གསུམ་པ། ཧཱུྃ། པོད་ལ།
གསུམ་པ། ཧཱུྃ། པོད་ལ། བསྟན་པའི་བཀའ་སྲུང་ཨ་ཕྱི་ཆེན་མོའི་མཆོད་ཕྲེང་བཀྲ་ཤིས་ཆར་འབེབས་ལ་ལྡེབ། ༢༣ བསང་མཆོད་ཀྱི་རིམ་པ་རྣམས་ཕྱོགས་གཅིག་ཏུ་བསྡེབས་པ་ཕན་བདེ་བདུད་རྩིའི་གཏེར་མཛོད་ལ་ལྡེབ། ༨༥ ཟིན་བྲིས་ཀྱི་རིམ་པ་སྣ་ཚོགས་པའི་སྐོར་རྣམས་ཕྱོགས་གཅིག་ཏུ་བསྡེབས་པ་ཡོན་ཏན་བདུད་རྩིའི་གཏེར་མཛོད་ལ་ལྡེབ། ༡༣༡ ཡན་ལག་བརྒྱད་
པའི་གསོ་སྦྱོང་སྨྱུང་གནས་སྒྲུབ་ཐབས་དང་འབྲེལ་བའི་ཕན་ཡོན་མདོར་བསྡུས་སྐལ་ལྡན་ངལ་གསོ་ལ་ལྡེབ། ༥༡ སྤྲིངས་ཡིག་གི་རིམ་པ་རྣམས་ཕྱོགས་གཅིག་ཏུ་བསྡེབས་པ་རྡོ་རྗེ་བདུད་རྩིའི་གཏེར་མཛོད་ལ་ལྡེབ། ༨ བཅའ་ཡིག་ལེ་ཚན་གསུམ་ལ་ལྡེབ། ༡༥ འབུལ་ཐོ་སྐོར་ལྡེབ། ༢༡ ཕྲིན་ཡིག་སྐོར་ལྡེབ། ༦ རྟེན་བཞག་སྐོར་ལྡེབ། ༡༡ སྤྲུལ་སྐུ་མྱུར་འབྱོན་གྱི་རིམ་པ་རྣམས་ཕྱོགས་གཅིག་ཏུ་བསྡེབས་པ་མཆོག་སྣང་བདུད་རྩིའི་གཏེར་མཛོད་ལ་ལྡེབ། ༡༧ ཞབས་བརྟན་གྱི་རིམ་པ་རྣམས་ཕྱོགས་གཅིག་ཏུ་བསྡེབས་པ་ཚེ་མཆོག་བདུད་རྩིའི་གཏེར་མཛོད་ལ་ལྡེབ། ༢༡ ཆོས་སྦྱིན་ཕྱི་མོའི་འཕྲུལ་དུ་བསྒྲུབས་པའི་བཀའ་འབུམ་གྱི་དཀར་ཆག་ཡིད་འཕྲོག་བདུད་རྩིའི་གཏེར་མཛོད་ལ་ལྡེབ། ༢༤ བཅས་བཞུགས། སྨྲས་པ། མཁའ་ཁྱབ་གདུལ་བྱའི་ཡུལ་རྣམས་དོན་གཉིས་ལ། །ལོངས་སུ་སྤྱོད་པའི་ཉེར་ལེན་བྱིན་རླབས་དང་། །དངོས་གྲུབ་ཕྲིན་ལས་ཀུན་གྱི་འབྱུང་གནས་ཕུལ། །རྩ་གསུམ་རྒྱལ་བ་རྒྱ་མཚོས་དེང་འདིར་སྐྱོངས། །གང་ཞིག་འདྲེན་པ་མཆོག་རྣམས་གཞན་དོན་སླད། །ཆོས་ཀྱི་འཁོར་ལོ་བསྐོར་ལ་དུས་ནམ་ཡང་། །འདའ་བ་མེད་པས་འགྲོ་ལ་རྣམ་གྲོལ་གྱི། །སྒོ་ཆེན་མཁའ་དང་མཉམ་པར་རྟག་ཏུ་ཕྱེས། །འདི་ན་རྒྱལ་
ཀུན་ཡེ་ཤེས་གཅིག་འདུས་པ། །བཀའ་བརྒྱུད་བླ་མའི་ཚོགས་རྣམས་གསང་གསུམ་གྱི། །རྣམ་ཐར་མཛད་སྒོ་ལྔ་ལྡན་ཞིང་ཁམས་ཀྱི། །མཚན་ཉིད་ཡོངས་སུ་རྫོགས་ལས་གཞན་དུ་མིན། །ལྷག་པར་མདོ་སྔགས་ཆོས་ཀྱི་རང་གཟུགས་དངོས། །བྱམས་པ་མགོན་དང་པདྨཱ་ཀཱ་ར་སྟེ། །ཟུང་འཇུག་རྣམ་འཕྲུལ་པདྨའི་མཚན་ཅན་མཆོག །སྟོན་པ་ཀུན་ཏུ་བཟང་དང་རྣམ་དབྱེ་ཅི། །གང་ཉིད་གཅིག་ཤེས་ཀུན་གྲོལ་རྒྱལ་ས་ལ། །ལྷུན་གྲུབ་རྡོ་རྗེའི་སྐྱིལ་མོ་ཀྲུང་བཅས་ནས། །ཐམས་ཅད་མཁྱེན་པར་བཞུགས་བཞིན་སྐུ་གསུམ་གྱི། །ཁ་ལོ་སྒྱུར་བའི་ཆོ་འཕྲུལ་ཅི་ཡང་ངོམ། །རང་བྱུང་ཡེ་ཤེས་ཀློང་ནས་རྩོལ་མེད་དུ། །དགོངས་པའི་རྩལ་ཕྱུངས་རིམ་གཉིས་ཟབ་དོན་གྱི། །སྙིང་པོ་གསེར་གྱི་ཞུན་མ་བརྒྱ་ཕྲག་དག །སྤྲོས་འདི་ཁྱད་ཆོས་འབུམ་དང་ལྡན་པས་འཕགས། །ཐེག་པ་སྣ་ཚོགས་དཀོན་མཆོག་ཀུན་འདུས་བཞིན། །ཁྱད་པར་གསང་ཆེན་ཐབས་གྲོལ་མན་ངག་བཅས། །མཚན་ཉིད་ལྡན་པའི་སྙིང་ཐིག་བྱིན་རླབས་ཀྱི། །ངད་དང་ལྡན་ལ་འདི་འདྲ་སྲིད་ན་དཀོན། །མཆོག་དམན་བར་མ་ཀུན་གྱི་སྤྱོད་ཡུལ་དུ། །ཉེར་འབབས་ཀུན་ལ་ཟུག་རྔུ་བཅིལ་བའི་སྨན། །སྙིང་གའི་རྫིང་བུར་གལ་ཏེ་བསྐྱིལ་ཙམ་ན། །བདུད་རྩིའི་ཆུ་དང་མཚུངས་མིན་ད་གདོད་ཤེས། །སོ་སོར་རྟོག་པས་ལེགས་
ཕྱེས་ཚིག་དང་དོན། །རིགས་འདུས་ཆོས་ཀྱི་ཕོ་བྲང་ཕྱོགས་གཅིག་ཅེས། །དགོངས་བརྡ་སྙན་བརྒྱུད་རྣམས་ཀྱང་གཟེངས་མཐོ་ནས། །དལ་གྱིས་རྩེ་དགས་འཁྱུད་ལ་བྲེལ་བ་བཞིན། །རྡོ་རྗེ་འཆང་ནས་རིམ་བརྒྱུད་མན་ངག་སྒོར། །ཐབས་དང་སྤྲོས་པ་འཕྱུགས་མེད་བསྟན་པའི་རྒྱུན། །སྲིད་མཐར་བཟུང་སླད་ལེགས་བཤད་ཆ་རེ་ཡང་། །རྒྱལ་བསྟན་གཡང་དུ་ཆགས་པའི་རྒྱུ་རུ་མཛེས། །རང་གཞན་བདེ་ལེགས་ལག་ཏུ་བསྟར་འདོད་པ། །ཀུན་ལ་ཆུ་བཞིན་བྲིམ་པའི་ཆོས་བཀའ་སྟེ། །དེ་ཕྱིར་ཁྱབ་བདལ་འཕེལ་བའི་རི་མོ་དག །འབྲི་བ་འདི་འདྲར་ཕན་ཡོན་བརྗོད་མི་ཤེས། །འདི་བྲིས་ལྷག་བསམ་རྣམ་པར་དཀར་བའི་མཐུས། །ལེགས་བྱས་ཉིད་དུ་རློམ་ན་དགེ་བའི་ཚོགས། །ཅི་མཆིས་མཁའ་ཁྱབ་སྐྱེ་རྒུ་མུ་མེད་རྣམས། །བྱང་ཆུབ་ལམ་ལ་འགོད་པའི་རྒྱུ་རུ་བསྔོ། །ལུང་རྟོགས་བསྟན་པ་བཤད་སྒྲུབ་ཟུང་འབྲེལ་སྒོར། །དར་ཞིང་རྒྱས་ལ་བསྟན་འཛིན་སྐྱེས་བུ་རྣམས། །བསྐལ་བརྒྱར་ཞབས་བརྟན་སྣོད་བཅུད་རྫོགས་ལྡན་གྱི། །དཔལ་དང་ལྡན་པའི་དགེ་མཚན་ལྷུན་འགྲུབ་ཤོག །ཅེས་བྱམས་མགོན་ཆོས་ཀྱི་རྒྱལ་པོ་པདྨའི་ལྗགས་ལྡན་དང་པོ་གང་གི་གསུང་རབ་རྣམས་ཆོས་སྦྱིན་ཕྱི་མོའི་འཕྲུལ་དུ་བསྒྲུབས་པ་ལས་བརྩམས་པའི་དཀར་ཆག་དང་འབྲེལ་བའི་འགྲོས་གཏམ་ཉུང་ངུ་འདི་ཡང་འཇམ་དབྱངས་ཆོས་ཀྱི་རྒྱལ་མཚན་ནས་སུག་བྲིས་སུ་བགྱིས་པ་དགེའོ། །