དཔོན་ཛམ་ལྷས་བསྐུལ་ངོར།
― SPN003_Page_0192 ―
[མ་དཔེ་གཟིགས་ན་འདིར་གནོན།]
ཨ་ཀཱ་རོས་བྱིན་བརླབས་ལ། ཀྱཻ། རྒྱལ་བས་བྱིན་བརླབས་དབང་བསྐུར་ཞིང་། །དམ་བཞག་བཀའ་བསྒོས་ཐ་ཚིག་ཅན། །ཡུལ་ལྷ་ཟོ་དོར་ཡོངས་ཀྱི་གཙོ། །སྐྱ་རྒྱལ་འབྲོང་བུ་གཉན་པོ་ནི། །འཁོར་བཅས་གནས་འདིར་གཤེགས་སུ་གསོལ། །གཡུ་ཤུག་ལ་སོགས་བདུག་པའི་སྤོས། །དྲི་ལྡན་ངད་བཟང་སྤྲིན་ལྟར་གཏིབས། །ཉེར་སྤྱོད་འདོད་ཡོན་ལྷ་དང་མིའི། །ལོངས་སྤྱོད་སྣ་ཚོགས་ཆར་ལྟར་འབབས། །རོལ་མོ་སྙན་པའི་དབྱངས་ཀྱིས་ནི། །བསྟོད་དོ་བརྔན་ནོ་མངའ་གསོལ་ལོ། །རང་རང་དགྱེས་དགུར་རོལ་པ་ཡིས། །གང་འདོད་མཆོད་བཞེས་དངོས་གྲུབ་སྩོལ། །སངས་རྒྱས་བསྟན་སྐྱོང་བསྟན་འཛིན་སྤེལ། །དགེ་འདུན་སྡེ་སྐྱོང་ཡུལ་ཕྱོགས་འདིར། །ནད་མུག་མཚོན་བསྐལ་ཞི་བ་དང་། །རྩྭ་རྒྱས་འབྲུ་འཕེལ་དགའ་དང་བདེའི། །དཔལ་འབྱོར་རྒྱ་ཆེན་སྩོལ་གྱུར་ཅིག །ཅེས་པའང་དཔོན་ཛམ་ལྷས་བསྐུལ་ངོར་ཡུལ་ལྷ་དེ་ཉིད་དང་ཉེ་བར་སྤེལ། །