སྨོན་བྱང་བཀྲ་ཤིས་ཉིས་བརྩེགས་མ།

འོད་དཔག་མེད་མགོན་ཐུགས་ཀའི་ཧྲཱིཿཡིག་དབང་མདོག་ཞུན་མར་འདྲེས་པའི་བཅུད།།
མ་ཆགས་མདངས་ལྡན་པདྨའི་རྩེར་སྨིན་ཡ་མཚན་གཟུགས་སྐུའི་བཀོད་པ་ཅན།།
རྒྱལ་ཀུན་སྤྱི་གཟུགས་པདྨ་ཀཱ་ར་རང་བྱུང་རྒྱལ་བ་གཉིས་པ་དེས།།
སྙིགས་ལྔས་གཟིར་བའི་འགྲོ་འདི་སྐྱོང་ཞིང་རྫོགས་ལྡན་གསར་པ་མགྲོན་དུ་ཁུག།
ཡོངས་རྫོགས་རྒྱལ་བསྟན་སྙིང་བཅུད་ཤིང་རྟ་བརྒྱད།།
མི་ནུབ་དར་ཞིང་མངའ་ཐང་ཡུན་དུ་རྒྱས།།
གངས་ལྗོངས་རིགས་རུས་གཅིག་པའི་ཆོལ་གསུམ་འབངས།།
མཐུན་ཞིང་འབྲོག་པའི་དབུ་འཕང་རྟག་མཐོ་ཤོག།
མཁས་པ་མཁས་པ་ཚོགས་པའི་ལྷ་གྲལ་གྱི།།
དམ་པ་དམ་པ་ཇི་བཞིན་གྲགས་པའི་དཔལ།།
ཚེ་རབས་ཚེ་རབས་རྣམས་སུ་མི་འབྲལ་བའི།།
བཀྲ་ཤིས་བཀྲ་ཤིས་གང་དེས་འགྲོ་ཀུན་སྲུངས།།