བསམ་ཡས་གཙུག་ལག་ཁང་གི་ས་བཙལ་བའི་ལེའུ།
དེ་ནས་བསམ་ཡས་མཚོ་མོ་མགུལ་དུ་བྱོནཿ ས་དཔྱད་གཟིགས་པས་བི་རྗེའི་ཞལ་ན་རེཿ ཧས་པོ་རི་ནི་དུད་སེང་གནམ་མཆོད་འདྲཿ མེ་ཡར་དྲེའུ་རྟ་ཆུ་འཐུང་འདྲ་སྟེ་བཟང་ཿ མཆིམས་པོའི་རི་འདི་གཡུ་སེང་གནམ་མཆོད་འདྲཿ ཤང་རི་རྒྱལ་པོ་གདན་ལ་བཞུགས་པ་འདྲཿ དགེ་རྒྱས་རི་འདི་རིན་ཆེན་སྤུངས་པ་འདྲཿ མཆིམས་ཕོའི་ལུང་པ་པདྨ་ཁ་བྱེ་འདྲཿ བྲག་དམར་བྱུ་རུའི་སེང་གེ་གནམ་འཕྱོ་འདྲཿ དོལ་ཐང་དར་དཀར་ཡོལ་བ་བྲེས་པ་འདྲཿ དབུ་ཚལ་རྫིང་བུ་མར་ཁུའི་གཞོང་པ་འདྲཿ ལྷོ་ཕྱོགས་གཙང་པོ་གཡུ་འབྲུག་གྱེན་འགྲོ་འདྲཿ སྤྱིར་ན་བྲག་དམར་གཟན་གཡང་ས་དཔྱད་འདྲཿ རུས་སྦལ་ཁོག་པར་སྦྲང་རོ་གཏིབས་པ་འདྲཿ ཕྱོགས་བཞིའི་ས་སྤོས་མཚམས་བཞི་འགྲམས་ནས་འདུགཿ བོད་ཡུལ་རུ་བཞིའི་ནོར་རྣམས་འཕེལ་བའི་རིཿ ཆུ་བོ་རི་ནི་རིན་ཆེན་སྤུངས་འདྲ་འདུགཿ གྲུབ་ཐོབ་རྒྱུན་ཆད་མེད་པར་ཡོང་བའི་རིཿ འུ་ཤང་རྡོ་དང་སྐར་ཆུང་འདྲ་བ་འདུགཿ བོད་རྣམས་ཚེ་རིང་འདེབས་འཚོ་བའི་རིཿ གཙང་གི་རུ་ལག་གཞོན་པ་སྐྱེས་འདྲ་འདུགཿ བློན་པོ་རིག་པ་ཅན་མང་ཡོང་བའི་རིཿ འཕྱིང་བར་སྟག་རྩེ་གླང་ཆེན་འགྱིང་འདྲ་འདུགཿ སྟོན་ཆེན་ཡོང་རི་པི་ཝང་རྒྱུད་འདྲ་འདུགཿ བོད་ལ་སྐབས་སུ་འཁྲུག་པ་ཡོང་བའི་རིཿ རི་ནག་སོག་པོ་ཁྲོས་པ་འདྲ་བའང་འདུགཿ ཅེས་སོགས་བོད་ཀྱི་ས་དཔྱད་
༼༡༣༢ན༽རྒྱས་པར་གསུངསཿ དེ་ནས་བསམ་ཡས་འོམ་བུ་ཚལ་དུ་བྱོནཿ བྲག་དམར་འོམ་བུ་ཚལ་དུ་རྨང་བཏིང་བསཿ བོད་ཀྱི་ལྷ་འདྲེ་གདུག་པ་ཅན་རྣམས་འདུསཿ ཉིན་པར་བརྩིགས་པ་མཚན་བཤིག་བརྩིག་མ་སྟེརཿ གཙུག་ལག་རྩིས་དང་ཕྲ་མོ་བྱས་པ་ཡིསཿ རྒྱ་གར་རྒྱ་ནག་ཟ་ཧོར་ལ་སོགས་ནསཿ ས་འདུལ་མཁན་གྱི་བླ་མཆོད་གདན་དྲངས་ནསཿ རྒྱལ་པོའི་ཐུགས་དགོངས་རྫོགས་པར་ཡོང་ངོ་གསུང་ཿ ཨུ་རྒྱན་གུ་རུ་པདྨ་འབྱུང་གནས་ཀྱི་སྐྱེས་རབས་རྣམ་པར་ཐར་པ་རྒྱས་པར་བཀོད་པ་ལསཿ བསམ་ཡས་གཙུག་ལག་ཁང་གི་ས་བཙལ་བའི་ལེའུ་སྟེ་ང་དྲུག་པའོཿ ཿཐ་ཐ་ཉྲ་རྒྱ་རྒྱཿ ཿ