མཆོག་གཏེར་རྫོགས་ཆེན་སྡེ་གསུམ་གྱི་བཀའ་གཏེར་སྲུང་མའི་གཏོར་མའི་དཔེའུ་རིས།

མཆོག་གཏེར་རྫོགས་ཆེན་སྡེ་གསུམ་གྱི། །བཀའ་གཏེར་སྲུང་མའི་གཏོར་མའི་དཔེའུ་རིས་བཞུགས། །རྒྱས་སྐབས་ལྷ་གྲངས་སོ་སོར་གཏོར་མ་བཅའ། །འབྲིང་པོར་མ་མོ་ཀུན་འདུས་དམར་གཏོར་ལ། །མདུན་དུ་མཁར་སྒོ་བྲིས་པར་དམ་ཅན་ཚང་། །དེ་སྟེང་རྒྱན་ལྔ་གཤོག་རྒོད་གཙོ་འཁོར་ལྔ། །མེ་རི་གསུམ་ནི་མ་མོ་མཆེེད་གསུམ་ཡིན། །མདུན་དུ་ལྷ་ལ་བཤོས་ཟླུམ་གཉིས་རྒྱན་ཅན། །གཡས་སུ་བཙན་ལ་ཟུར་གསུམ་རྒྱན་མེད་གཅིག །གཡོན་དུ་ཀླུ་ལ་སྦྲུལ་མགོ་སྔོ་དཀར་བྱ། །རྒྱུན་གཏོར་དམར་གཏོར་ལོགས་གསུམ་མཐེབ་ཀྱུ་རེ། །མདུན་དུ་སྒོ་རིས་རྩེ་མོར་མདིལ་རྩེ་གསུམ། །དེ་ལ་སྡེ་གསུམ་བཀའ་སྲུང་གཏེར་སྲུང་འདུས། །གཏེར་སློབ་མཁན་པོ་མ་ཏི་རཏྣ་ཡིས། །བཀའ་ཐུབ་གཞུང་གི་བྲག་ཕུག་ནང་དུ་བྲིས། །ཡང་ཟབ་བསྟན་པ་འཕེལ་རྒྱས་བཀྲ་ཤིས་ཤོག། །།