རྒྱལ་སྲས་བཟང་པོའི་ཞབས་བརྟན།

༄། །རྒྱལ་སྲས་བཟང་པོའི་ཞབས་བརྟན་བཞུགས། ཀུན་བཟང་ཆོས་སྐུའི་རྣམ་རོལ་གདུལ་བྱའི་ངོར། །དཔག་ཡས་ཞིང་གི་སྟོན་པར་སྣང་བ་ལས། །སླར་ཡང་སྣ་ཚོགས་སྤྲུལ་པའི་གར་མཛད་པ། །རྒྱལ་སྲས་བཟང་པོའི་ཞབས་ལ་གསོལ་བ་འདེབས། །མགོན་ཁྱོད་བསྐལ་མང་གོང་ནས་གཞན་ཕན་གྱིས། །ཐུགས་བསྐྱེད་ཕ་མཐའ་ཡས་པ་ལྷུར་བཞེས་ནས། །བདག་སོགས་འགྲོ་ལ་སྨིན་གྲོལ་ལམ་སྟོན་ཅིང་། །བསྐལ་བ་རྒྱ་མཚོར་ཞབས་པད་བརྟན་བཞུགས་གསོལ། །ཅེས་པའི་སྨོན་ཚིག་འདི་ཡང་ལྷོ་བྲག་གསུང་སྤྲུལ་རིན་པོ་ཆེ་ངག་དབང་ཆོས་ཀྱི་བློ་གྲོས་ཀྱི་ཞལ་སྔ་ནས། ལྷ་རྫས་དང་བཅས་བཀའ་སྩལ་གཙུག་ཏུ་ཕེབས་པའི་བཞེད་པ་བསྐོང་ཕྱིར་རྨོངས་རྟུལ་མདོ་ཁམས་པ་རང་ཉིད་ཀྱིས་སྤེལ་བ་མངྒ་ལམ།། །།