འཕོ་བ་གསང་མཆོག་མའི་དམིགས་རིམ།
འཕོ་བ་གསང་མཆོག་མའི་དམིགས་རིམ་ལ། རྩ་དབུ་མ་ཕྱི་དཀར་ནང་དམར་བ་རག་དུང་ཁ་གྱེན་བསྟན། མར་སྣ་ལྟེ་མཚམས་ཕཊ་ཀྱིས་བཀག་པ། སྙིང་ཁར་པདྨ་དམར་པོ་འདབ་བཞིའི་སྟེང་དུ་རྣམ་ཤེས་ངོ་བོ་སོགས་གཞུང་བཞིན་གསལ་གདབ་བོ། །ཡང་ཐིག་ལེ་སྤར་སྐབས་ལས་དང་པོ་པས་ཐུགས་ཀར། དེ་ནས་
ཞབས་ལ་རེག་པས་ཆོག །ལན་ཉེར་གཅིག་ཙམ་བྱ། འཕོ་བ་འབྱོངས་རྟགས་སུ་ཡར་སྤར་དུས་ཤེས་པ་ཅུང་མི་གསལ་ཞིང་མར་ཕབ་དུས་རྒྱུན་པར་ལས་རིག་པ་དྭངས་ན་ཡིན། བླ་མ་འོད་དཔག་མེད་འོད་དུ་ཞུ་ནས་རང་ལུས་ལ་ཐིམ་པས་ལུས་བདུད་རྩིས་གང་བར་བསམ་ལ་ཚེ་གཟུངས་འདོན། ལས་ལ་སྦྱོར་ཚེ། བླ་མ་སྤྱི་བོ་ནས་ཡར་འདོམ་གང་ཙམ་བསྐྱེད། དེའི་ཐུགས་ཀར་ཐིག་ལེ་སྤར། མར་མི་ཕབ་གསར་དུ་རེ་རེ་བསྐྱེད་དེ་སྤར་བ་ལན་ཉེར་གཅིག་ཙམ་བྱའོ། །ན་མཿསརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་སོགས་འདིའི་མིང་ལ་གཟི་བརྗིད་ཚད་མེད་ཟེར། ཛཾ་སེར་ནག་གཉིས་རྒྱབ་ཡོལ་ལ་ཐིམ་པར་བསྒོམ། དེ་ནས་ཆུ་གཏོར། དེ་ནས་བདག་གི་བསམ་པའི་སྟོབས་སོགས་ཤླཽ་ཀ་བཞི་བརྗོད། ཡིག་བརྒྱ་བརྗོད། དེ་རྗེས་ༀ་ཁྱེད་ཀྱིས་སེམས་ཅན་སོགས་གཞུང་བཞིན་བརྗོད་དོ། །འཕོ་བ་དང་གཏོར་མའི་བརྗེད་ཐོ་འདི་ཀུན་ཁྱབ་ལུགས་ཡིན། །