ཟབ་གཏེར་གུ་རུ་ཞི་དྲག་གི་སྐོང་ཆོག་དང་འགྲེལ་བའི་འགྲིགས་རིམ།
ན་མོ་གུ་རུ་པདྨ་ཀཱ་ར་ཡེ། འདིར་གྲུབ་པའི་སྐྱེས་མཆོག་སངས་རྒྱས་དབོན་གྱི་ཟབ་གཏེར་གུ་རུ་གི་དྲག་གི་སྐོང་ཆོག་དབང་འབྲེལ་བའི་འགྲིགས་རིམ་ནི། ཐོག་མར་སྐུ་གསུང་ཐུགས་རྟེན་བཀྲམ་པ་སོགས་བག་དྲོ་བར་བྱས་ལ། ས་ཆོག་དང་ཐིག་ཚོན་སོགས་ཇི་བཞིན་ཚུལ་ལྡན་དགོས་ཀྱང་དུས་དབང་གྲོང་ཆོག་ལུགས་བྱེད་འདུག་པ། རྡུལ་ཚོན་ནམ་རས་བྲིས་ཙམ་བཀྲམ་པའི་སྟེང་དུ་བུམ་ཐོད་སྤྲེལ་བ་སོགས་དབང་གི་སྐབས་ལྟར་བཞིན་ལ། དེ་སྟེང་ཡེ་ཤེས་སེམས་པའི་ཚུལ་དུ་འཕྲུལ་སྟེགས་ཁར། ཞི་ཁྲོའི་དཀྱིལ་འཁོར་ལག་ལེན་བཞི་བཀྲམ། དེ་མཐར་ཕྱོགས་བཞིར་ལས་བཞིའི་གཏོར་མ་དང་། གཏོར་སྤུང་། སྲུང་མའི་ཆད་བརྟན་སོགས་བཀོད། སྨན་རག་ནས་བརྩམས་བརྒྱ་རྩ་རྣམས་རེ་རེ་བཞིན་བརྒྱ་དང་བརྒྱད་རེ་འགྲོ་ངེས་
སླ་ཆོས་སུ་མ་སོང་བར་ཚར་དུ་དང་བར་བསྒྲིགས་མཐའི་ཕྱོགས་བཞིར་ཞི་དྲག་གི་མཆོད་པ་ཚར་བཞི་བཅས་བཀོད། གཙོ་གཏོར་ཉིད་དཀྱིལ་འཁོར་ཤར་དུ་བཀོད་པ་དང་ནང་བསྒྲིགས་པ་ཁྱད་ཅི་སྙམ་ན། སྒྲུབ་རྟེན་གཞན་མེད་སྐབས་གཏོར་མ་གཙོ་བོར་བྱ་བ་དང་། སྒྲུབ་རྟེན་བུ་མཐོང་སྐུ་གསུང་ཐུགས་རྟེན་ཚང་བའི་སྐབས་དཀྱིལ་འཁོར་ཤར་དུ་བཀོད་པ་སོགས་གཏོར་མའི་ཤེས་དུས་བཞིར་ངེས་བཞིན་ལགས། གཉིས་པ་ཆོ་ག་དངོས་ལ་ཐོག་མར་རང་ལུགས་སྟག་ལུང་བཀའ་བརྒྱུད་ཀྱི་གསོལ་འདེབས་སྔོན་དུ་བཏང་ཀྱང་མི་འགལ་ལ། སྔ་འགྱུར་དངོས་ཀྱི་ལུགས་བཞིན་ཚིག་བདུན་གསོལ་འདེབས། སྐུ་གསུམ་གསོལ་འདེབས་ནས་བཟུང་ལེའུ་བདུན་མ། འདི་ཀའི་དབུའི་བཀའ་བབས་གསོལ་འདེབས། དེ་མཐར་འཇམ་མགོན་ཀོང་སྤྲུལ་
རིན་པོ་ཆེའི་མཛད་པའི་བརྒྱུད་འདེབས་བཅས་བཏང་། སྔོན་འགྲོ་ས་བརྩམས་བྱིན་འབེབས་པར་དང་འདི་སྐབས་རཏ་གླིང་རིག་འཛིན་བྱིན་འབེབས་སྦྱང་སྲོལ་ཡོང་ཚོད་འདུས་ཀྱང་། སྤྲོས་བཅས་སྒྲུབ་ཆེན་ལྟ་བུ་ལ་རིག་འཛིན་བྱིན་འབེབས་སོགས་གཏོན་ཀྱང་མི་འགལ། སྒྲུབ་མཆོད་སྐབས་དགོས་གལ་ཆེར་མ་མཆིས། མཆོད་པ་བྱིན་རླབས་བཅས་ཚང་བར་བཏང་། འདི་སྐབས་གསོལ་འདེབས་སྨོན་ལམ་སྣ་ཚོགས་འདོན་སྲོལ་འདུས་ཀྱང་། དེ་རིག་མི་ནག་ཕོ་མོ་ཁ་ཏོན་ལྟ་བུ་འདོད་བྱ་སྣ་ཚོགས་གཙོ་བོར་བྱས་ན་གཞུང་ཆུད་གཟན་དུ་འགྲོ་བས་མི་ལེགས། སྔ་འགྱུར་གཞན་ལ་དེ་སྐབས་ཀློང་བཤགས་སོགས་འདོན་སྲོལ་ཡོད་འདུག་ཀྱང་། འདི་གའི་བཤགས་པ་བྱིན་འབེབས་མཚམས་རེ་སོང་བས་མི་དགོས། དེ་ནས་བདག་
བསྐྱེད་དྲག་པོའི་བསྐྱེད་བཟླས་སྟོང་ཚིག་ཡན་སོང་ནས། མདུན་བསྐྱེད་ཞི་བའི་ཐུགས་ཀར་ཞི་ཁྲོ་རང་གསལ་ཀྱི་དཀྱིལ་འཁོར་གསལ་གདབས། སྤྱན་འདྲེན་མཆོད་བསྟོད་སྟོང་ཚིགས་བཅས་སོང་ནས། བུམ་བཟླས་དགོས་ན་སྟོང་ཚིག་གོང་དེར་སྦྱར། དེ་ནས་བསྐང་གསོ་རྒྱས་བསྡུས་གང་འགྲུབ་དང་གཏེར་གཞི་བཅས་བཏང་། སྔ་ཐུན་ལ་བསྙེན་མཚམས་དེར་གསོལ་འདེབས་མཛད་པའི་སྲོལ་མཆེས་མོད། འོན་ཀྱང་འདི་སྐབས་གསོལ་འདེབས་རྣམས་རྙིང་མ་སྤྱི་འགྲོ་བཞིན་ཕྲིན་ལས་ཀྱི་དབུར་སྤྱན་ནས་འདིར་དགོས་པར་དབེན་པས། བཏང་ནའང་འགལ་བ་ཆེར་མེད་ཀྱང་། དབུས་ཀྱི་གཏེར་ཁ་ཁ་ཤས་ནས་འབྱུང་མོང་འདི་རིགས་ལ་དགོས་གལ་ཆེར་མང་། བསྐྱེད་བཟླས་ལ་འདོན་བྱ་སྣ་ཚོགས་པས་གནོད་པར་ཤེས་ནས། ད་ལན་དེ་ཙམ་དང་། དེས་ན་ཕྱག་བཤགས་ཀློང་བཤགས་ཚོགས་ཞུས་བཅས་
ཚོགས་བྱིན་རླབས་ནས་སྐོང་ཚོགས་དབུ་ནས་བརྩམས་མར་མེ་སྨོན་ལམ་ཡན་བཏང་། ཚོགས་སྤྱན་འདྲེན་དང་། དང་པོ་མཆོད་པ། བར་པ་བསྐང་བཤགས། ཐ་མ་བསྒྲལ་བསྟབ་རྣམས་རྫོགས་པར་ཞུ་གནང་བཅས་པར་བྱ། བསྐང་བའི་སྐབས་བསྐང་གསོའི་བསྐང་བ་དགོས་ན་བཏང་། ཞལ་བསྟབ་མཐར་འབུལ་ལེན་སོགས་ཕྱག་བཞེས་བཞིན་རོལ། དེ་སྐབས་བསམ་ལྷུན་དང་བར་ཆད་ལམ་སེལ་བཏང་ན་མི་འགལ། ཞབས་བརྟན་བཅས་སོང་ནས། ཚོགས་རོལ་རྡོ་རྗེའི་གླུ་ཀུན་མཁྱེན་རིན་པོ་ཆེའི་ཐིག་མཆོག་མཛོད་ཀྱི་དགོངས་དོན་བཞིན་བགྲལ་བའང་བཏང་ན་ལེགས། རྒྱུན་སྨོན་ལམ་སོགས་སྔ་རྒྱུན་བཞིན་བཏང་། ལྷག་མ་ཞུ་གནང་ལྷག་ཆོག་ཇི་བཞིན་མཐར། དངོས་པོ་ཆོས་ཉིད་དང་། ཐེག་ཆེན་སྨན་ལམ་བཏབ། གནས་ལུང་དགོས་ན་དེ་རེ་བཏང་། བསྐུལ་
ཐུན་གཏོར། ཆད་མདོ། བསྟན་སྐྱོང་རྟ་བྲོ་སོགས་ནས་མཆོད་བསྟོད་བཅས་བཏང་། དངོས་གྲུབ་བླང་བ་ཉིད་ཐ་མ་ལས་མི་དགོས། གཞན་རྣམས་དཀྱུས་བཞིན་ལ། ཉི་རེ་བཞིན་བརྟན་བཞུགས་རྒྱས་པ་རེ་བྱས་ན་རབ་གནས་ནན་བསྐྱར་འགྲོ་བ་ལེགས། དེང་སང་བྱིན་འབེབས་སོགས་ཞུ་བ་དང་། ཚོགས་ཀྱིས་ཞུ་གནང་ལ་རྙིང་མ་གཅིག་དང་མཐུན་པའི་ཞུ་གནང་སྣ་ཚོགས་ཟེར་བར་ཐོས་པས། དེ་ལྟར་རང་འདོད་ཐུབས་འཆངས་མ་ཡིན་པས་བཀའ་བརྒྱད་བདེར་འདུས་དང་བླ་མས་གསང་འདུས་སོགས་ནས་ཚུར་བཀབ་ན་ཚད་ལྡན་དུ་འགྱུར་བར་སེམས། ལར་སྒྲུབ་མཆོད་དཀྱུས་མ་ལས་ཚག་ཐིག་ཚོན་རྣམས་དགོས་ངེས་ལགས་པས། སྨིན་གླིང་གསང་བ་སྤྱི་ཆོག་སོགས་ནས་བཀབ་ན་ཚད་ལྡན་དུ་འགྱུར། དེང་སང་ལུགས་གཉིས་ཀྱི་མཁྱེན་སྤྱོད་ཡངས་བའི་
ཁ་ནས་ཕྱག་ལེན་མཆོད་གཏོར་ཇི་འདོད་མཛད་ཆོས་པར་འདྲ་འདུག་མ་གཏོགས། དེ་སྔོན་སྔ་འགྱུར་ལུགས་ཕལ་མོ་ཆེར་རིག་འཛིན་གོང་མའི་ཞལ་ཁྲིད་དང་ཕྱག་བསྟར་དགནོས་མིན་ན་གྱ་མདོ་རུ་སྤྱོད་མི་ཆོག་པ། མཁའ་འགྲོ་ཆོས་སྐྱོང་གིས་བཀའ་ཆད་འབེབས་ངེས་པས་ཁྱོད་ཚང་ཉན་མཁན་རྙེད་ཚེ་འདི་བཞིན་བྱས་ན་བསམ། ཨི་ཁོ་གྲོ་ཡུ། བསྙེན་སྒྲུབ་ཐོ་ཡིག་རང་རེ་ཁོམ་ན་གྲི་ཡོངས་ལགས། བཀའ་བརྒྱད་གསང་རྫོགས་སྒྲུབ་ཆེན་འདོན་འགྲིགས་དགོས་ཟེར་བ་སྒྲུབ་ཁོག་གཞུང་སོར་བཞག་གྱིས་དང་དེས་འགྲིགས། ཕྱག་ལེན་རྣམས་བདེར་འདུས་ནས་ཚུར་འགེབ་དགོས་པས་ལྷ་རྒྱལ་རབ་བརྟན་ནས་ཤེས་བཞིན་དེ་ལྟར་གྱིས་དང་ཆོག་ལགས། པྲིཙྪ། སྐྱབས་རྗེ་ཀརྨ་མཻཏྲིཀཱརའི་ཕྱག་བྲིས་ལས་བཤུས་སོ། །
རི་མོ་ཡོད།
རི་མོ་ཡོད།
རི་མོ་ཡོད།
རི་མོ་ཡོད།
རི་མོ་ཡོད།
རི་མོ་ཡོད།
རི་མོ་ཡོད།
རི་མོ་ཡོད།
རི་མོ་ཡོད།
རི་མོ་ཡོད།
རི་མོ་ཡོད།
རི་མོ་ཡོད།