སྒྱུ་འཕྲུལ་ཁྲོ་བོའི་ཕན་དབང་གི་རྗེས་འབྲེལ་དུ་ཕེབས་པའི་འཕྲོས།

ད་དེ་ཡན་དུ་ཕྱི་ལྷག་པ་གཟུགས་བརྙན་གྱི་དཀྱིལ་འཁོར་དུ་ཁྲོ་བོའི་ཕན་དབང་ཉེར་བརྒྱད་ཕུལ་གྲུབ་ན། དེ་ཕན་དབང་ཞེས་པའི་མིང་དོན་མཚུངས་པ་འདི་དང་ཕྱི་མར་ཕན་པའི་ས་བོན་དབང་གིས་རང་རྒྱུད་ལ་བཞག་པས་མི་ཚད། དབང་འདི་ཐོབ་པས་ཕྱི་དཀྱིལ་དྲང་དོན་གྱི་བསྐྱེད་རིམ་གྱི་སྐོར་ཉན་རུང་བའི་སྐལ་བ་ཅན་དུ་བྱས་པ་རེད། ཁྲོ་བོའི་དབང་གི་ཆོ་ག་ཅིག་མང་བ་རེད། ཁྱད་པར་ཕན་དབང་འདིའི་ཆས་དབང་དང་ལྷ་དབང་གི་རྫས་མང་། དེ་བཞིན་དུ་དབང་ཚིག་ཡང་མི་ཉུང་བས་ན་ཞག་གི་ཆོད་རྒྱུའི་ཕྱག་སྲོལ་ཡོད་པ་ལྟར་དེ་རིང་མཚམས་འདིར་བཞག་ནས་དབང་རྫས་འགྲེམ་རྒྱུ་ཡིན། སང་ཉིན་སླར་ཡང་དབང་སྒྲུབ་ཀྱི་ཆོ་ག་སྐྱར་མ་བྱས་ཏེ། ནུས་དབང་དང་ཟབ་དབང་བསྐུར་ནས་ཐེངས་འདིའི་སྒྱུ་འཕྲུལ་ཞི་ཁྲོའི་སྨིན་དབང་གྲུབ་པར་བྱ་རྒྱུ་ཡིན་ཞེས་དང་།