གསོལ་འདེབས་ཚིགས་བཅད་ཞལ་གསུངས་མ།

༄། །གསོལ་འདེབས་ཚིགས་བཅད་ཞལ་གསུངས་མ་བཞུགས། །རྒྱལ་སྲས་ཀུན་གྱི་བགྲོད་པ་གཅིག་པུའི་ལམ། །གཞན་ཕན་བྱང་ཆུབ་སེམས་སུ་ངེས་པའི་ཚུལ། །ཇི་བཞིན་རྟོགས་ནས་མཐའ་ཡས་འགྲོ་བ་ལ། །སྟོན་མཛད་དྲིན་ཅན་བླ་མར་གསོལ་བ་འདེབས། །མགོན་ཁྱོད་འོག་མིན་ཞིང་དུ་བཅོམ་ལྡན་འདས། །རྣམ་སྣང་ཆེན་པོའི་ངོ་བོར་བཞུགས་པ་དང་། །བདག་སོགས་འགྲོ་ཀུན་དབྱེར་མེད་མ་གྱུར་པ། །དེ་སྲིད་སྨིན་གྲོལ་ལམ་གྱིས་རྗེས་བཟུང་ཤོག། ཅེས་པའང་དད་ལྡན་ནོར་སྒྲོན་གྱིས་བསྐུལ་ངོར་བཙུན་པ་གཞན་ཕན་པས་ཤར་མར་སྤེལ་བ་དགེ། །།