུ་བཅུག་ཅིང་བཅིངས་པ་འགྲོལ་དུ་འཇུག་པ་ལས་གྱུར་བའི་དངོསགཞིའོ། །

བཅུ་གསུམ་པ་གོས་ལྕི་བ་བསྟེན་པའི་སྤང་པ་འཆད་པ་ལ་གསུམ་ལས།

དང་པོ་གླེང་གཞིནི་ཡུལ་ལུས་འཕགས་ཀྱི་རྒྱལ་པོས་རྒྱལ་པོ་གསལ་རྒྱལ་ལ། ལྭ་བ་རིན་པོ་ཆེ་སྐྱེས་སུ་བསྐུརབ་དེ་རལ་གྲི་མཐུ་ཅན་པའི་དམག་མི་རྣམས་ལ་བྱིན་ནོ། །དེ་རྣམས་ཀྱིས་དགེ་སློང་མ་ཆོས་སྦྱིནམ་ལ་བྱིན་ཞིང༌། དེས་ཀྱང་གཙུག་དགའ་མོ་ལ་བྱིན་ནས། དེས་དེ་གོན་ཏེ་ལམ་པོ་ཆེ་དག་ཏུའཁྱམས་པ་ན། དེ་ཁྱིམ་པ་རྣམས་ཀྱིས་མཐོང་ནས། ཕ་གི་ཚོང་དཔོན་གྱི་ཆུང་མའམ་དེད་དཔོནགྱི་ཆུང་མའམ་སུ་ཞིག་ཡིན་ཞེས་སྨོད་པར་བྱེད་པ་ལས་བཅས་སོ། །གཉིས་པ་དགག་བྱ་ནི་གོསལྕི་བ་ལ་ཆགས་པའོ། །གསུམ་པ་ངོ་བོ་ནི། ལྗིད་ཀྱིས་ལྕི་བ་སྲང་བརྒྱ་པ་ལ་སོགས་པ་དང༌། རིནགྱིས་ལྕི་བ་ཀར་ཤ་པ་ན་ཉི་ཤུ་ལ་སོགས་པ་རི་བའི་གོས་དགེ་སློང་མས་བདག་གིར་བྱེད་པ་ལསགྱུར་བའི་ལྟུང་བའི་དངོས་གཞིའོ། །

བཅུ་བཞི་པ་གོས་ཡང་བ་བསྟེན་པའི་སྤང་བ་འཆད་པ་ལ་གསུམ་ལས།

དང་པོ་གླེངགཞི་ནི་ཡུལ་ཀ་ལིང་ཀའི་རྒྱལ་པོས་རྒྱལ་པོ་གསལ་རྒྱལ་ལ་སང་རས་རིན་ཆེ་བ་སྐྱེས་སུ་བསྐུརབ་དེ། རལ་གྲི་མཐུ་ཅན་པའི་དམག་མི་རྣམས་ལ་བྱིན་ནོ། །དེ་རྣམས་ཀྱིས་དགེ་སློང་མ་ཆོསསྦྱིན་མ་ལ་བྱིན་ཞིང༌། དེས་ཀྱང་གཙུག་དགའ་མོ་ལ་བྱིན་ནས། དེས་གྱོན་ཏེ་ལམ་སྲང་དུ་ཞུགསཔ་ན། དེའི་ལུས་གཡོགས་ཀྱང་སྒྲེན་མོ་འདྲ་བར་སྣང་ངོ༌། །དེ་ཁྱིམ་པ་རྣམས་ཀྱིས་མཐོང་ནས། ཕ་གི་ཚོང་དཔོན་གྱི་བུ་མོའམ་དེད་དཔོན་གྱི་ཆུང་མའམ་སུ་ཞིག་ཡིན་ཞེས་སྨོད་པར་བྱས་པ་ལསབཅས་སོ། །གཉིས་པ་དགག་བྱ་ནི་གོས་ཡང་བ་ལ་ཆགས་པའོ། །གསུམ་པ་ངོ་བོ་ནི། ལུངདགེ་སློང་མའི་རྣམ་འབྱེད་ལས་ཀར་ཤ་པ་ན་ཉི་ཤུ་རི་ཞིང༌། ལྗིད་སྲང་ལྔ་པའི་མཐར་ཐུག་པའིགོས་དགེ་སློང་མས་བདག་གིར་བྱས་པ་ལས་གྱུར་བའི་ལྟུང་བ་དངོས་གཞིའོ། །ལུང་ལས། སྲངལྔ་པ་ཞེས་བྱ་བ་ནི་སྲང་ལྔ་པའམ་ལྔ་པ་ལས་ཆུང་བའོ། །ཞེས་གསུངས་ཤིང༌། ཊཱི་ཀ་ལས། གོསཡང་བ་ཞེས་བྱ་བ་ནི་ལྗིད་ཀྱིས་ཡང་བ་ཉི་ཚེ་ལ་བྱ་སྟེ། འདིར་རིན་ཐང་གིས་ཡང་བར་ནི་མི་སྦྱརཏེ། ཀར་ཤ་པ་ན་ཉི་ཤུ་མི་རི་བ་ལ་ཉེས་པ་མེད་དོ། །ཞེས་སོ། །དགེ་སློང་མའི་སྤང་བའི་ལྟུངབྱེད་རྣམས་ཀྱི་བཤད་པ་རྫོགས་སོ།། །།

གཉིས་པ་དགེ་སློང་མའི་ལྟུང་བྱེད་འབའ་ཞིག་པ་བརྒྱ་དང་བརྒྱད་ཅུ་འཆད་པ་ལ།

ཐུནམོང་བ་བདུན་ཅུ་རྩ་གཉིས་སུ་དབྱེ་བ་དང༌། ཐུན་མོང་མ་ཡིན་པ་བརྒྱ་རྩ་བརྒྱད་དུ་དབྱེ་བ་དང་གཉིས། དང་པོ་ནི་དགེ་སློང་གི་ལྟུང་བྱེད་འབའ་ཞིག་པ་དགུ་བཅུ་ལས། གཞུང་འོག་མས་སྟོནཔའི་དམིགས་བསལ་བཅོ་བརྒྱད་པོ་མ་གཏོགས་པ་བདུན་ཅུ་རྩ་གཉིས་ནི་དགེ་སློང་དང་དགེ་སློང་མའི་ལྟུང་བྱེད་ཐུན་མོང་བ་ཡིན་ནོ། །དེའང་ཤེས་བཞིན་རྫུན་སྨྲ་བ་ལ་སོགས་པ་མཚན་ཉིདཅི་འདྲ་བའི་ཐུན་མོང་བ་སུམ་ཅུ་རྩ་ལྔ་དང༌། སྐྱོན་ནས་སྨྲ་བ་ལ་སོགས་པ་མིང་ཙམ་གྱི་ཐུན་མོངབ་སུམ་ཅུ་རྩ་བདུན་ནོ། །དེའང་གནས་ངན་ལེན་འཆབ་པ་ལ་གཉིས་ལས། མཚན་མཐུན་གྱིལྷག་མ་འཆབ་པའི་ལྟུང་བྱེད་ནི། ཐུན་མོང་བ་བདུན་ཅུ་རྩ་གཉིས་ཀྱི་གྲངས་སུ་གཏོགས་ལ། མཚན་མཐུན་གྱི་ཕམ་པ་འཆབ་པ་ནི་ཐུན་མོང་མ་ཡིན་པ་སྟེ། དགེ་སློང་ལ་ལྟུང་བྱེད་དུ་འགྱུར་ཡང༌། དགེ་སློང་མ་ནི་འཆབ་པའི་ཕམ་པར་འགྱུར་བའོ། །བདུན་ཅུ་རྩ་གཉིས་པོ་དེ་དག་གཞནསེལ་གྱི་སྒོ་ནས་ངོས་བཟུང་བ་ནི། མ་བསྐོས་པ་ལ་སོགས་པ་བཅུ་དང་ཞེས་པ་ལ་སོགས་པ་བཅོབརྒྱད་ནི། སོ་སོ་ཐར་པའི་མདོར་དགེ་སློང་ཕ་མའི་ལྟུང་བྱེད་ཐུན་མོང་དུ་རྣམ་པར་བཞག་པ་ལམ་གཏོགས་སོ། །དེ་དག་གི་རྒྱུ་མཚན་ནི་མ་བསྐོས་པར་ཆོས་སྟོན་པ་དང༌། ཉི་མ་ནུབ་ཀྱི་བར་དུཆོས་སྟོན་པ་དང༌། ཟས་ཅུང་ཟད་ཙམ་གྱི་ཕྱིར་ཆོས་སྟོན་པ་ལས་གྱུར་པ་སྟེ། གསུམ་པོ་དེ་དགནི་དགེ་སློང་མ་རྣམས་ལ་ལྟུང་བྱེད་དུ་རྣམ་པར་མི་བཞག་སྟེ། ཊཱི་ཀ་ལས། དགེ་སློང་མ་རྣམསཀྱིས་དགེ་སློང་དག་ལ་ཆོས་བརྟེན་པར་བྱ་བ་མ་ཡིན་པའི་ཕྱིར་རོ། །ཞེས་གསུངས་ཏེ། སྤྱིར་བཏངལ་བསྟན་པར་བྱ་བ་མ་ཡིན་པའོ། །གོས་སྦྱིན་པ་དང་གོས་བྱེད་པ་གཉིས་ཀྱང་དགེ་སློང་མ་རྣམསལ་ལྟུང་བྱེད་དུ་རྣམ་པར་མི་བཞག་སྟེ། ཊཱི་ཀ་ལས། དགེ་སློང་ནི་འཁོར་གཙོ་བོ་ཡིན་པའི་ཕྱིརདང༌། མཆོད་པའི་གནས་ཉིད་ཡིན་པའི་ཕྱིར་དགེ་སློང་ལ་དགེ་སློང་མས་གོས་སྦྱིན་པ་དང་དགེསློང་མས་དགེ་སློང་གི་གོས་བཟོ་བྱེད་པ་ལ་ཚུལ་དང་མི་མཐུན་པ་མཚང་པོ་ཆེ་མེད་པའི་ཕྱིརརོ། །ཞེས་སོ། །ལྷན་ཅིག་ལམ་དུ་འགྲོ་བ་དང་ལྷན་ཅིག་གྲུར་འགྲོ་བ་ཡང༌། དགེ་སློང་མ་རྣམསལ་ལྟུང་བྱེད་དུ་རྣམ་པར་མི་བཞག་སྟེ། ཊཱི་ཀ་ལས། དགེ་སློང་མ་རྣམས་ནི་མཐུ་ཆུང་བའི་ཕྱིརགཞན་ལ་བསྟེན་ཏེ་ལམ་དུ་འགྲོ་བ་ལ་མཚང་པོ་ཆེ་མེད་པའི་ཕྱིར་རོ། །ཞེས་སོ། །དབེན་པའདུག་འགྲེང་གཉིས་ཀྱང་དགེ་སློང་ཕ་མའི་ལྟུང་བྱེད་ཐུན་མོང་དུ་མི་བཞག་སྟེ། ལྟུང་བྱེད་ཀྱིདབྱེ་བ་མི་མཚུངས་པའི་ཕྱིར་ཏེ། དགེ་སློང་ལ་དབེན་པ་ན་འགྲེང་བའི་ལྟུང་བྱེད་གཅིག་ཏུ་བཅསལ། དགེ་སློང་མ་རྣམས་ལ་དབེན་པ་ན་འགྲེང་བའི་ལྟུང་བྱེད་བཞི་བཅས་པའི་ཕྱིར་རོ། །དབེན་པ་ན་འདུག་པ་ལ་ཡང་ཚུལ་དེ་བཞིན་དུ་སྦྱར་རོ། །ཊཱི་ཀ་ལས། དགེ་སློང་མ་བུད་མེད་དང་ལྷནཅིག་འདུག་པ་དང༌། དགེ་སློང་མ་དང་ལྷན་ཅིག་འགྲེང་བ་ལ་ཉེས་པ་ཅི་ཡང་མེད་པའི་ཕྱིར་རོ། །ཞེས་ཀྱང་གསུངས་སོ། །སྦྱོར་དུ་བཅུག་པ་ཟ་བ་ཡང་དགེ་སློང་མ་རྣམས་ལ་ལྟུང་བྱེད་དུ་རྣམཔར་མི་བཞག་སྟེ། ཊཱི་ཀ་ལས། སྐྱེས་པས་སྦྱོར་དུ་བཅུག་པ་བུད་མེད་ཀྱིས་ཟ་བ་ལ་ནི་དེ་ཙམ་སྐྱེབོས་སྨད་པ་མེད་པའི་ཕྱིར་རོ། །ཞེས་སོ། །སྐྲོད་པ་ཡང་དགེ་སློང་ཕ་མའི་ལྟུང་བྱེད་ཐུན་མོང་དུམི་བཞག་སྟེ། ལྟུང་བྱེད་ཀྱི་དབྱེ་བ་མི་མཚུངས་པའི་ཕྱིར་ཏེ། དགེ་སློང་ལ་སྐྲོད་པའི་ལྟུང་བྱེདགཅིག་ཏུ་བཅས་ལ། དགེ་སློང་མ་རྣམས་ལ་སྐྲོད་པའི་ལྟུང་བྱེད་གཉིས་བཅས་པའི་ཕྱིར་རོ། །ཡང་ཡང་ཟ་བ་ཡང་དགེ་སློང་མ་རྣམས་ལ་ལྟུང་བྱེད་དུ་རྣམ་པར་མི་བཞག་སྟེ། ཊཱི་ཀ་ལས། དགེསློང་མ་རྣམས་ནི་ཤས་ཆེར་མཆོད་པར་བྱ་བ་མ་ཡིན་པའི་ཕྱིར་དེ་དག་ལ་དེ་འབྱུང་དཀའ་བའི་ཕྱིར་རོ། །ཞེས་སོ། །ཟས་བསོད་པ་སློང་བའང་དགེ་སློང་མ་རྣམས་ལ་ལྟུང་བྱེད་དུ་མི་བཞག་སྟེ། ལྟུང་བྱེད་ལས་སྡེ་ཚན་ཐ་དད་པ་སོ་སོར་བཤགས་པར་བྱ་བར་འགྱུར་བའི་ཕྱིར་རོ། །མ་ལོན་པ་དང་ཞེས་པ་མ་ལོན་པ་བསྙེན་རྫོགས་བྱེད་པ་ཡང༌། དགེ་སློང་ཕ་མའི་ལྟུང་བྱེད་ཐུན་མོང་དུ་མི་བཞག་སྟེ། ལྟུང་བྱེད་ཀྱི་དབྱེ་བ་མི་མཚུངས་པའི་ཕྱིར་ཏེ། དགེ་སློང་ལ་ལོ་ཉི་ཤུ་མ་ལོན་པབསྙེན་པར་རྫོགས་པའི་ལྟུང་བྱེད་གཅིག་ཏུ་བཅས་ལ། དགེ་སློང་མ་རྣམས་ལ་ནི་སྡོམ་ལེན་ལོ་བཅུ་གཉིས་མ་ལོན་པ་དང་ལོ་ཉི་ཤུ་མ་ལོན་པ་སྟེ། མ་ལོན་པ་བསྙེན་རྫོགས་བྱེད་པའི་ལྟུང་བྱེདགཉིས་སུ་བཅས་པའི་ཕྱིར་རོ། །ཊཱི་ཀ་ལས། དབྱར་གྱི་རས་ཆེན་ཚད་ལས་ལྷག་པའི་ལྟུང་བྱེད་ཀྱང་དགེ་སློང་མ་རྣམས་ལ་རྣམ་པར་མི་བཞག་སྟེ། དགེ་སློང་མ་རྣམས་ལ་རས་ཆེན་འཆང་བ་ཉིད་ཀྱང་མ་བཅས་པས་རས་ཆེན་གྱི་ཚད་ངེས་པ་རྣམ་པར་མ་བཞག་པའི་ཕྱིར་རོ། །ཞེས་སོ། །

ཁྱད་པར་དུའང་འདུག་པ་དང་འགྲེང་བ་དང་ཕྱིར་མ་བླངས་པར་སྤྱོད་པ་དང་ཞེས་གསུངས་པའིལྟུང་བ་འདི་གསུམ་ལ་ནི། རྣམ་པར་བཞག་པ་ལུགས་གཉིས་ཡོད་དེ། དགེ་སློང་མའི་སོ་སོཐར་པ་དང་མདོ་རྩ་འགྲེལ་དབང་བཙན་དུ་བྱས་པ་དང༌། ལུང་དགེ་སློང་མའི་རྣམ་འབྱེད་དངལུང་ཞུ་བ་དབང་བཙན་དུ་བྱས་པའོ། །རྣམ་པར་བཞག་པ་དང་པོ་ལྟར་ན་ཉལ་ཤོམ་འདུགའགྲེང་གཉིས་དང་གདེང་མེད་པར་སྤྱོད་པའི་ལྟུང་བྱེད་འདི་གསུམ་ནི་དགེ་སློང་མ་རྣམས་ལམེད་དེ། དགེ་སློང་མའི་སོ་སོ་ཐར་པ་ལས། སྐྲོད་དང་མ་བསྐོས་ཉི་ནུབ་དང༌། །ཟས་དང་ཆོསགོས་གཉིས་དག་དང༌། །དོན་མཐུན་གྲུ་དང་དབེན་པ་གཉིས། །སྦྱོར་བཅུག་ཡང་ཡང་བསོདཔ་དང༌། །ཉལ་སར་འདུག་དང་འགྲེང་བ་དང༌། །གདེང་མེད་ཉི་ཤུ་མ་ལོན་དང༌། །རས་ཆེན་ལྟུངབྱེད་བཅོ་བརྒྱད་པོ། །བཀོལ་བའི་ལྷག་མ་འདིར་འདོད་དོ། །ཞེས་གསུངས་ལ། དེ་དང་མདོ་རྩ་འགྲེལ་མཐུན་ནོ། །ཁྱད་པར་དུའང་ཉལ་པོ་བྱེད་པར་ཤོམ་པའི་ཁྱིམ་ན་འདུག་པ་དང་འགྲེང་བ་དང༌། ཕྱིར་མ་བླངས་པར་སྤྱོད་པ་ཞེས་པའི་ཊཱི་ཀ་ལས་འདི་དག་ནི་ཅུང་ཟད་ཆ་མཐུན་པ་ལབརྟེན་པ་ཡིན་པའི་ཕྱིར་འདུལ་བ་མདོར་བསྡུས་པ་ལས་ཉེས་བྱས་སུ་གསུངས་པའི་ཕྱིར། དེ་དག་ཀྱང་དགེ་སློང་མ་རྣམས་ལ་ལྟུང་བྱེད་ཉིད་དུ་རྣམ་པར་མི་བཞག་གོ་ཞེས་བཤད་དོ། །རྣམ་པར་བཞག་པ་གཉིས་པ་ལྟར་ན། གསུམ་པོ་དེ་དག་ནི་དགེ་སློང་མ་ལ་ལྟུང་བྱེད་དེ། ལུང་དག་ེསློང་མའི་རྣམ་འབྱེད་ལས། ཡང་དགེ་སློང་མ་གང་ཤེས་བཞིན་དུ་ཉལ་པོ་བྱེད་པར་ཤོམ་པའི་ཁྱིམ་དུ་འདུག་པ་བྱེད་ན་ལྟུང་བྱེད་དོ། །ཡང་དགེ་སློང་མ་གང་ཤེས་བཞིན་དུ་ཉལ་པོ་བྱེད་པར་ཤོམ་པའི་ཁྱིམ་དུ་དབེན་པ་སྐྱབས་ཡོད་པ་ན་འགྲེང་ན་ལྟུང་བྱེད་དོ་ཞེས་གསུངས་སོ། །ཉལ་པོབྱེད་པར་ཤོམ་པའི་ཁྱིམ་ན་འདུག་པའི་ལྟུང་བྱེད་ཀྱི་ལུང་ཞུ་བ་ལས་ཀྱང་དགེ་སློང་མས་འཚལབཞིན་དུ་མྱ་ངན་དང་བཅས་པའི་གྲོང་དུ་ནན་གྱིས་མཆིས་པར་བགྱིད་ན་ཅིར་འགྱུར་ལྟུང་བྱེད་དོ། །དེ་བཞིན་དུ་མྱ་ངན་དང་བཅས་པར་འགྲེང་བ་ལ་བརྗོད་པར་བྱའོ། །ཞེས་གསུངས་སོ། །གདེང་མེད་པར་སྤྱོད་པ་ལ་ཡང་ལུང་དགེ་སློང་མའི་རྣམ་འབྱེད་ལས་ཡང༌། དགེ་སློང་མ་གང་དགེ་སློང་མ་ལ་གོས་དག་བྱིན་ནས་དེའི་འོག་ཏུ་ཕྱིར་མ་བླངས་པར་སྤྱོད་ན་ལྟུང་བྱེད་དོ། །ཞེས་ གསུངས་སོ། །མའི་སོ་སོ་ཐར་པའི་འགྲེལ་པ་ལས་ཀྱང༌། ཡང་དགེ་སློང་མ་གང་གིས་དགེ་སློངམ་ལ་གོས་བྱིན་ནས་དེའི་འོག་ཏུ་གདེང་མེད་པར་གྱོན་ན་ལྟུང་བྱེད་དོ་ཞེས་བཤད་ཅིང༌། གདེངམེད་སོགས་བཅོ་བརྒྱད་བཀོལ་ལོ་ཞེས་འབྱུང་མོད་ཀྱི། གདེང་མེད་ནི་བཀོལ་དུ་མི་རུང་སྟེ། ཅིའིཕྱིར་ཞེ་ན། གོང་དུ་སྡོམ་གྱི་ཚིགས་སུ་བཅད་པ་ལས་ཀྱང་འབྱུང་བའི་ཕྱིར་རོ་ཞེས་ཀྱང་མའིསོ་སོ་ཐར་པའི་འགྲེལ་བ་དེ་ཉིད་ལས་བཤད་དོ། །འོ་ན་རྣམ་པར་བཞག་པ་ལུགས་གཉིས་པོ་གང་གི་རྗེས་སུ་འབྲང་ཞེ་ན། ལག་ལེན་དོག་མཐའ་གཟུང་སྟེ། རྣམ་བཤད་རིགས་པ་ལས།

ཡང་དག་བསྡུས་པའི་གཞི་ཉམས་ཕྱིར། །ཞེས་གསུངས་ལ། སྨན་བླའི་མདོ་ལས། དགེ་སློངམ་གང་དག་བསླབ་པའི་གཞི་ལྔ་བརྒྱ་པོ་དག་འཛིན་པ་དང༌། ཞེས་སོགས་གོང་དུ་བཀོད་པ་ལྟརགསུངས་པའི་གནད་ཀྱིས། ལུགས་ཕྱི་མ་ལྟར་བཤད་ན་ལེགས་སམ་སྙམ་མོ། །

གཉིས་པ་ཐུན་མོང་མ་ཡིན་པ་བརྒྱ་རྩ་བརྒྱད་དུ་དབྱེ་བ་འཆད་པ་ལ།

སྤྱིར་བཤད་པདང༌། སོ་སོར་བཤད་པ་དང་གཉིས། དང་པོ་སྤྱི་དོན་ནི་དགེ་སློང་མའི་ལྟུང་བྱེད་བརྒྱ་རྩ་བརྒྱདཔོ་འདི་རྣམས་དགེ་སློང་ཕ་ལ་ཅིར་འགྱུར་ཞེ་ན། ལྟུང་མེད་དུ་འགྱུར་བ་བཅོ་ལྔ་སྟེ། མ་ལོནའཁོར་དང་འཁོར་མང་ཉེར་འཇོག་དང༌། །འཁོར་མང་གསོག་དང་གནོད་འགྱུར་སྤང་གསུམདང༌། །སྨེ་གབ་མི་འཆང་ཆུ་གོས་མི་འཆང་དང༌། །བཀྲུ་བཤལ་བ་ལ་གོས་ནི་འཁྲུར་འཇུག་དང༌། །

ལྕི་བའི་ཆོས་ལས་འདས་པའི་སྐབས་ཀྱི་བཞི། །ཕྱི་སར་གཅིག་པུར་འགྲོ་དང་བཅོ་ལྔའོ། །ཞེསབསྡུ་བའི་ཚིགས་སུ་བཅད་པའོ། །དེ་དག་དགེ་སློང་ལ་ལྟུང་མེད་དུ་བཞག་པ་ནི། སྐྱེས་པ་ལདེ་རྣམས་ཀྱི་དབང་དུ་བྱ་བའི་དགག་བྱ་མེད་པའི་ཕྱིར་རོ། །རྒྱ་སྐྱེགས་ཀྱི་ཆང་བུ་འཛུད་པའི་དོདཔོ་དགེ་སློང་གི་འབྱིན་པའི་དགེ་འདུན་ལྷག་མ་སྟེ། གལ་ཏེ་ན་དགེ་སློང་གིས་རང་གི་ཁའམབཤང་ལམ་དུ་རྒྱ་སྐྱེགས་ཀྱི་ཆང་བུ་འཇུག་ན་ནི་སྦོམ་པོར་འགྱུར་བར་ཊཱི་ཀ་ལས་བཤད་དོ། །བཅུ་དྲུག་པོ་དེ་དག་མ་གཏོགས་པ་འདི་རྣམས་ཐམས་ཅད་དགེ་སློང་ལ་ཉེས་བྱས་སུ་འགྱུར་ཏེ།དབང་དུ་བྱ་བའི་དགག་བྱ་མ་རྫོགས་པ་དང་ལྡན་པའི་ཕྱིར་རོ། །

གཉིས་པ་སོ་སོར་བཤད་པ་ལ། ༡མ་ལོན་པས་ཉེ་བར་འཇོག་པ་འདི་ལ་གཉིས་ལས།

དང་པོ་གླེང་གཞི་ནི་སྦོམ་དགའ་མོ་བསྙེན་པར་རྫོགས་ནས་ལོ་བཅུ་གཉིས་མ་ལོན་པས་གཞནབསྙེན་པར་རྫོགས་པར་བྱེད་པ་ལས་སོ། །གཉིས་པ་ངོ་བོ་ནི་རང་བསྙེན་པར་རྫོགས་ནས་ལོབཅུ་གཉིས་མ་ལོན་པས་མཁན་མོ་བྱས་ཏེ་གཞན་རབ་ཏུ་འབྱིན་པ་དང་བསྙེན་རྫོགས་བྱེད་པ་ལས་གྱུར་བའི་ལྟུང་བ་དངོས་གཞིའོ། །༢ འཁོར་ཉེ་བར་འཇོག་པའི་བཤད་པ་ལ་གཉིས་ལས།

དང་པོ་ཐུན་མོང་གི་བསླབ་བྱ་ལ་ལྔ་ལས། དང་པོ་གནང་བ་བྱིན་པའི་དགོས་པ་ནི། འཁོར་དངའཁོར་མང་ཉེ་བར་བཞག་ཀྱང་ལྟུང་བ་མི་འབྱུང་བ་དང༌། བཅས་པའི་ས་མཚམས་ཟིན་པའོ། །

གཉིས་པ་ཡུལ་གང་ལ་གནང་བ་སྦྱིན་པ་ནི། མཁན་མོར་འོས་པའི་མཚན་ཉིད་དང་ལྡན་པ་ལསྟེ། བཙུན་པའི་ཡན་ལག་ཏུ་བསྙེན་རྫོགས་ཀྱི་སྡོམ་པ་དག་པ་དང༌། བརྟན་པའི་ཡན་ལག་ཏུབསྙེན་པར་རྫོགས་ནས་བར་མ་ཆད་པར་ལོ་བཅུ་གཉིས་ལོན་པ་དང༌། མཁས་པའི་ཡན་ལགཏུ་འདུལ་བ་ཤེས་པ་དང༌། ཕན་འདོགས་ཀྱི་ཡན་ལག་ཏུ་སྙིང་རྗེ་དང་བཟོད་པ་དང་ལྡན་པ་ལསོགས་པ་སྔར་ལྔ་ཕྲུགས་ཀྱི་སྐབས་སུ་བཤད་པ་བཞིན་ནོ། །མཚམས་ཀྱི་ནང་ན་གནས་པ་དང༌།

ཚོགས་སུ་མ་ཚང་བ་དང༌། སྔར་གནང་བ་བྱིན་པ་དང་མ་འབྲེལ་བ་དང༌། རང་གིས་ལན་གསུམགསོལ་བ་འདེབས་པ་ལ་གནང་བ་སྦྱིན་ནོ། །གསུམ་པ་རྟེན་གང་གིས་སྦྱིན་པ་ནི། དགེ་འདུནམ་མཚན་ཉིད་བཞི་ལྡན་གྱིས་སོ། །བཞི་པ་ཆོ་ག་གང་གིས་སྦྱིན་པ་ནི། སྦྱོར་དངོས་མཇུག་གསུམསྟེ། སྦྱོར་བ་འདུ་བའི་སྐབས་རྗེས་སུ་བསྒྲུབ་པ་ལ་སོགས་པ་དང༌། དངོས་གཞི་གསོལ་གཉིས་ཀྱི་ལས་དང༌། མཇུག་ལས་ཀྱི་མཇུག་སྡུད་བརྗོད་པའོ། །ལྔ་པ་གནང་བ་བྱིན་པ་འཇིག་པའི་རྒྱུ་ནིམཚན་གྱུར་པ་དང་བབས་པ་དང་ཤི་བ་དང་མཚན་གཉིས་ཅིག་ཅར་བྱུང་བ་ལ་སོགས་པའོ། །

གཉིས་པ་འཁོར་ཉེ་བར་འཇོག་པའི་ལྟུང་བ་དངོས་བཤད་པ་ལ་གཉིས་ལས།

དང་པོ་གླེང་གཞི་ནི་སྦོམ་དགའ་མོས་དགེ་འདུན་མ་ལ་གནང་བ་མ་ཞུས་པར་འཁོར་ཉེ་བར་འཇོག་པརབྱེད་པ་ན། དོན་ཉུང་བའི་དགེ་སློང་མ་རྣམས་སྨོད་པར་བྱེད་པ་ལས་སོ། །གཉིས་པ་ངོ་བོ་ནིསྔར་ཉེ་བར་འཇོག་པའི་གནང་བ་མ་ཐོབ་པ་ལ་ལྟུང་བྱེད་འདིར་འགྱུར་རོ། །དེ་ལྟར་གནང་བ་མ་ཐོབ་པའི་དགེ་སློང་མ་དེས་འཁོར་གཅིག་གམ་གཉིས་ཙམ་ཉེ་བར་འཇོག་པ་ལས་གྱུར་བའིལྟུང་བ་དངོས་གཞིའོ། །

༣ འཁོར་མང་པོ་ཉེ་བར་འཇོག་པ་བཤད་པ་ལ་གཉིས་ལས། དང་པོ་གླེང་གཞི་ནི་སྦོམ་དགའ་མོས་འདོད་ཆེན་གྱིས་འཁོར་མང་པོ་ཉེ་བར་བཞག་ནས་ཆོས་མི་སྟོན་གདམས་ངག་མི་སྟེར་བས། དེ་དག་མ་དུལ་མ་ཞི་མ་བསྲུངས་པར་གྱུར་པ་ལས་སོ། །གཉིས་པ་ངོ་བོ་འཁོར་ཉེ་བར་འཇོག་པ་ལས་ཅིག་ཤོས་འཁོར་མང་པོ་ཉེ་བར་འཇོག་པའི་ལྟུང་བྱེདནི། འཁོར་མང་པོ་སྟེ་འཁོར་གསུམ་ཡན་ཆད་ཉེ་བར་འཇོག་པ་ལས་གྱུར་བའི་ལྟུང་བ་དངོས་གཞིའོ། །དེའང་འཁོར་མང་ཉེར་འཇོག་གི་གནང་བ་མ་ཐོབ་པའི་དགེ་སློང་མས་འཁོར་གསུམཡན་ཆད་ཉེ་བར་འཇོག་ན་ལྟུང་བྱེད་དུ་འགྱུར་རོ། །

༤ ལོ་བཅུ་གཉིས་མ་ལོན་པ་བསྙེན་རྫོགས་བྱེད་པ་དང༌། ༥ལོ་ཉི་ཤུ་མ་ལོན་པ་བསྙེན་རྫོགས་བྱེད་པ་འདི་གཉིས་འཆད་པ་ལ་གཉིས་ལས། དང་པོ་གླེངགཞི་ནི་སྦོམ་དགའ་མོས་ཁྱིམ་སོ་བཟུང་བ་ལོ་བཅུ་གཉིས་མ་ལོན་པ་དང༌། གཞོན་ནུ་མ་ལོ་ཉིཤུ་མ་ལོན་པ་དག་བསྙེན་པར་རྫོགས་པ་ན། དོན་ཉུང་བའི་དགེ་སློང་མ་རྣམས་སྨོད་པར་བྱེད་པ་ལས་སོ། །གཉིས་པ་ངོ་བོ་ནི་གོ་རིམ་བཞིན་བུད་མེད་ཁྱིམ་སོ་བཟུང་བ་ལོ་བཅུ་གཉིས་མལོན་པ་བསྙེན་རྫོགས་བྱེད་པ་ལས་གྱུར་བའི་ལྟུང་བ་དངོས་གཞི་དང༌། གཞོན་ནུ་མ་ལོ་ཉི་ཤུའིམདུན་རོལ་ཏུ་བསྙེན་པར་རྫོགས་པར་བྱེད་པ་ལས་གྱུར་བའི་ལྟུང་བ་དངོས་གཞིའོ། །

༦་༧ཚིགས་ལས་འདས་པའི་ལྟུང་བ་གཉིས་འཆད་པ་ལ་གཉིས་ལས། དང་པོ་གླེངགཞི་ནི་སྦོམ་དགའ་མོས་དགེ་སློབ་མའི་བསླབ་པ་མ་བྱིན་པར་བསྙེན་པར་རྫོགས་པར་བྱེད་པལས་སོ། །གཉིས་པ་ངོ་བོ་ནི། དགེ་སློབ་མའི་བསླབ་པ་མ་བྱིན་པ་ཁྱིམ་སོ་བཟུང་བ་དང་ཁྱིམསོ་མ་བཟུང་བ་གཉིས་མཁན་མོ་ཉིད་ཀྱིས་བསྙེན་པར་རྫོགས་པར་བྱེད་པ་ལས་གྱུར་བའི་ལྟུངབ་དངོས་གཞི་གཉིས་ཡོད་དོ། །མཁན་མོ་ལ་ལྟུང་བྱེད་གཉིས་སོ། །འོ་ན་ཚངས་སྤྱོད་ཉེར་གནསམ་བྱས་པར་བསྙེན་རྫོགས་བྱེད་ན་ལྟུང་བ་ཅིར་འགྱུར་ཞེས་འདྲི་ན། མདོ་རྩ་འགྲེལ་ནས་གསལབར་མ་གསུངས་ཀྱང༌། ལུང་དགེ་སློང་མའི་རྣམ་འབྱེད་ལས་ལོ་ཉི་ཤུ་ལོན་པ་ཚངས་པར་སྤྱདཔ་ལ་ཉེ་བར་གནས་པའི་སྡོམ་པ་མ་གསོལ་བར་དགེ་སློང་མའི་དངོས་པོར་བསྙེན་པར་རྫོགསཔར་བྱེད་པ་ན་ལྟུང་བྱེད་དུ་འགྱུར་རོ་ཞེས་གསུངས་ལ། མའི་སོ་སོ་ཐར་པའི་འགྲེལ་པ་ལསཀྱང༌། ཡང་དགེ་སློང་མ་གང་ལོ་ཉི་ཤུ་ལོན་པ་ཚངས་པར་སྤྱོད་པ་ལ་ཉེ་བར་གནས་པའི་སྡོམ་པ་མ་བྱིན་པར་བསྙེན་པར་རྫོགས་པར་བྱེད་ན་ལྟུང་བྱེད་དོ་ཞེས་བཤད་དོ། །ལྟུང་བྱེད་དེ་ནིམའི་སོ་སོ་ཐར་པ་དང་མདོ་རྩ་འགྲེལ་ལས་ནི་མ་བཤད་དོ། །

༨ བསླབ་པ་ལ་མ་བསླབས་པ་བསྙེན་རྫོགས་བྱེད་པ་བཤད་པ་ལ་གཉིས་ལས། གླེངགཞི་ནི་དགེ་སློབ་མའི་བསླབ་པ་ལོ་གཉིས་སུ་མ་སྤྱད་པ་དེ་སྦོམ་དགའ་མོས་བསྙེན་རྫོགས་བྱེདཔ་ལ། དོན་ཉུང་བའི་དགེ་སློང་མ་རྣམས་སྨོད་པར་བྱེད་པ་ལས་སོ། །གཉིས་པ་ངོ་བོའི་དོན་ནིདགེ་སློབ་མའི་སྡོམ་པ་བྱིན་དུ་ཟིན་ཀྱང་དགེ་སློབ་མའི་བསླབ་པ་དེ་ལ་ལོ་གཉིས་སུ་མ་སྤྱད་པ་ཉིད་ལ་དགེ་སློང་མས་བསྙེན་པར་རྫོགས་པར་བྱས་པ་ལས་གྱུར་བའི་ལྟུང་བ་དངོས་གཞིའོ། །

༩བསླབ་པ་ལ་བསླབས་པ་བསྙེན་རྫོགས་མི་བྱེད་པ་བཤད་པ་ལ་གཉིས་ལས། དང་པོ་གླེངགཞི་ནི་སྦོམ་དགའ་མོས་ལྷན་ཅིག་གནས་པ་དང་ཉེ་གནས་དག་དགེ་སློབ་མའི་བསླབ་པ་ལ་ལོ་གཉིས་སུ་བསླབས་ནས། དེས་དེ་དག་བསྙེན་རྫོགས་མི་བྱེད་པ་ལས་སོ། །གཉིས་པ་ངོ་བོ་ནི། ལོ་གཉིས་སུ་དགེ་སློབ་མའི་བསླབ་པས་སྤྱད་ཟིན་པ་ཉིད་བསྙེན་པར་རྫོགས་པར་འདོདཔ་དེ་མཁན་མོ་ཉིད་ཀྱིས་བསྙེན་པར་རྫོགས་པར་མི་བྱེད་པ་ལས་གྱུར་བའི་ལྟུང་བ་དངོསགཞིའོ། །རྐྱེན་མ་ཚང་བའི་ཕྱིར་བསྙེན་རྫོགས་མི་བྱེད་པ་ལ་ནི་ལྟུང་བ་མེད་དོ་ཞེས་ཊཱི་ཀ་ལསསོ། །

༡༠ ཆོས་འཚོང་བའི་ལྟུང་བྱེད་བཤད་པ་ལ་གཉིས་ལས། དང་པོ་གླེང་གཞི་ནི་སྦོམདགའ་མོ་ལ་དགེ་སློབ་མས་བདག་བསྙེན་པར་རྫོགས་པར་མཛད་དུ་གསོལ་ཞེས་ཞུས་པ་ན། གལ་ཏེ་ཁོ་མོ་ལ་གོས་བྱིན་ན། དེའི་འོག་ཏུ་ཁྱོད་བསྙེན་རྫོགས་བྱའོ་ཞེས་སྨྲས་པ་ལས་སོ། །གཉིསཔ་ངོ་བོ་ནི་གལ་ཏེ་ཁོ་མོ་ལ་ཁྱོད་བསྙེན་རྫོགས་བྱེད་པའི་བརྔན་པ་གོས་སོགས་སྦྱིན་པ་ལྟ་ནདེའི་ཕྱིར་ཁྱེད་བསྙེན་རྫོགས་བྱའོ་ཞེས་བསྙེན་རྫོགས་ལེན་འདོད་པ་ལ་ཟེར་བ་ལས་ཕ་རོལ་པོ་དེས་དོན་གོ་བ་ལས་གྱུར་བའི་ལྟུང་བ་དངོས་གཞིའོ། །ཊཱི་ཀ་ལས། འདིར་གོས་སྨོས་པནི་མཆོག་ཏུ་གྱུར་པ་རིན་པོ་ཆེ་དང༌། ཐ་མར་གྱུར་པ་ཐ་ན་རྐང་པ་མཉེ་བ་ལ་སོགས་པའི་དཔེ་ཡིན་ཏེ། དེ་དག་ལ་ཡང་ལྟུང་བྱེད་ཁོ་ནར་འགྱུར། ཞེས་སོ། །

༡༡ འདྲིད་པའི་ལྟུང་བྱེད་འཆད་པ་ལ་གཉིས་ལས། དང་པོ་གླེང་གཞི་ནི་གོའུ་ཏ་མསྐེམ་མོ་ལ་བུད་མེད་གཅིག་གིས་བདག་རབ་ཏུ་འབྱུང་འཚལ་ལོ་ཞེས་ཟེར་བ་ན། ཁྱོད་ཀྱིསཁྱིམ་རྒྱས་པར་བྱ་བ་སྤོངས་དང་དེའི་འོག་ཏུ་ཁྱོད་རབ་ཏུ་འབྱུང་བ་དཀའ་བར་མི་འགྱུར་རོ་ཞེསསྨྲས་པ་དང༌། དེས་དེ་སྤངས་ཏེ་འོངས་པ་ན་དེས་དེ་རབ་ཏུ་མ་ཕྱུང་བ་ལས་བདག་ནི་ཁྱིམ་ནགནས་པ་ཡང་མ་ཡིན་ལ། རབ་ཏུ་བྱུང་བ་ཡང་མ་ཡིན་ནོ་ཞེས་ཁ་ཟེར་བའི་སྐབས་ལས་སོ། །

གཉིས་པ་ངོ་བོ་ནི་རབ་ཏུ་བྱུང་བར་འདོད་པའི་བསམ་པ་སྐྱེ་བ་དང་མཐུན་པའི་ཚིག་ཁྱིམ་པ་མོལ་བསྟན་པས་ཁྱིམ་རྒྱས་པར་བྱ་བ་སྟེ་ཁྱིམ་ན་གནས་པ་ལ་དགོས་པའི་ཡོ་བྱད་རྣམས་སྤོང་དུ་བཅུག་ནས་རབ་ཏུ་མི་འབྱིན་པ་ལས་གྱུར་བའི་ལྟུང་བ་དངོས་གཞིའོ། །

༡༢འཁོར་མང་པོ་གསོག་པ་འཆད་པ་ལ་གཉིས་ལས། དང་པོ་གླེང་གཞི་ནི་སྦོམ་དགའམོས་རེ་རེ་ཞིང་ལོ་རབ་ཏུ་བྱུང་ནས། དེ་དག་ལ་འབོད་པའི་ཚེ། ལོ་གཅིག་པ་ལོ་གཉིས་པ་ལོལྔ་པ་ཞེས་འབོད་པ་དང༌། གཞན་གྱིས་སྨྲས་པ། ཅི་ཁྱོད་ཀྱིས་འདི་རྣམས་ཀྱི་མིང་མི་ཤེས་སམཞེས་ཟེར་བ་ན། འདི་སྙེད་ཀྱི་མིང་སུས་ཤེས་པར་འགྱུར་ཞེས་ཟེར་བ་ལས་སོ། །གཉིས་པ་ངོ་བོ་ནི། མཁན་མོ་གང་ཞིག་གིས་ལོ་གང་ལ་རབ་ཏུ་ཕྱུང་བའི་ལོ་དེ་ཉིད་ལ་སྔར་རབ་ཏུ་བྱུངཟིན་པ་དེ་ལས་གཞན་རབ་ཏུ་འབྱིན་ནམ་ལོ་དེའི་རྗེས་སུ་ཕྱི་དེ་ལོ་ལ་གཞན་རབ་ཏུ་འབྱིན་པ་ལས་གྱུར་བའི་ལྟུང་བ་དངོས་གཞིའོ། །ལོའི་རྗེས་སུ་ལོ་གཉིས་པ་ལ་རབ་ཏུ་འབྱིན་པ་ལ་ཡངལྟུང་བྱེད་དུ་འགྱུར་ན། ལོ་དེ་ཉིད་ལྟ་ཅི་སྨོས་པའོ། །རང་གི་རྣམ་བཤད་དང་ཊཱི་ཀ་ལས་ལོ་གསུམཔ་ལ་སོགས་པ་དག་ལ་ནི་ལྟུང་བ་མེད་དོ། །ཞེས་གསུངས་སོ། །

༡༣ མ་གནང་བ་སྡུད་པ་བཤད་པ་ལ་གཉིས་ལས། དང་པོ་གླེང་གཞི་ནི་བུད་མེདགཅིག་ཁྱིམ་ཐབས་དང་རྩོད་ཅིང་འདུག་པ་ན། སྦོམ་དགའ་མོས་ཁྱོད་ཅིའི་ཕྱིར་རབ་ཏུ་མི་འབྱུངཞེས་སྨྲས་ཏེ། དེས་དེ་རབ་ཏུ་ཕྱུང་བ་དང་ཁྱིམ་བདག་དེ་ཁ་ཟེར་བ་ལས་སོ། །གཉིས་པ་ངོ་བོ་ནི། བུད་མེད་བདག་པོས་མ་གནང་བ་སྟེ་ཆུང་མ་རབ་ཏུ་འབྱུང་དུ་ཁྱིམ་ཐབ་ཀྱིས་མ་གནང་བ་ཉིདརབ་ཏུ་འབྱིན་པ་ལས་གྱུར་བའི་ལྟུང་བ་དངོས་གཞིའོ། །

༡༤་༡༥་༡༦་༡༧་སྐྱོན་ཅན་སྡུད་པའི་ལྟུང་བྱེད་བཞི་བཤད་པ་ལ་གཉིས་ལས། དང་པོ་གླེང་གཞི་ནི་སྦོམ་དགའ་མོས་སྨད་འཚོང་མ་རབ་ཏུ་ཕྱུང་བ་དང༌། དེས་བུད་མེད་སྦྲུམ་མ་རབཏུ་ཕྱུང་བ་དང༌། དེས་བུད་མེད་མྱ་ངན་གྱིས་གདུངས་པ་རབ་ཏུ་ཕྱུང་བ་དང༌། བུད་མེད་ཤིན་ཏུགཏུམ་མོ་འཐབ་ཀྲོལ་ཅན་རབ་ཏུ་ཕྱུང་བ་ལས་བཅས་སོ། །གཉིས་པ་ངོ་བོ་ནི། མཁན་མོསའཁྲུལ་བ་མོ་དང་སྦྲུམ་མ་དང་བུད་མེད་མྱ་ངན་གྱིས་གཟིར་བ་དང་འཐབ་ཀྲོལ་ཅན་གང་རུང་རབཏུ་འབྱིན་པ་ལས་གྱུར་བའི་ལྟུང་བ་དངོས་གཞིའི་རྣམ་པ་བཞིའོ། །

༡༨་ ༡༩་༢༠་༢༡ ཡལ་བར་འདོར་བའི་ལྟུང་བྱེད་བཞི་བཤད་པ་ལ་གཉིས་ལས། དང་པོ་གླེང་གཞི་ནི་སྦོམ་དགའ་མོས་རབ་ཏུ་ཕྱུང་ནས། དེ་དག་ལ་གདམས་ངག་མི་འབོགས་ཕན་མི་འདོགས་པ་ལས་ནི་དང་པོ་བཅས་སོ། །སྦོམ་དགའ་མོས་ཁྱིམ་ཐབས་བྱེས་སུ་སོང་བའི་ཆུང་མ་རབ་ཏུ་ཕྱུང་བ་ལས། དུས་ཕྱིས་ཁྱིམ་ཐབས་དེ་འོང་པར་ཐོས་ནས་བདག་ཕྱོགས་གཞན་ཞིགཏུ་བཀར་དུ་གསོལ་ཞེས་སྨྲས་ཀྱང༌། དེས་དེ་མ་བཀར་བ་དང༌། ཁྱིམ་ཐབས་དེས་དེ་བཟུང་བལས་གཉིས་པ་བཅས་སོ། །སྦོམ་དགའ་མོས་རབ་ཏུ་ཕྱུང་ནས་དེ་དག་ལ་བསླབ་པ་རྣམས་སློབཔར་མི་བྱེད་པ་ལས་གསུམ་པ་བཅས་སོ། །སྦོམ་དགའ་མོས་ལྷན་ཅིག་གནས་པ་དང་ཉེ་གནསདག་ཉེ་བར་བཞག་ནས་ན་བ་ལ་ནད་གཡོག་མི་བྱེད་པ་ལས་དེ་དག་མགོན་མེད་པས་སྡུགབསྔལ་བར་གྱུར་པ་ལས་བཞི་པ་བཅས་སོ། །གཉིས་པ་ངོ་བོ་ནི། མཁན་མོ་རང་གིས་རབ་ཏུབྱུང་བ་དང་བསྙེན་རྫོགས་བྱས་པ་དག་ལ། ཆོས་སམ་ཟང་ཟིང་གིས་ཕན་འདོགས་དགོས་པའིདུས་ལ་བབ་ཅིང༌། རང་ལ་ནུས་པ་ཡོད་བཞིན་དུ་ཆོས་སམ། ཟང་ཟིང་གིས་ཕན་མི་འདོགསཔ་ལས་གྱུར་བའི་ལྟུང་བ་དངོས་གཞིའོ། །ཉེ་དུས་རབ་བྱུང་ལས་འབེབས་འདོད་པ་ལ་སོགསཔ་བར་ཆད་དུ་འགྱུར་བ་མཐོང་ན་མི་འདྲེན་པའི་མཁན་མོ་ལ་ལྟུང་བྱེད་དུ་འགྱུར་བའོ། ། དགེསློང་མའི་བསླབ་པའི་ཁྲིམས་རྣམས་ལ་མི་སློབ་པའི་མཁན་མོ་ལ་ལྟུང་བྱེད་དུ་འགྱུར་བའོ། ། ནད་པ་དག་ལ་ནད་གཡོག་མི་བྱེད་པའི་མཁན་མོ་ལ་ལྟུང་བྱེད་དུ་འགྱུར་བའོ། །སློབ་མ་ན་བའིནད་གཡོག་མི་བྱེད་ན་ནི་གནས་ཀྱི་སློབ་དཔོན་མ་ལ་ཡང་ལྟུང་བྱེད་དུ་འགྱུར་རོ། །

༢༢ འདོད་པ་བསྟེན་པའི་ལྟུང་བྱེད་བཤད་པ་ལ་གཉིས་ལས། དང་པོ་གླེང་གཞི་ནི། སྦོམ་དགའ་མོས་ཁྱིམ་ཐབས་བྱེས་སུ་སོང་བའི་ཆུང་མ་ལ་དྲིས་པ། ཁྱོད་དེའི་བར་དུ་ཇི་ལྟ་བུ་ཞིགགིས་ཉོན་མོངས་པ་མངོན་གྱུར་སེལ་བར་བྱེད། རྒྱ་སྐྱེགས་ཀྱི་ཆང་བུ་བཅངས་པ་ལས་སོ། །དེནས་སྦོམ་དགའ་མོས་རྒྱ་སྐྱེགས་ཀྱི་ཚིགས་མ་མཁན་ལ།རྒྱ་སྐྱེགས་ཀྱི་ཆང་བུ་ཉོས་ཏེ་ཉོན་མོངསཔ་སེལ་བར་བྱས་པ་ལས་སོ། །གཉིས་པ་ངོ་བོ་ནི་དགེ་སློང་མ་རང་གིས་རང་གི་བསྟེན་བྱའིནང་དུ་སོར་གཉིས་ལས་འདས་པར་རྒྱ་སྐྱེགས་ཀྱི་ཆང་བུ་འཛུད་པ་ལས་གྱུར་བའི་ལྟུང་བ་དངོསགཞིའོ། །ཊཱི་ཀ་ལས། ཁུ་བ་འབྱིན་པ་ལས་གྱུར་པའི་ལྟུང་བྱེད་དུ་འགྱུར་རོ། །ཞེས་སོ། །དེཡང་རང་གི་རྣམ་བཤད་ལས། རྒྱ་སྐྱེགས་ཀྱི་ཆང་བུ་བཅུག་པ་ཙམ་ལ་ནི་ལྟུང་བྱེད་ཁོ་ནར་འགྱུརརོ། །ཁུ་བ་བྱུང་བའི་མཐར་ཡང་ལྟུང་བྱེད་ཁོ་ནར་ཤེས་པར་བྱའོ། །ཞེས་གསུངས་སོ། །

༢༣འདོད་པ་བསྟེན་པ་ལྟར་བཅོས་པ་བཤད་པ་ལ་གཉིས་ལས། དང་པོ་གླེང་གཞི་ནིསྦོམ་དགའ་མོས་གསང་གནས་སུ་ལག་པ་བཅུག་ནས་ཉོན་མོངས་པ་ཞི་བར་གྱུར་གྱི་བར་དུ་བཀྲུས་པས་དེའི་གསང་གནས་སྐྲངས་པར་གྱུར་པ་ལས་སོ། །གཉིས་པ་ངོ་བོ་ནི་དགེ་སློང་མསརང་གི་སོར་མོའི་ཚིགས་གཉིས་ལས་ལྷག་པས་རང་གི་མོ་མཚན་གྱི་ནང་འཁྲུ་བ་ལས་གྱུར་བའིལྟུང་བ་དངོས་གཞིའོ། །

༢༤ འདོད་པ་བསྟེན་པ་ལྟར་གནོད་པ་བཤད་པ་ལ་གཉིས་ལས། དང་པོ་གླེང་གཞིནི་སྦོམ་དགའ་མོས་ཉོན་མོངས་པས་ཉེན་ནས་འདོད་ཆགས་ཞི་བར་གྱུར་གྱི་བར་དུ་གསང་བའིཕྱོགས་སུ་ཐལ་མོ་བསྣུན་པས་ཅི་ཙམ་ན་སྐྲངས་པར་གྱུར་ཏེ། ན་ནས་ངུ་བར་བྱེད་པ་ལས་སོ། །

གཉིས་པ་ངོ་བོ་ནི་དགེ་སློང་མས་རང་གི་མོ་མཚན་ལ་ལག་མཐིལ་གྱི་ཐལ་ལྕག་བསྣུན་པ་ལས་གྱུར་བའི་ལྟུང་བ་དངོས་གཞིའོ། །

༢༥ བསྟེན་པར་བྱ་བ་འཆོས་པ་བཤད་པ་ལ་གཉིས་ལས། དང་པོ་གླེང་གཞི་ནི། སྦོམ་དགའ་མོས་འདོམས་ཀྱི་སྤུའི་ལས་བྱས་པ་དེ་བུད་མེད་རྣམས་ལ་བསྟན་ཏེ། ཏིལ་འབྲུསཁྲ་བོར་བྱས་པ་སྤེན་རྩེ་ལྟར་འདུག་པ་ལ་བལྟོས། ཞེས་སྨྲས་པ་དང༌། འདི་ནི་རབ་ཏུ་བྱུང་བདང་འཚམ་པ་མ་ལགས་སོ་ཞེས་སྨོད་པར་བྱེད་པ་ལས་སོ། །གཉིས་པ་ངོ་བོ་ནི་དགེ་སློང་མསརང་གི་མོ་མཚན་ལ་སྤུ་འཐོག་པར་བྱེད་དམ་བྱེད་དུ་འཇུག་པ་ལས་གྱུར་བའི་ལྟུང་བ་དངོས་གཞིའོ། །

རིག་བྱ་མ་ཡིན་པ་དང་བསྟེན་པའི་ལྟུང་བྱེད་བཅུ་གཅིག་ལས། འགྲེང་བའི་ལྟུང་བྱེད་བཞི་འཆདདེ། ༢༦ཁྱིམ་པ་དང་དབེན་པ་སྐྱབས་ཡོད་པ་ན་འགྲེང་བ་བཤད་པ་ལ་གཉིས་ལས། དང་པོགླེང་གཞི་ནི། སྦོམ་དགའ་མོས་སྐྱེས་པ་དང་ལྷན་ཅིག་སྐྱབས་ཡོད་པ་ན་གཏམ་བྱེད་པ་དང༌།

ཁྱིམ་བདག་གི་ཆུང་མ་རྣམས་ཀྱིས་སྨྲས་པ། ཁྱེད་ཉིན་མོ་བརྡ་བྱས་ནས་མཚན་མོ་ཉེས་པར་སྤྱོདཔར་འགྱུར་རོ་ཞེས་ཟེར་བ་ལས་སོ། །གཉིས་པ་ངོ་བོ་ནི་དགེ་སློང་མ་གཅིག་པུ་ཁྱིམ་པ་དང་ལྷནཅིག་དབེན་པ་སྐྱབས་ཡོད་པ་ན་འདོམ་གང་གི་ནང་ཚུན་ཆད་དུ་ཁྲིམས་གྲོགས་མེད་པར་འགྲེངབ་ལས་གྱུར་བའི་ལྟུང་བ་དངོས་གཞིའོ། །

༢༧ དགེ་སློང་དང་དབེན་པ་སྐྱབས་ཡོད་པ་ན་འགྲེང་བ་བཤད་པ་ལ་གཉིས་ལས།

དང་པོ་གླེང་གཞི་ནི་སྦེད་མས་འཆར་ཀ་དང་དབེན་པ་སྐྱབས་ཡོད་པ་ན་འགྲེང་བ་ལས་སོ། །

གཉིས་པ་ངོ་བོ་ནི་དགེ་སློང་དང་ངོ་ཞེས་པ་དགེ་སློང་དང་ལྷན་ཅིག་དབེན་པ་སྐྱབས་ཡོད་པ་ནའགྲེང་བ་ལས་གྱུར་བའི་ལྟུང་བ་དངོས་གཞིའོ། །འདོམ་གང་སོགས་སྔ་མ་ལྟར་སྦྱར་རོ། །

༢༨ཁྱིམ་པ་དང་བླ་གབ་མེད་པ་ན་འགྲེང་བ་བཤད་པ་ལ་གཉིས་ལས། དང་པོ་གླེངགཞི་ནི་སྦོམ་དགའ་མོས་སྐྱེས་པ་ཞིག་དང་ལྷན་ཅིག་བླ་གབ་མེད་པ་ན་འགྲེང་པ་ལས་སོ། །

གཉིས་པ་ངོ་བོ་ནི་བླ་གབ་མེད་པ་སོགས་སྐྱབས་མེད་ན་སྔ་མ་ཁྱིམ་པ་དང་ལྷན་ཅིག་དགེ་སློངམས་འགྲེང་བ་ལས་གྱུར་བའི་ལྟུང་བ་དངོས་གཞིའོ། །འདོམ་གང་སོགས་སྔ་མ་ལྟར་སྦྱར་རོ། །

༢༩ དགེ་སློང་དང་བླ་གབ་མེད་པ་ན་འགྲེང་བ་བཤད་པ་ལ་གཉིས་ལས། དང་པོགླེང་གཞི་ནི་སྦེད་མས་འཆར་ཀ་དང་ལྷན་ཅིག་དབེན་པ་བླ་གབ་མེད་པ་ན་འགྲེང་བ་ལས་སོ། །

གཉིས་པ་ངོ་བོ་ནི་ཕྱི་མ་དགེ་སློང་དང་ལྷན་ཅིག་བླ་གབ་སོགས་སྐྱབས་མེད་པ་ན་དགེ་སློང་མསའགྲེང་བ་ལས་གྱུར་བའི་ལྟུང་བ་དངོས་གཞིའོ། །འདུག་པའི་ལྟུང་བྱེད་བཞི་ནི་མའི་སོ་སོ་ཐརཔ་དང་མདོ་རྩ་བ་ལས་དངོས་སུ་མ་གསུངས་ཀྱང༌། ལུང་དགེ་སློང་མའི་རྣམ་འབྱེད་ལས། དགེསློང་མ་གང་གཅིག་པུ་སྐྱེས་པ་གཅིག་དང་ལྷན་ཅིག་དབེན་པ་སྐྱབས་ཡོད་པ་ན་འདུག་པ་ན་ལྟུངབྱེད་དོ། །དགེ་སློང་མ་གང་གཅིག་པུ་དགེ་སློང་གཅིག་དང་ལྷན་ཅིག་དབེན་པ་སྐྱབས་ཡོད་པ་ན་འདུག་ན་ལྟུང་བྱེད་དོ། །དགེ་སློང་མ་གང་གཅིག་པུ་སྐྱེས་པ་དང་ལྷན་ཅིག་བླ་གབ་མེད་པདབེན་པར་འདུག་ན་ལྟུང་བྱེད་དོ། །དགེ་སློང་མ་གཅིག་པུ་དགེ་སློང་གཅིག་དང་ལྷན་ཅིག་བླ་གབ་མེད་པ་དབེན་པར་འདུག་ན་ལྟུང་བྱེད་དོ་ཞེས་འདུག་པའི་ལྟུང་བྱེད་བཞི་པོ་གླེང་གཞི་དངབཅས་པར་གསུངས་སོ། །

༣༠་༣༡་༣༢་༣༣་བཤུབ་ཅིང་སྨྲ་བ་ལས་གྱུར་པའི་ལྟུང་བྱེད་བཞི་བཤད་པ་ལ་གཉིས་ལས། དང་པོ་འདི་རྣམས་ཀྱི་གླེང་གཞི་ནི་སྦོམ་དགའ་མོས་ཁྱིམ་པའི་རྣ་བར་བཤུབ་ཅིངསྨྲ་བ་དང༌། ཁྱིམ་པས་བཤུབ་ཅིང་སྨྲ་བ་དེ་དགེ་སློང་མ་དེས་ཉན་པ་དང༌། སྦེད་མས་འཆར་ཀའིརྣ་བར་བཤུབ་ཅིང་སྨྲ་བ་དང༌། འཆར་ཀས་བཤུབ་ཅིང་སྨྲ་བ་དེ་སྦེད་མས་ཉན་པ་ལས་བཅས་སོ། །གཉིས་པ་ངོ་བོ་ནི་དགེ་སློང་མས་ཁྱིམ་པའི་རྣར་མ་རེག་ཙམ་དུ་རྣ་དྲུང་དུ་བསྙེན་ཏེ་བཤུབཅིང་སྨྲ་བ་ལས་གྱུར་བའི་ལྟུང་བ་དངོས་གཞིའོ། །ཁྱིམ་པས་བཤུབ་ཅིང་སྨྲ་བ་དེ་ལས་དགེ་སློངམ་དེས་ཚིག་དེ་ཉན་པ་ལས་གྱུར་བའི་ལྟུང་བ་དངོས་གཞིའོ། །དགེ་སློང་གིའོ་ཞེས་པ་དགེསློང་གི་རྣ་བར་དགེ་སློང་མས་བཤུབ་ཅིང་སྨྲ་བ་ལས་གྱུར་བའི་ལྟུང་བ་དངོས་གཞིའོ། །དེ་ལསཀྱང་ངོ་སྟེ་དགེ་སློང་གིས་བཤུབ་ཅིང་སྨྲ་བ་དེ་ལས་ཀྱང་དགེ་སློང་མ་དེས་ཚིག་དེ་ཉན་པ་ལས་གྱུར་བའི་ལྟུང་བ་དངོས་གཞིའོ། །

༈ རིག་པ་ལེན་ཀློག་གི་ལྟུང་བྱེད་གཉིས་ལས།

༣༤ ཁྱིམ་པ་ལས་རིག་པ་ལེན་པབཤད་པ་ལ་གཉིས་ལས། དང་པོ་གླེང་གཞི་ནི། སྦོམ་དགའ་མོ་སྐྱེས་པ་ལ་ཆགས་ནས་སྤོསའཚོང་གི་ཁྱེའུའི་གྲོང་དུ་སོང་སྟེ། བཞིན་བཟང་རིག་པ་ཅུང་ཟད་ཀློག་གམ། ཐོན་ཅིག་དང་བསླབཔོ་ཞེས་སྨྲས་པ་དང༌། ཁྱེའུ་དེས་འདི་སྐད་ཅེས། ས་རི་ཕུ། བི་སི་རི་ཕུ། སི་རི། བི་སི་རི། ཕུ་སྭཱ་ཧཱ། ཞེས་སྨྲས་པ་ན་སྦོམ་དགའ་མོས་འདི་སྐད་ཅེས་ཡང་དང་ཡང་དུ་བརྗོད་ཅིག་ཅེས་སྨྲས་པ་དང༌།དེ་ཁྲོས་ནས་མགོ་རེག་མོ་ངན་པ་ཞེས་སྤྱོས་པའི་བྱུང་བ་ལས་སོ། །གཉིས་པ་ངོ་བོ་ནི་དགེ་སློངམས་ཆོས་འཆད་པ་པོ་ཁྱིམ་པ་ལས་རིག་པ་གང་ཡང་རུང་བ་ལེན་པ་ལས་གྱུར་བའི་ལྟུང་བདངོས་གཞིའོ། །

༣༥ ཁྱིམ་པ་ལས་རིག་པ་ཀློག་པ་བཤད་པ་ལ་གཉིས་ལས། དང་པོ་གླེང་གཞི་ནི། སྦོམ་དགའ་མོས་སྐྱེས་པ་ཞིག་རིག་པ་ཀློག་ཏུ་བཅུག་སྟེ། ཀྱེ་ནང་རྗེ། ས་རི་ཕུ། བི་སི་རི་ཕུ། སིརི་པི་རི་ཕུ་སྭཱ་ཧཱ། ཞེས་ཟུངས་ཞིག་ཅེས་ལན་གསུམ་བཏོན་པ་དང༌། མི་དེས་སྨྲས་པ། བདགགིས་ཀུན་ཆུབ་པར་བཟུང་བ་ལགས་སོ། །སྦོམ་དགའ་མོས་སྨྲས་པ། ཡང་དང་ཡང་དུ་ཟུངས་ཤིག་ཅེས་ཡང་དང་ཡང་དུ་བརྗོད་པ་དང༌། མི་དེ་ཁྲོས་ནས་མགོ་རེག་མོ་ངན་པ་ཁྱོད་ཀྱང་མམཐོང་ཡང་སླ། རིག་པ་ཡང་མེད་དུ་ཟད་དོ་ཞེས་ཟེར་བའི་བྱུང་བ་ལས་སོ། །གཉིས་པ་ངོ་བོ་ནི་ནང་རིག་པའི་ཚིག་ཀློག་པར་བྱེད་པ་པོ་ཁྱིམ་པ་དེ་ལས་རིག་པ་དེ་ཀློག་པ་ལ་དགེ་སློང་མས་ཉནཔ་ལས་གྱུར་བའི་ལྟུང་བ་དངོས་གཞིའོ། །དེ་ལྟར་ན་སྔ་མ་ནི་ནང་རིག་པའི་དོན་བཤད་པ་ལེནཔ་སྟེ། དགེ་སློང་མས་དོན་གོ་ན་ལྟུང་བྱེད་དོ། །འདི་ནི་ནང་རིག་པའི་ཚིག་ཀློག་པ་ཉན་པ་སྟེ་དགེསློང་མས་ཚིག་ཐོས་ན་ལྟུང་བྱེད་དོ། །ཞེས་གསུངས་སོ། །

༣༦ རྨ་བཅིངས་པ་འགྲོལ་དུ་འཇུག་པ་བཤད་པ་ལ་གཉིས་ལས། དང་པོ་གླེངགཞི་ནི་གཙུག་དགའ་མོའི་དཔུང་བར་ཕོལ་མིག་བྱུང་ནས། དེ་སྨན་པ་ལ་འཆིང་དུ་བཅུག་ནས་བཅིངས་ཟིན་པ་དང་ཧ་ཅང་དམ་ཆེས་སོ་ཞེས་སྨྲས་སོ། །ལྷོད་པར་བྱས་པ་ལ་ཧ་ཅང་ལྷོད་ཆེས་སོ། །ཞེས་དེ་ལྟར་འཆིང་དུ་བཅུག་ཅིང་འགྲོལ་དུ་བཅུག་སྟེ། ཆགས་སེམས་ཀྱིས་ཡང་དང་ཡངདུ་དེ་ལྟར་བྱས་པ་ལས་སོ། །གཉིས་པ་ངོ་བོ་ནི་དགེ་སློང་མས་སེམས་ཉོན་མོངས་པ་ཅན་གྱི་སྒྱུཐབས་ཀྱི་རྨ་བཅིངས་ཤིང་སྐྱེས་པ་ལས་འགྲོལ་དུ་འཇུག་པ་ལས་གྱུར་བའི་ལྟུང་བ་དངོས་གཞིའོ། །

༣༧ བུ་འཚོ་བའི་ལྟུང་བྱེད་བཤད་པ་ལ་གཉིས་ལས། དང་པོ་གླེང་གཞི་ནི་ཁྱིམ་བདགགི་ཆུང་མ་ལ་བུ་བཙས་པ་ན། སྦོམ་དགའ་མོས་ཁྱེའུ་དེ་བླངས་ཏེ་ཆུ་དྲོན་གྱིས་བཀྲུས་མིག་ཏུ་མིགསྨན་བླུགས། ས་ཞག་གིས་ཐིག་ལེ་བྲིས། སྦྲང་རྩི་དང་མར་གྱིས་བསྙོད་པ་ལས་སོ། །གཉིས་པ་ངོ་བོ་ནི་དགེ་སློང་མས་རང་གི་བུ་ཆུང་ངུ་ལས་གཞན་པའི་བུ་འཚོ་བ་སྟེ། ཁྱེའུ་དང་མ་ནིངདང་བུ་མོ་དག་འཚོ་ཞིང་རྩེ་བ་ལ་སོགས་པ་ལས་གྱུར་བའི་ལྟུང་བ་དངོས་གཞིའོ། །

༣༨ ཁྱིམ་བདག་ལ་མ་དྲིས་པར་ཁྱིམ་གཞན་དུ་མཚན་འདའ་བ་བཤད་པ་ལ་གཉིས་ལས། དང་པོ་གླེང་གཞི་ནི་དགེ་སློང་མ་རབ་ཏུ་མང་པོ་ལྗོངས་རྒྱུ་ཞིང་འདོད་པ་ན། ཐ་ག་པའིཁྱིམ་དུ་ནུབ་མོ་བྲང་བཏབ་སྟེ་འདུག་གོ །དེའི་འོག་ཏུ་མུན་སྲོས་པ་དང་ཁྱིམ་བདག་དེ་འོངསནས། དེས་དགེ་སློང་མ་དེ་དག་མ་མཐོང་མ་ཐོས་པར། དེས་ཆུང་མ་དང་ཀུན་ཏུ་སྤྱོད་པ་དེ་དགེ་སློང་མ་གཞོན་ནུ་ཞིག་གིས་ཚོར་ནས་གད་མོ་བགད་པ་དང༌། ཁྱིམ་བདག་དེ་ཁྲོས་ཏེ། དགེསློང་མ་དེ་དག་ནམ་ཕྱེད་ནས་སྒོར་བཏོན་པ་ལས་སོ། །གཉིས་པ་ངོ་བོ་ནི་དགེ་སློང་མས་ཁྱིམབདག་ལ་མ་དྲིས་པར་ཕྱུགས་ཀྱི་ལྷས་སམ་མགྲོན་ཁང་ལ་སོགས་པར་ཁྱིམ་གཞན་དུ་མཚནམོ་འདའ་བར་བྱེད་པ་ལས་གྱུར་བའི་ལྟུང་བ་དངོས་གཞིའོ། །

༣༩ མཚན་མོ་མ་བརྟགས་པར་འདའ་བ་བཤད་པ་ལ་གཉིས་ལས། དང་པོ་གླེངགཞི་ནི་དགེ་སློང་མ་རྣམས་ལྗོངས་རྒྱུ་བ་ན་ཁྱིམ་བདག་གཅིག་ལ་གནས་བརྙས་ཏེ་ནུབ་མོ་དེ་ན་འཁོད་པ་ལས། མཚན་མོ་ཆར་བབ་ནས། དེ་དག་ཕུགས་ལོགས་སུ་ནུར་ཏེ་ཞུགས་པ་དང༌།

དེ་ན་སྐྱེས་པ་སྔར་ཞུགས་པ་ཞིག་ཡོད་པ་དེས་དགེ་སློང་མ་གཟུང་བ་ན། དེ་དག་གིས་ངུ་སྐད་བཏབ་བོ། །དེ་ནས་དགེ་སློང་མ་གཞན་རྣམས་ཀྱིས་དེ་ལ་གསོལ་བ་བྱས་ཏེ་བཏང་བ་ལས་སོ། །

གཉིས་པ་ངོ་བོ་ནི་དགེ་སློང་མས་མཚན་མོ་གནས་འདིར་སྔར་ནས་སྐྱེས་པ་མ་ཞུགས་སམ་ཞེསམ་བརྟགས་པར་སྐྱབས་མུན་ཁུང་དང་ནག་ཐིབས་ལ་སོགས་པ་ཡོད་པར་མཚན་མོ་འདའ་བརབྱེད་པ་ལས་གྱུར་བའི་ལྟུང་བ་དངོས་གཞིའོ། །

༤༠ གནས་ཁང་དུ་མཚན་མོ་འདའ་བ་བཤད་པ་ལ་གཉིས་ལས། དང་པོ་གླེང་གཞིནི་སྦོམ་དགའ་མོས་སྐྱེས་པ་ལ་བརྡ་བྱས་ཏེ་སྐྱེས་པ་དེ་དབྱར་ཁང་གི་གནས་ཁང་དུ་འོངས་པ་ན། དེ་དགེ་སློང་མ་རྣམས་ཀྱིས་འཕྲིགས་ཏེ་སྨོད་པར་བྱེད་པ་ལས་སོ། །གཉིས་པ་ངོ་བོ་ནི་སྟེངགཡོགས་དང་བཅས་པའི་གནས་དེར་དགེ་སློང་མ་གཞན་མེད་པར་དགེ་སློང་མ་གཅིག་པུ་མཚནམོ་འདའ་བར་བྱེད་པ་ལས་གྱུར་བའི་ལྟུང་བ་དངོས་གཞིའོ། ། འདི་གསུམ་ལ་མཚན་མཐའཡན་ལག་ཏུ་དགོས་སོ། །

༤༡ ལོངས་སྤྱོད་ཅིང་གནས་པ་བཏང་བ་བཤད་པ་ལ་གཉིས་ལས། དང་པོ་གླེངགཞི་ནི། དགེ་སློང་མ་འཆི་ལྟས་མ་དང་ཉེ་བའི་འཆི་ལྟས་མ་གཉིས་ཁྲི་གཅིག་ལ་ཉལ་ཏེ་སྐྱེས་པ་དང་བུད་མེད་འཁོད་པ་བཞིན་དུ་རྒོད་པ་དང་འཕྱར་གཡེང་དང་ལུས་ཀྱི་ཙབ་ཧྲལ་བྱེད་པ་ལ་དགེ་སློང་མ་རྣམས་འཕྱ་བར་བྱེད་པ་ལས་སོ། །གཉིས་པ་ངོ་བོ་ནི་དགེ་སློང་མས་དགེ་སློངམ་གཞན་དང་ཁྲི་གཅིག་གམ་སྟན་གཅིག་ལ་ལྷན་ཅིག་ཤ་མཐང་རེག་པ་དང་བཅས་ཤིང་མཚནམོ་ཉལ་བ་ལ་སྐྱ་རེངས་འཆར་བ་ལས་གྱུར་བའི་ལྟུང་བ་དངོས་གཞིའོ། །

༈ བྱི་དོར་ལས་གྱུར་པ་བརྒྱད་ལས་༤༢་༤༣་༤༤་༤༥་༤༦དང་པོ་ལྔ་བཤད་པ་ལ་གཉིས་ལས། དང་པོ་གླེང་གཞི་ནི་སྦོམ་དགའ་མོས་རང་གི་ལུས་ཀྱི་དྲིལ་ཕྱི་དགེ་སློང་མ་བྱེདདུ་བཅུག་པ་དང༌། དུར་ཁྲོད་བསྟེན་པ་འདི་དྲིལ་ཕྱི་བྱས་ཏེ་ཅི་བྱ་ཞེས་ཟེར་རོ། །དེས་སྨྲས་པ། པགས་པའི་མདོག་འདི་འཚེར་ཞིང་གསལ་བར་བྱས་པ་དང༌། བརྒྱན་པོ་པ་དང་ནལ་ཕྲུག་རྣམསཀྱི་སྙིང་འགས་པར་འགྱུར་རོ་ཞེས་སྨྲས་པ་ལས། དགེ་སློང་མ་རང་གི་ལུས་ལ་དགེ་སློང་མ་དྲིལཕྱི་བྱེད་དུ་འཇུག་པ་བཀག་པ་དང༌། དེ་ནས་དགེ་སློབ་མ་དང་དགེ་ཚུལ་མ་དང་ཁྱིམ་པ་མོ་དང༌། མུ་སྟེགས་མོ་དྲིལ་ཕྱི་བྱེད་དུ་འཇུག་སྟེ། སྔ་མ་སྔ་མ་བཀག་པ་དང༌། ཕྱི་མ་ཕྱི་མ་བྱེད་དུ་བཅུགཔ་ལས་སོ། །གཉིས་པ་ངོ་བོ་ནི་དགེ་སློང་མས་རང་གི་ལུས་ལ་འདག་རྫས་ཀྱིས་དྲིལ་ཞིང་ཕྱིབའི་ལུས་ཀྱི་དྲིལ་ཕྱི་དགེ་སློང་མ་གཞན་བྱེད་དུ་འཇུག་པ་དང༌། དགེ་སློབ་མ་དང༌། དགེ་ཚུལ་མ་དང༌། ཁྱིམ་པ་མོ་དང་མུ་སྟེགས་མོ་བྱེད་དུ་འཇུག་ན་རེ་རེ་ལས་གྱུར་བའི་ལྟུང་བ་དངོས་གཞིལྔའོ། །

༤༧་བཀྲུ་བཤལ་བྱེད་དུ་འཇུག་པ་བཤད་པ་ལ་གཉིས་ལས། དང་པོ་གླེང་གཞི་ནིདགེ་སློང་མ་བཅུ་གཉིས་སྡེ་དེ་དག་གིས་སྨྲས་པ། མར་དང་བག་ཕྱེ་དང་ཏིལ་གྱིས་བསྐུ་བ་ནིབཅོམ་ལྡན་འདས་ཀྱིས་མ་གནང་བས། ཆུས་དྲག་ཏུ་བསྲུབ་ཅིང་བཀྲུས་ལ་ལུས་འཇམ་ཞིངདཀར་པར་བྱའོ་ཞེས་ལུས་ལ་ཆུས་བསྲུབ་ཅིང་དྲག་ཏུ་འཁྲུ་བར་བྱེད་པ་ལས་སོ། །གཉིས་པ་ངོ་བོ་ནི་དགེ་སློང་མས་རང་གི་ལུས་ལ་ཆུ་འབའ་ཞིག་གིས་དྲི་མ་བཀྲུ་བཤལ་བུད་མེད་གཞནབྱེད་དུ་འཇུག་པ་ལས་གྱུར་བའི་ལྟུང་བ་དངོས་གཞིའོ། །

༤༨ རྫས་དྲི་ཞིམ་པོ་བསྐུད་པ་བཤད་པ་ལ་གཉིས་ལས།

དང་པོ་གླེང་གཞི་ནི་སྦོམདགའ་མོས་ལུས་ལ་དྲི་ཞིམ་པོས་བསྐུད་པར་བྱེད་པ་ལས་སོ། །གཉིས་པ་ངོ་བོ་ནི་རྫས་དྲི་ཞིམཔ་དག་གིས་དགེ་སློང་མས་རང་གི་ལུས་བསྐུད་པ་ལས་གྱུར་བའི་ལྟུང་བ་དངོས་གཞིའོ། །

༤༩ འབྲུ་མར་གྱི་ཚིགས་མས་བསྐུད་པ་བཤད་པ་ལ་གཉིས་ལས། དང་པོགླེང་གཞི་ནི་སྦོམ་དགའ་མོས་ཏིལ་གྱི་འབྲུ་མར་གྱི་ཚིགས་མས་ལུས་ཕྱི་བར་བྱེད་པ་ལས་སོ། །གཉིས་པ་ངོ་བོ་ནི་འབྲུ་མར་གྱི་ཚིགས་མ་དགེ་སློང་མ་རང་གི་ལུས་ལ་བསྐུད་པ་ལས་གྱུར་བའིལྟུང་བ་དངོས་གཞིའོ། །

༥༠ ཆུ་ལ་ལོངས་སྤྱོད་པ་བཤད་པ་ལ་གཉིས་ལས། དང་པོ་གླེང་གཞི་ནི་བཅུ་གཉིསསྡེ་རྣམས་ཁྱིམ་བདག་གི་ཆུང་མ་མང་པོ་དང་ལག་པ་སྦྲེལ་ནས་འབབ་ཆུ་ཨ་ཛ་ར་བ་ཏིར་ཞུགསནས་ལུས་ཁྲུས་བྱེད་པ་ན། གཅིག་ལ་གཅིག་མཛུབ་མོ་འཛུགས་ཤིང༌། རྩེ་བར་བྱེད་ཅིང་ལུསཀྱིས་ཙབ་ཧྲལ་བྱེད་པ་ལས་སོ། །གཉིས་པ་ངོ་བོ་ནི་དགེ་སློང་མས་བུད་མེད་དང་ལྷན་ཅིག་ལགཔ་སྦྲེལ་ཏེ། ཆུའི་ནང་དུ་ཞུགས་ནས་ཁྲུས་བྱེད་པ་ལས་གྱུར་བའི་ལྟུང་བ་དངོས་གཞིའོ། །

༈ འཆོས་པ་ལས་གྱུར་པ་དྲུག་ལས། ༥༡་༥༢་༥༣་༥༤སྐྲ་ཤད་པ་བཞི་བཤད་པ་ལ་གཉིས་ལས། དང་པོ་གླེང་གཞི་ནི་བཅུ་གཉིས་སྡེ་རྣམས་པུ་ཤེལ་ཙིས་༼དྲེས་མའི་རྩ་བ༽སྐྲ་ཤདཔ་ན་དགེ་སློང་མ་རྣམས་ཀྱིས་སྨྲས་པ། ཕུ་ནུ་མོ་དག་འདིས་ཅི་བྱེད། དེ་དག་གིས་སྨྲས་པ། སྐྲམ་འཛིངས་པར་བསྐྱེད་མོད། ཁྱེད་ཅག་ནི་སྐྲ་བསྐྱེད་པ་མ་ཡིན་གྱི། ཉོན་མོངས་པ་བསྐྱེད་དོཞེས་སྨྲས་པ་དང༌། དེ་བཞིན་དུ་བཅུ་གཉིས་སྡེས་སོ་མང་དང༌། རྩྭའི་ཐུམ་བུ་དང༌། དེ་གསུམསྦྲག་གཤིབས་པས་སྐྲ་ཤད་པར་བྱེད་པ་ལས་སོ། །གཉིས་པ་ངོ་བོ་ནི་དགེ་སློང་མས་སྐྲ་མ་འཛིངསཔར་ལེགས་པར་བཅོས་པའི་ཕྱིར་པུ་ཤེལ་ཙིས་སྐྲ་ཤད་པ་ལས་གྱུར་བའི་ལྟུང་བ་དངོས་གཞིའོ། །

དགེ་སློང་མས་སྐྲ་བཅོས་པའི་ཕྱིར་སོ་མང་དང་སྨྱུག་ཤད་དང་ དེ་དག་གསུམ་ཆར་བསྡུས་པ་ཞེསབྱ་བ་དེ་དག་གིས་སྐྲ་ཤད་པ་ལ་ཡང་ལྟུང་བ་དངོས་གཞི་རེ་རེར་འགྱུར་རོ། །

༥༥ སྐྲ་བརྙན་ཐོགས་པ་བཤད་པ་ལ་གཉིས་ལས། དང་པོ་གླེང་གཞི་ནི་སྦོམ་དགའམོས་བསམས་པ་བདག་གིས་བྱས་སོ་ཅོག་ཐམས་ཅད་ནི་ཕུལ་དུ་ཕྱིན་པར་བྱས་པས། བདགགིས་སྐྲ་བརྙན་ཡང་ཐོགས་པར་བྱའོ་སྙམ་ནས། གར་མཁན་ལ་སྐྲ་བརྙན་བརྙས། རོལ་མོ་མཁནལ་གོས་དང་ལྷམ་ཟུང་གཅིག་བརྙས་ཏེ། སྨད་འཚོངས་ཡོད་པའི་རྟགས་བཙུགས་ཏེ། གནསགཅིག་ཏུ་བསྡད་པ་ལས་སོ། །གཉིས་པ་ངོ་བོ་ནི་དགེ་སློང་མ་ལ་སྐྲ་བརྙན་ཐོགས་པ་ལས་གྱུར་བའི་ལྟུང་བ་དངོས་གཞིའོ། །སྐྲ་བརྙན་ནི་སྐྲ་ཚབ་ཡིན་ནོ། །

༥༦ ཁྱིམ་པའི་རྒྱན་ཐོགས་པ་བཤད་པ་ལ་གཉིས་ལས། དང་པོ་གླེང་གཞི་ནི། ཕྱུགཔོའི་བུད་མེད་དེ་དག་སྐྲའི་བྱི་དོར་བྱེད་པ་ན་རྒྱན་རྣམས་རྒྱན་གྱི་སྣོད་སྤྲོག་མ་དག་ཏུ་བཞག་པན། དེ་སྦོམ་དགའ་མོས་བླངས་ཏེ་རྒྱན་དེ་དག་ཐོགས་པ་དང༌། འཕགས་མ་ཅི་མཛད། རྒྱན་གྱིསམཛེས་སམ་བལྟ་མོད། དེ་ལ་མཛེས་སུ་ཅི་ཡོད་ཅེས་ཁ་ཟེར་བར་བྱེད་པ་ལས་སོ། །གཉིས་པ་ངོ་བོ་ནི་དགེ་སློང་མས་ཁྱིམ་པའི་རྒྱན་རིན་པོ་ཆེ་ལས་བྱས་པའི་མགུལ་རྒྱན་དང་གདུབ་བུ་རྒྱནཅན་དང་དཔུང་རྒྱན་དང་དོ་ཤལ་དང་སེ་མོ་དོ་དང་མུ་ཏིག་གི་ཆུན་པོ་ལ་སོགས་པ་ཐོགས་པ་ལས་གྱུར་བའི་ལྟུང་བ་དངོས་གཞིའོ། །

༥༧་༥༨་༥༩རྒྱགས་པ་ལས་གྱུར་པ་གསུམ་བཤད་པ་ལ་གཉིས་ལས། དང་པོ་གླེངགཞི་སྦོམ་དགའ་མོས་རྒྱལ་རིགས་ཀྱི་དགའ་འདུན་རྣམས་ལ་གར་སློབ་པར་བྱེད། གར་སྟོནཔར་བྱེད་པ་ལས། གར་བྱེད་པ་དང་བྲོ་བརྡུང་བ་བཀག་ཅིང༌། བྲམ་ཟེའི་དགའ་འདུན་རྣམསསྦོམ་དགའ་མོའི་དྲུང་དུ་སོང་སྟེ། བདག་ཅག་ལ་ཡང་གླུ་སློབས་ཤིག་ཅེས་ཟེར་བ་ན། དེས་དེདག་ལ་གླུ་སློབ་པར་བྱེད། གླུ་སྟོན་པར་བྱེད་པ་ལས་གླུ་ལེན་པ་བཀག་གོ །རྒྱལ་རིགས་ཀྱི་དགའའདུན་རྣམས་སྦོམ་དགའ་མོའི་དྲུང་དུ་སོང་སྟེ། བདག་ཅག་ལ་ཡང་རོལ་མོ་སློབས་ཤིག་ཅེསཟེར་བ་ན། དེས་དེ་དག་ལ་རོལ་མོ་སློབ་པར་བྱེད། རོལ་མོ་སྟོན་པར་བྱེད་པ་ལས་རོལ་མོ་བྱེདཔ་བཀག་པའོ། །གཉིས་པ་ངོ་བོ་ནི་དགེ་སློང་མ་རང་གིས་བྲོ་བརྡུང་བའམ་གར་བྱེད་པ་ལས་གྱུར་བའི་ལྟུང་བ་དངོས་གཞིའོ། །དགེ་སློང་མ་རང་གིས་གླུ་ལེན་པ་ལས་གྱུར་བའི་ལྟུང་བ་དངོསགཞིའོ། ། དགེ་སློང་མ་རང་གིས་པི་ཝང་ལ་སོགས་པའི་རོལ་མོ་བྱེད་པ་ལས་གྱུར་བའི་ལྟུང་བ་དངོས་གཞིའོ། །

ལོངས་འཆོས་པ་ལས་གྱུར་པ་གསུམ་ལས།

༦༠ གདུགས་ཐོགས་པ་བཤད་པ་ལ་གཉིས་ལས། དང་པོ་གླེང་གཞི་ནི་གཙུག་དགའ་མོ་གདུགས་ཐོགས་ཏེ་བསོད་སྙོམས་ལ་རྒྱུབ་ན། དེ་ལ་སྐྱེ་བོ་མང་པོ་གད་མོ་དགོད་ཅིང་ཁྱིམ་བདག་རྣམས་འཕྱ་བ་ལས་སོ། །གཉིས་པ་ངོ་བོ་ནི་ལོངས་སྤྱོད་དུ་གྱུར་པའི་གདུགས་དགེ་སློང་མས་རང་གི་སྟེང་དུ་ཕུབ་སྟེ་ཐོགས་པ་ལསགྱུར་བའི་ལྟུང་བ་དངོས་གཞིའོ། །

༦༡ མཆིལ་ལྷམ་གྱོན་པ་བཤད་པ་ལ་གཉིས་ལས། དང་པོ་ལྟུང་བྱེད་ཀྱི་གླེང་གཞིནི་གཙུག་དགའ་མོས་ལོངས་སྤྱོད་དུ་གྱུར་པའི་མཆིལ་ལྷམ་གྱོན་པ་ལས་སོ། །གཉིས་པ་ངོ་བོ་ནི་དགེ་སློང་མས་ལོངས་སྤྱོད་དུ་གྱུར་པའི་མཆིལ་ལྷམ་གྱོན་པ་ལས་གྱུར་བའི་ལྟུང་བ་དངོས་གཞིའོ། །མའི་སོ་ཐར་འགྲེལ་པ་ལས། དགེ་སློང་མ་གང་མཆིལ་ལྷམ་ཁྲ་བོ་གྱོན་ན་ལྟུང་བྱེད། ཅེས་གསུངས་སོ། །

༦༢ ཁྲིའུའི་བསྙེན་བཀུར་ཉམས་སུ་མྱོང་བར་བྱེད་པ་བཤད་པ་ལ་གཉིས་ལས། དང་པོ་གླེང་གཞི་ནི་ལུང་ལས་དགེ་སློང་མ་རྣམས་སྟེགས་བསྐྱེད་དུ་བཅུག་ཅིང༌། སྟན་ཁྱེར་ལ་གནསག་གེ་མོ་ཞིག་ཏུ་ཐིང་ཞིག་ཅེས་བསྒོ་བར་བྱེད་པ་ལས་བསླབ་པ་འདི་བཅས་པར་གསུངས་སོ། །

གཉིས་པ་ངོ་བོ་ནི་ཁྲིའུ་དེ་ལ་བདག་ཉིད་འདུག་འཇུག་པའི་བསྙེན་བཀུར་ཁྲིའུ་ཡང་དང་ཡངདུ་ཤོམ་དུ་འཇུག་པ་ཉམས་སུ་མྱོང་བར་བྱེད་པ་ལས་གྱུར་བའི་ལྟུང་བ་དངོས་གཞིའོ། །

༦༣ ཐུགས་ཐུབ་ཏུ་ཕྱིས་གནོན་བྱེད་པ་བཤད་པ་ལ་གཉིས་ལས། དང་པོ་གླེང་གཞིནི་སྦོམ་དགའ་མོ་བསོད་སྙོམས་ཀྱི་ཕྱིར་ཁྱིམ་དུ་ཞུགས་ཏེ་བྲམ་ཟེའི་སྟན་ལ་འདུག་གོ །བྲམ་ཟེདེ་འོངས་པ་ན། སྦོམ་དགའ་མོ་སྟན་དེའི་སྟེང་ན་འདུག་པ་མཐོང་ནས་སྨོད་པར་བྱེད་པ་ལསསོ། །གཉིས་པ་ངོ་བོ་ནི་དགེ་སློང་མས་ཁྱིམ་གཞན་དུ་བདག་པོས་མ་བསྒོ་བར་ཁྱིམ་པའི་སྟནལ་ཐུགས་ཐུབ་འདུག་པ་ལས་གྱུར་བའི་ལྟུང་བྱེད་དངོས་གཞིའོ། །ཐུགས་ཐུབ་ཏུའོ་ཞེས་བྱ་བནི་བཙན་ཐབས་སུའོ་ཞེས་ཊཱི་ཀ་ལས་སོ། །

༦༤ ཁྱིམ་པ་ལ་ལོག་ཐབས་བྱེད་པ་བཤད་པ་ལ་གཉིས་ལས། དང་པོ་གླེང་གཞིནི་སྦོམ་དགའ་མོས་ཁྱིམ་པ་མོ་རྣམས་ལ་མདོ་རིང་པོ་འཆད་པ་ན། ཁྱིམ་པ་མོ་དེ་རྣམས་ཁྱིམགྱི་བྱ་བ་ཉམས་པར་འགྱུར་རོ་སྙམ་ནས་དེ་དག་ལངས་ཏེ་སོང་ངོ༌། །སྦོམ་དགའ་མོས་ཀྱང་སྟནབོར་ཏེ་སོང་བ་དང༌། སྟན་དེ་རྐུན་པོས་ཁྱེར་བ་ལ་ཁྱིམ་པ་མོ་དེ་རྣམས་ཁ་ཟེར་བར་བྱེད་པ་ལསསོ། །གཉིས་པ་ངོ་བོ་ནི་དགེ་སློང་མས་ཆོས་འཆད་ཅིང་ཁྱིམ་པ་ཆོས་ཉན་དུ་གཞུག་པའི་གནསསྐབས་སུ་ཁྱིམ་པའི་སྟན་གདིང་བ་ལ་དགེ་སློང་མས་ལོངས་སྤྱོད་པ་ཁྱིམ་པ་ལ་མ་སྦྲན་པར་བོརཏེ་འགྲོ་བ་ལ་འདོམ་བཞི་བཅུ་རྩ་དགུ་འདས་པ་ལས་གྱུར་བའི་ལྟུང་བ་དངོས་གཞིའོ། །

ཁྱིམ་པ་མོའི་བཟོ་སྟོན་པ་ལས་གྱུར་པ་ལ།

སྐུད་པ་འཁལ་བ་དང༌། ཁྱིམ་གྱི་བྱབ་བྱེད་པ་དང༌། རྗེན་པ་འཚོད་པ་གསུམ། དང་པོ་ལ་གསུམ་ལས། ༦༥དང་པོ་སྐུད་པ་འཁལབ་དངོས་བཤད་པ་ལ་གཉིས་ལས། དང་པོ་གླེང་གཞི་ནི་གཙུག་དགའ་མོ་ཁྱིམ་དུ་བསོད་སྙོམསསུ་སོང་སྟེ། བསོད་སྙོམས་བྱིན་ཅིག་ཅེས་སྨྲས་པ་ན། བདག་སྐུད་པ་འཁལ་བས་གློ་བ་བྲེལ་ལོཞེས་ཟེར་བ་དང༌། ཁྱོད་སོང་ལ་བསོད་སྙོམས་ལོང་ལ་ཤོག་ཅིག་དང་ཁོ་མོས་སྐུད་པ་བཀལ་ལོཞེས་དེས་བསོད་སྙོམས་ཀྱི་ཕྱིར་སྐུད་པ་བཀལ་བ་ལས་སོ། ། གཉིས་པ་ངོ་བོ་ནི་དགེ་སློང་མསསྐུད་པ་འཁལ་བ་སྟེ་བལ་འཁལ་བ་ལས་གྱུར་བའི་ལྟུང་བ་དངོས་གཞིའོ། །

༦༦ གཉིས་པ་ཚོགས་ཀྱི་གོས་བདག་གིར་བྱེད་པ་བཤད་པ་ལ་གཉིས་ལས།

དང་པོ་གླེང་གཞི་ནི། བཅོམ་ལྡན་འདས་ཀྱིས་དགེ་སློང་མ་རྣམས་ལ་རྨེ་གབ་རྗེས་སུ་གནང་ངོ་ཞེསསྦོམ་དགའ་མོས་བཙུན་མོ་འཕྲེང་ལྡན་མ་ལ་སྨྲས་པ་དང༌། བཙུན་མོས་གོས་སྣ་ཚོགས་ཀྱི་སྒྲོམདག་སྦོམ་དགའ་མོ་ལ་གཏད་ནས་གོས་འདི་རྣམས་དགེ་སློང་མའི་ཚོགས་ཐམས་ཅད་ལ་བྲིམསཤིག་ཅེས་བསྒོའོ། །དེ་ནས་སྦོམ་དགའ་མོས་གོས་དེ་དག་ཐམས་ཅད་བདག་གིར་བྱས་ཏེ། དགེསློང་མ་གཞན་གྱིས་བསླངས་པ་ན་དེས་མ་སྟེར་བ་ལས་སོ། །གཉིས་པ་ངོ་བོ་ནི་དགེ་སློང་མགང་གིས་དགེ་སློང་མའི་བཞིར་ལོངས་པའི་ཚོགས་དགེ་སློང་མའི་དགེ་འདུན་རྣམས་ཀྱིས་གོསདེ་བདག་ཉིད་དབང་ངོ་སྙམ་དུ་ངེས་པའི་རྟོག་པའི་དབང་གིས་རང་འབའ་ཞིག་གིས་བདག་གིརབྱེད་པ་ལས་གྱུར་བའི་ལྟུང་བ་དངོས་གཞིའོ། །

༦༧ གསུམ་པ་ཟས་འཚོང་བའི་ལྟུང་བ་བཤད་པ་ལ་གཉིས་ལས། དང་པོ་གླེངགཞི་ནི་སྦོམ་དགའ་མོས་བསོད་སྙོམས་མང་དུ་རྙེད་པ་དང༌། ཟས་བསོད་པ་རྣམས་ནི་རང་གིསཟོས་ཤིང༌། འབྲས་ཆན་ལ་སོགས་པ་རྣམས་ནི་གཞན་ལ་བཙོངས་པ་ལས་སོ། །གཉིས་པ་ངོ་བོ་ནི་དགེ་སློང་མས་ཕྱེ་དང་འབྲས་ཆན་དང་མར་དང་སྣུམ་འཁུར་ལ་སོགས་པ་ཟས་བཙོང་ནསརིན་བདག་གིར་བྱས་པ་ལས་གྱུར་བའི་ལྟུང་བ་དངོས་གཞིའོ། །

༦༨ ཁྱིམ་པ་མོའི་བཟོ་སྟོན་པའི་ལྟུང་བྱེད་གཉིས་པ་སྟོན་ཏེ། ཁྱིམ་གྱི་བྱ་བ་བྱས་པབཤད་པ་ལ་གཉིས་ལས། དང་པོ་གླེང་གཞི་ནི་སྦོམ་དགའ་མོས་ཁྱིམ་བདག་གི་ཆུང་མ་ལ་བསོདསྙོམས་བསླངས་པ་ན། འཕགས་མ་བདག་གི་ཁྱིམ་གྱི་གོ་རེ་ལོང་མཛོད་ཅིག་ཅེས་ཟེར་བ་དང་སྦོམ་དགའ་མོས་ཁྱིམ་ཐམས་ཅད་ཆག་ཆག་ལེགས་པར་བཏབ། ཕྱག་བདར་ལེགས་པར་བྱསནས་མལ་བཅས། སྣོད་སྤྱད་རྣམས་བྱི་དོར་བྱས་ནས་བཞག་སྟེ་ཁྱིམ་དེ་ཐམས་ཅད་ཤིན་ཏུམཛེས་པར་བྱས་པ་ལ། དོན་ཉུང་བྱ་བ་ཉུང་བའི་དགེ་སློང་མ་རྣམས་སྨོད་པར་བྱེད་པ་ལས་སོ། །

གཉིས་པ་ངོ་བོ་ནི་དགེ་སློང་མས་ཁྱིམ་པ་མོས་བྱ་བར་འོས་པའི་ཁྱིམ་དུ་ཆག་ཆག་དང་ཕྱག་བདརལ་སོགས་པ་འཕྲལ་གྱི་བྱ་བ་རྣམས་བྱས་པ་ལས་གྱུར་བའི་ལྟུང་བ་དངོས་གཞིའོ། །སྐབསསུ་བསླབ་བྱའི་ཉེས་བྱས་གཉིས་བསྟན་པ་ནི། ཆང་གི་ལས་མི་བྱ་བ་དང༌། ཆང་ཁང་བྱེད་དུ་མིགཞུག་པ་སྟེ། འདི་གཉིས་ནི་དགེ་སློང་ལ་ཡང་བསླབ་བྱའི་ཉེས་བྱས་སུ་ཤེས་པར་བྱའོ། །

༦༩ ཁྱིམ་པ་མོའི་བཟོ་སྟོན་པའི་ལྟུང་བྱེད་གསུམ་པ་རྗེན་པ་འཚོད་པ་བཤད་པ་ལ་གཉིས་ལས། དང་པོ་གླེང་གཞི་ནི་སྦོམ་དགའ་མོས་ཁྱིམ་བདག་གི་ཆུང་མ་ལ་བསོད་སྙོམསབླངས་པ་ན། འཕགས་མ་བཅའ་བ་འདི་ཚོས་ལ་བདག་ལ་བྱིན་ཅིག་ཅེས་ཟེར་བ་དང༌། སྦོམདགའ་མོས་དོག་ལེ་བཀྲུས་བཤལ་བསྲེགས་ཏེ་མར་ཁུས་བཀང་ནས། ཀུན་ཏུ་གཡོས་པ་དང་ལེགས་པར་གཡོས་པ་སྣ་ཚོགས་པ་བྱས་ཏེ། གྲོང་བརྡལ་དེའི་ཕྱེད་དྲི་ཡིས་ཁྱབ་པར་བྱས་པ་ན། གཡོས་མཁན་གྱིས་འཚོ་བ་བཅད་དོ་ཞེས་འཕྱ་བར་བྱེད་པ་ལས་སོ། །གཉིས་པ་ངོ་བོ་ནི་དགེསློང་མས་དངོས་པོ་རྗེན་པར་རང་ངམ་རང་དང་འདྲ་བ་ལོངས་སྤྱོད་པའི་ཆེད་མེ་དང་འབྲེལ་བསའཚོད་པ་ལས་གྱུར་བའི་ལྟུང་བ་དངོས་གཞིའོ། །

༧༠ལྟོ་འདུན་ལས་གྱུར་པ་བཤད་པ་ལ་གཉིས་ལས།

དང་པོ་གླེང་གཞི་ནི་སྦོམདགའ་མོས་ནངས་པར་སྔར་ལངས་ཏེ་བསོད་སྙོམས་བླངས་ནས་ཟ་བར་བྱེད་ཅིང༌། ཟ་འཕྲོ་ལལངས་ནས་འཆག་པར་བྱེད། བཅགས་ནས་ཡང་ཟ་བར་བྱེད། ཡང་འཆག་པར་བྱེད་ཅིང་ཡངཟ་བར་བྱེད་དེ། དྲོ་ཁའི་བར་དུ་ཟས་མ་སྤངས་པར་དེ་ལྟར་བྱེད་པ་ལས་བཅས་པ་ཡིན་ཞེསཊཱི་ཀ་ལས་བཤད་དོ། །གཉིས་པ་ངོ་བོ་ནི་དགེ་སློང་མས་ཟས་ཟོས་ནས་དེའི་འཕྲོ་ལ་སྟན་ལསལངས་ཏེ་ཡང་ཟ་བ་ལས་གྱུར་བའི་ལྟུང་བ་དངོས་གཞིའོ། །འོ་ན་སྤངས་ཟ་དང་འདི་ལ་ཁྱདཔར་ཅི་ཡོད་སྙམ་ན། སྤངས་ཟ་ལ་ནི་ཟས་སྤངས་པ་དང་ལྷག་པོར་མ་བྱས་པ་ཡན་ལག་ཏུ་དགོསལ། འདི་ལ་ནི་དེ་གཉིས་ཡན་ལག་ཏུ་མི་དགོས་ཏེ། འདི་ནི་ཟས་གཅིག་ཁོ་ན་ལ་ཟས་མ་སྤངསཔར་ཟ་འཕྲོ་ལ་ལངས་ཏེ་སླར་ཡང་ཟ་བའོ། །

༧༡ ཚོགས་པར་མི་དབྱུང་བའི་དྲི་བསྟེན་པ་བཤད་པ་ལ་གཉིས་ལས། དང་པོ་གླེང་གཞི་ནི་མི་ཞིག་ལ་སྒོག་སྐྱའི་ལྡུམ་ར་ཡོད་པ་ལས་སྦོམ་དགའ་མོས་སྒོག་སྐྱ་འབྱིན་པར་བྱེད་པ་དང༌། ཁྱིམ་བདག་དེས་དེ་ལ་བརྡེགས་ཏེ། མིག་ཕུགས་སྐྲངས་ཤིང་དབྱར་ཁང་དུ་འོངསཔ་ན། དོན་ཉུང་བའི་དགེ་སློང་མ་རྣམས་སྨོད་པར་བྱེད་པ་ལས་བཅས་སོ། །གཉིས་པ་ངོ་བོ་ནིདགེ་སློང་མ་སྒོག་སྐྱ་ཟོས་པ་ལས་གྱུར་བའི་ལྟུང་བ་དངོས་གཞིའོ། །

གསུ་བེལ་བ་ལས་གྱུར་པ་ལ་གསུམ་ལས།

༧༢དང་པོ་སྨེ་གབ་མི་འཆང་བ་བཤདཔ་ལ་གཉིས་ལས། དང་པོ་གླེང་གཞི་ནི། དགེ་སློང་མ་རྣམས་ཟླ་བ་ངོ་རེ་ཞིང་ཟླ་མཚན་འཛགཔར་གྱུར་ནས། སྨེ་གབ་བཅང་བར་བྱའོ་ཞེས་གསུངས་ཀྱང༌། སྦོམ་དགའ་མོས་སྨེ་གབ་མི་འཆངབས། དེ་བྱིན་པ་ལ་ཁྲག་འཛག་ཅིང་སོང་བ་མཐོང་ནས། ཁྲག་འདི་ཅི་ལགས་ཞེས་དྲིས་པ་དང༌། མ་ལ་དྲིས་ཤིག་སྲིང་མོ་ལ་དྲིས་ཤིག་ཅེས་ཟེར་བ་ལས་སོ། །གཉིས་པ་ངོ་བོ་ནི་དགེ་སློང་མསཟླ་བ་རེ་རེ་ཞིང་ཟླ་མཚན་འཛག་པའི་དུས་སུ་མངལ་གྱི་སྒོར་སྨེ་གབ་མི་འཆང་བ་ལས་གྱུར་བའིལྟུང་བ་དངོས་གཞིའོ། །

༧༣ གཉིས་པ་ཆུ་གོས་མི་འཆང་བའི་གླེང་གཞི་ནི་བཅུ་གཉིས་སྡེ་དག་སྒྲེན་མོར་བྱུང་ནས་ཆུཀླུང་དུ་ཁྲུས་བྱེད་པ་ན། སྦོམ་དགའ་མོས་ཁོ་མོའི་སྤུའི་ཚོམས་ཤིན་ཏུ་གནག་ཅིང་ལེགས་པརའཁྱིལ་བ་ལ་ལྟོས་ཞེས་སྟོན་པར་བྱེད་པ་ལས། དགེ་སློང་མས་ཁྲུས་རས་བཅང་བར་བྱའོ་ཞེས་གསུངས་སོ། །དེའི་ཚེ་ན་སྦོམ་དགའ་མོས་ཁྲུས་རས་བཅང་བར་མི་བྱེད་པ་ལས་སོ། །གཉིས་པ་ངོ་བོ་ནི་ཁྲུས་དང་ཆར་ཆུ་ལ་སོགས་པས་ལུས་གཤེར་བར་གྱུར་པའི་ཚེ་ན་དགེ་སློང་མས་ཆུགོས་མི་འཆང་མི་གྱོན་པ་ལས་གྱུར་བའི་ལྟུང་བ་དངོས་གཞིའོ། །

༧༤ གསུམ་པ་བཀྲུ་བཤལ་བ་ལ་གོས་འཁྲུར་འཇུག་པ་བཤད་པ་ལ་གཉིས་ལས།

དང་པོ་གླེང་གཞི་ནི་ལུང་རྣམ་འབྱེད་ལས་སྦོམ་དགའ་མོས་མི་གཙང་བས་གོས་པར་གྱུར་པའི་གོས་རྣམས་བཙོ་བླག་མཁན་ལ་འཁྲུར་འཇུག་པ་དང༌། ཁྱིམ་པ་རྣམས་བདག་ཅག་གི་གོས་ཀྱངའདིས་མི་གཙང་བར་འགྱུར་རོ་ཞེས་ཁ་ཟེར་བར་བྱེད་པ་ལས་སོ། །གཉིས་པ་ངོ་བོ་ནི་དགེ་སློངམས་བཀྲུ་བཤལ་བ་ལ་རང་གི་གོས་འཁྲུར་འཇུག་པ་ལས་གྱུར་བའི་ལྟུང་བ་དངོས་གཞིའོ། །

གསུ་བེལ་པ་ཞེས་པ་ནི་གསང་པར་འོས་པ་དེ་གཞན་གྱིས་ཚོར་བ་ལ་བྱའོ། །

༧༥ ཆོས་ཀྱི་རྒྱལ་མཚན་ལ་མི་གུས་པ་བཤད་པ་ལ་གཉིས་ལས།

དང་པོ་གླེང་གཞིནི་སྦོམ་དགའ་མོས་ཆོས་གོས་ཀྱི་གླར་བཅའ་བ་བླངས་ཏེ་ཟློས་གར་མཁན་ལ་ཆོས་གོས་གླར་བྱིན་པ་དང༌། དེ་གྱོན་ནས་ཟློས་གར་བྱས་པ་ལས་སོ། །གཉིས་པ་ངོ་བོ་ནི་དགེ་སློང་མས་དགེསྦྱོང་གི་གོས་སྣམ་སྦྱར་དང་བླ་གོས་ལ་སོགས་པ་ཁྱིམ་པ་ལ་གོས་སུ་སྦྱིན་པ་ལས་གྱུར་བའི་ལྟུངབ་དངོས་གཞིའོ། །

༧༦ རྒྱལ་མཚན་བརྗེ་བ་བཤད་པ་ལ་གཉིས་ལས། དང་པོ་གླེང་གཞི་ནི་དགེ་སློངམ་འདུན་མས་དགེ་སློང་འདུན་པ་དང་སྣམ་སྦྱར་བརྗེས་པ་ལས་སོ། །གཉིས་པ་ངོ་བོ་ནི་དགེསློང་མས་དགེ་སློང་དང་ལྷན་ཅིག་སྣམ་སྦྱར་བཟང་ངན་བརྗེ་བ་མ་གཏོགས་པར་སྣམ་སྦྱར་བརྗེ་བ་ལས་གྱུར་བའི་ལྟུང་བ་དངོས་གཞིའོ། །

༈ སེར་སྣ་ལས་གྱུར་པ་ལྔ་བཤད་པ་ལ་གཉིས་ལས།

དང་པོ་གླེང་གཞི་ནི། ༧༧ བསྔགས་པ་ལ་སེར་སྣ་བྱེད་པའི་གླེང་གཞི་ནི་ཨུཏྤ་ལའི་མདོག་འདི་རྫུ་འཕྲུལ་ཅན་རྣམས་ཀྱི་མཆོག་ཏུ་ལུང་བསྟན་པ་ཡིན་ནོ་ཞེས་བརྗོད་པ་ན་དེ་ནི་སྔོན་སྨད་འཚོང་མ་ཡིན་ནོ་ཞེས་སྨོད་པརབྱེད་པ་སོགས་ལས་སོ། །

༧༨ ཁྱིམ་ལ་སེར་སྣ་བྱེད་པའི་གླེང་གཞི་ནི་སྦོམ་དགའ་མོས་དགེ་སློང་མ་རྣམས་ལ་སྨྲས་པ། ཀྱེའི་ཕུ་ནུ་མོ་དག་ཁྱིམ་ག་གེ་མོར་ནི་མ་འགྲོ་ཞིག ཁོ་མོས་ཁྱིམ་དེ་ངལ་བ་ཆེན་པོས་ཆོས་བཤདནས་དད་པར་བྱས་པ་ཡིན་ནོ་ཞེས་ཟེར་བ་ལས་སོ། །

༧༩གནས་ལ་སེར་སྣ་བྱེད་པའི་གླེང་གཞི་ནི་སྦོམ་དགའ་མོས་བསྒྲུབས་པའི་དབྱར་ཁང་དུ་དགེསློང་མ་གློ་བུར་དུ་འོང་བ་རྣམས་ཀྱི་གནས་བྱིན་ནས་གནས་པ་ན། དེ་དག་ལ་རྙེད་པ་དང་བཀུརབསྟི་བྱུང་བ་དང༌། དེས་སེར་སྣས་དེ་དག་བསྐྲད་ནས། ཁོ་མོ་གྲང་བའི་ཚེ་ན་གྲང་བས་ཉེན། ཚབའི་ཚེ་ན་ཚ་བས་ཉེན་བཞིན་དུ་ངལ་བ་ཆེན་པོས་བསྒྲུབས་པའི་དབྱར་ཁང་འདི། ཁ་འཇམཅན་འདི་རྣམས་ལ་སྐབས་དབྱེའམ་ཞེས་སྨྲས་པ་ལས་སོ། །

༨༠རྙེད་པ་ལ་སེར་སྣ་བྱེད་པའི་གླེང་གཞི་ནི་སྦོམ་དགའ་མོས་དགེ་སློང་མ་རྣམས་ལ་སྨྲས་པ། ཕུ་ནུ་མོ་དག་བྲམ་ཟེ་ཡ་མཚན་ཅན་རྣམས་ཀྱིས་བརྡེགས་ནས་ཀླད་པ་གས་པར་གྱུར་ན་མི་རུངགི། ཧ་ཅང་སྔར་བསོད་སྙོམས་ལ་མ་འགྲོ་ཞིག་ཅེས་གཞན་རྣམས་འགྲོ་བ་བཟློག་ནས། རངཉིད་ནང་པར་ཆེས་སྔ་བ་ཞིག་ཏུ་བསོད་སྙོམས་ལ་ཞུགས་པ་དང༌། བྲམ་ཟེ་ཡ་མཚན་གྱིས་བརྡེགསཔས་མིག་ཕུགས་སྣད་ཅིང་དབྱར་ཁང་དུ་འོངས་པ་ལས་སོ། །

༨༡ཆོས་ལ་སེར་སྣ་བྱེད་པའི་གླེང་གཞི་ནི་སྦོམ་དགའ་མོ་ལ་ཉེ་གནས་རྣམས་ཀྱིས་ཆོས་ཀྱིལུང་ཞུས་པ་ན། སོང་ལ་རེ་ཞིག་ཁོ་མོའི་སྣོད་དུ་ཚོས་ཤིག བུ་རམ་དང་སེ་འབྲུ་དག་ཉོས་ཤིགཅེས་སྨྲས་ནས་ཕན་ཚུན་བགྱངས་ནས་ལུང་མ་བྱིན་པ་དང༌། འཕགས་མ་ཁྱོད་ཆོས་ལ་སེར་སྣ་བྱེད་པ་མ་ཡིན་ནམ་ཞེས་ཟེར་བ་ན། ཀྱེའི་བུ་ཟན་མའི་བུ་མོ་དག་ཁོ་མོ་ཅིའི་ཕྱིར་སེར་སྣ་མིབྱེད་ཅེས་ཟེར་བ་ལས་སོ། །གཉིས་པ་ངོ་བོ་ནི་དགེ་སློང་མ་གཞན་གྱི་ཡོན་ཏན་བསྔགས་པ་ལདགེ་སློང་མས་ལུས་སམ་ངག་གིས་སེར་སྣ་བྱེད་པ་ལས་གྱུར་བའི་ལྟུང་བ་དངོས་གཞི་དང༌།

དགེ་སློང་མས་དགེ་སློང་མ་གཞན་དག་ལ་ཁྱིམ་ག་གེ་མོར་མ་འགྲོ་ཞིག་ཁྱིམ་ལ་སེར་སྣ་བྱེད་པལས་གྱུར་བའི་ལྟུང་བ་དངོས་གཞི་དང༌། དགེ་སློང་མ་གཞན་དབྱར་ཁང་ན་གནས་པ་ལྟ་བུསདགེ་སློང་མས་གནས་ལ་སེར་སྣ་བྱེད་པ་ལས་གྱུར་བའི་ལྟུང་བ་དངོས་གཞི་དང༌། དགེ་སློངམ་གཞན་གྱི་གྲོང་ནས་བསོད་སྙོམས་རྙེད་པ་ཡན་ཆད་ཀྱི་རྙེད་པ་ལ་སེར་སྣ་བྱེད་པ་ལས་གྱུར་བའི་ལྟུང་བ་དངོས་གཞི་དང༌། ཆོས་འཆད་པར་ཞུས་པ་ན་ཆོས་ལ་སེར་སྣ་བྱེད་པ་ལས་གྱུར་བའིལྟུང་བ་དངོས་གཞི་རེ་རེ་སྟེ་ལྔའོ། །ལུང་རྣམ་འབྱེད་ལས། སེར་སྣ་བསྐྱེད་ན་ཞེས་བྱ་བ་ནི་ཕྲགདོག་བསྐྱེད་ནའོ། །ཞེས་གསུངས་སོ། །

༨༢་༨༣སྐྲོད་པའི་ལྟུང་བྱེད་གཉིས་བཤད་པ་ལ་གཉིས་ལས། དང་པོ་གླེང་གཞི་ནི། སྦོམ་དགའ་མོས་གོའུ་ཏ་མ་སྐེམ་མོ་དབྱར་ཁང་ནས་ཕྱིར་བསྐྲད་པ་དང༌། སྦོམ་དགའ་མོ་ལྗོངསརྒྱུ་ཞིང་ཁྱིམ་པའི་ཁྱིམ་དུ་ཞུགས་པ་ན་ཁྱིམ་དེ་ན་དགེ་སློང་མ་སྔ་ན་འཁོད་པ་དག་གིས་སྦོམདགའ་མོ་ལ་ཕྱག་བྱ་བ་ལ་སོགས་པ་འཇིག་རྟེན་པའི་ཚུལ་དག་མ་བྱས་པ་དང༌། དེས་དེ་དག་ཁྱིམ་དེ་ནས་ཕྱིར་བསྐྲད་པ་ལས་སོ། །གཉིས་པ་ངོ་བོ་ནི་དགེ་སློང་མས་དགེ་འདུན་མའི་དབྱརཁང་ནས་དགེ་སློང་མས་རང་གཞན་གྱི་ལུས་ངག་གང་ཡང་རུང་བས་སྐྲོད་པ་ལ་ཉེ་འཁོར་ལས་འདས་པ་ལས་གྱུར་བའི་ལྟུང་བ་དངོས་གཞིའོ། །དགེ་སློང་མས་ཁྱིམ་པའི་ཁྱིམ་གཞན་ནསདགེ་སློང་མ་སྔ་ནས་གནས་པ་སྦྱོར་བ་གང་ཡང་རུང་བས་སྐྲོད་པ་ལས་གྱུར་བའི་ལྟུང་བ་དངོས་གཞིའོ། །

༨༤ མཐོ་འཚམས་པ་བཤད་པ་ལ་གཉིས་ལས། དང་པོ་གླེང་གཞི་ནི་བཅུ་གཉིསསྡེ་རྣམས་དགེ་སློང་མ་རྣམས་ལ་ལེགས་པར་མ་མཐོང༌། ལེགས་པར་མ་ཐོས། ལེགས་པར་མདོགས་པས་ཉེས་པ་གླེང་བར་བྱེད་པ་ལས་སོ། །གཉིས་པ་ངོ་བོ་ནི་དགེ་སློང་མས་དགེ་སློང་མ་གཞན་ལ་ལྟུང་བྱེད་སོགས་གླེང་བར་བྱས་པ་ལས་གྱུར་བའི་ལྟུང་བ་དངོས་གཞིའོ། །རང་གིརྣམ་བཤད་དང་ཊཱི་ཀ་ལས། ཕམ་པ་དང་དགེ་འདུན་ལྷག་མ་གཉིས་ཀྱིས་གླེང་བ་སྔར་བསྟནཟིན་པས་འདི་ནི་ལྟུང་བྱེད་ལ་སོགས་པ་ལྟུང་བའི་སྡེ་ཚན་གཞན་གླེང་བའི་ཡུལ་ཡིན་ནོ། །ཞེསགསུངས་སོ། །

༨༥ ལོག་པར་སྟོན་པ་བཤད་པ་ལ་གཉིས་ལས།

དང་པོ་གླེང་གཞི་ནི་མའི་སོ་ཐརའགྲེལ་པ་ལས། མཐོང་ངམ་ཞེས་དྲིས་ན་མཐོང་སྟེ། དེ་ལྟར་མ་ཡིན་ན་དཀོན་མཆོག་གསུམམེད་པར་གྱུར་ཅིག ཚུལ་ཁྲིམས་མེད་པར་གྱུར་ཅིག ཆོས་ཞིག་པར་གྱུར་ཅིག་ཅེས་ཟེར་བ་ལསབཅས། ཞེས་སོ། །གཉིས་པ་ངོ་བོ་ནི་དགེ་སློང་མས་གཞན་ཡིད་ཆེས་པར་བྱ་བའི་ཕྱིར་གཞནགྱི་མདུན་དུ་མནའ་འདོར་བ་ལས་གྱུར་བའི་ལྟུང་བ་དངོས་གཞིའོ། །

༨༦ མི་བརྟན་པས་རྣམ་པར་འགྱུར་བ་བཤད་པ་ལ་གཉིས་ལས། དང་པོ་གླེང་གཞིནི་སྦོམ་དགའ་མོས་དགེ་སློང་མ་རྣམས་དང་འཐབ་མོ་བྱུང་བ་ན་རང་གིས་རང་ལ་འཚོག་༼རྡུང་བ༽པར་བྱེད་པ་ལས་སོ། །གཉིས་པ་ངོ་བོ་ནི་དགེ་སློང་མ་ཁྲོ་བས་བདག་ཉིད་ལ་གནོད་པརབྱེད་པ་སྟེ་རང་གི་ལུས་ལ་རྡེག་པར་བྱེད་ཅིང་ཕོག་པ་ལས་གྱུར་བའི་ལྟུང་བ་དངོས་གཞིའོ། །

བླ་མར་གྱུར་པ་ལ་བརྙས་ཐབས་བྱེད་པ་ལ་གསུམ་ལས།

༨༧ དང་པོ་ཚོགསལ་བརྙས་ཐབས་བྱེད་པ་བཤད་པ་ལ་གཉིས་ལས། དང་པོ་གླེང་གཞི་ནི་སྦོམ་དགའ་མོས་དགེསློང་མའི་ཚོགས་པ་ལ་མི་སྙན་པ། ཁྱིམ་པ་མོ་ཞེས་བྱ་བ་དང༌། ནལ་པ་མ་ཞེས་བྱ་བ་དང༌། བོངབུ་དག་དང་ལྡན་པ་ཞེས་གཤེ་བ་དག་གིས་བརྙས་ཐབས་བྱེད་པ་ལས་སོ། །གཉིས་པ་ངོ་བོ་ནིདགེ་སློང་མས་དགེ་སློང་མ་བཞིར་ལོངས་པའི་ཚོགས་དགེ་འདུན་མ་ལ་འཚོ་བ་མ་དག་པ་དངལྟ་བ་མ་དག་པས་སྨོད་ཅིང་བརྙས་ཐབས་བྱེད་པ་ལས་གྱུར་བའི་ལྟུང་བ་དངོས་གཞིའོ། །

༨༨ ཚོགས་ལ་སྤྱོ་བའི་ལྟུང་བྱེད་བཤད་པ་ལ་གཉིས་ལས། དང་པོ་གླེང་གཞི་ནི་སྦོམདགའ་མོས་དགེ་སློང་མའི་ཚོགས་ལ་སྤྱོ་བ་བྱས་པ་དང༌། ཉེ་གནས་མ་རྣམས་ཀྱིས་སྨྲས་པ། དགེསློང་མའི་ཚོགས་ལ་སྤྱོ་བར་མི་རིགས་སོ། །དེས་སྨྲས་པ། རིགས་ཀྱང་མི་རིགས་ཀྱང་རུང་སྟེཁོ་མོས་ནི་སྤྱོས་སོ་ཞེས་ཟེར་བ་ལས་སོ། །གཉིས་པ་ངོ་བོ་ནི་དགེ་སློང་མ་བཞིར་ལོངས་ཡནཆད་ཀྱི་ཚོགས་ལ་རང་བཞིན་གྱི་ཁ་ན་མ་ཐོ་བ་ཚུལ་ཁྲིམས་མ་དག་པ་དང་བཅས་པའི་ཁ་ན་མ་ཐོ་བ་ཆོ་ག་མ་དག་པའི་སྒོ་ནས་སྨོད་ཅིང་སྤྱོ་བ་ལས་གྱུར་བའི་ལྟུང་བ་དངོས་གཞིའོ། །

༨༩ འཁོར་གཙོ་བོ་ལ་ཆུ་འཐོར་བ་བཤད་པ་ལ་གཉིས་ལས། དང་པོ་གླེང་གཞི་ནི་ཁྱིམབདག་གཅིག་ཆུང་མ་དང་གཉིས་ཀ་རབ་ཏུ་ཕྱུང་ནས། དགེ་སློང་དེ་དབྱར་ཁང་དུ་སོང་བ་ན། དགེ་སློང་མ་དེ་ཡང་ཆུ་སྣོད་གཅིག་ཐོགས་ཏེ་དེའི་མདུན་ན་སྡོད་ཅིང་འདུག་གོ །དེ་ནས་དགེསློང་དེ་དགོད་ཅིང་ཁོ་བོ་ཁྱིམ་པར་གྱུར་པ་ན་ཡང་ཁྱོད་དེ་ལྟར་མདུན་ན་སྡོད་དོ་ཞེས་སྨྲས་པདང༌། དེས་ཆུ་སྣོད་དེ་ནས་དེའི་མགོར་གཏོར་ནས། ཁོ་མོ་ནི་ཁྱོད་ཀྱི་ཡོན་ཏན་སྒྲོགས་ན། ཁྱོདཁོ་མོའི་སྐྱོན་རྣམས་ལ་འཇུག་པར་བྱེད་དམ་ཞེས་སྨྲས་ནས་བྲོས་ཏེ་སོང་བ་ལས་སོ། །གཉིས་པ་ངོ་བོ་ནི་དགེ་སློང་མས་འཁོར་གཙོ་བོ་དགེ་སློང་ལ་ཆུས་འཐོར་བ་ལས་གྱུར་བའི་ལྟུང་བདངོས་གཞིའོ། །

༩༠ འཁྲུག་ལོང་ཡལ་བར་འདོར་བ་བཤད་པ་ལ་གཉིས་ལས། དང་པོ་གླེང་གཞི་ནིསྦོམ་དགའ་མོས་འཐབ་མོའི་རྐྱེན་དག་ཉེ་བར་བསྒྲུབས་པས་ལྷན་ཅིག་གནས་པ་དང་ཉེ་གནསདག་ཕན་ཚུན་འཐབ་མོ་ཆེ་ཐང་དུ་བྱུང་བ་ན། དགེ་སློང་མ་རྣམས་ཀྱིས་འདི་སྐད་ཅེས་ཚུར་སྤྱོན་འཐབ་མོ་ཉེ་བར་ཞི་བར་བགྱིའོ་ཞེས་སྨྲས་པ་དང༌། སྦོམ་དགའ་མོས་འདི་སྐད་ཅེས་མགོས་མགོཅིའི་ཕྱིར་མི་འཚལ། ཁོ་མོ་ནི་འཐབ་མོ་བྱེད་ཀྱི་ཉེ་བར་ཞི་བར་མི་བྱེད་དོ་ཞེས་ཟེར་བ་ལས་སོ། །

གཉིས་པ་ངོ་བོ་ནི་དགེ་སློང་མས་དགེ་སློང་མ་རྣམས་ཀྱི་རྩོད་པ་ཉེ་བར་ཞི་བར་བྱ་བའི་མཐུ་ཡོདབཞིན་དུ་ཉེ་བར་ཞི་བར་མི་བྱེད་པ་ལས་གྱུར་བའི་ལྟུང་བ་དངོས་གཞིའོ། །

༩༡ བློ་མཐུན་པར་མི་བྱེད་པ་བཤད་པ་ལ་གཉིས་ལས། དང་པོ་གླེང་གཞི་ནི་ལུང་ནཞལ་མི་གསལ་ཡང༌། ཊཱི་ཀ་ལས། དགེ་སློང་མའི་དགེ་འདུན་ཆོས་བཞིན་དུ་ལས་བྱེད་པ་ལསྦོམ་དགའ་མོས་འདུན་པ་ཕུལ་བ་ན། དགེ་འདུན་གྱི་ལས་དེའི་ཉིན་མོ་མ་བྱས་ནས། ཕྱི་དེ་ཉིནམོ་བྱ་བར་བརྩམས་ཏེ། སྦོམ་དགའ་མོ་ལ་སྦྲན་པ་དང༌། དེ་འོང་དུ་མ་བཏུབ་སྟེ་ཁོ་མོས་འདུནཔ་ཕུལ་ཟིན་ཏོ། །ནམ་ཕུལ། ཉི་མ་སྔ་མ་ལའོ། །ཞག་ལོན་པའི་འདུན་པ་དབུལ་དུ་རུང་ངམ།

དེས་སྨྲས་པ་འདུན་པ་སྔར་ཕུལ་བ་དེ་ཆག་གམ་རུལ་ཏམ་ཅི་ཉེས་ཟེར་བ་ལས་བཅས་པ་ཡིན་ནོ་ཞེས་སོ། །གཉིས་པ་ངོ་བོ་ནི་དགེ་སློང་མས་དགེ་འདུན་མའི་ལས་ལ་འདུན་པ་ཕུལ་ནས་ཞགལོན་པའི་འདུན་པ་དེ་ཉིད་སྦྱིན་ཏེ་འདུན་པ་ཕྱི་མ་མི་སྟེར་བའི་ཚིག་སྨྲས་ཏེ་དོན་གོ་བ་ལས་གྱུརབའི་ལྟུང་བ་དངོས་གཞིའོ། །

༈ ལྕི་བའི་ཆོས་ལས་འདས་པ་ལས་གྱུར་པ་བཞི་ལས།

༩༢ དང་པོ་ཟླ་ཕྱེད་གདམསངག་རྗེས་བསྟན་མི་ནོད་པ་བཤད་པ་ལ་གཉིས་ལས། དང་པོ་གླེང་གཞི་ནི་དགེ་སློང་མ་རྣམསཀྱིས་དགེ་སློང་རྣམས་ལས་ཟླ་བ་ཕྱེད་ཕྱེད་ཅིང་གདམས་ངག་དང་རྗེས་སུ་བསྟན་པ་ཉམས་སུ་མྱོང་བར་བྱའོ་ཞེས་གསུངས་པ་ན། བཅུ་གཉིས་སྡེ་རྣམས་དེ་ལྟར་མི་བྱེད་པ་ལས་སོ། །གཉིས་པ་ངོ་བོ་ནི་གསོ་སྦྱོང་གི་དུས་ཀྱི་ཟླ་བ་ཕྱེད་ཕྱེད་ཅིང་དགེ་སློང་རྣམས་ལ་གདམས་ངག་དང་རྗེསསུ་བསྟན་པ་དག་དགེ་སློང་མས་ཉན་པར་མི་བྱེད་ཉམས་སུ་མྱོང་བར་མི་བྱེད་པ་ལས་གྱུར་བའིལྟུང་བ་དངོས་གཞིའོ། །

༩༣ གཉིས་པ་དགེ་སློང་དག་མེད་པར་གསོ་སྦྱོང་བྱེད་པ་བཤད་པ་ལ་གཉིས་ལས།

དང་པོ་གླེང་གཞི་ནི་དགེ་སློང་མ་མང་པོ་ལྗོངས་རྒྱུ་ཞིང་སོང་བ་ན། དགེ་སློང་མ་ཞིག་དབྱར་ཁངདུ་ཕྱིན་ནས། དེ་དག་གིས་དགེ་སློང་མེད་པའི་གནས་སུ་གསོ་སྦྱོང་བྱས་ཏེ། དེ་དག་རིམ་གྱིས་རྒྱུ་ཞིང་མཉན་ཡོད་དུ་འོངས་པའི་ཚེ། དགེ་སློང་མ་གཞན་རྣམས་ཀྱིས་སྨྲས་པ། ཁྱེད་ཅག་གིསཅིའི་ཕྱིར་དགེ་སློང་མེད་པའི་གནས་སུ་གསོ་སྦྱོང་བྱས་ཟེར་བ་ལས་སོ། །གཉིས་པ་ངོ་བོ་ནིདགེ་སློང་མས་རང་གི་གསོ་སྦྱོང་ལ་མཐུན་པ་བསྒྲུབས་པའི་དགེ་སློང་དག་མེད་པར་དགེ་སློང་མ་ཉི་ཚེས་ཆོ་ག་ལས་ལ་བརྟེན་པའི་གསོ་སྦྱོང་བྱེད་པ་ལས་གྱུར་བའི་ལྟུང་བ་དངོས་གཞིའོ། །

༩༤ གསུམ་པ་དགེ་སློང་མེད་པའི་གནས་སུ་དབྱར་གནས་ཁས་ལེན་པ་བཤད་པ་ལ་གཉིས་ལས།

དང་པོ་གླེང་གཞི་ནི་དགེ་སློང་མས་དགེ་སློང་མེད་པའི་གནས་སུ་དབྱར་གནསཁས་བླངས་པར་མི་བྱའོ་ཞེས་གསུངས་པ་དང༌། དགེ་སློང་མ་མང་པོ་རྣམས་ཀྱིས་དགེ་སློང་མེདཔའི་གནས་སུ་དབྱར་གནས་པར་ཁས་བླངས་ཏེ། དེ་ལ་དོན་ཉུང་བའི་དགེ་སློང་མ་རྣམས་སྨོད་པར་བྱེད་པ་ལས་སོ། །གཉིས་པ་ངོ་བོ་ནི་མཚམས་པོ་ཆེ་བཅད་ན་ནི་མཚམས་པོ་ཆེ་གཅིག་གིཁོངས་ན་དགེ་སློང་མེད་པའམ། མཚམས་པོ་ཆེ་མ་བཅད་ན་དཔག་ཚད་གཅིག་གི་ཁོངས་ནདགེ་སློང་མེད་པའི་གནས་སུ་དགེ་སློང་མས་དབྱར་གནས་པར་ཁས་ལེན་པ་ལས་གྱུར་བའི་ལྟུང་བ་དངོས་གཞིའོ། །

༩༥ བཞི་པ་གཉིས་ཀའི་དགེ་འདུན་ལ་དགག་དབྱེ་མི་བྱེད་པ་བཤད་པ་ལ་གཉིས་ལས། དང་པོ་གླེང་གཞི་ནི་དགེ་སློང་མ་རྣམས་ཀྱིས་གཉིས་ཀའི་དགེ་འདུན་ལ་དགག་དབྱེ་བྱ་ཞེས་གསུངས་པ་ན་དགེ་སློང་མ་རྣམས་ཀྱིས་སྦོམ་དགའ་མོ་ལ་སྨྲས་པ། གཉིས་ཀའི་དགེ་འདུནལ་དགག་དབྱེ་བྱ་ཡིས་ཚུར་སྤྱོན། དེས་སྨྲས་པ། ཁྱེད་ཅག་དེངས་ཤིག ཁོ་མོ་ནི་དེར་མི་འགྲོའོཞེས་ཟེར་བའི་སྐབས་དེ་བཅོམ་ལྡན་འདས་ལ་གསོལ་བ་ལས་སོ། །གཉིས་པ་ངོ་བོ་ནི་དགེ་སློངམ་དབྱར་གནས་པས་གཉིས་ཀའི་དགེ་འདུན་ལ་གནས་གསུམ་གྱིས་དགག་དབྱེ་མི་བྱེད་པ་ལསགྱུར་བའི་ལྟུང་བ་དངོས་གཞིའོ། །

༈ གཞན་ལ་གནོད་པར་སྤྱོད་པ་གསུམ་ལས།

༩༦ དང་པོ་དབུལ་པོ་སྲ་བརྐྱང་སྦྱོརདུ་འཇུག་པ་བཤད་པ་ལ་གཉིས་ལས། དང་པོ་གླེང་གཞི་ནི་སྦོམ་དགའ་མོས་ཁྱིམ་བདག་དབུལཔོ་ནད་པ་ཞིག་སྲ་བརྐྱང་དབུལ་དུ་འཇུག་པ་ལས་སོ། །གཉིས་པ་ངོ་བོ་ནི་དགེ་སློང་མས་ཁྱིམཔ་དབུལ་པོ་སྲ་བརྐྱང་སོགས་ཡོ་བྱད་སྦྱོར་དུ་འཇུག་པ་ལས་གྱུར་བའི་ལྟུང་བ་དངོས་གཞིའོ། །

༩༧ གཉིས་པ་དུས་ཀྱི་སྔ་རོལ་ཏུ་སྲ་བརྐྱང་དབྱུང་བ་ལ་ཚོགས་པ་མི་སྦྱིན་པ་བཤདཔ་ལ་གཉིས་ལས། དང་པོ་གླེང་གཞི་ནི། སྲ་བརྐྱང་བཏིང་བ་ལས་དགེ་སློང་མ་ཆོམ་རྐུན་པསབཅོམ་པའི་དོན་དུ་སྲ་བརྐྱང་དུས་ཀྱི་སྔ་རོལ་ཏུ་འབྱིན་པ་ལ་སྦོམ་དགའ་མོ་འདུར་མི་བཏུབ་པ་ལས་སོ། །གཉིས་པ་ངོ་བོ་ནི་དགེ་སློང་མས་སྲ་བརྐྱང་དབྱུང་བའི་ཕྱིར་དུས་ཀྱི་སྔ་རོལ་ཏུ་བགཡངས་སུ་བྱ་བའི་ལས་ལ་བདག་ཉིད་མཚམས་ནང་ན་གནས་པས་མི་འདུ་ཞིང་འདུན་པ་མི་སྦྱིནཔས་ཚོགས་པ་མི་སྦྱིན་པ་ལས་གྱུར་བའི་ལྟུང་བ་དངོས་གཞིའོ། །

༩༨ གསུམ་པ་གོས་འགེད་པའི་ཕྱིར་ཚོགས་པ་མི་སྦྱིན་པ་བཤད་པ་ལ་གཉིས་ལས།

དང་པོ་གླེང་གཞི་ནི་དགེ་སློང་མ་རྣམས་གོས་ཀྱི་རྙེད་པ་འགེད་པ་ལ་སྦོམ་དགའ་མོ་འདུར་མིབཏུབ་པ་ལས་སོ། །གཉིས་པ་ངོ་བོ་ནི་དགེ་སློང་མས་དགེ་སློང་མ་རྣམས་གོས་སོགས་རྙེད་པའགེད་པའི་ཕྱིར་ཡང་བདག་ཉིད་མཚམས་ནང་ན་གནས་པས་ཚོགས་པ་མི་སྦྱིན་པ་ལས་གྱུརབའི་ལྟུང་བ་དངོས་གཞིའོ། །འགེད་པ་ནི་འགྱེད་པའོ། །

༩༩ དབྱར་ཁང་ཡལ་བར་འདོར་བ་བཤད་པ་ལ་གཉིས་ལས། དང་པོ་གླེང་གཞིནི་སྦོམ་དགའ་མོས་དབྱར་ཁང་སྒོ་བཅད་ནས་ལྡེ་མིག་ཁྱེར་ཏེ་ལྗོངས་རྒྱུ་ཞིང་སོང་བ་ལས། དབྱརཁང་དེར་མེ་ཤོར་ཏེ་དགེ་སློང་མ་རྣམས་ཀྱིས་མེ་བསད་པར་འདོད་པ་ན་སྒོ་དབྱེར་ལྡེ་མིག་མ་རྙེདནས། དབྱར་ཁང་མེས་འཚིག་པར་གྱུར་པ་ལས་སོ། །གཉིས་པ་ངོ་བོ་ནི་དགེ་སློང་མ་དབྱར་ཁངནས་གཞན་དུ་འགྲོ་བ་ན་ཐ་ན་ཁྱིམ་པ་ཡན་ཆད་ལ་དབྱར་ཁང་གི་ལྡེ་མིག་ལ་སོགས་པ་མགཏད་མ་བཅོལ་བར་འགྲོ་བ་ལས་གྱུར་བའི་ལྟུང་བ་དངོས་གཞིའོ། །

འགྲོ་བ་དང་མི་འགྲོ་བ་ལས་གྱུར་པ་བཞི་ལས།

༡༠༠ ལྗོངས་རྒྱུ་ཞིང་འགྲོ་བ་བཤད་པ་ལ་གཉིས་ལས། དང་པོ་གླེང་གཞི་ནི་སྦོམ་དགའ་མོ་འཁོར་དང་བཅས་པ་དབྱར་གྱིནང་ལོགས་སུ་ལྗོངས་རྒྱུ་ཞིང་འགྲོ་བ་ལས་སོ། །གཉིས་པ་ངོ་བོ་ནི་དབྱར་གྱི་ནང་དུ་ཡུལ་ལྟ་བའིཕྱིར་ལྗོངས་རྒྱུ་ཞིང་རྒྱང་གྲགས་ཀྱི་མཐའ་ལས་འདས་པར་འགྲོ་བ་ལས་གྱུར་བའི་ལྟུང་བདངོས་གཞིའོ། ། ༡༠༡ ལྗོངས་རྒྱུར་མི་འགྲོ་བ་བཤད་པ་ལ་གཉིས་ལས། དང་པོ་གླེང་གཞིནི་སྦོམ་དགའ་མོ་ལ་དགེ་སློང་མ་རྣམས་ཀྱིས་སྨྲས་པ། དགག་དབྱེ་བགྱིས་ལགས་ཀྱིས་ལྗོངས་རྒྱུ་ཞིང་བཞུད་དོ། །དེས་སྨྲས་པ། ཁོ་མོ་སྡེ་སྣོད་གསུམ་པ་ཡིན་ཏེ། ད་དུང་རྒྱུ་བའི་དུས་ལ་མབབ་བོ་ཞེས་ཟེར་ཞིང་མི་འགྲོ་བ་ལས་སོ། །གཉིས་པ་ངོ་བོ་ནི་དགེ་སློང་མས་དབྱར་གནས་པརཁས་བླངས་ནས་དབྱར་གནས་ཏེ་དགག་དབྱེ་བྱས་པའི་འོག་ཏུ་ཚེས་བཅུ་དྲུག་ལ་ལྗོངས་རྒྱུ་བ་དེར་མི་འགྲོ་བ་ལས་གྱུར་བའི་ལྟུང་བ་དངོས་གཞིའོ། །

༡༠༢ ཡུལ་འཁོར་དོགས་པ་དང་བཅས་པར་འགྲོ་བ་བཤད་པ་ལ་གཉིས་ལས།

དང་པོ་གླེང་གཞི་ནི་མ་སྐྱེས་དགྲས་ཡངས་པ་ཅན་དུ་སུ་ཡང་མ་འགྲོ་ཞིག་ཅེས་དྲིལ་བསྒྲགསཔ་བྱས་སོ། །དེ་ནས་དགེ་སློང་མ་རྣམས་རྒྱལ་པོའི་ཁབ་ནས་ཡངས་པ་ཅན་གང་ན་བ་དེར་རྒྱུ་ཞིང་སོང་བ་ན་ལམ་ཀར་ཆོམ་རྐུན་པ་དག་གིས་སུན་ཕྱུང་བ་ལས་སོ། །གཉིས་པ་ངོ་བོ་ནི་ཡུལའཁོར་ཆོམ་རྐུན་པའི་འཇིགས་པས་དོགས་པ་དང་བཅས་པར་དགེ་སློང་མ་འགྲོ་བ་ལས་གྱུར་བའི་ལྟུང་བ་དངོས་གཞིའོ། །

༡༠༣ མི་མཐུན་པ་དང་བཅས་པར་འགྲོ་བ་བཤད་པ་ལ་གཉིས་ལས། དང་པོ་གླེང་གཞི་ནི་ཡངས་པ་ཅན་པ་དག་གིས་རྒྱལ་པོའི་ཁབ་ཏུ་སུ་ཡང་མ་འགྲོ་ཞིག་ཅེས་དྲིལ་བསྒྲགས་པ་བྱས་སོ། །དེ་ནས་དགེ་སློང་མ་རྣམས་དེར་སོང་བ་ན་སུན་ཕྱུང་བ་ལས་སོ། །གཉིས་པ་ངོ་བོ་ནི་ཡུལ་འཁོར་གང་ན་དགྲ་བོ་མི་མཐུན་པ་ཡོད་པ་དྲིལ་བསྒྲགས་པ་དང་བཅས་པར་དགེ་སློངམ་འགྲོ་བ་ལས་གྱུར་བའི་ལྟུང་བ་དངོས་གཞིའོ། །

༡༠༤ སྨྲ་བ་ལས་གྱུར་པ་ལ་གཉིས་ལས་གཞན་གྱི་གནས་སུ་སོང་སྟེ་རྩོད་པ་བྱེད་པ་བཤད་པ་ལ་གཉིས་ལས། དང་པོ་གླེང་གཞི་ནི་སྦོམ་དགའ་མོ་ལྷ་ཁང་དུ་སོང་ནས་ལྷ་ཁང་པརྣམས་དང༌། གཞན་ཡང་རྩོད་པ་བ་རྣམས་དང་རྩོད་པར་བྱེད་ཅིང༌། ཁོ་མོས་ལྷ་ཁང་དུ་རྩོད་པབ་རྣམས་ཚར་བཅད་དོ་ཞེས་ཟེར་བར་ལས་སོ། །གཉིས་པ་ངོ་བོ་ནི་འཇིག་རྟེན་པའི་ལྷའི་གནསདང་རྒྱལ་པོའི་ཕོ་བྲང་དང་མུ་སྟེགས་ཅན་གྱི་གནས་ཅི་རིགས་སུ་སོང་སྟེ་རྩོད་པར་བྱེད་དེ་འཐབཀྲོལ་བྱེད་པ་ལས་གྱུར་བའི་ལྟུང་བ་དངོས་གཞིའོ། །

༡༠༥ སྐབས་མ་ཕྱེ་བར་འདྲི་བ་བཤད་པ་ལ་གཉིས་ལས། དང་པོ་གླེང་གཞི་ནི་སྦོམདགའ་མོ་གཙུག་ལག་ཁང་དུ་སོང་ནས་དགེ་སློང་ལ་སྐབས་མ་ཕྱེ་བར་དྲི་བ་དྲིས་པ་དང༌། དྲིབ་དེ་དགེ་སློང་དེས་སྒྲོགས་པར་མ་ནུས་ཏེ་ཞུམ་ཞུམ་པོར་གྱུར་པ་ལས་སོ། །གཉིས་པ་ངོ་བོ་ནི་དགེ་སློང་མས་དགེ་སློང་ལ་སོགས་ལ་ཆོས་འདྲི་བའི་སྐབས་མ་ཕྱེ་བར་འདྲི་བ་ལས་གྱུརབའི་ལྟུང་བ་དངོས་གཞིའོ། །

སྒྲུབ་པ་ལས་གྱུར་པ་གསུམ་ལས།

༡༠༦ ཕྱི་སར་གཅིག་པུ་འགྲོ་བ་བཤད་པ་ལ་གཉིས་ལས། དང་པོ་གླེང་གཞི་ནི་གཙུག་དགའ་མོས་སྐྱེས་པ་གཅིག་ལ་བརྡ་བྱས་ནས། སྐྱེསཔ་དེ་ནུབ་མོ་འོངས་པ་དང༌། དེས་དེ་དབྱར་ཁང་གི་ཆབ་ཁུང་སར་བཞག་ནས། གཙུག་དགའམོས་བྱ་བ་མང་པོ་བྱས་ནས། ཆབ་ཁུང་སར་སོང་སྟེ། བདག་ཆོམ་རྐུན་པས་ཁྲིད་དོ་ཞེས་སྨྲསཔའི་བྱུང་བ་ལས་སོ། །གཉིས་པ་ངོ་བོ་ནི་དགེ་སློང་མས་ཁྲིམས་གྲོགས་མེད་པར་དབྱར་ཁངགི་ཉེ་འཁོར་ལས་འདས་ཏེ་ཕྱི་སར་དང༌། གཅི་བའི་སར་གཅིག་པུ་འགྲོ་བ་ལས་གྱུར་བའི་ལྟུངབ་དངོས་གཞིའོ། །

༡༠༧ རྩྭ་སྔོན་མི་གཙང་འདོར་བ་བཤད་པ་ལ་གཉིས་ལས། དང་པོ་གླེང་གཞི་ནི་སྦོམདགའ་མོ་བསོད་སྙོམས་ལ་འགྲོ་བ་ན་བྲམ་ཟེའི་ཁྱེའུ་རྣམས་ཀྱིས་མཐོ་འཚམ་མོ། །དེ་ནས་བྲམཟེའི་ཁྱེའུ་ལྔ་བརྒྱ་བྲམ་ཟེའི་གསང་ཚིག་ཀློག་པའི་གནས་ནེའུ་གསིང་སྔོན་པོ་ཡོད་པ་དེར། སྦོམདགའ་མོས་འཁྲུ་སྨན་ཟོས་པ་སྟེ། མང་དུ་འཁྲུས་པ་དེས་ནེའུ་གསིང་སྔོན་པོ་སྦགས་པ་ལས་སོ། །

གཉིས་པ་ངོ་བོ་ནི་དགེ་སློང་མས་རྩྭ་སྔོན་པོའི་སྟེང་དུ་བཤང་བ་སོགས་བྱེད་པའམ་བྱས་ཟིནཔ་འདོར་བ་ལས་གྱུར་བའི་ལྟུང་བ་དངོས་གཞིའོ། །

༡༠༨ རྩིག་པའི་ཕག་ཏུ་མ་བལྟས་པར་བཤང་བ་འདོར་བ་བཤད་པ་ལ་གཉིས་ལས། དངཔོ་གླེང་གཞི་ནི་དཔལ་སྐྱེད་ཅེས་བྱ་བའི་མགོ་ལ་སྦོམ་དགའ་མོས་མ་བརྟག་པར་གཅིན་གཏོརབ་རི་དྭགས་འཛིན་གྱིས་རྒྱལ་བོ་ལ་ཞུས་ཏེ་རྒྱལ་པོས་དཔལ་སྐྱེས་ལ་གླང་པོ་ཆེ་པད་མ་དཀརཔོ་ཞེས་བྱ་བ་གཅིག་དང་དེའི་དབང་ཐང་ཉིད་ཀྱང་སླར་བྱིན་ནོ། །དེ་ནས་དཔལ་བསྐྱེད་ཀྱིས་དགེ་སློང་མ་དེའི་ཆབ་ནི་བཀྲ་ཤིས་པ་དག་བྱེད་པ་ཡིན་པས་ཞེས་རས་ཡུག་པོ་ཆེ་ཁྱེར་ཏེ་དབྱརཁང་དུ་འོངས་ནས་སྦོམ་དགའ་མོ་ལ་བསྐོན་པ་ལས་སོ། །གཉིས་པ་ངོ་བོ་ནི་ཁང་སྟེང་གི་རྩིགཔའི་ཕག་རྩིག་པའི་ཕྱི་རོལ་ཏུ་འགའ་ཞིག་འདུག་པ་ལ་མི་ཕོག་གམ་ཞེས་མ་བལྟས་པར་བཤངབའམ་གཅི་བར་འདོར་བ་ལས་གྱུར་བའི་ལྟུང་བ་དངོས་གཞིའོ། ། དེ་ཡན་ཆད་དུ་ལྟུང་བྱེདའབའ་ཞིག་པ་བརྒྱ་དང་བརྒྱད་ཅུ་པོ་བཤད་ཟིན་ཏོ། །གཞན་ཡང་སོ་སོ་ཐར་པའི་མདོར་སྡོམ་གྱིས་མ་བསྡུས་པའི་ལྟུང་བྱེད་ལུང་དགེ་སློང་མའི་རྣམ་འབྱེད་ལས་གསུངས་པ་ནི། ཡང་དགེ་སློངམ་གང་རི་མོ་མཁན་གྱི་ཁང་པའམ། གར་མཁན་གྱི་ཁང་པ་བལྟ་བའི་ཕྱིར་འགྲོ་ན་ལྟུང་བྱེད་དོ། །

ཡང་དགེ་སློང་མ་གར་ལ་ལྟར་འགྲོ་ན་ལྟུང་བྱེད་དོ། །ཡང་དགེ་སློང་མ་གླུ་ལེན་པ་ལ་ལྟར་འགྲོ་ན་ལྟུང་བྱེད་དོ། །ཡང་དགེ་སློང་མ་གང་རོལ་མོ་ལ་བལྟ་བ་ལ་འགྲོ་ན་ལྟུང་བྱེད་དོ། །ཞེས་དེརྣམས་རེ་རེ་ཞིང་སྦོམ་དགའ་མོའི་གླེང་གཞི་དང་བཅས་པ་གསུངས་སོ། །སྐབས་འདིར་བསྡུབའི་ཚིགས་སུ་བཅད་པ་ནི། སྲིན་བལ་བརྟད་བྱུང་དབེན་པར་འདུག་པ་བཞི། །ཉལ་སར་འདུགའགྲེང་གཉིས་དང་གདེང་མེད་སྤྱོད། །ཉེར་གནས་མ་བྱས་གདིང་བ་གཅིག་ཉལ་དང༌། །ཁང་པ་གཉིས་བལྟ་གར་གླུ་རོལ་མོ་བལྟ། །དེ་ལྟར་སྤང་ལྟུང་གཉིས་དང་ལྟུང་བྱེད་འབའ་ཞིག་པབཅུ་བཞི་སྟེ་ལྟུང་བྱེད་བཅུ་དྲུག་པོ་དེ་རྣམས་ནི་སོ་སོར་ཐར་པའི་མདོར་སྡོམ་གྱིས་མ་བསྡུས་ཤིང༌།

མདོ་རྩ་བ་ལས་མ་བཤད་ཀྱང༌། ལུང་དགེ་སློང་མའི་རྣམ་འབྱེད་ལས་གསུངས་སོ། །དགེ་སློང་མའི་ལྟུང་བྱེད་འབའ་ཞིག་པའི་རྣམ་པར་བཤད་པ་རྫོགས་སོ།། །།

དགེ་སློང་མའི་སོ་སོར་བཤགས་པ།

དགེ་སློང་མའི་སོ་སོར་བཤགས་པར་བྱ་བ།

བཞི་བ་དགེ་སློང་མའི་སོ་སོར་བཤགས་པར་བྱ་བ་བཅུ་གཅིག་འཆད་པ་ལ་སྤྱིའིདོན་དང༌།

སོ་སོའི་དོན་དང་གཉིས། དང་པོ་ལ་གཉིས་ཏེ། དགེ་སློང་ཕའི་རྣམ་འབྱེད་ཀྱིས་བརྗོདཔ་རྣམས་དགེ་སློང་མ་ལ་ཅིར་འགྱུར་དང༌། དགེ་སློང་མའི་རྣམ་འབྱེད་ཀྱིས་བརྗོད་པ་རྣམས་དགེསློང་ཕ་ལ་ཅིར་འགྱུར་རོ། །དང་པོ་ནི་སོ་སོར་བཤགས་པར་བྱ་བ་ལས། བསླབ་པ་དྲལ་ཏེ་ཁྱིམདུ་འཇུག་པ་ནི་དགེ་སློང་ཕ་མ་གཉིས་ཀའི་ཐུན་མོང་བ་ཡིན་ལ། སོ་སོར་བཤགས་པར་བྱ་བདང་པོ་དང་གཉིས་པ་དང་བཞི་པ་ནི་མའི་སོ་སོར་ཐར་པ་དང་མའི་རྣམ་འབྱེད་དང་མདོ་རྩ་འགྲེལལས་མ་གསུངས་ཏེ། གཞུང་དེ་དག་ལྟར་ན་སོ་སོར་བཤགས་པར་བྱ་བ་དེ་གསུམ་ནི་དགེ་སློངམ་རྣམས་ཐུན་མོང་དུ་རྣམ་པར་མི་བཞག་གོ །འོན་ཀྱང་ལུང་ཞུ་བ་ལས་དེ་གསུམ་ཡང་དགེ་སློངམ་རྣམས་ལ་ཡོད་པར་གསུངས་ཏེ། སོ་སོར་བཤགས་པར་བྱ་བ་དང་པོའི་ཞུ་བ་ལས། དགེསློང་མས་ཉེ་དུ་མ་ལགས་པའི་དགེ་སློང་ལམ་སྲང་ན་མཆིས་པ་ལས་བསོད་སྙོམས་བླངས་ཏེ་འཚལ་ན་ཅིར་འགྱུར། སོ་སོར་བཤགས་པར་བྱ་བའོ། །ཞེས་གསུངས་སོ། །སོ་སོར་བཤགས་པར་བྱ་བ་གཉིས་པའི་ཞུ་བ་ལས། དགེ་སློང་མས་མ་བསྒོ་བའི་ཟས་འཚལ་ན་ཅིར་འགྱུར། སོ་སོར་བཤགས་པར་བྱའོ། །ཞེས་གསུངས་སོ། །སོ་སོར་བཤགས་པར་བྱ་བ་བཞི་པའི་ཞུ་བལས། དགེ་སློང་མས་རབ་ཏུ་ཡང་དག་པར་མ་བརྟགས་པའི་ནགས་ཀྱི་ཀུན་དགའ་རྭ་བའི་ནངདུ་བཅའ་བ་དང་བཟའ་བ་བླངས་ཏེ་འཚལ་ན་ཅིར་འགྱུར། སོ་སོར་བཤགས་པར་བྱ་བའོ། །ཞེས་གསུངས་སོ། །དེ་ལྟར་ན་སོ་སོར་བཤགས་པར་བྱ་བ་གསུམ་པོ་དེ་དག་ནི། མདོ་རྩ་བསོགས་ལས་མ་གསུངས་ཀྱང༌། ལུང་ཞུ་བ་ལས་ཁ་བསྐང་བར་བྱའོ། །

གཉིས་པ་དགེ་སློང་མའི་རྣམ་འབྱེད་ཀྱིས་བརྗོད་པ་རྣམས་དགེ་སློང་ཕ་ལ་ཅིར་འགྱུར་ནི།

འོ་མ་སློང་བ་ལ་སོགས་པ་ཐུན་མོང་མ་ཡིན་པ་བཅུ་པོ་འདི་དག་ནི། དགེ་སློང་ལ་ལྟུང་བའི་སྡེ་ཚན་གཞན་དུ་འགྱུར་བ་སྟེ། བསོད་པ་སློང་བའི་ལྟུང་བྱེད་དུ་འགྱུར་རོ། །

གཉིས་པ་སོ་སོའི་དོན་ནི། སོ་སོར་བཤགས་པར་བྱ་བ་བཅུ་གཅིག་ལ་ཚན་པ་གཉིསསུ་དབྱེ་སྟེ། ཐུན་མོང་མ་ཡིན་པ་བཅུར་དབྱེ་བ་དང་ཐུན་མོང་བ་མིང་ཙམ་དུ་བསྟན་པའོ། །དང་པོ་ནི། རྩ་བར། གཞན་གྱི་ཁྱིམ་ནས་བདག་གི་དོན་དུ་འོ་མ་བསླངས་ཏེ་འཐུངས་བ་ལས་སོ། །མི་ན་བས་སོ། །ཞེས་པ་ལ་སོགས་པའོ། །འདིའི་དོན་ལ་གསུམ་ལས། དང་པོ་འདི་རྣམས་ཀྱིགླེང་གཞི་ནི། བཅུ་གཉིས་སྡེ་རྣམས་ཀྱིས་གཞན་གྱི་ཁྱིམ་དག་ནས་འོ་མ་ལ་སོགས་པ་བཅུ་པོའདི་རྣམས་སྔ་མ་སྔ་མ་བཀག་པའི་ཚེ་ཕྱི་མ་ཕྱི་མ་བསླངས་ཏེ་དོན་ཉུང་བའི་དགེ་སློང་མ་རྣམསསྨོད་པར་བྱེད་པ་ལས་སོ། །གཉིས་པ་དགག་བྱ་ནི་ཁྱིམ་པའི་ལོངས་སྤྱོད་ལ་གནོད་པ་དང༌། ཟས་བཟང་པོ་ལ་རང་འདོད་ཆེས་པའོ། །གསུམ་པ་ངོ་བོ་ནི་དགེ་སློང་མས་རང་གི་ཉེ་དུ་ལསགཞན་པའི་ཉེ་དུ་མ་ཡིན་པའི་ཁྱིམ་ནས་བདག་གི་དོན་དུ་འོ་མ་ངག་གི་རིག་བྱེད་ཀྱིས་བསླངསྟེ་འཐུངས་པ་ལ་སོ་སོར་བཤགས་པར་བྱ་བའི་ལྟུང་བ་དངོས་གཞི་བསྐྱེད་པའོ། །ཞོ་དང་མར་དང་ཞུན་མར་དང་འབྲུ་མར་དང་སྦྲང་རྩི་དང་བུ་རམ་གྱི་དབུ་བ་དང་ཉ་ཤ་དང་ཤ་དང་ཤ་སྐམ་ལ་དེ་བཞིན་དུ་སྦྱར་རོ། །

གཉིས་པ་ཐུན་མོང་བ་མིང་ཙམ་དུ་བསྟན་པ་ནི། རྩ་བར། དམག་དཔོན་སེང་གེ་ལས་གྱུར་པའོ། །ཞེས་སོ། །

དགེ་སློང་མའི་སོ་སོར་བཤགས་པར་བྱ་བའི་རྣམ་པར་བཤད་པ་རྫོགས་སོ།། །།

དགེ་སློང་མའི་ཉེས་བྱས་བརྒྱ་དང་བཅུ་གཉིས་འཆད་པ།

དགེ་སློང་མའི་ཉེས་བྱས་བརྒྱ་དང་བཅུ་གཉིས་འཆད་པ།

ལྔ་བ་དགེ་སློང་མའི་ཉེས་བྱས་བརྒྱ་དང་བཅུ་གཉིས་འཆད་པ་ལ། རྩ་བར།

ཤམ་ཐབས་རྐེད་པ་སྣང་བར་བགོ་བར་མི་བྱའོ། །ཆགས་པར་གྱུར་ཅིང་ཁྱིམ་གཞན་དུ་འགྲོ་བར་མི་བྱའོ། །དགེ་སློང་དག་ལས་གྱུར་བ་བཞིན་ནོ། །བསླབ་པ་རྣམས་སོ། །ཞེས་བྱུང༌།

འདིའི་དོན་ནི། རྩ་བར། ཤམ་ཐབས་རང་གི་ལུས་ཀྱི་རྐེད་པ་སྣང་བར་བགོ་བར་མི་བྱའོ། །

ཞེས་དགེ་སློང་མས་དཔྱི་མགོ་བས་ཤམ་ཐབས་དམའ་བར་བགོ་བར་མི་བྱ་ཞེས་མའི་སོ་སོཐར་པའི་འགྲེལ་པ་ལས་སོ། །དགེ་སློང་མ་འཁྲིག་པའི་འདོད་ཆགས་ཀྱིས་ཆགས་པར་གྱུརཅིང་ཁྱིམ་གཞན་དུ་འགྲོ་བར་མི་བྱའོ། །དེ་གཉིས་དགེ་སློང་ཕ་ལ་ཅིར་འགྱུར་ཞེ་ན། སྔ་མ་ནིདགེ་སློང་ཕ་ལ་ཉེས་པ་མེད་ལ། ཕྱི་མ་ནི་དགེ་སློང་ཕ་ལ་ཡང་ཉེས་བྱས་སུ་འགྱུར་རོ། །འོ་ན་དགེསློང་ཕའི་རྣམ་འབྱེད་དུ་བསྟན་པའི་ཉེས་བྱས་བརྒྱ་དང་བཅུ་གཉིས་པོ་དེ་དགེ་སློང་མ་ལ་ཅིར་འགྱུར་ཞེ་ན། ཉེས་བྱས་ཀྱི་སྡེའི་བསླབ་པ་རྣམས་ནི་དགེ་སློང་དག་ལས་གྱུར་པ་བཞིན་དུ་དགེསློང་མ་རྣམས་ཀྱི་ཡང་དེ་བཞིན་ནོ། །འདི་ལ་དམིགས་བསལ་གཉིས་ཏེ། ཁྱིམ་དུ་མ་བསྒོ་བརསྟན་ལ་འདུག་པ་དང༌། རྩྭ་སྔོན་མི་གཙང་འདོར་བ་གཉིས་ནི་དགེ་སློང་མ་ལ་ལྟུང་བྱེད་དུ་འགྱུརབས་དེ་གཉིས་འདིར་མི་བགྲང་ངོ༌། །དེ་གཉིས་མ་གཏོགས་པ་ཉེས་བྱས་བརྒྱ་རྩ་བཅུ་ནི་དགེ་སློང་མ་རྣམས་ཀྱི་ཡང་ཉེས་བྱས་སོ། །དེ་དག་གི་སྟེང་དུ་སྔ་མ་གཉིས་བསྣན་པས། དགེ་སློང་མལ་ཡང་ཉེས་བྱས་བརྒྱ་རྩ་བཅུ་གཉིས་སོ། །དགེ་སློང་མའི་བསླབ་པར་བྱ་བའི་ཆོས་རྣམསརྫོགས་སོ། །དགེ་སློང་མའི་རྣམ་པར་འབྱེད་པའི་རྣམ་པར་བཤད་པ་རྫོགས་སོ།། །།