འོད་ཟེར་ཅན་མའི་རྐྱེན་བཟློག་གསོལ་འདེབས་དགྲ་རྐུན་ལེགས་འཆིང་།
ལྷ་མོ་འོད་ཟེར་ཅན་མའི་རྐྱེན་བཟློག་གསོལ་འདེབས་དགྲ་རྐུན་ལེགས་འཆིང་ཞེས་བྱ་བ་བཞུགས༔ ཨོཾ་ནི་དུས་གསུམ་རྒྱལ་བ་ཀུན་ཡུམ༔ ཤེས་རབ་ཕར་ཕྱིན་ཡུམ་ལ་ཕྱག་འཚལ༔ མ་ནི་རྗེ་བཙུན་འཕགས་མ་སྒྲོལ་མ༔ འཇིགས་པ་བརྒྱད་སྐྱོབས་མ་ལ་ཕྱག་འཚལ༔ རི་ནི་ལོ་གྱོན་ཤ་བ་རི་མ༔ ནད་རིམས་འཇོམས་མཛད་མ་ལ་ཕྱག་འཚལ༔ ཙྱཻ་ནི་ལྷ་མོ་མ་རི་ཙེ་མ༔ ཆོམ་རྐུན་འཆིང་མཛད་མ་ལ་ཕྱག་འཚལ༔ སྭཱ་ནི་ལྷ་མོ་ནོར་གྱི་རྒྱུན་མ༔ གནོད་སྦྱིན་གཏེར་འཆང་ཡུམ་ལ་ཕྱག་འཚལ༔ ཧཱ་ནི་ལྷ་མོ་རྡོ་རྗེ་སྡེར་མོ༔ དྲག་པོའི་ལས་མཛད་ཡུམ་ལ་ཕྱག་འཚལ༔ རབ་འབྱམས་རྒྱལ་བ་ཀུན་གྱི་ཡུམ་མཆོག༔ ལྷ་མོ་འོད་ཟེར་ཅན་མ་ཁྱེད་ལ༔ རྟག་ཏུ་གུས་པས་གསོལ་བ་འདེབས་སོ༔ དགྲ་ཇག་ཆོམ་རྐུན་ཐམས་ཅད་བཟློག་ཅིག༔ ཨོཾ་མ་རི་ཙྱེེ་སྭཱ་ཧཱ༔ ཉིན་རེར་ལན་བདུན་ནམ་ཉི་ཤུ་རྩ་གཅིག་རེ་བཟླས་ན་དགྲ་རྐུན་གྱིས་མི་བརྫིའོ༔ ཞེས་རིག་འཛིན་གསང་སྔགས་གླིང་པའི་དགོངས་གཏེར་ལས་བྱུང་བའོ༔ ས་མ་ཡཱ༔ དགེའོ།། དགེའོ།། དགེའོ། །