བསྐུལ་བསྡུས།
བྷྱོ་ཛ༔ དཔལ་ཆེན་རྡོ་རྗེ་གཞོན་ནུའི་ལྷ་ཡི་ཚོགས༔ གཙོ་འཁོར་སྤྲུལ་པར་བཅས་པ་ཐམས་ཅད་ཀུན༔ ཐུགས་ཉིད་ཞི་བའི་ངང་ལས་མ་གཡོས་ཀྱང་༔ ཐབས་ཀྱིས་ལོག་འདྲེན་འདུལ་ཕྱིར་སྐུར་བཞེངས་ཤིག༔ སྐུ་ཡི་རྩལ་ཕྱུངས་ནུས་པའི་སྟོབས་བསྐྱེད་ལ༔ བསྟན་པ་སྤྱི་ལ་གནོད་པའི་དམ་སྲིའི་རིགས༔ སེམས་ཅན་ཡོངས་ལ་འཚེ་བ་བསྒྲལ་བའི་ཞིང༔ རྣལ་འབྱོར་བདག་ལ་སྡང་བའི་དགྲ་དང་བགེགས༔ མིང་གི་ལྷག་མ་ཙམ་ཡང་མ་ལུས་པར༔ མངོན་སྤྱོད་དྲག་པོས་ཐལ་བ་རྡུལ་དུ་རློག༔ ཐུགས་དམ་མ་གཡེལ་ཕྲིན་ལས་ཕུར་པའི་ལྷ༔ མ་ནོར་མ་ནོར་ལོག་འདྲེན་དགྲ་དང་བགེགས༔ ཁུག་ཅིག་སྒྲོལ་ཞིག་ཕུར་པའི་བཀའ་སྲུང་རྣམས༔ དཀྱིལ་འཁོར་ལྷ་ཚོགས་འཁོར་དང་བཅས་པ་ཡིས༔ ཤ་ཁྲག་དམར་གྱི་གཏོར་མ་འདི་བཞེས་ལ༔ ཐུགས་དམ་དུས་ལ་བབ་པོ་ས་མ་ཡཱ༔ ས་མ་ཡཱ༔ རྒྱ་རྒྱ་རྒྱ༔ གསང་སྔགས་གླིང་པས་སོ།།