རྩིས་ལ་སྦྱངས་པའི་ལེའུ།
དེ་ནས་གསལ་ལྡན་ཡུལ་དུ་ཕྱིན་པ་དང་ཿ ཤཱཀྱའི་དྲང་སྲོང་སྲེད་སྒྲུབ་བྱ་དང་ཕྲདཿ ཁྱོད་ཀྱིས་ཅི་ཤེས་དྲིས་པས་རྩིས་ཤེས་ཟེརཿ དེ་ལ་མཉེས་པའི་ཡོན་ཕུལ་རྩིས་སློབས་བྱསཿ དང་པོར་ལོ་ཡི་བྱུང་ཚུལ་བསླབས་པ་ནིཿ ཡུམ་ལ་ལྷ་ཡིས་བྱིན་རླབས་མཛད་པ་ཡིསཿ མ་རིག་བྱི་བའི་ལོ་ནི་དེ་ནས་བྱུང་ཿ ལྷུམས་གཞུག་གླང་པོ་ཐལ་ཀར་མཆེ་
༼༦༤ན༽དྲུག་སྤྲུལཿ འདུ་བྱེད་གླང་གིས་ལོ་ནི་དེ་ནས་བྱུང་ཿ ལྷུམས་ནང་ཁྲ་བོ་ཁྱི་ལོར་འདུག་པ་ཡིསཿ རྣམ་ཤེས་སྟག་གི་ལོ་ནི་དེ་ནས་བྱུང་ཿ བལྟམས་དུས་སྙན་ནི་ཀྲོང་ངེ་བྱིན་པ་ཡིསཿ མིང་གཟུགས་ཡོས་བུའི་ལོ་ནི་དེ་ནས་བྱུང་ཿ འཁྲུངས་ཚེ་ནམ་མཁའ་དག་ནས་སྒྲ་བྱུང་ནསཿ སྐྱེ་མཆེད་དྲུག་ཅེས་འབྲུག་ལོ་དེ་ནས་བྱུང་ཿ བལྟམས་དུས་སྙན་ནི་ཀྲོང་ངེ་བྱིན་པ་ཡིསཿ མིང་གཟུགས་ཡོས་བུའི་ལོ་ནི་དེ་ནས་བྱུང་ཿ འཁྲུངས་ཚེ་ནམ་མཁའ་དག་ནས་སྒྲ་བྱུང་ནསཿ སྐྱེ་མཆེད་དྲུག་ཅེས་འབྲུག་ལོ་དེ་ནས་བྱུང་ཿ སྐུ་ལ་ཀླུ་ཡི་རྒྱལ་པོས་ཁྲུས་བྱས་པསཿ རིག་པ་སྦྲུལ་གྱི་ལོ་ནི་དེ་ནས་བྱུང་ཿ རྟ་ནི་དད་པ་གསེར་ལྡན་ཞོན་པ་ཡིསཿ ཚོར་བ་རྟ་ལོ་པ་ནི་དེ་ནས་བྱུང་ཿ དེ་ནས་ལྷ་ཡིས་ལུག་གི་ཞོ་དྲངས་པསཿ སྲེད་པ་ལུག་གི་ལོ་ནི་དེ་ནས་བྱུང་ཿ སྤྲེའུ་ཧ་ལུ་མ་དྷས་སྦྲང་རྩི་ཕུལཿ ལེན་པ་སྤྲེའུའི་ལོ་ནི་དེ་ནས་བྱུང་ཿ འདབ་ཆགས་རྒྱལ་པོ་ཁྱུང་སྦྲུལ་སོར་ཕྲག་འདྲེལཿ སྲིད་པ་བྱ་ལོ་པ་ནི་དེ་ནས་བྱུང་ཿ ཁྱི་ཚོགས་གོང་ཀར་སངས་རྒྱས་ཆོས་ཉན་པསཿ སྐྱེ་བ་ཁྱི་ལོ་པ་ནི་དེ་ནས་བྱུང་ཿ ལྕགས་ཀྱི་ཕག་མོ་དགུ་བཙུགས་སྟོབས་འགྲན་པསཿ རྒ་ཤི་ཕག་ལོ་པ་ནི་དེ་ནས་བྱུང་ཿ སངས་རྒྱས་ཐུབ་པའི་མཛད་པ་བཅུ་གཉིས་ལསཿ སྲིད་པའི་ལོ་འགྲོས་རྟེན་འབྲེལ་བཅུ་གཉིས་སྲིདཿ ཅེས་སོགས་ཐེག་དམན་བློས་བྱས་རིག་གཞུང་དང་ཿ འདུལ་བ་ལུང་དང་རྒྱ་ཆེར་རོལ་པ་དང་ཿ ཕལ་ཆེན་སོགས་ནས་བཤད་པའི་གྲངས་རྩིས་དང་ཿ མདོ་སྡེ་བརྟག་སྣ་མཚན་རྟགས་ལས་ཀྱི་རྩིསཿ འཕགས་པ་རྟག་ཏུ་དུ་ཡི་རྒྱན་དཔྱད་རྩིསཿ མདོ་སྡེ་གསང་བ་ཆེན་པོ་བསྟན་འབེབས་
༼༦༤བ༽རྩིསཿ མདོ་སྡེ་ཁམས་གསུམ་སྣང་བྱེད་གཟེར་དམིགས་རྩིསཿ མྱ་ངན་འདས་པ་ཤི་བ་རོ་འགྲོས་རྩིསཿ ཤེས་པར་བརྗོད་པ་ཚོང་དང་བག་མའི་རྩིསཿ དུས་ཀྱི་འཁོར་ལོའི་ཉི་ཟླ་གཟའ་སྐར་སོགསཿ བརྟན་གཡོ་ཕྱི་ནང་གཞན་གསུམ་བརྩི་ཚུལ་དང་ཿ རྡོ་རྗེ་གདན་བཞིའི་སྲིད་པ་འདྲེན་འཛིན་རྩིསཿ མཁའ་འགྲོ་རྒྱ་མཚོ་ཕྱི་ནང་རྣལ་འབྱོར་རྩིསཿ ཆོས་མངོན་རྡུལ་དང་རྡུལ་ཕྲན་རྩིས་རྣམས་བསླབསཿ ཨུ་རྒྱན་གུ་རུ་པདྨ་འབྱུང་གནས་ཀྱི་སྐྱེས་རབས་རྣམ་པར་ཐར་པ་རྒྱས་པར་བཀོད་པ་ལསཿ རྩིས་ལ་སྦྱངས་པའི་ལེའུ་སྟེ་ཉེར་གསུམ་པའོཿ ཿཐ་ཐ་ཉྲ་རྒྱ་རྒྱཿ ཿ