དྲག་པོ་ནུས་ལྡན་རྩལ་གྱི་གསུང་ལས་འབྲིང་པོ་བདག་མདུན་དཀྱིལ་འཁོར་བསྐྱེད་རྫོགས་བཤམས་བཀོད་ཁྱེར་བདེ།
དྲག་པོ་ནུས་ལྡན་རྩལ་གྱི་གསུང་ལས་འབྲིང་པོ་བདག་མདུན་དཀྱིལ་འཁོར་བསྐྱེད་རྫོགས་བཤམས་བཀོད་ཁྱེར་བདེ་ནི། ལྡིང་ཁྲིའི་ཁར་རས་བྲིས་བཀྲམས། དེ་སྟེང་མཉྫཱིའི་སྟེང་དཔལ་གཏོར་རྒྱན་ལྡན་རྩེར་གཙོ་བོ་ཡབ་ཡུམ་གྱི་ཙཀ་ལི་ལ་དར་གདུགས་སྔོན་པོ་ཕུབ། ཕྱོགས་བཞིར་ལས་བཞིའི་གཏོར་མ། མཚམས་བཞིར་ལྷ་བཤོས་བཞི། མདུན་དུ་སྨན་རག་
གཏོར་གསུམ་དང་། མཆོད་པ་བྲེང་ཚར་བཤམས། ཚོགས་དང་དམ་རྫས། བདུད་རྩི། ཟས་སྣ་ཚོགས། གནམ་ཕུད་སྨན་རཀ་གཏོར་གསུམ་བཅས་དང་། བཀའ་སྲུང་འབུལ་གཏོར་དྲུག །སྔོན་འགྲོ་གཏོར་མ་གཉིས། གསེར་སྐྱེམས་བཅས་བཤམས་ལ། དང་པོ་འདོན་བྱ། ཐིག་གདབ། ས་འདུལ། སྔོན་གཏོར་གཉིས་བཏང་། སྲུང་འཁོར། སྐྱབས་འགྲོ་ནས་བཟུང་བདག་བསྐྱེད་བསྙེན་པ། དེ་ནས་མདུན་བསྐྱེད་ཡོངས་རྫོགས་བསྙེན་པ་ཟིན་ནས། ཧཱུྃ་ཧྲཱིཿ ཡེ་ནས་རྣམ་དག་སོགས་མཆོད་པ་སྐོང་བཤགས། ཚར་གྲངས་བཏོན་ཚེ་གོང་གསལ་ལྟར། དེ་ནས་བཀའ་སྲུང་གཏོར་འབུལ་རྣམས་དང་། ཚོགས་མཆོད་དང་། ཚོགས་ལ་རོལ་མཐར་ལྷག་མ་བཀྲ་ཤིས། གྲོལ་ཉིན་ལྟ་བུར་དབང་བླངས། རྗེས་ཆོག་བླ་མ་རིག་འཛིན་སོགས་དང་། རྟེན་དང་གཏོར་མའི་ལྷ་ཚོགས་སོགས། ཡེ་ཤེས་གསང་བ་ལས་གསལ་བ་ལྟར་བྱའོ། །ལྷ་ཐོག་དཔོན་ཀརྨ་ཚེ་བརྟན་ལ་བསྒྲིགས་ཆགས་བསྡེབས་ནས་གནང་བའི་ངེས་པ་ཁུངས་ལྡན་ཡིན། ཡང་གཏེར་ཆེན་ཞལ་རྒྱུན། བླ་མ་རྟ་མགྲིན་མགོན་པོའི་ལུགས་ཀྱི་རྒྱུན་ཁྱེར་ལ་དང་པོ་སྐྱབས་འགྲོ་རྡོར་སེམས། མི་རྟག་པ་བསྒོམ་པ་དམ་བཅའ་བ། བདག་
བསྐྱེད་གསལ་བཏབ་ལ་བཟླས་པ་མཐར་རྗེས་རིམ་བླ་མ་རིག་འཛིན་སོགས་ནས། ལྟ་བུར་གྱུར་བར་གྱི་ཁྱེར་བདེའི་བཀའ་ངེས་ཅན་འཁྲུལ་མེད་དོ། །ཞེས་པ་འདི་ཡང་པདྨ་ཉིན་བྱེད་དབང་པོས་གསུང་རྒྱུན་དང་ལྗགས་བསྒྲིགས་གནང་བ་བཅས་སྤེལ་བ་སརྦ་མདྒ་ལཾ། །དེ་ལྟར་རྔ་རོལ་ཡོད་མེད་རྔ་ཚིགས་རྣམས་འདིར་གསལ། ཚོགས་ཐེངས ། བསྙེན་གྲངས་མང་ཉུང་གདངས་དབྱངས་རྣམས་སྐབས་བསྟུན་གྱིས། གང་འཚམས་དེར་དཔྱད་པ་ལས་ཅི་ཞིག །ཞི་རོལ། སྐབས་འདིར་སུམ་འཕར་ཅན་བཀྲོལ་བ་དང་། སྐབས་གདངས་རྣམས་ཀྱང་རྙིང་ལུགས་ཁོ་ན་དང་། ཚིག་རྔ་རྣམས་ཀྱི་སྐབས་སྔགས་རྣམས་རྫོགས་པར་བྱེད། གདངས་ཀྱི་མཐའ་ཡང་དེ་ལྟར་བྱེད་ན་འདོན་པ་ཆད་ལྷག་མི་ཡོང་བའི་གནད་ལ་དགའ་བ་འདྲ་བ་ལགས། །