བླ་མ་མཆོད་པ་བདེ་ལེགས་རབ་རྒྱས་ཀྱི་ཟིན་བྲིས་རྗེ་བཙུན་བླ་མའི་ཞལ་ལུང་ཀུན་བཟང་མཆོད་སྤྲིན་རྒྱ་མཚོ།
བླ་མ་མཆོད་པ་བདེ་ལེགས་རབ་རྒྱས་ཀྱི་ཟིན་བྲིས་རྗེ་བཙུན་བླ་མའི་ཞལ་ལུང་ཀུན་བཟང་མཆོད་སྤྲིན་རྒྱ་མཚོ་ཞེས་བྱ་བ་བཞུགས་སོ།།
ལྷུན་འགྲུབ་ཆོས་སྐུའི་མཁའ་དབྱིངས་རྟོག་པའི་སྤྲིན་བྲལ་ལས། །སྣ་ཚོགས་གཟུགས་སྐུའི་དཀྱིལ་འཁོར་ཐུགས་རྗེའི་རླུང་གིས་བསྐྱོད། །འཕྲིན་ལས་འོད་སྟོང་འཕྲོ་བས་སྒྲིབ་གཉིས་ཚོགས་འཇོམས་པ། །མཁྱེན་བརྩེའི་སྟོབས་མངའ་ཐུབ་དབང་སྐྱེ་རྒུའི་རྟག་ཏུ་སྐྱོང༌། །འཕགས་བོད་མཁས་དང་གྲུབ་པ་ཡོངས་ཀྱི་གཙུག་གི་རྒྱན། །མཐར་ཐུག་དབུ་མ་ཆེན་པོའི་ཤིང་རྟའི་སྲོལ་འབྱེད་པ། །རྒྱལ་བས་ལུང་བསྟན་ཀུན་མཁྱེན་ཆེན་པོ་ཇོ་ནང་པ། །ཡབ་སྲས་བརྒྱུད་པར་བཅས་པ་སྙིང་གའི་དབུས་སུ་འཛུམ། །མི་འགྱུར་བདེ་བས་ཐུགས་ཀྱི་མཛོད་ཆེན་རྒྱས། །མན་ངག་གདམས་པས་སྐལ་ལྡན་སྨིན་གྲོལ་མཛད། །རྒྱུད་སྡེ་རྒྱ་མཚོའི་མངའ་བདག་སྒྲོལ་མགོན་ཞབས། །མི་ཕྱེད་དད་པས་སྤྱི་བོའི་གཙུག་ཏུ་བསྟེན། །འཕོ་མེད་ལྷན་སྐྱེས་བདེ་བ་ཆེན་པོའི་ཡེ་ཤེས་སྐུ། །དང་པོའི་སངས་རྒྱས་དཔལ་ལྡན་དུས་ཀྱི་འཁོར་ལོ་ཡི། །དབང་བསྐུར་རྒྱུད་བཤད་མན་ངག་གངྒའི་ཆུ་བོའི་རྒྱུན། །འཛིན་མཛད་རྡོ་རྗེ་འཆང་དངོས་དཔལ་ལྡན་བླ་མར་འདུད། །དངོས་གྲུབ་འབྱུང་གནས་དཔལ་ལྡན་བླ་མ་ལ། །ཡན་ལག་བདུན་པ་སོགས་ཀྱིས་མཆོད་པའི་ཐབས། །བདེ་ལེགས་རབ་རྒྱས་བླ་མའི་ཞལ་ལུང་ལ། །ཟིན་བྲིས་ཀུན་བཟང་མཆོད་སྤྲིན་དབྱེ་བར་བྱ། །དེ་ལ་འདིར་འཕགས་བོད་མཁས་པའི་གཙུག་རྒྱན་བཀའ་དྲིན་འགྲན་ཟླ་དང་བྲལ་བའི་མཚུངས་མེད་བླ་མ་བསྟན་པའི་ཡང་དར་བྱེད་པོ་ཡོངས་ཀྱི་བཤེས་གཉེན་རིན་པོ་ཆེ་འཕགས་ཡུལ་འབྲས་རབ་འབྱམས་པ་༧ངག་དབང་དངོས་གྲུབ་དཔལ་བཟང་པོ་མཆོག་གིས་རང་ཅག་གི་སྐལ་ལྡན་སློབ་བུ་རྣམས་ལ་རྗེ་བཙུན་སྒྲོལ་བའི་མགོན་པོའམ་ཐམས་ཅད་མཁྱེན་པ་ཏཱ་ན་ཐཱའི་ཞལ་སྔ་ནས་མཛད་པའི་བླ་མ་མཆོད་པའི་ཆོ་ག་བདེ་ལེགས་རབ་རྒྱས་ཀྱི་ཚིག་དོན་བཀའ་ཁྲིད་ཟབ་མོ་གནངབ་བླ་མའི་གསུང་ཇི་ལྟ་བ་བཞིན་ཟིན་བྲིས་འབྲི་བར་བྱའོ། །བླ་མ་རིན་པོ་ཆེའི་ཞལ་ནས་སྤྱིར་སྐྱབས་གནས་དགེ་འདུན་པ་ཁྱེད་རྣམས་ཕལ་ཆེར་སྦྱོར་དྲུག་འདུག་མྱོང་ཡོད་པ་རྐྱང་རྐྱང་རེད།དེ་ཡིན་ན་བླ་མ་མཆོད་པའི་ཁྲིད་གང་ལ་གང་འཚམས་སོང་ཡོད་རྒྱུ་རེད་མ་གཏོགས་ཚིག་རྐྱང་བ་ཙམ་ཡིན་ན་དེ་ཙམ་དེ་ཙམ་ཆག་འགྲོ་བ་རེད། ང་ཚོ་གྲྭ་བ་ཡིན་ནས་བཟུང་རྒྱུན་དུ་ཁ་འདོན་བཟླས་བརྗོད་དགོས་པ་རེད། རྒྱུན་དུ་བཟང་སྤྱོད། བླ་མཆོད། མཚན་བརྗོད་ལྟ་བུས་མཚོནཔའི་རང་རང་སོ་སོས་བྱིན་རླབས་འདི་ཆེ་སྡིག་པ་སྤང་བ་ལ་གནད་འདི་འགྲོ་སྙམ་པའི་སངས་རྒྱས་བཅོམ་ལྡན་འདས་ཀྱིས་གཟུངས་སྔགས་ཁྱད་པར་ཅན་ཡིན་པ་མང་པོ་གསུངས་ཡོད་པ་རེད། དེ་དག་མང་པོ་མ་ཐུབ་ན་ཡང་ཅི་རིགས་རེ་ཉི་མ་རེ་རེ་བཞིན་དུ་ཁ་འདོན་ཆག་མེད་དུ་མཛད་དགོས་པ་རེད་མ་གཏོགས་གྲྭ་བ་ཡིན་ནས་བཟུང་ཉིན་རེ་སྐྱབས་འགྲོ་ཙམ་ཡང་འདོན་རྒྱུ་མེད་ན་ཧ་ཅང་ཐབས་སྐྱོ་བོ་ཅིག་རེད། དེས་ན་བླ་མཆོད་ཞལ་འདོན་མཛད་མཁན་མང་པོ་ཡོད་རྒྱུ་རེད། དེའི་རྒྱུ་མཚན་གྱི་བླ་མ་མཆོད་པ་བདེ་ལེགས་རབ་རྒྱས་ཀྱི་ཚིག་དོན་རགས་ཙམ་མ་གཏོགས་ཞིབ་ཕྲ་ཞུ་བ་ལ་འཛིན་གྲྭ་སོ་སོའི་དཔེ་ཁྲིད་སོགས་རྐྱེན་དབང་གིས་དུས་ཚོད་ཁོམ་སྐབས་མི་འདུག དེས་ན་རྗེ་ཐམས་ཅད་མཁྱེན་པ་ཏཱ་ར་ནཱ་ཐའི་མཛད་པའི་བླ་མ་མཆོད་པ་བདེ་ལེགས་རབ་རྒྱས་ཀྱི་དོན་འཆད་པར་བྱེད་པ་ལ།
མཚན་དོན།གཞུང་དོན།
མཚན་དོན།གཞུང་དོན།
མཇུག་གི་དོན་དང་ས་བཅདརྣམ་པ་གསུམ་ཡོད་པ་ལས། དང་པོ་མཚན་དོན་ནི་བླ་མ་མཆོད་པའི་ཆོ་ག་བདེ་ལེགས་རབ་རྒྱས་ཞེས་བྱ་བ་བཞུགས་སོ། །ཞེས་བསྟན་བཅོས་འདིའི་མཚན་ཡིན་པ་དེ་འདྲ་རེད། དངོས་གྲུབ་ཐམས་ཅད་ཀྱི་འབྱུང་གནས་དཔལ་ལྡན་བླ་མ་དམ་པ་ལ་ཡན་ལག་བདུན་པ་ལ་སོགས་པའི་སྒོ་ནས་མཆོད་པ་སྟེ་བླ་མཆོད་འདིའི་ཁོག་གཞུང་དུ་ཡན་ལག་བདུན་པ་གསུངས་ཡོད་པ་རེད། ཡན་ལག་བདུན་པོ་ལ་མཆོད་པ་ཞེས་གཞུང་ལུགས་རྣམས་ཀྱི་སྐབས་སུ་ཐ་སྙད་མཛད་ཡོད་པ་རེད། སྤྱིར་མཆོད་པ་ལ་སྒྲུབ་པའི་མཆོད་པ་ཞེས་པ་རང་རང་སོ་སོས་ཐོས་བསམ་གྱི་དགེ་བ་གང་སྒྲུབ་པ་ཡིན་ན་དཀོནམཆོག་གསུམ་གྱི་ཞིང་ས་ལ་མཆོད་པ་ཆགས་ཡོད་པ་རེད། དེ་ཡང་ལུས་ངག་ཡིད་གསུམ་དུས་གསུམ་དགེ་རྩར་བཅས།།ཞེས་གསུངས་པ་བཞིན་ལུས་ངག་ཡིད་གསུམ་གྱི་དགེ་བ་དང་དུས་གསུམ་གྱི་དགེ་རྩ་ཐམས་ཅད་མཆོད་པ་འགྲོ་བ་རེད། དེ་བཞིན་དུ་སྐབས་འདིར་མཆོད་པ་རྒྱ་ཆེར་འོག་ནས་མཆོད་ཡོན་ཕལ་ཆེར་མཆོད་ཡོན་བླ་རེ་དང་ཞེས་སོགས་ཀྱི་སྐབས་སུ་གསུངས་ཡོད་པ་རེད། དེས་ན་དཔལ་ལྡན་བླ་མ་དམ་པ་ལ་མཆོད་པའི་ཐབས་ཆོ་ག་བདེ་ལེགས་རབ་རྒྱས་ཞེས་ཡོན་ཏན་ཐམས་ཅད་ཀྱི་འབྱུང་གནས་དཔལ་ལྡན་བླ་མ་ལ་མཆོད་པ་ཕུལ་བ་ཡིན་ན་ཚེ་འདི་ཕྱིའི་ལེགས་ཚོགས་ཀྱི་བདེ་ལེགས་ཐམས་ཅད་རབ་ཏུ་རྒྱས་པར་བྱེད་པ་ཞེས་བྱེད་ལས་ཀྱིཆ་ནས་བདེ་ལེགས་རབ་རྒྱས་ཞེས་བྱ་བའི་བསྟན་བཅོས་གང་ན་བཞུགས་ན་འདི་ན་བཞུགས་སོ། །ཞེས་མཚན་བཏགས་པ་རེད། སྤྱིར་བླ་མའི་སྐད་དོད་ལེགས་སྦྱར་སཾ་སྐྲི་ཏའི་སྐད་ཀྱི་དབང་དུ་བྱས་པ་ཡིན་ན་གུ་རུ་ཞེས་གསུངས་ཡོད་པ་རེད། དེ་ལོ་ཙཱ་བ་རྣམས་ཀྱིས་བོད་སྐད་དུ་བསྒྱུར་བ་ན་གུ་རུ་ལྕི་བའི་བྱང་གི་སྒོ་ནས་བསྒྲུདས་པ་རེད། དེ་ཡང་བླ་མ་དེ་སྐུ་གསུང་ཐུགས་ཀྱི་ཡོན་ཏན་གྱི་ཁུར་དུ་ལྕི་བ་ཡིན་པས་ན་བླ་མ་ཞེས་གོང་ན་མེད་པའི་དོན་དུ་བསྒྱུར་ནས་བླ་མ་ཞེས་གསུངས་ཡོད་པ་རེད།བྱིན་རླབས་ཀྱི་རྩ་བ་དཔལ་ལྡན་བླ་མ་དམ་པ་ཡིན་པས་བླ་མ་ལ་མཆོད་པ་འབུལ་བ་ཡིན་ན་མཆོད་ཡུལ་གྱི་ཞིང་གཞན་ལ་མཆོད་པ་བརྒྱ་འགྱུར་སྟོང་འགྱུར་དུ་བྱས་པ་ལས་ཀྱང་དཔལ་ལྡན་བླ་མ་དམ་པ་ལ་མཆོད་པ་འབུལ་བ་ཡིན་ན་བསོད་ནམས་ཀྱི་ཚོགས་རྒྱ་ཆེན་པོ་གསོག་ཐུབ་པ་ཡིན་པ་བླ་མཆོད་ཁོག་གཞུང་དུ་གསུངས་པ་ལྟར་ཡིན། བསྟན་བཅོས་ཀྱི་མཚན་བཏགས་པའི་དགོས་པ་གཞུང་སྤྱིདང་མཐུན་པ་དང༌། སྤྱིར་ཆོས་གང་དང་གང་ཡིན་ན་མིང་དུ་གདག་པར་མ་མཛད་ན། །འཇིག་རྟེན་ཐམས་ཅད་རྨོངས་པར་འགྱུར། །དེ་ཡི་རྨོངས་བ་བསལ་བའི་ཕྱིར། །ཆོས་རྣམས་མིང་དུ་གདག་པར་མཛད། །ཞེས་པ་ལྟར་དང༌། བསྟན་བཅོས་སྒེར་གྱི་མིང་ཡིན་ན་བསྟན་བཅོས་དང་གླེགས་བམདུ་མ་ལས་བཙལ་སླ་བ་ལ་སོགས་པ་དགོས་པ་དུ་མ་ཡོད་པ་དང༌། དེའི་མ་ཟད་མཚན་བྱང་འདི་ལ་བརྟེན་ནས་དབང་པོ་རབ་ཞིག་ཡིན་ན་བླ་མ་མཆོད་པའི་ཆོ་ག་བདེ་ལེགས་རབ་རྒྱས་སྐབས་ནས་བསྟན་པའི་བརྗོད་བྱ་ཡོངས་སུ་རྫོགས་པ་རྟོགས་ཐུབ་པ་དང༌། དབང་བོ་འབྲིང་ཡིན་ན་དབུ་མཚན་མཐོང་བས་དབུ་ཞབས་དོན་ཁོང་ཆུད་གསུངས་པ་ལྟར་བསྟན་བཅོས་འདིའི་བསྟན་བྱ་རག་ཙམ་རྟོགས་པ་དང༌། དབང་པོ་ཐ་མ་ཞིག་ཡིན་ན་ཐོག་མར་དོན་ལ་མིང་བརྡ་སྦྱར་ནས་མིང་དོན་ལ་གོམས་འདྲེས་སོང་བ་ན་བརྗོད་བྱ་རྟོགས་ཐུབ་པ་ལ་སོགས་པའི་དགོས་པ་དུ་མ་ཡོད་པས་ན་བསྟན་བཅོས་ལ་མིང་བཏགས་པ་རེད། དེ་ཡན་ཆད་མཚན་དོན་མདོར་བསྡུས་ཙམ་སོང་ཟིན་པ་རེད།གཉིས་པ་གཞུང་དོན་ལ།བཤད་པ་ལ་འཇུག་པ།བཤད་པ་ཉིད་ཉེ་བར་འགོད་པ།བཤད་པ་མཐར་ཕྱིན་པའི་ཚུལ་དང་གསུམ་ཡོད་པ་ལས། དང་པོ་བཤད་པ་ལ་འཇུག་པ་ལ་མཆོད་པར་བརྗོད་པ་དང༌། རྩོམ་པར་དམ་བཅའ་བ་གཉིས་ཀྱི་སྒོ་ནས་ཞུས་པ་ཡིན་ན།དང་པོ་མཆོད་བརྗོད་ནི།ན་མོ་གུ་རུ་བུདྡྷ་བོ་དྷི་ས་ཏྭ་བྷྱཿ། ཞེས་ན་མོ་ནི་ཕྱག་འཚལ་བའམའདུད་པ་དང་གུ་རུ་ལྕི་བའི་བྱང་གི་སྒོ་ནས་བླ་མ་དང་བུདྡྷ་ཞེས་པ་སངས་པ་དང་རྒྱས་པ་གཉིས་ཀ་ལ་འཇུག་པས་ན་སྒྲིབ་གཉིས་མ་ལུས་པ་སྤངས་པའམ་སངས་ཞིང་ཤེས་བྱ་ཐམས་ཅད་མཁྱེན་པའི་རྟོགས་པ་རབ་ཏུ་རྒྱས་པས་ན་སངས་རྒྱས་དང༌། བོ་དྷི་ནི་བྱང་ཆུབ་དང་སཏྭ་སེམས་དཔའ་ལ་འཇུགཔས་གཞན་སེམས་ཅན་ཐམས་ཅད་ཀྱི་དོན་དུ་བླ་ན་མེད་པའི་བྱང་ཆུབ་ལ་སེམས་ཞིང་དཔའ་བསན་བྱང་ཆུབ་སེམས་དཔའ་དང༌། བྷྱཿ་ཞེས་པ་ནི་ལེགས་སྦྱར་སཾ་སྐྲི་ཏའི་སྐད་ལ་དུ་སོགས་རྣམདབྱེ་བརྒྱ་དང་བརྒྱད་ཅུ། སུ་སོགས་རྣམ་དབྱེ་ཉི་ཤུ་རྩ་གཅིག་ཡོད་པས་ནང་གི་བཞི་པ་དགོས་ཆེད་ལ་གཅིག་ཚིགཉིས་ཚིགམང་ཚིག་རྣམས་ཀྱི་ནང་ནས་ཕྱག་འཚལ་བ་ལ་བཞི་པའོ། །ཞེས་གསུངས་པ་ལྟར་བཞི་པ་མང་ཚིག་ཡིན་པས་ན་སྒྲ་ཐད་སོར་བསྒྱུར་ན་ཕྱག་འཚལ་བླ་མ་སངས་རྒྱས་བྱང་ཆུབ་སེམས་དཔའ་རྣམས་ལ་ཞེས་གསུངས་པ་རེད། བོད་སྐད་དང་མཐུན་པའི་སྒོ་ནས་སྒྲ་ཐདལོག་ཏུ་བསྒྱུར་ན་བླ་མ་དང་སངས་རྒྱས་བྱང་ཆུབ་སེམས་དཔའ་རྣམས་ལ་ཕྱག་འཚལ་ལོ། །ཞེས་ལེགས་སྦྱར་སཾ་སྐྲི་ཏའི་སྐད་ཀྱི་དབང་དུ་བྱས་ནས་མཆོད་པར་བརྗོད་པ་རེད། དེ་ནས་བླ་མ་མཆོད་པ་བདེ་ལགས་རབ་རྒྱས་ཞེས་བྱ་བ་ཞེས་བླ་མ་མཆོད་པ་བདེ་ལེགས་རབ་རྒྱས་ཞེས་བྱ་བ་ཞེས་པ་བསྟན་བཅོས་འདིའི་མཚན་ཡིན་པ་རེད།མཆོད་བརྗོད་དངོས་ནི།བླ་མ་ལ་ཕྱག་འཚལ་ལོ། །སངས་རྒྱས་ཀུན་དངོས་རྡོ་རྗེ་འཆང་རང་བཞིན། །རྩ་བརྒྱུད་བླ་མ་རྣམས་ལ་ཕྱག་འཚལ་ནས། །ཞེས་སངས་རྒྱས་ཀུན་ལས་ཀྱང་བཀའ་དྲིན་ཆེ་བའི་བླ་མ་ལ་སྒོ་གསུམ་གུས་པས་ཕྱག་འཚལ་ལོ་ཞེས་བསྟན་བཅོས་འདིའི་བརྗོད་བྱ་དང་མཐུན་པའི་སྒོ་ནས་མཆོད་པར་བརྗོད་པ་རེད། དེ་ནསསངས་རྒྱས་ཀུན་འདུས་པའི་ངོ་བོ་རྡོ་རྗེ་འཆང་གི་རང་བཞིན།ད་ལྟ་རང་ཉིད་དངོས་སུ་ཆོས་འབྲེལ་ཐོབ་པའི་བཀའ་དྲིན་གསུམ་ལྡན་གྱི་རྩ་བ་དང་བརྒྱུད་པའི་དཔལ་ལྡན་བླ་མ་དམ་པ་རྣམས་ལ་ཕྱག་འཚལ་ཞེས་གསུངས་པ་རེད། ནས་ཞེས་པ་ལྷག་བཅས་ཀྱི་ཚིག་སྟེ་རྩ་རྒྱུད་བླ་མ་རྣམསལ་ཕྱག་འཚལ་ནས་ཡུལ་གང་ལ་འཇུག་རྒྱུ་ཡིན་ཞེ་ན། གཉིས་པ་རྩོམ་པར་དམ་བཅའ་བ་ནི།སྐྱབས་གནས་ཀུན་འདུས་བླ་མ་མཆོད་པའི་ཐབས། །ཐུན་མོང་མདོར་བསྡུས་ཙམ་ཞིག་འབྲི་བར་བྱ། །སངས་རྒྱས་དང་ཆོས་དང་དགེ་འདུན་ཡི་དམ་ཆོས་སྐྱོང་དང་མཁའ་འགྲོ་སོགས་མདོར་ན་སྐྱབས་གནས་ཀུན་འདུས་པའི་བདག་ཉིད་དཔལ་ལྡན་བླ་མ་དམ་པ་དེ་ལ་ཕྱི་ནང་གསང་གསུམ་གྱི་མཆོད་པའི་ཐབས་ཐུན་མོང་མ་ཡིན་པ་མདོར་བསྡུས་ཙམ་ཞིག་རྗེ་ཐམས་ཅད་མཁྱེན་པ་ཏཱ་ར་ནཱ་ཐ་ཁོང་གིས་འབྲི་བར་བྱ་ཞེས་རྩོམ་པར་དམ་བཅས་པ་རེད། དེ་ཡན་ཆད་བཤད་པ་ལ་འཇུག་པ་སོང་ནས།གཉིས་པ་བཤད་པ་ཉིད་ཉེ་བར་འགོད་པ་ལ་སྔོན་འགྲོ་དང༌།དངོས་གཞི།རྗེས་ཀྱིབྱ་བ་དང་གསུམ།དང་པོ་སྔོན་འགྲོ་ལ་མཆོད་རྫས་དང་གནས་ཁང་བྱིན་གྱིས་རླབས་པ་དང༌།སྐྱབས་གསུམ་ཚད་མེད་བཞི་བསྒོམ་པ་དང་གཉིས།དང་པོ་ནི་གནས་ཁང་བཟང་པོར་དྲི་བཟང་གི་ཆུ་ལ་སོགས་པ་ཆག་ཆག་བཏབ་ནས་སྐུ་གསུང་ཐུགས་ཀྱི་རྟེན་ལ་སོགས་བཤམས་པའམ་བཞུགས་སུ་གསོལ་ཏེ་ཡིད་ཀྱི་སྤྲུལ་བའི་མཆོད་པ་དང་དངོས་སུ་འབྱོར་བའི་མཆོད་པ་རྒྱལ་སྲིད་སྣ་བདུན་དང༌། མཆོད་པ་རྣམ་པ་བརྒྱད་སོགས་གང་འབྱོརགྱི་མཆོད་པ་རྒྱ་ཆེར་བཤམས། ཞེས་གནས་ཁང་གི་གཞལ་ཡས་ཁང་དང་མཆོད་པའི་གཞལ་ཡསཁང་གཉིས་གཅིག་ཏུ་བསྐྱེད་པ་བླ་མཆོད་ཀྱི་འགྲེལ་བ་རྣམས་ཀྱི་སྐབས་སུ་གསུངས་པ་ལྟར་གནས་ཁང་གི་གཞལ་ཡས་ཁང་དང་ལྷའི་གཞལ་ཡས་ཁང་གཉིས་གཅིག་ཏུ་བསྐྱེད་དེ་རང་ཉིད་ཡི་དམ་གྱི་ལྷ་དཔལ་དུས་ཀྱི་འཁོར་ལོ་སོགས་གསལ་བཏབ་ནས་གཞལ་ཡས་ཁང་གྲུ་བཞི་སྒོ་བཞི་པ་ཡིན་ན་ཤར་སྒོར་ཁོད་པར་དམིགས། དེ་ནས་གནས་ཁང་དང་མཆོད་པ་བྱིན་གྱིས་རླབས་དགོས་པ་རེད།༼བླ་མཆོད་ཀྱི་སྐབས་འདིར་མཆོད་པ་རྣམ་པ་བརྒྱད་ཀྱི་དབང་དུ་བྱས་ནས་གསུངས་པ་རེད། མཆོདཔ་རྣམ་པ་བརྒྱད་ནི། ཨརྒྷཾ་པཱདྱཾ། པུ་ཥྤེ།དྷུ་པེ།ཨཱ་ལོ་ཀེ། གནྡྷེ། ནཻ་ཝི་ཏྱ། ཤབྟའི་བརབརྒྱད་ཡོད་པ་རེད།དེ་ཡང་དང་པོ་མཆོད་ཡོན་ཞབས་བསིལ་གཉིས་དང༌། མེ་ཏོག བདུགསྤོས། སྣང་གསལ། དྲི་ཆབ། ཞལ་ཟས། རོལ་མོའི་བར་བརྒྱད་དང༌། མཆོད་པ་རྣམ་པ་བདུན་ནིམཆོད་པ་རྣམ་པ་བརྒྱད་ཀྱི་ནང་ནས་ཞབས་བསིལ་བླངས་པའི་ལྷག་མ་བདུན་དང༌། མཆོད་པ་རྣམལྔ་ནི་སྤྱིར་མིག་གི་ཡུལ་དུ་གཟུགས་མཛེས་པ་དང༌། རྣ་བའི་ཡུལ་དུ་སྒྲ་སྙན་པ། སྣའི་ཡུལ་དུ་དྲིཞིམ་པ། ལྕེའི་ཡུལ་དུ་རོ་མངར་བ། ལུས་ཀྱི་ཡུལ་དུ་རེག་བྱ་འཇམ་པ་སྟེ་ལྔ་པོ་དེ་ཡིན་པར་གཞུངལུགས་སྐབས་སུ་གསུངས་པ་རེད། འོན་ཀྱང་དེང་སང་ཡོངས་གྲགས་ལྟར་ན་མེ་ཏོག་ནས་ཞལཟས་བར་རྣམ་པ་ལྔ་པོ་དེ་ཡིན་ནོ། །༽ གནས་ཁང་བྱིན་རླབས་ནི་ཨོཾ་བཛྲ་ཨམྲི་ཏ་ཀུནྚ་ལི་ཧ་ན་ཧན་ཧཱུཾ་ཕཊ། ཞེས་པའོ། །དེ་ཡང་ཨོཾ་ནི་སྐུ་གསུང་ཐུགས་ཀྱི་རང་བཞིན་དང་བཛྲ་ནི་རྡོ་རྗེ་དང་ཨམྲིཏ་ནི་བདུད་རྩི་དང་ཀུནྚ་ལི་འཁྱིལ་བ་དང་ཧ་ན་ཧ་ན་བགེགས་རྣམས་ནོན་ཅིག་ནོན་ཅིག་ཅེས་རྡོ་རྗེ་བདུད་རྩི་འཁྱིལ་བས་བགེགས་ཐམས་ཅད་ཕར་བསྐྲད་པའོ། ། དེ་ཡང་སྔར་རང་ཉིད་ཡི་དམ་གྱི་སྐུར་ལྡང་བ་ཡིན་ན་རང་གི་ཐུགས་ཀ་ནས་ཁྲོ་བོ་བདུད་རྩི་འཁྱིལ་བ་སྤྲུལ་ནས་མཆོད་པའི་རྫས་ལ་གནས་པའི་བགེགས་རྣམས་མ་ལུས་པ་བསངས་བའོ།།ཨོཾ་སྭ་བྷ་ཝ་ཤུདྡྷ་སརྦ་དྷརྨ་སྭ་བྷ་ཝ་ཤུདྡྷོ་྅ཧཾ། ཨོྃནི་སྐུ་གསུང་ཐུགས་ཀྱི་རང་བཞིན་ནམ་སྔགས་ཐམས་ཅད་ཀྱི་འགོ་འདྲེན་ལྟ་བུ་རེད། སྭ་བྷ་ཝ་ནིརང་བཞིན་དང་ཤུདྡྷ་ནི་དག་པ་སྟེ་རང་བཞིན་གྱིས་སྟོང་བ་དང༌།སརྦ་ཐམས་ཅད་དང་དྷརྨ་ནི་ཆོས་ཏེ་སྒྲ་ཐད་སོར་བསྒྱུར་ན་ཐམས་ཅད་ཆོས་དང་བོད་སྐད་དང་མཐུན་པར་བསྒྱུར་ན་ཆོས་ཐམས་ཅད་སྭ་བྷ་ཝ་ནི་གོང་དུ་ཞུས་པ་ལྟར་རང་བཞིན་དང་ཤུདྡྷོ་ནི་དག་པ་དང་ཧཾ་ཞེས་པ་ངའོ་ཞེས་པ་ཡིན་པས་ཆོས་ཐམས་ཅད་རང་བཞིན་གྱིས་དག་པའི་དག་པ་ནི་ངའོ་ཞེས་ང་རྒྱལ་དུ་བཟུང་བ་ཡིན་ནོ། །སྐབས་འདིར་རང་བཞིན་གྱིས་དག་པ་ནི་སྤྲོས་བྲལ་གྱི་རང་བཞིན་དག་པ་མ་ཡིན་ཏེ། ཐམས་ཅད་མཁྱེན་པ་ཏཱ་ར་ནཱ་ཐའི་བདེ་མཆོག་ནག་པོའི་ཞབས་ལུགས་ཀྱི་སྒྲུབ་ཐབས་རྣམ་པར་བཤད་པ་རྒྱས་འགྲེལ་ཐུན་མོང་མ་ཡིན་པ་ལྷན་ཅིག་སྐྱེས་པའི་གཟི་འོད་ཕྱོགས་བཅུར་རྒྱས་པ་ལས། སྭ་བྷཱ་ཝའིསྔགས་དོན་ནི།སྭ་བྷཱ་ཝ་རང་བཞིན་ཤུདྡྷ་ནི་དག་པ། སརྦ་དྷརྨ་ཆོས་ཐམས་ཅད་སྭ་བྷཱ་ཝ་ཤུདྡྷོ་ཧཾ་ནི་རང་བཞིན་གྱིས་དག་པ་ངའོ། །ཞེས་པ་སྟེ།རང་བཞིན་ནི་སྤྲོས་བྲལ་གྱི་ངོས་ནས་འཇོག་པའང་ཡོད་མོད་ཀྱི། སྐབས་འདིར་ནི་གཟུང་བ་ལ་སོགས་པ་གཞན་དུ་སྣང་བ་ལྟར་གནས་ཚུལ་མ་གྲུབ་པསརང་བཞིན་ནམ་རང་ངོས་ནས་རྣམ་པར་རིག་པའི་ཤེས་པ་སྟེ། ཞེས་གཟུང་བའི་སྣང་བ་ཐམས་ཅདརྣམ་པར་རིག་པ་ཤེས་པའི་བདག་ཉིད་དུ་གྲུབ་པ་མ་གཏོགས་པ་མེད་པས་རང་བཞིན་གྱིས་དག་པ་གསུངས་པ་ནང་བཞིན་ཡིན་ནོ། །གནས་ཁང་བྷྲུཾ་ལས་རིན་པོ་ཆེ་ལས་གྲུབ་པའི་གཞལ་མེད་ཁང་བརྩེགས་མཚན་ཉིད་ཐམས་ཅད་ཡོངས་སུ་རྫོགས་པའི་དབུས་སུ།ཨོཾ་ལས་བྱུང་བའི་རིན་པོ་ཆེ་ལས་གྲུབ་པའི་སྣོད་ཡངས་ཤིང་རྒྱ་ཆེ་བ་རྣམས་ཀྱི་ནང་དུ་ཧཱུྃ་ཞུ་བ་ལས་བྱུང་བའི་ལྷ་རྫས་ལས་གྲུབ་པའི་མཆོད་ཡོན། ཞབས་བསིལ། མེ་ཏོག བདུག་སྤོས། སྣང་གསལ། དྲི་ཆབ། ཞལ་ཟས། རོལ་མོ་ལ་སོགས་པམཆོད་རྫས་བཟང་ཞིང་དགེ་བ་ནམ་མཁའི་ཁམས་ཐམས་ཅད་གང་བར་གྱུར། ཨོཾ་བཛྲ་ཨརྒྷཾ་སྭ་ཧཱ།ཨོཾ་བཛྲ་པཱདྱཾསྭ་ཧཱ། ཨོཾ་བཛྲ་པུཥྤེ་ཨཱཿཧཱུྃ། ཨོཾ་བཛྲ་དྷཱུ་པེ་ཨཱཿཧཱུྃ། ཨོཾ་བཛྲ་ཨཱ་ལོ་ཀེ་ཨཱཿཧཱུྃ། ཨོཾ་བཛྲ་གནྡྷེཨཱཿཧཱུྃ། ཨོཾ་བཛྲ་ནཻ་ཝི་ཏྱ་ཨཱཿཧཱུྃ། ཨོཾ་བཛྲ་ཤབྟ་ཨཱཿཧཱུྃ། ཞེས་རོལ་མོའི་བྱིན་དབབ། ཅེས་པའི་དོན་ནིསྟོང་བའི་ཟུར་ཆ་གཅིག་གི་ངང་ལས་གནས་ཁང་གི་ས་བོན་བྷྲུཾ་ཡིག་ཐོལ་གྱི་བྱུང༌། བྷྲུཾ་ཡིག་ཡོངསསུ་གྱུར་པ་ལས་རིན་པོ་ཆེ་ལས་གྲུབ་པའི་གཞལ་མེད་ཁང་གྲུ་བཞི་སྒོ་བཞི་རྒྱན་རྟ་བབ་དང་བཅསཔའི་ཐོག་བརྩེགས་མཚན་ཉིད་ཐམས་ཅད་མ་ཚང་བ་མེད་པ་ཡོངས་སུ་རྫོགས་པ་གསལ་བཏབ་ནས་དེའི་དབུས་སུ། མཆོད་རྫས་རྣམས་ཀྱི་སྣོད་ཀྱི་ས་བོན་ཨོཾ་ཡིག་སྒོམ། དེ་ཡོངས་སུ་གྱུར་པ་ལསབྱུང་བའི་རིན་པོ་ཆེ་ལས་གྲུབ་པའི་སྣོད་ཡངས་ཤིང་རྒྱ་ཆེ་བ་སྟེ་མཆོད་ཡོན་སྣོད་ཡངས་ཤིང་རྒྱ་ཆེ་བ་དང༌། དེ་བཞིན་དུ་ཞབས་བསིལ། མེ་ཏོག བདུག་སྤོས། སྣང་གསལ། དྲི་ཆབ། ཞལ་ཟས། རོལ་མོརྣམས་ཀྱི་སྣོད་ནང་དུ་ལྷ་རྫས་ཀྱི་ས་བོན་ཧཱུཾ་ཡིག་གསལ་བཏབ། ཧཱུཾ་ཡིག་ཞུ་བ་ལས་བྱུང་བའི་ལྷ་མཆོདཔའི་རྫས་ལས་གྲུབ་པའི་མཆོད་ཡོན་ཏེ་ལྷ་ལ་ཞལ་གྱི་གསོལ་བའི་ཆུ་མཆོད་དེ་མཆོད་ཡོན་དང༌། ལྷརྣམས་ཀྱི་ཞབས་བཀྲུ་བའི་ཆུ་མཆོད་ལ་ཞབས་བསིལ་དང༌། དབུ་ལ་འབུལ་རྒྱུ་ཡིད་དུ་འོང་བའི་མེ་ཏོག ཤངས་ལ་འབུལ་རྒྱུ་བདུག་སྤོས་ཏེ་དྲི་བཟང་སོགས་དྲི་མཉན་པ། སྤྱན་ལ་འབུལ་རྒྱུ་སྣང་གསལ་སྟེ་སྒྲོན་མེ། སྙིང་གར་འབུལ་རྒྱུ་དྲི་བཟང་གི་ཆུའམ་ཆབ། ལྗགས་ལ་འབུལ་རྒྱུ་ཞལ་ཟས། སྙན་ལ་འབུལ་རྒྱུ་རོལ་མོ་ལ་སོགས་པ་ཞེས་པས་སོགས་སྒྲས་བསྡུས་པ་འོག་ནས་འབྱུང་བ་ལྟར་རྒྱལ་སྲིད་སྣ་བདུན། བཀྲ་ཤིས་རྟགས་བརྒྱད་སོགས་མཆོད་རྫས་ངོ་བོ་བཟང་ཞིང་དགེ་བ་ནམམཁའི་ཁམས་ཐམས་ཅད་ཡོངས་སུ་གང་བར་གྱུར་ཞིང་དམིགས་ནས། སྐུ་གསུང་ཐུགས་གསུམགྱི་རང་བཞིན་ཨོཾ་དང་བཛྲ་རྡོ་རྗེ་ཨརྒྷཾ་མཆོད་ཡོན་ཏེ་མི་ཕྱེད་པའི་རྡོ་རྗེ་རང་བཞིན་དུ་གྱུར་བའི་མཆོད་ཡོན་འབུལ་ལ་སྭ་ཧཱ་བཞེས་པར་མཛོད། དེ་བཞིན་དུ་ཨོཾ་བཛྲ་པཱདྱཾ་སྭ་ཧཱ། ཞབས་བསིལ། ཨོཾ་བཛྲཔུཥྤེ་ཨཱཿཧཱུྃ། མེ་ཏོག ཨོཾ་བཛྲ་དྷཱུ་པེ་ཨཱཿཧཱུྃ། བདུག་སྤོས། ཨོཾ་བཛྲ་ཨཱ་ལོ་ཀེ་ཨཱཿཧཱུྃ། རྩི་མར་འབྲུ་མར་ལསགྲུབ་པའི་སྒྲོན་མེ། ཨོཾ་བཛྲ་གནྡྷེ་ཨཱཿཧཱུྃ། དྲི་བཟང་གི་ཆུ་ལས་གྲུབ་པའི་དྲི་ཆབ། ཨོཾ་བཛྲ་ནཻ་ཝི་ཏྱ་ཨཱཿཧཱུྃ།ཞལ་ཟས། ཨོཾ་བཛྲ་ཤབྟ་ཨཱཿཧཱུྃ། ཞེས་མཆོད་པའི་སྤྲིན་གཟུང་དང་བཅས་རོལ་མོའི་བྱིན་དབབ་བྱའོ། །དེ་ནས་སྐྱབས་འགྲོ་སེམས་བསྐྱེད་ཚད་མེད་བཞི་རྣམས་སྤྱི་དང་མཐུན་པར་བྱ། དེ་ནས་སྔོན་འགྲོའི་ས་བཅད་གཉིས་པ་ལ་སྐྱབས་འགྲོ་སེམས་བསྐྱེད་ཚད་མེད་བཞི་རྣམས་སྤྱི་དང་མཐུན་པར་བྱ། ཞེསཔས་དང་པོ་སྐྱབས་འགྲོ་ནི།བདག་དང་འགྲོ་བ་ནམ་མཁའི་མཐའ་དང་མཉམ་པའི་སེམས་ཅནཐམས་ཅད་དུས་འདི་ནས་བཟུང་སྟེ་ཇི་སྲིད་བྱང་ཆུབ་སྙིང་པོ་ལ་མཆིས་ཀྱི་བར་དུ། དཔལ་ལྡན་བླ་མ་དམ་པ་རྣམས་ལ་སྐྱབས་སུ་མཆིའོ། །རྫོགས་པའི་སངས་རྒྱས་བཅོམ་ལྡན་འདས་རྣམས་ལ་སྐྱབས་སུ་མཆིའོ།།དམ་པའི་ཆོས་རྣམས་ལ་སྐྱབས་སུ་མཆིའོ། །འཕགས་པའི་དགེ་འདུན་རྣམས་ལ་སྐྱབས་སུ་མཆིའོ།།ཞེས་སྐྱབས་འགྲོ་བཞི་སྐོར་ལན་གསུམ།ཚིག་དོན་རྣམས་སླ།གཉིས་པ་སེམས་བསྐྱེད་ནི། འགྲོ་རྣམས་བསྒྲལ་འདོད་བསམ་པ་ཡི།། སངས་རྒྱས་ཆོས་དང་དགེ་འདུན་ལ། ། བྱང་ཆུབ་སྙིང་པོར་མཆིས་ཀྱི་བར། །རྟག་པར་བདག་ནི་སྐྱབས་སུ་མཆི། ། ཤེསརབ་སྙིང་བརྩེ་དང་བཅས་པའི། ། བརྩོན་པའི་སེམས་ཅན་དོན་དུ་བདག །སངས་རྒྱས་མདུན་དུགནས་བཅས་པའི། །རྫོགས་པའི་བྱང་ཆུབ་སེམས་བསྐྱེད་དོ།།ཞེས་པས་ཤླཽ་ཀ་དང་པོའི་སྐབས་སུ་ཐེག་པ་ཆེན་པོའི་སྐྱབས་འགྲོ་གསུངས་ཡོད་པ་རེད། དེ་གང་རེད་ཞེ་ན་འགྲོ་བ་སེམས་ཅན་རྣམས་འཁོར་བ་སྡུག་བསྔལ་རྒྱ་མཚོ་ལས་བསྒྲལ་བར་འདོད་པའི་སྙིང་རྗེ་ཆེན་པོ་བསམ་པ་ལ་བརྟེན་ནས་སངས་རྒྱས་དཀོན་མཆོག་དང༌། ཆོས་དཀོན་མཆོག་དང༌། དགེ་འདུན་དཀོན་མཆོག་རྣམས་ལབླ་ན་མེད་པ་ཡང་དག་པར་རྫོགས་པའི་བྱང་ཆུབ་སྙིང་པོར་མཆིས་ཀྱི་བར་དུ་དུས་རྟག་ཏུ་སྲིད་ཞིའིའཇིགས་པ་ལས་སྐྱོབས་པའི་ཆེད་དུ་བདག་ནི་སྐྱབས་སུ་མཆི་སྟེ་བསྟེན་པ་ཡིན་ཞེས་ཐེག་པ་ཆེན་པོའི་སྐྱབས་འགྲོ་གསུངས་པ་རེད། དེའི་རྗེས་སུ་ཤེས་རབ་སྙིང་བརྩེ་དང་བཅས་པས། །ཞེས་སོགས་ཤླཽ་ཀ་གཅིག་གི་སྐབས་སུ་ཐེག་པ་ཆེན་པོའི་སེམས་བསྐྱེད་བསྟན་པ་རེད། དེ་ཡང་བདག་མེད་རྟོགས་པའི་ཤེས་རབ་ལ་སོགས་པ་ཆོས་རབ་ཏུ་རྣམ་འབྱེད་ཀྱི་ཤེས་རབ་དང་བརྩེ་བ་སྙིང་རྗེ་ཆེན་པོ་གཉིས་ཐབས་ཤེས་ཟུང་དུ་འབྲེལ་བ་དང་བཅས་པས་སྒོ་ནས་བརྩོན་པའི་སེམས་ཅན་ཐམས་ཅད་ཀྱི་དོན་དུ་བདག་སངས་རྒྱས་ཀྱི་མདུན་ནམ་གོ་འཕང་གནས་པར་བགྱི་སྟེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མཆོག་ཏུ་སེམས་བསྐྱེད་དོ། །ཞེས་ཐེག་པ་ཆེན་པོའི་སེམས་བསྐྱེད་གསུངས་པ་རེད། སེམས་བསྐྱེད་པ་དེ་ཡང་བསྟན་བཅོས་མངོན་པར་རྟོགས་པའི་རྒྱན་ལས། སེམས་བསྐྱེད་པ་ནི་གཞན་དོན་ཕྱིར། །ཡང་དག་རྫོགས་པའི་བྱང་ཆུབ་འདོད། །ཅེས་གསུངས་པ་ལྟར་གཞན་སེམས་ཅན་ཐམས་ཅད་ཀྱི་དོན་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཐོབ་པར་འདོད་པ་དེ་ནི་སེམས་བསྐྱེད་རེད། དེ་ནས་ཚད་མེད་བཞི་ནི་ཡོངས་གྲགས་ལྟར་ཡིན་པས་ཤེས་སླ། སྤྱིར་བླ་མ་མཆོད་པ་བདེ་ལེགས་རབ་རྒྱས་ཀྱི་ཚིག་དོན་བཤད་ཡོད་ས་མང་པོ་མཐོང་མ་སོང༌།ཡིན་ན་ཡང་བླ་མ་ཚོགསགཉིས་རྒྱ་མཚོ་དང་སྦྱངས་བ་རིན་པོ་ཆེའི་སློབ་མ་ལྷ་བཟོ་བ་ཀུན་དགའ་བསམ་འགྲུབ་ཀྱིས་ཟིན་བྲིས་བཏབ་པ་ཞིག་འདུག དེའི་སྟེང་ནས་འཆད་ན་ཆོག་ཀྱང་སྟོང་ཉིད་ཀྱི་རིམ་པ་གསུངས་སྐབས་སོགས་སྐབས་མང་པོར་རང་ལུགས་ཐུན་མོང་མ་ཡིན་པའི་བརྡ་ཆད་མང་པོ་ཐོན་མི་འདུག འོན་ཀྱང་ཟིན་བྲིས་དེ་ལྟ་བུ་རེ་གཟིགས་ན་ཕན་ཐོག་མང་པོ་ཡོད་སྲིད་པ་རེད། སྔོན་བྱོན་གྱི་སྐྱེས་བུ་དམ་པ་རྣམས་སྙན་ནས་སྙན་དུ་བརྒྱུད་པའི་བྱིན་རླབས་ཀྱི་སྒོ་ཁྱད་པར་ཅན་རེ་ཡོད་རྒྱུ་རེ་ཏ་དེའི་ནང་ལོག་ཏུ་རང་ལུགས་ཐུན་མོང་མ་ཡིན་པའི་བརྡ་ཆད་མང་པོ་བྱུང་མེད་པས་ན་ད་ལན་བླ་མ་མཆོད་པ་བདེ་ལེགས་རབ་རྒྱས་ཀྱི་ཚིག་དོན་ཅུང་ཟད་ཞུ་ན་བསམ་སོང༌། མདོར་ན་བླ་མཆོད་ཀྱི་ཚིག་དོན་གང་ལགང་འཚམས་ཤེས་དགོས་པ་གལ་ཆེན་པོ་རེད།གསུམ་པ་དངོས་གཞི་རིམ་པ་ལ་མཆོད་ཡུལ་གསལ་བཏབ་པ།བདུན་རྣམ་དག་གམ་ཡནལག་བདུན་པ། མཆོད་པ་རྒྱ་ཆེར་འབུལ་བ། གསོལ་བ་འདེབས་པ། དབང་བཞི་ལེན་པ་དང་ལྔ།དང་པོ་མཆོད་ཡུལ་གསལ་བཏབ་པ་ནི། ཨོཾ་སྭ་བྷ་ཝ་ཤུདྡྷ་སརྦ་དྷརྨ་སྭ་བྷ་ཝ་ཤུདྡྷོ྅ཧཾ། སྟོང་པའིངང་ལས་མདུན་གྱི་ནམ་མཁར་ཧཱུྃ་ཡིག་ལས་བྱུང་བའི་བསྲུང་བའི་འཁོར་ལོ་ཡངས་ཤིང་རྒྱ་ཆེ་བའི་ནང་དུ་བྷྲུཾ་ལས་རིན་པོ་ཆེ་སྣ་ཚོགས་ལས་གྲུབ་པའི་གཞལ་མེད་ཁང་རྒྱན་དང་བཀོད་པ་ཕུན་སུམ་ཚོགས་པ། དེའི་དབུས་སུ་སེངྒེ་ཆེན་པོ་བརྒྱད་ཀྱིས་བཏེགས་པའི་རིན་པོ་ཆེའི་ཁྲི་ཡངས་ཤིང་རྒྱ་ཆེ་བའི་སྟེང་དུ། སྣ་ཚོགས་པདྨ་དང་ཉི་ཟླ་བརྩེགས་པའི་གདན། དེའི་སྟེང་དུ་རྩ་བའི་བླ་མ་རྡོ་རྗེ་འཆང་སྐུམདོག་ཨིནྚ་ནི་ལ་ལྟར་རབ་ཏུ་འབར་བའི་འོད་ཅན། ཕྱག་གཉིས་ཀྱིས་རྡོ་རྗེ་དང་དྲིལ་བུ་ཐུགས་ཀརབསྣོལ་ནས་བཟུང་བ། ཞབས་རྡོ་རྗེའི་སྐྱིལ་མོ་ཀྲུང་གིས་བརྟན་པར་བཞུགས་པ། དར་དང་རིནཔོ་ཆེའི་རྒྱན་ཐམས་ཅད་ཀྱིས་བརྒྱན་པ། མཚན་བཟང་བོ་སུམ་ཅུ་རྩ་གཉིས་དང༌། དཔེ་བྱད་བཟངབོ་བརྒྱད་ཅུས་སྤྲས་པ། རང་སྣང་གི་ཤེས་རབ་མཆོག་གི་བདེ་བས་ཐུགས་དགྱེས་པ། འོད་དངའོད་ཟེར་དཔག་ཏུ་མེད་པ་འཕྲོ་བ། སྐུ་དང་གསུང་དང་ཐུགས་ཀྱི་གསང་བ་བསམ་གྱིས་མི་ཁྱབ་པ།མཛད་པ་འཕྲིན་ལས་ཕྱོགས་བཅུ་དུས་གསུམ་དུ་ཁྱབ་པ། དབྱིངས་དང་ཡེ་ཤེས་གཉིས་སུ་མེད་པའི་ངོ་བོ། སྟེང་གི་ཆ་ལ་བརྒྱུད་པའི་བླ་མ་སྐུའི་མཐའ་སྐོར་དུ་འཁོར་ལོ་སྡོམ་པའམ་དུས་འཁོར་སྦྱོར་དྲུག་གི་སྐབས་དེར་དཔལ་དུས་ཀྱི་འཁོར་ལོ་ཡབ་ཡུམ་གཙོ་བོར་གྱུར་བའི་ཡི་དམ་དཀྱིལའཁོར་གྱི་ལྷ་ཚོགས་རྣམས་དང༌། སངས་རྒྱས་དང་བྱང་ཆུབ་སེམས་དཔའ་འཕགས་པ་ཉན་རངགི་ཚོགས་དང་བཅས་པ། འོག་གི་ཆ་ལ་མཁའ་འགྲོ་ཆོས་སྐྱོང་བའི་སྲུང་མའི་ཚོགས་དང་བཅས་པ་ཐམས་ཅད་ཀྱང་རང་རང་གི་མཆོད་པའི་བཀོད་པས་ཉེ་བར་བརྒྱན་པ་དང་བཅས་ཏེ་བཞུགས་པར་གྱུར། ཞེས་པའི་ཚིག་དོན་ནི། ཨོཾ་ནི་སྐུ་གསུང་ཐུགས་ཀྱི་རང་བཞིན་ནམ་སྔགས་ཐམས་ཅད་ཀྱིའགོ་འདྲེན་ལྟ་བུ་རེད། སྭ་བྷ་ཝ་ནི་རང་བཞིན་དང་ཤུདྡྷ་ནི་དག་པ་སྟེ་རང་བཞིན་གྱིས་སྟོང་བ་དང༌།སརྦ་ཐམས་ཅད་དང་དྷརྨ་ནི་ཆོས་ཏེ་སྒྲ་ཐད་སོར་བསྒྱུར་ན་ཐམས་ཅད་ཆོས་དང་བོད་སྐད་དང་མཐུན་པར་བསྒྱུར་ན་ཆོས་ཐམས་ཅད་སྭ་བྷ་ཝ་ནི་གོང་དུ་ཞུས་པ་ལྟར་རང་བཞིན་དང་ཤུདྡྷོ་ནི་དག་པ་དང་ཧཾ་ཞེས་པ་ངའོ་ཞེས་པ་ཡིན་པས་ཆོས་ཐམས་ཅད་རང་བཞིན་གྱིས་དག་པའི་དག་པ་ནི་ངའོ་ཞེས་པས་མ་དག་པའི་ལས་སྣང་མཐའ་དག་སྟོང་པར་སྦྱངས། སྟོང་བའི་ནང་དུ་རང་གི་སེམས་གནས་པའི་ངང་ལས་རང་ཉིད་གནས་པའི་མདུན་གྱི་ནམ་མཁར་སྲུང་འཁོར་གྱི་ས་བོན་ཧཱུཾ་ཡིག་གསལ་བཏབ་ནས་ཧཱུཾ་ཡིག་ཡོངས་སུ་གྱུར་པ་ལས་བྱུང་བའི་ཕྱི་རོལ་ཏུ་བསྲུང་བའི་འཁོར་ལོ་ཡངས་ཤིང་རྒྱ་ཆེ་བ་གསལ་བཏབ། དེ་འདྲའི་སྲུང་བའི་འཁོར་ལོ་ཡངས་ཤིང་རྒྱ་ཆེ་བའི་ནང་དུ་གཞལ་ཡས་ཁང་གི་ས་བོན་བྷྲུཾ་ཡིག་གསལ་བཏབ། བྷྲུཾ་ཡིག་ཡོངས་སུ་གྱུར་པ་ལས་རིན་པོ་ཆེ་སྣ་ཚོགས་ལས་གྲུབ་པའིགཞལ་མེད་ཁང་གྲུ་བཞི་སྒོ་བཞི་པ་རྒྱན་རྟ་བབ་དང་བཅས་པ་བཀོད་པ་ཕུན་སུམ་ཚོགས་པ་གསལ་བཏབ་ནས། གཞལ་མེད་ཁང་དེའི་དབུས་སུ་ཕྱོགས་བཞི་ནས་སེངྒེ་གཉིས་གཉིས་ཀྱིས་བཏེག་པ་སྟེསེངྒེ་ཆེན་པོ་བརྒྱད་ཀྱིས་བཏེགས་པའི་རིན་པོ་ཆེའི་ཁྲི་ཡངས་ཤིང་རྒྱ་ཆེ་བའི་སྟེང་དུ། སྣ་ཚོགས་ཀྱིཔདྨ་གསལ་བཏབ། པདྨའི་སྟེང་དུ་ཉི་མ་དེའི་སྟེང་དུ་ཟླ་བ་སྟེ་གསུམ་བརྩེགས་པའི་གདན། ༼སྤྱིར་དུསཀྱི་འཁོར་ལོ་ལྟར་ན་སྒྲ་གཅན་གྱི་གདན་ཡོང་བ་རེད་འོན་ཀྱང་བླ་མ་མཆོད་པ་བདེ་ལེགས་རབ་རྒྱས་འདི་བདེ་མཆོག་གི་རྒྱུད་དང་འབྲེལ་ནས་ཐམས་ཅད་མཁྱེན་པ་ཏཱ་ར་ནཱ་ཐས་གསུངས་པ་ཅིག་རེད།དུས་འཁོར་སྦྱོར་དྲུག་གི་སྐབས་དེར་བླ་མ་མཆོད་པ་འདི་ཁ་བསྒྱུར་འཕང་ནས་དུས་ཀྱི་འཁོར་ལོ་ཡབ་ཡུམ་གཙོ་བོར་གྱུར་བ་ཞེས་ཡི་དམ་རྣམས་ཀྱི་ནང་ནས་གཙོ་བོ་དུས་ཀྱི་འཁོར་ལོ་ལ་སྦྱར་ནས་གསུངས་པ་རེད་མ་གཏོགས་སྤྱིར་སྐབས་འདིར་གཙོ་བོ་བླ་མ་མཆོད་པ་ཡིན་པས་ན་ངོ་བོ་རྩ་བའི་བླ་མ་ཡིན་པ་ལ་རྣམ་པ་རྡོ་རྗེ་འཆང་གི་རྣམ་པ་མོས་དགོས་པ་རེད།༽དེའི་སྟེང་དུ་རང་གི་ངོ་བོ་ཚིགས་སུ་བཅད་པ་གཅིག་ཡན་ཆད་ཀྱི་ཆོས་འབྲེལ་དངོས་ཐོབ་ཀྱི་རྩ་བའི་བླ་མ་ཡིན་པ་ལ་རྣམ་པ་བདེ་སྟོང་གཉིས་སུ་དབྱེར་མི་ཕྱེད་པའི་རིགས་ཀུན་འདུས་ཀྱི་བདག་ཉིད་ཁྱབ་བདག་རྡོ་རྗེ་འཆང་སྐུ་མདོག་ཨིནྚ་ནི་ལ་ལྟར་སྔོ་བ་རབ་ཏུ་འབར་བའི་སྐུ་གཟི་མདངས་ཀྱི་འོད་ཅན། ༼ཆོས་འབྲེལ་དངོས་ཐོབ་ཀྱི་བླ་མ་དེ་རྩལྟུང་གི་ཡུལ་དེ་བཞག་པ་རེད་མ་གཏོགས་པའི་བརྒྱུད་པའི་བླ་མ་རྣམས་ལ་ཡང་དད་པ་དག་སྣང་དགོས་པ་རེད་མ་གཏོགས་དད་པ་དག་སྣང་མེད་ན་བརྒྱུད་པའི་བླ་མ་རྣམས་ཀྱིས་མ་བརྒྱུད་པར་རྩ་བའི་བླ་མ་ལ་བྱིན་རླབས་འཇུག་རྒྱུ་ཡོད་པ་མ་རེད། དེས་ན་བརྒྱུད་པའི་བླ་མ་མེད་ན་རང་གིས་ཆོས་འབྲེལ་དངོས་ཐོབ་ཀྱི་རྩ་བའི་བླ་མའི་བྱིན་རླབས་རང་རྒྱུད་ལ་འཇུག་མི་ཐུབ་པ་རེད།དད་པ་མེད་པའི་མི་རྣམས་ལ། །དཀར་པོ་ཆོས་རྣམས་མི་འབྱུང་སྟེ། །ས་བོན་མེ་ཡིས་ཚིག་པ་ལ། །མྱུ་གུསྔོན་པོ་ཇི་བཞིན་ནོ། །ཞེས་གསུངས་པ་དང༌། བླ་མ་སྐུ་བཞི་ཡི་གངས་རི་ལ། །མོས་གུས་ཀྱི་ཉི་མ་མ་ཤར་ན། །བྱིན་རླབས་ཀྱི་ཆུ་རྒྱུན་མི་འབབ་པས། །སེམས་མོས་གུས་འདི་ལ་ནན་ཏན་མཛོད། །ཅེས་གསུངས་པ་ལྟར་རེད།དེས་ན་དེང་སང་ཆོས་ཁྲིད་ཀྱི་སྒྲ་ཐག་རེ་ཉན་ན་དད་པ་དག་སྣང་གི་སྒོནས་ཉན་ན་བྱིན་རླབས་འཇུག་རྒྱུ་རེད།དད་པ་དག་སྣང་མེད་ན་བྱིན་རླབས་འཇུག་མི་ཐུབ་པ་རེད། དེས་ན་རྩ་བརྒྱུད་བླ་མ་ཐམས་ཅད་ལ་དད་པ་དག་སྣང་བྱེད་རྒྱུ་གལ་ཆེན་པོ་རེད།༽ བདེ་སྟོངཟུང་འཇུག་གི་བརྡར་ཕྱག་གཉིས་ཀྱིས་གཡས་རྡོ་རྗེ་དང་གཡོན་དྲིལ་བུ་ཐུགས་ཀར་བསྣོལ་ནས་བཟུང་བ། ཞབས་གཉིས་རྡོ་རྗེའི་སྐྱིལ་མོ་ཀྲུང་གིས་བརྟན་པར་བཞུགས་པ། དར་གྱི་གོས་དང་རིནཔོ་ཆེའི་རྒྱན་ཐམས་ཅད་ཀྱིས་བརྒྱན་པ། མཚན་བཟང་པོ་སུམ་ཅུ་རྩ་གཉིས་དང༌། དཔེ་བྱད་བཟངཔོ་བརྒྱད་ཅུས་སྤྲས་པ། རང་ཉིད་ཀྱི་སྣང་བའི་ཤེས་རབ་ཡུམ་རྡོ་རྗེ་དབྱིངས་ཀྱི་དབང་ཕྱུག་མའམཤེར་ཕྱིན་མ་སྔོན་མོས་འཁྱུད་པའི་མཆོག་གི་བདེ་བས་ཐུགས་དགྱེས་པ། སྐུའི་འོད་དང་འོད་ཟེརདཔག་ཏུ་མེད་པ་འཕྲོ་བ། སྐུའི་གསང་བ་དང་གསུང་གི་གསང་བ་དང་ཐུགས་ཀྱི་གསང་བ་བསམགྱིས་མི་ཁྱབ་པ།མཛད་པ་འཕྲིན་ལས་ཕྱོགས་བཞི་མཚམས་བཞི་སྟེང་འོག་སྟེ་ཕྱོགས་བཅུ་དུསགསུམ་དུ་ཁྱབ་པ།ཆོས་ཀྱི་དབྱིངས་ཀྱི་ཡེ་ཤེས་དང་ལྷན་ཅིག་སྐྱེས་པའི་ཡེ་ཤེས་གཉིས་སུ་མེདཔའི་ངོ་བོ།སྟེང་གི་ཆ་ལ་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དང་དེའི་སྐུའི་མཐའ་སྐོར་དུ་འཁོར་ལོ་སྡོམ་པ་ཡབ་ཡུམ་གཙོ་བོར་གྱུར་༼ཁ་བསྒྱུར་ལྟར་ན་དཔལ་དུས་ཀྱི་འཁོར་ལོ་ཡབ་ཡུམ་གཙོ་བོར་གྱུར་༽བའི་ཡི་དམ་གསང་བ་འདུས་པ། ཀྱཻ་རྡོ་རྗེ་མ་ཧཱ་མ་ཡ་རྡོ་རྗེ་བདེ་མཆོག་ལསོགས་པ་དང༌། བྱ་རྒྱུ་སྤྱོད་རྒྱུད་རྣལ་འབྱོར་རྒྱུད་རྣལ་འབྱོར་བླ་ན་མེད་པའི་རྒྱུད་སོགས་ཡི་དམདཀྱིལ་འཁོར་གྱི་ལྷ་ཚོགས་རྣམས་དང༌།༼སྐབས་འདིར་མཆོད་པ་འབུལ་ཡུལ་གྱི་གཙོ་བོ་དུས་ཀྱི་འཁོར་ལོའི་ཡབ་ཡུམ་དེ་ཡིན་པའི་རྒྱུ་མཚན་གྱི་དུས་ཀྱི་འཁོར་ལོའི་ཡབ་ཡུམ་གཙོ་བོར་གྱུར་པ་ཞེས་གསུངས་པ་མ་ཡིན་པར་སྦྱོར་དྲུག་སྐབས་སུ་ཡི་དམ་གྱི་གཙོ་བོ་དུས་ཀྱི་འཁོར་ལོ་ཡིན་པས་ན་དེ་ལྟར་བཞག་པ་ཡིན་གསུངས། སྐབས་འདིར་གཙོ་བོ་མཆོད་པ་འབུལ་ས་དེ་རྩ་བའི་བླ་མ་ཁྱབབདག་རྡོ་རྗེ་འཆང་དེ་ཡིན་པས་མཆོད་པ་འབུལ་ཡུལ་གྱི་བླ་མ་དེ་སྐུ་གསུང་ཐུགས་གསུམ་བགྲེས་རྒུད་ཅན་དང་ཤ་ཁྲག་གི་གདོས་བཅས་མ་ཡིན་པར་ངོ་བོ་རྩ་བའི་བླ་མ་ཡིན་པ་ལ་རྣམ་པ་རྡོ་རྗེ་འཆང་གི་རྣམ་པ་ཅན་སྒོམ་དགོས་པ་རེད། དེ་ཡང་དེང་སང་བླ་མའི་སྐུ་འདྲ་རེ་བཞེངས་ན་ང་ཚོ་ཐུན་མོང་གིས་སྣང་བ་ལྟར་དབུ་སྐྲ་དཀར་ཟིལ་ཅན་དང་ཞལ་རིས་གཉེར་མ་ཅན་སོགས་བཟོས་ན་མི་འགྲིགས་པ་རེད། རྒྱུ་མཚན་བླ་མའི་སྐུ་མཚན་བཟང་སོ་གཉིས་དང་དཔེ་བྱད་བརྒྱད་ཅུས་སྤྲས་པའི་བདགཉིད་ཅན་ཡིན་པ་ལས་ང་ཚོ་ནང་ལྟར་སྐྱེ་འཆི་ཅན་ཞིག་མ་རེད། དེས་ན་བླ་མའི་རྣལ་འབྱོར་བསྒོམདུས་ཡང་མ་དག་པའི་ངོ་བོར་མི་སྒོམ་པར་སངས་རྒྱས་ཀུན་འདུས་ཀྱི་བདག་ཉིད་མཚན་བཟང་པོ་སུམ་ཅུ་རྩ་གཉིས་དང་དཔེ་བྱད་བཟང་པོ་བརྒྱད་ཅུས་བརྒྱན་པའི་དག་པའི་སྐུ་ལས་འོད་དང་འོད་ཟེར་འཕྲོས་པ་སོགས་སྒོམ་དགོས་པ་ཧ་ཅང་གལ་ཆེན་པོ་རེད། དེ་ཡང་ཐམས་ཅད་མཁྱེན་པ་ཏཱ་ར་ན་ཐཱས་བླ་མ་སངས་རྒྱས་སུ་མཐོང་ན་སངས་རྒྱས་ཀྱི་བྱིན་རླབས་འཇུག བྱང་ཆུབ་སེམས་དཔར་མཐོང་ན་བྱང་ཆུབ་སེམས་དཔའི་བྱིན་རླབས་དང༌། གྲུབ་ཐོབ་ཏུ་མཐོང་ན་གྲུབ་ཐོབ་ཀྱི་བྱིན་རླབས།སོ་སོ་སྐྱེ་བོའི་དགེ་བཤེས་བཟང་པོར་མཐོང་ན་དེ་དང་མཐུན་པར་བྱིན་རླབས་འཇུག་སྟེ། ལར་མོསགུས་མེད་ན་བྱིན་རླབས་ཡེ་མི་འཇུག་གོ། །ཞེས་གསུངས་པ་ལྟར་རེད།༽བདག་ཅག་གི་སྟོན་པ་གཙོ་བོར་གྱུར་བའི་སངས་རྒྱས་སྟོང་རྩ་གཉིས་སོགས་འདས་མ་འོངས་ད་ལྟ་དུས་གསུམ་གྱི་སངས་རྒྱས་རྣམས་དང་བྱང་ཆུབ་སེམས་དཔའ་ཉེ་བའི་སྲས་ཆེན་བརྒྱད་ལ་སོགས་པ་བྱང་ཆུབ་སེམས་དཔའ་རྣམས་དང༌། འཕགས་པ་ཉན་རང་གི་ཚོགས་དང་བཅས་པ། འོག་གི་ཆ་ལ་ཆོས་སྐྱོང་གི་གཙོ་བོ་དཔལ་ལྡན་གུར་གྱི་མགོན་པོ་སོགས་མཁའ་འགྲོ་ཆོས་སྐྱོང་བའི་སྲུང་མའི་ཚོགས་དང་བཅས་པ་ཐམས་ཅད་ཀྱང་རང་རང་གི་མཆོད་པ་སྟེ་ཡི་དམ་དང་ཁྲོ་བོ་རིགས་སུ་གྱུར་པ་རྣམས་ལ་ཤ་ལྔ་བདུད་རྩི་ལྔ་དེས་མཚོན་པས་རྒྱུད་སྡེ་རང་རང་གི་སྐབས་ནས་བྱུང་བ་སོགས་བར་བར་དུ་མཆོད་པ་སྣ་ཚོགས་པ་བཀོད་པས་ཉེ་བར་བརྒྱན་པ་དང་བཅས་ཏེ་དག་ཅིང་གསལ་ལ་བཀྲ་ལམ་མེར་བཞུགས་པར་གྱུར་བར་བསམ། གང་གི་མོས་པ་ཡིད་བྱེད་པ། །དེ་ཡི་མདུན་ན་ཐུབ་པ་བཞུགས། །ཞེས་གསུངསཔ་ལྟར་མོས་གུས་ཀྱིས་ཡིད་ལ་གསལ་དགོས་པ་རེད། རབ་ཡིན་ན་ལྷ་སྐུ་བཞིན་ལག་གི་རྣམ་པཅན་དང་སྤྱན་དཀར་ནག་ལ་སོགས་པ་ཐམས་ཅད་མ་འདྲེས་པར་གསལ་དགོས་པ་རེད། འོན་ཀྱང་ལས་དང་པོ་པ་ཞིག་དེ་ལྟར་མ་བྱུང་ན་ཡང་མོས་སྒོམ་ཙམ་ཡིན་ན་ཡང་སྒོམ་དགོས་པ་གལ་ཆེན་པོ་རེད།དེ་ཡན་ཆད་དུ་མཆོད་ཡུལ་གསལ་བཏབ་པ་སོང་ཟིན་པ་རེད།
གཉིས་པ་རྣམ་དག་བདུན་ནམ་ཡན་ལག་བདུན་པ་ལ་བདུན།དང་པོ་ཕྱག་འཚལ་བའི་ཡན་ལག་ནི།རྣམ་དག་སྐུ་ནི་སྐྱོན་བྲལ་འཁྲུལ་པ།
གཉིས་པ་རྣམ་དག་བདུན་ནམ་ཡན་ལག་བདུན་པ་ལ་བདུན།དང་པོ་ཕྱག་འཚལ་བའི་ཡན་ལག་ནི།རྣམ་དག་སྐུ་ནི་སྐྱོན་བྲལ་འཁྲུལ་པ་མེད། །
ཕུན་ཚོགས་གསུང་དབྱངས་ཤེས་བྱ་མ་ལུས་ཁྱབ། །ཟབ་དང་རྒྱ་ཆེའི་དེ་ཉིད་མཁྱེན་པའི་ཐུགས། །རྡོ་རྗེ་གསུམ་དངོས་དཔལ་ལྡན་བླ་མར་འདུད། །ཞེས་ལས་དང་ཉོན་མོངས་པ་དབང་གིས་བྱུང་བའི་སྡུག་བདེན་གྱི་རྣམ་པར་དག་པའི་སྐུའམ་ཡང་ན་མ་དག་པའི་རྩ་རླུང་ཐིག་ལེ་སོགས་གདོད་ནས་རྣམ་པར་དག་པའི་ཆོས་ཀྱི་དབྱིངས་ཀྱི་སྐུ་ནི་སྐྱོན་ཀུན་དང་བྲལ་ཞིང་སྤྱོད་པ་སོགས་འཁྲུལ་པ་མཐའ་དག་མི་མངའ་བ་སྟེ་མེད་པ་དང༌། ཞེས་པས་སྐུལ་ཕྱག་འཚལ་བ་བསྟན་པ་རེད། གསུང་ལ་ཕྱག་འཚལ་བ་ནི་དོན་གཉིས་ཕུན་སུམ་ཚོགས་པསྒྲུབ་པར་བྱེད་པའི་གསུང་འགག་པ་མི་མངའ་བ་དང་སྙན་ཞིང་འཇེབས་པ་སྟེ་གསུང་དབྱངས་ཡན་ལག་དྲུག་ཅུའི་བདག་ཉིད་ཅན་དེས་ཤེས་བྱ་མ་ལུས་པ་ཐམས་ཅད་ལ་ཁྱབ་པའོ། ། ཐུགས་ལ་ཕྱག་འཚལ་བ་ནི་ཟབ་མོ་སྟོང་ཉིད་ཀྱི་རིམ་པ་དང་རྒྱ་ཆེ་བ་ཀུན་རྫོབ་ཀྱི་རྣམ་བཞག་ཡང་ན་ཟབ་པ་སྟོང་ཉིད་དང་རྒྱ་ཆེ་བ་ལམ་གྱི་རྣམ་བཞག་དེ་ཉིད་ཚུལ་བཞིན་དུ་ཅིག་ཆར་དུ་མཁྱེན་པའི་ཐུགས་དང༌། སྐུ་གསུང་ཡེ་ཤེས་རྡོ་རྗེ་གསུམ་དངོས་ཀྱི་བདག་ཉིད་དཔལ་ལྡན་བླ་མ་ལ་སྒོ་གསུམ་གུས་པ་ཆེན་པོས་འདུད། ཅེས་ཕྱག་འཚལ་བ་ཚིགས་སུ་བཅད་པ་དང་པོའི་བསྟན་དོན་སོང་ཟིན་ནས་གཉིས་པ་ནི།སྒྲིབ་གཉིས་བག་ཆགས་བཅས་པ་གཏན་ནས་སྤངས། །དག་པ་གཉིས་ལྡན་ཡོན་ཏན་ཐམས་ཅད་རྫོགས། །རང་གཞན་དོན་གྱུར་སྐུ་གཉིས་མངོན་མཛད་པ། །འཁོར་འདས་མ་ལུས་སྤྲུལ་བར་མཛད་ལ་འདུད། །ཅེས་ཐར་བ་ཐོབ་པ་ལ་གཙོ་བོ་གེགས་བྱེད་ཀྱི་སྒྲིབ་པ་རྩ་ཉོན་དྲུག་དང་ཉེ་ཉོན་ཉི་ཤུའི་ས་བོན་དང་བཅས་པ་ཉོན་མོངས་པའི་སྒྲིབ་པ་དང༌། བདེན་འཛིན་དང་བདེན་སྣང་གི་བག་ཆགས་ཕྲ་མོ་དངསྣང་གསུམ་འཕོ་བའི་བག་ཆགས་སོགས་ཐམས་ཅད་མཁྱེན་པའི་གོ་འཕང་ཐོབ་པ་ལ་གཙོ་བོ་གེགས་བྱེད་ཀྱི་ཤེས་བྱའི་སྒྲིབ་པ་སྟེ་སྒྲིབ་གཉིས་བག་ཆགས་དང་བཅས་པ་སླར་སྐྱེ་མི་རུང་བའི་ཆོས་ཅན་དུ་བྱས་ཏེ་གཏན་ནས་སྤངས་པ་ཀུན་རྫོབ་ཀྱི་སྤངས་པ་དང༌། དོན་དམ་གྱི་སྤངས་པ་ནི། རང་བཞིནགྱིས་ནི་ཡོངས་དག་ཕྱིར། །ཉོན་མོངས་གདོད་ནས་ཟད་ཕྱིར་རོ། །ཞེས་གསུངས་པ་ལྟར་སྒྲིབ་གཉིས་བག་ཆགས་དང་བཅས་པ་མཐའ་དག་རང་བཞིན་གྱིས་གདོད་ནས་སྤངས་པ་དང༌། རང་བཞིནགྱི་དག་པ་དང་གློ་བུར་རྣམ་དག་སྟེ་དག་པ་གཉིས་ལྡན་གྱི་སྟོབས་བཅུ་དང་མི་འཇིགས་པ་བཞི། མའདྲེས་པའི་ཆོས་བཅོ་བརྒྱད་ལ་སོགས་པའི་ཡོན་ཏན་ཐམས་ཅད་རྫོགས་པ་དང༌།རང་དོན་གཞནདོན་དོན་དམ་སྐུ་དང་ནི། །དེ་ལ་བརྟེན་པའི་ཀུན་རྫོབ་སྐུ་ཉིད་དོ། །ཞེས་གསུངས་པ་ལྟར་རང་དོན་གྱི་སྐུ་ཆོས་སྐུ་དང་གཞན་དོན་གྱི་སྐུར་གྱུར་པའི་ལོངས་སྤྱོད་རྫོགས་པའི་སྐུ་དང་སྤྲུལ་སྐུ་སྟེ་སྐུ་གཉིས་མངོན་པར་མཛད་པ་དང༌། འཁོར་བའི་སེམས་ཅན་མ་ལུས་པ་འདྲེན་པའི་ཆེད་དུ་བྱ་དང་རི་དྭགས།གཟིངས་དང་ཟམ་པ་ལ་སོགས་པའི་རྣམ་པར་སྟོན་པ་དང༌། འཁོར་བ་ལས་འདས་པའི་ཐར་བཐོབ་པའི་ཆེད་དུ་དཔེར་ན་ཉན་ཐོས་ཀྱི་ཐར་བ་འདོད་པ་དག་ལ་ཉན་ཐོས་ལྟར་སྟོན་པ་སོགས་གདུལ་བྱ་གང་ལ་གང་འདུལ་གྱི་དེ་ལ་དེར་མ་ལུས་པ་སྤྲུལ་བར་མཛད་པ་ཉིད་ལ་སྒོ་གསུམ་གུས་པས་འདུད་ཅེས་གསུངས་པ་རེད། དེ་ཡང་བླ་མའི་རྣལ་འབྱོར་ལས། ཆགས་བྲལ་རྣམས་ལ་ཤཱཀྱ་ཐུབ་པརབསྟན། །དཀའ་ཐུབ་ཅན་ལ་དྲང་སྲོང་ཚུལ་འཛིན་ཅིང༌། །ཞེས་གསུངས་པ་ལྟར་གདུལ་བྱའི་ཁམས་དབང་དང་མཐུན་པའི་སྤྲུལ་བ་སྣ་ཚོགས་ཀྱི་སྒོ་ནས་དོན་མཛད་པའོ། །གཡོ་མེད་སེམས་ཀྱིས་བསྟེན་ན་སྐད་ཅིག་ལ། །བྱིན་གྱི་རླབས་པས་བླ་མེད་བྱང་ཆུབ་བམ། །ཡང་ན་འདོད་པ་མཆོག་དང་ཐར་བ་ཡི། །དམ་པ་ངེས་པར་སྦྱིན་མཛད་ཁྱོད་ལ་འདུད། །གཡོ་སྒྱུ་དང་མ་དད་པ་སོགས་མེད་པའི་སེམས་ཀྱིས་དཔལ་ལྡན་བླ་མ་དམ་པ་ལ་བསམ་སྦྱོར་གཉིས་ཀྱིས་ཚུལ་བཞིན་དུ་བསྟེན་ན་སྙིགས་དུས་ཀྱི་ཚེ་ཐུང་སྐད་ཅིག་གཅིག་ལ།བླ་མའི་སྐུ་གསུང་ཐུགས་གསུམ་གྱིས་རང་གི་མ་དག་པའི་ལུས་ངག་ཡིད་གསུམ་དེ་ཉིད་བྱིན་གྱིས་བརླབས་པ་ལ་བརྟེན་ནས་སྔགས་བླ་མེད་ཀྱི་རིགས་ཅན་དབང་པོ་རྣོན་པོ་གང་ཟག་དེ་ནི་བླ་ན་མེད་པའི་ཁ་སྦྱོར་བདུན་ལྡན་གྱི་རྡོ་རྗེ་འཆང་གི་བྱང་ཆུབ་ཐོབ་པར་མཛད་པའམ། ཡང་ན་རང་རང་གི་འདོད་པ་མཆོག་ཏུ་གྱུར་བ་མཆོག་གི་དངོས་གྲུབ་བམ་རྗེས་དྲན་གྱི་སྐབས་ལྟ་བུའི་སྟོང་གཟུགས་ཡེ་ཤེས་ཀྱི་ཕྱག་རྒྱ་ལང་ཚོའི་དཔལ་འཛིན་ཅིང་འདོད་པའི་སྒྱུ་རྩལ་དྲུག་ཅུ་ལ་མཁས་པའི་རིག་མ་མཆོག་གི་བདེ་བ་སྦྱིན་པ་དང༌།ཡང་ན་སྡུག་ཀུན་རགས་པ་ལས་ཐར་བ་ཡི་ཉན་རང་གི་གོ་འཕང་སོགས་དམ་པ་ངེས་པར་སྦྱིན་པར་མཛད་པ་བླ་མ་རྡོ་རྗེ་འཆང་ཆེན་པོ་ཁྱོད་ལ་འདུད་ཅེས་གསུངས་པ་རེད། དེ་རིང་གི་དཔེ་ཁྲིད་མཚམས་འདི་ནས་འཇོག་ན་ཆོག་གི།ལྷན་སྐྱེས་ཟུང་འཇུག་སྲིད་གསུམ་བདེ་ཆེན་དངོས། །དམིགས་མེད་ཐུགས་རྗེས་ཁམས་གསུམ་འགྲོ་ཀུན་སྒྲོལ། །མཁྱེན་བརྩེ་ནུས་པའི་ཡོན་ཏན་ཟད་མི་མངའ། །ཆོས་དབྱིངས་རྣམ་དག་གཡོ་མེད་ཁྱོད་ལ་འདུད། །འོ་དེ་ནས་ཁ་སང་གི་དཔེ་ཁྲིད་མཚམས་ལྷན་སྐྱེས་ཟུང་འཇུག་ཅེས་སོགས་ཀྱི་ཚིག་དོན་ཅུང་ཟད་ཞུས་ན་མཆོག་ཏུ་མི་འགྱུར་བའི་བདེ་བ་ཆེན་པོའི་ཡེ་ཤེས་དང༌། རྣམ་ཀུན་མཆོག་ལྡན་གྱི་སྟོང་གཟུགསལྷན་སྐྱེས་གཉིས་དབྱེར་མེད་ཟུང་དུ་འཇུག་པ་སྲིད་པ་གསུམ་ལས་འདས་ཀྱང་སྲིད་པ་གསུམ་གྱི་རྣམ་པ་འོད་གསལ་བདེ་བ་ཆེན་པོ་ཡེ་ཤེས་དངོས། བདེན་འཛིན་སོགས་སྤྲོས་པས་མཚན་འཛིན་གྱིདམིགས་པ་མེད་པར་སྤྲོས་བྲལ་རྣམ་པར་མི་རྟོག་པའི་ཡེ་ཤེས་ཀྱིས་རྩིས་ཟིན་པའི་བརྩེ་བ་ཐུགས་རྗེས་འདོད་ཁམས། གཟུགས་ཁམས། གཟུགས་མེད་ཁམས་ཏེ་ཁམས་གསུམ་གྱི་འགྲོ་བ་ཀུནལ་ཉེ་རིང་མེད་པར་ཡོངས་སུ་ཁྱབ་པའི་སྒོ་ནས་སེམས་ཅན་ཐམས་ཅད་ཀྱི་སྡུག་བསྔལ་ལས་སྒྲོལབར་མཛད་པ་དང༌།ཁྱབ་བདག་རྡོ་རྗེ་འཆང་གི་ཐུགས་བདེན་གཉིས་ཀྱིས་བསྡུས་པའི་ཆོསཐམས་ཅད་རེས་འཇོག་མེད་པར་མཁྱེན་པའམ་གདུལ་བྱའི་ཁམས་དབང་མོས་པ་དང་མཐུན་པའི་ཇི་ལྟ་བ་བཞིན་དུ་མཁྱེན་པའི་ཡོན་ཏན་དང༌། གདུལ་བྱ་སེམས་ཅན་ཐམས་ཅད་སྡུག་བསྔལ་ལསབསྒྲལ་འདོད་ཁུར་དུ་ཁྱེར་བའི་བརྩེ་བ་སྙིང་རྗེ་ཆེན་པོའི་ཡོན་ཏན་དང༌། སེམས་ཅན་མ་ལུས་པ་སྡུག་བསྔལ་ལས་སྒྲོལ་ནུས་པའི་ཡོན་ཏན་ཏེ་མཁྱེན་བརྩེ་ནུས་གསུམ་གྱི་ཡོན་ཏན་ཟད་པ་མི་མངའ་བའི་ཡོན་ཏན་ཟླ་མེད་དང་ལྡན་པའོ། །ཆོས་ཐམས་ཅད་ཀྱི་གནས་ལུགས་མཐར་ཐུག་ཆོས་ཀྱི་དབྱིངས་དེ་རང་བཞིན་རྣམ་དག་དང་གློ་བུར་རྣམ་པར་དག་པའི་རྣམ་རྟོག་མཚན་མས་གཡོ་བ་མེད་པ་ཕྱག་རྒྱ་ཆེན་པོ་དང་ལྡན་པའི་བླ་མ་རྡོ་རྗེ་འཆང་ཁྱོད་ལ་སྒོ་གསུམ་གུས་པས་འདུད་ཅེས་པའོ། །ཉིད་ཀྱི་ཡེ་ཤེས་གཅིག་གི་རང་སྣང་ལས། །མ་ལུས་རྒྱལ་བ་སྲས་བཅས་སྤྲིན་སྤྲོ་བ། །བདེན་པ་གཉིས་ཀྱི་རྣམ་ཐར་ཆད་མི་མངའ། །སངས་རྒྱས་ཐམས་ཅད་འདུས་པའི་ངོ་བོར་འདུད། །ཁྱབ་བདག་རྡོ་རྗེ་འཆང་གང་ཉིད་ཀྱི་ཐུགས་ཆོས་དབྱིངས་ཡེ་ཤེས་གཅིག་གི་རང་སྣང་ལས་མི་བསྐྱོད་པ་དང༌།རྣམ་པར་སྣང་མཛད། རིན་ཆེན་འབྱུང་ལྡན།སྣང་བ་མཐའ་ཡས། དོན་ཡོད་གྲུབཔ་སྟེ་རྒྱལ་བ་རིགས་ལྔ་སོགས་མ་ལུས་པའི་རྒྱལ་བ་ཀུན་དང་སྲས་བྱང་ཆུབ་སེམས་དཔའ་དངབཅས་པ་ཐམས་ཅད་ནམ་མཁའ་ལས་སྤྲིན་ཁྱབ་པ་ལྟར་སྤྲོ་བའི་སྒོ་ནས་སེམས་ཅན་གྱི་དོན་མཛད་པ་དང༌།ཀུན་རྫོབ་བདེན་པ་དང་དོན་དམ་བདེན་པ་སྟེ་བདེན་པ་གཉིས་ཀྱི་ཆོས་ཐམས་ཅད་དེའི་གནས་ཚུལ་ཇི་ལྟ་བ་བཞིན་དུ་རེས་འཇོག་མེད་པར་ཅིག་ཆར་མངོན་སུམ་དུ་རྟོགས་པའི་རྣམ་ཐར་རྒྱུན་ཆད་མི་མངའ་བ་སྟེ་སངས་རྒྱས་ཐམས་ཅད་འདུས་པའི་ངོ་བོ་འདུད་ཅེས་གསུངས་པ་རེད། །གང་གི་དྲིན་གྱི་བདེ་ཆེན་ཉིད། །སྐད་ཅིག་ཉིད་ལ་འཆར་བ་གང། །བླ་མ་རིན་ཆེན་ལྟ་བུའི་སྐུ། །རྡོ་རྗེ་ཅན་ཞབས་པད་ལ་འདུད། །གང་སྤྱི་སྒྲ་ཡིན་ནའང་སྐབས་འདིར་རྡོ་རྗེ་ཅན་ཞེས་པའི་ཚིག་དང་འབྲེལ་བས་ཁྱབ་བདག་རྡོ་རྗེ་འཆང་ཆེན་པོ་གང་གི་རང་ལ་དབང་སྐུར་རྒྱུད་བཤད་མན་ངག་སྟོན་པ་སོགས་བཀའ་དྲིན་གྱི་མཆོག་ཏུ་མི་འགྱུར་བའི་བདེ་བ་ཆེན་པོའི་ཡེ་ཤེས་ཉིད་སྙིགས་དུས་ཀྱི་ཚེ་ཐུང་སྐད་ཅིག་ཉིད་ལ་བསྐྱེད་པར་མཛད་པའམ་འཆར་བར་མཛད་པ་གངཡིན་པ་བླ་མ་དཔེར་ན་ཡིད་བཞིན་གྱི་ནོར་བུ་རིན་པོ་ཆེ་ལས་དགོས་འདོད་འབྱུང་བ་ལྟ་བུའི་བླ་མ་ལས་མཆོག་ཐུན་མོང་གི་དངོས་གྲུབ་ཐམས་ཅད་འབྱུང་བའི་སྐུ། ཐུགས་བདེ་སྟོང་གི་ཡེ་ཤེས་རྡོ་རྗེ་ཅན་ཏེ་རྡོ་རྗེ་འཆང་གི་སྐུའི་དམའ་ཤོས་ཞབས་ཀྱི་པདྨོ་ལ་སྒོ་གསུམ་གུས་པ་ཆེན་པོས་འདུད་ཅེས་བླ་མའི་སྐུའི་དམའ་ཤོས་ཞབས་ཀྱི་པདྨོ་ལ་ཕྱག་འཚལ་བ་ཡིན་ན་དེས་མཚོན་པའི་བླ་མའི་སྐུ་གསུང་ཐུགས་གསུམ་གྱི་ཡོན་ཏན་ལ་ཕྱག་འཚལ་བས་ན་ཞབས་པདྨའི་གཟུགས་སུ་བཀོད་ནས་དེ་ལ་འདུད་ཅེས་པའོ། །དེ་དང་མཐུན་པར་ད་ལྟའི་ཆར་རྒྱ་གར་གྱི་ཡུལ་སྲོལ་ལའང་བླ་མའི་ཞབས་ལ་མགོ་བོ་གཏུགས་ནས་ཕྱག་འཚལ་བའམ་ཡང་ན་ཞབས་ལ་ལག་པས་རེག་ནས་རང་གི་མགོ་བོར་བཞག་སྟེ་གུས་འདུད་བྱེད་པ་ལྟར་རོ། །གང་གི་དྲིན་གྱི་བདེ་ཆེན་ཉིད་ཅེས་སོགས་དེ་མཁའ་འགྲོ་ཀུན་སྤྱོད་ཀྱི་རྒྱུད་ཚིག་ཡིན་ནོ། །བདག་ནི་སྐྱབས་གནས་གཞན་ཀུན་པས། །བ་སྤུའི་ཁུང་བུ་གཅིག་ལ་ཡང། །ལྷག་པར་ཡང་ནི་དད་ལགས་པ། །རྨོངས་པས་མ་ཡིན་རྒྱུ་དང་བཅས། །སངས་རྒྱས་ཀུན་ལས་ཆེས་ལྷག་པར། །རྒྱུད་སྡེ་ཀུན་ཏུ་རྒྱལ་བས་བསྔགས། །མདོ་སོགས་ཀུན་ཏུ་མཚུངས་པར་གསུངས། །རྒྱལ་བའི་ནན་ཏན་བསྟོད་ལ་འདུད། །བདག་ནི་སྐྱབས་གནས་གཞན་དཀོན་མཆོག་གསུམ་ཀུན་བས་དཔལ་ལྡན་བླ་མ་དམ་པ་ཁྱབ་བདག་རྡོ་རྗེ་འཆང་དེ་ཉིད་ཀྱི་བ་སྤུའི་ཁུང་བུ་ཉག་མ་གཅིག་ལ་ཡངལྷག་པར་ཡང་ནི་དད་ལགས་པ་ཡིན། དེ་ལྟར་དད་པ་ཡང་རྨོངས་པའི་དབང་གིས་མ་ཡིན་པར་རྒྱུ་མཚན་དང་བཅས་པའོ། །རྒྱུ་མཚན་ནི་དཔལ་ལྡན་བླ་མ་དམ་པ་དེ་ཉིད་རང་ལ་དངོས་སུ་དབང་བསྐུར་རྒྱུད་བཤད་མན་ངག་སྟོན་པས་ན་སངས་རྒྱས་ཀུན་ལས་བཀའ་དྲིན་ཆེ་བ་དང་གདུལ་བྱའི་བསོད་ནམས་བསགས་པའི་ཞིང་མཆོག་ཡིན་པས་ན་སངས་རྒྱས་ཀུན་ལས་ཀྱང་ཆེས་ལྷག་པ་ཡིན་པར་བྱ་རྒྱུད་སྤྱོད་རྒྱུད་རྣལ་འབྱོར་རྒྱུད་རྣལ་འབྱོར་བླ་ན་མེད་པའི་རྒྱུད་སྡེ་ཀུན་ཏུ་རྒྱལ་བ་སངས་རྒྱས་བཅོམ་ལྡན་འདས་ཀྱིས་ལན་མང་དུ་བསྔགས་པར་མཛད་པ་དང༌། དེར་མ་ཟད་མདོ་དང་དེའི་དགོངས་འགྲེལ་སོགས་ཀུན་ཏུ་རྒྱུད་སྡེ་རྣམས་དང་མཚུངས་པར་ཡང་ཡང་གསུངས་ཞིང༌། རྒྱལ་བ་སངས་རྒྱས་བཅོམ་ལྡན་འདས་ཀྱིམདོ་རྒྱུད་ཐམས་ཅད་དུ་ལན་གཅིག་ཙམ་མ་ཡིན་པར་ནན་ཏན་ཆེན་པོའི་སྒོ་ནས་ཡང་ནས་ཡང་དུ་བསྟོད་པར་མཛད་པ་དཔལ་ལྡན་བླ་མ་དམ་པ་དེ་ལ་འདུད། དེ་ཡང་དཔལ་ལྡན་བླ་མ་དམ་པ་གང་ཉིད་སངས་རྒྱས་ཀུན་ལས་ཀྱང་ལྷག་པའི་སྤངས་རྟོགས་ཀྱི་ཡོན་ཏན་མངའ་བ་མ་ཡིན་ཀྱང་རང་ལ་དངོས་སུ་དབང་ལུང་མན་ངག་སྟོན་པའི་བཀའ་དྲིན་ཆེ་བས་ན་སྐྱབས་གནས་ཀུན་འདུས་ཀྱི་བདག་ཉིད་ཡིན་པ་དང་སྐྱབས་གནས་གཞན་ཀུན་བས་ཀྱང་བཀའ་དྲིན་ཆེ་བའི་རྒྱུ་མཚན་གྱི་མདོ་རྒྱུད་ཐམས་ཅད་དུ་བསྔགས་བརྗོད་མཛད་པ་རེད། འཇིག་རྟེན་ན་ཕ་མ་དེ་དག་ཧ་ཅང་བཀའ་དྲིན་ཆེ་བ་ཡིན་ཀྱང་དེ་དག་ནི་འཇིག་རྟེན་གྱི་མཚན་སྙན་དང་ཐོབ་མངའ་ཐང་སོགས་ཐོབ་པའི་ཆེད་དུ་བྱམས་བརྩེའི་བཟུང་བ་ཙམ་དང༌།སངས་རྒྱས་དང་བྱང་ཆུབ་སེམས་དཔའ་རྣམས་ཀྱིས་རེས་འཇོག་མེད་པར་བྱམས་སྙིང་རྗེ་བྱང་ཆུབ་སེམས་ཀྱི་བདག་ཉིད་ཡིན་ཡང་རང་ཉིད་སངས་རྒྱས་དང་དངོས་སུ་ཞལ་མཇལ་གསུང་ཐོས་པའི་སྐལ་བ་དང་མ་ལྡན་པ་རེད། ཡིན་ན་ཡང་དཔལ་ལྡན་བླ་མ་དམ་པ་དེ་ཉིད་ཀྱིས་རང་དང་སྐལ་བ་མཉམ་པའི་རང་ཉིད་དངོས་སུ་མཐོང་ཐུབ་པའི་མིའི་ཤ་ཚུགས་ཅན་དུ་བཟུང་ནས་རང་ལ་དངོས་སུ་ཐར་བ་དང་ཐམས་ཅད་མཁྱེན་པའི་གོ་འཕང་ཐོབ་བྱེད་ཀྱི་ཐབས་བླ་ན་མེད་པ་སྟོན་པར་བྱེད་པས་ན་སངས་རྒྱས་ཀུན་ལས་ཀྱང་ཆེས་ལྷག་པར་བཀའ་དྲིན་ཆེ་བ་ཡིན་པ་གཞུང་ལུགས་རྣམས་ཀྱི་སྐབས་སུ་གསུངས་པ་ལྟར་ཡིན་ནོ། །ཕྱོགས་བཅུའི་འདྲེན་པ་སྲས་བཅས་ཀྱིས། །བྱང་སེམས་རྡོ་རྗེ་བཞིན་དུ་བལྟ། །ཐམས་ཅད་ཉིན་རེ་དུས་བཞི་རུ།ཕྱག་འཚལ་མཆོད་ནས་འདི་སྐད་དུ། །བདག་ཅག་དེ་བཞིན་གཤེགས་ཀུན་གྱི། །ཕ་མ་སྟོན་པ་ཁྱོད་ཅེས་སྒྲོག །སྟོན་པ་རྡོ་རྗེ་འཛིན་ཁྱོད་ལ། །སྐྱོབ་པར་བཅས་པས་ཕྱག་འཚལ་ལོ། །རྡོ་རྗེ་འཆང་ཆེན་པོ་ཁྱེད་ལ་ཕྱོགས་བཞི་མཚམས་བཞི་སྟེང་འོག་སྟེ་ཕྱོགས་བཅུའི་འཇིག་རྟེན་ནབཞུགས་པའི་འགྲོ་བ་སེམས་ཅན་ཐམས་ཅད་མཐོ་རིས་དང་ཐར་བར་འདྲེན་པ་སངས་རྒྱས་དང་སྲས་བྱང་ཆུབ་སེམས་དཔའ་བཅས་ཀྱིས་རྩ་བའི་བླ་མ་དེ་ལ་བྱང་སེམས་ལས་རླུང་དབུ་མར་ཞུགས་པའི་བདེ་བ་ཆེན་པོའི་ཡེ་ཤེས་ཀྱི་སྐུའི་རྣམ་འགྱུར་དུ་ཤར་བ་རྡོ་རྗེ་འཆང་ཇི་ལྟ་བ་བཞིན་དུ་བལྟ་བདང༌། ཡང་སངས་རྒྱས་སྲས་བཅས་ཐམས་ཅད་ཀྱིས་ཉིན་རེ་བཞིན་དུ་སྲོད་དང་ཐོ་རེངས་གཉིས་སྔ་དྲོ་ཕྱི་དྲོ་གཉིས་ཏེ་དུས་བཞི་རུ་བླ་མ་ལ་ཕྱག་འཚལ་དང་ཕྱི་གནང་གསང་གསུམ་གྱི་མཆོད་པཕུལ་ནས་རྩ་བའི་བླ་མ་ལ་འདི་སྐད་དུ། བདག་ཅག་དང་དེ་བཞིན་གཤེགས་པ་ཀུན་གྱི་བདེ་བ་ཆེནཔོའི་ཡེ་ཤེས་བསྐྱེད་པའི་ཕ་དང་ཤེས་རབ་སྟོང་བ་ཉིད་བསྐྱེད་པའི་མ་དང༌། ཆོས་སྟོན་པ་པོ་བླ་མརྡོ་རྗེ་འཆང་ཁྱོད་ཡིན་ཅེས་སྒྲོག་པའི་སྒོ་ནས་བླ་མེད་ཀྱི་ཆོས་སྟོན་པ་རྡོ་རྗེ་འཛིན་པ་ཁྱོད་ལ་སེམས་ཅན་ཐམས་ཅད་སྡུག་བསྔལ་ལས་སྐྱོབ་པར་མཛད་པ་སངས་རྒྱས་སྲས་དང་བཅས་པས་ཕྱག་འཚལལོ། །ཞེས་པའོ། །དེ་ཡང་རིགས་ལྡན་པདྨ་དཀར་པོའི་དོན་དམ་བསྙེན་པ་ལས། ཡོན་ཏན་ལྡན་པའི་སྲས་རྣམས་ལ་ནི་འཁོར་བ་འཇོམས། །རང་ལུས་གཙང་བའི་འཇིག་རྟེན་ནས་ནི་ཀུན་ཏུ་སྟོན། །དེ་ནི་བླ་མ་དཔལ་དེ་བླ་མ་དཔལ་ཞེན་མིན། ། དཔག་མེད་སངས་རྒྱས་ཀྱིས་ཀྱང་རྟག་ཏུ་དེ་ལ་མཆོད། །ཕྱོགས་བཅུའི་སངས་རྒྱས་སེམས་དཔས་རྟག་ཏུ་དེ་ལ་འདུད།།ཞེས་དང༌། དཔལ་གསང་བ་འདུས་པའི་ལེའུ་བཅུ་བདུན་པ་ལས། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུདང་གསུང་དང་ཐུགས་རྡོ་རྗེ་གསང་བ་འདུས་པའི་མངོན་པར་དབང་བསྐུར་བའི་སློབ་དཔོན་དེ་བཞིན་གཤེགས་པ་ཐམས་ཅད་དང་བྱང་ཆུབ་སེམས་དཔའ་ཐམས་ཅད་ཇི་ལྟར་ལྟ་བར་བགྱི། རིགས་ཀྱིབུ་དེ་བཞིན་གཤེགས་པ་ཐམས་ཅད་དང་བྱང་ཆུབ་སེམས་དཔའ་རྣམས་ཀྱིས་བྱང་སེམས་ཀྱི་རྡོ་རྗེ་བཞིན་དུ་ལྟ་བར་བགྱིའོ། །དེ་ཅིའི་ཕྱིར་ཞེ་ན་སློབ་དཔོན་ནི་བྱང་ཆུབ་སེམས་དཔའ་དང་མཉམ་བཞག་རྣམ་པ་གཉིས་སུ་དབྱེར་མེད་པའོ། །ཞེས་དང༌། རིགས་ཀྱི་བུ་མདོར་བསྟན་ན་ཕྱོགས་བཅུའི་འཇིགརྟེན་གྱི་ཁམས་ན་སངས་རྒྱས་དང་བྱང་ཆུབ་སེམས་དཔའ་ཇི་སྙེད་ཀྱང་ཁོད་ཅིང་འཚོར་གྱུར་བ་དེ་དག་ཐམས་ཅད་ཐོས་བསམ་དུ་བསླང་ནས་སློབ་དཔོན་དེ་ལ་དེ་བཞིན་གཤེགས་པ་ཐམས་ཅད་མཆོད་པས་ཡང་དག་པར་མཆོད་ནས་སངས་རྒྱས་ཀྱི་ཞིང་དེ་དག་དུ་འགྲོ་ཞིང་སྔགས་རྡོ་རྗེའི་ཡི་གེ་ཡང་འདི་སྐད་དུ་འབྱིན་ཏོ། །བདག་ཅག་གི་དེ་བཞིན་གཤེགས་པ་ཐམས་ཅད་ཀྱི་ཕའོ། །དེ་བདག་ཅག་གི་དེ་བཞིན་གཤེགས་པ་ཐམས་ཅད་ཀྱི་མའོ། །ཞེས་དང༌། རྡོ་རྗེ་གུར་གྱི་རྒྱུད་ལས། སློབདཔོན་སྟོན་པར་གྱུར་བ་ན། །སངས་རྒྱས་ཀུན་གྱིས་ཕྱག་མཛད་པ། །བདག་ཅག་རྣམས་ཀྱི་ཕ་དང་མ། །འདི་ཉིད་རིག་ལ་བསམ་པར་བྱ། །ཞེས་དང༌། བསྡུས་རྒྱུད་ལས། ཁྱོད་ནི་མ་དང་ཁྱོད་ནི་ཕསྟེ་ཁྱོད་ནི་འགྲོ་བའི་བླ་མ་ཁྱོད་ནི་གཉེན་དང་གྲོགས་བཟང་ཡང༌། །ཞེས་དང༌། མདོ་ཀུན་ལསབཏུས་པ་ལས།ཀུན་དགའ་བོ་གལ་ཏེ་བྱང་ཆུབ་སེམས་དཔའི་ཤིང་རྟའི་ནང་དུ་བཞུགས་ཏེ་འདོད་པའི་ཡོན་ཏན་ལྔས་རྩེ་དགའ་ཞིང་དགའ་མགུར་བྱེད་པ་དེའི་ཤིང་རྟ་འདྲེན་པ་གཞན་མེད་ན་ཀུན་དགའ་བོ་བྱང་ཆུབ་སེམས་དཔའ་དེའི་ཤིང་རྟ་ནི་དེ་བཞིན་གཤེགས་པའི་དབུ་ལ་ཡང་བཀུར་རོ། །ཞེས་གསུངས་སོ། །དེ་ཡང་བླ་མ་དང་རྡོ་རྗེ་འཆང་གཉིས་སུ་མི་ལྟ་བར་བླ་མ་དེ་ཉིད་སངས་རྒྱས་ཀུན་འདུས་ཀྱི་ངོ་བོ་ཡིན་པར་ལྟ་དགོས་པ་ཡིན་ཏེ། བླ་མ་ལྔ་བཅུ་བ་ལས།དེ་བས་སློབ་མ་སྙིང་རྗེ་གཏོང། །ཚུལ་ཁྲིམས་བཟོད་པའི་ཡོན་ཏན་ལྡན། །སློབ་དཔོན་དང་ནི་རྡོ་རྗེ་འཛིན། །ཐ་དད་པར་ནི་མི་བརྟག་གོ །ཞེས་དང༌། ལྷན་ཐབས་འོད་བརྒྱ་འབར་བ་ལས། མོས་གུས་ཇི་ལྟར་བསྒོམ་པ་ནི།དངོས་པོའི་མཚན་ཉིད་ཀྱི་དབང་དུ་བྱས་ན། བླ་མ་དེ་སངས་རྒྱས་བྱང་སེམས་ཀྱི་སྤྲུལ་པ་ཡིན་པ་ཡང་སྲིད། མ་ཡིན་ཐ་མལ་པ་ཡིན་དུ་ཆུག་ཀྱང༌། རྡོ་རྗེ་སློབ་དཔོན་དེའི་སྐུ་གསུང་ཐུགས་ལ་ཡི་དམགྱི་ལྷ་རྣམས་རྗེས་སུ་ཞུགས་པའི་ཚུལ་གྱིས་འགྲོ་དོན་མཛད་པ་ཡིན་པས་སངས་རྒྱས་དངོས་དང་ཁྱད་པར་མེད་པ་ལྟ་བུ་ནི་ཡིན། དེ་མཉེས་ན་སངས་རྒྱས་མཉེས། དེ་ལ་སྡིག་བསགས་ན་སངས་རྒྱས་ལ་སྡིག་བསགས་པར་འགྲོ །དེ་མཆོད་པས་སངས་རྒྱས་ཐམས་ཅད་མཆོད་པའི་ཕྱིར་སློབ་མའི་སྒྲིབ་པ་ཐམས་ཅད་ཟད་པར་འགྱུར་ཏེ། འཇམ་དཔལ་ཞལ་ལུང་ལས། མ་འོངས་རྡོ་རྗེ་འཆང་བསྟེ། །དེ་ལ་བརྙས་བྱེད་སེམས་ཅན་གང། །དེ་ཡིས་ང་ལ་བརྙས་བྱེད་པས། །ངས་ནི་དེ་ཀུན་དུས་སུ་སྤོང། །ཞེས་དང། འདི་ཡི་དོན་ལྡན་འགའ་ཞིག་ལ། །ང་ནི་དེ་ཡི་ལུས་གནས་ཏེ། །སྒྲུབ་པོ་གཞན་ལ་མཆོད་པ་ལེན། །དེ་མཉེས་དེ་ཡིས་རང་གི་རྒྱུད། །ལས་ཀྱི་སྒྲིབ་པ་དག་བྱེད་དོ། །ཞེས་གསུངས། འོན་ཀྱང་མོས་གུས་བསྒོམ་པའི་ཚུལ་ནི་རྩ་བའི་བླ་མ་དེ་ཉིད། དངོས་པོ་ལ་སུ་གང་ཡིན་རུང་སོ་སོ་སྐྱེ་བོའམ། འཕགས་པ་སློབ་པ་ལྟ་བུ་དང། དགེ་བའི་བཤེས་གཉེན་ཕལ་པ་སོགས་སུ་བལྟ་བ་མ་ཡིན། སངས་རྒྱས་དངོས་སུ་བསྒོམ་དགོས་དོན་ལ་སངས་རྒྱས་གཅིག་དང་མང་པོ་ལ་ཁྱད་མེད་ཀྱང༌། མོས་གུས་འཇུག་ཚུལ་ལ་ཁྱད་ཡོད་པས་སངས་རྒྱས་ཀྱང་གཅིག་གམ་གཉིས་ལྟ་བུ་མ་ཡིན། ཕྱོགསབཅུ་དུས་གསུམ་གྱི་སངས་རྒྱས་ཀུན་འདུས་པའི་ངོ་བོ་ཡིན། དེའི་ཕྱིར་ཆོས་དང་དགེ་འདུན་ཀུན་ཡང་འདུས། དེ་བས་ན་བདག་གི་བླ་མ་འདི་དངོས་གནས་ལ་དཀོན་མཆོག་ཀུན་འདུས། བླ་མ་ཉིད་དཀོན་མཆོག་གསུམ། དཀོན་མཆོག་གསུམ་ཉིད་བླ་མ་ཡིན། རང་རེའི་སྣང་ངོ་དང་བསྟུན་ན། དཀོནམཆོག་གསུམ་པས་ཀྱང་བླ་མ་བཀའ་དྲིན་ཆེ། ཕྱོགས་བཅུའི་སངས་རྒྱས་རྣམས་སྤྱིར་ཏ་བཟང་སྟེ། བདག་ལ་ཞལ་མི་སྟོན་གསུང་མི་འབྱོན། སངས་རྒྱས་དང༌། ཡི་དམ་དང༌། བྱང་སེམས་མཁའ་འགྲོཆོས་སྐྱོང་སོགས་དངོས་སུ་བྱོན་ཀྱང་རུང༌། བདག་ལ་དཔལ་ལྡན་བླ་མས་མཛད་པ་ལས་ལྷག་པོམཛད་རྒྱུ་དང་སྟོན་རྒྱུ་མེད། དེ་དག་དངོས་སུ་མཇལ་བའི་སྐལ་བ་མེད་དུས་འདིར། དེ་རྣམས་ཀྱི་མཛད་རྒྱུ་ཐམས་ཅད་བླ་མས་མཛད་པ་ཡིན་བཀའ་དྲིན་རང་ཆེའོ་སྙམ། བླ་མ་སངས་རྒྱས་ཀུན་འདུས་སུ་ཤེས་ནས་ཡོན་ཏན་མཐའ་མེད་པའི་དད་པ་དང༌། བཀའ་དྲིན་ཤིན་ཏུ་ཆེ་བར་ཤེས་པ་གཉིསའཛོམ་ན་མོས་གུས་ཀྱི་ངོ་བོ་གོ་ལུགས་སྒོམ་ལུགས་བཟང་བ་ཡིན། གོ་ཡུལ་བཟང་པོ་དེ་འདྲ་ཞིགཡོད་པའི་ལུགས་བྱས་ཀྱང༌། སྐབས་སྐབས་སུ་མིན་པ་བླ་མ་མི་དྲན་པར་བརྗེད། ལན་རེ་དྲན་པའིསྐབས་ཀྱང་བ་སྤུ་གཡོ་ནུས་པའི་གདུང་ཤུགས་མི་འབྱུང་ན། གོ་བ་ཙམ་ལ་ལུས་པ་ཡིན། ཉམས་རྟོགསའཕྲལ་མར་སྐྱེད་ཐུབ་པ་དེ་མིན། གདུང་ཤུགས་དྲག་པོ་ཐ་མལ་གྱི་སྣང་བ་གཞན་འགོག་ནུས་པ། རིག་པ་བསྒྱུར་ཐུབ་པ་ཞིག་བྱུང་ན། བྱིན་རླབས་འཕྲལ་དུ་འཇུག ཉོན་མོངས་གློ་བུར་དུ་འགག ཡེ་ཤེས་སྐད་ཅིག་གིས་འབེབས། དེ་ལྟ་བུ་ཡང་ཡང་དྲན་པས་རྟག་ཏུ་སྒོམས་པར་འགྲོ། གོམས་པལས་སྐྱོན་ཐམས་ཅད་སྤོང་ཞིང་ཡོན་ཏན་ཐམས་ཅད་སྐྱེ་བ་ཡིན། སངས་རྒྱས་དངོས་སུ་མཐོང་བ་མེད་ན། ཕྱོགས་ཞེན་དང་ཕོ་རུས་དང༌། ཡིད་འོང་གི་གདུང་ཤུགས་ཡོད་ཀྱང༌། ཟག་བཅས་འཇིགརྟེན་པའི་རྣམ་རྟོག་ཡིན་པས་གྲོལ་མི་ཐུབ། དགེ་བཤེས་ཕལ་པ་དང་གྲུབ་ཐོབ་ཕལ་པར་བརྩེ་བའིདད་པ་ཡང་རྣམ་རྟོག་འཇིག་རྟེན་པ་ཀ་ཡིན། སྐྱེ་བོ་བླུན་པོས་བླ་མ་སངས་རྒྱས་ཟེར་བ་ཞིག་ཡོདདེ། དེ་ཡང་མི་ཇོ་བཟང་གཅིག་གམ། སྨད་བུད་གཅིག་གམ། ཟས་ནོར་གྱིས་ཕན་འདོགས་བྱེད་པཞིག་ལ་སངས་རྒྱས་ཟེར་རམ། སངས་རྒྱས་སངས་རྒྱས་ཞེས་པའི་ཚིག་ཙམ་མིན་པ་བློ་རྩེ་བརྟད་འཚམས་ཅི་ཡང་མེད། དེ་འདྲས་སེམས་རྒྱུད་གྲོལ་བ་ལ་ཕན་པ་ཞིག་ཀྱང་མེད་དེས་ན་སངས་རྒྱསཀྱི་ཡོན་ཏན་ཤེས་ནས། དེ་ཉིད་བླ་མ་ལ་ཚང་བའི་མོས་གུས་དགོས་པ་ཡིན། དེ་ལྟར་བླ་མ་སངས་རྒྱས་སུ་ཤེས་པ་སྟེ། དམིགས་ཡུལ་འཇིག་རྟེན་ལས་འདས་པའི་མཆོག སངས་རྒྱས་ལ་དམིགས་པ་ཡིན་པས་ལམ་སྒོམ་པ་ཐམས་ཅད་ཀྱི་སྙིང་པོ་ཡིན། སྤྱིར་སངས་རྒྱས་ཐམས་ཅད་ཀྱི་བྱིན་རླབས་འཇུག སྒོས་སུ་རང་རེའི་བླ་མ་དེ་ལ་ཞུས་པའི་ཡི་དམ་རྣམས་ཀྱི་བྱིན་རླབས་འཕྲལ་རང་ལ་མྱུར་དུ་འཇུག བཀའ་དྲིན་དྲན་པ་མེད་ན། སྤྱིར་བྱས་པ་མི་གཟོ་ཞིང༌། ངོ་ཚ་ཁྲེལ་མེད་དེ་བྱུར་ཆགས་ཉེས་པ་ཐམས་ཅད་ཀྱི་རྩ་བ་ཡིན། བསོད་ནམས་དང་དཔལ་དང་གཡང་དང་དགེ་ལེགས་ཐམས་ཅདཕྱགས་མ་བཏབ་པ་བཞིན་ཉམས་འགྲོ། སྒོས་སུ་ཆོས་ཐོབ་པ་དྲིན་དུ་མི་སེམས་པ་དེ། ཆོས་ལ་ཡངརྩིས་མེད་དད་པ་མེད་པ་ཡིན་པས། འབད་པ་བྱས་ཚད་དོན་མེད་དུ་འགྱུར། ཡང་སྒོས་སུ་རྩ་ལྟུང་དང་པོའི་ཞད་ཀྱིས་གོས་པ་ཡིན་ལ། བཀའ་དྲིན་དྲན་པས་དགེ་ལེགས་ཐམས་ཅད་ཀྱི་གཞིར་འགྱུརཞིང༌། གུས་པ་ཆེན་པོ་རང་ཤུགས་ཀྱིས་སྐྱེ་བ་ཡིན་ནོ། །དེ་ལྟར་ན་སངས་རྒྱས་སུ་ཤེས་པ། བཀའདྲིན་དྲན་ལ། གདུང་ཤུགས་དྲག་པ། ཡང་ཡང་མ་བརྗེད་པར་དྲན་པ་སྟེ་ཁྱད་པར་བཞི་དང་ལྡནཔའི་མོས་གུས་ཡོད་ན་མོས་གུས་ཚད་དུ་ཕྱིན་པ་ཞེས་བྱ། དེས་ན་རྡོ་རྗེ་སློབ་དཔོན་མཚན་ཉིད་དང་ལྡན་པ་ལ། སློབ་མ་དམ་ཚིག་དང་ལྡན་པས་མོས་གུས་དེ་ལྟ་བུའི་སྒོ་ནས་བླ་མ་བསྒོམས་ཤིང་གསོལབ་བཏབ་ན། ཐབས་གཞན་མེད་ཀྱང༌། མཆོག་ཐུན་མོང་གི་འདོད་དོན་ཐམས་ཅད་འགྲུབ་པརའགྱུར་བ་ཡིན་ནོ། །ཞེས་གསུངས་པ་ལྟར་ཐུགས་ལ་བཟུང་རྒྱུ་ཧ་ཅང་གལ་ཆེན་པོ་རེད། །གྲངས་མེད་བསྐལ་བར་རྒྱལ་རྣམས་ལ། །རིན་ཆེན་ཞིང་མཆོག་ཕུལ་བ་བས། །ཁྱོད་ཀྱི་སྐུ་ལ་ཏིལ་མར་གྱིས། །ཐིགས་པས་མཆོད་ནའང་བསོད་ནམས་མཆོག །ཅིའི་ཕྱིར་ཞེ་ན་སངས་རྒྱས་ཀྱི། །ཡེ་ཤེས་མ་ལུས་ཁྱོད་ལས་བྱུང༌།མཆོད་པ་ཐམས་ཅད་སྤངས་ནས་ནི། །རྗེ་བཙུན་ཁྱེད་ལ་མཆོད་ཅིང་འདུད། །དུས་ཀྱི་ཡུན་ཚད་གྲངས་མེད་བསྐལ་བའི་བར་དུ་རྒྱལ་བ་སངས་རྒྱས་བཅོམ་ལྡན་འདས་རྣམས་ལ་རིན་པོ་ཆེ་གསེར་དངུལ་སོགས་ཀྱིས་ཞིང་མཆོག་བཀང་བ་ཕུལ་བ་བས། དཔལ་ལྡན་བླ་མདམ་པ་ཁྱོད་ཀྱི་སྐུ་ལ་ཏིལ་མར་གྱི་ཐིག་པས་མཆོད་ནའང་བསོད་ནམས་མཆོག་ཏུ་གྱུར་པ་རེད།རྒྱུ་མཚན་ཅིའི་ཕྱིར་ཞེ་ན་སངས་རྒྱས་ཀྱི་ཡོན་ཏན་ཡེ་ཤེས་སྟོབས་བཅུ་དང་མི་འཇིགས་པ་བཞི་མ་འདྲེས་པའི་ཆོས་བཅོ་བརྒྱད་སོགས་ཡོན་ཏན་མ་ལུས་པ་ཐམས་ཅད་དཔལ་ལྡན་བླ་མ་དམ་པ་ཁྱོད་ལས་བྱུང་བས་ན་བླ་མ་ལ་མ་ལྟོས་པའི་མཆོད་པ་ཐམས་ཅད་སྤངས་ནས་ནི།ཀུན་གྱི་རྗེ་བོ་སྒོ་གསུམ་ཉེས་སྤྱོད་ལས་བཙུན་པའི་བླ་མ་ཁྱེད་ལ་མཆོད་ཅིང་སྒོ་གསུམ་གུས་པ་ཆེན་པོ་སྒོ་ནསའདུད།། ཅེས་པའོ། །དེ་ཡང་གསང་འདུས་རིམ་ལྔ་ལས་ཀྱང༌། མཆོད་པ་ཐམས་ཅད་ཡོངས་སྤངསནས། །བླ་མ་མཆོད་པ་ཡང་དག་བརྩམས། །དེ་མཉེས་པས་ནི་ཀུན་མཁྱེན་གྱི། །ཡེ་ཤེས་མཆོག་ནི་ཐོབ་པར་འགྱུར། །ཞེས་གསུངས་པ་ལྟར་ཡིན་ནོ། །དེ་ཡང་དཔལ་ལྡན་བླ་མ་དེ་ཉིད་ནི་སངས་རྒྱས་ཐམས་ཅད་ཀྱི་མཛད་པ་འཕྲིན་ལས་འཇུག་པའི་སྒོ་དང་སངས་རྒྱས་ཐམས་ཅད་ཀྱི་སྔོན་སློབ་ལམ་གྱི་གནས་སྐབས་སུ་ཐུགས་བསྐྱེད་པ་ནང་བཞིན་དུ་མངོན་པར་རྫོགས་པར་སངས་རྒྱས་ནས་སེམས་ཅན་ཐམས་ཅད་ཀྱི་དོན་མཛད་པ་རེད།འགྲོ་བའི་དོན་མཛད་པ་ཡང་དུས་ལས་ཡོལ་བ་མེད་པར་འབད་རྩོལ་སོགས་མི་དགོས་པར་རང་བཞིན་ལྷུན་འགྲུབ་ཀྱི་སྒོ་ནས་མཛད་པ་རེད། དཔལ་ལྡན་བླ་མ་དེ་སངས་རྒྱས་དངོས་ཀྱི་སྤྲུལ་བ་ཡིན་ན་འདྲ་གལ་ཏེ་སངས་རྒྱས་དངོས་ཀྱི་སྤྲུལ་བ་མ་ཡིན་དུ་ཆུག་ཀྱང་སངས་རྒྱས་ཐམས་ཅད་ཀྱི་སྐུའི་བ་སྤུ་བུ་ག་ཐམས་ཅད་ཀྱི་བྱིན་གྱིས་རླབས་ནས་འགྲོ་བ་སེམས་ཅན་རང་རང་གི་ཁམས་དབང་མོས་པ་ལྟར་དུས་ལས་ཡོལ་བ་མེད་པར་འགྲོ་བའི་དོན་མཛད་པ་རེད།རང་རང་སོ་སོའི་བསོད་ནམས་མེད་ན་སངས་རྒྱས་དངོས་སུ་བྱོན་ཀྱངམཇལ་བའི་སྐལ་བ་མེད་པ་ཡིན་པ་དེ་བསྟན་བཅོས་མངོན་པར་རྟོགས་པའི་རྒྱན་ལས། ལྷ་ཡི་རྒྱལཔོས་ཆར་ཕབས་ཀྱང༌། །ས་བོན་མི་རུང་མི་འཁྲུངས་ལྟར། །སངས་རྒྱས་རྣམས་ནི་བྱོན་གྱུར་ཀྱང༌། །སྐལ་བ་མེད་པས་བཟང་མི་མྱོང༌། །ཞེས་གསུངས་པ་ལྟར་ཡིན་ནོ། །རྡོ་རྗེ་གསུམ་གྱི་དངོས་གྲུབ་ཚོགས། །ཉིད་ཀྱི་སྐུ་གསུང་ཐུགས་ལ་གནས། །ཁྱེད་ནི་གང་ལའང་མི་གནས་ཏེ། །མཁའ་མཉམ་འོད་གསལ་རྨད་བྱུང་ཆེ། །རྩོད་པའི་དུས་འདིར་རྡོ་རྗེ་སེམས། །དངོས་སུ་མཐོང་བའི་སྐལ་མེད་པས། །སློབ་དཔོན་གཟུགས་ཀྱི་སྒྲུབ་རྣམས་ལ། །བརྩེ་བས་མཆོད་པ་ལེན་ལ་འདུད། །སྐུ་གསུང་ཐུགས་གསུམ་སྟེ་རྡོ་རྗེ་གསུམ་གྱི་དངོས་གྲུབ་ཀྱི་ཚོགས་དེ་ཉིད་གང་ལ་བརྟེན་ནས་བྱུང་བ་རེད་ཅེ་ན་དཔལ་ལྡན་བླ་མ་ཁྱེད་ཉིད་ཀྱི་སྐུ་གསུང་ཐུགས་གསུམ་ལ་བརྟེན་ནས་གནས་པ་ཡིན་ཀྱང་དཔལ་ལྡན་བླ་མ་དམ་པ་དོན་དམ་ཆོས་ཀྱི་སྐུ་གསུང་ཐུགས་ཁྱེད་ནི་གཟུགས་ནས་རྣམ་མཁྱེན་གྱི་བར་ཆོས་ཐམས་ཅད་བདེན་སྣང་འཁྲུལ་བའི་སྒོ་ནས་གང་ལའང་མི་གནས་ཏེ། ཆོས་ཀྱི་སྐུ་དེརེས་འཇོག་མེད་པར་ནམ་མཁའ་ལྟར་བརྟན་གཡོ་ཐམས་ཅད་ལ་ཆ་མཉམ་དུ་ཁྱབ་པ་དང་དེ་འདྲའི་ཆོས་ཉིད་དེ་ནི་རང་བཞིན་འོད་གསལ་དོན་དམ་པའི་ཡོན་ཏན་ཐམས་ཅད་བརྒྱན་པའི་ངོ་མཚར་རྨད་དུ་བྱུང་བ་ཆེན་པོའོ།། བཀའ་བསྡུ་བཞི་བ་ལས། དུས་བཞི་གཉིས་ཀྱི་རབ་དབྱེ་རབ་བཤད་བྱ། །དུས་བཞི་ཆེན་པོ་བསྐལ་དུས་བཟང་ངན་ཏེ། །དུས་བཞི་ཆུང་བ་བསྟན་པའི་བཟང་ངན་ཡིན། །དང་པོའི་ལོ་ནི་ས་ཡ་ཕྲག་བཞི་དང། །སུམ་འབུམ་ཉི་ཁྲིའོ་དེའི་བཅུ་ཆ་ནི། །རྐང་པ་ཞེས་གསུངས་རྐང་པ་གཅིག་དང་གཉིས། །གསུམ་དང་བཞི་ལ་རིམ་བཞིན་རྩོད་ལྡན་དང། །གཉིས་ལྡན་གསུམ་ལྡན་རྫོགས་ལྡན་ཞེས་གསུངས་སོ། །དུས་བཞི་ཆུང་བ་བསྟན་པའི་བཟང་ངན་ནི། །མི་ལོ་ཉི་ཁྲི་གཅིག་སྟོང་དྲུག་བརྒྱའི་བར། །དེ་ཡི་བཞི་ཆ་དུས་བཞི་སོ་སོའི་ཚད། །སྐྱོན་མེད་ཡོན་ཏན་ཚང་བ་རྫོགས་ལྡན་ཆོས། །དེ་ནས་བཞི་ཆ་ཉམས་པ་གསུམ་ལྡན་སྟོད། །ཕྱེད་ཉམས་གྱུར་ན་གསུམ་ལྡན་སྨད་དུ་འགྱུར། །བཞི་གསུམ་ཉམས་པའི་ལྷག་མ་གཉིས་ལྡན་ཡིན། །བཞི་ཆ་གཅིག་ཀྱང་མེད་ན་རྩོད་ལྡན་ཏེ། །ཞེས་གསུངས་པ་ལྟར་སྤྱིར་སངས་རྒྱས་ཀྱི་བསྟན་པ་ཆ་བཞི་བྱས་ཏེ་དེ་ཡོངས་རྫོགས་གནས་པའི་ཚེ་བསྟན་པ་རྫོགས་ལྡན་དང་དེའི་ཆ་གཅིག་ཉམས་ཚེ་གསུམ་ལྡན་དང༌། ཆ་གཉིས་ཉམས་ཚེགཉིས་ལྡན་དང༌། ཆ་གསུམ་ཉམས་ཚེ་རྩོད་ལྡན་ཡིན་པའི་དུས་འདིར་རྡོ་རྗེ་འཆང་ངམ་རྡོ་རྗེ་སེམསདཔའ་དངོས་སུ་མཐོང་བའི་སྐལ་བ་མེད་པས་ཚེ་བླ་མ་རྡོ་རྗེ་སློབ་དཔོན་ནི་རང་རང་སོ་སོའི་སྐལ་བ་དང་མཐུན་པའི་མིའི་བཞིན་ལག་གི་གཟུགས་ཀྱི་རྣམ་པར་བསྟན་ནས་ཆོས་སྒྲུབ་པ་པོ་སྐལ་བ་དང་ལྡན་པ་རྣམས་ཀྱིས་མཆོད་པ་ཕུལ་བ་རྣམས་ལ་ཐུགས་བརྩེ་བས་མཆོད་པ་ལེན་ལ་འདུད།ཅེས་པའོ། །དེ་ཡང་མཐུ་སྟོབས་དབང་ཕྱུག་བིར་ཝ་པའི་ཞལ་ནས། རྩོད་པའི་དུས་འདིར་བདགདོན་དུ། །ཀུན་དང་མཐུན་པར་སྟོན་མཛད་པ། །དེ་ལྟར་ཤེས་ནས་དངོས་ཀུན་གྱིས། །བསྟེན་བྱ་དུས་གསུམ་སངས་རྒྱས་ཀྱི། །དངོས་གྲུབ་བདེ་ཆེན་ཐོབ་པར་འགྱུར། །ཞེས་དང༌། རྡོ་རྗེ་གུར་གྱི་རྒྱུདལས། ང་ནི་རྡོ་རྗེ་སེམས་དཔའ་ཞེས། །ང་ཉིད་སློབ་དཔོན་གཟུགས་སུ་འཛིན། །སེམས་ཅན་ཕན་བཏགས་དམིགས་ནས་ནི། །ཐ་མལ་པ་ཡི་གཟུགས་སུ་གནས། །ཞེས་དང༌།མདོ་ལས། ལྔ་བརྒྱཐ་མར་གྱུར་བ་ན། །ང་ནི་སློབ་དཔོན་གཟུགས་སུ་གནས། །ང་ཡི་མཉམ་དུ་ཡིད་བཅོས་ལ། །དེ་ལྟར་དེ་ལ་གུས་པ་བསྐྱེད། །ཅེས་གསུངས་སོ། །རིགས་ལྔའི་དཀྱིལ་འཁོར་ཡེ་ཤེས་ལྔ། །འགྲོ་བ་འདུལ་ཕྱིར་ཕུང་པོ་ལྔ། །ཚད་མེད་ལྷ་མོ་བཞིའི་དཀྱིལ་འཁོར། །འབྱུང་བཞིར་སྟོན་པ་ཡ་མཚན་རྨད། །སྤྱན་སོགས་ཡང་ནི་སེམས་དཔའ་བརྒྱད། །ཚིགས་སོགས་ཡང་དག་ཁྲོ་བོ་བཅུ། །གཟུགས་སོགས་ཡང་ནི་རྡོ་རྗེ་མ། །ཡེ་ཤེས་སྐུ་ལ་བདག་ཕྱག་འཚལ། །རྡོ་རྗེ་འཆང་ཁྱོད་ཀྱི་སྐུ་ནི་རིགས་ལྔའི་དཀྱིལ་འཁོར་ཏེ་མི་བསྐྱོད་པ་ཆོས་དབྱིངས་ཡེ་ཤེས། རྣམསྣང་མེ་ལོང་ཡེ་ཤེས། རིན་ཆེན་འབྱུང་ལྡན་མཉམ་ཉིད་ཡེ་ཤེས། སྣང་བ་མཐའ་ཡས་སོར་རྟོགསཡེ་ཤེས། དོན་ཡོད་གྲུབ་པ་བྱ་གྲུབ་ཡེ་ཤེས་ཏེ་ཡེ་ཤེས་ལྔ་དང༌། འགྲོ་བ་སེམས་ཅན་ཐམས་ཅད་འདུལ་བའི་ཕྱིར་ཕུང་པོ་ལྔ་སྟེ། རྣམ་ཤེས་ཀྱི་ཕུང་པོ་མི་བསྐྱོད་པ། གཟུགས་ཕུང་སྣང་བ་མཐའཡས། ཚོར་ཕུང་རིན་ཆེན་འབྱུང་ལྡན།འདུ་ཤེས་སྣང་བ་མཐའ་ཡས། འདུ་བྱེད་ཀྱི་ཕུང་པོ་དོནཡོད་གྲུབ་པ་སྟེ་རིགས་ལྔ་དང༌། བྱམས་པ་སོགས་ཚད་མེད་བཞི་དང་དེའི་ངོ་བོ་ལྷ་མོ་བཞིའི་དཀྱིལའཁོར་ནི་ཁྱོད་ཀྱི་སྐུའི་འབྱུང་བཞིར་སྟོན་པ་སྟེ། དེ་ཡང་ས་ཁམས་སྤྱན་མ། ཆུ་ཁམས་མ་མ་ཀི། མེ་ཁམས་གོས་དཀར་མོ། རླུང་ཁམས་དམ་ཚིག་སྒྲོལ་མ་སྟེ་འབྱུང་བ་བཞིའི་ཚུལ་དུ་སྟོན་པ་ཡམཚན་རྨད་དུ་བྱུང་བའོ། །བླ་མའི་སྤྱན་སོགས་ཡང་ནི་སེམས་དཔའ་བརྒྱད་བཞུགས་པ་རེད། དེཡང་བླ་མའི་སྤྱན་ལ་ས་ཡི་སྙིང་པོ་དང༌། སྙན་ལ་ཕྱག་ན་རྡོ་རྗེ། ཤངས་ལ་ནམ་མཁའི་སྙིང་པོ། ལྕེ་ལ་འཇིག་རྟེན་དབང་ཕྱུགལུས་ལ་སྒྲིབ་པ་རྣམ་སེལ། ཡིད་ལ་དེ་བཞིན་གཤེགས་པ་འཇམ་དབྱངས་བཞུགས་པའོ། །ཚིགས་བཅུ་སོགས་གསང་འདུས་ཀྱི་དཀྱིལ་འཁོར་ལྟར་ཡང་དག་པའི་ཁྲོ་བོ་བཅུ་ཡིན་པ་དང༌།བླ་མའི་གཟུགས་སོགས་ཡང་ནི་རྡོ་རྗེ་མ་སྟེ་གཟུགས་རྡོ་རྗེ་མ་སྒྲ་རྡོ་རྗེ་མ་དྲི་རྡོ་རྗེ་མ་རོ་རྡོ་རྗེ་མ་རེག་བྱ་རྡོ་རྗེ་མ་ཆོས་ཁམས་རྡོ་རྗེ་མ་སོགས་ཡེ་ཤེས་ཀྱི་སྐུའི་རང་བཞིན་རྡོ་རྗེ་འཆང་ཁྱོད་ལ་བདག་གི་སྒོ་གསུམ་གུས་པས་ཕྱག་འཚལ་ཞེས་པའོ།།དེ་དག་གི་དོན་ཡང་གསང་བ་འདུས་པའི་རྒྱུད་ལས། སེམས་དཔའ་ཆེན་པོ་ཁྱོད་ཉོན་ཅིག །རྡོ་རྗེ་སློབ་དཔོན་སྐུ་ལ་ནི། །རྒྱལ་བའི་སྐུ་ནི་རིམ་བཞིན་གནས། །དང་པོ་སྐུ་ཡི་རྡོ་རྗེ་ནི། །གཟུགས་ཕུང་ལ་ནི་ཡང་དག་བཞུགས། །དེ་རྗེས་ནམ་མཁའ་རྡོ་རྗེ་ནི། །ཚོར་བ་ཡི་ནི་ཕུང་པོར་བཞུགས། །བཅོམ་ལྡན་གསུང་གི་རྡོ་རྗེ་ནི། ། འདུ་ཤེས་ཀྱི་ནི་ཕུང་པོར་བཞུགས། །ལས་རྣམས་ཀྱི་ནི་རྡོ་རྗེ་ནི། །འདུ་བྱེད་ཀྱི་ནི་ཕུང་པོར་བཞུགས། །བཅོམ་ལྡན་ཐུགས་ཀྱི་རྡོ་རྗེ་ནི། །རྣམ་ཤེས་ཕུང་པོར་ཡང་དག་བཞུགས། །ཡང་འདིའི་ཤ་སོགས་ས་ཁམས་ལ། །བཅོམ་ལྡན་འདས་ཡུམ་སྤྱན་བཞུགས་སོ། །ཁྲག་སོགས་ཆུ་ཡི་ཁམས་ལ་ནི། །བཅོམ་ལྡན་འདས་ཡུམ་མཱ་མ་བཞུགས། །དྲོ་བ་ལ་སོགས་མེ་ཁམས་ལ། །བཅོམ་ལྡན་འདས་ཡུམ་གོས་དཀར་བཞུགས། །མི་བསྐྱོད་ལ་སོགས་རླུང་ཁམས་ལ། །བཅོམ་ལྡན་འདས་ཡུམ་སྒྲོལ་མ་བཞུགས། །དེ་མིག་དབང་པོ་གཉིས་ལ་ནི། །དེ་བཞིན་གཤེགས་པ་ས་སྙིང་པོ། །དེ་ཡི་རྣ་བའི་དབང་གཉིས་ལ། །བདེ་གཤེགས་ཕྱག་ན་རྡོ་རྗེའོ། །དེ་ཡི་སྣ་བུག་གཉིས་ལ་ནི། །དེ་བཞིན་གཤེགས་པ་ནམ་མཁའི་མཛོད། །དེ་བཞིན་གཤེགས་པ་འཇིག་རྟེན་དབང༌། །དེ་ཡི་ལྕེ་ཡི་དབང་ལ་གནས། །དེ་ཡི་ཡིད་ཀྱི་དབང་པོ་ལ། །དེ་བཞིནགཤེགས་པ་འཇམ་དབྱངས་བཞུགས། །ཁམས་བཞིའི་རང་བཞིན་གོང་བུ་ནི། །ལུས་ཞེས་བྱ་བར་བརྟགས་པ་ལ། །སྒྲིབ་པ་ཐམས་ཅད་རྣམ་སེལ་བ། །དེ་བཞིན་གཤེགས་པ་དེ་བཞུགས་སོ། །ལུས་ཀྱི་ཚིགས་ནི་ཐམས་ཅད་ལ། །དེ་བཞིན་གཤེགས་པ་ཀུན་དུ་བཟང༌། །ལུས་ཀྱི་རྩ་རྒྱུས་ཐམས་ཅད་ལ། །དེ་བཞིན་གཤེགས་པ་བྱམས་པའོ། །ལག་པ་གཡས་པའི་རྩ་བར་ནི། །དེ་བཞིན་གཤེགས་པ་གཤིན་རྗེའི་གཤེད། །ལག་པ་གཡོན་པའི་རྩ་བར་ནི། །དེ་བཞིན་གཤེགས་པ་གཞན་མི་ཐུབ། །ཁ་ཡི་པད་མར་བཞུགས་པ་ནི། །དེ་བཞིན་གཤེགས་པ་རྟ་མགྲིན་ནོ། །གསང་བའི་གནས་སུ་བཞུགས་པ་ནི། །དེ་བཞིན་གཤེགས་པ་བདུད་རྩི་འཁྱིལ། །དཔུང་པ་གཡས་པར་བཞུགས་པ་ནི། །དེ་བཞིན་གཤེགས་པ་མི་གཡོ་བ། །དཔུང་པ་གཡོན་པར་བཞུགས་པ་ནི། །དེ་བཞིན་གཤེགས་པ་འདོད་པའི་རྒྱལ། །པུས་མོ་གཡས་པར་བཞུགས་པ་ནི། །དེ་བཞིན་གཤེགས་པ་དབྱིག་པ་སྔོ། །པུས་མོ་གཡོན་པར་བཞུགས་པ་ནི། །དེ་བཞིན་གཤེགས་པ་སྟོབས་པོ་ཆེ། །རང་གི་མགོ་སྟེངས་བཞུགས་པ་ནི། །དེ་བཞིན་གཤེགས་པ་འཁོར་ལོ་སྒྱུར། །རྐང་པའི་འོག་ཏུ་བཞུགས་པ་ནི། །དེ་བཞིན་གཤེགས་པ་གནོད་མཛེས་ཏེ། །ལུས་ནི་འདི་ཉིད་ཀུན་ལ་འདིར། །དེ་བཞིན་གཤེགས་པ་ཐམས་ཅད་བཞུགས། །སྐུ་ཡི་དཀྱིལ་འཁོར་ཞེས་བརྗོད་པ། །རྡོ་རྗེ་སེམས་དཔའ་ཉིད་ཀྱི་སྐུ། །རྡོ་རྗེ་སེམས་དཔའི་དབྱེ་བ་ཡིས། །རྫོགས་པའི་སངས་རྒྱས་མ་ལུས་འདི། །ལུས་པ་མེད་པ་སངས་རྒྱས་སྐུ། །སྐྱེ་བ་འདི་ལ་རྣལ་འབྱོར་པ། །མྱ་ངན་འདས་པ་མྱུར་དུ་འཐོབ། །ཁྱོད་ཀྱི་དགེ་བ་ཡོངས་སྦྱིན་པ། །དེ་བས་རྡོ་རྗེ་སློབ་དཔོན་གྱི། །ལུས་ལ་རྒྱལ་བ་ཐམས་ཅད་བཞུགས། །མཐོང་ན་དོན་ནི་ཡོད་པ་ཀྱེ། །ཕྱི་མའི་དུས་ན་སེམས་དཔའ་ཆེ། ། དེ་བས་སེམས་ཅན་ཐམས་ཅད་ཀྱི། །ལྷ་ཡི་མཆོད་པའི་ཡོ་བྱད་ཀྱིས། །རབ་ཏུ་འབད་དེ་བླ་མ་བསྟེན། །དེ་ནས་མཐོང་བ་དོན་ཡོད་བཅས། །བྱང་ཆུབ་སེམས་དཔའ་གྲགས་པ་ཆེ། །དགའ་ཞིང་མགུ་བས་ཕྱག་བྱས་ནས། །བཅོམ་ལྡན་འདས་ལ་མཆི་མ་བླགས། །གསུང་དང་ཐུགས་ཀྱི་དཀྱིལ་འཁོར་བཞུགས། །ཞེས་གསུངས་པ་ལྟར་རོ། །སྐྱེ་འཆི་ཅན་གྱི་སྐུའོ་ཞེས། །ལོག་པར་བཟུང་བ་གནོང་ཞིང་འགྱོད། །དེ་བས་བསམ་པ་ཐག་པས་བཤགས། །བདག་ཀྱང་ཁྱེད་ལྟར་མངོན་གྱུར་ཅིག །བྱང་ཆུབ་ཕྱོགས་ཆོས་སུམ་ཅུ་བདུན། །བཅོམ་ལྡན་སྐུ་ཡི་ཆ་ཤས་ལགས། །ཅོད་པཎ་རིགས་ལྔ་བ་སྤུ་རྣམས། །དགྲ་བཅོམ་ལགས་ཏེ་དེ་བས་འདུད། །དཔལ་ལྡན་བླ་མ་ཁྱབ་བདག་རྡོ་རྗེ་འཆང་ཆེན་པོས་གདུལ་བྱའི་ངོར་སྐྱེ་འཆི་ཅན་དང་བགྲེས་རྒུད་ཅན་སོགས་སྟོན་ན་ཡང་དོན་དངོས་པོ་གནས་ཚུལ་ལ་བགྲེས་རྒུད་དང་སྐྱེ་འཆི་སོགས་དང་བྲལ་བ་ཡིན་པས་དེ་ལྟར་མ་རྟོགས་པས་སྐྱེ་འཆི་ཅན་གྱི་སྐུ་ཡིན་པའོ་ཞེས་ལོག་པར་བཟུང་བ་དེ་གནོང་ཞིང་འགྱོད་པ་བྱེད་དགོས་ཏེ། བླ་མའི་སྐུའི་སྐྱེ་འཆི་དང་བྲལ་བ་ལ་རང་ཉིད་ཕྱིན་ཅི་ལོག་ཏུ་བཟུང་བ་དེ་བས་ན་བསམ་པ་ཐག་པས་སྒོ་ནས་བཤགས་སོ། །བདག་ཀྱང་སྐྱེ་འཆི་མཐའ་དག་དང་བྲལ་བའི་ཡེ་ཤེས་ཀྱི་སྐུ་མཐར་ཐུག་པ་དཔལ་ལྡན་བླ་མ་དམ་པ་ཁྱེད་ལྟར་མངོན་དུ་གྱུར་བར་ཤོག་ཅིགདཔལ་ལྡན་བླ་མ་དམ་པ་དེ་ཉིད་བྱང་ཆུབ་ཕྱོགས་ཀྱི་ཆོས་སུམ་ཅུ་སོ་བདུན་དེ་དྲན་པ་ཉེ་བར་བཞག་པ་བཞི་དང༌།ཡང་དག་པར་སྤོང་བ་བཞི། རྫུ་འཕྲུལ་གྱི་རྐང་བ་བཞི།དབང་པོ་ལྔ། སྟོབས་ལྔ།བྱང་ཆུབ་ཀྱི་ཡན་ལག་བདུན།འཕགས་པའི་ལམ་ཡན་ལག་བརྒྱད་ཀྱི་བདག་ཉིད་དུ་བཞུགསཔ་དང༌། བྱང་ཆུབ་ཀྱི་ཆོས་སོ་བདུན་ནི་བཅོམ་ལྡན་འདས་ཀྱི་སྐུ་ཡི་ཆ་ཤས་ལགས་པའམ་ཡིན་པ་དང༌།ཁྱེད་ཀྱི་དབུའི་ཅོད་པཎ་ནི་རྡུལ་རྫས་ལས་གྲུབ་པ་མ་ཡིན་པར་རྒྱལ་བ་རིགས་ལྔ་དངོས་ཡིན་པ་དང༌། བ་སྤུ་བྱེ་བ་ཕྲག་གསུམ་རྣམས་ནི་སྤྲུལ་བའི་དགྲ་བཅོམ་པ་བྱེ་བ་ཕྲག་གསུམ་ལགས་ཏེ་རྒྱུ་མཚན་དེ་བས་སྒོ་གསུམ་གུས་པ་ཆེན་པོས་འདུད། དེ་ཡང་རྡོ་རྗེ་མཁའ་འགྲོ་སོ་གཉིས་པའི་རྒྱུད་ལས།སངསརྒྱས་ཀུན་གྱི་རང་བཞིན་སྐུ། །ཡན་ལག་བྱང་ཆུབ་སེམས་དཔའ་དེ། །བ་སྤུ་རྣམས་ནི་དགྲ་བཅོམ་ཉིད། །སྤྱི་གཙུག་རིགས་ལྔ་སངས་རྒྱས་ཏེ། །ཞེས་གསུངས་པ་ལྟར་རོ། །འཇིག་རྟེན་ལྷ་རྣམས་ཁྱོད་ཀྱི་གདན། །སྲིད་གསུམ་བླ་མ་ཁྱོད་ཉིད་ལགས། །ཁྱོད་ནི་དཀོན་མཆོག་གསུམ་ལགས་ཤིང། །རིན་ཆེན་གསུམ་གྱི་བྱེད་པོར་གསུངས། །གཡོ་སྒྱུའི་ཚིག་ཙམ་མ་ཡིན་པར། །དེང་ནས་བྱང་ཆུབ་སྙིང་པོའི་བར། །བསམ་པ་ཐག་པས་སྐྱབས་སུ་མཆི། །ལྷག་པར་དད་པས་ཕྱག་འཚལ་ལོ། །འཇིག་རྟེན་པའི་ལྷ་ཚངས་པ་སོགས་དཀར་ཕྱོགས་ལ་མངོན་པར་མི་དགའ་བ་རྣམས་དབང་མེད་དུ་བཀུག་ནས་ཁྱབ་བདག་རྡོ་རྗེ་འཆང་ཁྱོད་ཀྱི་ཞབས་འོག་མནན་པའི་གདན་དང་འདྲ་ལ། ཁམསགསུམ་མམ་སྲིད་གསུམ་བླ་མ་ནི་དཔལ་ལྡན་བླ་མ་དམ་པ་ཁྱོད་གཅིག་པུ་ཉིད་ལགས་ཏེ། རྡོ་རྗེའཆང་ཁྱོད་ནི་དཀོན་མཆོག་གསུམ་ཀུན་འདུས་པའི་བདག་ཉིད་ལགས་ཤིང༌།དཀོན་མཆོག་རིན་པོ་ཆེ་གསུམ་གྱི་བྱེད་པོ་སྟེ་ཁྱོད་ནི་སྤངས་རྟོགས་མཐར་ཕྱིན་པའི་སངས་རྒྱས་ཐམས་ཅད་ཀྱིས་དང་པོ་སེམས་བསྐྱེད་པ་དང༌། བར་དུ་རྒྱལ་སྲས་ཀྱི་སྤྱོད་པས་གྲོགས་བྱེད་པའི་སྒོ་ནས་བྱེད་པ་པོདང༌། གདུལ་བྱ་སེམས་ཅན་ཐམས་ཅད་ཐུན་མོང་དང་མཆོག་གི་དངོས་གྲུབ་ཐོབ་པར་བྱེད་པ་པོཡིན་པར་མདོ་རྒྱུད་ཀུན་ཏུ་གསུངས་པ་ཡིན་ཏེ། དཔལ་མཆོག་འབྱུང་བ་ཞེས་བྱ་བའི་རྒྱུད་ཀྱི་རྒྱལ་པོ་ལས། བླ་མ་སངས་རྒྱས་བླ་མ་ཆོས། །དེ་བཞིན་བླ་མ་དགེ་འདུན་ཏེ། །ཀུན་གྱི་བྱེད་པོ་བླ་མ་ཡིན། །བླ་མ་རྣམས་ལ་ཕྱག་འཚལ་ལོ། །ཞེས་གསུངས་པ་ལྟར་ཡིན་ནོ། །བླ་མ་ལ་དད་པ་མེད་བཞིན་དུ་ཡོད་པའི་ཚུལ་སྟོན་པ་གཡོ་སྒྱུ་དང་རྒྱུ་མཚན་མེད་པའི་གཞན་གྱི་གཡམ་ལ་རྒྱུག་པ་ཚིག་ཙམ་མ་ཡིན་པར་དུས་དེང་ནས་བཟུང་སྟེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་སྙིང་པོའི་མ་ཐོབ་ཀྱི་བར་དུ་བསམ་པ་སྙིང་ཐག་པས་རང་གཞན་སེམས་ཅན་ཐམས་ཅད་སྲིད་ཞི་འཇིགས་པ་ལས་སྐྱོབས་པའི་སྐྱབས་སུ་མཆི་བ་སྟེ་བསྟེན་པ་དང༌། རྡོ་རྗེ་འཆང་དངོས་རྩ་བའི་བླ་མ་བཀའ་དྲིན་སངས་རྒྱསཀུན་ལས་ཀྱང་ལྷག་པར་ཆེ་བས་སྒོ་གསུམ་དད་པས་ཕྱག་འཚལ་ལོ།། དེ་ཡང་རྡོ་རྗེ་མཁའ་འགྲོ་སོ་གཉིས་པའི་རྒྱུད་ལས། འཇིག་རྟེན་པ་ནི་ཞབས་ཀྱི་གདན། །འོག་ཟུར་གནོད་ཅན་ཚངས་ལ་སོགས། །དེ་དག་ཡོན་ཏན་རང་བཞིན་ལུས། །རྣལ་འབྱོར་ཅན་གྱིས་རྟག་ཏུ་ལྟ། །ཞེས་པའི་དོན་ཡང་ཡིན་ནོ། །དཔལ་ལྡན་བླ་མ་དམ་པ་ལ་རང་ཉིད་དངོས་གྲུབ་ཐོབ་པའི་ཆེད་ཙམ་ཕྱག་འཚལ་བ་མ་ཡིན་པར་འཕགས་པའི་དགེ་འདུན་རྒྱ་མཚོའི་མངའ་བདག་ནི་རྡོ་རྗེ་སློབ་དཔོན་ཡིན་ལ་ཐམས་ཅད་ཀྱིས་སྔོན་དུ་ལྷག་པར་དད་པ་བྱ་དགོས་པ་ཡིན་ཏེ། ཏ་ལ་ལའི་མདོར། དད་པ་སྔོན་འགྲོ་མ་ལྟར་བསྐྱེད་པ་སྟེ། །ཡོན་ཏན་ཐམས་ཅད་བསྲུང་ཞིང་འཕེལ་བར་བྱེད། །མི་དགེ་སེལ་ཞིང་ཆུ་བོ་རྣམས་ལས་སྒྲོལ། །དད་པ་བདེ་བའི་གྲོང་ཁྱེར་མཚོན་པ་ཡིན། །དད་པས་རྟོག་པ་སེལ་ཞིང་སེམས་དད་བྱེད། །ང་རྒྱལ་སྤོང་ཞིང་གུས་པའི་རྩ་བ་ཡིན། །དད་པ་གཏེར་དང་ནོར་དང་རྐང་པའི་མཆོག །ལག་པ་བཞིན་དུ་དགེ་བའི་སྡུད་རྩ་ཡིན། །དད་པས་ཡོངས་སུ་གཏོང་ལ་དགའ་བར་བྱེད། །དད་པས་རྒྱལ་བའི་ཆོས་ལ་རབ་དགའ་བསྐྱེད། །དད་པས་ཡོན་ཏན་ཡེ་ཤེས་ཁྱད་པར་འཕགས། །སངས་རྒྱས་གོ་འཕང་ཐོབ་ཅིང་ཐོབ་པར་བྱེད། །ཅེས་དང༌། ཆོས་བཅུ་བའི་མདོ་ལས། དད་པ་ཐེག་པའི་མཆོག་ཡིན་ཏེ། །དེསནི་འདྲེན་པ་ངེས་པར་འབྱུང། །དེ་ཕྱིར་བློ་དང་ལྡན་པའི་མི། །དད་པའི་རྗེས་སུ་འབྲང་ལ་བརྟེན། །དད་པ་མེད་པའི་མི་དག་ལ། །དཀར་པོའི་ཆོས་རྣམས་མི་སྐྱེ་སྟེ།། ས་བོན་མེ་ཡིས་ཚིག་པ་ལ། །མྱུ་གུ་སྔོན་པོ་ཇི་བཞིན་ནོ། །ཞེས་དང༌། །མདོ་སྡེ་རྒྱ་ཆེར་རོལ་པར། ཀུན་དགའ་བོ་དད་པ་ལ་བརྩོན་པར་གྱིས་ཤིག །ཅེས་དང། སེང་གེས་ཞུས་པའི་མདོར། དད་པས་མི་ཁོམ་སྤོང་བར་འགྱུར། །ཞེས་གསུངས། འོད་དཔག་མེད་ཞིང་གི་བཀོད་པའི་མདོ་ལས། སངས་རྒྱས་དང་ཆོས་དང་དགེ་འདུན་དང་སློབ་དཔོན་དང་མཁན་པོ་དང། དགེ་བའི་བཤེས་གཉེན་ལ་གུས་པ་དང་བཅས་པ་ནི་སྔོན་དུ་འགྲོའོ།། ཞེས་སོ། །འཕགས་པ་སྡོང་པོ་བཀོད་པའི་མདོར། དད་པ་ཡིད་བཞིན་ནོར་བུ་བུམ་པ་བཟང༌། །འདོད་དགུ་འཇོ་བའི་བཞོན་མཚུངས་པ། །བླ་མ་དང་ནི་སངས་རྒྱས་ལ།། དེ་ལྟ་བས་ན་མགུ་བར་བྱ། །སངས་རྒྱས་དད་པའི་བསོད་ནམས་གང། །སངས་རྒྱས་ཞིང་དུ་སྐྱེ་བར་འགྱུར། །ཞེས་གསུངས།འཕགས་པ་ཡན་ལག་མེ་ཏོག་མཆོག་གི་མདོར། སངས་རྒྱས་ཕྲད་ན་ཤིན་ཏུ་དད། །དད་ནས་ཤིན་ཏུ་གུས་པར་འགྱུར། །གུས་པས་ནན་ཏན་བྱེད་པས་ན། །མྱུར་དུ་བྱང་ཆུབ་ཐོབ་པར་འགྱུར། །ཞེས་སོགས་མང་དུ་གསུངས་སོ། །དེ་ཡང་བླ་མ་རྡོ་རྗེ་སློབ་དཔོན་མ་ཟད་ཚིགས་སུ་བཅད་པ་གཅིག་ཙམཞུས་པའི་བླ་མ་ལ་དད་པ་དང་གུས་པ་བྱེད་དགོས་ཏེ། ཁྱིམ་བདག་དྲག་ཤུལ་གྱིས་ཞུས་པའི་མདོལས། ཚིག་བཞི་པའི་ཚིགས་སུ་བཅད་པ་སུ་ལ་མཉན་ནམ། ལུང་ནོད་དམ། བླངས་པའི་སློབ་དཔོནདེ་ལ་ཆོས་ཀྱི་གུས་པར་བྱའོ། །ཞེས་སོགས་མང་དུ་བསྡུའོ། །དེ་ནས་དད་པའི་ཞིང་ནི་སློབ་དཔོན་ཡིན་པས་བླ་མའི་རྣམ་ཐར་བཤད་པར་བྱ། ཞེས་མདོ་རྒྱུད་དུ་མར་གསུངས་ཏེ། དྲི་མེད་གྲགས་པསཞུས་པའི་མདོ་ལས། རབ་འབྱོར། གང་ལ་ལ་ཞིག་གིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱིཁམས་འདིར། རིན་པོ་ཆེ་སྣ་བདུན་གྱིས་རབ་ཏུ་གང་བར་བྱས་ཏེ། སྦྱིན་པ་བྱིན་ན་བསོད་ནམསམང་དུ་བསྐྱེད་དམ། རབ་འབྱོར་གྱིས་གསོལ་པ། བཅོམ་ལྡན་འདས་མང་ལགས་སོ། །བདེ་བརགཤེགས་པ་མང་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། གང་ལ་ལ་ཞིགགིས་བླ་མའི་རྣམ་ཐར་གྱི་ཚིག་བཞི་པའི་ཕྱེད་ཙམ་སྟོན་ན། དེ་བས་བསོད་ནམས་མང་དུ་བསྐྱེད་པར་འགྱུར་རོ། །ཞེས་གསུངས་པ་ལྟར་ནང་ཆོས་ལ་སློབ་སྦྱངས་བྱེད་མཁན་གྱི་མི་སུ་དང་གང་ཡིན་ན་ཆོས་ཚིགས་སུ་བཅད་པ་གཅིག་ཙམ་ཞུས་སའི་བླ་མ་ལ་དད་པས་སྒོ་ནས་ཆོས་ཞུས་དགོས་པ་ལས་དད་པ་དང་མོས་གུས་མེད་ན་བླ་མའི་གསུང་གི་དོན་ཤེས་པར་མི་འགྱུར་བ་དང་ཆོས་ལ་དབུལ་ཕོངས་བར་འགྱུར་ཏེ། བརྒྱད་སྟོང་བ་ལས། མི་ཉན་ན་མི་ཐོས། མ་ཐོས་ན་མི་ཤེས། མ་ཤེས་ན་མི་མཐོང༌།མ་མཐོང་ན་དེའི་དོན་རྟོགས་པར་མི་འགྱུར། དེའི་དོན་མ་རྟོགས་ན་ཆོས་ཀྱི་དབུལ་འཕོངས་བར་འགྱུར་རོ། །ཞེས་གསུངས་པ་ནང་བཞིན་ཡིན་ནོ། །གཉིས་པ་མཆོད་པ་འབུལ་བའི་ཡན་ལག་ལ་ཞིང་མཆོག་ཏུ་སྒྲུབ་པའི་སྒོ་ནས་སྤྲོ་བ་བསྐྱེད་པ་དང༌། མཆོད་པ་འབུལ་བ་དངོས་དང་གཉིས། དང་པོ་ཞིང་མཆོག་ཏུ་སྒྲུབ་པའི་སྒོ་ནས་སྤྲོ་བ་བསྐྱེད་པ་ནི།དམངས་རིགས་ཉིས་སྟོང་བྲམ་ཟེ་གཅིག་དང་མཉམ། །དེ་བཞིན་བྲམ་ཟེ་དགེ་སློང་རྡུལ་མེད་དང། །ཡེ་ཤེས་ལྡན་རྣམས་སྟོང་ཕྲག་གཉིས་གཉིས་སུ། །བསྒྲེས་པའང་སློབ་དཔོན་གཅིག་དང་ཞིང་མཉམ་པར། །གསུངས་ཕྱིར་མགོན་པོ་རྡོ་རྗེ་སློབ་དཔོན་ཁྱོད། །ཞིང་གི་རབ་མཆོག་ཕུལ་དུ་དབྱུང་མེད་པས། །སྲོག་གཅོད་མ་བྱིན་ལེན་སོགས་མི་དགེ་བཅུ་ལ་ལོངས་སྤྱོད་པ་ཐ་མལ་བ་དམངས་རིགས་ཉིས་སྟོང་ལ་བཟའ་བཏུང་སོགས་སྦྱིན་པ་སྦྱིན་པ་དང་བྲམ་ཟེ་རྩ་བཞི་ཆང་ལྔ་བསྲུང་བའི་དམ་བཅའ་དང་ལྡན་པའི་དགེ་བསྙེན་གཅིག་ལ་བསོད་སྙོམས་འབུལ་བ་དེ་གཉིས་ཞིང་མཉམ་པ་དང༌། དེ་བཞིན་དུ་བྲམ་ཟེ་གཉིས་སྟོང་ལ་མཆོད་པ་འབུལ་བ་དང་དགེ་སློང་རྣམ་དག་གཅིག་དང་ཞིང་མཉམ་པ་ཡིན་པ་དང༌། དགེ་སློང་གཉིས་སྟོང་ལ་མཆོད་པ་ཕུལ་བ་དང་ཐེག་དམན་གྱི་མཐོང་སྤང་གི་རྡུལ་དང་བྲལ་ཞིང་མེད་པའི་མཐོང་ལམ་པ་དངཞིང་མཉམ་པ་དང༌། ཐེག་དམན་འཕགས་པ་སྟོང་གཉིས་ལ་མཆོད་པ་ཕུལ་བ་དང་སྟོང་ཉིད་མངོན་སུམ་དུ་རྟོགས་པའི་ཡེ་ཤེས་དང་ལྡན་པ་རྣམས་ལ་མཆོད་པ་ཕུལ་བ་ཡིན་ན་བསོད་ནམས་ཀྱི་ཞིང་མཉམ་པ་ཡིན་པ་དང༌། སྟོང་ཉིད་མངོན་སུམ་དུ་རྟོགས་པའི་ཡེ་ཤེས་དང་ལྡན་པའི་སྟོང་ཕྲག་གཉིས་ལ་མཆོད་པ་ཕུལ་བ་སོགས་སྟོང་ཕྲག་གཉིས་གཉིས་སུ་བསྒྲེས་པ་ནའང་བླ་མ་རྡོ་རྗེ་སློབ་དཔོན་གཅིག་དང་ཞིང་མཉམ་པ་ཡིན་པར་མདོ་རྒྱུད་དུ་མར་ཡང་ཡང་གསུངས་པའི་ཕྱིར་ན་སྲིད་ཞི་འཇིགས་པ་ལས་སྐྱོབས་པའི་མགོན་པོ་རྡོ་རྗེ་སློབ་དཔོན་ཁྱོད་ནི་གདུལ་བྱ་རྣམས་ཀྱི་ཚོགས་བསགས་པའི་ཞིང་གི་རབ་དང༌། མཆོག་དང་ཕུལ་དུ་དབྱུང་བ་མེད་པ་སྟེ་བླ་ན་མེད་པའོ། །དེ་ཡང་རྡོ་རྗེ་གདན་གྱི་རྒྱུད་འགྲེལ་ལས། སངས་རྒྱས་ཞིང་སོགས་ཞིང་རྣམས་ལ། །ཁྱད་པར་དུ་ནི་སྦྱིན་ལ་སྤྱོད། །དམངས་རིགས་སྟོང་ཕྲག་གཉིས་དག་ཀྱང༌། །བྲམ་ཟེ་གཙང་མ་གཅིག་དང་འདྲ། །བྲམ་ཟེ་སྟོང་ཕྲག་གཉིས་དག་ནི། །དགེ་སློང་གཅིག་དང་རབ་ཏུ་སྦྱར། །དགེ་སློང་སྟོང་ཕྲག་གཉིས་དག་ནི། །རྡུལ་མེད་པ་ནི་གཅིག་དང་མཉམ། །རྡུལ་མེད་སྟོང་ཕྲག་གཉིས་དག་ནི། །ཡེ་ཤེས་ལྡན་པ་གཅིག་དང་སྦྱར། །ཡེ་ཤེས་ལྡན་པ་སྟོང་ཕྲག་གཉིས། །སློབ་དཔོན་གཅིག་དང་མཉམ་པར་བརྟག །དེ་ལྟར་སྦྱིན་པའི་ཞིང་བྱས་ནས། །བློ་དང་ལྡན་པས་རྟག་ཏུ་སྦྱིན། །ཞེས་གསུངས་སོ། །རྒྱལ་ཁྱོད་མཉེས་པར་བྱས་ན་ཀུན་མཁྱེན་མཆོག །ཡེ་ཤེས་བླ་མེད་ཐོབ་པར་ཡང་ཡང་གསུངས། །སློབ་དཔོན་རྡོ་རྗེ་སེམས་དཔའ་མཆོད་པ་དེས། །བསོད་ནམས་ཀུན་བྱས་དཀའ་ཐུབ་ཐམས་ཅད་བསྟེན། །རྒྱལ་བ་སངས་རྒྱས་ཀུན་འདུས་ཀྱི་བདག་ཉིད་ཁྱབ་བདག་རྡོ་རྗེ་འཆང་ཆེན་པོ་ཁྱོད་མཉེས་པར་བྱས་ན་ཤེས་བྱའི་ཆོས་ཐམས་ཅད་ཅིག་ཆར་མངོན་སུམ་དུ་མཁྱེན་པའི་ཀུན་མཁྱེན་མཆོག་དང༌། ཡེ་ཤེསབླ་ན་མེད་པ་ཐོབ་པར་མདོ་རྒྱུད་ཐམས་ཅད་དུ་ཡང་ཡང་གསུངས་པ་རེད། དེ་ཡང་གསང་འདུས་རིམ་ལྔ་ལས། མཆོད་པ་ཐམས་ཅད་ཡོངས་སྤངས་ནས། །བླ་མ་མཆོད་པ་ཡང་དག་བརྩམས། །དེ་མཉེསཔས་ནི་ཀུན་མཁྱེན་གྱི། །ཡེ་ཤེས་མཆོག་ནི་ཐོབ་པར་འགྱུར། །བླ་མེད་བྱེད་པ་སློབ་དཔོན་གྱི། །རྡོ་རྗེ་སེམས་དཔའ་མཆོད་བྱས་པས། །དེ་ཡིས་བསོད་ནམས་མ་བྱས་ཅི། །དཀའ་ཐུབ་མ་བསྟེན་གང་ཞིག་ཡོད། །དེ་ཉིད་མི་བཟང་འདོད་པ་ཡིས། །ཤིན་ཏུ་ཡིད་འོང་གང་དང་གང། །ཤིན་ཏུ་ཁྱད་པར་གྱུར་པ་ཉིད། །དེ་དང་དེ་ནི་བླ་མར་འབུལ། །ཞེས་དང༌། བླ་མ་ལྔ་བཅུ་པ་ལས། འདིར་མང་སྨྲས་པས་ཅི་ཞིག་བྱ། །བླ་མ་མཉེས་བྱེད་གང་ཡིན་བྱ། །མི་མཉེས་བྱེད་ཀུན་སྤང་པ་ནི། །དེ་དང་དེ་ལ་འབད་པས་སྤྱད། །དངོས་གྲུབ་སློབ་དཔོན་རྗེས་འབྲང་བར། །རྡོ་རྗེ་འཛིན་པ་ཉིད་གསུངས་ཕྱིར། །ཤེས་ནས་དངོས་པོ་ཐམས་ཅད་ཀྱིས། །བླ་མ་ཡོངས་སུ་མཉེས་པར་བྱ། ། ཞེས་དང༌། རྡོ་རྗེ་སྙིང་པོ་རྒྱན་གྱིརྒྱུད་ལས།དེ་བས་ཐབས་ནི་ཐམས་ཅད་ཀྱིས། །རྡོ་རྗེ་འཛིན་པ་བླ་མ་མཆོག །རྗེས་སུ་མཐུན་པས་མཉེས་པར་བྱ། །དེ་མཉེས་སངས་རྒྱས་ཐམས་ཅད་མཉེས། །ཞེས་གསུངས་སོ། །འདིར་སློབ་དཔོན་རྡོ་རྗེ་སེམས་དཔའ་ལ་ཐ་མ་ཟང་ཟིང་དང་འབྲིང་བཀུར་སྟི་དང་རིམ་གྲོ་བྱེད་པའི་མཆོད་པ་དང༌། རབ་བཀའ་བཞིན་སྒྲུབ་པའི་མཆོད་པ་བྱེད་པ་དེས་སྐྱེས་བུ་ཆུང་ངུས་ལས་འབྲས་ལ་དད་པའིབསོད་ནམས་དང༌། སྐྱེས་བུ་འབྲིང་གིས་བདེན་བཞི་མི་རྟག་བཅུ་དྲུག་རྟོགས་པའི་བསོད་ནམསདང༌། སྐྱེས་བུ་ཆེན་པོས་བྱང་ཆུབ་ཀྱི་སེམས་དང་བསྡུ་པའི་དངོས་པོ་བཞི་ཕ་རོལ་ཏུ་ཕྱིན་པ་དྲུགདང་ཟག་མེད་སྡེ་ཚན་ཉེར་གཅིག་སོགས་བསོད་ནམས་ཀུན་བྱས་པ་མཉམ་པ་དང༌།རྩ་བཞི་ཆངལྔ་བསྲུང་བའི་དགེ་བ་དགེ་བསྙེན་གྱི་དཀའ་ཐུབ་དང༌། བླང་འདས་སུམ་ཅུ་བསྲུང་བའི་དགེ་ཚུལ་གྱི་དཀའ་ཐུབ་དང༌། ཁྲིམས་གཉིས་བརྒྱ་ལྔ་བཅུ་རྩ་གསུམ་བསྲུང་བའི་དགེ་སློང་གི་དཀའ་ཐུབདང༌། བདག་ཡལ་བར་དོར་ནས་གཞན་གཅེས་པར་འཛིན་པའི་སྒོ་ནས་བྱང་ཆུབ་སེམས་ཀྱི་དཀའཐུབ་དང༌། གང་སྣང་ལྷའི་རྣལ་འབྱོར་དུ་ཤར་བའི་བསྐྱེད་རིམ་གྱི་དཀའ་ཐུབ་དང༌། གཟུང་འཛིནགྱིས་བསྡུས་པའི་ཆོས་ཐམས་ཅད་ཆོས་སྐུ་རྣམ་རོལ་དུ་ཤར་བ་རྫོགས་རིམ་གྱི་དཀའ་ཐུབ་དེ་ཐམས་ཅད་ཚུལ་བཞིན་དུ་བསྟེན་པ་དང་འདྲ་བའོ་ཞེས་གསུངས་པ་ཡིན་ནོ། །སྡིག་འཇོམས་སྡུག་བསྔལ་ཞི་མཛད་སྲིད་པ་ཡི། །རྒྱ་མཚོའི་འཇིངས་ལས་སྒྲོལ་མཛད་ལ་ཕྱག་འཚལ། །རང་གིས་ཐོག་མེད་ནས་བསགས་པའི་མི་དགེ་བ་བཅུ་དང་མཚམས་མེད་པ་ལྔ་ལ་སོགས་པ་སྡིག་པ་མི་དགེ་བའི་ལས་ཅི་མཆིས་པ་ཐམས་ཅད་འཇོམས་པར་མཛད་པ་དང་སྡུག་བསྔལ་མ་ལུས་པ་ཞི་བར་མཛད་ཅིང་སྲིད་པ་འཁོར་བ་ཡི་སྡུག་བསྔལ་རྒྱ་མཚོའི་འཇིངས་སྟེ་དཀྱིལ་དང༌། ངམ་ཀློང་ལས་སྒྲོལ་བར་མཛད་པ་དཔལ་ལྡན་བླ་མ་དམ་པ་ལ་སྒོ་གསུམ་གུས་པས་ཕྱག་འཚལ་ལོ།།འདིདག་སྐབས་སུ་མཆོད་པ་འབུལ་བའི་ཡུལ་ཞིང་ཁྱད་པར་ཅན་གསུངས་པ་ཡིན་དེ་ཡང་སློབ་དཔོན་ལ་མཆོད་པ་འབུལ་བ་ཡིན་ན་བསོད་ནམས་ཐམས་ཅད་བསགས་པའི་གོ་ཆོད་པ་དང་དཀའ་ཐུབ་ཐམས་ཅད་བསྟེན་པའི་གོ་ཆོད་པ་ཡིན་པས་སྡིག་པ་ཐམས་ཅད་འཇོམས་ཐུབ་པ་དང་སྡུག་བསྔལ་མ་ལུས་པ་ཞི་བར་མཛད་པ་དང་འཁོར་བ་སྡུག་བསྔལ་གྱི་རྒྱ་མཆོའི་འཇིངས་ལས་སྒྲོལ་ཐུབ་པ་ཡིན་པ་ལ་སོགས་པ་སློབ་དཔོན་དེ་ཉིད་ཞིང་ཁྱད་པར་ཅན་ཡིན་པ་ངོ་སྤྲད་པ་ཡིན་ནོ། །གསང་འདུས་རིམ་ལྔ་ལས། བླ་མེད་བྱེད་པ་སློབ་དཔོན་གྱི། །རྡོ་རྗེ་སེམས་དཔའ་མཆོད་བྱས་པས། །དེ་ཡིས་བསོད་ནམས་མ་བྱས་ཅི། །དཀའ་ཐུབ་མ་བསྟེན་གང་ཞིག་ཡོད། །ཅེས་དང༌། བླ་མ་ཡིས་ནི་སྡིག་པ་འཕྲོག །སློབ་དཔོན་གྱིས་ནི་འཇིགས་པ་སེལ། །སློབ་དཔོན་གྱིས་ནི་སྡུག་བསྔལ་གྱི། །རྒྱ་མཚོ་འཇིངས་ལས་ཕ་རོལ་སྒྲོལ། །ཞེས་གསུངས་པ་ལྟར་བླ་མ་རྡོ་རྗེ་སློབ་དཔོན་དེ་ཉིད་ཞིང་ཁྱད་པར་ཅན་ཡིན་པ་ཧ་གོ་སོང་ན་དེ་ལ་མཆོད་པ་འབུལ་བ་དང་ཕྱག་འཚལ་བ་སོགས་སྤྲོ་བ་སྐྱེ་ཐུབ་པ་དང༌། སྤྲོ་བ་སྐྱེ་ཐུབན་སློབ་དཔོན་ལ་མཆོད་པ་འབུལ་བ་དངོས་དེ་ཡོང་ཐུབ་པ་དང༌། མཆོད་པ་འབུལ་བ་དངོས་སུ་ལགལེན་ཐེབ་པ་ཡིན་ན་བསོད་ནམས་ཀྱི་ཚོགས་རླབ་པོ་ཆེ་གསོག་ཐུབ་པ་ཡིན་པས་རྒྱུ་མཚན་གྱིས་ཐམས་ཅད་མཁྱེན་པ་ཏཱ་ར་ནཱ་ཐས་གདུལ་བྱ་སེམས་ཅན་རྣམས་ལ་ངོ་སྤྲད་པ་ཡིན་ནོ། །ཁྱོད་ལ་རྗེས་མཐུན་གུས་པས་ཡོན་ཕུལ་ན། །རིམས་སོགས་གནོད་པ་མི་འབྱུང་ཕྱོགས་བཅུ་ཡི། །རྒྱལ་བ་ཀུན་ལ་ཕུལ་བར་འགྱུར་བས་ན། །དངོས་གྲུབ་མཆོག་ནི་ངེས་པར་ཐོབ་པར་གསུངས། །བླ་མ་དགེ་བའི་བཤེས་གཉེན་ཁྱབ་བདག་རྡོ་རྗེ་འཆང་ཆེན་པོ་ཁྱོད་ཀྱི་རྟེན་དགེ་ཚུལ་སློང་ཡིན་ན་དེ་དང་རྗེས་མཐུན་པའི་རབ་བྱུང་གི་གོས་རྣམ་གསུམ་སོགས་ལ་སྒོ་གསུམ་གུས་པས་ཡོན་ཕུལ་ན་རིམས་ནད་དང་མི་དང་མི་མ་ཡིན་གྱི་གནོད་པ་ཐམས་ཅད་མི་འབྱུང་བ་དང༌། དེ་ལྟ་བུའི་མཆོད་པའི་ཕན་ཡོན་དེར་མ་ཟད་ཕྱོགས་བཅུའི་རྒྱལ་བ་སངས་རྒྱས་ཀུན་ལ་མཆོད་པ་ཕུལ་བར་འགྱུར་བས་ན་དངོས་གྲུབ་མཆོག་ནི་ངེས་པར་ཐོབ་པ་ཡིན་པར་མདོ་རྒྱུད་ཐམས་ཅད་དུ་གསུངས། དེ་ཡང་གསང་འདུས་རིམ་ལྔ་ལས། དེ་མཉེས་པས་ནི་ཀུན་མཁྱེན་གྱི། །ཡེ་ཤེས་མཆོག་ནི་ཐོབ་པར་འགྱུར། །ཞེས་དང༌།དེ་ཉིད་མི་བཟད་འདོད་པ་ཡིས། །ཤིན་ཏུ་ཡིད་འོང་གང་དང་གང༌། །ཤིན་ཏུ་ཁྱད་པར་གྱུར་པ་ཉིད། །དེ་དང་དེ་ནི་བླ་མར་འབུལ། །གསུངས་པ་ལྟར་རང་ཉིད་ཀྱི་ཡིད་དུ་འོང་བའི་དངོས་པོ་ཅི་མཆིས་པ་དེ་དག་བླ་མ་ལ་མཆོད་པ་ཕུལ་བ་ཡིན་ན་དངོས་གྲུབ་མཆོག་ཐོབ་ཐུབ་པ་ཡིན་པ་དེ་སྔོན་བྱོན་དམ་པ་གོང་མའི་རྣམ་ཐར་ལས་གྲུབ་ཆེན་ས་ར་ཧ་དང་ཨིནྚ་བྷོ་དྷི་སོགས་ཚེ་གཅིག་ལ་མཆོག་གི་དངོས་གྲུབ་ཐོབ་པ་དང༌། གཞན་ཡང་རྗེ་བཙུན་མི་ལ་རས་པ་ཡང་ཚེ་གཅིག་གིས་ཟུང་འཇུག་གི་སྐུ་གྲུབནས་ཁ་སྦྱོར་ཡན་ལག་བདུན་ལྡན་གྱི་ངོར་སངས་རྒྱས་པ་ལ་སོགས་པ་བླ་མ་ལ་མཆོད་པ་འབུལ་བ་དང་གུས་པས་བསྟེན་ན་མཆོག་གི་དངོས་གྲུབ་དེ་ཉིད་ངེས་པར་ཐོབ་པ་དེ་མདོ་རྒྱུད་དུ་མ་ནས་གསུངས་པ་ཡིན། དེ་ཡན་ཆད་དུ་དཔལ་ལྡན་བླ་མ་དམ་པ་ཁྱབ་བདག་རྡོ་རྗེ་འཆང་དེ་ཉིད་མཆོད་པའི་ཞིང་ཁྱད་པར་ཅན་ཡིན་པ་སྒྲུབ་ནས་མཆོད་པ་ལ་སྤྲོ་བ་བསྐྱེད་པ་དེ་སོང་ཟིན་པའོ། །རྗེ་ཐམས་ཅད་མཁྱེན་པ་ཏཱ་ར་ནཱ་ཐའི་གསུངས་བླ་མཆོད་ཀྱི་བཤད་བྱ་རྩ་བ་ནི་རྒྱུད་སྡེ་ལས་གསུངས་པ་རྣམས་ཕྱོགས་གཅིག་ཏུ་བསྡུས་ནས་གསུངས་པ་དེ་སངས་རྒྱས་བྱང་སེམས་རྣམས་དང་སྔོན་བྱོན་སྐྱེས་བུ་དམ་པ་རྣམས་ཀྱི་གསུང་དེ་བྱིན་རླབས་ཀྱི་སྒོ་ཁྱད་པར་ཅན་ཡིན་པས་རྒྱུ་མཚན་གྱི་རྗེ་བཙུན་རིན་པོ་ཆེ་ཁོང་གིས་སྔོན་གྱི་སྐྱེས་བུ་དམ་པ་རྣམས་ཀྱི་གསུང་གི་བརྡའ་ཆད་མ་བསྒྱུར་བར་རང་སོར་བཞག་ན་བྱིན་རླབས་ཀྱི་སྒོ་ཁྱད་པར་འཕགས་པ་ཡོང་ཞེས་གསུངས་པ་རེད།རྒྱུ་མཚན་ནི་སྔོན་བྱོནགྱི་སྐྱེས་བུ་དམ་པ་རྣམས་ཀྱི་གསུངས་རབ་དེ་གཟུངས་ཁྱད་པར་ཅན་དང་ཏིང་ངེ་འཛིན་གྱི་སྒོ་མང་པོས་བྱིན་གྱིས་བརླབས་པའི་གཟུངས་ཁྱད་པར་ཅན་ཞིག་ཡིན་པས་ན་བྱིན་རླབས་ཀྱི་སྒོ་ཡང་ཁྱདཔར་ཅན་འཇུག་ཐུབ་པ་རེད། དེ་ཡང་འཆང་བ་དག་ནི་སྟོན་དམ་ཀློག་ན་ཡང༌། །དེ་ཡི་རྣམ་པར་སྨིན་པའང་བསམ་མི་ཁྱབ། །ཅེས་གསུངས་པ་ལྟར་སྔོན་བྱོན་སྐྱེས་བུ་དམ་པ་རྣམས་དང་ཐམས་ཅད་མཁྱེན་པ་ཏཱ་ར་ནཱ་ཐའི་གསུངས་ཐམས་ཅད་གསུངས་ཁྱད་པར་ཅན་ཡིན་པ་དེ་བཀའ་བརྒྱུད་པའི་སིཏུ་པཎ་ཆེན་རིན་པོ་ཆེ་ཁོང་གིས་དབུས་གཙང་ཕྱོགས་སུ་ཕེབས་པའི་སྐབས་སུ་དབུས་གཙང་ཕྱོགས་ངེས་དོན་གྱི་བསྟན་པ་ཉམས་ཡོད་འདུག་རྒྱུ་མཚན་རྗེ་ཐམས་ཅད་མཁྱེན་པ་ཏཱ་ར་ནཱ་ཐ་ལྟ་བུའི་གསུངས་ཁྱད་པར་ཅན་གྱི་སྒྲ་ཙམ་ཡང་མི་འདུག་ཅེས་གསུངས་པ་ལྟར་ཐམས་ཅད་མཁྱེན་པ་ཏཱ་ར་ནཱ་ཐའི་གསུངས་རབ་ཐམས་ཅད་བྱིན་རླབས་ཀྱི་སྒོ་ཁྱད་པར་ཅན་ཡིན་པ་བཀའ་གདམས་གོང་མ་རྣམས་ཀྱིས་ཡང་ནས་ཡང་དུ་བསྔགས་བརྗོད་མཛད་པ་ལྟར་རེད།
གཉིས་པ་མཆོད་པ་འབུལ་བ་དངོས།
གཉིས་པ་མཆོད་པ་འབུལ་བ་དངོས་ནི།
བདག་གི་དུས་གསུམ་དགེ་བ་ལུས་ལོངས་སྤྱོད། །ཡོངས་སུ་བཟུང་བ་མེད་པའི་མཆོད་རྫས་དང། །སྨོན་ལམ་སྔགས་དང་ཕྱག་རྒྱ་ཏིང་འཛིན་གྱིས། །རབ་བསྒྲུབ་ཕྱི་ནང་གསང་བའི་མཆོད་པ་འབུལ། །བདག་གི་འདས་མ་འོངས་ད་ལྟ་དུས་གསུམ་དུ་བསགས་པའི་དགེ་བའི་རྩ་བ་ཅི་ཡོད་པ་དེ་དག་དང་བདག་གི་ལུས་དང་རྒྱུ་ནོར་ལོངས་སྤྱོད་ཅི་ཡོད་ཐམས་ཅད་དང༌། འཇིག་རྟེན་ཁམས་ན་བདག་པོ་ཡོངས་སུ་བཟུང་བ་མེད་པའི་གསེར་གྱི་ས་གཞི་དང་རི་བདུན། མཚོ་བདུན་སོགས་རིན་པོ་ཆེ་རིགསཅི་སྙེད་ཡོད་པ་དང༌། ཡིད་དུ་འོང་བའི་མེ་ཏོག་སྣ་ཚོགས་དང༌། ཡན་ལག་བརྒྱད་ལྡན་གྱི་ཆུ་གཙང་མ་སོགས་མདོར་ན་སྟོང་གསུམ་གྲངས་མེད་པའི་འཇིག་རྟེན་གྱི་ཁམས་མཐའ་དག་ན་དངོས་པོ་བཟང་ལ་ཡིད་དུ་འོང་བའི་མཆོད་རྫས་ཅི་སྙེད་ཡོད་པ་དང༌། སྨོན་ལམ་གྱི་སྟོབས་ལས་བྱུང་བའི་ཕྱི་ནངགསང་གསུམ་གྱི་མཆོད་པ་དང༌། སྔགས་ཀྱི་སྟོབས་ལས་བྱུང་བའི་ཕྱི་ནང་གསང་གསུམ་གྱི་མཆོད་པ་དང༌། ཕྱག་རྒྱ་ལས་བསྒྲུབ་པའི་ཕྱི་ནང་གསང་གསུམ་དང༌། ཏིང་ངེ་འཛིན་གྱིས་རབ་ཏུ་བསྒྲུབཔའི་ཕྱིའི་མཆོད་པ་ཉེར་སྤྱོད་རྒྱལ་སྲིད་སྣ་བདུན་བཀྲ་ཤིས་རྟགས་བརྒྱད་འདོད་ཡོན་རྣམ་ལྔ་སོགས་དང༌། ནང་གི་མཆོད་པ་ཐོད་པ་ཡངས་ཤིང་རྒྱ་ཆེ་བའི་ནང་དུ་ཤ་ལྔ་བདུད་རྩི་ལྔ་སོགས་དམ་རྫསདཔག་ཏུ་མེད་པ་བཀང་ནས་འབུལ་བ་དང༌། གསང་བའི་མཆོད་པ་རིག་མ་མཆོག་ལང་ཚོ་དར་ལབབ་པ་མཛེས་ཤིང་སྡུག་པའི་ཕྱག་རྒྱ་མོ་ལ་སོགས་པ་གསང་བའི་མཆོད་པ་དཔལ་ལྡན་བླ་མ་དམ་པ་དེ་ལ་འབུལ། དེ་ཡན་ཆད་དུ་ཡན་ལག་བདུན་པ་ནང་གི་སེར་སྣའི་གཉེན་པོ་མཆོད་པ་འབུལ་བའི་ཡན་ལག་སོང་ཟིན་པ་ཡིན་པས་ཐ་མ་རང་རང་སོ་སོས་ཅི་ཟ་ཅི་འཐུང་གི་མཆོད་པ་སྐྱབས་འགྲོའི་བསླབ་བྱ་དང་མཐུན་པའི་མཆོད་པ་འབུལ་རྒྱུ་དང༌། རྒྱུན་ལྡན་དུ་ཆུ་མཆོད་དང་སྤོས་དང་མར་མེསོགས་རང་ལ་ཅི་དང་ཅི་འབྱོར་བ་ཐམས་ཅད་བླ་མ་དཀོན་མཆོག་གསུམ་ལ་མཆོད་པ་འབུལ་དགོས་པ་གལ་ཆེན་པོ་རེད། མདོར་ན་ཐ་མ་བླ་མ་ལ་ཟང་ཟིང་གི་མཆོད་པ་དང༌། འབྲིང་ཞབས་ཏོག་དངབསྙེན་བཀུར་གྱི་མཆོད་པ། རབ་སྒྲུབ་པའི་མཆོད་པ་སྟེ་བཀའ་ཅི་གསུང་གི་མཆོད་པ་དང་ལྷག་པརདུ་ཐོས་བསམ་སྒོམ་གསུམ་གྱིས་སྒོ་ནས་བླ་མའི་བཀའ་ལྟར་སྒྲུབ་པ་ཡིན་ན་བླ་མའི་ཐུགས་དགྱེས་པའི་མཆོད་སྤྲིན་གཙོ་བོ་ཡིན་པས་རང་གི་ལུས་ངག་ཡིད་གསུམ་དུས་གསུམ་བསགས་པའི་དགེ་ཚོགས་དང་བཅས་པའི་སྒོ་ནས་བླ་མ་ལ་མཆོད་པ་འབུལ་བར་བརྩོན་དགོས་པ་ཧ་ཅང་གལ་ཆེན་པོ་རེད།
གསུམ་པ་སྡིག་པ་བཤགས་པའི་ཡན་ལག་ནི།ཁྱོད་ལ་བརྙས་པར་བྱེད་པ།
གསུམ་པ་སྡིག་པ་བཤགས་པའི་ཡན་ལག་ནི།ཁྱོད་ལ་བརྙས་པར་བྱེད་པ་ཀུན། །
རྒྱལ་པོ་མེ་དང་དུག་དང་རིམས། །ལོག་འདྲེན་རྣམས་ཀྱིས་བསད་ནས་ཀྱང། །རྟག་ཏུ་དམྱལ་བར་འཚེད་པར་གསུངས། །ངོ་བོ་རྩ་བའི་བླ་མ་ཡིན་པ་ལ་རྣམ་པ་ཁྱབ་བདག་རྡོ་རྗེ་འཆང་ཆེན་པོ་ཁྱོད་ལ་ཡོན་ཏན་མེད་པས་ཁྲི་སྟན་ཆེན་པོ་སྟོབ་པར་མི་འོས་སྙམས་པས་དམའ་སར་བཞག་པ་དང༌། ཡོན་ཏན་བཟང་པོ་འདི་ལྟ་བུ་སྟོབ་པར་མི་འོས་སྙམས་པས་གོས་དང་ཟང་ཟིང་སོགས་ངན་ངོན་འབུལ་བ་དང༌། ཚིག་གིསབརྙས་བཅོས་སོགས་མདོར་ན་བརྙས་པར་བྱེད་པ་སློབ་མ་རིགས་མཐོ་དམན་དང་མཁས་བླུན་ཀུན་ལ་ཚེ་འདིར་རྒྱལ་པོས་ཆད་པ་དང༌། མེའི་འཇིགས་པ་དང༌། སྦྱར་དུག་གིས་གནོད་པ་དང་ཀླུ་གདུགསཔ་ཅན་གྱི་ཁ་རླངས་ཕོག་པའི་དུག་དང༌། ཉིན་གཅིག་པའི་ཡམས་ནད་དང་རིམས་ནད་སོགས་ཕོགནས་ཉིན་གཅིག་ནས་ཤི་བ་དང༌། དེ་བཞིན་དུ་ཉིན་གཉིས་པ་དང་གསུམ་པ་དང་བདུན་པའི་རིམས་ནད་ཕོག་ན་ཉིན་གཉིས་དང་གསུམ་པ་བདུན་པ་ནས་འཆི་བར་བྱེད་པ་ཡང་དཔེར་ན་སྦྲུལ་གོམ་པ་བདུན་པ་ཅན་གྱིས་ལྕེ་དུག་གིས་བཟུང་ན་གོམ་པ་བདུན་བོར་ནས་འཆི་བ་བཞིན་ཡིན་ནོ། །འབྱུང་པོ་ལོག་པར་འདྲེན་པ་རྣམས་ཀྱིས་ཚེ་འདིར་བསད་པར་བྱས་ནས་ཀྱང་ཚེ་ཕྱི་མར་རྟག་ཏུ་སྟེ་བསྐལ་བའི་བར་དུ་དམྱལ་བར་ཁྲོ་ཆུ་ཁོལ་མའི་ནང་དུ་འཚེད་པར་བྱེད་པ་སོགས་ཉེས་པ་མང་པོ་ཡང་ཡང་ཉམས་སུ་མྱོང་དགོས་པ་གསུངས་ཏེ། བླ་མ་ལྔ་བཅུ་པ་ལས། སློབ་དཔོན་ལ་ནི་སྨོད་པ་དེ། །ཡམསདང་འཚེ་བའི་ནད་རྣམས་དང། །གདོན་དང་རིམས་དང་དུག་རྣམས་ཀྱིས། །རྨོངས་ཆེན་དེ་ནི་འཆི་བར་འགྱུར། །རྒྱལ་བོ་མེ་དང་སྦྲུལ་གདུག་དང༌། །ཆུ་དང་མཁའ་འགྲོ་རྐུན་པོ་དང༌། །གདོན་དང་ལོག་འདྲེན་རྣམས་ཀྱིས་ཀྱང༌། །བསད་ནས་སེམས་ཅན་དམྱལ་བར་འགྲོ །ཞེས་གསུངས་པ་ལྟར་ཡིན་ནོ། །ཁྱོད་ལ་བརྙས་ཤིང་སྨད་ན་ནི། །སངས་རྒྱས་ཀུན་ལ་བརྙས་ཤིང་སྨད། །ཁྱབ་བདག་རྡོ་རྗེ་འཆང་དངོས་དཔལ་ལྡན་བླ་མ་དམ་པ་ཁྱོད་ལ་ཁོང་ཁྲོ་དང་སེར་སྣ་སོགས་ཆེ་བ་དང་ཚུལ་ཁྲིམས་དང་ཐོས་པ་དང་བསྒོམ་པ་སོགས་མེད་དོ་ཞེས་ཟེར་བ་སོགས་བརྙས་ཤིང་སྨད་ན་ནི།ཕྱོགས་བཅུ་ཞིང་རབ་འབྱམས་ན་བཞུགས་པའི་སངས་རྒྱས་ཀུན་ལ་བརྙས་ཤིང་སྨད་པ་དང་མཚུངས་པ་ཡིན་ཏེ། རྒྱུད་ལས། དེ་ཉིད་མགོན་ལ་བསམ་བྱས་ནས། །སློབ་མར་གྱུར་ནས་བརྙས་ན་ནི། །སངས་རྒྱས་ཐམས་ཅད་བརྙས་པས་ན། །དེ་ནི་རྟག་ཏུ་སྡུག་བསྔལ་ཐོབ། །ཅེས་དང༌། སློབ་དཔོནཤནྟི་བས་ཞལ་ནས། སྨད་པར་མི་བྱ་ཞེས་བྱ་བ་ནི་རང་གི་སློབ་དཔོན་ཚུལ་ཁྲིམས་འཆལ་བ་སོགསམཐོང་ན་ཡང་མ་གུས་པར་མི་བྱའོ། །ཞེས་གསུངས་པ་དང༌། འཇམ་དཔལ་ཞལ་ལུང་ལས། མ་འོངསརྡོ་རྗེ་འཆང་བ་སྟེ། །དེ་ལ་བརྙས་བྱེད་སེམས་ཅན་གང། །དེ་ཡིས་ང་ལ་བརྙས་བྱེད་པས། །ངས་ནི་དེ་ཀུན་དུས་སུ་སྤོང༌། །ཞེས་དང༌། འདི་ཡི་དོན་ལྡན་འགའ་ཞིག་ལ། །ང་ནི་དེ་ཡི་ལུས་གནས་ཏེ། །སྒྲུབ་པོ་གཞན་ལ་མཆོད་པ་ལེན། །དེ་མཉེས་དེ་ཡིས་རང་གི་རྒྱུད། །ལས་ཀྱི་སྒྲིབ་པ་དག་བྱེད་དོ། །ཞེས་གསུངས། སྤྱིར་རང་གི་རྩ་བའི་བླ་མ་དེས་རང་ལ་ཆོས་གང་མ་བསླབ་པར་ཆོས་ལ་གནོད་པ་དགོན་པ་བཤིག་དགོས་པ་དང་འཇིག་རྟེན་གྱི་གནོད་པ་མི་གསོད་དང་གཡོ་སྒྱུ་ཁྲམ་གསུམ་རྐྱང་རྐྱང་བསླབ་པ་ཡིན་ན་བླ་མ་དེ་ལ་ཆོས་ཞུས་ཟིན་ན་ཡང་བླ་མ་དེ་ལྟ་བུའི་རྗེས་སུ་མ་འབྲང་ན་ཆོག་པར་ཆོས་རྗེ་ཀུན་མཁྱེན་རིན་པོ་ཆེས་གསུངས་ཡོད་པ་རེད། འོན་ཀྱང་བླ་མ་དེ་ལ་ཐུགས་མི་དགྱེས་པ་མི་བྱེད་པར་བླ་མ་དེ་ལ་མཆོད་པ་འབུལ་བ་དང་ཚིག་གི་སྒོ་ནས་བསྟོད་པ་སོགས་བྱས་ནས་དེའི་རྗེས་སུ་མི་འབྲང་བར་གསུངས་ཡོད་པ་རེད། སློབ་དཔོན་ལ་རང་གིས་མི་སྨོད་པ་མ་ཟད་གཞནགྱིས་སྨད་པར་བྱས་པ་དང་གྲོགས་བྱེད་མི་རུང་བ་ཡིན་པ་ཡང་སྒྱུ་འཕྲུལ་དྲ་བའི་རྒྱུད་ལས། སློབདཔོན་སྨོད་པར་བྱེད་པ་དང༌། །རྨི་ལམ་དུ་ཡང་མཐོང་མི་བྱ། །སློབ་དཔོན་སྨོད་པ་གང་ཡིན་དེ། །བགེགས་དང་ལོག་འདྲེན་རྣམས་ཀྱིས་བཟུང༌། །ངན་པ་གཏུམ་པོའི་ལས་བྱེད་པ། །མཁས་པས་རྟག་ཏུ་སྤངས་བར་བྱ། །ཅེས་དང༌། རྡོ་རྗེ་མཁའ་འགྲོ་རྒྱུད་ལས། སློབ་དཔོན་དམོད་བྱེད་གང་ཡིན་པ། །རྨི་ལམ་དུའང་དངོས་གྲུབ་མེད། །ཅེས་གསུངས་སོ། །གཟིམས་ཆ་སྟན་དང་ལྷམ་དང་གདུགས། །འགོམས་ཤིང་ཅོ་འདྲི་བྱེད་པ་ནི། །དོན་རིངས་དཔལ་ཉམས་ནད་ཀྱི་ཐེབས། །སྐུ་ཡི་གྲིབ་མ་ལ་འགོམས་པ། །མཆོད་རྟེན་བཤིག་དང་འདྲ་བར་གསུངས། །ཡང་བླ་མའི་གཟིམས་ཆ་སྟན་དང་ཞབས་ལྷམ་དང་ཚ་གྲང་སྐྱོབས་པའི་ཉི་གདུགས་སོགས་འགོམ་ཤིང་བླ་མ་ལ་ཚོད་ཉེ་བར་བྱེད་པ་ནི་ཅོ་འདྲི་བྱེད་པ་ཡིན་པས་ཉེས་པ་ཤིན་ཏུ་ལྕི་སྟེ་དེ་ནི་འདི་ཕྱི་གཉིས་ཀྱི་དོན་སྒྲུབ་ཀྱང་རིངས་པོར་མི་འགྲུབ་པ་དང༌། ཚེ་རིང་ནད་མེད་ལོངས་སྤྱོད་དཔལ་ཕུན་སུམ་ཚོགསཔ་རྣམས་ཉམས་ནས་ནད་སྣ་ཚོགས་ཀྱིས་ཐེབས་པར་འགྱུར་བ་དང༌། དེ་མ་ཟད་དཔལ་ལྡན་བླ་མ་ཁྱེད་ཀྱི་སྐུ་ཡི་གྲིབ་མ་ལ་འགོམས་པར་བྱས་ན་དེ་བཞིན་གཤེགས་པའི་རིང་བསྲེལ་ཅན་གྱི་མཆོད་རྟེན་བཤིགས་པ་དང་འདྲ་བར་མདོ་རྒྱུད་ཀུན་ལས་གསུངས་པ་ཡིན་ཏེ། དེ་ཡང་སྒྱུ་འཕྲུལ་དྲྭ་བའི་རྒྱུད་ལས། འདི་ཡི་གྲིབ་མ་མི་འགོམས་ཏེ། །མཆོད་རྟེན་བཤིགས་དང་འདྲ་བར་གསུངས། །ཅེས་དང༌། དཔལ་ལྡན་གུར་གྱི་མགོན་པོའི་རྒྱུད་ལས། བླ་མའི་གདུགས་དང་གྲིབ་མ་དང༌། །བཅང་ལྷམ་སྟན་དང་སྔས་རྣམས་ལ། །རྨོངས་ཆེན་གང་ཞིག་འགོམ་བྱེད་ན། །དེས་ནི་མི་རྣམས་སྤུ་གྲིར་ལྟུང༌། །ཞེས་དང༌། རྡོ་རྗེ་མཁའ་འགྲོ་སོ་གཉིས་པའི་རྒྱུད་ལས། སློབ་དཔོན་གྱིས་ནི་མལ་སྟན་དང༌། །ལྷམདང་གདུགས་དང་ན་བཟའ་སོགས། །ཉེ་བར་ལོངས་སྤྱོད་ཐམས་ཅད་དང༌། །གྲིབ་མའང་བགོམ་པར་མི་བྱ་ཞིང༌། །ཅོ་འདྲི་བར་ནི་མི་བྱའོ། །གལ་ཏེ་བྱས་ན་དུས་ཀུན་ཏུ། །དེ་ནི་ཀུན་ཏུ་གཟེར་འགྱུར་ཞིང༌། །དོན་ཉམས་དཔལ་ལས་རིང་དུ་གྱུར། །བདུད་དང་སྡང་བས་གཟིར་འགྱུར་ཏེ། །མཆོད་རྟེན་བཤིག་དང་སྡིག་མཚུངས་པས། །དེ་བས་གྲིབ་མ་འགོམ་མི་བྱ། །ཞེས་དང༌། དེ་བཞིན་དུ་བླ་མ་ལྔ་བཅུ་བ་ལས། མཆོད་རྟེན་བཤིག་འདྲའི་སྡིག་འཇིགས་པས། །གྲིབ་མའང་བགོམ་པར་མི་བྱ་ན། །ལྷམ་དངསྟན་དང་བཞོན་པ་སོགས། །བགོམ་མི་བྱ་བ་སྨོས་ཅི་དགོས། །ཞེས་སོགས་མདོ་རྒྱུད་དུ་མ་ནས་རང་གི་རྩ་བའི་བླ་མའི་སྐུའི་གྲིབ་མ་དང་ན་བཟའ་དང་སྟན་དང་ཞབས་ལྷམ་ཡན་ཆད་མདོར་ན་དཔལ་ལྡན་བླ་མའི་གནས་ལུས་ལོངས་སྤྱོད་མཐའ་དག་མ་གུས་པ་དང་གོམས་
པ་སོགས་མི་བྱེད་པར་དུས་རྒྱུན་དུ་དྲན་ཤེས་བསྟེན་ནས་གཟབ་གཟབ་བྱེད་རྒྱུ་ཧ་ཅང 
་གལ་ཆེན་པོ་རེད།དེ་འདྲ་བགྱིས་གང་སོ་སོར་བཤགས། །སྙིང་ནས་སློབ་དཔོན་སྨོད་པ་ནི། །རྨི་ལམ་དུ་ཡང་འགྲུབ་མི་འགྱུར། །སློབ་དཔོན་ཡོན་ཏན་བཟུང་བྱ་ཡི། །སྐྱོན་ནི་ནམ་ཡང་མ་ཡིན་ནོ། །དཔལ་ལྡན་བླ་མའི་སྐུའི་གྲིབ་མ་བགོམ་པ་སོགས་དེ་འདྲ་བའི་ལས་ངན་ཅི་བགྱིས་པ་གང་ཡོད་པ་ཐམས་ཅད་བཤགས་པའི་ཡུལ་གཙོ་བོར་གྱུར་བ་ཁྱབ་བདག་རྡོ་རྗེ་འཆང་ཆེན་པོ་ཁྱེད་ཀྱི་སྤྱན་སྔར་མི་འཆབ་པའི་སེམས་ཀྱི་སྒོ་ནས་ཉེས་པ་དེ་དག་སོ་སོར་བཤགས་ཞེས་གསུངས་པ་ཡིན། རང་ཉིདཚིགས་སུ་བཅད་པ་གཅིག་ཡན་ཆད་ཀྱི་དབང་ལུང་ཁྲིད་གསུམ་ཞུས་པའི་སློབ་དཔོན་དེ་ལ་སྙིང་ཐག་པ་ནས་སློབ་དཔོན་ལ་སྨོད་པར་བྱེད་ན་ནི་རང་རྒྱུད་ལ་དངོས་སུ་ཡོན་ཏན་སྐྱེ་བ་ལྟ་ཅི་སྨོས་ཐ་ན་རྨི་ལམ་དུ་ཡང་དགེ་བའི་མཚན་མ་འགྲུབ་པའི་ལྟས་ཅུང་ཟད་ཙམ་ཡང་མི་འགྱུར་བའི་ཕྱིར་རོ། ། དེ་ཡང་འདུས་པ་ལྔ་བཅུ་བའི་རྒྱུད་ལས། སེམས་ཅན་ཚད་མེད་ལ་སོགས་པའི། །སྡིག་པ་ཆེན་པོ་བྱེད་པ་ཡང༌། །རྡོ་རྗེ་ཐེག་པ་རྒྱ་མཚོ་སྟེ། །ཐེག་པ་མཆོག་ནི་འདི་ལ་འགྲུབ། །སྙིང་ནས་སློབ་དཔོན་སྨོད་པ་དག། །བསྒྲུབས་ཀྱང་འགྲུབ་པར་ཡོང་མི་འགྱུར། །ཞེས་སྙིང་ནས་སློབ་དཔོན་སྨོད་པ་བྱེད་ན་ནི་ཆོས་དངོས་སུ་མི་འགྲུབ་པ་མ་ཟད་རྨི་ལམ་ཙམ་དུ་ཡང་དགེ་བའི་རྟགས་མཚན་འབྱུང་བར་མི་འགྱུར་བ་ཡིན་པས་རྒྱུ་མཚན་གྱིས་བླ་མ་རྡོ་རྗེ་སློབ་དཔོན་ནི་བཀའ་དྲིན་གྱི་ཕྱོགས་དང་ཡོན་ཏན་གྱི་ཆ་ནས་སངས་རྒྱས་དངོས་སུ་བཟུང་བར་བྱ་ཡི། སྐྱོན་གྱི་ཆ་ནི་ནམ་ཡང་ལྟ་བ་མ་ཡིན་ནོ།། སྒྱུ་འཕྲུལ་དྲྭ་བའིརྒྱུད་ལས། སློབ་དཔོན་ཇི་ལྟར་བལྟ་ཞེ་ན། །བླ་མ་སངས་རྒྱས་ཀུན་དང་མཉམ། །དེ་ཡི་རྟག་ཏུ་རྡོ་རྗེའཆང༌། །དེ་བཞིན་གཤེགས་པ་རིན་ཆེན་ཏོག །དེ་ཉིད་ཡེ་ཤེས་རྒྱ་མཚོ་སྟེ། །ཡིད་བཞིན་ནོར་བུ་རིན་ཆེན་བཞིན། །སློབ་དཔོན་གྱི་ནི་ཡོན་ཏན་བཟུང༌། །སྐྱོན་ནི་ནམ་ཡང་མ་ཡིན་ནོ། །ཞེས་གསུངས་པ་ལྟར་ཐོག་མར་བླ་མ་མ་བསྟེན་པའི་སྔ་རོལ་ཏུ་བླ་མ་བརྟག་ན་ཆོག་པ་དང་བརྟག་དགོས་པ་ཡང་རེད།བླ་མ་མ་བརྟག་དུག་ཐུང་འདྲ། སློབ་མ་མ་བརྟག་གཡང་མཆོང་འདྲ། ཞེས་གསུངས་པ་ལྟར་དང་པོབླ་མ་བརྟག་དགོས་པ་རེད། ཆོས་འབྲེལ་ཐོབ་ཚར་བ་ནས་བཟུང་བླ་མའི་མཛད་སྤྱོད་གང་མཛད་པདེ་མོས་གུས་དད་པ་དག་སྣང་སྦྱང་དགོས་པ་རེད། བླ་མ་དེའི་སྐུ་གསུང་ཐུགས་ཀྱི་སྐྱོན་མཐོང་བའམ། མཛད་སྤྱོད་ཀྱི་སྒོ་ནས་མི་དགེ་བ་བཅུ་མཛད་པར་མཐོང་ཡང། བླ་མས་མཛད་པ་འདི་ལྟ་བུ་མཛད་པ་ནི། གདུལ་བྱ་གང་ལ་གང་འདུལ་གྱི་དབང་ལས། སེམས་ཅན་དཔག་ཏུ་མེད་པ་སྨིན་གྲོལ་དུ་མཛདཔའི་འཕྲིན་ལས་ཡིན། དེད་དཔོན་སྙིང་རྗེ་ཆེན་པོ་དང༌། ཁྱེའུ་སྐར་མ་དང༌། བྱང་ཆུབ་སེམས་དཔའཆོས་འཕགས་སོགས་ཀྱི་དཔེ་དང་མཚུངས། དཔེར་ན་བླ་མས་རྫུན་གསུང་པར་ཤེས་ན། ད་ལྟ་འདི་ན་སྐྱེ་བོ་མང་པོ་རྫུན་མི་སྨྲ་བའི་བརྟུལ་ཞུགས་ལ་གནས་པ་ཡོད་པ་ཡང༌། དགེ་བ་ངོ་མཚར་ཆེ་སྟེ། དེ་ཀུན་ལས་བདག་གི་བླ་མས་དགོངས་པ་ཅན་གྱི་ཚིག་རྫུན་ལྟར་སྣང་བ་གསུང་པ་འདི་བརྒྱ་སྟོང་འབུམ་འགྱུར་གྱི་ངོ་མཚར་ཆེ། འདིས་སེམས་ཅན་དཔག་ཏུ་མེད་པ་མཐོ་རིས་དང་ཐར་པ་དང་ཐམས་ཅད་མཁྱེན་པ་ལ་འགོད་པར་མཛད་པ་ཞིག་ཡིན་པ་འདུག་སྙམ་དུ་བསམ་པ་ལྟ་བུ་སྟེ། དེས་ཐམས་ཅད་ལ་རིགས་འགྲེ། ཁྱད་པར་དུ་རང་ལ་བཀའ་བཀྱོན་པ་དང༌། མི་དགྱེས་པའི་རྣམ་འགྱུར་མཛདན། བཀའ་བཀྱོན་མི་ཐེག་དད་པ་ལོག ལོག་ལྟ་བྱེད་ན་དངོས་གྲུབ་དང་སྒོམ་གྱི་ཏ་རེ་བ་ཟད་དེ།དེ་བས་ཐུ་བ་དམ་ཚིག་ཉམས། རྡོ་རྗེ་དམྱལ་བའི་གཞི་ཐིངས་པ་ཡིན། བཀའ་བཀྱོན་བྱུང་ན་རངགི་ལས་ངན་སྡིག་སྒྲིབ་འཛད། བགེགས་དང་ལོག་འདྲེན་རིང་དུ་བྲོས། ལྷག་པར་ཡང་བདག་ལཐུགས་ཉེ་བས་གསུངས་པ་ཡིན་ཏེ། ཕས་བུ་ལ་བྱ་བ་བཞིན་ཟོལ་འགྲོག་མི་མཛད་པ་བཀའ་དྲིནརེ་ཆེ་སྙམ་དུ་བསམ། མི་དགྱེས་པ་ལྟར་སྣང་ན་རང་གི་ལས་སྒྲིབ་མ་དག་པ་ཡོད་པས་དེ་མཛུབབཙུགས་སུ་བརྡ་སྤྲོད་མཛད་པར་འདུག་སྙམ། སྤྱིར་སྒྲིབ་སྦྱོང་དང༌། སླར་ཡང་བླ་མ་དགྱེས་པརབྱེད་པའི་ཐབས་ལ་འབད་དགོས་པ་ཡིན། ཕྱག་ཆེན་པ་འགའ་ཞིག་བླ་མའི་བཀའ་བཀྱོན་ཐེགཔར་བྱིན་གྱིས་བརླབ་ཏུ་གསོལ་ཞེས་ཟེར་བ་ཡང་མོས་གུས་ཀྱི་གནད་དང་ལྡན་པ་ཡིན། བོདསྒོམ་འགའ་ཞིག་གི་ཞལ་ན་རེ། མཚན་ལྡན་བླ་མ་རིན་ཆེན་འདིས། །གང་མཛད་ཐམས་ཅད་ལེགསཔ་ཡིན། །ཅི་མཛད་ཐམས་ཅད་ཡོན་ཏན་ཡིན། །མི་གསོད་ཤན་པ་མཛད་ན་ཡང། དེ་ཁས་འཚེངས་ཤིང་དེ་ཁ་ལེགས། །སེམས་ཅན་ཐུགས་རྗེས་འཛིན་པར་ངེས། །ལོག་གཡེམ་འཆལ་བའི་ཚུལ་སྟོན་ཡང༌། །ཡོན་ཏན་འཕེལ་ཞིང་ཡོན་ཏན་འབྱུང། །ཐབས་ཤེས་ཟུང་དུ་འཇུག་པའི་བརྡ། ། རྫུནགྱིས་གཞན་མགོ་བསྐོར་བ་ན། །བརྡ་ཐབས་རྣམ་པ་སྣ་ཚོགས་ཀྱིས། །འགྲོ་ཀུན་ཐར་བའི་ལམ་ལ་འདྲེན། །རྐུ་འཕྲོག་ཆོམ་པོ་མཛད་ན་ཡང༌། །གཞན་གྱི་ཡོ་བྱད་ཚོགས་སུ་བསྒྱུར། །སྐྱེ་བོ་འཕོངསཔ་ཞི་བ་ཡིན། །དོན་ལ་འདི་འདྲའི་བླ་མ་ཡིས། །བཀའ་བཀྱོན་མཛད་ན་དྲག་སྔགས་ཡིན། རྐྱེནངན་བར་ཆད་སེལ་བར་ངེས། །བརྡུངས་བརྡེགས་མཛད་ན་བྱིན་རླབས་ཡིན། །དངོས་གྲུབ་ཐམས་ཅད་དེ་ལས་འབྱུང། །མོས་གུས་ཅན་ཚོ་ཉམས་རེ་དགའ། །ཞེས་སྐད་དེ། བླ་མའི་མོས་གུས་ཀྱི་གནད་དེ་ལྟ་བུ་ཞིག་རང་ཡིན། རྗེ་གྲོལ་མཆོག་གིས་ཀྱང༌། དངོས་གྲུབ་ཀྱི་རྩ་བ་དེ་བླ་མ་སྐད། །བླ་མ་དེ་སངསརྒྱས་དངོས་བྱོན་སྐད། །ཅི་མཛད་དེ་ལེགས་པར་བལྟ་དགོས་སྐད། །མཛེས་མཛེས་སུ་སྨྲ་ཀྱང་སྒྲ་སྐད་ལགས། །དངོས་གྲུབ་ལ་ཐོབ་རུང་མ་ཐོབ་རུང༌། །སངས་རྒྱས་དང་སེམས་ཅན་གང་ཡིན་ཡང༌། ། མཛད་པ་ཡང་ལེགསཉེས་ཅི་སྟོན་རུང༌། །མི་ང་ལ་སྙེམས་ཁྲིགས་རྡུལ་ཙམ་མེད། །ཅེས་འབྱུང་བ་ཐག་ཆོད་ཀྱི་མོས་གུས་དེ་ལྟ་བུ་ཞིག་དགོས། བླ་མ་རང་དེ་ཅུང་ཟད་ངན་པའི་སྐྱོན་ཡོད་པས་སངས་རྒྱས་སུ་བཏེག་སྟེ་ཡར་སྐྱེལ་མི་དགོས། བླ་མ་རང་གིས་གོ་ཆོད། མཛད་པ་ཉེས་པ་དེ་བསྒྱུར་ནས་ལེགས་པར་སྒོམ་མི་དགོས། གང་མཛདདེ་ཀ་དོན་ཆེན་ཡིན་དེ་ཀས་ཆོག་མཛད་པ་ལེགས་ཉེས་ལ་ཁྱད་མི་གདོགས། །རང་ལ་དངོས་གྲུབ་རེནས་མོས་གུས་སྒོམ་པ་མིན། བླ་མ་དང་མ་བྲལ་ན་དམྱལ་བར་གནས་དགོས་ཀྱང་འདོད་ཐོག་ཡིན། བླ་མ་དང་བྲལ་ན་དངོས་གྲུབ་སངས་རྒྱས་སམ་དེ་ཡོད་ནའང་ང་ལ་དགོས་ཆེད་མེད་དོ་གཞན་སྨོས་ཀྱང་ཅི་དགོས་སྙམ་པ་ཞིག་ཡིན་ནོ། །མདོར་ན་མོས་གུས་ལ་རེ་དོགས་སྤངས་པ་ཞིག་གལ་ཆེ། ཞེས་པ་ནས། ཁོ་བོ་ཅག་ནི་དོན་ལ་བརྟོན་པར་བྱེད་པའི་ཕྱིར་འདིར་ཡང་དེ་ཙམ་ཞིག་སྨོས་སོ། །ཞེས་སོགས་བླ་མའི་ཇིམཛད་ལེགས་པར་མཐོང་ནས་མོས་གུས་བྱེད་དགོས་པ་གསུངས་པ་ལྟར་འབད་པ་བྱེད་རྒྱུ་གལ་ཆེན་པོ་ཡིན་ནོ། །ཡོན་ཏན་བཟུང་ན་དངོས་གྲུབ་སྟེ། །སྐྱོན་བརྗོད་པ་ལས་དངོས་གྲུབ་ཉམས། །བདག་གི་སྒོ་གསུམ་བག་མེད་པས། །ཉེས་པར་བགྱིས་ཀུན་མཐོལ་ལོ་བཤགས། །བླ་མའི་ཇི་མཛད་ཡོན་ཏན་དུ་བཟུང་ན་མཆོག་དང་ཐུན་མོང་གི་དངོས་གྲུབ་ཐོབ་སྟེ། ཅི་མཛད་ཡོནཏན་ཤེས་པའི་དད་པ་དེའི་སྟོབས་ཀྱིས་ལེགས་ཚོགས་ཀྱི་ཡོན་ཏན་ཐམས་ཅད་ཟླ་བ་ཡར་ངོ་ལྟར་གོང་འཕེལ་དུ་འགྲོ་ཐུབ་པ་ལས་བླ་མའི་སྐྱོན་བརྗོད་པ་ལས་དངོས་གྲུབ་ཐམས་ཅད་ཉམས་ཤིང་མི་ཐོབ་པས་བདག་གིས་སྒོ་གསུམ་ཉོན་མོངས་པ་ལས་མ་བསྡམ་ཞིང་བག་མེད་པས་སྤྱིར་རང་གི་ལུས་ངག་ཡིད་གསུམ་གྱི་སྡིག་ལྟུང་ཉེས་པར་བགྱིས་པ་དེ་དག་ཀུན་དང་དགོས་སུ་དཔལ་ལྡན་བླ་མ་ལ་མ་དད་པའི་སྒོ་ནས་བརྙས་བཅོས་དང་སྨད་པ་སོགས་གང་བགྱིས་པ་དང་སྐུ་གསུང་ཐུགས་གསུམ་གྱི་དམ་ཚིག་དང་འགལ་བའི་ཉེས་པ་དེ་དག་གཉེན་པོ་སྟོབས་བཞི་ཚང་བའི་སྒོ་ནས་ཉེས་པ་འདི་བཞིན་བྱས་ཞེས་བཤགས་པའི་ཡུལ་གཙོ་བོར་གྱུར་བའི་ཁྱབ་བདག་རྡོ་རྗེ་འཆང་ཆེན་པོ་གཙོ་བོར་གྱུར་བའི་ཚོགས་སུ་སྒྲོགས་པའམ་གནོང་ཞིང་འགྱོད་པའི་སྒོ་ནས་མི་འཆབ་པར་མི་སྦེད་པར་མཐོལ་ལོ་བཤགས་སོ་ཞེས་གསུངས་པ་རེད། དེ་ཡང་བླ་མའི་ཐུགས་དཀྲུག་ན་ཕྱི་མ་རྡོ་རྗེ་དམྱལ་བར་འགྲོ་དགོས་པ་དེ་ཡང་བླ་མ་ལྔ་བཅུ་པ་ལས།དེ་འདྲའི་མགོན་ལ་བསམས་བྱས་ནས། །སློབ་མར་གྱུར་ནས་བརྙས་ན་ནི། །སངས་རྒྱས་ཐམས་ཅད་བརྙས་པས་ན། །དེས་ནི་རྟག་ཏུ་སྡུག་བསྔལ་འཐོབ། །ནམ་ཡང་སློབ་དཔོན་དག་གི་ནི། །ཀུན་ཏུ་སེམས་དཀྲུགས་མི་བྱ་སྟེ། །གལ་ཏེ་རྨོངས་བས་བྱས་གྱུར་ན། །དམྱལ་བར་ངེས་པར་འཚེད་པར་འགྱུར། །ཞེས་དང༌། རྡོ་རྗེ་སྙིང་པོ་རྒྱན་གྱི་རྒྱུདལས། གང་གིས་སློབ་དཔོན་ཡང་དག་སྨད། །དེ་ཡི་རྒྱུད་ཀུན་བསྒྲུབ་པའི་མཆོག །གཉིད་དང་འདུའཛི་རྣམས་སྤངས་ཏེ། །སྐལ་བ་སྟོང་དུ་ལེགས་འགྲུབ་ཀྱང༌། །དམྱལ་སོགས་སྒྲུབ་པར་བྱེད་པའོ། །ཞེས་དང༌། བདེ་མཆོག་རྩ་རྒྱུད་ལས། ཤིན་ཏུ་ཉམ་བཞག་སྒྲུབ་པ་པོས། །རྟག་ཏུ་དམ་ཚིག་བསྐྱངབར་བྱ། །དམ་ཚིག་ཉམས་པའི་དཀྱིལ་འཁོར་དུ། །དབང་སྒྲུབ་དངོས་གྲུབ་ཐོབ་མི་འགྱུར། །ཞེས་གསུངས་པ་ལྟར་དངོས་གྲུབ་ཐམས་ཅད་སློབ་དཔོན་གྱིས་རྗེས་སུ་བཟུང་བ་ཡིན་པས་བླ་མའི་དམ་ཚིག་བསྲུང་དགོས་པ་གལ་ཆེན་པོ་ཡིན་ནོ། །དེ་ཡན་ཆད་དུ་ཡན་ལག་བདུན་པའི་ནང་གི་གསུམ་པ་སྡིག་པ་བཤགས་པའི་ཡན་ལག་དེ་སོང་ཟིན་པ་ཡིན་ནོ། །
བཞི་བ་ཕྲག་དོག་གི་གཉེན་པོ་རྗེས་སུ་ཡི་རངས་བའི་ཡན་ལག་ནི།ཁྱོད་ཀྱི་བ་སྤུ་ཉག
བཞི་བ་ཕྲག་དོག་གི་གཉེན་པོ་རྗེས་སུ་ཡི་རངས་བའི་ཡན་ལག་ནི།ཁྱོད་ཀྱི་བ་སྤུ་ཉག་རེ་ཡི། །
བསོད་ནམས་ལ་ཡང་དུས་གསུམ་གྱི། །རྒྱལ་བའི་འཕྲིན་ལས་ཐམས་ཅད་ཀྱི། །ཆར་ཡང་བསྐྲུན་པར་མི་ནུས་པས། །ཉིད་དང་ཉིད་ཀྱི་རྗེས་བཟུང་དང། །ཉིད་ལ་མཆོད་དང་ཕྱག་འཚལ་སོགས། །བསོད་ནམས་མི་ཟད་བྱེད་པ་ལ། །ལྷག་པར་དང་བས་ཡི་རང་ངོ། །བླ་མ་རྡོ་རྗེ་འཆང་ཆེན་པོ་ཁྱོད་ཀྱི་སྐུའི་བ་སྤུ་ཉག་མ་རེ་རེ་ཡིས་སེམས་ཅན་གྱི་དོན་སྒྲུབ་པ་དང༌། རྒྱལབའི་བསྟན་པ་སྤེལ་བའི་བསོད་ནམས་ལ་ཡང་འདས་མ་འོངས་ད་ལྟ་དུས་གསུམ་གྱི་རྒྱལ་བའི་འཕྲིན་ལས་ཐམས་ཅད་ཀྱིས་བརྒྱ་སྟོང་གི་ཆར་ཡང་བསྐྲུན་པར་མི་ནུས་པ་རྒྱུ་མཚན་དེ་བས་ན་དཔལ་ལྡན་བླ་མ་དམ་པ་ཁྱོད་ཀྱིས་བསྟན་པ་དང་འགྲོ་བའི་དོན་མཛད་པ་ཉིད་དང་གདུལ་བྱ་ཐམས་ཅད་ཀྱིས་བསམ་སྦྱོར་གཉིས་ཀྱིས་སྒོ་ནས་བླ་མ་ཉིད་ཀྱི་མཛད་པ་ལ་རྗེས་སུ་ཡི་རངས་བར་བཟུང་བ་དང༌། དཔལ་ལྡན་བླ་མ་གང་ཉིད་ལ་གསོལ་ཆས་དང་ནབ་བཟའ་དང་ཁྲུས་སྐུ་མཉེ་སོགས་ཟང་ཟིང་འབུལ་བའི་མཆོད་པ་དང་ཕྱག་འཚལ་བ་གདན་བཏིང་བ་བསྙེན་བཀུར་བྱས་པ་སོགས་བཀུར་སྟིའི་མཆོད་པ་དང༌། འཇིག་རྟེན་གྱི་ཁམས་ན་བཀའ་བཞིན་སྒྲུབ་པའི་མཆོད་པའི་བསོད་ནམས་ནི་མི་ཟད་པའི་གཏེར་ལྟ་བུའི་སྒྲུབ་པར་བྱེད་པ་གང་ཡོད་པ་ཐམས་ཅད་ལ་ནི་ལྷག་པར་དང་བས་སྒོ་ནས་རྗེས་སུ་ཡི་རང་ངོ༌། ། དེ་ཡང་བདེ་སྨོན་ལས།གཞན་གྱིས་དགེ་བ་བྱེད་པ་ཐོས་པའི་ཚེ། །དེ་ལ་ཕྲག་དོག་མི་དགེ་སེམས་སྤངས་ནས། །སྙིང་ནས་དགའ་བའི་རྗེས་སུ་ཡི་རང་ན། །དེ་ཡི་བསོད་ནམས་མཉམ་དུ་ཐོབ་པར་གསུངས། །ཞེས་གསུངས་པ་ལྟར་གྲོགས་ཚང་བར་མཚུངས་བར་སྤྱོད་པ་སོགས་མདོར་ན་གཞན་གྱིས་བསྟན་འགྲོའི་དོན་དུ་མཛད་པའི་དགེ་བའི་རྩ་བ་དང༌། ལྷག་པར་དུ་དཔལ་ལྡནབླ་མ་དམ་པ་དེ་ལ་བརྟེན་ནས་ཚོགས་བསགས་སྒྲིབ་སྦྱངས་སོགས་བསོད་ནམས་ཀྱི་དགེ་བའི་རྩ་བ་གང་ཡོད་པ་དེ་དག་ཐམས་ཅད་རྗེས་སུ་ཡི་རང་བ་དེ་ནི་བསོད་ནམས་དགེ་བ་མང་དུ་སྤེལ་བ་ཡིན་པ་དང་གཞན་གྱིས་དགེ་བ་བྱས་པ་ལ་རྗེས་སུ་ཡི་རང་བ་དེ་ནི་ཕྲག་དོག་གི་གཉེན་པོ་ཡང་ཡིན་ནོ། །
ལྔ་བ་ཆོས་འཁོར་བསྐོར་བར་བསྐུལ་བའི་ཡན་ལག
ལྔ་བ་ཆོས་འཁོར་བསྐོར་བར་བསྐུལ་བའི་ཡན་ལག་ནི།
བསྐལ་པ་བྱེ་བ་མདོ་རྒྱུད་ལ། །ཐོས་བསམ་སྒོམ་ལ་རབ་སྦྱངས་ཀྱང༌། །བླ་མའི་མན་ངག་མེད་པ་ཡིས། །བྱིན་རླབས་རིམ་པ་མི་རྙེད་གསུངས། །བླ་མའི་ལུང་ཐོབ་དངོས་གྲུབ་མཆོག །འབད་མེད་ཐོབ་པར་འགྱུར་བས་ན། །བདག་སོགས་འཆིངས་བ་ལས་གྲོལ་ཕྱིར། །ཟབ་མོའི་འཁོར་ལོ་བསྐོར་བར་བསྐུལ། །བསྐལ་པ་བྱེ་བའི་བར་དུ་མདོའི་བསྡུས་པའི་སྡེ་སྣོད་གསུམ་དང་རྒྱུད་ཀྱི་བསྡུས་པའི་རྒྱུད་སྡེ་བཞིའི་གསུང་རབ་སོགས་ཀྱི་དོན་ལ་ཕྱོགས་མགོ་ཙམ་རྟོགས་པའི་བློའི་ངོ་བོར་གྱུར་བའི་སེམས་བྱུང་ཤེས་རབ་ཐོས་པའི་ཤེས་རབ། ཐོས་པའི་ཡུལ་དེའི་དོན་ལ་ཐེ་ཚོམ་གསར་དུ་ཆོད་པའི་བློ་ཚད་མས་ངེསཔ་རྙེད་པའི་བསམ་བྱུང་གི་ཤེས་རབ། དེའི་དོན་སྒྲ་སྤྱི་དང་བྲལ་བའི་དོན་སྤྱིའི་སྒོ་ནས་རྟོགས་པ་ཡན་ཆད་ཀྱི་བློའི་ངོ་བོར་གྱུར་བའི་ཤེས་རབ་སྒོམ་པའི་ཤེས་རབ་སྟེ། མདོར་ན་ཐོས་བསམ་སྒོམགསུམ་ལ་རབ་ཏུ་སྦྱངས་ཀྱངབླ་མའི་མྱོང་ཁྲིད་དམ་མན་ངག་མེད་པ་ཡིས་ནི་གོ་བ་ཙམ་དང་དཔེ་ཁྲིད་ཙམ་གྱིས་བྱིན་རླབས་རིམ་པ་སྟེ་སྔགས་བླ་མེད་ཀྱི་སྒྱུ་ལུས་དང་བསྐྱེད་རྫོགས་ཀྱི་ཉམས་ལེན་ཁྱད་པར་ཅན་མི་རྙེད་གསུངས།དེ་ཡང་གལ་ཏེ་བླ་མའི་མདུན་ནས་དབང་ལུང་ཁྲིད་གསུམ་དང་གདམས་ངག་ལ་སོགས་མ་ཐོབ་པ་ཡིན་ན་རང་རྒྱུད་ལ་གསང་སྔགས་རྡོ་རྗེ་ཐེག་པའི་ཉམས་ལེན་ཁྱད་པར་ཅན་ཐོབ་མི་ཐུབ་པས་ན་ངེས་པར་བླ་མའི་མདུན་དུ་དབང་ལུང་ཁྲིད་གསུམ་གསན་དགོས་པའོ། །རྟོགས་པ་ཁྱད་པར་ཅན་དང་ལྡན་པའི་དཔལ་ལྡན་བླ་མ་དམ་པ་ལ་བརྟེན་ནས་བླམ་ལས་དབང་ལུང་ཁྲིད་གསུམ་ཐོབ་ནས་སྒྱུ་ལུས་སོགས་ཀྱི་དངོས་གྲུབ་མཆོག་དཀའ་ཚེགས་མེད་པར་འབད་མེད་ཐོབ་པར་འགྱུར་བས་ན་བདག་སོགས་སེམས་ཅན་ཐམས་ཅད་ལས་ཉོན་གྱི་འཆིངས་བ་དམ་པོ་ལས་གྲོལ་བའི་ཕྱིར་དུ་ཟབ་པ་སྟོང་ཉིད་ཀྱི་རིམ་པ་དང་རྒྱ་ཆེ་བ་ལམ་གྱི་རིམ་པ་ལ་སོགས་པའི་ཟབ་མོའི་ཆོས་ཀྱི་འཁོར་ལོ་བསྐོར་བར་བསྐུལ་ལོ་ཞེས་ཆོས་འཁོར་བསྐོར་བར་བསྐུལ་བ་རེད།དེ་ཡང་ཡན་ལག་བདུན་པའི་ནང་གི་ཆོས་འཁོར་བསྐོར་བར་གསོལ་བ་བཏབ་པ་དེ་སྔོན་བདག་ཅག་གི་སྟོན་པ་ཐུགས་རྗེ་ཅན་རྒྱ་གར་རྡོ་རྗེ་གདན་དུ་སངས་རྒྱས་ནས་ཞག་བཞི་བཅུ་ཞེ་དགུའི་བར་དུ་ཆོས་མི་གསུང་བའི་ཚུལ་དུ་བཞུགས་ཡོད་པ་རེད། དེ་ཡང་བདག་ཅག་གི་སྟོན་པའི་ཞལ་སྔ་ནས། ཟབ་ཞི་སྤྲོས་བྲལ་འོད་གསལ་འདུས་མ་བྱས། །བདུད་རྩི་ལྟ་བུ་ཆོས་ཞིག་ཁོ་བོ་རྙེད། །སུ་ལ་བསྟན་ཀྱང་གོ་བར་མི་འགྱུར་བས། །མི་སྨྲ་ནགས་འདབ་ཉིད་དུ་གནས་པར་བྱ། །ཞེས་ཁོང་གིས་བདུད་རྩིའི་ལྟ་བུ་ཐོབ་པ་འདི་གཞན་ལ་བསྟན་ཀྱང་གོ་བར་མི་འགྱུར་བ་ཞིག་གོ་དགོངས་ཏེ་ཐུགས་ཆུང་ངུར་གྱུར་པ་ན། ལྷ་ཚངས་པ་ཆེན་པོས་ཤེས་ཏེ་གསོལ་བ་བཏབ་པ་ནི། མ་ག་དྷར་ན་སྔོན་ཆད་ཆོསབྱུང་བ། །དག་པ་མ་ལགས་དྲི་མར་བཅས་པར་རྟོགས། །བདུད་རྩི་ཆོས་ཀྱི་སྒོ་ནི་ཕྱེ་མཛོད་ལ། །དྲི་མ་མེད་པའི་རྟོགས་པ་བཤད་པར་མཛོད། །ཅེས་ཞུས་པ་ལ། བཀའ་སྩལ་པ། བདུད་རྩིའི་སྒོ་ནི་བདགགིས་དབྱེ་བར་བྱ། །ཉན་པ་སུ་འདོད་སོམ་ཉི་གསོལ་ཞིག་དང༌། །ཚངས་པ་མི་རྣམས་ལ་ནི་གྱ་ནོམ་ཆོས། །གླན་ཀ་མི་བཙལ་མདོ་ཙམ་བཤད་པར་བྱ། །ཞེས་ཐུགས་ཀྱི་བཞེས་ཏེ། ཞག་བདུན་ཕྲགབདུན་པར་བབས་པ་ན་ད་ནི་ལྔ་སྡེར་དཀའ་བ་སྤྱོད་དུས་གུས་པ་དང་ལྡན་པ་ཡིན་པས། ཆོས་ཐོགམར་བསྟན་པར་བྱ་དགོངས་ནས།ཡུལ་ཝཱ་རཱ་ཎ་སཱི་དྲང་སྲོང་ལྷུང་བ་རི་དྭགས་ཀྱི་གནས་སུ་གཤེགས།འཁོར་ལྔ་སྡེ་བཟང་པོ་ལ་བདེན་པ་བཞིའི་ཆོས་འཁོར་བསྐོར་བར་མཛད་པ་ཡིན་པ་རེད། དེ་བཞིན་དུ་དཔལ་ལྡན་བླ་མ་དམ་པ་ལ་ཆོས་འཁོར་བསྐོར་བར་གསོལ་བ་འདེབས་དགོས་པ་དང་དེ་ལྟར་གསོལ་བ་བཏབ་ན་དགེ་བ་རྒྱ་ཆེན་པོ་གསོགས་ཐུབ་པས་ན་ཆོས་ཀྱི་འཁོར་ལོ་བསྐོར་བར་བསྐུལ་ལོ་གསུངས་པའོ། །ཆོས་འཁོར་བསྐོར་བར་གསོལ་བ་བཏབ་པ་ལྟར་བླ་མས་འགྲོ་བ་སེམས་ཅན་ལ་ཆོས་འཁོར་སྐོར་དགོས་པ་རེད།སྟོང་གསུམ་རིན་པོ་ཆེས་བཀང་ཏེ་སྦྱིན་པ་བྱིན་པ་བས་ཚིགས་སུ་བཅད་པ་གཅིག་གི་དོན་བསྟན་ན་ཕན་ཡོན་ཆེ་བ་སངས་རྒྱས་བཅོམ་ལྡན་འདས་ཀྱིས་གསུངས་ཡོད་རེད། བདག་ཅག་གི་སྟོན་པའི་བཀའ་གནམ་ལྕགས་རལ་གྲིས་བཅད་པ་དངགསུངས་རྡོ་རྗེ་ཐེག་པས་མདུད་པ་ལས་ལྷག་པའི་ཚད་མར་བྱེད་ཐུབ་པ་དང་ཡིད་སྟོན་ཐུབ་ས་མེད་པས་ན་སངས་རྒྱས་ཀྱི་གསུངས་མདོ་རྒྱུད་དུ་མ་ནས་ཆོས་འཁོར་བསྐོར་བར་བསྐུལ་བ་ལ་སོགས་པ་ཡན་ལག་བདུན་པ་བྱས་པ་ཡིན་ན་བསོད་ནམས་ཀྱི་ཚོགས་གསོག་ཐུབ་པར་གསུངས་པ་ལྟར་ཡིད་ཆེས་བྱེད་དགོས་པ་གལ་ཆེན་པོ་རེད།
དྲུག་པ་མྱ་ངན་ལས་མི་འདའ་བར་གསོལ་བ་འདེབས་པའི་ཡན་ལག་ནི།འོད་གསལ་ལྷན་སྐྱེས་བདེ་བ།
དྲུག་པ་མྱ་ངན་ལས་མི་འདའ་བར་གསོལ་བ་འདེབས་པའི་ཡན་ལག་ནི།འོད་གསལ་ལྷན་སྐྱེས་བདེ་བ་ཆེ། །
ཐམས་ཅད་སྟོང་པ་བླ་མ་ཡི། །དྲིན་གྱི་གསལ་བར་འགྱུར་བས་ན། །བདག་བྱིན་རླབས་པ་མ་རྙེད་ན། །ངལ་བ་འབྲས་མེད་དེ་བཞིན་དུ། །བླ་མས་ཕོངས་པ་སྔགས་དང་ནི། །ཕྱག་རྒྱ་རྙེད་པར་མི་འགྱུར་བས། །མྱ་ངན་མི་འདའ་བདག་གསོལ་འདེབས། །སྔར་གྱི་འོད་གསལ་སྒྱུ་ལུས་ཀྱིས་གཉིས་སྤེལ་མའི་ཚུལ་དུ་བསྒོམ་ནས་མཐར་སྟོང་ཉིད་མངོན་སུམ་དུ་རྟོགས་པའི་མཚན་མ་རྙེད་འོང༌། དེའི་ཚེ་བླ་མ་ལ་ཚོགས་འཁོར་འབུལ་བ་དང༌། དེ་ནས་འོད་གསལ་གྱི་གདམས་པ་ཞུས་ནས་སྒོམ་པའི་ཚེ་རྩ་རླུང་སེམས་ཀྱི་དྲི་མ་ཉོན་སྒྲིབ་ཀྱི་ཆར་གྱུར་པ་ཕྲ་མོ་དང་བཅས་པ་སྙིང་གར་མི་ཤིགས་པའི་ཐིག་ལེའི་ཆོས་ཉིད་དང་གཉུགས་སེམས་ལ་ཐིམ་པའི་ཚེ་འཆི་བ་འོད་གསལ་བརྒྱ་འགྱུར་གྱིས་ཤེད་ཆེ་བའི་ཁམས་དྲུག་ཐིམ་པའི་རྟགས་དྲུག་དང་སྣང་བ་མཆེད་པ་ཐོབ་པ་འོད་གསལ་ཏེ་སྟོང་བཞིའི་འོད་གསལ་ལྷན་སྐྱེས་བདེ་བ་ཆེན་པོ་ཤར་བའི་ཚེ་སྟོང་ཉིད་མངོན་སུམ་དུ་རྟོགས་པ་མ་དག་སྒྱུ་ལུས་ཀྱི་མཚན་མ་དབྱིངས་སུ་ཡལ་བ་སྔགས་བླ་མེད་ཀྱི་མཐོང་ལམ་ཐོབ་པ་དོན་གྱི་འོད་གསལ་གྱི་རྟགས་ཐོབ་པ་ཡིན། དེ་འདྲའི་ཐམས་ཅད་སྟོང་པ་འོད་གསལ་བའི་རྟོག་པ་ཤར་བ་ནི་བླ་མ་རྡོ་རྗེ་འཆང་མཉེས་པར་བྱེད་པ་ཡིས་བཀའ་དྲིན་གྱིས་ཡིན་ཏེ་རང་རྒྱུད་འོད་གསལ་གྱི་རྟོགས་པ་གསལ་བར་འགྱུར་བ་བླ་མ་མཉེས་པ་ལ་རག་ལས་པ་ཆོས་ཉིད་ཡིན་པའི་ཕྱིར། མཉམ་བཞག་ལས་ལྡང་བའི་ཚེ་སྔོན་གྱི་འོད་གསལ་ལས་ལྡང་བའི་དག་པའི་སྒྱུ་ལུས་འགྲུབཔ་ཡིན་ཏེ། སྔགས་བླ་མེད་ཀྱི་མཐོང་ལམ་རྣམ་གྲོལ་ལམ་ཐོབ་པ་དང་དོན་གྱི་འོད་གསལ་ལས་ལྡང་བ་དུས་མཉམ་ཡིན་ལ། དེའི་ཚེ་གང་ཟག་དེ་ལུས་རག་པ་ལས་ལོགས་སུ་ཆུ་ལས་ཉ་ལྡང་བ་ལྟར་སྙིང་གར་མི་ཤིགས་པའི་ཐིག་ལེ་དེར་སྒྱུ་མའི་དཔེ་བཅོ་ལྔ་དང་ཆོས་མཚུངས་བའི་གསང་བ་འདུས་པའི་སྐུ་ཕུང་པོ་ཁམས་དང་སྐྱེ་མཆེད་སོགས་རྫོགས་པ་མངོན་སུམ་དུ་གྱུར་བ་ནི་བདག་བྱིན་གྱིས་རླབས་པའི་ཟུང་འཇུག་སྟེ། དེ་ལྟ་བུའི་ཐམས་ཅད་སྟོང་པ་ནི་བླ་མའི་དྲིན་གྱིས་རང་རྒྱུད་ལ་གསལ་བར་འགྱུར་བས་ན་སྟེ་ཐོབ་པ་ཡིན་ལ། ཐམས་ཅད་སྟོང་བ་དོན་གྱི་འོད་གསལ་ལས་ནི་དག་པའི་སྒྱུ་ལུས་འགྲུབ་པ་ཡིན་པས་བླ་མ་མ་མཉེས་ན་འོད་གསལ་མི་འགྲུབ།འོད་གསལ་མ་འགྲུབ་ན་བདག་བྱིན་རླབ་ཟུང་འཇུག་མི་ཐོབ།དེ་འདྲ་བདག་བྱིན་གྱིས་རློབས་པའི་ཟུང་འཇུག་གིརྟོགས་པ་དེ་མ་རྙེད་ན་ལམ་སྒྲུབ་པ་པོའི་གང་ཟག་དེས་མཆོག་སྒྲུབ་པའི་ལས་བྱས་པ་ངལ་བ་འབྲས་བུ་མེད་པར་འགྱུར་རོ། །དེ་བཞིན་དུ་བླ་མ་ལས་གདམས་ངག་མ་ཐོབ་པའི་ཕོངས་པ་དག་གིས་སྔགས་དང་ནི་སྔགས་ཀྱི་འབྲས་བུ་ཞི་རྒྱས་དབང་དྲག་གི་ལས་གང་ཡང་མི་འགྲུབ་པ་དང༌། སྡིག་མཛུབཀྱི་ཕྱག་རྒྱ་བསྟན་པ་ཙམ་གྱིས་ཞི་རྒྱས་སོགས་འགྲུབ་པ་ལྟ་བུར་རྙེད་པར་མི་འགྱུར་བས་ན་བླ་མ་རྡོ་རྗེ་འཆང་ཁྱེད་ནི་འཇིག་རྟེན་ཁམས་སུ་འགྲོ་བ་སེམས་ཅན་ཐམས་ཅད་ཀྱི་དོན་དུ་སྐུ་མྱ་ངན་ལས་མི་འདའ་བར་བསྐལ་བརྒྱའི་བར་དུ་བཞུགས་པར་བདག་གིས་སྒོ་གསུམ་གུས་པ་ཆེན་པོའི་སྒོ་ནས་གསོལ་བ་འདེབས་ཞེས་གསོལ་བ་འདེབ་པ་ཡིན་ནོ། །དཔལ་མགོན་འཕགས་པ་ཀླུ་སྒྲུབ་ཀྱི་རིམ་ལྔ་ལས། བདག་བྱིན་བརླབ་པའི་ཏིང་འཛིན་དང༌། །དེ་བཞིན་འོད་གསལ་བ་ཡི་གནས། །རྒྱུ་དངའབྲས་བུའི་ཁྱད་པར་གྱིས། །བདེན་པ་གཉིས་སུ་བསྟན་པ་ཡིན། །བདག་བྱིན་བརླབ་པའི་རིམ་གྱིས་ནི། །འོད་གསལ་བ་ནི་ཐོབ་པར་འགྱུར། །དེ་བས་རྡོ་རྗེ་སློབ་དཔོན་གྱིས། །དང་པོར་བདག་ལ་བྱིན་བརླབ་བསྟན། །འགྲོ་ཀུན་རང་དབང་མེད་པ་སྟེ། །རང་དབང་དུ་ནི་འབྱུང་མ་ཡིན། །དེ་ཡི་རྒྱུ་ནི་འོད་གསལ་བ། །འོད་གསལ་ཐམས་ཅད་སྟོང་པའོ། །ཞེས་དང༌། དཔལ་ཡང་དག་པར་སྦྱོར་བའི་རྒྱུད་ལས། ནང་གི་དབྱེ་བ་འདི་ཉིད་ནི། །བླ་མའི་ཞལ་ལས་རྙེད་པར་འགྱུར། །བླ་མ་སྨད་པའི་སེམས་ཅནརྣམས། །སྔགས་དང་ཕྱག་རྒྱ་རྙེད་མི་འགྱུར། །ཞེས་སོགས་དངོས་གྲུབ་ཐམས་ཅད་ཀྱི་རྩ་བ་དཔལལྡན་བླ་མ་དམ་པ་ཡིན་པའི་རྒྱུ་མཚན་གྱིས་བླ་མ་ལས་དབང་ལུང་ཁྲིད་གསུམ་ཞུ་དགོས་པ་དང༌།དཔལ་ལྡན་བླ་མ་སྨད་པའི་གང་ཟང་ལ་ཕྱག་རྒྱ་ཆེན་མོའི་མཆོག་གི་དངོས་གྲུབ་སོགས་ཐོབ་མི་ཐུབ་པར་གསུངས་པའོ། །དེ་ཡན་ཆད་ཡན་ལག་བདུན་པའི་ནང་གི་སྐུ་མྱ་ངན་ལས་མི་འདའ་བར་གསོལ་བ་འདེབས་པའི་ཡན་ལག་སོང་ཟིན་པ་རེད། སྤྱིར་རང་གི་དཔལ་ལྡན་བླ་མ་དམ་པ་དང་སངས་རྒྱས་དང་བྱང་ཆུབ་སེམས་དཔའ་སོགས་ལ་འགྲོ་བ་སེམས་ཅན་ཐམས་ཅད་ཀྱི་དོན་དུ་འཁོར་བ་མ་སྟོང་གི་བར་དུ་སྐུ་ཚེ་བསྐལ་བརྒྱའི་བར་དུ་བཞུགས་པར་གསོལ་བ་འདེབས་དགོས་པ་དང་རང་གི་དགེ་བའི་རྩ་བ་གང་བསགས་པ་ཡིན་ན་བསྟན་འཛིན་གྱི་སྐྱེས་བུ་ཇི་སྙེད་ཡོད་པ་དང་ལྷག་པར་དུ་དཔལ་ལྡན་བླ་མ་དམ་པ་རྡོ་རྗེ་འཆང་གི་སྐུ་ཚེ་ཞབས་པད་བརྟན་པའི་ཆེད་དུ་བསྔོ་བ་བྱས་ནས་མྱ་ངན་ལས་མི་འདའ་བར་གསོལ་བ་འདེབས་དགོས་པ་རེད་ཞུས་པ་ཡིན།
བདུན་པ་ལ་སྐྱབས་འགྲོ་དང་བསྔོ་བ་སྨོན་ལམ་གྱི་ཡན་ལག་དངོས།
བདུན་པ་ལ་སྐྱབས་འགྲོ་དང་བསྔོ་བ་སྨོན་ལམ་གྱི་ཡན་ལག་དངོས་དང་གཉིས།
དངཔོ་སྐྱབས་འགྲོ་ནི།མཐོ་རིས་གནས་སུ་ལྷ་ཡི་དབང༌། །ས་སྟེང་འཁོར་ལོ་སྒྱུར་བ་ཉིད། །ས་འོག་གདེངས་ཅན་བདག་པོའི་ཚུལ། །ཨོཾ་ཡིག་གཙང་མ་རིག་བྱེད་མཆོག །འགྲོ་བའི་བླ་མ་ཕ་མ་གཉེན། །གྲོགས་དང་མགོན་དང་བྱེད་པོ་དང༌། །སྐྱོན་འཇོམས་ཡོན་ཏན་ཀུན་གྱི་གནས། །རྡོ་རྗེའི་རྣལ་འབྱོར་ཅན་ལ་འདུད། །ཀུན་འགྲོའི་ཡེ་ཤེས་བརྟན་གཡོ་ཅན། །འགྲོ་འོང་མེད་པར་ཁྱབ་མཛད་པ། །སྐྱེས་བུའི་ཁྱུ་མཆོག་ཐུབ་དབང་པོ། །དབུལ་དང་མགོན་མེད་ཐམས་ཅད་ཀྱི། །སྐྱོབ་པ་ཡིད་བཞིན་ནོར་བུ་ལ། །མི་ཟད་འཁོར་བའི་འཇིགས་པ་བདག །འདི་ཕྱི་ཀུན་དུ་སྙིང་ཐག་པས། །སྒོ་གསུམ་དད་པས་ཁྱོད་བསྟེན་ནོ། །ཁྱབ་བདག་རྡོ་རྗེ་འཆང་དཔལ་ལྡན་བླ་མ་དམ་པ་ཁྱོད་ནི་མཐོ་རིས་ལྷའི་གནས་སུ་ལྷ་ཡི་དབང་པོ་ཚངས་པ་དང་བརྒྱ་བྱིན་ཁྱབ་འཇུག་སོགས་ཀྱི་གཟུགས་སུ་བསྟན་ནས་ལྷ་རྣམས་འདུལ་བར་མཛད་པ་ཡིན་ཏེ། ཐམས་ཅད་མཁྱེན་པ་ཏཱ་ར་ནཱ་ཐའི་ཞལ་ནས། ཚངས་དང་ཁྱབ་འཇུག་འདོད་ལྷ་དབངཔོ་དང༌། །དབང་ཕྱུག་ལ་སོགས་ལྷ་ཡི་གཟུགས་སུའང་སྟོན། །ཞེས་གསུངས་པ་ལྟར་རོ། ། ས་སྟེང་གླིང་བཞི་ལ་དབང་བའི་གསེར་གྱི་འཁོར་ལོ་ཅན་ལ་སོགས་པ་མི་དབང་འཁོར་ལོ་སྒྱུར་བ་ཉིད་སྐྱེ་བ་བཞེས་ནས་སེམས་ཅན་གྱི་དོན་མཛད་པ་དང༌། ས་འོག་ཀླུ་ཡུལ་ནས་སྦྲུལ་གྱི་གདེངས་ཅན་ཐམས་ཅད་ཀྱི་བདག་པོའི་དགའ་བོ་དང་ཉེ་དགའ་སོགས་ཀླུ་ཆེན་བརྒྱད་ཀྱི་ཚུལ་བཟུང་བ་དང༌། ཨོཾ་ཡིགགཙང་མ་དྲི་མ་དང་བྲལ་བའི་དེའི་སྒྲ་གདངས་ལས་སྣོད་ཀྱི་འཇིག་རྟེན་དང་བཅུད་ཀྱི་སེམས་ཅན་རྣམས་སྐྱེ་བར་འདོད་པའི་མུ་སྟེགས་བརྡ་སྤྲོད་པ་དག་གི་རྗེས་སུ་འཛིན་པའི་ཆེད་དུ་དེ་དག་གི་ལྷའིཚུལ་དུ་བཟུང་བ་དང༌། ངེས་བརྗོད། མཆོད་སྦྱིན།སྙན་ཚིག སྲིད་སྲུང་གི་རིག་བྱེད་བཞི་སྨྲ་བ་ཕྱི་རོལབྱེ་བྲག་པ་དང་རིག་པ་ཅན་གཉིས་སོགས་དང༌། གྲངས་ཅན་ལ་སོགས་དག་གི་གྲུབ་མཐའ་འམཆོས་ལུགས་ལས་མཆོག་ཏུ་སྨྲ་བ་མུ་སྟེགས་རིག་བྱེད་གྲུབ་མཐའ་སྨྲ་བའི་གྲུབ་མཐའ་བསྟན་པར་མཛད་པའི་སློབ་དཔོན་གྱི་ཚུལ་བཟུང་ནས་འགྲོ་དོན་མཛད་པ་དང༌། རྡོ་རྗེ་འཆང་དངོས་དཔལལྡན་བླ་མ་དམ་པ་ཁྱོད་ཀྱིས་འགྲོ་བ་སེམས་ཅན་ཐམས་ཅད་ལ་མ་བཅོལ་བཞིན་དུ་ཕན་བདེ་སྒྲུབ་པས་བླ་མ་དང༌། མཐོ་རིས་དང་ཐར་བ་དག་གི་ས་བོན་བསྐྲུན་པས་ཕ་ལྟ་བུ་དང༌། ཡོན་ཏན་གྱི་ལུསབསྐྱེད་པར་བྱེད་པས་མ་ལྟ་བུ་དང༌། ཐར་བའི་ལམ་ལ་ཁྲིད་པ་དང་གནོད་པའི་ལམ་ལས་སྐྱོབ་པར་བྱེད་པས་གཉེན་ལྟ་བུ་དང༌། སྡུག་བསྔལ་ལས་ཐར་བར་བྱེད་པའི་ལམ་སྒྲུབ་པའི་གྲོགས་ཡིན་པསགྲོགས་དང༌། དཔལ་ལྡན་བླ་མ་གང་ཉིད་སྡུག་བསྔལ་གྱིས་དབུགས་མ་འབྱུང་བ་རྣམས་དབུགས་དབྱུང་བར་བྱེད་པའི་སྲིད་ཞིའི་འཇིགས་པ་ལས་སྐྱོབ་པའི་མགོན་དང༌།བདེ་ལེགས་ཐམསཅད་ཀྱི་བྱེད་པོ་དང༌། མདོར་ན་ཁྱབ་བདག་རྡོ་རྗེ་འཆང་ཆེན་པོ་དཔལ་ལྡན་བླ་མ་ཁྱོད་ནི་འགྲོབ་སེམས་ཅན་ཐམས་ཅད་ཀྱི་སྐྱོན་ཐམས་ཅད་འཇོམས་པའམ་ཞི་བར་བྱེད་པ་པོ་ཡིན་པ་དང༌། ཡོནཏན་ཆེ་སྐྱེ་ཆུང་སྐྱེ་ཐམས་ཅད་དཔལ་ལྡན་བླ་མས་གདམས་ངག་བརྩལ་བ་ལས་བྱུང་བས་ན་ཡོན་ཏན་ཀུན་གྱི་འབྱུང་གནས་ཡིན་པས་རྡོ་རྗེའི་རྣལ་འབྱོར་ཅན་སྟེ་བདེ་སྟོང་ཟུང་འཇུག་གི་དཔལ་ལྡན་བླ་མའི་སྐུ་ལ་སྒོ་གསུམ་གུས་པ་ཆེན་པོས་འདུད། སེམས་ཅན་ཐམས་ཅད་ཀྱི་རྒྱུད་ལ་ཀུན་ཏུ་འགྲོ་བའི་བདེ་སྟོང་ཟུང་འཇུག་གི་ཡེ་ཤེས་དེ་ནི་བརྟན་པ་སྣོད་ཀྱི་གཞལ་ཡས་ཁང་དང༌། གཡོ་བ་བཅུདཀྱི་ལྷ་སྐུའི་རྣམ་པ་ཅན་ཡིན་ཏེ། རྒྱུད་ལས། སྲིད་པ་གསུམ་ལས་འདས་ཀྱང་སྲིད་པ་གསུམ་གྱི་རྣམཔ་ཅན། །ཕྲ་རབ་རྡུལ་གྱི་ཆོས་དང་བྲལ་ཡང་བརྟན་དང་གཡོ་བ་ཀུན་གྱི་གཟིགས། །ཞེས་གསུངས་པ་ལྟར་བརྟན་གཡོ་ཐམས་ཅད་ཀྱི་བདག་ཉིད་ཅན་ཡིན་པ་དང༌། དོན་དམ་ཁམས་བདེ་བར་གཤེགསཔའི་སྙིང་པོ་དེ་ཉིད་འགྲོ་དོན་རྫོགས་མཚམས་སུ་འགྲོ་བ་དང༌། གསར་དུ་འོང་བའམ་ལེན་པ་སོགསསྐྱེ་འགགས་མེད་པར་ཤེས་བྱའི་ཆོས་ཐམས་ཅད་ལ་ཁྱབ་པར་མཛད་པ་དང༌། དཔེར་ན་ཕྱུགསཐམས་ཅད་ཀྱི་ནང་ནས་ལམ་གྱི་སྣ་འདྲེན་པར་བྱེད་པ་ཁྱུ་མཆོག་ཡིན་པ་བཞིན་དུ་སྐྱེ་དགུ་ཐམས་ཅད་བླངས་དོར་གྱི་གསན་ཚུལ་བཞིན་དུ་སྟོན་པའི་སྒོ་ནས་མཐོ་རིས་དང་ཐར་བའི་ལམ་དུ་འདྲེན་པར་བྱེད་པ་པོ་སྐྱེས་བུའི་རྣམས་ཀྱི་ཁྱུ་མཆོག་སངས་རྒྱས་དང༌། དེ་ཉིད་སྒོ་གསུམ་གྱི་ཉོན་མོངས་པའི་དགྲ་ཐུབ་པ་དང་ལུང་རྟོགས་ཀྱི་ཡོན་ཏན་མཐར་ཕྱིན་པས་ཐུབ་པའི་དབང་པོ་ཡིན་པ་དང༌།རྣམ་དཀར་གྱི་དགེ་བ་དང་ལོངས་སྤྱོད་མེད་པའི་དབུལ་ཕོངས་བའི་སེམས་ཅན་དང༌། སྡུག་བསྔལམནར་བའི་སེམས་ཅན་མགོན་མེད་པ་རྣམས་ཀྱི་མགོན་དང་སེམས་ཅན་ཐམས་ཅད་ཀྱི་སྡུག་བསྔལ་ལས་སྐྱོབ་པའི་ཡིད་བཞིན་གྱི་ནོར་བུ་ལྟ་བུ་ཁྱབ་བདག་རྡོ་རྗེ་འཆང་ཁྱེད་ལ་གཏིང་མཐའ་མེད་པའི་གནས་སུ་སྡུག་བསྔལ་མྱོང་ཞིང་ཡུན་རིང་ལ་དོས་དྲག་པའི་སྡུག་བསྔལ་མི་བཟོད་ཅིང་ཁམས་གསུམ་འཁོར་བའི་མི་འདོད་པ་འདི་ལས་འཇིགས་ཤིང་སྐྲག་པའི་བློ་ཀུན་ནས་བླངས་ཏེ། བདག་དེང་ནསབཟུང་ཚེ་འདི་ཕྱི་ཀུན་ཏུ་སྙིང་ཐག་པ་ནས་སྒོ་གསུམ་དད་པས་དབང་གིས་དཔལ་ལྡན་བླ་མ་རྡོ་རྗེ་འཆང་ཆེན་པོ་ཁྱོད་རང་གཞན་སེམས་ཅན་ཐམས་ཅད་སྲིད་ཞིའི་འཇིགས་པ་ལས་སྐྱོབ་པའི་སྐྱབས་སུ་བསྟེན་པ་ཡིན་ནོ། །ཞེས་དེ་ཡན་ཆད་ཁྱབ་བདག་རྡོ་རྗེ་འཆང་ཆེན་པོ་དཔལ་ལྡན་བླ་མ་དམ་པ་ལ་འདུད་པ་དང་སྲིད་ཞིའི་འཇིགས་པ་ལས་སྐྱོབ་པའི་སྐྱབས་སུ་བསྟེན་པའི་སྐྱབས་འགྲོ་གསུངས་པའོ། །གཉིས་པ་བསྔོ་བ་སྨོན་ལམ་གྱི་ཡན་ལག་དངོས་ནི།རྡོ་རྗེའི་རིགས་ལ་སློབ་དཔོན་བཟུང་བ་ནི། །དམ་ཚིག་ཀུན་གྱི་རྩ་བར་ཡང་ཡང་གསུངས། །མྱོས་བྱེད་དམན་པའི་མཆོད་དང་སྦྱིན་སྲེག་ནི། །མར་དང་བྲལ་ན་འབྲས་མེད་རིགས་ཀྱི་ཆོས། །བཏང་བའི་མི་རིགས་དོན་མེད་དེ་ལྟ་བུར། །སློབ་དཔོན་དང་བྲལ་ཆོས་ཀྱང་དོན་མི་འགྲུབ། །དེ་ཕྱིར་དམ་ཚིག་ཀུན་ལས་ཁྱད་པར་དུ། །སློབ་དཔོན་དམ་ཚིག་འབད་ནས་བཟུང་བར་བགྱི། །དུས་དང་གནས་སྐབས་དག་ནི་ཐམས་ཅད་དུ། །དཔལ་ལྡན་བླ་མའི་འཕྲིན་ལས་བསྒྲུབ་པར་ཤོག །སྤྱིར་སངས་རྒྱས་ཀྱི་གཟུགས་སྐུ་འགྲུབ་པའི་རྒྱུ་དེ་མདོ་ཕར་ཕྱིན་ཐེག་པ་ལྟར་ན་སྦྱིན་སོགས་ཕ་རོལ་ཏུ་ཕྱིན་པ་དྲུག་སྒོམ་པ་དང༌། དེ་ཡང་ཚོགས་གཉིས་ལས་གཙོ་བོ་བསོད་ནམས་ཀྱི་ཚོགས་ལས་གཟུགས་སྐུ་འགྲུབ་པ་དང༌། གསང་བ་སྔགས་ལ་ནི་རྒྱུད་སྡེ་བཞི་ག་ལ་ལྷའི་གསལ་སྣང་སྒོམ་དུ་ཡོདཔས་ལྷ་སྒོམ་པ་གཟུགས་སྐུའི་རྒྱུ་ཡིན་ལ། ལྷའི་རྣལ་འབྱོར་དེ་ཐམས་ཅད་རིག་ལྔའི་དམ་ཚིག་བསྲུངབ་དང༌། དེའི་ཉམས་ལེན་ཡིན་ལ་དེའི་ནང་ནས་རྡོ་རྗེ་ཐེག་པའི་དམ་ཚིག་ནི་མི་བསྐྱོད་པའི་དམ་ཚིག་སྟེ་རྡོ་རྗེ་དྲིལ་བུ་བཟུང་བ་དང་ཕྱག་རྒྱ་ལྷའི་རྣལ་འབྱོར་སློབ་དཔོན་བཟུང་བའམ་སློབ་དཔོན་ཚུལ་བཞིན་དུ་བསྟེན་པ་དེ་རྡོ་རྗེ་རིགས་ཀྱི་དམ་ཚིག་ཡིན་ནོ། །དེའི་ཕྱིར་རྡོ་རྗེའི་རིགས་ལ་སློབ་དཔོནགྱི་དམ་ཚིག་དེ་ནི་སློབ་དཔོན་དངོས་གྲུབ་ཐམས་ཅད་འབྱུང་བའི་གནས་སུ་བཟུང་བའི་སམ་ཚིག་ཡིན་པས་དེ་ནི་རིགས་ལྔའི་དམ་ཚིག་གཞན་ཀུན་ལས་ཀྱང་ཁྱད་པར་དུ་འཕགས་པ་མ་སྐྱེས་པ་རྣམས་སྐྱེས་པར་བྱེད་པ་དང༌། སྐྱེས་པ་རྣམས་གོང་འཕེལ་དུ་བྱེད་པས་དམ་ཚིག་ཀུན་གྱི་རྩ་བ་ཡིན་པརརྒྱུད་སྡེ་ཀུན་ལས་ཡང་ཡང་གསུངས་པའོ། །གསང་བ་སྔགས་ཀྱི་ཚོགས་འཁོར་ལ་སོགས་པ་མཆོདཔའི་སྐབས་མྱོས་བྱེད་དམན་པའི་ཆང་གི་མཆོད་པ་དང༌། སྦྱིན་སྲེག་གི་སྐབས་ནི་མར་དང་བྲལ་ན་འདོད་པའི་འབྲས་བུ་མི་འགྱུར་བའམ་མེད་པའི་རིགས་ཀྱི་ཆོས་ཡིན་ཕྱིར་རིགས་དེ་བཏང་བ་སྟེ་འདོར་བ་མི་རིགས་པར་དོན་མེད་པར་འདོད་པ་དེ་ལྟ་བུ་ནི་རྡོ་རྗེ་སློབ་དཔོན་གྱི་དམ་ཚིག་བཟུང་བ་དང་བྲལ་ན་ལེགས་པའི་ཆོས་གང་གིས་ཀྱང་དོན་མི་འགྲུབ་པའམ་འགྲུབ་པར་མི་འགྱུར་བ་ནི་གསང་བསྔགས་ཀྱི་མཆོག་ཐུན་གྱི་ལས་སྒྲུབ་པའི་རིགས་ཀྱི་ཆོས་ཡིན་ནོ། ། མདོར་ན་གསང་བ་སྔགསཀྱི་ཚོགས་འཁོར་གྱི་མཆོད་པ་འབུལ་བ་ཡིན་ན་མྱོས་བྱེད་དམན་པའི་ཆང་མེད་པ་དང་སྦྱིན་སྲེག་གི་སྐབས་སུ་བསྲེག་རྫས་མར་ལ་སོགས་པ་དང་བྲལ་བ་ཡིན་ན་འབྲས་བུའི་དོན་མི་འགྱུར་བ་བཞིན་དུ་སློབ་དཔོན་གྱི་དམ་ཚིག་བཟུང་བ་དང་བྲལ་ན་རང་གི་འདོད་དོན་འགྲུབ་མི་ཐུབ་པ་རེད། རྒྱུ་མཚནདེའི་ཕྱིར་ན་རིགས་ལྔའི་དམ་ཚིག་གཞན་ཀུན་ལས་ཁྱད་པར་དུ་འཕགས་པ་ནི་སློབ་དཔོན་གྱི་དམ་ཚིག་ཡིན་པས་འབད་པ་ཆེན་པོ་སྒོ་ནས་སློབ་དཔོན་གྱི་དམ་ཚིག་བཟུང་བར་བགྱིའོ། །དེ་ལྟར་ཡན་ལག་བདུན་པ་བྱས་པ་ལ་མཚོན་ནས་རང་གཞན་སྐྱེ་འཕགས་ཐམས་ཅད་ཀྱི་དུས་གསུམ་དུ་བསགས་པའི་དགེ་བའི་རྩ་བ་ལ་བརྟེན་ནས་དུས་འཁོར་བ་མ་སྟོང་གི་བར་དང༌། གནས་སྐབས་དག་ནི་ལྷཡུལ་དུ་སྐྱེ་བ་དང་མིའི་སྐྱེ་བ་ལེན་པའི་ཚེ་མཐོ་དམན་དར་རྒུད་གང་བྱུང་བའི་དུས་ཐམས་ཅད་དུ་དཔལ་ལྡན་བླ་མའི་སེམས་ཅན་གྱི་དོན་སྒྲུབ་པ་དང༌། རྒྱལ་བའི་བསྟན་པ་སྤེལ་བའི་འཕྲིན་ལས་མལུས་པ་ཐམས་ཅད་བདག་གཅིག་པུས་བསྒྲུབ་པར་ཤོག་ཅིག་ཅེས་བསྔོ་བ་སྨོན་ལམ་བཏབ་པ་རེད།ཁྱོད་ཉིད་གང་ལ་མཉེས་པ་དེ་སྒྲུབ་ནས། །མི་བརྙེས་བྱེད་པ་ཐམས་ཅད་སྤངས་བར་ཤོག །ཁྱོད་ཉིད་དགྱེས་པར་གྱུར་ན་བདག་ཅག་རྣམས། །བྱང་ཆུབ་མཆོག་ཐོབ་ལས་ཀྱང་ལྷག་པ་ཉིད། །གལ་ཏེ་ཁྱེད་མི་མཉེས་ན་ཚེ་འདི་ལ། །བྱང་ཆུབ་ཐོབ་ཀྱང་དོན་མཆོག་འགའ་མ་མཆིས། །བདག་གཞན་དུས་གསུམ་དགེ་བ་མ་ལུས་པ། །གཅིག་ཏུ་བསྡུས་པའི་སྟོབས་ལས་ཚེ་འདི་ལ། །མཆོག་གི་དངོས་གྲུབ་དམ་པ་མངོན་གྱུར་ཞིང༌། །རྟག་ཏུ་བླ་མ་མཉེས་ཤིང་མཆོད་བྱེད་ཤོག །བདག་ཅག་འཁོར་བའི་བཙོན་རར་ཚུད་རྣམས་ལ། །འདྲེན་པ་ཁྱོད་ལས་སྐྱབས་གཞན་མ་མཆིས་པས། །མོས་གུས་རྒྱུན་ཆད་མེད་པར་གསོལ་བ་འདེབས། །ཐུགས་རྗེས་གཡེལ་བ་མེད་པར་གཟིགས་སུ་གསོལ། །དཔལ་ལྡན་བླ་མ་རྡོ་རྗེ་འཆང་ཆེན་པོ་ཁྱོད་ཉིད་ཐུགས་གང་ལ་མཉེས་པ་དེ་ཐམས་ཅད་སྒྲུབ་ནས།ཐུགས་མི་བརྙེས་པར་བྱེད་པ་ཐམས་ཅད་སྤངས་བར་ཤོག་ཅིག་ཅེས་སྨོན་ལམ་བཏབ་པ་རེད། དཔལལྡན་བླ་མ་དམ་པ་ཁྱོད་ཉིད་མཆོད་པ་གསུམ་གྱི་སྒོ་ནས་ཐུགས་དགྱེས་པར་གྱུར་བ་ནི་བདག་ཅག་གདུལ་བྱ་རྣམས་ཉན་རང་གི་བྱང་ཆུབ་དང་བྱང་ཆུབ་མཆོག་ཐོབ་པ་ལས་ཀྱང་ལྷག་པ་ཉིད་ཡིན་ལ། གལ་ཏེ་དཔལ་ལྡན་བླ་མ་རྡོ་རྗེ་འཆང་ཆེན་པོ་ཁྱོད་ཀྱི་ཐུགས་མི་མཉེས་པར་གྱུར་ན་བདག་གི་ཚེ་འདི་ཉིད་ལ་བྱང་ཆུབ་སྟེ་ཉན་རང་དགྲ་བཅོམ་པའི་གོ་འཕང་སོགས་ཐོབ་ཀྱང་དེའི་སྐྱེ་དགུའི་རེ་འདོད་མ་ལུས་པ་སྐོང་བའི་དོན་མཆོག་འགའ་ཡང་མ་མཆིས་སོ། །བདག་དང་གཞན་དག་གིས་འདས་མའོངས་ད་ལྟ་དུས་གསུམ་དུ་བསགས་པའི་དགེ་བའི་རྩ་བ་མ་ལུས་པ་ཐམས་ཅད་གཅིག་ཏུ་བསྡུས་པའི་སྟོབས་ལས་ཚེ་འདི་ཉིད་ལ་མཆོག་གི་དངོས་གྲུབ་རྡོ་རྗེ་འཆང་གི་དམ་པ་མངོན་དུ་གྱུར་ཞིང༌།དུས་རྟག་ཏུ་དཔལ་ལྡན་བླ་མའི་ཐུགས་མཉེས་པར་བྱས་ཤིང་མཆོད་པ་རྒྱ་ཆེན་པོ་བྱེད་པར་ཤོག་ཅིག་ཅེས་བསྔོ་བ་མཛད་པ་རེད། བདག་ཅག་ལས་ཉོན་ལས་འཁོར་བའི་ཉེར་ལེན་གྱི་ཕུང་པོ་ལྔནི་འཁོར་བའི་བཙོན་ཁང་ལྟ་བུ་དང༌། ཕུང་པོ་ལྔའམ་བཞིའི་ཚོགས་པ་གང་ཟག་ཏུ་བཏགས་པའིང་ནི་བཙོན་པ་ལྟ་བུ་ཡིན་ལ། དེ་ལྟ་བུའི་བཙོན་རར་ཚུད་ནས་སྐྱེ་རྒ་ན་འཆི་ལ་སོགས་པའི་སྡུག་བསྔལ་སྣ་ཚོགས་མྱོང་བ་རྣམས་ལ་དམ་པའི་ཆོས་ཀྱི་ཞི་བསིལ་ཐར་བའི་གྲོང་ཁྱེར་དུ་འདྲེན་པ་དཔལ་ལྡན་བླ་མ་རྡོ་རྗེ་འཆང་ཁྱོད་ལས་སྐྱབས་གཞན་མ་མཆིས་པས་དཔལ་ལྡན་བླ་མ་ཉིད་ཀྱི་སྐུ་གསུངཐུགས་ལ་མོས་གུས་དད་པ་དང༌། བཀའ་དྲིན་དྲན་པའི་གུས་པ་ཆེན་པོ་སྒོ་ནས་རྒྱུན་ཆད་པ་མེདཔར་གསོལ་བ་རྩེ་གཅིག་ཏུ་འདེབས་ཞེས་ཞུ་བ་འབུལ་བ་ལགས་ན། ཁྱེད་ཀྱི་ཐུགས་བརྩེ་བ་སྙིངརྗེ་ཆེན་པོས་སྒོ་ནས་དུས་སྐད་ཅིག་ཀྱང་གཡེལ་བ་མེད་པར་གཟིགས་སུ་གསོལ་ཞེས་པའོ། །རྡོ་རྗེ་སློབ་དཔོན་སྐུ་དང་བདག་གི་ལུས། །དབྱེར་མེད་རྡོ་རྗེའི་སྐུ་རུ་བྱིན་གྱིས་རློབས། །དཔལ་ལྡན་བླ་མའི་ཅི་གསུང་སྒྲུབ་པ་དང༌། །གསུང་ངག་དབྱེར་མེད་རྡོ་རྗེའི་གསུང་ཐོབ་ཤོག །ཐུགས་ཀྱི་གསང་བའི་མཛོད་ཀུན་འཛིན་པ་དང༌། །ཐུགས་ཡིད་དབྱེར་མེད་འདྲེས་པར་བྱིན་གྱིས་རློབས། །རྡོ་རྗེ་སློབ་དཔོན་ཁྱོད་ཀྱི་གཙང་བདེ་རྟག་བདག་གི་ཕ་རོལ་ཏུ་ཕྱིན་པའི་སྐུ་དེ་དང་བདག་གི་ལུས་གཉིས་དབྱེར་མེད་པར་དཔལ་ལྡན་བླ་མའི་སྐུ་ལྟ་བུའི་རྣམ་པ་ཐམས་ཅད་པའི་རྡོ་རྗེའི་སྐུ་རུ་བྱིན་གྱིས་རློབས་ཤིག བདག་གིས་དུས་དང་གནས་སྐབས་ཐམས་ཅད་དུ་དཔལ་ལྡན་བླ་མའི་ཅི་གསུང་ཚུལ་བཞིན་དུ་སྒྲུབ་པ་དང༌། གསུངས་དེ་ཚུལ་བཞིན་དུ་སྒྲུབས་པའི་སྟོབས་ཀྱིས་ཐར་ཐུག་ཏུ་བླམའི་གསུང་དང་རང་གི་ངག་གཉིས་དབྱེར་མེད་པའི་དུས་དང་གནས་སྐབས་ཐམས་ཅད་དུ་ཆོས་ཀྱི་སྒོའི་མཐའ་ཡས་པ་ཅིག་ཆར་སྟོན་ནུས་པའི་རྡོ་རྗེའི་གསུང་ཐོབ་པར་ཤོག་ཅིག དཔལ་ལྡན་བླ་མའི་ཐུགས་ཀྱི་གསང་བའི་མཛོད་སྐྱེ་དགུའི་བདེ་སྐྱིད་སྤེལ་བ་དང༌། ལུང་རྟོགས་ཀྱི་བསྟན་པ་སྤེལབའི་འཕྲིན་ལས་ཀུན་འཛིན་པ་དང༌། མཐར་ཐུག་ཏུ་ཁྱོད་ཀྱི་ཐུགས་ཤེས་བྱའི་རྣམ་པ་མ་ལུས་པཅིག་ཆར་དུ་མངོན་སུམ་དུ་རྟོགས་པའི་ཡེ་ཤེས་དང་བདག་གི་ཡིད་གཉིས་དབྱེར་མེད་དུ་འདྲེས་པར་བྱིན་གྱིས་རླབས་དུ་གསོལ།བདེ་སྟོང་ཟུང་འཇུག་སྟོང་ཉིད་སྙིང་རྗེའི་ངང༌། །ཐབས་ཤེས་དབྱེར་མེད་བསྐྱེད་རྫོགས་ཟུང་འཇུག་མཆོག །སྐྱེ་མེད་འོད་གསལ་མངོན་སུམ་མཐོང་ཞིང་རྟོགས། །རྡོ་རྗེ་འཆང་དངོས་ཁྱོད་དང་མཚུངས་པར་ཤོག །བླ་མ་སངས་རྒྱས་དངོས་སུ་མཐོང་བ་དང༌། །ཞི་ལྷག་དབྱེར་མེད་ཏིང་འཛིན་རབ་འབྱམས་ཅན། །སྒོ་གསུམ་སྤྱོད་པ་རྣམ་དག་དྲི་མེད་ཀྱིས། །གཟུང་འཛིན་འཁོར་བའི་གནས་ལས་གྲོལ་བར་ཤོག །དཔལ་ལྡན་བླ་མ་དམ་པ་ཉིད་ཀྱི་ཐུགས་ལྷན་སྐྱེས་བདེ་བ་ཆེན་པོ་དང༌།རྣམ་ཀུན་མཆོག་ལྡནགྱི་སྟོང་ཉིད་གཉིས་དབྱེར་མེད་རོ་གཅིག་ཏུ་འདྲེས་པ་ཟུང་འཇུག་དང༌། རྣམ་ཀུན་མཆོག་ལྡན་གྱི་སྟོངབ་ཉིད་དང་བདེ་བ་ཆེན་པོའི་སྙིང་རྗེའི་ངང༌། ཐབས་བདེ་བ་ཆེན་པོའི་རང་བཞིན་ཡབ་དང་ཤེས་རབ་སྟོང་བ་ཉིད་རྟོགས་པའི་རང་བཞིན་ཡུམ་སྟེ་དེ་གཉིས་དབྱེར་མེད་པའི་བསྐྱེད་པའི་རིམ་པ་དང་རྫོགས་པའི་རིམ་པ་ཟུང་འཇུག་མཆོག་དང༌། ཆོས་ཐམས་ཅད་བདེན་པའི་སྐྱེ་བ་མེད་པའི་གནསལུགས་འོད་གསལ་བའི་བདེ་བ་ཆེན་པོ་ཡེ་ཤེས་མངོན་སུམ་དུ་མཐོང་ཞིང་ཅི་ལྟ་བ་བཞིན་རྟོགས་པའི་སྒོ་ནས་བདག་ཀྱང་ཁྱབ་བདག་རྡོ་རྗེ་འཆང་དངོས་ཁྱོད་དང་མཚུངས་པར་ཤོག་ཅིག་ཅེས་པའོ། །ལམ་ཀུན་གྱི་རྩ་བ་བླ་མ་སངས་རྒྱས་དངོས་སུ་མཐོང་བའི་དད་པ་དང༌། ལམ་དངོས་དགེ་བའིདམིགས་པ་ལ་སེམས་རྩེ་གཅིག་ཏུ་གནས་པའི་ཞི་གནས་དང༌། དམིགས་ཡུལ་དེའི་དོན་སོ་སོར་འབྱེད་པའི་ལྷག་མཐོང་སྟེ་དེ་གཉིས་དབྱེར་མི་བྱེད་པའི་ཏིང་ངེ་འཛིན་འཇུག་སྒོ་བློ་ལྡོག་རྣམ་པ་བཞི་ལ་དམིགས་པའི་ཏིང་ངེ་འཛིན་དང༌། བདེན་བཞིའི་གནས་ལུགས་རྟོགས་པའི་ཏིང་ངེ་འཛིན་དང༌། ཕྱིན་དྲུག་རྟོགས་པའི་ཏིང་ངེ་འཛིན་དང༌། བྱང་ཆུབ་ཀྱི་སེམས་ལ་དམིགས་པའི་ཏིང་ངེ་འཛིན་དང༌། བསྐྱེད་རྫོགས་ཀྱི་ཏིང་ངེ་འཛིན་སོགས་ཏིང་ངེ་འཛིན་རབ་འབྱམས་ཅན་སྒོམ་པ་དང༌། ལུས་ཀྱི་བྱསྤྱོད་རྣམ་པར་དག་པ་དང༌། ངག་སྨྲ་བརྗོད་རྫུན་ཕྲ་མ་ཚིག་རྩུབ་ངག་ཁྱལ་མེད་པ་དང༌། ཡིད་རྣབ་སེམས་ཆགས་སྡང་རྨོངས་གསུམ་སོགས་མེད་པར་སྒོ་གསུམ་གྱི་སྤྱོད་པ་ཉོན་མོངས་པ་དང་མ་འདྲེས་པ་རྣམ་པར་དག་པ་དང༌། རང་དོན་ཡིད་བྱེད་དང་བསྙེན་བཀུར་སྙན་གྲགས་སོགས་ཀྱི་བློའི་དྲིམེད་ཀྱིས་མཐུས་ལས་བདག་གཞན་སེམས་ཅན་ཐམས་ཅད་གཟུང་འཛིན་འཁོར་བའི་བཙོན་རའི་གནས་ལས་གྲོལ་བར་ཤོག་ཅིག་ཅེས་སྨོན་ལམ་བཏབ་པའོ། ། ཐེག་པ་ཆེན་པོ་ལམ་གྱི་ཡོན་ཏན་ས་དང་པོའི་ཡོན་ཏན་བརྒྱ་ཕྲག་བཅུ་གཉིས་སོགས་ཉན་རང་གི་བསམ་ཡས་སྟེ་བསམ་ཡུལ་ལས་འདས་པ་བརྗོད་པའི་མཐའ་དང་བྲལ་བའི་རླབས་པོ་ཆེ་ལམ་གྱི་ཐབས་མཆོག་དཔག་ཏུ་མེད་པ་ལ་བརྟེན་ནས་ད་ལྟ་ཉིད་དུ་མཆོག་གི་དངོས་གྲུབ་སྐུ་བཞིའི་བདག་ཉིད་ཁྱབ་བདག་རྡོ་རྗེ་འཆང་གི་གོ་འཕང་མྱུར་ཏུ་ཐོབ་ནས་སྤྲུལ་བ་གང་ལ་གང་འདུལ་གྱིས་ནམ་མཁའི་མཐར་ཐུག་པའི་འགྲོ་བ་སེམས་ཅན་རྣམས་ལ་ཐེག་པ་གསུམ་སོ་སོའི་རིགས་ཅན་རྣམས་དེའི་ལམ་ལ་བཀོད་པ་དང༌།གསང་སྔགས་བླ་མེད་ཀྱི་རིགས་ཅན་རྣམས་ལ་དེའི་ཐེག་པ་མཆོག་ལ་བཀོད་ནས་མྱུར་བ་མྱུར་དུགནས་སྐབས་ཀྱི་ཕན་པ་མངོན་མཐོ་ལྷ་མིའི་བདེ་བ་ནས་ས་བཅུའི་བདེ་བའི་བར་དང༌། མཐརཐུག་གི་བདེ་བ་རྡོ་རྗེ་འཆང་གི་གོ་འཕང་སྟེ་དེ་ལྟ་བུ་ཕན་བདེའི་ཕྱོགས་བཅུའི་ཞིང་ཀུན་ཁྱབ་པར་བྱིན་གྱིས་རློབས་ཞེས་པའོ། །དེ་ཡན་ཆད་ཡན་ལག་བདུན་པའི་ནང་གི་བདུན་པ་བསྔོ་བ་སྨོན་ལམ་གྱི་ཡན་ལག་བཤད་ཟིན་པ་རེད།གསུམ་པ་མཆོད་པ་རྒྱ་ཆེར་འབུལ་བ་ལ་ཕྱི་ནང་གསང་གསུམ་གྱི་མཆོད་པ་དང་གསུམ། དངཔོ་ཕྱིའི་མཆོད་པ་ལ་བཅུ་གཉིས།
དང་པོ་ཉེར་སྤྱོད་བདུན་གྱི་མཆོད་པ་ནི།མཆོད་ཡོན་ཕལ་ཆེར་མཆོད་ཡོན་བླ་རེ།
དང་པོ་ཉེར་སྤྱོད་བདུན་གྱི་མཆོད་པ་ནི།མཆོད་ཡོན་ཕལ་ཆེར་མཆོད་ཡོན་བླ་རེ་དང༌། །
མཆོད་ཡོན་བཀོད་པའི་འོད་ཟེར་རབ་རྒྱས་ཤིང༌། །མཆོད་ཡོན་སྣ་ཚོགས་ཀུན་དུ་བཀྲམ་བྱས་ནས། །བདག་ཉིད་ཆེན་པོ་དཔལ་ལྡན་བླ་མ་མཆོད། །ཨོཾ་གུ་རུ་བུདྷ་བོ་དྷི་སྭཏྭ་ས་པ་རི་ཝཱ་ར་བཛྲ་ཨརྒྷཾ་པྲ་ཏཱིཙྪ་པུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡ་ཤྲཱི་ཧཱུྃ། དེ་བཞིན་དུ་མཆོད་ཡོན་གྱི་གནས་སུ། ཞབས་བསིལ། མེ་ཏོག བདུག་སྤོས། སྣང་གསལ།དྲིམཆོག ཞལ་ཟས། སིལ་སྙན་སོགས་བརྗོད། ཨརྒྷཾ་གྱི་ཚབ་ཏུ། པཱདྱཾ། པུཥྤེ། དྷུ་པེ། ཨཱ་ལོ་ཀེ གནྡྷེ། ནཻཝི་ཏྱ། ཤབྟ་རྣམས་བཅུག་ནས་ཐོག་མཐའི་སྔགས་གོང་བཞིན། རིན་པོ་ཆེའི་གསེར་དངུལ་སོགས་ཀྱི་སྣོད་གྲངས་མེད་པའི་ནང་དུ་ལྷའི་བདུད་རྩི་ཡན་ལག་བརྒྱད་ལྡན་གྱི་ཆུ་གཙང་གི་མཆོད་ཡོན་ཕལ་ཆེ་བ་ནི་ནམ་མཁའི་ཁམས་ཐམས་ཅད་དུ་མཆོད་ཡོན་གྱི་བླ་རེ་ལྟ་བུ་དང༌། དེ་བཞིན་དུ་མཆོད་ཡོན་གྱི་གདུགས་དང་རྒྱལ་མཚན་བ་དན་སོགས་མཆོད་རྫས་སྣ་ཚོགས་ཀྱིས་རྣམ་པའི་བཀོད་པ་དང༌། ཡང་ཕལ་ཆེ་བ་མཆོད་ཡོན་ལས་གྲུབ་པའི་བར་སྣང་གི་ཁམས་ཐམས་ཅད་དུ་ཁང་བཟང་དང༌། སྐྱེད་མོས་ཚལ་དང་བཀྲ་ཤིས་རྟགས་བརྒྱད་རིན་ཆེན་སྣ་བདུན་དང་རྫས་བརྒྱད་རིན་པོ་ཆེ་སྣ་ཚོགས་ཉི་ཟླ་ལ་སོགས་པའི་བཀོད་པའི་འོད་ཟེར་རབ་ཏུ་རྒྱས་པར་བྱས་ཤིང༌། ཕལ་ཆེ་བ་མཆོད་ཡོན་ལས་གྲུབ་པའི་སངས་རྒྱས་ཀྱི་ཞིང་ལྟ་བུ་གསེར་གྱི་ས་གཞི་ལྗོན་ཤིང་ཆུ་མཚོ་ཆུ་བྱ་སོགས་མཆོད་རྫས་སྣ་ཚོགས་ཀྱིས་ཕྱོགས་ཀུན་ཏུ་གང་ཞིང་རིན་པོ་ཆེའི་བྱེ་མ་གྲམ་བུར་བདལ་བ་ཙནྡན་གྱི་དྲི་བསུང་ལྡང་ཞིང་མེ་ཏོག་གི་ཆར་འབེབས་པ་སོགས་ལྷ་མིའི་ལོངས་སྤྱོད་དཔག་ཏུ་མེད་པའི་བཀོད་པའི་རྣམ་པར་བཀྲམ་པར་བྱས་ནས། ལུང་རྟོགས་ཀྱི་ཡོན་ཏན་དང་ལྡན་པའི་བདག་ཉིད་ཆེན་པོ་ཁྱབབདག་རྡོ་རྗེ་འཆང་དཔལ་ལྡན་བླ་མ་དམ་པ་ལ་མཆོད་ཅེས་པའོ། །ཨོཾ་ནི་ཨ་ཨོ་མ་གསུམ་འདུས་པས་སྐུ་གསུང་ཐུགས་གསུམ་གྱི་བདག་ཉིད་དང་གུ་རུ་ནི་བླ་མ་སྟེ་རང་ལ་སངས་རྒྱས་ཀུན་ལས་ཀྱང་ཆོས་བསྟན་པའི་ཡོན་ཏན་གྱི་ཁུར་དུ་ལྕི་བའི་བླ་མ་དང༌། བུདྷ་ནི་སྒྲིབ་གཉིས་མཐའ་དག་ལསསངས་བ་དང་ཐུགས་རྣམ་པ་ཐམས་ཅད་མཁྱེན་པའི་བློ་གྲོས་པདྨའི་འདབ་མ་ལྟར་རྒྱས་པའི་སངས་རྒྱས་དང་བོ་དྷི་ནི་སྤངས་བ་བྱང་ཆུབ་དང་རྟོགས་པ་བྱང་ཆུབ་སྟེ་འཕགས་པ་ཐོགས་མེད་ཀྱི་ས་སྡེ་ལས། བྱང་ཆུབ་ནི་རྣམ་པ་གཉིས་ཏེ་སྤངས་བ་དང་རྟོགས་པའོ། །ཞེས་གསུངས་པ་ལྟར་རོ། ། སྭ་ཏྭ་ནི་གཞན་དོན་ཁུར་དུ་ཁྱེར་བའི་སྙིང་སྟོབས་དང་ལྡན་པའམ་བླ་མེད་བྱང་ཆུབ་སྒྲུབ་པ་ལ་དཔའ་བས་སེམས་དཔའ་དང༌། ས་པ་རི་ཝཱ་ར་ནི་འཁོར་དང་བཅས་པ། བཛྲ་ནི་རྡོ་རྗེ། ཨརྒྷཾ་ནི་མཆོད་ཡོན་དེཉིད་གཙོ་བོ་ཞལ་དུ་འབུལ་བ་དང༌། པྲ་ཏཱིཙྪ་སོ་སོ་དང༌། པུ་ཛ་ནི་མཆོད་པ། མེ་གྷ་ནི་སྤྲིན།ས་མུདྲ་ནི་རྒྱ་མཚོ། སྥ་ར་ཎ་ནི་སྤྲོ་བ། ས་མ་ཡ་ནི་མི་འདའ་བའི་དམ་ཚིག ཤྲཱི་ནི་དཔལ་སྟེ་བདེ་སྟོང་ཟུངའཇུག་གི་བདག་ཉིད། ཧཱུཾ་ནི་ཐུགས་ཡེ་ཤེས་ལྔའི་རང་བཞིན་གྱི་སྒོ་ནས་བཞེས་པའི་དོན་ནོ། །དེ་བཞིན་དུ་མཆོད་ཡོན་གྱི་གནས་སུ་ཞབས་བསིལ་ལ་གྲུབ་པའི་ནམ་མཁའི་བླ་རེ་སྣ་ཚོགས་སོགས་གོང་ལྟར་འགྲེས། ཞབས་བསིལ་ནི་ཞབས་རྐང་ལ་འབུལ་བ་དང༌། མེ་ཏོག་དབུ་ལ་འབུལ་བ་དང༌།ཨ་ཀར་སོགས་དྲི་བཟང་གི་བདུག་སྤོས་ནི་ཤངས་ལ་འབུལ་བ་དང༌། ཉི་ཟླའི་ནོར་བུའི་འོད་སོགསསྣང་གསལ་སྤྱན་ལ་འབུལ་བ་དང༌། སྐུ་ལ་ཕྱུག་པའི་དྲི་བཟང་སྟེ་དྲི་ཆབ་ནི་ཐུགས་སྙིང་ག་ལ་འབུལབ་དང༌། བཟའ་བཏུང་སོགས་ཞལ་ཟས་རོ་བརྒྱ་ལྡན་པ་ལྗགས་ལ་འབུལ་བ་དང༌།པི་ཝཱང་གླིང་བུསིལ་སྙན་སོགས་སྙན་ཅིང་འཇེབས་པ་རོལ་མོའི་རིགས་སྙན་ལ་འབུལ་བ་མཆོད་ཡུལ་གྱི་ཐུགས་ལ་བདེ་སྟོང་ཟག་མེད་ཀྱི་ཡེ་ཤེས་ཁྱད་པར་ཅན་རེ་རེ་སྐྱེས་པས་མྱེས་ཤིང་ཚིམ་པར་མོས་པའོ།། ཨརྒྷཾ་གྱི་ཚབ་ཏུ། པཱདྱཾནི་ཞབས་བསིལ། པུཥྤེ་མེ་ཏོག དྷུ་པེ་བདུག་སྤོས། ཨཱ་ལོ་ཀེ་སྣང་གསལ། གནྡེདྲི་ཆབ། ནཻཝི་ཏྱ་ཞལ་ཟས། ཤབྟ་སིལ་སྙན་རྣམས་བཅུག་ནས་ཐོག་མཐའི་སྔགས་གོང་བཞིན་མཆོད།འདི་དག་ཡང་དཀོན་མཆོག་ཏ་ལ་ལའི་མདོ་ལས་བྱུང་བ་རྣམས་ཐམས་ཅད་མཁྱེན་པ་ཏཱ་ར་ནཱ་ཐས་བླ་མཆོད་དུ་བཀོད་པ་ཡིན་ཏེ། དཀོན་མཆོག་ཏ་ལ་ལའི་མདོ་ལས། མེ་ཏོག་ཕལ་ཆེར་མེ་ཏོག་བླརེ་དང༌། །མེ་ཏོག་བཀོད་པའི་འོད་ཟེར་རབ་བཀྱེ་སྟེ། །མེ་ཏོག་སྣ་ཚོགས་ཀུན་ཏུ་བཀྲམ་བྱས་ནས། །བདག་ཉིད་ཆེན་པོ་དེ་དག་རྒྱལ་བ་མཆོད། །ཅེས་གསུངས་སོ། །
གཉིས་པ་གོས་ཀྱི་མཆོད་པ།
གཉིས་པ་གོས་ཀྱི་མཆོད་པ་ནི།
སྲབ་འཇམ་ཡངས་པ་ལྷ་ཡི་གོས། །མི་བསྐྱོད་རྡོ་རྗེའི་སྐུ་ལ་གསོལ། །མུ་ཕྱེད་དད་པས་བདག་འབུལ་ན། །བདག་ཀྱང་རྡོ་རྗེའི་སྐུ་ཐོབ་ཤོག །ཨོཾ་གུ་རུ་བུདྡྷ་བོ་དྷི་ས་ཏྭ་ས་པ་རི་ཝཱ་ར་བཛྲ་ཝསྟྲ་ཡེ་ཨཱ༔ཧཱུྃ་སྭཱཧཱ།མགོན་ཁྱོད་བཀྲེས་སྐྱེམ་མི་མངའ་ཡང༌། །འོ་ཐུག་བུར་ཁུ་བདུད་རྩིའི་ཆུ། །བཟའ་དང་བཅའ་བ་རྒྱ་ཆེན་པོ། །ཁ་དོག་དྲི་དང་རོ་ལྡན་པ། །ཐམས་ཅད་སྦྱར་བའི་བཤོས་ཀྱི་མཆོག །ཀུན་བཟང་བདེ་ཆེན་བཞེས་སུ་གསོལ། །གོས་བཟང་པོ་སྲབ་ཅིང་འཇམ་པ་ཡངས་པ་སོགས་ལྷ་ཡི་གོས་དར་ཟབ་སྣ་ཚོགས་སྤྲུལ་ནས་སྐྱེ་འཆི་བགྲེས་རྒུད་སོགས་ཀྱི་མི་བསྐྱོད་པ་སྟེ་བསྐྱོད་མི་ནུས་པའི་རྡོ་རྗེ་འཆང་གི་སྐུ་ལ་གསོལ་ལོ། ། སྒོགསུམ་མི་ཕྱེད་པའི་དད་པའི་སྒོ་ནས་བདག་གིས་འབུལ་བར་བྱས་ན་བདག་ཀྱང་རྡོ་རྗེ་འཆང་གི་སྐུ་ཐོབ་པར་ཤོག ཨོཾ་གུ་རུ་བུདྡྷ་བོ་དྷི་ས་ཏྭ་ས་པ་རི་ཝཱ་ར་ཞེས་པ་ཡན་གྱི་སྔགས་དོན་གོང་ལྟར་དང༌།ཨོཾ་བཛྲ་ནི་སྐུ་རྡོ་རྗེ་ཝསྟྲ་ཡེ་ནི་གོས་བཟང་དང༌། ཨཱ༔ནི་གསུང་རྡོ་རྗེ། ཧཱུཾ་ནི་ཐུགས་རྡོ་རྗེ། སྭཱ་ནི་ཡོནཏན་ཧཱ་ནི་འཕྲིན་ལས་ཀྱི་བདག་ཉིད་ཅན་གྱིས་བཞེས་པར་མཛོད་ཅིག་ཅེས་པའོ།། རྡོ་རྗེའི་འཆངའགྲོ་བའི་མགོན་པོ་ཁྱོད་ནི་བཀྲེས་པ་དང༌། སྐྱེམ་པ་སྟེ་སྐོམ་པ་མི་མངའ་ཡང༌། འགྲོ་བས་ཚོགསབསགས་པའི་ཆེད་དུ་འོ་མ་དང་འབྲས་སོགས་ཐུག་པ་བུ་རམ་གྱི་ཁུ་བ་ལྷའི་བདུད་རྩིའི་ཡན་ལག་བརྒྱད་ལྡན་གྱི་ཆུ་གཙང་དང༌། བཟའ་བ་རྩམ་པ་དང་མར་སོགས་དང་བཅའ་བ་ཤིང་ཏོག་གི་རིགསཐམས་ཅད་རྒྱ་ཆེན་པོ་སྤྲུལ་བ་དང༌། ཁ་དོག་སྣ་ཚོགས་དང་དྲི་ཕུན་སུམ་ཚོགས་པ་དང་རོ་བརྒྱ་དངལྡན་པ་དཀར་དམར་འབྲུ་སྨན་སོགས་ཐམས་ཅད་སྦྱར་བའི་བཤོས་ཀྱི་མཆོག་འདི༌། རྡོ་རྗེ་འཆངཆེན་པོ་འཕྲིན་ལས་དུས་ཀུན་ཐོག་མར་བཟང་བོ། བར་དུ་བཟང་པོ། ཐ་མར་བཟང་པོ་དང་ཐུགས་བདེ་བ་ཆེན་པོའི་ཡེ་ཤེས་དང་ལྡན་པ་བརྩེ་བས་སྒོ་ནས་བཞེས་སུ་གསོལ་ཞེས་པའོ། །དེ་ཡན་ཆད་གོས་ཀྱི་མཆོད་པ་འབུལ་བ་སོང་ཟིན་པ་རེད།
གསུམ་པ་རྒྱལ་སྲིད་སྣ་བདུན་གྱི་མཆོད་པ།
གསུམ་པ་རྒྱལ་སྲིད་སྣ་བདུན་གྱི་མཆོད་པ་ནི།
འཁོར་ལོ་ནོར་བུ་བཙུན་མོ་དམ་པ་དང༌། །བློན་པོ་གླང་བོ་རྟ་མཆོག་དམག་དཔོན་ཏེ། །རྒྱལ་སྲིད་རིན་ཆེན་སྣ་བདུན་དཔག་མེད་ཀྱང༌། །མངོན་པར་སྤྲུལ་ནས་བླ་མ་མཆོག་ལ་འབུལ། །རྒྱལ་སྲིད་སྣ་བདུན་ལས་འཁོར་ལོ་རིན་པོ་ཆེ་ནི་རྒྱུ་གསེར་ལས་གྲུབ་པ་རྩིབས་སྟོང་དང་ལྡན་པ་ལྷའི་བཟོ་བོས་བྱས་པའི་དཔག་ཚད་ལྔ་བརྒྱ་ཡོད་པ་འཁོར་སྒྱུར་གྱི་གོ་ས་ཐོབ་པ་ལ་ཉེ་བའི་ཚེ་ཤར་ཕྱོགས་ཀྱི་ནམ་མཁའ་ལས་བབས་པ་དང༌། འཁོར་ལོའི་སྟེང་དུ་འཁོར་བསྒྱུར་གྱི་དཔུང་ཚོགས་ཐམསཅད་ཤོང་བ་དང༌། རྒྱལ་པོའི་བསམ་པ་བཞིན་འདུག་སྙམས་ན་འདུག་པའམ་སྡོད་པ་དང༌། འགྲོབར་བསམ་ན་འགྲོ་བ་སོགས་ཡོན་ཏན་དུ་མ་དང་ལྡན་པའོ། །ནོར་བུ་རིན་པོ་ཆེ་ནི་སྔོན་ཚེ་ལོ་བརྒྱ་བའི་དུས་ཀྱི་མིའི་འགྲོ་བའི་བརླའི་ཚད་ཙམ་ཡོད་པ་ཕྱོགས་ཀུན་ཏུ་ཟུར་བརྒྱད་དང་ལྡན་པ་དགོས་འདོད་ལས་འབྱུང་བའོ། །བཙུན་མོ་རིན་པོ་ཆེ་ནི་འཁོར་བསྒྱུར་གྱི་བཙུན་མོ་སྟེ་ལུས་ལ་ཙནྡན་དང་ཁ་ལས་ཨུཏྤལའི་དྲི་འབྱུང་བ་ལ་སོགས་པ་བཙུན་མོའི་དམ་པ་དང༌། བློན་པོ་རིན་པོ་ཆེ་ནི་མཁས་ཤིང་གསལ་ལ་གཞུངས་པས་བྱ་བ་ཐམས་ཅད་མ་བསླབ་པར་ཤེས་ནས། རྒྱལ་པོའི་བསམ་པ་དངམཐུན་པར་སྒྲུབ་པ་ལ་སྐྱོ་བ་མེད་པའོ། །གླང་བོ་རིན་པོ་ཆེ་ནི་ཅང་ཤེས་ཤིང་བཀའ་ཉན་པ། ཆུ་དངསྐམ་དང་བར་སྣང་ལ་གཡུལ་འགྱེད་ཅིང་ཕ་རོལ་ལས་རྒྱལ་བར་བྱེད་པ་ཉིན་གཅིག་ལ་འཛམ་བུའི་གླིང་ལན་གསུམ་དུ་བསྐོར་བར་ནུས་པ་ལ་སོགས་པ་དང༌། རྟ་མཆོག་རིན་པོ་ཆེ་ནི་ཀུ་མུད་དང་དུངལྟར་དཀར་བ་གླང་པོ་དང་ཡོན་ཏན་མཚུངས་པ་ཞིག་དབང་པོས་གནང་སྟེ། རྟའི་རྒྱལ་པོ་སྤྲིན་གྱིཤུགས་ཅན་གྱི་བུ་ཐུ་བོར་གསུངས་སོ། །དམག་དཔོན་རིན་པོ་ཆེ་ནི་དཔའ་བཟང་འཕྲུལ་གསུམ་དང་ཕོ་རྩལ་སྣ་དགུ་འཛོམས་པ་སོགས་ཏེ་དེ་ལྟ་བུའི་རྒྱལ་སྲིད་རིན་ཆེན་སྣ་བདུན་དཔག་མེད་པ་དག་ཀྱངམངོན་པར་སྤྲུལ་ནས་བླ་མ་མཆོག་ལ་འབུལ་ཞེས་པའོ།། རྒྱལ་སྲིད་སྣ་བདུན་བཤད་པ་ནི།ཆོས་རྗེ་ཀུན་མཁྱེན་དོལ་པོ་པ་ཤེས་རབ་རྒྱལ་མཚན་དཔལ་བཟང་པོའི་ཚོགས་ཆོས་བདེན་བཞི་གསལ་བ་ལས། རིན་པོ་ཆེ་སྣ་བདུན་འབྱུང་སྟེ། དེ་ཚེས་བཅོ་ལྔ་ལ་ཁྲུས་བྱས་ནས་གསོ་སྦྱོང་ལགནས་ཤིང༌། བློན་པོའི་ཚོགས་ཀྱིས་བསྐོར་ཏེ་འདུག་པ་ན། ལྷའི་འཁོར་ལོ་རིན་པོ་ཆེ་རྩིབས་སྟོངདང་ལྡན་པ་ལྟེ་བ་མུ་ཁྱུད་དང་བཅས་པ་དག་ཅིང་གཙང་བ། བརྒྱ་བྱིན་གྱི་བཀས་བཟོ་བ་ལས་ཐམསཅད་པས་སྤྲུལ་ཏེ། རྒྱལ་ཆེན་བཞི་ལ་བརྒྱུད་ནས། ལྷའི་ཕོ་ཉ་བས་ཤར་ཕྱོགས་ནས་འབུལ་བརགསུངས་ཤིང༌། དྲན་པ་ཉེར་བཞག་ཏུ། གསེར་གྱི་འཁོར་ལོ་དཔག་ཚད་ལྔ་བརྒྱ་ཡོད་པ་རྩིབས་སྟོངརང་ལྡན་ཞིང་མཛེས་པ། ཉི་མ་གཅིག་གིས་ནམ་མཁའ་ལ་དཔག་ཚད་འབུམ་དུ་འགྲོ་བར་ནུསཔ། དེའི་མཐུས་གླིང་བཞི་དང་ལྷའི་རིས་སུ་ཡང་གླང་པོ་ལ་སོགས་པ་ཐམས་ཅད་འགྲོ་བ། རྒྱལཔོས་མ་ཐོབ་པ་ཐོབ་པར་བྱེད་ཅིང། འགྲན་ཟླ་སུ་ཡང་མེད་པར་བྱེད་པའོ། །ནོར་བུ་ནི་ཟུར་བརྒྱད་དང་ལྡན་པ། འོད་སྣ་ཚོགས་པ་འཕྲོ་ཞིང༌། མཚན་མོ་དཔག་ཚད་བརྒྱར་འོད་འབྱུང་བ་ཉིན་པར་ཚབ་ན་བསིལ་བར་བྱེད་ཅིང༌། སྐོམ་པ་ན་ཆུ་ཡན་ལག་བརྒྱད་དང་ལྡན་པ་འབྱུང་བ། རྒྱལ་པོས་ཅི་བསམཔ་ཐམས་ཅད་འབྱུང་ཞིང༌། ལས་ཐམས་ཅད་ཇི་ལྟར་འདོད་པ་བཞིན་འགྲུབ་པ། དཔག་ཚད་བརྒྱདནད་མེད་པར་བྱེད་ཅིང༌། མྱ་ངན་དང་གཡང་སའི་ཡུལ་ཐམས་ཅད་ཀྱང་ལྗོན་ཤིང་དང་མཚེའུ་ལསོགས་པའི་ཕུན་སུམ་ཚོགས་པ་དང་ལྡན་པར་འགྱུར་བ། མི་རྣམས་ལ་དུས་མ་ཡིན་པའི་འཆི་བམེད་པར་བྱེད་ཅིང་སྲོག་ཆགས་གདུག་པ་ཅན་གང་གིས་ཀྱང༌། གནོད་པ་མེད་པར་བྱེད་པ་ཞིགལྷའི་དབང་པོས་གནང་བར་འགྱུར་རོ། །བཙུན་མོ་ནི་ལུས་ལ་ཙནྡན་དང་ཁ་ལས་ཨུཏྤལའི་དྲི་འབྱུང་ཞིང༌། རེག་པ་ན་ཉོན་མོངས་པ་མེད་པར་འགྱུར་བ། གླིང་དེའི་བཀྲེས་སྐོམ་དང་མྱ་ངན་སེལ་བརབྱེད་ཅིང༌། རྒྱལ་པོས་མཐོང་བ་ན་གྲང་དུས་སུ་དྲོ་བ་དང། དྲོ་དུས་སུ་བསིལ་བར་བྱེད་པ། མ་དང་སྲིངམོ་ལྟར་ཐམས་ཅད་ཀྱི་བསམ་པ་དང་མཐུན་པ། ཁྱིམ་ཐབ་བུད་མེད་གཞན་དང་འགྲོགས་ཀྱང་ཕྲགདོག་མི་འབྱུང་ཞིང། འདོད་ཡོན་གྱི་དབང་དུ་མི་འགྱུར་བ་ཞིག་བློན་པོས་འབུལ་ཏེ་ཤི་འཕོས་ནས་ལྷར་སྐྱེ་བའོ། །བློན་པོ་ནི་མཁས་ཤིང་གསལ་ལ་གཞུངས་པས། བྱ་བ་ཐམས་ཅད་མ་བསླབ་པརཤེས་ནས། རྒྱལ་པོའི་བསམ་པ་དང་མཐུན་པར་སྒྲུབ་པ་ལ་སྐྱོ་བ་མེད་པ། མི་དགེ་བ་སྤངས་ཤིངསྐྱེ་རྒུ་ཐམས་ཅད་ལ་ཕ་མ་ལྟར་ཕན་འདོགས་པའོ། ། གླང་པོ་ནི་ཅང་ཤེས་ཤིང་བཀའ་ཉན་པ། ཆུདང་སྐམ་དང་བར་སྣང་ལ་གཡུལ་འགྱེད་ཅིང་ཕ་རོལ་ལས་རྒྱལ་བར་བྱེད་པ། ཉིན་གཅིག་ལ་འཛམབུའི་གླིང་ལན་གསུམ་དུ་བསྐོར་བར་ནུས་པ། རྐུད་པས་ཀྱང་དཀྲིར་རུང་ཞིང་རྒྱལ་པོས་ཞོན་པ་ནགང་འདོད་པར་བསྐུལ་མི་དགོས་པར་དལ་གྱིས་འགྲོ་བ་ཞིག་བརྒྱ་བྱིན་གྱི་བཀའ་གནང་བར་འགྱུར་ཏེ་གླང་པོ་རབ་བརྟན་གྱི་བུ་ཐུ་བོའི་ཞེས་སོ། །རྟ་མཆོག་ཀྱང་ཀུ་མུད་དང་དུང་ལྟར་དཀར་བ་གླང་པོ་དང་ཡོན་ཏན་མཚུངས་པ་ཞིག་དབང་པོས་གནང་སྟེ། རྟའི་རྒྱལ་པོ་སྤྲིན་གྱི་ཤུགས་ཅན་གྱི་བུ་ཐུབོར་གསུངས་སོ། །ཁྱིམ་བདག་ནི་ལོངས་སྤྱོད་ཆེ་ཞིང། ལྷའི་མིག་གིས་གཏེར་མཐོང་བ། བང་མཛོདཐམས་ཅད་རིན་པོ་ཆེས་འགེངས་ཤིང༌། །ནོར་གྱི་སྒོ་ནས་རྒྱལ་པོའི་དོན་སྒྲུབ་པ། །གཡོ་སྒྱུ་མེད་ཅིང་གཞན་ལ་མི་གནོད་པ། །སྐྱེ་བོ་ཐམས་ཅད་དགའ་བར་བྱེད་པའོ། ། རྒྱལ་པོ་སྲས་ཀྱིས། ཁྱིམ་བདགནི་མཛོད་ཀྱི་སྤྱན་ལྟ་བུ་དང་བློན་པོ་ནི་དམག་གི་སྤྱན་ལྟ་བུའོ། །ཞེས་གསུངས་སོ། །
བཞི་པ་ཉེ་བའི་རིན་ཆེན་བདུན་གྱི་མཆོད་པ།
བཞི་པ་ཉེ་བའི་རིན་ཆེན་བདུན་གྱི་མཆོད་པ་ནི།
རལ་གྲི་ལྤགས་པ་སྐྱེད་ཚལ་ཁང་ཁྱིམ་དང༌། །གཟིམས་ཆ་གོས་དང་མཆིལ་ལྷམ་རིན་པོ་ཆེ། །བླ་མ་དཀྱིལ་འཁོར་ལྷ་ཚོགས་བཅས་ལ་འབུལ། །བཞེས་ནས་བདག་ལ་བྱིན་གྱིས་རླབས་དུ་གསོལ། །འཁོར་བསྒྱུར་གྱི་རལ་གྲི་རིན་པོ་ཆེ་ནི། གཅིག་ལས་གཅིག་ཏུ་བརྒྱུད་པ་འཁོར་བསྒྱུར་ཐོབ་པའིཚེ་ཕྱག་ཏུ་ཐོགས་པས་འཕྱར་བ་ཙམ་གྱིས་ས་འོག་གཏེར་མཐོང་བར་བྱེད་པ་དང༌། རྒོལ་བ་ཐམསཅད་འཇོམས་པའོ། །ལྤགས་པ་ནི་ཀླུའི་པགས་པ་ཆུར་དཔག་ཚད་བཅུ་དང་ཞེང་དུ་ལྔ་ཡོད་པ། ཆརགྱིས་མི་བརླན་ཞིང༌། རླུང་གིས་མི་བསྐྱོད་པ། གྲང་དུས་ན་དྲོ་ཞིང༌། དྲོ་དུས་ན་བསིལ་བར་བྱེད་པའོ། ། སྐྱེད་ཚལ་ནི་རིན་པོ་སྣ་ཚོགས་ཀྱི་ལྗོན་ཤིང་སྐྱེད་མོའི་ཚལ་ཡིད་དུ་འོང་བ་ཚ་བའི་ཚེ་བསིལ་བ་དང༌།གྲང་བའི་ཚེ་དྲོ་བར་བྱེད་པའི་ཡོན་ཏན་དུ་མ་དང་ལྡན་པའོ། །ཁང་ཁྱིམ་ནི་རིན་པོ་ཆེ་སྣ་ཚོགས་ལས་གྲུབ་པའི་ཁང་ཁྱིམ་མཚན་ཉིད་དངལྡན་པའི་ནང་དུ་རིན་པོ་ཆེ་སྣ་ཚོགས་ཀྱི་ཁྲི་དང་གཟིམས་ཆ་གོས་སྣ་ཚོགས་དང་གང་འདོད་པ་ཙམ་གྱི་སླེབ་ནུས་པའི་མཆིལ་ལྷམ་རིན་པོ་ཆེ་སོགས་མཆོད་རྫས་གྲངས་མེད་པ་སྤྲུལ་ནས་བླ་མ་དང་དཀྱིལ་འཁོར་གྱི་ལྷ་ཚོགས་བཅས་ལ་འབུལ་བར་བྱས་པས་ཐུགས་རྗེ་དབང་གི་སེམས་ཅན་རྣམས་ཀྱིས་ཚོགས་བསགས་པའི་ཕྱིར་དུ་བཞེས་ནས་བདག་ལ་དཔལ་ལྡན་བླ་མ་ཁྱེད་ཀྱི་སྐུ་གསུང་ཐུགས་གསུམ་གྱིས་བདག་གི་ལུས་ངག་ཡིད་གསུམ་ལ་བྱིན་གྱིས་རླབས་དུ་གསོལ། ཞེས་གསུངས་པ་རེད། ཉེ་བའི་རིན་ཆེན་བདུན་ཡང་ཆོས་རྗེ་ཀུན་མཁྱེནརིན་པོ་ཆེའི་ཚོགས་ཆོས་བདེན་བཞི་གསལ་བ་ལས། དེ་བཞིན་དུ། རལ་གྲི་པགས་པ་ཁང་པ་ཚལ། །མལ་ཆ་གོས་དང་ལྷམ་གྱི་མཆོག །ཅེས་ཉེ་བའི་རིན་པོ་ཆེ་བདུན་ཡང་འབྱུང་སྟེ། རྒྱལ་པོ་དང་འགལབར་བྱེད་འདོད་པ་དེར་སོང་ནས་མ་བཏབ་ཀྱང༌། ཀུན་གྱིས་འདུད་པར་བྱེད་པའི་རལ་གྲི་དང༌། ཀླུའིཔགས་པ་ཆུར་དཔག་ཚད་བཅུ་དང་ཞེང་དུ་ལྔ་ཡོད་པ། ཆར་གྱིས་མི་བརླན་ཞིང༌། རླུང་གིས་མི་བསྐྱོདཔ། གྲང་དུས་ན་དྲོ་ཞིང། དྲོ་དུས་ན་བསིལ་བར་བྱེད་པ། བུད་མེད་མི་སྡུག་པ་མི་མཐོང་ཞིང༌། ཉིཟླའི་འོད་སྣང་བའི་པགས་པ་དང༌། ཆུར་དཔག་ཚད་བཅུ་གཉིས་དང་ཞེང་དུ་དཔག་ཚད་བདུན་ཡོདཔ། རིན་པོ་ཆེ་དང༌། ཟླ་བ་དང་རྒྱུ་སྐར་རྣམས་ཀྱང་ལྟ་བར་འདོད་ན་དེ་ཉིད་དུ་འོང་བ། བདེ་བརགཉིད་དུ་འགྲོ་ཞིང་རྨི་ལམ་དགེ་བ་མཐོང་བ། གྲང་དུས་སུ་དྲོ་ཞིང་དྲོ་དུས་སུ་བསིལ་བའི་ཁང་པ་དང༌།ལྷ་རྫས་ཀྱི་མེ་ཏོག་དང༌། ལྗོན་ཤིང་ལ་སོགས་པས་བརྒྱན་ཅིང༌། ལྷའི་བུ་མོ་རྣམས་འོང་ནས། རོལམོ་སྣ་ཚོགས་པ་བྱེད་པ་དང༌། ལྷན་ཅིག་འདོད་ཡོན་ལ་རྩེ་བའི་ཚལ་དང༌། ཡངས་ཤིང་འཇམ་ལབསམ་གཏན་དང་མཐུན་པ། དེར་འདུག་ན་རྣམ་པར་གྲོལ་ཞིང༌། བློ་གསལ་ལ་ཀུན་ནས་ཉོན་མོངས་པ་མི་འབྱུང་བའི་མལ་ཆ་དང། ཐགས་བཟང་ཞིང་འཇམ་ལ་དྲི་མ་མེད་པ་གྱོན་པ་ན། ཚ་གྲང་དངབཀྲེས་སྐོམ་དང༌། ངལ་དུབ་ཀྱིས་མི་གནོད་ལ། མེས་མི་ཚུགས་ཤིང་མཚོན་གྱིས་མི་ཆོད་པའི་གོསདང༌། གོན་པ་ན་ཆུ་ལ་མི་བྱིང་ཞིང། ཡུད་ཙམ་གྱིས་དཔག་ཚད་བརྒྱར་འགྲོ་བ་ལ་ཡང་ངལ་བ་ཅུངཟད་ཀྱང་མི་འབྱུང་བའི་ལྷམ་རྣམས་སོ། །ཞེས་གསུངས་སོ། །
ལྔ་པ་ལྷ་མོའི་མཆོད་པ་ལྔ་འབུལ་བ།
ལྔ་པ་ལྷ་མོའི་མཆོད་པ་ལྔ་འབུལ་བ་ནི།
རྒྱལ་བ་རྣམས་ཀྱི་འདོད་འབྱུང་ལྷ་མོའི་ཚུལ། །གཟུགས་སྒྲ་དྲི་རོ་རེག་བྱའི་བདེ་སྟེར་མ། །མེ་ལོང་པི་ཝང་སྤོས་ཁང་བཟའ་བཏུང་སྣོད། །རས་ཕྲན་བཟང་དང་པདྨ་བྷཉྫ་ནཾ། །ཅང་ཏེའུ་སྒྲ་སྒྲོག་ཁ་ཊཱཾ་ལ་བསྟེན་མ། །དཀར་སྔོ་སེར་དང་དམར་དང་ལྗང་བའི་གཟུགས། །གཟུགས་མཛེས་དབྱངས་སྙན་དྲི་དང་བཅུད་ལྡན་མ། །བདེ་ལྡན་ལང་ཚོས་དྲེགས་པའི་སྨིན་ལེགས་མ། །ནམ་མཁའ་གང་བའི་བླ་མ་ལྷ་ཚོགས་མཆོད། །རྡོ་རྗེ་གུར་གྱི་རྒྱུད་ལས། རྒྱལ་བ་རྣམས་ཀྱི་འདོད་འབྱུང་ཞེས་གསུངས་པ་ལྟར་བདུད་བཞི་ལསརྒྱལ་བ་རྣམས་ཀྱི་སློབ་ལམ་གྱི་སྐབས་སུ་འདོད་དགུ་མ་ལུས་པ་འབྱུང་བའི་ཏིང་ངེ་འཛིན་ལ་མངའ་བརྙེས་པ་མཛད་པའི་འབྲས་བུ་ཡུལ་ལྔ་གཟུགས་སྒྲ་དྲི་རོ་རེག་བྱ་དག་པ་ལྷ་མོ་ལྔའི་ཚུལ་དུ་ཤར་བའི་གཟུགས་ལྷ་མོ་དཀར་མོ་ཞལ་གཅིག་ཕྱག་བཞི་མ་ཕྱག་དང་པོ་གཉིས་ཐུགས་ཀར་མེ་ལོང་འཛིན་པ། ཐ་མ་གཉིས་པདྨ་བྷཉྫ་ནཾ་ཞེས་པ་ཐོད་པ་བདུད་རྩིའི་གང་བ་དང་ཆོས་ཉིད་ཀྱི་སྒྲ་སྒྲོག་པའི་ཅངཏེའུ་དང་མཆན་ཁུང་དུ་རྡོ་རྗེ་མཚན་པའི་ཁ་ཊཱཾ་ལ་བསྟེན་པ་སྟེ་འཛིན་པའོ། །སྒྲས་ལྷ་མོ་སྐུ་མདོག་སྔོན་མོ་ཕྱག་གཉིས་ཀྱི་པི་ཝང་དང་ཅང་ཏིའུ་དང་ཁ་ཌཾ་འཛིན་པ་གོང་བཞིན་ནོ། །དྲིའི་ལྷ་མོ་སེར་མོ་ཕྱག་དང་པོ་གཉིས་ཨ་དཀར་སོགས་སྤོས་ཁང་ངམ་དྲིའི་དུང་ཆོས་འཛིན་པ་ཐ་མ་གཉིས་གོང་ལྟར་རོ། །རོ་ཡི་ལྷ་མོ་དམར་མོ་བཟའ་བཏུང་གི་སྣོད་དང་བཅས་པ་བཟུང་ཞིང་ཐ་མ་གཉིས་གོང་དང་འདྲ། རེག་བྱའི་ལྷ་མོ་ལྗང་ཁུ་རས་ཕྲན་གོས་བཟང་པོ་འཛིན་པ་ཐམས་ཅད་ཀྱང་ཞལ་གཅིགཕྱག་བཞི་སོགས་གོང་བཞིན་ནོ། །གཟུགས་ཀྱི་ལྷ་མོ་གཟུགས་མཛེས་པ། སྒྲའི་ལྷ་མོ་དབྱངས་སྙནཔ། དྲིའི་ལྷ་མོ་དྲི་བཟང་གི་ངད་དང་ལྡན་པ། རོའི་ལྷ་མོ་ཁ་ནས་སྦྲང་རྩིའི་བཅུད་ཀྱི་རོ་དང་ལྡན་མ།རེག་བྱའི་ལྷ་མོ་ལུས་ལ་རེག་པ་ཙམ་གྱིས་བདེ་བ་དང་ལྡན་པ་ལང་ཚོ་རྒྱས་ཤིང་ནུ་མ་འབུར་བ་བྷ་ག་ནས་དྲི་བཟང་གིས་ཁྱབ་པ་ཆགས་པའི་ཟུར་མིག་གཡོ་བ་དྲེགས་པའི་སྨིན་མ་ལེགས་མ་སོགས་ཡིད་དུ་འོང་བའི་ཡོན་ཏན་དུ་མ་དང་ལྡན་པ་ནམ་མཁའ་གང་བར་སྤྲུལ་ནས་བླ་མ་དང་དཀྱིལ་འཁོར་གྱི་ལྷ་ཚོགས་ལ་མཆོད་ཅེས་པའོ། །
དྲུག་པ་རིག་མ་བཅུ་དྲུག་འབུལ་བ།
དྲུག་པ་རིག་མ་བཅུ་དྲུག་འབུལ་བ་ནི།
བདེ་མཆོག་སྒྱུ་མའི་ལོངས་སྤྱོད་རྫོགས་གསལ་མ། །པི་ཝང་གླིང་བུ་རྔ་ཟླུམ་རྫ་རྔ་ཅན། །རྒོད་དང་སྒེག་དང་གླུ་ལེན་བྲོ་གར་མཁན། །མེ་ཏོག་བདུག་པ་སྣང་གསལ་དྲི་མཆོག་མ། །གཟུགས་མ་རོ་མ་རེག་མ་ཆོས་འབྱུང་མ། །བཅུ་དྲུག་དགའ་མའི་ཆ་ཤས་ཡོངས་རྫོགས་མ། །རྡོ་རྗེ་རིག་མ་དགའ་བས་རོལ་པ་འདིས། །ཧེ་རུ་ཀ་ཁྱོད་རྡོ་རྗེ་ཡིད་དགྱེས་མཛོད། །ལྷ་མོ་ཐམས་ཅད་ཀྱང་བདེ་བ་ཆེན་པོ་མཆོག་སྟེར་བའི་ཡེ་ཤེས་ཀྱི་སྒྱུ་མའི་གཟུགས་དང༌། ཡང་ན་ཆགས་སོགས་མེད་པའི་སྒྱུ་མའི་འཕྲུལ་ལྟར་ཕྱག་རྒྱ་ལོ་བཅུ་དྲུག་གི་ན་ཚོད་ཅན་གཟུགས་དང་ལང་ཚོ་སོགས་ལོངས་སྤྱོད་ཐམས་ཅད་ཡོངས་སུ་རྫོགས་པ་མཚན་དཔེ་གསལ་རྫོགས་ཀྱིས་བརྒྱན་པའི་རྡོ་རྗེ་རིག་མ།རྡོ་རྗེ་པི་ཝང་མ་སྔོན་མོ་ཕྱག་གཉིས་པི་ཝཾ་འཛིན་པ། རྡོ་རྗེ་གླིང་བུ་མ་སེར་མོ་ཕྱགགཉིས་གླིང་བུ་འཛིན་པ། རྡོ་རྗེ་རྔ་ཟླུ་མ་དམར་མོ་ཕྱག་གཉིས་རྔ་ཟླུམ་འཛིན་པ། རྡོ་རྗེ་རྫ་རྔ་མལྗང་མོ་ཕྱག་གཉིས་རྫ་རྔ་འཛིན་པ་ཅན། རྡོ་རྗེ་བཞད་པ་མ་དམར་མོ་རྒོད་པའི་གད་མོའི་སྒྲོགསཔ་དང༌། རྡོ་རྗེ་སྒེག་པ་མ་མཐིང་ག་ཕྱག་གཉིས་རྡོར་དྲིལ་བཟུང་ཞིང་སྒེག་པའི་ཕྱག་རྒྱ་ཅན་དང༌།རྡོ་རྗེ་དབྱངས་མཁན་མའམ་གླུ་མ་ནི་ལི་ཁྲིའི་མདོག་ཅན་བདེ་སྟོང་གི་གླུ་དབྱངས་སྣ་ཚོགས་ལེན་པ།རྡོ་རྗེ་གར་མ་མོ་ལྗང་མོ་བྲོ་གར་སྣ་ཚོགས་བྱེད་མཁན་དང༌། རྡོ་རྗེ་མེ་ཏོག་མ་དམར་མོ་མེ་ཏོག་གིའཕྲེང་བ་འཛིན་པ། རྡོ་རྗེ་བདུག་པ་མ་དཀར་མོ་ཕྱག་གཉིས་བདུག་སྤོས་ཀྱིས་གང་བའི་སྣོད་འཛིནཔ། རྡོ་རྗེ་སྣང་གསལ་མ་སེར་མོ་མར་མེ་འཛིན་པ། རྡོ་རྗེ་དྲི་མཆོག་མ་དཀར་མོ་དྲི་ཡི་དུང་ཆོསའཛིན་པ། རྡོ་རྗེ་གཟུགས་མ་དཀར་མོ་པི་ཝཾ་འཛིན་པ། རྡོ་རྗེ་རོ་མ་དམར་མོ་ཞལ་ཟས་འཛིན་པ།རྡོ་རྗེ་རེག་བྱ་མ་ལྗང་མོ་གོས་བཟང་འཛིན་པ། རྡོ་རྗེ་ཆོས་ཁམས་མ་སྔོན་མོ་ཆོས་འབྱུང་དཀར་པོའཛིན་པ་ཐམས་ཅད་ཀྱང་བཅུ་དྲུག་དགའ་མའི་རིག་མ་མཆོག་མཚན་ཉིད་ཀྱི་ཆ་ཤས་ཐམས་ཅད་ཡོངས་རྫོགས་པ་མ་རྡོ་རྗེ་རིག་མ་རྩེ་ཞིང་དགའ་བས་རྩེ་ཞིང་རོལ་པ་ནམ་མཁའི་གང་བར་སྤྲོས་པའི་མཆོད་པ་འདིས་ཧེ་རུ་ཀ་ནི་ཁྲག་འཐུང་སྟེ། གཉིས་སྣང་འཁྲུལ་བ་ཐམས་ཅད་ནི་ཁྲག་དང་དེ་གཉིསམེད་ཡེ་ཤེས་ཀྱི་ངང་དུ་ཐིམ་པ་ནི་འཐུང་བ་སྟེ། དེ་འདྲའི་ཧེ་རུ་ཀ་རྡོ་རྗེ་འཆང་ཁྱོད་རྡོ་རྗེ་ཡིད་དམ་ཐུགས་དགྱེས་པའི་སྒོ་ནས་བཞེས་པར་མཛོད་ཅིག་ཅེས་པའོ། ། རིག་མ་བཅུ་དྲུག་ཡང་བརྟག་པདང་པོའི་རྒྱུད་ལས། མེ་ལོང་པི་ཝང་གླིང་བུ་རྫ་རྔ་དང༌། །བཞད་མ་གླུ་མ་ཕྲེང་མ་གར་མ་དང༌། །རྫ་རྔ་ཆེ་དང་མེ་ཏོག་བདུག་སྤོས་དང༌། ། མར་མེ་དྲི་ཆབ་ཞལ་ཟས་སྣོད་འཛིན་དང༌། །གོས་དང་ཆོསའབྱུང་ལ་སོགས་འཛིན་པ་ཡི། །བཅུ་དྲུག་རིག་མ་ལྷ་མོ་རྣམ་སྒེག་ཅིང༌། །རོལ་པའི་ལག་པས་ཀུན་དུ་སྒྱུར་བ་ནི། །འོད་ཀྱི་སྣང་བས་སྤྲུལ་པ་སྣ་ཚོགས་པའི། ། མཆོད་པའི་སྤྲིན་གྱི་དྲ་བས་ཁྱབ་པ་དང༌། །དངོས་རྣམས་སྒྱུ་མ་ལྟ་བུར་སོ་སོར་ནི། །ཡང་དག་རིག་ཅིང་འཇིག་རྟེན་ལྟ་མཁས་པ། །རྟོག་པ་མ་ལུས་ཀུན་ལས་ངེས་གྲོལ་ཞིང༌། །མཆོག་ཏུ་བདེ་བ་བསྐྱེད་པའི་རྒྱུར་གྱུར་པ། །གཟུགས་ལ་སོགས་པ་ལྷ་མོ་རྣམས་དང་ནི། །དེ་བཞིན་ཕྱི་ཡི་དྲི་སོགས་ཐམས་ཅད་ཀྱིས། །རྒྱལ་བའི་དབང་པོ་རྣམས་ནི་ལེགས་མཆོད་ཅིང༌། །ཐ་དད་རྣམ་པར་རྟོག་ལས་ངེས་གྲོལ་བའོ། །ཞེས་གསུངས་སོ། །
བདུན་པ་མཆོད་པའི་རྣམ་གྲངས་སྣ་ཚོགས་འབུལ་བ་ནི།ཁྲུས་ཀྱི་རྫིང་བུ་དམ་པ།
བདུན་པ་མཆོད་པའི་རྣམ་གྲངས་སྣ་ཚོགས་འབུལ་བ་ནི།ཁྲུས་ཀྱི་རྫིང་བུ་དམ་པ་དང༌། །
རེག་ན་བདེ་བ་ལྷ་ཡི་གོས། །མཁའ་ལྡིང་ཁྱུ་མཆོག་རྨ་བྱ་དང༌། །གླ་བོ་རྟ་སོགས་ཐེག་པའི་མཆོག །དགོས་འདོད་འབྱུང་བའི་འདོད་འཇོའི་བ། །མ་རྨོས་འཁྲུངས་པའི་ལོ་ཏོག་དང༌། །དཔག་བསམ་ཤིང་དང་འབྲས་བུའི་མཆོག །བུམ་བཟང་ནམ་མཁའ་གང་བས་མཆོད། །རིན་པོ་ཆེའི་ཁྲུས་ཀྱི་ཁང་པ་གྲུ་བཞི་པ་ཀ་བ་བཞི་པ་མཚན་ཉིད་ཐམས་ཅད་ཡོངས་སུ་རྫོགས་པའི་ནང་དུ་དྲི་བཟང་གི་ཆུས་ཁྱབ་པའི་རྫིང་བུ་དམ་པ་དང༌། ལུས་ལ་རེག་པ་ཙམ་གྱིས་བདེ་བབསྐྱེད་པའི་ལྷ་ཡི་གོས་དང༌། བྱའི་རིགས་ནམ་མཁའ་ལ་ལྡིང་བའི་བྱ་ཁྱུང་དང་རི་སྐེགས་ཁུ་བྱུགབཞད་པ་ཁྲུང་ཁྲུང་རྨ་བྱ་སོགས་དང༌། གཞན་ཡང་གླང་བོ་རིན་པོ་ཆེ་ནི་ཐལ་དཀར་མཆེ་བ་དྲུགདང་ལྡན་པ་གསེར་གྱི་དྲྭ་བས་གཡོག་པ་ནོར་བུ་སྣ་ཚོགས་ཀྱིས་སྤྲས་པ་དང༌། རྟ་མཆོག་རིན་པོ་ཆེནི་སྤུ་མདོག་རྨ་བྱའི་མགྲིན་འདྲ་ནོར་སྣ་ཚོགས་པས་བརྒྱན་པ་སོགས་རང་ཉིད་གང་འདོད་པའི་གནས་སུ་ཐེག་པའི་མཆོག་དང༌། སྤུ་ཉག་མ་རེ་རེ་ལས་ཀྱང་དགོས་འདོད་འབྱུང་བའི་འདོད་འཇོའི་བ་དང༌།མ་རྨོས་མ་བཏབ་པར་འཁྲུངས་པའི་འབྲས་སཱ་ལུ་སོགས་ལོ་ཏོག་ཕུན་སུམ་ཚོགས་པ་དང༌། དགོས་འདོད་ཐམས་ཅད་ཆར་བཞིན་འབེབས་པའི་དཔག་བསམ་གྱི་ལྗོན་ཤིང་དང་ནགས་ཚལ་མེ་ཏོག་སྣ་ཚོགས་དང༌། འབྲས་བུའི་མཆོག་དུ་མ་དང་རིན་པོ་ཆེ་སྣ་ཚོགས་ཀྱིས་གང་བའི་གཏེར་བུམ་བཟང་པོ་སོགས་ནམ་མཁའ་ཐམས་ཅད་ཀྱང་ཀུན་ཏུ་བཟང་པོའི་མཆོད་སྤྲིན་ལྟར་གང་བར་སྤྲུལ་ནས་བླ་མ་ལྷ་ཚོགས་ལ་མཆོད་ཅེས་པའོ། །
བརྒྱད་པ་ལུས་ལོངས་སྤྱོད་དང་དུས་གསུམ་དུ་བསགས་པའི་དགེ་རྩ་ཀུན་འབུལ་བ།
བརྒྱད་པ་ལུས་ལོངས་སྤྱོད་དང་དུས་གསུམ་དུ་བསགས་པའི་དགེ་རྩ་ཀུན་འབུལ་བ་ནི།
བདག་གི་ལུས་དང་ལོངས་སྤྱོད་དང༌། །དུས་གསུམ་དགེ་བ་ཀུན་ཡང་འབུལ། །གསེར་དངུལ་མུ་ཏིག་བཻཌཱུརྱ། །རིན་ཆེན་ཞིང་རྣམས་བཀང་ནས་འབུལ། །བདག་གི་ལུས་དང་ལོངས་སྤྱོད་ཅི་མཆིས་པ་དང༌། དུས་གསུམ་དུ་བསགས་པའི་དགེ་བའི་རྩ་བ་མ་ལུས་པ་ཀུན་ཡང་བླ་མ་ཁྱབ་བདག་རྡོ་རྗེ་འཆང་ཁྱེད་ལ་འབུལ། གཞན་ཡང་གསེར་དང་དངུལ་དང་མུ་ཏིགདང་བཻཌཱུརྱ་དང་རིན་པོ་ཆེ་སྣ་ཚོགས་ཀྱི་སངས་རྒྱས་ཀྱིས་ཞིང་རྣམས་བཀང་ནས་ཁྱེད་ལ་འབུལ།
དགུ་པ་རིན་པོ་ཆེ་རིགས་བདུན་འབུལ་བ།
དགུ་པ་རིན་པོ་ཆེ་རིགས་བདུན་འབུལ་བ་ནི།
དབང་སྔོན་རྡོ་རྗེ་པདྨ་དམར། །མརྒད་བྱུ་རུ་ཛམ་བུའི་གསེར། །ཟླ་ཤེལ་རིན་ཆེན་བདུན་གྱི་རི། །ཞིང་གི་རྡུལ་རྙེད་དབུལ་བར་བགྱི། །རིན་པོ་ཆེའི་ཨིནྡྲ་ནཱི་ལའམ་དབང་སྔོན་དང་རྡོ་རྗེ་ཕ་ལམ་དང་པདྨ་རཱ་ག་དམར་པོ་དང༌། མརྒདལྗང་ཁུ་དང༌། བྱུ་རུ། ཛམ་བུའི་ཆུ་བོའི་གསེར་དང༌། ཟླ་འོད་ཕོག་ན་ཆུ་འབྱུང་བའི་རིན་པོ་ཆེ་རྡོ་རིགསདཀར་པོ་དྭངས་ཤིང་གསལ་ལ་འོད་འཚེར་བ་ཟླ་བ་ཆུ་ཤེལ་གྱི་ནོར་བུ་རིན་པོ་ཆེ་བདུན་གྱི་རི་ལ་སོགས་པ་དངོས་པོ་བཟང་ལ་གྱ་ནོམ་པ་ཅི་ཡོད་པ་ཐམས་ཅད་ཞིང་གི་རྡུལ་ཅི་སྙེད་པའི་གྲངས་དང་མཉམ་པར་སྤྲུལ་ནས་རྡོ་རྗེ་འཆང་ཁྱེད་ལ་དབུལ་བར་བགྱིའོ། །
བཅུ་པ་མེ་ཏོག་སྣ་ཚོགས་འབུལ་བ།
བཅུ་པ་མེ་ཏོག་སྣ་ཚོགས་འབུལ་བ་ནི།
ཨུཏྤལ་པདྨ་ཁ་དོག་ལྔ། །ཛཱ་ཏི་ཁ་དོག་རྣམ་པ་གསུམ། །མེ་ཏོག་ཀརྞི་ཀ་ར་དང༌། །མ་ལི་ག་དང་ཡུ་ཐི་ཀ།མེ་ཏོག་ཀ་ར་ཝི་ར་ཡང༌། །བསམ་གཏན་སྟོབས་ཀྱིས་ཁྱེད་ལ་འབུལ། །མེ་ཏོག་ཨུཏྤལ་སྔོན་པོ་སོགས་ཁ་དོག་ལྔ་བ་དང༌། པདྨའི་ཁ་དོག་ལྔ་པ་དང༌། ཛཱ་ཏིའི་མེ་ཏོག་ཁ་དོགརྣམ་པ་གསུམ་དང༌། མེ་ཏོག་ཀརྞི་ཀ་ར་དང༌། མ་ལི་ག་དང་ཡུ་ཐི་ཀ་དང༌། མེ་ཏོག་ཀ་ར་ཝི་ར་ལསོགས་པའི་འཇིག་རྟེན་གྱི་ཁམས་ཇི་སྙེད་ཡོད་པ་དེ་སྙེད་དུ་མེ་ཏོག་ཡིད་འོང་གི་དངོས་པོ་གང་ཡོད་པ་ཐམས་ཅད་ཡངབདག་གི་ཡིད་ཀྱིས་སྤྲུལ་བའི་བསམ་གཏན་སྟོབས་ཀྱིས་ཁྱབ་བདག་རྡོ་རྗེ་འཆང་དངོས་འཁོར་དང་བཅས་པ་ཁྱེད་རྣམས་ལ་འབུལ།
བཅུ་གཅིག་པ་མི་འཇིགས་པ་སེངྒེ་ཁྲི་སོགས་གདན་དང་རྒྱན་འབུལ་བ།
བཅུ་གཅིག་པ་མི་འཇིགས་པ་སེངྒེ་ཁྲི་སོགས་གདན་དང་རྒྱན་འབུལ་བ་ནི།
མི་འཇིགས་སེངྒེ་རིན་ཆེན་ཁྲི། །པདྨ་ཉི་ཟླའི་གདན་མཆོག་དང༌། །རྣ་རྒྱན་དང་ནི་གདུ་བུའམ། །མགུལ་རྒྱན་སོར་གདུབ་དམ་པ་དང༌། །གསེར་ལས་བྱས་པའི་མཆོད་ཕྱིར་ཐོགས། །དབུ་རྒྱན་དར་དཔྱངས་དོ་ཤལ་བཅས། །རྒྱལ་མཚན་དམར་དང་དེ་བཞིན་སེར། །དཀར་དང་ནག་དང་སེར་སྐྱ་དང༌། །དེ་བཞིན་གོས་ནི་སྣ་ཚོགས་དང༌། །མེ་ཏོག་ཕྲེང་བ་དུ་མ་དང༌། །བླ་བྲེ་དག་དང་དར་དཔྱངས་པའི། །མདའ་དང་ཡོལ་བས་ཤིན་དུ་མཛེས། །དེ་བཞིན་བཟའ་བཅའ་བཏུང་བ་ཡི། །རབ་མཉམ་བཞག་པས་མཆོད་པར་བྱ། །མི་འཇིགས་པ་བཞིའི་མཚོན་དོན་སེངྒེ་བཏགས་པའི་རིན་པོ་ཆེ་ཁྲི་གྲངས་མེད་པ་དང༌། འཁོརབའི་སྐྱོན་གྱིས་མ་གོས་པའི་པདྨའི་གདན་དང༌། མ་རིག་པའི་མུན་པ་སེལ་བའི་ཉི་མའི་གདན་དང༌།ཉོན་མོངས་པའི་ཚ་གདུང་སེལ་བའི་ཟླ་བའི་གདན་མཆོག་ཏུ་གྱུར་བ་དང༌། ཕྱིན་དྲུག་མཚོན་པའིརིན་པོ་ཆེའི་རྣ་རྒྱན་དང་ནི་གདུ་བུའམ་རིན་པོ་ཆེའི་མགུལ་རྒྱན་དང༌། རིན་པོ་ཆེའི་སོར་གདུབ་དང༌།རིན་པོ་ཆེའི་རྐང་གདུབ་དམ་པ་དང༌། གསེར་ལས་བྱས་པའི་མཆོད་ཕྱིར་ཐོགས་དང༌། ཕུང་པོ་ལྔརིགས་ལྔར་གནས་གྱུར་པས་རིན་པོ་ཆེའི་དབུ་རྒྱན་དང༌། དར་དཔྱངས་དང༌། དོ་ཤལ་དང་བཅས་པ་དང༌། གཞན་ཡང་རྒྱལ་མཚན་དམར་པོ་དང༌། དེ་བཞིན་དུ་སེར་པོ་དང༌། དཀར་པོ་དང་ནགཔོ་དང་སེར་སྐྱ་ལ་སོགས་པ་གྲངས་མེད་སྤྲུལ་བ་དང༌། དེ་བཞིན་གོས་ནི་དཀར་གསེར་དམར་ལྗང་ལ་སོགས་པ་སྣ་ཚོགས་དང༌། ཨུ་དུམ་ཝ་རའི་མེ་ཏོག་སོགས་ཀྱི་ཕྲེང་བ་དུ་མ་དང༌། དཀྱིལ་འཁོརགྱི་རྒྱན་རིན་པོ་ཆེའི་བླ་བྲེ་སྣ་ཚོགས་དག་དང༌། དར་དཔྱངས་པའི་ཕན་གདུགས་དང༌། ཐབསཤེས་ཀྱིས་མ་རིག་པ་འབིག་པར་མཚོན་པའི་མདའ་དུ་མ་དང༌། ཡོལ་བའི་ཁ་ཏོག་ཤིན་དུ་མཛེས་པ་དུ་མ་དང༌། དེ་བཞིན་དུ་བཟའ་བ་དང་བཅའ་བ་བཏུང་བའི་རིགས་སྣ་ཚོགས་པ་ཚོགས་ཞིང་གི་གྲངས་དང་རབ་ཏུ་མཉམ་པར་མདུན་དུ་བློས་དམིགས་པའི་བཞག་ཏེ་མཆོད་ཡུལ་དཔལ་ལྡན་བླ་མ་ཁྱབ་བདག་རྡོ་རྗེ་འཆང་དང་རྒྱལ་བ་སྲས་དང་བཅས་པ་དེ་དག་ལ་མཆོད་པར་བྱའོ། །
བཅུ་གཉིས་པ་མཆོད་པ་སྣ་ཚོགས་བསྡུས་ནས་མཆོད་པ།
བཅུ་གཉིས་པ་མཆོད་པ་སྣ་ཚོགས་བསྡུས་ནས་མཆོད་པ་ནི།
གསེར་ནི་བརྒྱ་སྟོང་དུ་མ་དང༌། །རིན་ཆེན་རྣམ་པ་སྣ་ཚོགས་དང༌། །རས་ནི་ཟུང་གྱུར་བརྒྱ་ཉིད་དང༌། །གླང་བོ་རྟ་དང་ཡུལ་འཁོར་དང༌། །ཆུང་མ་བཟང་དང་བུ་མོ་ཉིད། །བྲན་ཕོ་བྲན་མོ་སྲིང་མོ་དང༌། །བློ་ལྡན་ཀུན་ནས་དང་བ་ཡི། །བདག་ཉིད་ཀྱང་ནི་དབུལ་བར་བགྱི། །གསེར་གྱི་རིགས་ས་གསེར་དང་ཆུ་གསེར་དང་རྡོ་གསེར་དང་ཤིང་གསེར་ལ་སོགས་པ་དང༌། དགཔའི་ཞིང་གསེར་གྱི་རིགས་མི་འདྲ་བ་ནི་བརྒྱ་སྟོང་དུ་མ་ཡོད་པ་རྣམས་དང༌། རིན་པོ་ཆེ་རྣམ་པ་སྣཚོགས་ཅི་ཡོད་པ་དང༌། རས་ནི་ཟུང་གྱུར་སྟེ་སྟོད་གཡོག་དང༌། སྨད་གཡོག་གི་རྒྱུ་རས་སྣ་ཚོགསཔ་དཀྱིལ་འཁོར་གྱི་མཐའ་ལས་རས་ནི་ཟུང་དུ་འགྱུར་བ་བུབ་བརྒྱ་ཉིད་མཆོད་པའི་ཕྱིར་དུ་སྤུང་བ་སྟེ། མངོན་བརྗོད་བླ་མའི་རྒྱུད་ལས། གལ་ཏེ་དངོས་གྲུབ་མཆོག་འདོད་ན། །དྲི་དང་མེ་ཏོག་དེབཞིན་སྤོས། །ཆོ་ག་བཞིན་དུ་དེ་བཞིན་མཆོད། །མར་མེ་བརྒྱ་ཡང་དབུལ་བྱ་ཞིང། །དཔལ་ཧེ་རུ་ཀའི་དཀྱིལ་འཁོར་གནས། །དཔའ་བོ་རྣལ་འབྱོར་མ་རྣམས་མཆོད། །རྒྱལ་མཚན་དམར་དང་དེ་བཞིན་སེར། །ཞེས་པ་ནས་རས་ནི་ཟུང་འགྱུར་ཞེས་པ་ལྟར་རས་ཟུང་བུབ་བརྒྱ་སྟོང་དུ་མ་དང༌། གླང་བོ་ཆེ་དང་རྟ་མཆོག་དང་འཁོར་བསྒྱུར་གྱི་ཡུལ་ལྗོངས་འཁོར་གཡོག་དུ་མ་དང༌། རང་གི་ཆུངམ་བཟང་པོ་དང་བུ་མོ་ཉིད་དང༌། བྲན་ཕོ་དང༌། བྲན་མོ་དང༌། སྲིང་མོ་ལ་སོགས་པ་མཆོད་པའི་རྣམགྲངས་དེ་དག་ཐམས་ཅད་དང༌། གཞན་ཡང་བདག་གཅེས་པར་འཛིན་པ་དང་སེར་སྣ་ལ་སོགསཔ་སྤང་བའི་འཁོར་གསུམ་བདེན་སྟོང་དུ་རྟོགས་པའི་བློ་གྲོས་དང་ལྡན་ཞིང་མ་དད་པ་ལ་སོགས་པའི་རྙོགས་པ་དང་བ་ཡི་ཀུན་ནས་བསླངས་སྟེ་བདག་ཉིད་ཀྱི་ལུས་ཀྱང་ནི་ཁྱེད་ལ་དབུལ་བར་བགྱི་ཅེས་པ་སྟེ། དཔལ་སཾབྷོ་ཊའི་རྒྱུད་ལས། དེ་ནས་ཕྱག་འཚལ་མཆོད་ནས་ནི། །བླ་མ་ལ་ནི་ཡོན་རྣམས་དབུལ། །གསེར་ནི་སྟོང་ཕྲག་བརྒྱ་དང་ནི། །རིན་ཆེན་རྣམ་པ་སྣ་ཚོགས་དང༌། །གོས་ནི་ཟུང་འགྱུར་བརྒྱ་ཉིད་དང། །གླང་པོ་རྟ་དང་ཡུལ་འཁོར་ཉིད། །རྣ་ཆ་དང་ནི་རྐང་གདུབ་དང། །ནོར་བུ་དང་ནི་སོར་གདུབ་མཆོག །གསེར་ལས་བྱས་པའི་མཆོད་ཕྱིར་ཐོགས། །རང་གི་ཆུང་མ་བུ་མོ་དང། །བྲན་ཕོ་བྲན་མོ་སྲིང་མོ་ཉིད། །ཕྱག་འཚལ་ནས་ནི་དབུལ་བར་བྱ། །བདག་གི་དངོས་པོ་ཐམས་ཅད་ཀྱིས། །བློ་དང་ལྡན་པས་བླ་མར་དབུལ། །དེ་རིང་ཚུན་ཆད་བདག་བྲན་དུ། །ཁྱོད་ལ་བདག་ནི་འབུལ་ལགས་ཞེས། །དེ་ལྟར་ཞུ་བ་བྱས་གྱུར་པས། །མངོན་པར་འདོད་པའི་གནས་ཐོབ་ནས། །ད་ནི་སངས་རྒྱས་ཐམས་ཅད་ཀྱིས། །བདག་ལ་བཀའ་དྲིན་ལེགས་པར་སྐྱོབས། །ཞེས་གསུངས་སོ། །
གཉིས་པ་ནང་གི་མཆོད་པ།
གཉིས་པ་ནང་གི་མཆོད་པ་ནི།
བདུད་རྩི་ལྔ་ཡི་བཟའ་བ་ནི། །དངོས་གྲུབ་ཀུན་གྱི་དེ་ཉིད་མཆོག །སྒྲོན་མ་ལྔ་ཡི་བཟའ་བ་ནི། །སངས་རྒྱས་ཀུན་གྱི་དམ་ཚིག་གཙོ། །ཉེས་བྲལ་ཞི་བའི་བཏུང་བ་མཆོག །སྦྲང་རྩི་བུ་རམ་འབྲུ་དང་ཤིང༌། །བཅོས་པའི་མྱོས་བྱེད་རྣམ་པ་ལྔ། །ཤེས་རབ་རང་བཞིན་དབུལ་བར་བགྱི། །ཐོད་པའི་སྣོད་སྟོང་གསུམ་དང་མཉམ་པའི་ནང་དུ་ཤ་ལྔ་བདུད་རྩི་ལྔ་དམ་རྫས་དཔག་ཏུ་མེད་པ་སྦྱང་སྤེལ་སྦར་གསུམ་གྱི་སྒོ་ནས་ཨོཾ་སྐུ་རྡོ་རྗེ་ཞུ་བ་ལས་བྱུང་བའི་དངུལ་ཆུ་ལྟར་དཀར་བ་དང༌། ཨཱཿགསུངརྡོ་རྗེ་ཞུ་བ་ལས་པདྨ་ར་ག་ལྟར་དམར་བ་དང༌། ཧཱུཾ་ཐུགས་རྡོ་རྗེ་ཞུ་བ་ལས་བེ་ཌཱུརྱ་ལྟར་སྔོ་བ་དང༌།དེ་དག་བདེ་སྟོང་གི་ཡེ་ཤེས་ལས་གྲུབ་པའི་བདུད་རྩིའི་རྒྱ་མཚོར་བྱིན་གྱིས་རླབས་ཏེ་འབུལ་བ་སྟེ།བདུད་རྩི་ལྔ་ནི། བྱང་སེམས། དྲི་ཆུ། དྲི་ཆེན། རཀྟ། གླད་པའམ་རྐང་དམར་སྟེ་བདུད་རྩི་ལྔ་ཡི་བཟའབ་ནི་རང་ཉིད་ཡུམ་ལྔའི་གཟུགས་སྐུ་འགྲུབ་པ་དང་ཐུན་མོང་གི་དངོས་གྲུབ་བརྒྱད་དང་མཆོག་གི་དངོས་གྲུབ་ཀུན་གྱི་དེ་ཉིད་རང་རྒྱུད་ལ་འགྲུབ་པར་བྱེད་པའི་ཐབས་མཆོག་དང༌། ཤ་ལྔ་ནི། མིའིཤ། བ་གླང་གི་ཤ། རྟའི་ཤ། གླང་པོ་ཆེའི་ཤ། ཁྱིའི་ཤ་སྟེ་སྒྲོན་མ་ལྔ་ཡི་བཟའ་བ་ནི་སངས་རྒྱས་སྟེརྒྱལ་བ་རིགས་ལྔ་ཀུན་གྱི་རང་ཉིད་ལྷའི་གསལ་སྣང་མ་སྐྱེས་པ་སྐྱེས་པར་བྱེད་པ་དང་མཐར་ཐུག་གི་གཟུགས་སྐུ་འགྲུབ་བྱེད་ཀྱི་དམ་ཚིག་གི་རྫས་ཀྱི་གཙོ་བོ་ཡིན་པ་དང༌། ཐ་མལ་གྱི་ཉེས་སྐྱོན་དང་བྲལ་བ་ཉོན་མོངས་པའི་སྐྱོན་ཞི་བའི་བཏུང་བ་མཆོག་སྦྲང་རྩིའི་ཆང་དང༌། བུ་རམ་གྱི་ཆང་དང༌།འབྲུའི་ཆང་དང༌། ཤིང་ལས་སྐྱེས་པའི་ཆང་དང༌། ཕབ་བཏབ་པའི་བཅོས་པའི་ཆང་སྟེ། མྱོས་བྱེདརྣམ་པ་ལྔ་ནི་ཤེས་རབ་ཡེ་ཤེས་སྐྱེ་བྱེད་ཀྱི་རང་བཞིན་ཏུ་བལྟ་བའི་སྒོ་ནས་མཆོད་ཡུལ་རྣམས་ལ་དབུལ་བར་བགྱིའོ་ཞེས་ནང་མཆོད་འབུལ་བ་དེ་ཡན་ཆད་དུ་སོང་ཟིན་པ་རེད། དེ་ཡང་ཤ་ལྔ་བདུད་རྩི་ལྔ་མྱོས་བྱེད་ཀྱི་ཆང་ལྔ་སོགས་ནང་གི་མཆོད་པ་རྣམས་ཐོག་མར་མ་དག་པ་སྦྱངས། དག་པའི་རྫས་དེ་མང་དུ་སྤེལ་ནས་ཟག་མེད་ཡེ་ཤེས་ཀྱི་བདུད་རྩི་རྒྱ་མཚོར་བསྒྱུར་བ་གསུམ་གྱི་དབང་དུ་བྱས་ན་དེ་ལྟར་དགོས་པ་དང་བཞིའི་དབང་དུ་བྱས་ན་མ་དག་པ་སྦྱངས་དག་པ་རྣམས་ཕན་ཚུན་སྤེལ་ནས་བསྲེས། དེ་མང་དུ་སྦར་དེ་ནས་ཟག་མེད་ཡེ་ཤེས་ཀྱི་བདུད་རྩི་རྒྱ་མཚོར་བསྒྱུར་ནས་ཨོཾ་ཨཱཿ་ཧཱུཾ་ཧོཿཞེས་པས་བྱིན་གྱིས་རླབས་དགོས་པ་རེད།
གསུམ་པ་གསང་བའི་མཆོད་པ།
གསུམ་པ་གསང་བའི་མཆོད་པ་ནི།
ཨོཾ་ཨཱཿཧཱུྃ།ཐབས་ཤེས་ལྷན་ཅིག་སྦྱོར་བ་ལས། །རང་བཞིན་སྣང་བ་ཡོངས་དག་པའི། །ཞི་བདེའི་ཁམས་གསུམ་ཀུན་ཁྱབ་པ། །གསང་བའི་མཆོད་པས་མཉེས་པར་བགྱི། །བདག་རང་གི་ཐུགས་ཀ་ནས་རིག་མ་གྲངས་མེད་པ་སྤྲུལ་ནས་ཐམས་ཅད་ཀྱི་གནས་གསུམ་དུ་ཨོཾ་ཨཱཿཧཱུཾ་གིས་བྱིན་གྱིས་རླབས་ནས་ཐབས་བདེ་བ་ཆེན་པོ་རྡོ་རྗེ་འཆང་ལ་ཕུལ་བས་མཛེས་ཤིང་ཡིད་དུ་འོང་བའི་ཤེས་རབ་ཀྱི་ཕྱག་རྒྱ་དང་ལྷན་ཅིག་ཏུ་འཁྱུད་པ་ཙུམ་པ་སོགས་སྦྱོར་བ་ལས་བྱུང་བའི་ཐ་མལ་གྱི་སྣང་ཞེན་བདེན་འཛིན་གྱི་རྟོག་པ་སོགས་ཀྱི་མཚན་མ་རང་བཞིན་གྱི་གྲུབ་པའི་སྣང་བ་སོགས་དང་རང་བཞིན་གྱི་སྣང་བ་ཡོངས་སུ་དག་པའི་ངང་ནས་གཙུག་ཏོར་ནས་བྱང་སེམས་ཞི་ཞིང་འབབས་པའི་བདེ་བ་ཆེན་པོས་ཁམས་གསུམ་ཀུན་ཏུ་ཁྱབ་པར་བྱེད་པ་དང༌། ཁྱད་པར་ནང་གིཁམས་གསུམ་རྩ་འཁོར་ཐམས་ཅད་ཁམས་དཀར་ཆ་ཞི་བས་ཁྱབ་པར་བྱེད་པའི་གསང་བའི་མཆོད་པས་ཐུགས་མཉེས་པར་བགྱིའོ་ཅེས་གསུངས་པའོ། །
ས་བཅད་བཞི་པ་གསོལ་བ་འདེབས་པ།
ས་བཅད་བཞི་པ་གསོལ་བ་འདེབས་པ།
ས་བཅད་བཞི་པ་གསོལ་བ་འདེབས་པ་ནི་བར་འདིར་བླ་མ་སྤྱི་དང་སྒོས་ཀྱི་གསོལ་འདེབས་རྣམས་དང༌། བརྟན་བཞུགས་ལ་སོགས་པའི་རིམ་པ་ཅི་ཤེས་སུ་བྱའོ།།དེ་བཞིན་དུ་རྒྱུན་བཤགསདང་ཡན་ལག་བདུན་པ་སོགས་གང་འགྲུབ་བྱའོ། །
ལྔ་པ་དབང་བཞི་ལེན་པ་ལ་གསུམ།
ལྔ་པ་དབང་བཞི་ལེན་པ་ལ་གསུམ།
ལྔ་པ་དབང་བཞི་ལེན་པ་ལ་དབང་བཞི་ལེན་པ་དངོས་དང༌། བླ་མའི་སྐུ་གསུང་ཐུགས་དངདབྱེར་མེད་དུ་བྱིན་གྱིས་རླབས་པ་དང༌།བླ་མ་དགྱིས་པའི་བྱ་བ་ཀུན་སྒྲུབ་པ་དང་གསུམ།དང་པོ་དབང་བཞི་ལེན་པ་དངོས་ནི།བླ་མའི་སྐུ་ལས་བདུད་རྩིའི་རྒྱུན་བྱུང་བས། །བདག་ལུས་གང་བའི་བུམ་པའི་དབང་བསྐུར་ཐོབ། །བྱང་ཆུབ་སེམས་རྒྱུན་མཁའ་སྒོའི་ལམ་ནས་ཐོན། །བདུད་རྩི་མྱང་བས་གསང་བའི་དབང་བསྐུར་ཐོབ། །སྐུ་ལས་རིག་མ་སྤྲོས་ཏེ་བདག་ལ་འཁྱུད། །བདེ་བ་བསྐྱེད་པས་ཤེར་དབང་ཐོབ་པར་བསམ། །བླ་མ་འོད་དུ་ཞུ་ནས་རང་ལ་ཐིམ། །དབྱེར་མེད་གྱུར་པས་བཞི་བ་ཐོབ་པར་བསམ། །བསམ་མེད་ངང་དུ་ཅུང་ཟད་ཀློད་དེ་བཞག །མ་བཅོས་སོ་མ་རང་ཤར་ལྷན་ནེ་བ། །ལྷུན་འགྲུབ་འབད་རྩོལ་མེད་པའི་ངང་དུ་བཞག །བླ་མ་རྡོ་རྗེ་འཆང་ལ་མཆོད་པ་དང་གསོལ་བ་བཏབས་པའི་རྐྱེན་གྱིས་བླ་མ་རྡོ་རྗེ་འཆང་གཟི་འབྱིན་འོད་རབ་ཏུ་འབར་བ་དང༌། བདག་ལ་ཐུགས་བརྩེ་བ་ཆེན་པོས་དགྱེས་བཞིན་པའི་ངང་ནས་སྐུལས་ཡེ་ཤེས་ཀྱི་བདུད་རྩི་འོ་མའི་རྒྱུན་ལྟར་དཀར་བ་དཔག་ཏུ་མེད་པ་བྱུང་བས་བདག་གི་སྤྱི་བོ་ནས་ཞུགས། ལུས་ཐམས་ཅད་གང་ཞིང་ཁྱབ་པས་སད་པའི་གནས་སྐབས་ཀྱི་དྲི་མ་དག དགའབའི་དགའ་བཞི་རྒྱུད་ལ་སྐྱེ། བུམ་པའི་དབང་བསྐུར་ཐོབ་པར་མོས་ཤིང་ཆོས་ཐམས་ཅད་རང་བཞིནསྟོང་པ་ཉིད་ལ་མཉམ་པར་བཞག་པའོ། །བུམ་དབང་ནི་བླ་མེད་ཀྱི་སྐབས་འདིར་ཤེས་རབ་མའི་ནུ་མ་ལ་ལག་པས་རེག་པའི་རྗེས་ཆགས་ཀྱིས་བྱང་ཆུབ་ཀྱི་སེམས་གཙུག་ཏོར་ནས་དཔྲལ་བའི་བར་དུ་རྣལ་འབྱོར་གྱི་སྟོབས་ཀྱིས་དཔྲལ་བར་ཅུང་ཟད་བཅིང་བའི་མཉམ་པར་བཞག་པས་བདེ་བའི་ཡེ་ཤེས་དང་དེའི་བག་ཆགས་སེམས་རྒྱུད་ལ་བཞག་པ་ནི་བུམ་དབང་ངོ༌། །ཡང་བླ་མ་རྡོ་རྗེ་འཆང་ཡབ་ཡུམ་སྙོམས་པར་ཞུགས་པས་སྤྱི་བོ་ནས་བྱང་ཆུབ་སེམས་ཀྱི་རྒྱུན་བབས་པས་ཡུམ་གྱི་པདྨའི་མཁའ་སྒོའི་ལམ་ནས་ཕྱིར་ཐོན་ཏེ། རང་གི་ལྕེ་ཐོག་ཏུ་བདུད་རྩི་མྱང་བས་ལུས་ཐམས་ཅདགང་ཞིང་བདེ་བས་ཁྱབ་པ་དང༌། ངག་དང་རྨི་ལམ་གྱི་གནས་སྐབས་ཀྱི་དྲི་མ་དག མཆོག་དགའི་དགའ་བ་བཞི་རྒྱུད་ལ་སྐྱེ། གསང་བའི་དབང་བསྐུར་བ་ཐོབ་པར་མོས་ཏེ། ཆོས་ཐམས་ཅད་རངབཞིན་སྟོང་བ་ཉིད་ཀྱི་དབྱིངས་ལ་མཉམ་པར་བཞག་པའོ། །གསང་དབང་ནི་བྱང་ཆུབ་ཀྱི་སེམས་དཔྲལ་བ་ནས་ཞུས་ཏེ་སྙིང་གའི་བར་དུ་སླེབ་པ་རྣལ་འབྱོར་གྱི་སྟོབས་ཀྱིས་ཅུང་ཟད་འཛག་མེད་དུ་བཅིང་བ་དེ་ཁོ་ན་ཉིད་ལ་མཉམ་པར་བཞག་པའི་ཡེ་ཤེས་དང་དེའི་བག་ཆགས་སེམས་རྒྱུད་ལ་བཞག་པ་དེ་གསང་བའི་དབང་ངོ༌། ཡང་རྡོ་རྗེ་འཆང་གི་སྐུ་ལས་རིག་མ་རྡོ་རྗེ་དབྱིངས་ཀྱི་དབངཕྱུག་མ་གྲི་ཐོད་འཛིན་པ་སྤྲོས་ཏེ་བདག་ཉིད་བླ་མ་རྡོ་རྗེ་འཆང་ཆེན་པོ་རྟོག་ཚོགས་ཀྱི་ཤུན་པའི་དྲི་མས་མ་བསླད་པའི་མཚན་དཔེ་གསལ་རྫོགས་ཀྱིས་སྤྲས་པར་གྱུར་བ་དེའི་པང་དུ་ཡེ་ཤེས་ཀྱི་ཕྱག་རྒྱས་འཁྱུད་པ་ལས་བྱུང་བའི་ལུས་ཐམས་ཅད་བདེ་བས་ཁྱབ་པ་དང༌། ཡིད་དང་གཉིད་འཐུག་གི་གནས་སྐབས་ཀྱི་དྲི་མ་དག ཁྱད་པར་གྱི་དགའ་བའི་དགའ་བ་བཞི་རྒྱུད་ལ་བསྐྱེད་པས་ཤེས་རབ་ཡེ་ཤེས་ཀྱི་དབང་ཐོབ་པར་བསམ་པའི་ངང་ནས་ཆོས་ཐམས་ཅད་རང་བཞིན་གནས་ལུགས་སྟོང་བ་ཉིད་འོད་གསལ་གྱི་དབྱིངས་ལ་མཉམ་པར་བཞག་པའོ། །ཤེས་རབ་ཡེ་ཤེས་ཀྱི་དབང་ནི་བླ་མས་སྣང་བའི་ཤེས་རབ་མ་ལ་བརྟེན་ནས་རང་གི་ཐིག་ལེ་ཞུས་ཏེ་རང་གི་སྙིང་གའི་བར་དུ་སླེབནས་རྣལ་འབྱོར་གྱི་ཡེ་ཤེས་སྟོབས་ཀྱིས་འཛག་མེད་དུ་བཅིང་བ་དེ་ཁོ་ན་ཉིད་ལ་མཉམ་པར་བཞག་པའི་ཡེ་ཤེས་དང་དེའི་བག་ཆགས་སེམས་རྒྱུད་ལ་བཞག་པ་དེ་ཤེས་རབ་ཡེ་ཤེས་ཀྱི་དབང་ངོ༌། དེནས་མཆོད་ཡུལ་རྣམས་འོད་དུ་ཞུ་ནས་བླ་མ་རྡོ་རྗེ་འཆང་ལ་ཐིམ། བླ་མ་ཡང་འོད་ཕུང་གི་རྣམ་པར་འོད་དུ་ཞུ་ནས་རང་གི་ལུས་ལ་ཐིམ་པས་བླ་མའི་སྐུ་གསུང་ཐུགས་དང༌། རང་གི་ལུས་ངག་ཡིད་གསུམདབྱེར་མེད་རོ་གཅིག་ཏུ་གྱུར་པས་སྐུ་དག་པ་ཟུང་འཇུག་སྒྱུ་མའི་སྐུ་ཡབ་ཡུམ་ཁ་སྦྱོར་གྱི་རྗེས་ཆགས་ལས་ཐུགས་དག་པ་འོད་གསལ་དག་པ་གཉིས་ལྡན་གྱི་བདེ་བ་མངོན་དུ་གྱུར། ཆགས་པའི་གནསསྐབས་ཀྱི་དྲི་མ་དགལྷན་སྐྱེས་ཀྱི་དགའ་བ་བཞི་རྒྱུད་ལ་སྐྱེ། དབང་བཞི་བ་མཆོག་ཏུ་མི་འགྱུར་བའི་བདེ་བའི་ཡེ་ཤེས་ཐོབ་པར་བསམ་ལ།དོན་དམ་པའི་མཚན་ཡང་དག་བརྗོད་པ་ལས། ཐོག་མ་མེད་བདག་སྤྲོས་མེད་བདགཅེས་དང༌། རྒྱུད་བླ་མ་ལས། བདག་དང་བདག་མེདསྤྲོས་པ་དགཉེ་བར་ཞི་བར་དམ་པའི་བདགཅེས་གསུངས་པ་ལྟར་ལྷ་སྐུ་བདེ་སྟོང་གི་ཆོས་ཉིད་དུས་གསུམ་དང་གཉིས་སྣང་གི་སྤྲོས་པ་སོགས་སྤྲོས་པའི་མཚན་མ་གང་ཡང་བསམ་དུ་མེད་པའི་འོད་གསལ་སྟོང་བ་ཉིད་ཀྱི་ངང་དུ་བཅའ་བཅོས་གང་ཡང་མེད་པར་ཅུང་ཟད་གཟེང་སྟོད་ལ་ཀློད་དེ་བཞག་ཅིང་བྱིང་རྒོད་ཕྲ་རགས་སོགས་ཀྱིས་མ་བཅོས་པའི་གནས་ལུགས་གསལ་སེང་ངེ་བ་སོ་མ་བཅོས་མིན་གྱི་རང་བྱུང་དུ་ཤར་བ་ལྷན་ནེ་བ་རང་བཞིན་ལྷུན་འགྲུབ་འབད་རྩོལ་མེད་པའི་ངང་དུ་བཞག་པའི་ཏིང་ངེ་འཛིན་ལ་གནས་པར་བྱའོ། །གཉིས་པ་བླ་མའི་སྐུ་གསུང་ཐུགས་དང་དབྱེར་མེད་དུ་བྱིན་གྱིས་རླབས་པ་ནི།དཔལ་ལྡན་བླ་མའི་སྐུ་དང་བདག་གི་ལུས། །དབྱེར་མེད་རྡོ་རྗེའི་སྐུ་རུ་བྱིན་གྱིས་རློབས། །དཔལ་ལྡན་བླ་མའི་ཅི་གསུང་སྒྲུབ་པ་དང༌། །གསུང་ངག་དབྱེར་མེད་གསུང་གི་རྡོ་རྗེར་ཤོག །ཐུགས་ཀྱི་གསང་བའི་མཛོད་ཀུན་འཛིན་པ་དང༌། །ཐུགས་ཡིད་དབྱེར་མེད་འདྲེས་པར་བྱིན་གྱིས་རློབས། །བླ་མ་དགྱེས་པའི་བྱ་བ་ཀུན་བསྒྲུབ་ནས། །མཛད་པ་འཕྲིན་ལས་མཚུངས་པར་བྱིན་གྱིས་རློབས། །ཁྱབ་བདག་རྡོ་རྗེ་འཆང་དཔལ་ལྡན་བླ་མའི་སྐུ་དང་བདག་གི་ལུས་དབྱེར་མེད་མི་ཆོད་པ་མི་ཤིགས་པའི་རྡོ་རྗེའི་སྐུ་རུ་བྱིན་གྱིས་རློབས། གནས་སྐབས་དཔལ་ལྡན་བླ་མའི་ཅི་གསུང་པ་དེ་རང་གིསསྒྲུབ་པ་དང༌། མཐར་ཐུག་དཔལ་ལྡན་བླ་མའི་གསུང་དང་རང་གི་ངག་གཉིས་དབྱེར་མེད་པའིགསུང་གི་རྡོ་རྗེར་གྱུར་བར་ཤོག་ཅེས་སྨོན་ལམ་བཏབ་པ་རེད། དུས་དང་རྣམ་པ་ཀུན་ཏུ་དཔལ་ལྡནབླ་མས་བདག་ལ་ཆོས་ཀྱི་གདམས་ངག་བརྩལ་བ་དེ་ངེས་པར་དུ་རང་གིས་དོན་ཉམས་སུ་ལེན་པ་དང་སྒྲུབ་རྒྱུ་ཧ་ཅང་གལ་ཆེན་པོ་རེད། དཔལ་ལྡན་བླ་མ་ལ་དད་པ་དག་སྣང་དང་དཔལ་ལྡན་བླ་མས་རང་ལ་ཐོས་བསམ་སྒོམ་གསུམ་སོགས་བཀའ་བསྒོ་བ་ཇི་བཞིན་སྒྲུབ་ན་སུ་ལ་ཕན་ཐོག་ན་སློབ་མ་རང་རང་སོ་སོ་ལ་ཕན་ཐོག་པ་ལས་དཔལ་ལྡན་བླ་མ་ཁོང་གི་ཆེད་དུ་གསུངས་པ་མ་ཡིན་པར་སློབ་མ་རང་རང་སོ་སོའི་ཆེད་ཡིན་པ་ཤེས་དགོས་པ་གལ་ཆེན་པོ་རེད་མ་གཏོགས་དེང་སང་ལ་ལས་སློབ་མ་མང་པོ་འདུས་ན་བླ་མའི་ཆེད་ཡིན་པར་བཟུང་བ་མང་པོ་ཡོད་རེད། མདོར་ན་བླམའི་གང་གསུངས་པ་དེ་རང་དོན་ཡིན་པ་ངོ་ཤེས་དགོས་པ་དང་གདམས་ངག་ཡིན་པ་དོན་རྟོགས་པ་གལ་ཆེན་པོ་རེད། དཔལ་ལྡན་བླ་མའི་ཡོན་ཏན་སྟོབས་བཅུ་དང་མི་འཇིགས་པ་བཞི་མ་འདྲེསཔའི་ཆོས་བཅོ་བརྒྱད་ལ་སོགས་པ་ཐུགས་ཀྱི་གསང་བའི་མཛོད་ཀུན་མ་ལུས་པ་འཛིན་པ་དང༌། བླམའི་ཐུགས་དང་རང་གི་ཡིད་གཉིས་དབྱེར་མེད་གཅིག་ཏུ་འདྲེས་པར་བྱིན་གྱིས་རློབས་ཤིག་ཅེས་པའོ།། ཁྱབ་བདག་རྡོ་རྗེ་འཆང་དཔལ་ལྡན་བླ་མ་ཁྱེད་ལ་མཆོད་པ་གསུམ་གྱིས་མཆོད་ཅིང་ཐུགསདགྱེས་པའི་བྱ་བ་ཀུན་རང་གིས་བསྒྲུབ་ནས་རྡོ་རྗེ་འཆང་གི་སྐུ་གསུང་ཐུགས་གསུམ་གྱི་མཛད་པ་འཕྲིན་ལས་དང་བདག་གི་ལུས་ངག་ཡིད་གསུམ་དབྱེད་མེད་དུ་འདྲེས་པའི་སྒོ་ནས་བདག་ཀྱང་དེ་ལྟ་བུའི་དཔལ་ལྡན་བླ་མའི་མཛད་པ་འཕྲིན་ལས་དང་མཚུངས་པར་འཁོར་བ་མ་སྟོང་གི་བར་དུ་འགྲོ་བ་སེམས་ཅན་གྱི་དོན་སྒྲུབ་ནུས་པར་བྱིན་གྱིས་རླབས་ཏུ་གསོལ།རྗེས་ཀྱི་བྱ་བ་ལ་སྨོན་ལམ་དང༌། ཚོགས་འཁོར། བཀྲ་ཤིས་དང་གསུམ་ཡོད་པ་ལས།
དང་པོ་སྨོན་ལམ།
དང་པོ་སྨོན་ལམ་ནི།
མགོ་བོར་བླ་མའི་ཅོད་པཎ་འཆང༌། །ལག་ཏུ་རྡོ་རྗེ་དྲིལ་བུ་འཛིན། །ངག་ཏུ་གསང་སྔགས་རྒྱལ་བོ་བཟླ། །ཡིད་ཀྱིས་ཟུང་འཇུག་བསྒོམ་པར་ཤོག །བདག་གི་དུས་རྟག་ཏུ་མགོ་བོར་ཁྱབ་བདག་རྡོ་རྗེ་འཆང་དཔལ་ལྡན་བླ་མ་ཅོད་པཎ་འཆང་བ་བཞིན་དུ་བསྟེན་པ་དང༌། ལག་ཏུ་ཐབས་བདེ་བ་ཆེན་པོ་ཡེ་ཤེས་དང་ཤེས་རབ་སྟོང་བ་ཉིད་སྟེ་ཐབསཤེས་ཟུང་འཇུག་མཚོན་པའི་དམ་ཚིག་གི་རྫས་རྡོ་རྗེ་དང་དྲིལ་བུ་འཛིན་པ་དང༌། ངག་ཏུ་གསང་སྔགས་རྒྱལ་བོ་སྟེ་ཡིད་སྐྱོབ་བྱེད་ཀྱི་ཏིང་ངེ་འཛིན་གྱི་བྱིན་གྱིས་རླབས་པའི་གསང་སྔགས་ཟབ་མོ་བཟླས་པ་དང༌། ཡིད་ཀྱིས་བདེ་སྟོང་ཟུང་འཇུག་ཕྱག་རྒྱ་ཆེན་མོ་ཏིང་ངེ་འཛིན་ཚུཾལ་བཞིན་དུ་བསྒོམ་ནུས་པར་ཤོག་ཅེས་སྨོན་ལམ་བཏབ་པའོ། །གཉིས་པ་ཚོགས་འཁོར་ནི་དེ་ནས་ཚོགས་ཀྱི་ཡོ་བྱད་བྱིན་གྱིས་རླབས་ཤིང་ཚོགས་ཀྱི་ཆོ་གནི་ཐམས་ཅད་མཁྱེན་པ་ཏཱ་ར་ནཱ་ཐས་མཛད་པའི་གཞུང་བཞིན་བྱའོ།།ཚོགས་མཆོད་དེ་ཡང་བྱིནརླབས་ཀྱི་རྩ་བ་རྩ་བརྒྱུད་བླ་མ་དང་དངོས་གྲུབ་ཀྱི་རྩ་བ་ཡི་དམ་ལྷ་ཚོགས་དང༌། འཕྲིན་ལས་ཀྱི་རྩ་བ་མཁའ་འགྲོ་ཆོས་སྐྱོང་བསྲུང་མ་རྣམས་དང༌། དམ་ཚིག་གི་རྩ་བ་མཆེད་ལྕམ་རྡོ་རྗེ་སྤུན་གྲོགས་སོགས་ལ་ཚོགས་མཆོད་འབུལ་དགོས་པར་གསུངས་ཡོད་པ་རེད། དེས་ན་ཚོགས་རྫས་རྣམསཐོག་མར་ཟག་མེད་ཡེ་ཤེས་ཀྱི་བདུད་རྩི་རྒྱ་མཚོ་བྱིན་གྱིས་རླབས་ནས་དེ་ཕན་ཆད་དུ་གཙང་སར་འཇོག་དགོས་པ་ལས་གོམ་ཡིག་དུ་འགྲོ་བ་སོགས་འཇོག་མི་རུང་བ་ཡིན་པ་ཤེས་དགོས། དེའི་རྗེས་སུ་ཡི་གེ་བརྒྱ་པའི་སྒོ་ནས་ཆོ་ག་ལྷག་ཆད་བྱུང་བའི་ཉམས་ཆགས་བསྐང་ཞིང་རྟེན་སོགས་ལ་ཡེ་དྷརྨས་བརྟན་བཞུགས་བྱའོ། །མཇུག་ཏུ་ཐམས་ཅད་མཁྱེན་པ་ཏཱ་ར་ནཱ་ཐས་གསུང་སྐྱེ་འཕྲེང་བཅུ་བཞི་བྱས་ནས་གསུངས་པ་སོགས་བཀྲ་ཤིས་ཀྱིས་མཐའ་བརྒྱན་པར་བྱ། དེ་ལྟར་ཡང་དང་ཡང་དུ་ཚོགསགཉིས་བསགས་པའི་ཐབས་མཆོག་དཔལ་ལྡན་བླ་མ་ལ་མཆོད་པས་ནི་བདུད་བཞི་མ་ལུས་པ་རྒྱལ་བའི་རྒྱལ་བ་སངས་རྒྱས་རྣམས་དང་དེའི་སྲས་བྱང་ཆུབ་སེམས་དཔའ་ཐམས་ཅད་ལ་མཆོད་པར་འགྱུར་བའི་ཕྱིར་བསོད་ནམས་ཀྱི་ཕུང་པོ་ཆེས་ཆེར་འཕེལ་བ་ཡིན། བླ་མ་ཁྱབ་བདག་རྡོ་རྗེ་འཆང་ཆེན་པོའི་ཐུགས་མཉེས་པར་བྱེད་པའི་ཐབས་ཐམས་ཅད་མཁྱེན་པ་ཏཱ་ར་ནཱ་ཐ་ཁོང་གིས་མདོ་ཙམ་ཉེ་བར་བཀོད་པ་གང་ཡིན་པ་འདི་བསོད་ནམས་དང་ཡེ་ཤེས་ཀྱི་ཚོགས་གཉིས་རྒྱ་ཆེན་པོ་སྤེལ་བའི་ཐབས་བླ་ན་མེད་པ་མཆོག་ཏུ་གྱུར་བ་སྟེ་སྲིད་པ་འཁོར་བའི་དཔལ་ཡོན་དང་ཞི་བ་ཐར་བ་ཕུན་སུམ་ཚོགས་པའི་དཔལ་འབྱོར་མཆོག་ཏུ་རྒྱས་བྱེད་ཡིན་ཅེས་པའོ། །ཞེས་བླ་མ་མཆོད་པའི་ཆོ་ག་བདེ་ལེགས་རབ་རྒྱས་ཞེས་བྱ་བའི་ཆོ་ག་འདི་ནི་ས་སྐྱོང་གཞོན་ནུ་འབུར་ཆེན་ཞེས་བྱ་བའི་ཉེ་བར་བསྐུལ་ནས། ཐམས་ཅད་མཁྱེན་པ་ཏཱ་ར་ནཱ་ཐའམ་རྗེ་སྒྲོལ་བའི་མགོན་པོས་ཉེ་བར་སྦྱར་བ་དགེ་ཞིང་བཀྲ་ཤིས་པར་གྱུར་ཅིག། ། །དེ་ཡན་ཆད་བླ་མ་མཆོད་པ་བདེ་ལེགས་རབ་རྒྱས་ཀྱི་ཚིག་དོན་གང་ལ་གང་འཚམས་རྣམ་པ་ཐམས་ཅད་ལ་ཞུས་ཟིན་པ་ཡིན།གསུམ་པ་བཀྲ་ཤིས་ནི་ཐམས་ཅད་མཁྱེན་པ་ཏཱ་ར་ནཱ་ཐ་ཁོང་གིས་མཛད་པའི་བཀྲ་ཤིས་ཀྱི་ཚིག་དོན་མདོར་བསྡུས་ཙམ་ཞུས་ན།ན་མོ་གུ་རུ།བཀྲ་ཤིས་གང་ཞིག་དཔལ་ལྡན་སྤྱོད་པའི་རྡོ་རྗེ་ཞེས། །འཛམ་གླིང་འདི་ན་མ་སྦས་གསལ་བར་ཡོངས་གྲགས་པ། །རྣལ་འབྱོར་དབང་ཕྱུག་ནག་པོ་སྤྱོད་པའི་བཀྲ་ཤིས་གང༌། །བདེན་པ་དེས་ཀྱང་གནས་འདིར་བཀྲ་ཤིས་ཕུན་ཚོགས་སྩོལ། །ན་མོ་ཕྱག་འཚལ་བ་དང་གུ་རུ་བླ་མ་སྟེ་བླ་མ་ལ་ཕྱག་འཚལ་ལོ།། བཀྲ་ཤིས་སྐུ་འཕྲེང་དང་པོ་རྒྱགར་གྱི་སློབ་དཔོན་པནྚི་ཏ་འབར་བའི་གཙོ་བོ་གང་ཞིག་དཔལ་ལྡན་སྤྱོད་པའི་རྡོ་རྗེ་ཞེས་འཛམ་བུ་གླིང་འདི་ན་མ་སྦས་གསལ་བར་ཡོངས་སུ་གྲགས་པ་དང༌། སྐུ་འཕྲེང་གཉིས་པ་སྒོམ་ཉམས་ལེནགྱི་རྣལ་འབྱོར་ལ་དབང་འབྱོར་ཞིང་ཕྱུག་པའི་ལི་དྲི་ནག་གསུམ་གྱི་ནང་གི་སློབ་དཔོན་ནག་པོ་སྤྱོད་པའི་བཀྲ་ཤིས་གངཡིན་པ་བདེན་པ་དེས་ཀྱང་གནས་འདིར་བཀྲ་ཤིས་ཕུན་སུམ་ཚོགས་པ་སྩོལ།ར་ཏན་བྷ་ལ་ངེས་མེད་སྤྱོད་པའི་ཤུགས་འབྱུང་སྐྱོང༌། །རོང་ཟོམ་ལོ་ཙྪ་སྒྲ་བསྒྱུར་མཁས་པའི་ཕུལ་ཏུ་ཕྱིན། །བྷ་རོམ་དར་མ་ཕྱག་རྒྱ་ཆེ་ལས་མ་གཡོས་ལ། །བདེན་པ་དེས་ཀྱང་གནས་འདིར་བཀྲ་ཤིས་ཕུན་ཚོགས་སྩོལ། །སྐུ་འཕྲེང་གསུམ་པ་རྒྱ་གར་གྱི་སློབ་དཔོན་ར་ཏན་བྷ་ལ་བརྟུལ་ཞུགས་ཀྱི་སྤྱོད་པ་ལ་སོགས་པ་ངེས་མེད་ཀྱི་སྤྱོད་པ་འབད་མེད་དུ་ཤུགས་འབྱུང་སྐྱོངབ་དང༌། སྐུ་འཕྲེང་བཞི་བ་སྔ་འགྱུར་རོང་ཟོམ་ལོཙྪ་བ་ཆོས་བཟང་སྒྲ་བསྒྱུར་མཁས་པ་རྣམས་ཀྱི་ཕུལ་ཏུ་ཕྱིན་པ་དང༌། སྐུ་འཕྲེང་ལྔ་བ་བཀའ་བརྒྱུདཆེ་བཞི་ཆུང་བརྒྱད་ཀྱི་ནང་ཚན་བྷ་རོམ་དར་མ་དབང་ཕྱུག་སྟོང་གཟུགས་ཕྱག་རྒྱ་ཆེན་མོ་ལས་མ་གཡོས་པ་ལ་བདེན་པ་དེས་ཀྱང་གནས་འདིར་བཀྲ་ཤིས་ཕུན་སུམ་ཚོགས་པ་སྩོལ་ཅིག ཨ་ཝ་དྷུ་ཏི་མ་བཅོས་ལྷུག་པའི་ངང་ལ་བཞུགས། །ཞང་སྟོན་འཁྲུལ་ཞིག་དགྲ་བགེགས་ཚར་གཅོད་དྲག་ལས་བསྒྲུབས། །གཉོས་བན་རས་ཆེན་སྣ་ཚོགས་རྟེན་འབྲེལ་མིག་འཕྲུལ་ཅན། །བདེན་པ་དེས་ཀྱང་གནས་འདིར་བཀྲ་ཤིས་ཕུན་ཚོགས་སྩོལ། །སྐུ་འཕྲེང་དྲུག་པ་ཤངས་བ་བཀའ་བརྒྱུད་པ་ཨ་ཝ་དྷུ་ཏི་འོད་ཟེར་དཔལ་མ་བཅོས་ལྷུག་པའི་རང་བཞིན་འོད་གསལ་གྱི་ངང་ལ་བཞུགས་པ་དང༌། སྐུ་འཕྲེང་བདུན་པ་སྔ་འགྱུར་རྙིང་མ་ཞང་སྟོན་འབྲུགསྒྲ་རྒྱལ་མཚན་རྣམ་རྟོག་གི་འཁྲུལ་བ་མཐའ་དག་ཞིག་ཅིང་གཉིས་སྣང་གི་དགྲ་བགེགས་ཐམས་ཅད་ཚར་གཅོད་དྲག་ལས་བསྒྲུབས་པ་དང༌། སྐུ་འཕྲེང་བརྒྱད་པ་འབྲི་གུང་བཀའ་བརྒྱུད་པ་གཉོས་བན་སངས་རྒྱས་རས་ཆེན་སྣ་ཚོགས་རྟེན་འབྲེལ་མིག་འཕྲུལ་ཅན་གྱིས་བདེན་པ་དེས་ཀྱང་གནས་འདིར་བཀྲ་ཤིས་ཕུན་སུམ་ཚོགས་པ་སྩོལ།སངྒ་བྷ་ཊ་ལྷ་སྲིན་སྡེ་བརྒྱད་བྲན་དུ་འཁོལ། །འཇམ་དབྱངས་ཆོས་རྗེ་གཞུང་བརྒྱའི་ཆོས་ཀྱི་འཁོར་ལོ་བསྐོར། །ཆོས་ཀྱི་ཉིན་བྱེད་གནས་ལྔ་རིག་པའི་པནྚི་ཏ། །བདེན་པ་དེས་ཀྱང་གནས་འདིར་བཀྲ་ཤིས་ཕུན་ཚོགས་སྩོལ། །སྐུ་འཕྲེང་དགུ་པ་སངྒ་བྷ་དྲ་དགེ་འདུན་བཟང་པོ་ལྷ་སྲིན་སྡེ་བརྒྱད་རྣམས་བྲན་དུ་འཁོལ་བའི་གྲུབཔའི་དབང་ཕྱུག་དང༌། སྐུ་འཕྲེང་བཅུ་པ་འབྲས་སྤུངས་ཕྱག་འདེབས་མཛད་མཁན་འཇམ་དབྱངསཆོས་རྗེ་གཞུང་ལུགས་བརྒྱ་ཕྲག་ཆོས་ཀྱི་འཁོར་ལོ་བསྐོར་བ་དང༌། སྐུ་འཕྲེང་བཅུ་གཅིག་པ་རྒྱགར་གྱི་པནྚི་ཏ་ཆོས་ཀྱི་ཉིན་བྱེད་རིག་པའི་གནས་ལྔ་ལ་པནྚི་ཏ་བདེན་པ་དེས་ཀྱང་གནས་འདིར་བཀྲ་ཤིས་ཕུན་སུམ་ཚོགས་པ་སྩོལ་ཅིག་ཅེས་གསུངས་པ་རེད།འཇམ་མགོན་བླ་མ་གྲུབ་པའི་དཔའ་བོའི་མཚན་འཆང་བ། །དཔལ་ལྡན་ཀུན་ཏུ་དགའ་བ་རང་གྲོལ་མཆོག་གི་རྗེ། །བློ་གསལ་རྒྱ་མཚོའི་སྡེ་ཞེས་འགྲོ་བ་འདྲེན་པའི་གཙོ། །བདེན་པ་དེས་ཀྱང་གནས་འདིར་བཀྲ་ཤིས་ཕུན་ཚོགས་སྩོལ། །སྐུ་འཕྲེང་བཅུ་གཉིས་པ་ཀུན་དགའ་གྲོལ་མཆོག་དེ་ཉིད་འཇམ་མགོན་བླ་མ་གྲུབ་པའི་དཔའ་བོའི་མཚན་འཆང་བ་དཔལ་ལྡན་ཀུན་ཏུ་དགའ་བ་རང་གྲོལ་མཆོག་གི་རྗེ། བློ་གསལ་རྒྱ་མཚོའི་སྡེ་ཞེས་འགྲོ་བ་སེམས་ཅན་ཐམས་ཅད་འདྲེན་པའི་གཙོ་བོ། བདེན་པ་དེས་ཀྱང་གནས་འདིར་བཀྲ་ཤིསཕུན་སུམ་ཚོགས་པ་སྩོལ།ཆོས་བཞིན་སྤྱོད་པ་རྒྱལ་པོའི་སྲས་སུ་སྐུ་འཁྲུངས་ནས། །མཐའ་དག་འགྲོ་ལ་ཆོས་ཀྱི་དགའ་སྟོན་སྤེལ་བྱེད་པ། །ངོ་མཚར་མཛད་པས་ས་སྐྱོང་ཀུན་གྱིས་གྲུབ་པར་བསྔགས། །བདེན་པ་དེས་ཀྱང་གནས་འདིར་བཀྲ་ཤིས་ཕུན་ཚོགས་སྩོལ། །སྐུ་འཕྲེང་བཅུ་གསུམ་པ་དགའ་བྱེད་ས་སྐྱོང་ནི་ལུས་ངག་ཡིད་གསུམ་དམ་པའི་ཆོས་བཞིན་སྤྱོད་པ་རྒྱལཔོའི་སྲས་སུ་སྐུ་འཁྲུངས་ནས། འགྲོ་བ་མཐའ་དག་ལ་ཆོས་ཀྱི་དགའ་སྟོན་སྤེལ་བར་བྱེད་པ་ངོ་མཚར་བའི་མཛད་པས་ས་སྐྱོང་ཀུན་གྱིས་གྲུབ་པར་བསྔགས་བརྗོད་ཐོབ་པ་བདེན་པ་དེས་ཀྱང་གནས་འདིར་བཀྲ་ཤིས་ཕུན་སུམ་ཚོགས་པ་སྩོལ།འཇམ་དབྱངས་གཞོན་ནུ་མཁས་ཀུན་དགའ་བར་བྱེད་པ་ཀུན། །སྙིང་པོའི་དོན་སྟོན་བཀྲ་ཤིས་ཆོས་སྒོ་འབྱེད་པའི་ཕུལ། །ཐར་བའི་རྒྱལ་མཚན་དཔལ་ཡོན་བཟང་བོ་སྩོལ་མཁས་པ། །བདེན་པ་དེས་ཀྱང་གནས་འདིར་བཀྲ་ཤིས་ཕུན་ཚོགས་སྩོལ། །སྐུ་འཕྲེང་བཅུ་བཞི་པ་ཀུན་དགའ་སྙིང་པོ་བཀྲ་ཤིས་རྒྱལ་མཚན་ནམ་ཏཱ་ར་ནཱ་ཐ་ས་བརྒྱད་པ་ཐོབ་པའི་འཇམ་པའི་དབྱངས་དངོས་གཞོན་ནུ་མཁས་པ་ཀུན་དགའ་བར་བྱེད་པ་གང༌། ཁམས་བདེབར་གཤེགས་པའི་སྙིང་པོའི་དོན་ཕྱིན་ཅི་མ་ལོག་པར་སྟོན་པ་བཀྲ་ཤིས་པའི་ཆོས་སྒོ་འབྱེད་པའི་ཕུལ་དུ་བྱུང་བ་ཐར་བའི་རྒྱལ་མཚན་དཔལ་ཡོན་བཟང་བོ་སྩོལ་བར་མཁས་པ་བདེན་པ་དེས་ཀྱང་གནས་འདིར་བཀྲ་ཤིས་ཕུན་སུམ་ཚོགས་པ་སྩོལ། ཞེས་པ་ཐམས་ཅད་མཁྱེན་པ་ཏཱ་ར་ནཱ་ཐས་སྦྱརབ་དགེ་ལེགས་འཕེལ། །དེ་ཡན་ཆད་ཐམས་ཅད་མཁྱེན་པ་ཏཱ་ར་ནཱ་ཐས་མཛད་པའི་ཁོང་གི་སྐྱེ་འཕྲེང་བཅུ་བཞིའི་སྒོ་ནས་བཀྲ་ཤིས་པའི་བདེན་ཚིག་ཏུ་གསུངས་བའི་དོན་རགས་རིམ་ཙམ་ཞུས་པ་ཡིན། ཞིབ་པར་རྗེ་ཀུནདགའ་གྲོལ་མཆོག་གི་རང་རྣམ་དང་ཐམས་ཅད་མཁྱེན་པ་ཏཱ་ར་ནཱ་ཐའི་རང་རྣམ་དང་ཇོ་ནང་ཆོསའབྱུང་སོགས་ལྟ་རྒྱུ་གལ་ཆེན་པོ་རེད།ད་ལོ་ཡིན་ན་བླ་མ་མཆོད་པའི་ཆོ་ག་བདེ་ལེགས་རབ་རྒྱས་ཀྱི་དོན་རགས་རིམ་ཙམ་རེ་ཞུས་པ་ཡིན།སྤྱིར་བླ་མ་མཆོད་པ་བདེ་ལེགས་རབ་རྒྱས་འདིཉིད་རྒྱུན་དུ་ཞལ་འདོན་མཛད་ཐུབ་ན་ཧ་ཅང་ཡག་པོ་རེད།དེ་ཡང་སྔོན་བྱོན་སྐྱེས་བུ་དམ་པ་རྣམས་སྦྱོར་དྲུག་བཞུགས་པ་ནས་བཟུང་རྒྱུན་དུ་ནང་ཐུན་ནུབ་ཐུན་རེ་གཅད་རྒྱུ་དང༌།བླ་མཆོད་དང་གཏོ་བསྔོ་སོགས་འདོན་རྒྱུ་སྔ་དྲོ་ཆུ་གཏོར་དང་དགུང་མོ་གསུར་བསྔོ་རྒྱུ་སོགས་སྲོལ་རྒྱུན་ཧ་ཅང་ཡག་པོ་ཡོད་པ་རེད།དེ་མ་ཟད་རྗེས་ཁྲིད་ཀྱི་སྐབས་སུ་ཡང་དེ་ལྟར་ཡོང་གི་ཡོད་པ་ལྟར་རྣམ་པ་ཚང་མས་ཅི་ཐུབ་གང་ཐུབ་གིས་ཉམས་ལེན་རེ་མཛད་དགོས་པ་གལ་ཆེན་པོ་ཡིན་པ་རེད།དངོས་གྲུབ་ཐམས་ཅད་ཀྱི་འབྱུང་གནས་དཔལ་ལྡན་བླ་མ་དམ་པ་ལ་བླ་མཆོད་སོགས་འདོན་ན་ཚེ་འདི་ཕྱི་ཐམས་ཅད་དགེ་ཞིང་ལེགས་པ་ཡོན་ཏན་རྣམས་ཡར་ངོ་ཟླ་ལྟར་འཕེལ་ཐུབ་པ་རེད། དེས་ན་བླ་མ་བསམ་སྦྱོར་གཉིས་ཀྱིས་བསྟེན་ཚུལ་བླ་མ་ལྔ་བཅུ་པ་སོགས་ཀྱི་གསུངས་པ་ལྟར་ལོ་སྔོན་མ་ཞུས་ཟིན་པ་རེད། ད་ལོ་ཡང་ལྷན་ཐབས་འོད་བརྒྱ་འབར་བ་ལས་བྱུང་བའི་བླ་མའི་མཚད་ཉིད།སློབ་མའི་མཚན་ཉིད། བླ་མ་བསམ་སྦྱོར་གཉིས་ཀྱིས་བསྟེན་ཚུལ་མདོ་རྒྱུད་ཀྱི་ལུང་དུ་མ་དང་སྦྱར་ནས་རྣམ་པ་ཚང་མ་ལ་ཞུས་པ་ཡིན། ཞུས་པ་དེ་ཡང་རང་རང་སོ་སོའི་སེམས་ལ་བཟུང་ནས་བླམ་དགེ་བའི་བཤེས་གཉེན་བསྟེན་ཚུལ་ཡང་དག་པ་རེ་ཨེ་ཡོང་ལྟ་རྒྱུ་དང༌། བླ་མ་དགེ་བའི་བཤེས་གཉེན་བསྟེན་ན་སློབ་མ་རང་རང་གི་དོན་ཡིན་པ་གོ་རྒྱུ་གལ་ཆེན་པོ་རེད་མ་གཏོགས་དེང་སང་དུས་ངན་སྙིགས་མའི་སྐབས་འདིར་བླ་མ་བསྟེན་ན་ཡང་རང་གི་དོན་ཡིན་པ་ཧ་མི་གོ་བ་དང༌། བླ་མ་ལ་དད་པ་དག་སྣང་ཧ་ཅང་ཞན་པ་ཡིན་ན་རང་རྒྱུད་ལ་གོང་མའི་ཡོན་ཏན་གང་ཡང་སྐྱེ་མི་ཐུབ་པ་རེད།དེས་ན་བླ་མ་ལ་ཡིད་ཆེས་དང་བླ་མའི་བཀའ་གསུངས་བླང་དོར་འབྱེད་ཚུལ་ཕྱིན་ཅི་མ་ལོག་པར་གདམས་པ་ལྟར་རང་གིས་བླང་དོར་ཚུལ་བཞིན་དུ་བྱས་པ་ཡིན་ན་རང་དོན་འགྲུབ་ཐུབ་པ་རེད།དེ་བཞིན་དུ་བླ་མཆོད་འདོན་ན་སྐྱབས་གནས་ཀུན་འདུས་ཀྱི་ངོ་བོ་ཁྱབ་བདག་རྡོ་རྗེ་འཆང་དཔལ་ལྡན་བླ་མ་དམ་པ་ལ་མཆོད་པ་འབུལ་བ་ཡིན་ན་མཆོད་པ་ཐམས་ཅད་ཀྱི་མཆོག་ཏུ་གྱུར་བ་ཡིན་པདང་ཚོགས་རྒྱ་ཆེན་པོ་གསོག་ཐུབ་པར་མདོ་རྒྱུད་ཐམས་ཅད་ལས་གསུངས་པ་ལྟར་དང༌། ཚོགསགཉིས་རླབ་ཆེན་པོ་བསགས་ན་རང་ཉིད་མ་འོངས་པར་ས་བཅུ་ལམ་ལྔ་བགྲོད་ནས་མཐར་ཐུག་ཟུང་འཇུག་རྡོ་རྗེ་འཆང་གི་སྐུ་ཐོབ་བྱེད་ཀྱི་རྒྱུར་འགྱུར་ཐུབ་པ་རེད་མ་གཏོགས་དཔལ་ལྡན་བླ་མ་དམ་པས་འབྲས་བུ་ཁྱེར་འགྲོ་བ་མ་ཡིན་པས་ན་རྒྱུན་དུ་བླ་མཆོད་རེ་མ་ཆག་པར་བྱེད་རྒྱུ་ཧ་ཅང་གལ་ཆེན་པོ་ཡིན། ང་རང་གིས་ཡིན་ན་ཁ་འདོན་ཆེན་པོ་འདོན་ཐུབ་པ་མིན་ཀྱང་སྦྱོར་དྲུག་འདུག་ཚུད་ཆོད་ནས་བཟུང་ད་ལྟའི་བར་དུ་མི་ལོ་སུམ་ཅུ་ནང་འགྲོ་བཞིན་པ་རེད་ཏ་རྒྱུན་དུ་བླ་མཆོད་འདོན་པ་ཡིན།སྤྱིར་རྟེན་འབྲེལ་ཐམས་ཅད་ཀྱི་སྒོ་བླ་མ་དགེ་བའི་བཤེས་གཉེན་བསྟེན་ཚུལ་ཡག་པོ་ཡོང་ན་མཇུག་ཡང་བཀྲ་ཤིས་ཕུན་སུམ་ཚོགས་པ་ཡོང་ཐུབ་པ་རེད། རྟེན་འབྲེལ་འགོ་ནས་མའགྲིག་ན་མཇུག་བཀྲ་ཤིས་པ་ཡོང་ཚུལ་མེད་པ་དེ་དཔེར་ན་ཚེས་པ་གཅིག་ནས་ནོར་སོང་བ་ཡིན་ན་གནམ་གང་བར་དུ་འཆུག་འགྲོ་བ་བཞིན་རེད། འོན་ཀྱང་བདག་ལྟ་བུ་མཚོན་ན་དུས་ངན་སྙིགས་མ་ལྔ་བདོ་བའི་སྐབས་འདིར་བླ་མའི་མིང་ཙམ་འཛིན་པ་ཡིན་པའི་ཆ་ནས་བླ་མ་བསྟེན་ཚུལ་ཡག་པོ་ཡོང་དགོས་པ་ཧ་ཅང་གལ་ཆེན་པོ་དང་རྩ་ཆེན་པོ་ཡིན་པ་ལབ་ན་སྤྱིར་ལོག་རྟོག་གི་མཐའ་མ་བཀག་པ་དང༌། དེང་སང་གླད་པ་གསར་བ་ཆགས་པའི་སྐབས་དང་ལས་འབྲས་དང་སྐྱབས་གནས་དཀོན་མཆོག་གསུམ་ལ་ཡིད་ཆེས་མེད་པར་རང་རང་སོ་སོའི་ཁེ་བསང་དང་རང་རང་སོ་སོའི་ཐོབ་མངའ་ཐང་མཚན་སྙན་གྲགས་རྒྱས་པའི་ཆེད་དུ་བྱ་བ་སྒྲུབ་པའི་དུས་སྐབས་སླེབས་ཡོད་པས་ན་ཕན་ཐོག་ཏུ་འགྱུར་བ་ལས་ལོག་རྟོག་གི་རྒྱུར་འགྱུར་བ་ཉེན་ཁ་ཆེ་བ་རེད། བདག་དང་བདག་ལྟབུ་ཆོས་འཆད་ན་ཡང་ལ་ལར་ཕན་ཐོག་ཀྱང་ལ་ལར་གནོད་ བྱེད་དུ་འགྲོ་བ་ཡོད་སྲིད་ན་ཡང་བསྟན་པ་ཧ་ཅང ་ཉམས་དམའ་ཉག་འཕྲ་བའི་སྐབས་འདིར་བསྟན་པ་ལ་ཤ་ཞེན་འདྲ་བོས་མ་བཟོད་ནས་དཀའ་ལས་རྒྱབ་ནས་འཇིག་རྟེན་ཁ་དཔེར་བཟོ་མ་ཤེས་ན་བཟོ་བའི་འདུག་སྟངས་དང་མགར་མ་ཤེས་ན་མགར་བའི་འདུག་སྟངས་དེ་འདྲ་བྱས་ནས་དཀའ་ལས་རྒྱབ་བཞིན་ཡོད་པ་ཡིན། ཁྱེདརང་རྣམས་ཀྱི་ངོས་ནས་ཡིན་ན་སངས་རྒྱས་ཀྱི་བསྟན་པ་དང་འགྲོ་བའི་བདེ་སྐྱིད་ཀྱི་ཆེད་དུ་ཐུགས་བསམ་རྒྱ་ཆེན་པོ་བཞེས་ནས་མི་ཚེ་བསྟན་འགྲོའི་དོན་དུ་ཐོས་བསམ་སྒོམ་གསུམ་ལས་མི་འདའ་བར་ བྱེད་རྒྱུ་ཧ་ཅང་གལ་ཆེན་པོ་རེད། དེ་ལས་ལྷག་གི་བྱ་བ་མེད་པ ་དང་དེ་ལས་ལྷག་གི་ཆོས་འཇིག་རྟེན་གང་ལ་བསམ་བློ་གཏོང་ན་ཡང་གྲྭ་བ་ཞིག་གི་བྱ་བ་མེད་པ་ཡིན་པ་བསམ་བློ་རྒྱ་ཆེན་པོ་གཏོངདགོས་པ་རེད། དེ་རིང་ང་ཚོས་ཀུན་མཁྱེན་ཡབ་སྲས་རྣམས་ཀྱི་རྣམ་ཐར་འདོན་པ་རེད། ལ་ལསཀུན་མཁྱེན་ཡབ་སྲས་རྣམས་རི་ཕུག་དང་བྲག་ཕུག་ནང་དུ་བཞུགས་པ་རྐྱང་རྐྱང་ཡིན་པ་ལས་ཐོས་བསམ་རྒྱ་ཆེན་པོ་གནང་མེད་པ་ཡིན་ཆགས་བྱེད་མཁན་མང་པོ་ཡོད་ཀྱང་ཁོང་རྣམས་ཀྱི་དབུས་གཙང་ཕྱོགས་ནས་བླ་མ་དགེ་བའི་བཤེས་གཉེན་བསམ་གྱིས་མི་ཁྱབ་པ་མང་པོ་བསྟེན་ནས་མདོ་སྔགས་རབ་འབྱམས་དང་བཅས་པ་ལ་བསླབ་པ་རེད། ཆོས་རྗེ་ཀུན་མཁྱེན་རིན་པོ་ཆེ་ཁོང་གིསཐ་ན་ལྷམ་བཟོ་རྒྱུ་ཡན་ཆད་བསླབ་པ་ཡིན་པ་རྣམ་ཐར་ནང་ལོགས་སུ་གསུངས་པ་རེད། མདོརན་དེ་བཞིན་དུ་ང་ཚོ་ཡང་ཐོས་བསམ་སྒོམ་གསུམ་ལ་ཆོག་ཤེས་མི་བྱེད་པར་ཡང་ནས་ཡང་དུ་གསན་བསམ་བྱེད་དགོས་པ་རེད།དཔེར་ན་སྨན་ཆུ་ཁ་བ་བློ་གྲོས་རྒྱལ་མཚན་གྱིས་དུས་འཁོར་རྒྱུད་འགྲེལ་གཅིག་པུ་དེ་ལ་ཚར་བཅུ་དྲུག་རེ་གསན་པའི་ལོ་རྒྱུས་ཁོང་གི་རྣམ་ཐར་ནང་ལོག་ཏུ་གསལ་བ་ལྟར་རེད།དེང་སང་འཛམ་བུ་གླིང་ན་སློབ་གསོ་བ་རྣམས་ཀྱིས་ཀྱང་སྐྱར་སྦྱོང་ཡང་སྦྱོང་བྱེད་པ་ནི་སློབ་སྦྱོང་ལ་ཡར་རྒྱས་འགྲོ་བའི་ཐབས་ལམ་བླ་ན་མེད་པ་ཡིན་པ་གསུངས་པ་བཞིན་རྣམ་པ་ཚང་མས་ཐུགས་ལ་བཟུང་ནས་མི་ཚེ་དོན་ལྡན་བྱེད་རྒྱུ་རེ་བ་ཞུས་པ་ཡིན་ནོ། །སྨྲས་པ། ལེགས་ཚོགས་ཀུན་གྱི་གཞིར་གྱུར་དྲིན་ཆེན་རྗེ། །མ་ལུས་སྐྱེ་དགུ་འདྲེན་པའི་དེད་དཔོན་མཆོག །བསམ་སྦྱོར་ཚུལ་བཞིན་བསྟེན་ཏེ་བཀའ་བཞིན་དུ། །སྒྲུབ་པར་མཛད་པ་འབད་ཅིང་བརྩོན་པར་རིགས། །དམ་པའི་ཆོས་ཀྱི་གྲུ་ཆར་རྩོལ་མཁས་བཤེས་གཉེན་རྗེ། །བཀའ་དྲིན་གཞལ་མཐའ་མེད་པའི་ངེས་པ་མ་རྙེད་ན། །མཛའ་བ་ཙམ་གྱིས་བྱིན་རླབས་ཆུ་རྒྱུན་མི་འབབ་པས། །བཀའ་དྲིན་ལན་བརྒྱར་བསམ་ནས་མི་ཕྱེད་དད་ཅིང་གུས། །བླ་མ་མཆོད་པའི་ལམ་འདི་མདོ་རྒྱུད་ཐམས་ཅད་དུ། །ལན་གཅིག་མིན་པར་ཐུབ་པས་ཡང་ཡང་གསུངས། །དེ་ཕྱིར་རིགས་དྲུག་སྲིད་པའི་འདམ་རྫབ་ལས། །ཐར་འདོད་རྣམས་ཀྱིས་བླ་མ་རྟག་ཏུ་མཆོད། །སྲིད་པའི་འདམ་དུ་བྱིང་བའི་འགྲོ་ཀུན་ལ། །མགོན་གཅིག་ཁྱབ་བདག་དཔལ་ལྡན་རྡོ་རྗེ་འཆང༌། །དམ་ཆོས་ཚུལ་བཞིན་སྟོན་མཛད་འདྲེན་པ་རྗེ། །རབ་སྒྲུབ་ཕྱི་ནང་གསང་བའི་མཆོད་པ་འབུལ། །བདག་ནི་རྣམ་དཔྱོད་སྦྱངས་བ་རབ་ཏུ་དམན། །བརྩོན་འགྲུས་དཀའ་བ་ཁྱད་བསད་ཞན་ཅིང་ཕྲ། །མ་བཤད་པ་དང་ལོག་བཤད་ཅི་མཆིས་པ། །བླ་མ་རྒྱལ་བ་སྲས་བཅས་མདུན་སར་བཤག །སྔོན་བྱོན་དྲན་དབང་རྟ་ལྗང་བདུན་པ་ཡིས། །བསལ་དུ་མེད་པའི་དཀའ་གནད་རིན་ཆེན་ལ། །རྡོ་རྗེའི་མདུད་གྲོལ་བླ་མ་དམ་པའི་གསུང༌། །རྣམ་པར་ཕབ་པའི་དགེ་ལེགས་ཇི་སྙེད་ཀྱིས། །བྱམས་དང་སྙིང་རྗེའི་འགྲོ་བའི་ཁུར་འཁྱེར་ཞིང༌། །ལུང་དང་རིགས་པའི་བསྟན་པ་གསལ་མཛད་དེ། །གནས་བརྟན་ཆེན་པོ་བླ་མ་མཆོག་ཉིད་ཀྱི། །གོ་འཕང་གཡོ་མེད་འགྲོ་ཀུན་ཐོབ་གྱུར་ཅིག །ཅེས་༢༠༢༠ལོར་ཡོངས་ཀྱི་བཤེས་གཉེན་རིན་པོ་ཆེ་ངག་དབང་དངོས་གྲུབ་དཔལ་བཟང་པོ་མཆོག་གིས་གངས་ལྗོངས་རིས་མེད་ལྔ་རིག་མཐོ་སློབ་གཙུག་ལག་སློབ་གཉེར་ཁང་ནས་སློབ་གཉེར་བ་ཡོངས་ལ་བླ་མ་མཆོད་པ་བདེ་ལེགས་རབ་རྒྱས་ཉིན་བཅུ་གཉིས་རིང་བཀའ་ཁྲིད་གནང་བའི་ཟིན་བྲིས་འདི་ནི་གང་ཉིད་ཀྱི་སློབ་འབངས་སུ་གཏོགས་པ་རྒྱལ་རོང་བ་པཱ་ལ་དགོན་དབང་རྒྱལ་གྱིས་རང་ལོ་སོ་བདུན་པ་སྟེ་ཕྱི་ལོ་༢༠༢༡ལྕགས་མོ་གླང་གི་ལོའི་ཆོ་འཕྲུལ་ཟླ་བའི་ཚེས་༨ལ་དབུ་བཟུང་ཀྱང་བར་སྐབས་བྱ་བ་ག་གེ་མོ་རྐྱེན་གྱིས་དབོ་ཟླ་ཚེས་༡༥་ལ་མཇུག་རྫོགས་པར་ཡི་གེར་ཕབ་སྟེ་པེ་ཅིན་མཐོ་རིམ་ནང་བསྟན་སློབ་གླིང་དུ་སླར་ཡང་ཞུ་དག་ཅུང་ཟད་བྱས་པའོ།།སརྦ་མངྒ་ལཾ།། བཀྲ་ཤིས།