དྲག་པོའི་སེར་བ་འབེབས་པའི་མན་ངག
དྲག་པོའི་སེར་བ་འབེབས་པའི་མན་ངག་བཞུགས་སོ།། ཧུ༽ ༈ མ་ཧཱ་ཀཱ་ལ་ན་མོ། །དྲག་པོ་སེར་བ་འབེབས་འདོད་ན། །དགྲ་བོའི་ཞིང་གི་དཀྱིལ་དག་ཏུ། །ཁྲུ་གང་ཟླུམ་པོ་ཐུར་དུ་བྲུ། །སྟེང་དུ་ཆུ་རིས་མང་པོ་བྲི། །རོ་སྟོད་མི་ལ་རོ་སྨད་སྦྲུལ། །སྦྲུལ་མགོ་གསུམ་དང་ལྡན་པར་བྱ། །དེ་ལ་ཡེ་ཤེས་སེམས་དཔའ་གཞུག །དེ་སྟེང་བག་ཟན་ལས་བྱས་པའི། །མ་མོ་ཆེན་མོ་ཕྱག་བཞི་མ། །གཡས་པ་གྲི་གུག་རལ་གྲི་དང་། །གཡོན་པ་ཐོད་ཁྲག་རྒྱལ་མཚན་འཛིན། །བོང་བུ་གྭ་པ་བཞོན་པ་བྱ། །དེ་ལ་ཡེ་ཤེས་སེམས་དཔའ་གཞུག །དེ་ལ་བྱ་ཡི་ཚིལ་བུ་དང་། །ཁྱི་ལུས་དཀར་པོའི་དུད་པས་གདུག །རྟ་ཕོའི་ཁྲག་གི་མགོ་མ་ཏིག །སྔགས་བཞི་གདབ་ཅིང་དྲག་སྔགས་བཟླས། །ནཱ་ག་ར་ཛ་མ་མ་ཀི་རི་ཀུ་ནན། །ཤ་ར་ཤ་ཕོབ་སྲ་ཕོབ།ེ་ར་ཤ་ར་ལྟོ་ཕོབ། ན་ཤ་ཡ་ཀྲ་ཕོབ། ནན་ཤ་ར་ཤ་ར་ལྟེ་ཕོབ། བྱི་ཡུ་རྩི་དྷི་སིདྡྷི་ནན། ཤར་ཤར་ལྟོ་ཕོབ། བབས་ཤི་བས་མྱོག །ཤར་ཤར་ལྟོ་
ཕོབ། མགོན་པོའི་ལས་སྔགས་བཏགས་ལ་བསྙེན་པ་སྐྱལ། གླ་རྩི། འུག་པ། བྱ་རོག །རྟ་གཡག །རྟ་བོན་པ། ཡུག་སའི་དོར་རྟ་རྣམས་ཀྱིས་དུད་པས་བདུག །མགོན་པོའི་སྔགས་ཀྱི་ཕྱི་རྗེས་བཅོད། །གནམ་སྟོང་ལ་ནི་ལས་ལ་སྦྱོར། །ཅེས་བྱའོ། །མང་ཐོས་དགེ་ལེགས་དཔལ་བཟང་གིས། །མཁས་གྲུབ་གོང་མའི་མན་ངག་ལས། །ལྷད་ཞུགས་གསལ་ནས་དག་པར་བྱས། མེ༽