འཕགས་པ་བཟང་པོ་སྤྱོད་པའི་སྨོན་ལམ་གྱི་བཀའ་ཁྲིད་རྒྱལ་སྲས་གཞུང་ལམ།

འཕགས་པ་བཟང་པོ་སྤྱོད་པའི་སྨོན་ལམ་གྱི་བཀའ་ཁྲིད་རྒྱལ་སྲས་གཞུང་ལམ།

ཚོགས་གཉིས་ཆུ་གཏེར་མེར་གྱིས་འཁྱིལ་བའི་དབུས། །བསྐལ་མང་རྙེད་དཀའི་ཀླུ་དབང་གཙུག་གི་ནོར། །གྲངས་མེད་འགྲོ་བའི་གསོས་སུ་རབ་མཛེས་པ། །སྟོན་མཆོག་ཐུབ་པའི་དབང་པོར་གུས་ཕྱག་འཚལ། །རྒྱལ་ཀུན་མཁྱེན་པའི་རང་གཟུགས་འཇམ་དཔལ་དབྱངས། །གྲངས་མེད་སྨོན་ལམ་རབ་རྫོགས་ཀུན་ཏུ་བཟང༌། །བློ་སྤོབས་འཛད་མེད་གཞོན་ནུ་ནོར་བཟང་སོགས། །བཟང་པོ་སྤྱོད་མཛད་མ་ལུས་སྐྱབས་སུ་བསྟེན། །ཕྱོགས་དུས་རྒྱལ་བ་ཀུན་ཀྱི་འཕྲིན་ལས་གཟུགས། །བཀའ་དྲིན་འཁོར་མེད་ཕ་མཆོག་བླ་མ་ཡི། །ཞབས་ཟུང་གཙུག་ཏུ་ཉེ་བར་རབ་བཀོད་ནས། །དེང་འདིར་གང་གསུང་སོར་རྩེས་རི་མོར་བྱ། །ཁྱེད་རྣམ་པས་ཁ་སང་འཕགས་པ་བཟང་པོ་སྤྱོད་པའི་སྨོན་ལམ་གྱི་བཤད་པ་ཞིག་དགོས་ཞེས་རེ་བཞུས་པ་ལྟར་དེ་རིང་འདི་ནས་འཕགས་པ་བཟང་པོ་སྤྱོད་པའི་སྨོན་ལམ་གྱི་ཚིག་འགྲེལ་ཞིག་ཡནལག་བདུན་པ་ནས་མགོ་བཟུང་སྟེ་ཞུ་རྒྱུ་ཡིན། འཕགས་པ་བཟང་པོ་སྤྱོད་པའི་སྨོན་ལམ་གྱི་རྒྱལཔོ་ཞེས་བྱ་བའི་སྨོན་ལམ་འདི་ཉིད་ལ་མཚོན་ན། བྱང་ཆུབ་སེམས་དཔའི་སྨོན་ལམ་ཐམས་ཅདཡོངས་སུ་འདུས་པ་སྨོན་ལམ་གྱི་རྒྱལ་པོ་ལྟ་བུ་རེད། སྨོན་ལམ་འདི་ཉིད་གཅིག་པུར་བཞགཀྱང་མདོ་སྡེ་རང་རྐང་ཚུགས་པ་ཞིག་ཡིན་མོད། སངས་རྒྱས་ཕལ་པོ་ཆེའི་མདོའི་ནང་ནས་འཕགསཔ་སྡོང་པོས་བརྒྱན་པའམ་འཕགས་པ་སྡོང་པོ་བཀོད་པའི་མདོ་ཞེས་བྱ་བའི་མདོ་ལས་བྱུང་བ་ཡིན་ལ། སྡོང་པོ་བཀོད་པའི་མདོ་འདི་བྱང་ཆུབ་སེམས་དཔའི་སྤྱོད་པ་རབ་འབྱམས་མཐའ་ཡས་སྟོན་པཞིག་ཡིན་ནོ། །མདོ་སྡེ་དེ་ཉིད་ཀྱི་མཇུག་གི་ཆ་ལ་སྨོན་ལམ་འདི་ཡོད་པ་ཡིན། ཕལ་བོ་ཆེའི་མདོ་སྡེའབྱམས་ཀླས་པ་ཞིག་ཡོད་པ་རྣམས་དམ་པའི་ཆོས་ལ་དགྲ་ལན་གསུམ་ལས་ཕྱི་མ་ན་ཉམས་ཏེ།ད་ལྟ་འདི་ཙམ་ལུས་པར་རྒྱ་གར་ཆོས་འབྱུང་དུ་གསལ་བ་ལྟར་ཡིན། མདོ་སྡེ་གཞན་དང་གཞནདུ་ཡང་སྨོན་ལམ་འདི་ཉིད་བཞུགས་ཡོད་པར་མི་འགལ་ཏེ། དཔེར་ན། འཕགས་པ་ཚིགས་བཅདགཅིག་པ་དང༌། འཕགས་པ་རྟེན་འབྲེལ་སྙིང་པོ་དང༌། ཤེར་ཕྱིན་བརྒྱ་ལྔ་བཅུ་པ་དང༌། སྒོ་ཉེར་ལྔཔ་ལ་སོགས་པ་མདོ་རྒྱུད་དུ་མར་སྣང་བ་བཞིན་ནོ། །འོ་ན་སྨོན་ལམ་འདི་ཐོག་མར་ཇི་ལྟར་བྱུང་སྙམན། སྡོང་པོ་བཀོད་པའི་མདོ་ལས་ཇི་ལྟར་བྱུང་བ་བཞིན་དུ་དོན་བསྡུས་ཏེ་རྗེ་བཙུན་ཆེན་པོ་ཏཱར་ནཱ་ཐའི་བཟང་སྤྱོད་སྨོན་ལམ་གྱི་འགྲེལ་བའི་དབུར་གསུངས་པ་ལྟར་ཞུ་ན།བྱང་ཆུབ་སེམསདཔའ་སེམས་དཔའ་ཆེན་པོ་དག་པའི་ས་ལ་གནས་ངེས་པ་ཞིག་ཚོང་དཔོན་གྱི་ཁྱེའུའི་ཚུལ་བཟུངབ། ནོར་བཟང་ཞེས་བྱ་བ་ཞིག་གིས། འཕགས་པ་འཇམ་དཔལ་ནས་བྱམས་པའི་བར་གྱི་དགེ་བའིབཤེས་གཉེན་བསྟེན་ཏེ། མཐར་དཔག་ཚད་བརྒྱ་རྩ་བཅུའི་ཕ་རོལ་ནས་འཇམ་དཔལ་གྱིས་ཕྱགབརྐྱང་བ། གྲོང་ཁྱེར་ཡིད་བདེ་བ་མངོན་དུ་གྱུར་པ་ཞེས་བྱ་བ་ན་ནོར་བཟང་ཡོད་པའི་སྤྱི་བོར་བཞགསྟེ་ཆེད་དུ་བརྗོད་པ་མཛད་དོ། །དེ་ནས་ཚོང་དཔོན་གྱི་བུ་ནོར་བཟང་ཡེ་ཤེས་ཀྱི་སྤྱོད་ཡུལ་མཐའཡས་པ་ཐོབ་པ། འཇམ་དཔལ་གྱི་བྱིན་རླབས་ཀྱིས་ཀུན་ཏུ་བཟང་པོའི་སྤྱོད་པའི་དཀྱིལ་འཁོརལ་འཇུག་ནུས་པར་བྱིན་གྱིས་བརླབས་ཤིང༌། རྡོ་རྗེ་རིན་པོ་ཆེ་པདྨའི་གདན་ལ་བཞག་སྟེ། དེ་བཞིནགཤེགས་པ་རྣམ་པར་སྣང་མཛད་ཀྱི་སེང་གེའི་ཁྲི་ལ་མངོན་དུ་ཕྱོགས་པར་འདུག་གོ། །དེ་ནས་བྱངཆུབ་སེམས་དཔའ་སེམས་དཔའ་ཆེན་པོ་འཕགས་པ་ཀུན་ཏུ་བཟང་པོ་མཐོང་བར་འགྱུར་བའི་ལྟསངོ་མཚར་མཐའ་ཡས་པ་བཅུ་ཚན་གཉིས་ནོར་བཟང་གིས་མཐོང་ངོ༌། །དེ་ནས་འཕགས་པ་ཀུནཏུ་བཟང་པོ་ཉིད་མཐོང་ན་ཐམས་ཅད་མཁྱེན་པ་ཉིད་ཐོབ་པ་དང་འདྲ་བར་སེམས་པ་ལས། སྐདཅིག་དེ་ཉིད་ལ་ཡེ་ཤེས་མཐའ་ཡས་པ་འཕེལ་བར་གྱུར་ཏེ། བཅོམ་ལྡན་འདས་རྣམ་པར་སྣངམཛད་ཀྱང་མངོན་སུམ་དུ་མཐོང༌། དེའི་སྤྱན་སྔ་ན་བྱང་ཆུབ་སེམས་དཔའི་འཁོར་གྱི་བྱང་ཆུབ་སེམསདཔའ་ཀུན་ཏུ་བཟང་པོ་དེ་བཞིན་གཤེགས་པ་ཐམས་ཅད་དང་མཉམ་པ་ཉིད་རྗེས་སུ་ཐོབ་པ་དེ་ཡང་རིན་ཆེན་པདྨའི་ཁྲི་ལ་བཞུགས་པ་མཐོང་སྟེ། དེའི་བ་སྤུའི་ཁུང་བུ་རེ་རེ་ནས་ཀྱང་འཇིགརྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་བ་སྙེད་ཀྱི་འོད་ཟེར་གྱི་སྤྲིན་མང་པོ་ཐོན་ནས། ནམམཁའི་མཐས་གཏུགས་པ་སྣང་བར་བྱས་ཏེ། སེམས་ཅན་ཐམས་ཅད་ཀྱི་སྡུག་བསྔལ་རབ་ཏུ་ཞི་བར་བྱེད་པ་ལ་སོགས་པ་རྣམ་པར་ཐར་པ་བསམ་གྱིས་མི་ཁྱབ་པའི་ཆོ་འཕྲུལ་ཆེན་པོ་ཉི་ཤུལྷག་ཅིག་མཐོང་ངོ༌། །དེ་ནས་ནོར་བཟང་ཡིད་དགའ་བ་དང་བདེ་བ་སྐྱེས་ནས། འཕགས་པ་ཀུན་ཏུ་བཟང་པོའི་སྐུ་ལུས་ཀྱི་ཆ་ཤས་རྣམ་པར་ཕྱེ་ནས། མཐར་བ་སྤུའི་ཁུང་བུ་གཅིག་ལ་ཡང༌། དབུསསུ་མི་མཇེད་འཇིག་རྟེན་གྱི་ཁམས་དང་བཅས་པའི་ཕྱོགས་བཅུ་རབ་འབྱམས་མུ་མེད་པའི་འཇིགརྟེན་གྱི་ཁམས་ཀྱི་བཀོད་པ་མཐའ་དག་དང་དེ་དག་ཀྱང༌། བསྐལ་པ་ཆགས་པ་དང་འཇིག་པའིབར་གྱི་ཚུལ་རྣམས་མ་ལུས་པ། གཟུགས་བརྙན་གྱི་ཚུལ་དུ་མཐོང་ངོ། །ཀུན་ཏུ་བཟང་པོ་དེའིམཚན་བཟང་པོ་རེ་རེ་ལ་ཡང་སྔོན་གྱི་མཐའ་མུར་ཐུག་པའི་བར་གྱི་འཇིག་རྟེན་གྱི་ཁམས་ཐམསཅད་དང༌། སངས་རྒྱས་རྣམས་དང་འཁོར་གྱི་དཀྱིལ་འཁོར་ཡང་བསྟན། ཕྱི་མའི་མུ་མཐར་ཐུགགི་བར་གྱི་ཡང་བསྟན། སངས་རྒྱས་རེ་རེའི་དྲུང་ན་ཀུན་ཏུ་བཟང་པོ་རེ་རེ་ཡང་འདུག དེ་དག་གིལུས་རེ་རེ་ལ་ཡང་དུས་གསུམ་དུ་བྱུང་བའི་ཤེས་བྱ་ཐམས་ཅད་ཀྱི་གཟུགས་བརྙན་ཡང་མངོནཔར་བསྟན་པར་མཐོང། དེ་ནས་ཀུན་ཏུ་བཟང་པོ་ཉིད་ཀྱིས་ད་ལྟ་རྣམ་པར་འཕྲུལ་པ་མཐའ་ཡསཔས་འགྲོ་བའི་དོན་སྤྱོད་ཚུལ་དང༌། སངས་རྒྱས་མཉེས་པར་བྱེད་ཚུལ། དེ་དག་གི་རྒྱུར་སྔོན་བྱངཆུབ་སེམས་དཔའི་སྤྱོད་པ་མཐའ་ཡས་པ་སྤྱད་ཚུལ་གསུངས་ཏེ། སངས་རྒྱས་རྣམ་སྣང་གི་སྤྱན་སྔ་ན་བཞུགས་པའི་ཀུན་ཏུ་བཟང་པོས་ཕྱག་བརྐྱང་སྟེ་ནོར་བཟང་གི་སྤྱི་བོར་བཞག་པའི་ཚེ། ཕྱོགསབཅུ་མཐའ་ཡས་པའི་འཇིག་རྟེན་གྱི་ཁམས་ཀྱི་རྡུལ་ཤིན་ཏུ་ཕྲ་བ་སྙེད་ཀྱི་འཇིག་རྟེན་གྱི་ཁམསན་བཞུགས་པའི། སངས་རྒྱས་རེ་རེའི་ཞབས་འབྲིང་ན་ཡང་ཀུན་ཏུ་བཟང་པོ་རེ་རེ་བཞུགས་པའིཕྱག་གཡས་པའང༌། ནོར་བཟང་གི་སྤྱི་བོར་བཞག་པར་གྱུར་ཅིང༌། ཆོས་ཀྱི་སྒོ་མང་པོ་སྣ་ཚོགསལ་ཞུགས་པར་གྱུར་ཏོ། །དེ་ནས་རྣམ་འཕྲུལ་དེ་ལ་བརྟེན་པའི་ཞུ་ལན་ཅུང་ཟད་མཛད་ནས། རྣམ་འཕྲུལ་དེ་ལྟ་བུའི་རྒྱུ་སྤྱོད་པ་མཐའ་ཡས་པ་སྤྱད་ཚུལ་རྣམས་གསུངས་ཏེ། ངའི་ལུས་རྣམཔར་དག་པ་ལ་ལྟོས་ཤིག་གསུངས་ནས། ཀུན་ཏུ་བཟང་པོའི་བ་སྤུའི་ཁུང་བུ་རེ་རེར་ཡང་སངསརྒྱས་ཀྱི་ཞིང་རྒྱ་མཚོ་བརྗོད་དུ་མེད་པའི་ཡང་བརྗོད་དུ་མེད་པ། སངས་རྒྱས་ཀྱི་མཛད་པ་སྟོན་པལ་སོགས་པ་མཐའ་ཡས་པའང་མཐོང༌།ཀུན་ཏུ་བཟང་པོའི་གདམས་ངག་དང་རྗེས་སུ་བསྟན་པཡང་ཐོས་ནས་ནོར་བཟང་རང་ཉིད་ཀྱིས་ཀྱང་རྣམ་པར་ཐར་བ་མཐའ་ཡས་པ་དེ་ཐོབ་ནས། དེ་ལྟ་བུ་སྟོན་པར་གྱུར་ཏོ། །དེའི་རྗེས་སུ་འདི་སྐད་ཅེས། དེ་ནས་བྱང་ཆུབ་སེམས་དཔའ་སེམས་དཔའཆེན་པོ་ཀུན་ཏུ་བཟང་པོས་བསྐལ་པ་དང༌། བསྐལ་པ་རྒྱ་མཚོ་འབྱམས་ཀླས་པ་དང༌། འཇིག་རྟེན་གྱི་ཁམས་གཅིག་ནས་གཅིག་ཏུ་བརྒྱུད་པ། སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པའི་རྡུལ་ཕྲ་རབ་སྙེད་པོ་དེ་དག་བསྣན་ཏེ་མངོན་པར་བརྗོད་པའི་ཕྱིར། ཚིགསསུ་བཅད་པའི་དབྱངས་ཀྱིས་སྨོན་ལམ་བཏབ་པ། ཇི་སྙེད་སུ་དག་ཕྱོགས་བཅུའི་འཇིག་རྟེན་ན། །སོགས་འབྱུང་པ་ཡིན་ནོ། །དེ་ལྟ་བུའི་འཕགས་པ་བཟང་པོ་སྤྱོད་པའི་སྨོན་ལམ་གྱི་རྒྱལ་པོ་འདི་འཆད་པ་ལ་ཐོག་མར་དགེ་བ་ཀླད་ཀྱི་དོན། བར་དུ་དགེ་བ་གཞུང་དོན། ཐ་མར་དགེ་བ་མཇུགདོན་དང་བཅས་ས་བཅད་གསུམ་གྱི་སྒོ་ནས་ཞུ་རྒྱུ་ཡིན། དེའི་ནང་ནས་ཐོག་མར་དགེ་བ་ཀླདཀྱི་དོན་ལ་ཡང་མཚན་དོན་དང༌། འགྱུར་ཕྱག་གཉིས་ཡོད་པ་ལས། མཚན་དོན་བཤད་པ་ལ་སྤྱིརའཕགས་པ་བཟང་པོ་སྤྱོད་པའི་སྨོན་ལམ་འདིའི་མིང་ལ་རྒྱ་གར་ལེགས་སྦྱར་སམ་སྐྲི་ཏའི་མཚནགཅིག་དང༌། བོད་གངས་ཅན་པའི་སྐད་ཀྱི་དབང་དུ་བྱས་པའི་མཚན་གཉིས་ཡོད་ལ། དེ་གཉིསཀྱི་ནང་ནས་ཐོག་མར་རྒྱ་གར་ལེགས་སྦྱར་སམ་སྐྲྀ་ཏའི་སྐད་ཀྱི་དབང་དུ་བྱས་ནས་བཤད་པ་ལ། རྒྱ་གར་སྐད་དུ། ཞེས་པ་ནི་རྒྱ་གར་ལ་སྐད་རིགས་ཆེན་པོ་ལྔའམ་བཞི་ཡོད་པ་ལས་དེའི་ནངནས་ལེགས་པར་བཤད་པ་ལེགས་སྦྱར་སམ་སྐྲྀ་ཏའི་སྐད་དུ་ཞེས་གསུངས་པ་དང༌། ཨཱརྱ་ཞེསཔ་ནི་འཕགས་པའི་དོན་དང༌། བྷ་དྲ་ཞེས་པ་བཟང་པོའི་དོན། ཙརྱ་ཞེས་པ་སྤྱོད་པའི་དོན། པྲ་ཎིདྷཱ་ན་ཞེས་པ་སྨོན་ལམ་གྱི་དོན། རཱ་ཛ་ཞེས་པ་རྒྱལ་པོའི་དོན་ལ་སྦྱར་ནས། དེ་ཚུར་བོད་སྐད་དུབསྒྱུར་ན་འཕགས་པ་བཟང་པོ་སྤྱོད་པའི་སྨོན་ལམ་གྱི་རྒྱལ་བོ་ཞེས་སྦྱར་རོ། །དེའི་དོན་རིམ་བཞིནདུ་ཞུ་ན་འཕགས་པ་ཞེས་པ་ནི་བཟང་པོ་སྤྱོད་པའི་སྨོན་ལམ་འདི་སྨོན་ལམ་གཞན་དགལས་ཁྱད་པར་དུ་འཕགས་པས་འཕགས་པ་ཞེས་དང༌། བཟང་པོ་སྤྱོད་པ་ཞེས་པ་ནི་བཟང་པོསྤྱོད་པའི་སྨོན་ལམ་འདི་བཟང་པོ་ཡང་ཡིན་སྤྱོད་པ་ཡང་ཡིན་པས་བཟང་པོ་སྤྱོད་པ་ཞེས་འཆདཚུལ་གཅིག་དང༌། ཡང་ན་བྱང་ཆུབ་སེམས་དཔའ་ཀུན་ཏུ་བཟང་པོའི་སྤྱོད་པ་ཡིན་པས་བཟང་པོསྤྱོད་པ་ཞེས་འཆད་དོ། །སྨོན་ལམ་གྱི་རྒྱལ་བོ་ཞེས་པ་ནི་སྨོན་ལམ་ཐམས་ཅད་ཡོངས་སུ་འདུསཔའི་སྨོན་ལམ་རྣམས་ཀྱི་ནང་ནས་སྨོན་ལམ་མཆོག་ཏུ་གྱུར་བ་ཡིན་པས་སྨོན་ལམ་གྱི་རྒྱལ་བོཞེས་འཆད་པ་རེད། འགྱུར་ཕྱག་ནི། འཕགས་པ་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །འཕགས་པ་ཞེས་པ་ནི་སོ་སྐྱེས་ཀྱི་ས་ལས་རིང་དུ་འཕགས་པས་ན་འཕ༷གས་པ༷་དང༌། ཐུགས་ཉོན་མོངས་པའི་སྒྲིབ་པ་དང་ཤེས་བྱའི་སྒྲིབ་པ་ལ་སོགས་པའི་རྩུབ་རེག་མཐའ་དག་དང་བྲལཞིང༌། བྱམས་པ་དང་སྙིང་རྗེ་སོགས་ལྡན་པས་ན་འཇ༷མ་དང༌། སྤངས་རྟོགས་ཀྱི་ཡོན་ཏན་ཕུནསུམ་ཚོགས་པའི་དཔལ་དང་ལྡན་པས་ན་དཔ༷ལ་ཏེ། སྐུ་ལ་མཚན་དཔེས་བརྒྱན་ཅིང་ན་ཚོདབཅུ་དྲུག་ཅན་གྱི་ཤ་ཚུགས་ཀྱི་རྣམ་པར་རོལ་བའི་གཞོ༷ན་ནུ༷་ས་བརྒྱད་པའི་བྱང་སེམས་ཀྱི་ཚུལབཟུང་བ་དེ་ལ་སྒོ་གསུམ་གུས་པ་ཆེན་པོའི་སྒོ་ནས་ཕྱ༷ག་འཚ༷ལ་ལོ༷་ཞེས་འགྱུར་ཕྱག་མཛད་པ་རེད། འགྱུར་ཕྱག་མཛད་པའི་དགོས་པ་ནི་སྔོན་ལོ་ཙཱ་བ་དག་གིས་བསྟན་བཅོས་འདི་སྒྱུར་བཞིན་པའིསྐབས་སུ་འགྱུར་མཐར་ཕྱིན་པའི་ཆེད་དུ་འགྱུར་ཕྱག་མཛད་པ་དང༌། དེ་ནས་བསྟན་བཅོས་འདིའིཐོག་མར་ཀླད་ཀྱི་དོན་ནི་མཚན་དོན་དང་འགྱུར་ཕྱག་གཉིས་ཀྱི་སྒོ་ནས་ཞུས་ཟིན་པ་ཡིན། བར་དུ་དགེ་བ་གཞུང་དོན། བར་དུ་དགེ་བ་གཞུང་དོན་བཤད་པ་ལ། འཇམ་མགོན་ཏཱ་ར་ནཱ་ཐས་ས་བཅད་བཞག་པ་ལྟརརྒྱུད་དག་པར་བྱ་བ་ཡན་ལག་བདུན་པ། དངོས་གཞི་སྨོན་ལམ་གྱི་རབ་དབྱེ། སྨོན་ལམ་གྱི་མཐའདང་ཕན་ཡོན་བསྟན་པ། ཕན་ཡོན་ཅན་གྱི་སྨོན་ལམ་ཉིད་བསྔོ་བ་བཅས་ས་བཅད་བཞི་ལས། དང་པོ་རྒྱུད་དག་པར་བྱ་བ་ཡན་ལག་བདུན་པ་བཤད་པ་ལ། ཕྱག་འཚལ་བ། མཆོད་པ་འབུལབ།སྡིག་པ་བཤགས་པ། དགེ་བའི་རྩ་བ་ལ་རྗེས་སུ་ཡི་རངས་བ། ཆོས་འཁོར་བསྐོར་བ། མྱ་ངནལས་མི་འདའ་བར་བཞུགས་པར་གསོལ་བ་འདེབས་པ། དགེ་བ་བསྔོ་བ་བཅས་ས་བཅད་བདུནལས། དང་པོ་ཕྱག་འཚལ་བ་ལ་ལུས་ངག་ཡིད་གསུམ་གྱིས་ཕྱག་འཚལ་བ་དང༌། དེ་གསུམ་སོསོས་ཕྱག་འཚལ་བའམ། ཡང་ན་མདོར་བསྟན་རྒྱས་བཤད་རེ་རེའི་སྒོ་ནས་ཕྱག་འཚལ་བ་གཉིསཡོད་པ་རེད། དང་པོ་ལུས་ངག་ཡིད་གསུམ་གྱིས་ཕྱག་འཚལ་བ་ནི། ཇི་སྙེད་སུ་དག་ཕྱོགས་བཅུའི་འཇིག་རྟེན་ན། །དུས་གསུམ་གཤེགས་པ་མི་ཡི་སེང་གེ་ཀུན། །བདག་གིས་མ་ལུས་དེ་དག་ཐམས་ཅད་ལ། །ལུས་དང་ངག་ཡིད་དང་བས་ཕྱག་བགྱིའོ། །གང་ཇི༷་སྙེ༷ད་སུ༷་ཡོད་པ་དག༷་སྟེ་ཕྱོགས་བཞི་མཚམས་བཞི་སྟེང་འོག་སྟེ་ཕྱོ༷གས་བཅུ༷འི་བདགཉིད་ཅན་གྱི་འཇི༷ག་རྟེ༷ན་ན༷་འདས་པའི་སངས་རྒྱས་དང་མ་འོངས་འབྱོན་འགྱུར་གྱི་སངས་རྒྱསད་ལྟར་བཞུགས་པའི་སངས་རྒྱས་ཏེ་དུ༷ས་གསུ༷མ་གྱི་དེ་བཞིན་གཤེ༷གས་པ༷་དེ་དག་ནི་མི་རྣམསཀྱི་ནང་ནས་མཆོག་ཏུ་གྱུར་བ་མི༷འི་སེ༷ངྒེ༷་གྱུར་བ་ཀུ༷ན་ལ། ཕྱག་འཚལ་མཁན་བད༷ག་གི༷ས་ཕྱགའཚལ་བའི་ཡུལ་ཕྱོགས་བཅུ་དུས་གསུམ་ན་བཞུགས་པའི་རྒྱལ་བ་སངས་རྒྱས་རྣམས་གཅིགཀྱང་མ༷་ལུ༷ས་པ་དེ༷་ད༷ག་ཐ༷མས་ཅ༷ད་ལ༷། ལུ༷ས་གུས་པའི་སྒོ་ནས་ཕྱག་འཚལ་བ་ད༷ང༌། ང༷ག་གིསབསྟོད་དབྱངས་སོགས་བརྗོད་པའི་སྒོ་ནས་ཕྱག་འཚལ་བ། ཡི༷ད་ཀྱིས་དད་པ་དང་མོས་པ་སོགསཀྱི་སྒོ་ནས་ཕྱག་འཚལ་བ་སྟེ། ལུས་ངག་ཡིད་གསུམ་གྱིས་ད༷ང་བ༷འི་སྒོ་ནས་ཕྱ༷ག་འཚལ་བརབགྱི༷འོ། །གཉིས་པ་ལུས་ངག་ཡིད་གསུམ་སོ་སོས་ཕྱག་འཚལ་བ་ལ་གསུམ་ལས། དང་པོ་ལུས་ཀྱིས་ཕྱག་འཚལ་བ་ནི། བཟང་པོ་སྤྱོད་པའི་སྨོན་ལམ་སྟོབས་དག་གིས། །རྒྱལ་བ་ཐམས་ཅད་ཡིད་ཀྱི་མངོན་སུམ་དུ། །ཞིང་གི་རྡུལ་སྙེད་ལུས་རབ་བཏུད་པ་ཡིས། །རྒྱལ་བ་ཀུན་ལ་རབ་ཏུ་ཕྱག་འཚལ་ལོ། །བྱང་ཆུབ་སེམས་དཔའི་བཟ༷ང་པོ༷འི་སྤྱོ༷ད་པ༷་དེ་ལ་སྨོ༷ན་ལ༷མ་སྨིན་པའི་སྟོ༷བས་སམ་ཡངའཕགས་པ་ཀུན་ཏུ་བཟང་པོའི་སྤྱོད་པ་ལ་འདུན་པའི་སྟོབས་ད༷ག་གི༷ས། ཕྱོགས་བཅུའི་རྒྱ༷ལབ༷་མ་ལུས་པ་ཐ༷མས་ཅ༷ད་རང་གིས་ཡི༷ད་ཀྱི༷་མོས་པའི་ཡུལ་དུ་མངོ༷ན་སུ༷མ་དུ༷་མདུན་དུ་ཡོད་པ་ལྟ་བུར་དམིགས་ནས་རང་གི་ཞི༷ང་གི༷་རྡུ༷ལ་ཕྲ་རབ་ཇི་སྙེ༷ད་ཡོད་པ་དེ་སྙེ༷ད་ཀྱི་གྲངས་དང་མཉམཔའི་རང་གི་ལུས་ཀྱང་དེ་འདྲའི་མང་པོར་སྤྲུལ་ནས་སངས་རྒྱས་རེ་རེའི་མདུན་དུ་ལུས་གྲངསམེད་པ་མང་པོ་ཞིག་གིས་ཐལ་མོ་སྦྱར་ཞིང༌། ཡན་ལག་ལྔ་ས་ལ་གཏུག་ཅིང་ལུ༷ས་ར༷བ་ཏུ་བཏུ༷དཔ༷་ཡི༷་སྒོ་ནས་དུས་གསུམ་གྱི་རྒྱ༷ལ་བ༷་སངས་རྒྱས་ཀུ༷ན་ལ༷་ར༷བ་ཏུ༷་ཡང་ནས་ཡང་དུ་རྟག་ཏུ་ཕྱ༷གའཚ༷ལ་ལོ༷། །སྤྱིར་ཕྱག་འཚལ་བའི་ཕན་ཡོན་ནི། སངས་རྒྱས་ཀྱི་ཡོན་ཏན་བསམ་གྱིས་མི་ཁྱབཔ་ཡིན་པས་དེ་ལ་ཕྱག་འཚལ་བ་ཡིན་ན་དེའི་རྣམ་པར་སྨིན་པའི་དགེ་བའི་རྩ་བ་དེ་ཡང་བསམགྱིས་མི་ཁྱབ་པ་ཞིག་ཡིན་པར་གསུངས་ཏེ། བདག་ཅག་གི་སྟོན་པ་སངས་རྒྱས་བཅོམ་ལྡནའདས་ཀྱི་ཞལ་ནས། སངས་རྒྱས་ཡོན་ཏན་བསམ་མི་ཁྱབ། །ཆོས་ཀྱི་ཡོན་ཏན་བསམ་མི་ཁྱབ། །དགེ་འདུན་ཡོན་ཏན་བསམ་མི་ཁྱབ། །བསམ་མི་ཁྱབ་ལ་དད་བྱས་པའི། །རྣམ་པར་སྨིན་པའངབསམ་མི་ཁྱབ། །ཅེས་གསུངས་པ་དང༌། ཆོས་རྗེ་ཀུན་མཁྱེན་རིན་པོ་ཆེའི་ཞལ་ནས་ཀྱང༌། སངསརྒྱས་ཀྱི་ཡོན་ཏན་ཤེས་ནས་དད་པ་ཐོབ་པའི་ཕན་ཡོན་ཞེས་གསུངས་པ་ལྟར་སངས་རྒྱས་ལ་མཆོད་པ་འབུལ་བའི་ཡོན་ཏན། ཕྱག་འཚལ་བའི་ཡོན་ཏན། སངས་རྒྱས་ཀྱི་མཚན་འདོན་པའིཕན་ཡོན་སོགས་ཕན་ཡོན་གྱི་སྐོར་མང་པོ་ཡོད་ཅིང༌། དེ་དག་ནི་ཁྱེད་རྣམ་པ་ཚོས་ངེས་པར་ཤེསདགོས་པ་གལ་ཆེ། སངས་རྒྱས་བཅོམ་ལྡན་འདས་ལ་ཡོན་ཏན་བསམ་གྱིས་མི་ཁྱབ་པ་ཡིན་པསདེ་ལ་དད་པ་རྣམ་དག་གི་སྒོ་ནས་ཐལ་མོ་ལན་གཅིག་སྦྱར་བ་དང་མཚན་ལན་གཅིག་འདོནཔ། བསྐོར་བ་ལན་གཅིག་ཙམ་བྱས་ན་ཡང་ཕན་ཡོན་དང་དགེ་བ་བསམ་གྱིས་མི་ཁྱབ་པ་ཡོདཔར་གསུངས་ཤིང༌། དེ་ནང་བཞིན་དུ་སངས་རྒྱས་ཀྱིས་གསུངས་པ་ལྟར། གང་གིས་མོས་པཡིད་བྱེད་པ། །དེ་ཡི་མདུན་ན་ཐུབ་པ་བཞུགས། །ཞེས་གསུངས་པ་ལྟར་དད་པ་རྣམ་དག་གི་སྒོནས་སངས་རྒྱས་ཐམས་ཅད་རང་གི་ཡིད་ཀྱིས་མངོན་སུམ་དུ་དམིགས་ནས་དེའི་ཡོན་ཏན་ལམོས་པ་བྱེད་པ་ཡིན་ན་སངས་རྒྱས་དག་རང་གི་མདུན་དུ་མངོན་སུམ་དུ་བཞུགས་ཡོད་པ་དངཁྱད་པར་མེད་པ་ཡིན་ཏེ། མཁས་གྲུབ་ཆགས་མེད་རིན་པོ་ཆེའི་བདེ་སྨོན་ལས། མོས་གུས་ཕྱགལ་ཉེ་རིང་ཁྱད་མེད་ཕྱིར། །བདག་གིས་སྒོ་གསུམ་གུས་པས་ཕྱག་འཚལ་ལོ། །ཞེས་གསུངས་པ་ལྟར་ནུབ་ཕྱོགས་བདེ་བ་ཅན་ན་བཞུགས་པའི་སངས་རྒྱས་འོད་དཔག་མེད་ལ་ཐག་རིང་བའདི་ནས་གསོལ་བ་བཏབ་པ་དང༌། ཐག་ཉེ་བ་སྐུ་མདུན་ནས་གསོལ་བ་བཏབ་པ་ལ་ཁྱད་པརམེད་ཅེས་གསུངས་པ་དང༌། དེར་མ་ཟད་རང་རང་སོ་སོ་ལ་དད་པ་དང་དག་སྣང་ཡོད་ན་སངསརྒྱས་ལ་འདྲེན་པའི་ནུས་པ་ཡོད་པར་མ་ཟད་འདྲེན་ཡང་ཐུབ་ལ། དེ་མ་ཡིན་པར་རང་རང་སོ་སོ་ལ་དད་པ་དང་དག་སྣང་མེད་ན་སངས་རྒྱས་ཀྱིས་འདྲེན་ཐབས་མེད་ཅིང༌། བཀའ་གདམསགོང་མ་ཚོས་ཀྱང༌། དད་པའི་ཨ་ལོང་མེད་ན་འདྲེན་པའི་ལྕགས་ཀྱུ་ཡོད་ཀྱང༌། འདྲེན་པའི་ཐབསདང་བྲལ། ཞེས་གསུངས་པ་དང༌། མདོ་ལས། དད་པ་མེད་པའི་མི་རྣམས་ལ། །དཀར་པོའི་ཆོསནི་མི་འབྱུང་སྟེ། །ས་བོན་མེ་ཡིས་འཚིག་པ་ལ། །མྱུ་གུ་སྔོན་པོ་ཇི་བཞིན་ནོ། །ཞེས་སོགས་གསུངསཔ་ལྟར་སངས་རྒྱས་ལ་དད་པ་དག་སྣང་མེད་ན་དེའི་བྱིན་རླབས་སོགས་ཞུགས་པའི་ཐབས་མེདཔས་སངས་རྒྱས་ལ་དད་པ་དག་སྣང་བྱ་རྒྱུ་ཧ་ལས་པའི་གལ་ཆེན་པོ་རེད། དད་པ་སྔོན་འགྲོ་མལྟར་བསྐྱེད་པ་སྟེ། །ཡོན་ཏན་ཐམས་ཅད་བསྲུང་ཞིང་འཕེལ་བར་བྱེད། །ཅེས་གསུངས་པ་ལྟརངེས་པར་དུ་སྔོན་ལ་དད་པ་གལ་ཆེན་པོ་ཡིན་ལ། གལ་སྲིད་ཁྱེད་རང་སངས་རྒྱས་ལ་དདཔ་དང་དག་སྣང་མེད་པ་ཡིན་ན་སངས་རྒྱས་ཀྱིས་ཁྱེད་ཀྱི་དོན་ལ་བརྩོན་ཡང་ཁྱེད་རང་ཐར་བའིལམ་དུ་འགྲོ་བའི་སྐབས་མེད་པས་བསྟན་བཅོས་མངོན་རྟོགས་རྒྱན་ལས་ཀྱང༌། ལྷ་ཡི་རྒྱལ་པོསཆར་ཕབ་ཀྱང༌། །ས་བོན་མི་རུང་མི་འཁྲུངས་ལྟར། །སངས་རྒྱས་རྣམས་ནི་བྱུང་གྱུར་ཀྱང༌། །སྐལབ་མེད་པས་བཟང་མི་མྱོང༌། །ཞེས་གསུངས་པ་ལྟར།ཚང་མས་དེ་ལྟར་ཐུགས་བསམ་བཞེསནས་སངས་རྒྱས་ལ་ཁ་ཙམ་ཚིག་ཙམ་མིན་པར་སེམས་གཏིང་ནས་ཐེ་ཚོམ་ཙམ་ཡང་མེད་པརམོས་གུས་དང་དད་པ་དག་སྣང་བྱེད་རྒྱུ་གལ་ཆེན་ཡིན། རང་རང་སོ་སོས་མཆོག་གསུམ་ལདད་པ་དང་དག་སྣང་བྱས། བློ་ལ་ཐེ་ཚོམ་གྱི་དྲི་མས་མ་བསྒྲིབས། སེམས་གཏིང་ནས་སྐྱབས་སུ་འགྲོ་ཐུབ་ན་མཆོག་གསུམ་གྱི་ང་ཚོ་ངན་སོང་ལས་སྐྱོབ་མི་སྐྱོབ་ཐེ་ཚོམ་ཙམ་ཡང་བྱེད་མིདགོས་ཤིང༌། ང་ཚོ་ངན་སོང་ལས་སྐྱོབས་སྟངས་ནི་བླང་དོར་གྱི་གནས་ཡང་དག་པ་ཞིག་བསྟནཔའི་སྒོ་ནས་སྐྱོབས་ཚུལ་ལས་གཞན་མེད་པ་ཡིན་ཡང་ཁ་ནས་སྐྱབས་སུ་མཆི་ཟེར་ཞོར་བླ་མསབླང་དོར་གྱི་གནས་བསྟན་ཀྱང་ཉམས་ལེན་དང་ལག་ལེན་གང་ཡང་མི་བྱེད་པ་ནི་སྐྱབས་འགྲོརྫུན་མ་ཆགས་པ་ཡིན་ལ། རང་རང་སོ་སོས་ལས་ངན་པ་ཞིག་བསགས་བསགས་ནས་དེའིལས་ཀྱི་རྣམ་སྨིན་མྱོང་མི་དགོས་པར་སངས་རྒྱས་ཀྱིས་འདྲེན་འགྲོ་བར་འདོད་པ་ནི་ནང་ཆོསམ་ཤེས་པའི་རྟགས་རེད། དེ་ནང་བཞིན་སངས་རྒྱས་ཀྱིས་ང་ཚོ་ཐར་བའི་གནས་སུ་རྡོ་འཕང་བ་ལྟར་གནས་གཞན་ཞིག་ལ་འཕེན་འགྲོ་བ་ཡོད་པ་མིན་ཏེ། སངས་རྒྱས་རང་ཉིད་ཀྱིས་ཀྱང༌། ངས་ནི་ཁྱོད་ལ་ཐར་བའི་ཐབས་བསྟན་གྱི། །ཐར་བ་རང་ལ་རག་ལས་ཤེས་པར་གྱིས། །ཞེསགསུངས་པ་ལྟར། རང་རང་སོ་སོས་སངས་རྒྱས་ཀྱིས་བླང་བྱ་ཡིན་པར་གསུངས་པ་དག་བླངས། འདོར་བྱར་གསུངས་པ་དག་དོར་ནས་ཉམས་སུ་བླངས་ཏེ་ཐར་བའི་ལམ་དུ་འགྲོ་དགོས་པ་ལྟབུ་ཆགས་ཡོད་པ་དེའི་ཕྱིར། སངས་རྒྱས་ལ་སྐྱབས་སུ་འགྲོ་ན་ཁ་ཙམ་ཚིག་ཙམ་མིན་པར་དོནགྱིས་སྐྱབས་སུ་འགྲོ་དགོས་པ་རེད་མ་གཏོགས་ཁ་ནས་ཁྱོད་སྐྱབས་སུ་བསྟེན་པ་ཡིན་ཞེས་དོནལ་སངས་རྒྱས་ཀྱི་གསུངས་པ་དག་གང་ཡང་ཉམས་ལེན་མི་བྱེད་ན་ཁ་དང་ལག་ལེན་འགལ་འདུག་ཡོད་པས། དེ་འདྲ་མི་གནང་པར་མིང་དང་དོན་མཚུངས་པའི་ཆོས་པ་ཞིག་བྱེད་རྒྱུ་དང་མིང་དང་དོན་མཚུངས་པའི་སྐྱབས་འགྲོ་ཞིག་སྐྱེ་ཨེ་ཐུབ་བལྟ་རྒྱུ་དེ་ཧ་ལས་པའི་གལ་ཆེན་པོ་རེད། དེ་རིང་འདི་ནས་མཚམས་འཇོག་བྱེད་རྒྱུ་ཡིན། ཡང་ཁ་སང་ལུས་ངག་ཡིད་གསུམ་སོ་སོསཕྱག་འཚལ་བ་དེའི་ནང་ནས་ལུས་ཀྱིས་ཕྱག་འཚལ་བ་ཞུས་ཟིན་ནས་དེ་རིང་འདི་ནས་ཡིདཀྱིས་ཕྱག་འཚལ་བ་ཞུ་ན། ཡིད་ཀྱིས་ཕྱག་འཚལ་བ་ནི། རྡུལ་གཅིག་སྟེང་ན་རྡུལ་སྙེད་སངས་རྒྱས་རྣམས། །སངས་རྒྱས་སྲས་ཀྱི་དབུས་ན་བཞུགས་པ་དག ། དེ་ལྟར་ཆོས་ཀྱི་དབྱིངས་རྣམས་མ་ལུས་པ། །ཐམས་ཅད་རྒྱལ་བ་དག་གིས་གང་བར་མོས། །ཞེས་རྡུ༷ལ་གཅི༷ག་གི་གོ་སའི་སྟེ༷ང་ན༷་རྡུ༷ལ་ཇི་སྙེ༷ད་ཡོད་པའམ་ཞིང་ཁམས་མ་ལུས་པའི་རྡུལཇི་སྙེད་ཡོད་པ་དེའི་རྡུལ་སྙེད་ཀྱི་གྲངས་དང་མཉམ་པའི་རྡུལ་རེ་རེའི་གོ་ས་ན་དུས་གསུམ་གྱིས༷ངས་རྒྱ༷ས་རྣ༷མས་ས༷ངས་རྒྱ༷ས་ཀྱི་སྲ༷ས་བྱང་ཆུབ་སེམས་དཔའི་འཁོར་སྣ་ཚོགས་དང་མཆོད་པའི་བྱེ་བྲག་མཐའ་ཡས་པས་བསྐོར་ནས་སངས་རྒྱས་དག་གཙོ་བོའི་ཚུལ་གྱིས་བྱང་སེམས་དེ་དག་གི་དཀྱིལ་ལམ་དབུ༷ས་ན༷་བཞུ༷གས་པའི་རྒྱལ་བ་ད༷ག དེ༷་ལྟ༷ར་ཆོ༷ས་ཀྱི༷་དབྱི༷ངས་མཐའམེད་པ་བཞིན་དུ་ནམ་མཁའ་ཡང་མཐའ་མེད་པས་ནམ་མཁས་གར་ཁྱབ་པའི་ཞིང་ཁམས་མ༷ལུ༷ས་པ༷་ཐ༷མས་ཅ༷ད་ཀྱི་རྡུལ་རེ་རེའི་སྟེང་ན་བདུད་བཞི་ལས་རྒྱ༷ལ་བ༷་སངས་རྒྱས་བཅོམ་ལྡན་འདས་དང་དེའི་སྲས་བྱང་ཆུབ་སེམས་དཔའ་ད༷ག་གི༷ས་ག༷ང་བ༷ར་མོ༷ས་ནས་དེ་ལ་ཡིད་དང་བའིསྒོ་ནས་ཕྱག་འཚལ་ལོ། །ཞིང་ཁམས་ཀྱི་རྡུལ་རེ་རེའི་སྟེང་ན་སངས་རྒྱས་དང་བྱང་ཆུབ་སེམསདཔའ་མཐའ་ཡས་པའི་བསྐོར་བ་ནི་རྣལ་འབྱོར་བ་དག་གི་བློ་ལ་མི་ཤོང་བ་མེད་པ་དང༌། དེ་ལ་དོགས་པ་མེད་པ་ལྟ་བུ་ཡིན་ཏེ། དཔེར་ན་རྗེ་མི་ལ་རས་པ་མར་མ་ཆུང༌། གཡག་རྭ་ཡར་མཆེ་བར་རྗེ་བཙུན་མི་ལ་གཡག་རྭའི་ནང་དུ་ཤོང་བ་ལྟ་བུ་ནི་གཟུང་འཛིན་རྫས་ཐ་དད་དུ་འཛིནཔའི་འཆིང་བ་ལས་གྲོལ་སོང་བ་ཡིན་ན་དེ་འདྲ་དངོས་སུ་གནང་ཐུབ་པ་ཡིན་ན་ཡང༌། སྐབསའདིར་ལས་དང་པོ་བ་དག་གི་མོས་པ་ཡིད་བྱེད་ཀྱི་ངོར་དེ་འདྲ་སྒོམ་ན་ཡང་ཆོག་ལ། ལས་དངཔོ་བ་ཞིག་གིས་སངས་རྒྱས་གཅིག་ལ་མོས་པ་དང་དང་བ་བྱས་ན་ཕན་ཡོན་དཔག་ཏུ་མེད་པ་འབྱུང་བ་ཡིན་ན་སངས་རྒྱས་རེ་རེའི་ཞིང་ཁམས་རབ་འབྱམས་པའི་རྡུལ་ཇི་སྙེད་ཡོད་པ་དེ་སྙེདཀྱི་གྲངས་དང་མཉམ་པའི་སངས་རྒྱས་དང་བྱང་ཆུབ་སེམས་དཔའ་དག་ལ་དམིགས་ནས་དེཐམས་ཅད་ལ་ཡིད་དང་བའི་སྒོ་ནས་ཕྱག་འཚལ་བ་ཡིན་ན་ཕན་ཡོན་དཔག་ཏུ་མེད་པ་འབྱུངབ་རེད། གསུམ་པ་ངག་གི་སྒོ་ནས་ཕྱག་འཚལ་བ་ནི། དེ་དག་བསྔགས་པ་མི་ཟད་རྒྱ་མཚོ་རྣམས། །དབྱངས་ཀྱི་ཡན་ལག་རྒྱ་མཚོའི་སྒྲ་ཀུན་གྱིས། །རྒྱལ་བ་ཀུན་གྱི་ཡོན་ཏན་རབ་བརྗོད་ཅིང༌། །བདེ་བར་གཤེགས་པ་ཐམས་ཅད་བདག་གིས་བསྟོད། །གོང་ནས་ཞུས་ཟིན་པའི་ཡིད་ཀྱི་སྒོ་ནས་ཕྱག་འཚལ་བའི་མོས་པའི་ཡུལ་དུ་གྱུར་བའིསངས་རྒྱས་དང་བྱང་ཆུབ་སེམས་དཔའ་དེ༷་ད༷ག་གི་བསྔ༷གས་པ༷འམ་བསྟོད་བསྔགས་དག་ཆེསཤིན་ཏུ་གྲངས་མང་བས་མི༷་ཟ༷ད་པ་རྒྱ༷་མཚོ༷་དང་འདྲ་བ་རྣ༷མས། དབྱ༷ངས་ཀྱི༷་ཡ༷ན་ལ༷ག་ནི་གསུངདབྱངས་ཡན་ལག་ལྔའམ་གསུང་དབྱངས་ཡན་ལག་དྲུག་ཅུ་ལ་གོ་དགོས་ཏེ། རྗེ་བཙུན་ཏཱ་རནཱ་ཐས་ཀྱང་བཟང་སྤྱོད་ཀྱི་འགྲེལ་བའི་སྐབས་སུ་དེ་ལྟར་གསུངས་པ་དང༌། འཕགས་པ་ཀླུ་སྒྲུབཀྱིས་མཛད་པར་གྲགས་པའི་བཟང་སྤྱོད་འགྲེལ་བའི་སྐབས་ལས་ཀྱང་དེ་ལྟར་གསུངས་འདུག་ཡིན་ན་ཡང་གཞུང་གཞན་རེར་དབྱངས་ཀྱི་ཡན་ལག་ཅེས་པ་ནི་དབྱངས་བསྟོད་ངག་གི་ཚིག་ལ་བྱས་ནས་ཚིག་དེ་བརྗོད་པའི་རྒྱུ་ལྕེ་རྐན་དེ་དག་ལ་ཡན་ལག་ཅེས་སྦྱར་མཁན་ཡང་འདུག གསུང་དབྱངས་ཡན་ལག་ལྔའམ་གསུང་དབྱངས་ཡན་ལག་དྲུག་ཅུར་གྱུར་བའི་སྒྲ་སྐད་ཆེས་གྲངས་མང་བ་རྒྱ༷་མཚོ༷་ལྟ་བུ་མཐའ་ཡས་པའི་སྒྲ༷་སྐ༷ད་སྣ་ཚོགས་པ་ཀུ༷ན་གྱི༷་སྒོ་ནས་རྒྱ༷ལ་བ༷་སངསརྒྱས་ཀུ༷ན་གྱི༷་སྤངས་རྟོགས་ཀྱི་ཡོ༷ན་ཏ༷ན་དེ་དག་ར༷བ་ཏུ་བརྗོ༷ད་ཅི༷ང་སྤངས་རྟོགས་ཡོངས་སུ་རྫོགས་ པའི་བདེ༷་བ༷ར་གཤེ༷གས་པ༷་དེ་དག་ཐ༷མས་ཅ༷ད་ལ་བད༷ག་གི༷ས་སྒྲ་སྐད་སྣ་ཚོགས་ཀྱི་སྒོ་ནས་བསྟོ༷དཔར་བྱ་ཞེས་གསུངས་པ་རེད། བདེ་བར་གཤེགས་ཞེས་པ་ནི་ངེས་དོན་གྱི་དབང་དུ་བྱས་ན་ཡེགདོད་མ་ཉིད་ནས་སྒྲིབ་པ་མ་ལུས་པ་ཡོངས་སུ་སྤངས་པའི་ཆ་ནས་སྤངས་པ་བདེ་བར་གཤེགསཔ་དང༌། རྟོགས་པ་མ་ལུས་པ་ཡོངས་སུ་རྫོགས་པས་ན་རྟོགས་པ་བདེ་བར་གཤེགས་པ་ཞེསསྦྱར་བ་དེ་ཡང་ཚད་མ་རྣམ་འགྲེལ་ལེའུ་གཉིས་པ་ལས།རྒྱུ་སྤངས་ཡོན་ཏན་གསུམ་བདེ་གཤེགས། །ཞེས་དང༌། གཤེགས་པ་རྟོགས་པའི་དོན་ཕྱིར་ཏེ། །ཞེས་སོ། །ལུས་ངག་ཡིད་གསུམ་གྱིས་ཕྱགའཚལ་བ་དེ་རྣམ་པ་ཚང་མར་ཞུས་ཟིན་པ་ལྟར་སངས་རྒྱས་དང་བྱང་སེམས་དག་ལ་དད་པ་རྣམདག་གི་སྒོ་ནས་ཕྱག་འཚལ་བ་དེ་དངོས་གནས་གལ་ཆེན་པོ་རེད། ལུས་ཀྱི་སྒོ་ནས་ཕྱག་འཚལབ་ཡིན་ན་ཡན་ལག་ལྔ་ས་ལ་གཏུག་པ་དང་གནས་གསུམ་ལ་ཐལ་མོ་སྦྱར་བའི་སྒོ་ནས་ཕྱག་འཚལ་དགོས་ལ། ཕྱག་ལ་ཡང་ཆོས་འདུལ་བའི་སྐབས་སུ་ཡན་ལག་ལྔ་ཕྱག་ཅེས་གསུངསཔ་དང༌། མདོ་སྡེ་གཞན་གྱི་སྐབས་སུ་བརྐྱང་ཕྱག་ཅེས་གསུངས་པ་གཉིས་ཡོད་པ་ལས་མདོརན་སངས་རྒྱས་ལ་དད་པའི་སྒོ་ནས་དམིགས་ཏེ་ལུས་ཀྱི་སྒོ་ནས་ཕྱག་འཚལ་བ་ཡིན་ན་རང་གིལུས་ཀྱིས་ནོན་པའི་སའི་རྡུལ་གྲངས་དང་མཉམ་པའི་འཁོར་ལོའི་བསྒྱུར་རྒྱལ་གྱི་སྐྱེ་བ་ལེནཐུབ་པ་རེད། དེ་ཡང་ཕྱག་འཚལ་བ་ཙམ་གྱིས་དེ་འདྲ་འགྱུར་ཐུབ་ཅེས་གསུངས་པ་མིན་པར་ཡུལ་སངས་རྒྱས་སོགས་ལ་དམིགས་པའི་སྒོ་ནས་ཕྱག་འཚལ་བ་ཡིན་ན་དེ་འདྲ་འགྱུར་ཐུབ་པརེད་མ་གཏོགས། དེ་འདྲ་མིན་པར་འཇིག་རྟེན་གྱི་ལྷ་ཀླུ་མཐུ་བོ་ཆེ་སོགས་དང་རང་ག་བའིམི་སོགས་ལ་ཕྱག་འཚལ་བ་ཡིན་ན་དེ་འདྲ་འོང་མི་ཐུབ། ནམ་རྒྱུན་ང་ཚོས་ཕྱག་འཚལ་སྐབསལུས་ཙམ་དང་ཡིད་ཙམ་གྱིས་ཕྱག་མི་འཚལ་བར་ལུས་ངག་ཡིད་གསུམ་གྱིས་ཕྱག་འཚལ་རྒྱུ་གལ་ཆེན་པོ་ཡིན་ཞིང༌། ལུས་ཀྱིས་ཕྱག་འཚལ་སྐབས་ངག་གིས་སངས་རྒྱས་ཀྱི་ཡོན་ཏན་བརྗོདཔ་དང་མཚན་སོགས་བརྗོད། ཡིད་ཀྱིས་དང་བའི་དད་པ་བསྐྱེད་པའི་སྒོ་ནས་ཕྱག་འཚལ་བཡིན་ན་ལུས་ངག་ཡིད་གསུམ་གྱི་སྒོ་ནས་ཕྱག་འཚལ་བ་འོང་ཐུབ་པ་རེད། དེས་མཚོན་པའི་ངཚོས་ནམ་རྒྱུན་འགྲོ་འཆག་ཉལ་འདུག་གང་གི་སྐབས་ཡིན་ན་ཡང་ལུས་ངག་ཡིད་གསུམ་དགེབ་དང་མི་འབྲལ་བ་ཞིག་བྱེད་ཅི་ཐུབ་དགོས་སྙམ་པ་དང་དགོས་སྙམ་པ་ཙམ་གྱིས་མི་འཇོག་པར་ད་ལྟ་ཉིད་ནས་ལག་ལེན་དུ་སྟར་ཅི་ཐུབ་བྱེད་རྒྱུ་དེ་གལ་ཆེན་པོ་ཡིན། དེ་ཡན་དུ་ཡན་ལགབདུན་པའི་ནང་གི་ཕྱག་འཚལ་བའི་སྐོར་དེ་ཞུས་ཟིན་པ་རེད། ཁྱེད་རྣམ་པར་ཁ་སང་ཞུས་ཟིནཔ་ལྟར་སངས་རྒྱས་དེ་དག་གི་ཡོན་ཏན་བསམ་གྱིས་མི་ཁྱབ་པ་ཡིན་ན་དེ་ལ་ལག་པས་ཐལ་མོ་སྦྱར། ངག་གིས་གསོལ་བ་བཏབ། ཡིད་ཀྱིས་དད་པ་བྱས་པ་ཡིན་ན་དེ་དག་གི་ཕན་ཡོན་ཡངབསམ་གྱིས་མི་ཁྱབ་པ་འབྱུང་བས་ན་ནམ་རྒྱུན་རང་རང་སོ་སོས་བྱ་བ་དོན་མེད་མི་བྱེད་པར་ཕྱག་འཚལ་རྒྱུ་ནི་དངོས་གནས་གལ་ཆེན་པོ་ཡིན་པར་མ་ཟད། རང་གི་ལྷག་པའི་ལྷ་ལ་ཡངཕྱག་འཚལ་རྒྱུ་གལ་ཆེན་ཡིན་པ་རེད། རང་རང་སོ་སོས་གཞུང་གི་གནས་ལུགས་ཤིག་རྟོགསདགོས་ན། ལྷག་པའི་ལྷ་ལ་གསོལ་བ་བཏབ། ཚོགས་བསགས།སྒྲིབ་པ་སྦྱངས། གཞུང་ཆེན་པོལ་ལྟ་རྟོག་མང་དུ་བྱས། དེ་ལ་ཐོས་བསམ་རྒྱ་ཆེན་བྱས་ན་ནམ་ཞིག་ལ་གནས་ལུགས་ཀྱི་དོནདེ་རྟོགས་ཐུབ་པས་ན་ལྷག་པའི་ལྷ་ལ་ཡང་ཕྱག་འཚལ་བ་སྔོན་དུ་འགྲོ་དགོས། གཉིས་པ་མཆོད་པ་འབུལ་བའི་ཡན་ལག་ལ། བླ་ན་ཡོད་པའི་མཆོད་པ་དང༌། བླ་ན་མེད་པའིམཆོད་པ་གཉིས་ལས། དང་པོ་བླ་ན་ཡོད་པའི་མཆོད་པ་ནི། མེ་ཏོག་དམ་པ་ཕྲེང་བ་དམ་པ་དང༌། །སིལ་སྙན་རྣམས་དང་བྱུག་པ་གདུགས་མཆོག་དང༌། །མར་མེ་མཆོག་དང་བདུག་སྤོས་དམ་པ་ཡིས། །རྒྱལ་བ་དེ་དག་ལ་ནི་མཆོད་པར་བགྱི། །ན་བཟའ་དམ་པ་རྣམས་དང་དྲི་མཆོག་དང༌། །ཕྱེ་མ་ཕུར་མ་རི་རབ་མཉམ་པ་དང༌། །བཀོད་པ་ཁྱད་པར་འཕགས་པའི་མཆོག་ཀུན་གྱིས། །རྒྱལ་བ་དེ་དག་ལ་ནི་མཆོད་པར་བགྱི། །མེ་ཏོག་བཟང་བོའམ་མཆོག་ཏུ་གྱུར་བ་སྣ་ཚོགས་པའི་མེ༷་ཏོ༷ག་ད༷མ་པ༷་རིན་པོ་ཆེའི་ཕྲེ༷ངབ༷་མེ་ཏོག་གི་ཕྲེང་བ་བཟང་པོའམ་མཆོག་ཏུ་གྱུར་བས་ད༷མ་པ༷་ད༷ང་རོལ་མོའི་བྱེ་བྲག་སི༷ལ་སྙ༷ནདང་བརྡུང་བྱ་སྣ་ཚོགས་པའི་རོལ་མོའི་སྒྲ་སྙན་རྣ༷མས་ད༷ང་དྲི་ཞིམ་གྱིས་བྱུ༷ག་པ༷། གོས་སྣ་ཚོགསཀྱིས་བཟོས་པའི་གདུ༷གས་དང་རྒྱལ་མཚན་བ་དན་མཆོ༷ག་ཏུ་གྱུར་བ་དག་ད༷ང༌། རྩི་མར་དངའབྲུ་མར་གྱིས་བྱས་པའི་མ༷ར་མེ༷་སྣང་གསལ་གྱི་མཆོ༷ག་ཏུ་གྱུར་བ་མཐའ་ཡས་པ་ད༷ང༌། སྦྱརབྱུང་གི་བདུ༷ག་སྤོ༷ས་དང་མ་སྦྱར་བའི་བདུག་སྤོས་དྲི་ཞིམ་པོར་གྲགས་པའི་བདུག་སྤོས་ད༷མ་པ༷རྣམས་ཀྱིས་གོང་ནས་རང་གི་མོས་པའི་ཡུལ་དུ་བྱས་པའི་རྒྱ༷ལ་བ༷་དེ༷་ད༷ག་དང་བྱང་སེམས་དགལ༷་ནི༷་མཆོ༷ད་པ༷ར་བགྱི༷་ཞེས་གསུངས་པ་རེད། གོས་སྣ་ཚོགས་ཀྱི་བཟོས་པའི་ན་བཟའམ་ཆོསགོས་དེ་དག་དང་ལྷས་བཟོས་པའི་གོས་སམ་མིས་བཟོས་པའི་གོས་མཆོག་ཏུ་གྱུར་པ་ན༷་བཟ༷འད༷མ་པ༷་རྣ༷མས་ད༷ང༌། དྲི་ཞིམ་པོ་ཁྱད་པར་དུ་འཕགས་པའི་དྲི༷་མཆོ༷ག་ཏུ་གྱུར་པ་ད༷ང༌། དྲི་བཟངགི་ཕྱེ༷་མ༷འི་ཕུ༷ར་མ༷་ཐུམ་བུ་ཐུམ་བུ་བྱས་ནས་སྣ་ཚོགས་པ་སྤུངས་པ་དག་རི༷་ར༷བ་དང་མཉ༷མ་པ༷ད༷ང༌། དེ་དག་ཐམས་ཅད་ཀྱང་བཀོ༷ད་པ༷་ཤིན་ཏུ་མཛེས་པས་ཁྱ༷ད་པ༷ར་དུ་འཕགས་པ་འདི་གོངམ་དག་ལ་རིམ་བཞིན་དུ་སྦྱར་ན་ཆོག་པ་རེད། མེ་ཏོག་བཀོད་པ་ཤིན་ཏུ་མཛེས་པས་ཁྱད་པརདུ་འཕགས་པ་ཞེས་སོགས་སྦྱར་ན་ཆོག་པ་ལ། དེ་འདྲའི་བཀོད་པ་ཁྱད་པར་དུ་འཕ༷གས་པ༷འི་མཆོ༷ག་ཏུ་གྱུར་བ་བླ་ན་ཡོད་པའི་མཆོད་པ་ཇི་སྙེད་ཡོད་པ་དེ་སྙེད་པ་ཀུ༷ན་གྱི༷ས་གོང་ནས་རང་གི་སྒོམ་ཡོད་པའི་བདུད་བཞི་ཕྲ་རགས་ལས་རྒྱ༷ལ་བ༷་དེ༷་ད༷ག་ལ༷་ནི༷་མཆོ༷ད་པ༷ར་བགྱི༷་ཞེས་གསུངསཔ་རེད། མཆོད་པ་འདི་དག་ནི་བླ་ན་ཡོད་པའི་མཆོད་པ་ཡིན་ཞིང༌། ནམ་རྒྱུན་རང་རང་སོ་སོསམཆོད་པ་ཕུལ་བའི་བསོད་ནམས་གསག་རྒྱུ་གལ་ཆེན་ཡིན་ཏེ། འབད་བརྩོན་རི་བོ་ཙམ་ཞིགབྱས་པ་ལས། །བསོད་ནམས་མེ་སྟག་ཙམ་ཞིག་བསགས་པས་དགའ། །ཞེས་གསུངས་པ་དང༌། སྐྱབས་འགྲོའི་བསླབ་བྱའི་དབང་དུ་བྱས་ན་ཡང་ཅི་ཟ་ཅི་འཐུང་གི་མཆོད་པ་ཞེས་གསུངས་པལྟར་ནམ་རྒྱུན་རང་རང་སོ་སོས་ཟ་མ་ཞིག་གསོལ་བ་ཡིན་ན་དེའི་སྐབས་ལ་ཡང་མཆོད་པ་རེའདོན། མཆོད་པ་འདོན་པའི་སྐབས་དེར་ཡང་ཟས་དེ་དག་ཟག་མེད་བདེ་བའི་རང་བཞིན་དུབྱིན་གྱིས་བརླབས་ནས་མཆོག་གསུམ་ལ་མཆོད་པ་འབུལ། ལྷག་མ་དེ་དག་དངོས་གྲུབ་ཀྱི་ཚུལདུ་ཟ་བ་ལས་ཞེན་ཅིང་ཆགས་པའི་སྒོ་ནས་མི་གསོལ་བར་ལུས་འཚོ་བའི་ཆེད་དུ་སྨན་གྱི་འདུཤེས་བཟུང་ནས་གསོལ་དགོས་པ་ཡིན་ལ། དེ་བཞིན་དུ་ཆུ་མཆོད་དང་སྤོས་དང་མཆོད་མེ་དང༌། ཡིད་ཀྱིས་སྤྲུལ་བའི་མཆོད་པ། བདག་པོས་མ་བཟུང་བའི་མཆོད་པ་རེ་ཕུལ་རྒྱུ་དང༌། དབྱརདུས་སུ་མེ་ཏོག་དང་རྩི་ཤིང་སྣ་ཚོགས་མཐོང་ན་ཡང་དེ་དག་མཆོག་གསུམ་ལ་མཆོད་པ་འབུལབ་སོགས་ནམ་རྒྱུན་མཆོག་གསུམ་ལ་མཆོད་པ་འབུལ་རྒྱུ་དེ་གལ་ཆེན་པོ་ཡིན། ང་ཚོ་ལ་མངཚོགས་ཚོས་ཡར་ཅིག་འཕུལ་འོང་བ་ཡིན་ན་དེའི་ལྷག་མ་དག་ཆུད་ཟོས་དང་འཕྲོ་བརླག་ཏུ་མིགཏོང་བའི་ཆེད་དུ་མཆོག་གསུམ་གྱི་ཞིང་ས་རེ་འབུལ་ཅི་ཐུབ་དང་གསུང་རབ་གླེགས་བམ་རེཉོ་རྒྱུ་བྱས་པ་ཡིན་ན་མཆོག་གསུམ་ལ་མཆོད་པ་འབུལ་བ་འོང་གི་ཡོད་པ་རེད། དེ་རིང་འདིནས་མཚམས་འཇོག་གི་ཡིན། མཆོད་པ་འབུལ་བའི་ཡན་ལག་ལ་གཉིས་ལས་བླ་ན་ཡོད་པའི་མཆོད་པ་ཁ་སང་གོང་དུ་ཞུསཟིན་ནས་དེ་རིང་བླ་ན་མེད་པའི་མཆོད་པ་ཞུ་རྒྱུ་ཡིན། བླ་ན་མེད་པའི་མཆོད་པ་ནི། མཆོད་པ་གང་རྣམས་བླ་མེད་རྒྱ་ཆེ་བ། །དེ་དག་རྒྱལ་བ་ཐམས་ཅད་ལ་ཡང་མོས། །བཟང་པོ་སྤྱོད་ལ་དད་པའི་སྟོབས་དག་གིས། །རྒྱལ་བ་ཀུན་ལ་ཕྱག་འཚལ་མཆོད་པར་བགྱི། །མཆོ༷ད་པ༷་ག༷ང་བགྱིས་པ་རྣ༷མས་བླ༷་ན་མེ༷ད་པའི་མཆོད་པའོ། །བླ་ན་མེད་པའི་མཆོད་པནི། འཇིག་རྟེན་གྱི་ལྷ་དང་མིའི་མཆོད་པ་ལས་གོང་མར་གྱུར་བའི་མཆོད་པ་དེ་དག་ལ་བྱེད་ཅིང༌། དེའི་མཚན་གཞི་ལྟ་བུར་བཞག་ན་བྱང་སེམས་མཐུ་ཐོབ་པའི་ཏིང་ངེ་འཛིན་གྱི་ངང་གིས་བྱུང་བའི་མཆོད་པའི་སྤྲིན་ཕུང་བསམ་གྱིས་མི་ཁྱབ་པ་དེ་དག་ནི་བླ་ན་མེད་པའི་མཆོད་པ་ཡིན་ལ། བླ་ན་མེད་པའི་མཆོད་པ་དེ་ནི་སངས་རྒྱས་ཀྱི་ཞིང་ཐམས་ཅད་དུ་རྒྱས་ཤིང་འགེངས་བའི་ཆ་ནསཤིན་ཏུ་རྒྱ༷་ཆེ༷་བ༷་ཡིན་པར་གསུངས་ཤིང༌། རྒྱ་ཆེ་བ་དེ༷་ད༷ག་གོང་ནས་རྡུལ་གཅིག་སྟེང་ན་རྡུལསྙེད་སངས་རྒྱས་རྣམས་ཞེས་སོགས་ཀྱི་སྐབས་སུ་མོས་པའི་རྒྱ༷ལ་བ༷་སངས་རྒྱས་དང་བྱང་སེམསཐ༷མས་ཅ༷ད་ལ༷་ཡ༷ང་མོ༷ས་ཞེས་གསུངས་པ་དང་སྐབས་འདིའི་རྒྱལ་བ་དེ་དག་ལ་ལྷག་པར་མོསཔ་ནི་བླ་ན་མེད་པའི་དད་པ་ཡིན་པར་གསུངས་པ་རེད། འཕགས་པ་ཀུན་ཏུ་བཟ༷ང་བོ༷འི་སྤྱོ༷ད་པ་ལ༷་ད༷ད་པ༷འི་སྟོ༷བས་ད༷ག་གི༷ས། རྒྱ༷ལ་བ༷་ཐམས་ཅད་དེ་ཀུ༷ན་ལ༷་ཕྱ༷ག་འཚ༷ལ་ཞིང་རྒྱལ་བ་དེདག་ལ་བླ་ན་མེད་པའི་མཆོ༷ད་པ༷ར་བགྱི༷འོ་ཞེས་གསུངས་པ་རེད། བཟང་སྤྱོད་འདིའི་སྐབསསུ་རྒྱལ་བ་ཐམས་ཅད་ལ་ལྷག་པར་མོས་པའི་དད་པ་དང་བཟང་པོའི་སྤྱོད་པ་ལ་དད་པའི་སྟོབསདེ་གཉིས་སྐབས་འདིའི་བླ་ན་མེད་པའི་མཆོད་པའི་ཡན་ལག་ཏུ་བྱས་ནས་གསུངས་ཤིང༌། མདོགཞན་གྱི་སྐབས་སུ་རྫོགས་པའི་བྱང་ཆུབ་ཏུ་སེམས་བསྐྱེད་པ་དང་དེ་བཞིན་གཤེགས་པ་རྣམསཀྱི་ཆོས་འཛིན་པ། ཐོས་པས་ཆོས་འཛིན་པ་དེ་རྣམས་ཚུལ་བཞིན་དུ་ཉམས་སུ་ལེན་པ་ནི། བླ་ན་མེད་པའི་མཆོད་པ་ཡིན་ཞེས་སངས་རྒྱས་བཅོམ་ལྡན་འདས་ཀྱི་མདོ་ལས། ལྷག་མ་གསུམཔོ་འདི་དག་ནི་དེ་བཞིན་གཤེགས་པ་ལ་མཆོད་པ་དང་རིམ་གྲོ་བྱ་བ་བླ་ན་མེད་པའོ། །མཆོད་པ་བླ་ན་མེད་པས་བསོད་ནམས་ཚད་མེད་པ་འབྱུང༌། གསུམ་པོ་གང་ཞེ་ན། བླ་ན་མེད་པར་ཡངདག་པར་རྫོགས་པའི་བྱང་ཆུབ་ཏུ་སེམས་བསྐྱེད་པ་དང༌། དེ་བཞིན་གཤེགས་པ་རྣམས་ཀྱི་ཆོསའཛིན་པ། ཇི་ལྟར་ཐོས་པས་ཆོས་རྣམས་དེ་བཞིན་དུ་བསྒྲུབས་པ་དེ་དག་གོ། །ཞེས་གསུངསསོ། །མདོ་གཞན་ལས་གསུངས་པ་དེ་དང་བཟང་པོ་སྤྱོད་པ་འདིའི་སྐབས་སུ་གསུངས་པ་དེ་གཉིསགནད་གཅིག་པ་ཡིན་ཞེས་འཇམ་མགོན་ཏཱ་ར་ནཱ་ཐས་གསུངས་འདུག སྤྱིར་མཆོད་པ་རྣམས་ཀྱི་ནང་ནས་མཆོག་ཏུ་གྱུར་བ་ནི་སྒྲུབ་པའི་མཆོད་པ་ཡིན་ཞེས་གསུངས་པ་ལྟར་ཐོས་བསམསྒོམ་གསུམ་གྱི་མཆོད་པ་དང་རང་གིས་དགེ་བའི་རྩ་བ་བསགས་པ་ནི་མཆོད་པ་རྣམས་ཀྱི་ནངནས་མཆོག་ཏུ་གྱུར་བ་ཡིན་པ་རེད། རང་གི་བླ་མ་དགེ་བའི་བཤེས་གཉེན་དག་བསམ་སྦྱོརགཉིས་ཀྱི་སྒོ་ནས་ཞབས་ཕྱི་བསྙེན་བཀུར་ཅི་བྱས་རུང་དྲིན་ལན་གྱི་ཆ་ཙམ་མི་ལོན་ཡང༌། ཇོ་ནང་ཆོས་རྗེ་ཀུན་མཁྱེན་རིན་པོ་ཆེས་བླ་མ་ཁྱེད་ཀྱི་བཀའ་དྲིན་བསམ་པ་ཡིན་ན་སྟོང་གསུམ་རིན་ཆེན་བདུན་གྱིས་རབ་ཏུ་བཀང་ནས་གུས་པས་ཉིན་རེ་བཞིན་དུ་འབུལ་ན་ཡང་བླ་མ་ཁྱེདཀྱི་དྲིན་ལན་གྱི་ཆ་ཙམ་ཡང་ལོན་ཐབས་མི་འདུག དེ་ལས་རྟག་ཏུ་ཚུལ་ཁྲིམས་ལ་གནས། ཐོསཔ་དང་བསམ་པ་གཉིས་ལྡན་པའི་སྒོ་ནས་ཉིན་དང་མཚན་དུ་ཟབ་ལམ་རྡོ་རྗེ་རྣལ་འབྱོར་ལབརྩོན་པར་བྱས་ན་བླ་མ་ཁྱེད་ཀྱི་དྲིན་ལན་ཅུང་ཟད་ལོན་ནམ་སྙམ་ཞེས་གསུངས་པ་ལྟར་ཚངམས་བླ་ན་མེད་པའི་མཆོད་པ་འབུལ་རྒྱུ་གལ་ཆེན་པོ་ཡིན། མཆོད་པ་འབུལ་བའི་ཡན་ལག་ཞུསཟིན་ལ། དེས་ན་རྣམ་པ་ཚང་མས་མཆོད་པ་འབུལ་བའི་ཡན་ལག་སྐབས་སུ་ཞུས་པ་ནང་བཞིནལག་ལེན་དུ་བསྟར་ནས་ཐ་ན་རང་གིས་ཟ་མ་ཟ་བའི་སྐབས་ལའང་མཆོག་གསུམ་ལ་མཆོད་པ་འབུལ་རྒྱུ་དང་མཆོད་མེ་དང་སྤོས་མཆོད་ཆུ་སོགས་མདོར་ན་རང་གི་དངོས་འབྱོར་ཡིད་སྤྲུལགྱིས་མཆོད་པ་རེ་འབུལ་རྒྱུ་དང་རང་གི་ཉིན་གཅིག་གི་ཉམས་ལེན་གྱི་རིམ་པའི་ནང་ལ་མཆོདཔ་འབུལ་བའི་རིམ་པ་རེ་ཡོད་པར་བྱ་དགོས། དེ་ནང་བཞིན་ཁ་སང་གོང་ནས་ཕྱག་འཚལ་བའིཡན་ལག་སྐབས་སུ་ཞུས་པ་ལྟར་དཀོན་མཆོག་གསུམ་ལ་ལག་པས་ཐལ་མོ་སྦྱར། ངག་གིསགསོལ་བ་བཏབ། ཡིད་ཀྱིས་དད་པ་བྱས་པའི་སྒོ་ནས་རང་རང་གི་ཉི་མ་རེ་རེའི་ནང་ལ་མརཉལ་ཁར་ལྟུང་བཤགས་རེ་དང་སྤྱི་བཤགས་རེ་བཏོན་ནས་ཐོག་མེད་ནས་བསགས་པའི་སྡིགཔ་སྤྱི་དང་བྱེ་བྱག་ཁྱད་པར་དུ་ཚེ་འདིར་རང་རང་སོ་སོའི་སོར་བྱང་སྔགས་གསུམ་གྱི་དམ་ཚིགདང་འགལ་བའི་ཉེས་པ་དང་ཁྱད་པར་དུ་ཉིན་དེར་བསགས་པའི་ཉེས་ལྟུང་ཅི་མཆིས་པ་ཐམསཅད་བཤགས་སྡོམ་ལེགས་པར་ཚུལ་བཞིན་དུ་བྱས་ན། མཁས་པའི་སྡིག་པ་ལྕི་ཡང་ཡང༌། །ཞེསགསུངས་པ་ལྟར་སྡིག་པ་དེ་ཞག་དང་མི་འགྲོགས་པར་བྱས་ན་ལྟུང་བའི་འཕེལ་ཁ་ཆད་འགྲོ་བརེད། དེའི་རྒྱུ་མཚན་གྱིས་རང་རང་སོ་སོས་རྒྱུན་ལྡན་གྱི་ཉམས་ལེན་གྱི་ཁྲོད་ལ་དེའི་སྐོར་ལགལེན་དུ་འདེབས་དགོས། ང་ཚོར་བཤད་པ་མང་ལ་ཉམས་སུ་ལེན་པ་དཀོན་སོང་ན་མི་འགྲིགཔས་རང་གིས་གང་ཤེས་ན་དེ་ལག་ལེན་དུ་ངེས་པར་བཏབ་དགོས། གསུམ་པ་སྡིག་པ་བཤགས་པའི་ཡན་ལག་ནི། འདོད་ཆགས་ཞེ་སྡང་གཏི་མུག་དབང་གིས་ནི། །ལུས་དང་ངག་དང་དེ་བཞིན་ཡིད་ཀྱིས་ཀྱང༌། །སྡིག་པ་བདག་གིས་བགྱིས་པ་ཅི་མཆིས་པ། །དེ་དག་ཐམས་ཅད་བདག་གིས་སོ་སོར་བཤགས། །སྡིག་པ་མི་དགེ་བའི་རྒྱུ་འདོ༷ད་ཆ༷གས་ཞེ༷་སྡ༷ང་གཏི༷་མུ༷ག་གསུམ་པོའི་དབ༷ང་གི༷ས་ནི༷་ཉེསཔའི་གཞི་ལུ༷ས་ཀྱི་སྒོ་ནས་སྲོག་བཅད་པ། མ་བྱིན་པ་ལེན་ པ། འདོད་པའི་ལོག་པར་གཡེམ ་པད༷ང༌། ང༷ག་གི་སྒོ་ནས་རྫུན། ཕྲ་མ།ཚིག་རྩུབ། ངག་འཁྱལ་ད༷ང༌། ཡི༷ད་ཀྱི༷ས་ཀྱ༷ང་བརྣབ་སེམས། གནོད་སེམས། ལོག་ལྟ། དེ་དག་གིས་མཚོན་པའི་སྡི༷ག་པ༷་ཕྲ་རགས་བད༷ག་གི༷ས་བགྱི༷ས་པ༷་ཅི༷མཆི༷ས་པ༷་དེ༷་ད༷ག་ཐ༷མས་ཅ༷ད་བཤགས་པ་པོ་བད༷ག་གི༷ས་གོང་ནས་ཕྱག་འཚལ་བའི་སྐབས་སུ་རང་གི་ཡིད་ངོར་མོས་ཡོད་པའི་སངས་རྒྱས་དང་བྱང་སེམས་ཐམས་ཅད་ཀྱི་མདུན་དུ་སོ༷་སོ༷རམི་འཆབ་པོ། །མི་སྦེད་དོ། །ཕྱིན་ཆད་ཀྱང་སྡོམ་པར་བགྱི་ལེགས་ཞེས་བཤ༷གས་སོ། །བཤགསཚུལ་ནི་ཆགས་མེད་རིན་པོ་ཆེའི་བདེ་སྨོན་ལས། སྔར་བྱས་སྡིག་པ་ཁོང་དུ་དུག་སོང་ལྟར། །ངོ་ཚ་འཇིགས་སྐྲག་འགྱོད་པ་ཆེན་པོས་བཤགས། །ཕྱིན་ཆད་སྡོམ་སེམས་མེད་ན་མི་འདག་པས། །ཕྱིན་ཆད་སྲོག་ལ་བབས་ཀྱང་མི་དགེའི་ལས། །ད་ནི་མི་བགྱིད་སེམས་ལ་དམ་བཅའ་བཟུང༌། །ཞེས་གསུངས་པ་ལྟར་སྔར་བྱས་ཀྱི་སྡིག་པ་དག་ཁོག་ལ་དུག་སོང་བ་ལྟར་དུ་འགྱོད་པ་བྱེད། ཕྱིན་ཆད་སྲོག་ལ་འབབ་ཀྱང་མི་བྱེད་སྙམ་པས་ཆོད་སེམས་བརྟན་པོ་ཡོད་དགོས། སངས་རྒྱསབཅོས་ལྡན་འདས་ཀྱིས་མདོ་རྒྱུད་དུ་མར་གཉེན་པོ་སྟོབས་བཞིའི་སྒོ་ནས་བཤགས་སྡོམ་བྱེདཚུལ་ནི་སྡིག་པ་བཤགས་པའི་ཐབས་དམ་པ་ཡིན་ཞེས་གསུངས་པས། སྔར་བྱས་ཀྱི་སྡིག་པཁོག་ཏུ་དུག་སོང་བ་ལྟར་འགྱོད་པ་བསྐྱེད་པ་ནི་སུན་འབྱིན་པའི་སྟོབས་དང༌། ཕྱིན་ཆད་སྲོགལ་བབས་ཀྱང་མི་བྱེད་སྙམ་པའི་སྡོམ་སེམས་བསྐྱེད་པ་ནི་སླར་ལྡོག་པའི་སྟོབས། གཉེན་པོདགེ་བ་གང་དང་གང་སྒྲུབ་ཀྱང་དེ་ནི་གཉེན་པོ་ཀུན་ཏུ་སྤྱོད་པའི་སྟོབས་དང༌། རང་རྒྱུད་ལ་སྐྱབསའགྲོའི་སྡོམ་པ་དང་སེམས་བསྐྱེད་ཀྱི་སྡོམ་པ་སོགས་ཡོད་ན་སྡིག་པ་དག་འདག་སླ་བས་རྟེན་གྱི་སྟོབས་སམ་ཡང་ན་ཡུལ་གྱི་སྟོབས་རྡོ་རྗེ་སེམས་དཔའ་སོགས་སྒོམ་པ་ལ་བརྟེན་ནས་སྡིགཔ་བཤགས་པ་ནི་རྟེན་གྱི་སྟོབས་ཡིན་པ་རེད། སྡིག་པ་ལ་འགྱོད་སེམས་སྐྱེས་ན་སྡིག་པ་འདགཐུབ་ལ། བཀའ་གདམས་གོང་མ་ཚོས་ཀྱང༌། སྡིག་པ་ལ་ཡོན་ཏན་མེད་ཀྱང༌། སྡིག་པ་སྦྱང་ན་སྡིགཔ་འདག་པ་སྡིག་པའི་ཡོན་ཏན་ཞེས་གསུངས་པ་ལྟར་རེད། སྤྱིར་སྡིག་པ་མ་བཤགས་པའི་ཉེསཔ་ནི། སྡིག་པ་ལ་འགྱོད་པ་མ་བྱས་ན་སྡིག་པའི་རྒྱུན་འཕེལ་བ་དང༌། ཕྱིན་ཆད་མི་སྡོམ་ན་ལསངན་པ་ཟད་པ་མེད་པར་ཡང་ནས་ཡང་དུ་བསགས་པར་འགྱུར་བས། སྡིག་པ་བཤགས་སྡོམམ་བྱས་ན་སྡིག་པའི་ལས་དེ་ལ་བརྟེན་ནས་རྒྱུན་མར་ངན་སོང་གསུམ་དུ་འགྲོ་དགོས་པས་ཐརབ་མི་ཐོབ་པར་མ་ཟད་མངོན་མཐོ་ལྷ་མིའི་གོ་འཕང་ཙམ་ཐོབ་མི་ཐུབ་པ་རེད། དེས་ན་སྡིགཔའི་ཉེས་དམིགས་ལ་བསམ་བློ་བཏང་ནས་སྡིག་པ་བཤགས་རྒྱུ་གལ་ཆེན་པོ་ཡིན། སྡིག་པབཤགས་པའི་ཕན་ཡོན་ནི། སྔར་བྱས་པའི་སྡིག་པ་ལ་གནོང་འགྱོད་དྲགས་པོ་བྱས་ན་སྔར་གྱི་སྡིག་པའི་རྒྱུན་མི་འཕེལ་བར་ཟད། སྔར་གྱི་སྡིག་པ་བྱས་པ་ཐམས་ཅད་བྱང་ཞིང་དག་པརའགྱུར་ཐུབ་པ་དང༌། ཕྱིན་ཆད་སྡིག་པ་སོགས་ལ་འཛེམས་ཤིང་མི་བྱེད་པ་ཡིན་ན་མི་དགེ་བའིརྒྱུན་ཆད་ནས་ངན་སོང་ལས་བཟློག་ཅིང་མཐོ་རིས་སུ་འགྲོ་ཐུབ་པ་དང༌། དགེ་བའི་ས་བོན་དགཐོས་བསམ་སྒོམ་གསུམ་གྱིས་གསོས་བཏབ་ནས་རིམ་གྱིས་ཐར་བ་དང་ཐམས་ཅད་མཁྱེན་པའིརྒྱུར་འགྲོ་ཐུབ་ཅིང༌། ང་ཚོ་སུ་ཡིན་རུང་ནམ་ཞིག་འཆི་བ་ལས་མ་འདས་པ། འཆི་བའི་ཚེ་ལསདཀར་ནག་གི་རྗེས་འབྲང་དགོས་པ་ཡིན་ལ། དེའི་ཚེ་ཡར་འགྲོ་ས་དང་མར་འགྲོ་ས་གཉིས་ལསམེད་པས་སྡིག་པ་ལ་མི་འཛེམ་དེ་ལ་བཤགས་སྡོམ་མ་བྱས་པ་ཡིན་ན་དེའི་དབང་གིས་ངན་སོངདུ་འགྲོ་བ་དེ་གདོན་མི་ཟ་བ་ཡིན། སྔར་བྱས་པའི་སྡིག་པ་ལ་འགྱོད་སེམས་སྐྱེས་པ་ཡིན་ནསྡིག་པ་འདག་ཐུབ་པ་དང་ཕྱིན་ཆད་མ་བྱས་པ་ཡིན་ན་སྡིག་པ་དེ་དག་མེད་འགྲོ་ལ། སྡིག་པདེ་དག་མེད་སོང་ན། གཞན་གྱིས་ངན་སོང་གསུམ་དུ་བཀྱིགས་ནས་འཕེན་ན་ཡང་འགྲོ་མི་ཐུབལ། དེའི་རྒྱུ་མཚན་གྱིས་སྡིག་པ་བཤག་རྒྱུ་གལ་ཆེན་པོ་ཡིན།བདེ་བ་འདོད་ཀྱང་བདེ་བའི་རྒྱུམི་བསྒྲུབ། སྡུག་བསྔལ་མི་འདོད་ཀྱང་དེའི་རྒྱུ་བསྒྲུབས་པ་ཡིན་ན་རང་གི་འདོད་པ་རང་སྟེངལ་འོང་མི་ཐུབ་པར་མི་འདོད་པ་དེ་དག་རང་སྟེང་ལ་འོང་བ་ཡིན་ཞིང༌། དེ་འདྲའི་ངང་ཚུལ་ནི་ལས་ངན་མཚོན་ཆ་རང་ལ་འཁོར་བ་ཡིན་ཞེས་གསུངས་པ་ལྟ་བུ་རེད། དེས་ན་རང་རང་སོསོས་ལས་གང་བྱས་པ་ཡིན་ན་ལས་དེ་དག་བཤགས་སྡོམ་གང་ཡང་མ་བྱས་ན་ངེས་པར་མྱོངདགོས་ཏེ། རང་གིས་ལས་མ་བྱས་པ་དང་མི་འཕྲད། བྱས་པ་རྣམས་ཆུད་མི་ཟ། ཞེས་གསུངས་པསསྡིག་པ་དག་བཤགས་སྡོམ་བྱས་ཏེ། སེམས་ཅན་གཞན་ལ་བརྩེ་བ་དང་སྙིང་རྗེ་སྒོམས། གཞནདག་བདེ་བའི་ཐབས་ལ་བརྩོན་པ་གནང་དགོས། དེ་རིང་འདི་ནས་མཚམས་འཇོག་གི་ཡིན། བཞི་བ་རྗེས་སུ་ཡི་རངས་བའི་ཡན་ལག་ནི། ཕྱོགས་བཅུའི་རྒྱལ་བ་ཀུན་དང་སངས་རྒྱས་སྲས། །རང་རྒྱལ་རྣམས་དང་སློབ་དང་མི་སློབ་དང༌། །འགྲོ་བ་ཀུན་གྱི་བསོད་ནམས་གང་ལ་ཡང༌། །དེ་དག་ཀུན་གྱི་རྗེས་སུ་བདག་ཡི་རང༌། །ཕྱོགས་བཞི་མཚམས་བཞི་སྟེང་འོག་སྟེ་ཕྱོ༷གས་བཅུའམ་ཕྱོགས་བཅུ༷འི་འཇིག་རྟེན་གྱི་ཁམསཇི་སྙེད་ན་བཞུགས་པའི་རྒྱ༷ལ་བ༷་སངས་རྒྱས་ཀུ༷ན་ད༷ང་ས༷ངས་རྒྱ༷ས་ཀྱི་སྲ༷ས་བྱང་ཆུབ་སེམས་དཔའ་དང༌། ར༷ང་རྒྱ༷ལ་རྣ༷མས་ད༷ང་ཉན་ཐོས་ལ་སློ༷བ་ད༷ང་མི༷་སློ༷བ་པ་གཉིས་ལས་སློབ་པ་རྒྱུནཞུགས་དང་ཕྱིར་འོང་ཕྱིར་མི་འོང་སོགས་དང༌། མི་སློབ་པ་ཉན་ཐོས་དགྲ་བཅོམ་ད༷ང༌། ལམ་ལམ་ཞུགས་པའི་འགྲོ༷་བ༷་དྲུག་གི་སོ་སོའི་སྐྱེ་བོ་ཀུ༷ན་གྱི༷་བསོ༷ད་ན༷མས་ཀྱི་དགེ་བ་ག༷ང་ཇི་དང་ཇི་མཆིས་པ་ཐམས་ཅད་ལ༷་ཡ༷ང༌། དེ༷་ད༷ག་ཀུ༷ན་གྱི༷་དགེ་བའི་རྩ་བ་གང་བསགས་པ་ཐམས་ཅད་ཀྱི་རྗེ༷ས་སུ༷་བད༷ག་གིས་ཡི༷་ར༷ང་བར་བྱའོ། །ཞེས་པ་གསུངས་པ་དང༌།གོང་ནས་གསུངས་པ་ལྟརབསོད་ནམས་དེ་དག་དགེ་བའི་རྩ་བ་ཡིན་ལ། མངོན་པ་གོང་འོག་གི་སྐབས་སུ་བསོད་ནམསདང་བསོད་ནམས་མིན་པ་མི་གཡོ་བའི་ལས་ཞེས་བཤད་ཚུལ་ཡོད་ན་ཡང་སྐབས་འདིར་དགེབའི་རྩ་བ་ཐམས་ཅད་ལ་བསོད་ནམས་ཞེས་བཤད་ནས་དེ་ལ་རྗེས་སུ་ཡི་རང་བྱ་ཞེས་གསུངསཔ་རེད། རྗེས་སུ་ཡི་རང་གི་ཡུལ་གྱི་གཙོ་བོ་ནི་གཞན་གྱི་དགེ་བ་ཡིན་ཞེས་རྗེ་ཏཱ་ར་ནཱ་ཐས་བཟངསྤྱོད་ཀྱི་འགྲེལ་བའི་སྐབས་སུ་གསུངས་འདུག རྗེས་སུ་ཡི་རངས་བྱེད་སྟངས་དེ་ཡང་ཕྲག་དོགམེད་པའི་སྒོ་ནས་དགའ་ཞིང་མགུ་བ་བྱེད་དགོས་ལ། སྤྱིའི་ཆ་ནས་གོང་ནས་ཞུས་ཟིན་པའི་ཕྱགའཚལ་བའི་ཡན་ལག་ནི། ང་རྒྱལ་གྱི་གཉེན་པོ་དང༌། མཆོད་པ་འབུལ་བའི་ཡན་ལག་ནི། སེརསྣའི་གཉེན་པོ་དང༌། སྐབས་འདིར་རྗེས་སུ་ཡི་རངས་བའི་ཡན་ལག་ནི། ཕྲག་དོག་གི་གཉེནཔོ་ཡིན་ལ། གཞན་གྱི་དགེ་བ་བྱས་པ་ལ་རྗེས་སུ་ཡི་རངས་བར་བྱས་ན་དགེ་བའི་རྩ་བ་མཉམདུ་ཐོབ་ཅེས་མཁས་གྲུབ་ཆགས་མེད་རིན་པོ་ཆེའི་བདེ་སྨོན་ལས།གཞན་གྱིས་དགེ་བ་བྱེད་པཐོས་པའི་ཚེ། །དེ་ལ་ཕྲག་དོག་མི་དགེའི་སེམས་སྤངས་ནས། །སྙིང་ནས་དགའ་བས་རྗེས་སུ་ཡི་རང་ན། །དེ་ཡི་བསོད་ནམས་མཉམ་དུ་ཐོབ་པར་གསུངས། །ཞེས་གསུངས་པ་དང༌། རྗེ་ཏཱར་ནཱ་ཐའི་བཟང་སྤྱོད་འགྲེལ་བ་ལས་ཀྱང༌། བྱང་ཆུབ་སེམས་དཔའ་འཕགས་པ་གཅིག་གི་མངོནཤེས་ཀྱིས་ཐམས་ཅད་མ་འདྲེས་པར་གསལ་བར་སྣང་བར་མཐོང་ལ། དེ་ཐམས་ཅད་ལ་གཅིགཅར་དུ་དམིགས་པ་མེད་པའི་ཡི་རང་ཐུན་གཅིག་ཙམ་བསྒོམས་པས་ཀྱང༌། སེམས་ཅན་དེ་རྣམསཀྱིས་དུས་དེ་ཙམ་དུ་བསགས་པའི་དགེ་བ་དེ་སྙེད་ཅིག་ཡི་རང་དེའི་མཐུ་ལས་སྐད་ཅིག་དེ་ལབྱང་ཆུབ་སེམས་དཔའ་དེའི་རྒྱུད་ལ་ཐོབ་པར་འགྱུར་རོ། །ཞེས་གསུངས་པ་ལྟར་དུས་གསུམ་དུ་བསགས་པའི་དགེ་བའི་རྩ་བ་ཐམས་ཅད་ལ་རྗེས་སུ་ཡི་རང་བྱས་པ་ཡིན་ན་དུས་གསུམ་གྱིདགེ་བའི་རྩ་བ་ཐམས་ཅད་ཐོབ་ཐུབ་པས་ན། རང་རྒྱུད་ལ་དགེ་བའི་རྩ་བ་ཐོབ་པར་བྱེད་པདང་མང་བར་འདོད་པ་ཡིན་ན་གཞན་གྱི་དགེ་བའི་རྩ་བ་ལ་རྗེས་སུ་ཡི་རང་བྱེད་རྒྱུ་གལ་ཆེནཔོ་རེད། སྤྱིར་བཏང་ཕྲག་དོག་ཅེས་པ་ནི་མི་གཞན་གྱི་ཕུན་ཚོགས་ལ་མི་བཟོད་པའི་རྣམ་པ་ཅནགྱི་སེམས་བྱུང་ཞིག་ཡིན་པས་མི་གཞན་གྱིས་དགེ་བའི་རྩ་བ་བསགས་པ་དང་དེས་མཚོན་པའིརླབས་ཆེན་གྱི་བྱ་བ་གང་དང་གང་བྱས་ཀྱང་དེ་ལ་ཕྲག་དོག་མི་བྱེད་པར་དེ་ལ་རྒྱུས་ལོན་བྱསཏེ་འགྲན་རྩོད་བྱེད་པའི་སྒོ་ནས་རང་ཉིད་ཡར་རྒྱས་སུ་གཏོང་ཐུབ་ན་འགྲིག་འདུག་ཡོད་ཅིང༌། དེ་མིན་པར་ཁ་སང་དེ་རིང་སྤྱི་ཚོགས་ཀྱི་སྒང་ནས་གཞན་གྱི་བྱ་བ་རླབས་པོ་ཆེ་ཞིག་སྒྲུབ་བཞིནཡོད་ན་དེ་ལ་ཕྲག་དོག་བྱས། འགྲེལ་བ་ལོག་པ་བརྒྱབ་ནས་དམའ་འབེབས་ཁྱད་གསོད་དངའབུར་འཇོམས་བྱེད་ཅི་ཐུབ་བལྟ་བ་ནི་ཁྱོན་ནས་མི་འགྲིག་ལ། དེ་ལས་མི་གཞན་དེ་ཁྱད་དུའཕགས་པའི་ཡོན་ཏན་ཅན་ཞིག་ཡིན་ན་རང་ཉིད་དེ་འདྲ་ཞིག་འོང་བ་ལ་བརྩོན་ལེན་བྱེད་དགོསཤིང༌། ཕྲག་དོག་ནི་ཐག་རིང་སར་གཙོ་བོ་མི་སྐྱེ་བར་ཐག་ཉེ་སར་སྐྱེ་བ་ལྟ་བུ་ཞིག་ཡིན་པསམཆེད་གྲོགས་ཕན་ཚུན་བར་དང་གྲོགས་ཕན་ཚུན་བར་ལ་ཡང་ཕྲག་དོག་སྐྱེ་ཉེན་ཆེ་ལ། དེའི་རྒྱུ་མཚན་གྱིས་གྲོགས་ཕན་ཚུན་ལ་བརྩི་བཀུར་དང་གུས་བཀུར་བྱེད་པ་དང་ཡོན་ཏན་ཡོད་ནབརྗོད་རྒྱུ་དང་ཉེས་པ་ཡོད་ན་ཡང་དེ་ལ་སྐྱོན་གྱིས་ཆ་ནས་མི་བལྟ་བར་ཡོན་ཏན་གྱི་ཆ་ནསབལྟས་ཏེ་དེ་ལ་བསྟོད་བསྔགས་དང་ཡོན་ཏན་བརྗོད་དགོས། དེས་ན་ཕྲག་དོག་གི་གཉེན་པོརྗེས་སུ་ཡི་རང་བསྒོམ་རྒྱུ་གལ་ཆེན་ཡིན། ལྔ་བ་ཆོས་འཁོར་བསྐོར་བའི་ཡན་ལག་ནི། གང་རྣམས་ཕྱོགས་བཅུའི་འཇིག་རྟེན་སྒྲོན་མ་རྣམས། །བྱང་ཆུབ་རིམ་པར་སངས་རྒྱས་མ་ཆགས་བརྙེས། །མགོན་པོ་དེ་དག་བདག་གིས་ཐམས་ཅད་ལ། །འཁོར་ལོ་བླ་ན་མེད་པ་བསྐོར་བར་བསྐུལ། །ག༷ང་སངས་རྒྱས་རྣ༷མས་ཕྱོ༷གས་བཅུ༷འི་འཇི༷ག་རྟེ༷ན་གྱི་མ་རིག་པའི་མུན་པ་སེལ་བྱེད་ཀྱིསྒྲོ༷ན་མ༷ར་གྱུར་བ་སངས་རྒྱས་རྣ༷མས་དང༌། བྱ༷ང་ཆུ༷བ་སྒྲུབ་པར་བྱེད་པའི་ལམ་གྱི་རིམ་པ། ལམལྔ་དང་ས་བཅུ་ལ་སོགས་པའི་རི༷མ་པ༷་མ་ལུས་པ་སྔོན་དུ་སོང་བའི་སྒོ་ནས་བླ་ན་མེད་པ་ཡང་དག་པར་རྫོགས་པའི་ས༷ངས་རྒྱ༷ས་མ༷་ཆ༷གས་མ་ཐོགས་པར་བརྙེ༷ས་པའི་སངས་རྒྱས་ཀྱི་གོ་འཕངཐོབ་པའི་མགོ༷ན་པོ༷་དེ༷་ད༷ག་ལ། ཞུ་བ་པོ་བད༷ག་གི༷ས་སངས་རྒྱས་དེ་དག་ཐ༷མས་ཅ༷ད་ལ༷་ཆོསཀྱི་འཁོ༷ར་ལོ༷་བླ༷་ན༷་མེ༷ད་པ༷་བསྐོ༷ར་བ༷ར་བསྐུ༷ལ་ཞེས་གསོལ་བ་བཏབ་པ་རེད། རང་གིས་ཡིདངོར་སངས་རྒྱས་དང་བྱང་སེམས་དག་གསལ་བཏབ་ནས་དེ་དག་སངས་རྒྱས་ནས་ཆོས་ཀྱི་འཁོརལོ་བསྐོར་བར་གསོལ་བ་གདབ་དགོས་ཏེ། སྔོན་བདག་ཅག་གི་སྟོན་པ་མཆོག་གིས་སངས་རྒྱསཔའི་མཛད་པ་མཛད་རྗེས་སུ། ཟབ་ཞི་སྤྲོས་བྲལ་འོད་གསལ་འདུས་མ་བྱས། །བདུད་རྩི་ལྟ་བུའིཆོས་ཤིག་ཁོ་བོས་རྙེད། །སུ་ལ་བསྟན་ཀྱང་གོ་བར་མི་ནུས་པས། །མི་སྨྲ་ནགས་འདབས་ཉིདདུ་གནས་པར་བྱ། །ཞེས་གསུངས་ནས་རེ་ཞིག་ཞག་བཞི་ཅུ་ཞེ་དགུའི་རིང་ལ་ཆོས་མི་བསྟནཔའི་མཛད་ཚུལ་མཛད་པ་དེའི་སྐབས་སུ་ལྷའི་དབང་པོ་བརྒྱ་བྱིན་དང་ལྷ་ཚངས་པ་གཉིས་ཀྱིསཆོས་དུང་དཀར་པོ་གཡས་སུ་འཁྱིལ་བ་དང༌། འཁོར་ལོ་རྩིབས་སྟོང་ཕུལ་ནས་ཆོས་ཀྱི་འཁོརལོ་བསྐོར་བར་གསོལ་བ་བཏབ་པ་ལྟར། རང་རང་སོ་སོས་ཀྱང་ནམ་རྒྱུན་སངས་རྒྱས་དང་བྱངསེམས་དག་ལ་ཆོས་ཀྱི་འཁོར་ལོ་བསྐོར་བར་གསོལ་བ་གདབ་དགོས། དེས་མཚོན་པའི་རངརང་སོ་སོས་བླ་མ་དགེ་བའི་བཤེས་གཉེན་དག་ལས་དབང་ལུང་ཁྲིད་གསུམ་ཞུ་རྒྱུ་གལ་ཆེནཔོ་ཡིན་པ་རེད། དེ་རིང་འདི་ནས་མཚམས་འཇོག་གི་ཡིན་ལགས། དྲུག་པ་བཞུགས་སུ་གསོལ་བའི་ཡན་ལག་ནི། མྱ་ངན་འདའ་སྟོན་གང་བཞེད་དེ་དག་ལ། །འགྲོ་བ་ཀུན་ལ་ཕན་ཞིང་བདེ་བའི་ཕྱིར། །བསྐལ་བ་ཞིང་གི་རྡུལ་སྙེད་བཞུགས་པར་ཡང༌། །བདག་གིས་ཐལ་མོ་རབ་སྦྱར་གསོལ་བར་བགྱི། །ཕྱོགས་བཅུའི་སངས་རྒྱས་ཐམས་ཅད་དང་སྒོས་སུ་མྱ༷་ང༷ན་ལས་འད༷འ་བའི་ཚུལ་སྟོ༷ན་པརག༷ང་བཞེ༷ད་པ་དེ༷་ད༷ག་ལ༷། འགྲོ༷་བ༷་སེམས་ཅན་ཀུ༷ན་ལ༷་གནས་སྐབས་ཕ༷ན་ཞི༷ང་མཐར་ཐུག་ཐརབ་ལ་སོགས་པའི་བདེ༷་བ༷འི་ཕྱི༷ར་རམ་བདེ་བ་ཐོབ་པའི་ཆེད་དུ་བསྐ༷ལ་བ༷་ཞི༷ང་གི༷་རྡུ༷ལ་སྙེ༷ད་ཀྱིབར་དུ་གྲངས་མེད་པར་བཞུ༷གས་པ༷ར་ཡ༷ང༌། ཞུ་བ་པོ་བད༷ག་གི༷ས་ལག་ཐ༷ལ་མོ༷་ར༷བ་ཏུ་སྦྱ༷རནས་གསོ༷ལ་བ་འདེབས་པ༷ར་བགྱི༷འོ། །ཞེས་གསུངས་པ་རེད། སྤྱིའི་ཆ་ནས་བདག་ཅག་གི་སྟོནཔ་སངས་རྒྱས་བཅོམ་ལྡན་འདས་ཀྱིས་མཚོན་པའི་སངས་རྒྱས་གང་དང་གང་ཡིན་ན་ཡང༌། བཀྲེས་སྐོམ་སྐྱེ་འཆི་སོགས་གང་ཡང་མི་མངའ་བས་དོན་གྱིས་མྱ་ངན་ལས་འདའ་བ་མེད་ནཡང༌། སངས་རྒྱས་དེ་དག་དུས་ལ་མངའ་བརྙེས་པའི་རྒྱུ་མཚན་གྱིས་སེམས་ཅན་གདུལ་བྱ་རྣམསལ་འཕོ་ཚུལ་ཙམ་བསྟན་པ་ཡིན་པར་གསུངས་པ་དང་གདུལ་བྱ་རྟག་འཛིན་ཅན་དག་འདུལ་བའི་ཆེད་དུ་ཡང་དེ་འདྲའི་མཛད་པའི་ཚུལ་བསྟན་པ་ཡིན་པར་གསུངས་ཏེ། བསྟན་བཅོས་རྒྱུདབླ་མ་ལས། ཐུགས་རྗེ་ཆེན་པོའི་འཇིག་རྟེན་མཁྱེན། །འཇིག་རྟེན་ཀུན་ལ་གཟིགས་ནས་ནི། །ཆོས་ཀྱི་སྐུ་ལས་མ་གཡོས་པར། །སྤྲུལ་བའི་རང་བཞིན་སྣ་ཚོགས་ཀྱིས། །ཞེས་པ་ནས། ཡོངསསུ་མ་དག་ཞིང་ཁམས་སུ། །སྲིད་པ་ཇི་སྲིད་གནས་པར་སྟོན། །ཞེས་དང༌། ཀྱེ་རྡོ་རྗེའི་རྒྱུད་ལས། ང་ནི་མྱ་ངན་ཡོངས་མི་འདའ། །དུས་རྣམས་ཀུན་ལ་ང་ཉིད་བཞུགས། །བྱིས་པ་རྣམས་ལ་འཕོབར་བསྟན། །ཞེས་སོ། །དོན་ལ་མྱ་ངན་ལས་འདའ་བ་མེད་ན་ཡང༌། མྱ་ངན་ལས་འདའ་བའིཚུལ་སྟོན་པ་ཐམས་ཅད་ལ་དགོས་པ་འཇིག་རྟེན་དུ་བཞུགས་ན་ཕན་བདེ་མཐའ་ཡས་པ་ལྷུནའགྲུབ་དུ་འབྱུང་བས་འགྲོ་བ་ཀུན་ལ་འཕྲལ་དུ་ཕན་པར་འགྱུར་ཞིང་ཡུན་དུ་བདེ་བའི་ཆེད་དུདུས་ཀྱི་བསྐལ་བ་ཆེན་པོ་ཕྱོགས་བཅུའི་སངས་རྒྱས་ཐམས་ཅད་ཀྱི་ཞིང་གི་རྡུལ་ཇི་སྙེད་ཡོད་པ་དེ་སྙེད་དུ་སྐུ་མྱ་ངན་ལས་འདའ་བའི་ཚུལ་མི་སྟོན་པར་བཞུགས་པར་གསོལ་བ་འདེབསདགོས་ལ། གསོལ་བ་འདེབས་པ་པོས་གསོལ་བ་འདེབས་ཚུལ་དེ་ཡང་ལག་ཐལ་མོ་རབ་ཏུསྦྱར་ནས་གསོལ་བ་འདེབས་དགོས། ཡན་ལག་བདུན་པོ་སོ་སོ་ནས་སྤང་བྱ་རེ་རེའི་གཉེན་པོའགྲོ་ཚུལ་ཡོད་པར་ཁ་སང་གོང་ནས་ཞུས་ཟིན་པ་ལྟར་བཞུགས་སུ་གསོལ་བའི་ཡན་ལག་འདིནི་ལོག་ལྟའི་གཉེན་པོ་འགྲོ་བ་ཡིན། བདུན་པ་བསྔོ་བའི་ཡན་ལག་ནི། ཕྱག་འཚལ་བ་དང་མཆོད་ཅིང་བཤགས་པ་དང༌། །རྗེས་སུ་ཡི་རང་བསྐུལ་ཞིང་གསོལ་བ་ཡི། །དགེ་བ་ཅུང་ཟད་བདག་གིས་ཅི་བསགས་པ། །ཐམས་ཅད་བདག་གིས་བྱང་ཆུབ་ཕྱིར་བསྔོའོ། །བསྔོ་རྒྱུའི་དགེ་བའི་རྩ་བ་ནི།ཕྱ༷ག་འཚ༷ལ་བའི་དགེ་བའི་རྩ་བ༷་ད༷ང༌། བླ་ན་མེད་པ་དང་བླན་ཡོད་པའི་མཆོ༷ད་པ་འབུལ་བའི་དགེ་བའི་རྩ་བ། སྡིག་པ་བཤ༷གས་པའི་དགེ་བའི་རྩ་བ༷་ད༷ང༌། རྗེ༷ས་སུ༷་ཡི༷་ར༷ང་བའི་དགེ་བའི་རྩ་བ། ཆོས་འཁོར་བསྐོར་བར་བསྐུ༷ལ་བའི་དགེ་བའི་རྩ་བ། མྱངན་ལས་འདའ་བའི་ཚུལ་མི་སྟོན་པར་བཞུགས་པར་གསོ༷ལ་བ༷་བཏབ་པ་ཡི༷ས་བསགས་པའིདགེ༷་བའི་རྩ་བ༷་ཅུ༷ང་ཟ༷ད་གསོག་པ་པོ་བད༷ག་གི༷ས་ཅི༷་བས༷གས་པ༷་ཐ༷མས་ཅ༷ད། བསྔོ་བ་པོ་བད༷གགི༷ས་བསྔོ་ཡུལ་བླ་ན་མེད་པའི་བྱ༷ང་ཆུ༷བ་ཏུ་རང་གཞན་ཐམས་ཅད་བྱང་ཆུབ་ཐོབ་པའི་ཕྱི༷ར་དུབསྔོ་རྒྱུ་བསྔོ་ས་སྔོ་མཁན་སོགས་བདེན་པར་མེད་པར་རྟོགས་པའི་བློས་རྩིས་ཟིན་པའི་སྒོ་ནསབསྔོ༷འོ། །ཞེས་གསུངས་པ་རེད། བསྔོ་བ་བྱས་པ་ལ་ངེས་པར་དུ་རྫོགས་བྱང་ཐོབ་པའི་ཆེད་དུབསྔོ་དགོས་ཏེ། རྫོགས་པའི་བྱང་ཆུབ་ཐོབ་པའི་ཆེད་དུ་བསྔོས་པ་ཡིན་ན་རང་ཉིད་ལ་བླ་མེདབྱང་ཆུབ་མ་ཐོབ་བར་དུ་དགེ་བ་དེ་དག་གོང་ནས་གོང་དུ་འཕེལ་ཞིང་ཆུད་ཟོས་སུ་མི་འགྲོ་བ་དང༌། བླ་མེད་བྱང་ཆུབ་ཐོབ་ཟིན་པའི་རྗེས་ནས་སེམས་ཅན་གཞན་ལ་མི་གནས་པའི་མྱང་འདསཐོབ་པའི་ཕྱིར་དུ་ནམ་མཁའ་ཇི་སྲིད་གནས་པ་དེ་སྲིད་དུ་སེམས་ཅན་ཐམས་ཅད་ཀྱི་དོན་སྤྱོདཔའི་སྒོ་ནས་བསོད་ནམས་ཀྱི་འབྲས་བུ་ནམ་ཡང་ཟད་པ་མི་སྲིད་ལ། དེའི་རྒྱུ་མཚན་གྱིས་བསྔོབ་གང་བྱས་པ་ཡིན་ན་བླ་མེད་རྫོགས་པའི་བྱང་ཆུབ་ཏུ་བསྔོ་རྒྱུ་གལ་ཆེན་ཡིན། འཕགས་པབཟང་པོ་སྤྱོད་པ་རང་གི་སྐབས་སུ་ཡང༌། དུས་གསུམ་གཤེགས་པའི་རྒྱལ་བ་ཐམས་ཅད་ཀྱིས། །བསྔོ་བ་གང་ལ་མཆོག་ཏུ་བསྔགས་པ་དེས། །ཞེས་འདས་མ་འོངས་ད་ལྟར་དུས་གསུམ་དུ་བྱོནཔའི་སངས་རྒྱས་ཐམས་ཅད་ཀྱིས་ཀྱང་བསྔོ་བ་ལ་བསྔགས་བརྗོད་དང་བསྟོད་བསྔགས་མཛདཔ་རེད་ཅེས་གསུངས་པས་བསྔོ་བ་བྱེད་རྒྱུ་ནི་གལ་ཆེན་རེད། རང་གིས་དགེ་བའི་རྩ་བ་གང་བྱསན་མངོན་མཐོ་ལྷ་མིའི་གོ་འཕང་ཐོབ་ཆེད་དུ་བསྔོས་ན་དེའི་རྒྱུར་གྱུར་པ་དང༌། ཐར་བ་ཐོབ་པཙམ་གྱིས་ཆེད་དུ་བསྔོས་ན་དེའི་རྒྱུ་རུ་གྱུར་པ་རེད། ཐམས་ཅད་མཁྱེན་པ་རྫོགས་པའི་སངས་རྒྱས་ཀྱི་གོ་འཕང་ཐོབ་པའི་ཆེད་དུ་བསྔོས་པ་ཡིན་ན་དེའི་རྒྱུ་རུ་འགྲོ་བ་ལྟ་བུ་ཡིན་པར་གསུངསའདུག དེ་ཡང༌། ཆོས་རྣམས་ཐམས་ཅད་རྐྱེན་བཞིན་ཏེ། །འདུན་པའི་རྩ་ལ་རབ་ཏུ་གནས། །གང་གིས་སྨོན་ལམ་ཅི་བཏབ་པ། །འབྲས་བུའང་དེ་འདྲ་ཉིད་དུ་འགྱུར། །ཞེས་གསུངས་སོ། །ཡང་དཔེར་ན་ཆུ་ཐིགས་ཤིག་རྒྱ་མཚོའི་ནང་དུ་ལྷུང་པ་ཡིན་ན་རྒྱ་མཚོ་དེ་མ་ཟད་བར་དུ་ཆུ་ཐིགསདེ་ཡང་མི་ཟད་པ་ལྟར། རང་གིས་བསགས་པའི་དགེ་བའི་རྩ་བ་ཞིག་བླ་མེད་རྫོགས་བྱང་དུབསྔོས་ན་བླ་མེད་རྫོགས་བྱང་མ་ཐོབ་བར་དུ་མི་ཟད་ཅེས་འཇམ་དཔལ་གྱིས་ཞུས་པའི་མདོ་ལས། ཇི་ལྟར་ཆུ་ཐིགས་རྒྱ་མཚོ་ཆེ་ནང་ལྷུང༌། །རྒྱ་མཚོ་མ་ཟད་བར་ཏུ་དེ་མི་འཛད། །དེ་བཞིནབྱང་ཆུབ་ཕྱིར་བསྔོས་དགེ་བ་ཡང༌། །བྱང་ཆུབ་མ་ཐོབ་བར་ཏུ་དེ་མི་འཛད། །ཅེས་གསུངས་སོ། །རང་རང་སོ་སོས་ཉིན་གཅིག་གི་ཆོས་སྤྱོད་ཀྱི་རིམ་པའི་ནང་ལ་དགེ་བའི་རྩ་བ་ཅི་བྱས་པ་ཐམསཅད་འཁོར་གསུམ་དམིགས་མེད་ཀྱིས་རྒྱས་བཏབ་པའི་སྒོ་ནས་བླ་མེད་རྫོགས་བྱང་དུ་བསྔོ་བ་བྱ་དགོས་ལ། དགེ་བའི་རྩ་བ་ཆེ་ཆུང་ཅི་བྱས་ཀྱང་དེ་དག་ངེས་པར་བསྔོ་དགོས་ཏེ། སངསརྒྱས་བཅོམ་ལྡན་འདས་ཀྱི་ལྟུང་བ་བཤགས་པའི་མདོ་ལས། ཟས་ཁམ་གཅིག་ཙམ་སྦྱིན་པའིདགེ་བའི་རྩ་བ་ཡང་བསྔོ་དགོས་པར་གསུངས་པ་ལྟར། དགེ་བ་ཆུང་ཆུང་ཞིག་ཡིན་ན་ཡང་བསྔོབ་བྱེད་དགོས། དགེ་བ་ཅི་བྱས་ཀྱང་ཐོག་མར་སྐྱབས་འགྲོ་དང་ངེས་འབྱུང་གི་བསམ་པ་སེམསབསྐྱེད་སོགས་ངེས་པར་ཡོད་དགོས་པ་དང༌། བར་དུ་འདོད་ཆགས་ཞེ་སྡང་སོགས་དང་མ་འདྲེསཔའི་ཀུན་སློང་རྣམ་པར་དག་པ་དང༌། རྒྱུའི་ཀུན་སློང་ཡང་རྣམ་པར་དག་དགོས་ལ། མཇུག་ཏུབསྔོ་བ་བྱེད་པ་ཡིན་ན་ཐོག་མར་དགེ་བ་བར་དུ་དགེ་བ་མཐའ་མར་དགེ་བ་ཞེས་གསུངས་པ་ལྟར་ཐོག་མཐའ་བར་གསུམ་གྱི་དགེ་བ་ཞིག་འོང་ཐུབ་པ་རེད། བསྔོ་བ་བྱས་པ་ཡིན་ན་དགེརྩ་དེ་དག་མི་ཟད་པ་དང་དགེ་བ་མང་དུ་འཕེལ་བ་དགེ་རྩ་དེ་དག་ཆུད་ཟོས་སུ་མི་འགྲོ་བ་དང༌། སེམས་ཅད་ཐམས་ཅད་ཀྱི་དོན་ལ་བསྔོས་པ་ཡིན་ན་སེམས་ཅན་གྲངས་མེད་པ་ཡིན་པས་དེརེ་རེའི་དོན་དུ་བསྔོས་པའི་དགེ་རྩ་རེ་རེ་འབྱུང་བས་དགེ་བ་མང་པོ་འབྱུང་ལ། རང་ལ་སྔར་མེདཔའི་དགེ་བ་དེ་དག་བསགས་པ། བསགས་པ་དེ་དག་གོང་འཕེལ་དུ་གཏོང་བ། བསགས་པའིདགེ་རྩ་དེ་དག་ཆུད་ཟོས་སུ་མི་འགྲོ་བ། དེའི་མི་མཐུན་ཕྱོགས་སྡིག་པ་སོགས་འདག་པར་བྱེདཔའི་ཐབས་ལམ་ནི་འདིའི་སྐབས་སུ་བསྟན་པའི་ཡན་ལག་བདུན་པ་ལ་བརྩོན་རྒྱུ་གལ་ཆེནཔོ་ཡིན། དེ་མ་གཏོགས་གནའ་མིའི་ཁ་དཔེར། ཆོས་ཆུང་ཆུང་ཨ་ཁུས་མ་བསྒྲུབས། །ཆོས་ཆེནཔོ་ཨ་ཁུས་མ་འགྲུབ། །དུས་དེང་སང་ཨ་ཁུ་ཆོས་མེད། །ཟེར་བ་ལྟར་མི་གནང་པར་ཆོས་ཆུང་ཆུང་ལ་བརྙས་བཅོས་མི་བྱེད་པར་ཆོས་ཆུང་ཆུང་ནས་བསྒྲུབ་དགོས་ཏེ། དུས་ཚོད་ནི་རིན་ཐངཆེན་པོ་ཞིག་ཡིན་ན་ཡང༌། སྐད་ཅིག་སྐད་ཅིག་གིས་རྫོགས་འགྲོ་བ་ཞིག་རེད། དེས་ན། རངརང་སོ་སོས་དུས་ཚོད་དམ་འཛིན་བྱས་ནས། ཉི་མ་དེ་རིང་ནས། འདུག་ས་འདི་ཉིད་ནས་བཟུངསྟེ་དམ་པའི་ཆོས་ལ་བརྩོན་པ་གནང་དགོས། རྒྱུད་དག་པར་བྱ་བ་ཡན་ལག་བདུན་པ་ཞུས་ཟིནནས་རྩ་བའི་ས་བཅད་གཉིས་པ་སྨོན་ལམ་གྱི་རབ་དབྱེ་བཤད་པ་ལ་རྗེ་ཏཱ་ར་ནཱ་ཐས་ས་བཅདབླངས་པ་ལྟར་མདོར་བསྟན་པ་དང་རྒྱས་པར་བཤད་པ་དོན་བསྡུས་པ་གསུམ་ལས། དང་པ་ོམདོར་བསྟན་ལ་ཚིགས་བཅད་གསུམ་ལས། འདས་པའི་སངས་རྒྱས་རྣམས་དང་ཕྱོགས་བཅུ་ཡི། །འཇིག་རྟེན་དག་ན་གང་བཞུགས་མཆོད་པར་བགྱི། །གང་ཡང་མ་བྱོན་དེ་དག་རབ་མྱུར་བར། །བསམ་རྫོགས་བྱང་ཆུབ་རིམ་པར་སངས་རྒྱས་སྤྱོན། །འད༷ས་པ༷འི་ས༷ངས་རྒྱ༷ས་རྣ༷མས་ད༷ང་འདས་པའི་སངས་རྒྱས་ཙམ་མིན་པར་ཕྱོ༷གས་བཅུ༷འིའཇི༷ག་རྟེ༷ན་ད༷ག་ན༷་སངས་རྒྱས་ག༷ང་ཇི་སྙེད་བཞུ༷གས་པ་དེ་དག་ཐམས་ཅད་མཆོ༷ད་པའི་བྱེ་བྲགཐམས་ཅད་ཀྱིས་མཆོད་པ༷ར་བགྱི༷་ཡང་ན་འཇིག་རྟེན་དག་ན་གང་བཞུགས་ཟེར་བ་ནི་ད་ལྟའིཕྱོགས་བཅུའི་འཇིག་རྟེན་གྱི་ཁམས་གང་ན་གང་འགྲོ་བའི་དོན་ལ་བཞུགས་པ་ཐམས་ཅད་ལམཆོད་པར་བགྱི་ཞེས་གསུངས་པ་དང༌། ག༷ང་ཡ༷ང་ད་ལྟ་སངས་རྒྱས་ཀྱི་ངོར་མ༷་བྱོ༷ན་པའི་མ་འོངསཔ་ན་འཚང་རྒྱ་འགྱུར་གྱི་བྱང་སེམས་ས་བཅུ་བ་དེ༷་ད༷ག་ར༷བ་ཏུ་མྱུ༷ར་བ༷ར། རང་གི་ཐུགས་དགོངསསམ་བས༷མ་པ་ཐམས་ཅད་ཡོངས་སུ་རྫོ༷གས་ནས་བླ་ན་མེད་པའི་བྱ༷ང་ཆུ༷བ་དེ་རི༷མ་པ༷ར་མྱུར་དུསང༷ས་རྒྱ༷ས་ཀྱི་གོ་འཕང་ཐོབ་པར་སྤྱོ༷ན་ནམ་ཤོག་ཅིག ཅེས་གསུངས་པ་རེད། ཕྱོགས་བཅུ་ག་ལའི་ཞིང་ཁམས་ཇི་སྙེད་པ། །དེ་དག་རྒྱ་ཆེར་ཡོངས་སུ་དག་པར་གྱུར། །བྱང་ཆུབ་ཤིང་དབང་དྲུང་གཤེགས་རྒྱལ་བ་དང༌། །སངས་རྒྱས་སྲས་ཀྱིས་རབ་ཏུ་གང་བར་ཤོག ། ཕྱོགས་བཞི་མཚམས་བཞི་སྟེང་འོག་སྟེ་ཕྱོ༷གས་བཅུ༷འི་ག༷་ལ༷འི་ཞི༷ང་ཁ༷མས་ཇི༷་སྙེ༷ད་ཡོད་པ༷དེ༷་ད༷ག་ཐམས་ཅད་ནུབ་ཕྱོགས་བདེ་བ་ཅན་གྱི་ཞིང་ཁམས་ལྟ་བུར་རྒྱ༷་ཆེ༷་བ་དང༌། སྣོད་བཅུདགཉིས་ཀྱིས་ཡོ༷ངས་སུ༷་དག་ཅིང་ངན་སོང་གི་སྐྱོན་ཐམས་ཅད་དང་བྲལ་ནས་ཡོངས་སུ་ད༷ག་པ༷རགྱུ༷ར་ཅིག་ཅེས་དང༌། བྱ༷ང་ཆུ༷བ་ཀྱི་ཤི༷ང་གི་དབ༷ང་པོའི་དྲུ༷ང་དུ་གཤེ༷གས་ནས་བདུད་བཞི་ཕྲརགས་ལས་རྒྱ༷ལ་བ༷་རྣམས་ད༷ང༌། རྒྱལ་བ་ས༷ངས་རྒྱ༷ས་རྣམས་ཀྱི་སྲ༷ས་བྱང་ཆུབ་སེམས་དཔའརྣམས་ཀྱི༷ས་དེ་འདྲའི་ཞིང་དེར་ར༷བ་ཏུ༷་ག༷ང་བ༷ར་ཤོ༷ག་ཅིག་ཅེས་སྨོན་ལམ་མཛད་པ་རེད། མདོརན། མ་འོངས་པ་ན་རང་ཉིད་སངས་རྒྱས་པའི་ཞིང་དེར་སྣོད་བཅུད་གཉིས་ཀྱིས་དག་པར་སྨོནལམ་བཏབ་པ་དང༌། ད་ལྟར་ཡང་རང་ཉིད་གནས་པའི་ས་ཕྱོགས་འདི་མ་དག་པའི་སྣོད་བཅུདགཉིས་ཀྱིས་དག་ནས་རྒྱ་ཆེ་བར་གྱུར་ནས་རྒྱ་ཆེ་བ་དེའི་དབུས་སུ་བྱང་ཆུབ་ཀྱི་ཤིང་དྲུང་དུ་གཤེགསནས་རྒྱལ་བ་དང་རྒྱལ་བའི་སྲས་བྱང་ཆུབ་སེམས་དཔའ་རྣམས་ཀྱིས་བར་མཚམས་མེད་པརཡོངས་སུ་གང་བར་ཤོག་ཅིག་ཅེས་སྨོན་ལམ་གནང་བ་རེད། ཕྱོགས་བཅུའི་སེམས་ཅན་གང་རྣམས་ཇི་སྙེད་པ། །དེ་དག་རྟག་ཏུ་ནད་མེད་བདེ་བར་གྱུར། །འགྲོ་བ་ཀུན་གྱི་ཆོས་ཀྱི་དོན་རྣམས་ནི། །མཐུན་པར་གྱུར་ཅིང་རེ་བའང་འགྲུབ་པར་ཤོག ། ཕྱོ༷གས་བཅུ༷འི་སེ༷མས་ཅ༷ན་ག༷ང་ཇི༷་སྙེ༷ད་ཡོད་པ༷་དེ༷་ད༷ག་ཐམས་ཅད་རྟ༷ག་ཏུ༷་ན༷ད་ལ་སོགསཔའི་མི་མཐུན་པའི་རྐྱེན་དེ་དག་མེ༷ད་པར་བདེ༷་བ༷ར་གྱུ༷ར་ཅིག་ཅེས་མི་མཐུན་པའི་རྐྱེན་དང་བྲལབའམ་ཞི་བར་སྨོན་ལམ་གནང་བ་དང༌། འགྲོ༷་བ༷་སེམས་ཅན་ཀུ༷ན་གྱི༷་མངོན་མཐོ་ལྷ་མིའི་གོ་འཕང་ཐོབ་བྱེད་ཀྱི་དགེ་བའམ་རྫོགས་པའི་བྱང་ཆུབ་ཐོབ་བྱེད་ཀྱི་དགེ་བའི་རྩ་བའི་ཆོ༷ས་ཀྱི༷སྤྱོད་པ་དོ༷ན་དང་མཐུ༷ན་པ༷ར་གྱུ༷ར་པ་ཐམས་ཅད་ཀྱི་རེ༷་བ༷་འགྲུ༷བ་པ༷ར་ཤོ༷ག་ཅིག་ཅེས་དང༌། ཡངན་འཇམ་མགོན་ཏཱ་ར་ནཱ་ཐས་བཟང་སྤྱོད་འགྲེལ་བའི་སྐབས་སུ་མངོན་མཐོ་ཐོབ་བྱེད་ཀྱི་རྒྱུ་དངཐམས་ཅད་མཁྱེན་པ་ཐོབ་བྱེད་ཀྱི་རྒྱུར་གྱུར་བའི་སྤྱོད་པ་རྣམས་བྱས་པ་ལ་ཕན་ཚུན་བློ་གྲོསམཐུན་པ་ཞེས་གསུངས་འདུག མདོར་ན་ཆོས་མཐུན་གྱི་མཐུན་རྐྱེན་ཐམས་ཅད་འགྲུབ་པརགྱུར་ཅིག་ཅེས་སམ་ཆོས་དང་མི་འགལ་བར་རེ་བའི་དོན་ཐམས་ཅད་འགྲུབ་པར་ཤོག་ཅིག་ཅེསསྨོན་ལམ་བཏབ་པ་ལྟར། ནམ་རྒྱུན་ཁྱེད་རྣམ་པ་ཚོས་བྱ་བ་གང་དང་གང་བྱས་ན་ཆོས་དང་མཐུནཔའི་བྱ་བ་བསྒྲུབ་དགོས་པ་རེད་མ་གཏོགས། དེ་མིན་པར་མི་ཆོས་ཀྱི་རྩ་བ་ཀུན་དང་མཐུན་པཞེས་ཟེར་བ་ལྟར་ཀུན་དང་མཐུན་པ་བྱེད་དགོས་སྙམ་ནས་ཁྲམ་པ་དང་རྐུན་མ་ལ་མཐུན་པརབྱས། བསྟན་བཤིགས་དང་མཐུན་པར་བྱས། ཆོས་མིན་གྱི་སྤྱོད་པ་ཅན་དང་མཐུན་པར་བྱསན་མི་འགྲིག་ལ། དེས་ན་ནམ་རྒྱུན་གཞན་ལ་ཕན་བཏགས་པ་དང་རོགས་རམ་གང་བྱས་ན་ཡངཆོས་དང་མཐུན་ཞིང་སྡིག་པའི་རྐྱེན་དུ་མི་འགྱུར་བའི་སྒོ་ནས་གཞན་ལ་ཕན་ཅི་ཐོགས་ཀྱི་སྒོནས་ཕན་བཏགས་དགོས་ཤིང༌། ཁ་སང་དེ་རིང་མི་འགའ་རེའི་ནང་ལ་རང་གི་སློབ་མས་ངའིདོན་ལ་དཀའ་ངལ་མང་པོ་བརྒྱབ་སོང་དེའི་རྒྱུ་མཚན་གྱིས་ཁོ་ལ་སྤྲུལ་མིང་རེ་བཏགས་ཟེར་ནསསྤྲུལ་མིང་རེ་བཏགས་བཞག་པ་ཡིན་ན་ཡང་དོན་གྱིས་ཁོ་ལ་གནོད་བསྐྱལ་བ་ཡིན་ཏེ། ཁ་སངདེ་རིང་མི་འགའ་རེ་ལ་སྤྲུལ་མིང་བཏགས་རྗེས་ས་ག་ས་གང་ལ་གྲོང་ཆོག་ལ་རྒྱུག དཀོར་ཟསདཀོར་ཆུ་ཟར་བཅུག་བཅུག་ནས་ཚེ་འདི་མེད་ཕྱི་མེད་ཅིག་བྱས་འགྲོ་བ་ཆགས་འདུག ལས་འབྲསཡང་དག་པ་ཞིག་མ་ཤེས་ན་དཀོར་ཞིག་ཟ་རྒྱུ་རེག་སོང་ན་ཁེ་བཟང་ལོན་སོང་སྙམ་ན་ཡང༌། དད་ཟས་གཤིན་ཟས་ཟེར་བ་དེ་རེག་སོང་ཡང་ཁེ་བཟང་ལོན་པ་མ་རེད། མང་ཆེ་བ་ཞིག་གིསརྒྱ་ནང་ལ་སོང་ནས་སྒོར་མོ་མང་པོ་ཞིག་ལོན་སོང་ན་ཁེ་བཟང་རྩ་ཆེན་པོ་རེག་སོང་བ་གཞིརབཞག་བྱེད་ཀྱིན་འདུག་ཡིན་ན་ཡང༌། རང་རང་སོ་སོ་ལ་ལྷག་བསམ་རྣམ་པར་དག་པ་རེ་ཡོད། བསྟན་པ་དང་དགོན་པའི་དོན་ལ་དཔལ་འབྱོར་དེ་དག་ཡང་དག་པ་ཞིག་གཏང་ཐུབ་མཁནཡིན་ན་ཚོགས་རེ་མི་བསག་ཟེར་ན་དཀའ་མོ་རེད་མ་གཏོགས། ཆོས་བརྒྱད་ཀྱི་བྱ་བ་ཞིག་སྒྲུབཐབས་བྱས་སོང་ན་ཆོས་མ་རེད། འཇིག་རྟེན་རེད། ཆོས་དང་འཇིག་རྟེན་གཉིས་འགལ་བ་རེད། དེ་ལྟར་རྣམ་པ་ཐམས་ཅད་ཀྱིས་མཁྱེན་དགོས། མདོར་བསྟན་གྱི་ཚིགས་བཅད་གསུམ་པོ་འདིསརྫོགས་སྨིན་སྦྱང་གསུམ་ལ་སྨོན་ལམ་མཛད་པ་ཡིན་ཏེ། དང་པོ་འདས་པས་སངས་རྒྱས་རྣམསདང༌། །ཞེས་པ་ནས། སངས་རྒྱས་སྤྱོན་ཞེས་པའི་བར་གྱི་ཚིགས་བཅད་དང་པོ་དེས་སྤངས་རྟོགསརྫོགས་པར་སྨོན་ལམ་མཛད་པ་དང༌། གཉིས་པ་ཕྱོགས་བཅུ་ག་ལའི་ཞིང་རྣམས་ཇི་སྙེད་པ། །ཞེས་པ་ནས། རབ་ཏུ་གང་བར་ཤོག་ཅེས་པའི་བར་དུ་ཞིང་སྦྱོང་བ་སྨོན་ལམ་མཛད་པ་དང༌། གསུམཔ་ཕྱོགས་བཅུའི་སེམས་ཅན་གང་རྣམས་ཇི་སྙེད་པ། །ཞེས་པ་ནས་རེ་བའང་འགྲུབ་པར་ཤོགཅེས་པའི་བར་དུ་སྨིན་པར་སྨོན་ལམ་མཛད་པ་རེད། དེ་རིང་འདི་ནས་མཚམས་འཇོག་གི་ཡིན། མདོར་བསྟན་སོང་ཟིན་ནས་རྒྱས་པར་བཤད་པ་ལ། དོན་ཚན་བཅུ་གསུམ་ལས་དེ་རྣམས་ཀྱི་སྡོམ་ནི། རྗེ་ཏཱ་ར་ནཱ་ཐའི་བཟང་སྤྱོད་འགྲེལ་བ་ལས། སེམས་བསྐྱེད་སྐྱེ་བ་དྲན་དང་རབ་ཏུ་བྱུང། །སྤྱོད་པ་སྤྱི་དང་ཚུལ་ཁྲིམས་མངོན་ཤེས་སྟོན། །བྱང་སེམས་མི་བརྗེད་སྒྲིབ་བྱང་སྐྱོན་གསུམ་གྲོལ། །ཆགས་མེད་ཞི་བདེར་འགོད་དང་རྣམ་འཕྲུལ་ཐོབ། །འགྲོ་དོན་སྤྱོད་དེ་དོན་ཚན་བཅུ་གསུམ་ཡིན། །ཞེས་གསུངས་པ་ལྟར་དང་པོ་སེམས་བསྐྱེད་སྐྱེ་བ། སྐྱེ་བ་དྲན་པ། རབ་ཏུ་འབྱུང་བ་གསུམ་ནི། བྱང་ཆུབ་སྤྱོད་པ་དག་ནི་བདག་སྤྱོད་ཅིང༌། །འགྲོ་བ་ཀུན་ཏུ་སྐྱེ་བ་དྲན་པར་གྱུར། །ཚེ་རབས་ཀུན་ཏུ་འཆི་འཕོ་སྐྱེ་བ་ན། །རྟག་ཏུ་བདག་ནི་རབ་ཏུ་འབྱུང་བར་ཤོག ། བྱ༷ང་ཆུ༷བ་ཀྱི་སྤྱོ༷ད་པ༷་གཞན་དོན་དུ་བྱང་ཆུབ་ཐོབ་པར་འདོད་པའི་སེམས་བསྐྱེད་དང་མབྲལ་བའི་སྒོ་ནས་རྫོགས་པའི་སངས་རྒྱས་ཀྱི་གོ་འཕང་ཐོབ་པའི་ཆེད་དུ་རྒྱལ་སྲས་ཀྱི་སྤྱོད་པལམ་ཕ་རོལ་ཏུ་ཕྱིན་པ་དྲུག་ལ་སོགས་པ་ད༷ག་ནི༷་བད༷ག་གིས་སློབ་པར་འདོད་པའམ་སྤྱོད་པརའདོད་ཅི༷ང༌། འགྲོ༷་བ༷་ཀུ༷ན་ཏུ༷་སྐྱེ༷་བ༷་ཐམས་ཅད་དུ་ཚེ་རབས་ལ་སོགས་པ་དྲ༷ན་པ༷ར་གྱུ༷ར་ཅིང༌། ཚེ༷་ར༷བས་ཀུ༷ན་ཏུ༷་འཆི༷་འཕོ༷་ཞིང་སྐྱེ༷་བ༷་ན༷། རྟ༷ག་ཏུ༷་འཆི་འཕོ་བའི་གནས་སྐབས་ན་ཡང་སེམསབསྐྱེད་དང་མི་འབྲལ་བའི་སྒོ་ནས་སྐྱེ་བ་ཕྱི་མ་ཡང་བད༷ག་ནི༷་ར༷བ་ཏུ༷་འབྱུ༷ང་བ༷ར་ཤོ༷ག་ཅིག་ཅེསསྨོན་ལམ་གནང་བ་རེད། འདིའི་སྐབས་ཀྱི་རབ་ཏུ་འབྱུང་ཚུལ་ལ་གཉིས་ཡོད་པར་རྗེ་ཏཱ་ར་ནཱ་ཐའི་བཟང་སྤྱོད་འགྲེལ་བ་ལས་སོ་སོའི་སྐྱེ་བོའི་གནས་སྐབས་སུ་ཁྱིམ་སྤངས་ཏེ་རབ་ཏུ་བྱུངནས་སྡོམ་པ་ཡང་དག་པར་བླངས་པས་རབ་བྱུང་དུ་འགྱུར་བ་དང༌། ཐེག་ཆེན་འདི་ལ་འཕགསཔའི་ས་ཐོབ་ཚད་ཆོས་ཉིད་ཀྱི་རབ་བྱུང་ཐོབ་པའོ། །ཞེས་གསུངས་སོ། སེམས་བསྐྱེད་སྐྱེ་བ། སྐྱེ་བ་དྲན་པ། རབ་ཏུ་འབྱུང་བ་གསུམ་ནི་ཚིགས་སུ་བཅད་པ་དང་པོ་འདིའི་སྐབས་སུ་གསུངསཔ་རེད། དོན་ཚན་བཞི་བ་དང་ལྔ་པ་གཉིས་ནི། རྒྱལ་སྲས་ཀྱི་སྤྱོད་པ་སྤྱི་དང་བྱང་སེམས་ཀྱི་ཚུལ་ཁྲིམས་ཀྱི་བསླབ་པ་ལ་སློབ་པར་སྨོན་པ་ནི། རྒྱལ་བ་ཀུན་གྱི་རྗེས་སུ་སློབ་གྱུར་ཏེ། །བཟང་བོ་སྤྱོད་པ་ཡོངས་སུ་རྫོགས་བྱེད་ཅིང༌། །ཚུལ་ཁྲིམས་སྤྱོད་པ་དྲི་མེད་ཡོངས་དག་པར། རྟག་ཏུ་མ་ཉམས་སྐྱོན་མེད་སྤྱོད་པར་ཤོག ། རྒྱ༷ལ་བ༷་ཀུ༷ན་གྱི༷ས་གདམས་ངག་ལ་སོགས་པའི་ཆོས་བསྟན་ནས་དེའི་རྗེ༷ས་སུ༷་སློ༷བ་པརགྱུ༷ར་ཏེ༷། ཡང་ན་རྒྱལ་སྲས་ཀྱི་ལམ་ཕ་རོལ་ཏུ་ཕྱིན་པ་དྲུག་ལ་སློབ་པའི་སྒོ་ནས་དེ་དག་གི་རྗེསསུ་སློབ་པར་གྱུར་ཏེ། བཟང་པོ་ཡང་ཡིན་སྤྱོད་པ་ཡང་ཡིན་པས་སམ་འཕགས་པ་ཀུན་ཏུ་བཟངབོའི་སྤྱོད་པའམ་ཀུན་ཏུ་བཟང་བོས་སྤྱད་པའི་སྤྱོད་པ་ཡིན་པས་ན་བཟང་བོ་སྤྱོད་པ་ཞེས་བྱའོ། །བཟ༷ང་བོ༷འི་སྤྱོ༷ད་པ༷་ལམ་ཕ་རོལ་ཏུ་ཕྱིན་པ་དྲུག་ལ་སོགས་པ་ཡང་དག་པར་བསླབ་པའི་སྒོ་ནསཡོ༷ངས་སུ༷་རྫོ༷གས་པར་བྱེ༷ད་པར་གྱུར་ཅི༷ང༌། ཚིག་རྐང་དང་པོ་འདིའི་སྐབས་སུ་བྱང་ཆུབ་སེམསདཔའི་སྤྱོད་པ་སྤྱི་ལ་བདག་གིས་སློབ་པར་བྱེད་པར་གྱུར་ཅིག་ཅེས་སྨོན་ལམ་མཛད་པ་རེད། བྱང་ཆུབ་སེམས་དཔའི་བསླབ་པ་བྱེ་བྲག་གམ་ཁྱད་པར་དུ་ཉེས་སྤྱོད་སྡོམ་པའི་ཚུ༷ལ་ཁྲི༷མས། དགེ་བ་ཆོས་སྡུད་ཀྱི་ཚུལ་ཁྲིམས། སེམས་ཅན་དོན་བྱེད་ཀྱི་ཚུལ་ཁྲིམས་ཀྱི་སྤྱོ༷ད་པ༷་དེ་དག་ཉོནམོངས་སྤངས་པས་དྲི༷་མ་མེ༷ད་ལ། རང་དོན་ཐེག་པ་དམན་པའི་སེམས་ཀྱིས་མ་གོས་པས་ཡོ༷ངསསུ་ད༷ག་པ༷་དེ་འདྲའི་ཚུལ་ཁྲིམས་རྣམ་པར་དག་པ་དེ་དག་རྟ༷ག་ཏུ༷་ཚུལ་འཆལ་གྱི་ལྟུང་པའི་ཉེསཔས་མ་གོས་པའམ། མ༷་ཉ༷མས་པར་ཚུལ་འཆལ་གྱི་ཉེས་པའི་སྐྱོ༷ན་མེ༷ད་པར་རྟག་ཏུ་སྤྱོ༷ད་པ༷རཤོ༷ག་ཅིག་ཅེས་དང༌། ཡང་ན་སྐྱོན་མེད་པར་ཞེས་པས་ནི་རྗེ་ཏཱ་ར་ནཱ་ཐའི་བཟང་སྤྱོད་འགྲེལ་བལས། བདེན་དངོས་སུ་འཛིན་པ་དང་བྲལ་བས་སྐྱོན་མེད་པ་སྟེ། ཞེས་སྨོན་ལམ་མཛད་པ་རེད། ཚིག་རྐང་ཕྱི་མ་འདིས་བྱང་ཆུབ་སེམས་དཔའི་བྱེ་བྲག་གི་སྤྱོད་པ་ཚུལ་ཁྲིམས་ཀྱི་བསླབ་པ་ལསྨོན་ལམ་མཛད་པ་རེད། དོན་ཚན་དྲུག་པ་མངོན་པར་ཤེས་པ་ལྔ་དང་ལྡན་པའི་ཆོས་སྟོན་པ་ནི། ལྷ་ཡི་སྐད་དང་ཀླུ་དང་གནོན་སྦྱིན་སྐད། །གྲུལ་བུམ་དག་དང་མི་ཡི་སྐད་རྣམས་དང༌། །འགྲོ་བ་ཀུན་གྱི་སྒྲ་རྣམས་ཅི་ཙམ་པར། །ཐམས་ཅད་སྐད་དུ་བདག་གིས་ཆོས་བསྟན་ཏོ། །བྱང་སེམས་མཐུ་ཐོབ་པའི་དབང་དུ་བྱས་ན། ལྷ༷་ཡི༷་སྐ༷ད་ད༷ང༌། སྐབས་འདིའི་ལྷ་ནི་འདོད་ལྷརིགས་དྲུག་ལ་བྱེད་པ་ཡང་ཡོད། ཀླུ༷འི་སྐད་ད༷ང༌། གནོ༷ན་སྦྱི༷ན་གྱི་སྐ༷ད། སྤྱིར་གནོན་སྦྱིན་ནི་རྒྱལཆེན་རིགས་བཞིའི་ལྷ་རྣམས་ལ་གནོན་སྦྱིན་ཞེས་གྲགས་ཀྱང་འདིར་ནི་བར་སྣང་ལ་རྒྱུ་བ། སསྟེང་ལ་རྒྱུ་བའི་མདངས་འཕྲོགས་པ་དེ་དག་ལ་རྗེ་ཏཱ་ར་ནཱ་ཐས་སྦྱར་འདུག གྲུ༷ལ་བུ༷མ་གྱི་སྐདད༷ག་ད༷ང༌། གྲུལ་བུམ་ནི་གཤིན་རྗེའི་རིགས་སུ་གཏོགས་པ་ཡི་དྭགས་ཀྱི་འགྲོ་བའི་ཁྱད་པརརོ། །མི༷་ཡི༷་སྐ༷ད་རྣ༷མས་ད༷ང༌། དེས་མཚོན་པའི་འགྲོ༷་བ༷་ཀུ༷ན་གྱི༷་སྒྲ༷་སྐད་སྣ་ཚོགས་པ་རྣ༷མས་ཇི༷་ཙ༷མ་ཡོད་པ་དེ་དག་ཐ༷མས་ཅ༷ད་ཀྱི་སྐ༷ད་དུ༷་བད༷ག་གི༷ས་སེམས་ཅན་འགྲོ་བ་གང་ལ་གང་གདུལདགོས་པ་ཐམས་ཅད་ལ་སྒྲ་སྐད་དེ་དང་དེའི་སྒོ་ནས་ཆོས་ཉན་པར་འདོད་པའི་འགྲོ་བ་དེ་དངདེ་ལ་ཆོ༷ས་བསྟ༷ན་པར་གྱུར་ཅིག་ཅེས་སྨོན་ལམ་མཛད་པ་རེད། དོན་ཚན་བདུན་པ་བྱང་ཆུབ་ཀྱི་སེམས་མི་བརྗེད་པ་ནི། དེས་ཤིང་ཕ་རོལ་ཕྱིན་ལ་རབ་བརྩོན་ནས། །བྱང་ཆུབ་སེམས་ནི་ནམ་ཡང་བརྗེད་མ་གྱུར། །དེ༷ས་ཤི༷ང་ཞེས་པ་ནི་རྒྱུད་འཇམ་པ་ཡིན་པར་དཔལ་མགོན་འཕགས་པ་ཀླུ་སྒྲུབ་ཀྱི་བཟངསྤྱོད་འགྲེལ་བ་ལས། དེས་ནི་རྒྱུད་འཇམ་པའོ། །ཞེས་དང༌། སློབ་དཔོན་ཕྱོགས་ཀྱི་གླང་པོའིབཟང་སྤྱོད་འགྲེལ་བ་ལས། དེས་ནི་སེམས་རྒྱུད་འདུལ་བའོ། །ཞེས་སོ། །དེས་ན་དེས་ཤིང་ཞེསཔ་ནི་སེམས་ཉོན་མོངས་པའི་རྩུབ་རགས་དང་བྲལ་ཞིང༌། བྱམས་བརྩེ་དང་ལྡན་པའི་སེམསདེས་ཤིང་ཕ༷་རོ༷ལ་ཏུ་ཕྱི༷ན་པ་དྲུག་ལ༷་ར༷བ་ཏུ་བརྩོ༷ན་ཏེ༷། སྐྱེ་བ་ནས་ཚེ་རབས་དུ་མའི་བར་དུ་བྱ༷ངཆུ༷བ་ཀྱི་སེ༷མས་ནི༷་དུས་དང་གནས་སྐབས་ཐམས་ཅད་དུ་ན༷མ་ཡ༷ང་བརྗེ༷ད་པར་མ༷་གྱུ༷ར་ཅིག་ཅེསསྨོན་ལམ་གནང་བ་དང༌། སྐབས་འདིའི་བྱང་ཆུབ་ཀྱི་སེམས་ལ་ཀུན་རྫོབ་སེམས་བསྐྱེད་དངདོན་དམ་སེམས་བསྐྱེད་གཉིས་ཡོད་པར་རྗེ་ཏཱ་ར་ནཱ་ཐས་གསུངས་འདུག དེས་ན་རྣམ་པ་ཚངམས་བཟང་སྤྱོད་ཀྱི་སྨོན་ལམ་འདི་ཤེས་རྒྱུ་གལ་ཆེན་པོ་རེད། སྤྱིར་ན་མི་སུ་ཡིན་རུང་བཟངསྤྱོད་ཀྱི་སྨོན་ལམ་འདི་ཞལ་འདོན་གནང་འོང་དུས་ཀུན་སློང་གི་སྟེང་ནས་གཙོ་བོ་ཚེ་ཕྱི་མ་ཕནཔ་ལས་ཚེ་འདི་ལ་དེ་འདྲའི་ཕན་པ་མེད་མདོག་དང༌། གསོལ་ཁ་དང་ཟབ་མདོ་སོགས་ཞལའདོན་གནང་ན་ཚེ་འདིར་བསམ་འདུག་ཡོད་པ་དེ་འདྲའི་གོམས་གཤིས་ཤིག་ཆགས་ཚར་འདུག་ཚེ་ཕྱི་མ་དང་ཚེ་འདི་གཉིས་ལས་གཙོ་བོ་ཚེ་འདིར་ཞེན་ནས་མང་ཆེ་བས་གསོལ་ཁ་དང་ཟབ་མདོ་སོགས་བཟློག་བསྒྱུར་མང་པོ་ཞལ་འདོན་གནང་གིན་འདུག རེད་དེ། ང་ཚོས་གཙོ་བོ་ཚེ་ཕྱིམ་ལ་བསམ་གཞིག་བཏང་ནས་ཆོས་བསྒྲུབ་དགོས་པ་རེད་མ་གཏོགས། ཚེ་འདི་ལ་ཞེན་ནསཆོས་སྒྲུབ་པ་ཡིན་ན་ཆོས་པ་རྣམ་དག་ཅིག་འོང་མི་ཐུབ་པས་རྣམ་པ་ཐམས་ཅད་ཀྱིས་ཚེ་འདི་ལས་ཕྱི་མའི་དོན་ལ་གཙོ་བོར་འབད། ཕྱི་མའི་ནང་ནས་ཀྱང༌། ཐར་བ་དང་ཐམས་ཅད་མཁྱེནཔའི་གོ་འཕང་ཐོབ་པའི་ཆེད་ངེས་པར་དུ་ཆོས་རྣམ་པར་དག་པ་ཞིག་བསྒྲུབ་དགོས་ལ། ཆོསརྣམ་པར་དག་པ་ཞིག་སྒྲུབ་ན་ཀུན་སློང་ཀུན་སྤྱོད་གཙང་མ་ཞིག་གནང༌། ཐོག་མར་སྐྱབས་འགྲོདང་འཁོར་བར་ཞེན་ལོག་གི་བསམ་པ་རེ་སྐྱེས་ནས་དེ་ལས་ཐར་བའི་ཆེད་དུ་ཆོས་རྣམ་པར་དགཔ་ཞིག་སྒྲུབ་པར་བསམ་པ་དང་ཐེག་ཆེན་སེམས་བསྐྱེད་ཀྱིས་རྩིས་ཟིན་པའི་སྒོ་ནས་ཆོས་སྒྲུབསྟེ། ང་ཚོས་ཐོས་བསམ་སྒོམ་གསུམ། ཁ་ཏོན་བཟླས་བརྗོད། འཆད་རྩོད་རྩོམ་གསུམ་གང་བྱསཀྱང་ཆོས་རྣམ་པར་དག་པ་འོང་མིན་ནི་ཀུན་སློང་ལ་རག་ལས་པས་ཀུན་སློང་རྣམ་པར་དག་པཞིག་བྱེད་རྒྱུ་གལ་ཆེན་ཡིན། འཕགས་པ་བཟང་པོ་སྤྱོད་པའི་སྨོན་ལམ་འདི་གསུང་པའི་སྐབསཡིན་ན་ཡང༌། ཀུན་སློང་རྣམ་དག་ཅིག་བྱས་པའི་སྟེང་ནས་གསུངས་ན་འཕགས་པ་བཟང་པོསྤྱོད་པ་རང་གི་སྐབས་སུ་ཕན་ཡོན་གསུངས་པ་ལྟར་ཕྱི་མ་ནུབ་ཕྱོགས་བདེ་བ་ཅན་དུ་སྐྱེ་བ་དང༌། མཚམས་མེད་པ་ལྔའི་སྡིག་པ་དག་བྱང་ཐུབ་པ། རིང་པོར་མི་ཐོགས་པར་བླ་མེད་རྫོགས་བྱངཐོབ་ངེས་པ། དེར་མ་ཟད། ཚེ་འདིར་ཡང་འགལ་རྐྱེན་བར་ཆད་མང་པོ་སེལ་ཐུབ་པ་བཅས་ཀྱིཕན་ཡོན་བསམ་གྱིས་མི་ཁྱབ་པ་ཡོད་པས་འདི་གསུངས་སྐབས་རབ་ན་ཚིག་རྗེས་དོན་དྲན་དང༌། དེ་མ་ཐུབ་ན་ཡང་དད་པ་རྣམ་དག་གི་སྒོ་ནས་གསུངས་ན་ཕན་ཡོན་དེ་དག་ངེས་པར་འབྱུང་གིརེད། ང་ཚོ་ནི་རབ་བྱུང་གི་ལམ་ཁར་ཞུགས་ཚར་བ་ཡིན་པས་ཆོས་པ་རྣལ་མ་ཞིག་ཨེ་འཁྱོངསབལྟ་དགོས་ཤིང༌། ཆོས་པ་ཡང་དག་པ་ཞིག་བྱེད་འདོད་པ་ལ་དང་པོ་ནང་པའི་ཆོས་ཤེས་དགོསཏེ། ནང་པའི་ཆོས་ལ་ཐོས་པ་བྱེད་པ་ལ་ངེས་པར་ཚུལ་ཁྲིམས་སྔོན་དུ་འགྲོ་དགོས་པ་དང༌། ཚུལཁྲིམས་ཀྱིས་གཞི་བཟུང་པའི་སྟེང་ནས་ཐོས་པ་བྱེད་པ་དང༌། ཐོས་པ་སྔོན་དུ་སོང་ནས་བསམབྱུང་གི་ངེས་པ་རྙེད་དགོས། དེ་གསུམ་གྱི་ཆ་རྐྱེན་ཚང་སོང་བའི་རྗེས་སུ་ངེས་པར་སྒོམ་བྱེད་དགོསཏེ། སྒོམ་མ་བྱེད་ན་འཁོར་བའི་རྩ་བ་ནི་མ་རིག་པ་ཡིན་པས་དེའི་གཉེན་པོ་རིག་པ་ཡེ་ཤེསབསྐྱེད་དགོས་པ་ལས་གཞན་འཁོར་ལོ་བསྐོར་བ་དང་ཕྱག་འཚལ་བ་ཙམ་གྱིས་བསོད་ནམསཀྱི་ཚོགས་རེ་བསགས་པ་ལས་འཁོར་བ་ལས་ཐར་མི་ཐུབ། དེས་ན་བདག་འཛིན་གྱི་གཉེན་པོལ་ངེས་པར་བདག་མེད་རྟོགས་པའི་ཤེས་རབ་བསྒོམ་དགོས་ཏེ། རྗེ་ཏཱ་ར་ནཱ་ཐས། གང་ཟགབདག་མེད་སྒོམ་པ་ཡོད་མེད་ལས། །སྲིད་ལས་གྲོལ་བ་ཡོད་མེད་རྗེས་སུ་དཔོག །ཅེས་གསུངསཔ་དང༌། ངེས་པར་དུ་བདག་འཛིན་སྤངས་པ་ལ་དེའི་ཞེན་ཡུལ་མེད་པར་མ་རྟོགས་པར་དེ་སྤངསཔའི་ཐབས་མེད་ཅེས་དཔལ་ཆོས་ཀྱི་གྲགས་པའི་ཚད་མ་རྣམ་འགྲེལ་ལས། འདི་ཡུལ་སུན་བྱུངམེད་པ་ཡི། །དེ་སྤོང་བ་ནི་ནུས་མ་ཡིན། །ཞེས་གསུངས་པ་ལྟར་དོན་ལ་བསམ་གཞིག་གཏང་རྒྱུ་གལ་ཆེན་པོ་རེད། ཚིག་འདོན་པ་ནི་དོན་ལ་བསམ་བློ་གཏོང་བའི་ཆེད་ཡིན་པ་དང་ཚིགའདོན་པ་ལས་དོན་བསམ་པ་བརྒྱ་འགྱུར་སྟོང་འགྱུར་གྱི་ཕན་ཡོན་ཆེ་བ་ཡིན་པར་ཤེས་དགོས། ང་ཚོས་ལོ་གཅིག་ལ་བཟང་པོ་སྤྱོད་པའི་སྨོན་ལམ་གྱི་ཚིག་ཙམ་འདོན་པ་ལས་དོན་ལ་བསམནས་ཉིན་གཅིག་ལ་བཏོན་ན་ཕན་ཡོན་དེའི་ཆེ་བས་ངས་ད་ལོར་ཁྱེད་རྣམ་པར་བཟང་པོ་སྤྱོདཔའི་སྨོན་ལམ་ཞིག་ཞུས་པ་ཡིན་ན་ཁྱེད་རྣམ་པས་ཀྱང་དོ་སྣང་བྱོས། རང་རང་སོ་སོས་འདིའིའགྲེལ་བ་ཁག་ལ་དཔེ་ཀློག་རེ་བྱེད་དགོས་པ་རེད་མ་གཏོགས། ངས་འདི་ནས་ཁྱེད་རྣམ་པརཤར་མར་ཅིག་ཞུས་བཞག་པ་ཙམ་གྱིས་ཁྱེད་རྣམ་པས་ཡིད་ལ་འཛིན་མི་ཐུབ་ན་ཡང༌། ངས་འདིནས་ཅིག་ཞུས་པ་ནི་ཁྱེད་རྣམ་པས་དོན་གཉེར་ཞིག་གནང་བའི་འགོ་འདྲེན་རེ་ཨེ་ཐུབ་སྙམ་པཡིན་པས་ཁྱེད་རྣམ་པ་ཚོས་ཀྱང་དེ་ནང་བཞིན་དུ་དོ་སྣང་རེ་བྱེད་རོགས་ཞུ། དེ་རིང་འདི་ནསམཚམས་འཇོག་གི་ཡིན། དོན་ཚན་བརྒྱད་པ་དང་དགུ་པ་བཅུ་པ་གསུམ་སྟེ་སྡིག་སྒྲིབ་སྦྱང་པ་དང༌། སྐྱོན་གསུམ་ལས་གྲོལབ་དང༌། མ་ཆགས་པར་སྨོན་པ་རྣམས་ནི། སྡིག་པ་གང་རྣམས་སྒྲིབ་པར་གྱུར་པ་དག ། དེ་དག་མ་ལུས་ཡོངས་སུ་བྱང་བར་ཤོག ། ལས་དང་ཉོན་མོངས་བདུད་ཀྱི་ལས་རྣམས་ལས། །གྲོལ་ཞིང་འཇིག་རྟེན་འགྲོ་བ་རྣམས་སུ་ཡང༌། །ཇི་ལྟར་པདྨོ་ཆུས་མི་ཆགས་པ་བཞིན། །ཉི་ཟླ་ནམ་མཁར་ཐོགས་པ་མེད་ལྟར་སྤྱད། །སྡི༷ག་ཏོ་མི་དགེ་བའི་ཆོས་ཐམས་ཅད་ནི་མི་དགེ་བའོ། །དེ་འདྲའི་སྡིག་པ༷་དེ་ལ་ཡང༌། འདོདཔའི་ཁམས་ཀྱི་ཉོན་མོངས་པ་ཕལ་ཆེ་བ་དང་དེའི་ཀུན་ནས་བསླངས་པའི་ལས་ཐམས་ཅད་དང༌། དེའི་ཕྱོགས་མཐུན་གྱི་ཉོན་མོངས་པ་ག༷ང་རྣ༷མས་ཐར་བ་ལ་སྒྲི༷བ་པ༷ར་གྱུ༷ར་པ༷་ད༷ག་དང༌། དེ༷་ད༷གགི་ས་བོན་དང་བཅས་པ་མ༷་ལུ༷ས་པ་ཐམས་ཅད་ཡོ༷ངས་སུ༷་བྱ༷ང་བ༷ར་གྱུར་ཅིག་ཅེས་སྡིག་པ་སྦྱངབའི་སྨོན་ལམ་མཛད་པ་དང༌། ལས་ཀྱི་སྐྱོན་ཁམས་གསུམ་དུ་སྐྱེ་བར་གྱུར་བའི་ལ༷ས་ད༷ང་ཉོ༷ནམོ༷ངས་པའི་སྐྱོན་ཀུན་ཏུ་སྦྱོར་བ་དགུའི་ཉོན་མོངས་པ་དང༌། བདུད་ནི་ཆོས་ཀྱི་འཚོ་བ་ལ་བརཆད་བྱེད་པའི་ལས་ཡིན་ཞེས་རྗེ་ཏཱ་ར་ནཱ་ཐའི་བཟང་སྤྱོད་འགྲེལ་བ་ལས། བདུད་ནི་ཆོས་ཀྱིའཚོ་བ་ལ་བར་དུ་གཅོད་པར་བྱེད་པའི་གདོན་ཏེ་འདོད་པ་ལ་ཆགས་པ་དང༌། རྣམ་པར་གཡེངསབ་དང༌། འཁྲུགས་པ་དང༌། ནད་ལ་སོགས་པ་བསྐྱེད་ཅིང༌། གསོད་པར་བྱེད་པའི་ལས་ཅནནམ། ཞེས་དང༌། ཡང་ན་བདུད་ཅེས་པ་ནི་དེ་ལས། ལམ་བཟང་པོ་ལས་ཟློག་ཏུ་བཅུག་ནསདཀའ་ཐུབ་ངན་པ་དང༌། ལྟ་བ་ངན་པ་ལ་སོགས་པ་ལ་ཡང་སྦྱོར་བར་བྱེད་པ་སྟེ། ཞེས་གསུངསསོ། །བདུ༷ད་ཀྱི༷་ལ༷ས་ནི་དེ་དག་ལ་བྱས་ནས་དེ་དག་རྣ༷མས་ལ༷ས་རྣམ་པར་གྲོ༷ལ་ཞི༷ང་རང་ཉིད་གང་དུ་གནས་ཤིང་སྤྱོད་པའི་འཇི༷ག་རྟེ༷ན་ཁམས་ཀྱི་འགྲོ༷་བ༷་སེམས་ཅན་ཐམས་ཅད་གང་རྣ༷མསསུ༷་སྤྱོད་པར་ཡ༷ང་རུང་སྟེ། དེ་དག་གིས་ཇི༷་ལྟ༷ར་རང་ཉིད་སྤྱོད་པ་ཡིན་ན་ཡང༌། པདྨོ༷་ཆུ༷འི་ནངདུ་གནས་ཀྱང་ཆུས་སྐྱོན་མི༷་ཆ༷གས་པ༷་བཞི༷ན་དང་མེ་ཏོག་འདམ་རྫབ་ལས་སྐྱེས་ཀྱང༌། འདམགྱི་སྐྱོན་གྱིས་མ་གོས་པ་ལྟར་རང་ཉིད་འཁོར་བ་ལ་གནས་ནས་རྟག་ཏུ་རྒྱལ་སྲས་ཀྱི་སྤྱད་པསྤྱོད་པ་ན་ཡང༌། ཉོན་མོངས་སོགས་སྐྱོན་གྱིས་མ་གོས་པའོ། །ཉི༷་མ་དང་ཟླ༷་བ་ན༷མ་མཁ༷ར་རྒྱུབ་ཡིན་ཡང་ཐོ༷གས་པ༷་མེ༷ད་པ་ལྟ༷ར་བྱང་ཆུབ་སེམས་དཔས་ལམ་ཕ་རོལ་ཏུ་ཕྱིན་པ་དྲུག་ལ་སྤྱོདཔ་ཐོགས་པ་མེད་པར་སྤྱ༷ད་པའི་དོན་ནམ། ཡང་ན་བཟང་སྤྱོད་འགྲེལ་བ་གཞན་འགའ་རེར། ཉི་ཟླ་གཉིས་ནམ་མཁར་ཐོགས་པ་མེད་པར་རྒྱུ་བའི་སྐབས་འཇིག་རྟེན་གྱི་ལོ་ཏོག་སོགས་སྨིནཔ་དང་བསྐྱེད་པ་སོགས་བྱས་ནས་ཕན་བཏགས་པ་ཡིན་ཡང༌། རྣམ་པར་རྟོག་པ་དང་རློམ་སེམསདང་ལན་ལ་རེ་བ་མེད་པ་ལྟར་བྱང་ཆུབ་སེམས་དཔའ་དག་གིས་ཀྱང་བསྡུ་དངོས་བཞིའི་སྒོནས་སེམས་ཅན་གཞན་ལ་ཕན་རྒྱ་ཆེན་པོར་བཏགས་ན་ཡང༌། ལན་ལ་རེ་བ་དང་རློམ་སེམསམེད་པར་ཐོགས་པ་མེད་པ་སྤྱད་ཅེས་སྦྱར་འདུག མདོར་ན་ཚིགས་སུ་བཅད་པ་འདི་དག་གི་སྐབསསུ་སྡིག་སྒྲིབ་སྦྱང་པ་དང༌། སྐྱོན་གསུམ་ལས་གྲོལ་བ་དང༌། མ་ཆགས་པར་སྨོན་ལམ་གནང་བ་རེད། དོན་ཚན་བཅུ་གཅིག་པ་སེམས་ཅན་ཐམས་ཅད་བདེ་བ་ལ་འགོད་པར་སྨོན་ལམ་མཛད་པ་ནི། ཞིང་གི་ཁྱོན་དང་ཕྱོགས་རྣམས་ཇི་ཙམ་པར། །ངན་སོང་སྡུག་བསྔལ་རབ་ཏུ་ཞི་བར་བྱེད། །བདེ་བ་དག་ལ་འགྲོ་བ་ཀུན་འགོད་ཅིང༌། །འགྲོ་བ་ཐམས་ཅད་ལ་ནི་ཕན་པར་སྤྱད། །སངས་རྒྱས་ཀྱི་ཞི༷ང་གི༷་ཁྱོ༷ན་ད༷ང་ཕྱོགས་བཅུ་ལ་སོགས་པའི་ཕྱོ༷གས་རྣ༷མས་ཇི༷་ཙ༷མ་ཡོདཔ༷་ཐམས་ཅད་ལ། ང༷ན་སོ༷ང་གི་སྡུ༷ག་བསྔ༷ལ་གྱིས་མཚོན་པའི་འགྲོ་བ་སེམས་ཅན་ཡོད་དོ་ཅོགགི་སྡུག་བསྔལ་ཐམས་ཅད་ར༷བ་ཏུ༷་ཞི༷་བ༷ར་བྱེ༷ད་ཅིང༌། བདེ༷་བ༷་མངོན་མཐོ་ལྷ་མིའི་གོ་འཕང་ནསབཟུང་སྟེ་ཐར་བ་དང་ཐམས་ཅད་མཁྱེན་པའི་གོ་འཕང་ད༷ག་ལ༷་འགྲོ༷་བ༷་སེམས་ཅན་ཀུ༷ན་དེའིབདེ་བ་དག་ལ་འགོ༷ད་ཅི༷ང༌། འགྲོ༷་བ༷་སེམས་ཅན་ཐ༷མས་ཅ༷ད་ལ༷་ནི༷་མཐར་ཐུག་མྱ་ངན་ལསའདས་པའི་རྟག་ཏུ་ཕ༷ན་པ༷་སྤྱོད་པར་གྱུར་ཅིག་ཅེས་སྨོན་ལམ་མཛད་པ་རེད། དོན་ཚན་བཅུ་གཉིས་པ་དང་བཅུ་གསུམ་པ་མཐའ་ཡས་པའི་རྣམ་འཕྲུལ་དང་འགྲོ་དོན་མི་ཟདཔར་སྤྱོད་པ་ནི། བྱང་ཆུབ་སྤྱོད་པ་ཡོངས་སུ་རྫོགས་བྱེད་ཅིང༌། །སེམས་ཅན་དག་གི་སྤྱོད་དང་མཐུན་པར་འཇུག ། བཟང་པོ་སྤྱོད་པ་དག་ནི་རབ་སྟོན་ཅིང༌། །མ་འོངས་བསྐལ་བ་ཀུན་ཏུ་སྤྱོད་པར་གྱུར། །བདག་ཉིད་ཀྱིས་བྱ༷ང་ཆུ༷བ་སེམས་དཔའི་སྤྱོ༷ད་པ༷་ལམ་ཕ་རོལ་ཏུ་ཕྱིན་པ་དྲུག་ལ་སོགསཔའི་སྤྱོད་པ་དག་ཡོ༷ངས་སུ༷་རྫོ༷གས་པར་བྱེ༷ད་ཅི༷ང༌། སེ༷མས་ཅ༷ན་རྣམས་ལ་ཁམས་མི་འདྲ་བ།མོས་པ་མི་འདྲ་བ། དབང་པོ་མི་འདྲ་བ། བག་ལ་ཉལ་མི་འདྲ་བ་སྣ་ཚོགས་ཡོད་པས་དེ་ད༷གགི༷་སྤྱོ༷ད་པ་ད༷ང་གང་གིས་གདུལ་བར་འགྱུར་བའི་ཐབས་ཀྱི་སྒོ་ནས་དཔེར་ན་ཁྱིམ་པའི་འདུལབར་འགྱུར་བ་ལ་ཁྱིམ་པས་འདུལ། རབ་ཏུ་བྱུང་བས་འདུལ་བར་འགྱུར་བ་ལ་རབ་ཏུ་བྱུང་བསའདུལ་བ་ལྟར་མཐུ༷ན་པ༷ར་འཇུ༷ག རང་གི་རྟོགས་པ་དང་མཐུན་པའི་བཟ༷ང་པོ༷་སྤྱོ༷ད་པ༷འི་ཆོསད༷ག་ནི༷་སེམས་ཅན་རྣམས་ལ་ར༷བ་ཏུ་སྟོ༷ན་ཅི༷ང༌། དེ་ཡང་རེ་ཞིག་གམ་དུས་ཐུང་ངུ་ཙམ་མིན་པརམ༷་འོ༷ངས་པའི་བསྐ༷ལ་བ༷་དཔག་ཏུ་མེད་པ་ཀུ༷ན་ཏུ༷་བཟང་པོའི་སྤྱོད་པ་དག་རབ་ཏུ་སྟོན་པར་རམ། སྤྱོ༷ད་པ༷ར་གྱུ༷ར་ཅིག་ཅེས་སྨོན་ལམ་མཛད་པ་རེད། གཉིས་པ་བྱང་ཆུབ་སེམས་དཔའི་གསང་བ་ཐུན་མོང་མ་ཡིན་པའི་དབང་དུ་བྱས་པའི་སྨོན་ལམ་ལ་དོན་ཚན་བརྒྱད་ལས་དེའི་སྡོམ་ནི།རྗེ་ཏཱ་ར་ནཱ་ཐའི་བཟང་སྤྱོད་འགྲེལ་བ་ལས། གྲོགསདང་བཤེས་གཉེན་སྒོ་གཉིས་བསྒྲུབ། །ཚོགས་ལས་རྒྱན་ཐོབ་སངས་རྒྱས་མཆོད། །ཡངས་དོགམེད་དང་གསུང་དབྱངས་འགྲུབ། །རྒྱལ་ཚབ་མཆོག་གི་སྤྱོད་པའོ། །བརྒྱད་པོ་དེ་ལ་དབང་འབྱོརདྲུག །ཆོས་སྟོན་དུས་དང་མཐོང་བ་དང༌། །སྤྱོད་ཡུལ་ཞིང་ཁམས་མཛད་པ་ལའོ། །རྩ་བའི་དོནཚན་བརྒྱད་དུ་འདོད། །ཅེས་གསུངས་སོ། །དོན་ཚན་དང་པོ་གྲོགས་ཕུན་སུམ་ཚོགས་པ་དང་ལྷནཅིག་པར་སྨོན་ལམ་དག་པས་མཚམས་སྦྱར་ནི། བདག་གི་སྤྱོད་དང་མཚུངས་པར་གང་སྤྱོད་པ། །དེ་དག་དང་ཡང་རྟག་ཏུ་འགྲོག་པར་ཤོག ། ལུས་དང་ངག་རྣམས་དང་ནི་སེམས་ཀྱིས་ཀྱང༌། །སྤྱོད་པ་དག་དང་སྨོན་ལམ་གཅིག་ཏུ་སྤྱད། །བདག་བྱང་ཆུབ་སེམས་དཔའི་སྤྱོད་པ་བཟང་པོ་ལ་སྦྱོར་བར་བྱེད་པའི་གྲོགས་བཟང་པོ། བད༷ག་གི༷་སྤྱོ༷ད་པ་ད༷ང་མཚུ༷ངས་པ༷ར་ག༷ང་སྤྱོ༷ད་པ༷འི་གྲོགས་དེ༷་ད༷ག་ད༷ང་ཡ༷ང་རྟ༷ག་ཏུ༷་འགྲོ༷ག་པ༷རཤོ༷ག་ཅེས་སྨོན་ལམ་མཛད་པ་རེད། རང་ཉིད་ཁྱིམ་གྱི་འཚོ་ཆས་ལ་དགའ་ཡང་གྲོགས་གཞནནི་དབེན་པར་དགའ་ན་སྤྱོད་པ་མཚུངས་པ་མིན་ཏེ། རྗེ་ཏཱ་ར་ནཱ་ཐའི་བཟང་སྤྱོད་འགྲེལ་བ་ལས། གྲོགས་ནི་བདག་དབེན་པར་གནས་པར་དགའ་བ་ལ།རང་ཉིད་ནི་ཁྱིམ་གྱི་འཚོ་ཆས་ལ་དགའབ་མི་འདོར་བ་དང༌། ཞེས་སོ། །དེ་ལྟར་འགྲོགས་པའི་སྒོ་ནས་ལུ༷ས་ད༷ང་ང༷ག་རྣ༷མས་ད༷ང་ནི༷་སེ༷མསཀྱི༷ས་ཀྱ༷ང་སྟེ་མི་དགེ་བའི་སྤྱོད་པ་མི་བྱེད་པར་མཐུན་པ་དང་ཆོས་ཕྱོགས་ཀྱི་བྱ་བ་མཐུན་པར་སྤྱོ༷ད་པ༷་ད༷ག་ད༷ང་སྨོ༷ན་ལ༷མ་དག་གཅི༷ག་ཏུ༷་མཐུན་པར་སྤྱ༷ད་པར་གྱུར་ཅིག་ཅེས་སྨོན་ལམ་གནངབ་དང༌། དེ་ནང་བཞིན་སྐབས་འདིར་གསུངས་པ་ལྟར། ང་ཚོས་ངེས་པར་གྲོགས་བཟང་པོ་མིགཞི་བརྟན་པོ། ཐོས་བསམ་སྒོམ་གསུམ་ལ་དགའ་སྤྲོ་ཡོད་མཁན། མི་གཤིས་དྲང་བ། ལྷག་བསམཅན། གཞན་ཕན་ཅན་ཞིག་དང་འགྲོག་དགོས་པར་མ་ཟད། ང་ཚོས་གྲོགས་ཤིག་དང་འགྲོགསན་ཡང་གྲོགས་ངན་པ་མི་བསྟེན་རྒྱུ་གལ་ཆེན་ཡིན་ཏེ། སངས་རྒྱས་བཅོམ་ལྡན་འདས་ཀྱིས་ཀྱང༌། བདག་ནི་གྲོགས་ངན་པ་ལ་འཇིགས་ཀྱི། གླང་པོ་ཆེ་སྨྱོན་པ་ལ་ནི་མ་ཡིན་ནོ། །ཞེས་གསུངསཔ་ལྟར་གྲོགས་ངན་པ་ལ་འགྲོགས་ན་སྐྱེ་བ་དང་ཚེ་རབས་ཀུན་ཏུ་ཐར་བ་དང་ཐམས་ཅད་མཁྱེནཔའི་སྲོག་རྩ་བཅད་འགྲོ་བ་རེད། ཡིན་ན་ཡང་གླང་པོ་ཆེ་སྨྱོན་པ་དང་ཐུག་ན་ཚེ་འདིའི་སྲོག་དངབྲལ་བར་བྱེད་པ་ལས་སྐྱེ་བ་ནས་ཚེ་རབས་ཐམས་ཅད་དུ་ཐར་བའི་སྲོག་རྩ་གཅོད་མི་ཐུབ་པལྟར་ཡིན་པས་གྲོགས་ངན་དོར་ནས་གྲོགས་བཟང་པོ་ཞིག་བསྟེན་རྒྱུ་གལ་ཆེན་པོ་ཡིན། ཁ་སངདེ་རིང་གྲྭ་བ་མང་པོས་རང་གི་མཆེད་གྲོགས་འགའ་རེས་ཚུལ་ཁྲིམས་འཆལ་ཚར་རྒྱབ་མཆེདགྲོགས་ཡིན་ཟེར་ནས་ནམ་རྒྱུན་མཉམ་འགྲོ་མཉམ་འདུག་རྐྱང་རྐྱང་བྱེད་ཀྱིན་འདུག དེ་ནི་མིརུང་སྟེ། གསང་སྔགས་དང་འདུལ་བའི་གཞུང་གང་གི་སྐབས་ཡིན་ན་ཡང༌། ཚུལ་ཁྲིམས་འཆལབ་དང་མཉམ་དུ་ཆོས་དང་ཟང་ཟིང་མང་པོ་སྤྱད་ན་ཉེས་པ་མང་པོ་ཡོད་ཅེས་གསུངས་པ་ལྟརནམ་རྒྱུན་མཉམ་འགྲོ་མཉམ་འདུག་བྱེད་མི་ཉན། རེད་དེ། དེ་ལ་ཞེ་སྡང་གིས་མི་བལྟ་བར་བྱམསཔ་དང་སྙིང་རྗེ་བསྒོམ་དགོས། སྤྱིའི་ཆ་ནས་ཚུལ་ཁྲིམས་འཆལ་ཚར་རྗེས་ལམ་ཁ་ཁ་ཆགསསོང་བ་རེད། འཇིག་རྟེན་ཁ་དཔེར། སྐྱ་ལམ་སེར་ལམ་ཁ་ཁ། །ཤང་ལང་དབྱུག་པ་སོ་སོ། །ཞེསཟེར་བ་ལྟར་ཞེ་སྡང་གིས་མི་བལྟ་བར་ལམ་ཁ་སོ་སོ་ནས་འགྲོ་དགོས་ལ། ནམ་རྒྱུན་མཉམའགྲོ་མཉམ་འདུག་བྱེད་ན་རང་ཤུགས་ཀྱིས་དེའི་སྐྱོན་དེ་འགོ་འོང་བས། དེ་ལས་ཞེ་སྡང་གིསམི་བལྟ་བར་རང་ཉིད་ཀྱིས་མི་གཞི་བརྟན་པོའི་ངང་ནས་རང་གི་ལམ་ཁ་ལ་བསྐྱོད་དགོས། དེལྟར་བསྐྱོད་ཀྱང་ཉེས་པ་ནི་མེད་ལ། ང་ཚོས་ཆོས་རའི་ནང་ཡིན་ན་ཡང༌། རང་རང་གིས་ལུངདང་རིགས་པའི་རྒྱབ་བརྟེན་ཡོད་པའི་སྒང་ནས་ཕ་རོལ་བོའི་དམ་བཅའ་འཇིག་པར་བྱེད་ནཉེས་པ་གང་ཡང་མེད། རེད་དེ། གཞན་ལས་རྒྱལ་ཆེད་རང་གི་ལྟ་བ་ལ་ཆགས། གཞན་གྱི་ལྟབ་ལ་སྡང་བའི་སྒོ་ནས་མི་གཞི་དམའ་འབེབས་དང་ཁྱད་གསོད་བྱས་ན་མི་རུང༌། དཔལ་ལྡནཟླ་བ་གྲགས་པས་ཀྱང་དབུ་མ་འཇུག་པ་ལས། བསྟན་བཅོས་ལས་དཔྱད་རྩོད་ལ་ཆགས་པའིཕྱིར། །མ་མཛད་རྣམ་གྲོལ་ཕྱིར་ནི་དེ་ཉིད་བསྟན། །གལ་ཏེ་དེ་ཉིད་རྣམ་པར་བཤད་པ་ན། །གཞན་གཞུང་འཇིག་པར་འགྱུར་ན་ཉེས་པ་མེད། །ཅེས་གསུངས་པ་ལྟར་རེད། དེས་ན་གྲོགསབཟང་པོ་ཞིག་བསྟེན་པ་གལ་ཆེ་བའི་སྟེང་ནས་རང་ཉིད་སྔོན་བག་མེད་ཅིག་ཡིན་ན་ཡང༌། རྗེསསུ་སྤྱོད་པ་བཟང་པོ་བྱེད་དགོས། ང་ཚོའི་སྐྱོན་ནི་བདེན་པར་མ་གྲུབ་པས་ཆ་ནས་བསྒྱུར་བཅོསབཏང་ཆོག་ལ། སྔོན་སྐྱོན་ཅན་ཞིག་ཡིན་ན་ཡང༌། རྗེས་ནས་སྐྱོན་མེད་ཀྱི་མི་ཞིག་ཏུ་གྱུར་ཆོགཆོག་ཡིན་པས་ན་ང་ཚོས་སྐྱོན་ལ་བསྒྱུར་བཅོས་གཏང་དགོས། དེ་རིང་འདི་ནས་མཚམས་འཇོགརྒྱུ་ཡིན། དོན་ཚན་གཉིས་པ་དགེ་བའི་བཤེས་གཉེན་བསྟེན་ཅིང་མཉེས་པར་བྱེད་པ་ནི། བདག་ལ་ཕན་པར་འདོད་པའི་གྲོགས་པོ་དག ། བཟང་པོ་སྤྱོད་པ་རབ་ཏུ་སྟོན་པ་རྣམས། །དེ་དག་དང་ཡང་རྟག་ཏུ་འཕྲད་པར་ཤོག ། དེ་དག་བདག་གིས་ནམ་ཡང་ཡིད་མི་དབྱུང༌། །བད༷ག་ལ༷་ཕ༷ན་པ༷ར་འདོ༷ད་པ༷འི་གྲོ༷གས་པོ༷་སྟེ་དགེ་བའི་བཤེས་གཉེན་ད༷ག་གིས་འཕགསཔ་ཀུན་ཏུ་བཟ༷ང་པོ༷འི་སྤྱོ༷ད་པ༷འམ་ཡང་ན་རྒྱལ་སྲས་ཀྱི་ལམ་ཕ་རོལ་ཏུ་ཕྱིན་པ་དྲུག་ལ་སོགསཔའི་སྤྱོད་པ་བཟང་པོ་ཐམས་ཅད་དང་ཆོས་ཀྱི་ལག་ལེན་ཀུན་ར༷བ་ཏུ༷་སྟོ༷ན་པར་མཛད་པའི་བཤེསགཉེན་རྣ༷མས་ཐེག་ཆེན་གྱི་དགེ་བའི་བཤེས་གཉེན་དེ༷་ད༷ག་ད༷ང་ཡ༷ང་ཚེ་རབས་ཀུན་ཏུ་རྟ༷ག་ཏུ༷་འཕྲ༷ད་པ༷ར་ཤོ༷ག་ཅིག་ཅེས་སྨོན་ལམ་མཛད་པ་རེད། དེ་ལྟར་སྨོན་ལམ་བཏབ་པ་ལྟར་ང་ཚོསནམ་རྒྱུན་སྐྱེ་བ་འདི་དང་སྐྱེ་བ་ནས་ཚེ་རབས་ཐམས་ཅད་དུ་མཚན་ཉིད་དང་ལྡན་པའི་དགེ་བའིབཤེས་གཉེན་ཞིག་དང་འཕྲད་པར་སྨོན་ལམ་གནང་དགོས། ང་ཚོས་ནམ་རྒྱུན་ཞལ་འདོནམཛད་སྐབས་སུ། སྐྱེ་ཞིང་སྐྱེ་བ་དག་ནི་ཐམས་ཅད་དུ། །རིགས་བཟང་བློ་གསལ་ང་རྒྱལ་མེདཔ་དང༌། །སྙིང་རྗེ་ཆེ་ཞིང་བླ་མ་ལ་གུས་ཤིང༌། །དཔལ་ལྡན་བླ་མའི་དམ་ཚིག་ལ་གནས་ཤོག ། ཅེས་གསུངས་པ་ལྟར་སྨོན་ལམ་གནང་དགོས་འདུག དེ་ལྟར་གནང་དགོས་པའི་རྒྱུ་མཚན་དེ་ཡང་བླ་མ་དགེ་བའི་བཤེས་གཉེན་མཚན་ཉིད་དང་ལྡན་པ་ཞིག་དང་འཕྲད་ན་སངས་རྒྱས་བཅོམལྡན་འདས་ཀྱིས་གསུངས་པའི་ནང་བའི་ཆོས་ཡང་དག་པ་བླང་དོར་གྱི་གནས་ཚུལ་ཇི་བཞིནཔ་ཞིག་བསྟན། བསྟན་ནས་རང་གིས་ཇི་བཞིན་དུ་ཉམས་སུ་ལེན་མ་ཐུབ་ན་ཡང༌། བག་ཆགསཁྱད་པར་བ་བཞག་པའི་དགོས་པ་མང་པོ་འདུག གལ་སྲིད་རང་གི་བླ་མ་དེ་ཡང་ནང་ཆོས་མིཤེས་མཁན་ཞིག་ཡིན་ན་ལོང་པས་ལོང་པ་ཁྲིད་པ་ལས་ཅི་ཡང་མེད་པས། ལོང་པས་ལོང་པཁྲིད་ན་གཡང་སར་ལྟུང་ངེས་ཡིན་པས་བླ་མ་མཚན་ཉིད་དང་ལྡན་པ་ཞིག་བསྟེན་རྒྱུ་གལ་ཆེན་ཡིནཔ་དང༌། བླ་མ་མཚན་ཉིད་དང་ལྡན་པ་ཞིག་དང་འཕྲད་པར་སྨོན་ལམ་གནང་རྒྱུ། ལོག་པའིབཤེས་གཉེན་དང་སྡིག་པའི་གྲོགས་སོགས་ལ་མི་འཕྲད་པར་སྨོན་ལམ་ངེས་པར་གནང་དགོས། ཚེ་འདིར་ཡང་བླ་མ་ཞིག་བསྟེན་ན་གཞུང་ལུགས་རྣམས་ཀྱི་སྐབས་སུ་བླ་མའི་མཚན་ཉིད་མངཔོ་གསུངས་པ་རེད་དེ། གཙོ་བོ་ནི་ཆོས་ཀྱི་གནས་ལུགས་ཕྱིན་ཅི་མ་ལོག་པར་སྟོན་ཤེས་མཁནཞིག་དང་ལྷག་བསམ་ཅན་རང་ལས་ཡོན་ཏན་གོང་མ་ཅན་ཞིག་བསྟེན་དགོས་ཤིང༌། བསྟེནཚུལ་ཡང་ཆོས་འབྲེལ་མ་ཞུས་པའི་སྔ་རོལ་ཏུ་ངེས་པར་དུ་བརྟག་དགོས་པར་རྗེ་ཏཱ་ར་ནཱ་ཐའི་ལྷན་ཐབས་འོད་བརྒྱ་འབར་བ་ལས་གསུངས་པ་ལྟར་ཐོག་མར་བླ་མ་བརྟག་དགོས། གལ་སྲིདབསྟེན་རྗེས་རང་གི་བླ་མ་ལ་བླ་མའི་མཚན་ཉིད་དང་མི་ལྡན་པ་ཞིག་ཡིན་པར་རྟགས་དང་རྒྱུ་མཚན་གྱི་སྟེང་ནས་ཡང་དག་པ་ཞིག་ཧ་གོ་སོང་བ་ཡིན་ན་ཡང༌། བླ་མ་དེ་བླ་མ་ཡིན་པར་བཞགནས། བླ་མ་གཞན་ཞིག་བསྟེན་དགོས་ཏེ། ཇོ་ནང་ཀུན་མཁྱེན་རིན་པོ་ཆེས་དབང་ཆོག་ཡེ་ཤེསརྒྱ་མཚོའི་སྐབས་སུ་བླ་མ་དེ་མཚན་ཉིད་དང་མི་ལྡན་པ་ཞིག་དང་ཆོས་སྟོན་པ་དེ་ཡང་དག་པ་ཞིག་མིན་ཚེ་བླ་མ་ལ་ཟང་ཟིང་གི་སྦྱིན་པས་མཉེས་པར་བྱས་ནས་བླ་མ་གཞན་བསྟེན་དགོསཞེས་གསུངས་ཡོད། ཁ་སང་དེ་རིང་སྙིགས་མའི་དུས་འདིར་མཚོན་ན་ཕལ་ཆེ་བས་དགེ་བའིབཤེས་གཉེན་ལ་བརྫུས་ནས་འགྲོ་བཞིན་པ་དང་མང་ཆེ་བས་ཆེ་ཆེ་རྫིག་རྫིག་བྱེད་བཞིན་པའིསྐབས་འདིར་དེ་འདྲའི་གདམས་ངག་དེ་ཡིད་ལ་འཛིན་རྒྱུ་ཧ་ལས་པའི་གལ་ཆེན་པོ་རེད། མཚནཉིད་དང་ལྡན་པའི་དགེ་བའི་བཤེས་གཉེན་དེ་འདྲ་དང་འཕྲད་ནས་དེ༷་ད༷ག་ལ་བད༷ག་གི༷ས་དུསན༷མ་ཡ༷ང་སྐད་ཅིག་ཙམ་ལ་ཐུགས་ཡི༷ད་མི༷་དབྱུ༷ང་བར་གྱུར་ཅིག་ཅེས་སྨོན་ལམ་མཛད་པ་རེད། ཡིད་དབྱུང་བ་ནི་ཐུགས་མི་དགྱེས་པའི་དོན་ཡིན་ལ། དེས་ན་བླ་མའི་ཐུགས་དཀྲུགས་ནས་ཆོསམིན་གྱི་ལས་མི་བསགས་པར་རྟག་ཏུ་བླ་མ་མཉེས་པའི་ཐབས་ལ་འབད་པར་བྱེད་དོ་ཞེས་རྗེཏཱ་ར་ནཱ་ཐའི་བཟང་སྤྱོད་འགྲེལ་བ་ལས་དེ་ལྟར་གསུངས་འདུག དེ་ནང་བཞིན་རྗེ་ཏཱ་ར་ནཱ་ཐསབཟང་སྤྱོད་འགྲེལ་བ་འདིའི་སྐབས་སུ། བཤེས་གཉེན་བསྟེན་ཚུལ་ནི་སྡོང་པོ་བཀོད་པ་ལསཁྱེའུ་དཔལ་འབྱུང་གི་རྣམ་ཐར་ལས་རྟོགས་པར་བྱའོ། །ཞེས་ཞལ་འཕངས་མཛད་འདུག དེསན་ཁྱེད་རྣམ་པ་ཚོས་ཁྱེའུ་དཔལ་འབྱུང་གི་རྣམ་ཐར་ལ་ཡང་གཟིགས་དགོས་འདུག བླ་མ་ལྔབཅུ་བའི་སྐབས་སུ་སྔགས་བླ་མེད་ཀྱི་སྐབས་སུ་བསྟན་པའི་བླ་མ་བསྟེན་ཚུལ་གྱི་རིམ་པ་དེ་དགགསུངས་པ་ཡིན་པས་དེ་ལ་ཡང་གཟིགས་རྒྱུ་གལ་ཆེན་པོ་རེད། དེས་ན་བླ་མ་བསམ་སྦྱོར་གཉིསཀྱི་སྒོ་ནས་ལེགས་པར་བསྟེན་དགོས། བླ་མ་དགྱེས་པའི་བྱ་བ་ནི་བླ་མའི་བཀའ་དེ་དག་ཆོས་བཞིན་དུ་བསྒྲུབས། ཚུལ་ཁྲིམས་ཀྱི་བསླབ་པའི་གཞི་བྱས་པའི་སྟེང་ནས་ཐོས་བསམ་སྒོམ་གསུམདང་བསླབ་པ་སློབ་གཉེར་བྱེད་རྒྱུ་ནི་བླ་མ་དགྱེས་པའི་མཆོད་སྤྲིན་ཨང་དང་པོ་ཡིན་པ་རེད། དེ་ཡང་རྗེ་ཏཱ་ར་ནཱ་ཐའི་བཟང་སྤྱོད་འགྲེལ་བ་ལས། དེ་མཉེས་པའི་ཐབས་ཀྱང་ཆོས་སྤྱོད་ལསགཞན་དུ་མེད་པས་བྱང་ཆུབ་སེམས་དཔའི་སྤྱོད་པ་རྣམས་ལ་སློབ་དགོས་པར་གྲུབ་ལ། ཞེསགསུངས་སོ། །དོན་ཚན་གསུམ་པ་སྒོ་དང་པོ་ཆོས་ཀྱི་སྒོའི་ཏིང་ངེ་འཛིན་ཐོབ་པའི་དབང་དུ་བྱས་པའི་སྨོན་ལམ་ནི། སངས་རྒྱས་སྲས་ཀྱིས་བསྐོར་བའི་མགོན་པོ་རྣམས། །མངོན་སུམ་རྟག་ཏུ་བདག་གིས་རྒྱལ་བ་བལྟ། །མ་འོངས་བསྐལ་བ་ཀུན་ཏུ་མི་སྐྱོ་བར། །དེ་དག་ལ་ཡང་མཆོད་པ་རྒྱ་ཆེར་བགྱི། །རྒྱལ་བ་ས༷ངས་རྒྱ༷ས་རྣམས་དེའི་སྲ༷ས་བྱང་ཆུབ་སེམས་དཔས་བསྐོ༷ར་བ་ཡང་ཡིན་ལ། མཐའཡས་པའི་འགྲོ་བ་ཀུན་གྱི་མགོ༷ན་པོ༷ར་གྱུར་པ་རྣ༷མས་ཆོས་ཀྱི་སྒོ་ཆོས་རྒྱུན་གྱི་ཏིང་ངེ་འཛིན་ཐོབཔ་ནས་དེ་དག་ཐམས་ཅད་ཡིད་ཀྱི་མངོ༷ན་སུ༷མ་དུ་དུས་རྟ༷ག་ཏུ༷་བད༷ག་གི༷ས་རྒྱ༷ལ་བ༷་དེ་དག་བལྟ༷ཞེས་གསུངས་པ་དང༌། མངོན་སུམ་དུ་མཐོང་བ་དེ་ཡང་སྐད་ཅིག་ཙམ་མམ་སྐོར་གཅིག་ལནགཅིག་ཙམ་མིན་པར་མ༷་འོ༷ངས་པའི་བསྐ༷ལ་བ༷་ཀུ༷ན་ཏུ༷་རྒྱུན་མི་ཆད་པར་སངས་རྒྱས་དེ་དག་ལམི༷་སྐྱོ༷་བ༷ར་མངོན་སུམ་དུ་མཐོང་ཞིང༌། མཐོང་བ་དེའི་སྒོ་ནས་སངས་རྒྱས་དེ༷་ད༷ག་ལ༷་ཡ༷ང་མཆོ༷དཔ༷་རྒྱ༷་ཆེ༷ར་བགྱི༷་ཞེས་གསུངས་པ་དང༌། སངས་རྒྱས་མངོན་སུམ་དུ་མ་མཐོང་བ་དེ་དག་གིས་མའོངས་པ་ན་ཆོས་རྒྱུན་གྱི་ཏིང་ངེ་འཛིན་ཐོབ་ནས་སངས་རྒྱས་མངོན་སུམ་དུ་མཐོང་བར་ཤོག་ཅིག་ཅེས་སྨོན་ལམ་མཛད་དགོས་ཏེ།ཆོས་རྒྱུན་གྱི་ཏིང་ངེ་འཛིན་ཐོབ་པའི་ས་མཚམས་དེ་ཡངཐེག་ཆེན་ཚོགས་ལམ་ཆེན་པོའི་སྐབས་ནས་ཐོབ་ཅེས་རྗེ་ཏཱ་ར་ནཱ་ཐས་བཟང་སྤྱོད་འགྲེལ་བ་ལས། དད་པའི་ས་ཆེན་པོ་ལ་གནས་པའི་རྫུ་འཕྲུལ་གྱི་རྐང་པ་བཞི་ཐོབ་པ་ཡན་ཆད་དུ། ཐམསཅད་ལ་ཡོད་པ་ཡིན་ཡང༌། ཞེས་གསུངས་སོ། །ཆོས་ཀྱི་སྒོ་གཉིས་པ་གཟུངས་ཀྱི་སྒོ་ནི། རྒྱལ་བ་རྣམས་ཀྱི་དམ་པའི་ཆོས་འཛིན་ཅིང༌། །བྱང་ཆུབ་སྤྱོད་པ་ཀུན་ཏུ་སྣང་བར་བྱེད། །བཟང་པོ་སྤྱོད་པ་རྣམ་པར་སྦྱོང་བ་ཡང༌། །མ་འོངས་བསྐལ་བ་ཀུན་ཏུ་སྤྱད་པར་བགྱི། །གོང་ནས་ཆོས་རྒྱུན་གྱི་ཏིང་ངེ་འཛིན་ཐོབ་པ་ནས་སངས་རྒྱས་དེ་དག་མངོན་སུམ་དུ་བལྟསནས་མངོན་སུམ་གྱི་ཡུལ་དུ་གྱུར་བའི་རྒྱ༷ལ་བ༷་སངས་རྒྱས་རྣ༷མས་ཀྱི༷ས་གསུངས་པའི་ད༷མ་པ༷འིལུང་གི་ཆོས་ཆོ༷ས་ཕུང་བརྒྱད་ཁྲི་བཞི་སྟོང་དེར་ཚུར་བསྡུ་ན་གསུང་རབ་ཡན་ལག་བཅུ་གཉིསསོགས་མི་བརྗེད་པར་བཟུང་བའི་སྒོ་ནས་འཛི༷ན་པར་བྱེད་ཅི༷ང༌། སེམས་ཅན་རྣམས་ལ་བྱ༷ང་ཆུ༷བ་སེམས་དཔའི་སྤྱོ༷ད་པ༷་རྒྱལ་སྲས་ཀྱི་ལམ་ཕ་རོལ་ཏུ་ཕྱིན་པ་དྲུག་ལ་སོགས་པའི་སྤྱོད་པ་དག་ཀུ༷ན་ཏུ༷་སྟོན་པར་བྱེད་པས་སྣ༷ང་བ༷ར་བྱེ༷ད་ཅེས་དང༌། བདག་གིས་ཀྱང་བཟ༷ང་པོ༷་སྤྱོ༷ད་པ༷བླངས་ཤིང་རྣ༷མ་པ༷ར་སྦྱོ༷ང་བ༷་དང་གཞན་ལ་འཆད་པ་དེ་དག་ཀྱང༌། རེ་ཞིག་ཙམ་མིན་པར་མ༷འོ༷ངས་པའི་བསྐ༷ལ་བ༷་དཔག་ཏུ་མེད་པ་ཀུ༷ན་ཏུ༷་བྱང་ཆུབ་སེམས་དཔའི་སྤྱོད་པ་དེ་སྤྱ༷ད་པ༷ར་བགྱི༷འོཞེས་གསུངས་པ་རེད། འདིའི་སྐབས་སུ་ཆོས་ཀྱི་སྒོ་ལ་གཉིས་ལས་གཟུངས་ཀྱི་སྒོ་ཐོབ་པ་རེད། དེ་ཐོབ་པའི་ས་མཚམས་སྦྱོར་ལམ་སོགས་ལ་ཡར་སྦྱོར་གྱིན་ཡོད་ལ། ཡིན་ན་ཡང༌། ང་ཚོསད་ལྟའི་གནས་སྐབས་སུ་ཡང་སངས་རྒྱས་ཀྱིས་གསུངས་པའི་ཆོས་དེ་དག་ཅི་ནུས་ཅི་ལྕོགས་ཀྱིས་བཟུང༌། བཟུང་བ་དེ་ཡང་ལྷག་བསམ་རྣམ་པར་དག་པ་དང་བསྙེན་བཀུར་སྙན་གྲགསསོགས་ཀྱི་བསམ་པ་དང་མ་འདྲེས་པའི་སྒོ་ནས་གཞན་ལ་མ་ནོར་བར་སྟོན། སྟོན་པ་དེ་ཡངམ་འོངས་པའི་བསྐལ་བ་ཀུན་ཏུ་དེ་ལྟར་སྟོན་པར་བགྱིའོ་ཞེས་སྨོན་ལམ་གནང་དགོས། དོན་ཚན་བཞི་བ་ཚོགས་གཉིས་མང་དུ་བསགས་པས་ཚོགས་གཉིས་ཀྱི་སྟོབས་རྙེད་པ་ནི། སྲིད་པ་ཐམས་ཅད་དུ་ཡང་འཁོར་བ་ན། །བསོད་ནམས་ཡེ་ཤེས་དག་ནི་མི་ཟད་བརྙེས། །ཐབས་དང་ཤེས་རབ་ཏིང་འཛིན་རྣམ་ཐར་དང༌། །ཡོན་ཏན་ཀུན་གྱི་མི་ཟད་མཛོད་དུ་གྱུར། །སྲི༷ད་པ༷་བྱུང་བ་དང་འབྱུང་འགྱུར་ཁམས་གསུམ་གྱི་སྲིད་པ་ཐ༷མས་ཅ༷ད་དུ༷་ཡ༷ང་འཁོ༷ར་བརའཁོར་ཞིང་སྐྱེ་བ༷་ན༷། ཡང་ན་མདོ་སྡེ་རྒྱན་གྱི་སྐབས་སུ་གསུངས་པ་ལྟར་སྐྱེ་བ་ལེན་ཚུལ་བཞིའིསྒོ་ནས་འཁོར་བར་སྐྱེ་བ་ལེན་པ་ན། བསོ༷ད་ན༷མས་དང་ཡེ༷་ཤེ༷ས་ཀྱི་ཚོགས་ད༷ག་ནི༷་མི༷་ཟ༷ད་པརཁྱད་པར་དུ་འཕགས་ནས་གོང་ནས་གོང་དུ་འཕེལ་བར་བརྙེ༷ས་པ། སེམས་ཅན་རྣམས་སྒྲོལབ་ལ་སངས་རྒྱས་ཀྱི་ཆོས་རྫོགས་པའི་ཐ༷བས་ལ་མཁས་པ་ད༷ང༌། སེམས་ཅན་རྣམས་ཀྱི་དོན་སྤྱོད་པ་ལ་མཁས་པའི་རྟེན་འབྲེལ་རྟོགས་པའི་ཤེ༷ས་ར༷བ་དང་དེ་བཞིན་ཉིད་སོགས་རྟོགས་པའིཤེས་རབ། ནམ་མཁའ་མཛོད་དང་དྲི་མ་མེད་པའི་ཕྱག་རྒྱ་ལ་སོགས་པ་ཏི༷ང་ངེ་འཛི༷ན་མཐའཡས་པ་རྣམས་དང༌། རྣ༷མ་པར་ཐ༷ར་བ་བརྒྱད་ད༷ང༌། ཡོ༷ན་ཏ༷ན་ཐམས་ཅད་དམ་ཡོན་ཏན་ཁྱདཔ་བ་ཀུ༷ན་གྱི༷་མི༷་ཟ༷ད་པ་མཛོ༷ད་ལྟ་བུར་གྱུ༷ར་ཅིག་ཅེས་སྨོན་ལམ་མཛད་པ་རེད། མདོར་ན་ཚིགསབཅད་འདིའི་སྐབས་སུ་ཚོགས་གཉིས་མང་དུ་བསགས་ནས་ཚོགས་གཉིས་ཀྱི་སྟོབས་ཀྱིས་ཐབསདང་ཤེས་རབ་ལ་སོགས་པའི་ཡོན་ཏན་ཀུན་གྱི་མི་ཟད་པའི་གཏེར་ལ་ལོངས་སྤྱོད་པའམ་དེ་ཐོབ་པར་གྱུར་ཅིག་ཅེས་སྨོན་ལམ་གནང་བ་ཡིན་ལ། དེས་ན་ཚོགས་གཉིས་བསག་རྒྱུ་གལ་ཆེནཡིན་ཏེ། མདོ་སྡེ་རྒྱན་གྱི་སྐབས་སུ་བསོད་ནམས་ཀྱི་ཚོགས་ལས་མངོན་མཐོ་ངེས་ལེགས་ཐོབཔ་དང༌། ཐོས་བསམ་སྒོམ་གསུམ་གྱི་ཤེས་རབ་ཀྱི་ཚོགས་ཀྱིས་ཉོན་མོངས་སོགས་མེད་པརབྱེད་ཐུབ་ཅེས་གསུངས་སོ། །ཕར་ཕྱིན་དྲུག་གི་ནང་ནས་སྦྱིན་པ་དང་ཚུལ་ཁྲིམས་གཉིས་བསོདནམས་ཀྱི་ཚོགས་དང༌། ཤེས་རབ་ཡེ་ཤེས་ཀྱི་ཚོགས། བསམ་གཏན་བརྩོན་འགྲུས་བཟོད་པགཞན་གསུམ་བསོད་ནམས་དང་ཡེ་ཤེས་ཀྱི་ཚོགས་གཉིས་ཀ་ཡིན་པར་མདོ་སྡེ་རྒྱན་གྱི་སྐབསསུ་གསུངས་པ་རེད། དེས་ན་བསོད་ནམས་ཀྱི་ཚོགས་ལས་མངོན་མཐོ་ངེས་ལེགས་ཐོབ་པར་གསུངས་ན་ཡང༌། སྲིད་པའི་རྩ་བ་གཅོད་པ་ལ་ངེས་པར་ཤེས་རབ་དགོས་ཏེ། ཤེས་རབ་མེདན་སྲིད་པའི་རྩ་བ་གཅོད་མི་ཐུབ། ཕྱག་འཚལ་བ་བསྐོར་བ་བྱེད་པ་མཆོད་པ་འབུལ་བ་སྐུ་གསུངཐུགས་རྟེན་བཞེངས་པ་དེ་དག་ལ་བསོད་ནམས་མེད་པ་མིན་པར་མ་ཟད། སྐབས་རེར་དེ་དགབསོད་ནམས་རླབས་ཆེ་བ་རྒྱ་ཆེ་བ་ཡིན་པར་གསུངས་ཡོད་པ་རེད་དེ། བསོད་ནམས་ཀྱི་ཚོགསདེ་དག་མདོ་ལ་སོགས་པའི་སྐབས་སུ་བལྟས་འོང་དུས་ཐོས་བསམ་སྒོམ་གསུམ་གྱི་སྐལ་བ་མེདམཁན་རྒྱལ་བོ་སོགས་དེའི་སྐོར་ལ་དགེ་འདུན་ལ་བསྙེན་བཀུར་བྱས་ན་བསོད་ནམས་རླབསཆེན་འབྱུང་ཞེས་གཙོ་བོ་ཁྱིམ་པའི་སྐོར་ལ་གསུངས་པ་དང༌། རབ་བྱུང་དག་ལ་སྤོང་བ་བསམགཏན་དང་ཀློག་པ་ཐོས་བསམ་དགོས་ཞེས་གསུངས་པ་དང་དེ་བྱས་ན་བསོད་ནམས་རླབས་ཆེན་འབྱུང་ཞེས་གསུངས་པ་རེད། དེས་ན་བསོད་ནམས་ཀྱི་ཚོགས་བསགས་པ་ཡིན་ན་མངོནམཐོ་ངེས་ལེགས་ཐོབ་པ་དང༌། དེའི་སྟེང་ནས་ཤེས་རབ་ཡེ་ཤེས་ཀྱི་ཚོགས་དེ་ཉིད་ཀྱིས་སྲིད་པའི་རྩ་བ་གཅོད་ཐུབ། སྲིད་པ་འཁོར་བ་ལས་གྲོལ་དགོས་ན་སྲིད་པའི་རྩ་བ་བདག་འཛིན་སྤངདགོས་པས། དེ་སྤང་པ་ལ་ངེས་པར་བདག་མེད་རྟོགས་པའི་ཤེས་རབ་རྒྱུད་ལ་བསྐྱེད་དགོས། དེ་མ་གཏོགས་མདོ་ལས་དེ་བཞིན་གཤེགས་པ་སངས་རྒྱས་ཀྱི་སྐུ་གཟུགས་སྟོང་ཕྲག་འགྲུབ་པར་བྱེད་ན་ངན་སོང་དུ་འགྲོ་མི་དགོས་པར་གསུངས་པ་དང༌། ཕྱག་ལན་གཅིག་འཚལ་ན་ཡངལུས་ཀྱིས་ནོན་པའི་རྡུལ་གྲངས་དང་མཉམ་པའི་འཁོར་ལོའི་བསྒྱུར་རྒྱལ་གྱི་སྐྱེ་བ་ལེན་ཐུབཔར་གསུངས་པ་རེད་དེ། ཆོས་ཀྱི་ཡོན་ཏན་བསམ་གྱིས་མི་ཁྱབ་པ་ཡིན་པས་དེ་དག་གིས་མངོནམཐོ་ཙམ་ཐོབ་པར་བྱེད་པ་ཡིན་ཡང༌། དེ་ཙམ་གྱིས་འཁོར་བ་ལས་ཐར་མི་ཐུབ། མངོན་མཐོལྷ་མིའི་གོ་འཕང་ཐོབ་སོང་ན་འཁོར་བའི་ནང་ནས་བདེ་ཤོས་སྐྱིད་ཤོས་ཞིག་ལ་སྐྱེ་སོང་བ་རེདདེ། དེ་ཡིད་རྟོན་སྐད་ཅིག་ཙམ་ཡང་མེད་པས་གཏན་གྱི་བདེ་བ་ཐོབ་པའི་ཆེད་དུ་ངེས་པར་ཤེསརབ་ལ་བརྟེན་དགོས། དེ་རིང་འདི་ནས་མཚམས་འཇོག་གི་ཡིན། དོན་ཚན་ལྔ་པ་སངས་རྒྱས་ཐམས་ཅད་ཀྱི་ཞལ་བལྟ་ཞིང་མཆོད་པ་ནི། རྡུལ་གཅིག་སྟེང་ན་རྡུལ་སྙེད་ཞིང་རྣམས་ཏེ། །ཞིང་དེར་བསམ་གྱིས་མི་ཁྱབ་སངས་རྒྱས་རྣམས། །སངས་རྒྱས་སྲས་ཀྱི་དབུས་ན་བཞུགས་པ་ལ། །བྱང་ཆུབ་སྤྱད་པ་སྤྱོད་ཅིང་བལྟ་བར་བགྱི། །རྡུ༷ལ་གཅི༷ག་གི་གོ་སའི་སྟེ༷ང་ན༷་ཕྱོགས་བཅུའི་འཇིག་རྟེན་གྱི་རྡུ༷ལ་ཇི་སྙེ༷ད་ཡོད་པ་དེ་སྙེདཀྱི་གྲངས་དང་མཉམ་པའི་སངས་རྒྱས་ཀྱི་ཞི༷ང་ཁམས་རྣ༷མས་ཡོད་པར་མོས་པ་དང༌། སངས་རྒྱས་དང་བྱང་ཆུབ་སེམས་དཔའ་དག་གིས་དེ་ལྟར་དངོས་སུ་གནང་ཐུབ་པ་ཡིན་པ་དང༌། ངཚོ་ལས་དང་པོ་པ་དག་གིས་ཀྱང་དེ་ལྟར་མོས་པ་བྱེད་དགོས། ཞི༷ང་དེ༷་རྣམས་སུ་གྲངས་བས༷མགྱི༷ས་མི༷་ཁྱ༷བ་པའི་ས༷ངས་རྒྱ༷ས་གྲངས་མེད་རྣ༷མས་བྱང་ཆུབ་སེམས་དཔའ་གྲངས་མེད་ཀྱི་འཁོརགྱིས་བསྐོར་ནས་ས༷ངས་རྒྱ༷ས་ཀྱི་སྲ༷ས་བྱང་ཆུབ་སེམས་དཔའ་རྣམས་ཀྱི༷་དབུ༷ས་ན༷་བཞུ༷གས་པ༷ལ༷། སངས་རྒྱས་དེ་རྣམས་དང་དེའི་སྲས་བྱང་ཆུབ་སེམས་དཔའ་རྣམས་དང་མཚུངས་པར་ལྷནཅིག་ཏུ་བདག་གིས་ཀྱང་བྱ༷ང་ཆུ༷བ་ཀྱི་སྤྱ༷ད་པ༷་སྤྱོ༷ད་ཅི༷ང་སངས་རྒྱས་དེ་དག་གི་སྐུ་ལ་བལྟ༷་བ་དངགསུང་ཉན་པ༷ར་བགྱི༷འོ་ཞེས་སྨོན་ལམ་གནང་བ་རེད། མདོར་ན་རྡུལ་གཅིག་གི་གོ་ས་ན་སངསརྒྱས་གྲངས་མེད་བཞུགས་པ་དང༌། སངས་རྒྱས་གྲངས་མེད་བཞུགས་པ་དེ་དག་ལ་བྱང་ཆུབ་སེམས་དཔའི་འཁོར་གྲངས་མེད་པས་བསྐོར་བ་དེ་དག་གི་སྤྱོད་པ་ལ་བསླབ་ཅིང་སྤྱོད་པའི་སྒོནས་སངས་རྒྱས་ཀྱི་ཞལ་ལ་བལྟ་ཞིང་གསུང་ལ་ཉན་པར་བགྱིའོ་ཞེས་སྨོན་ལམ་མཛད་པ་རེད། དོན་ཚན་དྲུག་པ་ཏིང་ངེ་འཛིན་གྱི་སྤྱོད་ཡུལ་ཡངས་དོག་མེད་པ་ནི། དེ་ལྟར་མ་ལུས་ཐམས་ཅད་ཕྱོགས་སུ་ཡང༌། །སྐྲ་ཙམ་ཁྱོན་ལ་དུས་གསུམ་ཚད་སྙེད་ཀྱི། །སངས་རྒྱས་རྒྱ་མཚོ་ཞིང་རྣམས་རྒྱ་མཚོ་དང༌། །བསྐལ་བ་རྒྱ་མཚོར་སྤྱོད་ཅིང་རབ་ཏུ་འཇུག ། དེ་ལྟར་ཞེས་པ་ནི་གོང་ནས་རྡུལ་གཅིག་གི་གོ་ས་ན་སངས་རྒྱས་གྲངས་མེད་བཞུགས་པ་དང༌། སངས་རྒྱས་གྲངས་མེད་བཞུགས་པ་དེ་དག་ལ་བྱང་ཆུབ་སེམས་དཔའི་འཁོར་གྲངས་མེད་པསབསྐོར་བ་དེ༷་ལྟ༷ར་ལུས་པ་མེད་པར་མ༷་ལུ༷ས་པ་ཐ༷མས་ཅ༷ད་ཀྱི་ཕྱོ༷གས་སུ༷་ཡ༷ང༌། སྐྲ༷འི་ཚད་ཙ༷མགྱི་ཁྱོ༷ན་ལ༷་འདས་མ་འོངས་ད་ལྟ་དུ༷ས་གསུ༷མ་གྱི་ཚ༷ད་ཇི་སྙེ༷ད་ཀྱི༷་དུས་གསུམ་དུ་བྱུང་བའི་ས༷ངསརྒྱ༷ས་ཀྱི་གྲངས་བགྲང་ན་ཟད་མི་ཤེས་པ་རྒྱ༷་མཚོ༷་ལྟ་བུ་དང༌། ཞི༷ང་རྣ༷མས་ཡང་རྒྱ༷་མཚོ༷༷་ལྟ་བུ་ཟདམི་ཤེས་ཤིང་མཐའ་མེད་པ་ད༷ང༌། རྒྱ་མཚོ་ལྟ་བུའི་ཞིང་ཁམས་དེ་རྣམས་སུ་བསྐ༷ལ་བ༷་ཡང་དུསཐུང་ངུ་ཙམ་མིན་པར་རྒྱ༷་མཚོ༷་ལྟ་བུར་ཟད་མི་ཤེས་པའི་བར་དུ་བདག་ཀྱང་ཞིང་ཁམས་རེ་རེརབྱང་ཆུབ་སེམས་དཔའི་སྤྱད་པ་སྤྱོ༷ད་ཅི༷ང་ར༷བ་ཏུ༷་འཇུ༷ག་པར་གྱུར་ཏེ་བྱང་ཆུབ་སེམས་དཔའི་སྤྱོདཔ་ལ་ལྟ་ཞིང་གྲོལ་བར་ཤོག་ཅིག་ཅེས་སྨོན་ལམ་མཛད་པ་རེད། འདི་ལྟར་དངོས་སུ་གནང་ཐུབམཁན་ནི་ས་བརྒྱད་པ་ཡན་གྱི་བྱང་སེམས་དག་ཡིན་ཀྱང༌། ང་ཚོ་ལས་དང་པོ་པ་དག་གིས་མའོངས་པར་དེ་ལྟར་གནང་ཐུབ་པའི་སྨོན་ལམ་གནང་དགོས། རྡུལ་གཅིག་གི་གོ་སར་སངསརྒྱས་ཀྱི་ཞིང་སྟོན་པ་ནི་དཔེར་ན་རྨི་ལམ་གྱི་སྐབས་སུ་ཁང་བ་དོག་པོ་ཞིག་གི་ནང་ལ་གླང་པོ་ཆེཁྱུ་དང་ནགས་ཚལ་སོགས་ལ་སྤྱོད་པ་དེ་རྨི་ལམ་སྐབས་སྣང་བ་ལྟར་དང༌། ཆུ་སྣོད་ཆུང་ཆུང་ཞིགགི་ནང་ལའང་གཟུགས་བརྙན་སྣ་ཚོགས་པ་ཤར་ཐུབ་པ་ལྟར་རེད། དོན་ཚན་བདུན་པ་སངས་རྒྱས་ཀྱི་གསུང་རབ་མཐའ་དག་ལ་འཇུག་པ་ནི། གསུང་གཅིག་ཡན་ལག་རྒྱ་མཚོའི་སྒྲ་སྐད་ཀྱིས། །རྒྱལ་བ་ཀུན་དབྱངས་ཡན་ལག་རྣམ་དག་པ། །འགྲོ་བ་ཀུན་གྱི་བསམ་པ་ཇི་བཞིན་དབྱངས། །སངས་རྒྱས་གསུང་ལ་རྟག་ཏུ་འཇུག་པར་བགྱི། །གསུང་གཅིག་ཉིད་དུ་གསུངས་ན་ཡང། །དུ་མ་ཉིད་དུ་སོ་སོར་གོ། །ཞེས་གསུངས་པ་ལྟརརྒྱལ་བ་སངས་རྒྱས་དག་གིས་གསུ༷ང་གཅི༷ག་ཁོ་ན་བཀའ་བསྩལ་བ་ནི་མི་ཟད་པ་ཡ༷ན་ལ༷ག་རྒྱ༷མཚོ༷་དང་འདྲ་སྟེ། གསུང་གི་རང་བཞིན་ཆ་ཚང་བ་དང་མཐའ་ཡས་པའི་སྒྲ༷་སྐ༷ད་སྣ་ཚོགས་ཀྱི༷སགདུལ་བྱ་གང་དང་གང་འདུལ་བ་རྣམས་ལ་ཆོས་སྟོན་པ་དང༌། རྒྱ༷ལ་བ༷་སངས་རྒྱས་ཀུ༷ན་གྱི་གསུངདབྱ༷ངས་ཀྱི་ཡ༷ན་ལ༷ག་སྐྱོན་ཐམས་ཅད་ལས་རྣམ་པར་གྲོལ་བའི་རྣ༷མ་པར་ད༷ག་པ༷། འགྲོ༷་བ༷་སེམསཅན་ཀུ༷ན་གྱི༷་གང་ལ་གང་ཉན་པར་འདོད་པ་དང༌། དེས་འདུལ་ཐུབ་པའི་གདུལ་བྱ་རྣམས་ཀྱི་བས༷མ་པ༷་ཇི༷་ལྟ་བ་བཞི༷ན་དུ་ས༷ངས་རྒྱ༷ས་ཀྱི་གསུ༷ང་དབྱ༷ངས་རྣམ་པ་ཐམས་ཅད་པ་དེ་ལ༷་ཉན་པ་དང་མི་བརྗེད་པར་འཛིན་པའི་སྒོ་ནས་རྟ༷ག་ཏུ༷་འཇུ༷ག་པ༷ར་བགྱི༷་ཞེས་གསུངས་པ་རེད། བདགཡོད་པར་བསྟན་དགོས་པའི་གདུལ་བྱ་ལ་བདག་ཡོད་པར་བསྟན། བདག་མེད་པར་བསྟནདགོས་པའི་གདུལ་བྱ་ལ་བདག་མེད་པར་བསྟན། དེ་བཞིན་མི་རྟག་པ་དང་སྡུག་བསྔལ་སོགསབསྟན་དགོས་ཀྱི་གདུལ་བྱ་ལ་དེ་དག་སྟོན་པའི་ཚིག་ཏུ་སྣང་ཐུབ་ལ། སངས་རྒྱས་བཅོམ་ལྡནའདས་མི་མཇེད་འཇིག་རྟེན་གྱི་ཞིང་འདིར་བྱོན། བྱོན་པར་མ་ཟད་དེས་དམ་པའི་ཆོས་གསུངས། གསུངས་པར་མ་ཟད་གསུངས་པའི་དམ་པའི་ཆོས་དེ་དག་ད་ལྟ་ཐོས་བསམ་སྒོམ་གསུམ་གྱིསརྒྱུན་སྐྱོང་བཞིན་པའི་སྐབས་འདིར་རང་རང་སོ་སོས་ཀྱང་ཀུན་སློང་ཀུན་སྤྱོད་ཡག་པོ་ཞིག་གིསྟེང་ནས་རྒྱལ་བས་གསུངས་པའི་དམ་པའི་ཆོས་ལ་ཐོས་བསམ་སྒོམ་གསུམ་གྱི་སྒོ་ནས་འཇུགདགོས་ཏེ། དེ་མ་གཏོགས་ད་ལྟའི་དུས་འདི་ལྟ་བུ་ལ་ཆོས་ལ་སྦྱང་བ་མི་བྱེད་པར་སྐྱེ་བ་ཕྱི་མ་ཞིག་ལ་སངས་རྒྱས་ཀྱི་ཆོས་དང་མཇལ་བར་ཤོག་ཅིག་ཅེས་རང་ལ་ཐོབ་ཡོད་པའི་གོ་སྐབསདེ་ཕར་གཡུགས་ནས་གཞན་ཞིག་ཐོབ་པར་ཤོག་ཅིག་ཅེས་སྨོན་ལམ་གནང་བ་ནི་སྨྱོན་པའི་བྱ་བ་རེད། རང་ལ་དངུལ་ཞིག་ཡོད་ན་དེ་མར་གཡུགས་ནས་རང་ལ་དངུལ་ཐོབ་པར་ཤོག་ཅིགཅེས་སྨོན་ལམ་བཏབ་པ་དང་འདྲ་བོ་འདུག དེས་ན་ད་ལྟ་དམ་པའི་ཆོས་དང་འཕྲད། ཐོས་བསམསྒོམ་གསུམ་གྱི་སྐལ་བ་ཡོད་པའི་སྐབས་འདིར་ཐོས་བསམ་སྒོམ་གསུམ་གྱི་སྒོ་ནས་དམ་པའིཆོས་ལ་འཇུག་པར་གྱུར་ཅིག་ཅེས་སྨོན་ལམ་གནང་བ་བཞིན་རང་གིས་དེ་ལྟར་འཇུག་པར་བྱེདརྒྱུ་གལ་ཆེན་པོ་རེད། དོན་ཚན་བརྒྱད་པ་ལ་དྲུག་ལས་དང་པོ་ཆོས་སྟོན་པ་ལ་དབང་འབྱོར་བ་ནི། དུས་གསུམ་གཤེགས་པའི་རྒྱལ་བ་ཐམས་ཅད་དག ། འཁོར་ལོའི་ཚུལ་རྣམས་རབ་ཏུ་བསྐོར་བ་ཡི། །དེ་དག་གི་ཡང་གསུང་དབྱངས་མི་ཟད་ལ། །བློ་ཡི་སྟོབས་ཀྱིས་བདག་ཀྱང་རབ་ཏུ་འཇུག ། འདས་མ་འོངས་ད་ལྟ་དུ༷ས་གསུ༷མ་དུ་བྱོན་ཅིང་གཤེ༷གས་པའི༷་རྒྱ༷ལ་བ༷་སངས་རྒྱས་ཐ༷མསཅ༷ད་ད༷ག སེམས་ཅན་རྣམས་ཐར་བ་དང་ཐམས་ཅད་མཁྱེན་པའི་གོ་འཕང་ཐོབ་པའི་ཆེད་དུ་ཆོསཀྱི་འཁོ༷ར་ལོ༷་བསྐོར་བའི་ཚུ༷ལ་རྣ༷མས་ར༷བ་ཏུ༷་བསྐོ༷ར་བ་ཡི༷། སངས་རྒྱས་དེ༷་ད༷ག་གི༷་ཡ༷ང་གསུ༷ངདབྱ༷ངས་ཐམས་ཅད་མཐའ་མེད་པ་ཡིན་པས་མི༷་ཟད་ལ༷། བློ༷་ཡི༷་མཐུ་ཐོབ་པའི་སྟོ༷བས་ཀྱི༷ས་སངསརྒྱས་ཀྱི་གསུང་གི་འཕྲིན་ལས་དེ་ལ་ལྷན་ཅིག་ཏུ་ར༷བ་ཏུ༷་འཇུ༷ག་པར་ཤོག་ཅིག་ཅེས་སྨོན་ལམམཛད་པ་རེད། གོང་ནས་གསུང་གཅིག་ཡན་ལག་རྒྱ་མཚོའི་སྒྲ་སྐད་ཀྱིས་ཞེས་སོགས་ཀྱི་སྐབསསུ་སངས་རྒྱས་ཀྱི་གསུང་གཅིག་ལ་འཇུག་པར་སྨོན་ལམ་གནང་བ་དང་འདིའི་སྐབས་སུ་སངསརྒྱས་ཀྱིས་གསུངས་པའི་གསུང་རབ་མཐའ་དག་ལ་འཇུག་པར་ཤོག་ཅིག་ཅེས་སྨོན་ལམ་གནངབ་རེད། དེ་རིང་འདི་ནས་མཚམས་འཇོག་གི་ཡིན། དོན་ཚན་བརྒྱད་པ་ལ་དྲུག་ལས་གཉིས་པ་དུས་ལ་མངའ་དབང་འབྱོར་བ་ནི། མ་འོངས་བསྐལ་བ་ཐམས་ཅད་འཇུག་པར་ཡང༌། །སྐད་ཅིག་གཅིག་གིས་བདག་ཀྱང་འཇུག་པར་བགྱི། །གང་ཡང་བསྐལ་བ་དུས་གསུམ་ཚད་དེ་དག ། སྐད་ཅིག་ཆ་ཤས་ཀྱིས་ནི་ཞུགས་པར་སྤྱད། །མ༷་འོ༷ངས་པའི་བསྐ༷ལ་བ༷་མང་པོ་ཐམས་ཅད་དུ་ཇི་སྙེད་འབྱུང་བའི་ཆོས་ཐ༷མས་ཅ༷ད་སངསརྒྱས་ཀྱིས་མངོན་སུམ་དུ་རྟོགས་པ་ལ་འཇུ༷ག་པ༷་ལྟར་ཡ༷ང༌། བདག་གིས་ཀྱང་ཡེ་ཤེས་སྐ༷ད་ཅི༷གགཅི༷ག་གི༷ས་དུས་གསུམ་དུ་འབྱུང་བའི་ཆོས་ཇི་སྙེད་ཡོད་པ་ཐམས་ཅད་མངོན་སུམ་དུ་རྟོགསཔ་ལ་བད༷ག་ཀྱ༷ང་འཇུ༷ག་པ༷ར་བགྱི༷། ག༷ང་ཡ༷ང་བསྐ༷ལ་བ༷་སྔོན་འདས་པ་ཐམས་ཅད་དང་ད་ལྟདང་མ་འོངས་པའི་དུ༷ས་གསུ༷མ་གྱི་བསྐལ་བ་དཔག་མེད་ཐམས་ཅད་ཀྱི་ཚ༷ད་དེ༷་ད༷ག་ཀུན་སྐ༷དཅི༷ག་གི་ཆ༷་ཤ༷ས་སྐད་ཅིག་མ་གཅིག་ལྟ་བུར་བསྒྱུར་ནས་དེའི་སྟོབས་ཀྱི༷ས་ནི༷་བསྐལ་བ་གཅིགནས་བསྐལ་བ་མཐའ་མེད་ཀྱི་བར་ཇི་ལྟར་མོས་པ་བཞིན་བཞུ༷གས་ནས་བྱང་ཆུབ་སེམས་དཔའིསྤྱོད་པ་ལ་སྤྱ༷ད་པར་གྱུར་ཅིག་ཅེས་སྨོན་ལམ་གནང་བ་རེད། མདོར་ན་མ་འོངས་པའི་བསྐལབ་ཐམས་ཅད་དུ་ཡང་ཆོས་ཐམས་ཅད་ལ་སྐད་ཅིག་གཅིག་གིས་བདག་འཇུག་པར་བགྱི་བ་དངདུས་གསུམ་དུ་བྱུང་བའི་བསྐལ་བ་ཚད་མེད་གྲངས་མེད་པ་དེ་དག་ཐམས་ཅད་སྐད་ཅིག་གཅིགཏུ་བྱིན་གྱིས་བརླབས་ནས་སྐད་ཅིག་གཅིག་ལ་བསྐལ་བ་དེ་སྙེད་དུ་བྱུང་བའི་བྱང་ཆུབ་སེམསདཔའ་དག་གི་སྤྱོད་པ་ལ་ཞུགས་པར་གྱུར་ཅིག་ཅེས་སྨོན་ལམ་གནང་བ་ཡིན་ལ། བསྐལ་བགྲངས་མེད་དེ་དག་སྐད་ཅིག་གཅིག་ཏུ་བྱིན་གྱིས་བརླབས་པའི་དགོས་པ་ནི་སྐད་ཅིག་གཅིགལ་སེམས་ཅན་གྱི་དོན་རྒྱ་ཆེན་པོ་འགྲུབ་པ་སོགས་འབྱུང་བས་ཡིན། དོན་ཚན་བརྒྱད་པ་ལ་དྲུག་ལས་གསུམ་པ་མཐོང་བ་ལ་དབང་འབྱོར་བ་ནི། དུས་གསུམ་གཤེགས་པ་མི་ཡི་སེངྒེ་གང༌། །དེ་དག་སྐད་ཅིག་གཅིག་ལ་བདག་གིས་བལྟ། །འདས་མ་འོངས་ད་ལྟ་དུ༷ས་གསུ༷མ་དུ་གཤེ༷གས་པ༷འི་སངས་རྒྱས་བཅོམ་ལྡན་འདས་ཐམསཅད་མི༷་ཡི༷་སེངྒེ༷་སྟེ། མི་རྣམས་ཀྱི་ནང་ནས་མཆོག་ཏུ་གྱུར་བ་ག༷ང་ཡིན་པ་དེ༷་ད༷ག་ཐམས་ཅད་སྐ༷དཅི༷ག་གཅི༷ག་ལ༷་ཞལ་མངོན་སུམ་དུ་མཐོང་ཞིང་དུས་ཐུང་ངུ་ལ་སངས་རྒྱས་ཀུན་གྱི་ཞལ་དེ་དགབད༷ག་གི༷ས་བལྟ༷་བར་གྱུར་ཅིག་ཅེས་སྨོན་ལམ་གནང་བ་རེད། མདོར་ན་དུས་གསུམ་དུ་གཤེགསཔའི་མི་ཡི་སེངྒེར་གྱུར་བ་བཅོམ་ལྡན་འདས་ཐམས་ཅད་སྐད་ཅིག་གཅིག་ལ་དེ་དག་གི་ཞལལ་བལྟ་བ་དང་གསུང་ལ་ཉན་པར་གྱུར་ཅིག་ཅེས་སྨོན་ལམ་གནང་བ་རེད། དོན་ཚན་བརྒྱད་པ་ལ་དྲུག་ལས་བཞི་པ་སྤྱོད་ཡུལ་ལ་དབང་འབྱོར་བ་ནི། རྟག་ཏུ་དེ་དག་གི་ནི་སྤྱོད་ཡུལ་ལ། །སྒྱུ་མར་གྱུར་པའི་རྣམ་ཐར་སྟོབས་ཀྱིས་འཇུག ། རྟ༷ག་ཏུ༷་གོང་ནས་བཤད་པའི་དུས་གསུམ་དུ་གཤེགས་པའི་སངས་རྒྱས་དེ༷་ད༷ག་གི༷་ནི༷་སྤྱོ༷དཡུ༷ལ་རྟོགས་བྱའི་ཡུལ་དང་རྟོགས་བྱེད་ཀྱི་ཡེ་ཤེས་དེའི་རྣམ་པར་ཐར་བ་དང༌། རྫུ་འཕྲུལ་བསམགྱིས་མི་ཁྱབ་པ་སོགས་དེའི་སྤྱོད་ཡུལ་ལ༷་སྒྱུ༷་མ༷་ལྟ་བུར་གྱུ༷ར་པ༷འི་ཡེ་ཤེས་ཕུན་སུམ་ཚོགས་པམངོན་སུམ་དུ་རྟོགས་ནུས་པའི་རྗེས་ཐོབ་ཀྱི་ཡེ་ཤེས་སྒྱུ་མ་ལྟར་སྣང་བར་གྱུར་ལ་དེ་ལྟ་བུའིཏིང་ངེ་འཛིན་གྱི་སྟོབས་ལས། སྒྲིབ་པའི་ཁྱད་པར་མང་པོ་ལས་གྲོལ་ཞིང་རྣ༷མ་པར་ཐ༷ར་བའིསྟོ༷བས་ཀྱི༷ས་གང་ལ་གང་འདོད་དུ་སྒྱུར་ཐུབ་ཅིང་སྤྱོད་པའི་སྒོ་ནས་འཇུ༷ག་པར་གྱུར་ཅིག་ཅེསསྨོན་ལམ་གནང་བ་རེད། དོན་ཚན་བརྒྱད་པ་ལ་དྲུག་ལས་ལྔ་པ་ཞིང་ཁམས་ལ་དབང་འབྱོར་བ་ནི། གང་ཡང་དུས་གསུམ་དག་གི་ཞིང་བཀོད་པ། །དེ་དག་རྡུལ་གཅིག་སྟེང་ན་མངོན་པར་བསྒྲུབ། །དེ་ལྟར་མ་ལུས་ཕྱོགས་རྣམས་ཐམས་ཅད་དུ། །རྒྱལ་བ་དག་གི་ཞིང་རྣམས་བཀོད་ལ་འཇུག ། ག༷ང་ཡ༷ང་དུ༷ས་གསུ༷མ་དུ་བྱུང་ཟིན་དང་འབྱུང་འགྱུར་ད༷ག་གི༷་སངས་རྒྱས་ཀྱི་ཞི༷ང་གི་བཀོ༷དཔ༷་དེ༷་ད༷ག་ཐམས་ཅད་མོས་པ་དང་སྨོན་ལམ། རྫུ་འཕྲུལ་གྱི་སྟོབས་ཀྱིས་རྡུ༷ལ་ཕྲ་རབ་གཅི༷གགི་སྟེ༷ང་ངམ་དེའི་གོ་སར་སངས་རྒྱས་ཀྱི་ཞིང་ཁམས་གྲངས་མེད་པ་མངོ༷ན་པ༷ར་བསྒྲུ༷བ་ཅིང༌། དེ༷་ལྟ༷ར་བསྒྲུབ་པ་ལྟར་མ༷་ལུ༷ས་པའི་ཕྱོ༷གས་རྣ༷མས་དེ་དག་གི་རྡུལ་ཐ༷མས་ཅ༷ད་དུ༷། རྒྱ༷ལ་བ༷་ད༷གགི༷་ཞི༷ང་ཁམས་རྣ༷མས་གྲངས་མེད་པ་བསྒྲུབ་ཅིང་བཀོ༷ད་ལ༷་ཞིང་ཁམས་དེ་ལྟ་བུ་སྟོན་ནུས་པའིབྱ་བ་ལ་འཇུ༷ག་པར་ཤོག་ཅིག་ཅེས་སྨོན་ལམ་གནང་བ་རེད། མདོར་ན་རྡུལ་གཅིག་གི་གོ་སརསངས་རྒྱས་ཐམས་ཅད་ཀྱི་ཞིང་ཁམས་ཐམས་ཅད་མོས་པ་དང་རྫུ་འཕྲུལ་སོགས་ཀྱི་སྟོབསཀྱིས་རྡུལ་གཅིག་གི་གོ་སར་སངས་རྒྱས་ཐམས་ཅད་ཀྱི་ཞིང་ཁམས་ཐམས་ཅད་མངོན་པར་བསྒྲུབཅིང༌། དེ་ལྟར་བསྒྲུབ་པ་ལྟར་ཞིང་ཁམས་ཐམས་ཅད་དུ་དེ་ལྟར་བསྒྲུབ་ཅིང༌། བསྒྲུབས་པར་མཟད། བཀོད་པ་ཡིད་དུ་འོང་བ། རྒྱན་གྱིས་རྣམ་པ་ཐམས་ཅད་ཀྱིས་བརྒྱན་པའི་ཞིང་ཁམསདག་སྟོན་ནུས་པའི་བྱ་བ་ལ་འཇུག་པར་ཤོག་ཅིག་ཅེས་སྨོན་ལམ་གནང་བ་རེད། འདི་ལྟརདངོས་སུ་གནང་མཁན་ནི་ས་བཅུའི་བྱང་སེམས་དག་ཡིན་ཡང༌། ང་ཚོ་ལས་དང་པོ་པ་དག་གིསམ་འོངས་པར་དེ་ལྟར་ཐུབ་པར་ཤོག་ཅིག་ཅེས་སྨོན་ལམ་གནང་དགོས་པ་རེད། དོན་ཚན་བརྒྱད་པ་ལ་དྲུག་ལས་དྲུག་པ་མཛད་པ་ལ་དབང་འབྱོར་བ་ནི། གང་ཡང་མ་བྱོན་འཇིག་རྟེན་སྒྲོན་མ་རྣམས། །བྱང་ཆུབ་རིམ་པར་འཚང་རྒྱ་འཁོར་ལོ་བསྐོར། །མྱ་ངན་འདས་པ་རབ་ཏུ་ཞི་མཐའ་སྟོན། །མགོན་པོ་ཀུན་གྱི་དྲུང་དུ་བདག་མཆིའོ། །ག༷ང་ཡ༷ང་འཇིག་རྟེན་དུ་སངས་རྒྱས་ཀྱི་ངོར་མ༷་བྱོ༷ན་པའི་སངས་རྒྱས་ཏེ་དམ་པའི་ཆོསབསྟན་པས་འཇི༷ག་རྟེ༷ན་གྱི་མ་རིག་པའི་མུན་པ་སེལ་བར་བྱེད་པའི་སྒྲོ༷ན་མ༷་རྣ༷མས་ཀྱིས་རང་རང་གི་བྱ༷ང་ཆུ༷བ་ཀྱི་མཛད་པའི་རི༷མ་པ༷་འཚ༷ང་རྒྱ་བའི་རིམ་པ་དང་ཆོས་ཀྱི་འཁོ༷ར་ལོ༷་བསྐོ༷ར་བའིམཛད་པ། མྱ༷་ང༷ན་ལས་འད༷ས་པ༷འི་ར༷བ་ཏུ༷་ཞི༷་མཐ༷འ་སྟོ༷ན་པའི་མཛད་པ་སོགས་དེས་མཚོན་པའིསངས་རྒྱས་ཀྱི་མཛད་པ་དུས་དང་གནས་སྐབས་ཐམས་ཅད་དུ་སྟོན་པར་ནུས་པ་དང༌། འཇིགརྟེན་གྱི་མགོ༷ན་པོ༷་སངས་རྒྱས་ཀུ༷ན་གྱི༷་དྲུ༷ང་དུ༷་བད༷ག་མཆི༷་བ་སྟེ། འགྲོ་ཞིང་སླེབས་ལ་ཕྱིན་པརབགྱི་ཞིང་དྲུང་དུ་ཕྱིན་ནས་སངས་རྒྱས་དེ་དག་ལ་སྨོན་ལམ་བཏབ་པ་དང་མཆོད་པ་འབུལ་བསོགས་སྤྱད་པར་ཤོག་ཅིག་ཅེས་སྨོན་ལམ་གནང་བ་རེད། དེ་ཡང་རྗེ་ཏཱ་ར་ནཱ་ཐའི་བཟང་སྤྱོདའགྲེལ་བ་ལས། སངས་རྒྱས་ཀྱི་མཛད་པ་སྟོན་པའི་གནས་སྐབས་ཐམས་ཅད་དུ་དེར་ཕྱིན་པརབྱས་ནས། ཅི་ཞིག་བྱེད་ཅེ་ན་མཆོད་པ་དང༌། རྫུ་འཕྲུལ་སྟོན་པ་དང་ཆོས་བསྟན་པས་སེམས་ཅནའདུལ་བ་དང༌། ཆོས་ཀྱི་དོན་འདྲི་བ་ལ་སོགས་པ། ཞེས་གསུངས་སོ། །གསུམ་པ་ཐུན་མོང་དང་ཐུན་མོང་མིན་པ་གཉིས་ཀར་འཇུག་པའི་སྨོན་ལམ་ལ་སྒྲུབ་པ་གཙོ་བོརགྱུར་བ་སྟོབས་ཀྱི་སྨོན་ལམ་དང༌། ཕན་ཡོན་གཙོ་བོར་གྱུར་པ་བསམ་མི་ཁྱབ་ཀྱི་སྨོན་ལམ་དང༌། མཐར་ཐུག་སྨོན་ལམ་བླ་ན་མེད་པར་གཅིག་ཏུ་བྱ་བ་གསུམ་ལས་དང་པོ་སྒྲུབ་པ་གཙོ་བོར་གྱུརབ་སྟོབས་ཀྱི་སྨོན་ལམ་ལ་སྟོབས་བཅུ་བཤད་པ་དང༌། དེའི་བྱེད་ལས་བཤད་པ་གཉིས་ལསདང་པོ་སྟོབས་བཅུ་བཤད་པ་ནི། ཀུན་ཏུ་མྱུར་བའི་རྫུ་འཕྲུལ་སྟོབས་རྣམས་དང༌། །ཀུན་ནས་སྒོ་ཡི་ཐེག་པའི་སྟོབས་དག་དང༌། །ཀུན་ཏུ་ཡོན་ཏན་སྤྱོད་པའི་སྟོབས་རྣམས་དང༌། །ཀུན་ཏུ་ཁྱབ་པ་བྱམས་པ་དག་གི་སྟོབས། །ཀུན་ཏུ་དགེ་བའི་བསོད་ནམས་སྟོབས་རྣམས་དང༌། །ཆགས་པ་མེད་པར་གྱུར་པའི་ཡེ་ཤེས་སྟོབས། །ཤེས་རབ་ཐབས་དང་ཏིང་འཛིན་སྟོབས་དག་གིས། །བྱང་ཆུབ་སྟོབས་རྣམས་ཡང་དག་སྒྲུབ་པར་བྱེད། །སྟོབས་བཅུ་ལས་དང་པོ་ཀུན་ཏུ་མྱུར་བའི་སྟོབས་ནི། །མཆོད་པ་དང་ཆོས་སྟོན་པ་སེམས་ཅན་གྱི་དོན་དུ་མཐའ་མེད་པའི་ཞིང་ཁམས་རྣམས་སུཡང་སྐད་ཅིག་གིས་བགྲོད་ནུས་པ། ཞིང་ཐ་དད་པ་དུ་མར་ཡང་དུས་ཅིག་ཅར་དུ་བགྲོད་ནུསཔའི་ཀུ༷ན་ཏུ༷་མྱུ༷ར་བའི༷་རྫུ༷་འཕྲུ༷ལ་གྱི་སྟོ༷བས་དེ་རྣ༷མས་ད༷ང༌། སྟོབས་གཉིས་པ་ཐེག་པའི་སྟོབསནི། སྒོ་ཀུན་དང་ལྡན་པ་སྟེ་ཐབས་ཚུལ་སྣ་ཚོགས་ཀྱི་སྒོ་ནས་སེམས་ཅན་གྱི་དོན་སྤྱོད་པ་དངལྡན་པའི་སེམས་བསྐྱེད་དང༌། སེམས་བསྐྱེད་དེ་ལ་བརྟེན་ནས་བླ་ན་མེད་པའི་བྱང་ཆུབ་ཏུ་བགྲོདཔར་བྱེད་པའི་ཕྱིར་ན་ཞོན་པ་དང་འདྲ་བས་ཀུ༷ན་ན༷ས་སྒོ༷་ཡི༷་ཐེ༷ག་པའི༷་སྟོ༷བས་དེ་ད༷ག་ད༷ང༌། སྟོབསགསུམ་པ་ཡོ༷ན་ཏ༷ན་སྤྱོ༷ད་པའི༷་སྟོ༷བས་ནི། ཕ་རོལ་ཏུ་ཕྱིན་པ་དྲུག་དང་མཁོ་བ་སྦྱིན་པ། སྙན་པརསྨྲ་བ། དོན་སྤྱོད་པ། དོན་མཐུན་པ་སྟེ། བསྡུ་བའི་དངོས་པོ་བཞི་དང་ཚད་མེད་བཞི་སོགས་ཡོནཏན་དུ་མ་དང་འགྲོགས་པའི་སྒོ་ནས་སྙོམས་འཇུག་དགུ། ཟད་པ་བཅུ། ཟིལ་གནོན་བརྒྱད། མངོན་ཤེས་དྲུག་ལ་སོགས་པའི་བྱང་ཆུབ་སེམས་དཔའི་ཀུ༷ན་ཏུ༷་ཡོན་ཏན་སྤྱོད་པའི་སྟོབས་རྣམསདང༌། སྟོབས་བཞི་བ་བྱམས་པའི་སྟོབས་ནི། ཀུན་ནས་སེམས་ཅན་ཐམས་ཅད་ལ་ཉེ་རིང་མེདཔར་ཁྱབ་པའི་བྱམས་པས་མཚོན་ནས་དགའ་བ་ཚད་མེད། སྙིང་རྗེ་ཚད་མེད། བཏང་སྙོམས་ཚདམེད་སོགས་ཚད་མེད་པ་བཞི་བོ་དག་གི་སྟོབས་ནི་ཀུ༷ན་ཏུ༷་ཁྱ༷བ་པ༷་བྱ༷མས་པ༷་ད༷ག་གི༷་སྟོ༷བས་དང༌། སྟོབས་ལྔ་པ་བསོད་ནམས་ཀྱི་སྟོབས་ནི། ཀུ༷ན་ཏུ༷་སེམས་ཅན་ཐམས་ཅད་ལ་གནས་སྐབསདང་མཐར་ཐུག་གི་ཕན་པ་དང་བདེ་བ་ལ་སོགས་པ་བསྒྲུབ་པའི་ཆེད་དུ་རབ་ཏུ་དགེ༷་བའི༷་སྦྱིནསོགས་ཕ་རོལ་ཏུ་ཕྱིན་པ་དྲུག་ལ་སོགས་པའི་ཀུན་ནས་དགེ་བའི་བསོ༷ད་ན༷མས་ཀྱི་སྟོ༷བས་ད༷གད༷ང༌། སྟོབས་དྲུག་པ་ཡེ་ཤེས་ཀྱི་སྟོབས་ནི། འདས་མ་འོངས་ད་ལྟ་དུས་གསུམ་གྱི་ཆོས་ཀུན་ལཆགས་ཐོགས་མེད་པར་ཅིག་ཅར་དུ་མཁྱེན་པའི་ཆ༷གས་པ༷་མེ༷ད་པ༷ར་གྱུ༷ར་པའི༷་ཡེ༷་ཤེ༷ས་ཀྱི་སྟོ༷བསདང༌། སྟོབས་བདུན་པ་སྟོང་ཉིད་ཇི་ལྟ་བ་བཞིན་དུ་རྟོགས་པའི་ཤེ༷ས་ར༷བ་ཀྱི་སྟོབས་དང༌། སྟོབསབརྒྱད་པ་གཞན་དོན་སྒྲུབ་པ་ལ་མཁས་པའི་ཐ༷བས་ཀྱི་སྟོབས་ད༷ང༌། སྟོབས་དགུ་བ་དམིགསཔ་ལ་རྩེ་གཅིག་པའི་མངོན་ཤེས་དང་རྣམ་འཕྲུལ་ལ་སོགས་པ་ཡོན་ཏན་བསྐྱེད་པའི་རྒྱུ། དཔའབར་འགྲོ་བའི་ཏི༷ང་ངེ་འཛི༷ན་དེ་དག་ནི་ཏིང་ངེ་འཛིན་གྱི་སྟོབས། སྟོ༷བས་དགུ་བོ་དེ་ད༷ག་གི༷ས་ནི་སྟོབས་བཅུ་བ་བྱ༷ང་ཆུ༷བ་ཀྱི་སྟོ༷བས་རྣ༷མས་ཡ༷ང་ད༷ག་པར་སྒྲུ༷བ་པ༷ར་བྱེ༷ད་ཅེས་དང༌། བྱང་ཆུབཀྱི་སྟོབས་ནི་བླ་ན་མེད་པའི་བྱང་ཆུབ་འཕྲལ་དུ་ཐོབ་པར་བྱེད་པའི་ཡེ་ཤེས་ཁྱད་པར་བ་ཞིགགོ། །དེ་ཡང་རྗེ་ཏཱ་ར་ནཱ་ཐའི་བཟང་སྤྱོད་འགྲེལ་བ་ལས། བྱང་ཆུབ་ཀྱི་སྟོབས་ཏེ་བླ་ན་མེད་པའིབྱང་ཆུབ་འཕྲལ་དུ་ཐོབ་པར་བྱེད་པའི་ཡེ་ཤེས།ཞེས་སོ། །དེ་འདྲའི་སྟོབས་བཅུ་བོ་རེ་རེའི་སྐབསསུ་དེ་དག་རེ་རེ་བདག་ལ་ཐོབ་པར་གྱུར་ཅིག་ཅེས་སྨོན་ལམ་མཛད་པ་རེད། དེ་ལྟར་རྣམ་པ་ཚངམས་ཀྱང་སྨོན་ལམ་མཛད་དགོས། ཁྱེད་རྣམ་པ་ཚོས་བཟང་བོ་སྤྱོད་པའི་སྨོན་ལམ་འདི་གསུངཔའི་སྐབས་ཚིག་ཙམ་འདོན་པ་མིན་པར་དོན་ལ་བསམ་བློ་གཏང་དགོས་ཤིང༌། དེ་ལྟར་དོན་ལ་བསམ་བློ་བཏང་ནས་དད་པ་རྣམ་དག་གི་སྒོ་ནས་གསུངས་པ་ཡིན་ན་འོག་ནས་གསུངས་པལྟར་ཕན་ཡོན་ཆེན་པོ་ཡོད། ཕན་ཡོན་ཡོད་པ་ཧ་གོ་བ་ཡིན་ན་དེ་ལ་སྤྲོ་བའི་སྒོ་ནས་འཇུག་ཐུབཅིང༌། སྤྲོ་བའི་སྒོ་ནས་འཇུག་ཐུབ་ན་དེ་ལ་དཀའ་ངལ་མེད་པར་ཆགས་འགྲོ། ང་རང་གི་མི་ཚེའིབརྒྱུད་རིམ་ནང༌། གྲྭ་ས་ཁག་ནས་དཔེ་ཆ་ལྟ་བའི་སྐབས་དེར་སྤྲོ་བའི་སྒོ་ནས་ལྟ་ཐུབ་ཀི་འདུག་དེ་ལྟར་ལྟ་ཐུབ་པ་དེ་ཡང་ང་ལ་ཤེས་རབ་ཁྱད་པར་ཅན་ཞིག་ཡོད་པས་མ་རེད་དེ། སྤྲོ་བ་ཡོདཔའི་རྐྱེན་གྱིས་དཔེ་ཆ་ལྟ་བ་ལ་དཀའ་སྣང་ཁྱོན་ནས་ཡོད་མ་སོང༌། ལས་རིགས་གང་ཞིག་ཡིནཀྱང་རང་ཉིད་དེ་ལ་སྤྲོ་བ་ཡོད་ན་དཀའ་ངལ་མེད་པ་ཞིག་ཡིན་པས། ཁྱེད་རྣམ་པ་ཚོ་ཡང་དཔེཆ་དང་དགེ་བ་ལ་སྤྲོ་བ་ཡོད་རྒྱུ་གལ་ཆེན་པོ་རེད། དགེ་བ་ལ་སྤྲོ་བ་སྐྱེས་ན་བརྩོན་འགྲུས་འབྱུངཐུབ་ལ། བརྩོན་འགྲུས་འབྱུང་ཐུབ་ན་དགེ་བ་ཐམས་ཅད་འབྱུང་ཐུབ། དེ་ཡང་ཡོན་ཏན་མ་ལུསབརྩོན་འགྲུས་རྗེས་འགྲོ་ཞིང༌། །ཞེས་གསུངས་ལ། ཁྱེད་རྣམ་པ་ཚོས་བཟང་པོ་སྤྱོད་པ་འདི་ལྟབུ་དད་པ་རྣམ་དག་གི་སྒོ་ནས་གསུང་ཐུབ་ན་རང་རང་སོ་སོས་བསོད་ནམས་རླབས་ཆེན་བསགསཔ་ཡིན་ཞིང༌། དེ་ནང་བཞིན་བྱང་ཆུབ་སེམས་དཔའི་སྤྱོད་པ་སངས་རྒྱས་ཀྱི་སྤྱོད་པ་དང་མཉམདུ་སྨོན་ལམ་གསུངས་པ་དང་སངས་རྒྱས་དང་བྱང་ཆུབ་སེམས་དཔའི་མཛད་པ་དང་བློ་མཐུནཔའི་སྒོ་ནས་དགེ་བ་མཉམ་དུ་བསྒྲུབ་ན་དགེ་བའི་རྩ་བ་མཉམ་དུ་ཐོབ་ཐུབ་ཅེས་གོང་ནས་དབངའབྱོར་བ་རྣམ་པ་དྲུག་གི་སྐབས་སུ་རྗེ་ཏཱ་ར་ནཱ་ཐའི་བཟང་སྤྱོད་འགྲེལ་བ་ལས། བྱང་ཆུབ་སེམསདཔའ་དེའི་འཕྲིན་ལས་འཇུག་སྟེ། དོན་གཅིག་ལ་བློ་གྲོས་དང་འདུན་པ་གཅིག་ཏུ་བསྒྲིལ་པའིདམག་ལ་སོགས་པའི་བྱ་བ་བཞིན་ནོ། །ཞེས་གསུངས་སོ། །དེས་ན་སོ་སོའི་དད་པ་དག་སྣང་གི་སྒོ་ནས་ང་ཚོས་འདིའི་ནང་ལ་གྲྭ་བ་ལྔ་བརྒྱ་ཡས་མས་དང་མཉམ་དུ་བཟང་སྤྱོད་སྨོན་ལམ་གསུང་ཐུབ་ན་བཟང་སྤྱོད་སྨོན་ལམ་ཚར་ལྔ་བརྒྱ་འདོན་པའི་དགེ་རྩ་མཉམ་དུ་ཐོབ་ཐུབ་ལ། སློབགླིང་འདིའི་ནང་ལ་བཞུགས་ཏེ་སློབ་སྦྱོང་བྱས་ནས་དཀའ་སྤྱད་སྡུག་རུས་རྒྱ་ཆེན་བྱེད་མ་ཐུབན་ཡང༌། རང་རང་སོ་སོས་ཅི་ཐུབ་གང་ཐུབ་གྱིས་དད་པ་སྤྲོ་བ་དགའ་བ་སོགས་ཡོད་པའི་སྒོནས་ཆོས་རེ་བསྒྲུབས་ནས་ཆོས་མིན་གྱི་ལས་མི་བསག་རྒྱུ་དེ་གལ་ཆེན་ཡིན། ང་ཚོ་ལ་མང་ཚོགསཚོས་སྐྱབས་གནས་སུ་བཟུང་ནས་ཁོ་ཚོས་རྔུལ་ཆུས་བསགས་པའི་ཐིགས་པ་དག་ཡར་ང་ཚོརཕུལ་འོང་ན་ང་ཚོས་ངོས་ནས་ཀྱང་སྨོན་ལམ་ཡག་པོ་ཞིག་བྱས་ནས་གདོན་བྱ་དག་འདོན་དགོསཔ་རེད་མ་གཏོགས། མ་བཏོན་པ་ཡིན་ན་གཅིག་བྱས་ན་རྒྱ་བླ་ཚོས་མགོ་བསྐོར་བཏང་སོངཞེས་བཤད་ཀི་ཡོད་པ་རེད་དེ། ང་ཚོས་ཀྱང་མགོ་བསྐོར་བཏང་བ་འདྲ་བོ་ཆགས་འགྲོ་བ་རེད། དེས་ན་གདོན་བྱ་དག་བཏོན་ནས་སྨོན་ལམ་ཡག་པོ་ཞིག་བརྒྱབ་སྟེ་དཀོར་གྱི་ཉེས་པའི་དྲི་མསམི་སྒྲིབ་པར་བྱ་དགོས། དེ་རིང་འདི་ནས་མཚམས་འཇོག་གི་ཡིན། གཉིས་པ་སྟོབས་བཅུའི་བྱེད་ལས་ནི། ལས་ཀྱི་སྟོབས་རྣམས་ཡོངས་སུ་དག་བྱེད་ཅིང༌། །ཉོན་མོངས་སྟོབས་རྣམས་ཀུན་ཏུ་འཇོམས་པར་བྱེད། །བདུད་ཀྱི་སྟོབས་རྣམས་སྟོབས་མེད་རབ་བྱེད་ཅིང༌། །བཟང་པོའི་སྤྱོད་པའི་སྟོབས་ནི་རྫོགས་པར་བགྱི། །སྟོབས་བཅུའི་བྱེད་པ་ལ་བརྟེན་ནས་མི་དགེ་བའི་ལས་དང་ཟག་བཅས་དགེ་བའི་ལ༷ས་ཀྱི༷་སྟོ༷བས་རྣ༷མས་ཡོ༷ངས་སུ༷་ད༷ག་པར་བྱེ༷ད་ཅི༷ང༌། ཉོ༷ན་མོ༷ངས་པ་རྩ་ཉོན་དྲུག་ཉེ་ཉོན་ཉི་ཤུ་སོགསདེ་དག་གི་རྩ་བ་འདོད་ཆགས་ཞེ་སྡང་གཏི་མུག་གི་རང་བཞིན་ཅན་ཉོན་མོངས་པ་དང༌། དེའི་བག་ཆགས་གནས་ངན་ལེན་ཐམས་ཅད་ཀྱི་སྟོ༷བས་རྣ༷མས་ཀུ༷ན་ཏུ༷་ཕམ་པར་བྱེད་ཅིང་སྤོང་པརབྱེད་པས་འཇོ༷མས་པ༷ར་བྱེ༷ད་ཅེས་གསུངས་པ་རེད། ཡིན་ན་ཡང༌། བྱང་ཆུབ་སེམས་དཔའ་འགའརེས་ཉོན་མོངས་པ་འགའ་ཞིག་སྤངས་ལ་འགའ་ཞིག་རྩད་ནས་མ་སྤངས་བར་དབང་འབྱོར་བའི་ཚུལ་གྱིས་གཞན་དོན་བྱེད་པའི་གྲོགས་སུ་ཁྱེར་བའང་ཡོད། བདུད་ཀྱི་སྟོབས་ཏེ། ཉོན་མོངསཔའི་བདུད་དང༌། འཆི་བདག་གི་བདུད། ལྷའི་བུའི་བདུད། ཕུང་པོའི་བདུ༷ད་ཀྱི༷་སྟོ༷བས་རྣ༷མསའཇོམས་པར་བྱེད་ཅིང༌། ཉོན་མོངས་པ་དེ་དག་ཉོན་མོངས་པའི་བདུད་དང༌། ཟག་བཅས་ཉེརབར་ལེན་པའི་ཕུང་པོ་དག་ཕུང་པོའི་བདུད། ཆོས་མཐུན་གྱི་བྱ་བ་བྱེད་པ་ལ་བར་ཆད་བྱེད་པའིལྷའི་བུ་དགའ་རབ་དབང་ཕྱུག་ལྟ་བུ་དག་ལྷའི་བུའི་བདུད་དང༌། རང་དབང་མེད་པར་སྲོག་དབངའགག་པའི་ཆ་དེ་ནི་འཆི་བདག་གི་བདུད། དེ་དག་འཇོམས་པར་བྱེད་ཚུལ་དེ་ཡང༌། གང་འདུསཔ་ཐམས་ཅད་ལ་རང་བཞིན་གྱིས་གྲུབ་པ་དང༌། རྟག་པའི་ཆོས་རྡུལ་ཙམ་ཡང་མི་དམིགས་ཏེ། ཕུང་པོ་སྟོང་བར་རྟོགས་པས་ཕུང་པོའི་བདུད་བཅོམ་པ་དང༌། དེ་བཞིན་གཤེགས་པའི་སྙིང་པོནི་རྟག་ཅིང་བརྟན་ལ། སྐྱེ་འཇིག་ཐམས་ཅད་དང་བྲལ་པར་རྟོགས་པས་འཆི་བདག་གི་བདུདབཅོམ་ཚུལ་སོགས་རེ་རེ་ལ་སྦྱར་ནས་བཤད་ཚུལ་ཡོད་དེ། རྗེ་ཏཱ་ར་ནཱ་ཐའི་བཟང་སྤྱོད་འགྲེལབའི་སྐབས་དེ་ལྟར་གསུངས་འདུག མདོར་ན་བདུད་ཀྱི་སྟོབས་ལ་སོགས་པའི་སྟོ༷བས་མེ༷ད་ཅིང༌། ར༷བ་ཏུ་ཞི་བར་བྱེ༷ད་ཅི༷ང༌། རབ་ཏུ་ཞི་བར་བྱེད་པ་ལ་བརྟེན་ནས་རྒྱལ་སྲས་བྱང་ཆུབ་སེམསདཔའ་ཀུན་ཏུ་བཟ༷ང་བོ༷འི་སྤྱོ༷ད་པ༷འམ་བྱང་ཆུབ་སེམས་དཔའ་དག་གི་སྤྱོད་པ་རླབས་པོ་ཆེའིབཟང་བོ་སྤྱོད་པའི་སྟོ༷བས་ནི༷་རྫོ༷གས་པ༷ར་བགྱི༷་ཞིང་བླ་ན་མེད་པའི་བྱང་ཆུབ་ཐོབ་པར་སྨོན་པའོ། །གཉིས་པ་ཕན་ཡོན་གཙོ་བོར་གྱུར་པ་བསམ་མི་ཁྱབ་ཀྱི་སྨོན་ལམ་ནི། ཞིང་རྣམས་རྒྱ་མཚོ་རྣམ་པར་དག་བྱེད་ཅིང༌། །སེམས་ཅན་རྒྱ་མཚོ་དག་ནི་རྣམ་པར་དགྲོལ། །ཆོས་རྣམས་རྒྱ་མཚོ་རབ་ཏུ་མཐོང་བྱེད་ཅིང༌། །ཡེ་ཤེས་རྒྱ་མཚོ་རབ་ཏུ་རྟོགས་པར་བྱེད། །སྤྱོད་པ་རྒྱ་མཚོ་རྣམ་པར་དག་བྱེད་ཅིང༌། །སྨོན་ལམ་རྒྱ་མཚོ་ཡོངས་སུ་རྫོགས་པར་བྱེད། །སངས་རྒྱས་རྒྱ་མཚོ་རབ་ཏུ་མཆོད་བྱེད་ཅིང༌། །བསྐལ་བ་རྒྱ་མཚོར་མི་སྐྱོ་སྤྱད་པར་བགྱི། །ཞི༷ང་ཁམས་རྣ༷མས་ཟད་མི་ཤེས་པ་རྒྱ༷་མཚོ༷་ལྟ་བུ་དག་རྣ༷༷མ་པར་ད༷ག་པར་བྱེ༷ད་ཅི༷ང༌། དག་པརབྱེད་ཚུལ་ནི། བདེ་བ་ཅན་དང་པདྨ་ཅན་གྱི་ཞིང་ཁམས་བཞིན་ངན་སོང་དང་སྡུག་བསྔལ། ལྟབ་ལོག་པ། ངམ་གྲོག་དང༌། ཚེར་མ་ལ་སོགས་པ་སྤངས་པ། ས་གཞི་ནི་རིན་པོ་ཆེའི་ས་གཞི། ལྗོན་པ་ལ་སོགས་པ་རྒྱན་ཐམས་ཅད་ཀྱིས་རྣམ་པར་བརྒྱན་པའི་ཞིང་ཁམས་རྣམ་པར་དག་པའོ། །སེ༷མས་ཅ༷ན་ཆེས་མང་བ་གྲངས་མེད་པ་རྒྱ༷་མཚོ༷་ལྟ་བུ་ད༷ག་ནི༷་སྡུག་བསྔལ་དང་སྒྲིབ་པ་ལས་རྣ༷མཔ༷ར་དགྲོ༷ལ་བ་དང༌། ལུང་རྟོགས་ཀྱི་ཆོ༷ས་རྣ༷མས་རྒྱ༷་མཚོ༷་ལྟ་བུ་དག་ཤེས་རབ་ཀྱི་མིག་གིས་ར༷བཏུ༷་མཐོ༷ང་བར་བྱེ༷ད་ཅི༷ང༌། ཇི་ལྟ་བ་དང་ཇི་སྙེད་པའི་ཆོས་མངོན་སུམ་དུ་མཁྱེན་པའི་ཡེ༷་ཤེ༷ས་རྒྱ༷མཚོ༷་ལྟ་བུ་དག་ར༷བ་ཏུ༷་རྟོ༷གས་པ༷ར་བྱེ༷ད་པའམ་ཐོབ་པས་ནི། བདག་གཞན་ལ་ཕན་པའི་ཐབསསྤྱོ༷ད་པ༷་རྒྱ༷་མཚོ༷་ལྟ་བུ་དག་སྐྱོན་ཀུན་གྱིས་རྣ༷མ་པ༷ར་ད༷ག་པར་བྱེ༷ད་ཅི༷ང༌། རང་གཞན་གྱི་དོན་གྱིསྨོ༷ན་ལ༷མ་གྲངས་མེད་པ་རྒྱ༷་མཚོ༷་ལྟ་བུ་རྣམས་མྱུར་དུ་ཡོ༷ངས་སུ༷་རྫོ༷གས་པ༷ར་བྱེ༷ད་ཅིང་འབྲས་བུ་འགྲུབ་པར་བྱེད་པ། ས༷ངས་རྒྱ༷ས་གྲངས་མེད་པ་མཐའ་མེད་པ་རྒྱ༷་མཚོ༷་ལྟ་བུ་རྣམས་ལ་མཆོདཔ་རྣམ་པ་དུ་མའི་སྒོ་ནས་ར༷བ་ཏུ༷་མཆོ༷ད་པར་བྱེ༷ད་ཅི༷ང༌། དེ་བདུན་པོ་ནི་བསྐ༷ལ་བ༷་མཐའ་མེདཀྱི་རྒྱ༷་མཚོ༷་ལྟ་བུའི་བར་དུ་སྐྱོ་བ་མེད་པར་མི༷་སྐྱོ༷་ཞིང་རབ་ཏུ་དགའ་བའི་སྒོ་ནས་སྤྱ༷ད་པར་བགྱི༷འོཞེས་གསུངས་སོ། །གསུམ་པ་མཐར་ཐུག་སྨོན་ལམ་བླ་ན་མེད་པར་གཅིག་ཏུ་བྱ་བ་ནི། གང་ཡང་དུས་གསུམ་གཤེགས་པའི་རྒྱལ་བ་ཡི། ། བྱང་ཆུབ་སྤྱོད་པའི་སྨོན་ལམ་བྱེ་བྲག་རྣམས། །བཟང་པོ་སྤྱོད་པའི་བྱང་ཆུབ་སངས་རྒྱས་ནས། །དེ་ཀུན་བདག་གིས་མ་ལུས་རྫོགས་པར་བགྱི། །ག༷ང་ཡ༷ང་འདས་མ་འོངས་ད་ལྟ་དུ༷ས་གསུ༷མ་དུ་བྱོན་པའམ་གཤེ༷གས་པ༷འི་རྒྱ༷ལ་བ༷་མཐའཡས་པ་ཡི༷་ནི། སྔོན་ཐོག་མ་མེད་པའི་དུས་ནས་བརྩམས་ཏེ་བྱ༷ང་ཆུ༷བ་སེམས་དཔའི་སྤྱོ༷ད་པ༷འིསྨོ༷ན་ལ༷མ་བྱེ༷་བྲ༷ག་མཐའ་ཡས་པ་རྣ༷མས་བཟ༷ང་པོ༷འི་སྤྱད་པ་སྤྱོ༷ད་པ༷འི་སྒོ་ནས་བླ་ན་མེད་པའི་བྱ༷ང་ཆུ༷བ་ཀྱི་ས༷ངས་རྒྱ༷ས་པའི་མཛད་པ་མཛད་ན༷ས། རྒྱལ་སྲས་བྱང་ཆུབ་སེམས་དཔའི་སྤྱོད་པདེ༷་དག་ཐམས་ཅད་ཀུ༷ན་བད༷ག་གི༷ས་མ༷་ལུ༷ས་པ་རྫོ༷གས་པ༷ར་བགྱི༷འོ་ཞེས་པའོ། །དེ་ལྟ་བུའི་སངསརྒྱས་རྣམས་ཀྱི་སྨོན་ལམ་བདག་གིས་རྫོགས་པར་བྱ་བའི་ཕྱིར། རྒྱལ་སྲས་མཆོག་གཉིས་དང་ཡང་སྨོན་ལམ་གཅིག་ཏུ་བྱ་བ་ནི། རྒྱལ་བ་ཀུན་གྱི་སྲས་ཀྱི་ཐུ་བོ་པ། །གང་གི་མིང་ནི་ཀུན་ཏུ་བཟང་ཞེས་བྱ། །མཁས་པ་དེ་དང་མཚུངས་པར་སྤྱད་པའི་ཕྱིར། །དགེ་བ་འདི་དག་ཐམས་ཅད་རབ་ཏུ་བསྔོ། །རྒྱ༷ལ་བ༷་སངས་རྒྱས་ཀུ༷ན་གྱི༷་སྲ༷ས་ཀྱི༷་མཆོག་གམ་ཐུ༷་བོ༷་པ༷་ག༷ང་གི༷་མི༷ང་ལ་ནི༷་བྱང་ཆུབ་སེམསདཔའ་ཀུ༷ན་ཏུ༷་བཟ༷ང་ཞེ༷ས་བྱ༷་བར་གྲགས་པའི་མཁ༷ས་པ༷་དེ༷་ད༷ང་མཚུ༷ངས་པ༷ར་དམ་པའི་ཆོས་ལ་སོགས་པར་སྤྱ༷ད་པ༷འི་ཕྱི༷ར། བདག་གི་དགེ༷་བའི་རྩ་བ༷་འདི༷་ད༷ག་ཐ༷མས་ཅ༷ད་བླ་ན་མེད་པའིབྱང་ཆུབ་ཀྱི་ཆེད་དུ་ར༷བ་ཏུ༷་བསྔོ༷་བར་བགྱིའོ་ཞེས་དང༌། འདི་ནི་རྒྱལ་བའི་སྲས་ཀྱི་མཆོག་ཀུནཏུ་བཟང་པོ་དང་སྨོན་ལམ་བྱེད་པར་མཚུངས་པར་སྨོན་ལམ་གནང་བ་ཡིན། འཕགས་པ་ཀུནཏུ་བཟང་བོས་གཞོན་ནུ་ནོར་བཟང་སོགས་རྗེས་འཇུག་རྣམས་ཀྱི་སྨོན་ལམ་འདེབས་པའི་དོནདུ་ཀུན་ཏུ་བཟང་བོ་རང་ཉིད་དང་གདུལ་བྱ་རྣམས་རྒྱལ་སྲས་བྱང་ཆུབ་སེམས་དཔའི་སྤྱོད་པགཅིག་ཏུ་བྱེད་པར་སྨོན་ལམ་གནང་བའོ། །ཚུལ་ཇི་ལྟར་མཚུངས་པར་སྤྱད་པ་ནི། ལུས་དང་ངག་དང་ཡིད་ཀྱང་རྣམ་དག་ཅིང༌། །སྤྱོད་པ་རྣམ་དག་ཞིང་རྣམས་ཡོངས་དག་པར། །བསྔོ་བ་བཟང་བོ་མཁས་པ་ཅི་འདྲ་བ། །དེ་འདྲར་བདག་ཀྱང་དེ་དང་མཚུངས་པར་ཤོག ། སེམས་ཅན་གང་ལ་གང་འདུལ་གྱི་ལུ༷ས་མཐའ་ཡས་པར་སྟོན་པ་ད༷ང༌། དབྱངས་གཅིགའགྲོ་བ་ཀུན་གྱི་སྐད་དང་འབྱོར་བའི་ང༷ག་ད༷ང༌། རྣམ་པར་མི་རྟོག་བཞིན་དུ་མ་འདྲེས་པར་ཤེསལ་སྙིང་རྗེ་ཆེན་པོའི་ཏིང་ངེ་འཛིན་ལ་ཡང་འཇུག་ནུས་པའི་ཡི༷ད་ཀྱ༷ང་སྟེ། ལུས་ངག་ཡིད་གསུམརྣ༷མ་པར་ད༷ག་པར་གྱུར་ཅི༷ང༌། སྦྱིན་སོགས་ཕ་རོལ་ཏུ་ཕྱིན་པ་དྲུག་ལ་སོགས་པའི་སྤྱོ༷ད་པ༷་དགལ་མི་མཐུན་ཕྱོགས་སེར་སྣ་སོགས་ཀྱིས་མ་གོས་པས་རྣ༷མ་པར་ད༷ག་པར་བྱེད་ཅིང༌། ཞི༷ང་རྣ༷མསཀྱང་ཡོ༷ངས་སུ་ད༷ག་པ༷ར། བསྔོ༷་བ༷་བཟ༷ང་པོ༷་མཐའ་དང་བྲལ་བ་བཏབ་པའི་མཁ༷ས་པ༷་བྱང་ཆུབསེམས་དཔའ་ཆེན་པོ་རྣམས། བྱང་ཆུབ་སེམས་དཔའ་ཀུན་ཏུ་བཟང་པོ་དང་ལྷན་ཅིག་སྤྱོད་པཅི༷་འདྲ༷་བ༷་དེ༷་འདྲ༷ར་བད༷ག་ཀྱ༷ང་ཀུན་ཏུ་བཟང་པོ་དེ༷་ད༷ང་མཚུ༷ངས་པ༷ར་ཤོ༷ག་ཅིག་ཅེས་འཕགསཔ་ཀུན་ཏུ་བཟང་བོ་དང་མཚུངས་པར་སྨོན་ལམ་གནང་བ་ཡིན། འཕགས་པ་ཀུན་ཏུ་བཟང་བོ་དང་སྨོན་ལམ་གཅིག་ཏུ་བྱ་བ་ཞུས་ཟིན་ནས་འཕགས་པ་འཇམདཔལ་དང་སྨོན་ལམ་གཅིག་ཏུ་བྱ་བ་ནི། ཀུན་ནས་དགེ་བ་བཟང་བོ་སྤྱོད་པའི་ཕྱིར། །འཇམ་དཔལ་གྱི་ནི་སྨོན་ལམ་སྤྱད་པར་བགྱི། །མ་འོངས་བསྐལ་བ་ཀུན་ཏུ་མི་སྐྱོ་བར། །དེ་ཡི་བྱ་བ་མ་ལུས་རྫོགས་པར་བགྱི། །ཐོག་མཐའ་བར་གསུམ་ཀུན་ཏུ་ཀུ༷ན་ན༷ས་དགེ༷་བ༷འི་ཆོས་བཟ༷ང་བོ༷་སྤྱོད་པ་དག་སྤྱ༷ད་པ༷འིཕྱི༷ར་དུ། འཕགས་པ་མཆོག་འཇ༷མ་དཔ༷ལ་གྱི༷ས་ནི༷་སྨོན་ལམ་ཇི་ལྟར་བཏབ་པ་བཞིན་བདག་གིས་ཀྱང་དེ་ལྟར་སྨོ༷ན་ལ༷མ་སྤྱ༷ད་པ༷ར་བགྱི༷འོ་ཞེས་སྨོན་ལམ་གནང་བ་དང༌། སངས་རྒྱས་རྣམསདང་འཕགས་པ་ཀུན་ཏུ་བཟང་དང་འཇམ་དཔལ་གྱིས་སྨོན་ལམ་བཏབ་པ་དེ་དག་ཐམས་ཅདམ༷་འོ༷ངས་མཐའ་མེད་པའི་བསྐ༷ལ་བ༷་ཀུ༷ན་ཏུ༷་དེ་ལྟར་སྤྱོད་པ་ལ་མི༷་སྐྱོ༷་བ༷ར་དགའ་བ་དང་སྤྲོ་བའིསྒོ་ནས་སངས་རྒྱས་རྣམས་དང་འཕགས་པ་ཀུན་ཏུ་བཟང་འཇམ་དཔལ་སོགས་དེ༷་ཡི༷་བྱ༷་བ༷་མ༷ལུ༷ས་པ་ཐམས་ཅད་བདག་གིས་རྫོ༷གས་པ༷ར་བགྱི༷འོ་ཞེས་སྨོན་ལམ་གནང་བའོ། །ས་བཅད་གསུམ་པ་དོན་བསྡུ་བ་ནི། སྤྱོད་པ་དག་ནི་ཚད་ཡོད་མ་གྱུར་ཅིག ། ཡོན་ཏན་རྣམས་ཀྱང་ཚད་གཟུང་མེད་པར་ཤོག ། སྤྱོད་པ་ཚད་མེད་པ་ལ་གནས་ནས་ཀྱང༌། །དེ་དག་འཕྲུལ་པ་ཐམས་ཅད་འཚལ་བར་བགྱི། །སྦྱིན་པ་དང་ཚུལ་ཁྲིམས་ཀྱི་ཕར་ཕྱིན་སོགས་བྱང་ཆུབ་སེམས་དཔའི་ལམ་ཕ་རོལ་ཏུ་ཕྱིནཔ་དྲུག་ལ་སོགས་པའི་སྤྱོ༷ད་པ༷་ད༷ག་ནི༷་འདི་ཙམ་ཞེས་ཚ༷ད་བཟུང་བ་ཡོ༷ད་པར་མ༷་གྱུ༷ར་ཅི༷ག་ཅེསསྨོན་ལམ་གནང་བ་དང༌། གཟུངས་དང་སྤོབས་པ་ཏིང་ངེ་འཛིན་ལ་སོགས་པའི་རྒྱུད་ཀྱི་ཡོ༷ནཏ༷ན་རྣ༷མས་ཀྱ༷ང་ཚ༷ད་གཟུ༷ང་དུ་མེ༷ད་པ༷ར་ཤོ༷ག་ཅིག་ཅེས་སྨོན་ལམ་གནང་བ། དེ་ལྟར་སྤྱོ༷ད་པ༷་དང་ཡོན་ཏན་རྣམས་ཚ༷ད་གཟུང་དུ་མེ༷ད་པ༷་ལ༷་གན༷ས་པར་བྱས་ན༷ས་ཀྱ༷ང༌། སངས་རྒྱས་དང་བྱང་ཆུབ་སེམས་དཔའ་དེ༷་ད༷ག་རྣམས་ཀྱི་རྣམ་པར་འཕྲུ༷ལ་པ༷་ཐ༷མས་ཅ༷ད་བདག་གིས་འཚ༷ལ་པ་སྟེ། སྐུ་གསུང་ཐུགས་ཀྱི་འཕྲུལ་བ་ཐམས་ཅད་བདག་གིས་མཐོང་ཞིང་ཤེས་ལ། མཐར་སངསརྒྱས་དང་བྱང་ཆུབ་སེམས་དཔའི་རྣམ་འཕྲུལ་ཐམས་ཅད་མ་འོངས་པར་བདག་ལ་ཐོབ་པར་ཤོགཅིག་ཅེས་སྨོན་ལམ་གནང་བའོ། །གསུམ་པ་སྨོན་ལམ་གྱི་མཐའ་དང་ཕན་ཡོན་བསྟན་པ་ལ་སྨོན་ལམ་གྱི་མཐའ་བཤད་པ་དང༌། ཕན་ཡོན་དངོས་བཤད་པ་གཉིས་ལས། དང་པོ་སྨོན་ལམ་གྱི་མཐའ་ནི། ནམ་མཁའི་མཐར་ཐུག་གྱུར་པ་ཇི་ཙམ་པར། །སེམས་ཅན་མ་ལུས་མཐའ་ཡང་དེ་བཞིན་དེ། །ཇི་ཙམ་ལས་དང་ཉོན་མོངས་མཐར་གྱུར་པ། །བདག་གི་སྨོན་ལམ་མཐའ་ཡང་དེ་ཙམ་མོ། །ན༷མ་མཁ༷འི་མཐ༷ར་ཐུ༷ག་གྱུ༷ར་པ༷་ཞེས་པ་ནི་ནམ་མཁའ་བཞིན་མཐའ་མེད་པའི་ཕྱིར། ཕྱོགསབཅུའི་མཐའ་མེད་པ་ཇི༷་ཙ༷མ་པ༷ར། སེ༷མས་ཅ༷ན་མ༷་ལུ༷ས་ཐམས་ཅད་ཀྱི་མཐ༷འ་ཡ༷ང་དེ༷་བཞི༷ན་དེ༷། མཐའ་མེད་པའོ། །སེམས་ཅན་མ་ལུས་པ་ཇི༷་ཙ༷མ་པ་དེ་དག་གིས་བསགས་པའི་ལ༷ས་ད༷ངཉོ༷ན་མོ༷ངས་པ་ཡང་མཐ༷ར་བཟུང་དུ་མེད་པར་གྱུ༷ར་པ༷། བད༷ག་གི༷་སྨོ༷ན་ལ༷མ་གྱི་མཐ༷འ་ཡ༷ང་གོངནས་ནམ་མཁའ་མཐའ་མེད་པ་དང༌། སེམས་ཅན་མཐའ་མེད་པ་དེ༷་ཙ༷མ་མོ༷་ཞེས་མཐའ་མེད་པར་བསྟན་པ་དང༌། མཐའ་མེད་པ་ཞེས་པ་ནི་ཟད་པ་མེད་པའི་དོན་ཏེ། མཐའ་དང་ཟད་པསོགས་དོན་གཅིག་ལ་བྱེད་པར་རྣམ་བཤད་རིགས་པ་ལས། མཐའ་ནི་ཟད་དང་མཇུག་ཆ་དང༌། །ཉེ་དང་ཕྱོགས་དང་སྨད་ལའོ། །ཞེས་གསུངས་སོ། །གཉིས་པ་ཕན་ཡོན་དངོས་ལ་མདོར་བསྟན་དང༌། རྒྱས་བཤད། དོན་བསྡུ་གསུམ་ལས། དངཔོ་མདོར་བསྟན་ནི། གང་ཡང་ཕྱོགས་བཅུའི་ཞིང་རྣམས་མཐའ་ཡས་པ། །རིན་ཆེན་བརྒྱན་ཏེ་རྒྱལ་བ་རྣམས་ལ་ཕུལ། །ལྷ་དང་མི་ཡི་བདེ་བའི་མཆོག་རྣམས་ཀྱང༌། །ཞིང་གི་རྡུལ་སྙེད་བསྐལ་བར་ཕུལ་བ་བས། །གང་གིས་བསྔོ་བའི་རྒྱལ་བོ་འདི་ཐོས་ནས། །བྱང་ཆུབ་མཆོག་གི་རྗེས་སུ་རབ་མོས་ཤིང༌། །ལན་གཅིག་ཙམ་ཡང་དད་པ་བསྐྱེད་པ་ན། །བསོད་ནམས་དམ་པའི་མཆོག་ཏུ་འདི་འགྱུར་རོ། །ག༷ང་ཡ༷ང་ཕྱོ༷གས་བཅུ༷འི་འཇིག་རྟེན་གྱི་ཞིང༷་ཁམས་རྣ༷མས་མཐ༷འ་ཡ༷ས་པ༷་དེ་དག་རི༷ན་པོཆེ༷འི་མཆོད་པའི་བྱེ་བྲག་རྣམ་པ་སྣ་ཚོགས་རྒྱལ་སྲིད་སྣ་བདུན་ཨིནྡྲ་ནཱི་ལ་ལ་སོགས་པས་བརྒྱ༷ནཏེ༷་བཀང་ནས། བསོད་ནམས་ཤིན་ཏུ་རྒྱ་ཆེ་བས་རྒྱ༷ལ་བ༷་སངས་རྒྱས་རྣ༷མས་ལ༷་ཕུ༷ལ་བ་ཡིན་ནལྷ༷་ད༷ང་མི༷འི་བདེ༷་བ༷འི་མཆོ༷ག་ཏུ་གྱུར་པ་ཁ་ཟས་གོས་དང་གནས་ཁང་བང་མཛོད། བཞོན་པ། འབྲུ་སོགས་གཞན་ཡང་འདོད་པའི་ཡོན་ཏན་མཐའ་ཡས་པ་རྣ༷མས་དང་བཅས་པའི་སྒོ་ནསཕྱོགས་བཅུའི་ཞི༷ང་ཁམས་དེ་རྣམ་གྲངས་ཆེས་མང་བས་རྡུ༷ལ་སྙེ༷ད་དུས་ཀྱི་སྒོ་ནས་རྒྱུན་མི་ཆདཔར་བསྐ༷ལ་བ༷ར་མང་པོ་ཕུ༷ལ་བ༷་བ༷ས། གང་ཟག་གང་དང་ག༷ང་གི༷ས་འཕགས་པ་བཟང་བོ་སྤྱོདཔའི་སྨོན་ལམ་གྱི་བསྔོ༷་བ༷འི་རྒྱ༷ལ་བོ༷་འདི༷་ཐོ༷ས་ན༷ས་བྱ༷ང་ཆུ༷བ་མཆོ༷ག་ལ་རྗེ༷ས་སུ༷་མཐུན་པར་ར༷བཏུ་མོ༷ས་ཤི༷ང༌། གནས་ཚུལ་དང་མཐུན་པར་མོས་པར་བྱེད་པ་ནི་རྗེས་སུ་མཐུན་པའི་མོས་པའོ། །ལ༷ན་གཅི༷ག་ཙ༷མ་གྱིས་ཡ༷ང་ད༷ད་པ༷་བསྐྱེ༷ད་པ༷་ཡིན་ན༷་སྔ་མ་ལས་ཆེས་ཁྱད་པར་དུ་འཕགས་པའིབསོ༷ད་ན༷མས་ད༷མ་པ༷འི་མཆོ༷ག་ཏུ༷་གྱུར་བ་འདི༷་འགྱུ༷ར་རོ༷། །མདོར་ན་ཕྱོགས་བཅུའི་འཇིག་རྟེནཐམས་ཅད་རིན་པོ་ཆེས་བརྒྱན་ནས་རྒྱལ་བ་རྣམས་ལ་ཕུལ་བ་ཡིན་ན་བསོད་ནམས་རྒྱ་ཆེ་བ་འབྱུང་ན་ཡང༌། དེ་ལས་ཀྱང་འཕགས་པ་བཟང་པོ་སྤྱོད་པ་འདི་ཐོས་ནས་བྱང་ཆུབ་མཆོག་ལ་རྗེས་སུ་མོས་པ་བསྐྱེད་ཅིང༌། དད་པ་ལ་སོགས་པ་བསྐྱེད་ན་དེའི་བསོད་ནམས་ནི་སྔ་མ་ལས་ཆེས་བསོད་ནམས་ཆེ་ཞེས་གསུངས་པ་དང༌། གོང་ནས་གསུངས་པར་འདི་ཐོས་པ་ཞེས་པ་ནིདོན་གོ་བར་ཐོས་དགོས་པ་ལས་དོན་མ་གོ་ན་ཕན་ཡོན་དེ་ལྟར་མི་འབྱུང་སྟེ། དེ་ཡང་རྗེ་ཏཱ་ར་ནཱ་ཐའི་བཟང་སྤྱོད་འགྲེལ་བ་ལས། དོན་མ་གོ་བ་དང༌། མོས་པ་དང་དད་པ་ཞེས་བསྟན་པསགཞན་གྱིས་བསྐུལ་བ་དང་འགྲན་པའི་ཕྱིར་དང༌། གཡམ་རྒྱུག་ཏུ་སྨོན་ལམ་འདེབས་པ་སོགས། འདི་དག་ལ་དངོས་སུ་ཕན་ཡོན་ཆེན་པོ་དེ་ལྟ་བུ་མི་འབྱུང་ངོ༌། །ཞེས་གསུངས་སོ། །དེ་ནས་ཤོལོ་ཀ་གཉིས་ཀྱི་སྒོ་ནས་ཕན་ཡོན་མདོར་བསྟན་གསུངས་པའོ། །གཉིས་པ་ཕན་ཡོན་རྒྱས་བཤད་ལ་བཅུ་གསུམ་ལས་དང་པོ་ནི། གང་གིས་བཟང་སྤྱོད་སྨོན་ལམ་འདི་བཏབ་པས། །དེས་ནི་ངན་སོང་ཐམས་ཅད་སྤོང་བར་འགྱུར། །སྐྱེས་བུ་ག༷ང་གི༷ས་འཕགས་པ་བཟ༷ང་བོ་སྤྱོ༷ད་པའི་སྨོ༷ན་ལ༷མ་འདི༷་ལ་བརྩོན་པར་བྱས་ནསསྨོན་ལམ་བཏ༷བ་པ༷ས། དེ༷ས་ནི༷་ང༷ན་སོ༷ང་དུ་སྐྱེ་བར་འགྱུར་བའི་སྡིག་པ་ཚད་མེད་པ་བྱས་པ་ཡིནན་ཡང༌། དེ་ཐམས་ཅད་བྱང་ཞིང་ལས་ཀྱི་དབང་གིས་ངན་སོང་འགྲོ་བ་ཐ༷མས་ཅ༷ད་སྤོ༷ང་བ༷རའགྱུ༷ར་ཐུབ་པར་གསུངས་སོ། །ཕན་ཡོན་གཉིས་པ་ནི། དེས་ནི་གྲོགས་པོ་ངན་པ་སྤངས་པ་ཡིན། །འཕགས་པ་བཟང་པོ་སྤྱོད་པའི་སྨོན་ལམ་འདེབས་པ་པོ་དེ༷ས་ནི༷་ཚེ་འདི་དང་ཕྱི་མ་ཐམསཅད་དུ་སྡིག་པའི་གྲོ༷གས་པོ༷་ང༷ན་པ༷་ཐམས་ཅད་སྤ༷ངས་པ༷་ཡི༷ན་ཞིང༌། གྲོགས་པོ་ངན་པ་དང་འཕྲདཔར་མི་བགྱིད་པར་སྔར་གྲོགས་ངན་པ་དང་འཕྲད་པའི་རྒྱུན་དེ་དང་ཡང་བྲལ་ཞིང༌། གྲོགསཔོ་ངན་པ་ནི་ཉོན་མོངས་པ་འཕེལ་བར་བྱེད་པ། ལས་སྡིག་པ་སོགས་ལ་སྦྱོར་བར་བྱེད་པ། ཚུལཁྲིམས་དང་ཐོས་བསམ་སྒོམ་གསུམ་འཕེལ་བ་ལ་གེགས་བྱེད་པ།ཚེ་འདིའི་འདོད་ཡོན་དང༌། དགྲ་གཉེན་སོགས་འཇིག་རྟེན་གྱི་བྱ་བ་ལ་སྦྱོར་མཁན་དེའོ། །དེ་ཡང་དེ་ལྟ་བུའི་བླ་མའམ་དཔོནཔོ། རང་དང་མཉམ་པ། རོགས་དང་སློབ་མར་གྱུར་བ་གང་ཡིན་ཡང་མི་དགེ་བའི་བཤེས་གཉེནནམ་སྡིག་པའི་གྲོགས་པོ་ཡིན་པར་རྗེ་ཏཱ་ར་ནཱ་ཐའི་བཟང་སྤྱོད་འགྲེལ་བ་ལས་གསུངས་འདུག་དེ་ལྟར་གསུངས་པ་ལྟར་གྲོགས་ངན་པ་ལ་མི་འགྲོག་རྒྱུ་གལ་ཆེན་པོ་ཡིན། གྲོགས་ངན་པ་དངའགྲོགས་སོང་ན་མི་གཞི་མི་བརྟན་པ་ཞིག་ཡིན་ན་ཉིན་གཅིག་གི་དུས་ཚོད་ཀྱི་ནང་ལ་ཁོ་རངའགྱུར་བ་ཐེབས་འགྲོ་གིན་འདུག ཅུང་ཙམ་རེ་དཔེ་ཆ་ལ་དགའ་བ་དང་དཔེ་ཆ་ལ་མོས་པ་ཡོདམཁན་ཞིག་ཡིན་ན་ཡང་ཁ་སང་དེ་རིང་དྲྭ་ཐོག་ན་སྡིག་པའི་བཤེས་གཉེན་མང་པོས་བཤད་པའིསློབ་གསོ་ངན་པའི་སྐོར་རེ་ཉན་ནས་ཧ་ལས་པའི་འགྱུར་བ་ཐེབས་ཀིན་འདུག དེས་ན་གྲོགསངན་པ་དང་མི་འགྲོག་རྒྱུ་གལ་ཆེན་རེད། འཕགས་པ་བཟང་བོ་སྤྱོད་པ་འདིའི་སྐབས་ཡིན་ན་ཡང་གོང་ནས་གྲོགས་བཟང་པོ་དང་འཕྲད་པར་ཤོག་ཅིག་ཅེས་སྨོན་ལམ་གནང་བ་དང་འདི་ནས་སྡིག་པའི་གྲོགས་པོ་དང་མི་འཕྲད་པའི་ཕན་ཡོན་སྐོར་གསུངས་པ་རེད་དེ། གཙོ་བོ་རངགི་ལུས་ངག་ཡིད་གསུམ་གྱིས་ཐོག་གི་སྦྱོར་བ་ལ་རག་ལས་པ་ཞིག་ཡིན་ཏེ། ང་ཚོས་ནམ་རྒྱུནསངས་རྒྱས་ཀྱི་གོ་འཕང་ཐོབ་པར་ཤོག་ཅིག་ཅེས་དམ་བཅའ་གནང་གི་ཡོད་པ་ཡིན་ན་ཡང༌། རངགི་ལག་ལེན་གྱི་ཐོག་ནས་ཇི་བཞིན་དུ་སྒྲུབ་མིན་ལ་རག་ལས་ཡོད་པའོ། །ཕན་ཡོན་གསུམ་པ་ནི། སྣང་བ་མཐའ་ཡས་དེ་ཡང་དེས་མྱུར་མཐོང༌། །འཕགས་པ་བཟང་པོ་སྤྱོད་པའི་སྨོན་ལམ་འདེབས་པ་པོའི་གང་ཟག་དེས་ནི་ཞེས་གོངནས་གསུངས་པ་དེ་ཐོག་མའི་གསལ་བྱེད་བྱས་ནས་འདི་ཐམས་ཅད་ལ་སྦྱར་དགོས། འཕགསཔ་བཟང་པོ་སྤྱོད་པའི་སྨོན་ལམ་འདེབས་པ་པོའི་གང་ཟག་དེས་ནི་སངས་རྒྱས་སྣ༷ང་བ༷་མཐ༷འཡ༷ས་འོད་དཔག་མེད་བདེ་བ་ཅན་གྱི་ཞིང་ཁམས་འཁོར་དང་བཅས་པ་དེ༷་ཡ༷ང་དེ༷ས་མྱུ༷ར་དུ་མཐོ༷ངཐུབ་པ་དང་འཆི་བའི་ཚེ་ན་ཡང་ནུབ་ཕྱོགས་བདེ་བ་ཅན་དུ་སྐྱེ་ཐུབ་ཅེས་གསུངས་སོ། །ཕན་ཡོན་བཞི་བ་ནི། དེ་དག་རྙེད་པ་རབ་རྙེད། སྨོན་ལམ་འདི་ལ་བརྩོན་པའི་གང་ཟག་དེ༷་ད༷ག་གིས་ནི་དོན་ཆེན་པོ་ལ་སོགས་པ་འགྲུབ་པའིཕྱིར་རྙེ༷ད་པ༷་དག་ར༷བ་ཏུ་རྙེ༷ད་པའམ་འབད་བརྩོན་མེད་པར་ཆོས་དང་ལྡན་པའི་ཟས་གོས་བསོདསྙོམས་ལ་སོགས་པ་དེ་དག་རབ་ཏུ་རྙེད་པ་སྟེ་འཕོངས་པ་མེད་པར་ཐོབ་ཐུབ་ཅེས་གསུངས་པ་ལྟར། དེ་ནི་ང་ཚོས་ཀྱང་མྱོང་བའི་གྲུབ་པ་ཞིག་ཡིན་ཏེ། སངས་རྒྱས་བཅོམ་ལྡན་འདས་ཀྱིབཀའ་དྲིན་དང་དགེ་འདུན་པ་སྤྱིའི་གཟི་བརྗིད་དང་དམ་པའི་ཆོས་ཀྱི་བསོད་ནམས་ལ་བརྟེནནས་གྲྭ་བ་རྣམས་པ་ཚོར་འདི་འདྲའི་འཚོ་བའི་མཐུན་རྐྱེན་དཔལ་འབྱོར་གནས་གོས་ལོངས་སྤྱོདསོགས་མ་ཚང་བ་མེད་པ་ཞིག་གཞན་གྱིས་ཚུར་ཞབས་ཕྱི་བསྒྲུབ་འོང་བ་ནི་རང་ལ་ཡོན་ཏནཆེན་པོ་ཞིག་ཡོད་པས་མིན་པར་དམ་པའི་ཆོས་ལ་བརྟེན་ནས་བྱུང་བ་ཡིན། དམ་པའི་ཆོས་ལདད་པ་ཡོད་པའི་གང་ཟག་དག་གིས་དད་པའི་ངོས་ནས་ང་ཚོར་འབུལ་འོང་བ་ཤེས་དགོས་པརེད་མ་གཏོགས་གཞུང་གི་སློབ་ཆེན་ཞིག་ཡིན་ན་སྒོར་མོ་ཁྲི་ཕྲག་འགའ་རེ་སློབ་རིན་དང་དརུང་ཟ་རིན་སོགས་ལོགས་སུ་དགོས་ལ། ང་ཚོས་དེ་འདྲ་མི་དགོས་པར་འདི་འདྲའི་སློབ་གླིངནང་དུ་ཟ་རུང་བ་གོན་རུང་བ་དག་ཚུར་སྒྲུབ་འོང་བ་ནི་དམ་པའི་ཆོས་ཀྱི་ནུས་མཐུ་ཡིན། ཡིནན་ཡང༌། ང་ཚོ་ལ་ཡང་དག་པའི་མཆོད་གནས་ཀྱི་འདུ་ཤེས་བཟུང་ནས་འདི་འདྲ་ཕུལ་འོང་དུསརྫུན་གྱིས་འཁོར་ལོ་མི་བསྐོར་བར་བསྔོ་བ་སྨོན་ལམ་ཡང་དག་པ་རེ་བྱ་རྒྱུ་གལ་ཆེན་པོ་རེད་མགཏོགས་སྒོར་མོ་ཕུལ་འོང་དུས་ལེན་ཤེས་པ་ཙམ་དང་ཟ་མ་ཕུལ་འོང་དུས་ཟ་ཤེས་པ་ཙམ་གྱིསའགྲོ་ཐབས་བྱས་ཏེ་ཐོས་བསམ་སྒོམ་གསུམ་ཁ་ཏོན་བཟླས་བརྗོད་གང་གི་སྐབས་ཡིན་རུང་ཡོནབདག་ཚོར་བསྔོ་བ་སྨོན་ལམ་རེ་དྲན་གྱིན་མེད་ན་ངོ་མ་ཐབས་སྐྱོ་བོ་རེད། དེས་ན་སྨོན་ལམ་ཡང་དག་པ་རེ་གནང་དགོས་ཤིང༌། ཚུལ་ཁྲིམས་དང་ལྡན་པ་ཞིག་གིས་སྨོན་ལམ་གནང་ནའགྲུབ་ཐུབ་སྟེ། ལུང་ལས། ཚུལ་ཁྲིམས་ལྡན་པ་སྨོན་པས་འགྲུབ། །ཅེས་གསུངས་སོ། །ཕན་ཡོན་ལྔ་བ་ནི། བདེ་བར་འཚོ། འཕགས་པ་བཟང་པོ་སྤྱོད་པའི་སྨོན་ལམ་འདེབས་པ་པོའི་གང་ཟག་དེ་རྣམས་ནི་བདེ༷་བ༷རའཚོ༷་ཐུབ་ཅེས་དང༌། བདེ་བ་ནི་ལེགས་པའི་དོན་ཏེ་ཚེ་རབས་ཀུན་ཏུ་ལེགས་པར་སྤྱད་པ་དང༌། དགྲ་དང་གདོན་ནད་ལ་སོགས་པའི་མི་འདོད་པའི་ཉེར་བར་འཚེ་བ་ཀུན་གྱིས་འཚེ་བ་མེད་པའིསྒོ་ནས་འཚོ་ཐུབ་པ་དང༌། དམ་པའི་ཆོས་ཡང་དག་པར་སྒྲུབ་པའི་སྒོ་ནས་བདེ་བར་འཚོ་ཐུབཔ། མདོར་ན་དགྲ་དང་གདོན་ནད་ལ་སོགས་པའི་མི་འདོད་པའི་ཉེ་བར་འཚེ་བ་ཐམས་ཅདཞི་ཞིང༌། མཐུན་རྐྱེན་ཐམས་ཅད་ཡིད་བཞིན་དུ་འགྲུབ་ནས་དམ་པའི་ཆོས་དང་མཐུན་པ་ཞིགསྒྲུབ་ཐུབ་པ། དེ་འདྲའི་བདེ་བར་འཚོ་བ་ནི་གང་ལ་བརྟེན་ནས་བྱུང་ཞེ་ན། འཕགས་པ་བཟངཔོ་སྤྱོད་པ་འདི་ལ་བརྟེན་ནས་སོ། །དེ་རིང་འདི་ནས་མཚམས་འཇོག་གི་ཡིན། ཕན་ཡོན་དྲུག་པ་ནི། མི་ཚེ་འདིར་ཡང་དེ་དག་ལེགས་པར་འོང༌། །དད་པ་རྣམ་དག་གི་སྒོ་ནས་འཕགས་པ་བཟང་པོ་སྤྱོད་པའི་སྨོན་ལམ་འདི་གསུངས་པ་ནདེའི་ཕན་ཡོན་ནི་སྐྱེ་བ་ཕྱི་མ་ཙམ་མ་ཟད་མི༷་ཚེ༷་འདི༷ར་ཡ༷ང་དེ༷་ད༷ག་ལེ༷གས་པ༷ར་འོ༷ང་སྟེ། ལེགསཔར་འོང་ཚུལ་ནི་མི་ཚེ་དོན་ལྡན་དུ་འགྱུར་ཚུལ་ཡིན་ཏེ། རྗེ་ཏཱ་ར་ནཱ་ཐའི་བཟང་སྤྱོད་འགྲེལ་བལས།མི་ཚེ་དོན་ལྡན་དུ་བྱུང་ཞེས་པའི་དོན་ནོ། །ཞེས་གསུངས་སོ། །དེ་ཡང་མི་ཚེ་དོན་ལྡན་དུ་འགྱུར་ཚུལ་ནི། འཇིག་རྟེན་གྱི་སྐྱེ་བོ་ཞིག་ཡིན་ན་ཚེ་འདིར་དཔལ་འབྱོར་མངའ་ཐང་ལོངསསྤྱོད་བསྙེན་བཀུར་སྙན་གྲགས་སོགས་ཚེ་རིང་བར་གྱུར་བ་ཡིན་ན་དེ་དག་ལ་མི་ཚེ་དོན་ལྡན་དུ་གྱུར་བ་ཡིན་ལ། རབ་ཏུ་བྱུང་བ་ཞིག་ལ་ནི་མི་ཚེ་འདིར་ལེགས་པར་འོང་ཚུལ་ནི། མཚན་སྙནགྲགས་ཡོད་ཀྱང་མེད་ཀྱང༌། འཇིག་རྟེན་གྱི་མི་ཚོས་མཐོང་ཆེན་བྱེད་ན་འདྲ་མ་བྱེད་ན་འདྲ། རངརང་སོ་སོ་ལ་རིན་ཐང་གི་ལྟ་བ་ཡོད་ཅིང༌། ཚུལ་ཁྲིམས་རྣམ་པར་དག་པས་གཞི་བཟུང་བའིསྟེང་ནས་ཐོས་བསམ་སྒོམ་གསུམ་ཡང་དག་པ་ཞིག་བྱེད་ཐུབ་ན་མི་ཚེ་དོན་ལྡན་དུ་གྱུར་སོངབ་རེད། ང་ཚོ་རབ་ཏུ་བྱུང་བ་ཞིག་ཡིན་ཕྱིན། བསྙེན་བཀུར་སྙན་གྲགས་ཆེ་སོང་བ་དང་ཐོབ་དངདཔལ་འབྱོར་ཡོད་སོང་བ་ཡིན་ན་མི་ཚེ་དོན་ལྡན་དུ་འོང་ཐུབ་མེད་ལ། ང་ཚོས་ནི་འདོད་ཆུངཆོག་ཤེས་བྱས་ནས་ཟས་ངན་ངོན་གོས་ངན་ངོན་གནས་མལ་ངན་ངོན་བྱས་ཏེ་སྤོང་ཀློག་གི་ལསབརྩོན་ནས་མི་ཚེ་དོན་ལྡན་དུ་འོང་དགོས་པ་རེད། སངས་རྒྱས་ཀྱི་ཆོས་འདུལ་བ་དང་དེའི་དགོངསའགྲེལ་རྣམས་ཀྱི་སྐབས་སུ་དགེ་སློང་ཞིག་ཡིན་ན་ཕམ་པ་བཞིས་མ་གོས་པའི་སྟེང་ནས་རང་བཞིན་གྱི་ཁ་ན་མ་ཐོ་བ་ལ་འཛེམ་པ་ཞིག་ཡིན་ན་དགེ་སློང་རྣམ་དག་ཡིན་ཞེས་གསུངས་སོ། །དེ་ནང་བཞིན་རྒྱ་ཆེན་གཞུང་ལ་ཐོས་བསམ་སྒོམ་གསུམ་རེ་བྱས།བྱམས་སྙིང་རྗེ་བྱང་ཆུབ་ཀྱི་སེམས་བློ་ལྡོག་རྣམ་བཞི་བདེན་བཞི་མི་རྟག་བཅུ་དྲུག་པོ་བསྒོམ་པ་ཡིན་ན་རང་ཉིད་རབ་བྱུངཡང་དག་པ་ཡིན་པ་ངོས་ཟིན་པའི་སྟེང་ནས་དེ་དག་ལ་རིན་ཐང་གི་ལྟ་བ་ཡོད་དགོས། དེ་མིནགྲྭ་བ་མང་ཆེ་བས་གོམས་གཤིས་ཀྱི་དབང་གིས་མ་ཎི་དང་ཁ་ཏོན་འདོན་ན་ཕན་ཡོན་ཆེན་པོ་ཡོད་བསམ་པ་དང༌། གཞུང་རེ་སྐྱོར། དེའི་དོན་བསམ་པ་ཡིན་ན་ཕན་ཡོན་དེ་ཙམ་ཞིག་མེདསྙམ་འདུག རེད་དེ། དེ་ནི་ནོར་འཁྲུལ་ཡིན་ལ། ང་ཚོས་ཚིག་འདོན་པ་ལ་ཕན་ཡོན་ཡོད་ན་དེའིདོན་བསམ་པ་ལ་ཕན་ཡོན་ཡོད་པ་སྨོས་མི་དགོས། དེ་དག་གསུང་མཁན་ཡང་སངས་རྒྱས་དངབྱང་སེམས་གཅིག་པ་ཡིན་ན་དེས་གསུངས་པའི་ཆོས་ལ་ཡང་ཕན་ཡོན་ཡོད་པ་གཅིག་པ་ཡིནཔས། དེ་ལྟར་རྣམ་པ་ཚང་མས་ཤེས་དགོས། དེས་ན་འཆར་གཞི་ཡག་པོ་ཞིག་ཡོད་པའི་སྟེངནས་ཚུལ་ཁྲིམས་རྣམ་པར་དག་པས་གཞི་བྱས། ཐོས་བསམ་སྒོམ་གསུམ་བྱས་ནས་མི་ཚེ་དོནལྡན་དུ་བྱ་དགོས་ཏེ། དེ་ཡང་ཉི་མ་རེ་རེ་ལ་མི་ཚེ་དོན་ལྡན་དུ་བྱས་ནས་འགྲོ་དགོས། ང་ཚོསཉམས་ལེན་ཤེས་ན་ཆོས་ཤིག་ཉན་ན་ཡང༌། ཕར་ཕྱིན་དྲུག་གི་ཉམས་ལེན་ཚང་ཞེས་ཇོ་ནངལོ་ཙཱ་བ་ས་བཟང་མ་ཏི་པན་ཆེན་གྱིས་གསུངས་པ་ལྟར་བླ་མ་ལ་མཎྜལ་ཕུལ་བ་དང་ཆོས་ཉནཔའི་དགེ་བ་གཞན་ལ་བསྔོས་པ་ནི་སྦྱིན་པའི་ཉམས་ལེན་དང༌། ཆོས་ཉན་པའི་སྐབས་དེར་མིམཐུན་ཕྱོགས་སོགས་བསྲུང་བ་ནི་ཚུལ་ཁྲིམས་ཀྱི་ཉམས་ལེན་དང༌། ཆོས་ཉན་པའི་སྐབས་གཞནགྱི་ལོག་སྒྲུབ་སོགས་ལ་བཟོད་པ་ནི་བཟོད་པའི་ཉམས་ལེན་དང༌། ཆོས་ཉན་པ་ལ་སྤྲོ་བ་ནི་བརྩོནགང་དགེ་ལ་སྤྲོ་བའོ་ཞེས་གསུངས་པ་ལྟར་བརྩོན་འགྲུས་ཀྱི་ཉམས་ལེན་དང༌། ཆོས་ཉན་པའིསྐབས་རྩེ་གཅིག་ཏུ་མི་གཡེང་བར་ཉན་པ་ནི་བསམ་གཏན་གྱི་ཉམས་ལེན་དང༌། ཆོས་ཉན་པའིསྐབས་ཡིན་པ་ལ་ཡིན་པར་འབྱེད་པ་དང་མིན་པ་ལ་མིན་པར་འབྱེད་པའི་བླང་དོར་གྱི་ཤེསརབ་སྐྱེས་ཐུབ་པ་ནི་ཤེས་རབ་ཀྱི་ཉམས་ལེན་འོང་བ་རེད། དེ་ནང་བཞིན། ང་ཚོས་རྩོད་པ་གནངབའི་སྐབས་ཕ་རོལ་བའི་ལོག་རྟོག་བཟློག་པའི་ཆེད་དུ་རྩོད་པ་བྱས་པ་ནི་སྦྱིན་པའི་ཉམས་ལེནདང༌། དེའི་སྐབས་དེར་མི་མཐུན་ཕྱོགས་སྲུང་བའི་ཚུལ་ཁྲིམས་ཀྱང་འོང་ཐུབ་ལ། རྩོད་པའི་སྐབསཕན་ཚུན་ལ་ཚིག་རྩུབ་དང་ངན་སྨྲས་སོགས་ལ་བཟོད་པ་ནི་བཟོད་པའི་ཉམས་ལེན་དང༌། ཆོསལ་རྩོད་པའི་སྤྲོ་བ་སྐྱེས་ན་བརྩོན་འགྲུས་ཀྱི་ཉམས་ལེན་དང༌། དེ་ལ་རྩེ་གཅིག་པའི་བསམ་གཏནཡང་ཚང༌། ཆོས་ཀྱི་གནས་ལུགས་སོ་སོར་འབྱེད་པའི་ཤེས་རབ་ཚང་པ་ན་ང་ཚོས་ཆོས་རྩོདཔའི་སྐབས་ལ་ཡང་ཕར་ཕྱིན་དྲུག་གི་ཉམས་ལེན་འོང་ཐུབ། དེས་ན་རྣམ་པ་ཚང་མས་དེ་ལྟརཤེས་དགོས་པ་རེད་མ་གཏོགས་ཁ་སང་དེ་རིང་ཡོན་ཏན་ཆེན་པོ་ཞིག་མངོན་གྱུར་གྱི་རྒྱུད་ལ་མ་སྐྱེས་ན་དེ་ལ་སེམས་ངལ་བྱས། དེ་ནས་རིམ་བཞིན་བརྩོན་པ་ཡང་འདོར། དེ་ནས་བྱ་བ་གཞནཔ་ཞིག་ལ་བརྩོན་ཡང་ཅི་ཡང་འགྲུབ་མི་ཐུབ། ད་ལྟའི་དཔེ་ཆ་བ་དང་གནའ་སྔ་མོའི་དུས་ཀྱིདཔེ་ཆ་བ་གཉིས་ལ་ཁྱད་པར་ཆེན་པོ་ཡོད་དེ། གནའ་སྔ་མོའི་དུས་ཀྱི་དཔེ་ཆ་བ་དག་ལ་དཔལའབྱོར་སོགས་ཀྱིས་ཇི་ལྟར་དབུལ་ན་ཡང༌། བརྩོན་འགྲུས་ཧ་ལས་པའི་ཆེན་པོ་མཛད་དེ། དཔེཆ་ལྟ་བའི་སྐབས་སྒྲོན་མེ་མེད་ན་སྤོས་མེ་རེ་ལ་བརྟེན་ནས་དཀའ་སྤྱད་སྡུག་རུས་ཧ་ལས་པགནང་ལ། བླ་མ་དགེ་བའི་བཤེས་གཉེན་ཞིག་བརྟེན་ན་ཡང་རྗེ་མི་ལ་ལྟ་བུ་སོགས་དངོས་གནསམཚར་ཤོར་བ་ལྟ་བུ་རེད། ཁ་སང་དེ་རིང་ནི་དེའི་ཕྱོགས་ཙམ་ཡང་འཁྱོངས་ཀི་མེད་ལ། ང་ཚོསདཔེ་ཆ་ལྟ་ཕྱོགས་དང་ཐོས་བསམ་སྒོམ་གསུམ་གནང་སྟངས་གང་ཅིའི་ཐད་ནས་ཀྱང་གནའ་སྔ་མོའི་དུས་ཀྱི་དཔེ་ཆ་བ་དང་བསྡུར་ཐབས་མི་འདུག དེས་ན་ཆོས་ཀྱི་ཡོན་ཏན་མངོན་གྱུརདུ་རྒྱུད་ལ་སྐྱེས་མ་ཐུབ་པ་ནི་དཀའ་ངལ་གནང་མ་ཐུབ་པས་ཡིན་ལ། མི་ཚེ་དོན་ལྡན་དུ་བྱསན་རང་རང་སོ་སོས་དཀའ་ལས་བརྒྱབ་ནས་བྱ་དགོས་པ་མ་གཏོགས་གཞན་ཞིག་གིས་བསྐྲུནའོང་བ་དང་བཟོ་འོང་བ་ཅི་ཡང་མེད། རང་གི་མི་ཚེ་དོན་ལྡན་དུ་བྱས་པ་དང་ཆུད་ཟོས་སུ་བཏངབ་གང་བསམ་ན་ཡང༌། རང་རང་སོ་སོའི་ལག་ན་ཡོད་དེ། རང་རང་སོ་སོ་ཡར་འགྲོ་བསམ་ནདམ་པའི་ཆོས་སྒྲུབ་ན་ཡར་འགྲོ་ཐུབ་པ། ཆོས་སྒྲུབ་པ་ལ་ནི་སྙིང་རུས་གང་ཆེ་ལ་བལྟ་བ་ལསགཟུགས་ཡག་བཙོག ཐོབ་གོ་ས། བཙན་ངོམ་དང་དཔའ་ངོམ་ཅི་ཡང་མེད་པས་རིགས་ཀྱི་བུདང་རིགས་ཀྱི་བུ་མོ་སུ་ཡིན་ཡང་ཆོས་སྒྲུབ་པའི་སྟེང་ནས་ཐམས་ཅད་མཁྱེན་པའི་ལམ་དེརབགྲོད་ན་ཆོག་ལ། སྡིག་པ་བསགས་ན་ཡང་དེ་དང་འདྲ་བར་གཟུགས་ཡག་བཙོག་གང་ལ་མིལྟོས་པར་རང་རང་སོ་སོས་སྡིག་པ་བསགས་ན་ངན་སོང་དུ་འགྲོ་དགོས་པས།རང་རང་སོ་སོརཚེ་ཕྱི་མ་ཡག་པོ་ཞིག་ཨེ་འོང་བསམ་ན་ཚེ་འདིར་ལས་ཡག་པོ་ཞིག་བསག་རྒྱུ་དང་དགེ་བ་ཡངདག་ཅིག་བསྒྲུབ་རྒྱུ་གལ་ཆེན་ཡིན། ཕན་ཡོན་བདུན་པ་ནི། ཀུན་ཏུ་བཟང་པོ་དེ་ཡང་ཅི་འདྲ་བར། །དེ་དག་རིང་པོར་མི་ཐོགས་དེ་བཞིན་འགྱུར། །འཕགས་པ་ཀུ༷ན་ཏུ༷་བཟ༷ང་བོ༷་དེ༷་དང་ཡ༷ང་ཅི༷་འདྲ༷་བ༷ར། འཕགས་པ་བཟང་པོ་སྤྱོད་པ་འདིགསུངས་པའི་སྐྱེས་བུ་དེ༷་ད༷ག་རི༷ང་བོ༷་མི༷་ཐོ༷གས་པར་འཕགས་པ་ཀུན་ཏུ་བཟང་པོ་དེ༷་བཞི༷ན་དུའགྱུ༷ར་བའམ་དེའི་གོ་འཕང་ཐོབ་ཐུབ་ཅེས་གསུངས་པ་དང༌། དེ་ཙམ་དུ་མ་ཟད། འཕགས་པཀུན་ཏུ་བཟང་པོ་ཡོན་ཏན་དང་རྣམ་པར་འཕྲུལ་པ་མཐའ་ཡས་པ། མཆོད་པ་དང་སྨོན་ལམ་རྒྱམཚོ་ལ་དབང་འབྱོར་བ་དེ་ཅི་འདྲ་བ་དེ་འདྲ་བར་ཡང༌། དུས་རིང་པོར་མི་ཐོགས་པར་སྨོན་ལམའདེབས་པ་དེ་དག་ཀུན་ཏུ་བཟང་པོ་གང་ཉིད་ཀྱིས་ཇི་ལྟར་ཡོན་ཏན་བརྙེས་པའི་གོ་རིམ་དངམཐུན་པ་དེ་བཞིན་དུ་འགྱུར་ཐུབ་ཅེས་གསུངས་ལ། ཀུན་ཏུ་བཟང་པོའི་རྣམ་པར་ཐར་བ་ཅུངཟད་འགྲུབ་པ་ནི་ས་དང་པོ་རབ་ཏུ་དགའ་བ་ནས་འགྲུབ་ལ། ཕལ་ཆེར་ནི་ས་བརྒྱད་པ་ནས་སོ། །ལེགས་པར་གྲུབ་པ་ནི་ས་བཅུ་པ་ནས་གྲུབ་ཅེས་གསུངས་སོ། །ཕན་ཡོན་བརྒྱད་པ་ནི། མཚམས་མེད་ལྔ་པོ་དག་གི་སྡིག་པ་རྣམས། །གང་གིས་མི་ཤེས་དབང་གིས་བྱས་པ་དག ། དེ་ཡིས་བཟང་པོ་སྤྱོད་པ་འདི་བརྗོད་ན། །མྱུར་དུ་མ་ལུས་ཡོངས་སུ་བྱང་བར་འགྱུར། །འདིའི་སྐབས་སུ་འཕགས་པ་བཟང་སྤྱོད་སྨོན་ལམ་འདི་གསུངས་ན་ལས་སྒྲིབ་དག་ཅེསགསུངས་ལ། ལས་སྒྲིབ་ཅེས་པ་ནི་ཡོན་ཏན་གོང་མ་སྐྱེ་བ་ལ་གེགས་བྱེད་པའི་སྒྲིབ་པ་ཞིག་ཡིནཏེ། ལས་སྒྲིབ་དེ་འདག་དགོས་པ་རེད་མ་གཏོགས་དེ་མ་འདག་ན་ཡོན་ཏན་གོང་མ་སྐྱེ་མི་ཐུབ། ང་ཚོས་ནམ་རྒྱུན་བྱ་བ་ཅི་བྱས་ན་བྱ་བ་དེ་སྒྲུབ་པའི་གེགས་དེ་ངེས་པར་བསལ་དགོས་པ་ལྟརཡོན་ཏན་གོང་མ་ཞིག་སྐྱེ་དགོས་པ་ལ་ཡོན་ཏན་གོང་མ་སྐྱེད་བྱེད་ཀྱི་གེགས་ལས་སྒྲིབ་སོགས་བསལ་ནས་དེའི་མཐུན་རྐྱེན་ཐོས་བསམ་སྒོམ་གསུམ་བསྒྲུབ་དགོས། དཔེར་ན་ཕ་བསད་པདང༌། མ་བསད་པ་སོགས་མཚམས་མེད་ཀྱི་ལས་ལྔ་བོ་དེ་དག་ལས་སྒྲིབ་ཡིན་ལ། དེ་འདྲའིམཚ༷མས་མེ༷ད་ལས་ལྔ༷་པོ༷་ད༷ག་གི༷་སྡི༷ག་པ༷་རྣ༷མས། སྐྱེ་བོ་ག༷ང་གི༷ས་སྡིག་པའི་ཉེས་དམིགས་མི༷ཤེ༷ས་པའི་དབ༷ང་གི༷ས་རང་གིས་སྔར་མཚམས་མེད་ཀྱི་ལས་བྱ༷ས་པ༷་ད༷ག མ་ཤེས་པ་ནི་ཉེས་ལྟུངའབྱུང་བའི་སྒོ་ཞེས་དང༌། འཇིག་རྟེན་རྒུད་པ་ཇི་རྙེད་པ། །དེ་ཡི་རྩ་བ་མ་རིག་པ། །ཞེས་གསུངསཔ་ལྟར་ཆོས་ཀྱི་གནས་ལུགས་དང་སྡིག་པའི་ཉེས་དམིགས་མ་ཤེས་པའི་དབང་གིས་ལས་སྒྲིབདང་སྡིག་པའི་ལས་བསགས་པ་ཡིན་ཞིང༌། ལས་འབྲས་ཡང་དག་ཅིག་ཤེས་ན་ལས་དགེ་བབསྒྲུབ། མི་དགེ་བ་མི་བསྒྲུབ་ལ། ང་ཚོ་ཚང་མས་བདེ་བ་འདོད་པ་འདྲ་ན་ཡང༌། དགེ་བ་མི་གྲུབཔ་ནི་ལས་འབྲས་ལ་ཡང་དག་པའི་ཡིད་མ་ཆེས་པའི་དབང་གིས་ཡིན། འདིའི་སྐབས་སུ་མི་ཤེསཔའི་དབང་གིས་བྱས་པ་དག་ཅེས་གསུངས་པ་ལྟར། དེ་འདྲའི་སྔར་མི་ཤེས་པའི་དབང་གིས་མཚམས་མེད་ཀྱི་ལས་བྱས་པའི་སྐྱེ་བོ་དེ༷་ཡི༷ས་འཕགས་པ་བཟ༷ང་པོ༷་སྤྱོ༷ད་པ༷འི་སྨོན་ལམ་འདི༷་སྙིང་ཐག་པ་ནས་གསུངས་ན་མཚམས་མེད་པ་ལྔའི་སྡིག་པ་དག་མྱུ༷ར་དུ༷་མ༷་ལུ༷ས་པ་ཐམས་ཅདཡོ༷ངས་སུ༷་བྱ༷ང་བ༷ར་འགྱུ༷ར་ཐུབ་ཅེས་སོ། །དེས་ན་རྣམ་པ་ཚང་མས་སྡིག་པ་རྣམས་ཀྱི་ལས་དེ་དག་བཤགས་སྡོམ་བྱེད་རྒྱུ་གལ་ཆེན་ཡིན། རྗེ་ཏཱ་ར་ནཱ་ཐའི་བཟང་སྤྱོད་འགྲེལ་བ་ལས། མི་དགེབའི་ལས་ཐམས་ཅད་དུག་གསུམ་གང་རུང་གིས་འཕེན་ཞིང་སྦྱོར་བ་ཡིན་ལ། འདོད་ཆགསཞེ་སྡང་གིས་འཕེན་ཞིང་སྦྱོར་བ་རྣམས་ལའང༌། གཏི་མུག་གི་འཕེན་པ་སྔོན་དུ་འགྲོ་དགོས་པསསྡིག་པ་ཐམས་ཅད་མི་ཤེས་པའི་དབང་གིས་བྱས་པའོ། །བྱང་ཆུབ་ཏུ་སེམས་བསྐྱེད་ཅིང་དད་པས་སྨོན་ལམ་འདི་ཡང་ཡང་བཏབ་པས། མཚམས་མེད་བྱས་པའང་ཚེ་འདི་ལ་བྱང་བར་ནུསན། སྡིག་པ་ཕྲ་མོ་རྣམས་ལྟ་སྨོས་ཀྱང་ཅི་དགོས་སོ། །ཞེས་གསུངས་སོ། །དེ་ལྟར་རྣམ་པ་ཚངམས་བཟང་པོ་སྤྱོད་པ་འདི་གསུང་པ་ན་ཐོག་མཐའ་བར་གསུམ་དུ་སྐད་ཅིག་ཙམ་ཡང་མི་གཡེངཟེར་ན་དཀའ་མོ་ཡིན་ན་ཡང༌། བྱང་ཆུབ་ཀྱི་སེམས་བསྐྱེད་ཅིང་དད་པ་རྣམ་དག་གི་སྒོ་ནསགསུང་རྒྱུ་གལ་ཆེན་པོ་རེད། དེས་ན་བཟང་པོ་སྤྱོད་པའི་སྨོན་ལམ་འདི་གསུངས་ན་ལས་སྒྲིབསྦྱང་བའི་ཐབས་རྨད་དུ་བྱུང་བ་ཞིག་ཡིན་ནོ། །ཕན་ཡོན་དགུ་བ་ནི། ཡེ་ཤེས་དང་ནི། བཟང་པོ་སྤྱོད་པའི་སྨོན་ལམ་འདི་གསུངས་ན་ཡེ༷་ཤེ༷ས་ཕུན་སུམ་ཚོགས་པ་ཐོབ་ཐུབ་པརགསུངས་ལ། འོག་ནས་ལྡན་པར་འགྱུར་ཞེས་པ་མཐའ་མའི་གསལ་བྱེད་བྱས་ཏེ་ཡེ་ཤེས་དངལྡན་པ་གཟུགས་དང་ལྡན་པ་ཞེས་སོགས་སྦྱར་དགོས། ཡེ་ཤེས་ཕུན་སུམ་ཚོགས་པ་ནི་གང་ཞེ་ན། འཕགས་པའི་ཡེ་ཤེས་རྣམ་པར་མི་རྟོག་པ་ལ་སོགས་པའི་འཕགས་པའི་རྒྱུད་ཀྱི་ཡེ་ཤེསཁྱད་པར་དག་ཐོབ་ཐུབ་ཞེས་དང༌། ད༷ང་ནི༷་ཞེས་པའི་དང་སྒྲ་ནི་འོག་ནས་གཟུགས་དང་རིགསསོགས་ལས་ཁྱད་པར་འབྱེད་བྱེད་ཀྱི་ཚིག་ཡིན་ཞེས་རྗེ་ཏཱ་ར་ནཱ་ཐས་བཟང་སྤྱོད་འགྲེལ་བ་ལསགསུངས་པ་ལྟར་རེད། ཕན་ཡོན་བཅུ་བ་ནི། གཟུགས་དང་མཚན་རྣམས་དང༌། རིགས་དང་ཁ་དོག་རྣམས་དང་ལྡན་པར་འགྱུར། །ཡིད་ཀྱི་རང་བཞིན་གྱི་ལུས་ཀྱི་གཟུ༷གས་ད༷ང༌། ལུས་ཀྱི་ཡོན་ཏན་མཚ༷ན་བཟང་པོ་སུམ་ཅུརྩ་གཉིས་དང་དཔེ་བྱད་བཟང་པོ་བརྒྱད་ཅུ་ལ་སོགས་པ་རྣ༷མས་ད༷ང༌། འགྲོ་བ་རིགས་དྲུག་གངདུ་སྐྱེས་ན་ཡང་བྲམ་ཟེ་ཆེན་པོའི་རི༷གས་ད༷ང་རྒྱལ་རིགས་མཆོག་ལ་སོགས་པ་རིགས་ཕུན་སུམཚོགས་པར་སྐྱེ་བ་ལས་རིགས་ངན་པ་གདོལ་བའི་རིགས་སོགས་སུ་མི་སྐྱེ་བ། ཁ༷་དོ༷ག་གི་ཡོནཏན་རྣ༷མས་ད༷ང་ལྡ༷ན་པའི་གཟུགས་མཛེས་པ༷ར་འགྱུ༷ར་བ་དང་ཡང་ན་ཁ་དོག་གྱི་སྐད་དོད་ཝརྞཞེས་པ་རུས་ལ་འཇུག་པས། བདག་ཅག་གི་སྟོན་པར་མཚོན་ན་གོ་ཏ་མ་ཞེས་དང༌། འོད་སྲུངལ་སོགས་པ་བྲམ་ཟེ་དང། ཟླ་བའི་རིགས་དང༌། ཉི་མའི་རིགས་ལ་སོགས་པ་རྒྱལ་རིགས་ཀྱི་རུསཏེ། རུས་ཆེ་ཞིང་ཁུངས་བཙུན་པ་དེ་དག་ལ་ཡང་སྦྱར་ན་ཆོག་པ་རེད། དེ་དག་ཐམས་ཅད་ནི་ལུསཕུན་སུམ་ཚོགས་པའོ། །ཕན་ཡོན་བཅུ་གཅིག་པ་ནི། བདུད་དང་མུ་སྟེགས་མང་བོས་དེ་མི་ཐུབ། །བདུ༷ད་ད༷ང་བདུད་ཀྱི་རིགས་ལྷ་འབྱུང་པོ་དང་མུ༷་སྟེ༷གས་མ༷ང་བོ༷ས་འཕགས་པ་བཟང་པོསྤྱོད་པ་སྨོན་ལམ་འདི་གསུང་མཁན་གྱི་གང་ཟད་དེ༷ར་གནོད་མི༷་ཐུ༷བ་པར་འགྱུར་བའོ། །སྤྱིའི་ཆ་ནས་བདག་ཅག་གི་སྟོན་པ་ལྟ་བུར་སངས་མ་རྒྱས་པའི་སྔ་རོལ་ཏུ་བདུད་སྡེ་བཅོམ་པ་ཡོད་པ་དང་སངས་རྒྱས་པའི་རྗེས་ཡིན་ན་ཡང༌། མཛད་པ་བཅུ་གཉིས་སྐབས་སུ་བདུད་སྡེ་བཅོམཔ་གསུངས་པ་དེ་ལྟ་བུ་ནི་འཕགས་པ་བཟང་པོ་སྤྱོད་པ་འདི་གསུངས་ན་མ་འོངས་པར་ཐོབ་པརའགྱུར་ཞེས་གསུངས་སོ། །ཕན་ཡོན་བཅུ་གཉིས་པ་ནི། འཇིག་རྟེན་གསུམ་པོ་ཀུན་ནའང་མཆོད་པར་འགྱུར། །ས་འོག་ས་སྟེང་མཁའ་ལ་སྤྱོད་པའི་འཇི༷ག་རྟེ༷ན་གསུ༷མ་པོ༷་ཀུ༷ན་ན༷འང་ལྷ་དང་མི་དང་འབྱུངབོ་རྣམས་ཀྱིས་སྨོན་ལམ་འདི་འདེབས་པ་པོའི་གང་ཟག་ལ་དངོས་དང་བརྒྱུད་པའི་སྒོ་ནས་མཆོ༷དཔ་བྱེད་ཅིང༌། གུས་པ་དང་ཕན་འདོགས་པ༷ར་འགྱུ༷ར་ཞེས་དང༌། མདོར་ན་འཕགས་པ་བཟང་པོསྤྱོད་པའི་སྨོན་ལམ་འདི་འདོན་པ་ཡིན་ན་ལྷ་དང་མི་དང་འབྱུང་བོ་སོགས་ཀྱིས་དངོས་ཤུགསབརྒྱུད་པའི་སྒོ་ནས་སྨོན་ལམ་གནང་མཁན་དེ་ལ་མཆོད་པ་བྱེད་པ་དང་གུས་པ་ཕན་འདོགསཔ་སོགས་ལ་བརྩོན་པར་བྱེད་པ་འགྱུར་ཞེས་གསུངས་སོ། །ཕན་ཡོན་བཅུ་གསུམ་པའམ་མཐར་ཐུག་གི་ཕན་ཡོན་ནི། བྱང་ཆུབ་ཤིང་དབང་དྲུང་དུ་དེ་མྱུར་འགྲོ། །སོང་ནས་སེམས་ཅན་ཕན་ཕྱིར་དེར་འདུག་སྟེ། །བྱང་ཆུབ་སངས་རྒྱས་འཁོར་ལོ་རབ་ཏུ་བསྐོར། །བདུད་རྣམས་སྡེ་དང་བཅས་པ་ཐམས་ཅད་བཏུལ། །འཕགས་པ་བཟང་པོ་སྤྱོད་པའི་སྨོན་ལམ་འདི་འདེབས་ཤིང་བཏབ་པ་མཐར་ཕྱིན་པའིཕན་ཡོན་ནི། བསོད་ནམས་ཀྱི་ཚོགས་དང་ཡེ་ཤེས་ཀྱི་ཚོགས་གཉིས་རྫོགས་ནས་བླ་ན་མེདཔའི་བྱང་ཆུབ་འཐོབ་པར་འགྱུར་ཞིང་དེ་འདྲའི་གང་ཟག་དེ་ནི་བྱ༷ང་ཆུ༷བ་ཀྱི་ཤི༷ང་གི་དབ༷ང་པོའིདྲུ༷ང་དུ༷་གང་ཟག་དེ༷་མྱུ༷ར་བར་འགྲོ༷་ཞིང༌། བྱང་ཆུབ་ཀྱི་ཤིང་གི་དབང་པོའི་དྲུང་དུ་སོ༷ང་ན༷ས་སེ༷མསཅ༷ན་རྣམས་ལ་ཕ༷ན་པ་དང་བདེ་བའི་ཕྱི༷ར་ཤིང་དྲུང་དེ༷ར་འདུ༷ག་སྟེ༷། བྱ༷ང་ཆུ༷བ་ཏུ་མངོན་པར་རྫོགསཔའི་ས༷ངས་རྒྱ༷ས་པའི་མཛད་པ་གནང་ནས་ཆོས་ཀྱི་འཁོ༷ར་ལོ༷་ར༷བ་ཏུ༷་བསྐོ༷ར་ཞིང་བདུ༷ད་བཞི་ཕྲ་རགས་དང་བཅས་པ་རྣ༷མས་ཀྱི་སྡེ༷་ད༷ང་བཅ༷ས་པ༷་ཐ༷མས་ཅ༷ད་བཏུ༷ལ་བར་མཛད་ཅེས་གསུངསནས་འདིས་མཚོན་ནས་མདོར་ན་འཕགས་པ་བཟང་པོ་སྤྱོད་པའི་སྨོན་ལམ་འདི་བཏབ་པ་ཡིནན་མཐར་ཐུག་སངས་རྒྱས་ནས་སེམས་ཅན་ཐམས་ཅད་ཀྱི་དོན་མ་ལུས་པ་ཐམས་ཅད་མཛདཔ་བཅུ་གཉིས་ལ་སོགས་པའི་སྒོ་ནས་བསྒྲུབས་ཞེས་གསུངས་པ་ཡིན་ལ། དེ་ཡང་རྒྱུད་བླ་མལས། ཆོས་ཀྱི་སྐུ་ལས་མ་གཡོས་པར། །སྤྲུལ་པའི་རང་བཞིན་སྣ་ཚོགས་ཀྱིས། །སྐྱེ་བ་མངོནཔར་སྐྱེ་བ་དང༌། །དགའ་ལྡན་གནས་ནས་འཕོ་བ་དང༌། །ལྷུམས་སུ་ཞུགས་དང་བལྟམས་པདང༌། །བཟོ་བའི་གནས་ལ་མཁས་པ་དང༌། །བཙུན་མོའི་འཁོར་དགྱེས་རོལ་པ་དང༌། །ངེསའབྱུང་དཀའ་བ་སྤྱོད་པ་དང༌། །བྱང་ཆུབ་སྙིང་པོར་གཤེགས་པ་དང༌། །བདུད་སྡེ་བཅོམ་དང་རྫོགས་པར་ནི། །བྱང་ཆུབ་ཆོས་ཀྱི་འཁོར་ལོ་དང༌། །མྱ་ངན་འདས་པར་གཤེགས་མཛད་རྣམས། །ཡོངས་སུ་མ་དག་ཞིང་རྣམས་སུ། །སྲིད་པ་ཇི་སྲིད་གནས་པར་སྟོན། །ཞེས་གསུངས་པ་ལྟརམཛད་པ་བཅུ་གཉིས་ཀྱི་སྒོ་ནས་སེམས་ཅན་རྣམས་ཀྱི་དོན་གང་ལ་གང་འདུལ་གྱིས་མཛད་པ་རེད། རྒྱས་པར་བཤད་པ་ནི་ཕན་ཡོན་བཅུ་གསུམ་གྱི་སྒོ་ནས་ཞུས་ཟིན། ཕན་ཡོན་འདི་དགའཕགས་པ་བཟང་པོའི་སྤྱོད་པའི་སྨོན་ལམ་འདི་གསུངས་པ་གཅིག་པུས་ཐོབ་པར་མི་འགྱུར་བར་རྒྱུ་ཚོགས་ཚང་བ་ན་དེ་ལྟར་ཐོབ་པར་འགྱུར་ཏེ། ཆོས་ལ་ཕན་ནུས་མེད་པ་ནི་རྩ་བ་ནསམ་ཡིན་པར་རང་རང་སོ་སོས་བརྩོན་འགྲུས་དང་སྙིང་སྟོབས། དད་པ་དག་སྣང་རེ་བྱས་ནསཐོས་བསམ་སྒོམ་གསུམ་བྱེད་ན་ད་གཟོད་དེ་ལྟར་འགྱུར་ཐུབ། རང་རང་སོ་སོས་ནམ་རྒྱུན་དགེབའི་བཤེས་གཉེན་བསྟེན་ཚུལ་ནས་བཟུང་སྟེ། ཡང་དག་པ་ཞིག་འོང་ཐུབ་ཀྱིན་མེད་ལ། འགའརེས་ཆོས་ལ་བརྟེན་ནས་སྡིག་པ་གསོག་བཞིན་ཡོད་ལ། འགའ་ཞིག་གིས་ཆོས་ལ་བརྟེན་ནསཐར་བ་དང་ཐམས་ཅད་མཁྱེན་པའི་གནས་ལ་བགྲོད་ཐུབ་ཀྱིན་ཡོད། དེ་ནང་བཞིན་ལ་ལསདགེ་བའི་བཤེས་གཉེན་ལ་བརྟེན་ནས་ངན་སོང་དུ་ལྟུང་བའི་རྒྱུ་བསྒྲུབ་པ་དང༌། ལ་ལས་དགེབའི་བཤེས་གཉེན་ལ་བརྟེན་ནས་ཐར་བ་དང་ཐམས་ཅད་མཁྱེན་པའི་ལམ་སྙེག་གིན་ཡོད་པརེད། དགེ་བའི་བཤེས་གཉེན་རང་གི་ངོས་ནས་ཀྱང་སློབ་མ་ལ་ཆོས་ལོག་བསྟན་ནས་སློབ་མལ་ཕན་མ་ཐོགས་པར་ལོག་ལམ་ཁྱེར་སོང་བ་དང༌། དགེ་བའི་བཤེས་གཉེན་ཚད་དང་ལྡན་པཞིག་ཡིན་ན་ཡང༌། དེའི་བཀའ་གསུང་ལ་མི་ཉན། ཕྱིན་ཅི་ལོག་ཏུ་སྒྲུབ་སོང་ན་རང་གི་ངོས་ནསདགེ་བའི་བཤེས་གཉེན་ལ་བརྟེན་ནས་ངན་སོང་དུ་ལྟུང་བའི་རྒྱུ་སྒྲུབ་སོང་བ་རེད། དེ་ནང་བཞིནལ་ལས་ཚུལ་ཁྲིམས་ཀྱི་སྡོམ་པ་ལེགས་པར་བླངས་ནས་ཐར་བ་དང་ཐམས་ཅད་མཁྱེན་པའི་རྒྱུར་འགྲོ་བ་དང༌། ལ་ལས་ཚུལ་ཁྲིམས་ཀྱི་སྡོམ་པ་བླངས་ནས་བསྲུང་མ་ཐུབ་པ་ལ་བརྟེན་ནསངན་སོང་དུ་གཏོང་བ་འོང་བཞིན་འདུག ཁ་སང་དེ་རིང་མང་པོ་ཞིག་གིས་ཆོས་ལ་བརྟེན་ནསཆོས་མིན་བསྒྲུབ། གཞན་ལ་མགོ་གཡོག་མགོ་སྐོར་གཏོང༌། ལས་ངན་ཚབ་ཆེན་བསགས། ཆོསནི་དཀོར་ཟས་དཀོར་ཆུ་ཟ་བའི་ཆ་རྐྱེན་ཙམ་དུ་བཟུང་ནས་ཡོད་པ་དེ། ཆོས་དེ་ཆོས་བཞིན་དུམ་བྱས་པ། ཆོས་དེ་ཆོས་ཀྱི་སར་མ་བཞག་པ། དད་པ་དད་པའི་ས་ནས་མ་བཞག་པ་རེད། དེསན་ཁྱེད་རྣམ་པས་དེའི་སྐོར་ལ་བསམ་གཞིག་ངེས་པར་གཏང་དགོས་འདུག དེ་རིང་འདི་ནསམཚམས་འཇོག་གི་ཡིན། གསུམ་པ་དོན་བསྡུ་བ་ནི། གང་ཡང་བཟང་པོ་སྤྱོད་པའི་སྨོན་ལམ་འདི། །འཆང་བ་དང་ནི་སྟོན་ཏམ་ཀློག་ན་ཡང༌། །དེ་ཡི་རྣམ་པར་སྨིན་པའང་སངས་རྒྱས་མཁྱེན། །བྱང་ཆུབ་མཆོག་ལ་སོམ་ཉི་མ་བྱེད་ཅིག ། སྐྱེས་བུ་ག༷ང་ཡིན་ཡ༷ང་འཕགས་པ་བཟ༷ང་བོ༷་སྤྱོ༷ད་པ༷འི་སྨོ༷ན་ལ༷མ་གྱི་རྒྱལ་བོ་འདི༷འི་དོནབསམ་པ་དང་ཚིག་འདོན་པ་གླེགས་བམ་གུས་པས་འཆ༷ང་བ༷་ད༷ང་ནི༷་གང་ཟག་གཞན་ལ་སྟོ༷ནཏ༷མ་གླེགས་བམ་དེ་ཀློ༷ག་པར་བྱེད་ན༷་ཡ༷ང༌། ཡང་ན་བཟང་སྤྱོད་འགྲེལ་བ་གཞན་དུ་བཟང་བོསྤྱོད་པའི་སྨོན་ལམ་འདི་སྔགས་ཀྱི་སྒོ་ནས་ཀློག་པར་བྱེད་ན་ཡང་ཞེས་སྦྱར་འདུག འདིའི་སྐབསཀྱི་ཀློག་ཚུལ་ནི་ཁ་འདོན་དུ་བྱེད་མ་ཐུབ་ན་ཡང་ལྡེབ་བུ་དག་མར་བསྒྱུར་ནས་འགྲོ་ཐུབ་པ་ཙམལ་ཟེར་བ་འདྲ། སྤྱིའི་ཆ་ནས་འདུལ་བའི་ཆོས་གཞུང་སོགས་ཀྱི་སྐབས་སུ་ཀློག་པ་དང་ཁ་ཏོནགཉིས་ཀྱི་ཁྱད་པར་ནི། ཀློག་པ་ཞེས་པ་ནི་གང་ཟག་རང་གིས་མ་ཤེས་ན་ཡང༌། གང་ཟག་གཞནལ་རྗེས་ཟློས་བྱས་པའམ། ཡང་ན་འདོན་ཡག་པོ་མ་ཤེས་པ་ཤེས་པར་བྱ་བའི་ཕྱིར་དུ་འདོནཔ་དེའོ། །ཁ་ཏོན་ནི་ཤེས་ཟིན་ནས་བྱང་བ་བྱས་ནས་འདོན་པ་དེའོ། །ཀློག་པར་བྱེད་པ་སོགསདེ༷་ཡི༷་ལེགས་པའི་འབྲས་བུ་རྣ༷མ་པ༷ར་སྨི༷ན་པ༷འང་མཐའ་ཡས་པའི་རྒྱུ་མཚན་གྱིས་ས༷ངས་རྒྱ༷སཁོ་ནས་མཁྱེ༷ན་པ་ལས་ཉན་ཐོས་དང་རང་སངས་རྒྱས་སོགས་ཀྱི་སྤྱོད་ཡུལ་མིན་ན་སོ་སྐྱེས་རངག་བ་ཞིག་གིས་ལྟ་སྨོས་ཀྱང་ཅི་དགོས་ཞེས་དང༌། འཕགས་པ་བཟང་བོ་སྤྱོད་པའི་སྨོན་ལམའདི་གསུངས་པའི་འབྲས་བུ་མཐར་ཐུག་པ་ནི། བླ་ན་མེད་པའི་བྱ༷ང་ཆུ༷བ་ཀྱི་མཆོ༷ག་སངས་རྒྱསཀྱི་གོ་འཕང་དེ་ཉིད་འཐོབ་པར་འགྱུར་བ་ལ༷་སོ༷མ་ཉི༷འམ་ཐེ་ཚོམ་མ༷་བྱེ༷ད་ཅི༷ག་ཅེས་གསུངས་སོ། །དེ་ནང་བཞིན་ནམ་རྒྱུན་ང་ཚོས་སངས་རྒྱས་བཅོམ་ལྡན་འདས་ཀྱིས་དགེ་བ་གང་དང་གངཡིན་ན་དེ་བསྒྲུབ་ན་ཕན་ཡོན་འདི་དང་འདི་འབྱུང་ཞེས་གསུངས་པའི་ཤིན་ཏུ་ལྐོག་གྱུར་གྱི་གནསདེ་དག་ལ་ལུང་རིགས་ཀྱི་སྒོ་ནས་ཡིད་ཆེས་བྱས་ནས་མཐའ་གཅིག་ཏུ་བདེན་པར་བཟུང་དགོསཏེ། ཐེ་ཚོམ་བྱས་སོང་ན་ཐེ་ཚོམ་གྱི་དྲི་མས་བསྒྲིབས་ནས་ཕན་ཡོན་འཐོབ་པར་མི་འགྱུར་ལ། དེས་ན་ཕན་ཡོན་དེ་དག་ལ་ཐེ་ཚོམ་བྱེད་མི་རུང༌། དཔེར་ན། ནུབ་ཕྱོགས་བདེ་བ་ཅན་དུ་སྐྱེ་བའིརྒྱུ་བཞིའི་སྒོ་ནས་ནུབ་ཕྱོགས་བདེ་བ་ཅན་དུ་སྐྱེ་ངེས་ཞེས་གསུངས་པ་རེད་དེ། སྐྱེ་མི་སྐྱེ་སྙམཔའི་ཐེ་ཚོམ་གྱི་དྲི་མ་ཡོད་ན་ནུབ་ཕྱོགས་བདེ་བ་ཅན་དུ་སྐྱེས་ཀྱང་པདྨའི་སྦུབས་སུ་ལོ་གྲངསལྔ་བརྒྱའི་ཡུན་ལ་གནས་དགོས་ཞེས་འོད་དཔག་མེད་ཀྱི་ཞིང་བཀོད་ཀྱི་མདོ་སོགས་ལས་གསུངསཔའོ། །དེ་ཡན་དུ་འཕགས་པ་བཟང་བོ་སྤྱོད་པའི་སྨོན་ལམ་གྱི་ཕན་ཡོན་ཞུས་ཟིན། རྩ་བའི་ས་བཅད་བཞི་པ་ཕན་ཡོན་ཅན་གྱི་སྨོན་ལམ་ཉིད་བསྔོ་བ་ལ་སྲས་བྱང་སེམས་ཀྱིས་བསྔོསཔ་ལ་འཇུག་པ། རྒྱལ་བས་བསྔོས་པ་ལ་འཇུག་པ། སྨོན་ལམ་གྱི་འབྲས་བུ་མངོན་གྱུར་དུ་བསྔོབ། དངོས་སུ་ལུང་བསྟན་ཐོབ་པར་བསྔོ་བ། སེམས་ཅན་ལ་ཕན་པར་སྒྲུབ་པར་བསྔོ་བ། གཞན་དོན་ཁོ་ནར་བསྔོ་བ་སྟེ་དྲུག་ལས་དང་པོ་ནི། འཇམ་དཔལ་དཔའ་བོས་ཇི་ལྟར་མཁྱེན་པ་དང༌། །ཀུན་ཏུ་བཟང་བོ་དེ་ཡང་དེ་བཞིན་ཏེ། །དེ་དག་ཀུན་གྱི་རྗེས་སུ་བདག་སློབ་ཕྱིར། །དགེ་བ་འདི་དག་ཐམས་ཅད་རབ་ཏུ་བསྔོ། །འདི་ལ་འགྱུར་མཛད་མི་འདྲ་བ་རྣམ་པ་གཉིས་རེ་འབྱུང་སྟེ།་གཅིག་དེ་ནི་འཇམ་དཔལ་ཇིལྟར་མཁྱེན་ཅིང་དཔའ་བ་ལྟར། །ཞེས་དང༌།གཉིས་པ་ནི་འཇམ་དཔལ་དཔའ་བོས་ཇི་ལྟརམཁྱེན་པ་དང༌། །ཞེས་པ་དེའོ། །འཕགས་པ་འཇ༷མ་དཔ༷ལ་དབྱངས་ཀྱིས་བདུད་སྡེ་བཅོམ་པདང་འགྲོ་བའི་དོན་སྤྱོད་པ། ཤེས་རབ་ཀྱིས་བདེན་འཛིན་བཅོམ་པ་ལ་དཔ༷འ་བོ༷ར་གྱུར་པ་དེས། ཇི༷་ལྟ༷ར་བསྔོ་བ་ཐུགས་སུ་ཆུད་པས་མཁྱེ༷ན་པ༷་ད༷ང༌། འཕགས་པ་ཀུ༷ན་ཏུ༷་བཟ༷ང་བོ་ཞེས་བྱ་བ་དེ༷ཡ༷ང་འཇམ་དཔལ་དེ༷་བཞི༷ན་ཏེ༷། འཕགས་པ་ཀུན་ཏུ་བཟང་དང་འཇམ་དཔལ་དེ་དག་གིས་ཇིལྟར་བསྔོ་བ་བྱེད་པ་ལྟར་དེ༷་ད༷ག་ཀུ༷ན་གྱི༷་རྗེ༷ས་སུ༷་བད༷ག་གིས་ཡང་སློ༷བ་པར་འདོད་ཅིང་སློབ་པར་འདོད་པའི་བསམ་པས་འཕགས་པ་བཟང་པོ་སྤྱོད་པའི་སྨོན་ལམ་བཏབ་པའི་དགེ༷་བ༷་ཅི་བྱས་པ་འདི༷་ད༷ག་ཐ༷མས་ཅ༷ད་བླ་ན་མེད་པའི་བྱང་ཆུབ་ཐོབ་པའི་ཆེད་དུ་འཕགས་པ་འཇམ་དཔལདང་ཀུན་ཏུ་བཟང་པོ་སོགས་ཀྱིས་ཇི་ལྟར་བསྔོ་བར་མཛད་པ་དེ་ལྟར་ར༷བ་ཏུ༷་བསྔོ༷་བར་བགྱིའོཞེས་བསྔོ་བ་མཛད་པའོ། །བསྔོ་བ་བྱེད་སྟངས་ནི་རང་གིས་དགེ་བའི་རྩ་བ་ཞིག་བསགས། བསགས་པ་དེ་དག་སེམས་ཅན་ཐམས་ཅད་ལ་ཐུན་མོང་དུ་བྱས་ནས་སྦྱིན་པའམ་སྟོབས་པར་བྱས་པ་དེ་ཡིན་ལ། དགེ་བའི་རྩ་བ་དེ་དག་སེམས་ཅན་རེ་རེའི་དོན་ལ་བསྔོས་པ་ཡིན་ན་དེའི་གྲངས་དང་མཉམ་པའི་དགེ་བའི་རྩ་བ་རེ་རེ་འབྱུང་བ་དང༌། བླ་ན་མེད་པའི་བྱང་ཆུབ་དེ་བསམགྱིས་མི་ཁྱབ་པ་ཡིན་པས་དེ་ལ་བསྔོ་བ་བྱས་པ་ཡིན་ན་དགེ་བའི་རྩ་བ་ཡང་བསམ་གྱིས་མི་ཁྱབཔ་འབྱུང་བ་རེད། ཚུལ་ཁྲིམས་དང་ལྡན་པའི་སྒོ་ནས་སྨོན་ལམ་གནང་བ་ཡིན་ན་དེ་ལྟར་འགྲུབཐུབ་པ་དང༌། རང་གིས་དགེ་བའི་རྩ་བ་ཞིག་བསགས། དེ་བླ་ན་མེད་པའི་བྱང་ཆུབ་ཐོབ་ཕྱིརཏུ་བསྔོས་ནས་དེའི་རྒྱུར་གྱུར་སོང་བ་ཡིན་ན་བླ་ན་མེད་པའི་བྱང་ཆུབ་མ་ཐོབ་བར་དུ་འབྲསབུ་འབྱིན་ནས་ཟད་པ་མེད་པ། དེའི་རྒྱུ་མཚན་གྱིས་རང་གི་དགེ་བའི་རྩ་བ་གང་བྱས་པ་ཡིན་ནབསྔོ་བ་གནང་རྒྱུ་གལ་ཆེན་པོ་ཡིན། ང་ཚོས་ནམ་རྒྱུན་ཐོག་མཐའ་གཉིས་ལ་བྱ་བ་གཉིས་ཞེསགསུངས་པ་ལྟར་ཐོག་མར་ཐེག་ཆེན་སྐྱབས་འགྲོ་སེམས་བསྐྱེད་དང་མཐའ་མར་བསྔོ་བ་མཛདདགོས་པའོ། །གཉིས་པ་རྒྱལ་བས་བསྔོས་པ་ལ་འཇུག་པ་ནི། དུས་གསུམ་གཤེགས་པའི་རྒྱལ་བ་ཐམས་ཅད་ཀྱིས། །བསྔོ་བ་གང་ལ་མཆོག་ཏུ་བསྔགས་པ་དེས། །བདག་གི་དགེ་བའི་རྩ་བ་འདི་ཀུན་ཀྱང༌། །བཟང་བོ་སྤྱོད་ཕྱིར་རབ་ཏུ་བསྔོ་བར་བགྱི། །འདས་མ་འོངས་ད་ལྟ་དུ༷ས་གསུ༷མ་དུ་སེམས་ཅན་གྱི་དོན་ལ་བྱོན་ཅིང་གཤེ༷གས་པ༷འི་རྒྱ༷ལབ༷་སངས་རྒྱས་ཐ༷མས་ཅ༷ད་ཀྱི༷ས། མཆོག་ཏུ་བསྔགས་ཤིང་བསྟོད་པའི་བསྔོ་བའི་རྒྱལ་བོ་བཟངཞིང་རྒྱ་ཆེ་བའི་བསྔོ༷་བ༷་མཐའ་ཡས་པ་གང་དང་ག༷ང་ལ༷། མཆོ༷ག་ཏུ༷་བསྔ༷གས་པ༷ར་མཛད་པའིབསྔོ་བ་དེ་རྣམས་ཀྱིས་བད༷ག་གི༷ས་སྨོན་ལམ་འདི་བཏབ་པ་ལ་སོགས་པའི་དགེ༷་བ༷འི་རྩ༷་བ༷་འདི༷ཀུ༷ན་ཀྱ༷ང༌། སངས་རྒྱས་དང་བྱང་ཆུབ་སེམས་དཔའ་ཀུན་གྱི་མཛད་སྤྱོད་རླབས་པོ་ཆེ་ཀུན་ཏུ་བཟ༷ང་པོ༷འི་སྤྱོ༷ད་པ་ཐོབ་པའི་ཕྱི༷ར་ར༷བ་ཏུ༷་བསྔོ༷་བ༷ར་བགྱི༷འོ་ཞེས་དང༌། འདིའི་ཤོ་ལོ་ཀ་གཉིསཔོ་ནི་བླ་ན་མེད་པའི་བསྔོ་བ་ཡིན་པ་རེད། དེ་ཡང་རྗེ་ཏཱ་ར་ནཱ་ཐའི་བཟང་སྤྱོད་འགྲེལ་བའི་སྐབསདེ་ལྟར་གསུངས་འདུག དེ་ལྟར་རྣམ་པ་ཚང་མས་དགེ་བ་གང་དང་གང་བྱས་ཀྱང་བསྔོ་བ་བྱེདདགོས་པ་དང༌། དགེ་བ་ཅི་བྱས་ཀྱང་སྦྱོར་དངོས་རྗེས་གསུམ་ཚང་བ་ཡིན་ན་དགེ་བ་ཆ་ཚངའདྲ་བོ་འོང་ཐུབ་ལ། དེས་ན་ཁྱེད་རྣམ་པ་ཚོ་ནངས་སྔ་མོར་ཡར་བཞེངས་དུས་འབྱོར་ཚོད་ཀྱིསམཆོད་པ་བསྡུས་ཙམ་བཤམས་པའམ་ཡང་ན་སྤོས་ཙམ་མཆོད་དེ། སངས་རྒྱས་ཆོས་ཚོགསམ་སོགས་ཁ་ཏོན་ཅི་རིགས་དང་སྦྲགས་ནས། འཁོར་བའི་སྡུག་བསྔལ་ལ་བསམ་གཞིག་ལེགསཔར་བཏང་ནས་འཁོར་བ་ལ་སྐྱོ་བ་ལྷང་ལྷང་བ་བསྐྱེད་ཅིང༌། སྡུག་བསྔལ་དེ་ལས་སྐྱོབ་པའི་ནུསཔ་མཆོག་གསུམ་ལ་ཡོད་པར་ཡིད་ཆེས་པའི་སྒོ་ནས་སེམས་ཅན་རྣམས་སྲིད་ཞིའི་འཇིགས་པལས་བསྐྱབ་པའི་ཕྱིར་མཆོག་གསུམ་ལ་སྐྱབས་འགྲོ་སྙིང་ཐག་པ་ནས་བྱ། དེ་ནས་མར་གྱུརའགྲོ་བ་ཀུན་རྫོགས་པའི་སངས་རྒྱས་ཐོབ་ཕྱིར་དུ་ཐོས་བསམ་སྒོམ་གསུམ་སོགས་དམ་པའིཆོས་ལ་བརྩོན་པར་བྱ་སྙམ་པའི་ངེས་འབྱུང་གི་བསམ་པ་དང་ཐེག་ཆེན་སྐྱབས་འགྲོ་སེམསབསྐྱེད་སྦྲགས་ནས་སྐར་བཅུ་ལྷག་ལ་བསྒོམ་དགོས་ཏེ། ང་ཚོས་རང་གིས་ཅི་ཤེས་པ་ཐམས་ཅདལག་ལེན་དུ་བསྟར་དགོས། གསུམ་པ་སྨོན་ལམ་གྱི་འབྲས་བུ་མངོན་གྱུར་དུ་བསྔོ་བ་ནི། བདག་ནི་འཆི་བའི་དུས་བྱེད་གྱུར་པ་ན། །སྒྲིབ་པ་ཐམས་ཅད་དག་ནི་ཕྱིར་བསལ་ཏེ། །མངོན་སུམ་སྣང་བ་མཐའ་ཡས་དེ་མཐོང་ནས། །བདེ་བ་ཅན་གྱི་ཞིང་དེར་རབ་ཏུ་འགྲོ། །དེར་སོང་ནས་ནི་སྨོན་ལམ་འདི་དག་ཀྱང༌། །ཐམས་ཅད་མ་ལུས་མངོན་དུ་འགྱུར་བར་ཤོག ། དེ་ལྟར་མ་ལུས་བདག་གིས་ཡོངས་སུ་བཀང༌། །འཇིག་རྟེན་ཇི་སྲིད་སེམས་ཅན་ཕན་པར་བགྱི། །ང་ཚོར་ནམ་ཞིག་འཆི་བ་འོང་ངེས་ལ། དེ་ཡང་དུས་ཡུན་རིང་པོ་ཞིག་མིན་པར་ནམ་འཆིཆ་མེད་དང་འཆི་རྐྱེན་ངེས་པ་མེད་པ་ཞིག་ཡིན་པས་བད༷ག་ནི༷་ནམ་ཞིག་འཆི༷་བ༷འི་དུ༷ས་བྱེ༷ད་པརགྱུ༷ར་པ༷་ན༷། རང་ཉིད་ཀྱི་ལས་དང་ཉོན་མོངས་པའི་སྒྲི༷བ་པ༷་དང་སངས་རྒྱས་སྣང་བ་མཐའ་ཡསམངོན་སུམ་དུ་མཐོང་བྱེད་ཀྱི་དྲི་མ་ཐ༷མས་ཅ༷ད་ད༷ག་ནི༷་ཕྱི༷ར་བས༷ལ་ཞིང་མེད་པར་བྱས་ཏེ༷། སངསརྒྱས་སྣ༷ང་བ༷་མཐ༷འ་ཡ༷ས་དེ༷་མངོ༷ན་སུ༷མ་དུ་མཐོ༷ང་ན༷ས་ནུབ་ཕྱོགས་བདེ༷་བ༷་ཅ༷ན་གྱི༷༷་ཞི༷ང་དེ༷ར་ར༷བཏུ༷་འགྲོ༷་བར་ཤོག་ཅིག་ཅེས་སྨོན་ལམ་གནང་བ་དང༌། ནུབ་ཕྱོགས་བདེ་བ་ཅན་གྱི་ཞིང་དེ༷ར་སོ༷ངན༷ས་ནི༷་འཕགས་པ་བཟང་པོ་སྤྱོད་པའི་སྨོ༷ན་ལ༷མ་འདི་རྣམས་ཀྱི་འབྲས་བུ་འདི༷་ད༷ག་ཀྱ༷ང༌། ཐ༷མསཅ༷ད་མ༷་ལུ༷ས་པ་མངོ༷ན་དུ༷་འགྱུ༷ར་བ༷ར་ཤོ༷ག་ཅིག་ཅེས་དང༌། སྨོན་ལམ་ཐམས་ཅད་མངོན་དུ་འགྲུབཔ་དེ༷་ལྟ༷ར་བད༷ག་གི༷་སྨོན་ལམ་གྱི་འབྲས་བུ་དེ་དག་མ་ལུས་པ་རང་རྒྱུད་ལ་དགོས་པ་ཐམསཅད་ཡོ༷ངས་སུ༷་བསྐ༷ང་ཞིང་རྫོགས། སེམས་ཅན་གཞན་རྒྱུད་ལ་ཐོབ་པར་འགྱུར་བ་ཐམས་ཅདཡོངས་སུ་རྫོགས་ཤིང་རེ་བ་བསྐོང་བར་བྱས་ནས་འཁོར་བ་ཇི༷་སྲི༷ད་གནས་པ་དེ་སྲིད་དུ་སེ༷མསཅ༷ན་རྣམས་ལ་ཕ༷ན་པ༷་མཐའ་ཡས་པ་རྟག་ཏུ་བགྱི༷ད་པར་ཤོག་ཅིག་ཅེས་སྨོན་ལམ་གནང་བའོ། །དེ་ནང་བཞིན་ང་ཚོས་ནམ་རྒྱུན་མི་ཚེ་འདིའི་ཐོག་ལ་སེམས་ཅན་ཐམས་ཅད་ལ་ཕན་པ་འོང་དགོསཟེར་ན་དཀའ་མོ་ཡིན་ན་ཡང༌། རང་གི་ཉེ་འཁོར་ན་ཡོད་པ་རྣམས་ལ་ལྷག་བསམ་རྣམ་དག་གིསྒང་ནས་ཕན་ཅི་ཐོགས་བྱས། སེམས་ཅན་ཐམས་ཅད་ལ་ཕན་པར་ཤོག་ཅིག་ཅེས་སྨོན་ལམགནང་དགོས་པ་རེད་མ་གཏོགས། ཁ་སང་དེ་རིང་ང་ཚོས་ནང་ཆོས་སྒྲུབ་སྟངས་མང་ཆེ་བ་དེསྨོན་ལམ་རྐྱང་རྐྱང་བརྒྱབས་ནས་བགྲོད་པ་ཞིག་འོང་གིན་འདུག དཔེར་ན་རང་ལ་དལ་འབྱོརཐོབ་པ་དེ་ནི་ཆུད་ཟོས་སུ་བཏང་ནས་ང་ལ་དལ་འབྱོར་མི་ལུས་ཞིག་ཐོབ་པར་ཤོག་ཅིག་ཅེསསྨོན་ལམ་གནང་བ་ནི་རང་ལ་སྒོར་མོ་ཞིག་ཐོབ་ཡོད་ན་དེ་མར་གཡུག་ནས་ཡང་སྒོར་མོ་ཞིགཐོབ་པར་ཤོག་ཅིག་ཅེས་སྨོན་ལམ་གནང་བ་འདྲ་བོ་འདུག དེ་བས་སྨོན་ལམ་གནང་བ་ཇི་བཞིནདུ་ལག་ལེན་ལ་འདེབས་རྒྱུ་གལ་ཆེན་ཡིན་པ་རེད། བཞི་བ་དངོས་སུ་ལུང་བསྟན་ཐོབ་པར་བསྔོ་བ་ནི། རྒྱལ་བའི་དཀྱིལ་འཁོར་བཟང་ཞིང་དགའ་བ་དེར། །པདྨོ་དམ་པ་ཤིན་ཏུ་མཛེས་ལས་སྐྱེས། །སྣང་བ་མཐའ་ཡས་རྒྱལ་བས་མངོན་སུམ་དུ། །ལུང་བསྟན་པ་ཡང་བདག་གིས་དེར་ཐོབ་ཤོག ། རྒྱ༷ལ་བ༷་དམ་པ་སངས་རྒྱས་འོད་དཔག་མེད་ཀྱི་ཞིང་ཁམས་ཕུན་སུམ་ཚོགས་པ་དེར་སྤྱོདཔའི་འཁོར་གྱི་དཀྱི༷ལ་འཁོ༷ར་བདེ་ཞིང་སྐྱིད་པས་བཟ༷ང་ཞི༷ང་དག༷འ་བ༷ར་གྱུར་བའི་དབུས་དེ༷ར། བདག་པདྨོ༷་ད༷མ་པ༷་རིན་པོ་ཆེའི་པདྨོ་ཤི༷ན་ཏུ༷་མཛེ༷ས་པ་ལ༷ས་བརྫུས་ཏེ་སྐྱེ༷ས་ནས་བྱང་ཆུབ་སེམསདཔའི་སྤྱད་པ་སྤྱོད་པའི་ཚེ་དེ་ལ་རྒྱ༷ལ་བ༷་སྣ༷ང་བ༷་མཐ༷འ་ཡ༷ས་ཀྱིས་བདག་ལ་མངོ༷ན་སུ༷མ་དུ༷་ལུ༷ངབསྟ༷ན་ཏེ་ཞལ་མཇལ་གསུང་ཐོས་པར་བྱས་ནས་ལུང་བསྟན་མཛད་པའོ། །ལུང་བསྟན་ནི་མ་འོངས་པའི་དུས་ན་འཇིག་རྟེན་འདི་ཞེས་བྱ་བ། བསྐལ་བ་འདི་ཞེས་བྱ་བ། དུས་འདི་ཞེས་བྱབ་ལ། སངས་རྒྱས་འདི་ཞེས་བྱ་བར་འགྱུར་ཞེས་ལུང་བསྟན་པ༷་དེ་ཡ༷ང་བད༷ག་གི༷ས་དུས་དེ་སྐབསདང་གནས་དང་གྲོགས་ལ་སོགས་པའི་འཁོར་གྱི་དཀྱིལ་འཁོར་དེ༷ར་ཐོ༷བ་པར་ཤོ༷ག་ཅིག་སྨོནལམ་གནང་བའོ། །མདོར་ན། ནུབ་ཕྱོགས་བདེ་བ་ཅན་གྱི་ཞིང་ཁམས་དེར་རང་ཉིད་སྐྱེས་ནསསངས་རྒྱས་འོད་དཔག་མེད་ཀྱིས་ཞལ་མངོན་སུམ་དུ་བསྟན་ནས་དངོས་སུ་འཇིག་རྟེན་ཁམསའདི་ཞེས་བྱ་བ་དང་བསྐལ་བ་འདི་ཞེས་བྱ་བ་ལ། སངས་རྒྱས་འདི་ཞེས་བྱ་བར་འགྱུར་རོ་ཞེསདངོས་སུ་ལུང་བསྟན་པ་དེ་བདག་གིས་ཐོབ་པར་ཤོག་ཅིག་ཅེས་སྨོན་ལམ་མཛད་པ་རེད། ལྔ་པ་སེམས་ཅན་ལ་ཕན་པར་སྒྲུབ་པར་བསྔོ་བ་ནི། དེར་ནི་བདག་གིས་ལུང་བསྟན་རབ་ཐོབ་ནས། །སྤྲུལ་པ་མང་པོ་བྱེ་བ་ཕྲག་བརྒྱ་ཡི། །བློ་ཡི་སྟོབས་ཀྱིས་ཕྱོགས་བཅུ་རྣམས་སུ་ཡང༌། །སེམས་ཅན་རྣམས་ལ་ཕན་པ་མང་པོ་བགྱི། །ནུབ་ཕྱོགས་བདེ་བ་ཅན་གྱི་ཞིང་ཁམས་དེ༷ར་ནི༷་སྨོན་ལམ་མཛད་པ་པོ་བད༷ག་གི༷ས་མ་འོངསཔ་ན་སངས་རྒྱས་འདི་ཞེས་བྱ་བར་འགྱུར་རོ་ཞེས་དངོས་སུ་ལུ༷ང་བསྟ༷ན་ར༷བ་ཏུ་ཐོ༷བ་པ་ལ་བརྟེནན༷ས། སྤྲུ༷ལ་པ༷་གྲངས་མེད་པ་མཐའ་ཡས་པ་མ༷ང་པོ༷་བྱེ༷་བ༷་ཕྲ༷ག་བརྒྱ༷་ཡི༷་ཞེས་གསུངས་ནས། གཞན་དོན་ལ་གཅིག་ཏུ་གཞོལ་བའི་གཞན་དོན་ཁུར་ཁྱེར་གྱི་སྙིང་རྗེའི་བློ༷འི་སྟོ༷བས་ཀྱི༷ས་ཕྱོ༷གསབཅུ༷འི་འཇིག་རྟེན་གྱི་ཁམས་མ་ལུས་པ་རྣ༷མས་སུ༷་ཡ༷ང༌། སྐད་ཅིག་རེ་རེ་ལ་སེ༷མས་ཅ༷ན་མཐའཡས་པ་རྣ༷མས་ལ༷་ངན་སོང་གི་སྡུག་བསྔལ་ལས་སྐྱོབ་ནས་མཐོ་རིས་སུ་འགོད་པ་དང༌། ཉནཐོས་ཀྱི་ས་ལ་འགོད་པ། བླ་ན་མེད་པ་སངས་རྒྱས་ཀྱི་ས་ལ་འགོད་པ་སོགས་མདོར་ན་ཕ༷ན་པ༷མ༷ང་པོ༷་ཞིག་འཁོར་བ་ཇི་སྲིད་གནས་པ་དེ་སྲིད་དུ་བགྱི༷ད་པར་ཤོག་ཅིག་ཅེས་སྨོན་ལམ་གནངབའོ། །མདོར་ན་རང་ཉིད་ནུབ་ཕྱོགས་བདེ་བ་ཅན་དུ་སྐྱེས། དེ་ནས་ལུང་བསྟན་ཐོབ་པའི་རྗེསསུ་སྤྲུལ་པ་མང་པོ་མཐའ་ཡས་པའི་སྒོ་ནས་ཕྱོགས་བཅུའི་སེམས་ཅན་མཐའ་མེད་པ་རྣམས་ལགནས་སྐབས་དང་མཐའ་ཐུག་གི་བདེ་བ་མ་ལུས་པ་སྒྲུབ་པར་ཤོག་ཅིག་ཅེས་སྨོན་ལམ་གནང་པ་རེད། དྲུག་པ་གཞན་དོན་ཁོ་ནར་བསྔོ་བ་ནི། བཟང་པོ་སྤྱོད་པའི་སྨོན་ལམ་བཏོན་པ་ཡི། །དགེ་བ་ཅུང་ཟད་བདག་གིས་ཅི་བསགས་པ། །དེས་ནི་འགྲོ་བའི་སྨོན་ལམ་དགེ་བ་རྣམས། །སྐད་ཅིག་གཅིག་གི་ཐམས་ཅད་འབྱོར་བར་ཤོག ། གང་ཡང་བཟང་པོ་སྤྱོད་པ་འདི་བསྔོས་པས། །བསོད་ནམས་མཐའ་ཡས་དམ་པ་གང་ཐོབ་དེས། །འགྲོ་བ་སྡུག་བསྔལ་ཆུ་བོར་བྱིང་བ་རྣམས། །འོད་དཔག་མེད་པའི་གནས་རབ་ཐོབ་པར་ཤོག ། དེང་སང་འཕགས་པ་བཟང་པོ་སྤྱོད་པའི་སྨོན་ལམ་བཞུགས་ས་ནི་ཕལ་བོ་ཆེའི་སྡོང་བོབཀོད་པའི་མདོ་ནང་བཞུགས་པ་རེད། དེའི་ནང་ལ་ཚིགས་སུ་བཅད་པ་འདི་གཉིས་པོ་མི་འདུག་ཚིགས་སུ་བཅད་པ་འདི་གཉིས་ཀྱི་གོང་ནས་ཚིགས་སུ་བཅད་པ་དྲུག་ཅུའི་སྒོ་ནས་འཕགས་པབཟང་པོ་སྤྱོད་པའི་སྨོན་ལམ་རྫོགས་ཚར་ཡོད་པ་རེད། ཚིགས་བཅད་འདི་གཉིས་མདོ་དེའི་ནངམེད་པར་མ་ཟད། རྒྱ་འགྲེལ་མང་པོར་ཡང་ཚིགས་བཅད་འདི་གཉིས་བཤད་པ་མི་འདུག ཡིནན་ཡང༌། ཤཱཀྱ་བཤེས་གཉེན་གྱི་བཟང་སྤྱོད་ཀྱི་འགྲེལ་བ་དང་མཁན་པོ་ཡེ་ཤེས་སྡེའི་བཟངསྤྱོད་ཀྱི་འགྲེལ་བ་གཉིས་པོའི་སྐབས་སུ་བཤད་པ་མཛད་འདུག བཟང་སྤྱོད་ཀྱི་གླེགས་བམལོགས་སུ་བྱས་པའི་རྒྱ་དཔེ་གཅིག་ན་ཡང་འདིའི་ཚིགས་སུ་བཅད་པ་གཉིས་པོ་འདི་འདུག་ཅེསརྗེ་ཏཱ་ར་ནཱ་ཐས་གསུངས་འདུག དེའི་རྒྱུ་མཚན་གྱིས་རྗེ་ཏཱ་ར་ནཱ་ཐས་ཚིགས་སུ་བཅད་པ་གཉིསཔོ་འདི་མདོ་ཚིག་ཡིན་པར་གསུངས་པ་རེད། ཚིགས་སུ་བཅད་པ་འདི་གཉིས་ཀྱི་དོན་ནི། འཕགསཔ་བཟ༷ང་པོ༷་སྤྱོ༷ད་པ༷འི་སྨོ༷ན་ལ༷མ་གྱི་གླེགས་བམ་དེ་དག་བཀླགས་པ་དང༌། ཁ་ཏོན་དུ་བྱས་པནི་བཏོ༷ན་པ༷འོ། །དེ་ལ་བརྟེན་ནས་བད༷ག་གི༷ས་དགེ༷་བ༷འི་རྩ་བ་ཅུ༷ང་ཟ༷ད་ཅི༷་བས༷གས་པ༷་དེ༷ས་ནི༷། འགྲོ༷་བ༷་སེམས་ཅན་ཐམས་ཀྱིས་ཡིད་ལ་སྨོན་ཞིང༌། ངག་གིས་གྱུར་ཅིག་སོགས་བརྗོད་པའི་སྨོ༷ནལ༷མ་གྱི་རིགས་ལས་དགེ༷་བ༷ར་གཏོགས་པ་རྣ༷མས་འབད་རྩོལ་མེད་ཅིང་ཡུན་རིང་དུ་ཐོགས་པམ་ཡིན་པར། མྱུར་དུ་སྐ༷ད་ཅི༷ག་གཅི༷ག་གི༷ས་ཏེ་མྱུར་དུ་ཐ༷མས་ཅ༷ད་འབྱོ༷ར་ཞིང་འགྲུབ་པ༷ར་ཤོ༷གཅིག་ཅེས་སྨོན་ལམ་གནང་བའོ། །མདོར་ན་བདག་གིས་འཕགས་པ་བཟང་པོ་སྤྱོད་པའི་སྨོན་ལམ་འདི་བཏོན་པའི་དགེ་བའི་རྩ་བ་ཅི་བསགས་པ་དེའི་མཐུ་ལ་བརྟེན་ནས་སེམས་ཅན་ཐམསཅད་ཀྱི་དགེ་བའི་རྩ་བ་ཐམས་ཅད་དང་སྨོན་ལམ་ཐམས་ཅད་ཡོངས་སུ་གྲུབ་ནས་འགྲུབ་པ་དེཡང་ཡུན་ཐུང་དུ་མ་ཡིན་པར་སྐད་ཅིག་གཅིག་ལ་མྱུར་དུ་ཐོབ་པར་ཤོག་ཅིག་ཅེས་སྨོན་ལམ་མཛད་པ་དང༌། ག༷ང་ཡ༷ང་བདག་གིས་བཟ༷ང་པོ༷་སྤྱོ༷ད་པ༷་འདི༷་བསྔོ༷་བར་བྱས་པ༷འི་དགེ་བའི་རྩབ་འདི་ཡིས་བསོ༷ད་ན༷མས་དགེ་བའི་རྩ་བ་རྒྱ་ཆེ་བས་མཐ༷འ་ཡ༷ས་ཤིང༌། ངོ་བོ་བཟང་པས་ད༷མཔར་གྱུར་པ༷་ག༷ང་ཞིག་ཐོ༷བ་པ་དེ༷ས། འགྲོ༷་བ༷་རིགས་དྲུག་གི་སེམས་ཅན་ཐམས་ཅད་སྐྱེ་རྒ་ན་འཆིའི་སྡུ༷ག་བསྔ༷ལ་གྱི་ཆུ༷་བོ༷ར་བྱི༷ང་པ༷འམ་སྡུག་བསྔལ་མྱོང་བའི་སེམས་ཅན་རྣ༷མས། སངས་རྒྱས་བཅོམ་ལྡན་འདས་འོ༷ད་དཔ༷ག་མེ༷ད་པ༷འི་གན༷ས་བདེ་བ་ཅན་གྱི་ཞིང་ཁམས་སྡུག་བསྔལ་གྱི་མིང་ཡང་མི་གྲག་ཅིང༌། རྟག་ཏུ་བདེ་བའི་གནས་དེ་ལ་ར༷བ་ཏུ་ཐོ༷བ་པ༷ར་ཤོ༷ག་ཅིག་ཅེས་དང༌། མདོར་ན། རང་གིས་བཟང་པོ་སྤྱོད་པའི་སྨོན་ལམ་འདི་འདོན་པ་ལ་བརྟེན་ནས་བསོད་ནམསཀྱི་དགེ་བའི་རྩ་བ་གང་བསགས་པ་དེ་ལ་བརྟེན་ནས་འགྲོ་བ་སེམས་ཅན་སྡུག་བསྔལ་གྱི་རྒྱམཚོ་དེའི་ནང་ལ་གནས་པའི་སྡུག་བསྔལ་མྱོང་མཁན་དག་སངས་རྒྱས་འོད་དཔག་མེད་ཀྱི་གོའཕང་ཐོབ་པར་ཤོག་ཅིག་ཅེས་སྨོན་ལམ་གནང་བའོ། །སྨོན་ལམ་རྒྱལ་བོ་འདི་དག་མཆོག་གི་གཙོ། །མཐའ་ཡས་འགྲོ་བ་ཀུན་ལ་ཕན་བྱེད་ཅིང༌། །ཀུན་ཏུ་བཟང་བོས་བརྒྱན་པའི་ཞིང་གྲུབ་སྟེ། །ངན་སོང་གནས་རྣམས་མ་ལུས་སྟོངས་པར་ཤོག ། ཚིགས་བཅད་འདི་ནི་བསྟན་པ་སྔ་དར་གྱི་དུས་སུ་བཟང་སྤྱོད་སྨོན་ལམ་བསྒྱུར་གནངམཛད་མཁན་ལོ་ཙཱ་བ་བཻ་རོ་ཙ་ན་སོགས་ཀྱི་འགྱུར་གྱི་སྨོན་ལམ་ཞིག་ཡིན་པར་སྣང༌། བཟངསྤྱོད་སྨོན་ལམ་གྱི་རྒྱ་འགྲེལ་མང་པོ་བྱུང་ན་ཡང་དེ་དག་གི་ནང་ལ་ཡང་ཚིགས་བཅད་འདི་མི་འདུག་ཅེས་རྗེ་ཏཱ་ར་ནཱ་ཐའི་བཟང་སྤྱོད་འགྲེལ་བ་ལས། མདོ་དང༌། སྔར་སྨོས་པ་བདག་གིསམཐོང་བའི་འགྲེལ་པ་རྣམས་ན་མི་སྣང་ཞིང༌། སངས་རྒྱས་གྲགས་པའི་འགྲེལ་པ་ནའང་མེད་པར་གྲགས་ལ། པ་གོར་བཻ་རོ་ཙ་ན་རི་ཏ་ལ་སོགས་པ་འདིའི་གཞུང་འགྲེལ་རྣམས་འགྱུར་མཛདཔའི་ལོ་ཙཱ་བ་དག་གིས་འགྱུར་གྱི་སྨོན་ལམ་གྱི་ཚུལ་དུ་མཛད་པ་ཡིན་ནོ་ཞེས་གྲགས་ཏེ། དེ་ལྟརཡིན་པར་ཡང་སེམས་ལ། དོན་ནི་བཟང་པོ་ཞིག་སྟེ། ཞེས་གསུངས་སོ། །དེའི་དོན་ནི། འདིརྒྱ་འགྲེལ་གྱི་གཞུང་ཞིག་ལ་བརྟེན་ས་མེད་པས་བོད་ཀྱི་མཁས་དབང་ཚོ་རང་རང་གིས་འགྲེལཚུལ་མི་འདྲ་བ་གྲངས་རེ་བཟོས་འདུག དེ་གང་ཞེ་ན། རྗེ་ཏཱ་ར་ནཱ་ཐའི་བཟང་སྤྱོད་འགྲེལ་བའིསྐབས། འཕགས་པ་བཟང་པོ་སྤྱོད་པའི་སྨོ༷ན་ལ༷མ་གྱི་རྒྱ༷ལ་བོ༷་འདི༷་ད༷ག་ནི། མཆོ༷ག་གི༷་གཙོ༷་བོསངས་རྒྱས་ལ་བྱས་ནས་དེ་འགྲུབ་ཅིང༌། མཐ༷འ་ཡ༷ས་པའི་འགྲོ༷་བ༷་ཀུ༷ན་ལ༷་ཕ༷ན་པར་བྱེ༷ད་པ། ཞེས་སྦྱར་བ་དང༌། ཅོ་ནེ་གྲགས་པ་བཤད་སྒྲུབ་ཀྱི་བཟང་སྤྱོད་འགྲེལ་བ་དང་དེ་ལས་གཞནཔའི་བཟང་སྤྱོད་འགྲེལ་བ་དག་གི་སྐབས་སུ། འཕགས་པ་བཟང་པོ་སྤྱོད་པའི་སྨོན་ལམ་གྱི་རྒྱལབོ་འདི་དག་ནི་སྨོན་ལམ་གཞན་རྣམས་ཀྱི་ནང་ནས་མཆོག་ཏུ་གྱུར་བའམ་གཙོ་བོའོ། །མཆོགཏུ་གྱུར་བས་མཐའ་ཡས་པའི་འགྲོ་བ་ཀུན་ལ་ཕན་པར་བྱེད་ཅིང༌། ཞེས་སྦྱར་འདུག ཚིག་རྐངའོག་མ་གཉིས་ཀྱི་དོན་ནི་རྗེ་ཏཱ་ར་ནཱ་ཐའི་བཟང་སྤྱོད་འགྲེལ་བ་ལས། ཁྱད་པར་དུ་ཕྱོགས་བཅུའིཞིང་ཁམས་མ་ལུས་པའི་ངན་སོང་གི་གནས་རྣམས་མ་ལུས་པར་སྟོང་པ་དང་ཕྱོགས་ཐམས་ཅདཀུན་ཏུ་བཟང་པོའི་སྨོན་ལམ་གྱིས་བརྒྱན་པའི་ཞིང་ཁམས་ཁྱད་པར་ཅན་དུ་བསྒྲུབས་པས་འགྲུབཔར་གྱུར་ཅིག་པའོ། །ཞེས་དང༌། ཀུ༷ན་ཏུ༷་བཟ༷ང་པོ༷ས་གསུངས་པའི་སྨོན་ལམ་ལ་སོགས་པསབརྒྱ༷ན་པ༷འི་གཞུ༷ང་ལུགས་སུ་གསུངས་པ་ནང་བཞིན་དུ་གྲུ༷བ་སྟེ༷། ང༷ན་སོ༷ང་གི་གན༷ས་ཐམས་ཅདལུ༷ས་པ་མེད་པར་སྟོ༷ང་བ༷ར་ཤོ༷ག་ཅིག་ཅེས་སྨོན་ལམ་མཛད་པ་རེད། གསུམ་པ་མཇུག་གི་དོན་ནི། འཕགས་པ་བཟང་པོ་སྤྱོད་པའི་སྨོན་ལམ་གྱི་རྒྱལ་བོ་རྫོགས་སོ། །གཞུང་གཞན་དུ་ཀུན་ཏུ་བཟང་པོས་གཞོན་ནུ་ནོར་བཟང་ལ་གསུངས་པ་རྫོགས་སོ་ཞེས་ཀྱངསྦྱར་འདུག འགྱུར་བྱང་ནི། རྒྱ་གར་གྱི་མཁན་པོ་ཛི་ན་མི་ཏྲ་དང༌། སུ་རེནྟྲ་བོ་དྷི་དང༌། ལོ་ཙཱ་བ་བནྡེཡེ་ཤེས་སྡེ་ལ་སོགས་པས་བསྒྱུར་ཅིང༌།ཞུ་དག་གནང་མཁན་གཙོ་བོ་ལོ་ཆེན་བཻ་རོ་ཙ་ནས་ཞུ་ཆེན་མཛད་པའོ། །དེ་ནས་ད་ལོ་ཁྱེད་རྣམ་པར་འཕགས་པ་བཟང་པོ་སྤྱོད་པའི་སྨོན་ལམ་གྱིརྒྱལ་བོའི་ཚིག་འགྲེལ་རགས་ཙམ་ཞུས་པ་ཡིན། ཡིན་ན་ཡང༌།༑རང་ངོས་ནས་དཔེ་ཁྲིད་མངཔོ་དང་བྱ་བ་མང་པོ་ཡོད་པས་གྲ་སྒྲིག་ཅི་ཡང་མེད་པའི་སྒོ་ནས་སྐབས་ཐོག་སྐབས་ཐོག་ལ་ཞུསཔ་ཙམ་ཡིན། ང་ཚོའི་སློབ་གླིང་འདི་ནས་ནམ་རྒྱུན་འཕགས་པ་བཟང་པོ་སྤྱོད་པའི་སྨོན་ལམགསུང་བཞིན་ཡོད་པ་རེད། དེས་ན་རང་རང་སོ་སོས་གོང་ནས་གསུངས་པ་ལྟར་ཕན་ཡོན་མངཔོ་ཡོད་པ་དེ་དག་ཤེས་པའི་སྒོ་ནས་དད་པ་རྣམ་དག་གིས་བཟང་སྤྱོད་སྨོན་ལམ་གསུངས་ནཕན་ཡོན་ཤིན་ཏུ་ཆེ་སྟེ། འདི་གསུང་ན་རང་རང་སོ་སོའི་སྐུ་རིམ་གྱི་ཚབ་ཀྱང་འོང་ཐུབ་ལ། ཚེའདིར་ཡང་གོང་ནས་གསུངས་པ་ལྟར་མི་ཚེ་འདིར་ཡང་དེ་དག་ལེགས་པར་འོང་ཞེས་གསུངསཔ་དང༌།༑ཚེ་ཕྱི་མ་ལ་ཡང་ནུབ་ཕྱོགས་བདེ་བ་ཅན་དུ་སྐྱེས་ནས་མཐར་བླ་མེད་རྫོགས་བྱང་ཐོབཔར་འགྱུར་བ། དེས་ན་དད་པ་རྣམ་དག་གི་སྒོ་ནས་ཉི་མ་རེ་རེ་དང་དགུན་གནང་དང་དབྱརགནང་སྐབས་ཀུན་ཏུ་ཡང་གསུང་རྒྱུ་གལ་ཆེན་པོ་རེད་མ་གཏོགས།༑ང་ཚོ་གྲྭ་བ་ཚོའི་གྲལ་ན་ཡངགྲྭ་བ་བྱས་ནས་ལོ་འགའ་སོང་ན་ཡང༌།༑རང་རང་གི་རང་མོས་ཀྱིས་ཐོག་ནས་སྐྱབས་འགྲོ་ཚརགཅིག་ཀྱང་མི་གསུང་མཁན་འདུག དེ་འདྲ་རྩ་བ་ཉིད་ནས་གནང་ཉན་གི་མི་འདུག་ལགས། ཐུགས་ལ་བཟུང་རོགས་ཞུ། དཻ་ཙམ་གྱིས་བཟང་སྤྱོད་ཀྱི་ཆོས་ཁྲིད་རྫོགས་པ་ཡིན། དེ་ལྟར་ཅུངཟད་ཞུ་ཁུལ་བྱས་པ་འདི་ལ་བརྟེན་ནས་བསྟན་འགྲོ་ལ་ཕན་པར་གྱུར་ཅིག སྨྲས་པ། ཀུན་རྨོངས་ལས་ཀྱི་འཁྲུལ་འཁོར་བཙན་པོ་ཡིས། །མི་འདོད་དབང་མེད་འཁྱམས་པའི་སྐྱེ་དགུ་འདི། །མནར་གཅོད་དུ༔ཁའི་ཀློང་ལས་རབ་ཐར་ནས། །གཏན་བདེ་ཞི་བའི་སྐམ་སར་ཕྱིན་གྱུར་ཅིག །འདིར་འབད་བརྩོན་པའི་རྣམ་དཀར་གཟེགས་མའི་བཅུད། །ཐེག་ཆེན་རྒྱལ་བའི་གཞུང་ལམ་ལ་འདྲེས་ཏེ། །བཤེས་གཉེན་མཆོག་དེའི་སྐུ་ཚེ་རབ་བརྟན་ཞིང༌། །འཕྲིན་ལས་འགྲོ་བའི་གསོས་སུ་ལེགས་སྨིན་ཤོག ། ཕྱི་ལོ་༢༠༡༩ལོར་གངས་ལྗོངས་རིས་མེད་ལྔ་རིག་མཐོ་སློབ་ནས་བཟང་པོ་སྤྱོད་པའི་སྨོན་ལམགྱི་བཀའ་ཁྲིད་གནང་བ་འདི་གཞན་ལ་ཕན་པའི་བློ་ཅུང་ཟད་ཀྱིས་བསྐུལ་ཏེ་ཚིག་སྦྱོར་སོགསཀྱི་མཛེས་ཆ་སྤངས་ནས།.གསུང་ཚིག་ཇི་བཞིན་ཕབ་ཅི་ཐུབ་ཀྱིས་གང་གི་སློབ་འབངས་སུགཏོགས་པ་ངག་དབང་རྒྱ་མཚོས་སློབ་གསེང་གི་ཆུ་ཚོད་ལ་རྔ་ཡུལ་བསེ་དགོན་ནས་ཕྱི་ལོ༢༠༢༠ལོའི་ཟླ་༡་ཚེས་༢༢ཉིན་དབུ་བཟུང་སྟེ་ཟླ་༢་ཚེས་༡༥ཉིན་མཇུག་གྲུབ་པར་བགྱིས་སོ། །