རྒྱ་སྐོར་ངག་དབང་ལ་གདམས་པ།

༄། །རྒྱ་སྐོར་ངག་དབང་ལ་གདམས་པ། །རང་བཞིན་དང་ནི་དྲི་མེད་པས། །རྣམ་པར་བྱང་བའི་ཆོས་གང་གི །ལམ་དང་དེ་ཡི་དམིགས་པ་ནི། །རྒྱལ་བསྟན་རིན་ཆེན་འདི་ཡིན་ནོ། །དེ་ལ་ཐེག་པ་ཆེ་ཆུང་གི །རྣམ་པར་བཞག་ལས་ཉན་ཐོས་ཀྱི། །དབང་བྱས་པ་ནི་བདེན་བཞི་རུ། །དྲིལ་ནས་ངེས་འབྱུང་བསྐྱེད་པར་མཛོད། །ཐེག་པ་ཆེན་པོར་བདེན་གཉིས་ཀྱི། །རྣམ་བཞག་ཐ་སྙད་བདེན་པ་ཉིད། །གཙོ་བོར་སྟོན་པ་རྣམ་རིག་པའི། །གཞུང་དུ་ཤེས་བྱའི་གནས་བཅུར་བསྡུས། །དོན་དམ་བདེན་པ་སྤྲོས་བྲལ་གྱི། །དབང་དུ་བྱས་ནས་དབུ་མའི་ལམ། །ཟབ་མོ་མཆོག་ཏུ་རྟོགས་དཀའ་བ། །འདིར་བསྟན་པས་ན་དེར་བརྩོན་མཛོད། །ཅེས་རྒྱ་སྐོར་ངག་དབང་ལའོ། །