ཞབས་བརྟན་སྐོར།
ཞབས་བརྟན་སྐོར།
བླ་མ་ལེགས་གྲུབ་ཀྱི་ཞབས་བརྟན། དད་གསུམ་འཛུམ་པའི་པདྨའི་སྐྱེད་ཚལ་དུ། །རླུང་གི་ཤིང་རྟ་ཀེ་ཏའི་ཆབ་སྦྱིན་པ། །ལེགས་ཚོགས་དངོས་གྲུབ་ཐར་བའི་སྤྱི་དཔལ་ཆེ། །ལྷ་མིའི་ཅོད་པན་བླ་མའི་ཞབས་བརྟན་ཤོག ། ཅེས་པ་གྲྭ་བ་དཀོན་བཟང་གིས་བསྐུལ་ངོར་ངག་དབང་དངོས་གྲུབ་དཔལ་གྱིས་བྲིས་པའོ། །སརྦ་མངྒ་ལཾ། བླ་མ་བསོད་ནམས་དཔལ་ལྡན་གྱི་ཞབས་བརྟན། རྐང་འཐུང་ཚལ་དུ་ཡོངས་འདུའི་དཔག་བསམ་ལ། །དྲི་ལེན་ཤུགས་ཀྱིས་ལྡེམ་ལྡེམ་སྐུལ་བ་ལས། །བསོད་ནམས་དཔལ་གྱིས་དབང་བོའི་ཁམས་གསོ་བ། །མཚན་ལྡན་བླ་མའི་ཞབས་ཟུང་རྟག་བཞུགས་གསོལ། །ཞེས་པ་གྲྭ་བ་དཀོན་བཟང་གིས་བསྐུལ་ངོར་ངག་དབང་དངོས་གྲུབ་དཔལ་གྱིས་བྲིས་པའོ། །སརྦ་མངྒ་ལཾ། མཁན་སྣང་བ་དཔལ་གྱི་ཞབས་བརྟན། ཀུན་ཁྱབ་མཁའ་ནས་ཉིན་བྱེད་བདག་པོ་ཡི། །སྣང་བ་རྒྱས་པས་ལུས་ཅན་སྐྱོང་བྱེད་པ། །ལུང་རིགས་ཟེར་བརྒྱ་ཀུན་ནས་རྒྱས་པའི་དཔལ། །སྨྲ་དབང་བླ་མའི་ཞབས་པད་བརྟན་གྱུར་ཅིག ། ཅེས་པ་གྲྭ་བཙུན་པ་དཀོན་བཟང་གིས་བསྐུལ་ངོར་ངག་དབང་དངོས་གྲུབ་དཔལ་གྱིས་བྲིས་པའོ། །སརྦ་མངྒ་ལཾ། གཞོན་ནུའི་དུས་ནས་དམ་པའི་ཚུལ་འཆང་བ། །སྡོམ་གསུམ་གོས་ཀྱིས་ལུས་བཟང་ལེགས་པར་སྤུད། །མན་ངག་རྒྱ་མཚོ་རྡོལ་བའི་ཀླུ་དབང་ཆེ། །ཁྱབ་བདག་རིག་པའི་རྡོ་རྗེར་དད་པས་འདུད། །བསྐྱེད་རིམ་ལྷ་ཡི་རྣལ་འབྱོར་མཐའ་རུ་ཕྱིན། །རྫོགས་རིམ་ཟབ་མོར་ཐོལ་གྱིས་འབྱམས་ཀླས་པ། །རྣལ་འབྱོར་དཔའ་བོ་གསུམ་ལྡན་རྡོ་རྗེ་འཛིན། །བསྟན་འགྲོའི་སྤྱི་དཔལ་དེ་ལ་དབྱངས་ཀྱིས་བསྟོད། །སྲིད་པའི་འཁོར་བ་སྒྱུ་མའི་འཕྲུལ་དུ་ཤར། །སྒྱུ་མའི་འགྲོ་ལ་སྙིང་རྗེས་ཡིད་རབ་བསྐྱོད། །མདོ་སྔགས་ལམ་མཆོག་ཐབས་ཤེས་ཟུང་དུ་འཇུག ། མཁན་སྤྲུལ་ལྟ་བའི་གདེང་ལྡན་དེ་ལ་གུས། །རང་བྱུང་རིག་པའི་གནས་ལུགས་གསལ་ལེར་མངོན། །རྡོ་རྗེ་གསུམ་གྱི་རྣལ་འབྱོར་ཡང་དག་སྦྱོར། །བླ་མེད་ཐེག་པས་འགྲོ་བློ་རྒྱས་བྱེད་མཁན། །རིག་པའི་རྡོ་རྗེའི་ཞབས་ཟུང་རྟག་བརྟན་ཤོག ། ཅེས་པ་འདི་ནི་དངོས་གྲུབ་དཔལ་ནས་གུས་པས་ཕུལ་བའོ། །༄༅། །ཟླ་མེད་སྟོན་པ་རྒྱལ་ཚབ་འཇམ་དཔལ་དབྱངས། །པཎ་གྲུབ་བཅུ་བདུན་བསྟན་པའི་གཏད་རབས་བདུན། །ཡིད་བཞིན་འཁོར་ལོ་ཚེ་ཡི་ལྷ་མཆོག་བཅས། །སྐྱབས་ཡུལ་དམ་པ་རྣམས་ཀྱིས་དགེ་ལེགས་སྩོལ། །ཐུབ་བསྟན་སྤྱ ི་དང་ཇོ་ནང་རྒྱལ་བའི་བསྟན། །བཤད་དང་སྒྲུབ་པས་ཚུལ་བཞིན་འཛིན་པ་ལ། །ང༷ག་ལ་དབ༷ང་འབྱོར་དངོ༷ས་གྲུ༷བ་དམ་པའི་དཔ༷ལ། །མཚུངས་མེད་ཆོས་ཀྱི་བཤེས་གཉེན་ཞབས་བརྟན་ཤོག། ཅཻས་པ་འདི་ནི་ཇོ་ནང་གི་ཆོས་གཞི་བཀྲ་ཤིས་ཆོས་ཐང་དགོན་དང་ཛ་མགོ་བརྩེ་ཆེན་མཐོ་སློབ་ཀྱི་སློབ་མ་རྣམས་ཀྱིས་བཤེས་གཉེན་རབ་འབྱམས་པ་ངག་དབང་དངོས་གྲུབ་དཔལ་གྱི་ཞབས་བརྟན་སྨོན་ཚིག་ཅིག་དགོས་ཞེས་བསྐུལ་ངོར། ཤཱཀྱའི་དགེ་སྦྱོང་ཆོས་སྨྲ་བ་ཏཱ་ལའི་བླ་མས། རབ་བྱུང་བཅུ་བདུན་པའི་ས་ཁྱི་ལོའི་ཟླ་༡༠ཚེས་༢ཕྱི་ལོ་༢༠༡༨ ཟླ་༡༢ ཚེས་༩ ལ་སྦྱར་བའོ། །