དམིགས་པ་རིན་ཆེན་སྒྲོམ་བུ་བཀའ་དང་བཅས་པ།
དམིགས་པ་རིན་ཆེན་སྒྲོམ་བུ་བཀའ་དང་བཅས་པ་བཞུགས་སོ། །ན་མོ་གུ་རུ། རྗེས་སུ་ཡི་རང་བའི་དབང་ལ་གསུམ་སྟེ། སྔོན་འགྲོ་དངོས་གཞི་རྗེས་སོ། །དང་པོ་ནི། གནས་ཁང་ཕྱག་དར་བྱ། གཏོར་མ་གསུམ་བཤམས། སློབ་མ་རྣམས་གྲལ་ལ་འཁོད། བགེགས་གཏོར་བཏང་། གཏོར་མ་དང་པོ་བླ་མ་ཡི་དམ། གཉིས་པ་ཆོས་སྐྱོང་། གསུམ་པ་གཞི་བདག་ལའོ། །གཉིས་པ་ནི། སློབ་མ་ལ་སྐྱབས་འགྲོ་སྨོན་འཇུག་ཏུ་སེམས་བསྐྱེད། ལམ་ཡན་ལག་ལྔས་སྡིག་པ་བཤགས། སློབ་མ་རྣམས་རིགས་གསུམ་མགོན་པོ་གང་མོས་བསྒོམ་དུ་
གཞུག །མདུན་གྱི་ནམ་མཁའ་ལ། བླ་མ་བརྒྱུད་པ་དང་། སངས་རྒྱས་དང་བྱང་ཆུབ་སེམས་དཔའ་དཔག་ཏུ་མེད་པ་བསམ་ལ། སྤོས་ཕུལ། རྗེས་སུ་ཡི་རང་ཚར་གཅིག་བསྒོམ། སངས་རྒྱས་དང་བྱང་ཆུབ་སེམས་དཔའ་རྣམས་ཀྱིས་སྨིན་མཚམས་ནས་བྱུང་བའི་ཆུ་རྒྱུན་དཀར་པོ་བྱུང་སློབ་མའི་ལུས་ལ་ཐིམ། ལུས་ཀྱི་སྒྲིབ་པ་དག་པར་བསམ་མོ། །ཡང་བརྒྱུད་པའི་བླ་མ་དང་། སངས་རྒྱས་དང་བྱང་ཆུབ་སེམས་དཔའི་གསུང་ལས་དམར་པོ་བྱུང་། སློབ་མའི་མགྲིན་པར་ཐིམ། ངག་གིས་སྡིག་པ་དག་པར་བསམ། ཡང་ཐུགས་ཀ་ནས་མཐིང་ག་བྱུང་། སློབ་མའི་སྙིང་གར་ཐིམ། ཡིད་ཀྱི་སྡིག་པ་དག་པར་བསམ། དེ་ནས་བླ་མ་བརྒྱུད་པ་དང་། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་སློབ་མ་ལ་ཐིམ་པས། ཐུགས་རྗེ་ཆེན་པོར་གྱུར་པར་བསྒོམ། གསུམ་པ་ནི་པུ་ཙ་ལ་ལོངས་སྤྱོད།
གཏོར་མ་བཏང་། དགེ་བ་བསྔོ་བའོ། །རྗེས་སུ་ཡི་རང་བའི་ཕྱིའི་དབང་བཀའ་སངས་རྒྱས་སྟོན་པའི་གསུང་བཞིན། ཨ་ཡེ་སེང་གེས་བཀོད་པའོ། །ན་མོ་གུ་རུ། ཉེས་པའི་དགྲ་བཅོམ་ཡོན་ཏན་ཀུན་གྱི་གཞིར་གྱུར་པ། །སྟོན་པ་གླང་པོ་དེ་ལ་མགོ་བོས་ཕྱག་འཚལ་ལོ། །དམིགས་པ་ཉོན་མོངས་ཀུན་སེལ་བདུད་རྩིའི་སྨན་མཆོག་འདི། །བླ་མའི་གསུང་བཞིན་ཡི་གེར་བཀོད་པར་བྱ། །དེ་ལ་དམིགས་པ་དང་པོ་བླ་མ་ལ་བྱིན་རླབས་ཞུ་བ་ནི། བདག་དང་། གཞན་དང་། ཉན་ཐོས་དང་། རང་སངས་རྒྱས་དང་། བྱང་ཆུབ་སེམས་དཔའ་དང་། སངས་རྒྱས་ཀྱི་དགེ་བའི་རྩ་བ་ལ་རྗེས་སུ་ཡི་རང་པར་བསྒོམས་པས། དེའི་བསོད་ནམས་དཔག་ཏུ་མེད་ཅིང་། བསམ་གྱིས་མི་ཁྱབ་པ་ནམ་མཁའི་མཐས་ཁྱབ་པའི་པུ་ཙར་གྱུར་ནས། སངས་རྒྱས་བྱང་ཆུབ་སེམས་དཔའ་རྣམས་
ལ་ཕུལ་ནས། སྐྱབས་འགྲོ་བྱེད་ཅིང་གསོལ་བ་གདབ་བོ། །གྲོགས་དམ་པ་སྡོམ་པ་དང་། དམ་ཚིག་དང་ལྡན་པ་ཡོད་ན། སྤོས་དང་རོལ་མོའི་སྒྲ་ཐོགས་ལ་གྲོགས་ཞུ། ལན་ཉི་ཤུ་རྩ་གཅིག་བར་དུ་བྱའོ། །སྔགས་ཀྱི་སྒོར་ཞུགས་པའི་དམ་ཚིག་གསོ་བའི་དམིགས་པ་ནི། དགེ་བའི་རྩ་བ་ལ་གོ་རིམ་བཞིན་དུ་རྗེས་སུ་ཡི་རང་པ་བསྒོམས་ལ། དེ་རྣམས་ཡི་དམ་གྱི་ལྷ་ལ་ཕུལ་ལ། ཡི་དམ་གྱི་ལྷ་དེའི་ཐུགས་ཀར་བླ་མ། བླ་མའི་ཐུགས་ཀར་འཁོར་ལོ་དཀར་པོ་རྩིབས་བཅུ་པའི་ལྟེ་བ་ལ་ཡི་དམ་གྱི་སྙིང་པོ། རྩིབས་བཅུ་པོ་རེ་རེའི་ནང་དུ། ཨོཾ་ཨཱཿཧཱུྃ་གསུམ། མུ་ཁྱུད་ལ་ཨཱ་ལི་ཀཱ་ལི་གཉིས་རིམ་དུ་ཡོད་པའི་ཨཱ་ལི་དཀར་པོ། ཀཱ་ལི་དམར་པོ་བསམ། དེ་ནས་ཡི་དམ་ལྷའི་གཏོར་མ་བཤམས་ལ། ཡི་དམ་ལ་ཕུལ་གསོལ་བ་གདབ་པ་ནི། བླ་མ་རྡོ་རྗེ་འཛིན་པ་དང་། །ཡི་དམ་དཀྱིལ་འཁོར་ལྷ་ཚོགས་དང་། །
གནས་གསུམ་ཌཱ་ཀིའི་ཚོགས་རྣམས་དང་། །དཔའ་བོ་དཔའ་མོ་རྣལ་འབྱོར་ཚོགས། །ཆོས་སྐྱོང་དམ་ཅན་དགོངས་སུ་གསོལ། །བདག་ནི་མི་ཤེས་དབང་གྱུར་པས། །སྡོམ་པ་དམ་ཚིག་ཉམས་པ་དང་། །མ་དག་པ་ལ་ཆོས་བཤད་དང་། །འགལ་འཁྲུལ་ནོར་པ་མཆིས་པ་རྣམས། །ཁྱེད་ལ་བཟོད་པར་གསོལ་ལགས་ཀྱིས། །ཉེས་པའི་སྐྱོན་རྣམས་དག་གྱུར་ནས། །སྐུ་གསུང་ཐུགས་ཀྱི་དངོས་གྲུབ་སྩོལ། །ཡོན་ཏན་རྒྱ་མཚོས་གང་བར་ཤོག །ཞེས་གསོལ་བ་ལན་གསུམ་བཏབ་པ་དང་། །བླ་མའི་ཐུགས་ཀའི་འཁོར་ལོ་དཀར་པོ་ལས་འོད་ཟེར་དཔག་ཏུ་མེད་པ་ནམ་མཁའ་ལ་འཕྲོས་ནས། སངས་རྒྱས་དང་བྱང་ཆུབ་སེམས་དཔའ་དཀྱིལ་འཁོར་གྱི་ལྷ་ཚོགས་དང་། དཔའ་བོ་དང་དཔའ་མོ་རྣལ་འབྱོར་མའི་ཚོགས་དང་། །ཌཱ་ཀི་ཆོས་སྐྱོང་ཡེ་ཤེས་ཀྱི་སྤྱན་ལྡན་
རྣམས་ལ་མཆོད་པ་ཕུལ་བས། དེ་དག་གི་བཟང་ལེན་གྱི་ཚུལ་དུ། ནམ་མཁའ་ལ་ཡི་དམ་གྱི་སྙིང་པོ་དང་། སྐུ་གསུང་ཐུགས་དང་། ཨཱ་ལི་ཀཱ་ལི་རྣམས་འོད་ཀྱི་རྣམ་པའི་ཚུལ་དུ་བྱུང་བས། འོད་ལས་ཡི་དམ་ལྷའི་སྙིང་པོ་དང་། །ཨོཾ་ཨཱཿཧཱུྃ་གི་སྒྲ་དང་། ཨཱ་ལི་ཀཱ་ལིའི་སྒྲ་རྣམས་ནམ་མཁའ་ཁྱབ་ཅིང་། །ས་གཡོ་བའི་ཚུལ་དུ་སི་ལི་ལི་བྱོན་ནས། བདག་གི་སྤྱི་གཙུག་ན་མར་ཡི་དམ་ལྷའི་སྙིང་པོ་ཐིམ་པ་དང་། །ཡི་དམ་ལྷར་སིང་ངེ་བསྒོམ། སྐུ་གསུང་ཐུགས་ཀྱི་ཡེ་ཤེས་པ་ཐིམ་པ་དང་། །སངས་རྒྱས་དང་བྱང་ཆུབ་སེམས་དཔའ་རྣམས་ཀྱི་སྐུ་གསུང་ཐུགས་ཡོན་ཏན་ཐམས་ཅད་བདག་ལ་ཐིམ་པར་བསམ། ཨཱ་ལི་ཀཱ་ལི་རྣམས་བདག་ལ་ཐིམ་པ་དང་། སྡོམ་པ་དང་དམ་ཚིག་དང་འགལ་བའི་ཉེས་སྐྱོན་སངས་ཀྱིས་དག་པར་བསམ་ལ། ཨཱ་ལི་ཀཱ་ལི་ཉི་ཤུ་རྩ་གཅིག་བརྗོད་པའམ། གསང་
སྔགས་ཀྱི་སྙིང་པོ་བརྒྱ་རྩ་བརྒྱད་ལ་སོགས་པ་གང་རུང་བྱའོ། །དེ་ནས་རང་ལྷ་དེ་འོད་དུ་ཞུ། བླ་མ་ལ་ཐིམ་པས། བླ་མ་དེ་ཡི་དམ་ལྷར་གསལ་སིང་སོང་པས། བླ་མ་ལ་བརྟེན་པའི་སྡིག་སྒྲིབ་ཐམས་ཅད་སངས་དག་པར་བསྒོམ། འཁོར་ལོ་དཀར་པོ་ཡིག་འབྲུ་དང་བཅས་པ་བླ་མ་ལ་ཐིམ་པས། ཆོས་ལ་བརྟེན་པའི་སྡིག་སྒྲིབ་ཐམས་ཅད་སངས་དག་པར་བསྒོམ། དེ་ནས་བླ་མ་སྤྱན་དྲངས་ལ། བདག་གི་སྤྱི་བོར་བྱོན་པ་ལ་གསོལ་བ་གདབ་པ་ནི། བླ་མ་རྡོ་རྗེ་འཛིན་པ་ཡི། །ཉེས་པའི་ཚོགས་རྣམས་བསལ་ནས་ནི། །སྐུ་གསུང་ཐུགས་ཀྱི་དངོས་གྲུབ་སྩོལ། །བདག་གི་དུས་འདི་ནས་བཟུང་ནས། །སྙིང་པོ་བྱང་ཆུབ་མ་ཐོབ་པར། །ཁྱེད་ལ་རྟག་ཏུ་གསོལ་བ་འདེབས། །ཁྱེད་ཀྱིས་རྗེས་སུ་བཟུང་དུ་གསོལ། །ཅེས་བརྗོད་ལ། ཡི་གེ་བརྒྱ་པ་སྔ་མ་བཞིན་ནམ། ཉི་ཤུ་རྩ་གཅིག་གང་རུང་
འདོན། །དགེ་བ་རྫོགས་པའི་བྱང་ཆུབ་ཏུ་བསྔོ། །ཟབ་མོའི་དོན་ཡིན་ནོ། །ཏིང་ངེ་འཛིན་ཚོལ་ཞིང་བགེགས་གསལ་བའི་དམིགས་པ་ནི། རང་གི་མདུན་དུ་ཡི་དམ་ལྷའི་སྐུ་ལ། བདེ་བར་གཤེགས་པའི་རིང་བསྲེལ་གཞུག་པའི་མཆོད་རྟེན་བཞུགས་པ་ལ། མཆོད་པ་ལྔ་ཚང་བར་བཤམ། འབྱུང་པོའི་གཏོར་མ་ལ་ཁ་འབར་མའི་སྔགས་ཀྱིས་བྱིན་གྱིས་བརླབས་ལ། བདེན་པ་བདར། ལན་ཆགས་ཀྱི་གཏོར་མ་ཡང་ཁ་འབར་མའི་སྔགས་ཀྱིས་བྱིན་གྱིས་བརླབས་ལ་བཏང་ངོ་། །གཏོར་མ་བཏང་པའོ། །དེ་ནས་མཆོད་པ་ཡི་དམ་གྱི་ལྷ་ལ་ཕུལ་ལ། ཡན་ལག་བདུན་པ་རྫོགས་པར་བྱས་ལ། དེའི་གཤམ་དུ་རྗེས་སུ་ཡི་རང་བཟང་པ་གཅིག་བསྒོམས་ལ། དེ་དག་གི་དགེ་བའི་མཐུ་དཔག་ཏུ་མེད་པར་བསམ་ལ། ཡི་དམ་ལྷ་ལ་ཕུལ་བས་ཡི་དམ་ལྷའི་ཐུགས་ཀ་ནས་ཡི་དམ་ལྷའི་སྙིང་པོ་དཔག་ཏུ་མེད་པ་
བྱོན་ནས། བདག་ལ་ཐིམ་པར་བསམ་ཞིང་། ཡི་དམ་ལྷའི་སྙིང་པོ་སུམ་བརྒྱ་ལ་སོགས་པ་བཟླས་པས། ལས་ངན་གྱི་སྒྲིབ་པ་སངས་དག་པར་བསམ། ཐོན་པ་དང་རྗེས་སུ་ཡི་རང་བཟང་པོ་གཅིག་བསྒོམ། དེའི་བསོད་ནམས་ཡི་དམ་ལྷ་ལ་ཕུལ་ནས། ཡི་དམ་གྱི་ལྷ་ཁྱེད་ཀྱིས་བདག་ལ་ཏིང་ངེ་འཛིན་ཁྱད་པར་ཅན་རྒྱུད་ལ་སྐྱེ་བ་དང་། །དེ་ཡི་མི་མཐུན་ཕྱོགས་ཞི་བར་མཛད་དུ་གསོལ། །ཞེས་གསོལ་བ་དང་། མཆོད་པ་དང་། གཏོར་མ་དང་། ཡི་དམ་ལྷའི་སྙིང་པོ་གོང་བཞིན་བྱས་ལ། གསོལ་བ་ཞག་གསུམ་དུ་ཡང་དང་ཡང་དུ་གདབ་བོ། །ཡི་དམ་ལྷ་ལ་བརྟེན་པའི་དམིགས་པའོ། །ཡང་བླ་མ་དངོས་བཞུགས་ན། དངོས་སུ་མཆོད་པ་དབུལ། མི་བཞུགས་ན་སྐུ་གདུང་རིང་བསྲེལ་ལ་མཆོད་པ་དབུལ། དྲི་བཟང་པོའི་ཆུས་སྐུ་ཁྲུས་གསོལ་ཞིང་གསོལ་བ་དྲག་ཏུ་གདབ་བོ། །དེས་
བླ་མ་ལ་བརྟེན་པའི་སྡིག་པ་ཀུན་བྱང་། སྤྱིར་བླ་མ་དང་ཡི་དམ་གཉིས་ཐ་དད་མེད་པར་བསྒོམ་པ་མན་ངག་ཡིན། རང་གི་ལུས་ཐ་མལ་པ་སྤངས་ནས། ཐ་མལ་པ་མི་བསྒོམ་པ་དང་། སེམས་ཅན་ལ་སྙིང་རྗེ་བསྒོམ་པ་དང་། དགེ་བའི་རྩ་བ་ཆུང་ངུ་ཙམ་ལ་ཡང་། རྗེས་སུ་ཡི་རང་བ་བསྒོམ་པ་དང་། གཞན་གྱི་དགེ་བའི་རྩ་བ་ལ་ཕྲག་དོག་མི་བྱ་བར་གྲོགས་བྱེད་པ་ནི་མན་ངག་ཡིན་ནོ། །ལུས་པོའི་ཆ་ཐམས་ཅད་ན་ཞིང་ཁམས་མི་སྙོམས་པར་བྱེད་ན། ཏིང་ངེ་འཛིན་མི་སྐྱེ་བ་ཡིན་པས། བདག་གི་དུས་འདི་ནས་བཟུང་ནས། །སངས་རྒྱས་མ་ཐོབ་ཀྱི་བར་དུ། རྒྱུན་མི་འཆད་པར་དགེ་བའི་རྩ་བ་བྱ། དེ་ལ་རྗེས་སུ་ཡི་རང་བ་བསྒོམ། དེ་ནས་རང་གི་སྤྱི་བོའི་སྟེང་དུ་བླ་མ་བསྒོམས་ལ། བླ་མའི་སྤྱི་བོར་ཨོཾ་དཀར་པོ་བསམས་ལ། བླ་མའི་དགེ་བའི་རྩ་བ་ལ་རྗེས་སུ་ཡི་རང་པ་སིང་པ་
ཅིག་བསྒོམ་མོ། །དེ་ནས་གསོལ་བ་དྲག་པོ་བཏབ་པ་དང་། ཨོཾ་ལས་འོད་ཟེར་དཀར་པོ་ཅིག་འཕྲོས་ཏེ། ཆོས་ཀྱི་དབྱིངས་ནས་བཅོམ་ལྡན་འདས་རྣམ་པར་སྣང་མཛད། ཕྱག་གཡས་ཀྱི་མཐིལ་ན་འཁོར་ལོ་དཀར་པོ་ཐོགས་པ་མེད་པ་འཁོར་བ། འཁོར་ལོའི་ལྟེ་བ་ལ་ཨོཾ་དཀར་པོ་འོད་ཟེར་ལྔ་འཕྲོ་བ་གཅིག་སྤྱན་དྲངས་ལ་བླ་མའི་སྤྱི་བོའི་ཨོཾ་ལ་ཐིམ། དེ་ནས་བླ་མ་དེ་འོད་དུ་ཞུ་ལྡེམ་གྱིས་སོང་པ་དང་། དེའི་བྱིན་རླབས་ཀྱིས་འོད་ཤེལ་གོང་ལྟ་བུར་སིངས་ཀྱི་བསྒོམ། དེ་ནས་འཁོར་ལོ་དཀར་པོ་བདག་གི་སྤྱི་བོའི་གཙུག་ན་མར་ཞུགས་ནས་སོང་པ་དང་། སའི་སྙིགས་མ་ཐུར་ལ་ཕུད་ནས། ཨོཾ་གྱིས་ཡེ་ཤེས་ལྔ་ལས་གྲུབ་པའི་ཡི་དམ་གྱི་ལྷར་སྐྲོངས་ཀྱིས་བསྐྱེད་ལ། ཡི་དམ་གྱི་སྙིང་པོ་བརྒྱ་རྩ་བརྒྱད་བགྲང་། འདིས་ནི་ཁམས་ཀྱི་དྭངས་སྙིགས་འབྱེད། བྱིང་
པ་གསེང་པའི་གདམས་ངག་ཐུན་མོང་མ་ཡིན་པའོ། །རང་ལ་འདོད་ཆགས་ལྟ་བུ་གཅིག་སྐྱེས་ནས། ཏིང་ངེ་འཛིན་སྐྱེ་རུ་བསམ་དུ་མ་བཏུབ་ན། བླ་མའི་མགྲིན་པར་ཨཱ་དམར་པོ་ལས་འོད་ཟེར་འཕྲོས། ཆོས་ཀྱི་དབྱིངས་ནས་བཅོམ་ལྡན་འདས་སྣང་བ་མཐའ་ཡས་ཕྱག་གཡས་ཀྱི་མཐིལ་ན་པད་མ་འདབ་མ་ལྔ་པ་ལྟེ་བ་ལ་ཨ་དམར་པོ་ཡོད་པ་གཅིག་སྤྱན་དྲངས་ལ། བླ་མ་ལ་ཐིམ་པ་དང་། བླ་མ་དང་གཉིས་སུ་མེད་པར་གྱུར་པས། དེའི་བྱིན་རླབས་ཀྱིས་རང་གི་ལུས་ཐམས་ཅད་འོད་ཀྱི་གོང་བུ་དམར་པོ་ལྟ་བུ་སིང་གི་བསྒོམ། པད་མ་དམར་པོས་འདོད་ཆགས་ཐམས་ཅད་བཤང་ལམ་ནས་སངས་ཀྱི་བུས་པར་བསམ་ལ། ཨས་སྐྱེ་བ་མེད་པར་བསྒོམ། ཡི་དམ་གྱི་སྙིང་པོ་བརྒྱ་རྩ་བརྒྱད་བགྲང་། ཞེ་སྡང་སྐྱེས་ན་ཡང་། བླ་མ་དེའི་ཐུགས་ཀར་ཧཱུྃ་སྔོན་པོ་གཅིག་བསམ། ཧཱུྃ་དེ་ལས་འོད་འཕྲོས་
ཏེ། ཆོས་ཀྱི་དབྱིངས་ནས་བཅོམ་ལྡན་འདས་མི་བསྐྱོད་པ་ཕྱག་གཡས་ཀྱི་མཐིལ་ན། རྡོ་རྗེ་རྩེ་ལྔ་པ་ཧཱུྃ་གིས་མཚན་པ་ཅིག་ཏུ་སྤྱན་དྲངས་ལ། བླ་མའི་ཐུགས་ཁར་ཐིམ་པ་དང་། དེའི་བྱིན་རླབས་ཀྱིས་ལུས་སྔོ་མེར་སོང་པར་བསམ། དེ་ནས་རྡོ་རྗེ་སྔོན་པོ་མར་ཐིམ་པས། ཞེ་སྡང་ཐམས་ཅད་སངས་ཀྱིས་དག་པར་བསམ། ཧཱུྃ་གིས་སྐྱེ་བ་མེད་པར་བསྒོམ། ང་རྒྱལ་སྐྱེས་ན་ཡང་། བླ་མའི་ནུ་མ་གཡས་པའི་སྟེང་དུ་ཏྲྃ་སེར་པོ་ལས་འོད་འཕྲོས་པས། ཆོས་ཀྱི་དབྱིངས་ནས། བཅོམ་ལྡན་འདས་རིན་ཆེན་འབྱུང་ལྡན་ཕྱག་གཡས་ཀྱི་མཐིལ་ན་རིན་པོ་ཆེ་ཟུར་བརྒྱད་པ་ཏྲྃ་གིས་མཚན་པ་ཅིག་སྤྱན་དྲངས་ལ། བླ་མའི་ནུ་མ་གཡས་པའི་ཏྲྃ་ལ་ཕོག །དེའི་བྱིན་རླབས་ཀྱིས་ལུས་སེར་སིང་སོང་པར་བསམ། རིན་པོ་ཆེ་སྤྱི་གཙུག་ནས་ཐིམ་པས་ང་རྒྱལ་ཐམས་
ཅད་སངས་ཀྱིས་དག་པར་བསམ། ཡང་ཏྲྃ་གི་ཡོན་ཏན་རང་གི་རྒྱུད་ལ་སྐྲོངས་ཀྱིས་སྐྱེས་པར་བསམ། ཡང་ཕྲག་དོག་ལྟ་བུ་སྐྱེས་ན། བླ་མའི་ནུ་མ་གཡོན་པའི་སྟེང་དུ། ཨ་ལྗང་གུ་ལས་འོད་འཕྲོས་པས། ཆོས་ཀྱི་དབྱིངས་ནས་བཅོམ་ལྡན་འདས་དོན་ཡོད་གྲུབ་པ་ཕྱག་གཡས་ཀྱི་མཐིལ་ན་རལ་གྲི་ཨས་མཚན་པ་ཅིག་སྤྱན་དྲངས་ལ། བླ་མའི་ནུ་མ་གཡོན་པའི་ཨ་ལ་ཐིམ། རང་ལུས་ཐམས་ཅད་ལྗང་གུར་སིང་གི་སོང་པར་བསམ། ཕྲག་དོག་ཐམས་ཅད་སངས་ཀྱི་དག་པར་བསམ། ཨ་ལས་ཕྲིན་ལས་མ་ལུས་པར་སྐྲོངས་ཀྱིས་བསྐྱེད་པར་བསམ། ཡེ་ཤེས་ལྔ་ལས་གྲུབ་པའི་ཡི་དམ་གྱི་ལྷར་བསྒོམ། འཇའ་ཚོན་ལྟ་བུ་རྣམས་འོད་ཟེར་གཅིག་ཏུ་འདྲེས་ཀྱང་། ཁ་དོག་སོ་སོར་གསལ། རླུང་དྭངས་སྙིགས་འབྱེད་པའི་གདམས་ངག་ཐུན་མོང་མ་ཡིན་པའོ། །དེ་ཚོ་རེ་རེ་ལ་ཡང་།
བླ་མའི་དགེ་བ་ལ་རྗེས་སུ་ཡི་རང་བསྒོམ་ཞིང་གསོལ་བ་འདེབས་པ་ཡིན་ནོ། །སྤྱིར་བསྡུས་ཏེ་བསྒོམ་པ་ནི། སྤྱི་བོའི་སྟེང་དུ་བླ་མ་ཡིག་འབྲུ་རྣམས་གསལ་བཏབ་ལ། བླ་མ་འདི་ལ་སྐུ་གསུང་ཐུགས་ཡོན་ཏན་ཕྲིན་ལས་བསམ་གྱིས་མི་ཁྱབ་པ་མངའ་བ་ཡིན་སྙམ་དུ་བསམ་ཞིང་གསོལ་བ་བཏབ་པས། བླ་མ་དེ་སྤྱི་བོ་ནས་མར་བྱོན་ནས་རང་གི་སྙིང་གི་སྟེང་དུ་བྱོན་པ་འོད་ཟེར་གྱི་རྣམ་པ་ལྟ་བུ་ལ་དམིགས་ནས་ཡི་དམ་གྱི་སྙིང་པོ་ཅི་རིགས་བགྲང་། གསོལ་བ་དྲག་ཏུ་བཏབ། དགེ་བ་བྱང་ཆུབ་ཏུ་བསྔོ། །དེ་ནས་གདོན་རབ་ཏུ་ཞི་བར་བྱེད་པའི་དམིགས་པ་ནི། གདོན་ཞི་བར་འདོད་ན། མདུན་དུ་གཏོར་མ་ཅིག་བཤམས་ལ། རྗེས་སུ་ཡི་རང་བ་རིམ་བཞིན་བསྒོམས་ཏེ། སངས་རྒྱས་དང་བྱང་ཆུབ་སེམས་དཔའ་རྣམས་ལ་ཕུལ་བས། སངས་རྒྱས་དང་བྱང་ཆུབ་སེམས་དཔའ་རྣམས་ཀྱིས།
བཟང་ལན་གྱི་ཚུལ་དུ་ཡེ་ཤེས་ཀྱི་བདུད་རྩི་བྱུང་བས། བདག་གི་སྤྱི་གཙུག་ན་མར་ཞུགས་ནས། ལས་ངན་གྱི་སྒྲིབ་པ་སངས་ཀྱི་དག་པར་བསྒོམ་ཞིང་། སྐྱབས་སུ་འགྲོ་བར་བྱའོ། །གཏོར་མ་བླ་མ་དཀོན་མཆོག་ལ་ཕུལ་ལ། དེའི་སྐོར་དང་མ་གུས་པ་དང་། ལོག་པ་སྤྱད་པ་དང་། ཉེས་པའི་སྐྱོན་གྱིས་གོས་པ་རྣམས། བླ་མ་དཀོན་མཆོག་བཟོད་པར་མཛོད། །བདག་ནི་འཁྲུལ་པའི་དབང་གྱུར་ཏེ། །མི་ཤེས་དབང་གིས་སྡིག་པ་བགྱིས། །བཟོད་པ་དམ་པ་མཛད་དུ་གསོལ། །ཞེས་བརྗོད་ལ་རང་གི་སྨིན་ཕྲག་ཏུ་ཡི་གེ་ཨ་དཀར་པོ་ལས་འོད་ཟེར་སྣ་ཚོགས་གཅིག་འཕྲོ་བ་ཅིག་བསམ་ལ། ངག་དུ་ཨ་ཞེས་བརྗོད་པས། འོད་ཟེར་ཡར་འཕྲོས་པས་སངས་རྒྱས་དང་བྱང་ཆུབ་སེམས་དཔའ་རྣམས་ལ་མཆོད། མར་འགྲོ་དྲུག་གི་སྡིག་སྒྲིབ་སྦྱངས། རང་ལ་ཕོག་པས་རང་གི་ཚེ་ཐོག་མ་མེད་པ་ནས་ཐ་
མ་ད་ལྟ་ལ་ཐུག་པ་ཡར་བཅད་བྱས་པའི་སྡིག་པ་རྣམས་སངས་དག་པར་བསྒོམ་ཞིང་། ངག་ཏུ་ཨ་མང་དུ་བརྗོད། འདི་ནི་སྡིག་པ་སྦྱོང་པའི་མཆོག་ཡིན་ནོ། །གདོན་བྱིན་རླབས་ཀྱི་སྟོབས་ཀྱིས་ཞི་བར་བྱེད་པའོ། །བསོད་ནམས་ཀྱིས་ཞི་བར་འདོད་ན། དགེ་འདུན་བསྙེན་བསྐུར་བྱ། དཀོན་མཆོག་ལ་མཆོད་པ་དབུལ། གཏོར་མ་གཅིག་བཤམས་ལ་མདུན་དུ་བཞག་ལ། རྗེས་སུ་ཡི་རང་རིམ་བཞིན་བསྒོམ། དེའི་བསོད་ནམས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་དབུལ། གསོལ་བ་འདེབས་པའི་ཚིག་ནི། དུས་གསུམ་བདེ་གཤེགས་སྲས་བཅས་ལ། །མཆོད་ཅིང་རྗེས་སུ་ཡི་རང་པའི། །བསོད་ནམས་དྲི་མ་མེད་པ་དེས། །སྡིག་པ་བར་ཆད་ཞི་འགྱུར་ཞིང་། །བླ་མེད་བྱང་ཆུབ་མྱུར་ཐོབ་ཤོག །ཞེས་བརྗོད་ལ་གཏོར་མ་ཁ་འབར་མས་བྱིན་
གྱིས་བརླབས་ལ། འབྱུང་པོའི་ཚོགས་རྣམས་ཐམས་ཅད་དང་། །ཌ་ཀི་སྲིན་པོ་བྱད་མ་དང་། །ཤ་ཟ་རོ་ལངས་གནོད་སྦྱིན་དང་། །གཟའ་དང་རྒྱུ་སྐར་ཀླུ་རྣམས་ནི། །བྱམས་པའི་སེམས་དང་ལྡན་གྱུར་ཅིག །སྡུག་བསྔལ་ཉེ་བར་ཞི་བར་ཤོག །ཞེས་བརྗོད་ལ། བྱམས་པའི་སེམས་དང་ལྡན་པས། རང་ཇོ་བོ་ཁ་སར་པ་ིར་བསྒོམས་ཏེ། ཕྱག་གཡས་པའི་མཐིལ་དུ་རིལ་བུ་སྤྱི་བླུགས་ཅིག་བསམ། དེ་ལ་དམིགས་ནས་མ་ཎི་བགྲངས་པས། བདུད་རྩི་ཆུ་བོའི་རྒྱུན་ཙམ་བྱུང་ནས་སེམས་ཅན་དམྱལ་བའི་སྡུག་བསྔལ་ཞི། ཡི་དྭགས་ཀྱི་སྡུག་བསྔལ་ཞི། དུད་འགྲོའི་སྡུག་བསྔལ་ཞི་བར་བསམ་ལ། ཡང་མ་ཎི་བགྲངས་པས། དེ་དག་གིས་ལས་དང་ཉོན་མོངས་པ་ཟད་ནས། མངོན་པར་རྫོགས་པར་སངས་རྒྱས་པར་བསམ་མོ། །ཡང་ཡི་གེ་དྲུག་པ་བརྗོད་པས་མི་དང་ལྷ་དང་ལྷ་མ་ཡིན་
ཏེ། དེ་དག་གིས་ལས་ཉོན་མོངས་པ་དག་ནས། མངོན་པར་རྫོགས་པར་སངས་རྒྱས་པར་བསམ་མོ། །ཁྱད་པར་དུ་བགེགས་རིགས་སྟོང་ཕྲག་ལ་དམིགས་ནས། མ་ཎི་བརྗོད་པས། དེ་དག་གིས་ལས་དང་ཉོན་མོངས་པ་དག་ནས་མངོན་པར་རྫོགས་པར་སངས་རྒྱས་པར་བསམ། དགེ་བ་བསྔོ། ཡི་གེ་བརྒྱ་པ་བརྗོད། ནད་ཞི་བར་འདོད་ན། དགེ་འདུན་ལ་ཡོན་ཕུལ་ལ། དགེ་བའི་རྩ་བ་རྣམས་ལ་རྗེས་སུ་ཡི་རང་ཕུལ། བླ་མའི་སྐུ་ལ་རྒྱལ་བ་རིགས་ལྔའི་ས་བོན་སྔར་བཞིན་བསམ་ལ། གང་ན་སར་བསྒོམ་ལ་གསོལ་བ་དྲག་ཏུ་གདབ་བོ། །འདི་ནི་ནད་ཞི་བར་བྱེད་པའི་དམིགས་པའོ། །འགལ་འཁྲུལ་ནོངས་པ་མཆིས་ན་ཡང་། བླ་མ་རྣམས་ལ་བཟོད་པར་གསོལ། །དམིགས་པ་རིན་ཆེན་སྒྲོམ་བུ་ཞེས་བྱ་བ་རྫོགས་སོ། །བླ་མ་དམ་པ་རྣམས་ལ་ལ་ཕྱག་འཚལ་ལོ། །
བདག་ཉིད་ཀྱི་དུས་གསུམ་དུ་བསགས་ཤིང་བྱས་པའི་དགེ་བའི་རྩ་བ་འདི་དག་ཐམས་ཅད་ཨ་རེ་ལེགས། ཨ་རེ་ཡིན་སྙམ་དུ་རང་གི་དགེ་བ་ལ་དགའ་བ་ཁྱད་པར་དང་། རྗེས་སུ་ཡི་རངས་དལ་འབྱོར་མི་ལུས་ཐོབ་ནས་ཐེག་པ་ཆེན་པོའི་ཆོས་ཉམས་སུ་བླངས་པས་ཚེ་གཅིག་ཏུ་སངས་རྒྱས་ཐོབ་པར་བྱེད་དུ་ཡོད་པ། དྭངས་སིང་སིང་པ་བསྒོམ། དེ་བཞིན་དུ་རང་དང་མཉམ་པ། རང་ལས་ལྷག་པ། ཉན་ཐོས་དང་། རང་སངས་རྒྱས་དང་། བྱང་ཆུབ་སེམས་དཔའ་རྣམས་དང་། ལམ་གྱི་རིམ་འདི་དགེ་བའི་རྩ་བ་དང་། པ་ལ་གནས་ཡི་དགེ་བའི་རྩ་བ་དང་། ནས་དགེ་བའི་རྩ་བ་བྱས་པ་དང་། སངས་བརྩོན་འགྲུས་དཔག་ཏུ་མེད་པ་བྱང་ཆུབ་ཀྱི་སེམས་སྦྱོང་པ། རྒྱས་རྣམས་ཀྱི་ཟག་པ་མེད་པའི་དགེ་བའི་འགྲོ་བ་རྣམས་ལ་ཕན་བདེ་སྒྲུབ་པའི་ཕྱིར། རྩ་བའི་བསོད་ནམས་དང་ཡེ་ཤེས་ཀྱི་ཚོགས་དཔག་ཏུ་མེད་པ་བསགས་ནས་སྤང་རྟོགས་ཕུན་སུམ་
ཚོགས་པ་དང་ལྡན་པ་འདི་རྣམས་ཨ་རེ་ལེགས། ཨ་རེ་ཡིན་སྙམ་དུ། རྗེས་སུ་ཡི་རང་པ་དྭངས་སིང་སིང་པ་བསྒོམ་པར་བྱའོ། །དེའི་རྗེས་ལ་རང་གི་གསང་གནས་སུ། ཨཱ་ལི་ཀཱ་ལི་གཡས་བསྐོར་དུ་དེ་ཡང་མས་ཡར་རིམ་པས་ཡིད་དྭངས་སིང་པ། འཁོར་བར་བསམ་ཞིང་། ངག་ཏུ་ཡང་བརྗོད་པས། རྡོ་རྗེ་བུམ་པའི་ནང་དུ། ཨཱ་ལི་ཀཱ་ལི་ལས་ཡེ་ཤེས་ཀྱི་མེ་འབར་ནས་ལུས་ཀྱི་ཆ་ཐམས་ཅད་དང་། ཕྱིའི་གདོན་བགེགས་དང་། ནང་གི་འདུ་བ་རྣམ་བཞིའི་ནད་དང་། ཉོན་མོངས་དུག་ལྔ་ཐམས་ཅད་ཆོམས་ཀྱིས་བསྲེགས་པར་བསམ། དེ་ནས་གསང་གནས་ཀྱི་ཨཱ་ལི་ཀཱ་ལི་འདུས་ཏེ། འོད་དུ་ལྟེམ་གྱིས་སོང་བ་དང་། རྗེ་བཙུན་མ་དཀར་མོ་གཅིག་ཏུ་གྱུར་ཏེ། ཡེ་ཤེས་ཀྱི་མེ་རིས་སྣང་ལ་རང་བཞིན་མེད་པར་སྦྱངས་པའམ། སྙིང་གར་བྱོན་པ་དང་། བླ་མས་བདག་ལ་རང་བྱུང་གི་ཡེ་ཤེས་ངོ་སྤྲད་པ་
ཡིན་ཨང་སྙམ་དུ་བསྒོམ་མོ། །དེ་ནས་སྤྱི་བོ་དང་། གསང་གནས་གཉིས་ནས། ཐིག་ལེ་དཀར་དམར་བྱུང་སྟེ། སྙིང་གར་འདྲེས་པ་དང་། བདེ་བ་ཁྱད་པར་ཅན་ཅིག་ལུས་ལ་སྐྱེས་པར་བསམ། དེའི་ངང་ལ་སྙིང་གའམ་ཐིག་ལེ་དེ་ཧཱུྃ་དུ་གྱུར། ཧཱུྃ་ཡོངས་སུ་གྱུར་པ་ལས་རྡོ་རྗེ་རྩེ་ལྔ་པ་ཅིག་ཏུ་གྱུར་པར་བསམ། དེའི་ཡར་རྩེ་ལྔ་ལས་འོད་ཟེར་ཁ་དོག་ལྔ་མར་ལ་འཕྲོས་ནས་སོང་པས། དེས་ནད་གདོན་སྡིག་སྒྲིབ་ཐམས་ཅད་སངས་དག་པར་བསྒོམ། ཡང་མར་རྩེ་ལྔ་ལས་འོད་ཟེར་ཁ་སྤྱི་བོ་ནས། དོག་ལྔ་ལུས་ནང་ཐམས་ཅད་ཁེངས། ཡར་འཕྲོས་པས། ཡེ་ཤེས་ལྔ་རྒྱུད་ལ་སྐྱེས་པར་བསྒོམ། ཡེ་ཤེས་ལྔ། ཡང་སྐུ་རྡོ་རྗེར་མོས་པར་བྱའོ། །དེའི་རྗེས་ལ་སྐྱེ་མེད་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕོག །དེ་དག་གིས་བསྡུས་ནས་བྱུང་སྟེ་རང་གི་ཕྱག་རྒྱ་ཆེན་པོའི་ངང་ལ་གནས་པར་བྱའོ། །དེ་ལས་རྟོག་
པ་འཕྲོ་ན་གོང་བཞིན་དུ་རྗེས་སུ་ཡི་རང་རིམས་ཀྱིས་བསྒོམ་ནས། དེ་ལས་བྱུང་བའི་དགེ་བ་དེ་དག་ཐམས་ཅད་དུས་གསུམ་གྱི་སངས་རྒྱས་སྲས་རང་དང་རང་ལས་ལྷག་པ་ནས་བཟུང་སྟེ། དང་བཅས་པ་ཐམས་ཅད་ལ་ཟག་པ་མེད་པའི་ཡེ་ཤེས་ཀྱི་མཆོད་པ་དཔག་ཏུ་མེད་པ་ཕུལ་བས་ཐུགས་ཚིམ་ཞིང་མཉེས་པར་བསམ། དེའི་བཟང་ལན་དུ་སངས་ཐུགས་གཉིས་སུ་མེད་པའི། རྒྱས་དང་བྱང་ཆུབ་སེམས་དཔའ་དེ་རྣམས་ཀྱིས་སྐུ་གསུང་ཐུགས་ཚིམ་ཞིང་མཉེས་པ་ལས་འོད་ཟེར་དཔག་ཏུ་མེད་པ་བྱུང་ནས་རང་གི་ལུས་ལ་སིབ་སིབ་ཐིམ་པར་བསྒོམ་མོ། །གཞན་པ་ལྟ་བུ་ལ་དམིགས་པ་གཏད་ན། ནད་ཐོག་ཏུ་གོང་བཞིན་དུ་ཡང་ཡང་བསྟིམ་པར་བྱའོ། །དེས་ནད་གདོན་ཐམས་ཅད་སྐད་ཅིག་མ་དེས་སེལ་བར་འགྱུར་རོ། །མདོ་རྒྱུད་ཀྱི་དགོངས་པ། ཚེགས་ཆུང་ལ་དོན་ཆེ་བ། ཚེ་གཅིག་
ལུས་གཅིག་ལ་སངས་རྒྱ་བར་བྱེད་པ། བླ་མ་ཤངས་པའི་གདམས་ངག །གསང་སྔགས་རྗེས་སུ་ཡི་རང་པ་ཞེས་བྱ་བ། བླ་མ་སྐྱེར་སྒང་པའི་གསུང་སྒྲོས་ཇི་ལྟ་བཞིན་ཡི་གེར་བཀོད་པའོ།། །།དགེའོ།། །།བརྒྱུད་པ་ནི་བླ་མ་རྡོ་རྗེ་གདན་པ། ཁྱུང་པོ་རྣལ་འབྱོར། རྨོག་ལྕོག་པ། སྐྱེར་སྒང་པ། གཉན་སྟོན་པ། སངས་རྒྱས་སྟོན་པ། མཁས་གྲུབ་ཤངས་སྟོན། མཁས་བཙུན་སངས་རྒྱས། ཆོས་རྗེ་བྱམས་པ། གྲུབ་ཆེན་སངས་རྒྱས་དར། མཉམ་མེད་སངས་རྒྱས་དཔལ་ལོ། །མཚུངས་མེད་ཤཱཀྱ་རིན་ཆེན། དེ་བདག་གོ ། ཡང་འཇམ་དཔལ་གྱིས་བླ་མ་ཤངས་པ། དེས་རྟོགས་ལྡན་ཞང་བསྒོམ་ཆོས་སེང་ལ། དེས་སྐྱེར་སྒང་པའོ།། །།སྡོམ་པ་གསུམ་ལྡན་ནི། འདིར་སོ་སོ་ཐར་པའི་རང་བཞིན་ནི། གཞན་ལ་གནོད་པར་བྱེད་པ་གཞི་དང་བཅས་པ་ལ་སོགས་པ་སྤོང་བ་ཡིན་ལ། །བྱང་ཆུབ་སེམས་དཔའི་སྡོམ་པ་ནི།
དེའི་སྟེང་དུ་གཞན་ལ་ཕན་འདོགས་པར་ཞུགས་པ་ཡིན་ཞིང་། རིག་པ་འཛིན་པ་དེ་དག་ནི་ལྷའི་རྣམ་པའམ། ཡེ་ཤེས་ཀྱི་བྱིན་གྱིས་བརླབས་ནས་ལོངས་སྤྱོད་པས་ན་ཞེས་སོ། །དགེ་སློང་གི་སེམས་བསྐྱེད་པའི་ཚེ་ནི། སོ་སོ་ཐར་པ་ཐམས་ཅད་བྱང་ཆུབ་སེམས་དཔའི་སྡོམ་པར་འགྱུར་ལ། དཀྱིལ་འཁོར་དུ་ཞུགས་པའི་ཚེ་ན། སྡོམ་པ་ཐམས་ཅད་ཀྱང་རིག་པ་འཛིན་པའི་སྡོམ་པ་ཞེས་བྱ་བ་གཅིག་ཡིན་ནོ། །དེ་སྐད་དུ་རྒྱུད་འབུམ་པའི་ལུང་། དེ་ཁོ་ན་ཉིད་གྲུབ་པ་ཞེས་བྱ་བར་བྱུང་བ། རྡོའི་རིགས་ཀྱི་བྱེ་བྲག་གིས། །བཞུ་བས་ལྕགས་དང་ཟངས་དངུལ་འབྱུང་། །གསེར་འགྱུར་རྩིའི་དངོས་པོ་ཡིས། །ཀུན་ཀྱང་གསེར་དུ་བསྒྱུར་བར་བྱེད། །དེ་བཞིན་སེམས་ཀྱི་བྱེ་བྲག་གིས། །རིགས་ཅན་གསུམ་གྱི་སྡོམ་པ་ཡང་། །དཀྱིལ་འཁོར་ཆེན་པོ་འདིར་ཞུགས་ནས། །རྡོ་རྗེ་འཛིན་པ་ཞེས་བྱའོ། །ཞེས་གསུངས་སོ། །རིགས་ལྡན་དང་། རྡོ་རྗེའི་རིགས་དང་གཅིག་གོ ། རྗེ་བཙུན་གྲགས་པ་རྒྱལ་མཚན་གྱིས་སོ། །འདིའང་དཔེ་བསྡུར་བ་ཡིན་ནོ། །