སྲུང་འཁོར།

སྔོན་འགྲོ་གཏོར་མ་ནང་མཆོད་ལྟར་བྱིན་གྱིས་བརླབས་ལ། ༀ་ཁ་ཁ་ཁཱ་ཧི་ཞེས་སོགས་ལན་བཞི་བརྗོད། ཞིང་སྐྱོང་བརྒྱད་དང་མཁའ་འགྲོ་སོ་གཉིས་སོགས། །ཞེས་སོགས་འོག་ནས་འབྱུང་བ་བཞིན། ལས་བཞིའི་ཕྲིན་ལས་མཛོད་བར་དང་། གཞན་ཡང་དཀྱིལ་འཁོར་ལྟ་བར་མི་དབང་པའི། །བདུད་བགེགས་ལོག་འདྲེན་འབྱུང་པོ་ཕྱིར་དེངས་ཤིག་གང་དག་བཀའ་ལས་འདས་ན་ཡེ་ཤེས་ཀྱི། །རྡོ་རྗེས་བརླག་པར་འགྱུར་བར་གདོན་མི་ཟ། །སུམྦྷ་ནི། བརྗོད་ལ། རང་ཉིད་ལྷར་གསལ་ཐུགས་ལས་འོད་ཟེར་འཕྲོས། །རྡོ་རྗེ་འཁོར་ལོ་རིན་ཆེན་པདྨ་དང་། །རྒྱ་གྲམ་འབར་བས་སྟེང་འོག་བར་མེད་པར། །སྲུང་བའི་འཁོར་ལོ་ཡངས་ཤིང་རྒྱ་ཆེས་གཏམས། །ཛྙཱ་ན་པཉྩ་བཛྲ་རཀྵ་རཀྵ་ཧཱུྃ། ཞེས་སྲུང་འཁོར་བསྒོམས་ལ། མདུན་བསྐྱེད་ལ་འཇུག་པར་བྱ།། །།