རིག་འཛིན་རྒྱ་མཚོ་ལ་གདམས་པ།
༄། །རིག་འཛིན་རྒྱ་མཚོ་ལ་གདམས་པ། །ཐམས་ཅད་མཁྱེན་པ་ལ་ཕྱག་འཚལ་ལོ། །གདོད་ནས་རང་བཞིན་གྱིས་སྟོང་པའི། །དངོས་པོ་ལྷན་ཅིག་སྐྱེས་པ་རུ། །བསྟེན་ནས་གདགས་ཏེ་སྟོན་མཛད་པའི། །བླ་མ་མཆོག་དང་ལྷག་པའི་ལྷ། །རྣམ་དབྱེར་མེད་པའི་རྡོ་རྗེ་སེམས། །གང་དེ་གཉུག་མའི་གནས་ལུགས་སུ། །ངེས་པ་རྙེད་པའི་ལྟ་བ་དང་། །སྒོམ་པས་རང་དབང་ཉིད་དུ་གྱིས། །འདི་ལ་འཁོར་འདས་གཉིས་མེད་ཕྱིར། །གཞི་འབྲས་ཐ་དད་ཡོད་མ་ཡིན། །གང་ཞིག་གཞིར་འགྱུར་དེ་དག་ཉིད། །འབྲས་བུར་མངོན་དུ་བྱེད་མཛོད་ཅིག །དོན་འདི་བདེ་བླག་མ་བྱས་དེ་སྲིད་དུ། །འཆི་བའི་རང་བཞིན་ཉིད་ལ་བསམ་བྱས་ཏེ། །ཉིན་དང་མཚན་དུ་གཡེལ་མེད་བརྩོན་པ་ཡིས། །ལམ་བཟང་སྒྲུབ་པའི་འདུན་མ་བསྐྱེད་འཚལ་ལོ། །དེ་སྐད་རྒྱལ་བའི་སྲས་པོ་ཡི། །ལམ་ལ་འཇུག་པའི་རྣམ་གཞག་པ། །འདིར་ནི་མདོ་ཙམ་བརྗོད་པ་ཡིན། །རྒྱ་ཆེར་གཞུང་ལས་རྟོག་མཛོད་ཅིག །ཅེས་པའང་བཙུན་པ་རིག་འཛིན་རྒྱ་མཚོའི་བཞེད་པ་སྐོང་ཕྱིར་བན་ཆུང་གཞན་ཕན་པས་སྨྲས་པའོ།། །།