པར་བྱང་སྨོན་ཚིག

ཨོཾ་སྭ་སྟི་སིདྡྷི། རྒྱལ་བའི་དབང་པོ་མཉམ་མེད་བཀྲ་ཤིས་དཔལ། །རྒྱལ་གསུང་ཟབ་རྒྱས་ལུང་རྟོགས་དམ་པའི་ཆོས། །རྒྱལ་སྲས་རིག་གྲོལ་འཕགས་མཆོག་དགེ་འདུན་ཚོགས། །རྒྱལ་མཆོག་གསུམ་གྱི་བདེན་ཚིག་འགྲུབ་བྱིན་རློབས། །དུས་གསུམ་རྒྱལ་ཀུན་སྤྱི་གཟུགས་འགྲོ་བའི་མགོན། །༧སྐྱབས་གཅིག་དྲིན་ཅན་མཚོ་སྐྱེས་རྡོ་རྗེ་ཡིས། །སྙིགས་དུས་བོད་འབངས་ཐུགས་རྗེས་བརྩེར་དགོངས་ནས། །སྐུ་ཚབ་ལུང་བསྟན་གསུང་ཚབ་ཟབ་གསང་གཏེར། མིང་ཅན་མིང་མེད་བགྲང་ཡས་གངས་ཅན་གྱི། །ལྗོངས་སུ་སྦས་ཏེ་འདོན་པའི་སྐྱེས་བུ་སོགས། །དུས་བབས་ལུང་བསྟན་བཀའ་རྒྱ་སྩལ་བ་ལས། །སྔོན་སྨོན་རྟེན་

འབྲེལ་བཟང་པོ་འཛོམས་པའི་མཐུས། །ཐུབ་བསྟན་ཡང་སྙིང་སྟག་ལུང་བཀའ་བརྒྱུད་ཀྱི། །གྲུབ་པའི་ཁྱུ་མཆོག་སངས་རྒྱས་དབོན་པོ་ཡིས། །གཏེར་གནས་རྒྱའོ་གདོང་ནས་སྤྱན་དྲངས་པའི། །གུ་རུའི་ཐུགས་སྒྲུབ་བདེ་གཤེགས་འདུས་པ་དང་། །དེ་ཡི་ཡང་སྤྲུལ་འདྲེན་མཆོག་བཀའ་དྲིན་ཅན། །བདུད་འཇོམས་ནམ་མཁའི་རྡོ་རྗེ་གང་ཉིད་ཀྱི། །ཡ་རྒྱས་ནམ་མཁའ་མཛོད་ནས་སྤྱན་དྲངས་པའི། །ཟབ་ཆོས་པདྨ་གསང་ཐིག་ཆོས་སྐོར་བཅས། །ཆོས་སྦྱིན་མཛད་མེད་ངོ་མཚར་སྤར་གྱི་འཕྲུལ། །སྟག་ལུང་རྡོ་རྗེ་གདན་དུ་གྲུབ་པའི་དགེས། །བསྟན་འཛིན་མཆོག་རྣམས་ཞབས་པད་བསྐལ་བརྒྱར་བརྟན། །དགེ་འདུན་འདུས་པ་ཐུགས་མཐུན་ཁྲིམས་གཙང་ཞིང་། །བཤད་སྒྲུབ་ཆོས་ཀྱི་བྱ་བས་དུས་འདར་ཤོག །ཕ་མའི་གཙོ་

བྱས་འབྲེལ་ཐོག་སེམས་ཅན་ཀུན། །སྡིག་སྒྲིབ་སྡུག་བསྔལ་མ་ལུས་མྱུར་བྱང་ནས། །ས་ལམ་སྤང་རྟོགས་ཡོན་ཏན་མཐར་ཕྱི་ཅིང་། །པདྨ་ཀཱ་རཱི་གོ་འཕང་མྱུར་ཐོག་ཤོག །ཅེས་པས་སྤར་བྱང་སྨོན་ཚིག་འདི། །རབ་རྒྱས་ས་སྤྲུལ་སྤྲེལ་ཟླ་ཡི། །ཡར་ཚེས་དགེ་བར་རྩེ་སྤྲུལ་པས། །གསོལ་བ་སྙིང་ནས་བཏབ་པའོ། །བི་ཛ་ཡནྟུ། །