༼ཨོཾ༽ ཆོས་ཚན་དང་པོ་གཏུམ་མོའི་གསོལ་འདེབས་རྡོ་རྗེའི་ཚིག་རྐང་།
༄༅། །ཀློང་ཆེན་སྙིང་གི་ཐིག་ལེ་ལས་གཏུམ་མོའི་གསོལ་འདེབས་རྡོ་རྗེའི་ཚིག་རྐང་བཞུགས།
ཨེ་མ་ཧོ། དག་པ་རབ་འབྱམས་དབུ་མའི་གྲོང་ཁྱེར་ན། །སེམས་ཀྱི་རྡོ་རྗེ་ཆོས་སྐུའི་ངོ་བོ་ཉིད། །ཕུང་པོ་ཁམས་དང་སྐྱེ་མཆེད་གདན་གསུམ་ལྷའི། །རྣམ་རོལ་རྩ་བརྒྱུད་བླ་མར་གསོལ་བ་འདེབས། །སོགས་ཀྱིས་བསྟན། ཨེ་མ་ཧོ་ཞེས་ངོ་མཚར་བའི་ཚིག་གིས་སྣ་དྲངས་ཏེ་གང་ལ་ངོ་མཚར་ན། གསང་ཆེན་སྔགས་ཀྱི་ཐེག་པའི་ཁྱད་ཆོས་ཁྱད་པར་ཅན་གྱི་ལམ་ལ་ངོ་མཚར་བའི་ཚིག་དང་བཅས་ཏེ། དག་པ་རབ་འབྱམས་དབུ་མའི་གྲོང་ཁྱེར་ན་ཞེས་གསུངས་རྒྱུ་དེ། རྟེན་རང་ལུས་རྡོ་རྗེ་ཕུང་པོའི་གྲོང་ཁྱེར། དེ་ལས་རྩ་དབུ་མ་ཡེ་ཤེས་ཀྱི་གཞལ་ཡས་ཁང་ན། སེམས་ཀྱི་རྡོ་རྗེ་ཆོས་སྐུའི་ངོ་བོ་ཉིད། ཆོས་ཅན་སེམས་ཀྱི་ཆོས་ཉིད་དེ་མི་ཤིགས་མི་འགྱུར་གཞོམ་གཞིག་དང་བྲལ་བའི་རྡོ་རྗེའི་ཆོས་མཚུངས་སུ་སྦྱར་སའི་སྟོང་བ་ཆོས་སྐུའི་ངོ་བོ་དེ་ཉིད་ལས། གསལ་མདངས་རང་བཞིན་ལོངས་སྐུར་ཤར་བ་དེ་མ་འགགས་ཐུགས་རྗེ་སྤྲུལ་སྐུའི་རོལ་གར་དུ་སྣང་ནས་རྩ་རླུང་ཐིག་ལེའི་བདག་ཉིད། ཕུང་པོ་ཁམས་དང་སྐྱེ་མཆེད་གདན་གསུམ་ལྷའི་རྣམ་རོལ་ཞེས། ཕུང་པོ་ཁམས་དང་སྐྱེ་མཆེད་དེ་གདན་གསུམ་ཚང་བའི་ལྷ་ཡི་རྣམ་རོལ་ཏུ་ཤར་བའི་ངོ་བོ་རང་བཞིན་ཐུགས་རྗེ་དཀྱིལ་འཁོར་ལས་འདའ་བ་མེད་པའི་རྩ་བ་དང་བརྒྱུད་པར་བཅས་པའི་བླ་མ་རྣམས་ལ་གསོལ་བ་འདེབས། ཞེས་ཚིག་རྐང་དང་པོ་འདིས་གཞི་ལམ་འབྲས་གསུམ་གྱི་ནང་ནས་གཞི་བསྟན་པ་རེད། རླུང་སེམས་དབྱེར་མེད་ཞི་བདེའི་ཙནྜ་ལཱི། །འཁོར་ལོ་ལྔ་ཡི་དཔའ་བོ་མཁའ་འགྲོའི་གྲོང་། །ཚོགས་ཀྱི་འཁོར་ལོའི་འདུ་བས་མཉེས་བྱས་ནས། །དབང་དང་དགའ་བཞིའི་ཡེ་ཤེས་རོས་གང་ཤོག །ཞེས་གསུངས་རྒྱུ་འདིས་ལམ་བསྟན་པ་རེད། རླུང་སེམས་དབྱེར་མེད་ཞུ་བདེའི་ཙནྜ་ལཱི་ཞེས། སྲོག་དང་རྩོལ་བའི་རྣལ་འབྱོར་གྱིས་རླུང་སེམས་དབྱེར་མེད་ཡས་བབས་དང་མས་བརྟན་གྱི་སྦྱོར་བས་སྤྱི་བོའི་ཧཾ་ཡིག་རི་བོང་འཛིན་པ་དེ་ལྟེ་བའི་ཨ་ཐུང་སྒྲ་གཅན་གྱི་མེས་བཞུ་བའི་ཞུ་བདེའི་ཡེ་ཤེས་བདེ་སྟོང་གཉིས་མེད་ཀྱི་རོ་དེས། སྤྱི་མགྲིན་སྙིང་ལྟེ་གསང་བ་དང་བཅས་པའི་རྩ་གསུམ་འཁོར་ལོ་ལྔ་ཡི་དཔའ་བོ་མཁའ་འགྲོའི་གྲོང་ཞེས་གསུངས་ན། རྩ་གསུམ་འཁོར་ལོ་ལྔ་ཡན་ལག་དང་བཅས་པ་དཔའ་བོ་མཁའ་འགྲོའི་གནས་ཡུལ་ཉེར་བཞིའི་གྲོང་ཁྱེར་ན། ཚོགས་ཀྱི་འཁོར་ལོའི་འདུ་བས་མཉེས་བྱས་ཞེས། ཚོགས་ཀྱི་འཁོར་ལོའི་འདུ་བ་ཆེན་པོས་དེ་དག་མཉེས་པར་བྱས་ནས་དབང་དང་དགའ་བཞིའི་ཡེ་ཤེས་རོས་གང་ཤོག་གསུངས་པ་རེད། དེ་དང་ཆབས་གཅིག་ཏུ་བུམ་དབང་། གསང་དབང་། ཤེར་དབང་། ཚིག་དབང་དང་བཅས་པའི་དབང་བཞི་དང་། དགའ་བ་མཆོག་དགའ་ལ་སོགས་པའི་དགའ་བཞིའི་ཡེ་ཤེས་ཀྱི་རོས་གང་བར་ཤོག་ཅེས་ལམ་བསྟན། ཁྱད་པར་མཆོག་གི་གཏུམ་མོས་འཁོར་ལོ་བཞིའི། །རླུང་སེམས་ལས་རུང་དྷཱིུ་ཏིའི་རྩ་མདུད་རྣམས། །ཚོགས་དང་སྦྱོར་མཐོང་སྒོམ་པའི་ལམ་དུ་གྲོལ། །ས་བཅུའི་རྒྱུན་མཐར་གཙུག་ཏོར་རྩེན་སྨིན་ཤོག། ཅེས་གསུངས་པ་འདིས་འབྲས་བུ་བསྟན་པ་རེད། ཁྱད་པར་མཆོག་གི་གཏུམ་མོ་ཞེས་གསུངས་པ་དེ་གང་རེད་ཅེ་ན། མི་རྟོག་པའི་ཡེ་ཤེས་རྒྱུད་ལ་སྐྱེས་པ་དེ་ཉིད་རེད། དེ་ལ་བརྟེན་ནས་འཁོར་ལོ་བཞིའི་རླུང་སེམས་ལས་སུ་རུང་། ལས་རླུང་དབྱིངས་སུ་དག་སྟེ་ཡེ་རླུང་དབུ་མར་ཚུད་པ་ལ་བརྟེན་ནས་དྷཱིུ་ཏིའི་རྩ་མདུད་རྣམས་གྲོལ་བའི་རིམ་པ་དང་བསྟུན་ནས། ཚོགས་དང་སྦྱོར་མཐོང་སྒོམ་པའི་ལམ་དུ་གྲོལ་ཏེ་ས་བཅུའི་རྒྱུན་གྱི་མཐའ་མ་ན་གཙུག་ཏོར་རྩེར་སྨིན་ཤོག་ཅེས་ཟུང་འཇུག་རྡོ་རྗེ་འཆང་གི་གོ་འཕང་ཐོབ་པར་ཤོག་ཅེས་གསུངས་པ་རེད། ཉོན་མོངས་རླུང་སེམས་འཁོར་བའི་རང་བཞིན་ནི། །རྣམ་གྲོལ་ཞི་བ་ཡེ་ཤེས་རླུང་མཆོག་གིས། །རང་དབང་གྱུར་ལས་རྩ་ཁམས་ཡི་གེའི་སྤྲིན། །འཁོར་ལོ་ཚོགས་ཆེན་ས་ལ་ལྷུན་རྫོགས་ཤོག །ཅེས་པ་འདིས་གཞི་འབྲས་དབྱེར་མེད་མཐར་ཐུག་གི་གྲོལ་ས་སྨོན་ལམ་དང་འབྲེལ་ནས་བསྟན་པ་རེད། དེ་ལྟར་ཉོན་མོངས་དང་རླུང་སེམས་ལས་འཁྲུལ་སྣང་འཁོར་བར་ཤར་བའི་སྣང་ཚུལ་གྱི་རང་བཞིན་ནི། གདོད་ནས་རྣམ་པར་གྲོལ་བ་གནས་ཚུལ་གདོད་ནས་དག་པ་ཞི་བ་ཡེ་ཤེས་ཀྱི་རླུང་མཆོག་དེ་ཉིད་དབང་དུ་བྱས་ཏེ་རང་དབང་དུ་གྱུར་བ་ལས་རྩ་ཁམས་ཐམས་ཅད་ཡི་གེའི་སྤྲིན་དུ་དག་ནས། འཁོར་ལོ་ཚོགས་ཆེན་ཞེས་གསུངས་ན་མ་ཆགས་པདྨ་ཅན་ནས་འཁོར་ལོ་ཚོགས་ཆེན་གྱི་ས་ལྷུན་གྱིས་རྫོགས་པར་ཤོག ཅེས་འདིས་གཞི་འབྲས་དབྱེར་མེད་མཐར་ཐུག་གི་གྲོལ་ས་བསྟན་པ་རེད། ས་མ་ཡ་ཞེས་དམ་ཚིག་གི་རྒྱ་རེད། རྫོགས་རིམ་ལམ་གྱི་མདོ་ཆིངས་ཀུན། །རྡོ་རྗེ་ཚིག་རྐང་འདིས་གྲོལ་བྱེད། །རྒྱ་རྒྱ་རྒྱ། རྡོ་རྗེ་ཚིག་རྐང་འདི་ཡིས་རྫོགས་རིམ་ལམ་གྱི་མདོ་ཆིངས་ཐོག་མ་འགྲོལ་ཐུབ་ཅེས་གསུངས་པ་རེད། རྫོགས་རིམ་གྱི་ལམ་ཐམས་ཅད་ཀྱི་རྩ་བ་ཡིག་ཆ་འདིའི་ཀྱང་ཆོག་གོ། ཟབ་རྒྱ། སྦས་རྒྱ། གསང་རྒྱ་ཞེས་རྒྱ་གསུམ་གྱིས་མནན་ནས་རྒྱ་རྒྱ་རྒྱ་ཞེས་གསུངས། དེ་ནས་ཆོས་ཚན་གཉིས་པ།