གཡུང་དྲུང་བོན་གྱི་སྐྱེས་ཆེན་ཞིག་རྗེས་སུ་དྲན་པ།
གཡུང་དྲུང་བོན་གྱི་སྐྱེས་ཆེན་ཞིག་རྗེས་སུ་དྲན་པ།
རྒྱལ་བ་གཤེན་རབ་མཆོག་གིས་ལེགས་གསུངས་པའི། །མདོ་སྔགས་ཆོས་ཚུལ་ཟབ་མོའི་བཅུད་སྨིན་པ། །འོད་གསལ་རྫོགས་པ་ཆེན་པོ་ཉམས་བཞེས་པའི། །ཀུན་སྤངས་ནམ་མཁའ་རྒྱལ་མཚན་རྗེས་སུ་དྲན། །གཞོམ་མེད་རྡོ་རྗེའི་སྐུ་མཆོག་བརྙེས་ན་ཡང༌། །རྟག་འཛིན་ཨ་འཐས་བརྟན་པའི་འགྲོ་བ་རྣམས། །ཆོས་ལ་བསྐུལ་ཕྱིར་མྱ་ངན་འདའ་མཛད་པ། །བྱ་བཏང་ནམ་མཁའ་རྒྱལ་མཚན་རྗེས་སུ་དྲན། །འོད་གསལ་རིག་སྟོང་སེམས་ཀྱི་སྟངས་ཀ་ལས། །གདོད་མའི་སྐུ་བཞི་མངོན་དུ་མཛད་ན་ཡང༌། །ལུས་ཅན་འགྲོ་བའི་དོན་དུ་དཀའ་བ་བརྒྱ། །སླར་ཡང་སྟོན་མཛད་གང་ཉིད་རྗེས་སུ་དྲན། །གཡུང་དྲུང་བོན་གྱི་བསྟན་པའི་ཉི་མའི་འོད། །ལྔ་ཕྲག་བརྒྱ་བར་གཟིམ་པས་དྲན་འཛིན་ཀློང༌། །གདུལ་བྱའི་དད་གསུམ་འོད་དུ་སྨིན་པའི་འབྲས། །ལུས་ཅན་དཔལ་དུ་སླར་ཡང་བྱོན་ཅིག་ཀྱེ། །དངོས་གྲུབ་དཔལ་གྱིས།