དགོངས་གཏེར་གུར་དྲག་གི་བཅའ་བཀོད་འདོན་འགྲིགས།
༈ དགོངས་གཏེར་གུར་དྲག་གི་བཅའ་བཀོད་འདོན་འགྲིགས་བཞུགས་སོ། །རྡོ་རྗེ་དྲག་པོའི་ཞབས་ལ་འདུད། །མཆོག་ཐུན་དངོས་གྲུབ་ཆར་ལྟར་སྩོལ། །དེ་ལ་འདིར་ལྡིང་ཁྲི་མཐོ་དམན་གཉིས་ཀྱི་མཐོ་བར་སྟན་ཁེབས་དང་། དམའ་བར་སྟག་ལྤགས་གཏིང་། གོང་གཏོར་གཡས་བླ་མའི་གཏོར་མ་དང་། དབུས་ཆོས་འབྱུང་བསྣོལ་མར་དཔལ་གཏོར་
པད་འདབ་བཞི་ཅན། གཡོན་ཆོས་སྐྱོང་ལ་ཟུར་གསུམ་མེ་རིས་མཚན་པ་ལོག་གསུམ་མཐེབ་ཀྱུ་གསུམ་དང་ལྡན་པ་བཅས་དཀར་དམར་རྒྱན་བཀྲ་དང་། དེ་མདུན་མཆོད་པ་ཕྲེང་ཚར་དང་། བསྙེན་ཕུར་བྱིན་ཆེན་བཀྲམ། གུང་དུ་ཞལ་ཐང་སོགས་ཀྱང་བཤམས། གཡས་གཡོན་ཚེ་རིལ་ཆང་བཅས་དང་། སྟེགས་འོག་མར། མ་ཊཾ་ཁོག་པར་ལས་དཀྱིལ་རས་བྲིས་བཏིང་། དེ་སྟེང་མཉྫིའི་ཁར་ལྕགས་སྣོད་དུ་འབྲུ་ནག་ཕྱེ་མ་དུག་གིས་སྦྲུས་པ་ལས་གྱུར་པའི་གཏོར་ཆེན་གནམ་ལྕགས་ཐོག་མདེལ་དབྱིབས་ཁྲུ་གང་ལས་མི་ཆུང་བ། དབུས་སུ་ཁྲོ་ཞལ་རྔམས་བརྗིད་རྩེ་བྲན་ཐོད་སྐམ་སྙན་རྒྱན་ལྡན་པ་ཞལ་འབག་དང་གཏོར་མར་སྨུག་རྩི་གསོལ། དེ་ཕྱིར་ཡུམ་དང་ཁྲོ་རྒྱལ་བཞི་མཁའ་འགྲོ་སྡེ་བཞི་བཅས་ཀྱི་གཏོར་མ་དགུ། དེ་ཕྱིར་ཁྲོ་བཅུའི་གཏོར་མ་བཅུ། དེ་ཕྱིར་གིང་ཡབ་ཡུམ་གཏོར་མ་བརྒྱད། དེ་ཕྱིར་སྡེ་བརྒྱད་གཏོར་མ་བརྒྱད་བཅས། གཙོ་འཁོར་གཏོར་མ་མེ་རིས་བརྒྱན། སོ་སོར་ཁྲག་རྐང་མཐེབ་ཀྱུས་ལྷ་གྲངས་དང་མཉམ་པས་བསྐོར། རྩེ་མོར་བྱ་ཁྱུང་འཁོར་ལོ་དང་། དེ་སྟེང་དར་གདུགས་སྔོན་པོ་ཕུབ། གཡས་སུ་སྲུང་བའི་འཁོར་ལོ་ཞལ་སྒྲུབ་པོར་བསྟན་པ་དང་། གཡོན་དུ་ཟློག་འཁོར་ཞལ་ཕྱིར་བསྟན་བཅས་བཙུགས། གཏོར་
ཆེན་འོག་ཏུ་གྲུ་གསུམ་བྲུས་ལ་དེ་ནང་བསད་འཁོར་བཅུག །མཚེ་དང་ཡུངས་ཀར་ནག་དཔལ་འབར་གསུམ་དང་རྩང་གིས་བརྒྱན། མཐའ་སྐོར་རྩང་ཕུར་དམར་ནག་དྲ་བ་ཕུར་སོ་རིས་སུ་བསྐོར་ཞིང་རྒྱུ་མ་དང་། སྔོ་དམར་སྐུད་པས་འཚུབ་མ་རིས་སུ་དཀྲིས། ཡང་གཏོར་ཆེན་གཡས་ཁྲམ་ཤིང་ངོས་ལ་ཁྲམ་རིས་བཏབ། ངོས་ཕྱིར་ཕོ་རྒྱུད་བྱད་ཟོར་བྷྱོ་ཟློག་ཟེར་བ་བྲི། མོ་རྒྱུད་བྱད་ཟོར་བྷྱོ་ཟློག་བྲིས་ལ་བཙུགས། གཏོར་ཆེན་ཕྱི་སྐོར་ཤར་གྲི་ཟོར། ལྷོར་ཁྲམ་ཟོར། བྱང་ཚེ་ཟོར། ཤར་ལྷོར་མདའ་ཟོར། ལྷོ་ནུབ་རྭ་ཟོར། ནུབ་བྱང་རྡོ་ཟོར། བྱང་ཤར་དུག་ཟོར་བཅས་དེ་རྣམས་ཕལ་ཆེར་ཐུན་རྐང་ཟུར་གསུམ་ནང་བཙུགས་ལ་བཀོད། ཡང་མདུན་ངོས་ཐུན་རྐང་ཟུར་གསུམ་ནང་། ནམ་མཁའ་དང་རྒྱང་བུ་དར་ཚོན་བརྒྱན་པ་དང་། ཤིང་བྱང་ལ་གནམ་ལྕགས་ཐོ་བ་དང་། མཚོན་ཆའི་འཁོར་ལོ། གནམ་ལྕགས་སྡིག་པ་མགོ་དགུ་རྭ་བཅོ་བརྒྱད་པ་དང་། མེ་དཔུང་བྲིས་པ་རྣམས་སོ་སོར་བྱས་པ་དང་། མཚེ་ཡུངས་ཀར་ནག་རྩང་དམར་རྣམས་འཛུགས། ཡང་རུ་ཊའི་སྙིང་ཟོར་ཐུན་རྐང་ནང་བཅས་ལ་བཞག །ལྷ་དབྱེ་རྫས་བྱ་རོག་དང་། འུག་སྒྲོ་བྲུབ་ཁུང་དུ་གཏོར་རྒྱག་སྐབས་རྡེག་ས་
ཤོག་ལིང་གཅིག་དང་། དེ་སྟེང་ཉིན་ལྟར་བསྒྲལ་ལིང་རེ་བཅས་དང་། བསྒྲལ་ཕུར་དང་། ཐུན་རྫས། ཡུངས་ཀར། ཁྲག་ཐུན། མཚེ་ཐུན། དུག་ཐུན། མདའ་ཐུན། རྡོ་ཐུན། ཐོ་བ། རལ་གྲི་སོགས་ཕྱོགས་གཅིག་གང་བདེར་གཅིག་དང་། གཡབ་དར། གསེར་སྐྱེམས་བཟློག་པ་ཚར་རེ་སྤྲོ་ན་གཏོར་མ་ལྷ་གྲངས་ལྟར། དང་པོ་གཏོར་མ་བཅུ། དེ་ནས་བཅུ། དེ་ནས་བརྒྱད། ཡང་བརྒྱད་བཅས་འདོན་ཚིག་དང་བསྟུན་པའམ། མཐར་གཏོར་ཆེན་ནང་འབུལ་རྒྱུའི་དེར་མཁོ་ཁྱད་ཀྱི་གཏོར་ཆུང་གྲངས་མང་། དམ་རྫས་བཅས་དང་། མདུན་དུ་སྨན་གཏོར་རཀྟ། ཕྱི་མཆོད་ཕྲེང་ཚར་དང་དྲག་བཤོས་བཅས། ཚོགས་དང་བདུད་རྩི། དམ་རྫས། ཟས་སྣ་བཤམས། བཀའ་སྲུང་དམར་གཏོར་གཙོ་འཁོར་བཅུ་ཅན་ནམ། གཅིག་ཏུ་བསྡུ་ན་མཐེབ་ཀྱུས་བསྐོར་བ་ཅི་བདེ་ཆད་ཐ་ོདམར་གཏོར་རྩང་སོགས་བཙུགས་པ་ཆེ་ལེགས། བརྟན་མ་སུམ་ཚོམ་ཅན། སྔོན་འགྲོ་བགེགས་གཏོར་ཆངས་བུ་ཏིང་ལོ་ཤ་དུམ་བཅས། གཞན་ཡང་ཉེར་མཁོའི་རིགས་ཀྱི་སྤྱན་གཟིགས་མཆོད་རྫས་སོགས་འཇིགས་ལ་རྔམ་པ་བསྟར། སྒྲུབ་པོ་རྣམས་གྲལ་དུ་བདེ་བར་འཁོད། དང་པོ་ཚིག་བདུན་གསོལ་འདེབས་
དང་། བསམ་པ་ལྷུན་གྲུབ་མ། བརྒྱུད་འདེབས་མཐར་སྤྲོ་ན་རོལ་མོ་དང་པོ་བྱིན་འབེབས་དང་། གཅིག་བརྡུང་ནས། བཅུ་གཅིག་བར་འཛག་བཅས་མཐར་འབེབས་དང་། སུམ་བརྡུང་གིས་བླ་མར་འཇུག། རོལ་མོ་གོང་གསལ་བརྒྱ་བརྡུང་མ་བྱས་ཀྱང་འབེབས་དང་སུམ་བརྡུང་གིས་སྐྱབས་སེམས་ལ་འཇུག །སོ་སོར་ལན་གསུམ་རེ། རྡོ་རྗེ་རྒྱལ་པོ་བཅས་མཐར་འབེ བས་ཀྱིས་བཞག །བགེགས་གཏོར་བྲན། བྷྲཱྃ་ལས་བྱུང་བའི་སོགས། དེངས་ཤིག་ནས་རོལ་མོ་སུམ་བརྡུང་གིས། ཧཱུྃ་ང་ནི་ལས་ཀྱི་སོགས་མཐར་རོལ་ཆེན་གང་རུང་ཞིག་དང་། སྲུང་འཁོར་ཧཱུྃ་སྟེང་འོག་ཕྱོགས་མཚམས། རཀྵ་ཧཱུྃ་ནས་འབེབས་དང་སུམ་བརྡུང་གིས་མཆོད་པ་བྱིན་རླབས་སྨན་རག་གཏོར་གསུམ་སྔགས་ལན་གསུམ། པུ་ཛ་ༀ་ཨཱཿཧཱུྃ་ནས་མཆོད་རོལ་སུམ་འཕར་མཐར། འབེབས་ཆེན་གྱི་སུམ་བརྡུང་ལྟ་བུ་དང་བཅས། ཧཱུྃ། ཨོ་རྒྱན་ཡུལ་དང་མཐར་འབེབས་དང་སུམ་བརྡུང་གིས། ཧཱུྃ། ཆོས་ཀུན་སྟོང་ཉིད་སོགས་བདག་མདུན་གཅིག་ཆར་བསྐྱེད་ལ། སྤྱན་དྲངས་གྱུར་ནས་རོལ་མོ་འབེབས་ཆེན་དང་རོལ་ཚིག་གང་རུང་གིས། ཧྲཱིཿ ཡུལ་གྱི་མིང་ནི་སོགས་དང་མཐར་འབེབས་དང་གཉིས་བརྡུང་གིས་བཞུགས་གསོལ་
ཕྱག་འཚལ། མཆོད་པ་ཨཱོཾཿཧཱུྃ་ནས་མཆོད་རོལ་དང་སུམ་བརྡུང་ལེན་ནས། ནང་མཆོད་མཐར་ཁ་ཁ་ཁཱ་ཧི་ནས་མཚམས་རྒྱག་བྱེད་ན། བདུད་རྩི་ལག་མཆོད་བྱ་ཞིང་། ཆོས་སྐུ་སྣང་བ་སོགས་དང་། རཀྟ་མཆོད་རོལ་མཐར་ཁཱ་ཧི་ནས་འདི་ཕྱིན་ཚིག་རྔ་དགོས། མཆོད་ཚན་བཞི་མཐར་འབེ བས་དང་སུམ་བརྡུང་གིས་བསྟོད་ནས་མཐར་འབེབས་ཀྱིས་བཞག་ལ་ཚོགས་ཐེངས་བྱ། དེ་ནས་འབེབས་སམ་སུམ་བརྡུང་གིས་ཛབ་བསྐུལ་མཐར་འབེབས་ཀྱིས་བཞག །ཛབ་དམིགས་དང་ཞི་བསྙེན། ༡༠༠༠ དྲག་སྔགས་དམིགས་པ། དྲག་བསྙེན། ཡང་སྤེལ་ཚིག་ཅན། འཁོར་སྔགས་དང་ཧཱུྃ་བཅུ་མ། ཁྱུང་དང་མཁའ་འགྲོ་བཞི་བཅས་དང་། ཨརྩིག་ཤམ་བུར་སྡེ་བརྒྱད་སྔགས་དང་། དྲེགས་པ་གཟིར་སྔགས་སྦྲེལ་མ་བཅས། ༢༡ མཐར་དབྱངས་གསལ་བྱེད་ཡིག་བརྒྱ། ཡེ་ཤེས་ལྷ་ཚོགས་ནས་ཞི་རོལ་བྱ། བཀའ་སྲུང་དང་མདུན་སོགས་རྔ་མི་ལྟོས། གསལ་བར་གྱུར་ནས་རོལ་མོ་འབེབས་དང་སུམ་བརྡུང་གིས། ཧཱུྃ། དད་པ་དང་ནི་དམ་ཚིག་ནས་ཏིཥྛ་ལྷན་བར་མཚམས་རྒྱག་ཙམ་ཤབྡ་བར། མཚམས་རྒྱག་གིས་བཞག་ལ་སྔགས་བསྔོས་ལན་གསུམ། རྔ་ཚིག་བཅས། ཧཱུྃ་ལེགས་ལྡན་ནས་གྲོགས་མཛོད་ཅིག་བར། འབེབས་མཐར་བཞག །ཚོགས་པ་གུང་གསེང་། ཡར་འཚོགས་རོལ་མོ་འབེབས་དང་སུམ་བརྡུང་གིས་ཚོགས། ཧཱུྃ། ཆོས་སྐུ་རྣམ་དག་སོགས་ནས། ཧྲཱིཿཋ་འབེབས་དང་སུམ་བརྡུང་གིས། ཧཱུྃ་ནུབ་ཕྱོགས་
ཨོ་རྒྱན་ནས། པཱུ་ཛ་ཧོ་བར་འབེབས་དང་སུམ་བརྡུང་། ཚོགས་ཕུད་ཕུལ། བཤགས་པ་དང་སྐོང་བ་དང་བཅས། ཚོགས་བར་པ་ཕུལ། རོལ་མོ་འབེབས་དང་སུམ་བརྡུང་བྱ། བསྒྲལ་ལས་ཆས་རྣམས་སློབ་དཔོན་མདུན་དུ་བཞག་ལ། གསེར་སྐྱེམས་ཕུལ་ཞིང་། ཧོ་མི་མངོན་དབྱིངས་བཞུགས་སོགས་གཟུ་དཔང་མཐར་འབེབས་ཀྱིས་རོལ་མོ་བཞག །བྲུབ་ཁུང་ལིང་ག་ཆུས་བྲན། ཨེ་ལས་བྲུབ་ཁུང་སོགས་ནས། བདེན་སྟོབས་ཚར་གསུམ། རོལ་མོ་དྲག་འབེབས་རྗེས་མའི་མཐར་དགུ་བརྡུང་བཅས། ཧཱུྃ་དམ་ཚིག་ཆེན་པོ་ནས། མཛོད་བར་འབེབས་དང་སུམ་བརྡུང་གིས་ལྷ་དབྱེ་མཐར་འབེབས་དང་སུམ་བརྡུང་གིས་ལས་ཀྱི་གཉེར་གཏད། ས་མ་ཡ་ནས་འབེབས་དང་སུམ་བརྡུང་གིས། ཕུར་བུ་འདྲིལ་ཞིང་། ཧཱུྃ། ཆོས་ཀྱི་དབྱིངས་སོགས་དང་། མཐར་འབེབས་དང་སུམ་བརྡུང་གིས་རྣམ་ཤེས་སྤར། དེ་མཐར་འབེབས་དང་སུམ་བརྡུང་གིས་ཐུན་རྫས་ཀྱིས་བྲབ། ཧཱུྃ། རྡོ་རྗེ་ཕུར་པ་སོགས་བར་སྐབས་མཚམས་རྒྱག་ཙམ་རེ་བྱེད། མཐར་འབེབས་དང་སུམ་བརྡུང་གིས་ཞལ་བསྟབ་བཏོན་ལ་འབེབས་དང་སུམ་བརྡུང་ལྟ་བུས། ཟློག་པ། ཧཱུྃ། ཆོས་ཀྱི་དབྱིངས་ནས་སོགས་ཡོངས་རྫོགས་མཐར་འབེབས་ཀྱིས་བཞག །གྲངས་གསོག་ཚེ་འདི་ནས་འཛིན། བཟློག་པ་ཚིག་ལྷུག་ཚར་གསུམ་དང་། དམིགས་པ་གསལ་ཞིང་ཏིང་འཛིན་ལྡན་པས་
སྔགས་བཟློག་ཁོ་ནས་གྲངས་གསོག་པའང་བཞེད། དེ་ནས་ཏྲིག་ཁྲོཾ་དང་ལོཀྚི་སྔགས་བཟློག་ཚར་གསུམ་རེ། སྤྲོ་ན་མེ་དབལ་ཁྱུང་དང་རྩང་ཟློག་རྣམས། ཉང་ལུགས་དྲག་པོ་བདེར་འདུས་ནས་ཁ་སྐོང་བྱ། དེ་ནས་ཚོགས་ལས་རྡོར་གྱིས་གཟིགས་མཛེས་གྱེར། སློབ་དཔོན་འདུས་པ་བཅས་པས་ལན་མོ་ལ་རིན་ཐང་མ་གྱེར། བར་ཆད་ལམ་སེལ། ཞབས་བརྟན་སྐབས་གང་འོས། ལྷག་མ་བསྡུ། རོལ་མོ་འབེབས་དང་བཤུག་གླུ་བཅས་ཏེ་སྨན་གཏོར་ནས་དཀྱུ་གུ་གཅིག་ཕབ། སློབ་དཔོན་གྱིས་གཙང་ལྷག་བཅས། མང་ལྷག་སྟེང་བཞག་མཚམས་སུ་བསྲེ་བ་དང་འདོན་པ་དང་བསྟུན་ལ། ཧཱུྃ། དང་པོ་ཕུད་ཀྱིས་སོགས་མཐར་འབེབས་དང་སུམ་བརྡུང་དལ་རན་གྱིས་ཆད་ཐོ་དང་། ཐ་ཚིག་བསྒྲག་པ། ཧཱུྃ། འབྱམས་ཀླས་སོགས་དང་། གཏོར་གཞོང་ནམ་མཁར་སོགས་ནས་འཐོར། ཧཱུྃ། དབང་དྲག་པདྨའི་སོགས། འཆི་མེད་ཚེ་ནས་སིདྡྷི་ཧཱ་བར་ལན་གསུམ། དེ་ནས་ཞི་རོལ་སུམ་བརྡུང་གིས་མཆོད་བསྟོད་མཐར་འབེབས་ཀྱིས་བཞག །བཟོད་གསོལ་བསྔོ་བ། བཀྲ་ཤིས་མཐར་ཞི་རོལ་སུམ་འཕར་ལྡིར། ད་ནི་ཉིན་བསྟར་ཆགས་དང་། ཟོར་རྡེག་ཉིན་སྡེ་བརྒྱད་
ལས་གཏོར། གཏོར་ཆེན་མཐའ་སྐོར་ནས་ལེན་ནམ་མི་བདེ་ཚེ་གསར་དུ་དམར་གཏོར་བརྒྱད་དང་། དཀར་གཏོར་གཅིག་བཅས་ལ། ལྷག་མ་ཡན་སྔར་ལྟར་ལ། ཟོར་ལས་ནང་གི་སྒོ་དབྱེ་མཐར་རོལ་མོ་འུར་བརྡུང་བླངས་ནས་ཟོར་བསྐུལ། ཧཱུྃ་བྷྱོ། དོ་ནུབ་དཔལ་གྱི་སོགས་ནས། ཡཱ་བར་འུར་བརྡུང་དང་བཞི་བརྡུང་བཅས་གཟའ་རྒྱུ་ཕྱོགས་དང་བསྟུན་ནས། སྤོས་རུ་མཚོན་ཕྱར་དར་སོགས་དང་སེར་སྦྲེངས་ཀྱིས་སྣ་དྲངས་ཏེ་གཏོར་ཟོར་རྣམས་རིམ་པས་ཕྱིར་ཁྱེར་ལ། འཕེན་སར་སླེབས་ནས། དང་པོ། ཕྱོགས་བཅུར་བཞུགས་པའི་བླ་མ་སོགས་ཀྱིས་གསེར་སྐྱེམས་ཕུལ། རོལ་མོ་འབེབས་བརྒྱུད་གོང་འོག་མ། རྗེས་མར་སུམ་བརྡུང་གིས་བསྒྲལ་ལས་ནང་གི་ཧོ་མི་མངོན་དབྱིངས་བཞུགས་དང་སྐབས་མཚམས་གསེར་སྐྱེམས་ཕུལ་སྐབས་མཚམས་རྒྱག་ཙམ་དང་མཐར་འབེབས་གཉིས་བཏུད་ཀྱིས་བཞག །འདི་སྐབས་དཀར་གཏོར་ཕུལ། བསད་ལིང་ལ་བཀུག་གཞུག་ལན་གསུམ་དྲག་འབེབས་བཅས། རྗེས་མར་ཐིང་བརྡུང་གིས། ཧཱུྃ། དམ་ཚིག་ཆེན་པོའི་ནས། ཕྲིན་ལས་མཛོད་བར་འབེབས་སུམ་བརྡུང་གིས། ཆད་ཐོ་དང་། ཐ་ཚིག་བཞེངས་བསྐུལ་ནས། ཕྱོགས་ཀུན་ཟློག་པ་ནས་འབེབས་དང་
སུམ་བརྡུང་ལྟ་བུས་ཟོར་རྣམས་རིམ་པར་བཏེགས་ལ། ཀླུ་གནོད་སྦྱིན། རྒྱལ་པོ་བཙན། བདུད་མ་མོ། གཤིན་རྗེ། ལྷའི་བར་མས་ནས་ཡས་རིམ་བཏོན་ལ་མཚམས་རྒྱག་འུར་བརྡུང་རེའི་སྐབས་སྡེ་བརྒྱད་ལས་གཏོར་རེ་དང་ཟོར་རྡེག་མཐར། རྐང་ཟོར་མཚོན་ཆ་ནི་རྒྱང་སྡིག་པར་བརྡེག་ལ། །ཧཱུྃ། དྲག་པོ་ལས་ཀྱི་སོགས་དང་། འུར་བརྡུང་དང་སུམ་བརྡུང་བཅས། དཔལ་གྱི་གཏོར་ཆེན་ལ་དཔལ་འབར་སྒྲོན་ནས་བཏེགས་པ། ཧཱུྃ་བྷྱོ། འབྲུ་ནག་ཁྲག་གིས་སོགས། མཐུ་མ་ཆུང་ནས་འབེབས་དང་སུམ་བརྡུང་གིས། ལས་བྱང་ནང་། ཧཱུྃ་ང་ནི་པདྨ་དྲག་པོ་ནས། རྡུལ་དུ་ུརློག་བར་འབེབས་དང་། བསད་ལིང་དང་གཏོར་མ་མེར་བསྲེག །སུམ་བརྡུང་གིས་དམོད་བཅོལ་དྲག་ཏུ་བྱ། དར་ནག་བརྡབ། སུམ་བརྡུང་གིས་རུ་ཊའི་སྙིང་ཟོར་འཕེན་ལ་རོལ་ཆེན་གང་རུང་ལྡིར། ཞལ་སྒྲུབ་ཁང་དུ་ཕྱོགས་ལ། རོལ་མོ་ལེན་ནས། བརྟན་མ་སྐྱོང་མཐར་རོལ་མོ་འབེབས་ཀྱིས་བཞག་ལ་གཏོར་གཞོང་རྣམས་སྦུབ་ལ་སློབ་དཔོན་གྱིས་རྡོ་རྗེ་རྒྱ་གྲམ་སྟེང་དུ་བཞག་སྟེ། ན་མོ་རྗེ་བཙུན་སོགས་ཀྱིས་བཀུག་གཞུག་ལན་གསུམ། རོལ་མོ་དྲག་འབེབས་བཅས། ཧཱུྃ། འབྱམས་ཀླས་སོགས་བྲོ་བརྡུང། སླར་ཡང་བདེན་
སྟོབས་བརྗོད་མཐར་བདེན་པ་ཆེན་པོའི་མཐུ་དང་ནུས་པ་ལ་བརྟེན་ནས་རྣལ་འབྱོར་པ་བདག་ཅག་དཔོན་སློབ་ཡོན་མཆོད་ཐམས་ཅད་ཀྱི་སྐུ་ཚེ་མཛད་པ་ཕྲིན་ལས་གདུལ་བྱ་འགྲོ་དོན་ཐམས་ཅད་ཟླ་བ་ཡར་གྱི་ངོ་ལྟར་གོང་ནས་གོང་དུ་འཕེལ་ཞིང་རྒྱས་པའི་ཕྲིན་ལས་མཛོད། ལྷ་རྒྱལ་ལོ། །ལྷ་རྒྱལ་ལོ། །ལྷ་རྒྱལ་ལོ། །ལན་གསུམ་སྐད་གསང་མཐོ་བར་བརྗོད། དེ་ནས་སྒྲུབ་ཁང་ནང་ཕྱིན་ལ་ཕྱེ་མར་དྲངས། གཏང་རག་མཆོད་བསྟོད་སོགས་གོང་བཞིན་བྱ། ཕྱི་ཉིན་ལྟ་བུར་ཚོགས་བརྒྱ་གྲངས་བཏོན་ཚེ། ཚོགས་ཐ་མའི་སྐབས། བདེན་སྟོབས་ཚར་གཅིག་རོལ་མོ་དྲག་འབེབས་དང་བསྒྲལ་བསྟབ་བྱ། འབེབས་དང་སུམ་བརྡུང་གིས། ཚོགས་བྱིན་རླབས་ལ་འཇུག སྤྲོ་ན་སྐོང་བསྡུས་བཏོན་ཚེ། དུར་ཁྲོད་གསང་མཆོག་མཐར་འདོན། སླར་ཡང་ཀུན་བཟང་མཁའ་དབྱིངས་སོགས་དཀྱུས་ལྟར། ཚེས་བཅུ་སྐབས་ཀྱང་དེ་ལྟར་བྱ། གཞན་ལས་བྱང་ལྟར་སྒྲུབ་ཆེན་སྐབས་སྔགས་བརྒྱ་རྩ་ཙམ་དང་། དེ་ཚེ་བསྙེན་ཕུར་གཏོར་མ་ཚེ་རིལ་ཆང་བཅས་དབང་དང་དངོས་གྲུབ་རོལ། གཞན་མཆོད་བསྟོད། བཟོད་གསོལ་བསྔོ་བ་བཀྲ་ཤིས་མཐར་འཇམ་རོལ་སུམ་འཕར་ཅན་དང་དུང་དཀར་སོགས་ལྡིར་ལ་མཐའ་རྒྱས་སྤེལ་ལེགས་མཛད་པར་ཞུ། གསུང་རྒྱུན་ཇི་བཞིན། སི་ཏུ་པས་སྤེལ་བའོ། །མངྒ་ལམ། །