གཡང་སྐྱབས་སྟབས་བདེ་དོན་འཐུས་འདོད་ན།
གཡང་སྐྱབས་སྟབས་བདེ་དོན་འཐུས་འདོད་ན་གཞི་དཀར་པོའི་སྟེང་། སྤྲོ་ན་རྣམ་སྲས་གཏོར་མ་མར་ཟན་གྱིས་བཅའ་བའམ། བསྡུ་ན་ཕྱེ་མར་སྤུངས་པ་
དང་ཟས་སྣ་གང་འཛོམས་དང་ཕུད་སྐྱེམས། དཀར་གཏོར་རམ་ཡང་ན་ཕྱེ་མར་དང་གཡང་རྫས་ནོར་སྣ་མདའ་དར་སོགས་བཤམས་ལ། དང་པོའི་ཚིག་བདུན་གསོལ་འདེབས། སྤྲོ་ན་བསམ་འགྲུབ་མ་བཏོན། བདག་ཉིད་སྐད་ཅིག་གིས་རྗེ་བཙུན་རྡོ་རྗེ་རྣལ་འབྱོར་སོགས། ༀ་སྭ་ཝ་སོགས། རང་གི་ཐུགས་ཀ་ནས་ཡི་གེ་བཱཻ་སེ་པོ་སོགས་ནས། སྤྱན་དྲངས། སྤྱན་འདྲེན་རོལ་མོ་འབེབས་དལ་རན་དང་སུམ་བརྡུང་གིས། ཧཱུྃ། རི་རབ་བྱང་ཕྱོགས་སོགས་ནས། ཕྱག་འཚལ་བསྟོད་ནས་རོལ་མོ་འབེབས་ཀྱིས་བཞག །ཛཿཧཱུྃ་བྃ་ཧོ། ༀ་བཱཻ་སྭཱ་ཧཱ། བརྒྱ་རྩ་བརྒྱད་བཟླ། བཱཻ་ཤྲཱ་མ་ན་ཡང་བརྒྱ་རྩ་བརྒྱད་བཟླ། ༀ་ཛཾ་བྷ་ལ་སོགས་བརྒྱ་རྩ་བརྒྱད་བཟླ་བཞིན། སྤྲོ་ན། ཟངས་གཞོང་དུ་མར་གྱི་རིལ་བུ་རྣམས་བཞག་ལ་ཆུ་སྦྲེང་། དེ་ནས་སྔགས་རིང་གཉིས་སོ་སོར་ལན་བདུན་ནམ་གསུམ་རེ་བཟླའོ། །དེ་ནས་རོལ་མོ་འབེབས་དང་སུམ་བརྡུང་གིས། ༀ་མཆོད་ཡོན་ཞབས་བསིལ་སོགས་ནས། སྭཱ་ཧཱ། རོལ་མོ་འབེབས་ཀྱིས་བཞག །ༀ་དམ་ཚིག་བདུད་རྩི་སོགས། གཏོར་སྔགས་ལན་གསུམ། རོལ་མོ་
འབེབས་དང་སུམ་བརྡུང་གིས། ཧཱུྃ། མི་འཇིགས་སེང་གེའི་སོགས་ནས་འགྲུབ། མཛད་དུ་ུགསོལ། རོལ་མོ་འབེབས་དང་སུམ་བརྡུང་གིས། ཧཱུྃ་བྱང་ཕྱོགས་སྐྱོང་བའི་སོགས་ཀྱི་གཏོར་མ་མཐར་རོལ་མོ་འབེབས་དང་སུམ་བརྡུང་གིས་གཡང་རྫས་རྣམས་ཡོན་བདག་རྣམས་ལ་སོ་སོར་གཏད་ལ། སངས་རྒྱས་བསྟན་སྲུང་སོགས་ནས་མཐར་བཀྲ་ཤིས་བཅས་རོལ་མོ་བྱ། གཡང་སྒོ་བསྡམས་ལ་ཡོན་བདག་རང་གནས་སུ་བཏང་། དྲིལ་གསིལ་བཅས་ཡིག་བརྒྱས་བཟོད་གསོལ་དང་། དཀོན་མཆོག་རིན་ཆེན་སོགས་བསྔོ་སྨོན་རྒྱས་གདབ་བྱའོ། །བཀྲ་ཤིས། སྨྲས་པ། ཚིག་ཉུང་དོན་དང་ལྡན་པའི་གནད་འདུས་འདི། །རང་གཞན་ཕན་བདེའི་གཏེར་ཆེན་བུམ་བཟང་ངོ་། །ཞེས་པདྨ་ཉིན་བྱེད་ཀྱིས་གཞུང་མཐུན་བཀོད་པའོ། །མདྒ་ལྃ།། །།