གུ་རུ་རྡོ་རྗེ་གྲོ་ལོད་ཀྱི་ཟློག་མདོས་སྐབས་ཌཱ་དྲིལ་ཕྱག་རྒྱུན་ཟིན་ཐོ།
གུ་རུ་རྡོ་རྗེ་གྲོ་ལོད་ཀྱི་ཟློག་མདོས་སྐབས་ཌཱ་དྲིལ་ཕྱག་རྒྱུན་ཟིན་ཐོ་ཡོད། ཉིན་དང་པོ། དཀར་གཏོར་ཧཱུྃ་སྟེང་གི་ལྷ་སོགས་ཤླ་ཽཀ་རེའི་མཚམས་དྲིལ་གསིལ། ཨ་ལ་ལ་དྲིལ་གསིལ་དང་བཅས་སིལ་སྙན་འུར་བརྡུང་སྐབས་ཌཱ་དྲིལ། རྐང་དུང་མེད། བགེགས་གཏོར་ན་མོ་དཀོན་མཆོག་ལ་འགུགས་པའི་རྒྱ་དང་དྲིལ་གསིལ་བཅས་ལན་གསུམ། ཉོན་ཅིག་སོགས་གོང་ལྟར་དྲིལ་གསིལ། སརྦ་བི་གྷནྣ་དྲིལ་གསིལ་རོལ་མོ་འུར་བརྡུང་བར་བཀྲོལ། རྐང་དུང་རོལ་མོ་འུར་བརྡུང་སྔོན་མ་དང་རྗེས་མ་ལ་འབུད། མཁའ་ལྟར་དག་གྱུར་ཅིག་མཐར་ཌཱ་དྲིལ། བྱིན་འབེབས་སྐྱེ་མེད་ཆོས་དབྱིངས་བཞི་མཚམས་དྲིལ་གསིལ། སིདྡྷི་ཛཿཧཱུྃ་མཐར་ཌཱ་དྲིལ། སྔོན་བསྐལ་མའི་འགོར་ཌཱ་དྲིལ། སྔོན་བསྐལ་ཚར་གསུམ་དང་། གནས་མཆོག་འདི་རུ་སོགས།
ཆོས་དབྱིངས་བདེ་ཆེན་སོགས་ལའང་བཞི་མཚམས་དྲིལ་གསིལ། སྔགས་ལ་དྲིལ་གསིལ་དང་མཐར་རོལ་མོ་ཌཱ་དྲིལ། གྲོ་ལོད་སྤྱན་འདྲེན་སྔགས་དྲིལ་གསིལ་དང་རོལ་མོ་ཌཱ་དྲིལ། སྔགས་ལ་དྲིལ་བསིལ་དང་རོལ་མོ་ཌཱ་དྲིལ། གོང་འོག་ཐམས་ཅད་ཀྱི་བསྙེན་པ་རྣམས་ཀྱི་འགོར་རོལ་མོ་འུར་བརྡུང་སྐབས་རྐང་དུང་མི་དགོས་པར་ཁྱད་པར་ཡིན། མཁའ་འགྲོའི་སྤྱན་འདྲེན་སྔོན་མར་སྔགས་དྲིལ་གསིལ་དང་རོལ་མོ་ཌཱ་དྲིལ། སྤྱན་འདྲེན་གཉིས་པ་ཡང་དེ་མཚུངས། སྤྱན་འདྲེན་གསུམ་པར་ཡང་དེ་བཞིན། ཚོགས་ཀྱི་ནང་བླ་མ་ཡི་དམ་ནས་དཔོན་སློབ་དང་ལས་རྡོར་གཉིས་ཀས་རྡོར་དྲིལ་དང་འགུགས་པའི་རྒྱ་དྲིལ་གསིལ་འུར་བརྡུང་གསུམ་ཀ་དགོས། ད་ནི་སྣང་སྲིད་བཞི་མཚམས་དྲིལ་གསིལ་སྟངས་སྟབས་དང་བཅས། གདངས་འཐེན་སྐབས་ཀུན་བཟང་ཀློང་ཟེར་བའི་རོལ་མོ་ལྟེ་སྐོར་སྐབས། རྔ་གདངས་དང་བསྟུན་པའི་ཐིང་བརྡུང་དགོས། མཐར་སྔགས་དྲིལ་གསིལ་བཅས། ཞལ་བསྟབ་རྣམས་ལའང་བཞི་མཚམས་དྲིལ་གསིལ། མཐར་རོལ་མོ་དང་དྲིལ་གསིལ། ལས་མགོན་སྤྱན་འདྲེན་སྔགས་ལ་དྲིལ་གསིལ་དང་གཡབ་དར་གཡུགས། རོལ་མོ་དང་བསྟུན་ཌཱ་དྲིལ། བསྐུལ་ལོ་འབོད་
ཀྱི་མཐར་མ་ཧཱ་ཀཱ་ལ་སོགས་ཌཱ་དྲིལ། ཛམ་སེར་ཕྱིན་རྐང་དུང་མི་དགོས། ཤབྡ་ལ་དྲིལ་གསིལ། ཚེ་འགུགས་དང་། བཀྲ་ཤིས་ལ་ཤླཽ་ཀ་རེའི་མཚམས་དྲིལ་གསིལ། དབྱངས་གསལ་ཡིག་བརྒྱ་ལ་དྲིལ་གསིལ། ཡེ་ཤེས་ལྷ་ཚོགས་མཐར་ཌཱ་དྲིལ། མ་མགོན་གཏོར་བསྔོས་ལ། རོལ་མོ་རྡུལ་སྤྲུགས་གསུམ་ལ་དྲིལ་གསིལ། དེ་ནས་རོལ་ཆེན་ཌཱ་དྲིལ། ཨ་ལས་ཐོད་པ་ཧཱུྃ་ཡིག་འདོན་ན་ཌཱ་དྲིལ། བདེར་གཤེགས་འདུས་པ་སོགས་དང་ཁོར་ཡུག་བཅས་པའི་མཐར་དྲིལ་གསིལ་གཉིས། ཤབྡ་ལ་དྲིལ་གསིལ། ཞིང་སྐྱོང་ཆེན་པོ་བཞི་མཚམས་དྲིལ་གསིལ། གསོལ་ཀ་ནང་རྔ་འུར་དང་། མཚམས་རྒྱག་རྣམས་དང་བསྟུན་པའི་ཌཱ་དྲིལ། སྐོང་བར་ཌཱ་དྲིལ། བཀུག་གཞུག་དྲིལ་གསིལ་དང་རྦད་སྔགས་ཞབས་དྲིལ་གསིལ་བཅས། ཉིན་བཞིན་འདོན་ལུགས་ལའང་སྔ་མ་དང་འདྲ་ཞིང་། ཀུན་བཟང་ནང་། སྔགས་ལ་དྲིལ་གསིལ་དང་རོལ་མོ་ཌཱ་དྲིལ། འཁོར་འདས་ཡེ་སྟོང་མཐར་སྔགས་དྲིལ་གསིལ་དང་རོལ་མོ་ཌཱ་དྲིལ། རྩ་གསུམ་གཞན་རྣམས་ཀྱང་སྔ་མ་དང་མཚུངས། ཟློག་པའི་འགོར་རྐང་དུང་བཞི་འབུད། དེ་ནས་རོལ་ཆེན་བཅས། ཟླ་གམ་དམར་ནག་མཐའི་སྔགས་ལ་དྲིལ་གསིལ་དང་རོལ་མོ་ཌཱ་དྲིལ། གསོལ་ལོ་མཆོད་དོ་སྣང་
སྲིད་ལྷ་འདྲེའི་མཐར་རོལ་མོ་དང་དྲིལ་གསིལ་རྐྱང་པ། འགུག་གཞུག་གསུམ་ལ་དྲིལ་གསིལ། ཕུར་བསྐྱེད་སྔགས་ལ་དྲིལ་གསིལ། རྡོར་དྲིལ་འཛིན་བཞིན་ལྷ་དབྱེའི་མཐར་དྲིལ་གསིལ། འོ་དམ་ཉམས་རུ་ཏྲ་སོགས་ཕུར་གདབ་བཞི་མཚམས་དྲིལ་གསིལ། ལིངྒ་བསྒྲལ། གནས་སྤར་ཕཊ་རྣམས་ལ་དྲིལ་གསིལ། ཞལ་བསྟབ་ལའང་བཞི་མཚམས་དྲིལ་གསིལ། མཐར་རོལ་མོ་དང་དྲིལ་གསིལ། ཚར་གྲངས་གསོག་དུས་རོལ་མོ་རྐང་དུང་མཉམ་པ་ལས་ཟུར་དུ་མི་དགོས། ལས་མགོན་གཏོར་རྦད་ཚར་རྗེས་མའི་རོལ་ཆེན་འུར་བརྡུང་སྔོན་མ་དང་རྗེས་མ་ལ་རྐང་དུང་འབུད་ལུགས་དེ་ལྟར་དགོས། གཏོར་རྒྱག་ཉིན། གསེར་སྐྱེམས་རོལ་མོ་འབེབས་གཉིས་མར་དྲིལ་གསིལ་དེ་མཚུངས། སྐོང་བའི་ཐ་ཚིག་རྣམས་ལ་བཞི་མཚམས་དྲིལ་གསིལ་དང་། རོལ་མོ་འུར་རྡུང་ལ་དྲིལ་གསིལ། ཞལ་ཆེམས་ལས་འགྱེད་མཐར་རོལ་མོ་དྲིལ་གསིལ། བསྐུལ་ལོ་རྦད་མཐར་རོལ་མོ་དྲིལ་གསིལ། སེར་སྦྲེངས་བྱས་ན་གཡབ་དར་གཡབ། དྲིལ་གསིལ་དང་ཡི་དམ་མགོན་པོའི་སྔགས་རྣམས་འདོན་བཞིན་འགྲོ། དེ་ནས་དགུག་གཞུག་དང་གསེར་སྐྱེམས་ཟོར་འཕེན་རྣམས་རོལ་མོ་དང་བསྟུན་པའི་དྲིལ་གསིལ་བྱ། གཏོར་བྲོ་དང་། རྒྱལ་དབྱངས་རོལ་མོ་
དང་བསྟུན་དྲིལ་གསིལ་གང་འོས། དངོས་གྲུབ་ལེན་དབང་བླ་མ་རིག་འཛིན་ཐོག་མཐར་རོལ་མོ་ཌཱ་དྲིལ། བར་མཚམས་སྔགས་རྣམས་ལའང་དྲིལ་གསིལ་བཅས། མེ་ཧོམ་སྐབས་རང་རིག་རྡོ་རྗེ་གྲོ་ལོད་མཐར། རོལ་མོ་ཌཱ་དྲིལ། སྤྱན་འདྲེན་སྔགས་དྲིལ་གསིལ་དང་རོལ་མོ་ཌཱ་དྲིལ། བཀུག་གཞུག་དང་ཞལ་ཕྱེའི་མཐར་ཡང་རོལ་མོ་དྲིལ་གསིལ། ལས་མགོན་སྤྱན་འདྲེན་སྔ་རྗེས་གཉིས་ལ་ཌཱ་དྲིལ། ཞལ་ཕྱེའི་མཐའ་ཡང་དྲིལ་གསིལ། ཡས་ཟོར་སྐབས་མདོས་བསྐྱེད་སྣང་སྲིད་འཁོར་འདས་མཐའི་སྔགས་རྣམས་དྲིལ་གསིལ་དང་། རོལ་མོ་ཌཱ་དྲིལ་བཀུག་བཞུག་རྣམས་དང་ཞལ་བསྟབ་རྣམས་ལ་དྲིལ་གསིལ་རེ། མ་ཧཱ་ཀཱ་ལའི་སྤྱན་འདྲེན་སྔགས་ཀྱི་སྐབས་དྲིལ་གསིལ་དང་། གཡབ་དར་གཡབ་རྒྱུ་སྔགས་བརྒྱ་རྩ་འདོན་རིང་ལ་དགོས། དེ་ཕྱིན་མི་དགོས། ཐལ་བརྡེབ་གང་དགོས་ཐམས་ཅད་ལ་བྱའོ། །གྲོལ་ཉིན་མདོས་སྒོ་དབྱེའི་མཐར་དྲིལ་གསིལ། གཞན་རྣམས་ཐམས་ཅད་ཟློག་པའི་སྐབས་དང་འདྲའོ། །ཞེས་སྔོན་གྱི་ཕྱག་ལེན་མཐོང་བ་བརྒྱུད་པ་ལས་བྱུང་བའི་དེ་ཚུལ་མ་ནོར་བར་རྩ་གསུམ་དགྱེས་པའི་རོལ་མོར་འགྱུར་བས། ཀུན་ནས་ངེས་པར་ཞུ། སརྦ་མངྒ་ལཾ། །