ཁྱུང་པོའི་ཉམས་ལེན་དྲུག་པ། གྲུབ་ཐོག་ཆེན་པོ་ཁྱུང་པོའི་རྣལ་འབྱོར།
ཁྱུང་པོའི་ཉམས་ལེན་དྲུག་པ་བཞུགས་སོ། །
ཡོན་ཏན་རབ་རྫོགས་ཀུན་སྟེར་བ། །ཐུགས་རྗེ་ཕྲིན་ལས་གཞན་དོན་མཛད། །བླ་མ་བརྒྱུད་པར་བཅས་རྣམས་ལ། །དད་ཞིང་གུས་པའི་སེམས་ཀྱིས་འདུད། །མདོ་རྒྱུད་བཅུད་ཕྱུང་སྙིང་པོའི་དོན། །གྲུབ་ཐོབ་སྙན་བརྒྱུད་བདུད་རྩི་འདི། །རང་གཞན་ཀུན་ལ་ཕན་ཕྱིར་དུ། །བླ་མའི་གསུང་སྡེ་དང་སྡེ་ཀུན་གྱི་བཞིན་འབྲི་བར་བྱ། །གྲུབ་བླ་མ་ཐོབ་ཁྱུང་པའི་ཉམས་ལེན་པོའི་རྣལ་འབྱོར་གྱི་རྒྱུན་གྱི་ཉམས་ལེན་ལ་དྲུག་སྟེ། །ཐེག་དམན་དང་སངས་རྒྱས་སྟོན་པ་མི་འགྲོགས་པའི་སེམས་བསྐྱེད་ཀྱི་གནད་ཆེན་པོ་དང་གཅིག །ཉེས་ལྟུང་
དང་མི་འགྲོགས་པའི་བཤགས་སྡོམ་དང་གཉིས། ཀྱི་གནད། ཐ་མལ་དང་མི་འགྲོགས་པའི་ཟས་ཚོགས་དང་གསུམ། ཚད་ལྟ་དང་མི་འགྲོགས་པའི་ཚོགས་གསོག་དང་བཞི། ཀྱི་གནད། ཐབས་ལ་མི་མཁས་པ་དང་མི་འགྲོགས་པའི་བསྔོ་བ་དང་ལྔ། །ཀྱི་གནད་དམིགས་བཅས་དང་མི་འགྲོགས་པའི་དམིགས་མེད་དང་དྲུག་གོ ། དང་པོ་ཐེག་དམན་དང་མི་འགྲོགས་པའི་སེམས་འི་གནད་བསྐྱེད་ལ་ལྔ་སྟེ། སེམས་བསྐྱེད་པ་སྦྱང་བ་སྤེལ་བ་གནད་དུ་སོང་བའི་ཚད་ཕན་ཡོན་ནོ་ཀྱི་གནད་དང་པོ་ནི། སྨོན་འཇུག་གཉིས་སུ་མ་ཡེངས་པར་སེམས་ཅན་གྱི་དོན་ཉིན་མཚན་གཉིས་སུ་གནས་སྐབས་དང་མཐར་ཐུག་
རིགས་དྲུག་གི་སེམས་ཅན་ཐམས་ཅད་ཕ་མ་དྲིན་ཅན་ཡིན་པས། དྲིན་ཅན་འདི་རྣམས་འཁོར་བ་ན་འཁྱམས་པ་སྙིང་རེ་རྗེ་སྙམ་པའི་བྱམས་པ་དང་སྙིང་རྗེ་ཐུན་མོང་མ་ཡིན་པ་བསྒོམ། སྨོན་འཇུག་གཉིས་སུ་སེམས་བསྐྱེད་པར་བྱའོ། །ཞི་བ་ལྷས། བྱང་ཆུབ་སེམས་དེ་མདོར་བསྡུས་ན། །རྣམ་པ་གཉིས་སུ་ཤེས་བྱ་སྟེ། །བྱང་ཆུབ་སྨོན་པའི་སེམས་དང་ནི། །བྱང་ཆུབ་འཇུག་པའི་སེམས་བསྐྱེད་དོ། །ཅེས་གསུངས། གཉིས་པ་ནི། རབ་ཀྱི་སྤྱོད་ལམ་རྣམ་བཞི་ཐམས་ཅད་དུ་མ་ཡེངས་པར་བྱའོ། །སྡུད་པ་ལས། འགྲོ་འཆག་ཉལ་དང་འདུག་པར་ཤེས་བཞིན་རབ་ཏུ་ལྡན། ཞེས་སོ། །འབྲིང་གིས་གོམ་པ་ཉི་ཤུ་རྩ་གཅིག་གི་བར་དུ་སེམས་བསྐྱེད་པ་དྲན་པར་བྱའོ། །ཐ་མས་ཉིན་ལན་གསུམ་མཚན་ལན་གསུམ་གྱི་བར་དུ་སེམས་བསྐྱེད་པར་བྱ་སྟེ། རྡོ་རྗེ་རྩེ་མོ་ལས། ཉིན་རེ་བཞིན་དུ་དུས་དྲུག་ཏུ། །སྦྱིན་པ་རྣམ་བཞི་རྟག་ཏུ་སྦྱིན། །ཞེས་དང་། མདོ་ལས། ཉིན་གསུམ་མཚན་གསུམ་དུས་དྲུག་ཏུ། །མ་ཡེངས་སེམས་བསྐྱེད་གཞན་དོན་བྱ། །ཞེས་གསུངས་སོ། །གསུམ་པ་སྤེལ་བ་ནི། ཇི་སྲིད་
འཁོར་བའི་རྒྱ་མཚོ་མ་སྟོངས་ཀྱི་བར་དུ་སེམས་ཅན་གྱི་དོན་བྱ་སྙམ་དུ་བློས་སེམས་བསྐྱེད་པར་བྱའོ། །བཞི་པ་རྨི་ལམ་གྱི་དུས་སུ་ཡང་། བྱམས་སྙིང་རྗེ་བྱང་ཆུབ་ཀྱི་སེམས་བསྐྱེད་ནས། སེམས་བསྐྱེད་ཡང་ཡང་བྱེད་པ་ནི་གནད་དུ་གལ་ཆེའོ། །ཕྲིན་ལས་རྒྱ་མཚོའི་མདོ་ལས། བྱང་ཆུབ་སེམས་དཔའ་འམ་ཐ་ན་གཉིད་ལོག་གམ་རྨི་ལམ་དུས་ན་སེམས་བསྐྱེད་གཞན་དོན་ཙམ་མོ། །ཅེས་སོ། །ལྔ་པ་ནི། སེམས་སྐད་ཅིག་ཙམ་བསྐྱེད་པས་ཀྱང་། སངས་རྒྱས་ཀྱི་རིགས་སམ་བྱང་ཆུབ་སེམས་དཔའ་ཐམས་ཅད་ཀྱི་སྲས་སུ་འགྱུར་ཏེ། སྤྱོད་འཇུག་ལས། དེང་དུས་བདག་ཚེ་འབྲས་བུ་ཡོད། །མི་ཡི་སྲིད་པ་ལེགས་པར་ཐོབ། །དེ་རིང་སངས་རྒྱས་རིགས་སུ་སྐྱེས། །སངས་རྒྱས་སྲས་སུ་ད་གྱུར་ཏོ། །ཞེས་སོ། །གཉིས་པ་ནི། ཇོ་བོ་རྗེས་མཐོལ་བཤགས་སྡོམ་གསུམ་དུ་བཞེད་དོ། །བླ་མ་ཤངས་པས་མཐོལ་བ་དང་བཤགས་པ་གཉིས་སུ་འདོད་དེ། དང་པོ་མཐོལ་བ་ནི། ཉོན་མོངས་པ་ཅི་སྐྱེས་ཀྱང་ལུས་ཀྱི་འཁྲུལ་འཁོར་མ་ཞིག་པར་བླ་མའམ་མཆེད་གྲོགས་སམ་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་སྤྱན་སྔར་
བདག་གིས་ཐོག་དྲངས་པའི་སེམས་ཅན་ཐམས་ཅད་ཀྱི་མི་དགེ་བ་ཐམས་ཅད་མཐོལ་ལོ་བཤགས་སོ། །ཞེས་ངག་ཏུ་བརྗོད་དོ། །ལུས་ཀྱི་འཁྲུལ་འཁོར་ཞིག་པའམ་ཚིག་གིས་བར་དུ་ཆོད་ན་མང་པོར་འཕེལ་ནས་འགྲོ་བས་དེ་འགྲོགས་ལ་མཐོལ་བའམ་བཤགས་པ་གལ་ཆེའོ། །གཉིས་པ་བཤགས་པ་ལ་གསུམ། རབ་འབྲིང་ཐ་མའོ། །དང་པོ་ནི། ཕྱག་རྒྱ་ཆེན་པོའི་ངང་ནས་བཤགས་ཏེ། སྒྲིབ་པ་སེལ་བས་ཞུས་པའི་མདོ་ལས། གང་ཞིག་འགྱོད་ཚངས་བྱེད་འདོད་པས། །ཡང་དག་ཉིད་ལ་ཡང་དག་བལྟ། །ཡང་དག་མཐོང་ན་རྣམ་པར་གྲོལ། །འདི་ནི་འགྱོད་ཚངས་དམ་པའོ། །ཞེས་གསུངས་སོ། །འབྲིང་ནི། བཤགས་པར་བྱ་བའི་ཡུལ་དང་། བཤགས་མཁན། བཤགས་བྱའི་ཉེས་ལྟུང་ཐམས་ཅད་རྨི་ལམ་སྒྱུ་མའི་ངང་ནས་བཤགས་སོ། །ཐ་མ་ནི་སྔར་བྱས་པ་ལ་འགྱོད་པ་བསྐྱེད། ཕྱིས་མི་བྱེད་པར་དམ་བཅའ། ད་ལྟར་འགྱོད་བཞིན་པའི་སྒོ་ནས་བཤགས་སོ། །དུས་ཚོད་ནི། རབ་ཀྱིས་སྐད་ཅིག་མ་ཉིད་ལའོ། །འབྲིང་གིས་རྗེས་རྙེགས་ཐ་མས་ཀྱང་ཉིན་ལན་གསུམ་མཚན་ལན་གསུམ་དུ་མི་བཤགས་པའི་ཐབས་
མེད་དོ། །དེ་ལྟར་ཉམས་སུ་བླངས་པས་རྨི་ལམ་གྱི་དུས་སུ་ཉེས་ལྟུང་བྱུང་བ་ཡང་ངག་ཏུ་རྒྱངས་མཐོལ་བ་འབྱུང་ངོ། །དེས་ས་བོན་ཙམ་ཡང་མ་ལུས་པར་ཆ་དང་བཅས་པ་དག་ནས་འགྲོ་བ་ཡིན་གསུངས་སོ། །གསུམ་པ་ཐ་མལ་དང་མི་འགྲོགས་པ་ནི། ནང་ཞོགས་ཐུན་མགོ་ལ་རང་རྒྱུད་སྡེ་ལྔ་གནས་ལྔར་བསྒོམ་དེ་མ་ལྕོག་ན་རང་བདེ་མཆོག་ཏུ་བསྐྱེད། མགྲིན་པར་བླ་མ། སྙིང་གར་ཡི་དམ། ལྟེ་བར་ཆོས་ཡེ་ཤེས་པའི་སྲུང་མ་སྐྱོང་། རྩ་སྤྱི་བོར་བདེ་མཆོག །མགྲིན་པར་མ་ཧཱ་མ་ཡ་ཐུགས་ཀར་དགྱེས་པ་རྡོ་རྗེ་ལྟེ་བར་གསང་འདུས་གསང་གནས་སུ་རྡོ་རྗེ་འཇིགས་བྱེད་དོ། རྩ་རྩ་བའི་ཁམས་གང་བྱེད་ཀྱི་ཐམས་ཅད་དཔའ་བོ་དཔའ་མོར་བསྐྱེད་དོ། །གཉིས་པ་ཟས་བྱིན་གྱིས་བརླབ་པ་ནི། འཛམ་བུའི་གླིང་གི་འོག་ཏུ་ཡྃ་ལས་རླུང་། རྃ་ལས་མེ། ཀྃ་ལས་མི་མགོའི་སྒྱེད་བུ། ཨ་ལས་ཐོད་པའི་ནང་དུ་ཤ་ལྔ་བདུད་རྩི་ལྔ། ཕྱག་མཚན་དང་བཅས་པ་བསྐྱེད། མེ་རླུང་གི་སྦྱོར་བ་དང་། ཨོཾ་ཨཱཿཧཱུྃ་གིས་དམ་ཚིག་གི་བདུད་རྩིར་གྱུར། ཡེ་ཤེས་ཀྱི་
བདུད་རྩི་བཀུག །གཉིས་སུ་མེད་པར་བསྲེ། ཡི་དམ་ཡབ་ཡུམ་གྱིས་དཀར་དམར་བདེ་སྟོང་དུ་བྱིན་གྱིས་བརླབས་སོ། །དེས་དཀོར་དང་སྐུ་གླུད་བྱིན་གྱིས་མ་བརླབས་པར་ཟོས་པ་ཐམས་ཅད་ཀྱི་ཉེས་པ་འདག་པ་ཡིན་གསུངས་སོ། །བཟའ་བཏུང་ཐམས་ཅད་ལ་བྱིན་གྱིས་བརླབས་ནས་ཟོས་པས་ཉམས་ཆག་ཐམས་ཅད་དག་མཆོག་དང་། ཐུན་མོང་གི་དངོས་གྲུབ་ཐམས་ཅད་ལོ་ཟླ་ཙམ་གྱིས་འགྲུབ་པར་འགྱུར་རོ། །བཞི་པ། སྡུད་པ་ལས། དེ་དག་དགེ་བའི་རྩ་བ་ཇི་སྲིད་མ་རྫོགས་པར། དེ་སྲིད་སྟོང་ཉིད་དམ་པ་དེ་ནི་ཐོབ་མི་བྱེད། ཞེས་བྱ་བས། རབ་ཀྱིས་ཀུ་སུ་ལུའི་ཚོགས་གསོག་དང་། ཏིང་ངེ་འཛིན་གྱི་དབང་བསྐུར་བས་སྒྲོལ་ལོ། །འབྲིང་གིས་ཚོགས་འཁོར་བཏང་། ཐབས་ཀྱིས་ཡོངས་སུ་གཟུང་བ་དང་། མ་བཟུང་བའི་འདོད་ཡོན་མིག་གི་ཡུལ་དུ་གཟུགས་མཛེས་པ་ལ་སོགས་པ་རྣམས་སོ། །གྱི་བྱེ་བྲག་ཐམས་ཅད་དབུལ་ལོ། །དེ་ལྟར་མ་བྱས་ན་དམ་ཚིག་ཉམས་པར་འགྱུར་རོ། །ལྔ་པ་ལ་གསུམ་སྟེ། རབ་འབྲིང་ཐ་མའོ། །དང་པོ་ནི། དགེ་བའི་རྩ་བ་ཆུང་ངུ་ལ་
སོགས་པ་ཐམས་ཅད་བསྔོ་བས་ཟིན་པར་བྱ། ཁྱད་པར་དུ་ཡང་ལྷག་བསམ་དང་། དགེ་བླ་མའི་མོས་གུས་དང་ཚད་མེད་པའི་བྱམས་དང་སྙིང་རྗེ་སོགས་སྦྱོར་གང་སྐྱེས་པའི་དུས་སུ་ལུས་ཀྱི་འཁྲུལ་འཁོར་མ་ཞིག་པ་དེ་ཉིད་དུ་བསྔོ་བ་གནད་དུ་ཆེ་གསུང་ངོ་། །འབྲིང་གིས་ཐུན་ཞབས་ཉིན་མཚན་ལན་གསུམ་དུ་བསྔོ་བའོ། །ཐ་མས་ཐུན་ཞབས་སུ་བསྔོ་བས་རྒྱས་ཞིག་ན་མི་འགྲུབ་པས་གདབ་པ་གལ་ཆེའོ། །དྲུག་པ་ནི། སྡུད་པ་ལས། ཇི་ལྟར་དུག་དང་འདྲེས་པའི་ཁ་ཟས་བཟང་ཟ་བ། །དཀར་པོའི་ཆོས་ལ་དམིགས་པའང་དེ་འདྲར་རྒྱལ་བས་གསུངས། ཞེས་པས་ཐབས་ཤེས་ཟུང་འཇུག་གམ། །སྣང་སྟོང་དབྱེར་མེད་མཐའ་བྲལ་དུ། །ཉམས་སུ་བླངས་སོ། །དེ་ལྟར་ཁྱད་འཕགས་ཀྱི་གནད་དྲུག་ཉམས་སུ་ལེན་པ་དེ། ཉེས་ཐེག་པ་གསུམ་གྱི་ལྟུང་མ་ལུས་པ་ཀུན་བྱང་ནས་འཁོར་བའི་འདམ་གྱིས་མ་གོས་པར་པདྨ་ལྟ་བུར་གཙང་བར་འགྱུར་རོ། །ཟླ་བ་ཡར་གྱི་ངོ་བཞིན་ཡོན་ཏན་འཕེལ་བར་འགྱུར་རོ། །ནོར་བུ་ལྟ་བུར་བདག་གཞན་དགོས་འདོད་ཐམས་ཅད་འབྱུང་བས་གང་ལ་གང་འདུལ་གྱི་དོན་དུ་
ཚེ་འདིར་སངས་རྒྱས་ཐོབ་པར་དོན་འགྲུབ་འགྱུར། ཌཱ་ཀི་མའི་སྙན་བརྒྱུད་ཀུན་ལས་ཁྱད་འཕགས་ཞལ་གདམས་གནད་དྲུག་འདི། བླ་མའི་སངས་རྒྱས་སྟོན་པ་བླ་མའི་གསུང་བཞིན་ཡི་གེར་བཀོད། །དགེ་བ་འདི་ཡི་མཁའ་མཉམ་སེམས་ཅན་རྣམས། །ཚེ་འདིར་རྡོ་རྗེ་འཛིན་པའི་ས་ཐོབ་ཤོག། གྲུབ་ཐོབ་ཆེན་པོ་ཁྱུང་པོའི་རྣལ་འབྱོར་གྱི་རྒྱུན་གྱི་ཉམས་ལེན་དྲུག་པ་ཅེས་བྱ་བ་སངས་རྒྱས་རིན་པོ་ཆེ་སྟོན་པའི་གསུང་བཞིན་དུ་བཀོད་པའོ། ཨིྀྠ། མངྒ་ལཾ། ཤུ་བྷཾ།