ཉིན་བརྒྱད་པ།
ཉིན་བརྒྱད་པ།
འོ་ལགས་སོ་འདི་ཡན་ཆད་དུ་གཞི་ལམ་འབྲས་གསུམ་གྱི་ནང་ནས་གཞིའི་རྣམ་བཞག་དང་ལམ་གྱི་རྣམ་བཞག་གཉིས་བཤད་ཟིན་པ་རེད།གསུམ་པ་འབྲས་བུའི་རྣམ་བཞག་བཤད་པ་ལ།དེ་ལྟར་ཕྱིན་ཅི་མ་ལོག་པའི་ལྟ་སྒོམ་སྤྱོད་གསུམ་གྱི་ལམ་ཚོགས་གཉིས་ཡོངས་སུ་རྫོགས་པ་ལས་འབྲས་བུ་སྤང་བྱ་ཉོན་མོངས་པའི་སྒྲིབ་པ་དང་ཤེས་བྱའི་སྒྲིབ་པ་གཉིས་མ་ལུས་པ་ཟད་པའི་སངས་རྒྱས་ཀྱི་གོ་འཕང་ལེགས་པརཐོབ་ནུས་པ་ཡིན་ཏེ། དེ་ལྟར་ལམ་ཉམས་སུ་བླང་བ་ལ་བརྟེན་ནས་འབྲས་བུ་སྐུ་གཉིས་ཟུང་འཇུག་ཐོབ་ནུས་པའི་རྒྱུ་མཚན་གང་ཞེ་ན།བསྟན་བཅོས་རྒྱུད་བླ་མ་ལས།རང་བཞིན་འོད་གསལ་ཞེས་བརྗོད་གང་ཡིན་ཉི་དང་མཁའ་བཞིན་གློ་བུར་གྱི། །༼ཆོས་ཀྱི་དབྱིངས་དེབཞིན་གཤེགས་པའི་སྙིང་པོ་ནི་རང་བཞིན་འོད་གསལ་བ་རེད་དེའི་ཞེས་བརྗོད་གང་ཡིན་པ་དེ་ནི་༽ཉོན་མོངས་ཤེས་བྱའི་སྤྲིན་ཚོགས་སྟུག་པོ་སྒྲིབ་པ་ཡིས་ནི་བསྒྲིབས་གྱུར་བ། །༼གང་ཡིན་པ་དེ་ནི་ལམ་སྒོམཔའི་སྟོབས་ཀྱིས་ཉོན་མོངས་པ་དང་ཤེས་བྱའི་སྒྲིབ་པ་མཐའ་དག་༽དྲི་མེད་སངས་རྒྱས་ཡོན་ཏན་ཀུན་ལྡན་རྟག་བརྟན་གཡུང་དྲུང་སངས་རྒྱས་ཉིད། །དེ་ནི་ཆོས་ལ་མི་རྟོག་རྣམ་འབྱེད་ཡེ་ཤེས་དག་ལ་བརྟེན་ནས་ཐོབ། །ཅེས་གསུངས་པ་རེད། མདོར་ན་སེམས་ཅན་ཐམསཅད་ཀྱི་རྒྱུད་ན་དྲི་མེད་སངས་རྒྱས་ཀྱི་ཡོན་ཏན་ཀུན་དང་ལྡན་པ་རྟག་བརྟན་གཡུང་དྲུང་སངས་རྒྱས་ཉིད་བཞུགས་པ་དེ་ནི་ཆོས་རབ་ཏུ་རྣམ་འབྱེད་དམ་རྣམ་པར་མི་རྟོག་པའི་ཡེ་ཤེས་ལ་བརྟེན་ནས་ཐོབ་ཐུབ་པ་རེད་གསུངས་པ་རེད། འཕགས་པ་ཀླུ་སྒྲུབ་ཀྱི་ཞལ་སྔ་ནས།ས་བོན་འགྱུར་བའི་དབྱིངས་དེ་ཉིད། །ཆོས་རྣམས་ཀུན་གྱི་རྟེན་དུ་འདོད། ། རིམ་གྱིས་སྦྱངས་བར་གྱུར་པ་ལས། །སངས་རྒྱས་བྱང་ཆུབ་ཐོབ་པར་འགྱུར། །ཞེས་ཆོས་རྣམས་ཀྱི་ས་བོན་གྱི་ཚུལ་དུ་སེམས་ཅན་དེ་དགལ་མངོན་དུ་མ་གྱུར་བའི་ཆོས་ཀྱི་དབྱིངས་དེ་ནི་ཆོས་རྣམས་ཐམས་ཅད་ཀྱི་གནས་དང་གཞི་དང་རྟེན་ཡིན་པར་འདོད་པར་གསུངས་པ་རེད། དེ་ཡང་ལམ་སྒོམ་པའི་སྟོབས་ཀྱིས་རིམ་གྱིས་དྲི་མ་སྦྱང་བར་གྱུར་པ་ལས་མཐར་ཐུག་རྫོགས་པའི་སངས་རྒྱས་ཀྱི་བྱང་ཆུབ་དེ་ཉིད་ཐོབ་པར་འགྱུར་ཐུབ་གི་རེད་ཅེས་གསུངས་པ་རེད། དེ་ལྟར་ཐོབ་པའི་འབྲས་བུ་ལ་དབྱེ་ན་རྣམ་པ་གཉིས་ཡོད་པ་རེད།དང་པོ་བྲལ་འབྲས་ནི། ཆོས་སྐུ་གང་ཡིན་པ་འགྱུར་མེད་ཡོངས་གྲུབ་དང༌། དེ་བཞིན་ཉིད་ཀྱི་སྐུ་ལ་བྲལ་བའི་ཡོན་ཏན་སྟོབས་དང་མི་འཇིགས་པ་དང༌། མ་འདྲེས་པའི་ཆོས་བཅོ་བརྒྱད་ལ་སོགས་པའི་དོན་དམ་སངས་རྒྱས་ཀྱི་ཡོན་ཏན་ཀུན་དང་ལྡན་པ་དེ་ཉིད་ཡིན་པ་རེད།དང་པོ་ཡིས་ནི་དང་པོ་དང༌། །གཉིས་པ་ཡིས་ནི་ཕྱི་མ་གཉིས། །ཞེས་དང་པོ་རང་བཞིན་གནས་རིགས་ལ་བརྟེན་ནས་ངོ་བོ་ཉིད་སྐུ་ཐོབ་པ་ཡིན་པ་དེ་དང༌།དེ་ལ་བྲལ་བའི་ཡོན་ཏན་སྟོབས་བཅུ།མི་འཇིགས་པ་བཞི།མ་འདྲེས་པའི་ཆོས་བཅོ་བརྒྱད་དེ་བྲལ་བའི་ཡོན་ཏན་སུམ་ཅུ་རྩ་གཉིས་ལྡན་པ་དེ་རེད།གཉིས་པ་སྨིན་པའི་འབྲས་བུ་ནི་གཟུགས་སྐུ་གང་ཡིན་པ་༼ལོངས་སྐུ་དེ་རེད་དེ༽ལ་ཀུན་རྫོབ་གཟུགས་སྐུའི་མཚན་བཟང་པོ་སུམ་ཅུ་རྩ་གཉིས་དཔེ་བྱད་བཟང་པོ་བརྒྱད་ཅུ་ལ་སོགས་པ་སྨིན་པའི་ཡོན་ཏན་རྣམས་དང་ལྡན་པའི་གཟུགས་སྐུ་སྟེ་མདོར་ན་འབྲས་བུ་མཐར་ཐུག་དེ་ལ་གདོད་མ་ཉིད་ནས་རང་ཆས་སུ་བཞུགས་པའི་བྲལ་འབྲས་ངོ་བོ་ཉིད་སྐུ་དང༌།ལམ་སྒོམ་པའི་སྟོབས་ཀྱིས་སྔར་མེད་གསར་དུ་བསྐྱེད་པའི་སྨིན་འབྲས་དེ་གཟུགས་སྐུ་རྣམ་པ་གཉིས་ཡོད་པ་ཡིན་ཏེ།རྒྱུད་བླ་མ་ལས། དང་པོའི་སྐུ་ནི་སྟོབས་ལ་སོགས། །བྲལ་བའི་ཡོན་ཏན་དག་དང་ལྡན། །༼སྟོབས་བཅུ། མི་འཇིགས་པ་བཞི།མ་འདྲེས་པའི་ཆོས་བཅོ་བརྒྱད་ལ་སོགས་པ་བྲལ་བའི་ཡོན་ཏན་སུམ་ཅུ་རྩ་གཉིས་དང་ལྡན་པ་ཡིན་པ་དེ་གསུང་པ་རེད། གཉིས་པ་སྐྱེས་བུཆེན་པོའི་མཚན། །རྣམ་སྨིན་ཡོན་ཏན་དག་དང་ལྡན། །ཞེས་གཉིས་པ་གཟུགས་སྐུ་དེ་ལ་སྨིན་པའི་ཡོན་ཏན་སུམ་ཅུ་རྩ་གཉིས་ཏེ་ཡོན་ཏན་དྲུག་ཅུ་རྩ་བཞི་དང་ལྡན་པ་ཡིན་པ་གསུངས་པ་རེད།ཞེས་དང༌། གཞི་ལམ་འབྲས་གསུམ་ངོ་སྤྲོད་ཡང་དག་དོན་གསལ་ལས།གཞིའི་སངས་རྒྱས་དེ་གློ་བུར་གྱི་དྲི་མ་དང་བྲལ་བར་གནས་གྱུར་པ་ལ་འབྲས་བུ་སངས་རྒྱས་ཆོས་ཀྱི་སྐུ་ཕྱག་རྒྱ་ཆེན་པོའི་དངོས་གྲུབ་ཐོབ་པ།ཞེས་པ་ནས།ཆོས་སྐུ་ཐོབ་པའི་བྱིན་རླབས་ལས་གདུལ་བྱ་རྒྱུད་དག་པ་རྣམས་ལ་མཚན་བཟང་པོ་སུམ་ཅུ་རྩ་གཉིས་དང་དཔེ་བྱད་བཟང་པོ་བརྒྱད་ཅུས་བརྒྱན་པའི་བདག་ཉིད་ཀྱི་སྐུའི་སྣང་བ་ཤར་བ་ལ་བརྟེན་ནས་སེམས་ཅན་གཞན་གྱི་དོན་མཛད་པ་ནི་གཟུགས་ཀྱི་སྐུ་ཡིན་ཏེ། དེ་དག་ནི་འབྲས་བུའི་དོན་ནོ། ཞེས་གསུངས་པའི་ཕྱིར།དེ་ལྟར་ཐོབཔའི་འབྲས་བུ་ལ་ངོ་བོ་ཉིད་སྐུ། ལོངས་སྐུ། སྤྲུལ་སྐུ་སྟེ་སྐུ་གསུམ་དང་ཡང་ན་ངོ་བོ་ཉིད་སྐུ་དང་ལོངས་སྐུ་དང་སྤྲུལ་སྐུ།ཡེ་ཤེས་ཆོས་སྐུ་དང་སྐུ་བཞི་རྣམས་དབྱེར་ཡོད་དེ། ཇི་སྐད་དུ། སངསརྒྱས་རྣམས་ཀྱི་སྐུ་དབྱེ་བ། །རང་བཞིན་ལོངས་སྤྱོད་རྫོགས་པ་དང༌། །གཞན་ནི་སྤྲུལ་བའི་སྐུ་ཡིན་ཏེ། །དང་པོ་གཉིས་པོའི་རྟེན་ཡིན་ནོ། །ཞེས་དང༌། མངོན་རྟོགས་རྒྱན་ལས། ངོ་བོ་ཉིད་ལོངས་རྫོགས་བཅས་དང༌། །དེ་བཞིན་གཞན་པ་སྤྲུལ་བ་ནི། །ཆོས་སྐུ་མཛད་པ་དང་བཅས་པ། །རྣམ་པ་བཞིར་ནི་ཡང་དག་བརྗོད། །ཅེས་གསུངས་པའི་ཕྱིར་རོ། །ཡང་སྟོང་གཞི་དོན་དམ་ཆོས་ཀྱི་སྐུ་བཞི་ནི།གཞི་འབྲས་དབྱེར་མེད་དུ་བཞུགས་པའི་རྡོ་རྗེ་བཞི་ཡིན་ཏེ།ཡེ་ཤེས་ལེའུ་ལས།རྒྱལ་བའི་སྐུ་ཡི་རྡོ་རྗེ་ཡུལ་དང་ཡུལ་ཅན་རྣམས་ཀྱི་བགྲོད་བྱ་མིན་པ་རྣམ་པ་ཐམས་ཅད་པ། །གསུང་གི་རྡོ་རྗེ་སེམས་ཅན་ཐམས་ཅད་རང་སྙིང་སྐད་རྣམས་དག་གི་ཆོས་ནི་གོ་བར་བྱེད་པའོ། །རྡོ་རྗེ་ཅན་གྱི་ཐུགས་ཀྱི་རྡོ་རྗེ་སེམས་ཅན་རྣམས་ཀྱི་སེམས་ཀྱི་རང་བཞིན་མཐའ་དག་ས་ལ་གནས། །དྲི་མེད་ནོར་བུ་ལྟ་བུ་དངོས་པོ་རྣམས་ཀྱི་འཛིན་བྱེད་གང་ཡིན་དེ་ཉིད་ཡེ་ཤེས་རྡོ་རྗེའོ། །ཞེས་འདིའི་སྐབས་ཀྱི་མཐར་ཐུག་གི་ཐོབ་བྱ་གཞི་འབྲས་དབྱེར་མེད་དུ་བཞུགས་པའི་སྐུ་བཞི།སྐུ་བཞི་དེ་ཡང་གསང་བ་སྔགས་བླ་ན་མེད་པའི་སྐབས་ནས་བསྟན་པའི་སྐུའི་རྡོ་རྗེ།གསུང་གི་རྡོ་རྗེ།ཐུགས་ཀྱི་རྡོ་རྗེ། ཡེ་ཤེས་ཀྱི་རྡོ་རྗེ་སྟེ་རྡོ་རྗེ་རྣམ་པ་བཞི་གསུང་གི་ཡོད་པ་དེ་རེད། དེའི་ནང་གི་དང་པོ་སྐུ་རྡོ་རྗེ་གསུང་དུས་རྒྱལ་བའི་སྐུ་ཡི་རྡོ་རྗེ་ཀུན་རྫོབ་ཀྱི་ཡུལ་དང་ཡུལ་ཅན་རྣམས་ཀྱི་བགྲོདབྱ་ཐམས་ཅད་དང་བྲལ་བའི་སྐུ་དོན་དམ་པའི་རྣམ་པ་ཐམས་ཅད་པའི་རྣམ་ཀུན་མཆོག་ལྡན་གྱི་ཡེ་ཤེས་དེ་གསུང་པ་དེ་རེད། སངས་རྒྱས་ཀྱི་དོན་དམ་པའི་གསུང་རྡོ་རྗེ་སེམས་ཅན་ཐམས་ཅདརང་རང་གི་སྐད་དང་མཐུན་པའི་ཆོས་སྒོ་སྣ་ཚོགས་པ་གདུལ་བྱའི་ཁམས་དབང་མོས་པ་བཞིན་གསུང་རྣམ་པ་ཐམས་ཅད་པ་ལ་བརྟེན་ནས་བརྗོད་བྱའི་ཆོས་སྣ་ཚོགས་པ་དེ་དག་གོ་བར་བྱེད་པ་དེ་གསུང་རྡོ་རྗེ་ཡིན་པ་དེ་རེད། རྡོ་རྗེ་ཅན་གྱི་ཐུགས་ཀྱི་རྡོ་རྗེ་ནི་སེམས་ཅན་རྣམས་ཀྱི་སེམས་ཀྱི་རང་བཞིན་དྲི་མ་མཐའ་དག་དང་ཡོངས་སུ་བྲལ་བའི་གདོད་མ་ཉིད་ནས་བཞུགས་པའི་རང་བཞིན་འོད་གསལ་བ་དེ་དོན་དམ་པའི་ཐུགས་རྡོ་རྗེ་ཡིན་པ་གསུང་པ་རེད།དྲི་མ་མེད་པའི་ནོར་བུ་ལྟ་བུ་དངོས་པོ་རྣམས་ཀྱི་འཛིན་བྱེད་གང་ཡིན་པ་དེ་ཉིད་ཡེ་ཤེས་རྡོ་རྗེ་རེད་ཅེསགསུངས་པའི་ཕྱིར་རོ། །རང་ལུགས་ཀྱི་གཞུང་ལུགས་འཆད་པའི་སྐབས་རྣམས་སུ་དོན་དམ་དབྱིངས་ཀྱི་གནས་ཚུལ་གྱི་དབང་དུ་བྱས་པ་དང༌། རྣལ་འབྱོར་ཅན་གྱི་སྣང་ཚུལ་གྱི་དབང་དུ་བྱས་པ་གཉིས་རེ་ཡོད་པ་ངེས་པར་ཤེས་པར་བྱ་སྟེ།རང་ལུགས་ཀྱི་གཞུང་ལུགས་འཆད་པའི་སྐབས་དེ་མན་ངག་གི་དབང་དུ་བྱས་ན་དོན་དམ་ཆོས་ཀྱི་དབྱིངས་ཀྱི་གནས་ཚུལ་གྱི་དབང་དུ་བྱས་ནས་སྐབས་མང་པོ་གསུངས་པ་དེ་དང༌། ཡང་དྲི་མ་དང་བཅས་པ་ཡིན་ཅེས་པ་ལ་སོགས་པ་ནི་སེམས་ཅན་རང་རང་སོ་སོའི་སྣང་ཚུལ་ལ་ལྟོས་ནས་དྲི་མ་དང་བཅས་པ་གསུངས་པ་འདྲ་དང༌། གཞི་དང་གནས་དང་རྟེན་ཡིན་པར་གསུངས་པ་དང་རིགས་ཁྱད་པར་གསུམ་ལྡན་ཡིན་པར་གསུངས་པ་དེ་དག་སྣང་ཚུལ་གྱི་དབང་དུ་བྱས་ནས་མང་པོ་ཡོང་བ་དེ་འདྲ་རེད། དེའི་དབང་གིས་འདི་ནས་ཡིན་ན་སྣང་ཚུལ་གྱི་དབང་དུ་བྱས་པ་དང་གནས་ཚུལ་གྱི་དབང་དུ་བྱས་པ་ཡོད་པ་གཉིས་གསུངས་པ་དེ་རེད།དེ་ཡང་རྗེ་ཐམས་ཅད་མཁྱེན་པ་ཏཱ་ར་ནཱ་ཐའི་ཐེག་མཆོག་དབུ་མ་ལས།འདི་ལ་དོན་དམ་དབྱིངས་ཀྱི་གནས་ཚུལ་དང༌། །རྣལ་འབྱོར་ཅན་ལ་ཇི་ལྟར་སྣང་ཚུལ་ལོ། །ཞེས་གསུངས་པ་ནང་བཞིན་ཡིན་པ་དེ་རེད།ཅེས་གསུངས་འདུག་ལགས། དེ་ཡན་ཆད་དུ་གཞི་ལམ་འབྲས་བུའི་རྣམ་བཞགམདོར་མཚོན་པ་ཙམ་ཞུས་ཟིན་པ་དེ་རེད། འདིར་སྨྲས་པ། གཞི་ལམ་འབྲསདང་ལྟ་སྒོམ་སྤྱོད་པ་ཡི། །ཐུན་མིན་ལུགས་འདི་མདོ་རྒྱུད་ཀུན་གྱི་གནད། །འཕགས་མཆོག་ཀུན་གྱི་དགོངས་པའང་འདི་ངེས་པས། ། ཀུན་མཁྱེན་དགོངས་བཞེད་དྲང་སྲོང་གཏམ་འདི་སྨྲས། །༼གཞུང་འདིར་བཤད་པའི་གཞིའི་རྣམ་བཞག་དང་ལམ་གྱི་རྣམ་བཞག་འབྲས་བུའི་རྣམ་བཞག་དང༌།ལམ་གྱི་རྣམ་བཞག་དེ་ལ་ནང་གསེས་ཀྱི་ལྟ་སྒོམ་སྤྱོད་གསུམ་གྱི་དབྱེ་བའི་ཐུན་མོང་མ་ཡིན་པའི་ལུགས་འདི་སངས་རྒྱས་བཅོམ་ལྡན་འདས་ཀྱིས་གསུངས་པའི་མདོ་རྒྱུད་ཐམས་ཅད་ཀྱི་གནད་ཡིན་པ་དང་འཕགས་པ་ས་བཅུའི་བྱང་ཆུབ་སེམས་དཔའ་ལ་སོགས་པའི་དགོངས་པ་ཡང་སྐབས་འདིར་བཤད་པའི་ལྟ་སྒོམ་སྤྱོད་གསུམ་དང་གཞི་ལམ་འབྲས་གསུམ་གྱི་རྣམ་བཞག་འདི་ཁོ་ནར་ངེས་པའི་རྒྱུ་མཚན་གྱིས་ཀུན་མཁྱེན་ནམ་སངས་རྒྱས་ཀྱིས་དགོངས་བཞེད་དྲང་སྲོང་གཏམ་འདི་གཞི་ལམ་འབྲས་གསུམ་གྱི་རྣམ་བཞག་དེ་སྨྲས་པ་ཡིན། ༼བསྟན་བཅོས༽ འདིར་བཤད་༼པའི༽དགེ་བས་༼མཐུ་ལ་བརྟེན་ནས་༽བགྲང་ཡས་༼སམ་མཐའ་ཡས་པའི་༽འགྲོ་བ་༼སམས་ཅན་༽ཀུན། །༼རྩོད་ལྡན་གཉིས་ལྡན་གསུམ་ལྡན་ལ་སོགས་པའི་ཆོས་དང་བྲལ་བའི་༽རྫོགས་ལྡན་དམ་པའི་ཆོས་༼མཆོག་༽འདིར་ལེགས་ཞུགས་ཏེ། །གློ་བུར་དྲི་མའི་རྒྱལ་ཁམས་ལས་འདས་ནས། །དོན་དམ་སྐུ་བཞིའི་རྒྱལ་ཁམས་ལ་གནས་ཤོག །ཅེས་བསྟན་བཅོས་རྩོམ་པའི་དགེ་བ་འདི་བསྔོ་བར་མཛད་པ་དེ་རེད།ཅེས་གཞི་ལམ་འབྲས་བུ་རྣམ་བཞག་ཉུང་གསལ་རིན་ཆེན་འཕྲེང་བ་ཞེས་བྱ་བ་འདི་ནི་ལྕམ་མདའ་དགོན་ཐུབ་བསྟན་ངེས་དོན་ཆོས་འཁོར་གླིང་ནས་རིགས་སྨྲ་དུ་མ་ལ་ཐེག་མཆོག་དབུ་མའི་ཟིན་བྲིས་དང༌།རྟགས་རིགས་གཉིས་ཀྱི་དཔེ་ཁྲིད་ཀྱི་ཞར་ལ་འབྲས་རབ་འབྱམས་པའི་མིང་ཙམ་འཛིན་པ་ངག་དབང་དངོས་གྲུབ་དཔལ་གྱིས་བྲིས་པའོ། །སརྦ་མངྒ་ལམ།། ། །